အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခြောက် ဘုရားသခင်အား သင်၏ယုံကြည်မှုတွင် သင်ပိုင်ဆိုင်ထားသင့်သည့် ပိုင်းခြားသိမြင်ခြင်း၏ ပုံသဏ္ဌာန်အချို့

၅။ ဘုရားသခင်နောက်သို့လိုက်ခြင်းနှင့် လူတို့၏နောက်သို့လိုက်ခြင်းအကြား ကွာခြားမှု

ဆက်စပ်သော ဘုရားသခင်၏ နှုတ်ကပတ်တော်များ-

ဘုရားသခင်နောက်လိုက်ရာတွင် အဓိကအရေးကြီးသောအရာမှာ အရာခပ်သိမ်းသည် ယနေ့ဘုရားသခင်၏ နှုတ်ကပတ်တော်နှင့်အညီ ဖြစ်သင့်ခြင်းပင် ဖြစ်သည်၊ အသက်ထဲသို့ ဝင်ရောက်ခြင်းကို သင်ရှာမှီးနေသည်ဖြစ်စေ၊ သို့မဟုတ် ဘုရားသခင်၏ အလိုတော်ကို ပြည့်စုံစေခြင်းကို ရှာမှီးနေသည်ဖြစ်စေ၊ အရာခပ်သိမ်းသည် ယနေ့ ဘုရားသခင်၏ နှုတ်ကပတ်တော်များအပေါ် ဗဟိုပြုထားခြင်း ဖြစ်သင့်သည်။ အကယ်၍ သင်မိတ်သဟာယဖွဲ့သောအရာနှင့် လုပ်ဆောင်သော အရာတို့မှာ ယနေ့ ဘုရားသခင်၏ နှုတ်ကပတ်တော်များအပေါ် ဗဟိုမပြုပါက သင်သည် ဘုရားသခင်၏ နှုတ်ကပတ်တော်များနှင့် စိမ်းကားနေသော သူတစ်ဦးဖြစ်ပြီး၊ သင်၌ သန့်ရှင်းသော ဝိညာဉ်တော်၏အလုပ် လုံးဝကင်းမဲ့နေမည်။ ဘုရားသခင်အလိုရှိသောအရာမှာ သူ၏ခြေလှမ်းများနောက်ကို လိုက်လျှောက်ကြသောသူများဖြစ်သည်။ သင်ယခင်က နားလည်ခဲ့သောအရာများသည် မည်သို့ပင် အံ့သြဖွယ်ကောင်းပြီး ဖြူစင်သည်ဖြစ်စေ ဘုရားသခင်က ၎င်းကို အလိုမရှိပါ၊ ထို့အပြင် အကယ်၍ သင်သည် ထိုသို့သောအရာများကို ဘေးသို့ မဖယ်ထားနိုင်ပါက ၎င်းတို့သည် အနာဂတ်၌ သင်၏ဝင်ရောက်မှုအတွက် ကြီးမားသော အဟန့်အတားတစ်ခု ဖြစ်လိမ့်မည်။ သန့်ရှင်းသော ဝိညာဉ်တော်၏ လက်ရှိ အလင်းနောက်သို့ လိုက်လျှောက်နိုင်စွမ်းရှိသူ အားလုံးသည် ကောင်းချီးမင်္ဂလာကို ခံစားရသောသူများဖြစ်သည်။ အတိတ်ကာလများမှ လူတို့သည် ဘုရားသခင်၏ ခြေလှမ်းများနောက် လိုက်လျှောက်ခဲ့ကြသော်လည်း၊ ယနေ့တိုင် ၎င်းတို့ လိုက်လျှောက်နိုင်ခဲ့ခြင်း မရှိပါ၊ ဤအရာသည် နောက်ဆုံးသောကာလရှိ လူများ၏ ကောင်းချီးမင်္ဂလာဖြစ်သည်။ သန့်ရှင်းသော ဝိညာဉ်တော်၏ လက်ရှိအလုပ်နောက်သို့ လိုက်လျှောက်နိုင်သောသူများနှင့် ဘုရားသခင်က သူတို့ကို မည်သည့်နေရာသို့ ဦးဆောင်သည်ဖြစ်စေ လိုက်လျှောက်နိုင်သည့်အတိုင်း ဘုရားသခင်၏ ခြေလှမ်းများနောက်သို့ လိုက်လျှောက်နိုင်စွမ်းရှိသော အဆိုပါလူများသည် ဘုရားသခင်၏ ကောင်းချီးပေးခြင်းကို ခံစားရသောသူများဖြစ်ကြသည်။ သန့်ရှင်းသော ဝိညာဉ်တော်၏ လက်ရှိအလုပ်နောက်သို့ မလိုက်လျှောက်သောသူများသည် ဘုရားသခင်၏ နှုတ်ကပတ်တော်များနှင့်ဆိုင်သော အလုပ်ထဲသို့ ဝင်ရောက်ခြင်း မရှိသေးပါ၊ ထို့အပြင် ၎င်းတို့ မည်မျှပင် လုပ်ဆောင်ပါစေ၊ သို့မဟုတ် ၎င်းတို့၏ ဒုက္ခဆင်းရဲများ မည်မျှပင် ကြီးမားပါစေ၊ သို့မဟုတ် ၎င်းတို့ မည်မျှပင် ဟိုဟိုသည်သည် အလုပ်များနေပါစေ၊ ထိုအရာတစ်ခုမျှ ဘုရားသခင်အတွက် အဓိပ္ပာယ်မရှိပါ၊ ဘုရားသခင်သည် ၎င်းတို့ကို ချီးကျူးမည်မဟုတ်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အသစ်ဆုံးသော အလုပ်ကို သိပြီး ဘုရားသခင်၏ ခြေလှမ်းများအတိုင်း လိုက်လျှောက်ပါ” မှ

အချို့သောသူများသည် တရားစီရင်မှုကို မဆိုထားနှင့် သမ္မာတရား၌ပင် ဝမ်းမမြောက်ကြပေ။ ထို့အစား သူတို့သည် အာဏာနှင့် ဥစ္စာဓနတွင် ဝမ်းမြောက်ကြသည်။ ထိုသို့သောသူများကို သွေးကြီးသောသူများဟု ခေါ်သည်။ သူတို့သည် ကမ္ဘာပေါ်၌ အရှိန်အဝါရှိသော ဂိုဏ်းဂဏများနှင့် ကျမ်းစာကျောင်းများမှလာသော သင်းအုပ်များနှင့် ဆရာများကိုသာ အထူးသီးသန့် ရှာဖွေကြသည်။ သမ္မာတရားလမ်းကို လက်ခံပြီးဖြစ်သော်ငြားလည်း သူတို့သည် အယုံအကြည်ကင်းမဲ့နေဆဲဖြစ်ပြီး သူတို့ကိုယ်သူတို့ အပြည့်အဝ ပေးအပ်မြှုပ်နှံနိုင်ခြင်း မရှိကြသေးပေ။ ဘုရားသခင်အတွက် စွန့်လွှတ်အနစ်နာခံခြင်းအကြောင်း ပြောသော်လည်း သူတို့မျက်လုံးများသည် ကြီးကျယ်သော သင်းအုပ်များနှင့် ဆရာများအပေါ်တွင်သာ အာရုံစိုက်ပြီး ခရစ်တော်ကို ဘေးသို့ဖယ်ထားကြသည်။ သူတို့၏နှလုံးသားများသည် ကျော်ကြားမှု၊ ကြွယ်ဝမှုနှင့် ဂုဏ်အသရေတို့ဖြင့်သာ ပြည့်နေသည်။ ထိုကဲ့သို့ နုံချာလွန်းသူတစ်ယောက်သည် လူမြောက်မြားစွာကို သိမ်းပိုက်နိုင်စွမ်းရှိကြောင်းနှင့် လုံးဝမထူးခြားသောသူတစ်ဦးသည် လူများကို စုံလင်စေနိုင်ကြောင်းကို သူတို့လုံးဝမယုံကြည်ကြပေ။ ဖုန်မှုန့်နှင့် နွားချေးပုံများထဲ၌ရှိသော ဤအညတြလူများသည် ဘုရားသခင်၏ ရွေးချယ်ခြင်းကို ခံထားရသောသူများ ဖြစ်သည်ကို သူတို့လုံးဝမယုံကြည်ကြပေ။ အကယ်၍ ထိုသို့သောသူများသည် ဘုရားသခင်၏ကယ်တင်ခြင်းကို ခံရမည့်သူများဖြစ်လျှင် ကောင်းကင်နှင့်မြေကြီး ပြောင်းပြန်ဖြစ်ကာ လူတိုင်းခေါင်းပြုတ်မတတ် ရယ်မောကြလိမ့်မည်ဟု သူတို့ယုံကြည်ကြသည်။ အကယ်၍ ဘုရားသခင်သည် ထိုသို့သောအညတြလူများကို စုံလင်အောင်ပြုရန် ရွေးချယ်ခဲ့သည်ဆိုပါက ကြီးမြတ်သောသူများသည် ဘုရားကိုယ်တိုင်ပင် ဖြစ်လာလိမ့်မည်ဟု သူတို့ယုံကြည်ကြသည်။ သူတို့၏ ထင်မြင်ယူဆချက်များသည် မယုံကြည်မှုနှင့် စွန်းထင်းနေသည်။ အကယ်စင်စစ် သူတို့သည် မယုံကြည်ဖို့နေနေသာသာ ရယ်စရာကောင်းသော သားရဲတိရိစ္ဆာန်များဖြစ်သည်။ အကြောင်းမှာ သူတို့သည် ရာထူးနေရာ၊ ဂုဏ်နှင့် အာဏာတို့ကိုသာ တန်ဖိုးထားကြပြီး၊ သူတို့အထင်ကြီးသည့်အရာမှာ လူအုပ်ကြီးများနှင့် ဂိုဏ်းဂဏကြီးများသာ ဖြစ်သောကြောင့်ဖြစ်သည်။ သူတို့သည် ခရစ်တော်၏ ဦးဆောင်ခြင်းခံရသောသူများကို အလေးထားမှုမရှိကြ။ သူတို့သည် ခရစ်တော်ကို ကျောခိုင်းထားသော သစ္စာဖောက်များ၊ သမ္မာတရားနှင့် အသက်ကို ကျောခိုင်းထားသော သစ္စာဖောက်များသာ ဖြစ်ကြသည်။

သင်လေးစားအားကျသည့်အရာမှာ ခရစ်တော်၏နှိမ့်ချမှု မဟုတ်ဘဲ သိုးထိန်းယောင်ဆောင်သော ထင်ရှားသည့် ထိုသူတို့သာ ဖြစ်သည်။ သင်သည် ခရစ်တော်၏ ချစ်ခင်နှစ်လိုဖွယ်ကောင်းမှု၊ သို့မဟုတ် ဉာဏ်ပညာကို ချစ်ခင်ခြင်းမရှိဘဲ၊ ဆိုးညစ်သော ကမ္ဘာကြီးနှင့်ပတ်သက်နေကြသည့် လျှပ်ပေါ်လော်လည်သူများကိုသာ ချစ်သည်။ ခေါင်းချရန် နေရာမရှိသော ခရစ်တော်၏ ဝေဒနာကို သင်သည် လှောင်ရယ်သည်။ လှူဖွယ်ပစ္စည်းများကို သိမ်းဆည်းကာ သောက်စားပျော်ပါးနေသော အလောင်းကောင်များကိုမူ သင်သည် လေးစားအားကျနေ၏။ သင်သည် ခရစ်တော်နှင့်အတူတကွ ဒုက္ခခံစားလိုစိတ်မရှိဘဲ ဇာတိကပတိ၊ ကျမ်းဟောင်းတရားများနှင့် ထိန်းချုပ်မှုတို့ကိုသာ သင့်အားပေးသော အဆင်အခြင်မဲ့သည့် အန္တိခရစ်များ၏ ရင်ခွင်ထဲသို့ ဝမ်းပန်းတသာ ခြေစုံပစ်ဝင်သွားသည်။ ယခုအချိန်အထိတိုင်အောင် သင့်နှလုံးသားသည် သူတို့ထံ၊ သူတို့၏ဂုဏ်သတင်းထံ၊ သူတို့၏ အဆင့်အတန်းထံ၊ သူတို့၏ အရှိန်အဝါထံ လှည့်ထားဆဲဖြစ်သည်။ သို့တိုင်အောင် သင်သည် ခရစ်တော်၏အမှုကို လက်ခံရန် ခက်ခဲသည့်သဘောထား၊ လက်မခံလိုသည့်သဘောထားကို ဆက်လက်စွဲကိုင်ထားဆဲဖြစ်သည်။ ဤအကြောင်းကြောင့် ခရစ်တော်ကို အသိအမှတ်ပြုသော ယုံကြည်ခြင်း သင်၌မရှိဟု ငါပြောခြင်းဖြစ်သည်။ သင့်အနေဖြင့် ခရစ်တော်နောက်သို့ ယနေ့အထိ လိုက်လာသည်မှာ ဖိအားပေးခြင်းခံရသောကြောင့်သာဖြစ်သည်။ မြင့်မြတ်သော ပုံရိပ်တသီတသန်းသည် သင့်နှလုံးသားထဲတွင် အစဉ်အမြဲ အခိုင်အမာရှိနေသည်။ သူတို့၏စကားလုံးနှင့် လုပ်ရပ်တိုင်းကိုသာမက သူတို့၏ လွှမ်းမိုးမှုရှိသော စကားလုံးများနှင့် လက်ရာများကို သင်မမေ့နိုင်ပေ။ သင်တို့၏နှလုံးသားထဲတွင် သူတို့သည် အစဉ်အမြဲ အကြီးမြတ်ဆုံး ဖြစ်နေသည်၊ ထာဝရသူရဲကောင်းများ ဖြစ်နေကြသည်။ သို့ရာတွင် ယနေ့ကာလ၏ ခရစ်တော်အတွက်မူ ထိုသို့မဟုတ်ပေ။ သင်၏နှလုံးသားထဲတွင် သူသည် အစဉ်မထင်မရှားဖြစ်နေပြီး