အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၃၂

ဘုရားသခင်၏ နှုတ်ကပတ်တော်များက လူတို့ကို ပြင်းပြင်းထန်ထန် စဉ်းစားရစ်စေပြီး၊ ယင်းမှာ သူစကားပြောဆိုသည့်အခါ လူသားကို ဘုရားသခင် ရှောင်ဖယ်ပြီး လေထဲ စကားပြောသကဲ့သို့ဖြစ်ကာ၊ လူသား၏ လုပ်ဆောင်ချက်များကို နောက်ထပ် အာရုံစိုက်ဖို့ရန် စဉ်းစားခြင်းလုံးဝမရှိဘဲ လူတို့၏ ဝိညာဉ်အသက်တာကို လုံးဝအလေးမထားသကဲ့သို့ဖြစ်ပြီး၊ သူပြောဆိုသော စကားများက လူတို့၏ အယူအဆများကို မရည်ညွှန်းဘဲ လူကို ရှောင်ဖယ်သကဲ့သို့ ဖြစ်ကာ၊ ယင်းမှာ ဘုရားသခင်၏ မူလရည်ရွယ်ချက်ဖြစ်သကဲ့သို့ ဖြစ်သည်။ များပြားလှသော အကြောင်းရင်းများကြောင့်၊ ဘုရားသခင်၏ နှုတ်ကပတ်တော်များသည် လူသားအတွက် နားလည်သဘောပေါက်၍ မရနိုင်သလို၊ နားလည်သဘောပေါက်ရန် ခက်ခဲသောအရာဖြစ်သည်။ ဤသည်မှာ အံ့သြစရာမရှိ။ ဘုရားသခင့် နှုတ်ကပတ်တော်အားလုံး၏ မူလရည်ရွယ်ချက်မှာ လူတို့အနေဖြင့် ၎င်းတို့ထံမှ ကျွမ်းကျင်မှု သို့မဟုတ် အထာ ရရှိဖို့ရန် မဟုတ်၊ ယင်းအစား ၎င်းတို့မှာ ယနေ့အချိန်ထိ ဘုရားသခင် အမှုလုပ်ဆောင်ခဲ့သည့် နည်းလမ်းများထဲမှ တစ်ခုဖြစ်သည်။ မှန်ပေ၏၊ လူတို့သည် နှုတ်ကပတ်တော်များမှ နက်နဲသောအရာများနှင့် ဆက်စပ်သောအရာများ၊ သို့မဟုတ် ပေတရု၊ ပေါလု၊ ယောဘတို့နှင့် စပ်ဆိုင်သောအရာများကို ရရှိကြ၏၊ သို့သော် ဤသည်မှာ ထိုသူတို့ရရှိသင့်သည့်အရာ နှင့် ရရှိရန် စွမ်းဆောင်နိုင်သောအရာဖြစ်ပြီး၊ ၎င်းတို့၏ ဝိညာဉ်အသက်တာနှင့် လိုက်လျောညီထွေဖြစ်သည်နှင့်အညီ၊ ဤအရာက ၎င်း၏ အထွတ်အထိပ်သို့ ရောက်ရှိနှင့်ပြီဖြစ်သည်။ ဘုရားသခင်မှ ရယူရန်တောင်းဆိုသောသက်ရောက်မှုသည် မြင့်မားခြင်းမရှိသော်လည်း၊ သူသည် အဘယ်ကြောင့် နှုတ်ကပတ်တော်များစွာကို ပြောခဲ့သနည်း။ ဤသည်မှာ သူပြောဆိုသော ပြစ်တင်ဆုံးမမှုနှင့် ချိတ်ဆက်လျက်ရှိပြီး ဤသည်အားလုံးကို လူတို့သဘောပေါက်ခြင်းမရှိဘဲ အလိုအလျောက် ရရှိပေသည်။ ယနေ့တွင် ဘုရားသခင့် နှုတ်ကပတ်တော်များ၏ တိုက်ခိုက်မှုအောက်တွင် လူတို့သည် ပိုမိုကြီးမားသော ညှဉ်းပန်းနှိပ်စက်မှုကို ကြံ့ကြံ့ခံကြရ၏။ အပေါ်ယံအားဖြင့် ၎င်းတို့ထဲမှ အဘယ်သူမျှ ဆုံးမခြင်း ခံရပြီးပုံမပေါ်ချေ၊ လူတို့သည် ၎င်းတို့အလုပ်ကို လုပ်ဆောင်ရာတွင် စတင်၍လွှတ်ခြင်းခံနေရပြီး၊ အစေခံသူတို့သည် ဘုရားသခင်၏ လူများအဖြစ်သို့ မြှင့်တင်ခံကြရပြီးဖြစ်ကာ၊ ဤအရာ၌၊ လူတို့အနေဖြင့် ပျော်မွေ့ခြင်းထဲသို့ ဝင်ရောက်ပြီးဖြစ်သည်ဟု ထင်ရလေသည်။ အမှန်အားဖြင့်၊ လက်တွေ့အရှိတရားမှာ၊ စစ်ဆေးခြင်းမှ၊ ၎င်းတို့အားလုံးသည် ပိုမိုပြင်းထန်သော ပြစ်တင်ဆုံးမခြင်းထဲသို့ ဝင်ရောက်ခဲ့ကြပြီဖြစ်သည်။ ဘုရားသခင်က “ငါ့အမှု၏ အဆင့်များသည် တစ်ခုမှ နောက်တစ်ခု နီးကပ်စွာ ဆက်နွှယ်နေပြီး၊ တစ်ခုချင်းစီသည် သာ၍ပင် မြင့်မားသည်”၊ ဟု ဆိုသကဲ့သို့ ဖြစ်သည်။ ဘုရားသခင်သည် အစေခံသူများကို