အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၂

ယနေ့ မိန့်မြွက်ချက်ထဲတွင် အပြောင်းအလဲတစ်စုံတစ်ရာကို လူတို့မြင်ပြီးခြင်း ရှိမရှိ ငါမသိပေ။ လူအချို့သည် အနည်းငယ်ကို မြင်ကောင်းမြင်ခဲ့နိုင်သော်လည်း ၎င်းတို့အနေဖြင့် တပ်အပ်မပြောရဲကြပေ။ အခြားသူများမှာ မည်သည့်အရာကိုမျှ သတိမပြုမိခဲ့ခြင်း ဖြစ်ကောင်းဖြစ်နိုင်သည်။ ပြက္ခဒိန်လ၏ တစ်ဆယ့်နှစ်ရက်မြောက်နေ့နှင့် တစ်ဆယ့်ငါးရက်မြောက်နေ့အကြား အဘယ်ကြောင့် ယင်းကဲ့သို့ကြီးမားသော ကွာခြားမှုတစ်ခုရှိသနည်း။ သင်တို့အနေဖြင့် ဤအရာကို ချင့်ချိန်တွေးဆဖူးသလော။ သင်တို့၏အမြင်မှာ အဘယ်နည်း။ ဘုရားသခင်၏မိန့်မြွက်ချက်အားလုံးမှ တစ်စုံတစ်ရာကို သင်တို့နားလည်သဘောပေါက်ဖူးသလော။ ဧပြီလဒုတိယမြောက်နေ့နှင့် မေလတစ်ဆယ့်ငါးရက်မြောက်နေ့အကြား ပြုခဲ့ပြီးသောအဓိကအမှုမှာ အဘယ်နည်း။ ယနေ့ လူများသည် ၎င်းတို့၏ဦးခေါင်းကို တင်းပုတ်တစ်ခုဖြင့် ရိုက်နှက်ခြင်းခံထားရသကဲ့သို့ အဘယ်ကြောင့် စိတ်ရှုပ်ထွေးနေကြပြီး နလပိန်းတုံးဖြစ်နေကြသနည်း။ ယနေ့ “နိုင်ငံတော်သားများ၏ မကောင်းသတင်းများ” ဟူသည့် ခေါင်းစဉ်ဖြင့် အဘယ်ကြောင့် သတင်းစာကော်လံများ မရှိသနည်း။ ဧပြီလ ဒုတိယနေ့နှင့် စတုတ္ထနေ့တွင် ဘုရားသခင်သည် လူတို့၏အခြေအနေကို ညွှန်ပြခဲ့ခြင်းမရှိပေ၊ ထို့နည်းတူ ယနေ့ပြီးနောက် ရက်အချို့တွင် သူသည် လူတို့၏အခြေအနေကို ညွှန်ပြခဲ့ခြင်းမရှိပေ၊ အဘယ်ကြောင့် ထိုသို့ဖြစ်သနည်း။ ဤအရာနှင့်ပတ်သက်၍ ပဟေဠိတစ်ခု အမှန်ပင်ရှိသည်၊ အဘယ်ကြောင့် ကြီးမားသော အပြောင်းအလဲတစ်ခု ရှိခဲ့သနည်း။ ဘုရားသခင်သည် အဘယ်ကြောင့် ဤကဲ့သို့ပြောခဲ့ကြောင်းကို ရှေးဦးစွာ အနည်းငယ်ပြောကြစို့။ ဘုရားသခင်၏ ပထမဆုံး နှုတ်ကပတ်တော်များကို ကြည့်ကြစို့၊ ထိုအထဲတွင် သူသည် “အမှုသစ် စလျှင်စချင်း” ဟု ချက်ချင်းပြောခဲ့၏။ ဘုရားသခင်၏အမှုသည် အစအဦးအသစ်တစ်ခုကို ဝင်ရောက်ခဲ့ပြီးဖြစ်ကြောင်း၊ သူသည် အမှုသစ်တစ်ခုကို နောက်ထပ်တစ်ကြိမ် အစပြုခဲ့ပြီးဖြစ်ကြောင်း ဤဝါကျက သင့်ကို ပထမ အရိပ်အမြွက်ပေးခြင်းဖြစ်သည်။ ပြစ်တင်ဆုံးမခြင်းသည် အဆုံးသတ်လာနေကြောင်းကို ဤအရာက ပြသခြင်းဖြစ်သည်၊ ပြစ်တင်ဆုံးမခြင်း၏ အထွတ်အထိပ်သည် ဝင်ရောက်နှင့်ပြီဖြစ်သောကြောင့် လူတို့သည် ဤပြစ်တင်ဆုံးမသောခေတ်၏အမှုကို လက်စသတ်ရန်၊ နောက်ကျကျန်ခြင်းကို ရှောင်ရန်၊ သို့မဟုတ် ၎င်းတို့၏ဟန်ချက် မပျက်စေရန် အချိန်ကို အကောင်းဆုံး အသုံးချရမည်ဟု ဆိုနိုင်သည်။ ဤအရာမှာ လူသား၏အမှုအားလုံးပင်ဖြစ်ပြီး လူသားသည် အစွမ်းကုန် ပူးပေါင်းဆောင်ရွက်ရန် လိုအပ်သည်။ ပြစ်တင်ဆုံးမခြင်းကို လုံးလုံးလျားလျား စေလွှတ်လိုက်သောအခါ၊ ဘုရားသခင်သည် သူ့အမှု၏ နောက်အပိုင်းကို စတင်လုပ်ဆောင်မည်ဖြစ်သည်၊ အဘယ်ကြောင့်ဆိုသော် ဘုရားသခင်က “… ငါသည် ငါ၏အမှုကို လူသားအကြားတွင် ဆက်၍လုပ်ဆောင်ခဲ့ခြင်းဖြစ်ပြီး…။ ဤအခိုက်အတန့်တွင် ငါသည် လူတစ်စုကို ရခဲ့ပြီးသောကြောင့် ငါ၏စိတ်နှလုံးသည် ကြီးစွာသော ဝမ်းမြောက်ခြင်းနှင့် ပြည့်လျက်ရှိသဖြင့် ငါ၏ ‘လုပ်ငန်း’ သည် အောင်မြင်မှုမရှိသောအချိန်၌ မရှိတော့ပေ၊ ၎င်းမှာ အဓိပ္ပာယ်မရှိသော စကားလုံးများ မဟုတ်တော့ပေ” ဟု ဆိုခြင်းဖြစ်သည်။ ကုန်လွန်ခဲ့သောကာလများတွင် လူတို့သည် ဘုရားသခင်၏ အပူတပြင်းဖြစ်သော အလိုတော်ကို သူ၏နှုတ်ကပတ်တော်များ၌ မြင်ခဲ့ကြသည်၊ ဤအရာတွင် မုသားမပါရှိပေ၊ ထို့အပြင် ယနေ့တွင် ဘုရားသခင်သည် သူ၏အမှုကို ပို၍မြန်သောအရှိန်ဖြင့် လုပ်ဆောင်လျက်ရှိသည်။ လူသားအတွက်မူကား ဤအရာသည် ဘုရားသခင်၏ သတ်မှတ်ချက်များနှင့် လုံးလုံးလျားလျား ကိုက်ညီခြင်းမရှိသည့်ပုံထင်ရသော်လည်း ဘုရားသခင်အတွက်မူကား သူ၏အမှုမှာ ပြီးဆုံးနှင့်ပြီဖြစ်သည်။ လူတို့၏အတွေးများမှာ အလွန်ရှုပ်ထွေးခက်ခဲလွန်းသောကြောင့် အမှုအရာများအပေါ် ၎င်းတို့၏အမြင်မှာ မကြာခဏပင် အလွန်အကျွံရှုပ်ထွေးလေ့ရှိသည်။ လူတို့သည် လူတို့အပေါ် အလွန်တောင်းဆိုကြသော်လည်း ဘုရားသခင်သည် လူသားအပေါ် များစွာသော တောင်းဆိုချက်များ မပြုသောကြောင့် ဘုရားသခင်နှင့် လူအကြားရှိ ကွာခြားချက်မှာ မည်မျှပင်ကြီးမားကြောင်း ပြသလျက်ရှိသည်။ ဘုရားသခင်ပြုသမျှအရာတို့တွင် လူတို့၏အယူအဆများကို ဖော်ထုတ်ပြသထားသည်။ ဘုရားသခင်သည် လူတို့အပေါ် များစွာသော တောင်းဆိုချက်များကို ပြုသဖြင့် လူတို့သည် ၎င်းတို့ကို ကြိုးပမ်းရရှိနိုင်စွမ်း မရှိခြင်းမဟုတ်ဘဲ လူတို့သည် ဘုရားသခင်အပေါ် များစွာသော တောင်းဆိုချက်များပြုပြီး ဘုရားသခင်သည် ၎င်းတို့ကို ကြိုးပမ်းရရှိနိုင်စွမ်း မရှိခြင်းဖြစ်သည်။ အဘယ်ကြောင့်ဆိုသော် ကုသပြီးသည့်နောက်တွင် နှစ်ထောင်ပေါင်းများစွာ စာတန်၏ဖျက်ဆီးခြင်းကိုခံခဲ့ရသော လူသားမျိုးနွယ်၌ ရောဂါနောက်ဆက်တွဲ တည်ရှိခြင်းကြောင့် လူတို့သည် ဘုရားသခင်အပေါ် ယင်းကဲ့သို့ “မြင့်မားသော” တောင်းဆိုချက်များကို အမြဲတစေပြုခဲ့ကြပြီး အနည်းငယ်မျှပင် သက်ညှာခြင်း မရှိဘဲ၊ ဘုရားသခင်ကျေနပ်အားရမှု မရှိမည်ကို လွန်စွာစိုးရိမ်ကြသည်။ ထို့ကြောင့် များစွာသောအမှုအရာတို့တွင် လူတို့သည် အလုပ်တာဝန်ကို မထမ်းရွက်နိုင်သည့်အခါ ၎င်းတို့သည် မိမိကိုယ်ကိုပြစ်တင်ဆုံးမခြင်းကို ကြံ့ကြံ့ခံနေရပြီး ၎င်းတို့အပြုအမူများ၏ အကျိုးဆက်များကို သည်းခံနေကြရခြင်းဖြစ်၍ ၎င်းမှာ ဒုက္ခသက်သက်ပင်ဖြစ်သည်။ လူတို့သည်းခံခဲ့သော ဆင်းရဲဒုက္ခ၏ ၉၉ ရာခိုင်နှုန်းကျော်မှာ ဘုရားသခင်၏မထီမဲ့မြင်ပြုခြင်းကို ခံရသည်။ တဲ့တိုးပြောပါက ဘုရားသခင်အတွက် မည်သူမျှ အမှန်တကယ် ဒုက္ခဆင်းရဲခံဖူးခြင်း မရှိပေ။ ၎င်းတို့အားလုံးသည် ၎င်းတို့အပြုအမူများ၏ အကျိုးဆက်များကို သည်းခံကြရခြင်းဖြစ်ပြီး ပြစ်တင်ဆုံးမခြင်း၏ ဤအဆင့်မှာ အမှန်ပင် ခြွင်းချက်မဟုတ်ပေ၊ ၎င်းမှာ လူတို့နှပ်သော