ရိုသေလေးစားခံထိုက်ခြင်းမရှိသူ အစဉ်ဖြစ်နေသည်။ အကြောင်းမှာ သူသည် အလွန်သာမန်ဖြစ်နေပြီး၊ မြင့်မြတ်ရန်မဆိုထားနှင့် လွှမ်းမိုးမှုလည်း အလွန်နည်းသောကြောင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ဘုရားသခင်ကို ယုံကြည်သူစစ်စစ် ဖြစ်သလော” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘုရားသခင်၏ နောက်တော်သို့ လိုက်ခြင်းသည် ဘုရားသခင်ကို အရာရာတိုင်းတွင် နာခံရန်၊ ဘုရားသခင်၏ စီမံမှုအားလုံးကို ကျိုးနွံနာခံရန်၊ ဘုရားသခင်၏ နှုတ်ကပတ်တော်များအတိုင်း လုပ်ဆောင်ရန်နှင့် ဘုရားသခင်ထံမှ လာသမျှအားလုံးကို လက်ခံရန်ကို ဆိုလိုပါသည်။ ဘုရားသခင်ကို ယုံကြည်သောသူတို့သည် ဘုရာသခင်၏ နောက်တော်သို့ လိုက်သင့်သည်၊ သို့ရာတွင် လူအများစုတို့သည် ယင်းကိုမသိဘဲ လူတို့၏နောက်သို့ လိုက်ကြသည်။ ဤသည်မှာ ရယ်ဖွယ်ရာလည်းဖြစ်၊ ကြေကွဲဝမ်းနည်းဖွယ်ရာလည်းဖြစ်သည်။ တိတိကျကျပြောရလျှင်၊ လူတို့သည် သူတို့လိုက်သည့် မည်သူကိုမဆို ယုံကြည်ကြလိမ့်မည်။ လူအချို့တို့သည် ဘုရားသခင်ကို မည်ကာမတ္တ ယုံကြည်သော်လည်း၊ သူတို့၏ စိတ်နှလုံးထဲတွင် ဘုရားသခင် မရှိပါ။ သူတို့၏ စိတ်နှလုံးက သူတို့ကို ဦးဆောင်နေသည့် ပုဂ္ဂိုလ်ကိုသာ ဝတ်ပြုနေသည်။ လူတို့သည် ဘုရားသခင်၏ စီမံမှုကို ငြင်းပယ်သည်အထိ ခေါင်းဆောင်ကို နာခံသောအခါ ယင်းသည် ဘုရားသခင်ကို ယုံကြည်သော်လည်း လူတို့၏နောက်သို့ လိုက်နေခြင်း၏ တိကျသည့် သရုပ်သကန်ဖြစ်သည်။ သမ္မာတရား မရရှိမီ၊ လူတို့သည် ဤစိတ်ရှုပ်ထွေးဖွယ်နည်းလမ်းကို ယုံကြည်ကြပြီး၊ ဘုရားသခင်၏ နောက်တော်သို့ လိုက်ခြင်းက အဘယ်အရာဖြစ်သည်ကိုပင် လုံးဝမသိကြပါ။ ဘုရားသခင်နောက်သို့လိုက်ခြင်းက အဘယ်အရာဖြစ်၏ဆိုသည်နှင့်၊ လူနောက်သို့လိုက်ခြင်းက အဘယ်အရာဖြစ်၏ဆိုသည်တို့အကြား မည်သို့ခွဲခြားသိမြင်ရမည်ကို မသိကြပါ။ စကားပြောအကောင်းဆုံး မည်သူကိုမဆို၊ ဟိတ်ဟန်အမြင့်ဆုံး ပြောဆိုသည့် မည်သူကိုမဆို၊ ၎င်းတို့ကို အဖေဟု သူတို့ခေါ်ကြသည်၊ သို့မဟုတ် ၎င်းတို့ကို အမေဟုခေါ်ကြသည်။ သူတို့အတွက်မှာမူ နို့ရည်ရှိသည့် မည်သူမဆိုသည် သူတို့၏အမေဖြစ်ပြီး၊ အာဏာရှိသည့် မည်သူမဆိုသည် သူတို့၏ကိုယ်ပိုင်အဖေဖြစ်သည်။ ဤသည်မှာ လူတို့သည် မည်မျှပင်သနားစဖွယ်ဖြစ်နိုင်ပုံပင် ဖြစ်သည်။ လူအများစုသည် အမျိုးမျိုးသောအတိုင်းအတာများဖြင့် ဤအခြေအနေ ရှိနေကြသည်ဟု ဆိုနိုင်ပါသည်။