အနက်ဆုံးသော တွင်းထဲက ထမြောက်စေပြီး၊ ၎င်းတို့ကို ပြစ်တင်ဆုံးမခြင်း ပိုမိုပြင်းထန်ဆိုးရွားသည့်နေရာ၊ ကန့်နှင့် မီးအိုင်ထဲသို့ ပစ်ချလေသည်။ ထို့ကြောင့် ပိုမိုကြီးမားသော ဆင်းရဲဒုက္ခကို ၎င်းတို့ ခံစားကြရပြီး ယင်းမှ လွတ်မြောက်ရန် အနိုင်နိုင်ဖြစ်ကြရလေသည်။ ထိုသို့သော ပြစ်တင်ဆုံးမခြင်းသည် ပိုမိုဆိုးရွားသည် မဟုတ်လော။ ပို၍ မြင့်မားသော လောကသို့ ဝင်ရောက်ပြီးလျက်၊ လူတို့သည် ပျော်ရွှင်ခြင်းတစ်ခုတစ်လေထက် ဝမ်းနည်းခြင်းကို ခံစားကြရသည်မှာ အဘယ်ကြောင့်နည်း။ စာတန်၏ လက်မှ ကယ်နှုတ်ခံကြရလျက်နှင့် အဆင်းနီသောနဂါးကြီးထံ ၎င်းတို့ကို ပေးအပ်ခံကြရသည်ဟု အဘယ်ကြောင့် ဆိုကြသနည်း။ ဘုရားသခင်က “အဆင်းနီသော နဂါးကြီး၏ နေရပ်တွင် အမှု၏ နောက်ဆုံးအစိတ်အပိုင်း ပြည့်စုံသည်” ဟု ပြောခဲ့သည်ကို သင်သတိရပါသလော။ ဘုရားသခင်က “နောက်ဆုံးဆင်းရဲဒုက္ခသည် အဆင်းနီသောနဂါးကြီးရှေ့တွင် ဘုရားသခင်အတွက် ခိုင်မာပြီး ထူးကဲလှသော သက်သေခံနေသည်” ဟု ဆိုခဲ့ချိန်ကို သင် ပြန်အမှတ်ရပါ၏လော။ အဆင်းနီသော နဂါးကြီးထံ လူတို့ကို မပေးလျှင်၊ ယင်း၏ရှေ့မှောက်တွင် ၎င်းတို့သည် အဘယ်သို့ သက်သေခံနိုင်ကြမည်နည်း။ မိမိတို့ကိုယ်ကို သတ်ဖြတ်ပြီးနောက်တွင် အဘယ်သူက “ငါသည် မာရ်နတ်ကို အနိုင်ယူပြီ” ဟူသောစကားများကို ပြောဖူးသနည်း။ ဇာတိပကတိကို ရန်သူအဖြစ် မှတ်ယူပြီးနောက် မိမိကိုယ်ကို သေကြောင်းကြံစည်ခြင်း၊ ဤအရာ၏ အမှန်တကယ် အရေးပါမှုမှာ အဘယ်နည်း။ ဘုရားသခင်သည် အဘယ်ကြောင့် ဤသို့ ပြောဆိုခဲ့ပါသနည်း- “လူတို့၏ အမာရွတ်များကို ငါမကြည့်၊ သို့သော် အမာရွတ်မရှိသော အပိုင်းကိုသာကြည့်၍ ဤအရာမှ ငါသည် စိတ်ကျေနပ်မိ၏” အမာရွတ်များ မပါရှိသာ လူများကို သူ၏ ဖော်ပြချက်များဖြစ်ဘို့ ဘုရားသခင်ဆန္ဒရှိခဲ့လျှင်၊ အဘယ်ကြောင့် လူတို့၏ ယူဆချက်များကို ပြန်လည်ဆန့်ကျင် တိုက်ခိုက်ရန် လူသား၏ ရှုထောင့်အမြင်မှ နှုတ်ကပတ်တော်များစွာကို စိတ်ရှည်ရှည်နှင့် စိတ်အားထက်သန်စွာ သူပြောဆိုခဲ့သနည်း။ အဘယ်ကြောင့် ဤအရာနှင့် သူ အနှောင့်အယှက်ဖြစ်ခံမည်နည်း။ အဘယ်ကြောင့် ထိုသို့သောအရာတစ်ခုကို လုပ်ဆောင်ဖို့ သူ ဒုက္ခခံမည်နည်း။ ထို့ကြောင့် ယင်းက ဘုရားသခင်၏ လူ့ဇာတိခံယူခြင်းတွင် စစ်မှန်သော အရေးပါမှုရှိပြီး၊ ဇာတိပကတိဖြစ်လာပြီး သူ၏အမှု ပြည့်စုံစေပြီးနောက် သူသည် ဇာတိပကတိအား “ကြွေးစာရင်းမှ ဖျက်ပစ်” လိမ့်မည်မဟုတ်သည်ကို ပြသပေသည်။ “ရွှေသည် မစင်ကြယ်နိုင်သလို လူသည် စုံလင်ခြင်းမရှိနိုင်” ဟု အဘယ်ကြောင့် ဆိုရသနည်း။ ဤနှုတ်ကပတ်တော်များကို အဘယ်သို့ ရှင်းပြနိုင်သနည်း။ ဘုရားသခင်က လူသား၏အနှစ်သာရနှင့် သက်ဆိုင်၍ ပြောဆိုသောအခါ အဓိပ္ပါယ်မှာ အဘယ်နည်း။ လူတို့၏ ပကတိမျက်စိများတွင် ဇာတိပကတိမှာ မည်သည့်အရာမျှ တတ်စွမ်းနိုင်ခြင်းမရှိ သို့မဟုတ်လျှင် အလွန်ချို့တဲ့ပုံပေါ်၏။ ဘုရားသခင်၏ မျက်စိများတွင် ဤအရာမှာ လုံးဝ အရေးမကြီးပေ၊ သို့တိုင် လူတို့အဘို့ ယင်းမှာ ကြီးမားသည့် အကြောင်းကိစ္စတစ်ခုဖြစ်လေသည်။ ယင်းမှာ ၎င်းတို့က ဤအရာကို ဖြေရှင်းခြင်းငှာ လုံးဝမတတ်စွမ်းနိုင်ဘဲ၊ ကောင်းကင်ဘုံရှိ အဖွဲ့အစည်းတစ်ခုအားဖြင့် ကိုယ်တိုင်ကိုယ်ကျ ဖြေရှင်းရမည်ကဲ့သို့ဖြစ်သည်။ ဤသည်မှာ လူတို့၏ အယူအဆ ဖြစ်သည်မဟုတ်လော။ “လူတို့၏ မျက်လုံးများတွင်၊ ငါသည် ကောင်းကင်မှ သက်ဆင်းသော ‘ကြယ်လေး’ တစ်စင်းသာဖြစ်ပြီး၊ ကောင်းကင်ဘုံရှိ ကြယ်လေးတစ်စင်း၊ ကမ္ဘာမြေပေါ်သို့ ယနေ့ ငါရောက်ရှိခြင်းသည် ဘုရားသခင်မှ တာဝန်ပေးခဲ့ခြင်းအားဖြင့် ဖြစ်ပေသည်။ ရလဒ်အနေဖြင့် လူတို့သည် ‘ငါ’ နှင့် ‘ဘုရားသခင်’ ဟူသော စကားလုံးများ၏ ပိုမိုများပြားသော အနက်အဓိပ္ပါယ်ဖွင့်ဆိုချက်များ စဉ်းစားခဲ့ကြပေပြီ။” လူသားတို့သည် မည်သည့်အရာမျှ ဖြစ်မြောက်ခြင်းမရှိသည့်နောက်၊ အဘယ်ကြောင့် ဘုရားသခင်က မတူကွဲပြားသော ရှုထောင့်များမှ ၎င်းတို့၏ အယူအဆများကို ထုတ်ဖော်ပြသနည်း။ ဤသည်မှာလည်း ဘုရားသခင်၏ ပညာဉာဏ်ဖြစ်နိုင်သလော။ ထိုသို့သော စကားများသည် အဓိပ္ပါယ်မဲ့သည်မဟုတ်လော။ ဘုရားသခင်က၊ “လူတို့၏ စိတ်နှလုံးများတွင် ငါထူထောင်ခဲ့သည့် နေရာတစ်ခုရှိသော်လည်း ယင်းနေရာတွင် ငါနေထိုင်ဖို့ ၎င်းတို့ မလိုအပ်ကြပေ။ ယင်းအစား ၎င်းတို့၏ စိတ်နှလုံးများထဲ၌ ‘သန့်ရှင်းသူ’ ရုတ်တရက်ရောက်ရှိလာဖို့ ၎င်းတို့ စောင့်ဆိုင်းနေကြ၏။ ငါ၏ ကိုယ်ပိုင်လက္ခဏာသည် အလွန် ‘အရေးမပါ’ သောကြောင့်၊ လူတို့၏ တောင်းဆိုချက်များနှင့် ငါသည် ကိုက်ညီခြင်းမရှိဘဲ၊ ယင်းကြောင့် ငါသည် ၎င်းတို့အားဖြင့် ဖယ်ရှားခံရ၏” ဟု ဆိုသကဲ့သို့ဖြစ်သည်။ ဘုရားသခင်အပေါ်လူတို့၏ ခန့်မှန်းချက်မှာ “အလွန်မြင့်မား” လှသောကြောင့်၊ ဘုရားသခင်အဘို့ အမှုအရာများစွာမှာ “မရနိုင်” ဘဲ၊ ယင်းက သူ့ကို “အခက်အခဲထဲ” ပို့လေသည်။ ဘုရားသခင်တတ်စွမ်းရန် ၎င်းတို့တောင်းဆိုသောအရာမှာ ၎င်းတို့၏ ယူဆချက်များဖြစ်သည်ကို လူတို့က အနည်းငယ်သာ သိကြ၏။ ဤသည်မှာ “လိမ္မာပါးနပ်သူတစ်ဦးသည် ၎င်းကိုယ်ပိုင် စဉ်းစားဉာဏ်၏ သားကောင်းဖြစ်လာနိုင်သည်” ဟူသော အရာ၏ တကယ့်အဓိပ္ပါယ်ဖြစ်သည် မဟုတ်လော။ ဤသည်မှာ “စည်းမျဉ်းတစ်ခုကဲ့သို့ တော်သော်လည်း၊ ဤအချိန်တွင် လူမိုက်ဖြစ်သည်” ဟူသည့် အကြောင်းကိစ္စ ဧကန်အမှန်ဖြစ်ပေ၏။ သင်၏ ဟောပြောခြင်းတွင် ၎င်းတို့ အယူအဆများနှင့် သက်ဆိုင်သည့် ဘုရားသခင်နှင့် ခွဲခွာဘို့ လူတို့ကို သင် စေခိုင်း၏၊ သင်၏ အယူအဆနှင့် သက်ဆိုင်သော ဘုရားသခင် အဝေးသို့ထွက်သွားပြီလော။ “လူကို များစွာ ငါမတောင်းဆို” ဟူသော ဘုရားသခင်၏ နှုတ်ကပတ်တော်များကို အဘယ်သို့ အနက်ပြန်နိုင်သနည်း။ ၎င်းတို့မှာ လူတို့ကို အပျက်သဘောဆောင်ပြီး အသောက်အစား အပျော်အပါး၌ မွေ့လျော်စေဖို့ မဟုတ်၊ သို့သော် ဘုရားသခင်၏ နှုတ်ကပတ်တော်များကို သိနားလည်မှုစစ်စစ် ၎င်းတို့အား ပေးရန်ဖြစ်သည်၊ သင် နားလည်ပါ၏လော။ လူ့ဇာတိခံဘုရားသခင်မှာ အမှန်တကယ်ပင် လူတို့ စိတ်ကူးသကဲ့သို့ “ ကြီးကျယ်၍ အောက်ခြေလွတ်နေသော ‘ငါ’” ဖြစ်သလော။

