အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခြောက် ဘုရားသခင်အား သင်၏ယုံကြည်မှုတွင် သင်ပိုင်ဆိုင်ထားသင့်သည့် ပိုင်းခြားသိမြင်ခြင်း၏ ပုံသဏ္ဌာန်အချို့

၄။ မှန်သောလမ်းနှင့် မှားသောလမ်းများ၊ နှင့် မှန်သောအသင်းတော်နှင့် မှားသောအသင်းတော်များအကြားရှိ ကွာခြားမှုကို သင် မည်ကဲ့သို့ ပြောနိုင်သနည်း။

ဆက်စပ်သော ဘုရားသခင်၏ နှုတ်ကပတ်တော်များ-

မှန်သောလမ်းကို ရှာခြင်း၌ အခြေခံအကျဆုံးနိယာမမှာ မည်သည့်အရာနည်း။ သင့်အနေဖြင့် ဤလမ်း၌ သန့်ရှင်းသောဝိညာဉ်တော်၏ အလုပ်ရှိမရှိ၊ ဤစကားလုံးများက သမ္မာတရားကို ဖော်ပြခြင်းများ ဖြစ်မဖြစ်၊ ယင်းက အဘယ်သူကို သက်သေခံသည်နှင့် သင့်ကို မည်သည့်အရာ ဆောင်ကြဉ်းပေးနိုင်သည်တို့ကို ကြည့်ရမည်ဖြစ်သည်။ မှန်သောလမ်းနှင့် မှားယွင်းသောလမ်းတို့ကို ခွဲခြားခြင်းတွင် အခြေခံကျသော အသိပညာဆိုင်ရာ ရှုထောင့်အချို့လိုအပ်၏။ အခြေခံအကျဆုံးသောအရာမှာ သန့်ရှင်းသောဝိညာဉ်တော်၏အလုပ် ရှိမရှိကို ကြည့်ရန်ဖြစ်သည်။ အဘယ်ကြောင့်ဆိုသော် ဘုရားသခင်အပေါ် လူသားယုံကြည်မှု၏ အနှစ်သာရမှာ ဘုရားသခင်၏ဝိညာဉ်တော်အပေါ် ယုံကြည်မှုဖြစ်ပြီး၊ လူ့ဇာတိခံယူသော ဘုရားသခင်အပေါ် သူ၏ယုံကြည်မှုသည်ပင်လျှင် ဤဇာတိခန္ဓာမှာ ဘုရားသခင့်ဝိညာဉ်တော်၏ ပြယုဂ်ဖြစ်ခြင်းကြောင့်ဖြစ်သည်။ ယင်းမှာ ထိုကဲ့သို့သော ယုံကြည်ခြင်းသည် ဝိညာဉ်တော်အပေါ် ယုံကြည်ခြင်း ဖြစ်နေဆဲဖြစ်သည်ဟု ဆိုလိုသည်။ ဇာတိခန္ဓာနှင့် ဝိညာဉ်တော်တို့အကြား ခြားနားမှုများရှိ၏၊ သို့သော် ဤဇာတိခန္ဓာသည် ဝိညာဉ်တော်ထံမှလာပြီး၊ နှုတ်ကပတ်တော်က လူ့ဇာတိခံယူသောကြောင့်၊ လူသားယုံကြည်သောအရာမှာ ဘုရားသခင်၏ ပင်ကိုအနှစ်သာရ ဖြစ်နေဆဲဖြစ်သည်။ ထို့ကြောင့် မှန်သောလမ်း ဟုတ်မဟုတ်ကို ခွဲခြားရာတွင် အရာအားလုံးထက် သန့်ရှင်းသောဝိညာဉ်တော် ရှိမရှိကို သင်ကြည့်ရမည်၊ ယင်းနောက် ဤလမ်း၌ သမ္မာတရားရှိမရှိကို သင်ကြည့်ရမည်ဖြစ်သည်။ ဤသမ္မာတရားသည် သာမန်လူ့သဘာဝ၏ အသက်တာစိတ်သဘောထားဖြစ်ပြီး၊ ယင်းမှာ အစအဦး၌ ဘုရားသခင်က လူသားကိုဖန်ဆင်းခဲ့ချိန်တွင် သူ့ထံမှတောင်းဆိုသောအရာကို ဆိုလိုသည်၊ အတိအကျပြောရသော် သာမန်လူ့သဘာဝနှင့်ဆိုင်သော အရာအားလုံးကို (လူသားအသိစိတ်၊ ထိုးထွင်းသိမြင်မှု၊ ဉာဏ်ပညာနှင့် လူသားဖြစ်ခြင်း၏ အခြေခံအသိပညာတို့ အပါအဝင်) ဆိုလိုသည်။ တစ်နည်းအားဖြင့်ဆိုရလျှင် ဤလမ်းက လူသားကို သာမန်လူ့သဘာဝတစ်ခုထဲသို့ ပို့ဆောင်နိုင်ခြင်း ရှိမရှိ၊ ဟောပြောထားသော သမ္မာတရားကို သာမန်လူ့သဘာဝ၏ စစ်မှန်မှုအရ လိုအပ်မှုရှိမရှိ၊ ဤသမ္မာတရားက လက်တွေ့ကျပြီး စစ်မှန်မှုရှိမရှိနှင့် အချိန်အကိုက်ဆုံး ဖြစ်မဖြစ်တို့ကို ကြည့်ရမည်။ သမ္မာတရားရှိလျှင် ထိုသမ္မာတရားက လူသားကို သာမန်ဖြစ်ပြီး စစ်မှန်သော အတွေ့အကြုံများထဲသို့ ပို့ဆောင်နိုင်၏။ ထို့ပြင် လူသားသည် ပို၍ပို၍ ပုံမှန်ဖြစ်လာပြီး လူသား၏ လူ့အသိစိတ်သည် ပို၍ပို၍ စုံလင်လာသည်၊ ဇာတိပကတိနှင့် ဝိညာဉ်အသက်တာ၌ လူသား၏ဘဝသည် ပို၍ပို၍ စနစ်ကျလာပြီး လူသား၏ စိတ်ခံစားမှုများ ပို၍ပို၍ ပုံမှန်ဖြစ်လာလေသည်။ ဤအရာသည် ဒုတိယနိယာမဖြစ်၏။ လူသားသည် ဘုရားသခင်ကို တိုးပွား၍ သိမသိ၊ ထိုကဲ့သို့သော အမှုနှင့် သမ္မာတရားတို့ကို တွေ့ကြုံခြင်းက သူ၏အထဲ၌ ဘုရားသခင်အပေါ် ချစ်သောမေတ္တာကို လှုံ့ဆော်ပြီး သူ့ကို ဘုရားသခင်နှင့် တိုး၍ရင်းနှီးလာရန် ဆောင်ကြဉ်းပေးနိုင်ခြင်း ရှိမရှိဆိုသည့် အခြားသော နိယာမတစ်ခုရှိသည်။ ဤအရာသည် မှန်သောလမ်း ဟုတ်မဟုတ် ဤတွင်တိုင်းတာ၍ ရနိုင်ပေသည်။ အခြေခံအကျဆုံးမှာ ထိုလမ်းက သဘာဝလွန်ဆိုသည်ထက် လက်တွေ့ကျသောအရာ ဟုတ်မဟုတ်၊ ထိုလမ်းက လူသား၏အသက်ကို ထောက်ပံ့ပေးနိုင်ခြင်း ရှိမရှိ ဆိုသည့်အရာဖြစ်သည်။ ဤအခြေခံသဘောတရားများနှင့် ကိုက်ညီပါက ထိုလမ်းသည် မှန်သောလမ်းဖြစ်သည်ဟု ကောက်ချက်ချနိုင်ပေသည်။ သင်တို့၏ အနာဂတ်အတွေ့အကြုံများ၌ အခြားသောလမ်းများကို သင်တို့လက်ခံစေဖို့ ဤနှုတ်ကပတ်တော်များကို ငါပြောခြင်းမဟုတ်သကဲ့သို့ အနာဂတ်၌ အခြားသောခေတ်သစ်၏ အမှုရှိလိမ့်မည်ဟု ဟောကိန်းထုတ်ခြင်း တစ်ခုအနေဖြင့် ပြောဆိုခြင်းလည်း မဟုတ်ပေ။ ယနေ့၏အမှုအပေါ် သင်တို့၏ ယုံကြည်ချက်၌ တစ်ဝက်သာသေချာပြီး ထိုအမှုအပေါ် ထိုးထွင်းသိမြင်မှု မရနိုင်ခြင်း မရှိရအောင်နှင့် ယနေ့၏လမ်းမှာ မှန်သောလမ်းဖြစ်သည်ကို သင်တို့သေချာစေဖို့ ထိုအရာတို့ကို ငါပြောခြင်းဖြစ်သည်။ တိကျသေချာနေသော်ငြားလည်း စိတ်ရှုပ်ထွေးမှုထဲ လိုက်လျှောက်နေဆဲရှိသူ များစွာရှိ၏၊ ထိုသို့သောသေချာမှု၌ အခြေခံသဘောတရား မရှိ၊ ထို့ပြင် ၎င်းတို့သည် အနှေးနှင့်အမြန် ဖယ်ရှားခြင်းကို ခံရကြလိမ့်မည်။ မိမိတို့လိုက်လျှောက်ခြင်း၌ အထူးတက်ကြွကြသော သူတို့ပင်လျှင် အစိတ်အပိုင်း သုံးပိုင်းသေချာပြီး ငါးပိုင်းမသေချာကြ၊ ယင်းက ၎င်းတို့တွင် အခြေခံအုတ်မြစ် မရှိသည်ကို ပြသနေပေသည်။ သင်တို့၏ အစွမ်းအစက ညံ့ဖျင်းလှပြီး သင်တို့၏အခြေခံအုတ်မြစ်မှာလည်း တိမ်လွန်းလှသောကြောင့် သင်တို့တွင် ပိုင်းခြားသိမြင်ခြင်းအပေါ် နားလည်သဘောပေါက်ခြင်း မရှိပေ။ ဘုရားသခင်သည် သူ၏အမှုတော်ကို အဖန်ဖန်မပြုလုပ်ပေ၊ လက်တွေ့မကျသောအလုပ်ကို ဘုရားသခင်မလုပ်ဆောင်ပေ၊ သူသည် လူသားကို အလွန်အကျွံ တောင်းဆိုမှုများ မပြုလုပ်သလို လူသား၏အသိစိတ်ကို ကျော်လွန်သောအလုပ်ကိုလည်း သူမလုပ်ဆောင်ပေ။ သူလုပ်သော အမှုဟူသမျှသည် လူသား၏ သာမန်အသိစိတ် အတိုင်းအတာအတွင်း၌ရှိပြီး သာမန်လူ့သဘာဝ၏ အသိစိတ်ကို မကျော်လွန်သည့်အပြင် သူ၏အမှုသည် လူသားမျိုးနွယ်၏ သာမန်လိုအပ်ချက်များနှင့်အညီ ဖြစ်သည်။ ထိုအရာက သန့်ရှင်းသောဝိညာဉ်တော်၏ အလုပ်ဖြစ်လျှင်၊ လူသားသည် ပို၍ပို၍ ပုံမှန်ဖြစ်လာပြီး သူ၏လူ့သဘာဝမှာ ပို၍ပို၍ ပုံမှန်ဖြစ်လာသည်။ လူသားသည် သူ၏ဆိုးယုတ်သော ဖောက်ပြန်ပျက်စီးသည့် စိတ်သဘောထားနှင့် လူသား၏အနှစ်သာရတို့အပေါ် အသိပညာတိုးပွားနေပြီး သမ္မာတရားကို ပို၍ပို၍ ကြီးမားစွာ တောင့်တမှုတစ်ခု သူ၌ရှိလေသည်။ တစ်နည်းအားဖြင့်ဆိုရလျှင် လူသား၏အသက်တာ ပိုမိုကြီးထွားလေလေ၊ လူသား၏ဖောက်ပြန်ပျက်စီးသော စိတ်သဘောထားက ပိုမိုပြောင်းလဲနိုင်စွမ်း ရှိလာလေလေဖြစ်သည်— ယင်းအရာအားလုံးသည် ဘုရားသခင်က လူ့အသက်ဖြစ်လာခြင်း၏ အဓိပ္ပာယ်ဖြစ်သည်။ အကယ်၍ လမ်းတစ်ခုက လူသား၏အနှစ်သာရဖြစ်သော ထိုအရာများကို ထုတ်ဖော်နိုင်စွမ်းမရှိလျှင်၊ လူသား၏ စိတ်သဘောထားကို ပြောင်းလဲနိုင်စွမ်းမရှိလျှင်၊ ထို့အပြင်၊ ဘုရားသခင်ရှေ့မှောက်သို့ သူ့ကို ခေါ်ဆောင်လာနိုင်စွမ်းမရှိလျှင်၊ သို့မဟုတ် ဘုရားသခင်နှင့်ပတ်သက်၍ စစ်မှန်သော သဘောပေါက်နားလည်မှုကို သူ့အား မပေးနိုင်လျှင်၊ ထို့အပြင် သူ၏လူ့သဘာဝကို ပို၍ပင် နိမ့်ကျစေပြီး သူ၏အသိစိတ်ကို ပို၍ဖောက်ပြန်စေလျှင်၊ ဤလမ်းမှာ စစ်မှန်သောလမ်း မဟုတ်ပေ၊ ယင်းမှာ နတ်ဆိုးတစ်ကောင်၏ အလုပ်၊ သို့မဟုတ် လမ်းဟောင်းတစ်ခု ဖြစ်ကောင်းဖြစ်နိုင်ပေသည်။ တိုတိုပြောရလျှင်၊ ယင်းမှာ သန့်ရှင်းသောဝိညာဉ်တော်၏ မျက်မှောက်အလုပ်မဖြစ်နိုင်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် သူ၏ အမှုကို သိရှိသူတို့သာ ဘုရားသခင်ကို ကျေနပ်စေနိုင်၏” မှ

