ဘုရားသခင်ကို ယုံကြည်သောလူများစွာ ရှိသော်လည်း သမ္မာတရား လိုက်စားသောသူ အနည်းအကျဉ်းသာ ရှိ၏။ လူတစ်ယောက်သည် သမ္မာတရားကို လိုက်စားခြင်းရှိမရှိ သင် မည်သို့ သိမြင်နိုင်သနည်း။ လူတစ်ယောက်သည် သမ္မာတရားကို လိုက်စားသောသူဟုတ်မဟုတ် သင် မည်သို့ အကဲဖြတ်နိုင်သနည်း။ ဘုရားသခင်ကို ခုနစ်နှစ်၊ ရှစ်နှစ်ကြာ ယုံကြည်ခဲ့သောသူတစ်ယောက်ရှိသည်ဆိုပါစို့။ ထိုသူသည် များစွာသော စကားများနှင့် အယူဝါဒများကို ပြောဆိုနိုင်သည်။ ၎င်း၏ ပါးစပ်တွင် ဝိညာဉ်ရေးရာဝေါဟာရများ ပြည့်နေသည်။ သူတစ်ပါးတို့ကို မကြာခဏ ကူညီသည်။ အလွန်ပင် စိတ်အားထက်သန်သည့်ပုံစံ ရှိသည်။ အရာဝတ္ထုများကို စွန့်လွှတ်နိုင်သည်။ သူ၏ တာဝန်များကို အလွန်တက်ကြွထက်သန်စွာ ထမ်းဆောင်သည်။ သို့တိုင်အောင် ထိုသူသည် မိမိ၏ အသက်စိတ်သဘောထားတွင် ပြောင်းလဲမှုတစ်ခုအား သိမြင်နိုင်ခြင်း ရှိဖို့ကို မဆိုထားနှင့်၊ သမ္မာတရားများစွာအား လက်တွေ့လုပ်ဆောင်ခြင်းကိုဖြစ်စေ၊ အသက်ဝင်ရောက်မှုဆိုင်ရာ စစ်မှန်သော အတွေ့အကြုံများကို ဆွေးနွေးနိုင်ခြင်းကိုဖြစ်စေ မမြင်တွေ့နိုင်ချေ။ ဤသို့သောလူတစ်ယောက်သည် သမ္မာတရားကို မလိုက်စားဟု အသေအချာဆိုနိုင်သည်။ လူတစ်ယောက်သည် သမ္မာတရားကို စစ်မှန်စွာ ချစ်လျှင် အမှုအရာများကို အချိန်တစ်ခုကြာပြီးနောက်တွင် သူ၏ နားလည်မှုနှင့်ပတ်သက်ပြီး ပြောဆိုနိုင်လိမ့်မည်ဖြစ်ပြီး အနည်းဆုံးအနေဖြင့် အချို့အရာများတွင် စည်းမျဉ်းများနှင့်အညီ ဆောင်ရွက်နိုင်လိမ့်မည်။ ထိုသူသည် အသက်ဝင်ရောက်မှု၏ အတွေ့အကြုံအချို့ရှိလိမ့်မည်။ အနည်းဆုံးအနေဖြင့် အပြုအမူပြောင်းလဲမှုအချို့ကို ပြသလိမ့်မည်။ သမ္မာတရားကို လိုက်စားသောသူတို့သည် အစဉ်တိုးတက်နေသော ဝိညာဉ်ဆိုင်ရာ အခြေအနေတစ်ခုရှိသည်။ ဘုရားသခင်အပေါ် ၎င်းတို့ ယုံကြည်မှုသည် တဖြည်းဖြည်းချင်း တိုးပွားနေသည်။ ၎င်းတို့ ထုတ်ဖော်သည့်အရာနှင့်လည်းကောင်း၊ ၎င်းတို့၏ ဖောက်ပြန်ပျက်စီးသည့် စိတ်သဘောထားများနှင့်လည်းကောင်း သက်ဆိုင်သော နားလည်မှုအချို့ရှိသည်။ ၎င်းတို့သည် ဘုရားသခင်က လူတို့ကို ကယ်တင်ရန် မည်သို့အလုပ်လုပ်သည်နှင့်ပတ်သက်ပြီး ကိုယ်ပိုင်အတွေ့အကြုံနှင့် စစ်မှန်သည့် ထိုးထွင်းအမြင်ရှိသည်။ ဤအရာများအားလုံးသည် ၎င်းတို့အထဲတွင် တဖြည်းဖြည်းချင်း မြင့်တက်လာသည်။ လူတစ်ယောက်တွင် ဤသရုပ်သကန်များကို သင်မြင်လျှင် ဤသည်မှာ သမ္မာတရားကို လိုက်စားသောသူဖြစ်သည်ကို သင် သေချာပေါက် သိနိုင်သည်။ လူတို့သည် ဘုရားသခင်ကို ပထမဆုံး ယုံကြည်လာခဲ့ကြချိန်တွင် အတော်အတန် စိတ်ထက်သန်ကြသော်လည်း ဘုရားသခင်ကို ယုံကြည်ခြင်းအကြောင်း မည်သည့်အရာမျှ မသိကြချေ။ ဘုရားသခင်ကို ယုံကြည်ခြင်းမှာ လူကောင်းတစ်ဦးဖြစ်ခြင်းနှင့် မှန်ကန်သည့် လမ်းကြောင်းကို လျှောက်ခြင်းအား ဆိုလိုသည်ဟု ၎င်းတို့ တွေးထင်ကြသည်။ နောက်ပိုင်းတွင် ဘုရားနှုတ်ကပတ်တော်များကို စားသောက်ခြင်းနှင့် တရားဒေသနာများနှင့် မိတ်သဟာယကို နားထောင်ခြင်းမှတစ်ဆင့် အမျိုးမျိုးသော ကိစ္စရပ်များကို ၎င်းတို့ သိမြင်နိုင်ကြသည်။ လူတို့တွင် ဖောက်ပြန်ပျက်စီးသော စိတ်သဘောထားများ ရှိကြောင်းနှင့် ယင်းတို့ကို ဖြေရှင်းရန် သမ္မာတရားကို ၎င်းတို့ ရှာဖွေသင့်ကြောင်းအပြင် ဘုရားသခင်၏ ကယ်တင်ခြင်းကို လက်ခံသင့်ကြကြောင်းတို့ကို ၎င်းတို့ သဘောပေါက်ကြပြီး ဘုရားသခင်ကို ယုံကြည်ရန်မှာ မည်သည့်အရာ ဆိုလိုသည်ကို နားလည်ကြသည်။ ဘုရားသခင်၏ အမှုတော်၊ လူသားမျိူးနွယ်ကို ကယ်တင်ရန် ဘုရားသခင်၏ ရည်ရွယ်ချက်နှင့်ဆိုင်သည့် သိနားလည်မှုအချို့ကို ၎င်းတို့ တဖြည်းဖြည်း ရရှိကြလေသည်။ ဤအရာသည် တစ်စတစ်စ စုပုံလာပြီး ဘုရားသခင်ကို ယုံကြည်မှုနှင့်ဆိုင်သည့် မှန်ကန်သော လမ်းကြောင်းပေါ် ၎င်းတို့ တဖြည်းဖြည်း စတင်ကြလေသည်။ သမ္မာတရား စစ်မှန်မှုများအပေါ် ၎င်းတို့၏ သိနားလည်မှုနှင့် အတွေ့အကြုံတို့သည် တဖြည်းဖြည်း မြင့်မားသွားပြီး တိုက်ရိုက် အနက်ပြန်မှုများ သို့မဟုတ် စကားများနှင့် အယူဝါဒများတွင် ပိတ်မိမနေကြချေ။ လူတစ်ဦးသည် ဘုရားသခင်ကို နှစ်အတန်ကြာ ယုံကြည်ပြီးဖြစ်ကာ စကားများနှင့် အယူဝါဒများကို ဆက်လက်ပြောဆိုလျှင် ဘုရားသခင်ကို ယုံကြည်ခြင်းနှင့်ပတ်သက်သည့် ရေပန်းစားသော စကားအချို့ကို မကြာခဏ ပြောဆိုကာ ၎င်းတို့၏ ယုံကြည်ခြင်းက အတော်လေး အဆင်ပြေနေပုံရသော်လည်း ဘဝအတွေ့အကြုံအကြောင်း သို့မဟုတ် မိမိတို့ကိုယ်ကို သိရှိခြင်းအကြောင်း မပြောဆိုနိုင်ကြဘဲ မယုံကြည်သူများနှင့် ဆိုးယုတ်သော လူများကို မသိမြင်နိုင်ကြလျှင်၊ ၎င်းတို့ထဲ၌ ဤပြဿနာများ ရှိနေလျှင် ဘုရားသခင်၏ အမှုတော်ကို ၎င်းတို့ သိရှိခြင်း မရှိဟု ဆိုလိုပြီး ဘုရားသခင်ကို ယုံကြည်ခဲ့သည့် နှစ်အနည်းငယ်တွင် သမ္မာတရားကို ၎င်းတို့ မလိုက်စားကြသေးကြောင်း ဆုံးဖြတ်၍ ရပေသည်။ ဤသည်မှာ အလွန်သိသာထင်ရှားသည့် လက္ခဏာတစ်ခု ဖြစ်သည်။

