ဘုရားသခင်ကို လူသား၏ ယုံကြည်ခြင်းနှင့်ဆိုင်သော ရည်ရွယ်ချက်မှာ အဘယ်နည်း။ (ကယ်တင်ခြင်းခံရဖို့ ဖြစ်သည်။) ကယ်တင်ခြင်းသည် ဘုရားသခင်ကို ယုံကြည်ခြင်းနှင့်သက်ဆိုင်၍ စဉ်ဆက်မပြတ်ပြောဆိုရသော အကြောင်းအရာတစ်ခုဖြစ်သည်။ ဤသို့ဆိုလျှင် ကယ်တင်ခြင်းကို မည်သို့ ရရှိနိုင်သနည်း။ (သမ္မာတရားအား လိုက်စားခြင်း၊ ဘုရားသခင်ရှေ့တွင် အစဉ်သဖြင့် အသက်ရှင်ခြင်းအားဖြင့် ဖြစ်သည်။) ယင်းမှာ ကျင့်ကြံမှုအမျိုးအစားတစ်ခုဖြစ်သည်။ ဘုရားသခင်၏ ရှေ့တွင် အစဉ်အသက်ရှင်ခြင်းအားဖြင့် မည်သည့်အရာကို ရရှိရမည်နည်း။ ရည်ရွယ်ချက်မှာ အဘယ်နည်း။ (ဘုရားသခင်နှင့် ပုံမှန်ဆက်ဆံရေးကို တည်ဆောက်ရန်ဖြစ်သည်။) (ဘုရားသခင်ကို ကြောက်ရွံ့ပြီး မကောင်းမှုကို ရှောင်ကြဉ်ရန်၊ သမ္မာတရားကို နားလည်ပြီး ဘုရားသခင်အပေါ် အမှန်တကယ် သိမြင်မှုကို ရရှိရန်ဖြစ်သည်။) အခြားမည်သည့်အရာရှိသေးသနည်း။ (သမ္မာတရားကို ရှာဖွေရန်၊ သမ္မာတရားအား ကျွန်ုပ်တို့၏ အသက်ဖြစ်စေရန်ဖြစ်သည်။) ဤအရာများသည် တရားဒေသနာဟောကြားသည့် အချိန်အတွင်းတွင် မကြာခဏပြောသော အရာများဖြစ်ပြီး ဝိညာဉ်ရေးရာ စကားရပ်များဖြစ်သည်။ အခြားမည်သည့်အရာရှိသေးသနည်း။ (ဤဖြစ်စဉ်အတွင်းတွင် ကျွန်ုပ်တို့၏ ဖောက်ပြန်ပျက်စီးသော စိတ်သဘောထားများကို ဖြေရှင်းရန်အပြင်၊ ဘုရားသခင်အား အမှန်တကယ်သိမြင်မှုကို ရရှိရန်၊ နောက်ဆုံးတွင် သမ္မာတရားနှင့် လူ့သဘာဝပိုင်ဆိုင်သောသူတစ်ယောက်ဖြစ်လာရန်အတွက် မိမိကိုယ်ကို ဆင်ခြင်သုံးသပ်ပြီး သိမြင်ကာ သမ္မာတရားကို ရှာဖွေရန်အလို့ငှာဘုရားသခင်၏ တရားစီရင်ခြင်း၊ ပြစ်တင်ဆုံးမခြင်းနှင့်အတူ ဘုရားသခင်၏ ပြုပြင်ခြင်း၊ ဘုရားသခင်၏ စမ်းသပ်မှုနှင့် စစ်ဆေးမှုတို့ကို တွေ့ကြုံခံစားရန်ဖြစ်သည်။) သင်တို့သည် ပြီးခဲ့သော နှစ်အနည်းငယ်တွင် တရားဒေသနာများကို ကြားနာခြင်းမှ များစွာနားလည်ခဲ့သည့်ပုံပေါ်သည်။ ဤသို့ဆိုလျှင် တကယ့်ပြဿနာနှင့် အခက်အခဲအချို့ကို ဖြေရှင်းရန် သင်တို့နားလည်သည့် ဤအရာများကို သင်၏ အတွေ့အကြုံများတွင် အသုံးပြု၍ရနိုင်သလော။ ဥပမာအားဖြင့် မမှန်ကန်သော အတွေးများနှင့် အယူအဆများ၊ ရံဖန်ရံခါဖြစ်ပေါ်သော အပျက်သဘောဆောင်မှုနှင့် အားနည်းချက်တို့အပြင်၊ အယူအဆများ၊ စိတ်ကူးများနှင့်သက်ဆိုင်သည့် ပြဿနာအချို့တို့ကို လျင်မြန်စွာ ဖြေရှင်း၍ရနိုင်သလော။ လူအချို့သည် ပြဿနာအသေးစား အနည်းငယ်ကို ဖြေရှင်းကောင်းဖြေရှင်းနိုင်သည်။ သို့သော် ၎င်းတို့သည် အကြီးစား၊ အရင်းအမြစ် အကြောင်းရင်းဖြစ်သော ပြဿနာများတွင် အခက်အခဲရှိနိုင်သေးသည်။ ယနေ့တွင် သမ္မာတရားနှင့်ပတ်သက်ပြီး သင်တို့တွင်ရှိသော နားလည်မှုအဆင့်အရ၊ သင်တို့သည် ယောဘကဲ့သို့သော စမ်းသပ်မှုမျိုးကို ရင်ဆိုင်ရလျှင် ခိုင်မာစွာ ရပ်တည်နိုင်မည်လော။ (ကျွန်ုပ်တို့သည် ခိုင်မာစွာ ရပ်တည်ရန် စိတ်ပိုင်းဖြတ်မည်။ သို့သော် တစ်စုံတစ်ခုက ကျွန်ုပ်တို့အပေါ် အမှန်တကယ် ဖြစ်ပျက်ခဲ့လျှင် ကျွန်ုပ်တို့၏ တကယ့် ဝိညာဉ်ရင့်ကျက်မှုက မည်သည့်အရာဖြစ်မည်ကို ကျွန်ုပ်တို့ မသိပါ။) သို့သော် သင်တို့ထံ မည်သည့်အရာမျှ မဖြစ်ပျက်သောအခါတွင်ပင် သင်တို့၏ တကယ့်ဝိညာဉ်ရင့်ကျက်မှုကို မသိသင့်သလော။ ဤအရာကို မသိခြင်းသည် အန္တရာယ်ကြီးမားသည်။ ဤမကြာခဏ ထပ်ခါထပ်ခါပြောဆိုသော ဝိညာဉ်ရေးစကားများနှင့် သတ်မှတ်ထားသော စကားစုများ၏ လက်တွေ့ကျသော ကဏ္ဍများကို သင်တို့သိသလော။ ဤစကားစုတစ်ခုစီ၏ စစ်မှန်သော သွယ်ဝိုက်ညွှန်းဆိုမှုကို သင်တို့ နားလည်သလော။ ထိုအရာများထဲတွင် သမ္မာတရားက မည်သည့်အရာဖြစ်သည်ကိုသာ သင်တို့ နားလည်သလော။ သင်သည် ဤအရာများကို သိပြီး တွေ့ကြုံပြီးဖြစ်လျှင် ဤသည်မှာ သမ္မာတရားကို သင်နားလည်သည်ဟု သက်သေပြသည်။ သင်သည် ဝိညာဉ်ရေးစကားများနှင့် စကားစုအနည်းငယ်ကိုသာ အကြိမ်ကြိမ်ရေရွတ်နိုင်သော်လည်း၊ တစ်စုံတစ်ခုကို သင် အမှန်တကယ် ကြုံတွေ့သောအခါ ၎င်းတို့သည် သင့်အတွက် အသုံးမဝင်လျှင်၊ ထိုအရာများက သင်၏ ပြဿနာများကို ဖြေရှင်းနိုင်စွမ်းမရှိလျှင် ဤသည်မှာ ဤနှစ်ကာလများအားလုံးတွင် ဘုရားသခင်ကို သင် ယုံကြည်ပြီးနောက် သင်သည် သမ္မာတရားကို နားမလည်သေးဘဲ တကယ့်အတွေ့အကြုံတစ်ခုမျှ မရှိခဲ့သေးသည်ကို သက်သေပြသည်။ ဤအရာကို ငါပြောခြင်း၏ အဓိပ္ပာယ်မှာ အဘယ်နည်း။ လူတို့သည် ဘုရားသခင်အပေါ် ၎င်းတို့၏ ယုံကြည်မှုတွင် ဤအခြေအနေအထိ ရောက်ရှိပြီးနောက်တွင်၊ ဘာသာရေးသမားများ၊ သို့မဟုတ် ဘာသာတရားမရှိသောသူများထက် သမ္မာတရားကို အနည်းငယ်ပို၍ နားလည်ကြသည်။ ဘုရားသခင့် အမှုတော်၏ ရူပါရုံအချို့ကို နားလည်ကြပြီး စည်းမျဉ်းသတ်မှတ်ထားသော ကိစ္စရပ်အနည်းငယ်ကို လိုက်နာနိုင်ကြသည်။ ပြီးလျှင် ဘုရားသခင်၏ အချုပ်အခြာအာဏာအပေါ် နားလည်မှု၊ တန်ဖိုးထားမှုအချို့ရှိသည်၊ အမှန်တကယ် သဘောပေါက်နားလည်နိုင်စွမ်းအချို့ရှိသည်ဟု ဆိုနိုင်သည်။ သို့သော် ဤအရာများသည် ၎င်းတို့၏ အသက်စိတ်သဘောထားကို ပြောင်းလဲပေးလေပြီလော။ သင်တို့တစ်ဦးချင်းစီသည် ဘုရားသခင်၏ အမှုတော်ရူပါရုံ၊ ဘုရားသခင့် အမှုတော်၏ ရည်ရွယ်ချက်နှင့် လူသားမျိုးနွယ်အတွက် ဘုရားသခင်၏ရည်ရွယ်ချက်များဖြစ်သော ရူပါရုံများနှင့် ဆက်နွှယ်သည့် မကြာခဏ ကြားရလေ့ရှိသော သမ္မာတရားများအကြောင်းကို ခြုံငုံလျက် အနည်းငယ် ပြောနိုင်သည်။ သင်တို့ပြောသော အသိအမြင်သည် ဘာသာရေးသမားများထက် များစွာပို၍ အဆင့်မြင့်သည်။ သို့သော် ဤအရာအားလုံးသည် သင်တို့၏ စိတ်သဘောထားကို ပြောင်းလဲစေနိုင်သလော၊ သို့မဟုတ် သင်တို့၏ စိတ်သဘောထားတွင် တစ်စိတ်တစ်ပိုင်း ပြောင်းလဲခြင်းကိုပင် ဖြစ်စေနိုင်သလော။ ဤအရာကို သင်တို့ တိုင်းတာနိုင်သလော။ ဤသည်မှာ အလွန်အရေးကြီးသည်။

ကမ္ဘာမြေပေါ်တွင် ဘုရားသခင်အား အတိအကျ မည်သို့သိမြင်ရမည်၊ ကမ္ဘာမြေပေါ်တွင် ဘုရားသခင်နှင့် မည်သို့ဆက်ဆံရမည်၊ ဘုရားသခင်နှင့် သာမန်ဆက်ဆံရေးကို မည်သို့ တည်ဆောက်ရမည်ဆိုသည်တို့ကို လတ်တလောတွင် ငါတို့ မိတ်သဟာယပြုထားသည်။ ဤအရာတို့သည် လက်တွေ့အကျဆုံး မေးခွန်းများမဟုတ်သလော။ ဤအရာအားလုံးသည် လက်တွေ့လုပ်ဆောင်မှု ကဏ္ဍနှင့်သက်ဆိုင်သော သမ္မာတရားများဖြစ်ပြီး ဤအရာများကို မိတ်သဟာယဖွဲ့ခြင်း ရည်ရွယ်ချက်သည် ဘုရားသခင်အား မည်သို့ ယုံကြည်ရမည်၊ မိမိတို့၏ နေ့စဉ်အသက်တာတွင် ဘုရားသခင်နှင့် မည်သို့ ဆက်ဆံပြီး ဘုရားသခင်နှင့် သာမန်ဆက်ဆံရေးကိုတည်ဆောက်ရမည်ဆိုသည်ကို ၎င်းတို့အားအသိပေးရန်ဖြစ်သည်။ လက်တွေ့လုပ်ဆောင်မှုနှင့် သက်ဆိုင်သော သမ္မာတရားများ၊ သင် ကြားခဲ့ပြီးဖြစ်သော၊ နားလည်ကာ လက်တွေ့လုပ်ဆောင်နိုင်သော သမ္မာတရားအားလုံးအရ၊ ၎င်းတို့သည် သင်တို့၏ စိတ်သဘောထားကို ပြောင်းလဲနိုင်သလော။ လူတို့သည် ဤနည်းဖြင့် သမ္မာတရားကို လက်တွေ့လုပ်ဆောင်လျှင်၊ ဤအရာကို ရရှိရန်အတွက် အမှန်တကယ် ကြိုးပမ်းလျှင် သမ္မာတရားအား ၎င်းတို့ လက်တွေ့လုပ်ဆောင်နေခြင်းဖြစ်သည်၊ ဤသမ္မာတရားများကို ၎င်းတို့၏ စစ်မှန်မှုဖြစ်စေပြီးဖြစ်လျှင် ၎င်းတို့၏ စိတ်သဘောထားတွင် ပြောင်းလဲမှုများကို ရရှိနိုင်သလော။ (ရရှိနိုင်သည်။) စိတ်သဘောထားတွင် ပြောင်းလဲမှုများသည် မည်သည့်အရာများဖြစ်သည်ကို လူများစွာက မမြင်နိုင်ကြပေ။ ဝိညာဉ်ရေးဆိုင်ရာ အယူဝါဒများစွာကို အကြိမ်ကြိမ်ရွတ်ဆိုနိုင်ခြင်း၊ သမ္မာတရားများစွာကို နားလည်ခြင်းသည် စိတ်သဘောထားပြောင်းလဲမှုများကို ကိုယ်စားပြုသည်ဟု ၎င်းတို့က ထင်ကြသည်။ ဤသည်မှာ မှားယွင်း၏။ သမ္မာတရားအား နားလည်သည့်အချိန်မှစပြီး ဤသမ္မာတရားကို လက်တွေ့လုပ်ဆောင်ခြင်းအထိ၊ ထို့နောက် စိတ်သဘောထားပြောင်းလဲခြင်းအထိသည် ဘဝအတွေ့အကြုံ၏ ရှည်လျားသော ဖြစ်စဉ်ဖြစ်သည်။ စိတ်သဘောထား ပြောင်းလဲခြင်းများကို သင်တို့ မည်သို့ နားလည်သနည်း။ ဤအခြေအနေအထိ သင်တို့ ကြုံတွေ့ခဲ့ရသော အရာအားလုံးတွင် သင်၏ အသက်စိတ်သဘောထား၌ အပြောင်းအလဲတစ်ခုခုရှိပြီးပြီလော။ ဤအရာများကို သင်တို့ မမြင်ကောင်းမမြင်နိုင်ပေ။ ဤအရာအားလုံးက ပြဿနာဖြစ်စေသည်။ “စိတ်သဘောထားပြောင်းလဲခြင်းများ” တွင်ရှိသော “ပြောင်းလဲခြင်း” ဟူသည့် စကားသည် အမှန်တကယ်တွင် နားလည်ရန် အလွန်ခက်ခဲခြင်းမရှိပေ။ ဤသို့ဆိုလျှင် “စိတ်သဘောထား” ဆိုသည်မှာ အဘယ်နည်း။ (လူသား ဖြစ်တည်မှု၏ နိယာမ၊ စာတန်၏ အဆိပ်ဖြစ်သည်။) အခြားမည်သည့်အရာဖြစ်သေးသနည်း။ (လူသားတွင် သဘာဝဖြစ်သည့်အရာ၊ ဘဝ၏ အနှစ်သာရတွင်ရှိသည့်အရာဖြစ်သည်။) သင်တို့သည် ဤဝိညာဉ်ရေးဝေါဟာရများကို ထုတ်ပြောလျက်ရှိသည်။ သို့သော် ယင်းတို့အားလုံးသည် အယူဝါဒများ၊ အကြမ်းဖျဉ်းဖော်ပြချက်များဖြစ်ပြီး၊ မည်သည့် အသေးစိတ်အချက်အလက်မျှ မပါဝင်ပေ။ ဤသည်မှာ သမ္မာတရား၏ အနှစ်သာရကို နားလည်ခြင်းမဟုတ်ပေ။ ငါတို့သည် စိတ်သဘောထားပြောင်းလဲခြင်းအကြောင်းကို မကြာခဏပြောဆိုကြပြီး၊ ထိုသို့သော အကြောင်းအရာများသည် ဘုရားသခင်အား လူတို့ စတင်၍ ယုံကြည်သည့်အချိန်မှစ၍ ၎င်းတို့က စုဝေးပွဲတက်သည်ဖြစ်စေ၊ တရားဒေသနာ နားထောင်သည်ဖြစ်စေ အစဉ်သဖြင့် ဆွေးနွေးနေခဲ့ကြသည်။ ဤအရာတို့သည် ဘုရားသခင်ကို လူတို့ ယုံကြည်သောအခါ နားလည်သဘောပေါက်ရန် ကြိုးစားသင့်သည့် အရာများဖြစ်သည်။ သို့သော် စိတ်သဘောထားပြောင်းလဲမှုများက အတိအကျ မည်သည့်အရာများဖြစ်သည်၊ မိမိတို့၏ ကိုယ်ပိုင်စိတ်သဘောထားတွင် ပြောင်းလဲမှုရှိမရှိ၊ ပြောင်းလဲခြင်းကို ရရှိဖို့ ဖြစ်နိုင်ခြေရှိမရှိတို့ကိုမူ လူတို့က မသိနားမလည်ပေ။ များစွာသောလူတို့သည် ဤအရာများကို မသိနားမလည်ဖြစ်ကြသည်။ ၎င်းတို့သည် ဤအရာများကို မည်သည့်အခါမျှ တွေးမကြည့်သကဲ့သို့ ဤအရာများကို မည်သည့်နေရာမှစ၍ စဉ်းစားရမည်ကိုလည်း မသိပေ။ စိတ်သဘောထားဆိုသည်မှာ အဘယ်နည်း။ ဤသည်မှာ အကြီးစား အကြောင်းအရာတစ်ခုဖြစ်သည်။ သင်သည် ဤအရာကို နားလည်လိုက်သည်နှင့်တစ်ပြိုင်နက် သင်၏ စိတ်သဘောထားတွင် ပြောင်းလဲမှုတစ်ခုရှိမရှိ၊ မည်သည့်အတိုင်းအတာအထိ ပြောင်းလဲသည်၊ ပြောင်းလဲမှု မည်မျှရှိခဲ့သည်၊ အချို့သော အရာများကို သင် ကြုံတွေ့ပြီးနောက်တွင် သင်၏ စိတ်သဘောထား၌ ပြောင်းလဲခြင်းရှိမရှိဆိုသကဲ့သို့သော မေးခွန်းများကို အနည်းနှင့်အများ နားလည်လိမ့်မည်။ စိတ်သဘောထား ပြောင်းလဲခြင်းများကို ဆွေးနွေးရန်အတွက် စိတ်သဘောထားဆိုသည်မှာ မည်သည့်အရာဖြစ်သည်ကို ဦးစွာ နားလည်ရမည်။ လူတိုင်းက “စိတ်သဘောထား” ဟူသော စကားလုံးကို သိသည်။ လူတိုင်းက ထိုစကားကို ရင်းနှီးသည်။ သို့သော် စိတ်သဘောထားက မည်သည့်အရာဖြစ်သည်ကို မသိကြပေ။ စိတ်သဘောထားက အတိအကျ မည်သည့်အရာဖြစ်သည်ဆိုသည်ကို စကားလုံးအနည်းငယ်ဖြင့် ရှင်းလင်းပြ၍ မရနိုင်ပေ။ နာမ်တစ်ခုအဖြစ် ရှင်းမပြနိုင်ပေ။ ယင်းသည် အလွန်ပင် လက်ဆုပ်လက်ကိုင်ပြ၍မရနိုင်သောအရာဖြစ်ပြီး၊ အလွယ်တကူ နားမလည်နိုင်သောကြောင့်ဖြစ်သည်။ သင်တို့ နားလည်မည့် ဥပမာတစ်ခုကို ငါပေးမည်။ သိုးနှင့် ဝံပုလွေ နှစ်ကောင်လုံးက တိရစ္ဆာန်များဖြစ်သည်။ သိုးက မြက်စားပြီး ဝံပုလွေက အသားစားသည်။ ဤအရာကို ၎င်းတို့၏ သဘာဝက သတ်မှတ်ပြဋ္ဌာန်းထားသည်။ တစ်နေ့တွင် သိုးများက အသားစားပြီး ဝံပုလွေများက မြက်စားလျှင် ၎င်းတို့၏ သဘာဝက ပြောင်းလဲသွားမည်လော။ (မပြောင်းလဲပါ။) သိုးက မြက်မစားလျှင် ဆာလောင်လာလိမ့်မည်။ သိုးကို အသားအချို့ပေးလျှင် စားလိမ့်မည်။ သို့သော် သိုးသည် သင့်အပေါ် အလွန်ကျိုးနွံနေဆဲ ဖြစ်လိမ့်မည်။ ဤသည်မှာ စိတ်သဘောထားဖြစ်သည်။ ယင်းသည် သိုး၏ သဘာဝ အနှစ်သာရဖြစ်သည်။ သိုးတစ်ကောင်၏ ကျိုးနွံမှုသည် မည်သည့်ကဏ္ဍတွင် သူ့ဘာသာ ပေါ်လွင်သနည်း။ (လူတို့ကို မတိုက်ခိုက်ပေ။) မှန်သည်။ ဤသည်မှာ ကျိုးနွံသော စိတ်သဘောထားဖြစ်သည်။ သိုးတစ်ကောင်တွင် ပြသသော စိတ်သဘောထားသည် ပျော့ပြောင်းခြင်း၊ နာခံခြင်းဖြစ်သည်။ ရက်စက်ခြင်းမရှိဘဲ ကျိုးနွံပြီး ကြင်နာသည်။ ဝံပုလွေက ဤသို့မဟုတ်ပေ။ သူ၏ စိတ်သဘောထားသည် ရက်စက်ပြီး အကောင်ငယ်သော တိရစ္ဆာန်မျိုးစုံကို စားသည်။ ဆာလောင်နေသော ဝံပုလွေဖြင့် ကြုံတွေ့ခြင်းသည် အလွန်အန္တရာယ်ရှိသည်။ သင်က ရန်မစလျှင်ပင် ဝံပုလွေက သင့်ကိုစားဖို့ ကြိုးစားနိုင်သည်။ ဝံပုလွေ၏ စိတ်သဘောထားသည် ကျိုးနွံခြင်း၊ သို့မဟုတ် ကြင်နာခြင်းမရှိဘဲ ရက်စက်ပြီး ကြမ်းကြုတ်သည်။ ကရုဏာ၊ သို့မဟုတ် သနားခြင်းတစ်စွန်းတစ်စမျှမရှိပေ။ ဤသည်မှာ ဝံပုလွေတစ်ကောင်၏ စိတ်သဘောထားဖြစ်သည်။ ဝံပုလွေနှင့် သိုး၏ စိတ်သဘောထားတို့သည် ၎င်းတို့၏ သဘာဝ အနှစ်သာရကို ကိုယ်စားပြုသည်။ အဘယ်ကြောင့် ငါ ဤသို့ ပြောသနည်း။ အဘယ်ကြောင့်ဆိုသော် ၎င်းတို့တွင် ဖွင့်ပြသောအရာများသည် လူသားက ပါဝင်ခြင်း၊ သို့မဟုတ် လှုံ့ဆော်ခြင်းမရှိဘဲ အခြေအနေက မည်သို့ဖြစ်စေ သူ့ဘာသာ အလိုအလျောက် ပေါ်လွင်လေသည်။ လူသားက ထပ်ပါဝင်ခြင်း လုံးဝ မလိုအပ်ဘဲ ထိုအရာများက အလိုအလျောက် ပေါ်လွင်ထင်ရှားလေသည်။ ဝံပုလွေများ၏ ကြမ်းကြုတ်မှုနှင့် ရက်စက်မှုကို လူသားက အတင်းထုတ်ဖော်ခိုင်းခြင်းမဟုတ်သကဲ့သို့ သိုး၏ ကြင်နာမှုနှင့် ကျိုးနွံမှုကို လူသားများက ထည့်သွင်းခြင်းလည်းမဟုတ်ပေ။ ၎င်းတို့သည် ဤအရာများနှင့်အတူ မွေးဖွားလာခြင်းဖြစ်သည်။ ဤအရာများသည် သဘာဝအလျောက် ပေါ်လွင်သောအရာများဖြစ်သည်။ ၎င်းတို့၏ အနှစ်သာရဖြစ်သည်။ ဤသည်မှာ စိတ်သဘောထားဖြစ်သည်။ ဤဥပမာက သင်တို့အား စိတ်သဘောထားက မည်သည့်အရာဖြစ်သည်ဆိုသည်ကို အနည်းငယ် နားလည်စေသလော။ (နားလည်စေပါသည်။) ဤသည်မှာ အယူအဆနှင့်ဆိုင်သော ကိစ္စမဟုတ်ပေ။ နာမ်အချို့ကို ရှင်းပြနေခြင်းမဟုတ်ပေ။ ဤတွင် အမှန်တရားရှိသည်။ ဤသို့ဆိုလျှင် ဤနေရာ၌ အမှန်တရားက အဘယ်နည်း။ လူသား၏ စိတ်သဘောထားသည် လူသား၏ သဘာဝဖြင့် ဆက်နွှယ်နေသည်။ လူသား၏ စိတ်သဘောထားနှင့် လူသား၏သဘာဝ နှစ်ခုလုံးသည် စာတန်နှင့် သက်ဆိုင်သည်။ ယင်းတို့သည် ဘုရားသခင်အား ဆန့်ကျင်ကာ ရန်မူလိုသည်။ လူတို့သည် ဘုရားသခင်၏ ကယ်တင်ခြင်းကို လက်ခံရရှိခြင်းမရှိသကဲ့သို့ မပြောင်းလဲလျှင် လူတို့ အသက်ရှင်နေထိုင်သည့်အရာနှင့် သဘာဝအလျောက်ဖွင့်ပြသောအရာတို့သည် ဆိုးယုတ်ခြင်း၊ အပျက်သဘောဆောင်ခြင်း၊ သမ္မာတရားအား ချိုးဖောက်ခြင်းတို့သာ ဖြစ်ပေမည်။ ဤအရာသည် သံသယရှိစရာမလိုပေ။

သိုးနှင့် ဝံပုလွေ၏ စိတ်သဘောထားကို ငါတို့ ယခုပြောခဲ့ကြသည်။ ၎င်းတို့သည် လုံးဝ ကွဲပြားသော တိရစ္ဆာန်နှစ်မျိုးဖြစ်သည်။ ၎င်းတို့တစ်မျိုးချင်းစီတွင် ကိုယ်ပိုင်စိတ်သဘောထားများရှိပြီး ၎င်းတို့အတွင်းတွင် ပေါ်လွင်သောအရာများရှိသည်။ သို့သော် လူသား၏ စိတ်သဘောထားဖြင့် မည်သို့ဆက်စပ်သနည်း။ ဤဥပမာမှတစ်ဆင့် လူသား၏ စိတ်သဘောထားက အတိအကျမည်သည့်အရာဖြစ်သည်ကို တစ်ဖန်ကြည့်ရှုသည့်အခါ မည်သည့် ဖောက်ပြန်ပျက်စီးသော စိတ်သဘောထား အမျိုးအစားများရှိသနည်း။ (လူတို့နှင့် ဆက်ဆံခြင်းအားဖြင့် လူတို့တွင် မည်သို့သော စိတ်သဘောထားမျိုးရှိသည်ကို ကျွန်ုပ်တို့ အကြမ်းဖျင်းသိနိုင်သည်။ ဥပမာ လူတစ်ယောက်နှင့် စကားပြောသောအခါတွင် သူသည် သွယ်ဝိုက်၍ စကားပြောသည်၊ မည်သည့်အရာကို ဆိုလိုသည်ကို အခြားလူများက မသိနိုင်သည်အထိ အစဉ်သဖြင့် မရေမရာပြောဆိုသည်ဟု ကျွန်ုပ်တို့ ခံစားရနိုင်သည်။ ယင်းမှာ ထိုသူတွင် လှည့်စားတတ်သော စိတ်သဘောထားရှိသည့် သဘောဖြစ်သည်။ ထိုသူက ပြောဆိုလေ့ရှိသော၊ လုပ်ဆောင်လေ့ရှိသောအရာမှတစ်ဆင့်၊ ထိုသူ၏ လုပ်ရပ်များနှင့် အပြုအမူမှတစ်ဆင့် ယေဘူယျ နားလည်မှုကို ကျွန်ုပ်တို့ ရရှိနိုင်ပါသည်။) လူတို့နှင့် ဆက်ဆံခြင်းမှတစ်ဆင့် စိတ်သဘောထား ပြဿနာအချို့ကို သင်မြင်နိုင်သည်။ ဤဥပမာကို ကြားပြီးနောက်တွင် စိတ်သဘောထားက မည်သည့်အရာဖြစ်သည်ကို သင်တို့ အကြမ်းဖျင်းနားလည်သည့်ပုံစံရှိသည်။ ဤသို့ဆိုလျှင် လူအားလုံးတွင် မည်သည့် ဖောက်ပြန်ပျက်စီးသော စိတ်သဘောထားများရှိသနည်း။ လူတို့က သတိမပြုမိ၊ မခံစားမိနိုင်သော်လည်း သံသယရှိစရာမလိုဘဲ ဖောက်ပြန်ပျက်စီးသော စိတ်သဘောထားများဖြစ်သည်မှာ မည်သည့် စိတ်သဘောထားများဖြစ်သနည်း။ ဥပမာ ဆိုကြပါစို့။ လူအချို့သည် အလွန်ပင် တွယ်တာမှုရှိပြီး ဘုရားသခင်က “သင်သည် အလွန်အမင်း တွယ်တာမှုရှိသည်။ သင်နှစ်သက်သည့် သူတစ်ယောက်၊ သို့မဟုတ် သင်၏ မိသားစုနှင့်သက်ဆိုင်သည့်အရာတစ်ခုနှင့် ပတ်သက်လျှင် သူ၏ အခြေအနေကို နားလည်ဖို့၊ သို့မဟုတ် အမှန်တကယ်တွင် မည်သို့ဖြစ်ပျက်နေသည်ကို နားလည်ဖို့ မည်သူက ကြိုးစားပါစေ သင်က ထိုသူ့အကြောင်းကို ထုတ်မပြောဘဲ ဖုံးဖိပေးလျက်ရှိသည်။ ဤသည်မှာ တွယ်တာမှုဖြစ်သည်” ဟူ၍ ပြောသည်။ ၎င်းတို့က ဤအရာကို ကြားပြီး နားလည်သည်။ အသိအမှတ်ပြုသည်။ အမှန်တရားအဖြစ် လက်ခံသည်။ ဘုရားနှုတ်ကပတ်တော်များက မှန်ကန်သည်၊ ဘုရားနှုတ်ကပတ်တော်က သမ္မာတရားဖြစ်သည်ဆိုသည်ကို ၎င်းတို့က အသိအမှတ်ပြုပြီး ဤအရာကို ၎င်းတို့ထံ ဖော်ထုတ်ပေးသည့်အတွက် ဘုရားသခင်အား ကျေးဇူးတင်ကြသည်။ ဤအရာမှနေ၍ ၎င်းတို့၏ စိတ်သဘောထားကို မြင်နိုင်သလော။ ၎င်းတို့သည် သမ္မာတရားကို လက်ခံသည်၊ အမှန်တရားများကိုလက်ခံသည်၊ အာခံခြင်းမရှိဘဲ ကျိုးနွံနာခံခြင်းရှိသည်ဟူ၍ သိသာထင်ရှားသလော။ (သိသာထင်ရှားခြင်းမရှိပါ။ ပြဿနာများကို ရင်ဆိုင်သည့်အခါတွင် ၎င်းတို့က မည်သို့လုပ်ဆောင်သည်နှင့် ၎င်းတို့ ပြောသည့်အရာနှင့် လုပ်သည့်အရာက တူညီခြင်းရှိမရှိတို့အပေါ်တွင် မူတည်သည်။) သင်တို့ပြောသည်မှာ နီးစပ်သည်။ ထိုအချိန်တွင် ၎င်းတို့က လက်ခံတတ်သည်။ သို့သော် နောက်ပိုင်းတွင် ၎င်းတို့၌ ထိုသို့သောအရာ ဖြစ်ပျက်သောအခါ ၎င်းတို့ ပြုမူလုပ်ဆောင်ပုံတွင် ပြောင်းလဲခြင်းမရှိပေ။ ဤသည်မှာ စိတ်သဘောထားတစ်မျိုးကို ကိုယ်စားပြုသည်။ မည်သည့် စိတ်သဘောထားဖြစ်သနည်း။ ၎င်းတို့သည် ထိုအချိန်က နားထောင်နေသည်။ ထို့နောက်တွင် စဉ်းစားပြီး မိမိတို့ကိုယ်ကို ပြောသည်။ “တရားဒေသနာများစွာကို ကြားနာပြီးနောက်တွင် ငါ့မှာ တွယ်တာမှုရှိသည်ကို အဘယ်သို့ ငါ မသိနိုင်ရသနည်း။ ငါသည် တွယ်တာမှုရှိသည်။ သို့သော် မည်သူက မရှိဘဲနေသနည်း။ ငါ၏ မိသားစုနှင့် ငါရင်းနှီးသည့် လူများကို ငါ မကာကွယ်လျှင် မည်သူက ကာကွယ်မည်နည်း။ တတ်စွမ်းနိုင်သောသူပင်လျှင် အခြားလူသုံးယောက်၏ ပံ့ပိုးမှုကို လိုအပ်သည်” ဟူ၍ ဖြစ်သည်။ ဤသည်မှာ ၎င်းတို့ အမှန်တကယ် စဉ်းစားသည့်အရာဖြစ်သည်။ ပြုမူဆောင်ရွက်ရန် အချိန်ကျလာသောအခါတွင် ၎င်းတို့၏ စိတ်နှလုံးတွင် ၎င်းတို့စဉ်းစားစီစဉ်နေသောအရာနှင့် ဘုရားနှုတ်ကပတ်တော်အပေါ် ၎င်းတို့၏ သဘောထားအားလုံးကို ၎င်းတို့၏ စိတ်သဘောထားက အဆုံးအဖြတ်ပေးသည်။ ၎င်းတို့၏ သဘောထားမှာ အဘယ်နည်း။ “ဘုရားသခင်က သူအလိုရှိသည့် အရာမှန်သမျှကို ပြောဆိုပြီး ဖော်ထုတ်နိုင်သည်။ ငါသည် သူ၏ ရှေ့တွင်ရှိသောအခါ ငါလက်ခံသင့်သည့်အရာမှန်သမျှကို လက်ခံမည်။ သို့သော် ငါ၏ စိတ်ကို ဆုံးဖြတ်ပြီးဖြစ်သည်။ ငါ၏ ခံစားချက်များကို ဘေးဖယ်ထားဖို့ ရည်ရွယ်ချက်မရှိ” ဟူ၍ ဖြစ်သည်။ ဤသည်မှာ ၎င်းတို့၏ စိတ်သဘောထားဖြစ်သလော။ ၎င်းတို့၏ စိတ်သဘောထားသည် သူ့ဘာသာ ပေါ်လွင်သွားခဲ့ပြီး ၎င်းတို့၏ သရုပ်မှန်က ဖော်ထုတ်ခံရပြီးဖြစ်သည်မဟုတ်လော။ ၎င်းတို့သည် သမ္မာတရားကို လက်ခံသူဖြစ်သလော။ (မဟုတ်ပါ။) ဤသို့ဆိုလျှင် ဤသည်မှာ အဘယ်နည်း။ ဤသည်မှာ ဆိုဆုံးမရခက်ခြင်းဖြစ်သည်။ ဘုရားသခင်ရှေ့တွင် ၎င်းတို့သည် အာမင်ဟု ပြောပြီး လက်ခံဟန်ဆောင်သည်။ သို့သော် ၎င်းတို့၏ စိတ်နှလုံးက မပြောင်းလဲဘဲ ရှိနေသည်။ ၎င်းတို့သည် ဘုရားနှုတ်ကပတ်တော်ကို အလေးအနက်မထားပေ။ ယင်းတို့ကို သမ္မာတရားအဖြစ် လက်တွေ့လုပ်ဆောင်ဖို့ မဆိုထားနှင့်။ သမ္မာတရားအဖြစ်ပင် မမှတ်ယူပေ။ ဤသည်မှာ စိတ်သဘောထားတစ်မျိုး ဖြစ်သည်မဟုတ်လော။ ဤသို့သော စိတ်သဘောထားသည် သဘောသဘာဝ အမျိုးအစားတစ်ခုခုကို ဖွင့်ပြခြင်းမဟုတ်သလော။ (ဟုတ်သည်။) ဤသို့ဆိုလျှင် ဤစိတ်သဘောထားမျိုး၏ အနှစ်သာရမှာ အဘယ်နည်း။ ခေါင်းမာခြင်း ဖြစ်သလော။ (ဟုတ်ပါသည်။) ခေါင်းမာခြင်းသည် လူသား၏ စိတ်သဘောထား အမျိုးအစားတစ်ခုဖြစ်ပြီး လူအားလုံးတွင် တွေ့ရှိရသည်။ ဤသည်မှာ စိတ်သဘောထားတစ်ခုဟု ငါ အဘယ်ကြောင့်ပြောရသနည်း။ ဤသည်မှာ လူတို့၏ သဘာဝ အနှစ်သာရမှ ပေါက်ဖွားသောအရာတစ်ခုဖြစ်သည်။ ထိုအရာနှင့်ပတ်သက်၍ သင် စဉ်းစားကြည့်ဖို့ မလိုပေ။ အခြားလူများက သင့်ကို သင်ပေးဖို့၊ သို့မဟုတ် သင်၏ အတွေးများကို ဆန်းစစ်ဖို့ မလိုသကဲ့သို့ စာတန်က သင့်အား အထင်အမြင်မှားစေဖို့ မလိုပေ။ ယင်းသည် သင့်တွင် သဘာဝအလျောက် ပေါ်လွင်သည်။ သင်၏ သဘာဝမှ ပေါက်ဖွားသည်။ မည်သည့်မကောင်းသောအရာများကို ၎င်းတို့ လုပ်ဆောင်ပါစေ စာတန်ကို အစဉ် အပြစ်တင်သောသူအချို့ရှိသည်။ ၎င်းတို့က “စာတန်သည် ဤအယူအဆကို ငါ၏ ခေါင်းထဲသို့ ထည့်သည်။ စာတန်က ငါ့ကို ဤသို့လုပ်ဆောင်စေရန် ပြုလုပ်သည်” ဟု အစဉ် ပြောဆိုသည်။ မကောင်းသည့်အရာမှန်သမျှကို စာတန်အပေါ် ပုံချသည်။ ၎င်းတို့၏ ကိုယ်ပိုင်သဘာဝအတွင်းတွင်ရှိသော ပြဿနာများကို လုံးဝ ဝန်မခံပေ။ ဤသည်မှာ မှန်ကန်သလော။ သင်သည် စာတန်အားဖြင့် အလွန်အမင်း ဖျက်ဆီးခြင်းခံရသည်မဟုတ်လော။ သင်သည် ဤအရာကို ဝန်မခံလျှင် စာတန်၏ စိတ်သဘောထားက သင့်တွင် ပေါ်လွင်သည်မှာ အဘယ်သို့ဖြစ်သနည်း။ စာတန်က အနှောင့်အယှက်ဖြစ်စေသော အချိန်များလည်းရှိသည်မှာ မှန်သည်။ လူတို့သည် ဆိုးယုတ်သောသူ၊ သို့မဟုတ် အန္တိခရစ်တစ်ယောက်က အထင်အမြင်မှားစေခြင်း၊ ချောက်ချခြင်းကို ခံရသောအချိန်၊ သို့မဟုတ် ဝိညာဉ်ဆိုးများက အလုပ်လုပ်ပြီး ၎င်းတို့ကို အတွေးများ ပို့ဆောင်သောအချိန်တို့ ပါဝင်သည်။ သို့သော် ဤအရာများသည် ခြွင်းချက်များသာဖြစ်သည်။ အချိန်အများစုတွင် လူတို့သည် ၎င်းတို့၏ ဆိုးယုတ်သော သဘာဝ၏ ညွှန်ကြားခြင်းကို ခံရပြီး ဖောက်ပြန်ပျက်စီးသော စိတ်သဘောထားမျိုးစုံကို ဖွင့်ပြကြသည်။ လူတို့သည် ၎င်းတို့၏ ကိုယ်ပိုင်နှစ်သက်မှုများနှင့် လိုအင်ဆန္ဒများအတိုင်း ပြုမူဆောင်ရွက်သောအခါ၊ ၎င်းတို့၏ ကိုယ်ပိုင်အယူအဆများ၊ စိတ်ကူးများနှင့်အညီ ၎င်းတို့၏ ကိုယ်ပိုင်နည်းလမ်းများအတိုင်း အမှုအရာများကို လုပ်ဆောင်သောအခါ ၎င်းတို့သည် ၎င်းတို့၏ ကိုယ်ပိုင်ဖောက်ပြန်ပျက်စီးသော စိတ်သဘောထားများဖြင့် အသက်ရှင်နေခြင်းဖြစ်သည်။ ၎င်းတို့သည် ဤအရာများဖြင့် အသက်ရှင်သောအခါ ၎င်းတို့၏ ကိုယ်ပိုင်သဘာဝဖြင့် အသက်ရှင်နေကြခြင်းဖြစ်သည်။ ဤအရာတို့သည် ငြင်းမရနိုင်သော အမှန်တရားများဖြစ်သည်။ လူတို့သည် ၎င်းတို့၏ ဆိုးယုတ်သော သဘာဝ၏ အုပ်စိုးခြင်းကို ခံရသောအခါ၊ ၎င်းတို့၏ ဆိုးယုတ်သော သဘာဝဖြင့် အသက်ရှင်သောအခါ ၎င်းတို့တွင် ဖွင့်ပြသောအရာမှန်သမျှသည် ၎င်းတို့ကိုယ်တိုင်၏ ဖောက်ပြန်ပျက်စီးသော စိတ်သဘောထားများဖြစ်သည်။ ဤအရာကို စာတန်အပေါ်သို့ တွန်းပို့၍ မရပေ။ ဤအရာတို့သည် စာတန်က ပို့ဆောင်သော အတွေးများဖြစ်သည်ဟု မဆိုနိုင်ပေ။ လူတို့သည် အလွန်အမင်း ဖျက်ဆီးခြင်းခံထားရပြီးဖြစ်သောကြောင့် စာတန်နှင့် သင်ဆိုင်ကြပြီး၊ လူတို့သည် စာတန်နှင့် မကွာခြားသကဲ့သို့ အသက်ရှင်နေသော မကောင်းဆိုးဝါးများ၊ အသက်ရှင်နေသော စာတန်များဖြစ်သောကြောင့်၊ သင့်အတွင်းတွင် ဖွင့်ပြသော စာတန်ဆန်သည့် အရာတိုင်းကို စာတန်ဆီသို့ တွန်းမပို့ရပေ။ သင်သည် စာတန်ထက်ပို၍ မသာပေ။ ယင်းမှာ သင်၏ ဖောက်ပြန်ပျက်စီးသော စိတ်သဘောထားဖြစ်သည်။

လူတို့သည် ခေါင်းမာသော စိတ်သဘောထားတစ်ခုရှိသောအခါ ၎င်းတို့အတွင်းတွင် မည်သည့်အခြေအနေမျိုးရှိသနည်း။ အဓိကအားဖြင့် ၎င်းတို့သည် ခေါင်းမာပြီး မိမိကိုယ်ကို အမှန်ထင်ကြသည်။ ၎င်းတို့သည် အစဉ်သဖြင့် ၎င်းတို့၏ ကိုယ်ပိုင်အယူအဆများကို ဖက်တွယ်ထားပြီး၊ ၎င်းတို့ပြောသည့်အရာက မှန်သည်ဟု အစဉ် ထင်မြင်ကြသည်။ ၎င်းတို့သည် လုံးလုံးပင် အလျှော့ပေးခြင်းမရှိသကဲ့သို့ မိမိအမြင်ကိုသာ စွဲကိုင်ထားသည်။ ဤသည်မှာ ခေါင်းမာသော သဘောထားဖြစ်သည်။ ၎င်းတို့သည် ပျက်နေသော ဓါတ်ပြားကဲ့သို့ မည်သူ့ကိုမျှ နားမထောင်ဘဲ လမ်းကြောင်းတစ်ခုအပေါ်တွင်သာ မပြောင်းမလဲဘဲ ကပ်တွယ်နေပြီး မှန်သည်ဖြစ်စေ၊ မှားသည်ဖြစ်စေ ၎င်းတို့နှင့်အတူ လုပ်ဆောင်ရန် မရမကပြောဆိုသည်။ ဤတွင် နောင်တမရခြင်းအချို့ရှိသည်။ “ဝက်သေကောင်များသည် ပွက်ပွက်ဆူနေသောရေကို မကြောက်” ဟူသည့် ဆိုရိုးစကားအတိုင်းပင် ဖြစ်သည်။ လူတို့သည် မည်သည့်အရာကို လုပ်ဆောင်ခြင်းက မှန်ကန်သည်ကို ကောင်းစွာသိသော်လည်း မလုပ်ဆောင်ကြပေ။ သမ္မာတရားကို လက်ခံရန် ခိုင်မာစွာ ငြင်းဆန်ကြသည်။ ဤသည်မှာ ခေါင်းမာခြင်းဖြစ်သော စိတ်သဘောထားတစ်မျိုးဖြစ်သည်။ ခေါင်းမာသော စိတ်သဘောထားကို မည်သည့်အခြေအနေမျိုးတွင် သင်တို့ ဖွင့်ပြသနည်း။ သင်တို့ မကြာခဏ ခေါင်းမာကြသလော။ (ခေါင်းမာပါသည်။) မကြာခဏ ခေါင်းမာသည်။ ခေါင်းမာခြင်းက သင်၏ စိတ်သဘောထားဖြစ်သောကြောင့် သင်ဖြစ်တည်နေသည့် နေ့ရက်တိုင်း၏ စက္ကန့်တိုင်းတွင် ဤအရာက သင်နှင့်အတူပါရှိသည်။ ခေါင်းမာခြင်းသည် လူတို့အား ဘုရားသခင်ရှေ့သို့ မလာရောက်နိုင်အောင် တားဆီးသည်။ သမ္မာတရားအား လက်မခံနိုင်အောင် တားဆီးသည်။ သမ္မာတရား စစ်မှန်မှုအတွင်းသို့ မဝင်ရောက်နိုင်အောင် တားဆီးသည်။ သင်သည် သမ္မာတရား စစ်မှန်မှုသို့ မဝင်ရောက်နိုင်လျှင် သင့် စိတ်သဘောထား၏ ဤကဏ္ဍတွင် ပြောင်းလဲခြင်း ဖြစ်ပေါ်နိုင်သလော။ အလွန် ခက်ခဲလိမ့်မည်။ ခေါင်းမာသော သင်တို့ စိတ်သဘောထား၏ ဤကဏ္ဍတွင် ယခု ပြောင်းလဲမှုတစ်ခုခုရှိသလော။ ပြီးလျှင် ပြောင်းလဲမှု မည်မျှရှိသနည်း။ ဥပမာ သင်သည် အလွန်အမင်း ခေါင်းမာလေ့ရှိခဲ့သည် ဆိုပါစို့။ သို့သော် ယခုအခါ သင့်တွင် အပြောင်းအလဲ အနည်းငယ်ရှိသည်။ ပြဿနာအချို့ကို သင်ကြုံရသောအခါ သင်၏ စိတ်နှလုံးတွင် အသိတရားအချို့ရှိပြီး “ငါသည် ဤကိစ္စတွင် သမ္မာတရားအချို့ကို လက်တွေ့လုပ်ဆောင်ရမည်။ ဘုရားသခင်က ဤခေါင်းမာသော စိတ်သဘောထားကို ဖော်ထုတ်ပြီးဖြစ်သောကြောင့်၊ ငါသည် ဤအရာကို ကြားခဲ့ပြီး ယခုတွင် သိမြင်သောကြောင့် ပြောင်းလဲရမည်။ ယခင်က ဤသို့သောအရာမျိုးကို အကြိမ်အနည်းငယ်ကြုံတွေ့သောအခါ ငါ၏ ဇာတိပကတိအတိုင်း လိုက်လုပ်ခဲ့ပြီး ကျရှုံးခဲ့သည်။ ဤအရာနှင့်ပတ်သက်၍ ငါ ဝမ်းမသာပါ။ ယခုအခါတွင် သမ္မာတရားကို ငါ လက်တွေ့လုပ်ဆောင်ရမည်” ဟူ၍ သင့်ကိုယ်သင် ပြောသည်။ ဤသို့ ပြင်းပျသော ဆန္ဒတစ်ခုဖြင့်ဆိုလျှင် သမ္မာတရားကို လက်တွေ့လုပ်ဆောင်ရန် ဖြစ်နိုင်ခြေရှိသည်။ ဤသည်မှာ ပြောင်းလဲခြင်းဖြစ်သည်။ သင်သည် အချိန်တစ်ခုကြာ ဤသို့ တွေ့ကြုံသောအခါ၊ သမ္မာတရားများကို ပို၍ လက်တွေ့လုပ်ဆောင်နိုင်သောအခါ၊ ဤသို့ဖြင့် ပို၍ ကြီးမားသော ပြောင်းလဲမှုများဖြစ်စေသောအခါ၊ သင်၏ ပုန်ကန်သော၊ ခေါင်းမာသော စိတ်သဘောထားများသည် မိမိတို့ဘာသာ ထုတ်ဖော်ပြမှု နည်းသည်ထက် နားလာသည့်အခါ၊ သင်၏ အသက်စိတ်သဘောထားတွင် ပြောင်းလဲခြင်းတစ်ခုရှိသလော။ သင်၏ ပုန်ကန်သော စိတ်သဘောထားသည် ယခင်ထက်ပို၍ သိသိသာသာ လျော့နည်းလာလျှင်၊ ဘုရားသခင်အပေါ် သင်၏ ကျိုးနွံနာခံခြင်းက အစဉ်ပို၍ ကြီးမားလာလျှင် စစ်မှန်သော ပြောင်းလဲခြင်းရှိသည်။ ဤသို့ဆိုလျှင် စစ်မှန်သော ကျိုးနွံနာခံခြင်းကို ရရှိရန်အတွက် မည်သည့်အတိုင်းအတာအထိ သင်ပြောင်းလဲရမည်နည်း။ စိတ်နှလုံးခိုင်မာခြင်း အနည်းငယ်မျှပင်မရှိဘဲ ကျိုးနွံနာခံခြင်းသာ ရှိသည့်အခါ၊ သင် အောင်မြင်လိမ့်မည်။ ဤသည်မှာ နှေးကွေးသော ဖြစ်စဉ်ဖြစ်သည်။ စိတ်သဘောထား ပြောင်းလဲခြင်းများသည် ညတွင်းချင်း မဖြစ်ပေ။ ရှည်လျားသော အတွေ့အကြုံ အချိန်ကာလများလိုအပ်ပြီး တစ်သက်တာပင် ဖြစ်သွားနိုင်သည်။ တစ်ခါတစ်ရံတွင် ကြီးမားသော ဆင်းရဲဒုက္ခများစွာ၊ သေခြင်း၊ ပြန်လည်အသက်ရှင်ခြင်းနှင့် ဆင်တူသော ဆင်းရဲဒုက္ခများ၊ အဆိပ်များကို သင်၏ အရိုးများမှ ခြစ်ယူခြင်းထက်ပို၍ နာကျင်ပြီး ခက်ခဲသော ဆင်းရဲဒုက္ခများကို ခံစားဖို့ လိုအပ်သည်။ ဤသို့ဆိုလျှင် သင်တို့၏ ခေါင်းမာသော စိတ်သဘောထားတွင် ပြောင်းလဲမှုတစ်ခုခုရှိပြီလော။ ဤအရာကို သင်တို့ တိုင်းတာနိုင်သလော။ (ယခင်က အချို့သောအရာများကို အချို့သောနည်းလမ်းဖြင့် လုပ်ဆောင်သင့်သည်ဟု ကျွန်ုပ် ယုံကြည်ခဲ့သည်။ လူတို့က မတူညီသောအမြင်တစ်ခုကို ပြသောအခါ ကျွန်ုပ် နားမထောင်ခဲ့ဘဲ တကယ့်အနှောင့်အယှက်များနှင့် တိုးသောအခါမှသာ သတိစိတ်ဝင်လာသည်။ ယခုတွင် ကျွန်ုပ်သည် အနည်းငယ်ပို၍ ကောင်းလာသည်။ လူတို့က မတူညီသော အမြင်များကို တင်ပြသောအခါ ကျွန်ုပ်က ကန့်ကွက်သည်။ သို့သော် နောက်ပိုင်းတွင် ၎င်းတို့ပြောသည့်အရာအချို့ကို ကျွန်ုပ်လက်ခံနိုင်သည်။) သဘောထားတွင် ပြောင်းလဲခြင်းသည် အခြားပြောင်းလဲမှုတစ်မျိုးဖြစ်သည်။ ဤသည်မှာ ပြောင်းလဲမှုအနည်းငယ်ရှိသည်ဆိုသည့် သဘောဖြစ်သည်။ ယခင်ကကဲ့သို့ အခြားလူက မှန်သည်ဟု သင် သိသော်လည်း ငြင်းပယ်ပြီး လက်ခံရန်ငြင်းဆန်ကာ သူ၏ ကိုယ်ပိုင်လိုအင်ဆန္ဒများကို ဖက်တွယ်ထားဆဲဖြစ်သည့် ယခင်ကဲ့သို့ မဟုတ်ပေ။ သင်၏ သဘောထားသည် ပြောင်းပြန်ဖြစ်သွားပြီဖြစ်သည်။ သင်သည် ဤမျှပြောင်းလဲပြီးသောအခါ မည်မျှပြောင်းလဲပြီးဖြစ်သနည်း။ ဆယ်ရာခိုင်နှုန်းပင် မပြောင်းလဲပေ။ ဆယ်ရာခိုင်နှုန်းဆိုသည်မှာ အနည်းဆုံးအနေဖြင့် အခြားလူက သင်၏ မတူညီသောအမြင်ရှုထောင့်ကို ဖော်ပြပြီးနောက်တွင် သင်သည် ဆန့်ကျင့်ဖို့ ခံစားချက်များ၊ သို့မဟုတ် အာခံဖို့ ခံစားချက်များလုံးဝမရှိ၊ သင့်တွင် သာမန်သဘောထားရှိသည်ဆိုသည့်သဘောဖြစ်သည်။ ယင်းသည် သင်၏ စိတ်နှလုံးတွင် သင်နှင့်အတူ ရှိမနေသေးသော်လည်း သင့်တွင် ခေါင်းမာသော သဘောထားမရှိပေ။ ဤအရာကို ထိုသူနှင့် သင်ဆွေးနွေးနိုင်သည်။ သင် လက်တွေ့လုပ်ဆောင်သောအခါ ကျိုးနွံနာခံခြင်းအချို့ရှိသည်။ သင်၏ ကိုယ်ပိုင် အယူအဆအတိုင်းသာ အမှုအရာများကို မလုပ်ဆောင်ပေ။ ထို့နောက်တွင် သင်သည် သင်၏ ကိုယ်ပိုင်အယူအဆများကို ဖက်တွယ်သောအချိန်များရှိပြီး အခြားလူများပြောသည့်အရာကို သင် လက်ခံနိုင်သည့် အချိန်များလည်းရှိသည်။ စိတ်သဘောထားပြောင်းလဲမှုများသည် အပြန်အလှန်ဖြစ်ပေါ်နေသည်။ သင်သည် ပြောင်းလဲမှုအနည်းငယ်ကို ရရှိဖို့အတွက် မဖော်ပြနိုင်အောင် များသော အနှောင့်အယှက်များ၊ အောင်မြင်ရန်အတွက် မဖော်ပြနိုင်အောင် များသော ကျရှုံးမှုများကို ကြုံတွေ့ရမည်။ ထို့ကြောင့် သင်၏ စိတ်သဘောထားသည် စမ်းသပ်မှုနှင့် စစ်ဆေးမှုကို နှစ်အနည်းငယ် ကြုံတွေ့ခြင်းမရှိဘဲ ပြောင်းလဲရန် မလွယ်ကူပေ။ တစ်ခါတစ်ရံတွင် လူတို့သည် စိတ်အခြေအနေ ကောင်းမွန်သောအခါတွင် အခြားလူများက ပြောသည့် မှန်ကန်သောအရာများကို လက်ခံနိုင်စွမ်းရှိသည်။ သို့သော် ၎င်းတို့ စိတ်ဓာတ်ကျသောအခါတွင်၊ သမ္မာတရားကို မရှာဖွေပေ။ ဤသည်မှာ အမှုအရာများကို မနှောင့်နှေးစေသလော။ တစ်ခါတစ်ရံတွင် သင်သည် သင်၏ လုပ်ဖော်ကိုင်ဖက်နှင့် အဆင်မပြေသောအခါ သမ္မာတရားစည်းမျဉ်းများကို မရှာဖွေဘဲ စာတန်၏ အတွေးအခေါ်များအတိုင်း အသက်ရှင်သည်။ တစ်ခါတစ်ရံတွင် သင်သည် အခြားလူများနှင့် ပူးပေါင်းလုပ်ကိုင်နေပြီး ၎င်းတို့၏ အစွမ်းအစသည် သင့်ထက်သာလွန်ကာ ၎င်းတို့သည် သင့်ထက် တော်သောအခါတွင် သင်သည် ၎င်းတို့ကြောင့် စိတ်ကျဉ်းကျပ်သည်။ ပြဿနာတစ်ခုကို ကြုံရသောအခါ စည်းမျဉ်းများကို ထိန်းသိမ်းဖို့ သတ္တိမရှိပေ။ တစ်ခါတစ်ရံတွင် သင်သည် သင်၏ လုပ်ဖော်ကိုင်ဖက်ထက် ပို၍တော်ပြီး သူက မိုက်မဲစွာ လုပ်ဆောင်သည်။ သင်က သူ့ကို အထင်သေးပြီး သူနှင့်အတူ သမ္မာတရားကို မိတ်သဟာယဖွဲ့လိုစိတ်မရှိပေ။ တစ်ခါတစ်ရံတွင် သင်သည် သမ္မာတရားကို လက်တွေ့လုပ်ဆောင်လိုသော်လည်း ဇာတိပကတိ ခံစားချက်များကြောင့် စိတ်ကျဉ်းကျပ်ရလေသည်။ တစ်ခါတစ်ရံတွင် သင်သည် ဇာတိပကတိ၏ သာယာမှုများကို တပ်မက်သည်။ သင်သည် ဆန္ဒရှိနိုင်သော်လည်း ဇာတိပကတိကို ဆန့်ကျင်တွန်းလှန်နိုင်ခြင်း မရှိပေ။ တစ်ခါတစ်ရံတွင် သင်သည် တရားဒေသနာတစ်ခုကို နားထောင်ပြီး သမ္မာတရားကို နားလည်သည့်တိုင်အောင် လက်တွေ့မလုပ်ဆောင်နိုင်ပေ။ ဤပြဿနာများသည် ဖြေရှင်းရန် လွယ်ကူသလော။ ဤအရာများသည် သင့်ဘာသာ ဖြေရှင်းရန် မလွယ်ကူပေ။ ဘုရားသခင်သည် လူတို့အား စမ်းသပ်ခြင်း၊ စစ်ဆေးခြင်းတို့ကို ခံစေပြီး ၎င်းတို့ကို အလွန်အမင်း ဒုက္ခရောက်စေကာ နောက်ဆုံးတွင် သမ္မာတရားမရှိဘဲ ၎င်းတို့၏ စိတ်အတွင်း၌ အနှစ်မဲ့ခြင်းကို ခံစားရစေပြီး သမ္မာတရားမရှိဘဲ ၎င်းတို့ မရှင်သန်နိုင်သကဲ့သို့ ခံစားရစေရန်သာ လုပ်ဆောင်နိုင်သည်။ ဤအရာသည် လူတို့အား ယုံကြည်ခြင်း ဖြစ်ပေါ်စေရန် သန့်စင်ပေးပြီး ၎င်းတို့က သမ္မာတရားအတွက် ကြိုးပမ်းရမည်၊ သမ္မာတရားကို ၎င်းတို့ လက်တွေ့မလုပ်ဆောင်သရွေ့ ၎င်းတို့၏ စိတ်နှလုံးက အေးချမ်းမည်မဟုတ်ကြောင်းနှင့် ဘုရားသခင်ကို ၎င်းတို့ ကျိုးနွံနာခံနိုင်ခြင်းမရှိလျှင် ကြီးမားသော ညှင်းပန်းခြင်းကို တွေ့ကြုံရမည်ဖြစ်ကြောင်း ခံစားရစေသည်။ ဤသည်မှာ စိတ်သဘောထားပြောင်းလဲခြင်းများက ခက်ခဲပုံဖြစ်သည်။ ထိုအရာများက မလွယ်ကူဟု သင်တို့အား ငါ အဘယ်ကြောင့် ပြောသနည်း။ သင်တို့က အပျက်သဘောဆောင်မည်ကို ငါမကြောက်ခြင်း ဖြစ်နိုင်သလော။ ဤသည်မှာ စိတ်သဘောထားပြောင်းလဲခြင်းက မည်မျှအရေးကြီးသည်ကို သင်တို့အား သိစေဖို့ဖြစ်သည်။ သင်တို့အားလုံးအနေဖြင့် ဤအရာအား အရေးစိုက်ဖို့၊ ထို လက်တွေ့မကျသော၊ သူတော်ကောင်း အယောင်ဆောင်ပြီး အတုအယောင်ဖြစ်သော ဝိညာဉ်ရေးပုံရိပ်များ နောက်လိုက်ခြင်းကို ရပ်တန့်ဖို့၊ စိတ်ကူးယဉ်ဆန်သော ထိုအယူဝါဒများ၊ အကျင့်များ၊ စည်းမျဉ်းစည်းကမ်းများနောက်သို့ အစဉ်လိုက်ခြင်းကို ရပ်တန့်ဖို့ ငါ ဆန္ဒရှိသည်။ ထိုသို့လုပ်ဆောင်ခြင်းသည် သင့်အား ထိခိုက်ပြီး လုံးဝ အကျိုးဖြစ်စေမည်မဟုတ်ပေ။