ဘုရားသခင်အလုပ်၏ အဆင့်အသီးသီး၌လည်း လူသားနှင့် လိုက်လျောညီထွေသော သတ်မှတ်ချက်များရှိသည်။ သန့်ရှင်းသော ဝိညာဉ်တော်၏ ရေစီးကြောင်းအတွင်း ရှိနေသူများအားလုံး၌ သန့်ရှင်းသော ဝိညာဉ်တော်၏ မျက်မှောက်တော်နှင့် ဆုံးမပဲ့ပြင်ခြင်းတို့ ရှိကြပြီး၊ သန့်ရှင်းသော ဝိညာဉ်တော်၏ ရေစီးကြောင်းအတွင်း ရှိမနေသူများ၌မူ သန့်ရှင်းသော ဝိညာဉ်တော်၏ မည်သည့်လုပ်ဆောင်မှုမျှမရှိပေ၊ ထိုသူတို့သည် စာတန်၏ ကွပ်ကဲမှုအောက်တွင် ရှိနေကြသည်။ သန့်ရှင်းသော ဝိညာဉ်တော်၏ ရေစီးကြောင်းအတွင်း ရှိနေသူများက ဘုရားသခင်၏ အလုပ်သစ်ကို လက်ခံသူများဖြစ်ပြီး၊ ဘုရားသခင်၏ အလုပ်သစ်တွင် ပူးပေါင်းဆောင်ရွက်သူများဖြစ်သည်။ ဤရေစီးကြောင်းအတွင်း ရှိနေသူများက ပူးပေါင်းဆောင်ရွက်ခြင်းငှာ မတတ်စွမ်းနိုင်ဘဲ၊ ယခုအချိန်တွင် ဘုရားသခင်အလိုရှိသည့် သမ္မာတရားကို လက်တွေ့လုပ်ဆောင်နိုင်ခြင်း မရှိပါက၊ သူတို့သည် ဆုံးမပဲ့ပြင်ခြင်းကို ခံရလိမ့်မည်ဖြစ်ပြီး၊ အဆိုးဆုံးအနေဖြင့် သန့်ရှင်းသော ဝိညာဉ်တော်၏ စွန့်ပစ်ခြင်းကို ခံရလိမ့်မည်။ သန့်ရှင်းသော ဝိညာဉ်တော်၏ အလုပ်အသစ်ကို လက်ခံသူများသည်၊ သန့်ရှင်းသော ဝိညာဉ်တော်၏ ရေစီးကြောင်းအတွင်းတွင် နေထိုင်နေမည်ဖြစ်ပြီး၊ သန့်ရှင်းသော ဝိညာဉ်တော်၏ စောင့်ရှောက်ခြင်းနှင့် ကာကွယ်ခြင်းကို ရရှိလိမ့်မည်။ သမ္မာတရားကို လက်တွေ့လုပ်ဆောင်ရန် ဆန္ဒရှိသူများသည် သန့်ရှင်းသော ဝိညာဉ်တော်၏ ဉာဏ်ဖွင့်ပေးခြင်းကို ခံရမည်ဖြစ်ပြီး၊ သမ္မာတရားကို လက်တွေ့လုပ်ဆောင်ရန် ဆန္ဒမရှိသူများကမူ သန့်ရှင်းသော ဝိညာဉ်တော်၏ ဆုံးမပဲ့ပြင်ခြင်းကိုခံရပြီး၊ အပြစ်ဒဏ်ပေးခြင်းကိုပင် ခံရကောင်းခံရမည်။ သူတို့သည် မည်သို့သောလူမျိုးဖြစ်နေပါစေ၊ သန့်ရှင်းသော ဝိညာဉ်တော်၏ ရေစီးကြောင်းအတွင်း သူတို့ရှိနေပါက၊ သူ၏နာမတော်အလို့ငှာ သူ့အလုပ်ကို လက်ခံသည့်သူများအားလုံးကို ဘုရားသခင်က တာဝန်ယူလိမ့်မည်။ သူ၏နာမတော်ကို ဘုန်းထင်ရှားစေပြီး၊ သူ၏နှုတ်ကပတ်တော်များကို လက်တွေ့လုပ်ဆောင်ရန် ဆန္ဒရှိသူများသည် သူ၏ကောင်းချီးများကို ရရှိလိမ့်မည်။ သူ့ကိုမနာခံဘဲ သူ၏နှုတ်ကပတ်တော်များကို လက်တွေ့မလုပ်ဆောင်သူများကမူ သူ၏အပြစ်ဒဏ်ပေးခြင်းကို ခံရလိမ့်မည်။ သန့်ရှင်းသော ဝိညာဉ်တော်၏ ရေစီးကြောင်းအတွင်း ရှိနေသည့် လူများသည် အလုပ်သစ်ကို လက်ခံသူများဖြစ်သည်။ ထို့ပြင် သူတို့သည် အလုပ်သစ်ကို လက်ခံသူများ ဖြစ်သည့်အတွက် သူတို့၌ ဘုရားသခင်နှင့် သင့်လျော်သည့် ပူးပေါင်းဆောင်ရွက်မှု ရှိသင့်ပြီး၊ မိမိတို့၏တာဝန်ကို မထမ်းဆောင်သည့် ပုန်ကန်သူများကဲ့သို့ မလုပ်ဆောင်သင့်ပေ။ ဤကား လူသားအပေါ်ထားရှိသည့် ဘုရားသခင်၏ တစ်ခုတည်းသော သတ်မှတ်ချက်ဖြစ်သည်။ အလုပ်သစ်ကို လက်မခံသည့် လူများအတွက်မူ ထိုသို့မဟုတ်ပေ။ သူတို့သည် သန့်ရှင်းသော ဝိညာဉ်တော်၏ ရေစီးကြောင်းပြင်ပတွင် ရှိပြီး၊ သန့်ရှင်းသော ဝိညာဉ်တော်၏ ဆုံးမပဲ့ပြင်မှုနှင့် အပြစ်တင်မှုတို့က သူတို့အပေါ် သက်ရောက်မှု မရှိပေ။ ထိုသူများသည် တစ်နေ့တာလုံး ဇာတိပကတိအတွင်း၌ နေသည်၊ မိမိတို့၏ စိတ်အတွင်း၌နေပြီး၊ သူတို့လုပ်သမျှသည် သူတို့ကိုယ်ပိုင် ဦးနှောက်များနှင့် ခွဲခြမ်းစိတ်ဖြာ သုတေသနပြုပြီး ထွက်လာသည့် အယူဝါဒများအတိုင်းသာ ဖြစ်သည်။ ယင်းသည် ဘုရားသခင်နှင့် ပူးပေါင်းဆောင်ရွက်မှုဖြစ်ရန်မဆိုထားနှင့်၊ သန့်ရှင်းသောဝိညာဉ်တော် အလုပ်သစ်၏ သတ်မှတ်ချက်များပင် မဟုတ်ပေ။ ဘုရားသခင်၏ အလုပ်သစ်ကို လက်မခံသူများ၌ ဘုရားသခင်၏ မျက်မှောက်တော် ကင်းမဲ့သည့်အပြင် သူတို့၌ ဘုရားသခင်၏ ကောင်းချီးများနှင့် ကာကွယ်ခြင်းတို့ လုံးဝမရှိပေ။ သူတို့၏ စကားများနှင့် လုပ်ဆောင်မှု အများစုတို့သည် သန့်ရှင်းသော ဝိညာဉ်တော်အလုပ်၏ ယခင်က သတ်မှတ်ချက်များကို ထိန်းသိမ်းထားသည်။ ယင်းတို့သည် အယူဝါဒဖြစ်ပြီး၊ သမ္မာတရားမဟုတ်ချေ။ ထိုသို့သော အယူဝါဒနှင့် စည်းမျဉ်းတို့သည် ထိုသူတို့ကို အတူတကွ စုစည်းစေသည့် တစ်ခုတည်းသောအရာက ဘာသာတရားဖြစ်ကြောင်း သက်သေပြရန် လုံလောက်သည်။ ထိုသူတို့သည် ရွေးချယ်ခံရသူများ၊ သို့မဟုတ် ဘုရားသခင် အလုပ်၏ အပြုခံအရာများ မဟုတ်ကြပါ။ ထိုသူတို့အားလုံးကြားမှ စုစည်းမှုကို ဘာသာတရား၏ ကြီးကျယ်သော ညီလာခံတစ်ခုအဖြစ်သာ ခေါ်ဆိုနိုင်ပြီး၊ အသင်းတော်တစ်ခုအဖြစ် မခေါ်ဆိုနိုင်ပါ။ ယင်းသည် ပြောင်းလဲ၍မရသည့် အချက်တစ်ခုဖြစ်သည်။ သူတို့တွင် သန့်ရှင်းသော ဝိညာဉ်တော်၏ အလုပ်သစ်မရှိ၊ သူတို့လုပ်ဆောင်သည့်အရာက ဘာသာရေးရနံ့များ လှိုင်နေသည့်ပုံ ပေါ်နေသည်၊ သူတို့အသက်ရှင်နေထိုင်သည့်အရာသည် ဘာသာရေးနှင့် ပြည့်နှက်သည့်ပုံ ပေါ်နေသည်။ သူတို့သည် သန့်ရှင်းသော ဝိညာဉ်တော်၏ ဆုံးမပဲ့ပြင်မှုနှင့် ဉာဏ်ဖွင့်ပေးခြင်းကို ရရှိစိမ့်သောငှာ သင့်လျော်ရန် မဆိုထားနှင့် သန့်ရှင်းသော ဝိညာဉ်တော်၏ မျက်မှောက်တော်နှင့် အမှုကိုပင် မပိုင်ဆိုင်ကြပေ။ ထိုလူအားလုံးတို့သည် အသက်မရှိသည့် အလောင်းကောင်များနှင့် ဝိညာဉ်ရေးရာ လုံးဝမရှိသည့် လောက်ကောင်များ ဖြစ်ကြသည်။ သူတို့သည် ဘုရားသခင်၏အလုပ်နှင့် ဘုရားသခင်၏ လက်ရှိအလိုတော်တို့ကို သိရန်မဆိုထားနှင့် လူသား၏ပုန်ကန်မှုနှင့် ဆန့်ကျင်မှုကို သိနားလည်ခြင်းမရှိ၊ လူသား၏ မကောင်းမှုပြုခြင်းကို သိနားလည်ခြင်းမရှိ။ သူတို့အားလုံးသည် ပညာမဲ့သော၊ အသုံးမကျသောလူများ ဖြစ်ကြသည်၊ သူတို့သည် ယုံကြည်သူများဟုပင် ခေါ်ဆိုရန် မထိုက်တန်သော ဆန်ကုန်မြေလေးများပင် ဖြစ်တော့သည်။ သူတို့လုပ်သမျှတွင် ဘုရားသခင်၏ အစီအစဉ်များကို နှောင့်ယှက်နိုင်ရန် မဆိုထားနှင့် ဘုရားသခင်၏ စီမံခန့်ခွဲမှုနှင့် ဆက်စပ်သည့်အရာ ဘာတစ်ခုမျှ မရှိပေ။ သူတို့၏စကားများနှင့် လုပ်ရပ်များက စက်ဆုပ်ရွံရှာဖွယ် ကောင်းလှသည်၊ သနားစရာကောင်းလွန်းပြီး ရှင်းပြရလောက်အောင်ပင် လုံးဝမထိုက်တန်ချေ။ သန့်ရှင်းသော ဝိညာဉ်တော်၏ ရေစီးကြောင်းအတွင်း ရှိမနေသည့် ထိုသူတို့ လုပ်ဆောင်သည့် အရာမှန်သမျှသည် သန့်ရှင်းသော ဝိညာဉ်တော်၏ အလုပ်သစ်နှင့် မည်သို့မျှသက်ဆိုင်မှုမရှိချေ။ ထို့အတွက်ကြောင့် သူတို့မည်သည့်အရာကို လုပ်ဆောင်သည်ဖြစ်စေ သူတို့တွင် သန့်ရှင်းသော ဝိညာဉ်တော်၏ ဆုံးမပဲ့ပြင်မှု မရှိသည့်အပြင်၊ သန့်ရှင်းသော ဝိညာဉ်တော်၏ ဉာဏ်ဖွင့်ပေးမှုလည်း မရှိပေ။ အကြောင်းမှာ သူတို့အားလုံးသည် သမ္မာတရားကို ချစ်သည့်သူများ မဟုတ်ကြဘဲ သန့်ရှင်းသော ဝိညာဉ်တော်က မုန်းတီးပြီး ငြင်းပယ်ခြင်းကို ခံရသည့်သူများ ဖြစ်နေသည့်အတွက်ကြောင့် ဖြစ်သည်။ သူတို့သည် ဇာတိပကတိထဲတွင် လျှောက်နေကြပြီး၊ ဘုရားသခင်၏ ဆိုင်းဘုတ်အောက်တွင် သူတို့စိတ်ကျေနပ်သည့် မည်သည့်အရာကိုမဆို လုပ်ဆောင်နေကြသည့်အတွက် သူတို့ကို မကောင်းမှုပြုသူများဟု ခေါ်သည်။ ဘုရားသခင် အလုပ်လုပ်နေစဉ်တွင် သူတို့သည် တမင်တကာ သူ့ကိုရန်လိုပြီး သူနှင့်ဆန့်ကျင်ဘက်သို့ ပြေးကြသည်။ လူသားက ဘုရားသခင်နှင့် ပူးပေါင်းဆောင်ရွက်ရန် ကျရှုံးခြင်းကိုယ်၌ကပင်လျှင် အဆုံးစွန် ပုန်ကန်ခြင်းဖြစ်သည်။ ဤသို့ဆိုလျှင် ဘုရားသခင်နှင့် ဆန့်ကျင်ဘက်သို့ တမင်တကာပြေးကြသောသူတို့သည် အထူးသဖြင့် သူတို့နှင့် ထိုက်တန်သော ဒဏ်ခတ်ခြင်းကို ရရှိကြမည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှု” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘာသာရေး အသိုင်းအဝိုင်း တစ်ခုလုံးက ယင်းအပေါ် ရန်လိုမှုလည်းမရှိ၊ ဆန့်ကျင်မှုလည်း မရှိပါလျှင် ယင်းသည် စစ်မှန်သောလမ်း ဖြစ်လိမ့်မည် မဟုတ်ပေ။ သတိရပါ၊ စစ်မှန်သောလမ်းကို လူအများစုနှင့် ကမ္ဘာကြီးကပင် ဧကန်အမှန် ဆန့်ကျင်ကြလိမ့်မည်။ သခင်ယေရှု အမှုတော်ပြုရန်နှင့် တရားဟောရန် ပထမဆုံး လာခဲ့သည့်အချိန်က ယုဒဘာသာတစ်ခုလုံးသည် ကိုယ်တော်ကို မဆန့်ကျင်ဘဲ နေခဲ့ကြသလော။ ဘုရားသခင်က အမှုတော်အသစ်ကို စတင်သည့်အခါတိုင်း ဖောက်ပြန်ပျက်စီးသော လူသားမျိုးနွယ်တို့သည် ယင်းကို လက်ခံရန် အကြီးမားဆုံး အခက်အခဲရှိကြသည်၊ အကြောင်းမှာ ဘုရားသခင်၏ အမှုတော်သည် လူတို့၏ အယူအဆများနှင့် သဘောထားကွဲလွဲပြီး ငြင်းဆိုစရာ ဖြစ်နေသောကြောင့်ဖြစ်သည်။ လူတို့သည် နားလည်နိုင်စွမ်းမရှိဘဲ ဝိညာဉ်လောကထဲသို့ ချဉ်းနင်းဝင်ရောက်ရန် မတတ်စွမ်းနိုင်ပေ။ ယင်းသည် သန့်ရှင်းသော ဝိညာဉ်တော်၏ အမှုတော် မဟုတ်ခဲ့ပါက၊ သူတို့သည် မှန်သောလမ်းကို လက်ခံနိုင်မည်မဟုတ်ပေ။ ယင်းသည် ဘုရားသခင်၏ အမှုတော်ဖြစ်သည်ဟု ယုံကြည်ရပါသော်လည်း ဘာသာရေး အသိုင်းအဝိုင်းက ဆန့်ကျင်ခြင်းမရှိသည့်အပြင်၊ ကမ္ဘာလောက၏ ဆန့်ကျင်မှုနှင့် ရန်လိုမှုတို့ ကင်းမဲ့နေပါက၊ ယင်းသည် ဘုရားသခင်၏ အမှုတော် မစစ်မှန်ကြောင်း ထင်ရှားပေသည်။ လူသားတို့သည် သမ္မာတရားကို လက်ခံရန် အဘယ်ကြောင့် မတတ်နိုင်သနည်း။ ပထမအနေဖြင့် လူသည် ဇာတိပကတိနှင့်ဖြစ်သည်၊ သူသည် ရုပ်ဝတ္ထုတစ်ခုဖြစ်သည်။ ရုပ်ဝတ္ထုများသည် ဝိညာဉ်လောကထဲသို့ ထိုးဖောက်နိုင်စွမ်း မရှိပေ။ “ဝိညာဉ်လောကထဲသို့ ထိုးဖောက်နိုင်စွမ်း မရှိ” ဆိုသည်မှာ အဘယ်အရာကို ဆိုလိုပါသနည်း။ ထိုအရာမှာ ဝိညာဉ်များ၊ ဝိညာဉ်များ၏ လှုပ်ရှားမှုများနှင့် ဝိညာဉ်လောကကို မြင်နိုင်စွမ်းမရှိခြင်း၊ ဘုရားသခင် အဘယ်အရာကို ပြုနေသည်၊ အဘယ်အရာကို ပြောဆိုနေသည်ကို မမြင်နိုင်ခြင်းဟု ဆိုလိုသည်။ ဝိညာဉ်လောကတွင် အဘယ်အရာများဖြစ်နေသည်ကို လူတို့သည် မြင်ကြမည် မဟုတ်ပေ။ ရုပ်ဝတ္ထုကမ္ဘာတွင်၊ လူတို့သည် ရုပ်ဝတ္ထုပစ္စည်းများကိုသာ မြင်နိုင်သည်။ မည်သည့်ဝိညာဉ်က လူများအတွင်းတွင် မည်သည့်အမှုကို ပြုသည်ကို သင်တို့မမြင်နိုင်၊ သို့မဟုတ် ဘုရားသခင်၏ ဝိညာဉ်တော်သည် မည်သည်ကို လာ၍လုပ်ဆောင်သည်၊ ပြောသည်ကို မမြင်နိုင်ပေ။ တစ်ခါတစ်ရံ သင်သည် ကိုယ်တော်၏အသံတော်ကို ကြားနိုင်သည်၊ သို့သော် ၎င်းသည် အဘယ်အရပ်မှ လာသည်ကို သင်မသိပါ။ စာအုပ်တစ်အုပ်မှ ဘုရားသခင်၏ နှုတ်ကပတ်တော်များကို သင်ဖတ်သည်၊ သို့သော် ဘုရားသခင်က ဤနှုတ်ကပတ်တော်များကို မည်သည့်အချိန်တွင် ပြောခဲ့သည်၊ သို့မဟုတ် မည်သို့ပြောခဲ့သည်၊ သို့မဟုတ် ယင်းတို့မှာ အဘယ်အရာအား ဆိုလိုသည်ကို သင်မသိနိုင်သေးဘဲရှိသည်။ လူများသည် ဝိညာဉ်လောကထဲသို့ ထိုးဖောက်ဝင်ရောက်ခြင်း မပြုနိုင်ကြ၊ သို့မဟုတ် ဘုရာသခင်၏ နှုတ်ကပတ်တော်နှင့်ဆိုင်သော အရင်းအမြစ်ကို နားမလည်နိုင်ကြ၊ သို့ဖြစ်ရာ သူတို့သည် သမ္မာတရားကို နားလည်နိုင်ရန်အတွက် သန့်ရှင်းသော ဝိညာဉ်တော်၏ ဉာဏ်ပွင့်စေခြင်းနှင့် အလင်းပေးခြင်းတို့အပြင် သန့်ရှင်းသော ဝိညာဉ်တော်၏ အမှုတော်တို့ကို လိုအပ်သည်။ ဒုတိယအားဖြင့်၊ လူတို့သည် အလွန်အမင်း ဖောက်ပြန်ပျက်စီးခဲ့ပြီး သူ၏အတွင်းပိုင်းသည် စာတန်၏ အင်္သချေများလှသော အဆိပ်၊ အင်္သချေများလှသော အသိပညာနှင့် ပြည့်လျက်ရှိ၏။ သူသည် စာတန်၏ အမျိုးမျိုးသော အတွေးအမြင်များနှင့် အသိပညာများကို အသုံးပြုလျက် အရာရာကို သုံးသပ်မည်ဆိုလျှင်၊ သမ္မာတရားမှာ အဘယ်အရာဖြစ်သည်ကို ဘယ်သောအခါမျှ သူသက်သေပြနိုင်လိမ့်မည် မဟုတ်ပေ။ သန့်ရှင်းသော ဝိညာဉ်တော်၏ ဉာဏ်ပွင့်စေခြင်းနှင့် အလင်းပေးခြင်း မပါဘဲ၊ လူသည် သမ္မာတရားကို နားလည်နိုင်စွမ်း ရှိမည်မဟုတ်ပေ။ သို့ဖြစ်ရာ စစ်မှန်သောလမ်းသည် လူ၏ဖိစီးနှိပ်စက်ခြင်းနှင့် ငြင်းပယ်ခြင်းကို မလွဲမသွေခံရမည်သာ ဖြစ်သည်။ စာတန်၏အသိပညာနှင့် အတွေးအမြင်များကို လူတို့အနေဖြင့် လက်ခံရန် အဘယ်ကြောင့် လွယ်ကူနေသနည်း။ ပထမအားဖြင့်၊ ယင်းသည် သူတို့၏ အယူအဆများ၊ သူတို့ဇာတိပကတိ၏ စိတ်ပါဝင်စားမှုများနှင့် တစ်သားတည်းဖြစ်နေပြီး၊ ယင်းသည် သူတို့ဇာတိပကတိအတွက် အကျိုးရှိစေသည်။ သူတို့က သူတို့ကိုယ်ကို ဤသို့ပြောကြသည်၊ “ဤသို့သော အသိပညာကို လက်ခံခြင်းသည် ကျွန်ုပ်ကို အထောက်အကူဖြစ်စေသည်။ ယင်းသည် ကျွန်ုပ်ကို ရာထူးတိုးစေလိမ့်မည်၊ ယင်းသည် ကျွန်ုပ်ကို အောင်မြင်စေလိမ့်မည်၊ ထို့နောက် အမှုအရာများကို စွမ်းဆောင်ရယူနိုင်ရန် လမ်းဖွင့်ပေးလိမ့်မည်။ ထိုသို့သော အသိပညာအားဖြင့် ဤလူတို့ ကျွန်ုပ်ကို မော့ကြည့်ကြလိမ့်မည်။” လူတို့ကို အကျိုးဖြစ်စေသည့် ထိုအရာသည် သူတို့၏အယူအဆများနှင့် တစ်သားတည်းဖြစ်နေသည်။... ဤမျှသော အတိုင်းအတာထိ ဖောက်ပြန်ပျက်စီးခဲ့ခြင်းနှင့် ဝိညာဉ်လောကသို့ မထိုးဖောက်နိုင်ခြင်းတို့ကြောင့် လူတို့သည် ဘုရားသခင်ကို ဆန့်ကျင်ရုံသာ တတ်နိုင်ကြရာ ဘုရားသခင်၏ အမှုတော်သည် လူ၏ငြင်းပယ်ခြင်း၊ ဆန့်ကျင်ခြင်းနှင့် ရှုတ်ချခြင်းကိုသာ ကြုံခဲ့ရသည်။ ယင်းမှာ ပုံမှန်ပင် ဖြစ်သည်။ အကယ်၍ ဘုရားသခင်၏ အမှုတော်သည် ကမ္ဘာလောကနှင့် လူသား၏ ရှုတ်ချခြင်းနှင့် ဆန့်ကျင်ခြင်းကို မခံခဲ့ရပါက၊ ယင်းသည် သမ္မာတရားမဟုတ်ကြောင်း သက်သေပြပြီး ဖြစ်လိမ့်မည်။ ဘုရားသခင်ပြောခဲ့သမျှ အားလုံးသည် လူတို့၏အယူအဆများနှင့် တစ်သားတည်းဖြစ်ခဲ့သော်၊ သူတို့အနေဖြင့် ယင်းကို ရှုတ်ချကြမည်လော။ ဆန့်ကျင်ကြမည်လော။ သူတို့လုပ်မည်မဟုတ်သည်မှာ သေချာသည်။