ခေါင်းဆောင်တစ်ဦး သို့မဟုတ် အမှုဆောင်တစ်ဦးတွင် သမ္မာတရား စစ်မှန်မှု ရှိမရှိဆိုသည်ကို တိုင်းတာရန် ပထမဦးစွာ ၎င်းတို့၏ မိတ်သဟာယတွင် စစ်မှန်သော သက်သေခံချက်နှင့် အသစ်သော နားလည်မှုရှိမရှိဆိုသည်ကို ကြည့်လော့။ လူအချို့ကို နှစ်အနည်းငယ်ကြာ သင် မမြင်ရသည့်အခါ ၎င်းတို့အနေဖြင့် တရားဒေသနာတစ်ခုကို ကြားပြီးနောက်တွင် သိနားလည်မှုအသစ်ဖြင့် ပြောဆိုနိုင်သောကြောင့် ၎င်းတို့၏ မိတ်သဟာယသည် အစ၌ သစ်လွင်ကာ လတ်ဆတ်သည်ဟု ခံစားရကောင်းခံစားရနိုင်သည်။ သို့ရာတွင် ၎င်းတို့နှင့်အတူ အချိန်နှစ်ရက် သို့မဟုတ် သုံးရက် ကုန်ဆုံးသည့်နောက်တွင် ၎င်းတို့၏ အတိတ်မှ အတွေ့အကြုံနှင့် သက်သေခံချက်အနည်းငယ်၊ ၎င်းတို့ကို ဘုရားသခင် ကယ်တင်ခဲ့ပုံနှင့် ၎င်းတို့အပေါ် သူက ကျေးဇူးတော်နှင့် ကောင်းချီးများ ပေးသနားခဲ့ပုံအကြောင်းကို တစ်ဖန် စတင် ပြောဆိုသည်။ တစ်ပတ်မပြည့်မီတွင် ယခင်က ၎င်းတို့ ပြောဆိုခဲ့သည့် ထိုအပေါ်ယံ အတွေ့အကြုံများနှင့် အသိပညာကို ၎င်းတို့က ထပ်ပြောသည်။ ဤသည်မှာ တိုးတက်မှု ဖြစ်သလော။ တစ်ချက်ကြည့်ရုံဖြင့် ထိုအရာမှာ တိုးတက်မှုမဟုတ်သည်ကို သင် မြင်နိုင်သည်။ ဘုရားသခင်ကို နှစ်အချို့ကြာ ယုံကြည်ပြီးသည့်နောက်တွင် ၎င်းတို့သည် များစွာသော စကားများနှင့် အယူဝါဒများဖြင့် ပြင်ဆင်ထားကြပြီး မှန်ကန်သည့်အရာ အချို့ကို ပြောဆိုနိုင်ကြသော်လည်း အမှုအရာများ ၎င်းတို့အပေါ် ကျရောက်သည့်အခါ ၎င်းတို့ မရှင်းမလင်းဖြစ်နေဆဲဖြစ်ကာ ထိုအရာများကို မကိုင်တွယ်နိုင်ကြချေ။ သမ္မာတရား စည်းမျဉ်းများကို မရှာတွေ့နိုင်ကြသကဲ့သို့ လူတို့ကို ပိုင်းခြားသိမြင်နိုင်ခြင်း မရှိချေ။ ဤသည်မှာ တိုးတက်မှု ဖြစ်သလော။ (မဟုတ်ပါ။) ဤသည်မှာ တိုးတက်မှု မဟုတ်ပေ။ ၎င်းတို့အနေဖြင့် မိမိတို့တာဝန်များကို နှစ်အချို့ကြာ ထမ်းဆောင်ပြီးဖြစ်သော်လည်း ဘုရားသခင်ကို သစ္စာစောင့်သိမှုအား စွမ်းဆောင်ရရှိပြီးခြင်း ရှိမရှိ မေးလျှင် ၎င်းတို့ကိုယ်တိုင် နားမလည်ကြပေ။ မည်သို့ဆိုစေ ၎င်းတို့သည် စုဝေးပွဲတိုင်းအတွက် အချိန်မီလာကြပြီး ၎င်းတို့တာဝန်များကို ပုံမှန် ထမ်းဆောင်ကြပုံရသည်။ သို့ရာတွင် စစ်မှန်သည့် ပြောင်းလဲမှု ကြုံရခြင်း ရှိမရှိဆိုသည်ကို ၎င်းတို့အား သင် မေးလျှင် ရှင်းလင်းသည့် အဖြေကို မပေးနိုင်ကြပေ။ ဤသည်မှာ ပြဿနာတစ်ခု ဖြစ်သည်။ ထိုအရာမှာ သမ္မာတရားကို ၎င်းတို့ နားမလည်ကြကြောင်း ပြပေသည်။ သမ္မာတရားကို ၎င်းတို့ နားလည်လျှင် ဤပြဿနာများကို ၎င်းတို့ ရှင်းလင်းစွာ မြင်နိုင်ကြပေမည်။ လူအချို့သည် မိမိတို့တာဝန်များတွင် ရလဒ်အချို့ ရရှိကြသော်လည်း ၎င်းတို့၏တာဝန်များကို အဘယ်ကြောင့် ထမ်းဆောင်ကြသည်ကို ၎င်းတို့အား သင် မေးပါက ဖန်ဆင်းခံများက တာဝန်များကို ထမ်းဆောင်သင့်ကြောင်းသာ ပြောနိုင်ကြသော်လည်း အသေးစိတ်အချက်များကိုမူ မရှင်းလင်းကြချေ။ ၎င်းတို့၏ တာဝန်များကို ထမ်းဆောင်မှုတွင် လက်တွေ့လုပ်ဆောင်မှု စည်းမျဉ်းများ ရှိမရှိကို ၎င်းတို့ကို သင် မေးလျှင် ဤအရာကို ၎င်းတို့ အကဲမဖြတ်နိုင်ကြပေ။ ၎င်းတို့အနေဖြင့် မိမိတို့တာဝန်များကို ပြည့်ပြည့်ဝဝ ထမ်းဆောင်နိုင်ကြသည်ဟု သင် ပြောမည်လော။ (မထမ်းဆောင်နိုင်ကြပါ။) ဤသည်မှာ တိုးတက်မှု မဟုတ်ပေ။ တိုးတက်မှုမဖြစ်စေခြင်းသည် ဒုက္ခပေးသည် မဟုတ်လော။ ၎င်းတို့အနေဖြင့် မိမိတို့၏ တာဝန်များကို ထမ်းဆောင်နေစဉ် ပြုပြင်ခံရခြင်းကို မည်သို့ ချဉ်းကပ်ကြသည်ကို သင် မေးလျှင် ၎င်းတို့က နားထောင်၊ နာခံပြီး အတိုက်အခံမလုပ်ပါဟု ပြောကြသည်။ ၎င်းတို့တွင် လွန်ခဲ့သည့် နှစ်ကာလအချို့တွင် ဤစည်းမျဉ်းရှိခဲ့ကာ ယခုတွင် ဤအလားတူ စည်းမျဉ်းပင် ရှိနေကြဆဲဖြစ်ပြီး မပြောင်းလဲသေးပေ။ မည်သို့ဆိုစေ ၎င်းတို့ကို ခိုင်းထားသည့်အရာကိုသာ ၎င်းတို့ လုပ်ဆောင်ကြသည်။ ၎င်းတို့အနေဖြင့် ပြုပြင်ခြင်းတို့မှ သိနားလည်မှုတစ်ခုတလေ ရရှိပြီးခြင်း ရှိမရှိ၊ ၎င်းတို့၏ ကိုယ်ပိုင် ပုန်ကန်တတ်သော အခြေအနေနှင့် ဖောက်ပြန်ပျက်စီးသော သဘာဝကို ရှာဖွေတွေ့ရှိပြီးခြင်း ရှိမရှိ၊ သို့မဟုတ် ၎င်းတို့၏ မိမိကိုယ်ကို သိသည့်အသိက သာ၍ နက်နဲလာပြီးခြင်း ရှိမရှိတို့ကို ၎င်းတို့အား သင် မေးလျှင် ထိုအရာတစ်ခုကိုမျှ ၎င်းတို့ မသိရှိကြချေ၊ သို့မဟုတ် နားမလည်ကြချေ။ မည်သို့ဖြစ်စေ စည်းမျဉ်းတစ်ခုသာ ၎င်းတို့ ကိုင်စွဲကြသည်။ ပြုပြင်ခြင်းကို ရင်ဆိုင်ရသည့်အခါ ၎င်းတို့ နာခံရမည်၊ ၎င်းတို့၏ စိတ်နေစိတ်ထားကို ပြုပြင်ရမည်၊ အတိုက်အခံမလုပ်ရ သို့မဟုတ် မိမိတို့ကိုယ်ကို ရှင်းချက်မထုတ်ရသကဲ့သို့ ၎င်းတို့ ခါးစီးခံကာ နှိမ့်ချစွာ နာခံရမည်ဖြစ်သည်။ ဤသည်မှာ ယခင်က ၎င်းတို့၏ ရှုထောင့်ဖြစ်ခဲ့ပြီး ယခုတွင် သာ၍ပင် ဖြစ်လေသည်။ ဤသည်မှာ သမ္မာတရား ရရှိခြင်း၏ သရုပ်သကန်တစ်ခု ဖြစ်သလော။ (မဟုတ်ပါ။) ဘုရားသခင်ကို ယုံကြည်သည့် ဖြစ်စဉ်တွင် ဤလူများသည် သမ္မာတရား သွင်ပြင်လက္ခဏာတစ်ခုတလေ၏ စစ်မှန်မှုထဲသို့ မဝင်ရောက်ကြသေးသကဲ့သို့ သမ္မာတရား သွင်ပြင်လက္ခဏာ တစ်ခုတလေ၏ စည်းမျဉ်းများကို ခိုင်မာစွာ သဘောမပေါက်ကြသေးပေ။ “သင့်ထံ အမှုအရာများ ကျရောက်သည့်အခါ သမ္မာတရားကို သင် လက်တွေ့လုပ်ဆောင်ရမည်၊ သမ္မာတရား စည်းမျဉ်းများကို ခိုင်မာစွာ သဘောပေါက်ရမည်ဖြစ်ပြီး ဤနယ်ပယ်မှ သွေဖည်သွား၍ မရပါ”ဟု ၎င်းတို့ကို ပြောထားသော်လည်း အမှုအရာများ ၎င်းတို့အပေါ် ကျရောက်သည့်အခါ သမ္မာတရား စည်းမျဉ်းများအား မည်သို့ ရှာဖွေရမည်ကို မသိကြသေးပေ။ ၎င်းတို့သည် စေ့စပ်တိကျခြင်း မရှိကြသကဲ့သို့ အိုးနင်းခွက်နင်းဖြင့်ပင် ပြီးမြောက်သွားကြသည်။ အဓိကကျသော ဦးတည်ချက်ကို ၎င်းတို့ ကိုင်စွဲကြပုံရသည်၊ ၎င်းတို့သည် နာခံပြီး နားထောင်ကြပုံရသည်၊ လတ်တလောရှိသည့် အလုပ်ကို ဝတ်ကျေတမ်းကျေမဟုတ်ဘဲ လုပ်ကြပုံရပြီး အသင်းတော်၏ အကျိုးစီးပွားများကို ကာကွယ်နိုင်ကြပုံရသော်လည်း သမ္မာတရား၏ သွင်ပြင်လက္ခဏာ တစ်ခုစီနှင့်ဆိုင်သော အသေးစိတ်အချက်များကို ၎င်းတို့ နားလည်ကြသလော။ ယင်းတို့ကို ၎င်းတို့ လက်တွေ့လုပ်ဆောင်နိုင်ကြသလော။ ဤသည်မှာ လူတို့တွင် သမ္မာတရား သွင်ပြင်လက္ခဏာ အသီးသီး၏ စစ်မှန်သော အသိပညာနှင့် အတွေ့အကြုံ ရှိမရှိဟူသည့်အပေါ် မူတည်ပေသည်။ ၎င်းတို့သည် သမ္မာတရား၏ သွင်ပြင်လက္ခဏာအသီးသီးကြား ဆက်နွှယ်မှု