ဘုရားသခင်နောက်သို့လိုက်ခြင်းက အဘယ်အရာကို ဆိုလိုပါသနည်း။ ထို့ပြင် သင်သည် ယင်းကို မည်သို့လက်တွေ့လုပ်ဆောင်သနည်း။ ဘုရားသခင်၏နောက်တော်သို့လိုက်ခြင်းတွင် ဘုရားသခင်ထံ ဆုတောင်းခြင်းနှင့် ဘုရားသခင်ကို ချီးမွမ်းခြင်းသာ ပါဝင်သည် မဟုတ်ပါ။ အရေးအကြီးဆုံးက ဘုရားသခင်၏ နှုတ်ကပတ်တော်များကို စားသောက်ရန်နှင့် ဘုရားသခင်၏ နှုတ်ကပတ်တော်များအတိုင်း နေထိုင်ရန်၊ သမ္မာတရားအတိုင်း ပြုမူရန်၊ ဘုရားသခင်၏ နှုတ်ကပတ်တော်များထဲတွင် အသက်တာအတွေ့အကြုံလမ်းကို ရှာဖွေရန်၊ ဘုရားသခင်၏ တာဝန်ပေးစေခိုင်းချက်ကို လက်ခံရန်၊ သင်၏တာဝန်တစ်ခုစီတိုင်းကို သင့်တင့်လျောက်ပတ်စွာ ထမ်းဆောင်ရန်နှင့် သန့်ရှင်းသော ဝိညာဉ်တော်က လမ်းပြပေးသည့်အတိုင်း သင်၏အရှေ့က လမ်းကြောင်းကို လျှောက်ရန်တို့ ဖြစ်ကြသည်။ အထူးသဖြင့်၊ အကျပ်အတည်းဖြစ်သော အဆင့်များတွင်၊ ကြီးမားသည့် ပြဿနာများ သင့်အပေါ်သို့ ကျရောက်လာသည့်အခါ၊ လူ့အယူဝါဒများ၏ လှည့်စားမှုခံရခြင်းကို သတိရှိရန်နှင့်၊ တစ်စုံတစ်ယောက်၏ ထိန်းချုပ်မှုအောက်သို့ မကျရောက်ရန်အလို့ငှာ ဘုရားသခင်၏ ရည်ရွယ်ချက်များကို ရှာဖွေရန် ပို၍လိုအပ်လာသည်။ “ဘုရားသခင်ထံမှ လာသည့်အရာကို ကျွန်ုပ်နာခံပြီး လိုက်လျှောက်သည်၊ သို့ရာတွင် ၎င်းသည် လူ၏အလိုမှ လာခြင်းဖြစ်လျှင် ကျွန်ုပ်သည် ယင်းကို စွဲမြဲခိုင်မာစွာ ငြင်းပယ်ပါမည်။ ခေါင်းဆောင်များ၊ သို့မဟုတ် အမှုတော်ဆောင်များမှ ဟောသည့်တရားသည် ဘုရားသခင်၏ စီမံမှုများနှင့် သဘောထားကွဲလွဲနေလျှင် ကျွန်ုပ်သည် ဘုရားသခင်နောက်သို့ လုံးလုံးလိုက်ပြီး လူတို့ကို ငြင်းပယ်ပါသည်။ ဘုရားသခင်၏ အလိုတော်နှင့် စီမံမှုများနှင့် လုံးဝကိုက်ညီနေလျှင် ကျွန်ုပ်သည် ၎င်းကို နားထောင်နိုင်ပါသည်။” ဤနည်းလမ်းအတိုင်း လက်တွေ့ကျင့်ဆောင်သည့် လူတို့သည် ဘုရားသခင်၏နောက်တော်သို့ လိုက်သောသူများ ဖြစ်ကြသည်။

ထို့နောက် လူနောက်သို့လိုက်ခြင်းက အဘယ်အရာကို ဆိုလိုသနည်း။ ဆိုလိုသည်မှာ လူတစ်ဦးသည် သူကိုးကွယ်သည့် တစ်စုံတစ်ယောက်နောက်သို့ လိုက်ခြင်းဖြစ်သည်။ သူ၏စိတ်နှလုံးထဲတွင်၊ ဘုရားသခင်က နေရာသိပ်မရှိပေ။ သူသည် ဘုရားသခင်ကို ယုံကြည်သူတစ်ဦး၏ အသွင်ကို ဆောင်ထားရုံသက်သက်ဖြစ်သည်။ သူလုပ်သမျှအားလုံးသည် လူတို့ကို အတုခိုးပြီး သူတို့၏ပုံပမာနောက် လိုက်ခြင်းဖြစ်သည်။ အထူးသဖြင့် အရေးကြီးသည့် အရေးကိစ္စများတွင်၊ သူသည် လူများကို ဆုံးဖြတ်ချက်များ ချစေပြီး၊ လူတို့ကို သူ၏ကံကြမ္မာကို ပြဋ္ဌာန်းပေးစေသည်။ သူကိုယ်တိုင်သည် ဘုရားသခင်၏ဆန္ဒများကို မရှာဖွေဘဲ၊ လူတို့ပြောဆိုသည်ကို ချင့်ချိန်တွေးဆခြင်း မရှိပါ။ သူတို့ပြောသည်များက ကျိုးကြောင်းညီညွှတ်မှု ရှိနေသရွေ့၊ သူတို့ပြောသည်က သမ္မာတရားနှင့် ကိုက်ညီမှုရှိသည်ဖြစ်စေ၊ မရှိသည်ဖြစ်စေ၊ သူသည် ၎င်းတို့အားလုံးကို လက်ခံပြီး နာခံသည်။ ဤသည်မှာ လူတို့နောက်သို့လိုက်သည့်သူတစ်ဦး၏ အပြုအမူဖြစ်သည်။ ဘုရားသခင်ကို သူ၏ယုံကြည်ခြင်းက မူမရှိသည့်အပြင်၊ အရေးကိစ္စများကို သူကိုင်တွယ်ရာတွင်လည်း သမ္မာတရားမရှိပါ။ သူသည် အကျိုးသင့်အကြောင်းသင့်ပြောသည့် မည်သူကိုမဆို လိုက်နာသည်။ သူလေးစားအားကျသည့် ပုဂ္ဂိုလ်သည် မှားယွင်းသည့်လမ်းသို့ သွားခဲ့ပါက၊ သူသည် အဆုံးအထိ လိုက်လိမ့်မည်။ ဘုရားသခင်က သူလေးစားအားကျသည့်ပုဂ္ဂိုလ်ကို ပြစ်တင်ခဲ့လျှင်၊ သူသည် ထိုပုဂ္ဂိုလ်ကို တင်းကျပ်စွာ ဆုပ်ကိုင်ထားပြီး၊ ဘုရားသခင်နှင့်စပ်လျဉ်း၍ အယူအဆတစ်ခု ရှိပါလိမ့်မည်။ သူ၏အကြောင်းပြချက်မှာ သူ့ကိုထိန်းချုပ်ထားသည့် မည်သူကိုမဆို သူနာခံသင့်ကြောင်းဖြစ်သည်။ အဆင့်မြင့်အရာရှိသည် တာဝန်ခံ မန်နေဂျာနှင့် တန်းမတူပါ။ ဤကား လူနုံလူအ၏ တွေးခေါ်နိုင်စွမ်း သက်သက်သာဖြစ်သည်။ လူနောက်သို့လိုက်သောသူများသည် အမှန်ပင် ဤသို့စိတ်ရှုပ်ထွေးကြသည်။ လူတို့၏နောက်သို့လိုက်သောသူများ၏ စိတ်နှလုံးထဲတွင် ဘုရားသခင်အတွက် နေရာမရှိဘဲ၊ သမ္မာတရားလည်း မရှိကြပါ၊ ထို့ပြင် သူတို့သည် ပုဂ္ဂိုလ်ရေးကိုးကွယ်သူများ ဖြစ်ကြသည်၊ အခြားသူများ၏ လှည့်စားခြင်းကို ခံရပြီး၊ ဘုရားသခင်ကို အမှန်တကယ် ယုံကြည်သူများ မဟုတ်ကြပါ။ ဘုရားသခင်၏နောက်တော်သို့ လိုက်သူများသာ ဘုရားသခင်ကို အမှန်တကယ် ယုံကြည်ကြသည်။

အထက်အရပ်မှ မိတ်သဟာယပြုခြင်း မှ

များစွာသောလူတို့သည် ဘုရားသခင်ကို ယုံကြည်ကြသော်လည်း၊ ဘုရားသခင်ကို နာခံခြင်းက အဘယ်အရာကို ဆိုလိုသည်ကို မသိကြဘဲ၊ အရာခပ်သိမ်းတွင် သူတို့ခေါင်းဆောင်များ၏ စကားကို နားထောင်ခြင်းက ဘုရားသခင်ကို နာခံခြင်းနှင့် တူညီသည်ဟု ထင်ကြသည်။ ထိုသို့သော အမြင်က လုံးဝအဓိပ္ပာယ် မရှိပါ၊ အဘယ်ကြောင့်ဆိုသော် သူတို့နာခံခြင်း၏ အရင်းအမြစ်က မှားနေသောကြောင့်ဖြစ်သည်။ သူတို့၏ ခေါင်းဆောင်များကို နားထောင်ခြင်းက ဘုရားသခင်ကို နာခံခြင်းဖြစ်သည်ဟု သူတို့ထင်မှတ်ကြသည်။ ဤအမြင်အရ ဘုရားသခင်ကို ယုံကြည်ခြင်းက ဘုရားသခင်ကို အမည်ခံသာ ယုံကြည်ခြင်းဖြစ်သည်။ လက်တွေ့မှာမူ၊ ဤသူတို့သည် လူတို့ကို ယုံကြည်ကြခြင်းဖြစ်သည်။...

