အခန်း ၂၈

လူတို့၏ အခြေအနေမှာ ဘုရားသခင်၏ နှုတ်ကပတ်တော်များကို ၎င်းတို့ နားလည်မှုနည်းလေလေ ၎င်းတို့သည် ဘုရားသခင်၏ လက်တလော အမှုပြုခြင်း နည်းလမ်းများကို ပို၍အယုံအကြည် ကင်းမဲ့လေလေ ဖြစ်သည်။ သို့သော်လည်း ဤအရာသည် ဘုရားသခင်၏အမှုတော်အပေါ် အကျိုးသက်ရောက်မှု မရှိပေ၊ သူ၏နှုတ်ကပတ်တော်များ အဆင့်တစ်ခုထိ ရောက်သောအခါ၊ လူတို့၏ စိတ်နှလုံးများသည် အလိုအလျောက် ပြောင်းလဲကြလိမ့်မည်။ ၎င်းတို့၏ အသက်တာများတွင် အယောက်တိုင်းသည် ဘုရားသခင်၏ နှုတ်ကပတ်တော်များအပေါ် အစွဲအလမ်းကြီးကြပြီး၊ ၎င်းတို့သည် သူ၏နှုတ်ကပတ်တော်များကို စတင် တမ်းတလည်းတမ်းတလာကြလေသည်၊ ပြီးလျှင် ဘုရားသခင်၏ မရပ်မနား ဖော်ထုတ်ခြင်းကြောင့်၊ ၎င်းတို့သည် မိမိတို့ကိုယ်ကိုယ် စတင် စက်ဆုပ်ရွံရှာလာကြသည်။ သို့သော် ဘုရားသခင်သည် အောက်ပါ နှုတ်ကပတ်တော် အမျိုးအစားများကိုလည်း မိန့်မြွက်ပြီးဖြစ်သည်- “ငါ၏နှုတ်ကပတ်တော်များ အားလုံးကို အကုန်အစင် သူ သဘောပေါက် ပြီးသည့်အခါ၊ လူသား၏ ဝိညာဉ်ရင့်ကျက်မှုသည် ငါ၏ဆန္ဒများနှင့်ညီမျှပြီး သူ၏တောင်းပန်ချက်များသည် အကျိုးဖြစ်ထွန်းကာ အချည်းအနှီး သို့မဟုတ် အလဟဿ မဖြစ်ပေ။ ငါသည် လူသားမျိုးနွယ်၏ ဟန်ဆောင်ခြင်း မဟုတ်သည့်၊ စစ်မှန်သော တောင်းပန်ချက်များကို ကောင်းချီးပေး၏။” အမှန်တွင် လူတို့သည် ဘုရားသခင်၏ နှုတ်ကပတ်တော်များကို လုံးလုံးလျားလျား နားလည်သဘောပေါက်နိုင်စွမ်း မရှိကြပေ၊ ၎င်းတို့သည် အပေါ်ယံမျှ နားလည်သဘောပေါက်နိုင်ကြသည်။ ဘုရားသခင်သည် ၎င်းတို့ လိုက်စားရန် ရည်မှန်းချက်တစ်ခုကို ၎င်းတို့အား ပေးရန်၊ ဘုရားသခင်သည် အမှုအရာများကို ပေါ့ပေါ့တန်တန် မပြုဘဲ၊ သူ၏အမှုတော် နှင့်ပတ်သက်၍ အလေးအနက်ရှိကြောင်း ခံစားစေရန် ဤနှုတ်ကပတ်တော်များကို အသုံးပြုရုံမျှ ပြုလေသည်။ ထိုအခါမှသာ ၎င်းတို့သည် လိုက်စားဖို့ ယုံကြည်ခြင်း ရှိကြလိမ့်မည်။ ပြီးလျှင် လူအပေါင်းတို့သည် ဘုရားသခင်၏ အလိုအတွက် မဟုတ်ဘဲ၊ ၎င်းတို့အဖို့အလို့ငှာသာ အသနား ခံကြသော်လည်း၊ ဘုရားသခင်သည် ယခုတစ်မျိုး တော်ကြာတစ်မျိုး သဘောထားပြောင်းခြင်း မရှိသောကြောင့်၊ သူ၏ နှုတ်ကပတ်တော်များသည် လူသား၏သဘာဝကို အမြဲရည်ရွယ်ပြီး ဖြစ်ပေသည်။ ယနေ့ လူအများစုတို့သည် အသနားခံကြသော်လည်း၊ ၎င်းတို့သည် မစစ်မှန်မရိုးသားကြပေ- ဟန်ဆောင်မှုတစ်ခုမျှသာ ဖြစ်သည်။ လူအပေါင်း၏ အခြေအနေမှာ “၎င်းတို့သည် ငါ၏ နှုတ်ကို ပေါကြွယ်ဝခြင်း တစ်ခုအဖြစ် ယူဆကြသည်။ လူအားလုံးသည် ငါ့နှုတ်မှ တစ်စုံတစ်ခု ရရှိရန် ဆန္ဒရှိကြသည်။ ယင်းသည် နိုင်ငံတော်၏ လျှို့ဝှက်ချက်များဖြစ်စေ၊ ကောင်းကင်ဘုံ၏ နက်နဲမှုများဖြစ်စေ သို့မဟုတ် ဝိညာဉ်လောက၏ အင်အားများဖြစ်စေ၊ သို့မဟုတ် လူသားမျိုးနွယ်၏ ခရီးပန်းတိုင်ဖြစ်စေ” ၎င်းတို့၏ သိလိုစိတ် ပြင်းပြခြင်းကြောင့်၊ လူအားလုံးသည် ဤအရာများကို ရှာဖွေရန် လိုလိုလားလားရှိကြပြီး ဘုရားသခင်၏ နှုတ်ကပတ်တော်များမှ အသက်နှင့်ဆိုင်သည့် အထောက်အပံ့များ မည်သည့်အရာမျှ ရရှိရန် ဆန္ဒမရှိကြချေ။ ထို့ကြောင့် ဘုရားသခင်က “လူသားအတွင်းတွင် ချို့တဲ့မှုများလွန်းလှ၏၊ သူသည် “အာဟာရဖြည့်ဆည်းမှုများ” သာ လိုအပ်သည် မဟုတ်ဘဲ၊ ထိုထက်ပို၍ “စိတ်ပိုင်းဆိုင်ရာပံ့ပိုးမှု” နှင့် “ဝိညာဉ်ရေးရာထောက်ပံ့မှု” တို့ လိုအပ်လေသည်” ဟု ဆိုခြင်းဖြစ်သည်။ ယနေ့ အပျက်သဘောရှိခြင်းသို့ ဆိုက်ရောက်စေပြီးသည်မှာ လူတို့အထဲက အယူအဆများ ဖြစ်ပြီး ၎င်းတို့ပြောဆို လုပ်ဆောင်သည့် အရာတွင် အားမာန်မရှိကြသကဲ့သို့၊ အရာခပ်သိမ်း၌ ၎င်းတို့ ဝတ်ကျေတမ်းကျေဖြစ်ပြီး ဖြစ်ကတတ်ဆန်း လုပ်ကြသည်မှာ ၎င်းတို့၏ ရုပ်ပိုင်းဆိုင်ရာ အမြင်များမှာ အလွန် “ရှေးရိုးစွဲ” သောကြောင့် ဖြစ်သည်။ ဤအရာများသည် လူတို့၏ အခြေအနေများ ဖြစ်သည်မဟုတ်လော။ လူတို့သည် ၎င်းတို့ ဖြစ်သည့်အတိုင်း ဆက်သွားသည်ထက်၊ မြန်မြန်ဆန်ဆန်နှင့် ဤအရာကို ပြုပြင်သင့်သည် မဟုတ်လော။ အနာဂတ်ကို သိခြင်းတွင် လူသားအတွက် မည်သည့် အကျိုးကျေးဇူး ရှိသနည်း။ လူတို့သည် ဘုရားသခင်၏ နှုတ်ကပတ်တော် အချို့ကို ဖတ်ရှုပြီးနောက် တုံ့ပြန်မှုတစ်ခု ရှိကြသော်လည်း၊ သူ၏ကျန်သည့် နှုတ်ကပတ်တော်များက အဘယ်ကြောင့် အကျိုးသက်ရောက်မှု မရှိသနည်း။ ဥပမာအားဖြင့် ဘုရားသခင်က၊ “သာ၍ ကောင်းမွန်သော သက်ရောက်မှုများ စွမ်းဆောင်ရရှိရန်အလို့ငှာ၊ ၎င်းတို့အားလုံး ပြန်လည်ကျန်းမာလာနိုင်ပြီး ငါ၏ကုသမှုကြောင့် ပုံမှန် အခြေအနေသို့ ပြန်ရောက်နိုင်ကြဖို့အလို့ငှာ၊ ငါသည် လူသား၏ အနာရောဂါအတွက် ကုထုံးတစ်ခုကို ပေးသည်” ဟု ပြောသောအခါ၊ ဤနှုတ်ကပတ်တော်များသည် လူတို့၌ အကျိုးသက်ရောက်မှု မရှိသည်မှာ အဘယ်သို့ဖြစ်သနည်း။ ဘုရားသခင် ပြုပြီးသော အရာတိုင်းသည် လူတို့ ကြိုးပမ်းရရှိသင့်သော အရာဖြစ်သည် မဟုတ်လော။ ဘုရားသခင်သည် လုပ်ဆောင်ရန် အမှုတော်ရှိသည်- လူတို့သည် အဘယ်ကြောင့် လျှောက်လှမ်းစရာ လမ်းကြောင်းတစ်ခု မရှိသနည်း။ ဤသည်မှာ ဘုရားသခင်နှင့်ဆန့်ကျင်နေသည် မဟုတ်လော။ လူတို့ လုပ်ဆောင်သင့်သော အလုပ်များစွာ အမှန်တကယ် ရှိသည်- ဥပမာအားဖြင့် “သင်တို့သည် အဆင်းနီသောနဂါးကြီးကို အမှန်တကယ် မုန်းတီးသလော” ဟူသော နှုတ်ကပတ်တော်ထဲက “အဆင်းနီသောနဂါးကြီး” အကြောင်းကို ၎င်းတို့ မည်မျှသိကြသနည်း။ “ငါသည် ကြိမ်ဖန်များစွာ သင်တို့ကို အဘယ်ကြောင့် မေးလေပြီနည်း” ဟု ပြောရင်း ဘုရားသခင်က လူတို့သည် အဆင်းနီသောနဂါးကြီး၏ သဘာဝကို မသိနားမလည်ကြသေးသကဲ့သို့၊ ၎င်းတို့သည် ပို၍ နက်နဲစွာ သိနိုင်စွမ်းမရှိဘဲနေကြကြောင်း ပြသသည်။ ဤသည်မှာ လူသား လုပ်ဆောင်သင့်သောအလုပ် ဖြစ်သည် မဟုတ်သလော။ လူသားသည် လုပ်စရာ အလုပ်မရှိဟု အဘယ်ကြောင့် ဆို၍ရနိုင်သနည်း။ အကယ်၍ ထိုသို့ ဖြစ်ခဲ့ပါက၊ ဘုရားသခင်၏ လူ့ဇာတိခံယူခြင်း၏ အရေးပါမှုသည် အဘယ်အရာ ဖြစ်လိမ့်မည်နည်း။ ဘုရားသခင်သည် ဟန်ဆောင် လုပ်ပြရန်အတွက်၊ ဖြစ်ကတတ်ဆန်းနှင့် ဝတ်ကျေတမ်းကျေပြုသည့် ပုံစံဖြင့် ဆောင်ရွက်နေသလော။ အဆင်းနီသောနဂါးကြီးကို ဤနည်းဖြင့် အနိုင်ယူ၍ရနိုင်သလော။