ခေါင်းမာခြင်းဖြစ်သော စိတ်သဘောထား၏ ရှုထောင့်တစ်ခုကို ငါတို့ ယခုပြောခဲ့သည်။ ခေါင်းမာခြင်းသည် မကြာခဏပင် လူတို့၏ စိတ်နှလုံးအတွင်းထဲတွင် ဖုံးကွယ်ထားသော သဘောထားတစ်မျိုးဖြစ်သည်။ ယေဘူယျအားဖြင့် ယင်းသည် အပြင်ပန်းတွင် မသိသာသော်လည်း သိသာသောအခါတွင် ရှာဖွေတွေ့ရှိရန် လွယ်ကူသည်။ လူတို့က “သူတို့သည် ကလန်ကဆန်လုပ်သည်။ သမ္မာတရားကို လုံးဝ လက်မခံကြ။ သူတို့သည် အလွန်ခေါင်းမာသည်” ဟု ပြောလိမ့်မည်။ ခေါင်းမာသည့် စိတ်သဘောထားရှိသူတို့သည် နည်းလမ်းတစ်ခုအပေါ်တွင် အစွဲအလန်းထားသည်။ တစ်ခုကိုသာ စွဲကိုင်ထားပြီး လုံးဝ လက်မလွတ်ပေ။ ဤသို့ဆိုလျှင် ဤသည်မှာ လူတို့ စိတ်သဘောထား၏ တစ်ခုတည်းသော အစိတ်အပိုင်းဖြစ်သလော။ မဟုတ်သည်မှာ ပြောစရာမလိုပေ။ အခြားသော အစိတ်အပိုင်းများစွာရှိသည်။ ငါသည် နောက်ထပ် မည်သည့်စိတ်သဘောထားမျိုး ဖော်ပြမည်ကို သင်တို့ ပြောနိုင်မလောဆိုသည်ကို ကြည့်လော့။ လူအချို့က “ဘုရားအိမ်တော်တွင် ငါသည် ဘုရားသခင်ကလွဲ၍ မည်သူ့ကိုမျှ ကျိုးနွံနာခံခြင်းမရှိပါ။ အဘယ်ကြောင့်ဆိုသော် ဘုရားသခင်သာ သမ္မာတရားရှိသောကြောင့်ဖြစ်သည်။ လူတို့တွင် သမ္မာတရားမရှိပေ။ ၎င်းတို့တွင် ဖောက်ပြန်ပျက်စီးသော စိတ်သဘောထားများရှိသည်။ ၎င်းတို့ပြောသည့် မည်သည့်အရာမျှ ယုံကြည်စိတ်ချ၍မရပေ။ ထို့ကြောင့် ဘုရားသခင်ကိုသာ ငါ နာခံသည်” ဟု ဆိုသည်။ ၎င်းတို့သည် ဤသို့ပြောဆိုရာတွင် မှန်ကန်သလော။ (မမှန်ကန်ပါ။) အဘယ်ကြောင့်နည်း။ ဤသည်မှာ မည်သို့သော စိတ်သဘောထားမျိုးဖြစ်သနည်း။ (မာနထောင်လွှားပြီး စိတ်ကြီးဝင်သော စိတ်သဘောထားဖြစ်သည်။) (စာတန်နှင့် ကောင်းကင်တမန်မင်း၏ စိတ်သဘောထားများဖြစ်သည်။) ဤသည်မှာ မာနထောင်လွှားသော စိတ်သဘောထားဖြစ်သည်။ စာတန်နှင့် ကောင်းကင်တမန်မင်း၏ စိတ်သဘောထားဟု အစဉ်သဖြင့် မပြောနှင့်။ ဤသို့ ပြောဆိုခြင်းသည် ကျယ်ပြန့်လွန်းပြီး မရေရာပေ။ စာတန်နှင့် ကောင်းကင်တမန်မင်း၏ ဖောက်ပြန်ပျက်စီးသော စိတ်သဘောထားများသည် အလွန်များပြားသည်။ ကောင်းကင်တမန်မင်း၊ မကောင်းဆိုးဝါးများနှင့် စာတန်တို့အကြောင်းကို အတူတကွပြောဆိုခြင်းသည် ယေဘူယျဆန်လွန်းပြီး လူတို့အတွက် နားလည်ရန် မလွယ်ကူပေ။ ဤသည်မှာ မာနထောင်လွှားသော စိတ်သဘောထားဖြစ်သည်ဟုသာ ပြောခြင်းက ပို၍ တိကျသည်။ ဤသည်မှာ ၎င်းတို့ ဖွင့်ပြသည့် တစ်ခုတည်းသော စိတ်သဘောထားမျိုးမဟုတ်သည်မှာ မှန်သည်။ မာနထောင်လွှားသောစိတ်သဘောထားက သူ့ဘာသာ အလွန်သိသာစွာ ဖွင့်ပြခြင်းသာဖြစ်သည်။ ဤသည်မှာ မာနထောင်လွှားသော စိတ်သဘောထားဖြစ်သည်ဟု ဆိုခြင်းအားဖြင့် လူတို့က အလွယ်တကူ နားလည်နိုင်လိမ့်မည်။ ထို့ကြောင့် ဤသို့ ပြောဆိုခြင်းက အသင့်တော်ဆုံးဖြစ်သည်။ လူအချို့တွင် ကျွမ်းကျင်မှုအချို့၊ ဆုကျေးဇူးအချို့၊ အသေးစား ပင်ကိုစွမ်းရည်အချို့ရှိပြီး အသင်းတော်အတွက် အမှုအရာ အတော်များများကို လုပ်ဆောင်ပြီးဖြစ်သည်။ ဤလူတို့ စဉ်းစားသည့်အရာမှာ “ဘုရားသခင်ကို သင်တို့၏ ယုံကြည်ခြင်းတွင် ဝိညာဉ်ရေးရှိသူတစ်ယောက်ကဲ့သို့ ဘုရားနှုတ်ကပတ်တော်ကို တစ်နေကုန် ဖတ်လျက်၊ မိတ္ထူကူးလျက်၊ ရေးသားလျက်၊ မှတ်သားလျက်ဖြင့် အချိန်ကုန်ဆုံးခြင်း ပါဝင်သည်။ မည်သည့် အဓိပ္ပာယ်ရှိသနည်း။ စစ်မှန်သော အရာတစ်ခုခုကို သင် လုပ်နိုင်သလော။ မည်သည့်အရာမျှ မလုပ်ဆောင်သောအချိန်တွင် သင့်ကိုယ်သင် ဝိညာဉ်ရေးပြည့်ဝသည်ဟု ခေါ်ဆိုနိုင်သလော။ သင်တို့တွင် အသက်မရှိပေ။ ငါ့တွင် အသက်ရှိသည်။ ငါလုပ်သမျှသည် စစ်မှန်သည်” ဟူ၍ ဖြစ်သည်။ ဤသည်မှာ မည်သည့် စိတ်သဘောထားဖြစ်သနည်း။ ၎င်းတို့သည် အချို့သော အထူးကျွမ်းကျင်မှုများ၊ ဆုကျေးဇူးများရှိပြီး အနည်းငယ်ကောင်းသောအရာကို လုပ်ဆောင်နိုင်သည်။ ၎င်းတို့သည် ဤအရာများကို အသက်အဖြစ် မှတ်ယူသည်။ ရလဒ်အနေဖြင့် ၎င်းတို့သည် မည်သူ့ကိုမျှ မနာခံပေ။ မည်သူ့ကိုမဆို ဩဝါဒပေးရန် မကြောက်ပေ။ အခြားသောလူတိုင်းကို အထင်သေးသည်။ ဤသည်မှာ မာနထောင်လွှားခြင်းဖြစ်သလော။ (ဟုတ်ပါသည်။) ဤသည်မှာ မာနထောင်လွှားခြင်းဖြစ်သည်။ လူတို့သည် ယေဘူယျအားဖြင့် မည်သည့်အခြေအနေများအောက်တွင် မာနထောင်လွှားခြင်းကို ဖွင့်ပြသနည်း။ (ဆုကျေးဇူးအချို့၊ သို့မဟုတ် အထူးကျွမ်းကျင်မှုများရှိသောအခါ၊ လက်တွေ့ကျသောအရာအချို့ကို လုပ်ဆောင်နိုင်သောအခါ၊ အရင်းအနှီးရှိသောအခါတွင်ဖြစ်သည်။) ဤသည်မှာ အခြေအနေတစ်မျိုးဖြစ်သည်။ ဤသို့ဆိုလျှင် ဆုကျေးဇူးမရှိသော၊ အထူးကျွမ်းကျင်မှုတစ်ခုမျှ မရှိသောသူများက မာနထောင်လွှားခြင်းမရှိသလော။ (၎င်းတို့သည်လည်း မာနထောင်လွှားသည်။) ငါတို့ ယခုပြောခဲ့သည့်သူက “ငါသည် ဘုရားသခင်ကလွဲ၍ မည်သူ့ကိုမျှ ကျိုးနွံနာခံခြင်းမရှိ” ဟု မကြာခဏဆိုလိမ့်မည်။ လူတို့က ဤအရာကို ကြားသည့်အခါ၊ ၎င်းတို့က “ဤသူသည် သမ္မာတရားအပေါ်တွင် မည်မျှကျိုးနွံနာခံလိုက်သနည်း။ သမ္မာတရားကလွဲပြီး မည်သူ့ကိုမျှ ကျိုးနွံနာခံခြင်းမရှိပေ။ သူပြောသည့်အရာက မှန်ကန်သည်” ဟူ၍ ထင်မြင်လိမ့်မည်။ အမှန်တကယ်တွင် ဤမှန်ကန်ပုံရသော စကားများအတွင်းတွင် မာနထောင်လွှားသော စိတ်သဘောထားတစ်မျိုးရှိသည်။ “ငါသည် ဘုရားသခင်ကလွဲ၍ မည်သူ့ကိုမျှ ကျိုးနွံနာခံခြင်းမရှိ” ဆိုသည်မှာ သူသည် မည်သူ့ကိုမျှ ကျိုးနွံနာခံခြင်းမရှိဟု ရှင်းလင်းစွာပင် ဆိုလိုသည်။ ငါ သင်တို့ကို မေးသည်။ ဤသို့သော စကားများကို ပြောသောသူတို့သည် ဘုရားသခင်ကို အမှန်တကယ် ကျိုးနွံနာခံနိုင်သလော။ ၎င်းတို့သည် ဘုရားသခင်ကို လုံးဝ မကျိုးနွံမနာခံနိုင်ကြပေ။ ဤသို့သောစကားများကို ပြောတတ်သောသူတို့သည် အားလုံးထဲတွင် မာနအထောင်လွှားဆုံးဖြစ်သည်။ အပြင်ပန်းတွင် ၎င်းတို့ပြောသည့်အရာက မှန်ကန်သည်ဟုထင်ရသည်။ သို့သော် အမှန်တကယ်တွင် ဤသည်မှာ မာနထောင်လွှားသောစိတ်သဘောထား ထင်ရှားသည့် ဒုက္ခအပေးဆုံးသော နည်းလမ်းဖြစ်သည်။ ၎င်းတို့အနေဖြင့် ကျိုးကြောင်းသင့်လျော်မှုရှိသည်ဆိုသည်ကို သက်သေပြရန် ဤ“ဘုရားသခင်က လွဲပြီး” ဆိုသည့်အရာကို အသုံးပြုသည်။ သို့သော် အမှန်တွင် ဤသည်မှာ ရွှေကို မြေမြုပ်ပြီး မြေပေါ်၌ “ဤနေရာတွင် ရွှေကို မြုပ်မထားပါ” ဟု ဆိုသည့် ဆိုင်းဘုတ်ကို ကပ်ထားသကဲ့သို့ဖြစ်သည်။ ဤသည်မှာ မိုက်မဲသည် မဟုတ်လော။ သင်တို့ မည်သို့ထင်သနည်း။ မည်သို့သောသူမျိုးသည် မာနအထောင်လွှားဆုံးဖြစ်သနည်း။ လူတို့သည် ၎င်းတို့ကို မာနအထောင်လွှားဆုံးဖြစ်စေမည့် မည်သည့်အရာများကို ပြောဆိုနိုင်သနည်း။ သင်တို့သည် ယခင်က မာနထောင်လွှားသောအရာအချို့ကို ကြားဖူးကောင်း ကြားဖူးပေမည်။ ဤအရာများတွင် မာနအထောင်လွှားဆုံးမှာ အဘယ်နည်း။ သင်တို့ သိကြသလော။ “ငါသည် မည်သူ့ကိုမျှ ကျိုးနွံနာခံခြင်းမရှိ၊ ကောင်းကင်၊ သို့မဟုတ် မြေကြီးကိုပင်၊ ဘုရားနှုတ်ကပတ်တော်ပင်ကျိုးနွံနာခံခြင်းမရှိ” ဟု မည်သူက ပြောရဲသနည်း။ အဆင်းနီသော နဂါးကြီးဖြစ်သည့် မကောင်းဆိုးဝါးကသာ ဤသို့ ပြောရဲသည်။ ဘုရားသခင်ကို ယုံကြည်သူ မည်သူကမျှ ဤသို့ ပြောမည်မဟုတ်။ သို့ရာတွင် ဘုရားသခင်ကို ယုံကြည်သူများက “ဘုရားသခင်က လွဲ၍ မည်သူ့ကိုမျှ ကျိုးနွံနာခံခြင်းမရှိ” ဟု ဆိုလျှင် ၎င်းတို့သည် အဆင်းနီသောနဂါးကြီးဖြင့် အလွန်ကွာခြားမှုမရှိပေ။ ၎င်းတို့သည် ကမ္ဘာ့နံပါတ်တစ် အဆင့်အတွက် သားရေကျသည်။ ၎င်းတို့သည် အားလုံးထဲတွင် မာနအထောင်လွှားဆုံးဖြစ်သည်။ သင်တို့ အဘယ်သို့ ထင်သနည်း။ လူတို့အားလုံးက မာနထောင်လွှားသည်။ သို့သော် ၎င်းတို့၏ မာနထောင်လွှားမှုတွင် ကွာခြားမှုတစ်ခုခုရှိသလော။ ကွာခြားမှုကို မည်သည့်နေရာတွင် သင် ဖြစ်စေသနည်း။ ဖောက်ပြန်ပျက်စီးသော လူသားများအားလုံးသည် မာနထောင်လွှားသော စိတ်သဘောထားများရှိသည်။ သို့သော် ၎င်းတို့၏ မာနထောင်လွှားမှုတွင် ကွာခြားမှုများရှိသည်။ လူတစ်ယောက်၏ မာနထောင်လွှားမှုက အတိုင်းအတာတစ်ခုသို့ ရောက်သောအခါ သူသည် အသိစိတ်အားလုံး ပျောက်ဆုံးသွားပြီဖြစ်သည်။ ကွာခြားမှုမှာ လူတစ်ယောက်ပြောသည့်အရာတွင် အသိစိတ်ရှိမရှိပင်ဖြစ်သည်။ လူအချို့မှာ မာနထောင်လွှားသော်လည်း အသိစိတ်အနည်းငယ်ကို ပိုင်ဆိုင်သည်။ ၎င်းတို့သည် သမ္မာတရားကို လက်ခံနိုင်လျှင် ၎င်းတို့တွင် ကယ်တင်ခြင်းခံရဖို့ မျှော်လင့်ချက်ရှိဆဲဖြစ်သည်။ အချို့မှာ အသိစိတ်မရှိအောင်ပင် အလွန်မာနထောင်လွှားကြသည်။ ၎င်းတို့၏ မာနထောင်လွှားမှုတွင် အကန့်အသတ်မရှိပေ။ ဤသို့သောလူတို့သည် သမ္မာတရားကို လုံးဝ လက်ခံနိုင်မည် မဟုတ်ပေ။ လူတို့သည် အသိစိတ်မရှိအောင်ပင် အလွန်မာနထောင်လွှားလျှင်၊ ၎င်းတို့သည် ရှက်စိတ်အားလုံး ပျောက်ဆုံးသွားပြီး မိုက်မဲစွာဖြင့် မာနထောင်လွှားခြင်းသာရှိသည်။ ဤအရာအားလုံးသည် မာနထောင်လွှားသော စိတ်သဘောထား ဖွင့်ပြခြင်းနှင့် ပေါ်လွင်ထင်ရှားခြင်းဖြစ်သည်။ ၎င်းတို့သည် မာနထောင်လွှားသော စိတ်သဘောထားမရှိလျှင်၊ “ဘုရားသခင်က လွဲ၍ မည်သူ့ကိုမျှ ကျိုးနွံနာခံခြင်းမရှိ” ဟူသော အရာမျိုးကို မည်သို့ပြောနိုင်မည်နည်း။ သေချာပေါက် ပြောမည်မဟုတ်ပေ။ လူတစ်ယောက်က မာနထောင်လွှားသော စိတ်သဘောထားရှိလျှင် ထိုသူ၌ မာနထောင်လွှားမှု၏ သရုပ်သကန်ရှိသည်မှာ သေချာပြီး၊ သူသည် မာနထောင်လွှားသောအရာများကို ပြောဆိုလုပ်ဆောင်မည်ဖြစ်ကာ မည်သည့်အသိစိတ်မျှရှိမည်မဟုတ်သည်မှာ သံသယရှိစရာမလိုပေ။ လူအချို့က “ကျွန်ုပ်တွင်မာနထောင်လွှားသော စိတ်သဘောထားမရှိသော်လည်း၊ ထိုသို့သောအရာများကို ကျွန်ုပ်ထုတ်ဖော်သည်” ဟု ဆိုသည်။ ဤသို့သော စကားများက ခိုင်လုံမှုရှိသလော။ (မရှိပါ။) အခြားလူများက “ကျွန်ုပ်သည်ကိုယ့်ကိုယ်ကိုယ် မထိန်းနိုင်ပါ။ သတိထားခြင်းကို ရပ်တန့်လိုက်သည်နှင့် မာနထောင်လွှားသောအရာတစ်ခုက ကျွန်ုပ်ထံမှ ထွက်ပေါ်လာသည်” ဟု ဆိုသည်။ ဤစကားတို့သည် ခိုင်လှုံမှုရှိသလော။ (မရှိပါ။) အဘယ်ကြောင့်မရှိသနည်း။ ဤစကားများ၏ အရင်းအမြစ်မှာ အဘယ်နည်း။ (မိမိကိုယ်ကို မသိခြင်းဖြစ်သည်။) မဟုတ်ပေ။ ၎င်းတို့ မာနထောင်လွှားသည်ကို ၎င်းတို့သိသည်။ သို့သော် ၎င်းတို့ကို လှောင်ပြောင်သောအခြားလူများက “သင်သည် အဘယ်သို့ဖြစ်ပြီး အလွန်မာနထောင်လွှားသနည်း။ မည်သည့်အရာကို အလွန်မာနထောင်လွှားနေသနည်း” ဟု ပြောဆိုသည်ကို ၎င်းတို့ ကြားသောအခါ ၎င်းတို့ ရှက်ရွံ့ကြသည်။ ဤအတွက်ကြောင့် ထိုသို့သောအရာများကို ၎င်းတို့ပြောခြင်းဖြစ်သည်။ ၎င်းတို့၏ မာနစိတ်က မခံနိုင်ပေ။ ၎င်းတို့သည် ဖုံးကွယ်ရန်၊ ဟန်ဆောင်ရန်၊ ဟန်လုပ်ရန်၊ အခက်အခဲမှလွတ်ရန် ဆင်ခြေကို ရှာကြသည်။ ထို့ကြောင့် ၎င်းတို့၏ စကားများက မခိုင်လုံပေ။ သင်၏ မာနထောင်လွှားသော စိတ်သဘောထားကို မဖြေရှင်းရသေးသည့်အခါ၊ သင်သည် စကားမပြောသောအခါတွင်ပင် မာနထောင်လွှားသည်။ မာနထောင်လွှားခြင်းသည် လူတို့၏ သဘာဝထဲတွင်ရှိသည်။ ၎င်းတို့၏ စိတ်နှလုံးတွင် ကွယ်ဝှက်ထားပြီး အချိန်မရွေး ထွက်ပေါ်နိုင်သည်။ ထို့ကြောင့် စိတ်သဘောထားတွင် ပြောင်းလဲမှုမရှိသရွေ့ လူတို့သည် မာနထောင်လွှားပြီး မိမိကိုယ်ကို အမှန်ထင်လျက်ရှိသည်။ ငါ ဥပမာတစ်ခုပေးမည်။ အသစ်ရွေးကောက်တင်မြှောက်ထားသော ခေါင်းဆောင်သည် အသင်းတော်တစ်ခုဆီသို့ ရောက်ရှိပြီး လူတို့က သူ့အား ကြည့်သည့်ပုံစံနှင့် ၎င်းတို့မျက်နှာတွင်ရှိသော အမူအရာတို့က အလွန်ပင် စိတ်ထက်သန်မှုမရှိသည်ကို သူ တွေ့ရှိလိုက်ရသည်။ သူ၏ စိတ်တွင် “ဤနေရာတွင် ငါ့ကို မလိုလားကြသလော။ ငါသည် အသစ်ရွေးချယ်ခြင်းခံရသော ခေါင်းဆောင်ဖြစ်သည်။ သင်တို့သည် ငါ့အား ထိုသို့သော သဘောထားဖြင့် အဘယ်သို့ ဆက်ဆံနိုင်ရသနည်း။ အဘယ်ကြောင့် ငါ့အား အထင်မကြီးကြသနည်း။ ငါသည် ညီအစ်ကိုမောင်နှမများ၏ ရွေးချယ်ခြင်းကိုခံရသောကြောင့်ငါ၏ ဝိညာဉ်ရေးရာ ရင့်ကျက်မှုသည် သင်တို့ထက်သာသည်မဟုတ်လော”ဟု စဉ်းစားသည်။ ထို့ကြောင့် ရလဒ်အနေဖြင့် သူက “ကျွန်ုပ်သည် အသစ်တင်မြှောက်ထားသော ခေါင်းဆောင်ဖြစ်သည်။ လူအချို့က ကျွန်ုပ်အားလက်ခံကောင်း လက်ခံမည် မဟုတ်ပါ။ သို့သော် ကိစ္စမရှိ။ မည်သူက ဘုရားနှုတ်ကပတ်တော်အပိုဒ်များကို ပို၍ မှတ်သားထားသည်၊ မည်သူက ရူပါရုံသမ္မာတရားများကို မိတ်သဟာယဖွဲ့နိုင်သည်ဆိုသည်တို့ကို ကြည့်ဖို့ ပြိုင်ပွဲတစ်ခုလုပ်ကြစို့။ ကျွန်ုပ်ထက်ပို၍ သမ္မာတရားများကို ရှင်းလင်းစွာ မိတ်သဟာယဖွဲ့နိုင်သူမည်သူမဆိုကို ခေါင်းဆောင်ရာထူးကို ကျွန်ုပ်ပေးမည်။ သင်တို့ မည်သို့ထင်သနည်း”ဟု ဆိုသည်။ ဤသည်မှာ မည်သို့သော နည်းဗျူဟာဖြစ်သနည်း။ လူတို့သည် သူ့အား စိတ်မဝင်စားသောအခါ သူသည် ရောင့်ရဲကျေနပ်ခြင်းမရှိဘဲ ၎င်းတို့ကို အခက်အခဲဖြစ်စေချင်ပြီး လက်တုံ့ပြန်ချင်သည်။ ယခု သူသည် ခေါင်းဆောင်ဖြစ်သဖြင့်၊ လူတို့အား ကြီးစိုးလိုသည်။ ထိပ်တွင် ရှိလိုသည်။ ဤသည်မှာ မည်သို့သော စိတ်သဘောထားဖြစ်သနည်း။ (မာနထောင်လွှားခြင်းဖြစ်သည်။) မာနထောင်လွှားသော စိတ်သဘောထားမှာ ဖြေရှင်းရန် လွယ်ကူသလော။ (မလွယ်ကူပါ။) လူတို့၏ မာနထောင်လွှားသော စိတ်သဘောထားသည် အလွန်ပင် ကြိမ်ဖန်များစွာ သူ့ဘာသာ ဖွင့်ပြသည်။ လူအချို့အတွက် အခြားလူများက အသစ်သော ဉာဏ်အလင်းဖွင့်ပြမှုနှင့် နားလည်မှုအား မိတ်သဟာယပြုသည်ကို ကြားရခြင်းသည် အခံရခက်ဖွယ်ဖြစ်သည်။ “ဤအရာနှင့်ပတ်သက်ပြီး ငါ့တွင် အဘယ်ကြောင့် ပြောစရာမရှိသနည်း။ မဖြစ်ပါ။ စဉ်းစားပြီး ပို၍ကောင်းသည့်အရာတစ်ခုကို ထုတ်ပြောရမည်” ဟူ၍ ဖြစ်သည်။ ထို့ကြောင့် ၎င်းတို့သည် အခြားလူများထက်သာရန် ကြိုးစားလျက်ဖြင့် အယူဝါဒများစွာကို ထုတ်ပြောကြသည်။ ဤသည်မှာ မည်သည့်စိတ်သဘောထားဖြစ်သနည်း။ ဤသည်မှာ နာမည်နှင့် အကျိုးအမြတ်အတွက် ယှဉ်ပြိုင်ခြင်းဖြစ်သည်။ မာနထောင်လွှားခြင်းလည်းဖြစ်သည်။ စိတ်သဘောထားနှင့်သက်ဆိုင်သော အမှုကိစ္စများတွင် သင်သည် မည်သည့်အရာကိုမျှ မပြောဆို၊ မလုပ်ဆောင်ဘဲ ငြိမ်သက်စွာ ထိုင်နေနိုင်သော်လည်း စိတ်သဘောထားက သင်၏ စိတ်နှလုံးအတွင်းတွင် ရှိလိမ့်ဦးမည်ဖြစ်ပြီး၊ သင်၏ အတွေးများနှင့် မျက်နှာအမူအရာများတွင် သူ့ဘာသာ ထုတ်ဖော်နိုင်ဆဲဖြစ်သည်။ ဖွင့်ပြနိုင်သည်။ လူတို့သည် ဤအရာကို ချုပ်တည်းရန်၊ ထိန်းချုပ်ရန် နည်းလမ်းများ ကြံဆဖို့ ကြိုးစားကာ မပေါ်လွင်အောင် တားဆီးဖို့အတွက် အစဉ် အလွန်ဂရုစိုက်လျှင်ပင် ဤသည်မှာ အသုံးဝင်မှုတစ်ခုခုရှိသလော။ (အသုံးမဝင်ပါ။) လူအချို့သည် မာနထောင်လွှားသော အရာတစ်ခုကို ပြောပြီးသောအခါ ချက်ချင်း သတိထားမိကြသည်။ “ငါ၏ မာနထောင်လွှားသော စိတ်သဘောထားကို နောက်တစ်ဖန် ငါ ဖွင့်ပြမိပြန်သည်။ မည်မျှ ရှက်ဖွယ်ကောင်းသနည်း။ မာနထောင်လွှားသော မည်သည့်အရာကိုမျှ ထပ်၍ ပြောလို့မဖြစ်ပါ” ဟူ၍ ဖြစ်သည်။ သို့သော် သင်၏ နှုတ်ကိုပိတ်ထားမည်ဟု ကျိန်ဆိုခြင်းသည် အသုံးမဝင်ပေ။ ဤသည်မှာ သင့်အပေါ်တွင် မူတည်ခြင်းမဟုတ်။ သင်၏ စိတ်သဘောထားအပေါ်တွင် မူတည်သည်။ ထို့ကြောင့် သင်သည် သင်၏ မာနထောင်လွှားသော စိတ်သဘောထားကို သူ့ဘာသာ ဖွင့်မပြစေလိုလျှင် ယင်းကို ပြုပြင်ရမည်။ ဤသည်မှာ စည်းမျဉ်းစည်းကမ်းအချို့ကို လိုက်နာသည့် ကိစ္စဖြစ်ဖို့ မဆိုထားနှင့်။ စကားအနည်းငယ်ကို ပြုပြင်ခြင်း၊ သို့မဟုတ် အမှုအရာများကို သင်လုပ်ဆောင်သည့်နည်းလမ်းများတွင် မှန်ကန်သောနည်းလမ်းကို အသုံးပြုခြင်းနှင့်သက်ဆိုင်သော ကိစ္စပင်မဟုတ်ပေ။ သင့် စိတ်သဘောထား၏ ပြဿနာကို ဖြေရှင်းခြင်းကိစ္စဖြစ်သည်။ ယခုအခါတွင် စိတ်သဘောထားက အတိအကျ မည်သည့်အရာဖြစ်သည်ဆိုသည့် ဤအကြောင်းအရာကို ငါပြောဆိုပြီးသည့်နောက်တွင် သင့်ကိုယ်သင် ပိုနက်နဲပြီး ထိုးထွင်းသိမြင်သော နားလည်မှုမရှိသလော။ (ရှိပါသည်။) မိမိကိုယ်ကိုသိခြင်းသည် မိမိ၏ အပြင်ပန်း စရိုက်လက္ခဏာ၊ ပင်ကိုစရိုက်၊ မကောင်းသော အမူအကျင့်များ၊ ယခင်က မိမိလုပ်ဆောင်ခဲ့သော မသိနားမလည်သော၊ မိုက်မဲသောအရာများနှင့် မသက်ဆိုင်ပေ။ ဤအရာများ လုံးဝ မဟုတ်ပေ။ ထိုထက် ယင်းသည် မိမိကိုယ်ပိုင်ဖောက်ပြန်ပျက်စီးသည့် စိတ်သဘောထားနှင့် ဘုရားသခင်ကို ဆန့်ကျင်ရာတွင် မိမိလုပ်ဆောင်နိုင်သော ဆိုးယုတ်မှုများကို သိခြင်းဖြစ်သည်။ ဤသည်မှာ အဓိကအချက်ဖြစ်သည်။ လူအချို့က “ငါ့တွင် ပေါက်ကွဲတတ်သော ဒေါသစိတ်ရှိသည်။ ဤအရာကို ပြောင်းလဲရန် ငါ လုပ်ဆောင်နိုင်သည့်အရာမရှိပါ။ ဤစိတ်သဘောထားကို မည်သည့်အချိန်တွင် ငါပြောင်းလဲနိုင်သနည်း” ဟု ဆိုသည်။ “ငါသည် မိမိကိုယ်ကို ဖော်ပြရာတွင် ဆိုးရွားသည်။ စကားပြောကောင်းသူမဟုတ်ပါ။ ငါပြောသမျှသည် နောက်ဆုံးတွင် လူတို့ကို စိတ်မကျေမနပ်ဖြစ်စေသည်၊ သို့မဟုတ် ၎င်းတို့၏ ခံစားချက်များကို ထိခိုက်စေသည်။ ဤအရာသည် မည်သည့်အချိန်တွင် ပြောင်းလဲမည်နည်း” ဟူ၍ ပြောသော အခြားလူများရှိသည်။ ၎င်းတို့က ဤသို့ပြောသည်မှာ မှန်ကန်သလော။ (မမှန်ကန်ပါ။) ၎င်းတို့က မည်သည့်နေရာတွင် မှားသနည်း။ (ဤသည်မှာ မိမိ၏ သဘာဝအတွင်းတွင်ရှိသော အရာများကို သတိမပြုမိခြင်းဖြစ်သည်။) မှန်သည်။ စရိုက်လက္ခဏာသည် သဘာဝကို မသတ်မှတ်ပေ။ လူတစ်ယောက်၏ ပင်ကိုစရိုက်က မည်မျှကောင်းမွန်ပါစေ ထိုသူတွင် ဖောက်ပြန်ပျက်စီးသော စိတ်သဘောထားတစ်ခုရှိနိုင်ဆဲဖြစ်သည်။

စိတ်သဘောထား၏ လက္ခဏာသွင်ပြင်နှစ်ခုကို ငါ ယခုပြောခဲ့သည်။ ပထမတစ်ခုက ခေါင်းမာခြင်းဖြစ်ပြီး ဒုတိယတစ်ခုက မာနထောင်လွှားခြင်းဖြစ်သည်။ မာနထောင်လွှားခြင်းအကြောင်းကို ငါတို့ များစွာပြောဖို့ မလိုပေ။ လူတိုင်းက မာနထောင်လွှားသော အပြုအမူကို များစွာ ဖွင့်ပြသည်။ ပြီးလျှင် မာနထောင်လွှားခြင်းသည် စိတ်သဘောထား၏ လက္ခဏာသွင်ပြင်တစ်ခုဖြစ်သည်ဟု သင်တို့ သိဖို့သာ လိုသည်။ အခြားစိတ်သဘောထားတစ်မျိုးလည်းရှိသည်။ အချို့လူတို့သည် မည်သူ့ကိုမျှ အမှန်အတိုင်း လုံးဝ မပြောပေ။ ၎င်းတို့သည် လူတို့ကို မပြောမီတွင် အရာရာတိုင်းကို ၎င်းတို့စိတ်ထဲ၌ ချင့်ချိန်ပြီး ချောမွေ့အောင်ပြုလုပ်ထား၏။ ၎င်းတို့ပြောသည့် မည်သည့်အရာများက မှန်ကန်ပြီး မည်သည့်အရာများက မှားယွင်းသည်ကို သင်မသိနိုင်ပေ။ ၎င်းတို့သည် ယနေ့တွင် တစ်မျိုးပြောပြီး မနက်ဖြန်တွင် နောက်တစ်မျိုးပြောသည်။ လူတစ်ယောက်ကို တစ်မျိုးပြောပြီး အခြားတစ်ယောက်ကို နောက်တစ်မျိုးပြောသည်။ ၎င်းတို့ပြောသမျှတိုင်းသည် သူ့ဘာသာ ဆန့်ကျင်ကွဲလွဲနေ၏။ ဤသို့သောလူတို့ကို အဘယ်သို့ ယုံကြည်နိုင်မည်နည်း။ အချက်အလက်များကို တိတိကျကျ နားလည်သဘောပေါက်ရန်အတွက် အလွန်ခက်ခဲပြီး ၎င်းတို့ထံမှ ရိုးသားသော စကားတစ်ခွန်းကို မရရှိနိုင်ပေ။ ဤသည်မှာ မည်သို့သော စိတ်သဘောထားဖြစ်သနည်း။ လှည့်စားခြင်းဖြစ်၏။ လှည့်စားသော စိတ်သဘောထားသည် ပြောင်းလဲရန် လွယ်ကူသလော။ ပြောင်းလဲရန် အခက်ခဲဆုံးဖြစ်သည်။ စိတ်သဘောထားများပါဝင်သည့် မည်သည့်အရာမဆို လူတစ်ယောက်၏ သဘာဝနှင့် ဆက်နွှယ်သည်။ လူတစ်ယောက်၏ သဘာဝနှင့်သက်ဆိုင်သည့် အရာများကို ပြောင်းလဲရန်ထက် ပို၍ ခက်ခဲသောအရာ မရှိပေ။ “ကျားသစ်သည် သူ၏ အစက်အပြောက်များကို မပြောင်းလဲနိုင်”ဆိုသည့် စကာသည် လုံးဝ မှန်ကန်သည်။ မည်သည့်အရာကို ပြောဆိုသည်ဖြစ်စေ၊ လုပ်ဆောင်သည်ဖြစ်စေ လှည့်စားသောသူတို့သည် ၎င်းတို့၏ ကိုယ်ပိုင်ဦးတည်ချက်နှင့် ရည်ရွယ်ချက်များကို အစဉ်သဖြင့် ထားရှိကြသည်။ ၎င်းတို့၌ ထိုအရာတစ်ခုမျှမရှိလျှင် မည်သည့်အရာကိုမျှ ပြောဆိုကြမည်မဟုတ်ပေ။ ၎င်းတို့၏ ဦးတည်ချက်များ၊ ရည်ရွယ်ချက်များက မည်သည့်အရာဖြစ်သည်ကို နားလည်ရန် သင်ကြိုးစားလျှင် ၎င်းတို့ နှုတ်ဆိတ်နေလိမ့်မည်။ အမှန်ဖြစ်သည့် အရာတစ်ခုခုကို ၎င်းတို့ မတော်တဆ ပြောဆိုမိလိုက်လျှင် ယင်းကို ပြောင်းလဲပြောဆိုရန်အတွက်၊ သင့်ကို စိတ်ရှုပ်ထွေးသွားအောင် ပြုလုပ်ပြီး အမှန်အတိုင်း သိမသွားစေရန်အတွက် နည်းလမ်းတစ်ခုကို မရရအောင် စဉ်းစားလိမ့်မည်။ လှည့်စားသော လူတို့သည် မည်သည့်အရာကို လုပ်ဆောင်သည်ဖြစ်စေ၊ အလုံးစုံသော အမှန်တရားကို မည်သူ့ကိုမျှ သိခွင့်ပြုမည်မဟုတ်ပေ။ လူတို့သည် ၎င်းတို့နှင့်အတူ အချိန်မည်မျှကုန်ဆုံးသည်ဖြစ်စေ၊ ၎င်းတို့၏ စိတ်ထဲတွင် အမှန်တကယ် မည်သည့်အရာဖြစ်ပျက်နေသည်ကို မည်သူမျှ မသိနိုင်ချေ။ ယင်းမှာ လှည့်စားသောသူတို့၏ သဘာဝဖြစ်သည်။ လှည့်စားသောသူတို့သည် မည်မျှပြောဆိုသည်ဖြစ်စေ ၎င်းတို့၏ ရည်ရွယ်ချက်များက မည်သည့်အရာဖြစ်သည်၊ သို့မဟုတ် မည်သည့်အရာကို ၎င်းတို့ အမှန်တကယ် စဉ်းစားနေသည်၊ သို့မဟုတ် မည်သည့်ဦးတည်ချက် အတိအကျကို ၎င်းတို့ရယူဖို့ ကြိုးစားနေသည်ကို အခြားသူများက မည်သို့မျှ သိမည် မဟုတ်ပေ။ ၎င်းတို့၏ မိဘများပင် ဤအရာကို သိရန် ခက်ခဲသည်။ လှည့်စားသောသူကို နားလည်ရန် ကြိုးစားခြင်းသည် အလွန့်အလွန် ခက်ခဲ၏။ သူ၏ စိတ်တွင် မည်သည့်အရာရှိသည်ကို မည်သူမျှ အဖြေမရှာနိုင်ပေ။ ဤသည်မှာ လှည့်စားသောသူတို့ ပြောဆိုပြုမူသည့် ပုံစံပင်ဖြစ်သည်။ ၎င်းတို့သည် စိတ်ထဲတွင်ရှိသည့်အရာကို လုံးဝ မပြောဆိုပေ၊ သို့မဟုတ် အမှန်တကယ် ဖြစ်ပျက်နေသည့်အရာကို အသိမပေးပေ။ ဤသည်မှာ စိတ်သဘောထားအမျိုးအစားတစ်ခု ဖြစ်သည်မဟုတ်လော။ သင်၌ လှည့်စားသော စိတ်သဘောထားရှိလျှင် မည်သည့်အရာကို သင်ပြောသည်ဖြစ်စေ၊ လုပ်ဆောင်သည်ဖြစ်စေ အရေးမကြီးပေ။ ဤစိတ်သဘောထားသည် အစဉ်သဖြင့် သင့်အတွင်း၌ ရှိ၏၊ သင့်ကိုထိန်းချုပ်နေ၏၊ သင့်ကို မရိုးမသား လုပ်ဆောင်စေပြီး လှည့်စားမှုကို လုပ်ဆောင်စေ၏၊ လူတို့ကို ကစားစေ၏၊ အမှန်တရားကို ဖုံးကွယ်ပြီး ဟန်လုပ်စေ၏။ ဤသည်မှာ လှည့်ဖြားခြင်းဖြစ်သည်။ လှည့်စားသောသူများက အခြားမည်သို့သော တိကျသည့် အပြုအမူများကို ပါဝင်လုပ်ဆောင်သနည်း။ ငါ ဥပမာတစ်ခုပေးမည်။ လူနှစ်ယောက် စကားပြောနေသည်။ ၎င်းတို့ထဲမှ တစ်ယောက်က ကိုယ့်ကိုယ်ကိုယ် သိမြင်မှုအကြောင်းကို ပြောသည်။ ဤလူက သူသည် မည်သို့တိုးတက်ပြီးဖြစ်သည်ကို ပြောလျက်ရှိပြီး အခြားလူကို ယုံကြည်အောင် ပြုလုပ်ဖို့ ကြိုးစားသည်။ သို့သော် သူသည် အခြားလူအား အကြောင်းအရာ၏ အမှန်တကယ်ဖြစ်သော အချက်အလက်များကို မပြောပေ။ ဤတွင် တစ်စုံတစ်ခုကို ဖုံးကွယ်ထားပြီး ဤသည်မှာ စိတ်သဘောထားတစ်ခုခုကို ညွှန်ပြသည်။ လှည့်စားခြင်း စိတ်သဘောထားဖြစ်သည်။ ထိုအရာကို သင်တို့ ပိုင်းခြားသိမြင်နိုင်သလောဆိုသည်ကို ကြည့်ကြစို့။ ဤလူက “ကျွန်ုပ်သည် လတ်တစ်လောတွင် အချို့သောအရာများကို ကြုံတွေ့ခဲ့ရသည်။ ဤနှစ်များတစ်လျှောက်တွင် ဘုရားသခင်အပေါ် ကျွန်ုပ်၏ ယုံကြည်မှုသည် အချည်းနှီးဖြစ်သည်ဟု ခံစားရသည်။ မည်သည့်အရာကိုမျှ ကျွန်ုပ်မရရှိခဲ့ပါ။ ကျွန်ုပ်သည် အလွန်ညံ့ဖျင်းပြီး သနားစဖွယ်ဖြစ်သည်။ ကျွန်ုပ်၏ အပြုအမူသည် လတ်တစ်လောတွင် အလွန်ကောင်းမွန်ခြင်းမရှိပါ။ သို့သော် ကျွန်ုပ်သည် နောင်တရရန် အသင့်ရှိနေသည်” ဟု ဆိုသည်။ သို့တိုင်အောင် ထိုသူက ဤသို့ပြောပြီး အချိန်အတန်ကြာသောအခါတွင် ထိုသူ၌ နောင်တရသည့် အမူအရာကို မည်သည့်နေရာတွင်မျှ မတွေ့ရပေ။ ဤတွင် ပြဿနာသည် အဘယ်နည်း။ ပြဿနာမှာ သူသည် အခြားလူများကို လိမ်ညာလှည့်စားခြင်းဖြစ်သည်။ ဤလူက ဤအရာများကို ပြောသည်ကို အခြားလူများက ကြားသောအခါ ၎င်းတို့က “ဤလူသည် ယခင်က သမ္မာတရားကို မလိုက်စားခဲ့သော်လည်း၊ ဤသို့သောအရာများကို ပြောနိုင်သည်ဆိုသည့်အချက်က သူသည် အမှန်တကယ်နောင်တရပြီးဖြစ်သည်ကို ပြသည်။ ထိုအရာနှင့်ပတ်သက်၍ သံသယရှိစရာမလိုပါ။ ငါတို့သည် ထိုသူအား ငါတို့ မြင်လေ့ရှိသည့်ပုံစံအတိုင်း မမြင်ရဘဲ အသစ်သော၊ ပို၍ကောင်းသော နားလည်မှုဖြင့် မြင်ရမည်” ဟု စဉ်းစားကြသည်။ ဤသည်မှာ ထိုစကားများကို ကြားပြီးနောက်တွင် လူတို့ ချင့်ချိန်စဉ်းစားပုံဖြစ်သည်။ သို့သော် ထိုသူ၏ လက်ရှိအခြေအနေသည် သူပြောသည့်အရာနှင့် တူညီသလော။ လက်တွေ့တွင် မတူညီပေ။ သူသည် အမှန်တကယ် နောင်တရပြီးခြင်းမရှိပေ။ သို့သော် သူ၏ စကားများကြောင့် သူသည် နောင်တရပြီးပြီဟူ၍ လည်းကောင်း၊ သူသည် ပိုကောင်းသည့် အခြေအနေသို့ ပြောင်းလဲသွားပြီဟူ၍ လည်းကောင်း၊ သူသည် ယခင်ကနှင့် မတူတော့ဟူ၍လည်းကောင်း ထင်ယောင်ထင်မှားဖြစ်စေသည်။ ဤသည်မှာ သူတို့၏ စကားများဖြင့် စွမ်းဆောင်ရရှိလိုသည့် အရာဖြစ်သည်။ လူတို့ကို လှည့်စားရန် စကားပြောခြင်းအားဖြင့် သူသည် မည်သည့်စိတ်သဘောထားကို ဖွင့်ပြသနည်း။ လှည့်စားခြင်းဖြစ်သည်။ ထိုအရာသည် မသိမသာဖြင့် အလွန်ဒုက္ခပေးသည်။ အမှန်မှာ သူသည် ဘုရားသခင်အပေါ် သူ၏ ယုံကြည်မှုတွင် ကျရှုံးပြီးဖြစ်သည်၊ သူသည် ညံ့ဖျင်းပြီး သနားဖွယ်ဖြစ်သည်ဆိုသည်ကို လုံးဝ သတိမမူမိပေ။ ထိုသူသည် လူတို့ကို လှည့်စားရန်၊ အခြားလူများက သူ့အပေါ် အကောင်းမြင်ပြီး အထင်အမြင်ကောင်းအောင် ပြုလုပ်ရန်ဖြစ်သော သူ၏ ရည်ရွယ်ချက်ကို ရရှိရန်အတွက် ဝိညာဉ်ရေးရာ စကားများနှင့် အသုံးအနှုန်းကို ငှားယူအသုံးပြုနေခြင်းဖြစ်သည်။ ဤသည်မှာ လှည်စားခြင်းမဟုတ်သလော။ ဟုတ်ပေ၏။ ပြီးလျှင် လူတစ်ယောက်က အလွန်လှည့်စားတတ်လျှင် ပြောင်းလဲရန် မလွယ်ကူပေ။