ကျွန်ုပ်တို့သည် ဘုရားသခင်ကို ယုံကြည်သည့်အခါ၊ ဘုရားသခင်သည် ကျွန်ုပ်တို့၏ စိတ်နှလုံးထဲတွင် ဦးဆောင်သည့်နေရာကို ယူထားသင့်သည်၊ ကျွန်ုပ်တို့သည် အရာအားလုံး၌ ဘုရားသခင်ထိန်းချုပ်ခြင်းကို အပ်နှံရမည်၊ ကျွန်ုပ်တို့သည် အရာအားလုံးတွင် ဘုရားသခင်၏ ရည်ရွယ်ချက်များကို ရှာဖွေသင့်သည်၊ ကျွန်ုပ်တို့၏ လုပ်ဆောင်မှုများသည် ဘုရားသခင်၏ နှုတ်ကပတ်တော်များနှင့် ကိုက်ညီမှု ရှိသင့်ပြီး၊ သန့်ရှင်းသော ဝိညာဉ်တော်၏ လမ်းပြမှုနှင့် ကိုက်ညီမှုရှိရမည့်အပြင်၊ ကျွန်ုပ်တို့သည် ဘုရားသခင်ထံမှ လာသမျှအားလုံးကို နာခံသင့်သည်။ သင်သည် လူတို့ကို နားထောင်လျှင်၊ သင်၏စိတ်နှလုံးထဲတွင် ဘုရားသခင်အတွက် နေရာမရှိဘဲ၊ သင်၏စိတ်နှလုံးထဲတွင် လူတို့အတွက်သာ နေရာတစ်ခုရှိသည်ဟု ဤသည်က သက်သေပြနေသည်။ သမ္မာတရားကို လေ့လာလိုက်စားရန်နှင့် ဘုရားသခင်၏အလိုတော်ကို နားလည်ရန်ထက် လူတို့အတွက် မည်သည့်အရာကမျှ ပိုအရေးမကြီးပါ။ သင်သည် ဘုရားသခင်၏ ရည်ရွယ်ချက်များကို ရှာဖွေခြင်းနှင့် ဘုရားသခင်၏ အလိုတော်ကို နားလည်ခြင်းတို့ကို အာရုံမစိုက်လျှင် သင်၏နာခံခြင်းက စစ်မှန်မှုမရှိပါ။ သူတို့၏စကားများက မည်မျှပင် မှန်ကန်နေပုံ ရှိသော်လည်း၊ သင်သည် အစဉ်အမြဲ လူတို့ကို နားထောင်နေလျှင် အနှစ်သာရအားဖြင့် သင်သည် လူတို့ကို နာခံနေခြင်းဖြစ်သည်၊ ၎င်းသည် ဘုရားသခင်ကို နာခံခြင်းနှင့် လုံးဝမတူပါ။ အမှန်တကယ်အားဖြင့်၊ ဘုရားသခင်ကို ယုံကြည်သောသူတို့သည် ဘုရားသခင်၏ ရည်ရွယ်ချက်များကို သူ၏နှုတ်ကပတ်တော်များမှ တိုက်ရိုက်နားလည်နိုင်ပါက၊ သူတို့သည် ကိုယ်တော်၏ နှုတ်ကပတ်တော်များကို လက်တွေ့ကျင့်ဆောင်ရန် သူတို့၏ ကိုယ်ပိုင်လမ်းကြောင်းကို ရှာတွေ့နိုင်ပါက၊ ထို့ပြင် သူတို့သည် သမ္မာတရားကို ပြောဆိုဆွေးနွေးပြီး၊ ကိုယ်တော်၏ နှုတ်ကပတ်တော်များထဲမှ သမ္မာတရားကို နားလည်ပါက၊ ထို့နောက်တွင် သူတို့သည် ၎င်းကို လက်တွေ့လုပ်ဆောင်ပါက၊ အဓိကအခိုက်အတန့်တွင်၊ သူတို့သည် ပို၍ဆုတောင်းနိုင်ပြီး သန့်ရှင်းသော ဝိညာဉ်တော်၏လမ်းပြမှုကို ရှာဖွေနိုင်ကာ၊ သန့်ရှင်းသောဝိညာဉ်တော်၏ ရည်ရွယ်ချက်များကို နာခံနိုင်ပါက၊ ဤသည်မှာ ဘုရားသခင်ကို အမှန်တကယ် နာခံခြင်းဖြစ်သည်။ ဘုရားသခင်ကို နာခံသောသူများသည် ဘုရားသခင်၏ နှုတ်ကပတ်တော်များတွင် လမ်းကြောင်းကို ရှာဖွေကြသည်၊ သူတို့၏ ပြဿနာများသည် ဘုရားသခင်၏ နှုတ်ကပတ်တော်များထဲတွင် ပြေလည်သွားပြီး၊ သူတို့သည် သန့်ရှင်းသော ဝိညာဉ်တော်၏ လမ်းပြမှုအလယ်တွင် လုပ်ဆောင်ကြသည်။ ဤကား ဘုရားသခင်ကို အမှန်တကယ် နာခံခြင်းဖြစ်သည်။ သူတို့၏ခေါင်းဆောင်များကို အရာရာတိုင်းတွင် နားထောင်သောသူများသည် သူတို့၏ စိတ်နှလုံးထဲတွင် ဘုရားသခင်နှင့် အလွန်လမ်းလွဲနေသည်မှာ သေချာလှပါသည်။ ၎င်းထက်ပိုပြီး၊ သူတို့သည် ဘုရားသခင်၏ ရှေ့မှောက်တွင် ငြိမ်သက်ခြင်း မရှိ၊ သူတို့သည် ဘုရားသခင်၏ ရှေ့မှောက်တွင် နေထိုင်သူများ မဟုတ်သည့်အပြင်၊ သမ္မာတရားကို ရှာဖွေသူလည်း မဟုတ်ပါ၊ သူတို့သည် ဘုရားသခင်နှင့် ဆက်ဆံရေးမရှိဘဲ၊ သူတို့လုပ်ရပ်များ၏နောက်ကွယ်ရှိ အခြေခံသဘောတရားမှာ မှန်ကန်သောအရာများကို ပြောဆိုသည့် မည်သူမဆိုကို နားထောင်ရန်ဖြစ်သည်၊ ထို့ပြင် သူတို့၏ခေါင်းဆောင်က တစ်ခုခုပြောနေသရွေ့၊ သူတို့က နာခံလိမ့်မည်။ ထိုသို့သော ကျင့်ဆောင်မှုက ရယ်ဖွယ်ကောင်းလှသည်။ သူတို့တွင် သမ္မာတရားလည်းမရှိ၊ ခွဲခြားနိုင်သည့်စွမ်းရည်လည်း မရှိကြဘဲ၊ သူတို့၏ အယူအဆများ၊ သို့မဟုတ် ဉာဏ်များအရသာ မည်သည်ကမှန်သည်၊ သို့မဟုတ် မှားသည်ကို ဆုံးဖြတ်နိုင်သည်၊ ထိုသို့လျှင် ၎င်းသည် သမ္မာတရားနှင့် ကိုက်ညီမှု ရှိမရှိကို သူတို့အနေဖြင့် မည်ကဲ့သို့ သိနိုင်မည်နည်း။ ထိုသို့သော အမြင်တစ်ခုဖြင့် သူတို့သည် ဘုရားသခင်ကို ယုံကြည်လျှင် သူတို့၏အသက်တာတစ်ခုလုံး၌ သူတို့သည် သမ္မာတရားကို နားလည်မည်မဟုတ်၊ သို့မဟုတ် ဘုရားသခင်ကို သိလာမည်မဟုတ်။ ထိုသို့သောယုံကြည်မှုပုံစံကို သူတို့၏ ကိုယ်ပိုင်ဉာဏ်ကိုသာ ယုံကြည်ပြီး သူတို့၏ ကိုယ်ပိုင်လမ်းကြောင်းကို လျှောက်နေခြင်းဟု ပြောဆိုနိုင်သည်၊ ထို့ပြင် သူတို့သည် လက်တွေ့ကျသော ဘုရားသခင်နှင့် ဆက်ဆံမှုမရှိပေ။

အထက်အရပ်မှ မိတ်သဟာယပြုခြင်း မှ

ယခင်က:မှန်သောလမ်းနှင့် မှားသောလမ်းများ၊ နှင့် မှန်သောအသင်းတော်နှင့် မှားသောအသင်းတော်များအကြားရှိ ကွာခြားမှုကို သင် မည်ကဲ့သို့ ပြောနိုင်သနည်း။

နောက်တစ်ခုသို့:မှန်သောခေါင်းဆောင်များနှင့် မှားသောခေါင်းဆောင်များ၊ မှန်သောသိုးထိန်းများနှင့် မှားသောသိုးထိန်းများအကြားရှိ ကွာခြားမှုကို သင် မည်ကဲ့သို့ ပြောမည်နည်း။

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