အခါးခွက်တစ်ခွက်ဖြစ်၍ ထိုခွက်ကို သူကိုယ်တိုင် မ၍သောက်ခြင်းဖြစ်သည်။ ဘုရားသခင်သည် သူ့ပြစ်တင်ဆုံးမခြင်း၏ မူလရည်ရွယ်ချက်ကို ထုတ်ဖော်ခြင်း မရှိသေးသဖြင့် ကျိန်ဆဲခြင်းကိုခံရသော လူစုတစ်စုရှိသော်လည်း ဤသည်မှာ ပြစ်တင်ဆုံးမခြင်းကို ကိုယ်စားမပြုပေ။ လူတစ်စုသည် ကောင်းချီးမင်္ဂလာကို ခံစားကြရသော်လည်း ဤအရာမှာ ၎င်းတို့သည် အနာဂတ်တွင် ကောင်းချီးမင်္ဂလာခံစားကြရမည်ဟု ဆိုလိုခြင်းမရှိပေ။ လူတို့အတွက်မူကား ဘုရားသခင်သည် မိမိ၏စကားကို မိမိမတည်သော ဘုရားသခင်တစ်ပါးဖြစ်သည်ဟု ထင်ရသည်။ မစိုးရိမ်နှင့်။ ဤသည်တို့မှာ လွန်လွန်းခြင်းဖြစ်ကောင်းဖြစ်နိုင်သော်လည်း အပျက်သဘောမဆောင်ကြနှင့်၊ ငါပြောသာအရာသည် လူတို့၏ဒုက္ခဆင်းရဲနှင့် သက်ဆိုင်မှုအချို့ရှိသော်လည်း သင်သည် ဘုရားသခင်နှင့် ကောင်းသောဆက်ဆံရေးတစ်ခုကို မဖြစ်မနေ တည်ဆောက်ရမည်ဟု ငါထင်သည်။ နောက်ထပ် “ဆုလက်ဆောင်များ” ကို သူ့အား သင်ပေးသင့်သည်၊ ယင်းမှာ သူ့ကို ပျော်ရွှင်စေမည်မှာ သေချာ၏။ ဘုရားသခင်သည် သူ့ကို “ဆုလက်ဆောင်များ” ပေးသောသူများကို ချစ်သည်ဟု ငါယုံသည်။ သင့်အနေဖြင့် အဘယ်သို့ဆိုမည်နည်း၊ ဤစကားများမှာ မှန်သလော။

ယခုအချိန်အထိ သင်တို့သည် သင်တို့၏မျှော်လင့်ချက်များ မည်မျှကို ဘေးသို့ဖယ်ထားပြီးပြီနည်း။ ဘုရားသခင်၏အမှုသည် မကြာမီအဆုံးသတ်မည်ဖြစ်သောကြောင့် သင်တို့သည် မိမိတို့၏မျှော်လင့်ချက်များအားလုံးကို အနည်းနှင့်အများ ဘေးသို့ဖယ်ထားပြီးဖြစ်ရမည်၊ မဟုတ်သလော။ သင်တို့သည် သင်တို့ကိုယ်ကို ဆန်းစစ်သင့်သည်၊ သင်တို့သည် အမြဲတစေ မြင့်မားစွာ မတ်တပ်ရပ်ရန်၊ ကိုယ့်ငါးချဉ်ကိုယ်ချဉ်ရန်နှင့် သင်တို့ကိုယ်ကို ဗန်းတင်ရန် နှစ်ခြိုက်ကြသည်၊ ဤသည်မှာ အဘယ်အရာနည်း။ လူတို့၏မျှော်လင့်ချက်များမှာ မည်သည့်အရာဖြစ်ကြောင်းကို ယနေ့ ငါမသိသေးချေ။ အကယ်၍ လူတို့သည် အမှန်တကယ်ပင် ဒုက္ခပင်လယ်လွှမ်းခြုံ၍ အသက်ရှင်ရပါက၊ ၎င်းတို့သည် ဆင်းရဲဒုက္ခ၏ စစ်ဆေးခြင်းအလယ်၌ သို့မဟုတ်ပါက နှိပ်စက်ညှဉ်းပန်းမှု တန်ဆာပလာအမျိုးမျိုး၏ ခြိမ်းခြောက်မှုအောက်၌ အသက်ရှင်သည့်အခါ၊ သို့မဟုတ် လူအားလုံး၏ ငြင်းပယ်ခြင်းကို ခံရသည့်အချိန်တွင် အသက်ရှင်ရပြီး မိုးကောင်းကင်သို့ မော်ကြည့်ကာ သက်ပြင်းရှည်ရှည်ချသည့်အခါ၊ ယင်းကဲ့သို့အချိန်များတွင် ၎င်းတို့၏အတွေးများထဲ၌ ၎င်းတို့သည် ၎င်းတို့၏မျှော်လင့်ချက်များကို ဘေးသို့ ဖယ်ထားကောင်းဖယ်ထားနိုင်ပေမည်။ အဘယ်ကြောင့်ဆိုသော် လူတို့သည် မျှော်လင့်ချက်ကင်းမဲ့မှုအလယ်တွင် ရှန်ဂရီလာမြို့ကို ရှာဖွေကြပြီး သက်သောင့်သက်သာရှိသော အခြေအနေများ၌ မည်သူမျှ ၎င်းတို့၏လှပသောအိပ်မက်အား ရှာဖွေခြင်းကို တစ်ကြိမ်တစ်ခါမျှ စွန့်ပစ်ခဲ့ဖူးခြင်း မရှိသောကြောင့်ဖြစ်သည်။ ဤအရာသည် လက်တွေ့ကျနိုင်ခြေ မရှိသော်လည်း ဤအရာမှာ လူတို့၏စိတ်နှလုံးထဲ၌ ရှိသောအရာ မဟုတ်ရန် ငါလိုလားသည်။ သင်တို့သည် အရှင်လတ်လတ် ချီဆောင်ခြင်းကို ခံလိုကြသေးသလော။ ဇာတိပကတိ၌ သင်တို့၏အသွင်သဏ္ဌာန်ကို ပြောင်းလိုကြသေးသလော။ သင်တို့သည် ငါနှင့်ထင်မြင်ချက်ချင်း တူညီမည်၊ မတူညီမည်ကို ငါမသိ၊ သို့သော် ဤအရာမှာ လက်တွေ့မကျကြောင်း ငါအမြဲခံစားခဲ့ရသည်၊ ယင်းကဲ့သို့ အတွေးများမှာ တရားလွန်လှသည်ဟု ထင်ရသည်။ “သင်တို့၏မျှော်လင့်ချက်များကို ဘေးသို့ဖယ်ထားကြ၊ ပို၍လက်တွေ့ကျကျနေကြ” ဟူသောအရာများကို လူတို့ပြောတတ်ကြသည်။ လူတို့အနေဖြင့် ကောင်းချီးမင်္ဂလာခံစားရရန်ဟူသည့် အတွေးများကို ဘေးချိတ်ထားကြရန် သင်တောင်းဆိုသည်၊ သို့သော် သင်ကိုယ်တိုင်ရော အဘယ်သို့ဖြစ်သနည်း။ သင်သည် ကောင်းချီးမင်္ဂလာခံစားရရန်ဟူသည့် လူတို့၏အတွေးအခေါ်များကို ငြင်းပယ်ပြီး သင်ကိုယ်တိုင် ကောင်းချီးမင်္ဂလာများကို ရှာသလော။ သင်သည် အခြားလူများကို ကောင်းချီးမင်္ဂလာများရရှိရန် အခွင့်မပေးဘဲ သင်ကိုယ်တိုင်ကမူ ထိုအရာများအကြောင်းကို လျှို့ဝှက်စွာတွေးသည်၊ ၎င်းသည် သင့်ကို မည်သို့ဖြစ်စေသနည်း။ လိမ်စားသူတစ်ဦးဖြစ်စေသည်။ ဤကဲ့သို့ သင်ပြုမူသည့်အခါ သင်၏သြတ္တပ္ပစိတ်သည် စွပ်စွဲခြင်းကို မခံရသလော။ သင်၏စိတ်နှလုံးထဲတွင် သင်သည် အကြွေးတင်ရှိသကဲ့သို့ မခံစားရသလော။ သင်သည် လူလိမ်တစ်ဦး မဟုတ်သလော။ သင်သည် အခြားသူတို့၏စိတ်နှလုံးထဲမှ စကားလုံးများကို တူးယူသော်လည်း သင်၏စိတ်နှလုံးထဲမှ အရာများအကြောင်းကိုမူ တစ်စုံတစ်ခုမျှ မပြောချေ၊ သင်သည် သုံးစားမရသော အမှိုက်စတစ်စ ဖြစ်လေတကား။ သင်တို့စကားပြောသောအခါ သင်တို့၏စိတ်နှလုံးများအတွင်း၌ အဘယ်အရာတွေးနေကြသည်ကို ငါသိချင်မိသည်။ သင်တို့သည် သန့်ရှင်းသောဝိညာဉ်တော်၏ ပြစ်တင်ခြင်းကို မခံနိုင်သလော။ ဤအရာသည် သင်တို့၏ဂုဏ်သိက္ခာကို နေမထိထိုင်မထိ မဖြစ်စေသလော။ သင်တို့သည် သင်တို့အတွက် မည်သည့်အရာက ကောင်းကြောင်းကို တကယ်ပင် မသိကြပေ။ အဆုံးတွင် သင်တို့အားလုံးသည် ဦးနန်ဂူအို (Mr. Nanguo) ကဲ့သို့ပင် ဖြစ်ကြသည်၊ သင်တို့သည် အယောင်ဆောင်များ ဖြစ်ကြသည်။ ဘုရားသခင်သည် “၎င်းတို့ကိုယ်ကို ဆက်ကပ်” ဟူသည့်စကားစု*ကို “၎င်းတို့အားလုံးသည် ‘၎င်းတို့ကိုယ်ကို ဆက်ကပ်’ လိုကြသည်” ဟူသောဝါကျ**တွင် မျက်တောင်အဖွင့်အပိတ်ဖြင့် ထည့်ထားသည်မှာ မထူးဆန်းပေ။ ဘုရားသခင်သည် လူသားကို သူ၏လက်ဖမိုးကဲ့သို့သိပြီး လူသား၏လိမ်လည်လှည့်ဖြားခြင်းမှာ မည်ကဲ့သို့ပင်ပရိယာယ်ကြွယ်ပါစေ၊ သူသည် မည်သည့်အရာကိုမျှ လှစ်ဟပြခြင်းမရှိသော်လည်း၊ သူ၏မျက်နှာမှာ နီမြန်းခြင်း မရှိသော်လည်း၊ သူ၏နှလုံးခုန်နှုန်းမြန်ခြင်းပင် မရှိသော်ငြားလည်း၊ ဘုရားသခင်၏မျက်လုံးများမှာ တောက်ပသဖြင့် လူသားသည် ဘုရားသခင်၏စူးစိုက်ကြည့်ခြင်းမှ ရှောင်ရှားရန် အမြဲဒုက္ခတွေ့ခဲ့ရသည်။ ယင်းမှာ ဘုရားသခင်၌ အိတ်စရေး ဓာတ်ရောင်ခြည်အမြင်မျိုး ရှိသကဲ့သို့ဖြစ်၍ လူသား၏ ခန္ဓာကိုယ်တွင်းရှိ အင်္ဂါအစိတ်အပိုင်းများကို မြင်နိုင်သည့်အလား၊ သူသည် လူတို့၏သွေးအမျိုးအစားမှာ မည်သည့်အမျိုးအစားဖြစ်ကြောင်းကို သွေးစစ်ရန်မလိုဘဲ ထွင်းဖောက်မြင်နိုင်သည့်အလားဖြစ်သည်။ ယင်းမှာ ဘုရားသခင်၏ဉာဏ်ပညာဖြစ်ပြီး ၎င်းကို လူသားက အတုခိုးနိုင်ခြင်း မရှိပေ။ “ငါသည် အမှုမြောက်မြားစွာကို ပြုခဲ့ပြီးသော်လည်း လူတို့အထဲတွင် သက်သေအထောက်အထား မရှိခြင်းမှာ အဘယ်ကြောင့်နည်း။ ငါသည် လုံလောက်စွာ လုံ့လစိုက်ထုတ်ခြင်း မရှိခဲ့သလော” ဟူ၍ ဘုရားသခင်ဆိုသကဲ့သို့ပင်ဖြစ်သည်။ လူသား၏ ဘုရားသခင်နှင့်ပူးပေါင်းဆောင်ရွက်မှုမှာ အလွန်ချို့တဲ့နေပြီး လူသားအတွင်း၌ အပျက်သဘောဆောင်သောအရာ မြောက်မြားစွာရှိသော်လည်း လူတို့၌ အပြုသဘောဆောင်သည့် သဘောထားတစ်စုံတစ်ရာမှာမူ ရှိခဲလှသည်ဟု ဆိုနိုင်ပြီး၊ ၎င်းတို့၌ ထိုသဘောထားမျိုး အခါအားလျော်စွာ အနည်းငယ်ရှိတတ်ကြသော်လည်း ယင်းမှာ အလွန်စွန်းထင်းလျက်ရှိသည်ဟု ဆိုနိုင်သည်။ လူတို့သည် ဘုရားသခင်အား မည်မျှချစ်ကြောင်းကို ဤအရာက ပြသနေခြင်းသာဖြစ်သည်၊ ၎င်းတို့၏စိတ်နှလုံးများထဲ၌ ဘုရားသခင်အတွက် ချစ်ခြင်းမေတ္တာမှာ သန်းတစ်ရာပုံတစ်ပုံသာ ရှိသကဲ့သို့ဖြစ်ပြီး၊ ယင်းထဲမှ ၅၀ ရာခိုင်နှုန်းမှာ စွန်းထင်းနေဆဲဖြစ်သဖြင့် လူသားထဲ၌ သက်သေအထောက်အထားကို မရကြောင်း ဘုရားသခင်ပြောခြင်းဖြစ်သည်။ လူသား၏နာခံမှုမရှိခြင်းကြောင့်သာ ဘုရားသခင့်မိန့်မြွက်ချက်များ၏ လေသံမှာ အလွန်အကြင်နာမဲ့ပြီး ခံစားချက်မဲ့ခြင်းဖြစ်သည်။ ဘုရားသခင်သည် လူသားနှင့် ကုန်လွန်ခဲ့သောအချိန်များအကြောင်းကို မပြောသော်လည်း လူတို့သည် ဘုရားသခင်ရှေ့တွင် ၎င်းတို့ကိုယ်ကို ပြသရန်အတွက် ထပ်တလဲလဲ အမြဲပြန်လည်ပြောဆိုလိုကြပြီး ကုန်လွန်ခဲ့သောအချိန်များအကြောင်းကို အမြဲပြောဆိုလိုကြသည်၊ သို့သော် ဘုရားသခင်သည် လူသား၏ ယမန်နေ့ကို ယနေ့အဖြစ် မည်သည့်အခါမျှ သဘောထားခဲ့ခြင်း မရှိဘဲ သူသည် ယနေ့ခေတ်လူများကို ယနေ့ကို အသုံးပြု၍ ချဉ်းကပ်သည်။ ဤသည်မှာ ဘုရားသခင်၏သဘောထားဖြစ်ပြီး၊ ဘုရားသခင်သည် အလွန်အကျိုးသင့်အကြောင်းသင့် မရှိဟူ၍ အနာဂတ်တွင် လူတို့ပြောခြင်းကို တားဆီးရန် ဤထဲတွင် ဘုရားသခင်သည် ဤနှုတ်ကပတ်တော်များကို ရှင်းလင်းစွာ ပြောထားသည်၊ အဘယ်ကြောင့်ဆိုသော် လူတို့မြဲမြံစွာမရပ်တည်နိုင်မည်ကို စိုးရိမ်သဖြင့် ဘုရားသခင်သည် လွန်လွန်ကဲကဲဖြစ်သော အမှုအရာများကို မပြုဘဲ လူတို့အား စစ်မှန်သော အဖြစ်မှန်များကို ပြောခြင်းကြောင့်ဖြစ်သည်၊ စင်စစ်အားဖြင့် လူသားသည် အားနည်းသည့်အတွက်ကြောင့်ဖြစ်သည်။ ဤနှုတ်ကပတ်တော်များကို ကြားပြီးနောက်တွင် ၎င်းနှင့်ပတ်သက်ပြီး မည်သို့သဘောရသနည်း၊ သင်တို့သည် နားထောင်ရန်နှင့် အပ်နှံရန် လိုလိုလားလားရှိပြီး ၎င်းကို ဆက်၍ မတွေးလိုသလော။