စကားပြောသည့်အခါတွင် မည်သည့်အခါမျှ ရိုးရှင်းခြင်း၊ သို့မဟုတ် ပွင့်လင်းခြင်းမရှိသည့် အခြားလူအမျိုးအစားတစ်ခုရှိသည်။ ၎င်းတို့သည် အစဉ်သဖြင့် အကြောင်းအရာများကို ဖုံးကွယ်ပြီး ကွယ်ဝှက်ထားသည်။ အချိန်တိုင်းလူတို့ထံမှ သတင်းများ စုဆောင်းရယူပြီး ၎င်းတို့၏ အမြင်ကို ရရှိရန် မေးမြန်းသည်။ ၎င်းတို့သည် အစဉ်သဖြင့် အခြားလူများနှင့်ပတ်သက်ပြီး အမှန်တရားတစ်ခုလုံးကို သိလိုသော်လည်း ၎င်းတို့ကိုယ်တိုင်၏ စိတ်နှလုံးတွင်ရှိသောအရာကို မပြောကြပေ။ ၎င်းတို့နှင့် ဆက်ဆံသူမည်သူမဆိုသည် ၎င်းတို့နှင့်ပတ်သက်ပြီး အမှန်တရားတစ်ခုလုံးကို သိရှိရန် လုံးဝ မျှော်လင့်၍မရပေ။ ဤသို့သောသူများသည် မိမိတို့၏ အစီအစဉ်များကို အခြားလူများအား မသိစေလိုသကဲ့သို့ မည်သူ့ကိုမျှ ပြောမပြပေ။ ဤသည်မှာ မည်သည့်စိတ်သဘောထားဖြစ်သနည်း။ လှည့်စားသော စိတ်သဘောထားဖြစ်သည်။ ဤသို့သောလူများသည် အလွန့်အလွန် လိမ္မာပါးနပ်သည်။ လူတိုင်းက ၎င်းတို့ကို နားမလည်နိုင်ပေ။ လူတစ်ယောက်သည် လှည့်စားသော စိတ်သဘောထားကို ပိုင်ဆိုင်လျှင် သူသည် လှည့်စားသူဖြစ်သည်မှာ သံသယရှိစရာမလိုပေ။ သူသည် သဘာဝ အနှစ်သာရအားဖြင့် လှည့်စားတတ်သည်။ ဤသို့သော လူစားမျိုးသည် ဘုရားသခင်ကို သူ၏ ယုံကြည်မှုတွင် သမ္မာတရား လိုက်စားသလော။ သူသည် အခြားလူများရှေ့တွင် အမှန်အတိုင်းမပြောလျှင် ဘုရားသခင်ရှေ့တွင် အမှန်အတိုင်း ပြောနိုင်စွမ်းရှိသလော။ ပြောနိုင်စွမ်းမရှိသည်မှာ သေချာသည်။ လှည့်စားတတ်သောသူသည် မည်သည့်အခါမျှ အမှန်အတိုင်းမပြောပေ။ ထိုသူသည် ဘုရားသခင်ကို ယုံကြည်ကောင်း ယုံကြည်နိုင်သည်။ သို့သော် သူ၏ ယုံကြည်မှုသည် မှန်ကန်သော ယုံကြည်မှုဖြစ်သလော။ ထိုသူသည် ဘုရားသခင်အပေါ် မည်သို့သော သဘောထားရှိသနည်း။ သူ၏ စိတ်နှလုံးတွင် အသေအချာပင် သံသယများစွာ ရှိလိမ့်မည်။ “ဘုရားသခင်က အဘယ်မှာနည်း။ သူ့ကိုငါမမြင်ရပါ။ ဘုရားသခင်က စစ်မှန်သည်ဟူသည့် မည်သည့်သက်သေရှိသနည်း။” “ဘုရားသခင်က အရာရာအပေါ်တွင် အချုပ်အခြာအာဏာရှိသည်လော။ အမှန်တကယ်ဖြစ်သလော။ စာတန်၏ အစိုးရသည် ဘုရားသခင်အား ယုံကြည်သူများကို ထိတ်ထိတ်ပျာပျာဖြင့် ဖိနှိပ်ပြီး ဖမ်းဆီးနေသည်။ ဘုရားသခင်က ၎င်းကို အဘယ်ကြောင့် မဖျက်ဆီးသနည်း။” “ဘုရားသခင်က လူတို့ကို မည်သို့ အတိအကျ ကယ်တင်သနည်း။ သူ၏ ကယ်တင်ခြင်းက အမှန်တကယ်ဖြစ်သလော။ အလွန်ရှင်းလင်းခြင်းမရှိပါ။” “ဘုရားသခင်ကို ယုံကြည်သူသည် ကောင်းကင်နိုင်ငံတော်သို့ ဝင်ရောက်နိုင်သလော၊ မဝင်ရောက်နိုင်သလော။ အတည်ပြုခြင်း တစ်ခုမျှမရှိဘဲ ပြောရန်ခက်သည်” ဟူ၍ ဖြစ်သည်။ သူ၏ စိတ်နှလုံးတွင် ဘုရားသခင်နှင့်ပတ်သက်ပြီး သံသယများစွာရှိလျက်ဖြင့် သူသည် ဘုရားသခင်အတွက် မိမိကိုယ်ကို စစ်မှန်ရိုးသားစွာ အသုံးခံနိုင်သလော။ မဖြစ်နိုင်ပေ။ သူသည် ဘုရားသခင်နောက်သို့လိုက်ရန် အရာအားလုံးကို စွန့်လွှတ်ခဲ့သောသူများ၊ ဘုရားသခင်အတွက် မိမိတို့ကိုယ်ကို အသုံးခံပြီး တာဝန်များကို ထမ်းဆောင်သော ဤလူများအားလုံးကို တွေ့မြင်ပြီး “ငါသည် တစ်ခုခုကို ထိမ်ချန်ထားဖို့လိုသည်။ ၎င်းတို့ကဲ့သို့ မိုက်မဲ၍ မဖြစ်ပါ။ ငါသည် ဘုရားသခင်အား အရာရာကို ပေးအပ်လျှင် အနာဂတ်တွင် ငါသည် မည်သို့ အသက်ရှင်ရမည်နည်း။ မည်သူက ငါ့ကို စောင့်ရှောက်မည်နည်း။ ငါ့တွင် အရေးပေါ် အစီအစဉ်တစ်ခု လိုအပ်သည်” ဟူ၍ စဉ်းစားကြသည်။ လှည့်စားသောသူများက မည်မျှ “လာဘ်မြင်” သည်၊ မည်မျှ ကြို၍ စဉ်းစားသည်ကို သင်မြင်တွေ့နိုင်သည်။ အခြားလူများက စုဝေးပွဲများတွင် ၎င်းတို့၏ ဖောက်ပြန်ပျက်စီးမှုကို ၎င်းတို့သိမြင်ခြင်းအကြောင်းအား ဖွင့်ပြောခြင်း၊ မိတ်သဟာယတွင် ၎င်းတို့၏ စိတ်နှလုံးအတွင်းတွင် ကွယ်ဝှက်ထားသော အရာများကို ထုတ်ပြောခြင်း၊ မှောက်မှားမှုကို ၎င်းတို့ မည်မျှကျူးလွန်ခဲ့သည်ကို မှန်မှန်ကန်ကန်ပြောခြင်းတို့ကို မြင်သောအခါတွင် “သင်သည် လူနုံလူအဖြစ်သည်။ ဤအရာတို့သည် အတွင်းရေးကိစ္စများဖြစ်သည်။ အဘယ်ကြောင့် အခြားလူများကို ပြောမည်နည်း။ ဤအရာများကို ငါ့အား ရိုက်နှက်၍ ပြောခိုင်းလျှင်ပင် ငါပြောမည်မဟုတ်ပါ” ဟု စဉ်းစားသောသူအချို့ရှိကြသည်။ ဤသည်မှာ လှည့်စားသောသူများ၏ ပုံစံဖြစ်သည်။ ၎င်းတို့သည် ရိုးသားဖို့ထက် အသေသာခံမည်ဖြစ်ပြီး အမှန်တရား အလုံးစုံကို မည်သူ့ကိုမျှ မပြောပေ။ လူအချို့က “ကျွန်ုပ်သည် ပြစ်မှားခဲ့ပြီး မကောင်းသောအရာအချို့ကို လုပ်ဆောင်ခဲ့သည်။ ထိုအရာများကို လူတို့အား မျက်နှာချင်းဆိုင်၍ ပြောပြရန် ကျွန်ုပ်အနည်းငယ် ရှက်ရွံ့သည်။ အမှန်တွင် ထိုအရာများသည် အတွင်းရေးများဖြစ်ပြီး ရှက်ဖွယ်ကောင်းသည်။ သို့သော် ထိုအရာများကို ဘုရားသခင်ထံမှ ဖုန်းကွယ်၍၊ ကွယ်ဝှက်၍မရပါ။ ဤအရာများကို ဘုရားသခင်အား အရှိအတိုင်းနှင့် ပွင့်လင်းစွာ ကျွန်ုပ် ပြောပြသင့်သည်။ ကျွန်ုပ်၏ အတွေးများ၊ သို့မဟုတ် အတွင်းရေးကိစ္စများကို အခြားလူများအား မပြောရဲသော်လည်း ဘုရားသခင်ကို ပြောရမည်။ အခြားမည်သူ့ကို ကျွန်ုပ် လျှို့ဝှက်ထားရသည်ဖြစ်စေ ဘုရားသခင်ထံမှ လျှို့ဝှက်ထား၍မရပါ” ဟူ၍ ဆိုသည်။ ဤသည်မှာ ရိုးသားသူတစ်ယောက်က ဘုရားသခင်အပေါ် ထားရှိသော သဘောထားဖြစ်သည်။ သို့တိုင် လှည့်စားသူများသည် လူတိုင်းအား သတိထားကာကွယ်ကြသည်။ မည်သူ့ကိုမျှ မယုံကြည်ကြသကဲ့သို့ မည်သူနှင့်မျှ ရိုးသားစွာ မပြောဆိုပေ။ မည်သူ့ကိုမျှ အလုံးစုံသော အမှန်တရားကို မပြောပေ။ မည်သူကမျှ ၎င်းတို့ကို နားမလည်နိုင်ပေ။ ၎င်းတို့သည် အားလုံးထဲတွင် အလှည့်စားဆုံးသောသူများဖြစ်ကြသည်။ လူတိုင်းတွင် လှည့်စားသော စိတ်သဘောထားရှိသည်။ တစ်ခုတည်းသော ကွာခြားချက်မှာ မည်မျှဆိုးဝါးသနည်းဆိုသည့်အချက်ပင်ဖြစ်သည်။ သင်သည် စုဝေးပွဲများတွင် သင်၏ စိတ်နှလုံးကို ဖွင့်ဟပြီး မိတ်သဟာယဖွဲ့ကောင်းဖွဲ့နိုင်သော်လည်း သင့်တွင် လှည့်စားသော စိတ်သဘောထားမရှိဟု ဆိုလိုသလော။ မဆိုလိုပေ။ သင့်တွင်လည်း လှည့်စားသော စိတ်သဘောထားရှိသည်။ အဘယ်ကြောင့် ငါ ဤသို့ ပြောသနည်း။ ဥပမာတစ်ခုမှာ ဤသို့ဖြစ်သည်။ သင်သည် သင်၏ မာန၊ သို့မဟုတ် ဘဝင်မြင့်မှုနှင့်မသက်ဆိုင်သောအရာများ၊ ရှက်ဖွယ်မဟုတ်သောအရာများ၊ ပြုပြင်ခြင်းကိုသင်မခံရမည့်အရာများအား မိတ်သဟာယတွင် ဖွင့်ပြောကောင်း ဖွင့်ပြောနိုင်သည်။ သို့သော် သင်သည် သမ္မာတရား စည်းမျဉ်းများကို ချိုးဖောက်သည့်အရာ၊ လူတိုင်းက စက်ဆုပ်ရွံရှာမည့်အရာတစ်ခုကို လုပ်ဆောင်ခဲ့လျှင် စုဝေးပွဲများတွင် ဤအကြောင်းကို ပွင့်လင်းစွာ မိတ်သဟာယဖွဲ့နိုင်မည်လော။ ပြီးလျှင် သင်သည် ပြောရက်စရာမရှိအောင် ဆိုးရွားသောအရာတစ်ခုကို လုပ်ဆောင်ခဲ့လျှင် ထိုအရာနှင့်ပတ်သက်ပြီး ဖွင့်ပြောကာ အမှန်တရားကို ဖွင့်ပြရန် သင့်အတွက် ပို၍ပင် ခက်ခဲလိမ့်မည်။ တစ်စုံတစ်ယောက်က ထိုအရာကို စူးစမ်းလျှင်၊ သို့မဟုတ် အပြစ်တင်ဖို့ ကြိုးစားလျှင် သင်သည် ယင်းကို ဖုံးကွယ်ရန် သင့်တွင်ရှိသမျှ နည်းလမ်းအားလုံးကို အသုံးပြုလိမ့်မည်။ ဤအကြောင်းအရာ ပေါ်ကောင်းပေါ်သွားမည်ကို သင်သည် ကြောက်လန့်နေလိမ့်မည်။ သင်သည် အစဉ်သဖြင့် ဖုံးဖိပြီး လွတ်မြောက်သွားရန် ကြိုးစားနေလိမ့်မည်။ ဤသည်မှာ လှည့်စားသော စိတ်သဘောထားတစ်ခုမဟုတ်သလော။ လူကြားအောင် မပြောလျှင် မည်သူကမျှ သင် သိမည်မဟုတ်၊ ဘုရားသခင်ပင်လျှင် ယင်းကို သိရန် မဖြစ်နိုင်ချေဟု သင် ယုံကြည်ကောင်းယုံကြည်နိုင်သည်။ ဤသည်မှာ မှားယွင်းသည်။ ဘုရားသခင်သည် လူတို့၏ အတွင်းကျကျ စိတ်နှလုံးကို စိစစ်သည်။ သင်သည် ဤအရာကို သတိမမူမိနိုင်လျှင် ဘုရားသခင်ကို သင် လုံးဝ မသိပေ။ လှည့်စားသောသူများသည် အခြားလူများကို လှည့်စားခြင်းသာမဟုတ်ဘဲ ဘုရားသခင်ကို လှည့်စားရန်ပင် ကြိုးစားပြီး ဘုရားသခင်အား အာခံရန် လှည့်စားသောနည်းလမ်းများကို အသုံးပြုရဲကြသည်။ ဤသို့သောလူတို့သည် ဘုရားသခင်၏ ကယ်တင်ခြင်းကို ရယူနိုင်သလော။ ဘုရားသခင်၏ စိတ်သဘောထားသည် ဖြောင့်မတ်ပြီး သန့်ရှင်းသည်။ လှည့်စားသောသူများသည် ဘုရားသခင် အရွံ့မုန်းဆုံးသောသူများဖြစ်သည်။ ထို့ကြောင့် လှည့်စားသူများသည် ကယ်တင်ခြင်းကိုရယူရန် အခက်ခဲဆုံးသောသူများဖြစ်သည်။ လှည့်စားတတ်သည့် သဘာဝရှိသောသူများသည် အလိမ်ညာဆုံးသောသူများဖြစ်သည်။ ၎င်းတို့သည် ဘုရားသခင်ကိုပင် လိမ်ညာပြီး လှည့်စားဖို့ ကြိုးစားလိမ့်မည်။ ပြီးလျှင် ၎င်းတို့သည် ခေါင်းမာစွာဖြင့် နောင်တမရကြပေ။ ဤသည်မှာ ၎င်းတို့သည် ဘုရားသခင်၏ ကယ်တင်ခြင်းကို မရယူနိုင်သည့် သဘောဖြစ်သည်။ လူတစ်ယောက်သည် ဖောက်ပြန်ပျက်စီးသည့် စိတ်သဘောထားကို မကြာခဏ ဖွင့်ပြလျှင်၊ သူသည် လူတို့ကို လိမ်ညာလှည့်စားသော်လည်း ဘုရားသခင်အပေါ်တွင် ရိုးရှင်းပြီး ပွင့်လင်းကာ ဘုရားသခင်ထံ နောင်တရလျှင် ဤသို့သောသူမျိုးသည် ကယ်တင်ခြင်းရယူရန် မျှော်လင့်ချက်ရှိဆဲဖြစ်သည်။ သင်သည် အမှန်တကယ်ပင် အသိစိတ်ရှိသောသူတစ်ယောက်ဖြစ်လျှင် သင့်ကိုယ်သင် ဘုရားသခင်ထံ ဖွင့်ဟသင့်သည်။ ဘုရားသခင်အား စိတ်နှလုံးထဲမှ စကားပြောသင့်သည်။ သင့်ကိုယ်သင် ဆင်ခြင်သုံးသပ်ပြီး သိမြင်သင့်သည်။ ဘုရားသခင်အား မလိမ်ညာသင့်တော့ပေ။ ဘုရားသခင်အား အချိန်မရွေး လှည့်စားဖို့ မကြိုးစားသင့်ပေ။ ဘုရားသခင်ထံမှ တစ်စုံတစ်ခုကို ဖုံးကွယ်ဖို့ ပို၍ပင် မကြိုးစားသင့်ပေ။ အမှန်မှာ လူတို့အနေဖြင့် သိဖို့ မလိုအပ်သည့်အရာအချို့ရှိသည်။ သင်သည် ထိုအရာများနှင့်ပတ်သက်ပြီး ဘုရားသခင်အပေါ် ပွင့်လင်းသရွေ့ ပြဿနာမရှိပေ။ သင်သည် အမှုအရာများကို လုပ်ဆောင်သောအခါ ဘုရားသခင်အပေါ်တွင် လျှို့ဝှက်ချက်များမထားရှိရန် သေချာစေလော့။ အခြားလူများကို ပြောဖို့ မသင့်သည့်အရာများကိုအားလုံးကို ဘုရားသခင်အား ပြောနိုင်သည်။ ဤသို့လုပ်ဆောင်သောသူသည် လိမ္မာပါးနပ်သည်။ အခြားလူများကို ဖွင့်ပြောရန် မလိုအပ်ဟု ၎င်းတို့ခံစားရသည့် အရာအချို့ရှိနိုင်သော်လည်း ဤအရာကို လှည့်စားခြင်းဟု မခေါ်သင့်ပေ။ လှည့်စားသောသူများသည် ဤသို့မဟုတ်ပေ။ ၎င်းတို့က အရာရာတိုင်းကို ဖုံးကွယ်သင့်သည်၊ အထူးသဖြင့် အတွင်းရေးကိစ္စများနှင့်ပတ်သက်သောအခါတွင် အခြားလူများကို မည်သည့်အရာကိုမျှ ပြော၍မရဟု ယုံကြည်ကြသည်။ တစ်စုံတစ်ခုကို ပြောခြင်းက ၎င်းတို့အတွက် အကျိုးမရှိလျှင် ၎င်းတို့က ပြောမည်မဟုတ်။ ဘုရားသခင်ကိုပင် ပြောမည်မဟုတ်ပေ။ ဤသည်မှာ လှည့်စားသော စိတ်သဘောထားမဟုတ်သလော။ ထိုသို့သောလူတစ်ဦးသည် အမှန်ပင် လှည့်စားတတ်သည်။ လူတစ်ယောက်သည် အလွန်လှည့်စားတတ်ပြီး ဘုရားသခင်အား အမှန်အတိုင်းမပြောဘဲ၊ ဘုရားသခင်ထံမှ အရာရာတိုင်းအား လျှို့ဝှက်ထားလျှင် သူသည် ဘုရားသခင်ကို ယုံကြည်သောသူပင် ဖြစ်သလော။ ဘုရားသခင်အပေါ် စစ်မှန်သော ယုံကြည်ခြင်းရှိသလော။ သူသည် ဘုရားသခင်ကို သံသယရှိသောသူဖြစ်သည်။ သူ၏ စိတ်နှလုံးတွင် ဘုရားသခင်ကို မယုံကြည်ပေ။ ထို့ကြောင့် သူ၏ ယုံကြည်ခြင်းသည် မမှားယွင်းသလော။ သူသည် မယုံကြည်သူတစ်ယောက်၊ အယောင်ဆောင် ယုံကြည်သူတစ်ယောက်ဖြစ်သည်။ သင်တို့သည် ဘုရားသခင်ကို သံသယဝင်ပြီး သတိထားကာကွယ်လာသည့်အချိန်များ ရှိကြသလော။ (ရှိပါသည်။) ဘုရားသခင်ကို သံသယဝင်ပြီး ဘုရားသခင်အား သတိထားကာကွယ်ခြင်းသည် မည်သည့် စိတ်သဘောထားမျိုးဖြစ်သနည်း။ ဤသည်မှာ လှည့်စားသော စိတ်သဘောထားဖြစ်သည်။ လူတိုင်းတွင် လှည့်စားသော စိတ်သဘောထားရှိသည်။ မည်မျှ ဆိုးရွားသည်ဆိုသည့် ပြဿနာသာရှိသည်။ သင်သည် သမ္မာတရားကို လက်ခံနိုင်သရွေ့ နောင်တနှင့် ပြောင်းလဲခြင်းကို ရရှိနိုင်လိမ့်မည်။

လူအချို့အတွက် ၎င်းတို့ထံ တစ်စုံတစ်ခု ဖြစ်ပျက်သောအခါ ဖောက်ပြန်ပျက်စီးမှုကို ၎င်းတို့ ထုတ်ဖော်မိကြသည်။ ၎င်းတို့တွင် အယူအဆများ၊ စိတ်ကူးများရှိကြသည်။ အခြားလူများအပေါ် မလိုမုန်းထားမှုများရှိသည်။ အခြားလူများအပေါ် ဝေဖန်အပြစ်တင်မှုများပြုလုပ်ပြီး ထိုလူတို့နောက်ကွယ်တွင် ၎င်းတို့အား သေးသိမ်စေသည်။ ၎င်းတို့သည် မိမိတို့ကိုယ်ကို ဆင်ခြင်သုံးသပ်နိုင်ပြီး ဤအရာများကို အပြည့်အဝ ဖွင့်ပြောနိုင်သည်။ သို့သော် ၎င်းတို့သည် ရှက်ဖွယ်ကောင်းသောအရာအချို့ကို လုပ်ဆောင်သောအခါ ၎င်းတို့၏ စိတ်ထဲတွင်သာ ထားရှိလိုကြပြီး၊ ၎င်းတို့၏ စိတ်နှလုံးထဲတွင် ထာဝရ ပိတ်လှောင်ထားလိုကြသည်။ ၎င်းတို့သည် ထိုအရာများကို အခြားလူများအား မပြောရုံတင်မကဘဲ ဆုတောင်းသောအခါတွင် ဘုရားသခင်အားလည်း ပြောမပြပေ။ ၎င်းတို့သည် ဤအရာများကို ဖုံးဖိရန်၊ သို့မဟုတ် အခြေအနေမှန်ကို ဖုံးကွယ်ရန် မုသားများ ကြံဆရန်အတွက်ပင် ၎င်းတို့ တတ်နိုင်သမျှကြိုးစားကြသည်။ ဤသည်မှာ လှည့်စားသော စိတ်သဘောထားဖြစ်သည်။ သင့်တွင် ထိုသို့သော အတွေးများရှိသောအခါ၊ ဤအခြေအနေမျိုးတွင် သင်အသက်ရှင်သောအခါ သင့်ကိုယ်သင် ဆင်ခြင်သုံးသပ်သင့်ပြီး၊ သင်သည် ရိုးသားသူတစ်ယောက် မဟုတ်သည်ကိုလည်းကောင်း၊ ရိုးသားသူတစ်ယောက်အဖြစ် ဘုရားသခင် ဖော်ပြသည့် မည်သည့်အရာကမျှ သင့်တွင် ဖော်ပြခြင်းမရှိသည်ကိုလည်းကောင်း၊ သင်သည် လုံးဝပင် လှည့်စားသောသူတစ်ယောက်ဖြစ်သည်ကိုလည်းကောင်း၊ သင်သည် မိုက်မဲသော်လည်း၊ အစွမ်းအစနည်းပြီး ဉာဏ်ထိုင်းသော်လည်း လှည့်စားသောသူတစ်ယောက်ဖြစ်ဆဲဖြစ်သည်ကိုလည်းကောင်း ရှင်းလင်းစွာ မြင်သင့်သည်။ ဤသည်မှာ သင့်ကိုယ်သင် သိခြင်းဟု ဆိုလိုသည့်အရာ ဖြစ်သည်။ သင့်ကိုယ်သင်သိခြင်းတွင် သင်အနည်းဆုံး ရရှိနိုင်သင့်သည့်အရာမှာ သင်ထုတ်ဖော်သည့် သိသာသော ဖောက်ပြန်ပျက်စီးခြင်းကို ရှင်းလင်းစွာမြင်ပြီး ပိုင်းခြားသိမြင်နိုင်ခြင်း၊ ဤအရာကို ကိုင်တွယ်ရန်အတွက် သမ္မာတရားကို ရှာဖွေနိုင်ခြင်းဖြစ်သည်။ သင်သည် သင်၏ ကိုယ်ပိုင်လှည့်စားသော စိတ်သဘောထားကို အမှန်တကယ် သိမြင်လျှင် ဘုရားသခင်ထံ မကြာခဏ ဆုတောင်းသင့်သည်။ သင့်ကိုယ်သင် ဆင်ခြင်သုံးသပ်သင့်သည်။ သင်၏ လှည့်စားသော စိတ်သဘောထားကို ဘုရားနှုတ်ကပတ်တော်နှင့်အညီ ပိုင်းခြားသိမြင်ပြီး စိစစ်သင့်သည်။ ယင်း၏ အနှစ်သာရကို သတိမူမိသင့်သည်။ ထို့နောက်တွင် သင်သည် သင်၏ လှည့်စားခြင်းဖြစ်သော ဖောက်ပြန်ပျက်စီးသည့် စိတ်သဘောထားကို ဖယ်ရှားရန် မျှော်လင့်ချက်ရှိလိမ့်မည်။ လူအချို့သည် လှည့်စားသူများနှင့် ရိုးသားသူများကြား ကွာခြားချက်ကို ရှင်းလင်းစွာ မပြောဆိုနိုင်ပေ။ ယင်းမှာ ၎င်းတို့၏ အစွမ်းအစက ညံ့ဖျင်းလွန်းသည့် သဘောဖြစ်သည်။ လူအချို့က ၎င်းတို့၏ အစွမ်းအစနည်းခြင်း၊ မိုက်မဲခြင်း၊ မသိနားမလည်ခြင်း၊ ထိုးထွင်းအမြင်မရှိခြင်း၊ စကားကောင်းစွာမပြောတတ်ခြင်း၊ လူမှုရေးကျွမ်းကျင်မှုများ မရှိခြင်း၊ အလိမ်ခံရတတ်ခြင်းတို့အား ရိုးသားသည့် သက်သေအထောက်အထားအဖြစ် မကြာခဏ အသုံးပြုကြသည်။ ၎င်းတို့က “ကျွန်ုပ်သည် ရိုးသားလွန်းသည်။ ရလဒ်အနေဖြင့် အဆိုးဆုံးကို မကြာခဏ ကြုံရသည်။ အခြားလူများကို မည်သို့အခွင့်ကောင်းယူရမည်ကို ကျွန်ုပ်မသိ။ သို့တိုင်အောင် ကျွန်ုပ်သည် ရိုးသားသူဖြစ်သောကြောင့် ဘုရားသခင်က ကျွန်ုပ်အား နှစ်သက်သည်” ဟု အခြားလူများအား အစဉ်သဖြင့် ပြောဆိုသည်။ ဤစကားလုံးများသည် မှန်ကန်သလော။ ထိုသို့သော စကားများသည် အဓိပ္ပာယ်မရှိပေ။ လူတို့အား အထင်အမြင်မှားစေရန် စီမံထားခြင်းဖြစ်သည်။ ၎င်းတို့သည် မျက်နှာပြောင်ပြီး အရှက်မရှိပေ။ မိုက်မဲပြီး တုံးအသောသူများသည် မည်သို့ ရိုးသားနိုင်မည်နည်း။ ဤအရာတို့သည် မတူညီသောအရာနှစ်ခုဖြစ်သည်။ သင်လုပ်ဆောင်ခဲ့သော မိုက်မဲသောအရာများကို ရိုးသားမှုအဖြစ် မှတ်ယူခြင်းမှာ အမှားကြီးတစ်ခုဖြစ်သည်။ သူရူးများသည်ပင် မာနထောင်လွှားပြီး စိတ်ကြီးဝင်တတ်သည်၊ မိမိတို့ကိုယ်ကို အထင်ကြီးတတ်သည်ဆိုသည်ကို လူတိုင်း သိမြင်နိုင်သည်။ လူတို့သည် မည်မျှပင် မသိနားမလည်ဖြစ်ပြီး အစွမ်းအစကင်းမဲ့သည်ဖြစ်စေ အခြားလူများကို လိမ်ညာလှည့်စားနိုင်ဆဲဖြစ်သည်။ ဤအရာအားလုံးက အမှန်တရားမဟုတ်လော။ လူနုံလူအနှင့် အစွမ်းအစနည်းသောသူများသည် အမှန်တကယ်ပင် မကောင်းသောအရာ မည်သည့်အရာကိုမျှ လုံးဝ မလုပ်ဆောင်ကြသလော။ ၎င်းတို့တွင် အမှန်တကယ်ပင် ဖောက်ပြန်ပျက်စီးသော စိတ်သဘောထားများမရှိသလော။ ရှိသည်မှာ လုံးဝ သေချာ၏။ လူအချို့ကလည်း ၎င်းတို့သည် ရိုးသားပြီး အခြားလူများအား ၎င်းတို့၏ မုသားများကို ဖွင့်ပြောသည်ဟု ဆိုကြသည်။ သို့သော် ၎င်းတို့လုပ်ဆောင်သည့် ရှက်ဖွယ်သောအရာများကို ၎င်းတို့ ဖွင့်မပြောရဲပေ။ အသင်းတော်က ၎င်းတို့၏ ပြဿနာအတွက် ၎င်းတို့ကို ကိုင်တွယ်ဖြေရှင်းသောအခါ ၎င်းတို့သည် လက်မခံနိုင်ကြသကဲ့သို့ ကျိုးနွံနာခံနိုင်ခြင်း မရှိကြပေ။ နောက်ကွယ်တွင် ဟိုဟိုသည်သည် လှန်လှောရှာဖွေပြီး အမှန်တရားကို ဆွဲထုတ်ရန် နှစ်သက်ကြသည်။ ဤလှည့်စားသူမျိုးသည် သမ္မာတရားကို လုံးဝ လက်မခံသကဲ့သို့ ဘာဆိုဘာမျှ ကျိုးနွံနာခံခြင်း မရှိပေ။ သို့တိုင်အောင် မိမိကိုယ်ကို ရိုးသားသူဟု ထင်ဆဲဖြစ်သည်။ ဤသည်မှာ ထိုသူသည် လုံးဝပင် အရှက်မရှိခြင်း မဟုတ်လော။ ဤသည်မှာ လုံးလုံးပင် မိုက်မဲခြင်းဖြစ်သည်။ ဤသို့သောသူမျိုးသည် လုံးဝ မရိုးသားသကဲ့သို့ မာယာကင်းခြင်းလည်းမရှိပေ။ မိုက်မဲသောသူများသည် မိုက်မဲသောသူများသာဖြစ်ပြီး လူနုံလူအများသည်လူနုံလူအများဖြစ်သည်။ လှည့်စားခြင်းမရှိသော မာယာကင်းမဲ့သည့် သူများသာ ရိုးသားသည်။

လှည့်စားသောသူများကို မည်သို့ပိုင်းခြားသိမြင်နိုင်သနည်း။ လှည့်စားသောသူများ၏ အပြုအမူများမှာ အဘယ်နည်း။ ၎င်းတို့သည် မည်သူနှင့် ဆက်ဆံသည်ဖြစ်စေ၊ ပါဝင်ပတ်သက်သည်ဖြစ်စေ ၎င်းတို့တွင် အမှန်တကယ် မည်သို့ဖြစ်ပျက်နေသည်ကို မည်သူ့ကိုမျှ လုံးဝ စုံစမ်းစစ်ဆေးခွင့်မပြုပေ။ ၎င်းတို့သည် အစဉ်သဖြင့် အခြားလူများကို သတိထားကြသည်။ အမှုကိစ္စများကို အစဉ်သဖြင့် လူတို့၏ နောက်ကွယ်တွင် လုပ်ဆောင်နေကြပြီး၊ ၎င်းတို့ အမှန်တကယ် စဉ်းစားနေသည့်အရာကို လုံးဝ မပြောပေ။ တစ်ခါတစ်ရံတွင် မိမိကိုယ်ကို သိမြင်မှုအကြောင်းကို ၎င်းတို့က အနည်းငယ်ပြောကောင်းပြောနိုင်သည်။ သို့သော် အရေးပါသော အချက်များ၊ သို့မဟုတ် အဓိကကျသော စကားများကို ထုတ်မပြောပေ။ ၎င်းတို့သည် တစ်စုံတစ်ခုချွတ်ချော်သွားမည်ကို ကြောက်လန့်ကြသည်။ ၎င်းတို့သည် ၎င်းတို့၏ အားနည်းချက်များကို အခြားလူများက ရိပ်စားမိမည်ကို ကြောက်သဖြင့်၊ ဤအရာများကို အလွန်ပင် အထိမခံနိုင်ပေ။ ဤသည်မှာ လှည့်စားသော စိတ်သဘောထားတစ်မျိုးဖြစ်သည်။ ပြီးလျှင် လူအချို့သည် အခြားလူများက ၎င်းတို့အား မာယာကင်းသည်၊ ဒုက္ခခံနိုင်ပြီး ညည်းညူခြင်းမရှိ၊ သို့မဟုတ် ၎င်းတို့သည် ဝိညာဉ်ရေးရာပြည့်ဝပြီး သမ္မာတရားကို ချစ်ကာ လိုက်စားသည်ဟု ထင်စေရန်အလို့ငှာ တမင်ရည်ရွယ်၍ အယောင်ဆောင်ကြသည်။ ၎င်းတို့သည် ဤသို့သောသူမျိုးမဟုတ်သည်မှာ ရှင်းသည်။ သို့သော် အခြားလူများအတွက် ဤသို့ မလျှော့တမ်းဟန်လုပ်ကြသည်။ ဤသည်မှာလည်း လှည့်စားသော စိတ်သဘောထားဖြစ်သည်။ ထိုလှည့်စားသောသူများပြောသည့်၊ လုပ်ဆောင်သည့်အရာအားလုံး၏ နောက်ကွယ်တွင် ရည်ရွယ်ချက်တစ်ခုရှိသည်။ ၎င်းတို့တွင် မည်သည့်ရည်ရွယ်ချက်မျှမရှိလျှင် ပြောဆို၊ ပြုမူမည်မဟုတ်ပေ။ ထိုသို့လုပ်ဆောင်ရန် ၎င်းတို့ကို ထိန်းချုပ်သော စိတ်သဘောထားတစ်ခုက ၎င်းတို့အတွင်းတွင်ရှိသည်။ ယင်းမှာ လှည့်စားခြင်း စိတ်သဘောထားဖြစ်သည်။ လူတို့တွင် လှည့်စားသော စိတ်သဘောထားရှိသောအခါ ပြောင်းလဲရန် လွယ်ကူသလော။ သင်တို့သည် မည်မျှ ပြောင်းလဲပြီးကြပြီနည်း။ ရိုးသားခြင်းအား လိုက်စားသည့်လမ်းကြောင်းပေါ်သို့ သင်တို့ ဝင်ရောက်ပြီးဖြစ်သလော။ (ဝင်ရောက်ပြီးဖြစ်သည်။ ဤသည်မှာ ကျွန်ုပ်တို့ ကြိုးစားနေသည့် ဦးတည်ရာလမ်းကြောင်းဖြစ်သည်။) အဆင့်မည်မျှ သင်တို့ တက်လှမ်းပြီးပြီနည်း။ သို့မဟုတ် လုပ်ဆောင်လိုသည့်အဆင့်တွင် ပိတ်မိနေသလော။ (ယင်းမှာ ကျွန်ုပ်တို့ လုပ်ဆောင်လိုသည့်အရာသာ ဖြစ်နေဆဲဖြစ်သည်။ တစ်ခါတစ်ရံတွင် တစ်စုံတစ်ခုကို ကျွန်ုပ်တို့ လုပ်ဆောင်ပြီးမှသာ ယင်းသည် လှည့်စားခြင်းပါဝင်နေသည်၊ ကျွန်ုပ်တို့သည် လူတို့အား မှားယွင်းသော ထင်မြင်ချက်ကို ပေးဖို့ ကြိုးစားနေခြင်းဖြစ်သည်ဆိုသည်ကို သဘောပေါက်သည်။ ထိုအခါမှသာ ကျွန်ုပ်တို့သည် လှည့်စားနေခြင်းဖြစ်သည်ကို သဘောပေါက်ကြသည်။) ဤသည်မှာ လှည့်စားခြင်းဖြစ်သည်ကို သင်တို့ သဘောပေါက်သည်။ သို့သော် ဖောက်ပြန်ပျက်စီးသော စိတ်သဘောထားတစ်မျိုးဖြစ်သည်ကို သင်တို့ နားလည်သဘောပေါက်နိုင်သလော။ ပြီးလျှင် ဤလှည့်စားသောအရာများက မည်သည့်နေရာမှ လာသနည်း။ (ကျွန်ုပ်တို့၏ သဘာဝမှလာသည်။) မှန်သည်။ သင်တို့၏ သဘာဝမှလာပေသည်။ ဤဖောက်ပြန်ပျက်စီးသော အရာများသည် သင်တို့အား နှောင့်ယှက်သလော။ ထိုအရာများကို ရှောင်ရန် ခက်ခဲသည်။ ကိုင်တွယ်ဖြေရှင်းရန် ခက်ခဲသည်။ လွတ်မြောက်ရန် ခက်ခဲသည်။ ပြီးလျှင် အလွန်လည်း ဒုက္ခပေးတတ်သည်။ ဒုက္ခပေးတတ်အောင် မည်သည့်အရာက လုပ်ဆောင်သနည်း။ ထိုအရာများက သင့်အား နာကျင်စေသည်မှာ အဘယ်သို့ဖြစ်သနည်း။ (ကျွန်ုပ်တို့ ပြောင်းလဲလိုသော်လည်း၊ မလုပ်နိုင်သောအခါ အလွန်နာကျင်ရသည်။) ယင်းမှာ ရှုထောင့်တစ်ခုဖြစ်သည်။ သို့သော် ဤသည်မှာ ဒုက္ခပေးခြင်းအဖြစ် အကျုံးမဝင်ပေ။ လူတစ်ယောက်သည် လှည့်စားသော စိတ်သဘောထားတစ်ခု၏ ထိန်းချုပ်ခြင်းကို ခံရသောအခါ အခြားလူများကို အချိန်မရွေး၊ နေရာမရွေး လိမ်ညာလှည့်စားနိုင်သည်။ ၎င်းတို့ထံ မည်သည့်အရာ ဖြစ်ပျက်သည်ဖြစ်စေ လူများကို လိမ်ညာကာ အထင်အမြင်မှားစေရန် မုသားများအား မည်သို့ပြောရမည်ကို စဉ်းစားနေလိမ့်မည်။ ၎င်းတို့သည် မိမိတို့ကိုယ်ကို ထိန်းချုပ်လိုလျှင်ပင် မလုပ်ဆောင်နိုင်ပေ။ ယင်းမှာ တမင်ရည်ရွယ်၍မဟုတ်ဘဲ သူ့အလိုအလျောက်ဖြစ်ခြင်းဖြစ်သည်။ ဤသည်မှာ ပြဿနာတည်ရှိနေသည့် နေရာဖြစ်သည်။ ဤသည်မှာ စိတ်သဘောထားနှင့်ဆိုင်သော ပြဿနာတစ်ခုဖြစ်သည်။ လှည့်စားသော စိတ်သဘောထားက နည်းလမ်းမည်မျှဖြင့် ထုတ်ဖော်နိုင်သနည်း။ စစ်ဆေးခြင်း၊ လှည့်စားခြင်း၊ သတိထားခြင်းအပြင်၊ သံသယဝင်ခြင်း၊ ဟန်ဆောင်ခြင်း၊ သူတော်ကောင်းယောင်ဆောင်ခြင်းတို့ဖြင့် ထုတ်ဖော်ပြသည်။ ဤသို့သော အပြုအမူများက ဖော်ထုတ်ပြီး ထင်ရှားစေသော စိတ်သဘောထားသည် လှည့်စားခြင်းဖြစ်သည်။ ဤအကြောင်းအရာများကို မိတ်သဟာယဖွဲ့ပြီးနောက်တွင် လှည့်စားသော စိတ်သဘောထားအပေါ် သင်တို့ သာ၍ ရှင်းလင်းသော သိမြင်မှုရှိကြသလော။ သင်တို့တွင် “ကျွန်ုပ်သည် လှည့်စားသော စိတ်သဘောထားမရှိ။ ကျွန်ုပ်သည် လှည့်စားသောသူမဟုတ်ပေ။ ရိုးသားသူတစ်ယောက်ဖြစ်ရန် နီးစပ်သည်” ဟု ပြောသည့်သူ ရှိသေးသလော။ (မရှိပါ။) ရိုးသားသူတစ်ယောက်ဖြစ်ခြင်းဆိုသည်မှာ အတိအကျ မည်သည့်အရာဖြစ်သည်ကို အလွန် နားမလည်သောသူများစွာရှိသည်။ လူအချို့က ရိုးသားသူများသည် မာယာကင်းပြီး ဖြောင့်မတ်သောသူများ၊ ၎င်းတို့သွားသည့်နေရာတိုင်းတွင် အနိုင်ကျင့်ခံရပြီး အပယ်ခံရသူများ၊ သို့မဟုတ် နှေးကွေးပြီး အစဉ်သဖြင့် အခြားလူများထက် ပြောဆိုပြုမူခြင်း နောက်ကျသူများဖြစ်သည်ဟု ဆိုကြသည်။ အခြားလူများက အထင်သေးသည့် ဤသို့သော မိုက်မဲမှုကို ပါဝင်လုပ်ဆောင်သော လူအချို့နှင့် မသိနားမလည်သောသူများကလည်း မိမိတို့ကိုယ်ကို ရိုးသားသူများအဖြစ် ဖော်ပြကြသည်။ မိမိတို့ကိုယ်ကို နိမ့်ကျသည်ဟု ခံစားရသော၊ လူ့အဖွဲ့အစည်း၏ နိမ့်ကျသောအဆင့်အတန်းတွင်ရှိသည့် ပညာမတတ်သောသူများအားလုံးသည် ထို့အတူပင် ၎င်းတို့က ရိုးသားသူများဖြစ်သည်ဟု ဆိုကြသည်။ ၎င်းတို့၏ အမှားသည် မည်သည့်နေရာတွင် တည်ရှိသနည်း။ ရိုးသားသူတစ်ယောက်ဆိုသည်မှာ မည်သို့သောသူဖြစ်သည်ကို ၎င်းတို့ မသိကြပေ။ ၎င်းတို့၏ အထင်အမြင်လွဲမှားမှု အရင်းအမြစ်မှာ အဘယ်နည်း။ အဓိကအကြောင်းရင်းမှာ သမ္မာတရားအား ၎င်းတို့ နားမလည်ခြင်းဖြစ်သည်။ ဘုရားသခင်ပြောသည့် “ရိုးသားသောသူများ” သည် လူနုံလူအများ၊ ငတုံးငအများဖြစ်သည်၊ ပညာမတတ်၊ နှုတ်စလျှာစ နှေးကွေးသည်၊ အနိုင်ကျင့်ခံရပြီး ဖိနှိပ်ခံရသည်။ အလွယ်တကူ လှည့်စားခံရပြီး လိမ်လည်ခံရသည်ဟု ၎င်းတို့က ယုံကြည်ကြသည်။ သွယ်ဝိုက်ညွှန်းဆိုချက်မှာ ဘုရားသခင်၏ ကယ်တင်ခြင်းခံရသူများသည် အခြားလူများက မကြာခဏ ကြမ်းတမ်းစွာ ခိုင်းစေခံရသောသူများ၊ လူ့အဖွဲ့အစည်း၏ အောက်ခြေတွင်ရှိသော ထိုဦးနှောက်မရှိသည့် သူများဖြစ်သည်ဟူ၍ ဖြစ်သည်။ ဤနိမ့်ကျသော၊ ဆင်းရဲသောသူများကို မဟုတ်လျှင် ဘုရားသခင်က မည်သူကို ကယ်တင်မည်နည်း။ ဤသည်မှာ ၎င်းတို့ ယုံကြည်သည့်အရာမဟုတ်သလော။ ထိုသူများသည် အမှန်တကယ်ပင် ဘုရားသခင် ကယ်တင်သောသူများဖြစ်သလော။ ဤသည်မှာ ဘုရားသခင်၏ ရည်ရွယ်ချက်များကို မှားယွင်းစွာ အနက်ဖွင့်ခြင်းဖြစ်သည်။ ဘုရားသခင် ကယ်တင်သည့်သူများသည် သမ္မာတရားကို ချစ်သောသူများ၊ အစွမ်းအစနှင့် နားလည်သဘောပေါက်နိုင်စွမ်းရှိသော သူများဖြစ်သည်။ ၎င်းတို့အားလုံးသည် အသိတရားနှင့် အသိစိတ်ရှိသောသူများဖြစ်သည်။ ဘုရားသခင်၏ စေခိုင်းချက်ကို ဖြည့်ဆည်းပြီး ၎င်းတို့၏ တာဝန်ကို ကောင်းစွာထမ်းဆောင်နိုင်သောသူများဖြစ်သည်။ ၎င်းတို့သည် သမ္မာတရားကို လက်ခံနိုင်ပြီး၊ ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖယ်ရှားနိုင်သောသူများဖြစ်သည်။ ဘုရားသခင်ကို အမှန်တကယ်ချစ်သောသူများ၊ ဘုရားသခင်ကို ကျိုးနွံနာခံကာ ဘုရားသခင်ကို ကိုးကွယ်သောသူများဖြစ်သည်။ ဤလူအများစုသည် လူ့အဖွဲ့အစည်း၏ အောက်ခြေမှ ဖြစ်သော်လည်း၊ အလုပ်သမားများ၊ လယ်သမားများ၏ မိသားစုများမှ ဖြစ်သော်လည်း ၎င်းတို့သည် နားဝေတိမ်တောင်ဖြစ်သောသူများ၊ ငနုံငအများ၊ သို့မဟုတ် အသုံးမကျသောလူများ သေချာပေါက် မဟုတ်ပေ။ ဆန့်ကျင်ဖက်အနေဖြင့်၊ ၎င်းတို့သည် သမ္မာတရားကို လက်ခံနိုင်သော၊ လက်တွေ့လုပ်ဆောင်ပြီး ကျိုးနွံနာခံနိုင်သော လူတော်များဖြစ်သည်။ ၎င်းတို့သည် ဘုရားသခင်နောက်သို့လိုက်ပြီး သမ္မာတရားနှင့် အသက်ကို ရရှိရန်အတွက် လောကီ ဂုဏ်ကျက်သရေနှင့် ချမ်းသာကြွယ်ဝမှုများကို စွန့်လွှတ်မည်ဖြစ်သော တရားမျှတခြင်းရှိသည့်သူများဖြစ်သည်။ ၎င်းတို့သည် အားလုံးထဲတွင် အမျှော်အမြင်အရှိဆုံးသူများဖြစ်သည်။ ဤလူတို့အားလုံးသည် ဘုရားသခင်ကို အမှန်တကယ် ယုံကြည်ပြီး ဘုရားသခင်အတွက် မိမိတို့ကိုယ်ကို အမှန်တကယ် အသုံးခံသော ရိုးသားသည့်သူများဖြစ်သည်။ ၎င်းတို့သည် ဘုရားသခင်၏ အသိအမှတ်ပြုခြင်းနှင့် ကောင်းချီးများကို ရရှိနိုင်သည်။ ၎င်းတို့သည် ဘုရားသခင်၏ လူများအဖြစ်၊ ဘုရားသခင့် ဗိမာန်တော်၏ တိုင်များအဖြစ် စုံလင်ခြင်းခံရနိုင်သည်။ ၎င်းတို့သည် ရွှေ၊ ငွေနှင့် တန်ဖိုးရှိသော ကျောက်သံပတ္တမြားတို့နှင့်သက်ဆိုင်သောသူများဖြစ်သည်။ ဖယ်ရှားခြင်းခံရမည်မှာ ထိုနားဝေတိမ်တောင်ဖြစ်သောသူများ၊ မိုက်မဲသောသူများ၊ အဓိပ္ပာယ်မရှိသောသူများနှင့်၊ အသုံးမကျသောသူများဖြစ်သည်။ မယုံကြည်သူများနှင့် အဓိပ္ပာယ်မရှိသောသူများသည် ဘုရားသခင်၏ အမှုတော်နှင့် စီမံခန့်ခွဲမှုအစီအစဉ်ကို မည်သည့်အရာအဖြစ် မြင်ကြသနည်း။ အမှိုက်စွန့်ပစ်သည့်နေရာအဖြစ် မြင်ကြသည် မဟုတ်လော။ ဤလူတို့သည် အစွမ်းအစညံ့ဖျင်းရုံမကဘဲ အဓိပ္ပာယ်လည်းမရှိပေ။ ၎င်းတို့သည် ဘုရားနှုတ်ကပတ်တော်ကို မည်မျှ ဖတ်ပါစေ သမ္မာတရားကို နားမလည်နိုင်ပေ။ တရားဒေသနာမည်မျှကို ၎င်းတို့ ကြားသည်ဖြစ်စေ စစ်မှန်မှုထဲသို့ ဝင်ရောက်နိုင်စွမ်းမရှိပေ။ ၎င်းတို့သည် ဤမျှ မိုက်မဲလျှင် ကယ်တင်ခြင်းခံရနိုင်သေးသလော။ ဘုရားသခင်သည် ဤလူစားမျိုးကို အလိုရှိနိုင်သလော။ ၎င်းတို့သည် ယုံကြည်သူဖြစ်သည်မှာ နှစ်မည်မျှကြာသည်ဖြစ်စေ မည်သည့်သမ္မာတရားကိုမျှ နားမလည်သေးပေ။ အဓိပ္ပာယ်မရှိသောအရာများကို ပြောနေဆဲဖြစ်သည်။ သို့တိုင်အောင် ၎င်းတို့သည် မိမိတို့ကိုယ်ကို ရိုးသားသည်ဟု သတ်မှတ်ဆဲဖြစ်သည်။ ၎င်းတို့တွင် အရှက်မရှိသလော။ ဤသို့သောလူတို့သည် သမ္မာတရားကို နားမလည်ပေ။ ၎င်းတို့သည် ဘုရားသခင်၏ ရည်ရွယ်ချက်များကို အစဉ်သဖြင့် မှားယွင်းစွာ အနက်ဖွင့်ကြသည်။ သို့တိုင်အောင် ၎င်းတို့သွားသည့် နေရာတိုင်းတွင် ၎င်းတို့၏ မှားယွင်းသော အနက်ဖွင့်မှုများကို ရှည်လျားစွာပြောဆိုကြပြီး သမ္မာတရားအဖြစ် ဟောပြောကြသည်။ လူတို့အား “အနည်းငယ် အနိုင်ကျင့်ခံရခြင်းသည် ကောင်းသည်။ လူတို့ အနည်းငယ် ဆုံးရှုံးသင့်သည်။ အနည်းငယ် မိုက်မဲသင့်သည်။ ဤသူတို့သည် ဘုရားသခင်၏ ကယ်တင်ခြင်းခံရသူများဖြစ်ပြီး ဘုရားသခင် ကယ်တင်မည့်သူများဖြစ်သည်” ဟု ပြောကြသည်။ ထိုသို့သောအရာများကို ပြောသည့်သူများသည် စက်ဆုပ်ရွံရှာဖွယ်ဖြစ်သည်။ ဤအရာက ဘုရားသခင်ကို အလွန်ပင် အရှက်ရစေသည်။ အလွန်ပင် စက်ဆုပ်ရွံရှာဖွယ်ကောင်းလှသည်တကား။ ဘုရားသခင့် နိုင်ငံတော်၏ တိုင်များနှင့် ဘုရားသခင် ကယ်တင်သော အောင်မြင်သူများအားလုံးသည် သမ္မာတရားကို နားလည်သောသူများဖြစ်ပြီး အမျှော်အမြင်ရှိသူများဖြစ်သည်။ ဤလူတို့သည် ကောင်းကင်နိုင်ငံတော်တွင် ဝေစုတစ်ခု ရရှိမည့်သူများဖြစ်သည်။ မိုက်မဲပြီး မသိနားမလည်သောသူများ၊ အရှက်ကင်းမဲ့ပြီး အသိစိတ်မရှိသောသူများ၊ သမ္မာတရားအား နားလည်ခြင်း တစ်စွန်းတစ်စမျှမရှိသောသူများ၊ ငနုံငအများ၊ လူနုံလူအများဖြစ်သော သူတို့အားလုံးသည် အသုံးမကျသောသူများဖြစ်သည်မဟုတ်လော။ ထိုသို့သော သူတို့သည် ကောင်းကင်နိုင်ငံတော်တွင် အဘယ်သို့ ဝေစုတစ်ခု ရရှိနိုင်မည်နည်း။ ဘုရားသခင် ပြောဆိုသည့် ရိုးသားသူများသည် သမ္မာတရားကို နားလည်သည်နှင့် သမ္မာတရားကို လက်တွေ့လုပ်ဆောင်နိုင်သော၊ အမျှော်အမြင်ရှိပြီး လိမ္မာပါးနပ်သော၊ ဘုရားသခင်ထံသို့ ရိုးရှင်းစွာ ဖွင့်ပြောသော၊ စည်းမျဉ်းနှင့်အညီ လုပ်ဆောင်ပြီး ဘုရားသခင်အား လုံးဝ ကျိုးနွံနာခံသောသူများဖြစ်သည်။ ဤလူတို့အားလုံးသည် ဘုရားသခင်ကို ကြောက်ရွံ့သော စိတ်နှလုံးများရှိကြပြီး စည်းမျဉ်းနှင့်အညီ အမှုအရာများကို လုပ်ဆောင်ခြင်း၌ အာရုံစိုက်ကြသည်။ ၎င်းတို့အားလုံးသည် ဘုရားသခင်အပေါ် အကြွင်းမဲ့ ကျိုးနွံနာခံခြင်းကို လိုက်စားကြပြီး ၎င်းတို့၏ စိတ်နှလုံးထဲတွင် ဘုရားသခင်ကို ချစ်ကြသည်။ ၎င်းတို့သည်သာ အမှန်တကယ် ရိုးသားသူများဖြစ်သည်။ လူတစ်ယောက်သည် ရိုးသားခြင်းက မည်သည့်အရာဆိုလိုသည်ကို မသိလျှင်၊ ရိုးသားသူများ၏ အနှစ်သာရသည် ဘုရားသခင်အပေါ် အကြွင်းမဲ့ ကျိုးနွံနာခံခြင်း၊ ဘုရားသခင်ကို ကြောက်ရွံ့ခြင်း၊ မကောင်းမှုကို ရှောင်ကြဉ်ခြင်းတို့ဖြစ်သည်ကို မမြင်နိုင်လျှင်၊ သို့မဟုတ် ရိုးသားသူများသည် သမ္မာတရားကို ချစ်သောကြောင့်၊ ဘုရားသခင်ကို ချစ်သောကြောင့်၊ သမ္မာတရားကို လက်တွေ့လုပ်ဆောင်သောကြောင့် ရိုးသားကြခြင်းဖြစ်သည်ကို မမြင်နိုင်လျှင် ဤသို့သောသူမျိုးသည် အလွန်မိုက်မဲပြီး အမှန်ပင် ပိုင်းခြားသိမြင်မှု ကင်းမဲ့သည်။ ရိုးသားသူများသည် လူတို့ ထင်မြင်သကဲ့သို့ မာယာကင်းသော၊ နားဝေတိမ်တောင်ဖြစ်သော၊ မသိနားမလည်သော၊ မိုက်မဲသောပုဂ္ဂိုလ်များ လုံးဝမဟုတ်ပေ။ ၎င်းတို့သည် အသိတရားနှင့် အသိစိတ်ရှိသည့် သာမန်လူ့သဘာဝရှိသောသူများဖြစ်သည်။ ရိုးသားသူများနှင့်ပတ်သက်ပြီး လိမ္မာပါးနပ်သောအရာမှာ ၎င်းတို့သည် ဘုရားနှုတ်ကပတ်တော်ကို နားထောင်ပြီး ရိုးသားနိုင်သည်။ ဤအတွက်ကြောင့် ၎င်းတို့သည် ဘုရားသခင်၏ ကောင်းချီးကို ခံစားရခြင်းဖြစ်သည်။

လူတို့အား ရိုးသားရန် တောင်းဆိုသည့် ဘုရားသခင်၏ တောင်းဆိုချက်ထက် မည်သည့်အရာမျှ ပို၍ အရေးမပါပေ။ ဘုရားသခင်သည် လူတို့အား သူ၏ ရှေ့တွင် အသက်ရှင်ရန်၊ သူ၏ စိစစ်မှုကို လက်ခံရန်၊ အလင်းထဲတွင် အသက်ရှင်ရန် တောင်းဆိုနေသည်။ ရိုးသားသူများသာ စစ်မှန်သော လူသားမျိုးနွယ်ဝင်များ ဖြစ်သည်။ မရိုးသားသောသူများသည် သားရဲတိရစ္ဆာန်များဖြစ်သည်။ လူသား၏ အဝတ်အစားဖြင့် သွားလာနေကြသော တိရစ္ဆာန်များဖြစ်သည်။ လူသားများမဟုတ်ပေ။ ရိုးသားသူတစ်ယောက်ဖြစ်ခြင်းကို လိုက်စားရန်အတွက် ဘုရားသခင်၏ သတ်မှတ်ချက်များနှင့်အညီ ပြုမူရမည်။ သင်သည် တရားစီရင်ခြင်း၊ ပြစ်တင်ဆုံးမခြင်းနှင့် ပြုပြင်ခြင်းတို့ကို ကြုံရမည်။ သင်၏ ဖောက်ပြန်ပျက်စီးသော စိတ်သဘောထားက သန့်စင်သွားပြီး သမ္မာတရားအား လက်တွေ့လုပ်ဆောင်နိုင်ကာ ဘုရားနှုတ်ကပတ်တော်အတိုင်း အသက်ရှင်နိုင်သောအခါ ထိုအခါမှသာ သင်သည် ရိုးသားသူတစ်ယောက်ဖြစ်လိမ့်မည်။ မသိနားမလည်သော၊ မိုက်မဲသော၊ မာယာကင်းသောသူများသည် လုံးဝ ရိုးသားသူများမဟုတ်ပေ။ ဘုရားသခင်သည် လူတို့အား ရိုးသားရန် တောင်းဆိုခြင်းအားဖြင့်၊ သူသည် လူတို့အား သာမန်လူ့သဘာဝကို ပိုင်ဆိုင်ရန်၊ ၎င်းတို့၏ လှည့်စားခြင်းနှင့် အယောင်ဆောင်ခြင်းကို ဖယ်ရှားရန်၊ အခြားလူများကို လိမ်ညာခြင်း၊ လှည့်စားခြင်းမပြုရန်၊ ၎င်းတို့၏ တာဝန်ကို သစ္စာရှိစွာဖြင့် ထမ်းဆောင်ရန်နှင့်သူ့အား အမှန်တကယ် ချစ်ပြီး ကျိုးနွံနာခံနိုင်ရန် တောင်းဆိုနေခြင်းဖြစ်သည်။ ဤပုဂ္ဂိုလ်များသည်သာ ဘုရားသခင်၏ နိုင်ငံတော်သားများ ဖြစ်သည်။ လူတို့အား ခရစ်တော်၏ စစ်သားကောင်းများဖြစ်ရန် ဘုရားသခင်က တောင်းဆိုသည်။ ခရစ်တော်၏ စစ်သားကောင်းများဆိုသည်မှာ အဘယ်နည်း။ ၎င်းတို့သည် သမ္မာတရား စစ်မှန်မှုဖြင့် ပြင်ဆင်ထားပြီး ခရစ်တော်နှင့် စိတ်နှလုံး တစ်လုံးတစ်ဝတည်းရှိရမည်။ အချိန်မရွေး၊ နေရာမရွေး ဘုရားသခင်ကို ချီးမြှောက်ပြီး သက်သေခံနိုင်ရမည်။ စာတန်နှင့် စစ်ပွဲဆင်နွှဲရန် သမ္မာတရားကို အသုံးပြုနိုင်ရမည်။ အရာခပ်သိမ်းတွင် ဘုရားသခင်ဘက်မှ ရပ်တည်ရမည်။ သက်သေခံရမည်။ သမ္မာတရား စစ်မှန်မှုအတိုင်း အသက်ရှင်နေထိုင်ရမည်။ ၎င်းတို့သည် စာတန်ကို အရှက်ရစေပြီး ဘုရားသခင်အတွက် အံ့ဖွယ်ကောင်းသော အောင်မြင်မှုများကို ရယူနိုင်ရမည်။ ဤသည်မှာ ခရစ်တော်၏ စစ်သားကောင်းများဖြစ်ခြင်းဟု ဆိုလိုသည့်အရာ ဖြစ်သည်။ ခရစ်တော်၏ စစ်သားကောင်းများမှာ အောင်မြင်သူများဖြစ်သည်။ စာတန်ကို အောင်မြင်သူများဖြစ်သည်။ ဘုရားသခင်က လူတို့အား ရိုးသားရန်၊ လှည့်စားခြင်းမပြုရန် တောင်းဆိုရာတွင် သူသည် လူတို့အား ငတုံးငအများဖြစ်ရန် တောင်းဆိုခြင်းမဟုတ်ဘဲ ၎င်းတို့၏ လှည့်စားသော စိတ်သဘောထားများကို ဖယ်ရှားရန်၊ ဘုရားသခင်အား ကျိုးနွံနာခံခြင်းကို ရရှိပြီး ဘုရားသခင်အပေါ် ဘုန်းအသရေကို ယူဆောင်ရန် တောင်းဆိုခြင်းဖြစ်သည်။ ဤသည်မှာ သမ္မာတရားအား လက်တွေ့လုပ်ဆောင်ခြင်းအားဖြင့် ရရှိနိုင်သည့်အရာဖြစ်သည်။ ဤသည်မှာ မိမိ၏ အပြုအမူ ပြောင်းလဲခြင်းမဟုတ်။ ပို၍စကားပြောဆိုခြင်း၊ သို့မဟုတ် လျော့၍ စကားပြောဆိုခြင်းနှင့် မသက်ဆိုင်သကဲ့သို့ ပြုမူဆောင်ရွက်သည့်ပုံစံနှင့်လည်း မသက်ဆိုင်ပေ။ ထိုထက် မိမိ၏ ပြောဆိုပြုမူမှုများနောက်ကွယ်ရှိ ရည်ရွယ်ချက်၊ မိမိ၏ အတွေးများ၊ အယူအဆများ၊ ရည်မှန်းချက်များ၊ လိုအင်ဆန္ဒများနှင့် သက်ဆိုင်သည်။ ဖောက်ပြန်ပျက်စီးသော စိတ်သဘောထား ထုတ်ဖော်ပြမှုနှင့် လည်းကောင်း၊ မှားယွင်းခြင်းနှင့်လည်းကောင်း သက်ဆိုင်သောအရာမှန်သမျှသည် အရင်းအမြစ်မှနေ၍ ပြောင်းလဲရမည်။ ဤသို့အားဖြင့် သမ္မာတရားနှင့် ကိုက်ညီမည်ဖြစ်သည်။ စိတ်သဘောထားပြောင်းလဲခြင်းကို စွမ်းဆောင်ရရှိဖို့ဆိုလျှင် စာတန်၏ စိတ်သဘောထား အနှစ်သာရကို ရိပ်စားနိုင်ရမည်။ သင်သည် လှည့်စားသော စိတ်သဘောထား၏ အနှစ်သာရကို ရိပ်စားနိုင်လျှင်၊ ယင်းသည် စာတန်၏ စိတ်သဘောထားဖြစ်ပြီး နတ်ဆိုး၏ စရိုက်ဖြစ်သည်ကို မြင်နိုင်လျှင်၊ စာတန်ကို မုန်းတီးပြီး နတ်ဆိုးကို စွန့်ပစ်နိုင်လျှင် သင်၏ ဖောက်ပြန်ပျက်စီးသော စိတ်သဘောထားကို ဖယ်ရှားရန် သင့်အတွက် လွယ်ကူလိမ့်မည်။ သင့်အတွင်းတွင် လှည့်စားသော အခြေအနေရှိသည်ကို သင်မသိလျှင်၊ လှည့်စားသော စိတ်သဘောထား ထုတ်ဖာ်ပြမှုများကို သင် သတိပြုမိလျှင်၊ ဤအရာကို ဖြေရှင်းရန်အတွက် သမ္မာတရားအား မည်သို့ရှာဖွေရမည်ကို သင် သိလိမ့်မည်မဟုတ်ပေ။ သင်၏ လှည့်စားသောစိတ်သဘောထားကို ပြောင်းလဲရန် ခက်ခဲလိမ့်မည်။ သင်သည် သင့်ထဲတွင် မည်သည့်အရာများ ထုတ်ဖော်ပြသည်၊ ထိုအရာများသည် ဖောက်ပြန်ပျက်စီးသော စိတ်သဘောထား၏ မည်သည့်သွင်ပြင်လက္ခဏာဖြစ်သည်တို့ကို ဦးစွာ သိမြင်ရမည်။ သင် ထုတ်ဖော်ပြသောအရာများသည် လှည့်စားသော စိတ်သဘောထားနှင့်သက်ဆိုင်လျှင် သင်၏ စိတ်နှလုံးမှ ယင်းကို မုန်းလိမ့်မည်လော။ သင် မုန်းလျှင်၊ မည်သို့ပြောင်းလဲသင့်သနည်း။ သင်၏ ရည်ရွယ်ချက်များကို သင် ပြုပြင်ပြီး သင်၏ အမြင်များကို အမှန်ပြင်ရမည်။ သင်၏ ပြဿနာများကို ဖြေရှင်းရန်အတွက် ဤကိစ္စနှင့်ပတ်သက်ပြီး သမ္မာတရားကို သင် ဦးစွာ ရှာဖွေရမည်။ ဘုရားသခင်တောင်းဆိုသည့်အရာကို ရရှိပြီး သူ့ကို ကျေနပ်စေရန် ကြိုးပမ်းရမည်။ ဘုရားသခင်၊ သို့မဟုတ် အခြားလူများနှင့် အနည်းငယ်မိုက်မဲသော၊ မသိနားမလည်သောသူများကိုပင် လှည့်စားဖို့ မကြိုးစားသောသူတစ်ယောက် ဖြစ်လာရမည်။ မိုက်မဲပြီး မသိနားမလည်သော သူတစ်ယောက်ကို လှည့်စားဖို့ ကြိုးစားခြင်းသည် အလွန်ပင် အကျင့်ပျက်ပေသည်။ ဤသို့လုပ်ဆောင်ခြင်းသည် သင့်အား နတ်ဆိုးဖြစ်စေသည်။ သင်သည် ရိုးသားသောသူတစ်ယောက်ဖြစ်ရန်အတွက် မည်သူ့ကိုမဆို လှည့်စားခြင်း၊ လိမ်ညာခြင်းမပြုရပေ။ သို့ရာတွင် နတ်ဆိုးများနှင့် စာတန်ကိုမူ သင်၏ စကားများကို ဉာဏ်ရှိရှိဖြင့် ရွေးချယ်ရမည်။ မရွေးချယ်လျှင်၊ သင်သည် ၎င်းတို့၏ အရူးလုပ်ခြင်းကို ခံရပြီး ဘုရားသခင်အား အရှက်ရစေဖို့ ဖြစ်နိုင်ခြေရှိသည်။ သင်၏ စကားများကို ဉာဏ်ရှိစွာ ရွေးချယ်ပြီး သမ္မာတရားအား လက်တွေ့လုပ်ဆောင်ခြင်းအားဖြင့်သာ စာတန်ကို အောင်မြင်ပြီး အရှက်ရစေနိုင်လိမ့်မည်။ မသိနားမလည်သောလူများ၊ မိုက်မဲပြီး၊ ခေါင်းမာသောသူများသည် သမ္မာတရားကို မည်သည့်အခါမျှ နားလည်နိုင်လိမ့်မည်မဟုတ်ပေ။ ၎င်းတို့သည် စာတန်က အထင်အမြင်မှားစေခြင်း၊ ဆော့ကစားခြင်း၊ နင်းခြေခြင်းကိုသာ ခံရနိုင်ပြီး အဆုံးတွင် ဝါးမြိုခြင်းကို ခံရနိုင်သည်။