ဘုရားသခင်က “ငါသည် စတင်နှင့်ပြီဖြစ်ကာ၊ အဆင်းနီသောနဂါးကြီး၏ နေထိုင်ရာနေရာတွင် ပြစ်တင်ဆုံးမခြင်းနှင့်ဆိုင်သည့် ငါ့အမှု၏ ပထမအဆင့်ကို စတင်မည်” ဟု ဆိုသည်။ ဤနှုတ်ကပတ်တော်များသည် ဘုရားသဘောသဘာဝထဲက အမှုတော်ကို ရည်ရွယ်ပေသည်။ ယနေ့ခေတ် လူများသည် ပြစ်တင်ဆုံးမခြင်းထဲသို့ ကြိုတင် ဝင်ရောက်နှင့်ပြီ ဖြစ်သည်၊ ထို့ကြောင့် ဘုရားသခင်က ဤအရာမှာ သူ့အမှုတော်၏ ပထမအဆင့် ဖြစ်သည်ဟု ဆိုပေသည်။ သူသည် လူတို့အား ဘေးဒုက္ခများ၏ ပြစ်တင်ဆုံးမခြင်းကို ကြံ့ကြခံစေခြင်း မဟုတ်ဘဲ၊ နှုတ်ကပတ်တော်များ၏ ပြစ်တင်ဆုံးမခြင်းကို ကြံ့ကြံ့ခံစေခြင်းဖြစ်သည်။ အဘယ်ကြောင့်ဆိုသော် ဘုရားသခင်၏ နှုတ်ကပတ်တော်များ၏ သဘောသွား ပြောင်းလဲသောအခါ၊ လူတို့သည် လုံးဝ မသိနားမလည် ဖြစ်လာကြပြီး ထို့နောက်တွင် ၎င်းတို့အားလုံး ပြစ်တင်ဆုံးမခြင်းထဲသို့ ဝင်ရောက် ကြသောကြောင့် ဖြစ်သည်။ ပြစ်တင်ဆုံးမခြင်းကို ကြုံပြီးသည့်နောက်တွင်၊ “သင်တို့သည် သင်တို့၏တာဝန်ကို တရားဝင် ထမ်းဆောင်ကြလိမ့်မည် ဖြစ်ပြီး၊ နယ်မြေတစ်လျှောက်လုံးတွင် ငါ့ကို ကာလအစဉ်အဆက် တရားဝင် ချီးမွမ်းကြလိမ့်မည်” ဤသည်တို့မှာ ဘုရားသခင်၏အမှုတော်ထဲက အဆင့်များ ဖြစ်သည်- ယင်းတို့သည် သူ၏အစီအစဉ် ဖြစ်သည်။ ထို့အပြင် ဘုရားသခင်၏ ဤလူများသည် အဆင်းနီသောနဂါးကြီး ပြစ်တင်ဆုံးမခံရသော နည်းလမ်းများကို ကိုယ်တိုင်ကိုယ်ကျ ရှုမြင်ရမည်၊ ထို့ကြောင့် ကပ်ဘေးသည် ၎င်းတို့၏အနီးတဝိုက် ကမ္ဘာလောကထဲတွင် ၎င်းတို့၏ ပြင်ပ၌ တရားဝင် စတင်ပေသည်။ ဤသည်မှာ လူတို့ကို ဘုရားသခင် ကယ်တင်သော နည်းလမ်းများထဲမှ တစ်ခု ဖြစ်သည်။ ၎င်းတို့သည် အတွင်း၌ ပြစ်တင်ဆုံးမခြင်းကို ခံကြရပြီး အပြင်တွင် ကပ်ဘေးက