သို့မဟုတ် တစ်စုံတစ်ရာ ဖြစ်ပျက်သည့်အခါ မည်သည့် သမ္မာတရား သွင်ပြင်လက္ခဏာများနှင့် မည်သည့် အခြေအနေက တိတိကျကျ ပါဝင်ပတ်သက်သည် သို့မဟုတ် မည်သည့် စိတ်သဘောထားက ထိုအခြေအနေကို ဖြစ်စေသည်ဆိုသည်တို့ကို မသိကြချေ။ လူနှစ်ဦးက တစ်ခုတည်းသောစကားကို ပြောဆိုလျှင် ထိုလူနှစ်ဦး၏ သဘာဝများကြား ခြားနားချက်များကို ၎င်းတို့ မသိကြသကဲ့သို့ ယင်းတို့အား မည်သို့ သဘောထားရမည်ကို မသိကြချေ။ ဤသည်မှာ သမ္မာတရား သိနားလည်မှု ဖြစ်သလော။ ဤသည်မှာ သမ္မာတရား သိနားလည်မှု မဟုတ်ပေ။ သင်သည် ဘုရားသခင်ကို သုံးနှစ် သို့မဟုတ် ငါးနှစ်ကြာ ယုံကြည်ပြီးဖြစ်သော်လည်း ဤသမ္မာတရားများ၏ လက်တွေ့ကျသော ဘက်ခြမ်းကို မသိကြသကဲ့သို့ ဘုရားသခင်ကို ရှစ်နှစ် သို့မဟုတ် ဆယ်နှစ်ကြာ သင် ယုံကြည်ပြီးဖြစ်ကာ ထိုအရာကို သင် မသိသေးလျှင် သင်သည် သမ္မာတရားကို မရရှိသေးပေ။ ယခုတွင် မည်သည့်အရာကို သင်တို့ ချို့တဲ့နေသနည်း။ လူအများစုက ၎င်းတို့အနေဖြင့် တကယ့်အဆုံးထိတိုင် “ဘုရားသခင်ကို ယုံကြည်မှု”ဟူသည့် စကားများကို ဖက်တွယ်သရွေ့ ၎င်းတို့ အောင်မြင်လိမ့်မည်ဟု တွေးထင်လျက် စစ်မြေပြင်တွင် မိမိစည်းမကျအောင် ဖက်တွယ်နေသကဲ့သို့ ဘုရားသခင်ကို ယုံကြည်ကြသည်။ သို့ရာတွင် သမ္မာတရားကို ရှာဖွေရန် သို့မဟုတ် လက်ခံရန် ကနဦးခြေလှမ်းလှမ်းခြင်း မရှိကြချေ။ ၎င်းတို့၏ တာဝန်များကို ကောင်းစွာ ထမ်းဆောင်ရန်၊ ၎င်းတို့၏ သက်သေခံချက်တွင် ခိုင်ခိုင်မာမာ ရပ်တည်ရန်နှင့် ရန်သူဖြစ်သော စာတန်ကို အနိုင်ယူရန် ပျက်ကွက်ကြပြီး သမ္မာတရားနှင့် အသက်ကို မရရှိကြသေးပေ။ ဆိုးရွားသည့် အမှားတစ်ခုပါတကား။ ဤသည်မှာ ဘဝအတွေ့အကြုံတစ်ခုမျှမရှိဘဲ နှစ်များစွာကြာ ဘုရားသခင်ကို ယုံကြည်ရန်မှာ သနားစဖွယ် ဖြစ်သည့်ပုံဖြစ်သည်။ လူတို့သည် ထိုသို့သော အခြေအနေတစ်ခုထဲသို့ ကျရောက်သည့်အခါ စည်းမျဉ်းစည်းကမ်းအချို့ကို ဖက်တွယ်ရင်း၊ ဤနယ်ပယ်အတွင်းရှိ စီမံအုပ်ချုပ်ရေး အမိန့်များကို ချိုးဖောက်ခြင်းမရှိသကဲ့သို့ လတ်တလောရှိသည့် အလုပ်ကို ပြီးစီးလျက် နေ့စဉ် အပေါ်ယံအားဖြင့် ဆက်၍သာ အလုပ်များနေကြလေသည်။ ဤအရာကို လူ၏ အမြင်တွင် သင့်တင့်လျောက်ပတ်သည်ဟု ယူဆထားပြီး ဤအခြေအနေကို သမ္မာတရား အသုံးပြုလျက် သင် တိုင်းတာလျှင် ၎င်းတို့အနေဖြင့် ဆိုးရွားသည့် အမှားတစ်ခု မကျူးလွန်သေးပေ။ ဤသို့ယုံကြည်ခြင်းကို သင် အဘယ်သို့ တွေးထင်သနည်း။ (ဘုရားသခင် မနှစ်သက်ပါ။) ဤတုံ့ပြန်ချက်သည် အယူဝါဒသာ ဖြစ်သည်။ သင်၏ ကိုယ်ပိုင် ရှုထောင့်အမြင်မှကြည့်လျှင် သင်သည် မည်သည့်အခါတွင်မျှ တိုးတက်မှုမရှိသောကြောင့် ဤယုံကြည်မှုမျိုးသည် သမ္မာတရားကို မရရှိနိုင်ပေ။ အချိန်ကာလတစ်ခုကြာ ဘုရားအိမ်တော်က ဘုရားသခင်ကို သိကျွမ်းခြင်းအကြောင်း သမ္မာတရားများကို ပြောဆိုသည့်အခါ ဘုရားသခင်ကို သိကျွမ်းခြင်းအား သင် အာရုံစိုက်သည်။ စိတ်သဘောထားဆိုင်ရာ ပြောင်းလဲမှုအကြောင်း ပြောသည့်အခါ စိတ်သဘောထားဆိုင်ရာ ပြောင်းလဲမှုကို သင် အာရုံစိုက်သည်။ လူ့ဇာတိခံ ဘုရားသခင်ကို သိရှိခြင်းအကြောင်း ပြောသည့်အခါ လူ့ဇာတိခံ ဘုရားသခင်ကို သိရှိခြင်းအား သင် အာရုံစိုက်သည်။ ဘုရားအမှုတော် ရူပါရုံများအကြောင်းကို ပြောသည့်အခါ ရူပါရုံများနှင့်ပတ်သက်သည့် သမ္မာတရားများကို သင် အာရုံစိုက်သည်။ ဧဝံဂေလိ ဖြန့်ဝေခြင်းအကြောင်း သမ္မာတရားများကို ပြောဆိုသည့်အခါ သမ္မာတရား၏ ဤသွင်ပြင်လက္ခဏာကို သင် အာရုံစိုက်သည်။ ဘုရားအိမ်တော်က ပြောဆိုသည့် မည်သည့်အရာကိုမဆို သင် နားထောင်ကာ နားလည်သောကြောင့် သင့်ကို ထောက်ပံ့ရန် တရားဒေသနာများကို မည်သူကမျှ မဟောသည့်အခါ သင့်ထံတွင် သင်၏ ကိုယ်ပိုင်လမ်းကြောင်း ရှိလိမ့်မည်လော။ သင်သည် ရှေ့ဆက်သွားနိုင်လိမ့်ဦးမည်လော။ သင်မည်သို့ လျှောက်လှမ်းလိမ့်မည်နည်း။ ဥပမာအားဖြင့် ဘုရားသခင်ကို ကျိုးနွံနာခံခြင်းက မည်သည့်အရာဖြစ်သည်နှင့်ပတ်သက်၍ လူတို့က စုဝေးပွဲများတွင် မိတ်သဟာယပြုသည့်အခါ သင်က “ဤအရာနှင့်ပတ်သက်ဆိုင် ကျွန်ုပ်တွင် အလွန်နက်ရှိုင်းသည့် အတွေ့အကြုံမရှိပါ၊ ဘုရားသခင်ကို ကျိုးနွံနာခံခြင်းသည် အရေးပါလှသည်ဟုသာ ကျွန်ုပ် ခံစားရပါသည်”ဟု ပြော၏။ ဘုရားသခင်ကို ကျိုးနွံနာခံခြင်းအား သင် မည်သို့ လက်တွေ့လုပ်ဆောင်သည်ကို လူတို့က မေးသည့်အခါ သင်က “ဘုရားသခင်ကို ကျိုးနွံနာခံရန်မှာ အမှုအရာများ သင့်အပေါ် ကျရောက်သည့်အခါ ဘုရားသခင် ပြောဆိုသည့်အရာကို စဉ်းစားခြင်းနှင့် သူ၏ နှုတ်ကပတ်တော်များအတိုင်း လက်တွေ့လုပ်ဆောင်ခြင်း ဖြစ်သည်”ဟု ပြောသည်။ နောက်ထပ် အသေးစိတ်အချက်များနှင့် သင့်အပေါ် တစ်စုံတစ်ရာ ဖြစ်ပျက်သည့်အခါ သင် ကျိုးနွံနာခံနိုင်ခြင်း မရှိလျှင် အဘယ်အရာ လုပ်ဆောင်မည်ကိုဖြစ်စေ၊ သင်၏ ကိုယ်ရေးကိုယ်တာ အကျိုးစီးပွားများ ပါဝင်ပတ်သက်သည့်အခါ အဘယ်အရာ လုပ်ဆောင်မည်ကိုဖြစ်စေ မိတ်သဟာယပြုရန် သင့်ကို လူတို့က တောင်းဆိုသည့်အခါ သင်က “ထိုအရာများကို ကျွန်ုပ် မတွေ့ကြုံရသေးပါ”ဟု ပြောသည်။ ဤသည်မှာ သင့်အနေဖြင့် ဝင်ရောက်မှု မရရှိသေးဟု ဆိုလိုပေသည်။ ဘုရားအိမ်တော်က ဘုရားသခင်ကို သိကျွမ်းခြင်းအကြောင်း သမ္မာတရားများကို အတန်ကြာ ပြောဆိုသည်။ ဘုရားသခင်နှင့်ဆိုင်သည့် သင်၏ အသိတွင် တိုးတက်မှု ဖြစ်စေပြီးပြီလောဟု လူတစ်ဦးက သင့်ကို မေးလျှင် သင်က “ကျွန်ုပ် တိုးတက်မှု ဖြစ်စေပြီးဖြစ်သည်။ ဘုရားသခင်ကို သိကျွမ်းခြင်းသည် ဘုရားသခင်ကို ယုံကြည်မှုတွင် အရေးအကြီးဆုံးသော အရာဖြစ်သည်ဟု ကျွန်ုပ် ထင်ပါသည်။ လူတို့က ဘုရားသခင်ကို မသိလျှင် ဘုရားသခင်၏ စိတ်သဘောထားကို အမြဲ ပုန်ကန်ပြစ်မှားမိလိမ့်မည်ဖြစ်ပြီး