ဘုရားသခင်ပြောဆိုသော နှုတ်ကပတ်တော်များအားလုံးကို ဖတ်ရှုပြီး ၎င်းတို့၏ ယေဘုယအကြမ်းဖျင်းဖော်ပြချက် ပေးနိုင်သောသူများ ရှိသော်လည်း၊ ဘုရားသခင်၏ အဆုံးစွန်ရည်မှန်းချက် အဘယ်အရာဖြစ်သည်ကို အဘယ်သူပြောနိုင်သနည်း။ ဤသည်မှာ လူသားမျိုးနွယ် ချို့တဲ့သောအရာဖြစ်သည်။ မည်သည့် ရှုထောင့်မှ ဘုရားသခင် စကားပြောသည်ဖြစ်စေ၊ သူ၏ ယေဘုယျရည်မှန်းချက်မှာ ဇာတိပကတိ၌ရှိသော ဘုရားသခင်ကို လူတို့ သိစေရန်ဖြစ်သည်။ လူသားသဘာဝ မည်သည့်အရာမျှမရှိလျှင်- သူ၌ရှိသမျှသောအရာအားလုံးမှာ ကောင်းကင်ဘုံက ဘုရားသခင်၏ ပင်ကိုအရည်အချင်းများသာဖြစ်ခဲ့လျှင်- များစွာ ပြောဆိုဖို့ ဘုရားသခင်အတွက် လိုအပ်လိမ့်မည်မဟုတ်ပေ။ လူတို့ ချို့တဲ့သောအရာက ဘုရားသခင်၏ နှုတ်ကပတ်တော်များနှင့်အပြန်အလှန် ဆက်စပ် နှီးနွှယ်သည့် ကိုယ်တွေ့အချက်အလက် ကုန်ကြမ်းများအဖြစ် အသုံးတော်ခံသည်ဟု ဆိုနိုင်သည်။ ယင်းမှာ လူသား၏အထဲ၌ ထင်ရှားသောအရာမှာ လူတို့၏ အယူအဆများအကြောင်း ဘုရားသခင်ပြောဆိုသောအရာအဘို့ နောက်ခံဖြစ်သည်ဟု ဆိုခြင်းဖြစ်ပြီး၊ ထို့ကြောင့် လူတို့က ဘုရားသခင်၏ မိန့်မြွက်ချက်များကို အစေခံကြလေသည်။ ပင်ကိုယ်အားဖြင့် ဤသည်မှာ လူတို့၏အယူအဆများအကြောင်း ဘုရားသခင်ပြောသောအရာအပေါ်အခြေခံထားပြီး၊ ဤနည်းအားဖြင့်သာ ဤအရာကို သဘောတရားနှင့် လက်တွေ့ဘ၀တို့ ပေါင်းစပ်ခြင်းဖြစ်သည်ဟု ဆိုနိုင်၏၊ ထို့နောက်တွင်မှ လူတို့ကို မိမိတို့ကိုယ်ကိုယ် မိမိတို့ သိရှိခြင်းအကြောင်းအား ပိုမိုထိရောက်စွာ အလေးအနက် ထားစေနိုင်မည်ဖြစ်သည်။ ဇာတိပကတိ၌ ရှိသော ဘုရားသခင်သည် လူတို့ အယူအဆများနှင့် သဟဇတဖြစ်ပြီး ဘုရားသခင်ကလည်း သူ့ကို သက်သေခံခဲ့လျှင် မည်သည့်အဓိပ္ပာယ် ရှိလိမ့်မည်နည်း။ အတိအကျအားဖြင့် ဤအရာကြောင့် ဘုရားသခင်သည် သူ၏ ကြီးမြတ်သော တန်ခိုးကို မီးမောင်းထိုးပေးဖို့ရန် လူတို့၏အယူအဆများကို အသုံးပြုရင်း၊ အပျက်သဘောဆောင်သောဘက်မှ အလုပ်လုပ်ခြင်းဖြစ်သည်။ ဤသည်မှာ ဘုရားသခင်၏ ပညာဉာဏ်ဖြစ်သည် မဟုတ်လော။ လူတိုင်းအတွက် ဘုရားသခင်လုပ်ဆောင်သမျှသည် ကောင်းမြတ်၏၊ ထို့ကြောင့် ဤအချိန်တွင် အဘယ်ကြောင်း ချီးမွမ်းခြင်း မပြုသနည်း။ အမှုအရာများသည် အခြေအနေတစ်ရပ်ကို ရောက်ခဲ့လျှင်၊ သို့မဟုတ် နေ့ရက်ရောက်လာခဲ့လျှင်၊ သင်သည် ပေတရုကဲ့သို့ စမ်းသပ်မှုများအလယ်တွင် ပဌနာကို သင်ကိုယ်တိုင်၏အတွင်းထဲမှ မြွက်ဆိုနိုင်မည်လော။ သင့်အနေဖြင့် ပေတရုကဲ့သို့ စာတန်လက်များထဲ ရှိချိန်တွင် ချီးမွမ်းနိုင်သေးပါမှ၊ “စာတန်၏ ကျွန်ပြုခြင်းမှ လွတ်မြောက်ခြင်း၊ ဇာတိပကတိကို ချိုးနှိမ်နိုင်ခြင်းနှင့် စာတန်ကို အောင်နိုင်ခြင်း” တို့၏ စစ်မှန်သော အဓိပ္ပါယ် ရှိပေလိမ့်မည်။ ဤသည်မှာ ဘုရားသခင်အတွက် ပိုမို စစ်မှန်သည့် သက်သေခံချက်ဖြစ်သည် မဟုတ်လော။ ဤအရာသည်သာ “ဘုရားသဘာဝက ဆောင်ရွက်ဖို့ရန် ထွက်လာခြင်းနှင့် ခုနှစ်ဆအရှိန်ပြင်းသော ဝိညာဉ်က လူသားအထဲ၌ အလုပ်လုပ်ခြင်း” အားဖြင့် ရရှိသည့် အကျိုးသက်ရောက်မှု ဖြစ်ပြီး၊ ထို့ကြောင့် ယင်းမှာ “ဇာတိပကတိမှ ထွက်လာသော ဝိညာဉ်” အားဖြင့် ရရှိသည့် အကျိုးသက်ရောက်မှုလည်း ဖြစ်သည်။ ထိုကဲ့သို့သော လုပ်ဆောင်ချက်များသည် အစစ်အမှန် ဖြစ်သည် မဟုတ်လော။ သင်သည် စစ်မှန်မှုကို အာရုံစိုက်လေ့ရှိသော်လည်း၊ ယနေ့တွင် သင်သည် စစ်မှန်မှု၏ မှန်ကန်သော အသိပညာ ရှိပါသလော။ “ငါသည် လူသားကို များစွာ တောင်းဆိုခြင်းမရရှိသော်လည်း လူတို့သည် ထိုသို့မယုံကြည်ပေ။ ထို့ကြောင့်၊ ၎င်းတို့၏ ‘နှိမ့်ချခြင်း’ သည် ၎င်းတို့၏ လှုပ်ရှားမှုတိုင်း၌ ထုတ်ဖော်ပြသလျှက်ရှိ၏။ ၎င်းတို့သည် ငါလမ်းပျောက်မည်ကို နက်ရှိုင်းစွာ စိုးရွှံ့ပြီး၊ နက်ရှိုင်းသည့် တောင်များအတွင်းရှိ ရှေးဟောင်းသစ်တောများထဲတွင် ငါလှည့်လည်သွားလာမည်ကို ကြောက်လန့်ကာ၊ ငါ့အဘို့ လမ်းကို ဦးဆောင်ရင်း ငါရှေ့တွင် အစဉ်အမြဲ လျှောက်လေ့လျှောက်ထရှိကြပေသည်။ အကျိုးဆက်အနေဖြင့် လူတို့သည် မြေအောက်အကျဉ်းတိုက်ထဲသို့ ငါလျှောက်မည်ကို အလွန်အမင်း ကြောက်ရွှံ့ကာ ငါ့ကို အစဉ်အမြဲ ရှေ့သို့ ဦးဆောင်ကြပေပြီ။” ဤရိုးရှင်းသော စကားများနှင့် သက်ဆိုင်၍ သင်၏အသိပညာမှာ အဘယ်သို့နည်း- ၎င်းတို့ထဲက ဘုရားသခင့်နှုတ်ကပတ်တော်များ၏ အရင်းအမြစ်ကို အမှန်တကယ် သင်နားလည်သဘောပေါက်နိုင်ပါသလော။ ဘုရားသခင်သည် ထိုကဲ့သို့သောစကားများဖြင့် သင့်အယူအဆများထဲက မည်သည့်အရာကို ပြောဆိုသည်ကို သင်အာရုံစိုက်ပြီးပြီလော။ နေ့တိုင်း သင်၏အာရုံစိုက်မှုသည် ဤအဓိကအချက်အပေါ်တွင် ရှိသလော။ ယင်းနောက် နီးကပ်စွာ လိုက်လာသည့်အရာဖြစ်သည့် နောက်ထပ်အစိတ်အပိုင်း၏ ပထမဆုံးစာကြောင်းတွင် ဘုရားသခင်က “သို့တိုင် လူတို့သည် ငါ့အလိုကို သတိလက်လွတ်ဖြစ်ကြပြီး၊ ၎င်းတို့အပေါ် ငါအပ်နှင်းခဲ့သော ဥစ္စာဓနများက ၎င်းတို့၏ လိုအပ်ချက်များကို ဖြည့်ဆည်းနိုင်စွမ်းမရှိဘိသကဲ့သို့၊ တောင်းဆိုမှုက ထောက်ပံ့မှုထက် ပိုလွန်ဘိသကဲ့သို့၊ ငါ့ထံ အမှုအရာများအတွက် ဆက်လက်ဆုတောင်းနေကြ၏” ဟု ဆိုသည်။ ဤစာကြောင်းတွင် သင့်အတွင်းရှိ အယူအဆမှာ မည်သည့်အရာဖြစ်သည်ကို တွေ့မြင်နိုင်၏။ ကုန်လွန်ခဲ့သည့် အချိန်များတွင် သင်မည်သည့်အရာလုပ်ဆောင်ခဲ့သည်ကို ဘုရားသခင် သတိမရ သို့မဟုတ် စုံစမ်းစစ်ဆေးခြင်းမပြုပေ၊ ထို့ကြောင့် အတိတ်၏ အကြောင်းကိစ္စများကို နောက်ထပ် တွေးတောခြင်း မပြုနှင့်။ အနာဂတ်လမ်းစဉ်တွင် “နောက်ဆုံးခေတ်ကာလ၌ ပေတရု၏စိတ်ဝိညာဉ်” ကို သင် ဖန်တီးနိုင်၊ မဖန်တီးနိုင်ဆိုသည်က၊ ပိုမိုကြီးမားသည့် အရေးပါမှုဖြစ်သည်။ ဤအရာကို ရယူရန် သင် ယုံကြည်ခြင်း ရှိသလော။ လူသားကို ဘုရားသခင်တောင်းဆိုသောအရာမှာ လူတို့အနေဖြင့် နောက်ဆုံးတွင် အဆင်းနီသောနဂါးကြီးကို အရှက်ရစေဖို့ လမ်းကြောင်း ဖောက်ဖို့ရန်အလို့ငှာ၊ ပေတရုကို အတုယူခြင်းမျှသာဖြစ်သည်။ ဤအရာကြောင့် ဘုရားသခင်က “လူတို့သည် ငါနှင့်အတူ ပူးပေါင်းလုပ်ဆောင်ရန် စိတ်ပိုင်းဖြတ်မှု ရှိလိမ့်မည်ဟု မျှော်လင့်၍သာငါနေ၏။ ငါ့ကို ကောင်းမွန်သော အစားအသောက် ချက်ပြုတ်ဖို့ရန် သို့မဟုတ် ငါ၏ခေါင်းချဖို့ရာ သင့်လျော်သောနေရာကို စီစဉ်ဖို့၊… ငါသည် မတောင်းဆို၊” ဟု ဆိုခြင်းဖြစ်သည်။ လောကတွင် ၁၉၉၀ ခုနှစ်ဝန်းကျင်၌ “လဲ့ဖိန်၏ စိတ်ဝိညာဉ်” ရှိကြဖို့ လူတို့ တောင်းဆိုခံကြရ၏၊ သို့သော် ဘုရားသခင်၏ အိမ်တွင်မူ သင်သည် “ပေတရု၏ တမူထူးခြားသော ပုံစံ” ကို ဖန်တီးဖို့ ဘုရားသခင် တောင်းဆိုပေသည်။ ဘုရားသခင်၏အလိုကို သင် နားလည်ပါသလော။ ဤအရာအတွက် သင် အမှန်တကယ် ကြိုးပမ်းနိုင်ပါသလော။

“လောကဓါတ်များအထက်တွင် ငါလှုပ်ရှားပြီး၊ ငါလမ်းလျှောက်သည်နှင့်အညီ စကြငဝဠာ တစ်ခွင်လုံး၏ လူတို့ကို ငါလေ့လာသည်။ ကမ္ဘာမြေပေါ်ရှိ လူအုပ်များကြားတွင်၊ ငါ၏ အမှုနှင့် သင့်လျော်သောသူ သို့မဟုတ် ငါ့ကို အမှန်တကယ် ချစ်သောသူ တစ်ဦးတစ်ယောက် ဘယ်သောအခါမျှ မရှိစဖူး။ ထို့ကြောင့် ဤအခိုက်အတန့်တွင် ငါသည် စိတ်ပျက်လက်ပျက် သက်ပြင်းချမိပြီး၊ လူတို့သည် “ပိုက်ကွန်တစ်ခု၌ ၎င်းတို့အားလုံးကို ငါဖမ်းလိမ့်မည်” ကို အလွန်အမင်း ကြောက်ရွံ့ရင်း၊ နောက်ထပ် စုဝေးခြင်းမပြုဖို့ရန် ချက်ချင်း လူစုခွဲကြလေသည်။” လူအများစုက ဤစကားလုံးများကို နားလည်ရန် အလွန်ခက်ခဲသည်ဟု မြင်ကောင်း မြင်နိုင်သည်။ ၎င်းတို့က အဘယ်ကြောင့် ဘုရားသခင်သည် လူသားကို များစွာမတောင်းဆိုသော်လည်းဘဲသူ၏အမှုနှင့် သင့်လျော်သောသူ မရှိသောကြောင့် စိတ်ပျက်လက်ပျက် သက်ပြင်းချသနည်း ဟု မေးမြန်းကြသည်။ ဤနေရာတွင် ကွဲလွဲခြားနားခြင်းတစ်ခု ရှိပါသလား။ တိုက်ရိုက်ပြောဆိုချက်အရ ရှိပေ၏။ သို့သော် လက်တွေ့တွင် မည်သည့်ကွဲလွဲမှုမျှ မရှိပါ။ သင့်အနေဖြင့် ဘုရားသခင်က “ငါ၏ နှုတ်ကပတ်တော်အားလုံးသည် ငါဆန္ဒရှိသည့် အကျိုးကို သက်ရောက်စေလိမ့်မည်” ဟု ဆိုသောချိန်ကို အမှတ်ရကောင်း အမှတ်ရနိုင်သေးသည်။ ဇာတိပကတိ၌ ဘုရားသခင်အမှုပြုချိန်တွင် သူမည်သည့်အရာကို အတိအကျ လုပ်ဆောင်လိမ့်မည်ကို မြင်တွေ့ဘို့ လူတို့သည် သူ၏လုပ်ဆောင်ချက်တိုင်းအပေါ် အစွဲအလမ်းကြီးကြလေသည်။ ဝိညာဉ်လောကထဲ၌ ဘုရားသခင်က စာတန်အပေါ် သူ၏အမှုသစ်ကို ဆောင်ရွက်သောအခါ၊ တနည်းအားဖြင့် ဇာတိပကတိ၌ရှိသော ဘုရားသခင်ကြောင့် ကမ္ဘာမြေပေါ်ရှိ လူတို့ကြားတွင် အယူအဆများ အမျိုးမျိုး ထွက်ပေါ်ခဲ့ပေသည်။ စိတ်ပျက် လက်ပျက် ဘုရားသခင် သက်ပြင်းချသောအခါ၊ ယင်းမှာ ဘုရားသခင်က လူသား၏ အယူအဆများအားလုံးကို ပြောဆိုသောအချိန်ဖြစ်ပြီး၊ လူတို့သည် ၎င်းတို့ကို ကိုယ်တွယ်ဖြေရှင်းရန် အစွမ်းကုန် ကြိုးစားကြပြီး၊ ဘုရားသခင်က