ဆက်လက်၍ လေးခုမြောက် စိတ်သဘောထားအမျိုးအစားကို ပြောကြစို့။ စုဝေးပွဲများပြုလုပ်စဉ်အချိန်တွင် လူအချို့သည် ၎င်းတို့ကိုယ်တိုင်၏ အခြေအနေများနှင့်ပတ်သက်ပြီး အနည်းငယ် မိတ်သဟာယဖွဲ့နိုင်သော်လည်း၊ ပြဿနာ၏ အနှစ်သာရနှင့်ပတ်သက်လာသည့်အခါ၊ ၎င်းတို့၏ တစ်ကိုယ်ရေရည်ရွယ်ချက်များ၊ အယူအဆများနှင့်ပတ်သက်လာသည့်အခါ၊ ၎င်းတို့ ခေါင်းရှောင်လာကြသည်။ လူတို့က ၎င်းတို့ကို ရည်ရွယ်ချက်များ၊ ရည်မှန်းချက်များရှိသည်ဟု ဖော်ထုတ်သောအခါ ၎င်းတို့က ခေါင်းညိတ်ပြီး ဝန်ခံသည့် ပုံစံရှိသည်။ သို့သော် လူတို့က မည်သည့်အရာကိုဆို ပို၍ နက်နဲစွာ ဖော်ထုတ်ရန်၊ သို့မဟုတ် စိတ်ဖြာလေ့လာဆွေးနွေးရန် ကြိုးစားသောအခါ ၎င်းတို့က မခံနိုင်ပေ။ ထ၍ ထွက်သွားကြသည်။ ၎င်းတို့သည် အဘယ်ကြောင့် အရေးပါသောအချိန်တွင် အခွင့်အရေးကို လက်လွတ်ဆုံးရှုံးကြသနည်း။ (၎င်းတို့သည် သမ္မာတရားကို လက်မခံသကဲ့သို့ ၎င်းတို့၏ ကိုယ်ပိုင်ပြဿနာများကို ရင်ဆိုင်လိုစိတ်မရှိကြသောကြောင့်ဖြစ်သည်။) ဤသည်မှာ စိတ်သဘောထား၏ ပြဿနာတစ်ခုဖြစ်သည်။ ၎င်းတို့သည် ၎င်းတို့အတွင်းတွင်ရှိသော ပြဿနာများကို ဖြေရှင်းရန်အလို့ငှာ သမ္မာတရားကို ရှာဖွေရန် မလိုလားသောအခါ ဤသည်မှာ ၎င်းတို့သည် သမ္မာတရားကို ကြိုက်နှစ်သက်ခြင်းမရှိဟု မဆိုလိုသလော။ အချို့သော ခေါင်းဆောင်များ၊ အမှုဆောင်များသည် မည်သို့သော တရားဒေသနာမျိုးကို ကြားနာလိုစိတ် မရှိဆုံးဖြစ်သနည်း။ (အန္တိခရစ်များနှင့် အယောင်ဆောင်ခေါင်းဆောင်များကို မည်သို့ ပိုင်းခြားသိမြင်ရမည်နှင့် သက်ဆိုင်သည့် တရားဒေသနာများဖြစ်သည်။) မှန်သည်။ ၎င်းတို့က “အန္တိခရစ်များနှင့် အယောင်ဆောင်ခေါင်းဆောင်များကို ခွဲခြားဖော်ထုတ်ခြင်းနှင့် ဖာရိရှဲများအကြောင်း ပြောဆိုခြင်းများအားလုံးကို အဘယ်ကြောင့် ဆက်၍ များစွာပြောဆိုနေသနည်း။ သင့်ကြောင့် ငါစိတ်ဖိစီးသည်” ဟူ၍ စဉ်းစားကြသည်။ အယောင်ဆောင်ခေါင်းဆောင်များနှင့် အမှုဆောင်များကို ခွဲခြားဖော်ထုတ်ခြင်းအား ဆွေးနွေးပြောဆိုခြင်းရှိမည်ကို ကြားလျှင် ၎င်းတို့သည် ထွက်သွားရန်အတွက် မည်သည့်ဆင်ခြေကိုမဆို ရှာကြသည်။ ဤတွင် “ထွက်သွားရန်” ဆိုသည်မှာ မည်သည့်အရာကို ဆိုလိုသနည်း။ ဤသည်မှာ အခွင့်အရေးကို လက်လွတ်ဆုံးရှုံးခြင်း၊ ပုန်းကွယ်ခြင်းကို ရည်ညွှန်းသည်။ ၎င်းတို့သည် အဘယ်ကြောင့် ပုန်းကွယ်ဖို့ ကြိုးစားသနည်း။ အခြားလူများက အမှန်တရားများကို ပြောသောအခါ သင်သည် နားထောင်သင့်သည်။ နားထောင်ခြင်းက သင့်အတွက် ကောင်းသည်။ ပြင်းထန်သော၊ သို့မဟုတ် လက်ခံရန် ခက်ခဲသည်ဟု သင်မြင်သောအရာများကို ချရေးပြီး မှတ်သားလော့။ ထို့နောက်တွင် ဤအရာများကို မကြာခဏ စဉ်းစားသင့်သည်။ ဖြည်းဖြည်း လက်ခံပြီး ဖြည်းဖြည်း ပြောင်းလဲသင့်သည်။ ဤသို့ဆိုလျှင် အဘယ်ကြောင့် ပုန်းကွယ်ကြသနည်း။ ဤဝေဖန်အပြစ်တင်သည့်စကားများသည် အလွန်ပြင်းထန်သည်၊ နားထောင်ဖို့ မလွယ်ကူဟု ဤသို့သောသူများက ခံစားရသည်။ ထို့ကြောင့် ၎င်းတို့အတွင်းတွင် အာခံခြင်း၊ ရွံ့မုန်းခြင်းဖြစ်လာသည်။ ၎င်းတို့က “ငါသည် အန္တိခရစ်၊ သို့မဟုတ် အယောင်ဆောင်ခေါင်းဆောင်မဟုတ်ပါ။ အဘယ်ကြောင့် ငါ့အကြောင်းကို ဆက်၍ပြောနေသနည်း။ အခြားလူများအကြောင်းကို အဘယ်ကြောင့်မပြောသနည်း။ ဆိုးယုတ်သောလူများကို ခွဲခြားဖော်ထုတ်ခြင်းအကြောင်းကို တစ်ခုခုပြောပါ။ ငါ့အကြောင်းကို မပြောနှင့်” ဟူ၍ မိမိတို့ဘာသာ ပြောဆိုကြသည်။ ၎င်းတို့သည် ရှောင်လွှဲလာပြီး ဆန့်ကျင်လာသည်။ ဤသည်မှာ မည်သည့်စိတ်သဘောထားဖြစ်သနည်း။ ၎င်းတို့သည် သမ္မာတရားကို လက်ခံလိုစိတ်မရှိလျှင်၊ မိမိတို့ကိုယ်ကို ခုခံကာကွယ်လျက် အစဉ်သဖြင့် ကျိုးကြောင်းပြပြောဆိုပြီး ငြင်းခုံနေလျှင် ဤတွင် ဖောက်ပြန်ပျက်စီးသော စိတ်သဘောထား၏ ပြဿနာတစ်ခုမရှိသလော။ ဤသည်မှာ သမ္မာတရားအား မနှစ်သက်ခြင်းစိတ်သဘောထားဖြစ်သည်။ ခေါင်းဆောင်များ၊ အမှုဆောင်များတွင် ဤအခြေအနေမျိုးရှိသည်။ ဤသို့ဆိုလျှင် သာမန်ညီအစ်ကိုမောင်နှမများတွင် အဘယ်သို့ဖြစ်သနည်း။ (၎င်းတို့တွင်လည်း ဤအခြေအနေမျိုးရှိပါသည်။) လူတိုင်းက ပထမဆုံး တွေ့ဆုံသောအခါတွင် ၎င်းတို့အားလုံးသည် အလွန်ချစ်ခင်တတ်ကြပြီး စကားများနှင့် အယူဝါဒများကို သံယောင်လိုက်ပြီးပြောဖို့ အလွန်နှစ်သက်ကြသည်။ ၎င်းတို့အားလုံးက သမ္မာတရားကို ချစ်သည်ဟု ထင်ရသည်။ သို့သော် တစ်ကိုယ်ရေပြဿနာများ၊ တကယ့်အခက်အခဲများနှင့်ပတ်သက်လာသည့်အခါ၊ လူများစွာက ဆွံ့အသွားကြသည်။ ဥပမာ လူအချို့သည် အိမ်ထောင်အားဖြင့် စဉ်ဆက်မပြတ် ချုပ်ချယ်ခြင်းခံရသည်။ ၎င်းတို့သည် တာဝန်ထမ်းဆောင်လိုစိတ်၊ သို့မဟုတ် သမ္မာတရားအား လိုက်စားလိုစိတ်မရှိဖြစ်လာကြသည်။ အိမ်ထောင်သည် ၎င်းတို့၏ အကြီးဆုံး အတားအဆီးနှင့် အကြီးဆုံး ဝန်ထုပ်ဝန်ပိုးဖြစ်လာသည်။ စုဝေးပွဲများတွင် လူတိုင်းက ဤအခြေအနေကို မိတ်သဟာယဖွဲ့သောအခါတွင် ၎င်းတို့သည် အခြားလူများ မိတ်သဟာယဖွဲ့သည့် စကားများကို ၎င်းတို့ကိုယ်တိုင်နှင့် ယှဉ်ကြည့်ပြီး ၎င်းတို့အကြောင်းကို ပြောနေသည်ဟု ခံစားကြရသည်။ ၎င်းတို့က “သင်တို့က သမ္မာတရားအား မိတ်သဟာယဖွဲ့ခြင်းသည် ကျွန်ုပ်အတွက် ပြဿနာမရှိပါ။ သို့သော် အဘယ်ကြောင့် ကျွန်ုပ်အကြောင်း ထုတ်ပြောသနည်း။ သင်တို့တွင် မည်သည့်ပြဿနာမျှမရှိသလော။ အဘယ်ကြောင့် ကျွန်ုပ်အကြောင်းကိုသာ ပြောသနည်း” ဟူ၍ ဆိုကြသည်။ ဤသည်မှာ မည်သည့် စိတ်သဘောထားဖြစ်သနည်း။ သင်တို့သည် သမ္မာတရားကို မိတ်သဟာယဖွဲ့ရန် စုဝေးသောအခါ တကယ့်ပြဿနာများကို ပိုင်းခြားစိစစ်ပြီး လူတိုင်းအား ဤပြဿနာများနှင့်ပတ်သက်၍ ၎င်းတို့၏ နားလည်မှုကို ပြောခွင့်ပြုရမည်။ ထိုအခါမှသာ သင်တို့သည် မိမိကိုယ်ကို သိမြင်ပြီး သင်တို့၏ ပြဿနာများကို ဖြေရှင်းနိုင်သည်။ လူတို့သည် ဤအရာကို အဘယ်ကြောင့် လက်မခံနိုင်သနည်း။ လူတို့သည် ပြုပြင်ခြင်းကို လက်ခံနိုင်စွမ်းမရှိသကဲ့သို့ သမ္မာတရားကို လက်မခံနိုင်သောအခါ မည်သည့်စိတ်သဘောထားဖြစ်သနည်း။ သင်တို့သည် ဤအရာကို ရှင်းလင်းစွာ ပိုင်းခြားသိမြင်သင့်သည် မဟုတ်လော။ ဤအရာအားလုံးသည် သမ္မာတရားအား မနှစ်သက်ခြင်း၏ သရုပ်သကန်များ ဖြစ်သည်။ ဤသည်မှာ ပြဿနာ၏ အနှစ်သာရဖြစ်သည်။ လူတို့သည် သမ္မာတရားကို မနှစ်သက်သောအခါ၊ သမ္မာတရားကို လက်ခံရန် ၎င်းတို့အတွက် အလွန်ခက်ခဲသည်။ ၎င်းတို့သည် သမ္မာတရားကို လက်မခံနိုင်လျှင် ၎င်းတို့၏ ဖောက်ပြန်ပျက်စီးသော စိတ်သဘောထားက ပြုပြင်၍ ရနိုင်သလော။ (မရနိုင်ပါ။) ဤသို့ဆိုလျှင် ဤသို့သောသူတစ်ယောက်၊ သမ္မာတရားကို လက်ခံနိုင်စွမ်းမရှိသောသူတစ်ယောက်သည် သမ္မာတရားကို လက်ခံရရှိနိုင်သလော။ ဘုရားသခင်၏ ကယ်တင်ခြင်းကို ခံရနိုင်သလော။ သေချာပေါက် မခံရနိုင်ပေ။ သမ္မာတရားကို လက်မခံသောသူတို့သည် ဘုရားသခင်ကို ရိုးသားစစ်မှန်စွာ ယုံကြည်သလော။ လုံးဝ မယုံကြည်ပေ။ ဘုရားသခင်ကို အမှန်တကယ် ယုံကြည်သောသူတို့၏ အရေးကြီးဆုံး သွင်ပြင်လက္ခဏာသည် သမ္မာတရားကို လက်ခံနိုင်ခြင်းဖြစ်သည်။ သမ္မာတရားကို လက်မခံနိုင်သောသူတို့သည် ဘုရားသခင်အား လုံးဝ ရိုးသားစစ်မှန်စွာ မယုံကြည်ပေ။ ထိုသို့သောသူတို့သည် တရားဒေသနာဟောကြားနေစဉ်တွင် ငြိမ်သက်စွာ ထိုင်နိုင်သလော။ ၎င်းတို့သည် တစ်ခုတလေကို ရရှိနိုင်သလော။ မရရှိနိုင်ပေ။ ဤသည်မှာ အဘယ်ကြောင့်ဆိုသော် တရားဒေသနာများသည် လူတို့၏ အမျိုးမျိုးသော ဖောက်ပြန်ပျက်စီးသည့် အခြေအနေများကို ဖော်ထုတ်သောကြောင့်ဖြစ်သည်။ ဘုရားနှုတ်ကပတ်တော်များ၏ ပိုင်းခြားစိစစ်ခြင်းမှတစ်ဆင့် လူတို့သည် အသိပညာကို ရရှိသည်။ ထို့နောက် လက်တွေ့လုပ်ဆောင်မှု စည်းမျဉ်းများကို ဆက်လက်၍ မိတ်သဟာယဖွဲ့ခြင်းအားဖြင့် ၎င်းတို့သည် လက်တွေ့လုပ်ဆောင်မှုလမ်းကြောင်းတစ်ခုကို ရရှိသည်။ ဤသို့ဖြင့် အကျိုးသက်ရောက်မှုတစ်ခုကို ရရှိပေသည်။ ထိုသို့သောလူတို့သည် ဖော်ထုတ်ခံရသည့်အခြေအနေက ၎င်းတို့နှင့် ဆက်စပ်ကြောင်း၊ ၎င်းတို့၏ ကိုယ်ပိုင်ပြဿနာများနှင့် ဆက်စပ်ကြောင်းကို ကြားသောအခါတွင် ၎င်းတို့၏ ရှက်ရွံ့မှုသည် ၎င်းတို့အား ဒေါသထွက်စေပြီး စုဝေးပွဲမှပင် ထ၍ ပြန်ကောင်းပြန်နိုင်သည်။ ၎င်းတို့သည် မပြန်လျှင်ပင် စိတ်ထဲတွင် စိတ်တိုလာပြီး မတရားခံရသလို စတင်ခံစားရနိုင်သည်။ ထိုအခြေအနေတွင် ၎င်းတို့အနေဖြင့် စုဝေးပွဲတက်ခြင်း၊ သို့မဟုတ် တရားဒေသနာနားထောင်ခြင်းက အဓိပ္ပာယ်မရှိပေ။ တရားဒေသနာများအား နားထောင်ရခြင်း၏ ရည်ရွယ်ချက်သည် သမ္မာတရားကို နားလည်ပြီး မိမိ၏ တကယ့်ကိုယ်ပိုင်ပြဿနာများကို ဖြေရှင်းရန်မဟုတ်သလော။ သင်သည် သင်၏ ကိုယ်ပိုင်ပြဿနာများ ဖော်ထုတ်ခံရမည်ကို အစဉ်ကြောက်နေလျှင်၊ သင့်အကြောင်းထုတ်ပြောခံရမည်ကို စဉ်ဆက်မပြတ် ကြောက်ရွံ့နေလျှင် အဘယ်ကြောင့် ဘုရားသခင်ကို ယုံကြည်နေသေးသနည်း။ သင်၏ ယုံကြည်ခြင်းတွင် သမ္မာတရားကို လက်မခံနိုင်လျှင် သင်သည် ဘုရားသခင်ကို အမှန်တကယ် မယုံကြည်ပေ။ သင်သည် ဖော်ထုတ်ခံရမည်ကို အမြဲ ကြောက်နေလျှင် သင်၏ ဖောက်ပြန်ပျက်စီးမှုပြဿနာကို အဘယ်သို့ ဖြေရှင်းနိုင်မည်နည်း။ သင်၏ ဖောက်ပြန်ပျက်စီးမှု ပြဿနာကို မဖြေရှင်းနိုင်လျှင် ဘုရားသခင်အား ယုံကြည်ခြင်းသည် မည်သည့် အဓိပ္ပာယ်ရှိသနည်း။ ဘုရားသခင်အား ယုံကြည်ခြင်း၏ ရည်ရွယ်ချက်သည် ဘုရားသခင်၏ ကယ်တင်ခြင်းကို လက်ခံရရှိဖို့၊ သင်၏ ဖောက်ပြန်ပျက်စီးသော စိတ်သဘောထားအား ဖယ်ရှားဖို့၊ စစ်မှန်သော လူသားပုံသဏ္ဍန်ကို အသက်ရှင်နေထိုင်ဖို့ဖြစ်ပြီး ထိုအရာအားလုံးကို သမ္မာတရားအား လက်ခံခြင်းမှတစ်ဆင့် ရရှိပေသည်။ သင်သည် သမ္မာတရားကို လုံးဝ လက်မခံနိုင်လျှင်၊ သို့မဟုတ် ပြုပြင်ခြင်းနှင့် ဖော်ထုတ်ခံရခြင်းကိုပင် လက်မခံနိုင်လျှင် ဘုရားသခင်၏ ကယ်တင်ခြင်းကို ရယူဖို့ မဖြစ်နိုင်ပေ။ ထို့ကြောင့် ငါ့အား ပြောလော့။ အသင်းတော်အသီးသီးတွင် သမ္မာတရားကို လက်ခံနိုင်သူ မည်မျှရှိသနည်း။ သမ္မာတရားကို လက်မခံနိုင်သူများသည် များပြားသလော၊ နည်းပါးသလော။ (များပြားသည်။) ဤအခြေအနေသည် အသင်းတော်များရှိ ရွေးချယ်ခြင်းခံရသူများကြားတွင် အမှန်တကယ် တည်ရှိသလော။ ဤသည်မှာ တကယ့်ပြဿနာတစ်ခုဖြစ်သလော။ သမ္မာတရားကို လက်မခံနိုင်သူ၊ ပြုပြင်ခြင်းကို လက်မခံနိုင်သူအားလုံးသည် သမ္မာတရားကို မနှစ်သက်ကြပေ။ သမ္မာတရားအား မနှစ်သက်ခြင်းသည် ဖောက်ပြန်ပျက်စီးသော စိတ်သဘောထားတစ်မျိုးဖြစ်သည်။ ဤစိတ်သဘောထားကို မပြောင်းလဲနိုင်လျှင် ၎င်းတို့ ကယ်တင်ခြင်းခံရနိုင်သလော။ သေချာပေါက် မခံရနိုင်ပေ။ ယခုအခါတွင် လူများစွာတို့သည် သမ္မာတရားကို လက်ခံရန် အခက်အခဲဖြစ်ကြသည်။ ဤသည်မှာ လွယ်ကူခြင်း လုံးဝမရှိပေ။ ဤအရာကို ဖြေရှင်းရန် လူတစ်ယောက်သည် ဘုရားသခင်၏ တရားစီရင်ခြင်း၊ ပြစ်တင်ဆုံးမခြင်း၊ စမ်းသပ်ခြင်းများနှင့် စစ်ဆေးခြင်းတို့ကို တွေ့ကြုံရမည်။ ဤသို့ဆိုလျှင် သင်တို့ အဘယ်သို့ထင်သနည်း။ လူတို့သည် ပြုပြင်ခြင်းကိုလက်ခံနိုင်စွမ်းမရှိသောအခါတွင်၊ ဘုရားနှုတ်ကပတ်တော်နှင့်၊ သို့မဟုတ် တရားဒေသနာများဟောစဉ်အချိန်အတွင်း ဖော်ထုတ်ခံရသောအခြေအနေများနှင့် မိမိတို့ကိုယ်ကို နှိုင်းယှဉ်ခြင်းမရှိသောအခါတွင် ယင်းသည် မည်သည့်စိတ်သဘောထားဖြစ်သနည်း။ (သမ္မာတရားအား မနှစ်သက်သည့် စိတ်သဘောထားဖြစ်သည်။) ဤသည်မှာ လေးခုမြောက် ဖောက်ပြန်ပျက်စီးသော စိတ်သဘောထားဖြစ်သည်။ သမ္မာတရားအား မနှစ်သက်ခြင်းဖြစ်သည်။ မည်မျှ မနှစ်သက်သနည်း။ (ဘုရားနှုတ်ကပတ်တော်ကို ဖတ်ရန်၊ သို့မဟုတ် တရားဒေသနာများကို နားထောင်ရန် ဆန္ဒမရှိကြပေ။ သမ္မာတရားကို မိတ်သဟာယဖွဲ့ရန် ဆန္ဒမရှိကြပေ။) ဤအရာတို့သည် အသိသာဆုံး သရုပ်သကန်များဖြစ်သည်။ ဥပမာ တစ်စုံတစ်ယောက်က “သင်သည် ဘုရားသခင်ကို အမှန်တကယ် ယုံကြည်သည်။ တာဝန်ထမ်းဆောင်ရန်အတွက် မိသားစုနှင့် အသက်မွေးအလုပ်ကို ဘေးဖယ်ထားသည်။ ယခင်သုံးလေးနှစ်တွင် များစွာ ဒုက္ခခံခဲ့ပြီး အတော်အတန်ကြီးသော အဖိုးအခကို ပေးဆပ်ခဲ့သည်။ ဘုရားသခင်က ထိုသို့သောသူများကို ကောင်းချီးပေးသည်။ ဘုရားသခင်အတွက် ရိုးသားစစ်မှန်စွာ အသုံးခံသူများသည် ကြီးစွာ ကောင်းချီးခံစားရမည်ဟု ဘုရားနှုတ်ကပတ်တော်ကဆိုသည်” ဟူ၍ ပြောသောအခါတွင် သင်က အာမင်ဟု ဆိုပြီး ထိုသို့သောသမ္မာတရားများကို လက်ခံသည်။ သို့ရာတွင် ထိုသူက “သို့သော် သင်သည် သမ္မာတရားအတွက် ဆက်၍ ကြိုးပမ်းရမည်။ လူတို့သည် ၎င်းတို့လုပ်ဆောင်ရာတွင် အစဉ်သဖြင့် ရည်ရွယ်ချက်များရှိလျှင်၊ ၎င်းတို့၏ ကိုယ်ပိုင်ရည်ရွယ်ချက်များအတိုင်း အစဉ်သဖြင့် ထင်ရာစိုင်းလျှင် ၎င်းတို့သည် အနှေးနှင့် အမြန် ဘုရားသခင်ကို ပုန်ကန်ပြစ်မှားပြီး ဘုရားသခင်အား စက်ဆုပ်ရွံရှာစေမည်ဖြစ်သည်”ဟု ဆက်၍ ပြောသောအခါတွင်၊ ထိုသူက ဤသို့သောအရာများကို ပြောသောအခါတွင် သင်က လက်မခံနိုင်ပေ။ သမ္မာတရားအား မိတ်သဟာယဖွဲ့သည်ကို သင် ကြားသောအခါတွင် လက်ခံနိုင်စွမ်းမရှိရုံမကဘဲ စိတ်လည်းဆိုးပြီး သင်၏ စိတ်တွင် “သင်တို့သည် တစ်နေကုန် သမ္မာတရားကို မိတ်သဟာယဖွဲ့လျက်ရှိကြသည်။ သို့သော် သင်တို့ထဲမှ မည်သူက ကောင်းကင်ဘုံသို့သွားသည်ကို ငါ မတွေ့ရသေး” ဟူ၍ ခွန်းတုံ့ပြန်သည်။ ဤသည်မှာ မည်သည့်စိတ်သဘောထားဖြစ်သနည်း။ (သမ္မာတရားအား မနှစ်သက်ခြင်းဖြစ်သည်။) အပြောအဆိုများက လက်တွေ့လုပ်ဆောင်မှုအဖြစ် ပြောင်းသွားသောအခါ၊ လူတို့က သင်နှင့်ပတ်သက်၍ အလေးအနက်ထားသောအခါ သင့်တွင် ငြင်းဆန်တွန်းလှန်ခြင်း၊ စိတ်မရှည်ခြင်း၊ အတိုက်အခံပြုခြင်းတို့ ပြသသည်။ ဤသည်မှာ သမ္မာတရားအား မနှစ်သက်ခြင်းဖြစ်သည်။ သမ္မာတရားအား မနှစ်သက်ခြင်းဖြစ်သော စိတ်သဘောထားမျိုးသည် အဓိကအားဖြင့် မည်သို့ထင်ရှားသနည်း။ ပြုပြင်ခြင်းကို လက်ခံရန် ငြင်းဆန်ခြင်းတွင် ဖြစ်သည်။ ပြုပြင်ခြင်းကို လက်မခံခြင်းသည် ဤစိတ်သဘောထားမျိုးက ဖော်ပြသည့် အခြေအနေတစ်မျိုးဖြစ်သည်။ ဤလူတို့သည် ပြုပြင်ခြင်းခံရသောအခါ ၎င်းတို့၏ စိတ်နှလုံးတွင် အထူးပင် အတိုက်အခံဖြစ်သည်။ ၎င်းတို့က “ထိုအရာကို ငါမကြားချင်။ ထိုအရာကို ငါမကြားချင်” သို့မဟုတ် “အခြားလူများကို အဘယ်ကြောင့် ကိုင်တွယ်ဖြေရှင်းခြင်း မပြုသနည်း။ အဘယ်ကြောင့် ငါ့ကိုသာ ပြုလုပ်နေသနည်း” ဟု စဉ်းစားကြသည်။ သမ္မာတရားအား မနှစ်သက်ခြင်း၏ အဓိပ္ပာယ်မှာ အဘယ်နည်း။ သမ္မာတရားအား မနှစ်သက်ခြင်းသည် လူတစ်ယောက်က အပြုသဘောဆောင်သောအရာများနှင့်လည်းကောင်း၊ သမ္မာတရားနှင့်လည်းကောင်း၊ ဘုရားသခင် တောင်းဆိုသည့်အရာနှင့်လည်းကောင်း၊ သို့မဟုတ် ဘုရားသခင်၏ ရည်ရွယ်ချက်များနှင့်လည်းကောင်း သက်ဆိုင်သော မည်သည့်အရာကိုမဆို လုံးဝ စိတ်မဝင်စားသောအခါတွင်ဖြစ်သည်။ တစ်ခါတစ်ရံတွင် ၎င်းတို့သည် ဤအရာများကို မနှစ်သက်ပေ။ တစ်ခါတစ်ရံတွင် ၎င်းတို့သည် ဤအရာတို့ကို ငြင်းဆန်တွန်းလှန်ကြသည်။ တစ်ခါတစ်ရံတွင် ၎င်းတို့သည် ရိုသေလေးစားခြင်းမရှိဘဲ ဥပေက္ခာပြုကြပြီး ထိုအရာများကို အရေးမကြီးသောအရာအဖြစ် မှတ်ယူကြသည်။ ၎င်းတို့သည် ထိုအရာများအပေါ် ရိုးသားစစ်မှန်ခြင်းမရှိဘဲ ပြီးစလွယ်ပြုလုပ်ကြသည်၊ သို့မဟုတ် ထိုအရာများအတွက် တာဝန်ယူခြင်းမရှိကြပေ။ သမ္မာတရားအား မနှစ်သက်ခြင်းကို အဓိက ဖော်ပြခြင်းသည် သမ္မာတရားကို လူတို့ကြားသောအခါတွင် ငြင်းဆန်တွန်းလှန်ခြင်းမျှသာမဟုတ်ပေ။ သမ္မာတရားက ၎င်းတို့နှင့် မဆိုင်သကဲ့သို့ သမ္မာတရားအား လက်တွေ့လုပ်ဆောင်လိုစိတ်မရှိခြင်း၊ သမ္မာတရားအား လက်တွေ့လုပ်ဆောင်ရန် အချိန်ကျသောအခါ နောက်ဆုတ်ခြင်းတို့လည်း ပါဝင်သည်။ လူအချို့သည် စုဝေးပွဲများပြုလုပ်စဉ်အချိန်တွင် မိတ်သဟာယဖွဲ့သောအခါ အလွန်ပင် တက်ကြွသည့်ပုံရကြသည်။ ၎င်းတို့သည် အခြားလူများကို အမြင်မှားစေပြီး စည်းရုံးနိုင်ရန်အတွက် စကားများနှင့် အယူဝါဒများကို ထပ်ခါထပ်ခါပြောဆိုခြင်း၊ အဆင့်မြင့်သော ပြောဆိုချက်များပြုလုပ်ရခြင်းကို နှစ်သက်သည်။ ၎င်းတို့သည် ဤသို့လုပ်ဆောင်သောအခါတွင် အားအင်ပြည့်ဝပြီး တက်ကြွနေသည့် ပုံရသည်။ မရပ်မနား ဆက်၍ လုပ်ဆောင်ကြသည်။ ထိုစဉ်တွင် အခြားလူများမှာ ဘုရားနှုတ်ကပတ်တော်ကို ဖတ်လျက်၊ ဆုတောင်းလျက်၊ ဓမ္မသီချင်းများကို နားထောင်လျက်၊ ရေးမှတ်လျက်ဖြင့် ယုံကြည်ခြင်းနှင့်သက်ဆိုင်သော အကြောင်းကိစ္စများနှင့် မနက်မှ ညအထိ တစ်နေကုန် အလုပ်ရှုပ်နေကြသည်။ ဘုရားသခင်နှင့် အချိန်တစ်ခဏမျှပင် မခွဲခွာနိုင်သကဲ့သို့ဖြစ်ကြသည်။ ၎င်းတို့သည် အရုဏ်ဦးမှ မှောင်ရိပ်ပျိုးသည်အထိ တာဝန်ထမ်းဆောင်လျက် အလုပ်ရှုပ်နေကြသည်။ ဤလူတို့သည် သမ္မာတရားကို အမှန်တကယ် ချစ်သလော။ ၎င်းတို့တွင် သမ္မာတရားအား မနှစ်သက်သည့် စိတ်သဘောထားမရှိကြလေသလော။ ၎င်းတို့၏ တကယ့်အခြေအနေကို မည်သည့်အချိန်တွင် မြင်နိုင်သနည်း။ (သမ္မာတရားအား လက်တွေ့လုပ်ဆောင်ရန်အချိန်ကျသောအခါတွင် ၎င်းတို့ ထွက်ပြေးကြပြီး ပြုပြင်ခြင်းကို လက်ခံလိုစိတ်မရှိကြပေ။) ဤသည်မှာ ၎င်းတို့ကြားသည့်အရာကို နားမလည်သောကြောင့်ဖြစ်သလော၊ သို့မဟုတ် သမ္မာတရားကို လက်ခံလိုစိတ်မရှိခြင်းမှာ သမ္မာတရားကို နားမလည်သောကြောင့်ဖြစ်သလော။ အဖြေက ဤအရာတစ်ခုမျှမဟုတ်ပေ။ ၎င်းတို့သည် ၎င်းတို့သဘာဝ၏ အုပ်စိုးခြင်းကို ခံရသည်။ ဤသည်မှာ စိတ်သဘောထားနှင့်ဆိုင်သော ပြဿနာဖြစ်သည်။ ဤလူတို့၏ စိတ်နှလုံးတွင် ဘုရားနှုတ်ကပတ်တော်များသည် သမ္မာတရားဖြစ်သည်ကိုလည်းကောင်း၊ အပြုသဘောဆောင်သည်ကိုလည်းကောင်း၊ သမ္မာတရားအား လက်တွေ့လုပ်ဆောင်ခြင်းသည် လူတို့၏ စိတ်သဘောထားကို ပြောင်းလဲစေနိုင်ပြီး ဘုရားသခင်၏ ရည်ရွယ်ချက်များအား ဖြည့်ဆည်းနိုင်စေသည်ကိုလည်းကောင်း ကောင်းစွာသိသည်။ သို့သော် ၎င်းတို့သည် ဤအရာများကို လက်မခံပေ၊ သို့မဟုတ် လက်တွေ့မလုပ်ဆောင်ပေ။ ဤသည်မှာ သမ္မာတရားအား မနှစ်သက်ခြင်းဖြစ်သည်။ သမ္မာတရားအား မနှစ်သက်သည့် စိတ်သဘောထားကို မည်သူတို့တွင် သင်တို့ မြင်ရသနည်း။ (မယုံကြည်သူများတွင် ဖြစ်သည်။) မယုံကြည်သူများသည် သမ္မာတရားကို မနှစ်သက်ကြပေ။ ဤသည်မှာ အလွန်ရှင်းလင်းသည်။ ဘုရားသခင်သည် ထိုသို့သောလူများကို ကယ်တင်ဖို့ မဖြစ်နိုင်ပေ။ ဤသို့ဆိုလျှင် ဘုရားသခင်အား ယုံကြည်သူများကြားတွင် သမ္မာတရားအား မနှစ်သက်ခြင်းကို မည်သည့်အမှုကိစ္စများတွင် သင်တို့ မြင်တွေ့ရသနည်း။ သင်သည် ၎င်းတို့နှင့် မိတ်သဟာယဖွဲ့သောအခါ ၎င်းတို့ ထ၍ မပြန်ကြခြင်း၊ မိတ်သဟာယက ၎င်းတို့၏ ကိုယ်ပိုင်အခက်အခဲများနှင့် ပြဿနာများနှင့် သက်ဆိုင်သောအခါတွင် ၎င်းတို့သည် ထိုအရာများကို မှန်ကန်စွာ ရင်ဆိုင်နိုင်ခြင်း ရှိကောင်းရှိနိုင်သည်။ သို့တိုင်အောင် ၎င်းတို့တွင် သမ္မာတရားအား မနှစ်သက်သည့် စိတ်သဘောထားရှိနေဆဲဖြစ်သည်။ ဤအရာကို မည်သည့်နေရာတွင် တွေ့မြင်နိုင်သနည်း။ (၎င်းတို့သည် တရားဒေသနာများကို မကြာခဏ ကြားနာသော်လည်း သမ္မာတရားအား လက်တွေ့လုပ်ဆောင်ခြင်းမရှိပေ။) သမ္မာတရားအား လက်တွေ့မလုပ်ဆောင်သောသူများသည် သမ္မာတရားအား မနှစ်သက်သည့်စိတ်သဘောထားရှိသည်မှာ မေးစရာမလိုပေ။ လူအချို့သည် သမ္မာတရားအနည်းငယ်ကို ရံဖန်ရံခါ လက်တွေ့လုပ်ဆောင်နိုင်သည်။ ဤသို့ဆိုလျှင် ၎င်းတို့၌ သမ္မာတရားအား မနှစ်သက်သည့် စိတ်သဘောထားရှိသလော။ ထိုသို့သော စိတ်သဘောထားသည် သမ္မာတရားအား လက်တွေ့လုပ်ဆောင်သောသူများတွင်လည်း တွေ့ရသည်။ အတိုင်းအတာ ကွဲပြားခြင်းသာရှိသည်။ သမ္မာတရားကို သင် လက်တွေ့လုပ်ဆောင်နိုင်ခြင်းသည် သင့်တွင် သမ္မာတရားအား မနှစ်သက်သည့် စိတ်သဘောထားမရှိဟု မဆိုလိုပေ။ သမ္မာတရားအား လက်တွေ့လုပ်ဆောင်ခြင်းက သင်၏ အသက်စိတ်သဘောထား ရုတ်ချည်းပြောင်းလဲသွားသည်ဟု မဆိုလိုပေ။ ထိုသို့မဟုတ်ပေ။ သင်သည် သင်၏ ဖောက်ပြန်ပျက်စီးသော စိတ်သဘောထားကို ဖြေရှင်းရမည်။ ဤသည်မှာ သင်၏ အသက်စိတ်သဘောထားတွင် ပြောင်းလဲခြင်းကို ရယူရန် တစ်ခုတည်းသောနည်းလမ်းဖြစ်သည်။ ဖြစ်ရပ်တစ်ခုတွင် သမ္မာတရားအား လက်တွေ့လုပ်ဆောင်ခြင်းသည် သင့်ထံတွင် ဖောက်ပြန်ပျက်စီးသော စိတ်သဘောထားမရှိတော့ဟု မဆိုလိုပေ။ သင်သည် ကဏ္ဍတစ်ခုတွင် သမ္မာတရားအား လက်တွေ့လုပ်ဆောင်နိုင်စွမ်းရှိသော်လည်း အခြားကဏ္ဍများတွင် သင်သည် သမ္မာတရားအား မလွှဲမသွေ လက်တွေ့လုပ်ဆောင်နိုင်သည်ဟူ၍ မဟုတ်ပေ။ ပါဝင်သော အခြေအနေ အကြောင်းအရာများနှင့် အကြောင်းရင်းများက မတူပေ။ သို့သော် အရေးကြီးဆုံးမှာ ဖောက်ပြန်ပျက်စီးသော စိတ်သဘောထား တည်ရှိနေခြင်းဖြစ်သည်။ ဤသည်မှာ ပြဿနာ၏ အရင်းအမြစ်ဖြစ်သည်။ ထို့ကြောင့် လူတစ်ယောက်၏ စိတ်သဘောထားက ပြောင်းလဲသည်နှင့် သမ္မာတရားအား လက်တွေ့လုပ်ဆောင်ခြင်းတွင် ပါဝင်သော သူ၏ အခက်အခဲများ၊ မူမမှန်သော အကြောင်းပြချက်များ၊ ဆင်ခြေများအားလုံးဖြစ်သော ဤပြဿနာများအားလုံး ပြေလည်သွားသည်။ ပြီးလျှင် သူ၏ ပုန်ကန်ခြင်း၊ ချွတ်ယွင်းချက်များ၊ အမှားများအားလုံး ပြေလည်သွားသည်။ လူတို့၏ စိတ်သဘောထား မပြောင်းလဲလျှင် ၎င်းတို့သည် သမ္မာတရားအား လက်တွေ့လုပ်ဆောင်ရာတွင် အမြဲအခက်အခဲရှိလိမ့်မည်။ မူမမှန်သော အကြောင်းပြချက်များ၊ ဆင်ခြေများ အစဉ်သဖြင့် ရှိလိမ့်မည်။ သင်သည် အရာရာ၌ သမ္မာတရားကို လက်တွေ့လုပ်ဆောင်နိုင်ပြီး ဘုရားသခင်အား ကျိုးနွံနာခံနိုင်ရန် ဆန္ဒရှိလျှင် ရှေးဦးစွာ သင်၏ စိတ်သဘောထားတွင် ပြောင်းလဲခြင်းတစ်ခုရှိရမည်။ ထိုအခါမှသာ ပြဿနာများကို အရင်းအမြစ်မှနေ၍ သင် ဖြေရှင်းနိုင်လိမ့်မည်ဖြစ်သည်။

သမ္မာတရားအား မနှစ်သက်သည့် စိတ်သဘောထားသည် အဓိကအားဖြင့် မည်သည့်အရာကို ရည်ညွှန်းသနည်း။ ရှေးဦးစွာ အခြေအနေအမျိုးအစားတစ်ခုကို ငါတို့ ဆွေးနွေးကြစို့။ လူအချို့သည် တရားဒေသနာများကို နားထောင်ရာ၌ အလွန်စိတ်ပါဝင်စားမှုရှိကြသည်။ သမ္မာတရားနှင့်ပတ်သက်သော မိတ်သဟာယကို ၎င်းတို့ နားထောင်လေလေ၊ ၎င်းတို့၏ စိတ်နှလုံးက လင်းလက်ပြီး ပီတိဖြစ်လေလေဖြစ်သည်။ ၎င်းတို့တွင် အပြုသဘောဆောင်ခြင်း၊ တက်ကြွခြင်းသဘောထားတစ်ခုရှိသည်။ ဤသည်မှာ ၎င်းတို့တွင် သမ္မာတရားအား မနှစ်သက်သည့် စိတ်သဘောထားမရှိဟု သက်သေပြသလော။ (မပြပါ။) ဥပမာ ခုနစ်နှစ်၊ ရှစ်နှစ်အရွယ်ရှိသော ကလေးအချို့သည် ဘုရားသခင်အပေါ် ယုံကြည်ခြင်းအကြောင်းကို ကြားသောအခါတွင် စိတ်ဝင်စားကြသည်။ ၎င်းတို့သည် မိဘများနှင့်အတူ အစဉ်သဖြင့် ဘုရားနှုတ်ကပတ်တော်ကို ဖတ်ပြီး စုဝေးပွဲများတက်ကြသည်။ လူအချို့က “ဤကလေးတွင် သမ္မာတရားအား မနှစ်သက်သည့် စိတ်သဘောထားမရှိ။ သူသည် အလွန်လိမ္မာသည်။ သူသည် ဘုရားသခင်အား ယုံကြည်ဖို့ မွေးဖွားလာခြင်းဖြစ်သည်။ သူသည် ဘုရားသခင်၏ ရွေးချယ်ခြင်းကို ခံရသည်” ဟု ဆိုကြသည်။ သူသည် ဘုရားသခင်က ရွေးချယ်ခြင်းကို ခံရကောင်းခံရနိုင်သော်လည်း၊ ဤစကားများက တစ်ဝက်သာ မှန်သည်။ ဤသည်မှာ အဘယ်ကြောင့်ဆိုသော် ၎င်းတို့သည် ငယ်ရွယ်သေးပြီး ဘဝတွင် ၎င်းတို့၏ လိုက်စားမှုနှင့် ရည်ရွယ်ချက်များ၏ ဦးတည်ချက်လမ်းကြောင်းသည် ပုံမပေါ်သေးသောကြောင့် ဖြစ်သည်။ ဘဝနှင့် လူ့အဖွဲ့အစည်းအပေါ် ၎င်းတို့၏ အမြင်များက ပုံစံမပေါ်သေးခင်တွင် ၎င်းတို့၏ ငယ်ရွယ်သော စိတ်ဝိညာဉ်များက အပြုသဘောဆောင်သောအရာများကို ချစ်သည်ဟု ဆိုနိုင်သည်။ သို့သော် ၎င်းတို့သည် သမ္မာတရားအား မနှစ်သက်သည့် စိတ်သဘောထားမရှိဟု သင် မဆိုနိုင်ပေ။ အဘယ်ကြောင့် ငါ ဤသို့ ဆိုသနည်း။ ၎င်းတို့သည် ငယ်ရွယ်သည်။ ၎င်းတို့၏ လူ့သဘာဝသည် မရင့်ကျက်သေးပေ။ ၎င်းတို့တွင် မည်သည့်အတွေ့အကြုံမျှမရှိ၊ ၎င်းတို့၏ အသိအမြင်နယ်ပယ်က ကျဉ်းသည်။ သမ္မာတရားက မည်သည့်အရာဖြစ်သည်ကို ၎င်းတို့ လုံးဝ နားမလည်ပေ။ အပြုသဘောဆောင်သောအရာများကို ၎င်းတို့ နှစ်သက်ခြင်းမျှသာဖြစ်သည်။ ၎င်းတို့သည် သမ္မာတရား စစ်မှန်မှုကို ပိုင်ဆိုင်ဖို့ မဆိုထားနှင့်။ သမ္မာတရားအား ချစ်သည်ဟုပင် မဆိုနိုင်ပေ။ ထို့အပြင် ကလေးများသည် အတွေ့အကြုံမရှိသောကြောင့် ၎င်းတို့၏ စိတ်နှလုံးအတွင်းတွင် မည်သည့်အရာပုန်းကွယ်နေသည်၊ ၎င်းတို့တွင် မည်သို့သောသဘာဝ အနှစ်သာရမျိုးရှိသည်ကို မည်သူမျှ မမြင်နိုင်ပေ။ ၎င်းတို့သည် ဘုရားသခင်အပေါ် ယုံကြည်ခြင်းတွင်၊ တရားဒေသနာများနားထောင်ခြင်းတွင် စိတ်ဝင်စားသောကြောင့် သက်သက်ဖြင့် သမ္မာတရားကို ၎င်းတို ချစ်သည်ဟု လူတို့က ဆုံးဖြတ်ကြခြင်းဖြစ်သည်။ ဤသည်မှာ မသိနားမလည်ခြင်း၊ မိုက်မဲခြင်းကို ဖော်ပြခြင်းဖြစ်သည်။ အဘယ်ကြောင့်ဆိုသော် ကလေးများသည် သမ္မာတရားက မည်သည့်အရာဖြစ်သည်ကို မသိမြင်သောကြောင့် ၎င်းတို့သည် သမ္မာတရားကို နှစ်သက်သလော၊ သမ္မာတရားအား မနှစ်သက်သလောဆိုသည့် အကြောင်းအရာကိုပင် ပြော၍မရသောကြောင့် ဖြစ်သည်။ သမ္မာတရားအား စိတ်ကုန်ခြင်းဆိုသည်မှာ သမ္မာတရားနှင့် အပြုသဘောဆောင်သောအရာများအပေါ် စိတ်ဝင်စားမှုကင်းမဲ့ခြင်း၊ ရွံ့မုန်းခြင်းကို အဓိကအားဖြင့် ရည်ညွှန်းသည်။ သမ္မာတရားအား မနှစ်သက်ခြင်းဆိုသည်မှာ လူတို့သည် သမ္မာတရားကို နားလည်နိုင်ပြီး အပြုသဘောဆောင်သောအရာများက မည်သည့်အရာဖြစ်သည်ကို သိနိုင်သော်လည်း သမ္မာတရားနှင့် အပြုသဘောဆောင်သောအရာများကို အတိုက်အခံဖြစ်သော၊ ဝတ်ကျေတမ်းကျေဆန်သော၊ ရွံ့မုန်းသော၊ ဝေ့ဝိုက်၍ ပြုလုပ်သော၊ စိတ်မဝင်စားသော သဘောထား၊ အခြေအနေဖြင့် ဆက်ဆံသောအခါတွင်ဖြစ်သည်။ ဤသည်မှာ သမ္မာတရားအား မနှစ်သက်ခြင်း စိတ်သဘောထားဖြစ်သည်။ ဤစိတ်သဘောထားမျိုးသည် လူတိုင်းတွင် တည်ရှိသလော။ လူအချို့က “ဘုရားနှုတ်ကပတ်တော်သည် သမ္မာတရားဖြစ်သည်ကို ကျွန်ုပ်သိသော်လည်း မနှစ်သက်သေးပါ၊ သို့မဟုတ် လက်မခံသေးပါ၊ သို့မဟုတ် အနည်းဆုံးအနေဖြင့် ယခုအချိန်တွင် လက်မခံနိုင်ပါ” ဟု ဆိုကြသည်။ ဤသည်မှာ မည်သို့ဖြစ်သနည်း။ ဤသည်မှာ သမ္မာတရားအား မနှစ်သက်ခြင်းဖြစ်သည်။ ၎င်းတို့အတွင်းတွင်ရှိသော စိတ်သဘောထားသည် ၎င်းတို့အား သမ္မာတရားကို လက်ခံခွင့်မပြုပေ။ သမ္မာတရားအား လက်မခံခြင်းကို အသေးစိတ်ကျသော သရုပ်သကန်များမှာ အဘယ်နည်း။ လူအချို့က “သမ္မာတရားအားလုံးကို ကျွန်ုပ်နားလည်သည်။ သို့သော် ထိုအရာများကို လက်တွေ့မလုပ်ဆောင်နိုင်ခြင်းသာ ဖြစ်သည်” ဟု ဆိုသည်။ ဤအရာက ထိုသူသည် သမ္မာတရားအား မနှစ်သက်သည်ကိုလည်းကောင်း၊ သမ္မာတရားအား မချစ်သည်ကိုလည်းကောင်း၊ ဤအတွက်ကြောင့် မည်သည့်သမ္မာတရားကိုမျှ လက်တွေ့မလုပ်ဆောင်နိုင်သည်ကိုလည်းကောင်း ထုတ်ဖော်သည်။ လူအချို့က “ငွေများစွာကို ကျွန်ုပ်ရှာနိုင်ခြင်းသည် ဘုရားသခင် အချုပ်အခြာအာဏာ စွဲကိုင်ထားသော အရာတစ်ခု ဖြစ်သည်။ ဘုရားသခင်က ကျွန်ုပ်ကိုအမှန်တကယ် ကောင်းချီးပေးခဲ့သည်။ ဘုရားသခင်သည် ကျွန်ုပ်အပေါ် အလွန်ကောင်းသည်။ ကြီးစွာသော ကြွယ်ဝချမ်းသာမှုများကို ပေးသည်။ ကျွန်ုပ်၏ တစ်မိသားစုလုံးသည် ကောင်းစွာ ဝတ်စားဆင်ယင်ပြီး ကောင်းစွာ စားသောက်ရသည်။ သူတို့သည် အဝတ်အစားများ၊ အစားအစာများကို အလိုမရှိကြပါ” ဟု ဆိုကြသည်။ ၎င်းတို့သည် ဘုရားသခင်က ကောင်းချီးပေးခြင်းခံရသည်ကို မြင်ပြီး ၎င်းတို့၏ စိတ်နှလုံးတွင် ဘုရားသခင်ကို ကျေးဇူးတင်ကြသည်။ ဤအရာအားလုံးကို ဘုရားသခင်က အုပ်စိုးသည်ကို သိကြသည်။ ၎င်းတို့သည် ဘုရားသခင်က ကောင်းချီးပေးခြင်းကို မခံခဲ့ရလျှင်၊ ၎င်းတို့၏ ကိုယ်ပိုင် ပင်ကိုစွမ်းရည်များကို အမှီပြုခဲ့ရမည်ဆိုလျှင် ဤငွေအားလုံးကို လုံးဝ ရရှိမည်မဟုတ်သည်ကို သိကြသည်။ ဤသည်မှာ ၎င်းတို့၏ စိတ်နှလုံးတွင် အမှန်တကယ် စဉ်းစားသည့်အရာ၊ အမှန်တကယ် သိမြင်သည့်အရာဖြစ်ပြီး ဘုရားသခင်အား အမှန်တကယ် ကျေးဇူးတင်ကြသည်။ သို့သော် ၎င်းတို့၏ စီးပွားရေး ကျရှုံးသောနေ့ရက်၊ ၎င်းတို့အတွက် အခက်အခဲဖြစ်ပြီး ဆင်းရဲခြင်းကို ခံစားရသောနေ့ရက် ရောက်လာသည်။ ဤသည်မှာ အဘယ်ကြောင့်နည်း။ အဘယ်ကြောင့်ဆိုသော် ၎င်းတို့သည် သက်သာခြင်းကို တပ်မက်သည်။ ၎င်းတို့တာဝန်အား မည်သို့ မှန်မှန်ကန်ကန် ထမ်းဆောင်ရမည်ကို မတွေးကြ။ ချမ်းသာကြွယ်ဝမှုနောက်သို့ လိုက်လျက်၊ ငွေ၏ ကြေးကျွန်ဖြစ်လျက်ဖြင့် ၎င်းတို့၏ အချိန်အားလုံးကို ကုန်ဆုံးကြသည်။ ဤအရာသည် ၎င်းတို့၏ တာဝန်ထမ်းဆောင်မှုကို ထိခိုက်သည်။ ထို့ကြောင့် ဘုရားသခင်က ၎င်းတို့ထံမှ ဤအရာကို ဖယ်ရှားသည်။ ၎င်းတို့၏ စိတ်နှလုံးတွင် ဘုရားသခင်က ၎င်းတို့အား များစွာ ကောင်းချီးပေးခဲ့သည်၊ များစွာ ပေးအပ်ခဲ့သည်ကို ၎င်းတို့သိသည်။ သို့တိုင်အောင် ၎င်းတို့သည် ဘုရားသခင်၏ ချစ်ခြင်းကို ပြန်ပေးဆပ်ရန် ဆန္ဒမရှိကြပေ။ အပြင်ထွက်ပြီး ၎င်းတို့၏ တာဝန်ကို ထမ်းဆောင်ဖို့ ဆန္ဒမရှိကြသကဲ့သို့ တွန့်ဆုတ်နေပြီး အဖမ်းခံရမည်ကို အစဉ်မပြတ် ကြောက်ရွံ့ကြသည်။ ပြီးလျှင် ၎င်းတို့သည် ဤချမ်းသာကြွယ်ဝမှုများနှင့် သာယာမှုများအားလုံးအား ဆုံးရှုံးရမည်ကို ကြောက်ကြသည်။ ရလဒ်အနေဖြင့် ဘုရားသခင်က ထိုအရာများကို ၎င်းတို့ထံမှ ဖယ်ရှားလေသည်။ ၎င်းတို့၏ စိတ်နှလုံးသည် မှန်ကဲ့သို့ ကြည်လင်ပြတ်သားနေသည်။ ဘုရားသခင်က ထိုအရာများကို ၎င်းတို့ထံမှ ယူဆောင်သွားသည်ကိုလည်းကောင်း၊ ၎င်းတို့သည် ဘုရားသခင်၏ ပဲ့ပြင်ဆုံးမခြင်းကို ခံရသည်ကိုလည်းကောင်း ၎င်းတို့ သိသည်။ ထို့ကြောင့် ၎င်းတို့သည် ဘုရားသခင်အား ဆုတောင်းပြီး “အို ဘုရားသခင် ကိုယ်တော်သည် ကျွန်ုပ်အား တစ်ကြိမ်ကောင်းချီးပေးခဲ့သည်။ ထို့ကြောင့် ကိုယ်တော်သည် ကျွန်ုပ်အား ဒုတိယအကြိမ် ကောင်းချီးပေးနိုင်ပါသည်။ ကိုယ်တော်၏ ဖြစ်တည်မှုက ထာဝရဖြစ်သည်။ ထို့ကြောင့် ကိုယ်တော်၏ ကောင်းချီးများသည်လည်း လူသားမျိုးနွယ်နှင့်အတူရှိသည်။ ကိုယ်တော်အား ကျွန်ုပ်ကျေးဇူးတင်ပါသည်။ ကိုယ်တော်၏ ကောင်းချီးများနှင့် ကတိတော်သည် ပြောင်းလဲမည်မဟုတ်ပါ။ ကိုယ်တော်သည် ကျွန်ုပ်ထံမှ ယူဆောင်လျှင် ကျွန်ုပ်သည် ကျိုးနွံနာခံဆဲ ဖြစ်ပါလိမ့်မည်” ဟူ၍ ပြောသည်။ သို့သော် “ကျိုးနွံနာခံခြင်း” ဆိုသည့်စကားသည် ၎င်းတို့၏ နှုတ်တွင် အနှစ်မဲ့နေသည်။ ကျိုးနွံနာခံနိုင်သည်ဟု ၎င်းတို့၏ နှုတ်ကဆိုသည်။ သို့သော် ထို့နောက်တွင် ၎င်းတို့သည် ထိုအရာကို စဉ်းစားပြီး တစ်စုံတစ်ခုကို သဘောမကျကြပေ။ “ယခင်က အခြေအနေ အလွန်ကောင်းခဲ့သည်။ အဘယ်ကြောင့် ဘုရားသခင်က အားလုံးကို ယူဆောင်သွားသနည်း။ အိမ်တွင်နေပြီး တာဝန်ထမ်းဆောင်ခြင်းသည် အပြင်ထွက်၍ တာဝန်ထမ်းဆောင်ခြင်းနှင့် မတူညီသလော။ ငါသည် မည်သည့်အရာကို နှောင့်နှေးနေစေသနည်း” ဟူ၍ ဖြစ်သည်။ ၎င်းတို့သည် အစဉ်သဖြင့် အတိတ်ကို ထပ်တလဲလဲ ပြန်လည်တွေးတောသည်။ ၎င်းတို့သည် ဘုရားသခင်အပေါ် သဘောမကျ၊ မကျေမနပ်ဖြစ်သည့် ပုံစံမျိုးရှိသည်။ ပြီးလျှင် စဉ်ဆက်မပြတ် စိတ်ဓာတ်ကျသည်။ ဘုရားသခင်က ၎င်းတို့၏ စိတ်နှလုံးတွင်ရှိသေးသလော။ ၎င်းတို့၏ စိတ်နှလုံး၌ ရှိသောအရာသည် ငွေ၊ ရုပ်ဝတ္ထုဆိုင်ရာ သက်သာမှုများနှင့် ထိုကောင်းစားသောအချိန်များဖြစ်သည်။ ၎င်းတို့၏ စိတ်နှလုံးတွင် ဘုရားသခင်က နေရာလုံးဝ မရှိပေ။ ဘုရားသခင်သည် ၎င်းတို့၏ ဘုရားမဟုတ်တော့ပေ။ “ဘုရားသခင်က ပေးအပ်ပြီး ဘုရားသခင်က ယူဆောင်သွားသည်” ဆိုသည်မှာ အမှန်တရားဖြစ်သည်ကို ၎င်းတို့ သိသော်လည်း “ဘုရားသခင်က ပေးအပ်သည်” ဆိုသည့် စကားကို ၎င်းတို့ နှစ်သက်ပြီး “ဘုရားသခင်က ယူဆောင်သွားသည်” ဆိုသည့် စကားကို မနှစ်သက်ကြပေ။ သမ္မာတရားအား ၎င်းတို့ လက်ခံခြင်းသည် ရွေးချယ်လက်ခံခြင်းဖြစ်သည်မှာ ထင်ရှားသည်။ ဘုရားသခင်က ၎င်းတို့ကို ကောင်းချီးပေးသောအခါ ၎င်းတို့က သမ္မာတရားအဖြစ် လက်ခံပြီး ဘုရားသခင်က ၎င်းတို့ထံမှ ယူဆောင်သည်နှင့်တစ်ပြိုင်နက် ၎င်းတို့က လက်မခံနိုင်ပေ။ ၎င်းတို့သည် ဘုရားသခင်ထံမှ ထိုသို့သော အချုပ်အခြာအာဏာကို လက်မခံနိုင်ကြပေ။ ထိုအစား ၎င်းတို့သည် အတိုက်အခံဖြစ်ပြီး စိတ်မကျေမနပ်ဖြစ်လာကြသည်။ ၎င်းတို့၏ တာဝန်ကို ထမ်းဆောင်ရန် စေခိုင်းခြင်းခံရသောအခါ၊ ၎င်းတို့က “ဘုရားသခင်က ကျွန်ုပ်ကိုကောင်းချီးများပေးပြီး ကျေးဇူးတော်ချပေးလျှင် ကျွန်ုပ်ထမ်းဆောင်မည်။ ဘုရားသခင်၏ ကောင်းချီးများမရှိဘဲ ကျွန်ုပ်၏ မိသားစုက ထိုသို့သော ဆင်းရဲသည့်အခြေအနေ၌ ရှိနေစဉ်တွင် ကျွန်ုပ်သည် ကျွန်ုပ်တာဝန်ကို အဘယ်သို့ထမ်းဆောင်ရမည်နည်း။ မထမ်းဆောင်ချင်ပါ”ဟု ဆိုသည်။ ဤသည်မှာ မည်သည့် စိတ်သဘောထားဖြစ်သနည်း။ ၎င်းတို့၏ စိတ်နှလုံးတွင် ဘုရားသခင်၏ ကောင်းချီးများနှင့် ဘုရားသခင်က ၎င်းတို့အား များစွာ ပေးအပ်ခဲ့ပုံကို ကိုယ်တိုင်ကိုယ်ကျ တွေ့ကြုံရသော်လည်း ဘုရားသခင်က ၎င်းတို့ထံမှ ယူဆောင်သွားသောအခါ လက်ခံလိုစိတ်မရှိကြပေ။ ဤသည်မှာ အဘယ်ကြောင့်နည်း။ အဘယ်ကြောင့်ဆိုသော် ၎င်းတို့သည် ငွေကြေးနှင့် ၎င်းတို့၏ သက်သာသော ဘဝကို လက်မလွတ်နိုင်သောကြောင့်ဖြစ်သည်။ ၎င်းတို့သည် ဤအရာကို စိတ်ဆိုးလျက် စောဒကတက်ခြင်းမရှိနိုင်သော်လည်း၊ ဘုရားသခင်ထံ လက်ဖြန့်မတောင်းနိုင်သော်လည်း၊ ၎င်းတို့၏ ကိုယ်ပိုင်အားစိုက်ထုတ်မှုကို အမှီပြုပြီး ၎င်းတို့၏ ယခင်က ပိုင်ဆိုင်သောပစ္စည်းများကို ပြန်လည်ကြိုးပမ်းရယူဖို့ မကြိုးစားကောင်း မကြိုးစားနိုင်သော်လည်း ဘုရားသခင်၏ လုပ်ရပ်များအပေါ် စိတ်ပျက်အားလျော့သွားကြပြီဖြစ်သည်။ ၎င်းတို့သည် လုံးဝ လက်ခံနိုင်စွမ်းမရှိဘဲ “ဘုရားသခင်က ဤသို့ လုပ်ဆောင်ရသည်မှာ အလွန်ပင် ငဲ့ကွက်မှုမရှိခြင်းဖြစ်သည်။ သဘောပေါက်နားလည်၍မရပေ။ ကျွန်ုပ်သည် အဘယ်သို့ ဘုရားသခင်အား ဆက်၍ ယုံကြည်နိုင်မည်နည်း။ သူသည် ဘုရားသခင်ဖြစ်သည်ဟု ကျွန်ုပ်အသိအမှတ်မပြုလိုတော့ပါ။ သူသည် ဘုရားသခင်ဖြစ်သည်ဟု ကျွန်ုပ်အသိအမှတ်မပြုလျှင် သူသည် ဘုရားသခင်မဟုတ်ပါ” ဟူ၍ ပြောသည်။ ဤသည်မှာ စိတ်သဘောထား တစ်မျိုးဖြစ်သလော။ (ဟုတ်ပါသည်။) စာတန်တွင် ဤစိတ်သဘောထားမျိုးရှိသည်။ စာတန်က ဘုရားသခင်အား ဤသို့ ငြင်းဆန်သည်။ ဤစိတ်သဘောထားမျိုးသည် သမ္မာတရားအား မနှစ်သက်ခြင်း၊ သမ္မာတရားအား မုန်းတီးခြင်း စိတ်သဘောထားဖြစ်သည်။ လူတို့သည် သမ္မာတရားအား ဤအတိုင်းအတာအထိ မနှစ်သက်သောအခါ ထိုအရာက ၎င်းတို့အား မည်သည့်အရာကို ဖြစ်စေသနည်း။ ဘုရားသခင်ကို ဆန့်ကျင်စေပြီး အဆုံးတိုင်အောင် ဘုရားသခင်အား ခေါင်းမာစွာဖြင့် ဆန့်ကျင်စေသည်။ ယင်းမှာ ၎င်းတို့အတွက် အရာအားလုံး ပြီးဆုံးသွားပြီဆိုသည့် သဘောဖြစ်သည်။