ဤအရာကို လူတို့ အမြဲ လုပ်ဆောင်လျှင် အမှောင်ထဲသို့ ကျဆင်းသွားကြလိမ့်မည်၊ အပေါ်ယံ စကားများသာ ပြောဆိုနိုင်ကြလိမ့်မည်ဖြစ်ပြီး မည်သည့် သမ္မာတရားကိုမျှ နားလည်ကြမည်မဟုတ်။ ဘာသာတရားမရှိသူများကဲ့သို့သာ ဖြစ်ကြလိမ့်မည်။ သမ္မာတရားကို ဆန့်ကျင်သည့်အရာများကို ၎င်းတို့ အမြဲ လုပ်ဆောင်ကြလိမ့်မည်ဖြစ်ပြီး ဘုရားသခင်ကို အတိုက်အခံလုပ်သည့်အရာများကို အမြဲ လုပ်ဆောင်ကြလိမ့်မည်”ဟု ပြောသည်။ ထိုလူက “သို့ဆိုလျှင် ဘုရားသခင်ကို သင် မည်သို့ သိကျွမ်းသနည်း။ ဘုရားသခင်၏ အမှုတော်၊ ဘုရားသခင်၏ အချုပ်အခြာအာဏာနှင့် သင်၏ နေ့စဉ်ဘဝတွင် ဘုရားသခင်၏ လမ်းပြမှုကို သင် တွေ့ကြုံသည့်အခါ ဘုရားသခင်က သင့်ကို လမ်းပြနေခြင်းအဖြစ် မည်သည့်အရာများကို သင် အသိအမှတ်ပြုပြီး မည်သည့်အရာများတွင် ဘုရားသခင်၏ အချုပ်အခြာအာဏာကို သင် ရှင်းလင်းစွာ ခံစားမိသနည်း။ ဘုရားသခင်၏ အချုပ်အခြာအာဏာကို သင် မည်သို့ နားလည်သနည်း။ တကယ့် ဘဝတွင် သင် နားလည်ပြီးခံစားသည့် အရာပေါ် အခြေခံ၍ ဘုရားသခင်၏ မည်သည့် စိတ်သဘောထား သွင်ပြင်လက္ခဏာကို သူ၏ အချုပ်အခြာအာဏာတွင် သင် မြင်သနည်း”ဟု တစ်ဖန်မေးသည်။ မည်သည့်အရာကိုမျှ သင် မပြောနိုင်လျှင် ထိုအရာက သင့်တွင် အတွေ့အကြုံမရှိကြောင်း သက်သေပြပေသည်။ သင်က “ဘုရားသခင်၏ လမ်းပြမှုကို ကျွန်ုပ်ခံစားသည့် အရာတစ်ခု ရှိသည်”ဟု ဆိုလျှင် ဤသည်မှာ ခံစားချက်အနည်းငယ်သာ ရှိခြင်းဖြစ်ပြီး ဘုရားသခင်နှင့်ဆိုင်သည့် အသိပညာ သင့်ထံတွင်ရှိသည်ဟု မဆိုလိုပေ။ အမှန်တွင် တကယ့်ဘဝ၌ အရာရာကို ဘုရားသခင် အုပ်စိုး၊ စီစဉ်ပြီး စီမံထားခြင်း ဖြစ်သည်။ လူတို့သည် များစွာ တွေ့ကြုံပြီးဖြစ်လျှင် မည်သည့်အရာမျှ မရိုးရှင်းကြောင်းနှင့် လူတို့အနေဖြင့် သင်ခန်းစာများ သင်ယူနိုင်ကာ ဘုရားသခင်၏ အချုပ်အခြာအာဏာနှင့် သူ၏ အနန္တတန်ခိုးတို့ကို မြင်ရန်အလို့ငှာ အရာရာ ဖြစ်ပျက်ကြောင်း ၎င်းတို့ ခံစားနိုင်ပြီး နောက်ဆုံးတွင် ဘုရားသခင်၏ စိတ်သဘောထားကို သိရှိလာနိုင်ကြပေသည်။ ဤရလဒ်ကို သင် စွမ်းဆောင်ရရှိသည့်အခါတွင်သာ ဘုရားသခင်ကို သူ၏ရည်ရွယ်ချက်များနှင့်အညီ မည်သို့ ကျိုးနာခံရမည်ကို သင် သိလိမ့်မည်။ ထိုအခါ သင်၏ လက်တွေ့လုပ်ဆောင်မှုတွင် ရှေ့ဆက်ရမည့် လမ်းကြောင်းတစ်ခု လုံးဝ ရှိလိမ့်မည်ဖြစ်သည်။ ဤအတွေ့အကြုံအဆင့်ဖြင့် လူတစ်ဦး၏ ယုံကြည်ခြင်းက သာ၍ အားကောင်းသည်ထက် ကောင်းသည်သာမက အရေးအကြီးဆုံးမှာ ဘုရားသခင်၏ စိတ်သဘောထားအပေါ် သိနားလည်မှုတစ်ခုရှိကြပြီး ဘုရားသခင်အား မည်သို့ကျိုးနွံနာခံရမည်ကို သိရှိကြခြင်း ဖြစ်သည်။ ဤသည်မှာ သမ္မာတရားကို ရရှိခြင်း ဖြစ်သည်။

လူအချို့သည် ၎င်းတို့၏ သမ္မာတရား လိုက်စားမှုတွင် သွေဖည်မှုများ အမြဲရှိကြ၏။ ၎င်းတို့သည် ကြွားဝါရန်အလို့ငှာ အချို့သော ဝိညာဉ်ရေးရာ အယူဝါဒများနှင့် ပေါ့တန်သော သဘောတရားများအကြောင်း အနှစ်မဲ့ ပြောဆိုမှုများကို အမြဲ အာရုံစိုက်ကြသည်။ ဤလိုက်စားမှုမျိုးကို သင်မည်သို့ တွေးထင်သနည်း။ သင့်အနေဖြင့် သမ္မာတရား လိုက်စားသည့် လူတစ်ဦးဖြစ်သည်ဟု တွေးထင်သည်ဖြစ်စေ၊ မတွေးထင်သည်ဖြစ်စေ ယခု အရေးအပါဆုံးသောမေးခွန်းမှာ အချို့သော လက်တွေ့ကျသည့်အရာများ၊ တိတိကျကျပြောရလျှင် လက်တွေ့ကျသည့် အသိပညာကို သင်တို့ ရရှိပြီးခြင်း ရှိမရှိဆိုသည့်အရာ ဖြစ်သည်။ (အချို့ကို ကျွန်ုပ် ရရှိပြီးဖြစ်ပါသည်။) မည်သည့်အရာကို သင် ရရှိပြီးပြီနည်း။ ထိုအရာကို သင် အကဲဖြတ်နိုင်သလော။ (ကျွန်ုပ်သည် အချို့သော သိနားလည်မှုနှင့် စာတန်၏ ဖောက်ပြန်ပျက်စီးစေခြင်းကို လူတို့ ခံရပုံအပြင် ဤဆိုးယုတ်သည့် လောကကို ထိုးထွင်းသိမြင်မှုရရှိပြီး ဖြစ်ပါသည်။) သင်သည် အသိပညာအနည်းငယ် ရရှိပြီးဖြစ်သည်။ ထို့ကြောင့် ဤအသိပညာသည် သင်၏ ဘဝ ဦးတည်ချက်၊ ဘဝတွင်ရှိသော သင်၏ ရည်မှန်းချက်နှင့် သင်၏ တကယ့်ဘဝထဲမှ ကျင့်ကြံပြုမူခြင်း စည်းမျဉ်းများကို ပြောင်းလဲနိုင်သလော။ မည်သည့် လူအုပ်စုထဲတွင် သင် အသက်ရှင်သည်ဖြစ်စေ၊ သင် နားလည်ပြီးဖြစ်သည့် ဤအသိပညာ သို့မဟုတ် သမ္မာတရားများက သင်၏ ဘဝနှင့် ဘဝရှိ ရည်မှန်းချက်ကို လွှမ်းမိုးနိုင်သလော။ ထိုအရာများက သင့်ကို အပြည့်အဝ မပြောင်းလဲနိုင်လျှင် သင် ပြောဆိုပြီး လုပ်ဆောင်သည့်အရာတွင် ပြောင်းလဲမှုအချို့နှင့် ကန့်သတ်ချက်တစ်ခုခု ရှိရမည်ဖြစ်သည်။ ယခု သင်တို့၏ ဝိညာဉ်ရင့်ကျက်မှုအရ သင်တို့ထဲမှ အများစုသည် ဤအဆင့်တွင် ပိတ်မိကြဆဲဖြစ်သည် မဟုတ်လော။ (ဟုတ်ပါသည်။) ဤအရာက ကြီးထွားခြင်း လိုအပ်ပေသည်။ သမ္မာတရားအပေါ် သင်၏ သိနားလည်မှုသည် အပေါ်ယံဖြစ်လွန်းလျှင် မကောင်းသကဲ့သို့ အယူဝါဒအနည်းငယ်သာ ပြောဆိုနိုင်ပြီး အနည်းငယ် ချုပ်ထိန်းမှုရှိရန်မှာလည်း ဘာမျှ မကောင်းပေ။ သင့်အနေဖြင့် သမ္မာတရားကို လက်တွေ့လုပ်ဆောင်ရန် လမ်းကြောင်းတစ်ခုရှိဖို့ သမ္မာတရားကို နားလည်ရမည်ဖြစ်ပြီး ဘဝတွင် သင်၏ ရည်မှန်းချက်ကို ပြောင်းလဲနိုင်ရမည်ဖြစ်သည်။ သင် နားလည်သည့် သမ္မာတရားအားလုံးနှင့် သင် နားထောင်ပြီးဖြစ်သည့် ဒေသနာများကို သင်၏ စိတ်နှလုံးတွင် လက်ခံပြီးသားဖြစ်ကာ ယင်းတို့က သင့်ဘဝကို လွှမ်းမိုးနိုင်လျှင် သင်၏ ကျင့်ကြံပြုမှုခြင်း ဦးတည်ချက်နှင့် ရည်မှန်းချက်တို့ကို ပြောင်းလဲနိုင်ကာ သင်၏ ကျင့်ကြံပြုမူခြင်း စည်းမျဉ်းများကို ပြောင်းလဲနိုင်လျှင် ဤသည်မှာ ချုပ်ထိန်းမှု အနည်းငယ်ကို လက်ခံခြင်းအားဖြင့် စွမ်းဆောင်ရရှိသည့် အကျိုးတရားများထက် အနည်းငယ် ပိုကောင်းသည် မဟုတ်လော။ ယခုအခါတွင် သင်သည် ချုပ်ထိန်းမှုများကို လက်ခံခြင်းနှင့် စည်းမျဉ်းစည်းကမ်းများ လိုက်လျှောက်ခြင်းတို့တွင် ပိတ်မိလေသည်။ ဤသည်မှာ တက်ကြွစွာ လက်တွေ့လုပ်ဆောင်ခြင်းနှင့် ဝင်ရောက်ခြင်းတို့အတွက် လမ်းကြောင်းဖြစ်သလော။ လုံးဝ မဟုတ်ပေ။ သင့်အနေဖြင့် ချုပ်ထိန်းမှုများကို လက်ခံခြင်း သို့မဟုတ် စည်းမျဉ်းစည်းကမ်းများ လိုက်လျှောက်ခြင်းတွင် အမြဲအစဉ် ပိတ်မိနေလျှင် အကျိုးဆက်များက မည်သည့်အရာ ဖြစ်လိမ့်မည်နည်း။ သမ္မာတရားစစ်မှန်မှုထဲသို့ သင် ဝင်ရောက်နိုင်လိမ့်မည်လော။ စစ်မှန်သည့် ပြောင်းလဲမှုကို သင် ကြုံနိုင်လိမ့်မည်လော။ ထို့အပြင် ချုပ်ထိန်းခံရကာ စည်းမျဉ်းစည်းကမ်းများကို လိုက်လျှောက်နေစဉ်တွင် သမ္မာတရားကို လက်တွေ့လုပ်ဆောင်ခြင်း၌ ရလဒ်တစ်ခုတလေ သင် ရရှိပြီလော။ လုံးဝ မရရှိပေ။ ထို့ကြောင့် သမ္မာတရား သိနားလည်ခြင်းကို အာရုံစိုက်ခြင်းသည် အရေးအကြီးဆုံး ဖြစ်နေဆဲဖြစ်သည်။ ချုပ်ထိန်းခံရခြင်းနှင့် စည်းမျဉ်းစည်းကမ်းများ လိုက်လျှောက်ခြင်းတို့သည် သင့်အနေဖြင့် သမ္မာတရားကို လက်တွေ့လုပ်ဆောင်နေသည်ဟု မဆိုထားနှင့်၊ သမ္မာတရားကို သင်နားလည်သည်ဟု မဆိုလိုပေ။ တစ်သက်တာ ချုပ်ထိန်းခံရပြီး စည်းမျဉ်းစည်းကမ်းများ လိုက်လျှောက်ခြင်းသည် သမ္မာတရားကို သိနားလည်ခြင်းနှင့် ထိုသမ္မာတရားကို လက်တွေ့လုပ်ဆောင်ခြင်း၏ အကျိုးတရားကို စွမ်းဆောင်ရရှိလိမ့်မည် မဟုတ်ပေ။ ထိုအရာမှာ အချည်းနှီးဖြစ်၏။ ထို့ကြောင့် အကြင်သူသည် ချုပ်ထိန်းခံရခြင်းနှင့် စည်းမျဉ်းစည်းကမ်းများကို လိုက်နာခြင်းမှ ဆင်းရဲဒုက္ခမည်မျှ ခါးစီးခံရသည်ဖြစ်စေ တန်ဖိုး သို့မဟုတ် အဓိပ္ပာယ် စိုးစဉ်းမျှ မရှိပေ။

တရားဒေသနာများကို နားထောင်ကာ သမ္မာတရားကို သိနားလည်ပြီးသည့်နောက်တွင် စစ်မှန်သည့် ပြောင်းလဲမှု တစ်ခုတလေကို သင်တို့ တွေ့ကြုံပြီးပြီလော။ ဥပမာအားဖြင့် ဟုတ်မှန်သယောင် ရှိသော်လည်း စင်စစ်မှားနေသော အသိပညာနှင့် သဘောတရားများကို သင်၏ ယခင်လိုက်စားမှုများနှင့် ကျော်ကြားမှု၊ အကျိုးအမြတ်နှင့် အဆင့်အတန်းတို့ကို သင်၏ လိုက်စားခြင်းသည် ဘုရားသခင်ကို ယုံကြည်မှုမဟုတ်ဘဲ ထိုအစား ဘာသာရေး ယုံကြည်မှုနှင့် သက်ဆိုင်ကြောင်းနှင့် ကျော်ကြားမှု၊ အကျိုးအမြတ်နှင့် အဆင့်အတန်းတို့ကို လိုက်စားခြင်းက အလွန်ဆိုးရွားကြောင်းနှင့် သင့်အနေဖြင့် ထိုသို့ အသက်ရှင်ပြီး ကျင့်ကြံပြုမူလျှင် ငရဲသို့သွားသင့်သည့် မကောင်းဆိုးဝါးတစ်ဦး လုံးဝ ဖြစ်လာလိမ့်မည်ဖြစ်ပြီး ထိုသို့ အသက်ရှင်ခြင်းသည် အလွန် စိတ်ဆင်းရဲစရာဖြစ်ကြောင်းကို စဉ်းစားကြည့်လော့။ ဤအတွေ့အကြုံနှင့် အသိပညာကို သင်တို့ ပိုင်ဆိုင်သလော။ သင့်ထံတွင် မည်သည့် ကိုယ်ရေးကိုယ်တာ အတွေ့အကြုံ ရှိသနည်း။ အသိပညာနှင့် ကျော်ကြားမှု၊ အကျိုးအမြတ်နှင့် အဆင့်အတန်းတို့ကို လိုက်စားခြင်းက အလွန် ပင်ပန်းဖွယ်ရာဖြစ်သည်။ အငြင်းပွားမှုများ အလွန်များသည်၊ ဒုက္ခများလွန်းပြီး ဘဝက ပင်ပန်းဖွယ်ရာဖြစ်ကာ ဘာသာတရားမရှိသူများကြား အသက်ရှင်ခြင်းက အလွန် စိတ်ဆင်းရဲဖွယ်ရာဖြစ်သည်ဟု သင် ခံစားရ၏။ သင်က “ကျွန်ုပ် ဤသို့အသက်မရှင်နိုင်ပါ။ သူတို့ကဲ့သို့ ကျွန်ုပ် အသက်ရှင်လျှင် သူတို့လောက် ကျွန်ုပ် နာကျင်ရလိမ့်မည်ဖြစ်သည်။ သူတို့၏ ဘဝနေထိုင်မှုပုံစံမှ ကျွန်ုပ် ခွဲထွက်ရန် လိုအပ်သည်”ဟု ပြောသည်။ ဤသည်မှာ သင်၏ ကိုယ်တွေ့ အတွေ့အကြုံဖြစ်သလော။ ဖောက်ပြန်ပျက်စီးသော လူသားမျိုးနွယ်က သမ္မာတရားကို စိုးစဉ်းမျှ လက်မခံကြောင်း၊ ၎င်းတို့ အားလုံး အချင်းချင်း တိုက်ခိုက်ကြကြောင်း၊ ကျိတ်ကြံကာ လိမ်လည်ဖို့ ကြိုးစားကြကြောင်း၊ ၎င်းတို့ အချင်းချင်း တိတ်တိတ်လေး နှိမ်ကြကြောင်းနှင့် အနည်းငယ်မျှသော အကျိုးအမြတ်အတွက် သွေးထွက်သည်အထိ အချင်းချင်း ရိုက်နှက်ကြကြောင်း သင် နက်နက်ရှိုင်းရှိုင်း တွေ့ကြုံခံစားရသည်။ ၎င်းတို့ထဲမှ မည်သူမျှက ဘဝ၏ လမ်းကြောင်းမှန်ကို မလျှောက်လိုဘဲ ထိုအစား အမှုအရာများကို လုပ်ဆောင်ရန် လှည့်ကွက်များနှင့် ကျိတ်ကြံမှုများကို အားကိုးကြပုံအား သင် တွေ့ကြုံရပြီး ဖြစ်သည်။ ထိုသို့သော ပတ်ဝန်းကျင်တစ်ခုတွင် အသက်ရှင်သည့်အခါ မည်သည့်အရာကို သင် အခံစားရဆုံး ဖြစ်သနည်း။ ထိုလောကတွင် မျှတမှု သို့မဟုတ် ဖြောင့်မတ်မှုမရှိကြောင်း၊ အလွန် ကောက်ကျစ်ဆိုးယုတ်ပြီး အလွန် မှောင်မိုက်ကြောင်းနှင့် ထိုနေရာတွင် လူတို့က မကောင်းဆိုးဝါးများကဲ့သို့ အသက်ရှင်ကြကြောင်းကို သင် ခံစားလေသည်။ သင့်အနေဖြင့် လူကောင်းတစ်ဦးဖြစ်ရန် ကြိုးစားမည်ဆိုလျှင် လွယ်ကူမည် မဟုတ်သကဲ့သို့ စွမ်းဆောင်နိုင်မည် မဟုတ်ဟု သင် တွေးမိသည်။ ထိုလောကကို သင် ကျင့်သားရလိုလျှင် မကောင်းဆိုးဝါး အုပ်စုနှင့် ရောကာ လူမှုရေပန်းစားမှုများတွင် ပါဝင်နိုင်ရန်အလို့ငှာ သင်သည်လည်း မကောင်းဆိုးဝါးတစ်ဦး ဖြစ်လာရန်နှင့် မကောင်းဆိုးဝါးကဲ့သို့ အသက်ရှင်ရန် လိုအပ်မည်ဟု သင် ခံစားမိသည်။ အစာတစ်ကိုက်စာအတွက်နှင့် သင်၏ ကိုယ်ပိုင် စားဝတ်နေရေးနှင့် ရှင်သန်မှုအတွက် တိုက်ခိုက်ရန်အလို့ငှာ ၎င်းတို့နှင့် သင် ယှဉ်ပြိုင်ရမည်ဖြစ်ပြီး သင်၏ အလိုဆန္ဒကို ဆန့်ကျင်သည့်အရာများကို ပြောဆို၊ လုပ်ဆောင်ရမည်ဖြစ်သည်။ နေ့စဉ် ဤကဲ့သို့ အသက်ရှင်ခြင်းသည် အလွန် ခြေကုန်လက်ပန်းကျစရာ ဖြစ်မည်ဖြစ်သော်လည်း ထိုသို့ သင် အသက်မရှင်လျှင် လူတို့က သင့်ကို ဖယ်ကြဉ်မည်ဖြစ်ကာ သင် အသက်ရှင်ဖို့ ဖြစ်နိုင်မည် မဟုတ်ပေ။ ဤအသက်ရှင်နေထိုင်မှု ပတ်ဝန်းကျင်မျိုးတွင် မည်သည့်အရာကို သင်တွေ့ကြုံပြီးပြီနည်း။ နာကျင်မှု၊ ညှဉ်းဆဲမှုနှင့် ကူကယ်ရာမဲ့ခြင်းတို့ ဖြစ်သည်။ လူတို့ကြား တည်ရှိသည့် ကောက်ကျစ်ဆိုးယုတ်မှု၊ ရက်စက်မှုနှင့် မှောင်မိုက်ခြင်းတို့ကို သင် တွေ့ကြုံပြီးဖြစ်ကာ လူ့ဘဝ၏ အလင်းရောင်ကို သင် မမြင်နိုင်ပေ။ ဘုရားသခင်ကို သင် ယုံကြည်လာကာ ဘုရားနှုတ်ကပတ်တော်များကို ဖတ်ရှုခြင်းအား သင် အာရုံစိုက်သည့်အခါ မည်သည့်အရာကို သင် တွေ့ကြုံခဲ့သနည်း။ (ကျွန်ုပ်စိတ်နှလုံးတွင် သမ္မာတရားကို နားလည်ခဲ့သည်။ ဘုရားသခင်ကို ယုံကြည်ခြင်းက ပိုကောင်းသည်ကို ကျွန်ုပ် ခံစားခဲ့ရပြီး ကျွန်ုပ်၏ စိတ်နှလုံးတွင် နှစ်သိမ့်မှုကို ခံစားခဲ့ရပါသည်။) ဘုရားအိမ်တော်၌ အသက်ရှင်နေစဉ်တွင် သင်သည် အလွန့်အလွန်ပျော်ရွှင်သည်၊ ဘုရားသခင်၏ ကောင်းချီးမင်္ဂလာများ ရှိကာ သမ္မာတရားများစွာကို နားလည်နိုင်သည်ဟု သင် ခံစားရသည်။ သင်၏ ညီအစ်ကို မောင်နှမများနှင့်အတူ ရှိသည့်အခါ သင်သည် အချင်းချင်း ကူညီကာ အားပေးနိုင်သည်၊ အချင်းချင်း တန်းတူ ဆက်ဆံနိုင်ပြီး စိတ်သဘောညီညွတ်စွာ အသက်ရှင်နိုင်သည်။ နေ့စဉ်နေ့တိုင်း၊ သင်၏ စိတ်နှလုံးတွင် အေးချမ်းမှုခံစားရပြီး လွတ်လပ်ကာ လွတ်မြောက်လေသည်။ လှည့်ဖြားခံရခြင်းအကြောင်းကို သင် စိုးရိမ်ရန် မလိုအပ်သကဲ့သို့ အခြားသူများ၏ ဖိနှိပ်ခြင်းနှင့် နှိပ်စက်ခြင်းကိုလည်း သင် မခံရတော့ပေ။ မကောင်းမှုပြုသူများသည် တဖြည်းဖြည်း ထုတ်ဖော်ခံရကာ ဖယ်ရှားရှင်းလင်းခံရပြီး အရေအတွက်အားဖြင့် နည်းသည်ထက် နည်းလာကြသည်။ ဘုရားအိမ်တော်ကို သမ္မာတရားနှင့် ဘုရားသခင်က အုပ်စိုးသည်။ ဘုရားရွေးချယ်ထားသောလူများသည် ကန့်သတ်မှုမရှိဘဲ လွပ်လပ်စွာ စကားပြောနိုင်ကြသည်၊ ၎င်းတို့သည် ရွေးချယ်ပိုင်ခွင့်ရှိကြပြီး ဆိုးယုတ်သောလူများကို ဖော်ထုတ်ပိုင်ခွင့်ရှိကြသည်။ သမ္မာတရားကို လက်မခံဘဲ ထို့အပြင် မကောင်းမှုပြုနိုင်စွမ်းရှိသူများသည် တဖြည်းဖြည်း ရှင်းလင်းခြင်းခံရသည်။ ဘုရားအိမ်တော်တွင် လူများ ညှဉ်းဆဲခံရသည့်၊ သို့မဟုတ် ဖိနှိပ်ခံရသည့် ဖြစ်စဉ် မရှိ။ ကိစ္စတစ်ခုရှိလျှင် လူတိုင်းက ဆွေးနွေးကြသည်။ ပြဿနာတစ်ခုရှိလျှင် ထိုပြဿနာကို ဖြေရှင်းရန် ခေါင်းဆောင်များနှင့် အမှုဆောင်များက သမ္မာတရားနှင့်ပတ်သက်၍ မိတ်သဟာယပြုကြသည်။ လူတို့သည် သမ္မာတရားကို တဖြည်းဖြည်း နားလည်လာကြပြီး ဥပဒေမဲ့အရာများ ဖြစ်ပွားမှု နည်းသည်ထက်နည်းသွားသည်။ ဘုရားရွေးချယ်ထားသော လူများအားလုံးသည် သမ္မာတရားကို လက်ခံနိုင်ကြသည်၊ သမ္မာတရား၏ ချုပ်ထိန်းခြင်းကို ခံနိုင်ကြပြီး ၎င်းတို့၏ စကားများနှင့် လုပ်ဆောင်ချက်များအရ ပြောင်းလဲမှုအချို့ ပြုလုပ်နိုင်ကြလေသည်။ တစ်ဦးတစ်ယောက်က မကောင်းမှုပြုမိလျှင် ထိုအရာကို လူတိုင်း ရှင်းလင်းစွာ မြင်နိုင်ပြီး တိုင်ကြားနိုင်သည်။ ထို့ကြောင့် ဘုရားအိမ်တော်တွင် မကောင်းမှုပြုသူများ နည်းသည်ထက် နည်းသွားသည်။ ယခုတွင် ဘုရားအိမ်တော်၏ ပတ်ဝန်းကျင်သည် အမှန်တကယ် ကောင်းမွန်ကြောင်း သင် ပိုပိုပြီး ခံစားမိ၏။ ညီအစ်ကို မောင်နှမများက အချင်းချင်း ချစ်ကြပြီး အခက်အခဲများ သို့မဟုတ် သွေဖည်မှုများရှိသူ မည်သူမဆို အကူအညီ ရရှိနိုင်သည်။ အခက်အခဲများရှိသူ မည်သူမဆို ၎င်းတို့အား ထိုအခက်အခဲများကို ဖြေရှင်းစေနိုင်ပြီး ဖြေရှင်းမရနိုင်သည့် ပြဿနာများရှိလျှင် ဘုရားသခင်ကို လူတို့ အားကိုးတကြီး မျှော်လင့်ကာ သူ့ကို မှီခိုနိုင်သည့်အပြင် သူ၏ နှုတ်ကပတ်တော်များအတိုင်း ဖြေရှင်းနိုင်သည်။ ဘုရားအိမ်တော်တွင် အသက်ရှင်ခြင်းက သင့်အား အလွန့်အလွန် ပျော်ရွှင်စေကာ မျော်လင့်ချက်ပြည့်စေသည်။ အလင်းရောင်ကို သင် မြင်နိုင်ပြီး ဘုရားသခင်၏ ချစ်ခြင်းမေတ္တာနှင့် ကယ်တင်ခြင်းကို အပြည့်အဝ ခံစားနိုင်သည်။ ဤပတ်ဝန်းကျင်သည် ဘဝတွင် လူတို့၏ တိုးတက်မှုအတွက် အလွန် အကျိုးရှိ၏။ သမ္မာတရားရှိသည့် အသင်းတော်၊ ဤပတ်ဝန်းကျင်တွင် အသက်ရှင်ခြင်းအားဖြင့် သမ္မာတရားကို သင် တဖြည်းဖြည်း နားလည်နိုင်သည်။ သင်၏ စိတ်နှလုံးသည် တဖြည်းဖြည်း ပိုလင်းလက်ကာ သင်သည် လွတ်လပ်ပြီး လွတ်မြောက်လိမ့်မည်။ ဤသည်တို့မှာ သမ္မာတရားကို သိနားလည်ခြင်းအားဖြင့် ရရှိသည့် ရလဒ်များ ဖြစ်သည်။ သမ္မာတရားကို ရရှိပြီးဖြစ်သည့် လူတို့တွင် သိသာသော ဝိသေသလက္ခဏာတစ်ခု ရှိ၏။ ၎င်းတို့သည် အတော်အတန် လွတ်လပ်ကာ လွတ်မြောက်ကြလေသည်။ ၎င်းတို့အနေဖြင့် ချုပ်ထိန်းခံရရန် မလိုအပ်၊ ၎င်းတို့၏ စကားများနှင့် လုပ်ဆောင်ချက်များကို သမ္မာတရားက လွှမ်းမိုးလိမ့်မည်ဖြစ်ပြီး ထိုအရာက ၎င်းတို့၏ ဘဝနေထိုင်မှုပုံစံနှင့် ၎င်းတို့၏ ဘဝ ဦးတည်ချက်တို့ကို ပြောင်းလဲလိမ့်မည်ဖြစ်သည်။ သင့်အတွင်းတွင် ဘုရားသခင်ကို ကြောက်ရွံ့သည့် စိတ်နှလုံး ထွက်ပေါ်သည့်အခါ၊ သင့်ကို လမ်းပြနေသည့် ဘုရားသခင်ကို ကြောက်ရွံ့သော စိတ်နှလုံးတစ်ခု သင်ရှိသည့်အခါ သင် လုပ်ဆောင်သည့်အရာများ၏ သဘာဝသည် မိမိကိုယ်ကို ထိန်းချုပ်ခြင်းနှင့် ချုပ်ထိန်းခြင်းကို သင်ခံယူခဲ့ချိန် ယခင်က သင် လုပ်ဆောင်ခဲ့သည့်အရာနှင့် လုံးဝ ကွဲပြားခြားနားလိမ့်မည်။ ဤအခြေအနေများအောက်တွင် သင့်ကို အဆင့်အတန်းတစ်ခု ပေးထားကာ အခြားသူများကို ညှဉ်းဆဲရန် အခွင့်အရေးနှင့် သင့်တော်သည့် အခြေအနေများ သင့်တွင်ရှိခဲ့လျှင် ထိုအရာကို သင် လုပ်ဆောင်ဦးမည်လော။ (လုပ်ဆောင်မည် မဟုတ်ပါ။) အဘယ်ကြောင့် မလုပ်ဆောင်မည်နည်း။ လူတို့ကို ညှဉ်းဆဲရန် သင် မစီစဉ်သောကြောင့် သို့မဟုတ် လူတို့ကို သင် ညှဉ်းဆဲနိုင်စွမ်း မရှိသောကြောင့် ဖြစ်သလော။ (ကျွန်ုပ်၏ စိတ်သဘောထား ပြောင်းလဲပြီးဖြစ်လိမ့်မည် ဖြစ်သောကြောင့် ဖြစ်ပါသည်။) မှန်ပေ၏၊ သင်သည် ဘုရားသခင်ကို ကြောက်ရွံ့သော စိတ်နှလုံးတစ်ခု ရှိလိမ့်မည်ဖြစ်ပြီး သင်၏ လုပ်ရပ်များတွင် စည်းမျဉ်းများနှင့် အခြေခံစည်းတစ်ခု