အထက်ပါအရာမှာ ဆွေးနွေးနေသည့်အကြောင်းအရာနှင့် မသက်ဆိုင်ပေ၊ ယင်းအကြောင်းကို ပြောသည်ဖြစ်စေ၊ မပြောသည်ဖြစ်စေ အကြောင်းမဟုတ်ပေ။ သင်တို့သည် သဘောမတူမည်မဟုတ်ဟု ငါမျှော်လင့်သည်၊ အဘယ်ကြောင့်ဆိုသော် ဘုရားသခင်သည် နှုတ်ကပတ်တော်များ၏ ဤအမှုကိုပြုပြီး သူသည် နေအောက်၌ရှိသော အရာခပ်သိမ်းအကြောင်း စကားစမြည်ပြောရသည်ကို နှစ်သက်ခြင်းကြောင့်ဖြစ်သည်။ သို့သော်လည်း သင်တို့သည် ၎င်းတို့ကို ဖတ်ရှုပြီး ဤနှုတ်ကပတ်တော်များကို လျစ်လျူမရှုကြမည့်အကြောင်း ငါမျှော်လင့်သည်။ သဘောတူသလော။ ထိုကဲ့သို့ သင်တို့ပြုကြမည်လော။ ယနေ့၏ နှုတ်ကပတ်တော်များထဲတွင် ဘုရားသခင်သည် အချက်အလက်အသစ်ကို ထုတ်ဖော်ခဲ့ပြီးကြောင်း ခုတင်ပြောခဲ့ပြီးဖြစ်သည်၊ ဘုရားသခင် အမှုပြုသောနည်းလမ်းမှာ ပြောင်းလဲတော့မည်ဖြစ်သည်။ ထိုအကြောင်းကြောင့် လူကြိုက်များသော ဤအကြောင်းအရာကို အာရုံစိုက်ရန် သာ၍ကောင်းပေလိမ့်မည်။ ယနေ့၏မိန့်မြွက်ချက်များအားလုံးမှာ အနာဂတ်အခြေအနေများကို ပရောဖက်ပြုခြင်းဖြစ်ပြီး၊ ၎င်းတို့မှာ ဘုရားသခင်အနေဖြင့် သူ့အမှု၏ နောက်တစ်ဆင့်အတွက် စီမံနေခြင်းဖြစ်သည်ဟု ဆိုနိုင်သည်။ ဘုရားသခင်သည် အသင်းတော်၏ လူများထဲတွင် သူ၏အမှုကို အားလုံးနီးပါး အဆုံးသတ်ခဲ့ပြီးသည့်နောက်တွင် လူအားလုံးအရှေ့တွင် ပေါ်ထွန်းလာရန် ကြီးသောအမျက်ကို သူအသုံးချမည်ဖြစ်သည်။ “ငါ၏လုပ်ရပ်များကို ကမ္ဘာမြေကြီးပေါ်မှ လူများဝန်ခံစေရန် ငါပြုမည်ဖြစ်၍ ‘တရားစီရင်ခြင်းပလ္လင်’ ရှေ့တွင် ငါ၏လုပ်ဆောင်ချက်များကို သက်သေပြမည်ဖြစ်သောကြောင့် ၎င်းတို့ကို ကမ္ဘာမြေတစ်ဝှမ်းရှိ လူများအကြားတွင် အသိအမှတ်ပြုခြင်းခံရမည်ဖြစ်သည်၊ ထိုလူများမှာ မကျေမနပ် အလျှော့ပေးကြရမည်” ဟု ဘုရားသခင်ဆိုသကဲ့သို့ပင် ဖြစ်သည်။ ဤနှုတ်ကပတ်တော်များထဲတွင် တစ်စုံတစ်ရာကို သင်တို့မြင်ကြသလော။ ဤအထဲ၌ ဘုရားသခင်၏ နောက်လာမည့်အမှုဆိုင်ရာ အကျဉ်းချုပ်ရှိသည်။ ပထမဦးစွာ ဘုရားသခင်သည် နိုင်ငံရေးအာဏာကို ကိုင်စွဲထားသော အစောင့်ခွေးများအားလုံးကို စိတ်ရောကိုယ်ပါ လက်ခံယုံကြည်ကြစေရန်နှင့် ဂုဏ်ဒြပ်၊ သို့မဟုတ် အကြံအစည်နှင့် လျှို့ဝှက်ကြံစည်မှုအတွက် နောက်ထပ်မည်သည့်အခါမျှ ယှဉ်ပြိုင်တိုက်ခိုက်ခြင်း မရှိကြစေရန်၊ သမိုင်းဇာတ်စင်မှ နောက်ဆုတ်သွားကြစေရန် ပြုမည်ဖြစ်သည်။ ဘုရားသခင်သည် ကမ္ဘာမြေကြီးပေါ်တွင် အမျိုးမျိုးသောဘေးဒုက္ခများကို ဖြစ်ပွားစေခြင်းအားဖြင့် ဤအမှုကို လုပ်ဆောင်မည်ဖြစ်သည်။ သို့သော်လည်း ဘုရားသခင်သည် ပေါ်ထွန်းလာမည်မဟုတ်ပေ၊ ဤအချိန်တွင် အဆင်းနီသောနဂါးကြီး၏ တိုင်းနိုင်ငံသည် ညစ်ညူးသောပြည်တစ်ပြည် ဖြစ်နေဦးမည်ဖြစ်၍ ဘုရားသခင်သည် ပေါ်ထွန်းလာမည်မဟုတ်သော်လည်း ပြစ်တင်ဆုံးမခြင်းအားဖြင့် ထွက်ပေါ်လာရုံမျှသာဖြစ်မည်။ ယင်းမှာ ဘုရားသခင်၏ ဖြောင့်မတ်သောစိတ်သဘောထားဖြစ်၍ ထိုအရာမှ မည်သူမျှ လွတ်မြောက်နိုင်မည် မဟုတ်ပေ။ ဤအချိန်အတောအတွင်း အဆင်းနီသောနဂါကြီး၏ တိုင်းနိုင်ငံတွင် မှီတင်းနေထိုင်သူမှန်သမျှတို့သည် ကပ်ဘေးကို ခံစားကြရလိမ့်မည်ဖြစ်ပြီး ယင်းထဲတွင် ကမ္ဘာမြေကြီးပေါ်မှ နိုင်ငံတော် (အသင်းတော်) လည်း အလိုလိုပါဝင်မည်ဖြစ်သည်။ ဤအချိန်မှာ အမှန်တရားများ ပေါ်ထွက်လာသောအချိန်ပင်ဖြစ်၍ ၎င်းကို လူအပေါင်းက တွေ့ကြုံခံစားကြရမည်ဖြစ်ပြီး မည်သူမျှ လွတ်မြောက်နိုင်ကြမည် မဟုတ်ပေ။ ဘုရားသခင်သည် ဤအရာကို ကြိုတင်ခွဲခန့်မှတ်သားထားပြီးဖြစ်သည်။ အမှု၏ဤအဆင့်ကြောင့်သာ ဘုရားသခင်က “ကြီးမားသောအကြံအစည်များကို လုပ်ဆောင်ရန် ယခုအချိန်ရောက်ပြီ” ဟု ဆိုခြင်းပင် ဖြစ်သည်။ အဘယ်ကြောင့်ဆိုသော် အနာဂတ်တွင် ကမ္ဘာမြေကြီးပေါ်၌ အသင်းတော်ရှိတော့မည်မဟုတ်ဘဲ၊ ကြီးမားသောကပ်ဘေး ပေါ်ထွန်ခြင်းကြောင့် လူတို့သည် အခြားမည်သည့်အရာကိုမျှ တွေးနိုင်ကြမည်မဟုတ်ဘဲ၊ ကြီးမားသောကပ်ဘေးအလယ်တွင် ဘုရားသခင်ကို ၎င်းတို့မွေ့လျော်ရန် ခက်ခဲမည်ဖြစ်သဖြင့် ဝမ်းမြောက်ဖွယ်ကောင်းသော ဤအချိန်အတောအတွင်း ၎င်းတို့၏စိတ်နှလုံးအကြွင်းမဲ့ဖြင့် ဘုရားသခင်ကို ချစ်ကြရန် လူတို့အား တောင်းဆိုနေခြင်း ဖြစ်သည်၊ ထိုသို့အားဖြင့် ၎င်းတို့သည် အခွင့်အရေးကို မဆုံးရှုံးကြစေရန်ဖြစ်သည်။ ဤအမှန်တရား ဖြစ်ပျက်သည့်အခါ ဘုရားသခင်သည် အဆင်းနီသောနဂါးကြီးကို လုံးလုံးလျားလျား အနိုင်ယူပြီးဖြစ်သောကြောင့် ဘုရားသခင့်လူတို့၏ သက်သေခံခြင်းအမှုသည် အဆုံးသို့ ရောက်လာကြပြီးဖြစ်လိမ့်မည်၊ ယင်းနောက်တွင် ဘုရားသခင်သည် အမှု၏နောက်ထပ်တစ်ဆင့်ကို စတင်မည်ဖြစ်၍ အဆင်းနီသောနဂါးကြီး၏နိုင်ငံကို ပြိုပျက်စေကာ နောက်ဆုံးတွင် စကြဝဠာအနှံ့အပြား၌ ရှိကြကုန်သော လူတို့ကို လက်ဝါးကပ်တိုင်ပေါ်တွင် ဇောက်ထိုးအနေအထားနှင့် သံဖြင့်ရိုက်ထားမည်ဖြစ်သည်၊ ထို့နောက် သူသည် လူသားမျိုးနွယ်အားလုံးကို အမြစ်ဖြတ်သုတ်သင်လေမည်၊ ဤသည်တို့မှာ ဘုရားသခင့်အမှု၏ အနာဂတ်အဆင့်များပင်ဖြစ်သည်။ ထို့ကြောင့် သင်တို့သည် ငြိမ်သက်သော ဤပတ်ဝန်းကျင်တွင် ဘုရားသခင်ကို ချစ်ဖို့ကြိုးစားခြင်းအရာကို လေ့လာလိုက်စားသင့်သည်။ အနာဂတ်တွင် သင်တို့သည် ဘုရားသခင်ကိုချစ်ရန် နောက်ထပ်အခွင့်အရေးများ ရတော့မည်မဟုတ်ပေ၊ အဘယ်ကြောင့်ဆိုသော် လူတို့သည် ဇာတိပကတိ၌သာ ဘုရားသခင်ကို ချစ်ရန် အခွင့်အရေးရှိခြင်းကြောင့် ဖြစ်သည်၊ ၎င်းတို့သည် အခြားသောကမ္ဘာတွင် နေထိုင်သည့်အခါ ဘုရားသခင်အား ချစ်ခြင်းအကြောင်းကို မည်သူမျှ ပြောလိမ့်မည်မဟုတ်ပေ။ ဤသည်မှာ ဖန်ဆင်းခံတစ်ဦး၏ တာဝန်ပင် ဖြစ်သည်မဟုတ်လော။ ထို့ကြောင့် သင်တို့၏ အသက်တာနေ့ရက်များ၌ ဘုရားသခင်ကို သင်တို့အနေဖြင့် မည်ကဲ့သို့ချစ်သင့်သနည်း။ ဤအရာကို သင်တွေးဖူးသလော။ ဘုရားသခင်ကိုချစ်ရန် သင်သေဆုံးပြီးသည့်အချိန်အထိ သင်စောင့်နေသလော။ ဤသည်မှာ အဓိပ္ပာယ်မရှိသော စကားဖြစ်သည် မဟုတ်လော။ ယနေ့ သင်သည် ဘုရားသခင်အား ချစ်ခြင်းအရာကို အဘယ်ကြောင့် လေ့လာလိုက်စားခြင်း