သမ္မာတရားအား မနှစ်သက်ခြင်းဖြစ်သည့် စိတ်သဘောထား၏ သဘောသဘာဝမှာ အဘယ်နည်း။ သမ္မာတရားအား မနှစ်သက်သည့်သူများသည် အပြုသဘောဆောင်သောအရာများ၊ သို့မဟုတ် ဘုရားသခင်လုပ်ဆောင်သည့်မည်သည့်အရာကိုမဆို မချစ်မြတ်နိုးကြပေ။ ဥပမာအနေဖြင့် နောက်ဆုံးသောကာလအတွင်း ဘုရားသခင်၏ တရားစီရင်ခြင်းအမှုကို ကြည့်လော့။ မည်သူကမျှ ဤအမှုတော်ကို လက်မခံလိုကြပေ။ ဘုရားသခင်က လူတို့ကို ဖော်ထုတ်ခြင်း၊ လူတို့ကို ရှုတ်ချခြင်း၊ လူတို့ကို ပြစ်တင်ဆုံးမခြင်း၊ လူတို့ကို စမ်းသပ်ခြင်း၊ လူတို့ကို စစ်ဆေးခြင်း၊ လူတို့ကို ရိုက်နှက်ဆုံးမခြင်း၊ လူတို့ကို ပဲ့ပြင်ဆုံးမခြင်းအကြောင်းဖြစ်သော တရားဒေသနာများကို နားထောင်လိုသည့်သူ အနည်းငယ်သာရှိသည်။ သို့တိုင်အောင် ဘုရားသခင်က လူတို့ကို ကောင်းချီးပေးခြင်း၊ လူတို့ကို တိုက်တွန်းအားပေးခြင်း၊ လူတို့အပေါ် ကတိပြုခြင်းတို့ကိုမူ ကြားချင်ကြသည်။ မည်သူကမျှ ဤအရာများကို မငြင်းပယ်ကြပေ။ ဘုရားသခင်က လူသားအပေါ် ခွင့်လွှတ်ခြင်း၊ လွတ်ငြိမ်းချမ်းသာခွင့်ပေးခြင်း၊ ကောင်းချီးပေးခြင်း၊ ကျေးဇူးတော်ချပေးခြင်း အမှုတို့ကို ပြုသောအချိန်၊ ဖျားနာသူကို ကုသပြီး နတ်ဆိုးများအား နှင်ထုတ်ကာ လူတို့အပေါ် ကတိများပြုခဲ့သည့် အချိန်ဖြစ်သည့် ကျေးဇူးတော်ခေတ်ကာလတုန်းကကဲ့သို့ပင်ဖြစ်သည်။ လူတို့သည် ဤအရာအားလုံးကို လက်ခံလိုစိတ်ရှိကြသည်။ ၎င်းတို့အားလုံးသည် လူသားအပေါ် ယေရှု၏ ကြီးမြတ်သောချစ်ခြင်းကို ချီးမွမ်းကြသည်။ သို့သော် ယခုအခါတွင် နိုင်ငံတော်ခေတ်ရောက်ရှိလာပြီး ဘုရားသခင်က တရားစီရင်ခြင်းအမှုကို ပြုကာ သမ္မာတရားများစွာကို ဖော်ပြသောအခါ မည်သူကမျှ ဂရုမစိုက်ပေ။ ဘုရားသခင်က လူတို့အား မည်မျှ ဖော်ထုတ်ပြီး တရားစီရင်ပါစေ လူတို့က လက်မခံကြပေ။ “ဘုရားသခင်က ဤသို့သောအရာကို လုပ်ဆောင်နိုင်မည်လော။ ဘုရားသခင်က လူသားကို ချစ်သည် မဟုတ်လော” ဟူ၍ပင် ပြောဆိုကြသည်။ ၎င်းတို့သည် ပြုပြင်ခြင်း သို့မဟုတ် ရိုက်နှက်ခြင်းနှင့် ပဲ့ပြင်ဆုံးမခြင်းကို ခံရလျှင် ပို၍ပင် အယူအဆများရှိကြပြီး “ဤသည်မှာ အဘယ်သို့ ဘုရားသခင်၏ ချစ်ခြင်းဖြစ်သနည်း။ ဤတရားစီရင်ခြင်း၊ ရှုတ်ချခြင်းစကားများသည် လုံးဝ ချစ်ခင်သောအရာမဟုတ်ပေ။ ထိုအရာများကို ငါလက်မခံပါ။ ငါသည် ထိုမျှ မမိုက်မဲပါ” ဟူ၍ မိမိတို့ကိုယ်ကိုယ် ပြောဆိုကြသည်။ ဤသည်မှာ သမ္မာတရားအား မနှစ်သက်သည့် စိတ်သဘောထားဖြစ်သည်။ သမ္မာတရားအား ကြားပြီးနောက်တွင် လူအချို့က “မည်သည့် သမ္မာတရားနည်း။ ဤသည်မှာ သဘောတရားသက်သက်သာဖြစ်သည်။ အလွန် မြင့်မြတ်သည့်၊ အလွန်စွမ်အားကြီးသည့်၊ အလွန်သန့်ရှင်းသည့်ပုံရှိသည်။ သို့သော် ဤအရာများသည် ကြားကောင်းသော စကားများသာဖြစ်သည်” ဟု ဆိုကြသည်။ ဤသည်မှာ သမ္မာတရားအား မနှစ်သက်သည့် စိတ်သဘောထားဖြစ်သည် မဟုတ်လော။ ဤသည်မှာ သမ္မာတရားအား မနှစ်သက်သည့် စိတ်သဘောထားဖြစ်သည်။ ဤသည်မှာ သင်တို့တွင်ရှိသော စိတ်သဘောထားမျိုး ဟုတ်သလော။ (ဟုတ်ပါသည်။) သင်တို့အနေဖြင့် လွှမ်းမိုးခြင်းခံရဖို့ အများဆုံးဖြစ်သည့်၊ သင်တို့ အများဆုံး တွေ့မြင်သည့်၊ အလေးနက်ဆုံး အသိအမှတ်ပြုသည့် အခြေအနေမှာ မည်သည့်အခြေအနေဖြစ်သည်ဟု ငါ ယခုတင် ပြောခဲ့သနည်း။ (ကျွန်ုပ်တို့၏ တာဝန်ကို ထမ်းဆောင်သောအခါ အခက်အခဲကို မကြုံလိုခြင်း၊ ဘုရားသခင်၏ တရားစီရင်ခြင်း၊ ပြစ်တင်ဆုံးမခြင်းကို ခံရန် ဆန္ဒမရှိခြင်း၊ အရာရာတိုင်းကို ချောမွေ့စွာ ဖြတ်သန်းလိုခြင်းတို့ဖြစ်သည်။) ဘုရားသခင်၏ အချုပ်အခြာအာဏာကို ငြင်းဆန်ခြင်း၊ ဘုရားသခင်၏ ပဲ့ပြင်ဆုံးမမှုနှင့် ရိုက်နှက်မှုကို ငြင်းဆန်ခြင်း၊ ဤအရာတွင် ဘုရားသခင်က ကောင်းသောအရာ လုပ်ဆောင်နေခြင်းဖြစ်သည်ကို ရှင်းလင်းစွာ သိသော်လည်း မိမိ၏ စိတ်နှလုံးတွင် အတိုက်အခံပြုဆဲဖြစ်ခြင်းတို့သည် သရုပ်သကန် အမျိုးအစားတစ်ခုဖြစ်သည်။ အခြားမည်သည့်အရာရှိသနည်း။ (ကျွန်ုပ်တို့၏ တာဝန်ကို ထမ်းဆောင်ရာတွင် ထိရောက်မှုရှိသောအခါ ပျော်ရွှင်ခြင်း၊ ထိရောက်မှုမရှိသောအခါတွင် အပျက်သဘောဆောင်ခြင်း၊ အားနည်းခြင်း၊ တက်ကြွစွာဖြင့် ပူးပေါင်းဆောင်ရွက်နိုင်စွမ်းမရှိခြင်းတို့ဖြစ်သည်။) ဤသည်မှာ မည်သို့သော သရုပ်သကန်မျိုးဖြစ်သနည်း။ (နှလုံးခိုင်မာခြင်းဖြစ်သည်။) သင်တို့သည် ဤအရာနှင့် ပတ်သက်ပြီး တိကျရမည်။ ရှုပ်ထွေးပြီး အခိုင်အမာပြောဆိုခြင်း မပြုနှင့်။ တစ်ခါတစ်ရံတွင် လူတို့၏ အခြေအနေများသည် အလွန်ပင် ရှုပ်ထွေးသည်။ ၎င်းတို့သည် အမျိုးအစားတစ်ခုတည်းသာမဟုတ်ဘဲ နှစ်ခု၊ သုံးခု ရောထွေးနေသည်။ ဤသို့ဆိုလျှင် သင်သည် မည်သို့ အဓိပ္ပာယ်ဖွင့်ဆိုသနည်း။ တစ်ခါတစ်ရံတွင် စိတ်သဘောထားတစ်ခုသည် အခြေအနေနှစ်မျိုး၊ တစ်ခါတစ်ရံတွင် အခြေအနေသုံးမျိုးဖြင့် သူ့ဘာသာ ထုတ်ဖော်သည်။ သို့သော် ဤအခြေအနေများက ကွာခြားသော်လည်း နောက်ဆုံးတွင် ဤသည်မှာ စိတ်သဘောထား တစ်မျိုးတည်းဖြစ်ဆဲဖြစ်သည်။ သမ္မာတရားအား မနှစ်သက်သည့် ဤစိတ်သဘောထားကို သင်တို့ နားလည်ရမည်။ သမ္မာတရားအား မနှစ်သက်ခြင်း၏ သရုပ်သကန်များက မည်သည့်အရာဖြစ်သည်ကို သင်တို့ စုံစမ်းစစ်ဆေးသင့်သည်။ ဤနည်းအားဖြင့် သင်တို့သည် သမ္မာတရားအား မနှစ်သက်သည့် ဤစိတ်သဘောထားကို အမှန်တကယ် နားလည်နိုင်လိမ့်မည်။ သင်သည် သမ္မာတရားကို နှစ်သက်ခြင်းမရှိ။ တစ်စုံတစ်ခုက မှန်ကန်သည်ကို သင်ကောင်းစွာသိသည်။ ယင်းသည် ဘုရားနှုတ်ကပတ်တော်၊ သို့မဟုတ် သမ္မာတရား စည်းမျဉ်းများ မလွဲမသွေ ဖြစ်စရာမလိုပေ။ တစ်ခါတစ်ရံတွင် ယင်းသည် အပြုသဘောဆောင်သောအရာများ၊ မှန်ကန်သော အရာများ၊ မှန်ကန်သော စကားများ၊ မှန်ကန်သော အကြံပြုချက်များ ဖြစ်သည်။ သို့တိုင်အောင် သင်က “ဤသည်မှာ သမ္မာတရားမဟုတ်ပါ။ ဤအရာတို့သည် မှန်ကန်သော စကားလုံးများသာဖြစ်သည်။ ငါ နားမထောင်လိုပါ။ လူတို့၏ စကားများကို ငါနားမထောင်ပါ” ဟု ပြောဆဲဖြစ်သည်။ ဤသည်မှာ မည်သည့်စိတ်သဘောထားဖြစ်သနည်း။ ဤနေရာတွင် မာနထောင်လွှားခြင်း၊ နှလုံးခိုင်မာခြင်း၊ သမ္မာတရားအား မနှစ်သက်ခြင်းရှိသည်။ ဤစိတ်သဘောထား အမျိုးအစားများအားလုံး ရှိသည်။ စိတ်သဘောထားအမျိုးအစားတစ်ခုစီက အခြေအနေ အမျိုးအစားများစွာကို ဖြစ်ပေါ်စေနိုင်သည်။ အခြေအနေတစ်ခုသည် မတူညီသော စိတ်သဘောထားအချို့နှင့် ဆက်စပ်နိုင်သည်။ ဤအခြေအနေများက မည်သည့်စိတ်သဘောထားအမျိုးအစားများကို ဖြစ်ပေါ်စေသည်ကို သင် ရှင်းလင်းစွာသိရမည်။ ဤနည်းအားဖြင့် သင်သည် အမျိုးမျိုးသော ဖောက်ပြန်ပျက်စီးသည့် စိတ်သဘောထားအမျိုးအစားများကို ပိုင်းခြားသိမြင်နိုင်လိမ့်မည်။

ငါတို့ ယခုတင် မိတ်သဟာယဖွဲ့ခဲ့သည့် ဖောက်ပြန်ပျက်စီးသော စိတ်သဘောထားလေးမျိုးတွင် မည်သည့်အမျိုးအစားမဆိုက လူတို့အား သေခြင်းသို့ စီရင်ရန် လုံလောက်သည်။ ဤသို့ပြောသည်မှာ လွန်ကဲလွန်းသလော။ (မလွန်ကဲပါ။) လူတို့၏ ဖောက်ပြန်ပျက်စီးသော စိတ်သဘောထားသည် မည်သို့ဖြစ်ပေါ်လာသနည်း။ ၎င်းတို့အားလုံးသည် စာတန်ဆီမှလာသည်။ လူတို့သည် စာတန်၊ နတ်ဆိုးများ၊ လူသိများပြီး ထင်ပေါ်ကျော်ကြားသော ပုဂ္ဂိုလ်များထံမှဖြစ်သည့် မိစ္ဆာဒိဋ္ဌိများ၊ အတွေးမှားများဖြင့် ပြည့်နေသည်။ ဤသို့ဖြင့် ဤအမျိုးမျိုးသော ဖောက်ပြန်ပျက်စီးသည့် စိတ်သဘောထားများ ဖြစ်လာသည်။ ဤစိတ်သဘောထားများသည် အပြုသဘောဆောင်သလော၊ သို့မဟုတ် အပျက်သဘောဆောင်သလော။ (အပျက်သဘောဆောင်ပါသည်။) အပျက်သဘောဆောင်သည်ဟု မည်သည့်အရာအပေါ်တွင် အခြေခံပြီး သင် ပြောသနည်း။ (သမ္မာတရားပေါ်တွင် အခြေခံပါသည်။) ဤစိတ်သဘောထားများသည် သမ္မာတရားကို ချိုးဖောက်ပြီး ဘုရားသခင်ကို အာခံသောကြောင့်၊ ယင်းတို့သည် ဘုရားသခင်၏ စိတ်သဘောထားနှင့် ဘုရားသခင်၏ အရာအားလုံးနှင့် ဖြစ်ခြင်းအပေါ် ရန်လိုသော ဆန့်ကျင်မှုရှိသောကြောင့် လူတို့တွင် ဤဖောက်ပြန်ပျက်စီးသော စိတ်သဘောထားတစ်ခုအား တွေ့ရလျှင် ထိုသူသည် ဘုရားသခင်ကို အာခံသောသူတစ်ယောက်ဖြစ်လာသည်။ ဤစိတ်သဘောထားလေးမျိုးထဲမှ တစ်ခုမကျန်ကို လူတစ်ယောက်အတွင်း၌ တွေ့ရလျှင် ဤသည်မှာ ဒုက္ခပေးတတ်ပြီး ထိုသူသည် ဘုရားသခင်၏ ရန်သူတစ်ယောက်ဖြစ်လာပြီးဖြစ်သည်။ ထိုသူသည် သေချာပေါက် သေရန် သတ်မှတ်ပြီးဖြစ်သည်။ ယင်းသည် မည်သည့်စိတ်သဘောထားဖြစ်စေ သမ္မာတရားအား အသုံးပြုပြီး ချိန်ဆကြည့်လျှင် သရုပ်သကန်တစ်ခုစီ၏ အနှစ်သာရသည် ဘုရားသခင်အား ဦးတည်ပြီး ဆန့်ကျင်နေသည်ကိုလည်းကောင်း၊ ဘုရားသခင်အား အာခံနေသည်ကိုလည်းကောင်း၊ ဘုရားသခင်အပေါ် ရန်လိုသည်ကိုလည်းကောင်း သင် မြင်ရလိမ့်မည်။ ထို့ကြောင့် သင်၏ စိတ်သဘောထား မပြောင်းလဲလျှင် သင်သည် ဘုရားသခင်နှင့် သဟဇာတဖြစ်လိမ့်မည်မဟုတ်ပေ။ သင်သည် သမ္မာတရားကို မုန်းတီးလိမ့်မည်ဖြစ်ပြီး ဘုရားသခင်၏ ရန်သူတစ်ယောက်ဖြစ်လိမ့်မည်။

ဆက်လက်၍ငါးခုမြောက်စိတ်သဘောထားအမျိုးအစားကို ပြောကြစို့။ ငါ ဥပမာတစ်ခုပေးမည်။ ဤသည်မှာ မည်သည့်စိတ်သဘောထားမျိုးဖြစ်သည်ကို သင်တို့ အဖြေရှာကြည့်နိုင်သည်။ လူနှစ်ယောက် စကားပြောနေသည်ဟု စိတ်ကူးကြည့်လော့။ တစ်ယောက်က သူပြောသည့်အရာတွင် အလွန်အကျွံပင် တဲ့တိုးဆန်သောကြောင့် အခြားလူက စိတ်မကျေမနပ်ဖြစ်သည်။ သူ၏ စိတ်တွင် “သင်သည် အဘယ်ကြောင့် ငါ၏ မာနကို အလွန်ထိခိုက်နေရသနည်း။ ငါသည် လူတို့အား ငါ့အပေါ် အနိုင်ကျင့်ခွင့်ပြုသည်ဟု သင်ထင်သလော” ဟူ၍ စဉ်းစားသည်။ ဤသို့ဖြင့် သူ့အတွင်း၌ မုန်းတီးခြင်း ဖြစ်ပေါ်လာသည်။ အမှန်တွင်၊ ဤပြဿနာက ဖြေရှင်းရန် လွယ်ကူသည်။ လူတစ်ယောက်က အခြားလူတစ်ယောက်ကို နာကျင်စေရန် တစ်စုံတစ်ခုပြောခဲ့လျှင် ပြောသူက နားထောင်သူကို တောင်းပန်သရွေ့ အမှုကိစ္စက ပြီးဆုံးသွားမည်။ သို့သော် စိတ်ဆိုးသည့်သူက ဤကိစ္စကို လက်မလွတ်နိုင်ဘဲ သူ့အတွက် “လူကြီးလူကောင်းတစ်ဦးအဖို့ ကလဲ့စားချေရန်မှာ မည်သည့်အခါမျှ နောက်ကျလွန်းခြင်း မရှိပါ” ဟူ၍ ဖြစ်လျှင် ဤသည်မှာ မည်သည့်စိတ်သဘောထားဖြစ်သနည်း။ (မလိုမုန်းထားခြင်းဖြစ်သည်။) မှန်သည်။ ဤသည်မှာ မလိုမုန်းထားခြင်းဖြစ်သည်။ ဤသူသည် ဆိုးယုတ်သော စိတ်သဘောထားရှိသူတစ်ဦး ဖြစ်သည်။ အသင်းတော်တွင် လူအချို့သည် ၎င်းတို့၏ တာဝန်ကို မှန်မှန်ကန်ကန် မထမ်းဆောင်သောကြောင့် ပြုပြင်ခြင်းခံရသည်။ လူတစ်ယောက်အား ပြုပြင်အခါတွင် ပြောသောအရာများ၌ မကြာခဏပင် ထိုလူကို အပြစ်ဖော်ဆုံးမခြင်းပါဝင်ပြီး ဆူငေါက်ခြင်းပင် ပါဝင်ကောင်းပါဝင်နိုင်သည်။ ဤအရာသည် ၎င်းတို့ကို သေချာပေါက် စိတ်မချမ်းမသာဖြစ်စေလိမ့်မည်ဖြစ်ပြီး ၎င်းတို့သည် ဆင်ခြေများရှာပြီး ပြန်လည်အဖြေပေးလိုလိမ့်မည်။ ၎င်းတို့က “အကြောင်းအရာများကို ပြော၍ ငါ့အား သင် ကိုင်တွယ်ဖြေရှင်းခြင်းသည် မှန်ကန်သော်လည်း သင်ပြောသည့်အရာအချို့မှာ အလွန်ပင် စိတ်အနှောင့်အယှက်ဖြစ်စေသည်။ ပြီးလျှင် သင်သည် ငါ့ကို အရှက်ရစေပြီး ငါ၏ ခံစားချက်တို့ကို ထိခိုက်သည်။ ငါသည် ဤနှစ်များအားလုံးတွင် ဘုရားသခင်ကို ယုံကြည်ခဲ့ပြီး မည်သည့်အခါမျှ ကူညီပံ့ပိုးခြင်းတစ်ခုတလေ မရှိသော်လည်း အလုပ်ကြိုးစားခဲ့သည်။ ငါသည် အဘယ်သို့ ဤသို့ ဆက်ဆံခံရမည်နည်း။ သင်သည် အခြားမည်သူ့ကိုမျှ ပြုပြင်ခြင်း အဘယ်သို့ဖြစ်သနည်း။ ဤအရာကို ငါလက်မခံနိုင်ပါ၊ သည်းမခံနိုင်ပါ” ဆိုသကဲ့သို့သောအရာများကို ပြောသည်။ ဤသည်မှာ ဖောက်ပြန်ပျက်စီးသော စိတ်သဘောထားတစ်မျိုးဖြစ်သည်မဟုတ်လော။ (ဟုတ်ပါသည်။) ဤဖောက်ပြန်ပျက်စီးသော စိတ်သဘောထားသည် စောဒကတက်ခြင်း၊ မနာခံခြင်း၊ ရန်ငြိုးထားခြင်းတို့မှတစ်ဆင့်သာ ထင်ရှားသည်။ သို့သော် ထိုစိတ်သဘောထားသည် လက္ခဏာအချို့ ပြနေပြီဖြစ်ပြီး ပေါက်ထွက်တော့မည့် နေရာသို့ စတင်ရောက်ရှိနေပြီဖြစ်သော်လည်း အပြင်းထန်ဆုံး အဆင့်သို့ မရောက်သေးပေ။ အထွတ်အထိပ်သို့ မရောက်သေးပေ။ ဤအရာပြီးသည်နှင့် မရှေးမနှောင်းတွင် ၎င်းတို့၏ သဘောထားမှာ အဘယ်နည်း။ ၎င်းတို့သည် ကျိုးနွံနာခံခြင်း မရှိကြပေ။ စိတ်ဆိုးသည်။ အာခံသည်။ မလိုမုန်းထားစိတ်ဖြင့် စတင် ပြုမူသည်။ စတင်၍ ရှာကြံအကြောင်းပြသည်။ “ခေါင်းဆောင်များ၊ အမှုဆောင်များသည် လူတို့ကို ပြုပြင်သောအခါတွင် အစဉ်သဖြင့် မှန်ကန်ခြင်းမရှိပါ။ ကျန်သည့် သင်တို့တွေက လက်ခံကောင်းလက်ခံနိုင်မည်။ သို့သော် ကျွန်ုပ် လက်မခံနိုင်ပါ။ ဤအရာကို သင်တို့ လက်ခံနိုင်သည်မှာ သင်တို့သည် မိုက်မဲပြီး ပျော့ညံ့သောကြောင့်ဖြစ်သည်။ ကျွန်ုပ် လက်မခံပါ။ ဤအရာကို ဆွေးနွေးအဖြေရှာပြီး မည်သူက မှန်သည်၊ မှားသည်ကို ကြည့်ကြစို့” ဟူ၍ ဖြစ်သည်။ ထို့နောက်တွင် လူတို့က ၎င်းတို့အား မိတ်သဟာယပြုပြီး “မှန်သည်ဖြစ်စေ၊ မှားသည်ဖြစ်စေ ပထမဆုံး သင်လုပ်ဆောင်ရမည့်အရာမှာ နာခံခြင်းဖြစ်သည်။ သင်၏ တာဝန်ထမ်းဆောင်ခြင်းသည် အနည်းငယ်မျှပင် အစွန်းအထင်းမရှိသည်မှာ ဖြစ်နိုင်သလော။ သင်သည် အရာရာကို မှန်မှန်ကန်ကန်လုပ်ဆောင်သလော။ သင်သည် အရာရာကို မှန်ကန်စွာ လုပ်ဆောင်လျှင်ပင် ပြုပြင်ခံရခြင်းသည် သင့်အတွက် အထောက်အကူဖြစ်သေးသည်။ ကျွန်ုပ်တို့သည် သင်နှင့်အတူ စည်းမျဉ်းများကို အကြိမ်များစွာ မိတ်သဟာယဖွဲ့ခဲ့သည်။ သို့သော် သင်သည် မည်သည့်အခါမျှ နားမထောင်ဘဲ သင်နှစ်သက်သလိုသာ ကြောင်းကျိုးမမြင်ဘဲ လုပ်ဆောင်ရန် ရွေးချယ်သည်။ အသင်းတော်လုပ်အတွက် အဖျက်အမှာင့်များဖြစ်ပြီး ကြီးစွာသော ဆုံးရှုံးမှုများကို ဖြစ်ပေါ်စေသည်။ ဤသို့ဆိုလျှင် ပြုပြင်ခြင်းကိုအဘယ်သို့ မရင်ဆိုင်ရဘဲရှိနိုင်မည်နည်း။ စကားအသုံးအနှုန်းက ကြမ်းကောင်းကြမ်းနိုင်သည်။ နားထောင်ဖို့ ခက်နိုင်သည်။ သို့သော် ဤသည်မှာ ပုံမှန်ဖြစ်သည် မဟုတ်လော။ သင်သည် မည်သည့်အရာကို ငြင်းခုံနေသနည်း။ အခြားလူများကို သင့်အား ပြုပြင်ခွင့်မပြုဘဲ သင့်အား မကောင်းသောအရာများကိုသာ လုပ်ဆောင်ခွင့်ပေးသင့်သလော” ဟူ၍ ပြောသည်။ သို့သော် ၎င်းတို့သည် ဤအရာကို ကြားပြီးနောက်တွင် ပြုပြင်ခြင်းကို လက်ခံနိုင်မည်လော။ လက်ခံနိုင်မည်မဟုတ်ပေ။ ၎င်းတို့သည် ဆင်ခြေများပေးခြင်း၊ အတိုက်အခံပြုခြင်းကိုသာ ဆက်လက်လုပ်ဆောင်လိမ့်မည်။ မည်သည့်စိတ်သဘောထားကို ၎င်းတို့ ထုတ်ဖော်သနည်း။ နတ်ဆိုးဆန်ခြင်းဖြစ်သည်။ ယင်းသည် ကြမ်းတမ်းသော စိတ်သဘောထားဖြစ်သည်။ အမှန်တကယ်တွင် ယင်းတို့သည် မည်သည့်အရာကို ဆိုလိုသနည်း။ “လူတို့က ငါ့အား စိတ်ဆိုးအောင်လုပ်ဆောင်ခြင်းကို ငါမခံ။ မည်သူကမျှ ငါ၏ခေါင်းပေါ်က ဆံပင်တစ်ချောင်းကို စမ်းပြီးထိမကြည့်သင့်ပေ။ ငါ့ကို ရန်စဖို့ မလွယ်ကူသည်ကို သင့်အား ငါပြလျှင် နောင်အချိန်တွင် သင်သည် ငါ့အား ပြုပြင်ရဲမည်မဟုတ်။ ဤသို့ဆိုလျှင် ငါ အနိုင်မရရှိသလော” ဟူ၍ ဖြစ်သည်။ အဘယ်သို့နည်း။ စိတ်သဘောထားက ဖော်ထုတ်ခံရပြီးဖြစ်သည်မဟုတ်လော။ ဤသည်မှာ ဆိုးယုတ်သော စိတ်သဘောထားဖြစ်သည်။ ဆိုးယုတ်သော စိတ်သဘောထားရှိသူများသည် သမ္မာတရားအား မနှစ်သက်ခြင်းသာ မဟုတ်ဘဲ သမ္မာတရားကို မုန်းတီးသည်။ ၎င်းတို့သည် ပြုပြင်ခြင်းကို ခံရသောအခါ ထွက်ပြေးရန် ကြိုးစားသည်၊ သို့မဟုတ် လျစ်လျူရှုသည်။ ၎င်းတို့၏ စိတ်နှလုံးထဲတွင် ၎င်းတို့သည် အလွန်အမင်း ရန်လိုကြသည်။ ယင်းမှာ ၎င်းတို့က ဆင်ခြေများ စိတ်ကူးရခြင်း ကိစ္စသက်သက်သာမဟုတ်ပေ။ ယင်းမှာ ၎င်းတို့၏ သဘောထားလုံးဝ မဟုတ်ပေ။ ၎င်းတို့သည် အလျှော့ပေးခြင်းမရှိဘဲ အတိုက်အခံပြုတတ်သည်။ ရက်စက်ပြီး လောဘကြီးသော အမျိုးသမီးတစ်ဦးဦးကဲ့သို့ပင် ပြန်၍ ငြင်းခုံသည်။ ၎င်းတို့၏ စိတ်နှလုံးတွင် ၎င်းတို့က၊ “သင်သည် ငါ့အား အရှက်ရစေရန်၊ တမင် ကသိကအောက်ဖြစ်ရန် ကြိုးစားနေခြင်းဖြစ်သည်ကို ငါနားလည်သည်။ ငါသည် သင့်အား မျက်နှာချင်းဆိုင်၍ အတိုက်အခံမလုပ်ရဲသော်လည်း လက်စားချေရန် အခွင့်အရေးကို ငါရှာမည်။ သင်သည် ငါ့အား ပြုပြင်ရုံမျှပြုပြင်ပြီး ဩဇာပေးနိုင်မည်ဟု ထင်သလော။ လူတိုင်းကို ငါ့ဘက်သို့ပါအောင် ငါလုပ်မည်။ သင့်ကို တစ်ဦးတည်း သီးခြားဖြစ်စေမည်။ ပြီးလျှင် သင်ကိုယ်တိုင်လုပ်ဆောင်သည့်နည်းအတိုင်း သင့်အပေါ် ငါလုပ်ဆောင်မည်” ဟူ၍ စဉ်းစားသည်။ ဤသည်မှာ ၎င်းတို့၏ စိတ်နှလုံးတွင် စဉ်းစားနေသည့်အရာဖြစ်သည်။ ၎င်းတို့၏ ဆိုးယုတ်သော စိတ်သဘောထားသည် နောက်ဆုံးတွင် သူ့ဘာသာ ထုတ်ဖော်ပြလာသည်။ ၎င်းတို့၏ ရည်ရွယ်ချက်များကို ရရှိပြီး ၎င်းတို့၏ မလိုမုန်းထားစိတ်ကို ဖွင့်ချရန်အတွက် ၎င်းတို့သည် မိမိတို့ကိုယ်ကို မှန်ကန်ကြောင်းပြပြီး လူတိုင်းအား ၎င်းတို့ဘက်သို့ ပါစေမည့် ဆင်ခြေများကို ထုတ်ဖို့ အစွမ်းကုန် ကြိုးစားကြသည်။ ထိုအခါမှသာ ၎င်းတို့သည် ပျော်ရွှင်ပြီး ဖြေသိမ့်နိုင်ကြသည်။ ဤသည်မှာ မလိုမုန်းထားခြင်းမဟုတ်သလော။ ဤသည်မှာ ဆိုးယုတ်သော စိတ်သဘောထားဖြစ်သည်။ ပြုပြင်ခြင်းမခံရသေးသောအချိန်တွင် ထိုသို့သောသူများသည် သိုးသငယ်များကဲ့သို့ဖြစ်သည်။ ပြုပြင်ခြင်းကိုခံရသောအခါတွင်၊ သို့မဟုတ် ၎င်းတို့၏ သရုပ်မှန် ပေါ်လွင်သွားသောအခါတွင် ၎င်းတို့သည် ချက်ချင်းပင် သိုးသငယ်မှ ဝံပုလွေတစ်ကောင်အဖြစ် ပြောင်းသွားပြီး ၎င်းတို့၏ ဝံပုလွေဆန်ခြင်း ပေါ်ထွက်လာသည်။ ဤသည်မှာ ဆိုးယုတ်သော စိတ်သဘောထားဖြစ်သည်မဟုတ်လော။ (ဟုတ်ပါသည်။) ဤသို့ဆိုလျှင် ယင်းသည် အချိန်အများစုတွင် အဘယ်ကြောင့် မမြင်သာသနည်း။ (၎င်းတို့ ဆွပေးခြင်းမခံရသောကြောင့်ဖြစ်သည်။) မှန်သည်။ ၎င်းတို့သည် ဆွပေးခြင်းမခံရသကဲ့သို့ ၎င်းတို့၏ အကျိုးစီးပွားများက အန္တရာယ်မရှိပေ။ ဤသည်မှာ ဝံပုလွေတစ်ကောင်က မဆာလောင်သောအခါတွင် သင့်အား စားမည်မဟုတ်သကဲ့သို့ဖြစ်သည်။ ဤသို့ဆိုလျှင် ယင်းသည် ဝံပုလွေမဟုတ်ဟု သင်ဆိုနိုင်သလော။ ယင်းကို ဝံပုလွေဟုခေါ်ဆိုရန်အတွက် သင့်ကို စားရန် ကြိုးစားသည်အထိစောင့်နေလျှင် အလွန်နောက်ကျသွားမည်မဟုတ်လော။ သင့်အား စားရန် မကြိုးစားသေးချိန်တွင်ပင်၊ သင်သည် အချိန်ပြည့် သတိဝီရိယရှိသင့်သည်။ ဝံပုလွေက သင့်အား မစားခြင်းသည် သင့်အား မစားလိုသည့် သဘောမဟုတ်ပေ။ အချိန်မကျသေးခြင်းသာ ဖြစ်သည်။ အချိန်ကျလာသောအခါတွင် သူ၏ ဝံပုလွေသဘာဝက ပြလာသည်။ ပြုပြင်ခြင်းက လူမျိုးစုံကို ထုတ်ဖော်သည်။ လူအချို့က “အဘယ်ကြောင့် ပြုပြင်ခြင်းခံရသည်မှာ ငါတစ်ယောက်တည်းဖြစ်သနည်း။ အဘယ်ကြောင့် ငါသည် အစဉ်အမြဲ အနိုင်ကျင့်ခံရသနည်း။ ငါ့အား လွယ်ကူသော ပစ်မှတ်အဖြစ် မြင်ကြသလော။ ငါသည် သင်တို့ ရန်စ၍ရသည့်သူမျိုးမဟုတ်” ဟူ၍ စဉ်းစားကြသည်။ ဤသည်မှာ မည်သည့်စိတ်သဘောထားဖြစ်သနည်း။ ပြုပြင်ခံရသည်မှာ အဘယ်ကြောင့် ၎င်းတို့သာ ဖြစ်သနည်း။ အမှန်တကယ်တွင် ဤသို့မဟုတ်ပေ။ သင်တို့အထဲတွင် မည်သူက ပြုပြင်ခြင်းကို မခံရဖူးသနည်း။ သင်တို့အားလုံး ခံရဖူးပြီးဖြစ်သည်။ တစ်ခါတစ်ရံတွင် ခေါင်းဆောင်များ၊ အမှုဆောင်များသည် ၎င်းတို့၏ အလုပ်တွင် ထိန်းကျောင်းရခက်ပြီး မဆင်မခြင်လုပ်ဆောင်သည်။ သို့မဟုတ်လျှင် အလုပ်အစီအစဉ်များအတိုင်း မလုပ်ဆောင်ကြပေ။ ၎င်းတို့အများစုသည် ပြုပြင်ခြင်းကို ခံရသည်။ ဤသည်မှာ အသင်းတော်အလုပ်ကို ကာကွယ်ရန်၊ လူများက ထင်ရာစိုင်း၍ လုပ်ဆောင်ခြင်းကို တားဆီးရန် လုပ်ဆောင်ခြင်းဖြစ်သည်။ သီးသန့် ပုဂ္ဂိုလ်တစ်ဦးဦးကို ပစ်မှတ်ထားဖို့ လုပ်ဆောင်ခြင်းမဟုတ်ပေ။ ၎င်းတို့ပြောသည့်အရာသည် အချက်အလက်များကို သိသာစွာပင် လိုရာဆွဲ၍ မမှန်မကန်ပြောခြင်းဖြစ်သည်။ ဤသည်မှာလည်း ဆိုးယုတ်သော စိတ်သဘောထား၏ သရုပ်သကန် ဖြစ်သည်။

ဆိုးယုတ်သော စိတ်သဘောထားသည် အခြားမည်သည့်ပုံစံဖြင့် ထင်ရှားသနည်း။ ယင်းသည် သမ္မာတရားအား မနှစ်သက်ခြင်းနှင့် မည်သို့ ဆက်စပ်သနည်း။ အမှန်တကယ်တွင် သမ္မာတရားအား မနှစ်သက်ခြင်းသည် အာခံခြင်း၊ ဝေဖန်အပြစ်တင်ခြင်း သဘောထားများဆောင်လျက် ဆိုးရွားသော ပုံစံတစ်ခုဖြင့် ထင်ရှားသည့်အခါ၊ ဤအရာက ဆိုးယုတ်စိတ်သဘောထားကို ထုတ်ဖော်ပြပေသည်။ သမ္မာတရားအား မနှစ်သက်ခြင်းသည် သမ္မာတရားအား စိတ်ဝင်စားမှုကင်းမဲ့ခြင်းမှစ၍ သမ္မာတရားအား မနှစ်သက်ခြင်းအထိ အခြေအနေ များစွာ ပါဝင်သည်။ ယင်းက ဘုရားသခင်အား ဝေဖန်အပြစ်တင်ခြင်း၊ ဘုရားသခင်အား ရှုတ်ချခြင်းအထိ မြင့်တက်သွားသည်။ သမ္မာတရားအား မနှစ်သက်ခြင်းသည် အခြေအနေတစ်ခုသို့ ရောက်ရှိသောအခါ လူတို့သည် ဘုရားသခင်ကို ငြင်းဆန်တတ်သည်။ ဘုရားသခင်ကို မုန်းပြီး ဆန့်ကျင်တတ်သည်။ ဤအခြေအနေအချို့သည် ဆိုးယုတ်သောစိတ်သဘောထားဖြစ်သည်မဟုတ်လော။ (ဟုတ်ပါသည်။) ထို့ကြောင့် သမ္မာတရားအား မနှစ်သက်သောသူတို့သည် ပို၍ပင် ဆိုးရွားသော အခြေအနေတစ်ခုရှိသည်။ ဤအခြေအနေအတွင်းတွင် စိတ်သဘောထားတစ်မျိုးရှိသည်။ ဆိုးယုတ်သော စိတ်သဘောထားဖြစ်သည်။ ဥပမာအနေဖြင့်၊ အရာရာကို ဘုရားသခင်က အုပ်စိုးသည်ဟု လူအချို့က အသိအမှတ်ပြုသည်။ သို့သော် ဘုရားသခင်က ၎င်းတို့ထံမှ ယူဆောင်သွားပြီး၊ ၎င်းတို့၏ အကျိုးစီးပွားများ ဆုံးရှုံးခြင်းကို ခံရသောအခါ ၎င်းတို့သည် အပြင်ပန်းတွင် ညည်းညူခြင်း သို့မဟုတ် ဆန့်ကျင်ခြင်း မရှိသော်လည်း၊ စိတ်အတွင်းတွင် လက်ခံခြင်း၊ သို့မဟုတ် ကျိုးနွံနာခံခြင်းမရှိကြပေ။ ၎င်းတို့၏ သဘောထားသည် မလှုပ်မယှက်ဖြင့် ထိုင်နေပြီး ပျက်စီးခြင်းကို စောင့်မျှော်သည့် စိတ်သဘောထားဖြစ်သည်။ ဤသည်မှာ သိသာထင်ရှားစွာပင် သမ္မာတရားအား မနှစ်သက်သည့် အခြေအနေဖြစ်သည်။ ပို၍ပင် ဆိုးရွားသော အခြေအနေဖြစ်သည့် အခြားတစ်ခုလည်းရှိသည်။ ၎င်းတို့သည် မလှုပ်မယှက်ဖြင့် ထိုင်ပြီး ပျက်စီးခြင်းကို မစောင့်မျှော်ဘဲ ထိုအစား ဘုရားသခင်၏ အစီအစဉ်များနှင့် စီစဉ်ညွှန်ကြားမှုများကို အာခံကာ ဘုရားသခင်က ၎င်းတို့ထံမှ အမှုအရာများ ယူဆောင်ခြင်းကို အာခံကြလေသည်။ ၎င်းတို့က မည်သို့ အာခံသနည်း။ (အသင်းတော်အလုပ်ကို နှောင့်ယှက်ခြင်း၊ အဖျက်အမှောင်လုပ်ခြင်း၊ သို့မဟုတ် အမှုကိစ္စများကို တမင်ဖျက်ဆီးခြင်း၊ ၎င်းတို့၏ ကိုယ်ပိုင်နယ်မြေတည်ထောင်ဖို့ ကြိုးစားခြင်းတို့အားဖြင့် ဖြစ်သည်။) ဤသည်မှာ ပုံစံတစ်ခုဖြစ်သည်။ အသင်းတော်ခေါင်းဆောင်အချို့ လူစားလဲခံရပြီးနောက်တွင် ၎င်းတို့သည် အသင်းတော်အသက်တာကို အသက်ရှင်သည့်အခါ၊ အစဉ်သဖြင့် အမှုကိစ္စများကို နှောင့်ယှက်ပြီး အသင်းတော်ကို အဖျက်အမှောင်လုပ်ဆောင်ကြသည်။ ၎င်းတို့သည် အသစ်ရွေးချယ်ထားခြင်းခံရသော ခေါင်းဆောင်ပြောသမျှကို အာခံပြီး လိုက်နာခြင်းမရှိသကဲ့သို့ သူ၏ နောက်ကွယ်တွင် သူ့အား သေးသိမ်စေရန် ကြိုးစားသည်။ ဤသည်မှာ မည်သည့်စိတ်သဘောထားဖြစ်သနည်း။ ဆိုးယုတ်သောစိတ်သဘောထားဖြစ်သည်။ ၎င်းတို့အမှန်တကယ် စဉ်းစားသည်မှာ “ငါသည် ခေါင်းဆောင် မဖြစ်နိုင်လျှင် အခြားမည်သူမျှ ဤရာထူးကို ထိန်းသိမ်း၍မရနိုင်။ ၎င်းတို့အားလုံးကို ငါ မောင်းထုတ်ပစ်မည်။ ငါသည် သင်တို့အား အတင်းနှင်ထုတ်လျှင် ယခင်ကကဲ့သို့ ငါဦးဆောင်ရလိမ့်မည်” ဟူ၍ ဖြစ်သည်။ ဤသည်မှာ သမ္မာတရားအား မနှစ်သက်ခြင်း သက်သက်မဟုတ်ပေ။ ယင်းသည် ဆိုးယုတ်သည်။ မိမိ၏ ဂုဏ်သတင်း၊ မာနနှင့် အဆင့်အတန်းကို အဖတ်ဆယ်ရန်၊ သို့မဟုတ်လျှင် လက်စားချေဖို့အတွက် မိမိဆန္ဒကို ဖြည့်ဆည်းရန် အဆင့်အတန်းအတွက် ကြိုးစားရုန်းကန်ခြင်း၊ နယ်မြေအတွက် ကြိုးစားရုန်းကန်ခြင်း၊ တစ်ကိုယ်ရေ အကျိုးစီးပွားများနှင့် ဂုဏ်သတင်းအတွက် ကြိုးစားရုန်းကန်ခြင်း၊ လက်စားချေရန်အတွက် မည်သို့ဖြစ်စေ မရပ်တန့်ခြင်း၊ တတ်နိုင်သမျှ လုပ်ဆောင်ခြင်း၊ မိမိ၏ကျွမ်းကျင်မှုအားလုံးကို အသုံးချခြင်း၊ မိမိ၏ ရည်ရွယ်ချက်များကို ရရှိရန်အတွက် ဖြစ်နိုင်သမျှတိုင်းကို လုပ်ဆောင်ခြင်းတို့ဖြစ်သော ဤအရာအားလုံးသည် ဆိုးယုတ်မှု၏ သရုပ်သကန်များဖြစ်သည်။ ဆိုးယုတ်သော စိတ်သဘောထား၏ အပြုအမူအချို့တွင် အဖျက်အမှောင့်လုပ်ပြီး နှောင့်ယှက်သောအရာများစွာကို ပြောဆိုခြင်းပါဝင်သည်။ အချို့မှာ မိမိ၏ ရည်မှန်းချက်များကို ရရှိရန်အတွက် မကောင်းသောအရာများစွာကို လုပ်ဆောင်ခြင်းပါဝင်သည်။ ၎င်းတို့၏ စကားများတွင်ဖြစ်စေ၊ လုပ်ရပ်များတွင်ဖြစ်စေဤသို့သောသူများလုပ်ဆောင်သမျှသည် သမ္မာတရားနှင့် ကွဲလွဲနေပြီးသမ္မာတရားကို ချိုးဖောက်သည်။ အားလုံးမှာ ဆိုးယုတ်သောစိတ်သဘောထား ထုတ်ဖော်ခြင်းဖြစ်သည်။ လူအချို့မှာ ဤအရာများကို ပိုင်းခြားသိမြင်နိုင်စွမ်းမရှိပေ။ မှားယွင်းနေသော စကား၊ သို့မဟုတ် အပြုအမူက ပေါ်ပေါ်ထင်ထင် မဖြစ်လျှင် ၎င်းတို့က အရှိအတိုင်း မမြင်နိုင်ပေ။ သို့သော် သမ္မာတရားအား နားလည်သူများအတွက်မူ ဆိုးယုတ်သောသူများ ပြောဆို၊ လုပ်ဆောင်သည့်အရာတိုင်းသည် ဆိုးယုတ်ပြီး မှန်ကန်သောအရာ၊ သို့မဟုတ် သမ္မာတရားနှင့် ကိုက်ညီသောအရာတစ်ခုမျှ လုံးဝ မပါဝင်နိုင်ပေ။ ဤလူများ ပြောသည့်၊ လုပ်ဆောင်သည့်အရာများသည် ၁၀၀ ရာခိုင်နှုန်းဆိုးယုတ်သည်ဟု ဆိုနိုင်ပြီး အပြည့်အဝပင် ဆိုးယုတ်သော စိတ်သဘောထား ထုတ်ဖော်ခြင်းဖြစ်သည်။ ဤဆိုးယုတ်သော စိတ်သဘောထားကို ၎င်းတို့ ထုတ်ဖော်ပြမီတွင် ဆိုးယုတ်သောလူများ၏ အရင်းခံအကြောင်းရင်းများမှာ အဘယ်နည်း။ မည်သည့်ပန်းတိုင်မျိုးကို ၎င်းတို့ စွမ်းဆောင်ရရှိဖို့ ကြိုးစားနေသနည်း။ ထိုသို့သောအရာများကို ၎င်းတို့ အဘယ်သို့ လုပ်နိုင်သနည်း။ ဤအရာကို သင်တို့ ပိုင်းခြားသိမြင်နိုင်သလော။ ငါ ဥပမာတစ်ခုပေးမည်။ တစ်စုံတစ်ယောက်၏ အိမ်တွင် တစ်စုံတစ်ခုဖြစ်ပျက်သည်။ ထိုအိမ်သည် အဆင်းနီသော နဂါးကြီး၏ စောင့်ကြည့်ခြင်းကို ခံရပြီး သူ အိမ်ပြန်၍မရပေ။ ယင်းကြောင့် သူသည် အလွန်အမင်း နာကျင်ရသည်။ ညီအစ်ကိုမောင်နှမအချို့က သူ့ကို ခေါ်ထားကြသည်။ သူ၏ ဧည့်ခံအိမ်တွင် အရာရာတိုင်းက အလွန်ကောင်းမွန်သည်ကို မြင်ပြီး သူသည် “သင်၏ အိမ်တွင် မည်သည့်အရာမျှ မဖြစ်ပျက်သည်မှာ အဘယ်သို့ဖြစ်သနည်း။ ငါ၏အိမ်တွင် ဖြစ်ပျက်သည်မှာ အဘယ်သို့ဖြစ်ရသနည်း။ ယင်းမှာ မတရားပါ။ မဖြစ်ချေဘူး။ သင် အိမ်မပြန်နိုင်ရန်အတွက် သင်၏ အိမ်တွင် တစ်စုံတစ်ခုဖြစ်ပျက်ဖို့ နည်းလမ်းကို ငါ စဉ်းစားရမည်။ ငါ ခံရသည့် ဆင်းရဲဒုက္ခအချို့၏ အရသာကို သင့်အား မြည်းစမ်းခိုင်းမည်” ဟူ၍ စဉ်းစားသည်။ သူသည် တစ်ခုတလေကို လုပ်ဆောင်သည်ဖြစ်စေ၊ မလုပ်ဆောင်သည်ဖြစ်စေ၊ ဤအရာက လက်တွေ့ဖြစ်လာသည်ဖြစ်စေ၊ မဖြစ်လာသည်ဖြစ်စေ၊ သူ၏ ရည်မှန်းချက်ကို သူ ဖြစ်မြောက်သည်ဖြစ်စေ၊ မဖြစ်မြောက်သည်ဖြစ်စေ သူ့တွင် ဤကြံရွယ်ချက်မျိုး ရှိနေဆဲဖြစ်သည်။ ဤသည်မှာ စိတ်သဘောထားအမျိုးအစားတစ်ခုဖြစ်သည်မဟုတ်လော။ (ဟုတ်ပါသည်။) သူသည် ကောင်းမွန်သော ဘဝတစ်ခုကို မရှင်သန်နိုင်လျှင် အခြားလူများကိုလည်း သူရှင်သန်ခွင့် ပေးမည်မဟုတ်ပေ။ ထိုသို့သော စိတ်သဘောထားတစ်ခု၏ သဘာဝမှာ အဘယ်နည်း။ (မလိုမုန်းထားခြင်းဖြစ်သည်။) ဆိုးယုတ်သောစိတ်သဘောထားဖြစ်သည်။ ဤလူသည် မနှစ်မြို့ဖွယ်ဖြစ်သည်။ ဆိုရိုးစကားတစ်ခုအတိုင်းပင် ထိုသူသည် အတွင်းပုပ်ဖြစ်သည်။ ဤသည်မှာ သူ မည်မျှကြမ်းတမ်းသည်ကို ဖော်ပြသည်။ ထိုသို့သော စိတ်သဘောထား၏ သဘောသဘာဝမှာ အဘယ်နည်း။ သူ့တွင် ဤစိတ်သဘောထား ထုတ်ဖော်ပြသောအခါ သူ၏ အရင်းခံအကြောင်းရင်းများ၊ ရည်ရွယ်ချက်များ၊ ဦးတည်ချက်များက မည်သည့်အရာဖြစ်သည်ကို ပိုင်းခြားစိစစ်ကြည့်လော့။ ဤစိတ်သဘောထားကို သူထုတ်ဖော်ခြင်း၏ စမှတ်သည် မည်သည့် အရာ ဖြစ်သနည်း။ သူသည် မည်သည့်အရာကို စွမ်းဆောင်ရရှိလိုသနည်း။ သူကိုယ်တိုင်၏ အိမ်တွင် တစ်စုံတစ်ခုဖြစ်ပျက်ပြီး သူ၏ ဧည့်ခံအိမ်တွင် ကောင်းစွာထောက်ပံ့ပေးခြင်းခံရသည်။ ဤသို့ဆိုလျှင် သူသည် အဘယ်ကြောင့် ဤအရာကို ဖျက်လိုဖျက်ဆီးလုပ်ချင်သနည်း။ သူသည် သူ့အား ဧည့်ခံသူများကို ဖျက်လိုဖျက်ဆီးလုပ်ခြင်းကြောင့် ဧည့်ခံသူများ၏အိမ်တွင် တစ်စုံတစ်ခုဖြစ်ပျက်ပြီး ဧည့်ခံသူများကလည်း မပြန်နိုင်သောအခါမှသာ ဝမ်းသာလေသလော။ သူသည် သူကိုယ်တိုင်၏ အကျိုးအတွက် ဤနေရာကို ကာကွယ်သင့်သည်။ မည်သည့်အရာမျှ မဖြစ်ရန် တားဆီးသင့်ပြီး သူ့ကို ဧည့်ခံသူများအား ထိခိုက်ခြင်းသည် သူ့ကိုယ်သူ ထိခိုက်စေခြင်းနှင့် တူသဖြင့် ၎င်းတို့ကို မထိခိုက်သင့်ပေ။ ဤသို့ဆိုလျှင် ဤသို့လုပ်ဆောင်လိုခြင်းတွင် သူ၏ ရည်ရွယ်ချက်မှာ အတိအကျ မည်သည့်အရာ ဖြစ်သနည်း။ (အကြောင်းကိစ္စများက သူ့အတွက် အဆင်မပြေသောအခါ သူသည် အခြားမည်သူမဆိုအတွက်လည်း အဆင်မပြေစေလိုပေ။) ဤသည်မှာ ကြမ်းတမ်းခြင်းဟု ခေါ်သည်။ ထိုသူ စဉ်းစားသည်မှာ “ငါ၏ အိမ်သည် အဆင်းနီသောနဂါးကြီးကြောင့် ပျက်စီးသွားပြီး ယခုတွင် ငါ့၌ အိမ်မရှိပါ။ သို့သော် သင်သည် သင်ပြန်နိုင်သည့် ကောင်းမွန်သော၊ နွေးထွေးသောအိမ်တစ်လုံးရှိသေးသည်။ ဤသည်မှာ မတရားပါ။ သင်သည် အိမ်သို့ပြန်နိုင်သည်ကို ငါ ကြည့်မနေနိုင်ပါ။ သင့်အား ငါ သင်ခန်းစာတစ်ခုပေးမည်။ သင်အိမ်ပြန်၍မရဘဲ ငါကဲ့သို့ပင်ဖြစ်ရန် ငါ လုပ်ဆောင်မည်။ ဤက မျှတသည်ဟု ခံစားရစေလိမ့်မည်” ဟူ၍ ဖြစ်သည်။ ဤသို့ လုပ်ဆောင်ခြင်းသည် မလိုမုန်းထားခြင်း၊ မကောင်းသော ရည်ရွယ်ချက်ရှိခြင်းမဟုတ်လော။ ဤသည်မှာ မည်သည့်အရာ၏ သဘောသဘာဝဖြစ်သနည်း။ (ကြမ်းတမ်းခြင်းဖြစ်သည်။) ဆိုးယုတ်သောလူများက ပြောသမျှ၊ လုပ်ဆောင်သမျှတိုင်းသည် ရည်ရွယ်ချက်တစ်ခုကို စွမ်းဆောင်ရရှိရန် ပြုလုပ်ခြင်းဖြစ်သည်။ ၎င်းတို့သည် မည်သည့်အရာမျိုးကို လုပ်ဆောင်လေ့ရှိသနည်း။ ဆိုးယုတ်သော စိတ်သဘောထားများရှိသောသူများက အများဆုံး လုပ်ဆောင်လေ့ရှိသောအရာမှာ အဘယ်နည်း။ (အသင်းတော်အလုပ်ကို နှောင့်ယှက်သည်။ အဖျေက်အမှောင့်လုပ်ပြီး ဖျက်ဆီးသည်။) (၎င်းတို့သည် လူများနှင့် မျက်နှာချင်းဆိုင်ရှိသောအခါတွင် မျက်နှာလိုမျက်နှာရလုပ်ဖို့ ကြိုးစားသည်။ သို့သော် လူတို့နောက်ကွယ်တွင် ၎င်းတို့အား သေးသိမ်စေရန် ကြိုးစားကြသည်။) (၎င်းတို့သည် လူတို့ကို တိုက်ခိုက်သည်။ အငြိုးကြီးပြီး လူတို့အား မလိုမုန်းထားစွာဖြင့် ဒေါသတကြီးရမ်းသည်။) (ကောလာဟလများ၊ အသရေဖျက်မှုများကို ဖြန့်သည်။) (အခြားလူများကို မကောင်းပြောသည်။ ဝေဖန်အပြစ်တင်သည်။ ရှုတ်ချသည်။) ဤလုပ်ရပ်များ၏ သဘာဝမှာ အသင်းတော်အလုပ်ကို အဖျက်အမှောင့်လုပ်ပြီး ဖျက်ဆီးရန်ဖြစ်သည်။ ထိုအရာအားလုံးသည် ဘုရားသခင်အား အာခံခြင်း၊ တိုက်ခိုက်ခြင်း၏ သရုပ်သကန်များ ဖြစ်သည်။ အားလုံးက ဆိုးယုတ်သောစိတ်သဘောထားကို ဖွင့်ပြခြင်းဖြစ်သည်။ ဤအရာများကို လုပ်ဆောင်နိုင်စွမ်းရှိသူတို့သည် ဆိုးယုတ်သောသူများဖြစ်သည်မှာ သံသယရှိစရာမလိုပေ။ ပြီးလျှင် ဆိုးယုတ်သောစိတ်သဘောထား၏ သရုပ်သကန်အချို့ကို ပိုင်ဆိုင်သောသူတို့အားလုံးအား ဆိုးယုတ်သောသူများအဖြစ် သတ်မှတ်နိုင်သည်။ ဆိုးယုတ်သူတစ်ယောက်၏ အနှစ်သာရမှာ အဘယ်နည်း။ ယင်းသည် နတ်ဆိုး၊ စာတန်၏ အနှစ်သာရဖြစ်သည်။ ဤသည်မှာ ချဲ့ကားပြောခြင်းမဟုတ်ပေ။ ဤလုပ်ရပ်များကို သင်တို့ လုပ်ဆောင်နိုင်စွမ်းရှိကြသလော။ ဤလုပ်ရပ်များထဲတွင် မည်သည့်အရာကို သင်တို့ လုပ်ဆောင်နိုင်သနည်း။ (ဝေဖန်အပြစ်တင်ခြင်းဖြစ်သည်။) ဤသို့ဆိုလျှင် သင်တို့သည် လူတို့အား တိုက်ခိုက်ဝံ့သလော၊ သို့မဟုတ် လက်စားချေဝံ့သလော။ (တစ်ခါတစ်ရံတွင် ကျွန်ုပ်၌ ဤသို့သောအတွေးများ အမှန်ပင်ရှိသော်လည်း၊ မလုပ်ဆောင်ရဲပါ။) သင်တို့သည် ဤအတွေးများသာရှိသော်လည်း မလုပ်ဆောင်ရဲပေ။ အဆင့်နိမ့်သောသူတစ်ယောက်က သင့်အား ထိခိုက်စေလျှင် သင်သည် ပြန်လည်ဒဏ်ခတ်မည်လော။ (တစ်ခါတစ်ရံတွင် ဒဏ်ခတ်မည်။ ဤသို့သောအရာများကို ကျွန်ုပ် လုပ်ဆောင်နိုင်စွမ်းရှိသည်။) ဤလူသည် အမှန်ပင် အထင်ကြီးစဖွယ်ဖြစ်လျှင်၊ သူသည် အလွန်ပင် ရှင်းလင်းစွာ ပြောဆိုတတ်ပြီး သင့်အား ထိခိုက်လျှင် သင်သည် ပြန်လည်ဒဏ်ခတ်ဝံ့မည်လော။ လူအနည်းငယ်သာ ဤသို့လုပ်ဆောင်ရန် ကြောက်ရွံ့မည်မဟုတ်ပေ။ အားနည်းသူကို အနိုင်ကျင့်ပြီး သန်မာသူကို ကြောက်သည့် ဤသို့သောသူများသည် ဆိုးယုတ်သောစိတ်သဘောထားရှိသလော။ (ရှိပါသည်။) ယင်းသည် မည်သည့်အပြုအမူမျိုးဖြစ်စေ၊ မည်သူ့ကို ရည်ရွယ်သည်ဖြစ်စေ၊ သင်သည် အခြားညီအစ်ကိုမောင်နှမများကို လက်တုံ့ပြန်သည့် မကောင်းမှုကို စွမ်းဆောင်နိုင်စွမ်းရှိလျှင် သင့်အတွင်း၌ ဆိုးယုတ်သောစိတ်သဘောထားရှိသည်ကို သက်သေပြသည်။ ဤဆိုးယုတ်သော စိတ်သဘောထားသည် အပြင်ပန်းတွင် အလွန်ထူးခြားသည့် ပုံစံမရှိပေ။ သို့သော် သင်သည် ယင်းကို ခွဲခြားသိမြင်နိုင်ရမည် ဖြစ်ပြီးမည်သူ့ကို သင် ပစ်မှတ်ထားနေသည်ကို ခွဲခြားသိမြင်နိုင်ရမည်။ သင်သည် စာတန်အပေါ် ကြမ်းကြုတ်ပြီး စာတန်အား နှိမ်နင်းကာ အရှက်ရစေနိုင်လျှင် ဆိုးယုတ်သော စိတ်သဘောထားအဖြစ် သတ်မှတ်သလော။ မသတ်မှတ်ပေ။ ဤသည်မှာ မှန်ကန်သည့်အရာအတွက် ရပ်တည်ခြင်းဖြစ်ပြီး မိမိ ရန်သူကို ရင်ဆိုင်ရာတွင် ကြောက်ရွံ့မှုမရှိခြင်းဖြစ်သည်။ ဤသည်မှာ တရားမျှတမှု အသိစိတ်ရှိခြင်းဖြစ်သည်။ မည်သည့် အခြေအနေများတွင် ဤအရာကို ဆိုးယုတ်သော စိတ်သဘောထားအဖြစ် သတ်မှတ်မည်နည်း။ သင်သည် လူကောင်းများ၊ သို့မဟုတ် ညီအစ်ကိုမောင်နှမများကို အနိုင်ကျင့်လျှင်၊ စော်ကားလျှင်၊ အရှက်ရစေလျှင် ယင်းသည် ဆိုးယုတ်သောစိတ်သဘောထားဖြစ်လိမ့်မည်။ ထို့ကြောင့် သင်သည် အသိတရားနှင့် အသိစိတ် ပိုင်ဆိုင်ရမည်။ လူများ၊ အမှုအရာများကို စည်းမျဉ်းဖြင့် ချဉ်းကပ်ရမည်။ ဆိုးယုတ်သောလူများနှင့် နတ်ဆိုးများကို ပိုင်းခြားသိမြင်နိုင်ရမည်။ တရားမျှတသော အသိစိတ်ရှိရမည်။ ဘုရားသခင်ရွေးချယ်ထားသောသူများနှင့် ညီအစ်ကိုမောင်နှမများအပေါ် သည်းခံပြီး စိတ်ရှည်ရမည်ဖြစ်ပြီး သမ္မာတရားနှင့် အညီ လက်တွေ့လုပ်ဆောင်ရမည်။ ဤသည်မှာ လုံးဝ မှန်ကန်ပြီး ဘုရားသခင်၏ ရည်ရွယ်ချက်များနှင့် နှင့်ညီသည်။ ဆိုးယုတ်သောစိတ်သဘောထားရှိသူများသည် ဤကဲ့သို့ စည်းမျဉ်းနှင့်အညီ လူတို့ကို မဆက်ဆံပေ။ လူတစ်ယောက်သည် မည်သူဖြစ်စေ ၎င်းတို့အား ထိခိုက်သည့်အရာတစ်ခုကို လုပ်ဆောင်မိလျှင် ၎င်းတို့သည် လက်စားချေဖို့ ကြိုးစားလိမ့်မည်။ ဤသည်မှာ ကြမ်းတမ်းခြင်းဖြစ်သည်။ ဆိုးယုတ်သောလူများ ပြုမူသည့်ပုံစံတွင် စည်းမျဉ်းမရှိပေ။ ၎င်းတို့သည် သမ္မာတရားကို မရှာဖွေပေ။ မိမိကိုယ်တိုင်၏ မလိုမုန်းထားစိတ်ကြောင့် လုပ်ဆောင်သည်ဖြစ်စေ၊ အားနည်းသူကို အနိုင်ကျင့်ပြီး အားကြီးသူကို ကြောက်ရွံ့ခြင်းဖြစ်စေ၊ မည်သူကိုမဆို လက်စားချေရဲခြင်းဖြစ်စေ ဤအရာအားလုံးသည် ဆိုးယုတ်သော စိတ်သဘောထားနှင့် သက်ဆိုင်သည်။ ဤအရာအားလုံးသည် ဖောက်ပြန်ပျက်စီးသော စိတ်သဘောထားတစ်ခု ဖြစ်သည်။ ဤအရာနှင့်သက်ဆိုင်၍ သံသယရှိစရာမလိုပေ။