သူ၏အကြောင်း အယူအဆများရှိကြသောသူတို့အားလုံးသည် သူ၏ရန်သူများဟု ပြောဆိုသည့်အတွက်၊ ၎င်းတို့သည် မျှော်လင့်ချက် ကင်းမဲ့သည်ဟု ယုံကြည်သောသူများပင်လျှင် ရှိလေ၏၊ ထို့ကြောင်၊ အဘယ်ကြောင့် လူတို့သည် ဤအရာကြောင့် လူစုမကွဲဘဲနေနိုင်မည်နည်း။ အထူးသဖြင့် ယနေ့ ပြစ်တင်ဆုံးမမှု ရောက်ရှိလာသည့်အချိန်တွင် ဘုရားသခင်က ၎င်းတို့ကို အဝေးသို့ ဖယ်ရှားပစ်မည်ကို လူတို့သည် သာ၍ပင် ကြောက်ရွံ့ကြသည်။ ၎င်းတို့ ပြစ်တင်ဆုံးမခံရပြီးနောက် ဘုရားသခင်က “ပိုက်ကွန် တစ်ခု၌ ၎င်းတို့အားလုံးကို ဖမ်းလိမ့်မည်” ဟု ယုံကြည်ကြလေသည်။ သို့တိုင် အချက်အလက်များမှာ ထိုသို့မဟုတ်၊ ဘုရားသခင်က “ငါ၏ ပြစ်တင်ဆုံးမမှုအလယ်တွင် လူတို့ကို မည်သည့်အခါမျှ လွတ်မြောက်မှုမရှိတော့ရေးအတွက် ‘ထိန်းသိမ်းရန်’ ငါဆန္ဒမရှိပေ။ ငါ၏ စီမံခန့်ခွဲမှုသည် လူသား၏ ဆောင်ရွက်ချက်များ ကင်းမဲ့သောကြောင့် ငါ၏အမှုကို အောင်မြင်စွာ ပြည့်စုံစေရန် မဖြစ်နိုင်ပေ၊” ဟု ဆိုသကဲ့သို့ ဖြစ်သည်။ ဘုရားသခင်၏အလိုမှာ လူအားလုံးသေဆုံးခြင်းသို့ရောက်သည်နှင့် တပြိုင်နက် သူ၏အမှုပြီးဆုံးဘို့ဖအတွက် မဟုတ်၊ ယင်းတွင် မည်သည့်အဓိပ္ပာယ်ရှိလိမ့်မည်နည်း။ လူတို့အထဲ၌ အမှုပြုခြင်းနှင့် ၎င်းတို့ကို ပြစ်တင်ဆုံးမခြင်းအားဖြင့် ဘုရားသခင်သည် ထို့နောက် ၎င်းတို့မှတဆင့် သူ၏လုပ်ဆောင်ချက်များကို ပေါ်လွင်စေသည်။ ဘုရားသခင့်နှုတ်ကပတ်တော်များ၏ အသံနေအသံထားတွင် ပြစ်တင်ဆုံးမမှု ရှိနှင့်သည်ကို လူတို့ လုံးဝနားမလည်ခဲ့ကြသောကြောင့် ၎င်းတို့၏ အသိဉာဏ်ထဲသို့ မည်သည့်ဝင်ရောက်မှုမျှ မရှိခဲ့ကြခြင်းဖြစ်သည်။ လူတို့သည် ၎င်းတို့၏ စိတ်ပိုင်းဖြတ်မှုကို ဖော်ပြခြင်းအား မတတ်စွမ်းနိုင်ကြ၊ ထို့ကြောင့် ဘုရားသခင်က စာတန်ရှေ့တွင် မည်သည့်အရာမျှ မပြောနိုင်ခြင်းဖြစ်ပြီး၊ ယင်းမှာ ဘုရားသခင်၏အမှုကို ရှေ့ဆက်ခြင်းမှ တားဆီးထားပေသည်။ ထို့ကြောင့် ဘုရားသခင်က “ငါသည် တစ်ချိန်က လူသားကို ဧည့်သည်အဖြစ် ငါ၏အိမ်သို့ဖိတ်၏၊ သို့သော် ၎င်းသည် ငါ၏ ဆင့်ခေါ်ချက်များကြောင့် ဟိုဟို သည်သည် ပြေးလွှားခဲ့ပြီး၊ ၎င်းကို ဧည့်သည်အဖြစ် ဖိတ်ကြားခြင်းထက် ကွပ်မျက်ရာကွင်းသို့ ၎င်းကို ငါခေါ်ဆောင်ခဲ့ဘိသကဲ့သို့ ဖြစ်သည်။ ထို့ကြောင့် လူသားသည် ငါ့ကို အမြဲရှောင်ဖယ်ခဲ့ပြီး အစဉ်အမြဲ ငါကို သတိဖြင့် တားဆီးထားခဲ့သောကြာင့်၊ ငါ၏အိမ်သည် လူမရှိဘဲ ကျန်ရစ်ခဲ့ရ၏။ ဤအရာက ငါ့အမှု၏ အစိတ်အပိုင်းကို ဆောင်ရွက်ဖို့ ငါ့ကို နည်းလမ်းမရှိ ဖြစ်ကျန်ရစ်စေလေပြီ” ဟု ဆိုခြင်းဖြစ်သည်။ လူသား၏အလုပ်၌ လူသား၏အမှားများကြောင့် လူသားအပေါ်သတ်မှတ်ချက်များကို ဘုရားသခင် ရှင်းလင်းစွာ ပြောဆိုခြင်းဖြစ်သည်။ ဘုရားသခင်က မိန့်မြွက်ချက်များကို ပိုမိုဖြည့်စွက်သည်မှာ အမှု၏ ဤအဆင့်ကို လူတို့ ပြီးမြောက်ရန် ပျက်ကွက်ကြသောကြောင့် ဖြစ်သည်။ ယင်းမှာ ဘုရားသခင် ပြောဆိုသည့် “လူ့အပေါ်ပြုသော