မရှိသနည်း။ အလုပ်များစဉ် ဘုရားသခင်ကို ချစ်ခြင်းမှာ ဘုရားသခင်အတွက် စစ်မှန်သောချစ်ခြင်း ဖြစ်နိုင်သလော။ ဘုရားသခင့်အမှု၏ ဤအဆင့်သည် မကြာမီ အဆုံးသို့ ရောက်လိမ့်မည်ဟု ဆိုထားရသည့်အကြောင်းမှာ ဘုရားသခင်သည် စာတန်ရှေ့တွင် သက်သေခံချက် ရှိနှင့်ပြီဖြစ်သောကြောင့် ဖြစ်သည်၊ ထို့ကြောင့် လူသားအနေဖြင့် တစ်စုံတစ်ရာကို ပြုရန်မလိုအပ်ဘဲ သူအသက်ရှင်သော နှစ်များအတွင်း ဘုရားသခင်ကို ဆက်လက်၍ချစ်ရန် လူသားကို တောင်းဆိုရုံမျှသာဖြစ်သည်၊ ဤအရာမှာ အဓိကျသောအရာ ဖြစ်သည်။ ဘုရားသခင်၏ သတ်မှတ်ချက်များမှာ ကြီးမားခြင်းမရှိသည့်အပြင် သူ၏စိတ်နှလုံးထဲတွင် တောက်လောင်လျက်ရှိသော စိုးရိမ်သောကတစ်ခု ရှိနေသောကြောင့် အမှု၏ဤအဆင့် မပြီးဆုံးမီ အမှု၏နောက်တစ်ဆင့်နှင့်ဆိုင်သော အကျဉ်းကို သူဖော်ပြခဲ့ခြင်း ဖြစ်သည်၊ ယင်းမှာ အချိန်မည်မျှရှိကြောင်းကို ရှင်းလင်းစွာ ပြသသည်၊ အကယ်၍ ဘုရားသခင်သည် သူ၏စိတ်နှလုံးထဲ၌ စိုးရိမ်သောကမရှိပါက ဤနှုတ်ကပတ်တော်များကို အလွန်စောစီးစွာ သူပြောလိမ့်မည်လော။ အချိန်တိုတောင်းသောကြောင့် ဘုရားသခင်သည် ဤနည်းဖြင့် အမှုပြုခြင်းဖြစ်သည်။ သင်တို့သည် သင်တို့၏အသက်ကို မြတ်နိုးသကဲ့သို့ ဘုရားသခင်ကို စိတ်နှလုံးအကြွင်းမဲ့၊ ဉာဏ်ရှိသမျှနှင့် ကိုယ်စွမ်းရှိသမျှဖြင့် ချစ်ကြမည်ဟု မျှော်လင့်သည်။ ဤသည်မှာ အဆုံးစွန် အဓိပ္ပာယ်ရှိသော ဘဝတစ်ခုပင် ဖြစ်သည်မဟုတ်လော။ ဘဝ၏အဓိပ္ပာယ်ကို အခြားမည်သည့်နေရာတွင် သင်တို့ရှာဖွေနိုင်မည်နည်း။ ထိုအရာမှာ အလွန်မျက်စိကန်းခြင်းပင် ဖြစ်လိမ့်မည်မဟုတ်လော။ သင်သည် ဘုရားသခင်ကိုချစ်ရန် လိုလိုလားလားရှိသလော။ ဘုရားသခင်သည် လူသား၏ချစ်ခြင်းမေတ္တာနှင့် ထိုက်တန်သလော။ လူတို့သည် လူသား၏ကြင်နာမြတ်နိုးခြင်းနှင့် ထိုက်တန်သလော။ ထို့ကြောင့် အဘယ်အရာကို သင်ပြုသင့်သနည်း။ သံသယများမရှိဘဲ ဘုရားသခင်ကို ရဲဝံ့စွာ ချစ်လော့၊ ထိုအခါ ဘုရားသခင်သည် သင့်အား အဘယ်အရာပြုလိမ့်မည်ကို ကြည့်လော့။ သူသည် သင့်ကို သတ်ဖြတ်မည်၊ မသတ်ဖြတ်မည်ကို ကြည့်လော့။ အချုပ်အားဖြင့် ဘုရားသခင်ကို ချစ်သောအလုပ်သည် ဘုရားသခင်အတွက် အကြောင်းအရာများကို မိတ္တူကူး၍ ရေးချခြင်းထက် ပို၍အရေးကြီးသည်။ သင်၏ဘဝသည် ပို၍အဓိပ္ပာယ်ရှိပြီး ပျော်ရွှင်မှုဖြင့်ပြည့်ရန် သင့်အနေဖြင့် အရေးကြီးဆုံးသောအရာကို ပထမနေရာတွင် ထားသင့်သည်၊ ထို့နောက် သင့်အတွက် ဘုရားသခင်၏ “စီရင်ချက်” ကို သင်စောင့်ဆိုင်းသင့်သည်။ သင်၏အကြံအစည်ထဲတွင် ဘုရားသခင်ကို ချစ်ခြင်းအရာ ပါဝင်မည်လောဟု ငါသိချင်မိသည်၊ အယောက်တိုင်း၏ အကြံအစည်များမှာ ဘုရားသခင်၏ ပြည့်စုံစေခြင်းကိုခံရပြီး လက်တွေ့အရှိတရားဖြစ်လာသော အကြံအစည်များ ဖြစ်လာကြရန် ငါလိုလားပေသည်။

ယခင်က:အခန်း ၄၁

နောက်တစ်ခုသို့:အခန်း ၄၄ နှင့် ၄၅

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