ဆိုးယုတ်သော စိတ်သဘောထားရှိသူတစ်ယောက်၏ အသိသာဆုံး သရုပ်သကန်မှာ အဘယ်နည်း။ အနိုင်ကျင့်ရန် လွယ်ကူသော ရိုးသားဖြောင့်မတ်သူတစ်ယောက်ကို ကြုံတွေ့ပြီး ထိုသူအား စတင် အနိုင်ကျင့်ကာ ဆော့ကစားသောအချိန်တွင်ဖြစ်သည်။ ဤသည်မှာ အဖြစ်များသော ဖြစ်ရပ်ဖြစ်သည်။ အတော်အတန် ကြင်နာတတ်သောသူတစ်ယောက်သည် ရိုးသားဖြောင့်မတ်ပြီး၊ ကြောက်တတ်သောသူတစ်ယောက်ကို မြင်သောအခါ ထိုသူအပေါ် သနားကရုဏာစိတ်ကို ခံစားရလိမ့်မည်။ သူသည် မကူညီနိုင်လျှင်ပင် ထိုသူအား အနိုင်ကျင့်မည်မဟုတ်ပေ။ သင်၏ ညီအစ်ကိုမောင်နှမတစ်ယောက်က ရိုးသားဖြောင့်မတ်သည်ကို သင်မြင်သောအခါ မည်သို့ဆက်ဆံသနည်း။ သူ့အား အနိုင်ကျင့်သလော၊ သို့မဟုတ် စနောက်သလော။ (ကျွန်ုပ်သည် ထိုသူအား အထင်သေးဖို့များပါသည်။) လူတို့ကို အထင်သေးခြင်းသည် ၎င်းတို့အား မြင်သည့်၊ ရှုမြင်သည့် ပုံစံတစ်ခုဖြစ်ပြီး စိတ်နေစိတ်ထားတစ်မျိုးဖြစ်သည်။ သို့သော် ၎င်းတို့အပေါ် သင်ပြုမူပြောဆိုသည့်ပုံစံတွင် သင်၏ စိတ်သဘောထားပါဝင်သည်။ ငါ့အား ပြောလော့။ သင်တို့သည် တွန့်ဆုတ်ပြီး ကြောက်တတ်သောသူတို့အပေါ် မည်သို့ ပြုမူသနည်း။ (ကျွန်ုပ်သည် သူတို့အား အမိန့်ပေးပြီး အနိုင်ကျင့်သည်။) (သူတို့၏ တာဝန်အား တလွဲလုပ်ဆောင်နေသည်ကို ကျွန်ုပ်မြင်သောအခါ သူတို့ကို ခွဲခြားဆက်ဆံပြီး ဖယ်ကြဉ်သည်။) သင်တို့ပြောသည့် ဤအရာများသည် ဆိုးယုတ်သောစိတ်သဘောထားတစ်ခု၏ သရုပ်သကန်များဖြစ်ပြီး၊ လူတို့၏ စိတ်သဘောထားများနှင့် ဆက်စပ်သည်။ ဤအရာများသည် နောက်ထပ် များစွာ ရှိသေးသည်။ ထို့ကြောင့် ထိုအရာများနှင့်ပတ်သက်ပြီး အသေးစိတ်ပြောဖို့မလိုပေ။ သင်တို့သည် မိမိအား စိတ်မကျေမနပ်ဖြစ်စေသော မည်သူကိုမဆို သေစေဖို့ ဆန္ဒရှိသူ၊ ၎င်းတို့အား စီရင်ရန်၊ ကမ္ဘာမြေ၏ မျက်နှာပြင်မှ အပြတ်ရှင်းပစ်ရန် ဘုရားသခင်ထံပင် ဆုတောင်းသောသူမျိုးကို သင်တို့ ကြုံဖူးသလော။ မည်သူကမျှ ထိုသို့သော အစွမ်းတန်ခိုးမရှိသော်လည်း ထိုသို့အစွမ်းတန်ခိုးရှိလျှင်၊ သို့မဟုတ် ဘုရားသခင်ထံ ဆုတောင်းပြီး ထိုသို့လုပ်ဆောင်ရန် ဘုရားသခင်အား တောင်းဆိုနိုင်လျှင် မည်မျှကောင်းမည်နည်းဟု ၎င်းတို့၏ စိတ်နှလုံးတွင် တွေးကြသည်။ သင်တို့၏ စိတ်နှလုံးတွင် ထိုသို့သော အတွေးမျိုးရှိသလော။ (ကျွန်ုပ်တို့သည် ဧဝံဂေလိဖြန့်ဝေပြီး ကျွန်ုပ်တို့ကို တိုက်ခိုက်ကာ ရဲသို့တိုင်ကြားသော မကောင်းသည့်သူများကို ကြုံရသောအခါ ၎င်းတို့အပေါ် မုန်းတီးပြီး “သင်သည် ဘုရားသခင်က အပြစ်ဒဏ်ပေးခြင်းခံရမည့်အချိန်သို့ ရောက်လာမည်” ဟူသော အတွေးမျိုးရှိပါသည်။) ဤသည်မှာ ဓမ္မဓိဋ္ဌာန်ကျသော ဖြစ်ရပ်ဖြစ်သည်။ သင်သည် တိုက်ခိုက်ခြင်းခံရသည်။ ဆင်းရဲဒုက္ခခံရသည်။ နာကျင်ရသည်။ သင်၏ ကိုယ်ပိုင်သိက္ခာနှင့် မိမိကိုယ်ကိုလေးစားမှုတို့သည် လုံးလုံး နင်းချေခြင်းခံရသည်။ ဤသို့သော အခြေအနေမျိုးတွင် လူအများစုသည် ပြီးပြီးပျောက်ပျောက် သဘောထားနိုင်ရန် ခက်ခဲလိမ့်မည်။ (လူအချို့သည် အွန်လိုင်းတွင် ကျွန်ုပ်တို့၏ အသင်းတော်အကြောင်း ကောလာဟလများကို ဖြန့်သည်။ စွပ်စွဲမှုများစွာ ပြုလုပ်သည်။ ထိုအရာများကို ကျွန်ုပ်ဖတ်သောအခါ အလွန်စိတ်ဆိုးသည်။ ကျွန်ုပ်၏ စိတ်နှလုံးတွင် မုန်းတီးခြင်းများစွာရှိသည်။) ဤသည်မှာ ကြမ်းတမ်းခြင်းဖြစ်သလော၊ သို့မဟုတ် တဇောက်ကန်းခြင်းဖြစ်သလော၊ သို့မဟုတ် ဤသည်မှာ ပုံမှန်လူ့သဘာဝဖြစ်သလော။ (ပုံမှန်လူ့သဘာဝဖြစ်သည်။ မကောင်းဆိုးဝါးများနှင့် ဘုရားသခင်၏ ရန်သူတို့ကို မမုန်းတီးခြင်းသည်ပုံမှန် လူ့သဘာဝ မဟုတ်ပါ။) မှန်သည်။ ယင်းမှာ သာမန်လူ့သဘာဝ၏ ထုတ်ဖော်ပြခြင်း၊ သရုပ်သကန်နှင့် တုံ့ပြန်ခြင်းဖြစ်သည်။ လူတို့သည် အပျက်သဘောဆောင်သောအရာများကို မမုန်းတီးလျှင်၊ သို့မဟုတ် အပြုသဘောဆောင်သောအရာများကို မချစ်လျှင် ၎င်းတို့တွင် အသိတရား၏ စံနှုန်းများမရှိလျှင် လူမဟုတ်ပေ။ ဤအခြေအနေများအောက်တွင် လူတစ်ယောက်သည် ဆိုးယုတ်သောစိတ်သဘောထားရှိလာရန်အတွက် မည်သည့်လုပ်ရပ်ကို လုပ်ဆောင်နိုင်သနည်း။ ဤမုန်းတီးခြင်း၊ စက်ဆုပ်ခြင်းသည် အပြုအမူတစ်မျိုးမျိုးအဖြစ်သို့ တဖြည်းဖြည်းချင်း ပြောင်းလဲသွားလျှင်၊ သင်သည် အသိစိတ်အားလုံး ဆုံးရှုံးသွားပြီး သင်၏ လုပ်ရပ်များသည် လူ့သဘာဝအတွက် တားမြစ်ထားသော စည်းဘောင်တစ်ခုခုကို ကျော်သွားလျှင်၊ သင်သည် ၎င်းတို့ကို သတ်ပြီး ဥပဒေကို ချိုးဖောက်ခြင်းပင် ဖြစ်ဖွယ်ရှိလျှင် ဤသည်မှာ ကြမ်းတမ်းခြင်းဖြစ်သည်။ တဇောက်ကန်း လုပ်ဆောင်ခြင်းဖြစ်သည်။ လူတို့သည် သမ္မာတရားကို နားလည်သောအခါ၊ ဆိုးယုတ်သောလူများကို ပိုင်းခြားသိမြင်နိုင်ပြီး၊ ကောက်ကျစ်ဆိုးယုတ်မှုကို မုန်းတီးသောအခါ ဤသည်မှာ ပုံမှန်လူ့သဘာဝဖြစ်သည်။ သို့သော် လူတို့သည် တဇောက်ကန်းပုံစံဖြင့် အမှုအရာများကို ကိုင်တွယ်လျှင် ၎င်းတို့သည် စည်းမျဉ်းမရှိဘဲ ပြုမူလုပ်ဆောင်နေခြင်းဖြစ်သည်။ ဤသည်မှာ မကောင်းမှုကျူးလွန်ခြင်းနှင့် ကွာခြားမှုတစ်ခုခုရှိသလော။ (ရှိပါသည်။) ကွာခြားမှုတစ်ခုရှိသည်။ လူတစ်ယောက်သည် အလွန့်အလွန် ဆိုးဝါးလျှင်လည်းကောင်း၊ အလွန့်အလွန် ကြမ်းတမ်းလျှင်လည်းကောင်း၊ အလွန့်အလွန် ဆိုးယုတ်လျှင်လည်းကောင်း၊ အလွန့်အလွန် အကျင့်ပျက်ပြီး သင်သည် ထိုသူ့အပေါ် အလွန်ပင် ရွံ့မုန်းမှုဖြစ်ကာ ဤရွံ့မုန်းမှုကြောင့် သင်သည် ဘုရားသခင်အား ၎င်းတို့ကို ကျိန်ဆဲရန် တောင်းဆိုသည်အထိဖြစ်လျှင်လည်းကောင်း ဤသည်မှာ ပြဿနာမရှိပေ။ သို့သော် သင်သည် နှစ်ကြိမ်၊ သုံးကြိမ်ဆုတောင်းပြီး ဘုရားသခင်က မလုပ်ဆောင်ဘဲ သင့်ဘာသာလုပ်ဆောင်လျှင် အဆင်ပြေသလော။ (အဆင်မပြေပါ။) သင်သည် ဘုရားသခင်ကို ဆုတောင်းပြီး သင်၏ အမြင်များ၊ ထင်မြင်ချက်များကို ဖော်ပြနိုင်သည်။ ထို့နောက်တွင် သမ္မာတရားစည်းမျဉ်းများကို ရှာဖွေနိုင်သည်။ ဤသို့ဆိုလျှင် သင်သည် အမှုအရာများကို မှန်ကန်စွာ ကိုင်တွယ်နိုင်လိမ့်မည်။ သို့သော် သင်သည် သင်၏ တဇောက်ကန်းလုပ်ဆောင်တတ်ခြင်းဖြင့် မိုက်မဲသောအရာများကို လုပ်ဆောင်စေဖို့ မဆိုထားနှင့်။ သင့်ကိုယ်စား လက်စားချေရန်အတွက် ဘုရားသခင်အား တောင်းဆိုခြင်း၊ သို့မဟုတ် အတင်းခိုင်းစေဖို့ ကြိုးစားခြင်းပင် မပြုသင့်ပေ။ သင်သည် ဆင်ခြင်တုံတရားရှိရှိဖြင့် ချဉ်းကပ်သင့်သည်။ စိတ်ရှည်သင့်သည်။ ဘုရားသခင်၏ အချိန်ကို စောင့်သင့်သည်။ ဘုရားသခင်ထံ ဆုတောင်းလျက် အချိန်ပို၍ ကုန်ဆုံးသင့်သည်။ ဘုရားသခင်သည် စာတန်နှင့် နတ်ဆိုးများအပေါ်တွင် ဉာဏ်ပညာဖြင့် မည်သို့ပြုမူသည်ကို ကြည့်လော့။ ဤနည်းအားဖြင့် သင်သည် စိတ်ရှည်နိုင်သည်။ ဆင်ခြင်တုံတရားရှိခြင်းဆိုသည်မှာ ဤအရာအားလုံးကို ဘုရားသခင်ထံ အပ်နှံပြီး ဘုရားသခင်အား ဆောင်ရွက်ခွင့်ပေးခြင်းဖြစ်သည်။ ဤသည်မှာ ဖန်ဆင်းခံတစ်ယောက်က လုပ်ဆောင်သင့်သည့်အရာဖြစ်သည်။ တဇောက်ကန်းဖြစ်ခြင်းဖြင့် မလုပ်ဆောင်နှင့်။ တဇွတ်ထိုးလုပ်ဆောင်ခြင်းသည် ဘုရားသခင်အတွက် လက်မခံနိုင်ဖွယ်ဖြစ်သည်။ ဘုရားသခင်က ရှုတ်ချသည်။ ထိုသို့သော အချိန်များတွင် လူတို့၌ ထုတ်ဖော်ပြသော စိတ်သဘောထားမှာ လူသား၏ အားနည်းချက်၊ သို့မဟုတ် ခဏတာဖြစ်သော ဒေါသမဟုတ်ဘဲ ဆိုးယုတ်သောစိတ်သဘောထားဖြစ်သည်။ ဆိုးယုတ်သောစိတ်သဘောထားအဖြစ် သတ်မှတ်သည်နှင့် တစ်ပြိုင်နက် သင်သည် ဒုက္ခရောက်ပြီဖြစ်ပြီး သင် ကယ်တင်ခြင်းခံရဖို့ ဖြစ်နိုင်ခြေမရှိပေ။ အဘယ်ကြောင့်ဆိုသော် လူတို့တွင် ဆိုးယုတ်သောစိတ်သဘောထားများရှိသောအခါ ၎င်းတို့သည် အသိစိတ်နှင့် ဆင်ခြင်တုံတရားကို ချိုးဖောက်ပြီး ပြုမူတတ်ကြကာ ဥပဒေကို ချိုးဖောက်ရန်၊ ဘုရားသခင်၏ စီမံအုပ်ချုပ်ရေးဆိုင်ရာ အမိန့်များကို ချိုးဖောက်ရန် အလွန်ပင် ဆန္ဒရှိလာကြသောကြောင့် ဖြစ်သည်။ ဤသို့ဆိုလျှင် ဤအရာကို မည်သို့ ရှောင်ကြဉ်နိုင်မည်နည်း။ အနည်းဆုံးအနေဖြင့် မကျော်ရမည့် တားမြစ်ထားသော စည်းသုံးခုရှိသည်။ ပထမတစ်ခုမှာ အသိစိတ်နှင့် ဆင်ခြင်တုံတရားကို ချိုးဖောက်သည့်အရာများအား မလုပ်ဆောင်ခြင်းဖြစ်သည်။ ဒုတိယတစ်ခုမှာ ဥပဒေကို မချိုးဖောက်ခြင်းဖြစ်သည်။ တတိယတစ်ခုမှာ ဘုရားသခင်၏ စီမံအုပ်ချုပ်ရေးဆိုင်ရာ အမိန့်များကို မချိုးဖောက်ခြင်းဖြစ်သည်။ ထပ်၍ဖြည့်စွက်ရလျှင် အလွန်အကျွံဖြစ်သည့် မည်သည့်အရာကိုမဆို၊ သို့မဟုတ် အသင်းတော်အလုပ်အား အဖျက်အမှောင့်ပြုသည့် မည်သည့်အရာကိုမဆို မပြုလုပ်နှင့်။ ဤစည်းမျဉ်းများကို သင်လိုက်နာလျှင် အနည်းဆုံးအနေဖြင့် သင်၏ ဘေးကင်းလုံခြုံမှုက စိတ်ချရလိမ့်မည်။ သင်သည် ဖယ်ရှားရှင်းလင်းခြင်းခံရလိမ့်မည်မဟုတ်ပေ။ သင်သည် မကောင်းမှုမျိုးစုံကို ကျူးလွန်သောကြောင့် ပြုပြင်ခြင်းကို ခံရသောအခါတွင် ကြမ်းတမ်းစွာ ခုခံလျှင် ဤသည်မှာ ပို၍ပင် အန္တရာယ်ရှိသည်။ သင်သည် ဘုရားသခင်၏ စိတ်သဘောထားကို တိုက်ရိုက် ပုန်ကန်ပြစ်မှားမိပြီး အသင်းတော်မှ ရှင်းလင်းပစ်ခြင်း၊ သို့မဟုတ် နှင်ထုတ်ခြင်းခံရဖို့ များသည်။ ဘုရားသခင်၏ စိတ်သဘောထားကို ပုန်ကန်ပြစ်မှားခြင်းအတွက် အပြစ်ဒဏ်ပေးခြင်းသည် ဥပဒေကို ချိုးဖောက်ခြင်းထက် အလွန်ပင်ပို၍ ပြင်းထန်သည်။ ယင်းသည် သေခြင်းထက်ပို၍ ဆိုးသော ကံကြမ္မာဖြစ်သည်။ ဥပဒေကို ချိုးဖောက်ခြင်းက အများဆုံးအနေဖြင့် ထောင်ဒဏ်ကျခံရစေသည်။ ခက်ခဲသော နှစ်ကာလအနည်းငယ်ပြီးနောက်တွင် ပြန်ထွက်ရသည်။ ထိုမျှသာဖြစ်သည်။ သို့သော် ဘုရားသခင်၏ စိတ်သဘောထားကို ပုန်ကန်ပြစ်မှားလျှင် သင်သည် ထာဝရပြစ်ဒဏ်ကို ခံရလိမ့်မည်။ ထို့ကြောင့် ဆိုးယုတ်သော စိတ်သဘောထားရှိသူများသည် ဆင်ခြင်တုံတရားမရှိလျှင် အလွန့်အလွန်ပင် အန္တရာယ်ရှိသည်။ ၎င်းတို့သည် မကောင်းမှုကို ကျူးလွန်ဖွယ်ရှိသည်။ အပြစ်ဒဏ်ခံရပြီး ပြန်လည်ပေးဆပ်ခံရဖို့ သေချာသည်။ လူတို့သည် ဆင်ခြင်တုံတရားအနည်းငယ်ရှိလျှင်၊ သမ္မာတရားအား ရှာဖွေနိုင်ပြီး ကျိုးနွံနာခံနိုင်ကာ မကောင်းမှုများစွာကို ကျူးလွန်ခြင်းအား ရှောင်ကြဉ်နိုင်လျှင် ကယ်တင်ခြင်းခံရရန် မျှော်လင့်ချက် လုံးဝ ရှိသည်။ လူတစ်ယောက်အတွက် အသိစိတ်နှင့် ဆင်ခြင်တုံတရားရှိရန် အလွန်အရေးကြီးသည်။ အသိစိတ်ရှိသောသူသည် သမ္မာတရားကို လက်ခံပြီး ပြုပြင်ခြင်းကို မှန်ကန်သောနည်းဖြင့် ကိုင်တွယ်နိုင်ဖို့ အလားအလာများသည်။ အသိစိတ်မရှိသောသူသည် ပြုပြင်ခြင်း ခံရသောအခါ အန္တရာယ်ရှိသည်။ ဥပမာ ဆိုကြပါစို့။ လူတစ်ယောက်သည် ခေါင်းဆောင်တစ်ယောက်၏ ပြုပြင်ခြင်းကို ခံရပြီးနောက်တွင် အလွန်စိတ်ဆိုးသည်။ သူသည် ကောလာဟလများဖြန့်ပြီး ခေါင်းဆောင်ကို တိုက်ခိုက်ချင်သည်။ သို့သော် ပြဿနာများဖြစ်သည်စိုးသောကြောင့် မလုပ်ဆောင်ရဲပေ။ သို့ရာတွင် သူ၏ စိတ်နှလုံး၌ ထိုသို့သော စိတ်သဘောထားရှိနှင့်နေပြီဖြစ်သည်။ သူသည် ထိုသို့ အမှန်တကယ်လုပ်ဆောင်မည်၊ မလုပ်ဆောင်မည်ကို ပြောဖို့ခက်သည်။ လူတစ်ယောက်၏ စိတ်နှလုံးတွင် ဤစိတ်သဘောထားမျိုးရှိသရွေ့၊ ဤအတွေးများ ရှိနေသရွေ့ သူသည် အမှန်တကယ် မလုပ်ဆောင်သော်လည်း အန္တရာယ်ရှိနှင့်နေပြီဖြစ်သည်။ အခြေအနေများက ခွင့်ပြုသောအခါ၊ ၎င်းတို့ အခွင့်အရေးရသောအခါ အမှန်တကယ် လုပ်ဆောင်ကောင်းလုပ်ဆောင်နိုင်ပေသည်။ သူ၏ ဆိုးယုတ်သော စိတ်သဘောထား တည်ရှိနေသရွေ့ ယင်းကို ဖြေရှင်းခြင်းမရှိလျှင် ဤလူသည် အနှေးနှင့်အမြန် မကောင်းမှုကျူးလွန်လိမ့်မည်။ ဤသို့ဆိုလျှင် လူတစ်ယောက်က ဆိုးယုတ်သော စိတ်သဘောထားကို ထုတ်ဖော်ပြသည့် အခြားမည်သည့်အခြေအနေများ ရှိသေးသနည်း။ ငါ့အား ပြောလော့။ (ကျွန်ုပ်သည် ကျွန်ုပ်၏ တာဝန်တွင် ဝတ်ကျေတမ်းကျေပြုပြီး မည်သည့်ရလဒ်မျှမရပါ။ ထို့နောက်တွင် ကျွန်ုပ်သည် ခေါင်းဆောင်၏ စည်းမျဉ်းများနှင့်အညီ လူစားထိုးခြင်းကို ခံရပြီး အတော်အတန် အတိုက်အခံဖြစ်လာသည်။ ထို့နောက်တွင် ထိုခေါင်းဆောင်က ဖောက်ပြန်ပျက်စီးသော စိတ်သဘောထားတစ်ခုအား ထုတ်ဖော်သည်ကို ကျွန်ုပ်မြင်သောအခါ သူ့အား တိုင်ကြားရန် စာတစ်စောင်ရေးဖို့ တွေးမိသည်။) ဤစိတ်ကူးသည် အလိုအလျောက် ဖြစ်ပေါ်လာသလော။ လုံးဝ မဟုတ်ပေ။ ဤသည်မှာ သင်၏ သဘာဝက ဖြစ်ပေါ်စေခြင်းဖြစ်သည်။ လူတို့၏ သဘာဝအတွင်းတွင်ရှိသောအရာများသည် အနှေးနှင့် အမြန် ပေါ်လွင်လာသည်။ ၎င်းတို့သည် မည်သည့်ဖြစ်ရပ်၊ သို့မဟုတ် အခြေအနေတွင် ပေါ်လွင်ပြီး ပြုမူဆောင်ရွက်လိမ့်မည်ဆိုသည်ကို မသိရပေ။ တစ်ခါတစ်ရံတွင် လူတို့သည် မည်သည့်အရာကိုမျှ မလုပ်ဆောင်သော်လည်း ယင်းမှာ အခြေအနေမပေးသောကြောင့်ဖြစ်သည်။ သို့ရာတွင် ၎င်းတို့သည် သမ္မာတရားအား လိုက်စားသူဖြစ်လျှင် ဤအရာကို ဖြေရှင်းရန်အတွက် သမ္မာတရားကို ရှာဖွေနိုင်လိမ့်မည်။ သမ္မာတရားကို မလိုက်စားသောသူဖြစ်လျှင် ၎င်းတို့သည် ၎င်းတို့နှစ်သက်သည့်အတိုင်း လုပ်ဆောင်ကြလိမ့်မည်။ အခြေအနေပေးသည်နှင့် တစ်ပြိုင်နက် မကောင်းမှုကျူးလွန်လိမ့်မည်။ ထို့ကြောင့် ဖောက်ပြန်ပျက်စီးသော စိတ်သဘောထားကို မဖြေရှင်းလျှင် လူတို့သည် မိမိတို့ကိုယ်ကို ဒုက္ခရောက်စေမည်မှာ အလွန့်အလွန်ပင် ဖြစ်နိုင်ခြေများသည်။ ဤသို့ဆိုလျှင် ၎င်းတို့သည် မိမိတို့ စိုက်သည့်အတိုင်း ရိတ်သိမ်းရမည်။ လူအချို့သည် သမ္မာတရားကို မလိုက်စားသကဲ့သို့ ၎င်းတို့၏ တာဝန်ထမ်းဆောင်မှုတွင် စဉ်ဆက်မပြတ် ဝတ်ကျေတမ်းကျေဖြစ်ကြသည်။ ၎င်းတို့ ပြုပြင်ခြင်းခံရသောအခါ လက်မခံကြပေ။ မည်သည့်အခါမျှ နောင်တမရပေ။ နောက်ဆုံးတွင် ၎င်းတို့သည် ဆင်ခြင်သုံးသပ်စေရန် ရည်ရွယ်ချက်ဖြင့် ဖယ်ကြဉ်ထားခြင်းခံရသည်။ လူအချို့သည် အသင်းတော်အသက်တာကို စဉ်ဆက်မပြတ် အဖျက်အမှောင့်လုပ်ကာ အကျင့်ပျက်သူများဖြစ်လာသောကြောင့် အသင်းတော်မှ ရှင်းလင်းပစ်ခြင်းခံရသည်။ လူအချို့သည် မကောင်းမှုမျိုးစုံကို လုပ်ဆောင်သောကြောင့် နှင်ထုတ်ခြင်းခံရသည်။ ထို့ကြောင့် လူတစ်ယောက်သည် မည်သို့သောလူစားမျိုးဖြစ်စေ ဖောက်ပြန်ပျက်စီးသော စိတ်သဘောထားကို ကြိမ်ဖန်များစွာ ထုတ်ဖော်ပြပြီး ဤအရာကို ဖြေရှင်းရန် သမ္မာတရားကို မရှာဖွေလျှင် ထိုသူသည် မကောင်းမှုကို ကျူးလွန်ဖွယ်ရှိသည်။ လူသားမျိုးနွယ်၏ ဖောက်ပြန်ပျက်စီးသော စိတ်သဘောထားသည် မာနထောင်လွှားခြင်းတစ်ခုသာ ပါဝင်သည်မဟုတ်ဘဲ ကောက်ကျစ်ဆိုးယုတ်မှုနှင့် ကြမ်းတမ်းမှုလည်း ပါဝင်သည်။ မာနထောင်လွှားခြင်းနှင့် ကြမ်းတမ်းခြင်းသည် အတွေ့ရများသော အချက်များသာဖြစ်သည်။

ဤသို့ဆိုလျှင် ဆိုးယုတ်သော စိတ်သဘောထားကို ထုတ်ဖော်ခြင်းနှင့်ဆိုင်သည့် ဤပြဿနာကို မည်သို့ ဖြေရှင်းသင့်သနည်း။ လူတို့သည် ၎င်းတို့၏ ဖောက်ပြန်ပျက်စီးသော စိတ်သဘောထားက မည်သည့်အရာဖြစ်သည်ကို သတိပြုရမည်။ လူအချို့၏ စိတ်သဘောထားသည် အထူးပင် ကြမ်းတမ်းသည်။ မလိုမုန်းထားသည်။ မာနထောင်လွှားသည်။ ပြီးလျှင် ၎င်းတို့သည် လုံးဝပင် မရိုးမဖြောင့်ပေ။ ဤသည်မှာ ဆိုးယုတ်သူ၏ သဘာဝဖြစ်ပြီး ဤလူတို့သည် အားလုံးထဲတွင် အန္တရာယ်အရှိဆုံးဖြစ်သည်။ ထိုသို့သောသူများက အာဏာကိုင်စွဲသောအခါတွင် နတ်ဆိုးများက အာဏာကိုင်စွဲခြင်း ဖြစ်သည်။ စာတန်များက အာဏာကိုင်စွဲခြင်း ဖြစ်သည်။ ဘုရားသခင်၏ အိမ်တော်တွင် ဆိုးယုတ်သူအားလုံးသည် မကောင်းသော လုပ်ရပ်မျိုးစုံကို လုပ်ဆောင်သောကြောင့် ထုတ်ဖော်ခံရပြီး ဖယ်ရှားရှင်းလင်းခြင်းခံရသည်။ သင်သည် ဆိုးယုတ်များကို သမ္မာတရားအကြောင်း မိတ်သဟာယဖွဲ့ဖို့၊ သို့မဟုတ် ၎င်းတို့ကို ပြုပြင်ဖို့ သင် ကြိုးစားသောအခါ ၎င်းတို့က သင့်ကို တိုက်ခိုက်ဖို့၊ ဝေဖန်ဖို့၊ သို့မဟုတ် သင့်အပေါ် လက်စားချေခြင်းပင် ပြုဖို့ အလားအလာများသည်။ ထိုအရာအားလုံးသည် သူ၏ စိတ်သဘောထားများက အလွန် မလိုမုန်းထားခြင်းကြောင့်ဖြစ်သော အကျိုးဆက်များဖြစ်သည်။ ဤသည်မှာ အမှန်တကယ်တွင် အလွန် အဖြစ်များသည်။ ဥပမာအနေဖြင့်၊ အလွန်ပင် အဆင်ပြေသော၊ တစ်ယောက်နှင့်တစ်ယောက် အလွန်ပင် ထောက်ထားပြီး နားလည်မှုရှိသောသူနှစ်ယောက်ရှိနိုင်သော်လည်း ၎င်းတို့၏ အကျိုးစီးပွားနှင့်ပတ်သက်သည့် တစ်ခုတည်းသော ကိစ္စကြောင့် အဆုံးတွင် ကွဲကွာသွားပြီး တစ်ယောက်နှင့်တစ်ယောက် အဆက်အသွယ်ဖြတ်ကြလေသည်။ လူအချို့သည် ရန်သူများပင် ဖြစ်လာပြီး တစ်ယောက်နှင့်တစ်ယောက် လက်စားချေဖို့ ကြိုးစားသည်။ ၎င်းတို့အားလုံးသည် အလွန်ဆိုးယုတ်ကြသည်။ လူတို့သည် ၎င်းတို့၏ တာဝန်ကို ထမ်းဆောင်သောအခါတွင် ၎င်းတို့တွင် ထင်ရှားကာ ပေါ်လွင်သော မည်သည့်အရာများက ဆိုးယုတ်သည့် စိတ်သဘောထားဖြစ်သနည်း။ ဤအရာများသည် အသေအချာပင် တည်ရှိပြီး ထိုအရာများကို သင် အမြစ်ပါမကျန် ဖယ်ရှားပစ်ရမည်။ ဤသို့ဆိုလျှင် ဤအရာများကို သင်တို့ ပိုင်းခြားသိမြင်ပြီး သတိပြုမိဖို့ အထောက်အကူဖြစ်လိမ့်မည်။ သင်တို့သည် ထိုအရာများကို မည်သို့ အမြစ်ပါမကျန် ဖယ်ရှားပြီး ပိုင်းခြားသိမြင်ရမည်ကို မသိလျှင် သင်တို့သည် မကောင်းသောသူတို့ကို မည်သည့်အခါမျှ ပိုင်းခြားသိမြင်နိုင်လိမ့်မည်မဟုတ်ပေ။ အန္တိခရစ်များ၏ အထင်အမြင်မှားစေခြင်းကို ခံရပြီး ၎င်းတို့၏ ထိန်းချုပ်မှုအောက်သို့ ကျရောက်ပြီးနောက်တွင် လူအချို့၏ ဘဝများက ထိခိုက်နစ်နာကြရသည်။ ထိုနောက်မှသာ အန္တိခရစ်တစ်ဦးက အဘယ်အရာဖြစ်သည်၊ ဆိုးယုတ်သော စိတ်သဘောထားဆိုသည်မှာ အဘယ်အရာဖြစ်သည်ဆိုသည်ကို ၎င်းတို့ သိကြလေသည်။ သမ္မာတရားအပေါ် သင်တို့၏ သိနားလည်မှုသည် အလွန်အပေါ်ယံဆန်လွန်းသည်။ သမ္မာတရားအများစုအပေါ် သင်တို့၏ သိနားလည်မှုသည် စကားပြောသည့်အဆင့်၊ သို့မဟုတ် စာရေးသည့်အဆင့်တွင် ရပ်တန့်သွားသည်။ သို့မဟုတ် စကားများနှင့် အယူဝါဒများကိုသာ နားလည်ပြီး ဤအရာများသည် လက်တွေ့အရှိတရားနှင့် လုံးဝ ထပ်တူမကျပေ။ တရားဒေသနာများစွာကို ကြားနာပြီးနောက်တွင် သင်တို့၏ စိတ်နှလုံး၌ သိနားလည်ခြင်း၊ ဉာဏ်အလင်းပွင့်ခြင်းရှိပုံရသည်။ သို့သော် လက်တွေ့အရှိတရားနှင့် ရင်ဆိုင်ရသောအခါ သင်တို့သည် အမှုအရာများကို အရှိအတိုင်း အမှန်တကယ် ပိုင်းခြားသိမြင်ခြင်း မရှိနိုင်သေးပေ။ သဘောတရားအရ ပြောရလျှင် အန္တိခရစ်တစ်ဦး၏ သရုပ်သကန်များက မည်သည့်အရာ ဖြစ်သည်ကို သင်တို့အားလုံး သိကြသည်။ သို့သော် အန္တိခရစ်စစ်စစ်တစ်ယောက်ကို သင်တို့ တွေ့မြင်သောအခါ ထိုသူအား အန္တိခရစ်အဖြစ် ပိုင်းခြားသိမြင်နိုင်ခြင်းမရှိပေ။ ဤသည်မှာ သင့်တွင် အတွေ့အကြုံအလွန်နည်းပါးသောကြောင့်ဖြစ်သည်။ သင်တို့သည် ပို၍ တွေ့ကြုံရသောအခါတွင်၊ အန္တိခရစ်များ၏ ထိခိုက်စေခြင်းကို လုံလောက်စွာ ခံရပြီးသည့်အခါတွင် ၎င်းတို့ကို အရှိအတိုင်း အပြည့်အဝ ပိုင်းခြားသိမြင်နိုင်လိမ့်မည်ဖြစ်သည်။ ယခုအခါတွင် လူအများစုသည် စုဝေးပွဲများ၌ တရားဒေသနာများကို တာဝန်သိစွာဖြင့် နားထောင်ကြပြီး သမ္မာတရားအတွက် ကြိုးပမ်းလိုသော်လည်း ၎င်းတို့သည် တရားဒေသနာကို ကြားနာပြီးသည်နှင့် တိုက်ရိုက်အဓိပ္ပာယ်ကိုသာ နားလည်ကြသည်။ သဘောတရားအဆင့်ထက် မည်သို့မျှ ပို၍ နားမလည်ကြပေ။ ပြီးလျှင် ၎င်းတို့သည် သမ္မာတရား၏ လက်တွေ့ကျသော ဘက်ခြမ်းကို တွေ့ကြုံခံစားနိုင်စွမ်းမရှိကြပေ။ ထို့ကြောင့် သမ္မာတရား စစ်မှန်မှုအတွင်းသို့ ၎င်းတို့၏ ဝင်ရောက်မှုသည် အလွန်အပေါ်ယံဆန်သည်။ ယင်းမှာ ၎င်းတို့သည် ဆိုးယုတ်သောသူများနှင့် အန္တိခရစ်များကို ပိုင်းခြားသိမြင်မှု ကင်းမဲ့သည်ဟု ဆိုလိုသည်။ အန္တိခရစ်များတွင် မကောင်းမှုပြုသူများ၏ အနှစ်သာရရှိသော်လည်း၊ အန္တိခရစ်များနှင့် မကောင်းမှုပြုသူများအပြင် အခြားလူများက ဆိုးယုတ်သော စိတ်သဘောထားမရှိကြသလော။ လက်တွေ့တွင် ကောင်းသောသူများ မရှိပေ။ မည်သည့်အရာမျှ တလွဲတချော်မဖြစ်လျှင် ၎င်းတို့အားလုံး ပြုံးပျော်လျက်ရှိကြသည်။ သို့သော် ၎င်းတို့၏ ကိုယ်ပိုင်အကျိုးစီးပွားများကို ထိခိုက်သည့် တစ်စုံတစ်ခုကို ရင်ဆိုင်ရသောအခါ ၎င်းတို့ ကြောက်မက်ဖွယ်ကောင်းလာကြသည်။ ဤသည်မှာ ဆိုးယုတ်သော စိတ်သဘောထားဖြစ်သည်။ ဤဆိုးယုတ်သော စိတ်သဘောထားသည် အချိန်မရွေး ပေါ်လာနိုင်သည်။ ယင်းသည် တမင်ရည်ရွယ်ပြီး ဖြစ်ပေါ်ခြင်းမဟုတ်ပေ။ ဤသို့ဆိုလျှင် ဤနေရာ၌ မည်သည့်အရာ အတိအကျ ဖြစ်ပျက်နေသနည်း။ ဝိညာဉ်ဆိုးများက ဝင်ပူးခြင်းနှင့် သက်ဆိုင်သလော။ မကောင်းဆိုးဝါး ဝင်စားခြင်းနှင့် သက်ဆိုင်သလော။ ဤနှစ်ခုထဲမှ တစ်ခုဖြစ်လျှင် ထိုသူသည် ဆိုးယုတ်သူတစ်ယောက်၏ အနှစ်သာရရှိပြီး ကူညီ၍ မရတော့ပေ။ သူ၏ အနှစ်သာရသည် ဆိုးယုတ်သူ၏ အနှစ်သာရမဟုတ်လျှင်၊ ဤဖောက်ပြန်ပျက်စီးသော စိတ်သဘောထားရှိခြင်းသာဖြစ်လျှင် သူ၏ အခြေအနေသည် ပြုပြင်၍မရနိုင်သော အခြေအနေမဟုတ်ပေ။ သူသည် သမ္မာတရားအား လက်ခံနိုင်လျှင် ကယ်တင်ခြင်းခံရရန် မျှော်လင့်ချက်ရှိသေးသည်။ ဤသို့ဆိုလျှင် ဆိုးယုတ်သော၊ ဖောက်ပြန်ပျက်စီးသော စိတ်သဘောထားကို မည်သို့ဖြေရှင်းရသနည်း။ ရှေးဦးစွာ သင်သည် အမှုကိစ္စများကို ကြုံတွေ့သောအခါ မကြာခဏဆုတောင်းပြီး သင့်တွင် မည်သည့်အရင်းခံအကြောင်းများနှင့် အလိုဆန္ဒများရှိသည်ကို ဆင်ခြင်သုံးသပ်ရမည်။ ဘုရားသခင်၏ စိစစ်မှုကို လက်ခံပြီး သင်၏ အပြုအမူကို ထိန်းချုပ်ရမည်။ ထို့အပြင် မည်သည့် မကောင်းသောစကား၊ သို့မဟုတ် အပြုအမူကိုမဆို မထုတ်ဖော်ရပေ။ လူတစ်ယောက်သည် သူ၏ စိတ်နှလုံးတွင် မမှန်ကန်သော ရည်ရွယ်ချက်များနှင့် မလိုမုန်းထားမှုများရှိကာ မကောင်းသောအရာများအား လုပ်ဆောင်လိုသည်ကို မိမိဘာသာ တွေ့ရှိလျှင် ဖြေရှင်းရန်အတွက် သမ္မာတရားကို ရှာဖွေရမည်။ ဤကိစ္စရပ်ကို နားလည်ပြီး ဖြေရှင်းရန်အတွက် ဆက်စပ်မှုရှိသော ဘုရားနှုတ်ကပတ်တော်များကို ရှာဖွေရမည်။ ဘုရားသခင်ထံ ဆုတောင်းရမည်။ ဘုရားသခင်၏ ကွယ်ကာမှုကို တောင်းခံရမည်။ ဘုရားသခင်ထံ ကျိန်ဆိုရမည်။ ပြီးလျှင် သူသည် သမ္မာတရားကို လက်မခံဘဲ မကောင်းမှုကျူးလွန်သောအခါတွင် မိမိကိုယ်ကို ကျိန်ဆဲရမည်။ ဤနည်းဖြင့် ဘုရားသခင်နှင့် မိတ်သဟာယဖွဲ့ခြင်းသည် ကွယ်ကာမှုကို ရရှိစေပြီး လူတစ်ယောက်အား မကောင်းမှုပြုလုပ်ခြင်းမှ တားဆီးပေးသည်။ လူတစ်ဦးထံ တစ်စုံတစ်ခုဖြစ်ပျက်ပြီး မကောင်းသော ရည်ရွယ်ချက်များ ထွက်ပေါ်လာသော်လည်း ထိုသူသည် ထိုအရာကို အရေးမစိုက်သကဲ့သို့ အမှုအရာများကို သူ့ဘာသာ ဖြစ်ပျက်စေလျှင်၊ သို့မဟုတ် ဤသည်မှာ သူပြုမူလုပ်ဆောင်သင့်သည့် ပုံစံဖြစ်သည်ဟု သတ်မှတ်လျှင် ထိုသူသည် မကောင်းသောလူတစ်ဦးဖြစ်ပြီး ဘုရားသခင်ကို စစ်မှန်စွာ ယုံကြည်ကာ သမ္မာတရားကို ချစ်သောသူမဟုတ်ပေ။ ထိုသို့သောလူတစ်ဦးသည် ဘုရားသခင်ကို ယုံကြည်ပြီး ဘုရားသခင်နောက်သို့ လိုက်လိုဆဲဖြစ်သည်။ ကောင်းချီးခံစားပြီး ကောင်းကင်နိုင်ငံတော်ထဲသို့ ဝင်ရောက်လိုဆဲဖြစ်သည်။ ဤသည်မှာ ဖြစ်နိုင်သလော။ သူသည် အိပ်မက်မက်နေခြင်းဖြစ်သည်။ ငါးခုမြောက် စိတ်သဘောထားမှာ ဆိုးယုတ်ခြင်းဖြစ်သည်။ ဤသည်မှာလည်း ဖောက်ပြန်ပျက်စီးသော စိတ်သဘောထားများနှင့် ဆက်နွှယ်သော အရေးကိစ္စတစ်ခု ဖြစ်သည်။ ဤအကြောင်းအရာအတွက် ဤမျှခန့်သာ ဖြစ်သည်။

ခြောက်ခုမြောက် ဖောက်ပြန်ပျက်စီးသော စိတ်သဘောထား အမျိုးအစားဖြစ်သည့် ဆိုးယုတ်ခြင်းကိုလည်း သင်တို့ သိကျွမ်းသင့်သည်။ ဧဝံဂေလိကို လူတို့ ဟောကြားသောအချိန်ဖြင့် အစပြုကြစို့။ လူအချို့သည် ဧဝံဂေလိဟောသောအခါတွင် ကောက်ကျစ်ဆိုးယုတ်သော စိတ်သဘောထားကို ထုတ်ဖော်ပြကြသည်။ ၎င်းတို့သည် စည်းမျဉ်းအတိုင်း တရားမဟောသကဲ့သို့ မည်သို့သောလူစားမျိုးက သမ္မာတရားကိုချစ်ပြီး လူ့သဘာဝကို ပိုင်ဆိုင်သည်ကိုလည်း ၎င်းတို့ မသိပေ။ ၎င်းတို့နှင့် ချက်ချင်းခင်မင်သွားသော၊ ၎င်းတို့နှစ်သက်ပြီး သင့်မြတ်သည့် ဆန့်ကျင်ဘက်လိင်အမျိုးအစားကိုသာ ရှာကြသည်။ ၎င်းတို့မနှစ်သက်သည့်၊ သို့မဟုတ် ၎င်းတို့နှင့် သင့်မြတ်ခြင်းမရှိသည့် သူများကို တရားမဟောပေ။ လူတစ်ယောက်က ဧဝံဂေလိ ဖြန့်ဝေခြင်းစည်းမျဉ်းများနှင့် ညီမညီက အရေးမကြီးပေ။ ၎င်းတို့ စိတ်ဝင်စားသောသူဖြစ်လျှင် ထိုသူကို ၎င်းတို့က လက်လျှော့မည်မဟုတ်ပေ။ ထိုသူသည် ဧဝံဂေလိ ဖြန့်ဝေခြင်း စည်းမျဉ်းများနှင့်မညီဟု အခြားလူများက ၎င်းတို့ကို ပြောကောင်းပြောနိုင်သည်။ သို့သော်လည်း ၎င်းတို့က ထိုသူကို မလျှော့တမ်း တရားဟောဆဲဖြစ်သည်။ ၎င်းတို့၏ အတွင်းတွင် ၎င်းတို့၏ လုပ်ရပ်များကို ထိန်းချုပ်နေသော စိတ်သဘောထားတစ်ခုရှိသည်။ ထိုစိတ်သဘောထားသည် ၎င်းတို့အား ဧဝံဂေလိဖြန့်ဝေခြင်းခေါင်းစဉ်အောက်တွင် ၎င်းတို့၏ ကာမရာဂစိတ်ပြင်းပျသော ဆန္ဒများကို ဖြည့်ဆည်းပြီး ၎င်းတို့၏ ကိုယ်ပိုင်ရည်ရွယ်ချက်များကို ရရှိစေရန် လုပ်ဆောင်သည်။ ဤသည်မှာ ကောက်ကျစ်ဆိုးယုတ်သော စိတ်သဘောထားနှင့် ဘာမျှမထူးပေ။ ဤသို့လုပ်ဆောင်ရာတွင် ၎င်းတို့သည် မှားယွင်းသည်ကိုလည်းကောင်း၊ ဤသို့လုပ်ဆောင်ခြင်းသည် ဘုရားသခင်ကို ပုန်ကန်ပြစ်မှားပြီး သူ၏ စီမံအုပ်ချုပ်ရေးဆိုင်ရာ အမိန့်များကို ချိုးဖောက်သည်ကိုလည်းကောင်း ကောင်းစွာသိသောသူများပင်ရှိသည်။ သို့တိုင်အောင် ၎င်းတို့ မရပ်တန့်ပေ။ ဤသည်မှာ စိတ်သဘောထားအမျိုးအစားတစ်ခုဖြစ်သည်မဟုတ်လော။ (ဟုတ်ပါသည်။) ဤသည်မှာ ကောက်ကျစ်ဆိုးယုတ်သော စိတ်သဘောထား၏ သရုပ်သကန်များထဲမှ တစ်ခုဖြစ်သည်။ သို့သော် ကာမရာဂစိတ်ပြင်းသော ဆန္ဒများအား ထုတ်ဖော်ပြခြင်းကိုသာ ကောက်ကျစ်ဆိုးယုတ်သည်ဟု မဖော်ပြသင့်ပေ။ ကောက်ကျစ်ဆိုးယုတ်မှု၏ နယ်ပယ်သည် အသွေးအသား တပ်မက်ခြင်းသက်သက်ထက်ပို၍ ကျယ်ပြန့်သည်။ စဉ်းစားကြည့်လော့။ ကောက်ကျစ်ဆိုးယုတ်သော စိတ်သဘောထား၏ အခြား မည်သည့် သရုပ်သကန်များ ရှိသနည်း။ ယင်းသည် စိတ်သဘောထားတစ်ခုဖြစ်သောကြောင့် ပြုမူဆောင်ရွက်သည့် ပုံစံတစ်ခုထက်ပိုသည်။ ယင်းကို စိတ်သဘောထားအဖြစ် သတ်မှတ်ပေးသည့် မတူညီသော အခြေအနေများစွာ၊ သရုပ်သကန်များနှင့် ထုတ်ဖော်ပြမှုများစွာ ပါဝင်သည်။ (လောကီရေပန်းစားသော အရာများနောက်သို့လိုက်ခြင်း၊ လောကီရေပန်းစားမှုများနှင့်သက်ဆိုင်သော အရာများကို လက်မလွတ်ခြင်းတို့ ဖြစ်သည်။) ကောက်ကျစ်ဆိုးယုတ်သော ရေပန်းစားမှုများကို လက်မလွတ်ခြင်းသည် အမျိုးအစားတစ်ခုဖြစ်သည်။ လောက၏ ဆိုးယုတ်သော ရေပန်းစားသည့်အရာများကို ဖက်တွယ်ထားခြင်း၊ ထိုအရာများနောက်သို့ လိုက်ခြင်း၊ ထိုအရာများအားစိတ်စွဲနေခြင်း၊ အလွန်စိတ်ထက်သန်စွာဖြင့် လိုက်စားခြင်းတို့ဖြစ်သည်။ သမ္မာတရားအား မည်သို့ မိတ်သဟာယပြုပါစေ၊ မည်သို့ ပြုပြင်ခြင်းခံရပါစေ ဤအရာများကို လုံးဝ လက်မလွတ်သောသူအချို့ရှိသည်။ အရူးအမူးစွဲလန်းသည်အထိပင် ဖြစ်သည်။ ဤသည်မှာ ကောက်ကျစ်ဆိုးယုတ်ခြင်းဖြစ်သည်။ ဤသို့ဆိုလျှင် လူတို့သည် ကောက်ကျစ်ဆိုးယုတ်သော ရေပန်းစားသည့်အရာများနောက်သို့ လိုက်သောအခါတွင် ၎င်းတို့တွင် ကောက်ကျစ်ဆိုးယုတ်သော စိတ်သဘောထားရှိကြောင်းကို မည်သည့် သရုပ်သကန်များက ညွှန်ပြနေသနည်း။ ဤအရာများကို ၎င်းတို့ အဘယ်ကြောင့် ချစ်သနည်း။ ၎င်းတို့ကို စိတ်ပိုင်းဆိုင်ရာ ကျေနပ်မှုရှိစေသည့်၊ ၎င်းတို့၏ လိုအပ်ချက်များကို ဖြည့်ဆည်းသည့်၊ ၎င်းတို့၏ မက်မောမှုနှင့် ဆန္ဒများကို ဖြည့်ဆည်းသည့် ဤကောက်ကျစ်ဆိုးယုတ်သော လောကီ ရေပန်းစားမှုများတွင် မည်သည့်အရာပါဝင်သနည်း။ ဥပမာ ဆိုကြပါစို့။ ၎င်းတို့သည် နာမည်ကြီး ရုပ်ရှင်သရုပ်ဆောင်များကို နှစ်သက်သည်။ ဤနာမည်ကြီး ရုပ်ရှင်သရုပ်ဆောင်များက ဤစွဲလန်းမှုကို ဖြစ်စေပြီး ၎င်းတို့အား သူတို့နောက်လိုက်စေသည်မှာ မည်သည့်အရာဖြစ်သနည်း။ ယင်းသည် ဤလူတို့၏ ခံ့ညားဝင့်ထည်သောဟန်၊ ပင်ကိုအစွမ်းအစ၊ ရုပ်သွင်များနှင့် ထင်ရှားကျော်ကြားမှုဖြစ်သည့်အပြင် ၎င်းတို့ တောင့်တသည့် ခမ်းနားကြီးကျယ်သော ဘဝမျိုးလည်းဖြစ်သည်။ ၎င်းတို့ လိုက်စားသည့် ဤအရာများအားလုံးသည် ကောက်ကျစ်ဆိုးယုတ်သလော။ (ကောက်ကျစ်ဆိုးယုတ်ပါသည်။) ကောက်ကျစ်ဆိုးယုတ်သည်ဟု အဘယ်ကြောင့်ဆိုသနည်း။ (ထိုအရာများသည် သမ္မာတရားနှင့် အပြုသဘောဆောင်သောအရာများကို ဆန့်ကျင်ပြီး ဘုရားသခင် တောင်းဆိုသည့်အရာနှင့် မကိုက်ညီပါ။) ဤသည်မှာ အယူဝါဒဖြစ်သည်။ ဤနာမည်ကျော်ကြားသူများနှင့် နာမည်ကြီး ရုပ်ရှင်သရုပ်ဆောင်များကို စိစစ်ကြည့်လော့။ ၎င်းတို့၏ ဘဝနေမှုပုံစံ၊ ၎င်းတို့၏ ကိုယ်နှုတ်အမူအရာ၊ လူတိုင်းက မြတ်နိုးကိုးကွယ်ကြသည့် လူအများရှေ့တွင် ဖော်ပြသော အကျင့်စရိုက်နှင့် ဝတ်စားဆင်ယင်မှုကိုပင် စိစစ်ကြည့်လော့။ ၎င်းတို့သည် အဘယ်ကြောင့် ဤသို့သောဘဝတစ်ခုကို နေထိုင်ကြသနည်း။ ၎င်းတို့နောက်သို့လိုက်ရန် အခြားလူများအား အဘယ်ကြောင့် လှုံ့ဆော်သနည်း။ ၎င်းတို့သည် ဤအရာအားလုံးတွင် များစွာ အားစိုက်ထုတ်ကြသည်။ ၎င်းတို့၏ ဤပုံရိပ်ကို ဖန်တီးရန်အတွက် မိတ်ကပ်ပညာရှင်များ၊ သီးသန့်အလှဖန်တီးရှင်များရှိကြသည်။ ဤသို့ဆိုလျှင် ၎င်းတို့ကိုယ်တိုင်၏ ဤပုံရိပ်ကို ဖန်တီးရာတွင် ၎င်းတို့၏ ရည်ရွယ်ချက်မှာ အဘယ်နည်း။ လူတို့အား ဆွဲဆောင်ရန်၊ လူတို့အား အထင်အမြင်မှားစေရန်၊ လူတို့အား ၎င်းတို့နောက်သို့လိုက်စေရန်၊ ဤအရာမှနေ၍ အကျိုးအမြတ်ရရှိရန်ဖြစ်သည်။ ထို့ကြောင့် လူတို့သည် ဤနာမည်ကြီးရုပ်ရှင်သရုပ်ဆောင်များ၏ ကျော်ကြားမှု သို့မဟုတ် ၎င်းတို့၏ ရုပ်ရည် သို့မဟုတ် ၎င်းတို့၏ ဘဝကို ကိုးကွယ်သည်ဖြစ်စေ ဤအရာတို့သည် အမှန်ပင် မိုက်မဲပြီး အဓိပ္ပာယ်မရှိသော လုပ်ရပ်များဖြစ်သည်။ လူတစ်ယောက်သည် ဆင်ခြင်တုံတရားကို ပိုင်ဆိုင်မည်ဆိုလျှင် သူသည် နတ်ဆိုးများကို အဘယ်သို့ ကိုးကွယ်မည်နည်း။ နတ်ဆိုးများသည် လူတို့အား အထင်အမြင်မှားစေသော၊ လှည့်စားကာ ထိခိုက်နစ်နာသောအရာများဖြစ်သည်။ နတ်ဆိုးများသည် ဘုရားသခင်ကို မယုံကြည်သကဲ့သို့ သမ္မာတရားကိုလည်း လုံးဝ လက်ခံခြင်းမရှိပေ။ နတ်ဆိုးအားလုံးသည် စာတန်နောက်သို့လိုက်ကြသည်။ နတ်ဆိုးများနှင့် စာတန်နောက်သို့လိုက်ပြီး ကိုးကွယ်ကြသောသူများ၏ ရည်မှန်းချက်ပန်းတိုင်မှာ အဘယ်နည်း။ တစ်နေ့တွင် ၎င်းတို့သည် နတ်ဆိုးဖြစ်လာပြီး ဤနတ်ဆိုးများနှင့် နာမည်ကျော်ကြားသူများကဲ့သို့ပင် လှပကာ လိင်ပိုင်းဆိုင်ရာ ဆွဲဆောင်မှုရှိဖို့ရန် မျှော်လင့်ချက်ဖြင့် ဤနတ်ဆိုးများကို အတုယူလိုကြသည်။ ဤနတ်ဆိုးများအား စံအဖြစ်ထားလိုကြသည်။ ဤခံစားချက်အား ခံစားရသည်ကို ၎င်းတို့ နှစ်သက်သည်။ လူတစ်ဦးက နာမည်ကြီး၊ ထင်ပေါ်ကျော်ကြားသောမည်သည့် ပုဂ္ဂိုလ်ကို ကိုးကွယ်သည်ဖြစ်စေ ဤနာမည်ကြီးသူများ၏ အဆုံးစွန်သော ရည်မှန်းချက်ပန်းတိုင်မှာ အတူတူပင်ဖြစ်သည်။ လူတို့အား အထငအမြင်မှားစေရန်၊ လူတို့အား ဆွဲဆောင်ရန်၊ လူတို့အား ၎င်းတို့ နောက်လိုက်ပြီး ကိုးကွယ်စေရန်ဖြစ်သည်။ ဤသည်မှာ ကောက်ကျစ်ဆိုးယုတ်သော စိတ်သဘောထားတစ်ခုမဟုတ်လော။ ဤသည်မှာ ကောက်ကျစ်ဆိုးယုတ်သော စိတ်သဘောထားတစ်ခုဖြစ်ပြီး အသိသာဆုံးပင်ဖြစ်သည်။