အထက်အရပ်မှ မိတ်သဟာယပြုခြင်း မှ

ဘုရားသခင် အမှန်တကယ် ကြိုတင်ခွဲခန့်မှတ်သားထားပြီး ရွေးချယ်ထားသောသူများဖြင့် အသင်းတော်ကို ဖွဲ့စည်းထားသည်။ သမ္မာတရားကို ချစ်မြတ်နိုးသူ၊ သမ္မာတရားကို လေ့လာလိုက်စားသူနှင့် သန့်ရှင်းသော ဝိညာဉ်တော်ဆိုင်ရာ အမှုတော်၏ သိမ်းပိုက်ခံရသူတို့ဖြင့် ဖွဲ့စည်းထားသည်။ ထိုသူတို့ စုရုံးပြီး ဘုရားသခင်၏ နှုတ်ကပတ်တော်ကို စားသောက်ခြင်း၊ အသင်းတော်၏ အသက်တာကို ရှင်သန်နေထိုင်ခြင်း၊ ဘုရားသခင်၏ အမှုတော်ကို ကြုံတွေ့ခြင်းနှင့် ဘုရားသခင် ဖန်ဆင်းထားသော သတ္တဝါများအနေနှင့် မိမိတို့၏တာဝန်ကို ထမ်းဆောင်ကြခြင်းတို့ကို ဆောင်ရွက်ကြသည့်အခါမှသာလျှင် အသင်းတော်တစ်ခု ဖြစ်နိုင်သည်။ လူစုလူဝေးတစ်ခုက ဘုရားသခင်ကို အမှန်တကယ် ယုံကြည်ကြောင်း၊ ဆုတောင်းကြောင်းနှင့် ဘုရားသခင်၏ နှုတ်ကပတ်တော်များကို ဖတ်ရှုကြောင်း ပြောသော်လည်း သမ္မာတရားကို ချစ်မြတ်နိုးခြင်း၊ သို့မဟုတ် လေ့လာလိုက်စားခြင်း မရှိဘဲ၊ သန့်ရှင်းသော ဝိညာဉ်တော်၏ အမှုတော် မပါဘဲ၊ ဘာသာရေး အခမ်းအနားများကို ကျင်းပရုံသာ ဖြစ်နေပါလျှင် ယင်းသည် အသင်းတော်တစ်ခု မဟုတ်ပါ။ ပို၍တိကျကျပြောရလျှင် သန့်ရှင်းသော ဝိညာဉ်တော်၏ အမှုတော်မပါသော အသင်းတော်များသည် အသင်းတော်များ မဟုတ်ကြပါ။ ယင်းတို့သည် ဘာသာရေး ကျင်းပရာနေရာများနှင့် ဘာသာရေး အခမ်းအနားများကို ကျင်းပကြသော လူများသာ ဖြစ်သည်။ သူတို့သည် ဘုရားသခင်ကို အမှန်တကယ် နာခံသူများ၊ ဘုရားသခင်၏ အမှုတော်ကို ကြုံတွေ့ကြသူများ မဟုတ်ကြပေ။

............