ကျရောက်ခြင်းဖြစ်သည်-ဆိုလိုသည်မှာ၊ ဘုရားသခင်၏ နှုတ်ကပတ်တော်များ ပြည့်စုံခြင်းဖြစ်သည်။ ထို့ကြောင့် လူတို့သည် ကပ်ဘေးထက် ပြစ်တင်ဆုံးမခြင်းကို ကြုံရန် ပို၍ နှစ်သက်ကြမည်ဖြစ်ပြီး၊ ဤအရာကြောင့် ၎င်းတို့ ကျန်ရှိနေခြင်း ဖြစ်သည်။ တစ်ဖက်တွင် ဤသည်မှာ ဘုရားသခင်၏အမှုတော် ရောက်လာပြီဖြစ်သော အခြေအနေ ဖြစ်သည်။ အခြားတစ်ဖက်တွင် ယင်းသည် လူအပေါင်းတို့က ဘုရားသခင်၏ စိတ်သဘောထားကို သိနိုင်ကြစေဖို့အလို့ငှာ ဖြစ်သည်။ ထို့ကြောင့် ဘုရားသခင်က “ငါ၏ လူများက ငါကို မွေ့လျော်ကြချိန်သည် အဆင်းနီသောနဂါးကြီး ပြစ်တင်ဆုံးမခံရသည့်အချိန် ဖြစ်သည်။ အဆင်းနီသောနဂါးကြီး၏လူများကို ထကြွစေပြီး ၎င်းကို တော်လှန်စေခြင်းသည် ငါ၏အစီအစဉ်ဖြစ်ပြီး၊ ဤသည်မှာ ငါ၏လူများကို ငါစုံလင်စေသည့်နည်းစနစ်ဖြစ်ကာ ယင်းသည် ငါ၏ လူအားလုံးအတွက် ဘဝ၌ ကြီးထွားဖို့ ကြီးမားသော အခွင့်အရေးတစ်ခု ဖြစ်သည်” ဟု ဆိုပေသည်။ ဘုရားသခင်သည် ဤနှုတ်ကပတ်တော်များကို ပြောသော်လည်း ယင်းတို့က လူတို့၏ အာရုံကို မဆွဲဆောင်သည်မှာ အဘယ်ကြောင့်နည်း။

ဘုရားသခင်၏ လှံတံသည် ကမ္ဘာမြေကြီးပေါ်၌ ၎င်း၏ အခန်းကဏ္ဍကို စတင် လုပ်ဆောင်ပြီ ဖြစ်သောကြောင့် နိုင်ငံများသည် ကြီးမားသည့် ပရမ်းပတာဖြစ်ခြင်း အခြေအနေတွင် ရှိလေသည်။ ဘုရားသခင်၏အမှုတော်ကို ကမ္ဘာမြေကြီး၏ အခြေအနေ၌ မြင်နိုင်သည်။ ဘုရားသခင်က “ရေများသည် ဟုန်းဟုန်းမြည်ကြလိမ့်မည်၊ တောင်များ ပြိုလဲကြလိမ့်မည်၊ မြစ်ကြီးများ ပြိုကွဲကြလိမ့်မည်၊” ဟု ပြောသောအခါ၊ ဤသည်မှာ “ကမ္ဘာမြေပေါ်ရှိ အိမ်ထောင်စုအပေါင်းသည် တစ်ကွဲတစ်ပြားစီ ဖြစ်လိမ့်မည်ဖြစ်ပြီး၊ မြေကြီးပေါ်ရှိ တိုင်းနိုင်ငံအားလုံး အစိတ်စိတ် အမြွှာမြွှာ ပြိုကွဲလိမ့်မည်။ ခင်ပွန်းနှင့် ဇနီးသည်တို့အကြား ပြန်လည် ပေါင်းစည်းသည့် နေ့ရက်များ ကုန်ဆုံးလိမ့်မည်၊ အမိနှင့်သားတို့ တစ်ဖန် ပြန်တွေ့တော့မည်မဟုတ်၊ အဖနှင့်သမီးတို့ မည်သည့်အခါမျှ တစ်ဖန် ပြန်ဆုံတော့မည် မဟုတ်ပေ။ မြေကြီးပေါ် ရှိဖူးသော အရာအားလုံးကို ငါ ချေမှုန်းမည်” ဟူသော ရလဒ်ဖြင့် ကမ္ဘာမြေကြီးပေါ်တွင် လှံတံ၏ ကနဦး အလုပ်ဖြစ်သည်။ ယင်းမှာ ကမ္ဘာမြေကြီးပေါ်ရှိ မိသားစုများ၏ ယေဘုယျ အခြေအနေ ဖြစ်လိမ့်မည်။ သဘာဝအားဖြင့် ယင်းသည် ၎င်းတို့အားလုံး၏ အခြေအနေ ဖြစ်နိုင်ခြေ မရှိနိုင်သော်လည်း၊ ယင်းမှာ ၎င်းတို့အများစု၏ အခြေအနေ ဖြစ်သည်။ သို့သော်လည်း ယင်းသည် ဤရေစီးကြောင်း၏ လူများက အနာဂတ်တွင် တွေ့ကြုံရသည့် အခြေအနေများကို ရည်ညွှန်းနေခြင်း ဖြစ်သည်။ ယင်းက ၎င်းတို့သည် နှုတ်ကပတ်တော်များ၏ ပြစ်တင်ဆုံးမခြင်းကို ကြုံရပြီး၊ မယုံကြည်သူများသည် ကပ်ဘေးကို ခံရပြီးသည်နှင့် တစ်ပြိုင်နက်၊ ကမ္ဘာမြေကြီးပေါ်တွင် လူတို့အကြား မိသားစု ဆက်ဆံရေးများ ရှိတော့မည် မဟုတ်သည်ကို ၎င်းက ကြိုတင်ဟောကိန်း ထုတ်ပေသည်။ ၎င်းတို့အားလုံးသည် သိနိမ်ပြည်၏ လူများ ဖြစ်ကြလိမ့်မည် ဖြစ်ပြီး၊ အားလုံးသည် ဘုရားသခင်၏ နိုင်ငံတော်၌ သစ္စာရှိကြလိမ့်မည်။ ထို့ကြောင့် ခင်ပွန်းနှင့် ဇနီးသည်တို့အကြား ပြန်လည်ပေါင်းစည်းသည့် နေ့ရက်များ ကုန်ဆုံးလိမ့်မည်၊ အမိနှင့်သားတို့ တစ်ဖန်ပြန်တွေ့တော့မည်မဟုတ်၊ အဖနှင့်သမီးတို့ မည်သည့်အခါမျှ တစ်ဖန်ပြန်ဆုံတော့မည် မဟုတ်ပေ။ ထို့ကြောင့် ကမ္ဘာမြေကြီးပေါ်ရှိ လူတို့၏ မိသားစုများသည် ဖြိုခွဲခံရလိမ့်မည်၊ အကြီးအကျယ် ဖျက်ဆီးခြင်းကို ခံရလိမ့်မည်ဖြစ်ပြီး၊ ဤသည်မှာ လူသား၌ ဘုရားသခင် ပြုသော နောက်ဆုံးအမှုတော် ဖြစ်လိမ့်မည်။ ပြီးလျှင် ဘုရားသခင်သည် ဤအမှုတော်ကို စကြဝဠာတစ်ခုလုံးအနှံ့ ပျံ့နှံ့စေမည် ဖြစ်သောကြောင့်၊ သူသည် “စိတ်ခံစားချက်” ဟူသော စကားလုံးကို လူတို့အား ရှင်းလင်းပြရန် အခွင့်အရေးကို အသုံးချကာ၊ ထိုသို့ဖြင့် ဘုရားသခင်၏ အလိုမှာ လူအပေါင်း၏ မိသားစုများကို ဖြိုခွဲရန် ဖြစ်ကြောင်းကို ၎င်းတို့အား မြင်ခွင့်ပေးပြီး ဘုရားသခင်သည် လူသားမျိုးနွယ်ထဲက “မိသားစု အငြင်းပွားမှုများ” အားလုံးကို ဖြေရှင်းရန် ပြစ်တင်ဆုံးမခြင်းကို အသုံးပြုကြောင်း ပြသလေသည်။ အကယ်၍ ထိုသို့မဟုတ်ပါက၊ ဘုရားသခင်၏အမှုတော်၏ နောက်ဆုံး အပိုင်းကို ကမ္ဘာမြေကြီးပေါ်၌ အဆုံးသတ်ဖို့ ဖြစ်နိုင်မည် မဟုတ်ပေ။ ဘုရားနှုတ်ကပတ်တော်များ၏ နောက်ဆုံးအပိုင်းသည် လူသားမျိုးနွယ်၏ အကြီးမားဆုံးသော အားနည်းချက်ကို ဖွင့်ချသည်- ၎င်းတို့အားလုံးသည် စိတ်ခံစားချက်ဖြင့် အသက်ရှင်ကြ၏- ထို့ကြောင့် ဘုရားသခင်သည် ၎င်းတို့ထဲမှ တစ်ဦးတစ်ယောက်ကိုမျှ မရှောင်ဘဲ၊ လူသားမျိုးနွယ် အားလုံး၏ စိတ်နှလုံးများထဲ၌ ကွယ်ဝှက်ထားသော လျှို့ဝှက်ချက်များကို ဖော်ထုတ်လေသည်။ လူတို့အတွက် ၎င်းတို့ကိုယ်ကိုယ် စိတ်ခံစားချက်မှ သီးခြားခွဲရန် အဘယ်ကြောင့် အလွန်ခက်ခဲရသနည်း။ ထိုသို့ လုပ်ဆောင်ခြင်းသည် အသိတရား၏ စံနှုန်းများကို ကျော်လွန်သလော။ အသိတရားသည် ဘုရားသခင်၏ အလိုကို ပြီးမြောက်စေနိုင်သလော။ စိတ်ခံစားချက်သည် ဘေးအန္တရာယ်တစ်လျှောက် လူတို့ကို ကူညီနိုင်သလော။ ဘုရားသခင်၏ အမြင်တွင် စိတ်ခံစားချက်သည် သူ၏ ရန်သူ ဖြစ်သည်- ဤအရာကို ဘုရားသခင်၏ နှုတ်ကပတ်တော်များထဲ၌ ရှင်းလင်းစွာ ဖော်ပြပြီးပြီ မဟုတ်လော။

အရှေ့သို့- အခန်း ၂၇

နောက်တစ်ခုသို့- အခန်း ၂၉

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်

အကယ်၍ သင်သည် ဘုရားသခင်ကို ယုံကြည်ပါက၊ ဘုရားသခင်ကို နာခံရမည်၊ သမ္မာတရားကို လက်တွေ့ကျင့်သုံးကာ သင်၏တာဝန်အားလုံးကို ကျေပွန်အောင်...

သင်၏အနာဂတ်တာဝန်ကို မည်သို့ အာရုံစိုက်၍ လုပ်ဆောင်သင့်သနည်း

သင်သည် ခေတ်အသီးသီးတွင် ဘုရားသခင် ဖော်ပြသည့် စိတ်သဘောထားကို ခိုင်လုံသော နည်းလမ်းဖြင့်၊ ခေတ်ကာလ၏ အရေးပါမှုကို အလိုက်အထိုက်အားဖြင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်