ကောက်ကျစ်ဆိုးယုတ်သော စိတ်သဘောထားများသည် အခြားနည်းလမ်းဖြင့်လည်း ထင်ရှားသည်။ ဘုရားအိမ်တော်၌ စုဝေးခြင်းတွင် ဘုရားနှုတ်ကပတ်တော်ဖတ်ခြင်း၊ သမ္မာတရားအား မိတ်သဟာယဖွဲ့ခြင်းနှင့် မိမိကိုယ်ကို သိမြင်မှု၊ တာဝန်ကို ကောင်းမွန်စွာ ထမ်းဆောင်မှု၊ စည်းမျဉ်းများနှင့်အညီ မည်သို့ လုပ်ဆောင်ရမည်၊ ဘုရားသခင်အား မည်သို့ကြောက်ရွံ့ပြီး မကောင်းမှုကို ရှောင်ကြဉ်ရမည်၊ သမ္မာတရားအား မည်သို့နားလည်ပြီး လက်တွေ့လုပ်ဆောင်ရမည်ဆိုသည့်အရာများနှင့် သမ္မာတရား၏ အခြားရှုထောင့်အမျိုးမျိုးတို့ကို ဆွေးနွေးခြင်းများပါဝင်သည်ကို လူအချို့က သိသည်။ ၎င်းတို့သည် ဤနှစ်ကာလများတစ်လျှောက်တွင် နားထောင်ပြီးသည့်အခါ နားထောင်လေလေ၊ စိတ်ကုန်လေလေဖြစ်လာပြီး စတင်၍ စောဒကတက်ကာ “ဘုရားသခင်အား ယုံကြည်ခြင်း၏ ရည်ရွယ်ချက်သည် ကောင်းချီးများရဖို့ မဟုတ်လော။ ကျွန်ုပ်တို့သည် အဘယ်ကြောင့် အစဉ်သဖြင့် သမ္မာတရားအကြောင်းပြောပြီး ဘုရားနှုတ်ကပတ်တော်ကို မိတ်သဟာယဖွဲ့နေသနည်း။ ပြီးပါဦးမည်လော။ ကျွန်ုပ် ထိုအရာကို စိတ်ကုန်သည်” ဟု ပြောကြလေသည်။ သို့သော် ၎င်းတို့သည် လောကီကမ္ဘာသို့ မပြန်လိုကြပေ။ ၎င်းတို့က “ဘုရားသခင်အပေါ် ယုံကြည်ခြင်းသည် အလွန်ပျင်းရိဖွယ်ဖြစ်သည်။ ငြီးငွေ့စရာကောင်းသည်။ အနည်းငယ်ပို၍ စိတ်ဝင်စားဖွယ်ကောင်းစေရန် ငါ မည်သို့လုပ်နိုင်မည်နည်း။ စိတ်ဝင်စားဖွယ်တစ်ခုခုကို ငါရှာရမည်” ဟု မိမိတို့ဘာသာ စဉ်းစားကြသည်။ ဤသို့ဖြင့် ၎င်းတို့က “အသင်းတော်တွင် ဘုရားသခင်ကို ယုံကြည်သူမည်မျှရှိသနည်း။ ခေါင်းဆောင်နှင့် အမှုဆောင်မည်မျှရှိသနည်း။ လူမည်မျှကို အစားထိုးပြီးပြီနည်း။ လူငယ် တက္ကသိုလ်ကျောင်းသားများနှင့် ဘွဲ့ရကျောင်းသား မည်မျှရှိသနည်း။ အရေအတွက်ကို တစ်ယောက်ယောက် သိသလော” ဟူ၍ လှည့်လည်မေးမြန်းကြသည်။ ၎င်းတို့သည် ဤအရာများနှင့် ဤအချက်လက်ကို အမှန်တရားအဖြစ် မှတ်ယူကြသည်။ ဤသည်မှာ မည်သည့်စိတ်သဘောထားဖြစ်သနည်း။ ဤသည်မှာ ကောက်ကျစ်ဆိုးယုတ်မှုဖြစ်သည်။ “ကောက်ကျစ်ဆိုးညစ်မှု” အဖြစ် ညွှန်းဆိုလေ့ရှိသည်။ ၎င်းတို့သည် သမ္မာတရားများစွာကို ကြားပြီးဖြစ်သော်လည်း ထိုအရာများထဲမှ မည်သည့်အရာကမျှ ၎င်းတို့ကို လုံလောက်သော အရေးစိုက်မှု၊ သို့မဟုတ် အာရုံစိုက်မှုကို လှုံ့ဆော်မပေးခဲ့ပေ။ တစ်စုံတစ်ယောက်က အတင်းအဖျင်းစကား၊ သို့မဟုတ် အတွင်းရေးသတင်းများရှိသည်နှင့် တစ်ပြိုင်နက် ၎င်းတို့၏ နားရွက်များက ရုတ်ချည်းထောင်သွားပြီး ထိုသတင်းနှင့် လွဲသွားမည်ကို ၎င်းတို့ ကြောက်ကြသည်။ ဤသည်မှာ ဆိုးညစ်ခြင်းဖြစ်သည်မဟုတ်လော။ (ဟုတ်ပါသည်။) ဆိုးညစ်သောလူများကို မည်သည့်အရာက သရုပ်ဖော်သနည်း။ ၎င်းတို့သည် သမ္မာတရားအား အနည်းငယ်မျှပင် စိတ်ဝင်စားမှုမရှိပေ။ ၎င်းတို့သည် ပြင်ပအမှုကိစ္စများကိုသာ စိတ်ဝင်စားကြသည်။ ၎င်းတို့၏ အသက်ဝင်ရောက်မှု၊ သို့မဟုတ် သမ္မာတရားဖြင့် ဆက်စပ်မှုလုံးဝမရှိသည့် အတင်းအဖျင်းစကားများ၊ အကြောင်းအရာများကို မမောနိုင်မပန်းနိုင်၊ လောဘကြီးစွာဖြင့် ရှာဖွေကြသည်။ ဤကိစ္စကိုလည်းကောင်း၊ ဤသတင်းအချက်အလက်အားလုံးကိုလည်းကောင်း အဖြေရှာခြင်းနှင့် ၎င်းတို့၏ ခေါင်းထဲတွင် ထားရှိခြင်းတို့သည် သမ္မာတရား စစ်မှန်မှုကို ၎င်းတို့ ပိုင်ဆိုင်ခြင်းဖြစ်ကြောင်း၊ ၎င်းတို့အနေဖြင့် အပြည့်အဝပင် ဘုရားအိမ်တော်သားများဖြစ်ခြင်းဖြစ်ကြောင်း၊ ၎င်းတို့ကို ဘုရားသခင်၏ သေချာပေါက် အသိအမှတ်ပြုခြင်းခံရကာ ဘုရားသခင်၏ နိုင်ငံတော်သို့ ဝင်နိုင်ခြင်းဖြစ်ကြောင်း တွေးထင်ကြလေသည်။ အမှန်တကယ်ပင် ဤသို့ဖြစ်သည်ဟု သင်တို့ ထင်ကြသလော။ (မထင်ပါ။) ဤအရာကို သင်တို့ ရိပ်စားမိနိုင်သော်လည်း ဘုရားသခင်အား ယုံကြည်သူအသစ်များစွာက မရိပ်စားမိနိုင်ပေ။ ၎င်းတို့သည် ဤသတင်းအချက်အလက်ကို စွဲလန်းနေကြသည်။ ဤအရာများကို သိခြင်းက ၎င်းတို့အား ဘုရားအိမ်တော်သားများ ဖြစ်စေသည်ဟု တွေးထင်ကြသည်။ သို့သော် အမှန်တကယ်တွင် ဘုရားသခင်က ဤသို့သောသူများကို အစက်ဆုပ်ဆုံးဖြစ်သည်။ ၎င်းတို့သည် လူအားလုံးထဲတွင် အချည်းနှီးအဖြစ်ဆုံး၊ အပေါ်ယံအဆန်ဆုံး၊ မသိနားမလည်ဆုံးသောသူများဖြစ်သည်။ ဘုရားသခင်သည် လူတို့အား တရားစီရင်ခြင်း၊ သန့်စင်ခြင်းအမှုကို ပြုရန်အတွက် နောက်ဆုံးသောကာလတွင် လူ့ဇာတိခံယူလာပြီးဖြစ်သည်။ ယင်း၏ အကျိုးသက်ရောက်မှုမှာ လူတို့အား အသက်အဖြစ် သမ္မာတရားကို ပေးအပ်ရန်ဖြစ်သည်။ သို့သော် လူတို့သည် ဘုရားနှုတ်ကပတ်တော်အား စားသောက်ခြင်းကို အာရုံမစိုက်ဘဲ အတင်းအဖျင်းစကားများကို သိရှိဖို့ အစဉ်ကြိုးစားပြီး အသင်းတော်၏ အတွင်းရေးကိစ္စများကို ပို၍ သိရှိရန် ကြိုးစားနေလျှင် ၎င်းတို့သည် သမ္မာတရားအား လိုက်စားနေခြင်းဖြစ်သလော။ ၎င်းတို့သည် မှန်ကန်သောအလုပ်ကို လုပ်ဆောင်သောသူများဖြစ်သလော။ ငါ့အတွက်မူ ဤလူများသည် ကောက်ကျစ်ဆိုးယုတ်သူများဖြစ်သည်။ ၎င်းတို့သည် မယုံကြည်သူများဖြစ်သည်။ ဤသို့သောလူများကိုလည်း ဆိုးညစ်သည်ဟု ခေါ်ဆိုနိုင်သည်။ ၎င်းတို့သည် ကောလာဟလ အပေါ်တွင်သာ အာရုံစိုက်သည်။ ဤအရာက ၎င်းတို့၏ သိလိုစိတ်ပြင်းပျမှုကို ဖြည့်ဆည်းပေးသော်လည်း ၎င်းတို့ကို ဘုရားသခင်က စက်ဆုပ်ရွံရှာသည်။ ဤလူတို့သည် သမ္မာတရားကို လိုက်စားသောသူများဖြစ်ဖို့ မဆိုထားနှင့်။ ဘုရားသခင်အား အမှန်တကယ် ယုံကြည်သောသူများပင်မဟုတ်ပေ။ ၎င်းတို့သည် အတော့်ကို ရိုးရှင်းစွာပင် စာတန်၏ အစေခံများဖြစ်သည်။ အသင်းတော်အလုပ်ကို အဖျက်အမှောင့်လုပ်ရန် လာသောသူများဖြစ်သည်။ ထို့အပြင် ဘုရားသခင်အား အစဉ် စစ်ဆေးပြီး စုံစမ်းမေးမြန်းသောသူများသည် အဆင်းနီသောနဂါးကြီး၏ အစေခံများနှင့် လက်ပါးစေများဖြစ်သည်။ ဘုရားသခင်သည် အားလုံးထဲတွင် ဤလူများကို အမုန်းတီးဆုံး၊ အရွံရှာဆုံးဖြစ်သည်။ သင်သည် ဘုရားသခင်ကို ယုံကြည်လျှင် အဘယ်ကြောင့် ဘုရားသခင်ကို မကိုးစားသနည်း။ သင်သည် ဘုရားသခင်ကို စစ်ဆေးပြီး စုံစမ်းမေးမြန်းသောအခါ သမ္မာတရားကို ရှာဖွေနေခြင်းဖြစ်သလော။ သမ္မာတရားအား ရှာဖွေခြင်းသည် ခရစ်တော် မွေးဖွားသည့် မိသားစု၊ သို့မဟုတ် သူကြီးပြင်းသည့် ပတ်ဝန်းကျင်နှင့် ဆက်စပ်မှုတစ်ခုခုရှိသလော။ ဘုရားသခင်အား အနုကြည့်မှန်ပြောင်းအောက်တွင် အစဉ်ထားရှိနေသောသူများသည် စက်ဆုပ်ရွံရှာဖွယ်မဖြစ်သလော။ သင်သည် ခရစ်တော်၏ လူ့သဘာဝနှင့်သက်ဆိုင်သော အရာများနှင့်ပတ်သက်ပြီး အစဉ်သဖြင့် အယူအဆများရှိလျှင် သင်သည် ဘုရားနှုတ်ကပတ်တော်ကို သိကျွမ်းခြင်းအား လိုက်စားခြင်းဖြင့် ပို၍ အချိန်ကုန်ဆုံးသင့်သည်။ သမ္မာတရားအား သင်နားလည်သောအခါမှသာ သင့်အယူအဆများ၏ ပြဿနာကို ဖြေရှင်းနိုင်လိမ့်မည်။ ခရစ်တော်၏ မိသားစုနောက်ခံ၊ သို့မဟုတ် သူ၏ မွေးဖွားမှု အခြေအနေများကို စစ်ဆေးခြင်းသည် သင့်အား ဘုရားသခင်ကို သိခွင့်ပေးသလော။ ဤအရာက သင့်အား ခရစ်တော်၏ ဘုရားဖြစ်သော အနှစ်သာရကို ရှာဖွေတွေ့ရှိခွင့်ပေးသလော။ လုံးဝ မဟုတ်ပေ။ ဘုရားသခင်ကို အမှန်တကယ် ယုံကြည်သောသူတို့သည် ဘုရားနှုတ်ကပတ်တော်နှင့် သမ္မာတရားအပေါ် မိမိတို့ကိုယ်ကို ဆက်ကပ်အပ်နှံကြသည်။ ဤအရာသည်သာ ခရစ်တော်၏ ဘုရားဖြစ်သော အနှစ်သာရကို သိမြင်ဖို့အတွက် အထောက်အကူဖြစ်သည်။ သို့သော် ဘုရားသခင်အား စဉ်ဆက်မပြတ် စိစစ်သောသူတို့သည် အဘယ်ကြောင့် ဆိုးညစ်ခြင်းကို စဉ်ဆက်မပြတ် ပါဝင်လုပ်ဆောင်နေကြသနည်း။ ဝိညာဉ်ရေးရာ သိနားလည်မှုကင်းမဲ့သော ဤအမှိုက်သရိုက်ဆန်သော သူများသည် ဘုရားအိမ်တော်မှ အမြန်ထွက်သွားသင့်သည်။ သမ္မာတရားများစွာကို ဖော်ပြပြီးဖြစ်သည်။ စုဝေးပွဲများနှင့် တရားဒေသနာများတွင် များစွာ မိတ်သဟာယပြုပြီးဖြစ်သည်။ သင်သည် အဘယ်ကြောင့် ဘုရားသခင်ကို စိစစ်ရဦးမည်နည်း။ သင်သည် ဘုရားသခင်အား အစဉ် စိစစ်နေခြင်းသည် မည်သည့်အရာကို ဆိုလိုသနည်း။ သင်သည် အလွန်အမင်း ဆိုးယုတ်သည်ဟု ဆိုလိုပေသည်။ ထို့အပြင် ဤအသေးအဖွဲ အချက်အလက်များကို သိရခြင်းသည် ၎င်းတို့ကို အရင်းအနှီးပေးသည်ဟု ထင်သောသူများပင်ရှိသည်။ ပြီးလျှင် ၎င်းတို့သည် လှည့်လည်၍ လူတို့အား ထုတ်ကြွားကြသည်။ အဆုံးတွင် မည်သည့်အရာ ဖြစ်ပျက်သနည်း။ ၎င်းတို့သည် ဘုရားသခင်အတွက် လွန်စွာမနှစ်မြို့စရာဖြစ်ပြီး ရွံရှာဖွယ်ဖြစ်သည်။ ၎င်းတို့သည် လူသားပင် ဖြစ်ကြသလော။ အသက်ရှင်နေသော မကောင်းဆိုးဝါးများမဟုတ်လော။ ၎င်းတို့သည် အဘယ်သို့ဖြစ်ပြီး ဘုရားသခင်ကို ယုံကြည်သူများဖြစ်ကြသနည်း။ ၎င်းတို့သည် ကောက်ကျစ်ဆိုးယုတ်ပြီး မရိုးဖြောင့်သောလမ်းအပေါ် ၎င်းတို့၏ အတွေးများအားလုံးကို နှစ်မြုပ်ထားကြသည်။ ယင်းမှာ ကောလာဟလများကို ၎င်းတို့ သိလေလေ၊ ဘုရားအိမ်တော်သားတစ်ဦးဖြစ်လေလေ၊ သမ္မာတရားကို ၎င်းတို့နားလည်လေလေဟု ၎င်းတို့က ထင်နေသကဲ့သို့ပင်ဖြစ်သည်။ ဤသို့သောလူတို့သည် လုံးလုံးပင် အဓိပ္ပာယ်မရှိပေ။ ဘုရားသခင်၏ အိမ်တော်တွင် ၎င်းတို့ထက်ပို၍ စက်ဆုပ်ရွံရှာဖွယ်ကောင်းသောသူမရှိပေ။

လူအချို့သည် ၎င်းတို့၏ ယုံကြည်ခြင်းတွင် လက်တွေ့မကျသောအရာများကို စဉ်ဆက်မပြတ် အာရုံစိုက်ကြသည်။ ဥပမာအနေဖြင့်၊ နိုင်ငံတော်သည် မည်သည့်အရာနှင့်တူသည်၊ တတိယကောင်းကင်ဘုံက မည်သည့်နေရာတွင်ရှိသည်၊ ဒုစရိုက်လောကသည် မည်သည့်အရာနှင့်တူသည်၊ ငရဲက မည်သည့်နေရာတွင်ရှိသည်ဆိုသည်တို့ကို လူအချို့က အစဉ် ဆန်းစစ်နေကြသည်။ ၎င်းတို့သည် အသက်ဝင်ရောက်မှုကို အာရုံစိုက်ရမည့်အစား နက်နဲသောအရာများကို အစဉ် ဆန်းစစ်နေကြသည်။ ဤသည်မှာ ဆိုးညစ်ခြင်းဖြစ်သည်။ ကောက်ကျစ်ဆိုးယုတ်မှုဖြစ်သည်။ တရားဒေသနာနှင့် မိတ်သဟာယမည်မျှကို ၎င်းတို့ ကြားသည်ဖြစ်စေ သမ္မာတရားက မည်သည့်အရာဖြစ်သည်ကို နားမလည်သေးသကဲ့သို့ ထိုသမ္မာတရားအား မည်သို့ လက်တွေ့လုပ်ဆောင်သင့်သည်ကိုလည်း မသိသောသူများရှိသည်။ ၎င်းတို့သည် အချိန်ရသောအခါတိုင်းတွင် ဘုရားနှုတ်ကပတ်တော်ကို စုံစမ်းစစ်ဆေးကြသည်။ စကားအသုံးအနှုန်းကို လေ့လာကြသည်။ ခံစားချက်တစ်မျိုးမျိုးကို ရှာကြသည်။ ဘုရားနှုတ်ကပတ်တော်များ ပြည့်စုံခြင်းရှိမရှိကိုလည်း အစဉ် စိစစ်နေကြသည်။ ပြည့်စုံလျှင် ဤသည်မှာ ဘုရားသခင်၏ လုပ်ဆောင်မှုဖြစ်သည်ဟု ၎င်းတို့က ယုံကြည်ကြပြီး၊ မပြည့်စုံလျှင် ဘုရားသခင်၏ လုပ်ဆောင်မှုဖြစ်သည်ကို ငြင်းဆန်ကြသည်။ ၎င်းတို့သည် အဓိပ္ပာယ်မဲ့သည် မဟုတ်လော။ ဤသည်မှာ ဆိုးညစ်ခြင်းမဟုတ်သလော။ လူတို့သည် ဘုရားနှုတ်ကပတ်တော် ပြည့်စုံသည့်အချိန်ကို အစဉ်အမြဲ မြင်တွေ့နိုင်သလော။ လူတို့အနေဖြင့် ဘုရားနှုတ်ကပတ်တော်အချို့ ပြည့်စုံသည့်အချိန်ကို မလွဲမသွေမြင်နိုင်ခြင်းမျိုး မရှိပေ။ လူတို့အတွက်မူ ဘုရားနှုတ်ကပတ်တော်အချို့သည် ပြည့်စုံပြီးဖြစ်သည်ဟု မထင်ရသော်လည်း ဘုရားသခင်အတွက်မူ ပြည့်စုံပြီးဖြစ်သည်။ လူတို့သည် ဤအရာများကို ရှင်းလင်းစွာ မြင်ဖို့ မဖြစ်နိုင်ပေ။ ၎င်းတို့သည် ၂၀ ရာခိုင်နှုန်းကိုပင် သဘောပေါက်နားလည်နိုင်လျှင် ကံကောင်းသည်။ လူအချို့သည် ဘုရားနှုတ်ကပတ်တော်ကို လေ့လာလျက်ဖြင့် တစ်ချိန်လုံး အချိန်ကုန်ဆုံးသော်လည်း သမ္မာတရားအား လက်တွေ့လုပ်ဆောင်ခြင်း၊ သို့မဟုတ် သမ္မာတရား စစ်မှန်မှုသို့ဝင်ရောက်ခြင်းကို အရေးမစိုက်ပေ။ ဤသည်မှာ မိမိ၏ သင့်လျော်သော တာဝန်များကို လျစ်လျူရှုခြင်းမဟုတ်လော။ ၎င်းတို့သည် သမ္မာတရားများစွာကို ကြားပြီးသည့်တိုင်အောင် နားမလည်သေးပေ။ ပြီးလျှင် ၎င်းတို့သည် ပရောဖက်ပြုချက်များ ပြီးပြည့်စုံခြင်း၏ သက်သေကို စဉ်ဆက်မပြတ် ရှာဖွေနေကြပြီး ဤအရာကို ၎င်းတို့၏ အသက်နှင့် စိတ်လှုံ့ဆော်မှုအဖြစ် မှတ်ယူနေကြသည်။ ဥပမာအားဖြင့် လူအချို့သည် ဆုတောင်းသောအခါ “ဘုရားသခင် ကိုယ်တော်သည် ဤအရာကို ကျွန်ုပ်အား လုပ်ဆောင်စေလိုလျှင် ကျွန်ုပ်အား မနက်ဖြန်မနက် ခြောက်နာရီတွင် နိုးထစေပါ။ ကိုယ်တော်က မနိုးထစေလျှင် ကျွန်ုပ်အား ခုနစ်နာရီအထိ အိပ်ခွင့်ပြုပါ” ဟူသကဲ့သို့သော အရာများကို ပြောသည်။ ဤသည်မှာ မကြာခဏပင် ၎င်းတို့ ပြုမူဆောင်ရွက်သည့် ပုံစံဖြစ်သည်။ ဤအရာကို ၎င်းတို့၏ စည်းမျဉ်းအဖြစ် အသုံးပြုပြီး ယင်းကို သမ္မာတရားဖြစ်သည့်အလား လက်တွေ့လုပ်ဆောင်သည်။ ဤအရာကို ဆိုးညစ်ခြင်းဟု ခေါ်သည်။ ၎င်းတို့၏ လုပ်ရပ်များတွင် ၎င်းတို့သည် အစဉ်သဖြင့် ခံစားချက်များကို အမှီပြုသည်။ သဘာဝလွန်များကို အာရုံစိုက်ပြီး ကောလာဟလနှင့် အခြားလက်တွေ့မကျသောအရာများကို အမှီပြုသည်။ ၎င်းတို့သည် ဆိုးညစ်သောအရာများအပေါ် ၎င်းတို့၏ အားအင်ကို စဉ်ဆက်မပြတ် စိုက်ထုတ်ကြသည်။ ဤသည်မှာ ကောက်ကျစ်ဆိုးယုတ်မှုဖြစ်သည်။ သင်သည် သမ္မာတရားကို ၎င်းတို့နှင့် မည်သို့ မိတ်သဟာယဖွဲ့ပါစေ ၎င်းတို့က သမ္မာတရားသည် အသုံးမဝင်၊ ခံစားချက်များကို အမှီပြုခြင်း၊ သို့မဟုတ် နှိုင်းယှဉ်ကြည့်ခြင်းမှတစ်ဆင့် အတည်ပြုခြင်းလောက် တိကျမှုမရှိဟု ထင်ကြသည်။ ဤသည်မှာ ဆိုးညစ်ခြင်းဖြစ်သည်။ ဘုရားသခင်က လူတို့၏ ကံကြမ္မာအပေါ် အချုပ်အခြာအာဏာ ကိုင်စွဲပြီး စီစဉ်သည်ဟု ၎င်းတို့က မယုံကြည်သကဲ့သို့ ဘုရားနှုတ်ကပတ်တော်သည် သမ္မာတရားဖြစ်ကြောင်း အသိအမှတ်ပြုသည်ဟု ဆိုသော်လည်း ၎င်းတို့၏ စိတ်နှလုံးတွင် သမ္မာတရားကို လက်မခံသေးပေ။ ၎င်းတို့သည် အမှုအရာများကို ဘုရားနှုတ်ကပတ်တော်မှတစ်ဆင့် လုံးဝ မကြည့်ရှုပေ။ လူသိများသောသူတစ်ယောက်က တစ်စုံတစ်ခုကို ပြောလျှင် ယင်းသည် သမ္မာတရားဖြစ်သည်ဟု ၎င်းတို့က ယုံကြည်ပြီး ထိုအရာအတိုင်း လိုက်လုပ်ဆောင်သည်။ ဗေဒင်ဆရာ၊ သို့မဟုတ် လက္ခဏာဆရာတစ်ယောက်က ၎င်းတို့သည် နောက်နှစ်တွင် ရာထူးတိုးပြီး မန်နေဂျာဖြစ်မည်ဟု ဆိုလျှင် ၎င်းတို့က ယုံကြည်သည်။ ဤသည်မှာ ဆိုးညစ်ခြင်းမဟုတ်လော။ ၎င်းတို့သည် ဂမ္ဘီရ၊ ဗေဒင်ဟောပြောခြင်း၊ သဘာဝလွန် အမှုအရာများနှင့် ဤဆိုးညစ်သောအရာများကိုသာ ယုံကြည်သည်။ လူအချို့က “ငါသည် သမ္မာတရားအားလုံးကို နားလည်သည်။ သို့သော် လက်တွေ့မလုပ်ဆောင်နိုင်ခြင်းသာရှိသည်။ ပြဿနာက မည်သည့်အရာဖြစ်သည်ကို ငါမသိ” ဟု ပြောသကဲ့သို့ဖြစ်သည်။ ယခုတွင် ဤမေးခွန်းအတွက် ငါတို့တွင် အဖြေရှိသည်။ ၎င်းတို့သည် ဆိုးညစ်ကြ၏။ ထိုသို့သောသူများကို သမ္မာတရားအား သင် မည်သို့မိတ်သဟာယဖွဲ့သည်မှာ အရေးမကြီးပေ။ ၎င်းတို့ နားဝင်မည်မဟုတ်သကဲ့သို့ မည်သည့်သက်ရောက်မှုကိုမျှ သင် တွေ့ရလိမ့်မည်မဟုတ်ပေ။ ဤလူတို့သည် သမ္မာတရားကို မနှစ်သက်ရုံသာမကဘဲ ဆိုးယုတ်သော စိတ်သဘောထားကိုလည်း ပိုင်ဆိုင်ကြသည်။ သမ္မာတရားအား မနှစ်သက်ခြင်း၏ အရေးကြီးဆုံးသော သရုပ်သကန်မှာ အဘယ်နည်း။ လူတစ်ယောက်က သမ္မာတရားကို နားလည်သော်လည်း လက်တွေ့မလုပ်ဆောင်ခြင်းဖြစ်သည်။ ထိုသူသည် သမ္မာတရားကို မကြားလိုပေ။ သမ္မာတရားကို အာခံပြီး သဘောမကျပေ။ သမ္မာတရားက မှန်ကန်ပြီး ကောင်းမွန်သည်ကို သိသော်လည်း လက်တွေ့မလုပ်ဆောင်ပေ။ ထိုသူသည် ဆုံးရှုံးမှုတစ်ခုခုကို ခံစားဖို့မဆိုထားနှင့်။ ဤလမ်းကြောင်းကိုပင် လျှောက်လှမ်းလိုစိတ်မရှိသကဲ့သို့ ဒုက္ခခံလိုခြင်း၊ အဖိုးအခပေးဆပ်လိုခြင်းလည်းမရှိပေ။ ကောက်ကျစ်ဆိုးယုတ်သောသူများမှာ ဤသို့မဟုတ်ပေ။ ၎င်းတို့က ကောက်ကျစ်ဆိုးယုတ်သောအရာများသည် သမ္မာတရားဖြစ်သည်၊ မှန်သောလမ်းဖြစ်သည်ဟု ထင်မြင်ပြီး ဤအရာများနောက်သို့လိုက်ကြသည်။ အတုယူဖို့ ကြိုးစားကြသည်။ ပြီးလျှင် ထိုအရာများအပေါ် ၎င်းတို့၏ အားအင်ကို စဉ်ဆက်မပြတ် စိုက်ထုတ်ကြလေသည်။ ဘုရားအိမ်တော်သည် ဆုတောင်းခြင်း စည်းမျဉ်းများကို မကြာခဏ မိတ်သဟာယဖွဲ့သည်။ လူတို့အနေဖြင့် အချိန်ကန့်သတ်ချက်လုံးဝမရှိဘဲ ၎င်းတို့ ဆန္ဒရှိသည့် မည်သည့်အချိန်တွင်မဆို၊ မည်သည့်နေရာတွင်မဆို ဆုတောင်းနိုင်သည်။ ၎င်းတို့အနေဖြင့် ဘုရားသခင်ရှေ့သို့လာရန်၊ ၎င်းတို့၏ စိတ်နှလုံးတွင်ရှိသောစကားကို ပြောရန်၊ သမ္မာတရားကို ရှာဖွေရန်သာ လိုအပ်သည်။ ဤစကားများကို မကြာခဏ ကြားသင့်ပြီး အလွယ်တကူ နားလည်သင့်သည်။ သို့သော် ကောက်ကျစ်ဆိုးယုတ်သောလူများက ဤအရာကို မည်သို့ လက်တွေ့လုပ်ဆောင်သနည်း။ အရုဏ်ဦး ကျေးငှက်တွန်သံအချိန်ကာလဖြစ်သော မနက်ခင်းတိုင်းတွင် ၎င်းတို့သည် တောင်ဘက်သို့ မပျက်မကွက် မျက်နှာမူပြီး ဒူးနှစ်ဖက်လုံးထောက်ကာ လက်နှစ်ဖက်လုံးကို ကြမ်းပြင်ပေါ်သို့ချပြီး ဘုရားသခင်ရှေ့တွင် ၎င်းတို့ တတ်နိုင်သမျှ ဆုတောင်းလျက် ပျပ်ဝတ်ကြသည်။ ဤသို့သောအချိန်တွင်သာ ဘုရားသခင်က ၎င်းတို့၏ ဆုတောင်းသံကို ကြားနိုင်မည်၊ အဘယ်ကြောင့်ဆိုသော် ဤအချိန်သည် ဘုရားသခင် အလုပ်မရှုပ်သည့်အချိန်ဖြစ်သည်၊ သူ့အတွက်အချိန်ရှိသောကြောင့် သူ နားထောင်သည်ဟု ၎င်းတို့က တွေးထင်ကြသည်။ ဤသည်မှာ အဓိပ္ပာယ်မဲ့သည် မဟုတ်လော။ ကောက်ကျစ်ဆိုးယုတ်ခြင်းမဟုတ်လော။ ဆုတောင်းရန် အထိရောက်ဆုံးအချိန်သည် ညတစ်နာရီ၊ နှစ်နာရီ၊ အားလုံး တိတ်ဆိတ်နေသောအချိန်တွင်ဖြစ်သည်ဟု ပြောသော အခြားလူများရှိသည်။ ၎င်းတို့သည် အဘယ်ကြောင့် ဤသို့ပြောသနည်း။ ၎င်းတို့တွင်လည်း ၎င်းတို့၏ အကြောင်းပြချက်များရှိကြသည်။ ထိုအချိန်တွင် လူတိုင်းက အိပ်ပျော်နေသည်၊ ဘုရားသခင် အလုပ်မရှုပ်သောအချိန်တွင်မှသာ ၎င်းတို့၏ အရေးကိစ္စများကို ကိုင်တွယ်ဖြေရှင်းရန်အချိန်ရှိသည်ဟု ၎င်းတို့က ပြောကြသည်။ ဤသည်မှာ အဓိပ္ပာယ်မဲ့သည် မဟုတ်လော။ ကောက်ကျစ်ဆိုးယုတ်သည် မဟုတ်လာ။ သင်သည် ၎င်းတို့အား သမ္မာတရားကို မည်မျှ မိတ်သဟာယပြုပါစေ ၎င်းတို့က လက်ခံရန် ငြင်းဆန်သည်။ ၎င်းတို့သည် အဓိပ္ပာယ်မရှိဆုံးသောသူများဖြစ်ပြီး သမ္မာတရားအား နားလည်နိုင်စွမ်းမရှိပေ။ “လူတို့အနေဖြင့် ဘုရားသခင်ကို ယုံကြည်သောအခါ ကောင်းသောအရာများကို လုပ်ဆောင်ပြီး ကြင်နာရမည်။ သတ်ဖြတ်ခြင်း၊ သို့မဟုတ် အသားစားခြင်းမရှိရပေ။ အသားစားခြင်းသည် သတ်ခြင်း၊ အပြစ်ပြုခြင်းဖြစ်ပြီး ဤသို့လုပ်ဆောင်သောသူများကို ဘုရားသခင် အလိုမရှိပါ” ဟူ၍ ပြောသော အခြားလူများရှိသည်။ ဤစကားများတွင် အခြေပြုချက်တစ်ခုခုရှိသလော။ ဘုရားသခင်သည် ထိုသို့သောအရာတစ်ခုခုကို ပြောခဲ့ဖူးသလော။ (မပြောခဲ့ဖူးပါ။) ဤသို့ဆိုလျှင် မည်သူက ပြောခဲ့သနည်း။ ဤအရာကို ဘာသာတရားမရှိသောသူတစ်ဦး၊ အဓိပ္ပာယ်မရှိသောသူမျိုးတစ်ယောက်က ပြောခဲ့ခြင်း ဖြစ်သည်။ အမှန်တွင် ဤအရာကို ပြောဆိုသောသူတို့သည် အသားကို သေချာပေါက်မစားခြင်းမျိုး မဟုတ်ပေ။ သို့မဟုတ် အခြားလူများရှေ့တွင် မစားခြင်းဖြစ်နိုင်ပြီး လူမမြင်ကွယ်ရာတွင် များစွာ စားသုံးခြင်းဖြစ်နိုင်သည်။ ဤလူတို့သည် ဟန်ဆောင်ရာတွင် အလွန်တော်ပြီး ၎င်းတို့သွားသည့်နေရာတိုင်းတွင် အတွေးမှားများကို ဖြန့်သည်။ ဤသည်မှာ ကောက်ကျစ်ဆိုးယုတ်ခြင်းဖြစ်သည်။ ထိုသို့သောသူတို့သည် ဆိုးညစ်သည်။ ၎င်းတို့သည် ဤမိစ္ဆာဒိဋ္ဌိများနှင့် အတွေးမှားများကို ပညတ်များ၊ စည်းမျဉ်းစည်းကမ်းများအဖြစ် သတ်မှတ်ကြသည်။ ထိုအရာများကို သမ္မာတရားဖြစ်သည့်အလား သို့မဟုတ် ဘုရားသခင်၏ တောင်းဆိုချက်များဖြစ်သည့်အလား လက်တွေ့လုပ်ဆောင်ပြီး ဖက်တွယ်ထားကြကာ အခြားလူမျိုးကိုလည်း အလားတူလုပ်ဆောင်ဖို့ တက်ကြွစွာ၊ အရှက်မရှိစွာဖြင့် သင်ကြားပေးသည်။ ဤလူတို့၏ အမှုအရာများကို လုပ်ဆောင်သည့်နည်းလမ်း၊ အမှုအရာများကို ပြောဆိုသည့် ပုံစံ၊ လိုက်စားသည့်နည်းလမ်းများသည် ကောက်ကျစ်ဆိုးယုတ်သည်ဟု ငါ အဘယ်ကြောင့်ဆိုသနည်း။ (ဤအရာများသည် သမ္မာတရားနှင့် ဆက်စပ်မှုမရှိသောကြောင့်ဖြစ်သည်။) ဤသို့ဆိုလျှင် သမ္မာတရားနှင့် မဆက်စပ်သော အရာမှန်သမျှသည် ကောက်ကျစ်ဆိုးယုတ်သလော။ ထိုသို့သော သိနားလည်မှုသည် အလွန်ပင် ပြဿနာရှိသည်။ လူတို့၏ နေ့စဉ်အသက်တာတွင် သမ္မာတရားနှင့် မဆက်စပ်သောအရာများရှိသည်။ ထိုအရာများသည် ကောက်ကျစ်ဆိုးယုတ်သည်ဟု ဆိုခြင်းက အမှန်တရားကို လှည့်ပတ်ပြောဆိုခြင်းမဟုတ်လော။ ဘုရားသခင်က ရှုတ်ချခြင်းမရှိသည့်အရာကို ကောက်ကျစ်ဆိုးယုတ်သည်ဟု မဆိုနိုင်ပေ။ ဘုရားသခင်က ရှုတ်ချသည့်အရာကိုသာ ကောက်ကျစ်ဆိုးယုတ်သည်ဟု ဖော်ပြနိုင်သည်။ သမ္မာတရားနှင့် မဆက်စပ်သည့်အရာမှန်သမျှကို ကောက်ကျစ်ဆိုးယုတ်သည်ဟု အဓိပ္ပာယ်သတ်မှတ်လျှင် ကြီမားသော အမှားတစ်ခုဖြစ်လိမ့်မည်။ ဘဝ၏ အသေးစိတ် မရှိမဖြစ်လိုအပ်သောအရာများ၊ ဥပမာ စားခြင်း၊ အိပ်ခြင်း၊ သောက်ခြင်း၊ အနားယူခြင်းတို့သည် သမ္မာတရားနှင့် ဆက်စပ်သလော။ ဤအရာများသည် ကောက်ကျစ်ဆိုးယုတ်သလော။ ဤအရာအားလုံးသည် သာမန်လိုအပ်ချက်များဖြစ်သည်။ လူတို့၏နေ့စဉ် နေထိုင်စားသောက်သည့် စနစ်၏ တစ်စိတ်တစ်ပိုင်းဖြစ်သည်။ ထိုအရာများသည် မကောက်ကျစ်မဆိုးယုတ်ပေ။ ဤသို့ဆိုလျှင် ငါယခုပြောခဲ့သည့် လုပ်ရပ်များကို ကောက်ကျစ်ဆိုးယုတ်သည်ဟု အဘယ်ကြောင့် သတ်မှတ်သနည်း။ အဘယ်ကြောင့်ဆိုသော် အမှုအရာများကို ထိုသို့လုပ်ဆောင်သည့်ပုံစံများသည် လူတို့အား မှားယွင်းပြီး အဓိပ္ပာယ်မရှိသောလမ်းကြောင်းကို ပို့ဆောင်ပေးသောကြောင့်ဖြစ်သည်။ လူတို့အား ဘာသာရေးလမ်းကြောင်းပေါ်သို့ ပို့ဆောင်ပေးသည်။ ၎င်းတို့က ဤသို့ လက်တွေ့လုပ်ဆောင်ခြင်း၊ ဤသို့ လုပ်ဆောင်ရန် အခြားလူများကို သင်ကြားပေးခြင်းသည် လူတို့အား ကောက်ကျစ်ဆိုးယုတ်သော လမ်းကြောင်းပေါ်သို့ ပို့ဆောင်ပေးသည်။ ဤသည်မှာ ရှောင်လွှဲ၍မရသော ရလဒ်ဖြစ်သည်။ လူတို့သည် ကောက်ကျစ်ဆိုးယုတ်သော လောကီရေပန်းစားမှုများကို ကိုးကွယ်ပြီး ကောက်ကျစ်ဆိုးယုတ်မှုလမ်းကြောင်းကို လျှောက်သောအခါ ၎င်းတို့သည် မည်သို့အဆုံးသတ်သနည်း။ ၎င်းတို့သည် အကျင့်ပျက်ပြားလာသည်။ အသိစိတ် ဆုံးရှုံးသည်။ အရှက်မရှိကြသကဲ့သို့ အဆုံးတွင် ၎င်းတို့သည် လောကီရေးပန်းစားမှုများကြောင့် လုံးဝ စိတ်မထိန်းနိုင်ဖြစ်ကြပြီး ပျက်စီးခြင်းထဲသို့ လျှောက်သွားကြသည်။ ဘာသာတရားမရှိသောသူများနှင့် မခြားနားပေ။ လူအချို့သည် ဤမိစ္ဆာဒိဋ္ဌိများနှင့် အတွေးမှားများကို လိုက်နာရမည့် စည်းမျဉ်းစည်းကမ်းများ၊ သို့မဟုတ် နာခံရမည့် ပညတ်ချက်များအဖြစ် မှတ်ယူရုံသာမကဘဲ သမ္မာတရားအဖြစ်လည်း ထိန်းသိမ်းထားကြသည်။ ဤသည်မှာ ဝိညာဉ်ရေး သိနားလည်မှု လုံးဝကင်းမဲ့သည့် အဓိပ္ပာယ်မရှိသောသူတစ်ယောက်ဖြစ်သည်။ အဆုံးတွင် ထိုသူသည် ဖယ်ရှားရှင်းလင်းခြင်းကိုသာ ခံရနိုင်သည်။ သမ္မာတရားအပေါ် သဘောပေါက်နားလည်နိုင်စွမ်းက အလွန်ပုံပျက်နေသော မည်သူမဆို၌ သန့်ရှင်းသောဝိညာဉ်တော်က အလုပ်လုပ်နိုင်မည်လော။ (မလုပ်နိုင်ပါ။) ဤလူတို့တွင် သန့်ရှင်းသောဝိညာဉ်တော်က အလုပ်မလုပ်ပေ။ ယင်းအခြေအနေတွင် ဝိညာဉ်ဆိုးများက အလုပ်လုပ်သည်။ ဤလူများလျှောက်သည့် လမ်းကြောင်းသည် ကောက်ကျစ်ဆိုးယုတ်မှု လမ်းကြောင်းဖြစ်သောကြောင့် ၎င်းတို့သည် ဝိညာဉ်ဆိုးများ၏ လမ်းကြောင်းတစ်လျှောက်တွင် လျင်မြန်စွာ လှုပ်ရှားနေကြသည်။ ယင်းမှာ ဤဝိညာဉ်ဆိုးများက လိုအပ်သည့်အရာ အတိအကျပင်ဖြစ်သည်။ ရလဒ်မှာ အဘယ်သို့နည်း။ ဤလူများသည် ဝိညာဉ်ဆိုးများ၏ ဝင်ပူးခြင်းကို ခံရသည်။ ယခင်က “စာတန်မာရ်နတ်သည်၊ ဟိန်းသော ခြင်္သေ့ကဲ့သို့ နေရာအနှံ့ချောင်းမြောင်းလျက် လူတို့ကို မျိုဖို့ရန်အတွက် ရှာဖွေလျက်ရှိ၏” ဟူ၍ ငါဆိုခဲ့သည်။ လူတို့သည် ကွေ့ကောက်ပြီး ကောက်ကျစ်ဆိုးယုတ်သောလမ်းကြောင်းကို လျှောက်သောအခါ ၎င်းတို့သည် ဝိညာဉ်ဆိုးများ၏ လုယူသွားခြင်းကို မလွှဲမရှောင်သာ ခံရလိမ့်မည်။ ဘုရားသခင်အနေဖြင့် သင့်အား ဝိညာဉ်ဆိုးများထံသို့ ပေးအပ်ရန် မလိုအပ်ပေ။ သင်သည် သမ္မာတရားကို မလိုက်စားလျှင် ကာကွယ်ခြင်းခံရလိမ့်မည်မဟုတ်သကဲ့သို့ ဘုရားသခင်က သင်နှင့်အတူရှိလိမ့်မည်မဟုတ်ပေ။ ဘုရားသခင်က သင့်အား မရယူနိုင်လျှင် သင့်ကို ဂရုစိုက်မည်မဟုတ်ပေ။ ဝိညာဉ်ဆိုးများက သင့်ထံသို့ လျှိူဝင်ပြီး ပူးကပ်ရန် ဤအခွင့်အရေးကို ယူလိမ့်မည်။ ဤသည်မှာ အကျိုးဆက်ဖြစ်သည်မဟုတ်လော။ သမ္မာတရားကို မနှစ်သက်သကဲ့သို့ ဘုရားသခင်၏ လူ့ဇာတိခံခြင်းအမှုကို စဉ်ဆက်မပြတ် ရှုတ်ချသော၊ လောကီရေပန်းစားသော အရာများနောက်သို့လိုက်သော၊ ဘုရားနှုတ်ကပတ်တော်နှင့် ကျမ်းစာကို ပြောင်ပြောင်တင်းတင်း အနက်ဖွင့်သော၊ မိစ္ဆာဒိဋ္ဌိများနှင့် အတွေးမှားများကို ဖြန့်သောသူအားလုံးတို့ လုပ်ဆောင်သော ဤအရာများအားလုံးသည် ကောက်ကျစ်ဆိုးယုတ်သော စိတ်သဘောထားမှ ဖြစ်ပေါ်လာခြင်းဖြစ်သည်။ လူအချို့သည် ဝိညာဉ်ရေးရာပြည့်ဝခြင်းကို လိုက်စားသည်။ ပြီးလျှင် ၎င်းတို့၏ နားလည်မှုသည် ပုံပျက်နေသောကြောင့် လူတို့ကို အထင်အမြင်မှားစေရန်အတွက် အတွေးမှားများစွာကို လုပ်ဇာတ်ခင်းကြသည်။ ပြီးလျှင် ၎င်းတို့သည် စိတ်ကူးယဉ်သမားများ၊ သီအိုရီသမားများဖြစ်လာကြသည်။ ဤသည်မှာလည်း ဆိုးညစ်မှုကို ကျူးလွန်ခြင်းဖြစ်သည်။ ၎င်းတို့သည် ကောက်ကျစ်ဆိုးယုတ်သောလူများဖြစ်သည်။ ဖာရိရှဲများကဲ့သို့ပင် ၎င်းတို့လုပ်ဆောင်သမျှတိုင်းသည် သူတော်ကောင်းအယောင်ဆောင်ခြင်း ဖြစ်သည်။ ၎င်းတို့သည် သမ္မာတရားကို လက်တွေ့မလုပ်ဆောင်သကဲ့သို့ လူတို့အား ၎င်းတို့ကို အထင်ကြီးလေးစားပြီး ကိုးကွယ်စေရန် လှည့်စားသည်။ သခင်ယေရှုက အမှုပြုရန် ပေါ်ထွန်းသောအခါတွင် ၎င်းတို့သည် သူ့ကိုပင် ကားစင်တင်ခဲ့ကြသည်။ ဤသည်မှာ ကောက်ကျစ်ဆိုးယုတ်ပြီး အဆုံးတွင် ဘုရားသခင်၏ ကျိန်ဆဲခြင်းကို ခံခဲ့ရသည်။ ယခုအခါတွင် ဘာသာရေးလောကသည် ဘုရားသခင်၏ ပေါ်ထွန်းခြင်းနှင့် အမှုတော်ကို ဝေဖန်အပြစ်တင်ပြီး ရှုတ်ချရုံသာမက စက်ဆုပ်ဖွယ်အကောင်းဆုံးသောအရာမှာ အဆင်းနီသော နဂါးကြီးဘက်တွင်လည်း ရပ်တည်ပြီး မကောင်းသော အင်အားစုများနှင့်ပူးပေါင်းကာ အတိုင်အဖောက်ညီညီဖြင့် ဘုရားသခင်ရွေးချယ်ထားသောသူများကို ဖိနှိပ်ပြီး ဘုရားသခင်၏ ရန်သူအဖြစ် ရပ်တည်ခြင်း ဖြစ်သည်။ ဤသည်မှာ ကောက်ကျစ်ဆိုးယုတ်သည်။ ဘာသာရေးအသိုင်းအဝိုင်းသည် စာတန်၏ ကောက်ကျစ်ဆိုးယုတ်သော အင်အားစုများကို မည်သည့်အခါမျှ မုန်းတီးခြင်းမရှိခဲ့ပေ။ အဆင်းနီသောနဂါးကြီး နိုင်ငံ၏ ကောက်ကျစ်ဆိုးယုတ်မှုကို မမုန်းတီးဘဲ ထိုအစား ၎င်းအတွက် ဆုတောင်းပြီး မေတ္တာပို့သသည်။ ဤသည်မှာ ကောက်ကျစ်ဆိုးယုတ်သည်။ စာတန်နှင့် ဝိညာဉ်ဆိုးများနှင့် ဆက်စပ်နေသော မည်သည့်အပြုအမူမဆိုကို စုပေါင်းပြီး ကောက်ကျစ်ဆိုးယုတ်သည်ဟု ခေါ်ဆိုနိုင်သည်။ အမှန်တကယ် သွေဖည်၊ ဆိုးယုတ်၊ အစွန်းရောက်ပြီး လွန်ကဲသည့် ဤသို့ လက်တွေ့လုပ်ဆောင်သည့်ပုံစံများဖြစ်သည့် ဤအရာများသည်လည်း ကောက်ကျစ်ဆိုးယုတ်ပေသည်။ လူအချို့သည် ဘုရားသခင်ကို စဉ်ဆက်မပြတ် နားလည်မှုလွဲကြသည်။ ၎င်းတို့အား သမ္မာတရားကို မည်သို့ မိတ်သဟာယဖွဲ့ပါစေ ဤနားလည်မှုလွဲခြင်းများကို ရှင်းလင်း၍မရနိုင်ပေ။ ၎င်းတို့သည် ၎င်းတို့၏ ကိုယ်ပိုင်ကျိုးကြောင်းပြဆိုမှုကို အစဉ်ဟောကြားကြပြီး ၎င်းတို့၏ ကိုယ်ပိုင်အတွေးမှားများကို မပြတ်ပြောဆိုကြသည်။ ဤအရာတွင်လည်း ကောက်ကျစ်ဆိုးယုတ်မှု အနည်းငယ်ရှိသည်မဟုတ်လော။ လူအချို့သည် ဘုရားသခင်နှင့်ပတ်သက်ပြီး အယူအဆများရှိကြသည်။ ၎င်းတို့ထံ သမ္မာတရားကို ကြိမ်ဖန်များစွာ မိတ်သဟာယဖွဲ့ပြီးနောက်တွင် ၎င်းတို့ နားလည်သည်ဟူ၍လည်းကောင်း၊ ၎င်းတို့၏ အယူအဆများက ရှင်းလင်းသွားသည်ဟူ၍လည်းကောင်း ဆိုကြသည်။ သို့တိုင်အောင် ထို့နောက်တွင် ၎င်းတို့သည် ၎င်းတို့၏ အယူအဆများကို ဖက်တွယ်နေဆဲဖြစ်သည်။ အစဉ်သဖြင့် အပျက်သဘောဆောင်ကြပြီး ၎င်းတို့၏ ကိုယ်ပိုင်ဆင်ခြေများကို တင်းကျပ်စွာ ဖက်တွယ်ထားကြသည်။ ဤသည်မှာ ကောက်ကျစ်ဆိုးယုတ်သည်မဟုတ်လော။ ဤအရာသည်လည်း ကောက်ကျစ်ဆိုးယုတ်ခြင်းတစ်မျိုးဖြစ်သည်။ အနှစ်ချုပ်လျှင် ကျိုးကြောင်းမသင့်သည့် တစ်စုံတစ်ခုကို လုပ်ဆောင်ပြီး သမ္မာတရားကို မည်မျှ မိတ်သဟာယဖွဲ့ပါစေ လက်ခံရန် ငြင်းဆန်သောသူသည် ဆိုးညစ်ပြီး အတော်အတန် ကောက်ကျစ်ဆိုးယုတ်သည်။ ကောက်ကျစ်ဆိုးယုတ်သော စိတ်သဘောထားရှိသူများအတွက် ဘုရားသခင်၏ ကယ်တင်ခြင်းကို ခံရရန် မလွယ်ကူပေ။ အဘယ်ကြောင့်ဆိုသော် ၎င်းတို့သည် သမ္မာတရားကို လက်မခံနိုင်သကဲ့သို့ ၎င်းတို့၏ ကောက်ကျစ်ဆိုးယုတ်သော အတွေးမှားများကို လက်လွတ်ရန် ငြင်းဆန်သောကြောင့်ဖြစ်သည်။ အမှန်တကယ်ပင် ၎င်းတို့အတွက် လုပ်ဆောင်၍ရနိုင်သောအရာ တစ်ခုမျှမရှိပေ။