အသင်းတော်ဆိုသည်မှာ ဘုရားသခင်ကို အမှန်တကယ် ယုံကြည်ပြီး သမ္မာတရားကို လေ့လာလိုက်စားသူများ စုဝေးရာဖြစ်ပြီး ကောက်ကျစ်စဉ်းလဲသူတို့ လုံးဝမပါဝင်ပေ။ သူတို့သည် အသင်းတော်နှင့် မသက်ဆိုင်ပေ။ သမ္မာတရားကို မလေ့လာမလိုက်စားဘဲ သမ္မာတရားကို လက်တွေ့လုပ်ဆောင်ရန် မည်သည့်အရာကိုမျှ မလုပ်သောလူများ အတူတကွ စုဝေးပါက ယင်းသည် အသင်းတော်တစ်ခု ဖြစ်မည်မဟုတ်ပေ။ ယင်းသည် ဘာသာရေး ကျင်းပရာနေရာ၊ သို့မဟုတ် လူစုလူဝေးတစ်ခု ဖြစ်လိမ့်မည်။ ဘုရားသခင်ကို အမှန်တကယ် ယုံကြည်ပြီး သမ္မာတရားကို လေ့လာလိုက်စားသောသူများ၊ ဘုရားသခင်၏ နှုတ်ကပတ်တော်များကို စားသောက်ပြီး၊ ဘုရားသခင်ကို ကိုးကွယ်ကာ၊ မိမိတို့၏တာဝန်ကို ထမ်းဆောင်သည့်အပြင်၊ ဘုရားသခင်၏ အမှုတော်ကို တွေ့ကြုံ၍ သန့်ရှင်းသော ဝိညာဉ်တော်၏ အမှုတော်ကို ရရှိထားသောသူများဖြင့် အသင်းတော်ကို ဖွဲ့စည်းရမည်။ သို့မှသာလျှင် ၎င်းသည် အသင်းတော်ဖြစ်သည်။ သို့ဖြစ်ရာ အသင်းတော်တစ်ခု စစ်မှန်မှုရှိမရှိကို သင်သုံးသပ်သည့်အခါ၊ ယင်းတွင် မည်သို့သောသူများရှိသည်ကို ပထမဆုံး ကြည့်ရမည်။ ဒုတိယအားဖြင့်၊ သူတို့တွင် သန့်ရှင်းသော ဝိညာဉ်တော်၏ အမှုတော်ရှိမရှိကို ကြည့်မည်။ သူတို့၏စုဝေးခြင်းတွင် သန့်ရှင်းသော ဝိညာဉ်တော်၏ အမှုတော်မပါရှိပါက ယင်းသည် အသင်းတော်တစ်ခု မဟုတ်ပေ။ ထို့ပြင် ၎င်းသည် သမ္မာတရားကို လေ့လာလိုက်စားသူတို့၏ အစုအဝေး မဟုတ်ပါက ယင်းသည် အသင်းတော်တစ်ခု မဟုတ်ပါ။ အသင်းတော်တွင် သမ္မာတရားကို လေ့လာလိုက်စားသူ တစ်ဦးမျှ မရှိလျှင်၊ ဤအသင်းတော်တွင် သန့်ရှင်းသော ဝိညာဉ်တော်၏ အမှုတော် မရှိပေ။ ထိုအထဲတွင် သမ္မာတရားကို လေ့လာလိုက်စားလိုသောသူ တစ်ဦးတစ်ယောက်ရှိပြီး ထိုသူသည် ထိုသို့သောအသင်းတော်တွင် ဆက်လက်ကျန်နေလျှင်၊ ထိုသူသည် ကယ်တင်ခြင်းခံရနိုင်မည် မဟုတ်ပေ။ သူတို့သည် ထိုလူအစုအဝေးမှ ဖယ်ခွာပြီး အသင်းတော်တစ်ခုကို တတ်နိုင်သမျှ မြန်မြန်ရှာဖွေရမည်။ အသင်းတော်တစ်ခုတွင် သမ္မာတရားကို လေ့လာလိုက်စားသူ သုံးယောက်မှ ငါးယောက်ရှိပြီး၊ ၃၀ သို့မဟုတ် ၅၀ သည် လူစုလူဝေးသက်သက်သာဖြစ်ပါက၊ ဘုရားသခင်တွင် အမှန်တကယ် ယုံကြည်ပြီး သမ္မာတရားကို လေ့လာလိုက်စားသည့် ထိုသုံးယောက် သို့မဟုတ် ငါးယောက်သည် အတူပူးပေါင်းလုပ်ဆောင်သင့်သည်။ သူတို့ အတူပူးပေါင်းလုပ်ဆောင်သောအခါ သူတို့၏စုဝေးခြင်းသည် အသင်းတော်ဖြစ်နေဆဲဖြစ်သည်၊ အသင်းဝင်အနည်းဆုံးရှိသော အသင်းတော်ဖြစ်သော်လည်း ယင်းသည် သန့်စင်သည်။

အသက်တာထဲသို့ ဝင်ရောက်မှုဆိုင်ရာ တရားဟောချက်များနှင့် မိတ်သဟာယပြုခြင်း (၇) တွင်ပါဝင်သော “အသင်းတော်အမှု၏ နိယာမ ငါးခုနှင့်အညီ စီမံလုပ်ကိုင်ရန်မှာ အရေးပါလှသည်” မှ

ဘာသာရေးလောကရှိ ခေါင်းဆောင်များနှင့် သင်းအုပ်ဆရာများသည် ဘုရားသခင်၏ အမှုတော်ကို တွေ့ကြုံထားခြင်းမရှိ၊ သို့မဟုတ် သန့်ရှင်းသော ဝိညာဉ်တော်အားဖြင့် စုံလင်စေခြင်းနှင့် တည်ဆောက်ထားခြင်းတို့ မခံထားရဘဲ ယင်းအစား ကျမ်းစာသင်ကျောင်းများမှ ကျောင်းပြီး၍ အောင်လက်မှတ်ရပြီးနောက် ဘာသာရေးအသိုင်းအဝိုင်းတွင် ခေါင်းဆောင်များနှင့် သင်းအုပ်ဆရာများ ဖြစ်လာကြသည်။ သူတို့တွင် သန့်ရှင်းသော ဝိညာဉ်တော်၏ အမှုတော်နှင့် အတည်ပြုခြင်းတို့ မရှိကြပေ၊ သူတို့တွင် ဘုရားသခင်၏ မှန်ကန်သော အသိပညာ စိုးစဉ်းမျှ မရှိကြပေ၊ ထို့ပြင် သူတို့၏နှုတ်များသည် ဓမ္မပညာဆိုင်ရာ အသိပညာနှင့် အယူအဆများမှလွဲ၍ မည်သည်ကိုမျှ မပြောတတ်ပေ။ အမှန်တကယ်အားဖြင့် သူတို့သည် မည်သည့်အရာကိုမျှ တွေ့ကြုံထားခြင်း မရှိကြပေ။ ထိုသို့သော လူများသည် ဘုရားသခင်၏အသုံးပြုခြင်းကိုခံရရန် အရည်အချင်း လုံးဝမပြည့်မီပေ၊ သူတို့သည် လူကို ဘုရားသခင်၏ ရှေ့မှောက်သို့ မည်သို့ပို့ဆောင်နိုင်မည်နည်း။ သူတို့သည် ကျမ်းစာသင်ကျောင်းမှ ဘွဲ့ရခြင်းကို သူတို့၏ ကိုယ်ပိုင်ခံစားပိုင်ခွင့် အထောက်အထားအဖြစ် ပြကြသည်၊ သူတို့၏ သမ္မာကျမ်းစာအကြောင်း အသိပညာကို ကြွားလုံးထုတ်နိုင်ရန် သူတို့လုပ်နိုင်သမျှ အရာရာကို လုပ်ဆောင်ကြသည်၊ သူတို့သည် မခံမရပ်နိုင်အောင်ပင် မာနထောင်လွှားကြသည်။ သို့အတွက်ကြောင့် သူတို့သည် ဘုရားသခင်၏ ပြစ်တင်ရှုတ်ချခြင်းနှင့် ဘုရားသခင်၏ စက်ဆုပ်ရွံရှာခြင်းတို့ကို ခံရကာ သန့်ရှင်းသော ဝိညာဉ်တော်၏ အမှုတော်ကို သူတို့ဆုံးရှုံးခဲ့ကြသည်။ ဤအရာကို သံသယဖြစ်စရာ မရှိပေ။ ဘာသာရေး အသိုင်းအဝိုင်းသည် ခရစ်တော်၏ အန္တရာယ်ကြီးမားလှသောရန်သူ အဘယ်ကြောင့်ဖြစ်လာရသနည်းဆိုသည်မှာ အလွန်စဉ်းစားဖွယ်ကောင်းသော မေးခွန်းဖြစ်သည်။ ကျေးဇူးတော်ခေတ်တွင် ယုဒဘာသာက သခင်ယေရှုခရစ်တော်ကို လက်ဝါးကပ်တိုင်တွင် သံရိုက်ခဲ့ခြင်းက အဘယ်အရာကို ပြသသနည်း။ နောက်ဆုံးသောကာလ နိုင်ငံတော်ခေတ်တွင် ဘာသာရေးအသိုင်းအဝိုင်းသည် စုစည်းခဲ့ပြီး နောက်ဆုံးသောကာလဆိုင်ရာ ဘုရားသခင်၏အမှုတော်ကို ဆန့်ကျင်ရန်နှင့် ဝေဖန်ရန် ၎င်း၏ ကြိုးပမ်းအားထုတ်မှုအားလုံးကို မြှုပ်နှံထားသည်၊ ယင်းသည် နောက်ဆုံးသောကာလရှိ လူ့ဇာတိခံယူသော ခရစ်တော်ကို ငြင်းဆန်ပြီး ပယ်ချသည်၊ ယင်းသည် လူ့ဇာတိခံယူသော ဘုရားသခင်နှင့် ဘုရားသခင်၏ အသင်းတော်ကို ဆန့်ကျင်သည့် ကောလာဟလအမျိုးမျိုးကို လုပ်ဇာတ်ခင်းခဲ့သည်၊ တိုက်ခိုက်ခဲ့သည်၊ သွားပုပ်လေလွင့်ပြောခဲ့သည်၊ ပြစ်မှားပြောဆိုခဲ့သည်၊ ထို့ပြင် ကာလအတန်ကြာကတည်းကပင် ယင်းသည် နောက်ဆုံးသောကာလ ခရစ်တော်ဖြစ်သည့် ပြန်ကြွလာသော ယေရှုကို လက်ဝါးကပ်တိုင်တွင် သံဖြင့်ရိုက်ခဲ့ပြီးဖြစ်သည်။ ဘာသာရေး အသိုင်းအဝိုင်းမှာ ကာလအတန်ကြာကတည်းကပင် ဘုရားသခင်ကို ဆန့်ကျင်လျက် ပုန်ကန်ခဲ့သော စာတန်၏ အင်အားများအဖြစ်သို့ ယိုယွင်းပျက်စီးခဲ့ကြောင်း ထိုအရာက သက်သေပြနေသည်။ ဘာသာရေး အသိုင်းအဝိုင်းကို ဘုရားသခင်က အုပ်ချုပ်သည်မဟုတ်၊ ထိုမျှသာမက သမ္မာတရားကလည်း အုပ်ချုပ်သည် မဟုတ်ပေ။ ယင်းကို ဖောက်ပြန်ပျက်စီးနေသည့် လူများအပြင် အန္တိခရစ်များက အကြွင်းမဲ့ အုပ်ချုပ်သည်။