အမှု၏ နောက်တစ်ပိုင်း” အတိအကျ ဖြစ်ပေသည်။ သို့သော် ဘုရားသခင် ပြောသည့် “ပိုက်ကွန်တစ်ခု၌ ၎င်းတို့အားလုံးကို ဖမ်းခြင်း” ကို ငါ ပြောလိမ့်မည်မဟုတ်၊ အဘယ့်ကြောင့်ဆိုသော် ဤအရာသည် ယနေ့ အမှု အပေါ် ဆက်စပ်မှုအနည်းငယ်သာ ရှိသောကြောင့် ဖြစ်သည်။ “စကြဝဠာတစ်ခွင်လုံးရှိ ဘုရားသခင်၏ နှုတ်ကပတ်တော်များ” ထဲတွင်၊ သူ၏ စကားအတော်များများသည် လူနှင့် သက်ဆိုင်၏၊ သို့သော် လူတို့အနေဖြင့် ဘုရားသခင်၏အလိုကို နားလည်ကြရမည်၊ မည်သည့်အရာကို သူပြောဆိုသည်ဖြစ်စေ၊ သူ၏ ရည်ရွယ်ချက်များသည် အစဉ်အမြဲကောင်းမွန်၏။ ယင်းမှာ ဘုရားသခင် စကားပြောသည့် နည်းလမ်းများက များပြားလွန်းသောကြောင့် လူတို့သည် ဘုရားသခင်၏ နှုတ်ကပတ်တော်များကို တစ်ရာရာခိုင်နှုန်းသေချာခြင်းမရှိကြဘဲ ဘုရားသခင်၏ နှုတ်ကပတ်တော်အများစုက သူ့အမှု၏ လိုအပ်ချက်များကြောင့် ပြောဆိုရခြင်းဖြစ်ပြီး၊ စစ်မှန်သောအရာ အနည်းငယ်သာ ပါရှိသည်ဟု ယုံကြည်ကြ သောကြောင့် ဤသည်မှာ ၎င်းတို့ကို ကြောင်တောင်တောင်ဖြစ်စေပြီး ၎င်းတို့၏ အတွေးများအားဖြင့် ဖိစီးစေလေသည်၊ ၎င်းတို့၏ အယူအဆများထဲ၌ ဘုရားသခင်မှာ ဉာဏ်အမမြော်အမြင်အလွန်ရှိပြီး၊ ၎င်းတို့ လုံး၀လက်လှမ်းမမီသည့်နေရာတွင်ရှိသည့်အတွက် ယင်းမှာ ၎င်းတို့က ဘာမျှမသိရှိသကဲ့သို့ဖြစ်ပြီး၊ ဘုရားသခင့်နှုတ်ကပတ်တော်များကို အဘယ်သို့စားရမည်နှင့် သက်ဆိုင်၍ နလပိန်းတုန်းကဲ့သို့ ဖြစ်ကြပေသည်။ လူတို့သည် ဘုရားသခင်၏ နှုတ်ကပတ်တော်များကို စိတ်ကူးသက်သက်နှင့် ရှုပ်ထွေးသောအရာဖြစ်စေကြ၏၊ ဘုရားသခင်က “ငါ၏ မိန့်မြွက်ချက်များကို လူတို့သည် ရသဖြည့်စွက်ရန် အစဉ်အမြဲ ဆန္ဒရှိကြ၏” ဟု ဆိုသကဲ့သို့ဖြစ်သည်။ ၎င်းတို့၏ အတွေးအခေါ်များ အလွန် ရှုပ်ထွေးလှပြီး၊ ဘုရားသခင်အားဖြင့် “ရ နိုင်ရုံသာသာ” ဖြစ်သောကြောင့်၊ ရိုးရိုးစင်းစင်းနှင့် ရှင်းလင်းစွာ ကိုင်တွယ်ဖြေရှင်းသည့် နည်းလမ်းဖြင့် ပြောဆိုရန်မှလွဲ၍သူ့အတွက်ရွေးချယ်စရာမရှိ ဖြစ်ကျန်ရစ်စေရင်း၊ ဘုရားသခင့်နှုတ်ကပတ်တော်များ၏ အစိတ်အပိုင်းမှာ လူ့အားဖြင့် ကန့်သတ်ချုပ်ချယ်ခံရလေသည်။ စာတန်၏လုပ်ဆောင်ချက်များကို ရှုမြင်ဖို့ရန် ၎င်းတို့သည် ဝိညာဉ်ရေးရာလောကအတွင်းသို့ ဖြတ်သန်းနိုင်ကြဘိသကဲ့သို့၊ လူတို့၏ တောင်းဆိုမှုများက “မြင့်မား” လွန်းကာ၊ လူတို့၏ စိတ်ကူးစိတ်သန်းက များပြားလွန်းသောကြောင့ ဤအရာက ဘုရားသခင်၏နှုတ်ကပတ်တော်များကို လျော့ပါးစေ၏၊ အဘယ်ကြောင့်ဆိုသော် ဘုရားသခင် ပိုမိုပြောဆိုလေလေ၊ လူတို့၏ မျက်နှာများ ပိုမိုညိုးငယ်လေလေဖြစ်သည်။ ၎င်းတို့၏ အဆုံးသတ်ကို ချင့်ချိန်စဉ်းစားနေခြင်းထက်၊ ၎င်းတို့သည် အဘယ်ကြောင့် ရိုးရှင်းစွာ မနာခံနိုင်ကြသနည်း။ ဤအရာ၌ အကျိုးကျေးဇူးမှာ အဘယ်မှာနည်း။

ယခင်က:အခန်း ၃၁

နောက်တစ်ခုသို့:အခန်း ၃၃

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