စုစုပေါင်း စိတ်သဘောထားခြောက်ခုကို ငါတို့ ယခု မိတ်သဟာယပြုပြီးဖြစ်သည်။ စိတ်နှလုံးခိုင်မာခြင်း၊ မာနထောင်လွှားခြင်း၊ လှည့်စားခြင်း၊ သမ္မာတရားအား မနှစ်သက်ခြင်း၊ ဆိုးယုတ်ခြင်းနှင့် ကောက်ကျစ်ဆိုးယုတ်ခြင်းတို့ဖြစ်သည်။ ဤစိတ်သဘောထားခြောက်ခုကို စိတ်ဖြာလေ့လာဆွေးနွေးခြင်းက သင်တို့အား စိတ်သဘောထားပြောင်းလဲမှုများနှင့်ပတ်သက်ပြီး အသစ်သော အသိပညာနှင့် နားလည်မှုကို ပေးပြီလော။ စိတ်သဘောထား ပြောင်းလဲမှုများမှာ အဘယ်အရာသာ ဖြစ်သနည်း။ ဤအရာက အပြစ်အနာအဆာတစ်ခုခုကို ဖယ်ရှားခြင်း၊ အပြုအမူတစ်ခုခုကို ပြုပြင်ခြင်း၊ သို့မဟုတ် စရိုက်လက္ခဏာတစ်ခုခုအား ပြောင်းလဲခြင်းကို ဆိုလိုသလော။ လုံးဝ မဟုတ်ပေ။ ဤသို့ဆိုလျှင် ယခု သင်တို့သည် စိတ်သဘောထားက မည်သည့်အရာကို ညွှန်းဆိုသည်ကို အနည်းငယ်ပို၍ ရှင်းလင်းပြီလော။ ဤစိတ်သဘောထားခြောက်ခုကို လူ၏ ဖောက်ပြန်ပျက်စီးသော စိတ်သဘောထားအဖြစ်၊ လူ၏ သဘာဝနှင့် အနှစ်သာရအဖြစ် ဖော်ပြ၍ရနိုင်သလော။ (ဖော်ပြနိုင်ပါသည်။) ဤစိတ်သဘောထားခြောက်ခုသည် အပြုသဘောဆောင်သောအရာများဖြစ်သလော၊ သို့မဟုတ် အပျက်သဘောဆောင်သောအရာများဖြစ်သလော။ (အပျက်သဘောဆောင်သောအရာများဖြစ်သည်။) ၎င်းတို့သည် အလွန်ရိုးရှင်းစွာပင် လူ၏ ဖောက်ပြန်ပျက်စီးသော စိတ်သဘောထားများဖြစ်သည်။ လူ၏ ဖောက်ပြန်ပျက်စီးသော စိတ်သဘောထားနှင့်ဆိုင်သည့် အဓိက ရှုထောင့်များဖြစ်သည်။ ဤဖောက်ပြန်ပျက်စီးသော စိတ်သဘောထားများတွင် ဘုရားသခင်နှင့် သမ္မာတရားအား ရန်မလိုသော စိတ်သဘောထားမရှိပေ။ ထိုစိတ်သဘောထားများထဲမှ မည်သည့်အရာကမျှ အပြုသဘောဆောင်သောအရာတစ်ခု မဟုတ်ပေ။ ထို့ကြောင့် ဤစိတ်သဘောထားခြောက်ခုသည် လက္ခဏာသွင်ပင် ခြောက်ခုဖြစ်သည်။ ယင်းတို့ကို စုပေါင်းပြီး ဖောက်ပြန်ပျက်စီးသော စိတ်သဘောထားအဖြစ် ညွှန်းဆိုထားခြင်းဖြစ်သည်။ ဖောက်ပြန်ပျက်စီးသော စိတ်သဘောထားများသည် လူ၏ သဘာဝ အနှစ်သာရဖြစ်သည်။ “အနှစ်သာရ”ကို မည်သို့ ရှင်းပြ၍ရနိုင်သနည်း။ အနှစ်သာရသည် လူ၏ သဘာဝကို ရည်ညွှန်းသည်။ လူ၏ သဘာဝဆိုသည်မှာ လူက သူ၏ ဖြစ်တည်မှုအတွက် အမှီပြုသောအရာများ၊ သူနေထိုင်သည့်ပုံစံကို စိုးမိုးသောအရာများကို ဆိုလိုသည်။ လူတို့သည် ၎င်းတို့၏ သဘာဝများဖြင့် အသက်ရှင်ကြသည်။ သင်သည် မည်သည့်အရာကို အသက်ရှင်နေထိုင်သည်ဖြစ်စေ၊ သင်၏ ရည်မှန်းချက်ပန်းတိုင်များနှင့် ဦးတည်ချက်က မည်သည့်အရာဖြစ်စေ၊ မည်သည့်စည်းမျဉ်းများဖြင့် သင် အသက်ရှင်သည်ဖြစ်စေ သင်၏ သဘာဝ အနှစ်သာရက မပြောင်းလဲပေ။ ဤသည်မှာ မငြင်းနိုင်ပေ။ ထို့ကြောင့် သင်သည် သမ္မာတရားကို မပိုင်ဆိုင်သကဲ့သို့ ဤဖောက်ပြန်ပျက်စီးသော စိတ်သဘောထားများကို အမှီပြုပြီး အသက်ရှင်သည့်အခါ၊ သင်အသက်ရှင်နေထိုင်သည့် အရာရာတိုင်းက ဘုရားကို ဆန့်ကျင်လေသည်။ သမ္မာတရားနှင့် ကွဲလွဲပြီး ဘုရားသခင်၏ ရည်ရွယ်ချက်များနှင့် မကိုက်ညီပေ။ သင်သည် ဤအရာကို ယခုနားလည်သင့်သည်။ လူတို့သည် ၎င်းတို့၏ စိတ်သဘောထား မပြောင်းလဲလျှင် ကယ်တင်ခြင်းကို ရယူနိုင်သလော။ (မရယူနိုင်ပါ။) ယင်းမှာ ဖြစ်နိုင်မည်မဟုတ်ပေ။ ဤသို့ဆိုလျှင် လူတို့၏ စိတ်သဘောထားများက မပြောင်းလဲလျှင် ၎င်းတို့သည် ဘုရားသခင်နှင့် သဟဇာတဖြစ်နိုင်သလော။ (မဖြစ်နိုင်ပါ။) ယင်းသည် အလွန်အမင်း ခက်ခဲမည်ဖြစ်သည်။ ဤစိတ်သဘောထားခြောက်ခုနှင့် ပတ်သက်လာသည့်အခါ၊ မည်သည့် စိတ်သဘောထားဖြစ်စေ၊ သင့်တွင် မည်သည့်အရာ ပြသသည်၊ သို့မဟုတ် ဖွင့်ပြသည်ဆိုသည့် အတိုင်းအတာနှင့် မသက်ဆိုင်ဘဲ သင်သည် ဤဖောက်ပြန်ပျက်စီးသော စိတ်သဘောထားများ၏ ကန့်သတ်မှုများမှ သင့်ကိုယ်သင် မလွတ်မြောက်စေနိုင်လျှင် သင့်လုပ်ရပ်များ၏ ရည်ရွယ်ချက်များ၊ သို့မဟုတ် ရည်မှန်းချက်များက မည်သည့်အရာဖြစ်စေ၊ သင်သည် တမင်လုပ်သည်ဖြစ်စေ၊ မလုပ်သည်ဖြစ်စေ သင်လုပ်ဆောင်သည့်အရာအားလုံး၏ သဘာဝက ဘုရားသခင်ကို မလွဲမသွေ ဆန့်ကျင်နေလိမ့်မည်ဖြစ်ပြီးဘုရားသခင်၏ ရှုတ်ချခြင်းကို မလွဲမသွေ ခံရမည်။ ယင်းမှာ အလွန်အမင်း ဆိုးရွားသော အကျိုးဆက်ဖြစ်သည်။ ဘုရားသခင်ရှုတ်ချခြင်းကို ခံရခြင်းသည် ဘုရားသခင်ကို ယုံကြည်သူတိုင်းက အဆုံးစွန် ဆန္ဒရှိသည့်အရာဖြစ်သလော။ (မဟုတ်ပါ။) ဤသည်မှာ လူတို့ ဆန္ဒရှိသည့် အဆုံးသတ် မဟုတ်သောကြောင့် ၎င်းတို့အတွက် လုပ်ဆောင်ရန် အရေးအကြီးဆုံးသောအရာမှာ မည်သည့်အရာဖြစ်သနည်း။ ၎င်းတို့သည် ၎င်းတို့၏ ကိုယ်ပိုင် ဖောက်ပြန်ပျက်စီးသော စိတ်သဘောထားနှင့် ဖောက်ပြန်ပျက်စီးသော အနှစ်သာရကို သိသင့်သည်။ သမ္မာတရားကို နားလည်သင့်သည်။ ထို့နောက် သမ္မာတရားကို လက်ခံသင့်သည်။ ၎င်းတို့အတွက် ဘုရားသခင်က ဖန်တီးပေးသော အခင်းအကျင်းများတွင် ဤဖောက်ပြန်ပျက်စီးသော စိတ်သဘောထားများကို တဖြည်းဖြည်းချင်း၊ နည်းနည်းချင်းစီဖြင့် ဖယ်ရှားသင့်သည်။ ဘုရားသခင်နှင့်လည်းကောင်း၊ သမ္မာတရားနှင့်လည်းကောင်း သဟဇာတဖြစ်ခြင်းကို ရယူသင့်သည်။ ဤသည်မှာ မိမိ၏ စိတ်သဘောထားပြောင်းလဲရန် လမ်းကြောင်းဖြစ်သည်။

ယခင်က မိမိတို့၏ စိတ်သဘောထားပြောင်းလဲခြင်းသည် အလွန်လွယ်ကူပြီး ရိုးရှင်းသည်ဟု ရှုမြင်သောသူများရှိသည်။ ၎င်းတို့က “ဘုရားသခင်အား ဆန့်ကျင်သည့်အရာများကို မပြောရန်၊ သို့မဟုတ် အသင်းတော်အလုပ်ကို အဖျက်အမှောင့်လုပ်မည့် မည်သည့်အရာကိုမျှ မလုပ်ဆောင်ရန် ကိုယ့်ကိုယ်ကိုယ် မဖြစ်မနေခိုင်းစေသရွေ့၊ ငါသည် မှန်ကန်သော အမြင်ရှုထောင့်ရှိသရွေ့၊ ငါ၏ စိတ်နှလုံးသည် မှန်ကန်ပြီး၊ သမ္မာတရားကို အနည်းငယ်ပို၍ နားလည်ကာ ပို၍ အားစိုက်ထုတ်သရွေ့၊ ပို၍ ဆင်းရဲဒုက္ခခံပြီး ပို၍ အဖိုးအခပေးဆပ်သရွေ့ နှစ်အနည်းငယ်ကြာပြီးနောက်တွင် ငါသည် ငါ၏ စိတ်သဘောထားပြောင်းလဲမှုကို သေချာပေါက် ရရှိနိုင်လိမ့်မည်” ဟူ၍ ယုံကြည်ကြသည်။ ဤစကားများသည် ခိုင်လုံသလော။ (မခိုင်လုံပါ။) ၎င်းတို့၏ အမှားသည် မည်သည့်နေရာတွင်ရှိသနည်း။ (၎င်းတို့သည် ၎င်းတို့၏ ဖောက်ပြန်ပျက်စီးသော စိတ်သဘောထားကို သိမြင်မှုမရှိပါ။) မိမိ၏ ဖောက်ပြန်ပျက်စီးသော စိတ်သဘောထားကို သိမြင်ခြင်း၏ ရည်ရွယ်ချက်မှာ အဘယ်နည်း။ (ပြောင်းလဲရန်ဖြစ်သည်။) ဤပြောင်းလဲခြင်း၏ အဆုံးသတ်မှာ အဘယ်နည်း။ သမ္မာတရားကို ရရှိရန်ဖြစ်သည်။ သင်၏ စိတ်သဘောထားတွင် ပြောင်းလဲမှုရှိမရှိတိုင်းတာခြင်းသည် သင်၏ လုပ်ရပ်များက သမ္မာတရားနှင့် ကိုက်ညီမှုရှိသလော၊ သမ္မာတရားကို ချိုးဖောက်သလော၊ သင်၏ လုပ်ရပ်များသည် လူသား၏ စိတ်ဆန္ဒမှဖြစ်လာသလော၊ ဘုရားသခင်၏ သတ်မှတ်ချက်များကို ဖြည့်ဆည်းခြင်းမှ ဖြစ်လာသလောဆိုသည်တို့ကို ကြည့်ရှုဖို့ လိုအပ်သည်။ သင်၏ စိတ်သဘောထား ပြောင်းလဲသည့် အတိုင်းအတာကို မြင်ရန်အတွက် သင့်ကိုယ်သင် ဆင်ခြင်သုံးသပ်နိုင်ခြင်းရှိမရှိကိုလည်းကောင်း၊ သင်၏ ဇာတိပကတိ၊ ရည်ရွယ်ချက်များ၊ ရည်မှန်းချက်များ၊ ဆန္ဒများကို စွန့်ပစ်နိုင်ခြင်းရှိမရှိကိုလည်းကောင်း၊ ဖောက်ပြန်ပျက်စီးသော စိတ်သဘောထားတစ်ခုကို သင်ဖွင့်ပြသောအခါ သမ္မာတရားနှင့်အညီ လက်တွေ့လုပ်ဆောင်နိုင်ခြင်းရှိမရှိကိုလည်းကောင်း ကြည့်ရမည် ဖြစ်သည်။ သမ္မာတရားနှင့် ဘုရားနှုတ်ကပတ်တော်နှင့်အညီ သင် လက်တွေ့လုပ်ဆောင်နိုင်သည့် အရည်အချင်း၏ အတိုင်းအတာနှင့် သင်၏ လက်တွေ့လုပ်ဆောင်မှုသည် သမ္မာတရား၏ စံနှုန်းများဖြင့် အပြည့်အဝ ကိုက်ညီခြင်းရှိမရှိဆိုသည်တို့က သင်၏ စိတ်သဘောထားပြောင်းလဲမှု မည်မျှကြီးမားသည်ဆိုသည်ကို သက်သေပြသည်။ ဤသည်မှာ ထပ်တူအချိုးကျသည်။ ဥပမာအားဖြင့် စိတ်နှလုံးခိုင်မာခြင်း စိတ်သဘောထားကို ကြည့်လော့။ အစတွင် သင်၏ စိတ်သဘောထား၌ ပြောင်းလဲမှုတစ်ခုခုမရှိသောအခါတွင် သင်သည် သမ္မာတရားကို နားမလည်သကဲ့သို့ သင့်တွင် စိတ်နှလုံးခိုင်မာသည့် စိတ်သဘောထားရှိသည်ကိုလည်း သတိမမူမိပေ။ သမ္မာတရားကို သင်ကြားသောအခါ “သမ္မာတရားသည် လူတို့၏ ဒဏ်ရာဒဏ်ချက်များကို အဘယ်သို့ ချပြနိုင်သနည်း”ဟု စဉ်းစားသည်။ ဘုရားနှုတ်ကပတ်တော်များကို သင်ကြားပြီးနောက်တွင် မှန်ကန်သည်ဟု သင်ခံစားရသည်။ သို့သော် တစ်နှစ်၊ နှစ်နှစ်ကြာပြီးနောက်တွင် သင်သည် မည်သည့်အရာကိုမျှ နှလုံးမသွင်းလျှင်၊ မည်သည့်အရာကိုမျှ သင် လက်မခံလျှင် ဤသည်မှာ စိတ်နှလုံးခိုင်မာခြင်းမဟုတ်လော။ နှစ်နှစ်၊ သုံးနှစ်ကြာပြီးနောက် လက်ခံခြင်းမရှိလျှင်လည်းကောင်း၊ သင်၏ အတွင်းတွင် ရှိသော အခြေအနေတွင် ပြောင်းလဲခြင်းမရှိလျှင်လည်းကောင်း၊ သင်၏ တာဝန်ကို ထမ်းဆောင်ရာတွင် နောက်ကျကျန်ခြင်း မရှိသကဲ့သို့ များစွာ ဒုက္ခခံပြီးဖြစ်သော်လည်း သင်၏ စိတ်နှလုံးခိုင်မာသော အခြေအနေကို လုံးဝ မဖြေရှင်းရသေးလျှင်လည်းကောင်း၊ သို့မဟုတ် အနည်းငယ်မျှပင် လျော့နည်းမသွားလျှင်လည်းကောင်း သင်၏ ဤစိတ်သဘောထား လက္ခဏာသွင်ပြင်တွင် ပြောင်းလဲမှုတစ်ခုခုရှိလေပြီလော။ (မရှိပါ။) ဤသို့ဆိုလျှင် သင်သည် အဘယ်ကြောင့် များစွာအလုပ်ရှုပ်ပြီး အလုပ်လုပ်နေသနည်း။ သင် ထိုသို့လုပ်ဆောင်သည့် အကြောင်းရင်းက မည်သည့်အရာဖြစ်စေ သင်သည် ဤမျှအလုပ်ရှုပ်ပြီး ဤမျှအလုပ်လုပ်နေသည့်တိုင် သင်၏ စိတ်သဘောထားတွင် အနည်းငယ်မျှပင် ပြောင်းလဲခြင်းမရှိသောကြောင့် သင်သည် မမြင်မကန်းဖြင့် များစွာအလုပ်ရှုပ်ပြီး အလုပ်လုပ်နေခြင်းဖြစ်သည်။ “ငါသည် သက်သေခံချက် စကားတစ်ခွန်းမျှပင် မပြောနိုင်သည်မှာ အဘယ်သို့ဖြစ်သနည်း။ ငါ၏ အသက်စိတ်သဘောထားသည် လုံးဝ မပြောင်းလဲပါ” ဟု သင့်ကိုယ်သင် ရုတ်တရက် စဉ်းစားသည့် နေ့ရက်သို့ ရောက်လာသည်အထိဖြစ်သည်။ ဤအချိန်တွင် ဤပြဿနာက မည်မျှဆိုးရွားသည်ကို သင်ခံစားရပြီး သင်က “ငါသည် အမှန်ပင် ပုန်ကန်တတ်ပြီး စိတ်နှလုံးခိုင်မာသည်။ သမ္မာတရားကို လိုက်စားသောသူမဟုတ်ပါ။ ငါ၏ စိတ်နှလုံးအတွင်းတွင် ဘုရားသခင်အတွက် နေရာမရှိပါ။ ဤအရာကို ဘုရားအပေါ် ယုံကြည်ခြင်းဟု အဘယ်သို့ဆိုနိုင်သနည်း။ ငါသည် ဘုရားသခင်ကို နှစ်အနည်းငယ် ယုံကြည်ခဲ့သော်လည်း လူ၏ ပုံသဏ္ဍာန်အတိုင်း အသက်ရှင်နေထိုင်ခြင်း မရှိသေးသကဲ့သို့ ငါ၏ စိတ်နှလုံးသည် ဘုရားသခင်နှင့် နီးစပ်ခြင်းလည်း မရှိပေ။ ဘုရားနှုတ်ကပတ်တော်ကိုလည်း ငါ နှလုံးမသွင်းသေးသကဲ့သို့ အမှားတစ်ခုခုကို ငါ ပြုလုပ်သောအခါတွင် အပြစ်တင်သည့်စိတ်တစ်ခုခု၊ သို့မဟုတ် နောင်တရလိုသည့် စိတ်ဆန္ဒမရှိပါ။ ဤသည်မှာ စိတ်နှလုံးခိုင်မာခြင်းမဟုတ်လော။ ငါသည် ပုန်ကန်သည့် သားတစ်ယောက်မဟုတ်လော” ဟု တွေးမိသည်။ သင် စိတ်သောကရောက်သည်။ သင် စိတ်သောကရောက်သည်မှာ မည်သည့်အရာကို ဆိုလိုသနည်း။ သင် နောင်တရလိုသည်ဟု ဆိုလိုသည်။ သင်သည် သင်ကိုယ်တိုင်၏ စိတ်နှလုံးခိုင်မာခြင်းနှင့် ပုန်ကန်ခြင်းကို သတိပြုမိသည်။ ဤအချိန်တွင် သင်၏ စိတ်သဘောထားက စတင်ပြောင်းလဲလာသည်။ သင် သတိမထားမိလိုက်ဘဲ၊ သင်၏ အသိစိတ်အတွင်းတွင် သင်ပြောင်းလဲလိုသည့် အတွေးနှင့် ဆန္ဒအချို့ရှိလေသည်။ ဘုရားသခင်နှင့်ပတ်သက်ပြီး သင့်ကိုယ်သင် ထွက်ပေါက်မရှိသော အခြေအနေတွင်ရှိနေသည်ဟု မမြင်တော့ပေ။ သင်သည် ဘုရားသခင်နှင့် သင်၏ ဆက်ဆံရေးကို တိုးတက်စေလိုသည်ကိုလည်းကောင်း၊ အလွန်ပင် ခေါင်းမာလိုခြင်းမရှိတော့သည်ကိုလည်းကောင်း၊ သင်၏ နေ့စဉ်အသက်တာတွင် ဘုရားနှုတ်ကပတ်တော်များကို လက်တွေ့လုပ်ဆောင်လိုသည်ကိုလည်းကောင်း၊ သမ္မာတရား စည်းမျဉ်းများအဖြစ် လက်တွေ့လုပ်ဆောင်လိုသည်ကိုလည်းကောင်း သင့်ကိုယ်သင် တွေ့ရှိရသည်။ သင့်တွင် ဤအသိတရားရှိသည်။ သင်သည် ဤအရာများကို သတိပြုမိသည်မှာ ကောင်းသော်လည်း၊ ဤသည်မှာ သင်သည် ချက်ချင်း ပြောင်းလဲနိုင်လိမ့်မည်ဟု ဆိုလိုသလော။ (မဆိုလိုပါ။) သင်သည် အတွေ့အကြုံနင့်ဆိုင်သည့် နှစ်ကာလအချို့ကို ဖြတ်သန်းရမည်။ ထိုအချိန်ကာလအတွင်းတွင် သင်၏ စိတ်နှလုံး၌ ပို၍ပင် ရှင်းလင်းသောအသိ ရှိလိမ့်မည်ဖြစ်ပြီး သင့်၌ ပြင်းထန်သော လိုအပ်ချက်တစ်ခုရှိလိမ့်မည်။ သင်၏ စိတ်နှလုံးတွင် “ဤသည်မှာ မမှန်ကန်ပါ။ ငါသည် အချိန်ဖြုန်းခြင်းကို ရပ်တန့်ရမည်။ သမ္မာတရားကို လိုက်စားရမည်။ သင့်တင့်လျောက်ပတ်သောအရာတစ်ခုကို လုပ်ဆောင်ရမည်။ ယခင်က ငါ၏ သင့်လျော်သော တာဝန်များကို ငါလျစ်လျူရှုနေခဲ့ပြီး အစားအစာ၊ အဝတ်အစားကဲ့သို့သော ရုပ်ဝတ္ထုများကိုသာ စဉ်းစားနေခဲ့သည်။ ကျော်ကြားမှုနှင့် အကျိုးအမြတ်ကိုသာ လိုက်စားနေခဲ့သည်။ ရလဒ်အနေဖြင့် သမ္မာတရားကို ငါ လုံးဝ မရရှိခဲ့ပါ။ ငါသည် ဤအရာကို နောင်တရသည်။ ဝန်ချရမည်ဖြစ်သည်” တွေးသည်။ ဤအချိန်တွင် သင်သည် ဘုရားသခင်အပေါ် ယုံကြည်ခြင်း၏ မှန်ကန်သောလမ်းကြောင်းပေါ်သို့ စတင်လျှောက်လှမ်းပြီဖြစ်သည်။ လူတို့သည် သမ္မာတရားအား လက်တွေ့လုပ်ဆောင်ခြင်းကို စတင် အာရုံစိုက်သရွေ့ ဤအရာက ၎င်းတို့အား ၎င်းတို့၏ စိတ်သဘောထားပြောင်းလဲခြင်းနှင့် တစ်ဆင့်ပို၍ နီးစပ်စေသည်မဟုတ်လော။ ဘုရားသခင်ကို သင် ယုံကြည်သည်မှာ မည်မျှကြာသည်ဖြစ်စေ သင်ကိုယ်တိုင်၏ စိတ်ရှုပ်ထွေးမှုကို ခံစားသိရှိနိုင်လျှင်လည်းကောင်း၊ သင်သည် အစဉ်သဖြင့် လေလွင့်နေခြင်းသာရှိပြီး နှစ်အတန်ကြာ လေလွင့်နေပြီးနောက်တွင် သင်သည် မည်သည့်အရာမျှမရရှိဘဲ အနှစ်မဲ့ခြင်းကို ခံစားနေရဆဲဖြစ်သည်ဆိုသည်ကို သင် ခံစားသိရှိလျှင်လည်းကောင်း၊ ဤအရာကြောင့် သင်သည် သက်သောင့်သက်သာမရှိဘဲ သင့်ကိုယ်သင် စတင်၍ ဆင်ခြင်သုံးသပ်လျှင်လည်းကောင်း၊ သမ္မာတရားအား မလိုက်စားခြင်းသည် အချိန်ဖြုန်းတီးခြင်းဖြစ်သည်ဟု သင် ခံစားရလျှင်လည်းကောင်း ထိုသို့သောအချိန်တွင် ဘုရားသခင်၏ တိုက်တွန်းအားပေးသောစကားများသည် လူသားအတွက် သူ၏ ချစ်ခြင်းဖြစ်သည်ဟု သင် နားလည်သဘောပေါက်လိမ့်မည်။ ပြီးလျှင် သင်သည် ဘုရားနှုတ်ကပတ်တော်များကို နားမထောင်ခြင်းအတွက်၊ အသိတရားနှင့် အသိစိတ် အလွန်ကင်းမဲ့သည့်အတွက် သင့်ကိုယ်သင် မုန်းတီးလိမ့်မည်။ သင်သည် နောင်တရလိမ့်မည်။ ထို့နောက်တွင် သင့်ကိုယ်သင် အသစ်တဖန် ပြုမူနေထိုင်လိုလိမ့်မည်ဖြစ်ပြီး၊ ဘုရားသခင်ရှေ့တွင် အမှန်တကယ် အသက်ရှင်လိုလိမ့်မည်။ “ငါသည် ဘုရားသခင်အား ဆက်နာကျင်စေ၍ မဖြစ်တော့ပါ။ ဘုရားသခင်သည် များစွာ ပြောဆိုခဲ့ပြီးဖြစ်သည်။ စကားလုံးတိုင်းက လူသား၏ အကျိုးအတွက်ဖြစ်ပြီး လူသားကို လမ်းမှန် ညွှန်ပြရန်ဖြစ်သည်။ ဘုရားသခင်သည် အလွန် ချစ်ဖွယ်ကောင်းပြီး၊ လူသား၏ ချစ်ခြင်းနှင့် အလွန်ထိုက်တန်သည်” ဟူ၍ သင့်ဘာသာ ပြောလိမ့်မည်။ ဤသည်မှာ လူတို့၏ ပြောင်းလဲခြင်း အစဖြစ်သည်။ ဤသို့ တန်ဖိုးထားခြင်းရှိသည်မှာ အလွန်ပင်ကောင်းသောအရာဖြစ်သည်။ သင်သည် ဤအရာများကိုပင် မသိအောင်ပင် အလွန်ထုံထိုင်းလျှင် သင်သည် ဒုက္ခရောက်ပြီမဟုတ်လော။ ယခုအခါ ဘုရားသခင်အပေါ် ယုံကြည်ခြင်းတွင် အဓိကအချက်သည် ဘုရားနှုတ်ကပတ်တော်များကို ပို၍ ဖတ်ရှုခြင်းဖြစ်သည်ကိုလည်းကောင်း၊ သမ္မာတရားအားနားလည်ခြင်းသည် အားလုံးထဲတွင် အရေးကြီးဆုံးဖြစ်သည်ကိုလည်းကောင်း၊ သမ္မာတရားကို နားလည်ခြင်းနှင့် မိမိကိုယ်ကို သိခြင်းသည် အလွန်အရေးပါသည်ကိုလည်းကောင်း၊ သမ္မာတရားအား လက်တွေ့လုပ်ဆောင်နိုင်ခြင်းနှင့် သမ္မာတရားအား မိမိ၏ စစ်မှန်မှုဖြစ်စေခြင်းသည်သာလျှင် ဘုရားသခင်အပေါ် ယုံကြည်ခြင်း၌ မှန်ကန်သော လမ်းကြောင်းသို့ ဝင်ရောက်ခြင်းဖြစ်သည်ကိုလည်းကောင်း လူတို့ သဘောပေါက်နားလည်ကြသည်။ ဤသို့ဆိုလျှင် သင်တို့၏ စိတ်နှလုံးတွင် ဤအသိပညာနှင့် ခံစားချက်ရှိရန်အတွက် အတွေ့အကြုံနှင့်ဆိုင်သော နှစ်ကာလမည်မျှရှိရမည်ဟု သင်တို့ ထင်သနည်း။ လိမ္မာပါးနပ်သော၊ အသိအမြင်ရှိသော၊ ဘုရားသခင်အတွက် ပြင်းထန်သော ဆန္ဒရှိသောလူတို့ကဲ့သို့သောသူများသည် တစ်နှစ်၊ နှစ်နှစ်ဝန်းကျင်တွင် မိမိတို့ကိုယ်ကို ပြောင်းလဲနိုင်ပြီး ဝင်ရောက်မှုကို စတင်ကောင်းစတင်နိုင်သည်။ သို့သော် နားဝေတိမ်တောင်ဖြစ်သော၊ ထုံထိုင်းပြီး နုံအကာအသိအမြင်မရှိသောသူများသည် တွေဝေလျက်ဖြင့် သုံးနှစ်၊ သို့မဟုတ် ငါးနှစ် ကုန်ဆုံးသွားမည်ဖြစ်ပြီး ၎င်းတို့သည် မည်သည့်အရာကိုမျှ မရရှိသေးသည်ကို သတိပြုမိမည်မဟုတ်ပေ။ ၎င်းတို့သည် ၎င်းတို့၏ တာဝန်များကို စိတ်ထက်သန်မှုဖြင့် ထမ်းဆောင်လျှင် ၎င်းတို့သည် တွေဝေလျက်ဖြင့် ဆယ်နှစ်ကျော်အထိ ကုန်ဆုံးသွားနိုင်ပြီး သိသာသော အကျိုးများကို မဖြစ်စေနိုင်သေး သို့မဟုတ် ၎င်းတို့၏ အတွေ့အကြုံဆိုင်ရာ သက်သေခံချက်များကို မပြောနိုင်ဘဲ ရှိနေနိုင်သေးသည်။ ၎င်းတို့သည် အဝေးသို့ စေလွှတ်ခြင်းခံရသည့်၊ သို့မဟုတ် ဖယ်ရှားရှင်းလင်းခြင်းခံရသည့်အခါမှသာ နောက်ဆုံးတွင် နိုးထလာပြီး “ငါ့တွင် အမှန်တကယ်ပင် သမ္မာတရား စစ်မှန်မှုလုံးဝမရှိပါ။ ငါသည် အမှန်ပင် သမ္မာတရားကို လိုက်စားသူတစ်ယောက်မဟုတ်ခဲ့ပါ” ဟု မိမိကိုယ်ကို စဉ်းစားလိမ့်မည်။ ၎င်းတို့၏ နိုးထမှုသည် ဤအချိန်တွင် အနည်းငယ်နောက်ကျနေသည် မဟုတ်လော။ လူအချို့သည် တွေဝေလျက် လေလွင့်နေကြပြီး ဘုရားသခင် ကြွလာသည့်နေ့ကို စဉ်ဆက်မပြတ် မျှော်လင့်နေကြသော်လည်း သမ္မာတရားအား လုံးဝ မလိုက်စားကြပေ။ ရလဒ်အနေဖြင့် ၎င်းတို့သည် မည်သည့်အကျိုးမျှ မရရှိဘဲ၊ သို့မဟုတ် မည်သည့်သက်သေခံချက်ကိုမျှ မမျှဝေနိုင်ဘဲ ဆယ်နှစ်ကျော်ကုန်ဆုံးသွားသည်။ ၎င်းတို့သည် ပြင်းထန်စွာ ပြုပြင်ခြင်းနှင့်သတိပေးခြင်းကို ခံရသောအခါမှသာ နောက်ဆုံး၌ ဘုရားနှုတ်ကပတ်တော်က ၎င်းတို့၏ စိတ်နှလုံးအား ထိုးဖောက်သည်ကို ခံစားရသည်။ ၎င်းတို့၏ စိတ်နှလုံးသည် မည်မျှ ခိုင်မာလိုက်လေသနည်း။ ၎င်းတို့အနေဖြင့် ပြုပြင်ခြင်း၊ အပြစ်ဒဏ်ပေးခြင်းကို မခံရခြင်းသည် အဘယ်သို့ဖြစ်ပြီး အဆင်ပြေရသနည်း။ ၎င်းတို့အနေဖြင့် ပြင်းထန်စွာ ပဲ့ပြင်ဆုံးမမှု မခံရခြင်းသည် အဘယ်သို့ အဆင်ပြေနေရသနည်း။ ၎င်းတို့အား သတိမူမိစေရန်၊ တုံ့ပြန်မှုရှိစေရန် မည်သည့်အရာကို လုပ်ဆောင်ရမည်နည်း။ သမ္မာတရားကို မလိုက်စားသောသူတို့သည် ခေါင်းတလားကို မမြင်ရခင်အထိ မျက်ရည်ကျမည်မဟုတ်ပေ။ ၎င်းတို့သည် မကောင်းဆိုးဝါးဆန်ပြီး ဆိုးယုတ်သောအရာ အများအပြားကို လုပ်ဆောင်ပြီးသည့်အခါမှသာ အသိတရားဝင်လာကြပြီး “ဘုရားသခင်အပေါ် ငါ၏ ယုံကြည်မှုက ပြီးဆုံးသွားပြီလော။ ဘုရားသခင်က ငါ့အား အလိုမရှိတော့သလော။ ငါသည် ရှုတ်ချခြင်းခံရပြီးဖြစ်သလော” ဟူ၍ မိမိတို့ဘာသာ ပြောဆိုကြသည်။ ၎င်းတို့သည် စတင်ဆင်ခြင်သုံးသပ်လာကြသည်။ ၎င်းတို့ အပျက်သဘောဆောင်သောအချိန်တွင် ဘုရားသခင်အား ယုံကြည်ခဲ့သည့် ဤနှစ်များအားလုံးသည် အလဟဿဖြစ်သည်ဟု ခံစားရပြီး မကျေမချမ်းမှုဖြင့် ပြည့်နေကြသည်။ မိမိတို့ကိုယ်ကို မျှော်လင့်ချက်မရှိတော့ဟူ၍ လက်လျှော့ဖို့ ဆန္ဒရှိကြသည်။ သို့သော် ၎င်းတို့ အသိစိတ်ဝင်လာသောအခါ “ငါသည် ကိုယ့်ကိုယ်ကိုယ် ထိခိုက်နေခြင်းသာမဟုတ်လော။ ငါ ပြန်၍ ကြိုးစားရမည်။ ငါသည် သမ္မာတရားကို မချစ်ဟု အပြောခံရသည်။ အဘယ်ကြောင့် ဤသို့ အပြောခံရသနည်း။ သမ္မာတရားကိုငါအဘယ်သို့ မချစ်သနည်း။ အို မဟုတ်သေးပါ။ ငါသည် သမ္မာတရားကို မချစ်ရုံမကဘဲ ငါနားလည်သည့် သမ္မာတရားများကိုပင် လက်တွေ့မလုပ်ဆောင်နိုင်ပါ။ ဤသည်မှာ သမ္မာတရားအား မနှစ်သက်ခြင်း၏ သရုပ်သကန်တစ်ခု ဖြစ်သည်” ဟူ၍ သဘောပေါက်လာသည်။ ဤသို့ စဉ်းစားလျက် ၎င်းတို့သည် အတော်အတန် နောင်တကြီးစွာရကြပြီး အတန်ငယ်ကြောက်ရွံ့ခြင်းလည်းရှိကြသည်။ “ငါသည် ဤသို့ဆက်လက် လုပ်ဆောင်နေလျှင် သေချာပေါက် အပြစ်ဒဏ်ပေးခြင်းခံရမည်။ မဖြစ်သေးပါ။ ငါ လျင်မြန်စွာ နောင်တရရမည်။ ဘုရားသခင်၏ စိတ်သဘောထားကို ပုန်ကန်ပြစ်မှား၍မရပါ” ဟူ၍ ဖြစ်သည်။ ဤအချိန်တွင် ၎င်းတို့၏ စိတ်နှလုံးခိုင်မာခြင်းအဆင့်က လျော့ကျသွားသလော။ ယင်းမှာအပ်တစ်ချောင်းက ၎င်းတို့၏ နှလုံးကို ထိုးဖောက်သွားသကဲ့သို့ဖြစ်သည်။ ၎င်းတို့သည် တစ်စုံတစ်ခုကို ခံစားရသည်။ သင်သည် ဤခံစားချက် ဖြစ်သောအခါ သင်၏ စိတ်နှလုံးသည် နှိုးဆွခြင်းခံရပြီး သမ္မာတရားကို စတင်စိတ်ဝင်စားလာသည်။ အဘယ်ကြောင့် ဤစိတ်ဝင်စားမှုရှိသနည်း။ သမ္မာတရားကို သင်လိုအပ်သောကြောင့်ဖြစ်သည်။ သမ္မာတရားမရှိလျှင် သင် ပြုပြင်ခြင်းခံရသောအခါ ကျိုးနွံနာခံနိုင်ခြင်းမရှိ၊ သို့မဟုတ် သမ္မာတရားကို လက်ခံနိုင်ခြင်းမရှိသကဲ့သို့ စမ်းသပ်ခြင်းခံရသောအခါ သင် ခိုင်မာစွာ မရပ်တည်နိုင်ပေ။ သင်သည် ခေါင်းဆောင်ဖြစ်လာမည်ဆိုလျှင် အယောင်ဆောင်ခေါင်းဆောင်ဖြစ်ခြင်းနှင့် အန္တိခရစ်၏ လမ်းကြောင်းအား လျှောက်ခြင်းကို ရှောင်ကြဉ်နိုင်မည်လော။ ရှောင်ကြဉ်နိုင်မည်မဟုတ်ပေ။ သင်သည် အဆင့်အတန်းရှိခြင်း၊ အခြားလူများ၏ ချီးမွမ်းမှုကို ခံရခြင်းတို့အား ကျော်လွှားနိုင်သလော။ သင်နှင့်ပါရှိသည့် အခြေအနေများ သို့မဟုတ် စုံစမ်းသွေးဆောင်မှုများကို သင် အောင်မြင်ကျော်လွှားနိုင်သလော။ သင်သည် သင့်ကိုယ်သင် အလွန်ပင်သိပြီး နားလည်ကာ “ကျွန်ုပ်သည် သမ္မာတရားကို နားမလည်လျှင် ဤအရာအားလုံးကို မအောင်မြင်နိုင်ပါ။ ကျွန်ုပ်သည် အမှိုက်ဖြစ်သည်။ မည်သည့်အရာကိုမျှ မစွမ်းဆောင်နိုင်ပါ” ဟု ပြောလိမ့်မည်။ ဤသည်မှာ မည်သည့် စိတ်နေစိတ်ထားမျိုးဖြစ်သနည်း။ ဤသည်မှာ သမ္မာတရားကို လိုအပ်ခြင်းဖြစ်သည်။ သင်သည် လိုအပ်မှုရှိနေသောအခါတွင်၊ သင်သည် အကူအညီမဲ့ဆုံးဖြစ်နေသောအချိန်တွင် သမ္မာတရားကိုသာ မှီခိုအားထားချင်လိမ့်မည်။ အခြားမည်သူ့ကိုမျှ မှီခို၍ မရနိုင်သကဲ့သို့သမ္မာတရားကို မှီခိုခြင်းကသာ သင်၏ ပြဿနာများကို ဖြေရှင်းနိုင်ကြောင်း၊ ပြုပြင်ခြင်း၊ စမ်းသပ်ခြင်း၊ စုံစမ်းသွေးဆောင်ခြင်းတို့ကို ဖြတ်သန်းနိုင်ဖို့ရန် သင့်အား ကူညီပြီး မည်သည့်အခြေအနေကိုမဆို ဖြတ်သန်းနိုင်ရန် သင့်အား ကူညီပေးကြောင်းကို သင် ခံစားရလိမ့်မည်။ သမ္မာတရားအား သင် မှီခိုလေလေ၊ သမ္မာတရားသည် ကောင်းမွန်သည်၊ အသုံးဝင်သည်၊ သင့်အတွက် အလွန်ပင် အထောက်အကူဖြစ်သည်၊ သင်၏ အခက်အခဲအားလုံးကို ဖြေရှင်းနိုင်သည်ဟု ခံစားရလေလေဖြစ်လိမ့်မည်။ ထိုသို့သော အချိန်များတွင် သင်သည် သမ္မာတရားကို တမ်းတလာလိမ့်မည်။ လူတို့သည် ဤအခြေအနေသို့ ရောက်သွားသည့်အခါ၊ ၎င်းတို့၏ ဖောက်ပြန်ပျက်စီးသော စိတ်သဘောထားသည် စတင်လျော့နည်းလာသလော၊ သို့မဟုတ် နည်းနည်းချင်း ပြောင်းလဲသလော။ သမ္မာတရားကို စတင်နားလည်ပြီး လက်ခံသည့်အချိန်မှစ၍ အမှုအရာများကို လူတို့မြင်သည့် ပုံစံသည် စတင်ပြောင်းလဲလာပြီး ထို့နောက်တွင် ၎င်းတို့၏ စိတ်သဘောထားသည်လည်း ပြောင်းလဲလာလေသည်။ ဤသည်မှာ နှေးကွေးသော ဖြစ်စဉ်ဖြစ်သည်။ အစောပိုင်းအဆင့်များတွင် လူတို့သည် ဤသေးငယ်သော အပြောင်းအလဲများကို မသိမြင်နိုင်ပေ။ သို့သော် ၎င်းတို့သည် သမ္မာတရားကို အမှန်တကယ်နားလည်ပြီး လက်တွေ့လုပ်ဆောင်နိုင်သောအခါ မရှိမဖြစ်လိုအပ်သော အပြောင်းအလဲများ စတင်ဖြစ်ပေါ်လာပြီး ထိုသို့သော အပြောင်းအလဲများကို ၎င်းတို့ ခံစားနိုင်ကြသည်။ လူတို့သည် သမ္မာတရားကို စတင်တောင့်တပြီး သမ္မာတရားကို ရရှိရန် ဆာငတ်ကာ သမ္မာတရားကို ရှာဖွေလိုသောအချိန်မှစ၍ ၎င်းတို့အပေါ်တွင် တစ်စုံတစ်ခု ဖြစ်ပျက်သည့်အချိန်အထိတိုင်၊ သမ္မာတရားအပေါ် ၎င်းတို့၏ သိနားလည်မှုအရ၊ ၎င်းတို့သည် သမ္မာတရားကို လက်တွေ့လုပ်ဆောင်နိုင်ပြီး ဘုရားသခင်၏ ရည်ရွယ်ချက်များကို ဖြည့်ဆည်းနိုင်ကြလေသည်။ ၎င်းတို့၏ ကိုယ်ပိုင်အလိုဆန္ဒအတိုင်း မလုပ်ဆောင်ဘဲနေနိုင်ပြီး ၎င်းတို့၏ ရည်ရွယ်ချက်များကို ကျော်လွှားနိုင်သည်။ ၎င်းတို့၏ ကိုယ်ပိုင် မာနထောင်လွှား၊ ပုန်ကန်တတ်သည့်၊ စိတ်နှလုံးခိုင်မာပြီး သစ္စာဖောက်တတ်သော စိတ်နှလုံးကို ကျော်လွှားနိုင်သည်။ ထို့နောက်တွင် ဖြည်းဖြည်းချင်းဖြင့် သမ္မာတရားသည် ၎င်းတို့၏ အသက်ဖြစ်သည် မဟုတ်လော။ သမ္မာတရားက သင်၏ အသက်ဖြစ်လာသောအခါ သင့်အတွင်းတွင်ရှိသော မာနထောင်လွှား၊ ပုန်ကန်တတ်သည့်၊ စိတ်နှလုံးခိုင်မာပြီး၊ သစ္စာဖောက်တတ်သော စိတ်သဘောထားများသည် သင်၏ အသက်ဖြစ်ခြင်းမှ ရပ်တန့်သွားပြီး သင့်အား မထိန်းချုပ်နိုင်တော့ပေ။ ပြီးလျှင် ဤအချိန်တွင် သင်၏ ကျင့်ကြံပြုမူမှုကို မည်သည့်အရာက ဦးဆောင်လမ်းပြသနည်း။ ဘုရားနှုတ်ကပတ်တော်ဖြစ်သည်။ ဘုရားနှုတ်ကပတ်တော်က သင်၏ အသက်ဖြစ်လာသောအခါ ပြောင်းလဲမှုတစ်ခုရှိသလော။ (ရှိပါသည်။) ထို့နောက်တွင် သင်သည် ပြောင်းလဲလေလေ၊ အခြေအနေများက ကောင်းလာလေလေဖြစ်သည်။ ဤသည်မှာ လူတို့၏ စိတ်သဘောထားပြောင်းလဲသည့် ဖြစ်စဉ်ဖြစ်သည်။ ဤအကျိုးတရားကို စွမ်းဆောင်ရရှိခြင်းက အချိန်ကြာမြှင့်သည်။

စိတ်သဘောထားပြောင်းလဲခြင်းများက အချိန်မည်မျှကြာသည်ဆိုသည်မှာ လူအပေါ်တွင် မူတည်သည်။ ဤအတွက် ပုံသေသတ်မှတ်ထားသော အချိန်ကန့်သတ်ချက် မရှိပေ။ သမ္မာတရားကို ချစ်ပြီး သမ္မာတရားကို လိုက်စားသောသူတစ်ယောက်ဖြစ်လျှင် သူ၏ စိတ်သဘောထားပြောင်းလဲမှုများကို ခုနစ်နှစ်၊ ရှစ်နှစ်၊ သို့မဟုတ် ဆယ်နှစ်အတွင်း မြင်ရလိမ့်မည်။ သာမန်အစွမ်းအစရှိပြီး သမ္မာတရားကိုလည်း လိုက်စားလိုစိတ်ရှိလျှင် ဆယ်ငါးနှစ်၊ သို့မဟုတ် နှစ်နှစ်ဆယ်ကြာပြီးမှသာ သူ၏ စိတ်သဘောထား၌ ပြောင်းလဲမှုများကို မြင်ရနိုင်သည်။ အဓိကအချက်မှာ သမ္မာတရားကို လိုက်စားရန် ထိုသူ၏ စိတ်ခိုင်မာမှုဖြစ်ပြီး သူသည် မည်မျှ အသိအမြင်ရှိသည်ဆိုသည်တို့ဖြစ်သည်။ ဤအရာတို့သည် အဆုံးအဖြတ်ပေးသော အချက်များဖြစ်သည်။ ဖောက်ပြန်ပျက်စီးသည့် စိတ်သဘောထား အမျိုးအစားတိုင်းက လူတိုင်းတွင် မတူညီသော အတိုင်းအတာအမျိုးမျိုးဖြင့် တည်ရှိသည်။ ထိုအရာအားလုံးသည် လူ၏ သဘာဝဖြစ်ပြီး အားလုံးက နက်ရှိုင်းစွာ အမြစ်တွယ်နေသည်။ သို့ရာတွင် သမ္မာတရားအား လိုက်စားခြင်း၊ လက်တွေ့လုပ်ဆောင်ခြင်းအားဖြင့်လည်းကောင်း၊ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်း၊ ပြုပြင်ခြင်း၊ စမ်းသပ်မှုနှင့် စစ်ဆေးမှုကို လက်ခံခြင်းအားဖြင့်လည်းကောင်း ပြောင်းလဲမှုအတိုင်းအတာအမျိုးမျိုးကို စိတ်သဘောထားတိုင်းတွင် ရရှိနိုင်သည်။ လူအချို့က “ဤသို့ဆိုလျှင် စိတ်သဘောထားပြောင်းလဲမှုများသည် အချိန်နှင့်သာ သက်ဆိုင်သည်မဟုတ်လော။ အချိန်ကျလာသောအခါ စိတ်သဘောထားပြောင်းလဲမှုများက မည်သည့်အရာဖြစ်သည်ကို ကျွန်ုပ်သိပြီး ဝင်ရောက်နိုင်စွမ်းရှိလိမ့်မည်” ဟု ဆိုကြသည်။ ဤသည်မှာ မှန်ကန်သလော။ (မမှန်ပါ။) လုံးဝ မမှန်ပေ။ စိတ်သဘောထားပြောင်းလဲခြင်းကို ရရှိရန်အတွက် လိုအပ်သမျှမှာ အချိန်သာဖြစ်လျှင် ၎င်းတို့၏ တစ်ဘဝလုံး ဘုရားသခင်ကို ယုံကြည်ခဲ့သော ထိုလူများအားလုံးသည် ၎င်းတို့၏ စိတ်သဘောထားပြောင်းလဲမှုများကို အလိုအလျောက် ရရှိခဲ့သင့်ပေသည်။ သို့သော် အမှန်တကယ်တွင် အမှုအရာများက ဤသို့ဖြစ်သလော။ ဤလူတို့သည် သမ္မာတရားကို ရရှိခဲ့သလော။ ၎င်းတို့၏ စိတ်သဘောထားပြောင်းလဲခြင်းကို ရရှိခဲ့သလော။ မရရှိခဲ့ပေ။ ဘုရားသခင်ကို ယုံကြည်သူတို့သည် နွားထီးတစ်ကောင်၏ အမွှေးများလောက် များပြားသည်။ သို့သော် စိတ်သဘောထားပြောင်းလဲသူများသည် ဦးချိုတစ်ချောင်းရှိသော ဒဏ္ဍာရီလာမြင်းလောက် ရှားပါးသည်။ လူတို့၏ စိတ်သဘောထား အမှန်တကယ် ပြောင်းလဲရန်အတွက် ၎င်းတို့သည် သမ္မာတရားအား လိုက်စားခြင်းကို အမှီပြုရမည်။ ၎င်းတို့သည် သန့်ရှင်းသောဝိညာဉ်တော်၏ လုပ်ဆောင်မှုကို အမှီပြုခြင်းအားဖြင့် စုံလင်စေခြင်းခံရသည်။ စိတ်သဘောထားပြောင်းလဲမှုများကို သမ္မာတရားအား လိုက်စားခြင်းမှတစ်ဆင့် စွမ်းဆောင်ရရှိပေသည်။ တစ်ဖက်တွင် လူတို့သည် အဖိုးအခပေးဆပ်ရမည်။ သမ္မာတရားအား လိုက်စားခြင်းနှင့်ပတ်သက်လာသည့်အခါ အဖိုးအခပေးဆပ်ရမည်ဖြစ်ပြီး သမ္မာတရားကို ရရှိရန်အတွက် ဆင်းရဲဒုက္ခပမာဏမည်မျှပင်မဆို နည်းလွန်းသည်ဟူ၍ မရှိပေ။ ထို့အပြင် သန့်ရှင်းသောဝိညာဉ်တော်က အလုပ်လုပ်ပြီး ၎င်းတို့ကို စုံလင်စေရန်အတွက် ဘုရားသခင်က ၎င်းတို့ကို မှန်ကန်သော လူအမျိုးအစားအဖြစ်လည်းကောင်း၊ ကြင်နာသနားတတ်သော သူအဖြစ်လည်းကောင်း၊ ဘုရားသခင်ကို အမှန်တကယ်ချစ်သော သူအဖြစ်လည်းကောင်း အတည်ပြုပေးရမည်ဖြစ်သည်။ လူတို့၏ ပူးပေါင်းဆောင်ရွက်ခြင်းသည် မရှိမဖြစ်သော်လည်း သန့်ရှင်းသောဝိညာဉ်တော်၏ လုပ်ဆောင်မှုကို ရရှိခြင်းသည် ပို၍ပင် အရေးပါသည်။ လူတို့သည် သမ္မာတရားကို မလိုက်စားလျှင်၊ သို့မဟုတ် မချစ်လျှင်၊ ဘုရားသခင်အား ချစ်ဖို့ မဆိုထားနှင့် ဘုရားသခင်၏ ရည်ရွယ်ချက်များကို လေးထားမှုပြုရန်ပင် လုံးဝ မသိလျှင်လည်းကောင်း၊ အသင်းတော်၏ အလုပ်အပေါ် ဝန်ထမ်းလိုစိတ်မရှိလျှင်လည်းကောင်း၊ သူတစ်ပါးတို့အပေါ် ချစ်ခြင်းမရှိလျှင်လည်းကောင်း၊ ပြီးလျှင် အထူးသဖြင့် ၎င်းတို့သည် တာဝန်ထမ်းဆောင်သောအခါ သစ္စာစောင့်သိခြင်းမရှိလျှင်လည်းကောင်း ၎င်းတို့သည် ဘုရားသခင်၏ အလွန်ချစ်မြတ်နိုးရသောသူများမဟုတ်ဘဲ ဘုရားသခင်၏ စုံလင်စေခြင်းကို မည်သည့်အခါမျှ မခံရနိုင်ပေ။ ထို့ကြောင့် လူတို့သည် ကြောင်းကျိုးမမြင်သော အခိုင်အမာပြောဆိုခြင်းများ မပြုလုပ်ရဘဲ ဘုရားသခင်၏ ရည်ရွယ်ချက်များကို နားလည်ရမည်။ ဘုရားသခင်က မည်သည့်အရာကို ပြောသည်ဖြစ်စေ၊ လုပ်ဆောင်သည်ဖြစ်စေ ကျိုးနွံနာခံနိုင်ရမည်။ အသင်းတော်အလုပ်ကို ကာကွယ်နိုင်ရမည်။ ၎င်းတို့၏ စိတ်နှလုံးများက မှန်ကန်ရမည်။ သို့မှသာ သန့်ရှင်းသော ဝိညာဉ်တော်က အလုပ်လုပ်နိုင်သည်။ လူတို့သည် ဘုရားသခင်၏ စုံလင်စေခြင်းကို လိုက်စားလိုလျှင် ဘုရားသခင်ကို ချစ်သည့် စိတ်နှလုံး၊ ဘုရားသခင်ကို ကျိုးနွံနာခံသည့် စိတ်နှလုံး၊ ဘုရားသခင်ကို ကြောက်ရွံ့သည့် စိတ်နှလုံးရှိရမည်။ မိမိတို့၏ တာဝန်ကို ထမ်းဆောင်သောအခါ ဘုရားသခင်အပေါ် သစ္စာစောင့်သိရမည်။ ဘုရားသခင်အား ကျေနပ်စေရမည်။ ထိုအခါမှသာ ၎င်းတို့သည် သန့်ရှင်းသောဝိညာဉ်တော်၏ လုပ်ဆောင်မှုကို ရရှိနိုင်လိမ့်မည်။ လူတို့သည် သန့်ရှင်းသောဝိညာဉ်တော်၏ လုပ်ဆောင်မှုရှိသောအခါ၊ ဘုရားနှုတ်ကပတ်တော်များကို ဖတ်သောအခါတွင် ဉာဏ်အလင်းပွင့်ကြသည်။ ၎င်းတို့၏ တာဝန်ကို ထမ်းဆောင်ရာတွင် သမ္မာတရားနှင့် စည်းမျဉ်းများကို လက်တွေ့လုပ်ဆောင်ရန် လမ်းကြောင်းရှိကြသည်။ ၎င်းတို့ ဒုက္ခရောက်သောအခါ ဘုရားသခင်က ၎င်းတို့ကို လမ်းပြပေးသည်။ ၎င်းတို့သည် မည်မျှဆင်းရဲဒုက္ခခံရပါစေ ၎င်းတို့၏ စိတ်နှလုံးများက ဝမ်းမြောက်ပြီး အေးချမ်းသည်။ ဤပုံစံဖြင့် သန့်ရှင်းသောဝိညာဉ်တော်၏ လမ်းပြမှုကို ဆယ်နှစ်၊ သို့မဟုတ် နှစ်နှစ်ဆယ်ကြာ ဖြတ်သန်းသောအခါ ၎င်းတို့ကိုယ်တိုင်ပင် သတိမထားမိဘဲ ၎င်းတို့ ပြောင်းလဲသွားလိမ့်မည်။ လျင်မြန်စွာ ပြောင်းလဲလေလေ၊ ငြိမ်သက်ခြင်းကို လျင်မြန်စွာ ရရှိလေလေဖြစ်သည်။ လျင်မြန်စွာ ပြောင်းလဲလေလေ၊ ၎င်းတို့သည် လျင်မြန်စွာ ပျော်ရွှင်ရလေလေဖြစ်သည်။ လူတို့၏ စိတ်သဘောထားပြောင်းလဲသောအခါမှသာ စစ်မှန်သော ငြိမ်သက်ခြင်းနှင့် ဝမ်းမြောက်ခြင်းကို ၎င်းတို့ ရှာတွေ့နိုင်သည်။ ထိုအခါမှသာ အမှန်တကယ် ပျော်ရွှင်သော ဘဝများကို အသက်ရှင်နေထိုင်နိုင်သည်။ သမ္မာတရားကို မလိုက်စားသောသူတို့သည် ဝိညာဉ်ရေးရာ ငြိမ်သက်ခြင်း၊ သို့မဟုတ် ဝမ်းမြောက်ခြင်းမရှိပေ။ ၎င်းတို့၏ နေ့ရက်များသည် ပို၍ပင် အနှစ်မဲ့လာပြီး သည်းခံရန် အစဉ်ပို၍ ခက်ခဲလာသည်။ ဘုရားသခင်ကို ယုံကြည်သော်လည်း သမ္မာတရားကို မလိုက်စားသောသူတို့အတွက် ၎င်းတို့၏ နေ့ရက်များသည် နာကျင်မှုနှင့် ဆင်းရဲဒုက္ခတို့ဖြင့် ပြည့်နေသည်။ ထို့ကြောင့် လူတို့သည် ဘုရားသခင်ကို ယုံကြည်သောအခါ သမ္မာတရားကို ရရှိခြင်းထက် မည်သည့်အရာကမျှ ပိုအရေးမကြီးပေ။ သမ္မာတရားအား ရရှိခြင်းသည် အသက်ကို ရရှိခြင်းဖြစ်သည်။ သမ္မာတရားကို စောစီးစွာ ရရှိလေလေ၊ ကောင်းလေလေဖြစ်သည်။ သမ္မာတရားမရှိလျှင် လူတို့၏ ဘဝများသည် အနှစ်မရှိပေ။ သမ္မာတရားအား ရရှိခြင်းသည် ငြိမ်သက်ခြင်းနှင့် ဝမ်းမြောက်ခြင်းကို တွေ့ရှိခြင်း၊ ဘုရားသခင်ရှေ့တွင် အသက်ရှင်နိုင်ခြင်း၊ သန့်ရှင်းသောဝိညာဉ်တော်၏ လုပ်ဆောင်မှုအားဖြင့် ဉာဏ်အလင်းပွင့်ခြင်း၊ လမ်းပြမှုခံရခြင်း၊ ဦးဆောင်ခံရခြင်းတို့ဖြစ်သည်။ ၎င်းတို့၏ စိတ်နှလုံးတွင် ပိုပို၍ အလင်းရှိလာလိမ့်မည်ဖြစ်ပြီး ဘုရားသခင်အပေါ် ၎င်းတို့၏ ယုံကြည်မှုသည် အစဉ်ပို၍ ကြီးထွားလာလိမ့်မည်။ ဤသို့ဆိုလျှင် ယခုတွင် စိတ်သဘောထားပြောင်းလဲခြင်းနှင့် ဆက်စပ်သော သမ္မာတရားသည် သင်တို့အတွက် ပို၍ ရှင်းလင်းသလော။ (ရှင်းလင်းပါသည်။ ယခုတွင် ကျွန်ုပ်တို့ နားလည်ပြီဖြစ်သည်။) ဤအရာသည် သင်တို့အတွက် အမှန်ပင် ရှင်းလင်းလျှင် သင်တို့တွင် လမ်းကြောင်းရှိပြီး။ သမ္မာတရားအား လိုက်စားခြင်းတွင် မည်သို့ ထိရောက်မှုရှိရမည်ကို သင်တို့ သိပေသည်။

၂၀၁၇ ခုနှစ်၊ ဧပြီလ ၂၈ ရက်