ဤကဲ့သို့သော စာတန်ပိုင်ဆိုင်ပြီး နတ်ဆိုးများနှင့် အန္တိခရစ်များက အုပ်ချုပ်ထိန်းချုပ်သော ဘာသာရေးကျင်းပရာနေရာတွင် လူတို့သည် ဘုရားသခင်ကို ယုံကြည်သောအခါ၊ သူတို့သည် ဘာသာရေး အယူဝါဒများကို နားလည်စွမ်းရှိရုံသာရှိသည်၊ သူတို့သည် ဘာသာရေးပွဲတော်များနှင့် လုပ်ထုံးလုပ်နည်းများကို လိုက်လျှောက်နိုင်ရုံသာရှိသည်၊ ထို့ပြင် သူတို့သည် သမ္မာတရားကို မည်သည့်အခါမျှ နားလည်မည်မဟုတ်၊ ဘုရားသခင်၏ အမှုတော်ကို မည်သည့်အခါမျှ တွေ့ကြုံရမည်မဟုတ်၊ ထို့ပြင် သူတို့သည် ကယ်တင်ခြင်းကို လုံးဝမရနိုင်ပါ။ ထိုဘာသာရေးကျင်းပရာနေရာတို့တွင် သန့်ရှင်းသော ဝိညာဉ်တော်၏ အမှုတော် ဘာမျှမရှိသည့်အတွက်၊ ယင်းတို့သည် ဘုရားသခင် မနှစ်မြို့သည့်နေရာဖြစ်သည်၊ ဘုရားသခင်က စက်ဆုပ်ရွံ့ရှာသည့်နေရာဖြစ်သည်၊ ကိုယ်တော်၏ ပြစ်တင်ရှုတ်ချခြင်းနှင့် ကျိန်ဆဲခြင်းကိုခံရသည်။ ဘုရားသခင်သည် ဘာသာတရားကို ချီးမွမ်းဖူးရန် မဆိုထားနှင့်၊ မည်သည့်အခါကမျှ အသိအမှတ်မပြုခဲ့ပေ၊ သခင်ယေရှု၏ ကာလမှစ၍ ဘာသာရေး အသိုင်းအဝိုင်းသည် ဘုရားသခင်၏ ပြစ်တင်ရှုတ်ချခြင်းကို ခံခဲ့ရသည်။ သို့ဖြစ်ရာ သင်သည် ဘုရားသခင်ကို ယုံကြည်သည့်အခါ သန့်ရှင်းသော ဝိညာဉ်တော်၏ အမှုတော်ရှိသော နေရာများကို ရှာရမည်။ ယင်းတို့သာလျှင် စစ်မှန်သော အသင်းတော်များဖြစ်ပြီး၊ စစ်မှန်သော အသင်းတော်များအတွင်း၌သာလျှင် သင်သည် ဘုရားသခင်၏ အသံတော်ကို ကြားနိုင်မည်ဖြစ်ပြီး၊ ဘုရားသခင့်အမှုတော်၏ ခြေရာတော်ကို ရှာဖွေတွေ့ရှိနိုင်မည်ဖြစ်သည်။ ဤနည်းလမ်းအားဖြင့် ဘုရားသခင်ကို ရှာဖွေတွေ့ရှိနိုင်သည်။

ဘုရားသခင် အသုံးပြုသော လူထံမှ မိတ်သဟာယဖွဲ့ခြင်းနှင့် ဒေသနာများ (လက်ရွေးစင်များ) ထဲက “သမ္မာတရားကို စစ်မှန်သော နားလည်ခြင်းမှတဆင့် ရရှိနိုင်သည့် ရလဒ်များ” မှ

ယခင်က:စစ်မှန်သောခရစ်တော်နှင့် ခရစ်တော်၏အယောင်ကိုဆောင်သောသူများအကြားရှိ ကွာခြားမှုကို သင် မည်ကဲ့သို့ ပြောနိုင်သနည်း။

နောက်တစ်ခုသို့:ဘုရားသခင်နောက်သို့လိုက်ခြင်းနှင့် လူတို့၏နောက်သို့လိုက်ခြင်းအကြား ကွာခြားမှု

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