ရှိလိမ့်မည် ဖြစ်သည်။ ဤအချိန်တွင် မည်သည့် စုံစမ်းသွေးဆောင်မှုများကို သင် ရင်ဆိုင်ရသည်ဖြစ်စေ “ဤအရာကို လုပ်ဆောင်ခြင်းသည် ဘုရားသခင်ကို မကျေနပ်စေသလို ဘုရားသခင်ကို ပုန်ကန်ပြစ်မှားသည့်အရာများကို ငါ မလုပ်နိုင်ပါ”ဟု သင်၏ စိတ်နှလုံးမှ သင် ပြောနိုင်လိမ့်မည်။ သင်၏ ဝိညာဉ်ရင့်ကျက်မှုသည် ဤအဆင့်သို့ အလိုအလျောက် ရရှိလိမ့်မည်ဖြစ်ပြီး ထိုသို့သော စကားများကို သင် ပြောနိုင်လိမ့်မည်။ ယခုအခါတွင် ဤအဆင့်ကို အားမထုတ်ရဘဲ သင်တို့ ပြီးမြောက်နိုင်ကြသလော။ (မပြီးမြောက်နိုင်သေးပါ။) ဤအရာက သင့်အတွင်းတွင် သမ္မာတရားက အကျိုးတရား မရှိသေးကြောင်းကို သက်သေပြ၏။ ထိုသမ္မာတရားက သင်၏ အပြုအမူကို ချုပ်ထိန်းရုံမျှချုပ်ထိန်းသော်လည်း သင်၏ စိတ်နှလုံးကို ခိုင်ခိုင်မာမာ မချုပ်ထိန်းနိုင် သို့မဟုတ် သင့်ဘဝ၏ ဦးတည်ချက်ကို မပြောင်းလဲပေးနိုင်သကဲ့သို့ သင်၏ကျင့်ကြံပြုမူခြင်း စည်းမျဉ်းများနှင့် ရည်မှန်းချက်တို့ကို မပြောင်းလဲပေးနိုင်ပေ။

ယခုအခါတွင် သင်တို့အားလုံးသည် ဘုရားသခင်ကို သင်တို့၏ ယုံကြည်မှုတွင် သမ္မာတရား လိုက်စားခြင်းအပေါ် စတင် အာရုံစိုက်ကြပြီးဖြစ်သည်။ ထို့ကြောင့် သင်တို့၏ ပြုမူနေထိုင်မှုကို မည်သည့်အရာအပေါ် သင်တို့ အခြေပြုကြသနည်း။ အသိစိတ်၊ လူသား ပြုမူနေထိုင်မှုအတွက် အခြေခံစည်းနှင့် ကိုယ်ကျင့်တရား အပြုအမူတို့အပေါ်တွင် ဖြစ်သည်။ ဤအရာများသည် သမ္မာတရားနှင့် မည်မျှ အလှမ်းဝေးသနည်း။ အသိစိတ်၊ လူသား ပြုမူနေထိုင်မှုအတွက် အခြေခံစည်းနှင့် ကိုယ်ကျင့်တရား အပြုအမူတို့သည် သမ္မာတရားနှင့် ဆက်စပ်မှုရှိသလော။ အလှမ်းဝေး၏။ အလွန်ဆုံးအနေဖြင့် အသိစိတ်ပေါ် အခြေခံ၍ ပြုမူနေထိုင်ခြင်းသည် သင့်ကို လူကောင်းတစ်ဦး မဖြစ်စေဘဲ ထိုအရာက ဘုရားသခင်၏ သတ်မှတ်ချက်နှင့်ပတ်သက်၍ စံမမီပေ။ ဘုရားသခင်၏ သတ်မှတ်ချက်မှာ လူတို့အနေဖြင့် သမ္မာတရားကို အခြေခံ၍ ပြုမူနေထိုင်ရန်နှင့် သူ၏ နှုတ်ကပတ်တော်များဖြင့် အသက်ရှင်ရန် ဖြစ်သည်။ ဘုရားသခင်ကို ယုံကြည်သောလူတစ်ဦးသည် သမ္မာတရားကို သဘောပေါက်နိုင်သည့်အခါ၊ သမ္မာတရားကို သိနားလည်ကာ လက်တွေ့လုပ်ဆောင်နိုင်ပြီး သမ္မာတရား၏ စည်းမျဉ်းများအတိုင်း မိမိတို့ကိုယ်ကို ချုပ်ထိန်းနိုင်ကြသည့်အခါ ၎င်းတို့ ရင့်ကျက်ကြပြီးလိမ့်မည်။ ၎င်းတို့ သမ္မာတရား မလိုက်စားလျှင် မည်သည့်အခါမျှ ရင့်ကျက်ကြမည် မဟုတ်ချေ။ လူအချို့သည် သမ္မာတရားကို စတင်၍ လိုက်စားပြီးဖြစ်ကာ “သမ္မာတရားအတွက် ကြိုးပမ်းကာ ဘုရားနှုတ်ကပတ်တော်များနှင့် သမ္မာတရားအတိုင်း လက်တွေ့လုပ်ဆောင်ဖို့ အားထုတ်ရန်၊ စည်းကမ်းများနှင့်အညီ အမှုအရာများကို လုပ်ဆောင်ရန်၊ စည်းမျဉ်းများနှင့် အကန့်အသတ်များအတိုင်း ပြုမူလုပ်ဆောင်ရန်နှင့် ဘုရားသခင်၏ စိတ်သဘောထားကို ပုန်ကန်ပြစ်မှားသည့်အရာများ သို့မဟုတ် ဘုရားသခင်ကို ဆန့်ကျင်ပြစ်မှားသည့်အရာများကို လုပ်ဆောင်ခြင်းအား ရှောင်ကြဉ်ရန်၊ ထိုသို့လုပ်ဆောင်ရန် ကျွန်ုပ်ကို စီမံဖို့၊ ချုပ်ထိန်းဖို့ သို့မဟုတ် ကြီးကြပ်ပေးဖို့ မည်သူကိုမျှ မလိုအပ်စေရန် ကျွန်ုပ် အစွမ်းကုန် ကြိုးပမ်းရမည်။ မည်သူကမျှ ကျွန်ုပ်ကို ကြီးကြပ်နေခြင်း မရှိသော်လည်း တစ်စုံတစ်ရာကို လုပ်ဆောင်ခြင်းက ဘုရားသခင်၏ စိတ်သဘောထားကို ပုန်ကန်ပြစ်မှားလျှင်၊ ဘုရားသခင်အတွက် ကြောက်ရွံ့သော စိတ်နှလုံး ကင်းမဲ့ပြီး ဘုရားသခင်ကို ပုန်ကန်ပြစ်မှားမိလျှင် ထိုအရာကို ကျွန်ုပ် လုံးဝ လုပ်ဆောင်လိမ့်မည် မဟုတ်ပါ။ ကျွန်ုပ်၏ စိတ်နှလုံးတွင် ထိုစိတ်ကူးရှိလျှင်ပင် မိမိကိုယ်ကို ချုပ်ထိန်းနိုင်သည်။ ထိုအရာကို ကျွန်ုပ် ဆောင်ရွက်၍မဖြစ်ပါ”ဟု ဆိုလျက် စိတ်ဆုံးဖြတ်ချက်ရှိကြသည်။ ဤအခြေအနေသည် တက်ကြွပြီး အပြုသဘောဆောင်သည်။ ဥပမာအားဖြင့် ဘုရားအိမ်တော်က လူတစ်ဦးအား အဖိုးတန် ပစ္စည်းတစ်ခု စောင့်ရှောက်ရန် စေခိုင်းပြီး လူအနည်းငယ်ကသာ ဤအကြောင်းကို သိသည်ဆိုပါစို့။ ဤကိစ္စရပ်အကြောင်းကို အခြားလူတို့က သိရှိကြသည့်အခါ ထိုလူသည် ထိုပစ္စည်းကို ကောင်းစွာ စောင့်ရှောက်နိုင်သည်၊ အရေးထားနိုင်ပြီး ပျောက်ဆုံးခြင်း၊ ပျက်စီးခြင်း၊ ခိုးယူခံရခြင်း သို့မဟုတ် ဖျက်ဆီးခံရခြင်းမှ တားဆီးနိုင်သည်။ တစ်ချိန်တည်းတွင် သူသည် လောဘတက်ခြင်းနှင့် ပိုင်ဆိုင်လိုခြင်းတို့ကိုလည်း ရှောင်ကြဉ်နိုင်ပြီး သူ၏ စိတ်နှလုံးထဲတွင် ဤပစ္စည်းကို လုံးလုံးလျားလျား အလေးထားမြတ်နိုးသည်။ ဤသည်မှာ လူကောင်းတစ်ဦး ဖြစ်သည် မဟုတ်လော။ ပစ္စုပ္ပန်ရှုထောင့်အမြင်မှကြည့်လျှင် ထိုပစ္စည်းကို အလွဲသုံးစားလုပ်ရန် စိတ်ကူးများ သို့မဟုတ် အတွေးများ မရှိသောကြောင့် ထိုသူသည် လူကောင်းတစ်ဦးဖြစ်သည်ဟု ဆိုနိုင်သည်။ နောက်တစ်ဆင့်ထပ်ပြောရလျှင် ထိုသူသည် မိမိ၏အလုပ်ကို အဆုံးစွန် သစ္စာစောင့်သိမှုဖြင့် ဤပစ္စည်းကို စောင့်ရှောက်နိုင်ပြီး ဤတာဝန်ကို စိတ်ပါလက်ပါနှင့် မိမိ၏ အစွမ်းရှိသမျှဖြင့် တာဝန်ယူနိုင်ကာ ထိုအရာကို သူ စိတ်နှလုံးအကြွင်းမဲ့ ပေးအပ်ပြီး မိမိ၏အလုပ်ကို ကောင်းစွာ လုပ်ဆောင်နေသည်ဟု ဆိုနိုင်သည်။ သို့သော် တစ်နေ့တွင် အမှုအရာများ ပြောင်းလဲသွားသည်။ ဤကိစ္စရပ်ကို သိရှိသည့် လူအချို့သည် အဖမ်းခံရပြီး ထောင်ချခံရကာ အချို့မှာ မတူကွဲပြားသည့် နေရာများဆီသို့ လွှဲပြောင်းခြင်းခံရကြသည်။ ထိုလူသည်သာ ဤပစ္စည်းအကြောင်းသိသည့် တစ်ဦးတည်းသောသူ ဖြစ်သွားသည်။ ဤအခြေအနေများအောက်တွင် သူ၏ ပတ်ဝန်းကျင် ပြောင်းလဲသွားပြီ မဟုတ်လော။ သူ၏ ပတ်ဝန်းကျင် ပြောင်းလဲသွားပြီဖြစ်ပြီး စစ်ဆေးမှု ရောက်ရှိလာပြီဖြစ်သည်။ အစတွင် သူ၏ စိတ်နှလုံးက မပြောင်းမလဲရှိနေပြီး အခြားမည်သည့် အတွေးမျှမရှိဘဲ ထိုပစ္စည်းကို အလေးအနက်နှင့် တာဝန်သိစွာ စောင့်ရှောက်ဆဲဖြစ်သည်။ နောက်ပိုင်းတွင် ထိုအကြောင်းကို သိရှိသည့်လူများ ပျောက်ကွယ်သွားကြပြီဖြစ်သည်ကို သူ ကြားသိရသည်။ ထိုအချိန်တွင်ပင် သူက “ဤပစ္စည်းနှင့် ပတ်သက်၍ ငါ၏ အစီအစဉ်တစ်ခုကိုမျှ ငါ ကြံ၍ မဖြစ်ပါ။ ထိုပစ္စည်းကို ငါ ဆက်လက် စောင့်ရှောက်ရမည်။ ထိုအကြောင်းကို လူတို့ မသိလျှင်ပင် ဘုရားသိသည်”ဟု စဉ်းစားဆဲဖြစ်သည်။ ဤသည်မှာ လူကောင်းတစ်ဦးဖြစ်သည် မဟုတ်လော။ (လက်ရှိအချိန်တွင် သူသည် လူကောင်းတစ်ဦး ဖြစ်ပုံရနေသေးပါသည်။) ယင်းမှာ အဘယ်ကြောင့်နည်း။ အဘယ်ကြောင့်ဆိုသော် လူကောင်းတစ်ဦးဖြစ်ခြင်း စံနှုန်းများနှင့် တိုင်းတာသည့်အခါ အကြင်သူသည် ဤအဆင့်သို့ရောက်နိုင်လျှင် သူသည် အလွန် ကောင်းနှင့်နေပြီဖြစ်သည်။ သို့ရာတွင် တစ်နေ့၌ သူ၏မိသားစုတွင် အကြီးစား အကျပ်အတည်းတစ်ခု ဖြစ်ပွားသည်၊ သူသည် ငွေ အရေးပေါ် လိုအပ်ပြီး ငွေအလုံအလောက် အဆင်သင့် မရှိချေ။ သူ၏ ပတ်ဝန်းကျင် တစ်ဖန်ပြောင်းလဲသွားပြီး ပတ်ဝန်းကျင် ပြောင်းလဲသွားသည့်အခါ သူ့အနေဖြင့် စစ်ဆေးခြင်း ခံရမည့်အချိန် တစ်ဖန် ရောက်လာပြီဖြစ်သည်။ အစပိုင်းတွင် ငွေချေးဖို့ သူ စဉ်းစားဆဲဖြစ်သော်လည်း နှစ်ကြိမ် သုံးကြိမ် ကြိုးပမ်းမှုများ မအောင်မြင်သည့်နောက်တွင် သူ၏ စိတ်နှလုံးက စတင်၍ ဂယက်ရိုက်လာသည်။ “ငါ့တွင် တန်ဖိုးရှိသည့် ပစ္စည်းတစ်ခု ပိုင်ဆိုင်ထားသည် မဟုတ်လော။ ငါ့ရှေ့တည့်တည့်တွင် လုပ်ပိုင်ခွင့်တချို့ ရှိနေချိန်တွင် ငွေသွားချေးခြင်းသည် ငါ့အတွက် မိုက်မဲသည် မဟုတ်လော။ ဤပစ္စည်းအား ငါ စောင့်ရှောက်နေသည်ကို မည်သူမျှ မသိ။ ထို့အပြင် ဤပစ္စည်းသည် ဤနေရာတွင် ဖုန်များတက်နေရုံသာ ရှိသည်။ ထိုပစ္စည်းကို အသုံးပြုခြင်းက ငါ့အတွက် မှန်သည်သာ မဟုတ်လော။ ထိုအတိုင်း ငါလုပ်မည်”ဟူ၍ ဖြစ်သည်။ ထို့နောက်တွင် သူ့ထံတွင် သာ၍ကျိုးကြောင်းဆီလျော်သော အတွေးတစ်ခုရှိလေသည်။ “ဤအရာကို ဘုရားသခင်က ငါ့အတွက် ပြင်ဆင်ပေးခဲ့သည် မဟုတ်လော။ ဘုရားသခင်က ငါ့ကို ကျေးဇူးပြုနေခြင်းဖြစ်သည်၊ ဘုရား၏ ကျေးဇူးတော် ချီးမွမ်းသည်”ဟူ၍ ဖြစ်၏။ ထိုအကြောင်းကို သူ သာ၍တွေးလေ ဤသည်မှာ သင့်တင့်လျောက်ပတ်သော လုပ်ဆောင်မှုဖြစ်သည်ဟု သူ ပိုခံစားရလေဖြစ်သည်။ နှစ်ရက် သို့မဟုတ် သုံးရက်ကြာ ချင့်ချိန်စဉ်းစားပြီးနောက်တွင် သူသည် စိတ်နှလုံးထဲ၌ အေးချမ်းသွားပြီး လိပ်ပြာမလုံခြင်း မဖြစ်တော့ပေ။ နောက်ဆုံးတွင် သူက “ဤငွေကိုသာ ငါ သုံးလိုက်တော့မည်”ဟု ဆုံးဖြတ်သည်။ မည်သည့်အရာ ဖြစ်ခဲ့သနည်း။ (သူ၏အတွေးတွင် ပြောင်းလဲမှုတစ်ခု စတင်ဖြစ်ပေါ်သည်။) သူ၏ အတွေးတွင် ဤပြောင်းလဲမှုက မည်သို့ဖြစ်လာခဲ့သနည်း။ (ထိုအရာကို ပတ်ဝန်းကျင်က ဖြစ်စေခဲ့ခြင်း ဖြစ်သည်။) သို့ဆိုလျှင် ပတ်ဝန်းကျင်နှင့်ပတ်သက်၍ ပြဿနာတစ်ခု ရှိသလော။ ပတ်ဝန်းကျင်က သူ့ကို ပြောင်းလဲစေသလော။ (မပြောင်းလဲစေပါ။) သို့ဆိုလျှင် ဤအရာကို ငါတို့ မှန်ကန်တိကျစွာ အဘယ်သို့ ဖော်ပြနိုင်သနည်း။ ယခင်က သူ၏ ပတ်ဝန်းကျင် နှစ်ကြိမ်ပြောင်းလဲခဲ့ချိန်တွင် သူ၏ စိတ်နှလုံးက အဘယ်ကြောင့် ယိမ်းယိုင်ခြင်း မရှိခဲ့သနည်း။ (ထိုအချိန်က အလွန့်အလွန် ဆင်းရဲမွဲတေပြီး စိတ်ပျက်စရာအချိန် မဟုတ်ခဲ့သေးပါ။) ဤအဆင့်မရောက်မီတွင် လူတစ်ဦး၏ စစ်မှန်သည့် အတွင်းကျကျ အတွေးများနှင့် စစ်မှန်သည့် စိတ်သဘောထားတို့ ပေါ်လိမ့်မည် မဟုတ်။ ထိုအချိန်တွင် ဤလူသည် ဘုရားသခင်ကို သစ္စာစောင့်သိသည် သို့မဟုတ် သမ္မာတရားကို ချစ်သည်ဟု ငါတို့ ဆိုနိုင်သလော။ ထိုသို့ ငါတို့ ဆိုနိုင်ခဲ့ပေမည်၊ အဘယ့်ကြောင့်ဆိုသော် အလှူငွေကို သူစောင့်ရှောက်ခဲ့သည့်အချိန်က သူသည် မိမိ၏ တာဝန်ကို အခြားမည်သည့် စိတ်ကူး သို့မဟုတ် နိုးကြားထကြွသည့် အတွေးမျှမရှိဘဲ မိမိ၏ စိတ်နှလုံးနှင့် အစွမ်းရှိသမျှဖြင့် လုပ်ဆောင်နိုင်ခဲ့သောကြောင့် ဖြစ်သည်။ ထိုပစ္စည်းနှင့်ပတ်သက်၍ မည်သည့် အစီအစဉ်မျှ သူ လုံးဝ မကြံစည်ခဲ့ပေ။ ကောင်းလိုက်သည့်လူတစ်ဦးပါတကား။ သို့သော် သူ၏ အသက်ရှင်နေထိုင်မှု ပတ်ဝန်းကျင် ပြောင်းလဲပြီး ထွက်ပေါက်မရှိဘဲ ပိတ်မိသည်ဟု ခံစားရသည့်အခါ သူ၏ နိုးကြားထကြွသော အတွေးများ ထွက်ပေါ်ပြီး အလှူငွေများနှင့်ပတ်သက်၍ အစီအစဉ်များ စတင်ကြံစည်လေသည်။ အမှန်တွင် ယခင်က ဤအတွေးများ မရှိခဲ့ခြင်းမဟုတ်ဘဲ သူ၏စိတ်နှလုံးထဲတွင် ကွယ်ဝှက်ထားခဲ့ခြင်း ဖြစ်သည်။ အခါအခွင့်သင့်သည့် ပတ်ဝန်းကျင်တစ်ခုကို ကြုံရသည်နှင့် သူ၏ အတွေးများသည် စမ်းရေအလား အလိုအလျောက် ပေါ်လာသည်။ အဆုံးတွင် ထိုအရာကို ဘုရားသခင်က သူ့အတွက် ပြင်ဆင်ပေးခဲ့သည်ဟု ဆိုလျက် ဤအရာအတွက် အကြောင်းပြချက်များကိုပင် ရှာတွေ့သည်။ ဤအကြောင်းပြချက်များကို ရှာတွေ့သည့်အချိန်တွင် သူ၏ ကောက်ကျစ်ဆိုးယုတ်သော သဘာဝ ပေါ်လွင်သွားခဲ့သည် မဟုတ်လော။ သူ၏ သစ္စာစောင့်သိမှု၊ ကောင်းမြတ်ခြင်းနှင့် တရားမျှတစိတ်တို့သည် အဘယ်နေရာသို့ ရောက်သွားကြသနည်း။ (မရှိတော့ပါ။) သို့ဆိုလျှင် သူ၏ယခင်က သရုပ်သကန်များသည် ဟန်ဆောင်မှုတစ်ခုသာ ဖြစ်သလော။ ဟန်ဆောင်မှုတစ်ခုမဟုတ်ပေ။ ယင်းတို့သည်လည်း သဘာဝအလျောက် ထုတ်ဖော်ခြင်းများဖြစ်သည်၊ သို့သော် နက်ရှိုင်းသောအရာများ မဟုတ်ခဲ့ပေ။ အပေါ်ယံအဆန်ဆုံးသော ထုတ်ဖော်ခြင်းများဖြစ်ခဲ့သည်၊ အပေါ်ယံအဆင့် ဖြစ်ရပ်များဖြစ်သည်။ လူ့သဘာဝ၏ အပေါ်ယံအဆင့် ဖြစ်ရပ်များကြားတွင် အချို့သော အတွေးမှားများရှိပြီး တစ်ခါတစ်ရံတွင် လူတို့က ထိုအရာများကို မရိပ်စားမိနိုင်သကဲ့သို့ အလွယ်တကူ အထင်အမြင်မှားစေခြင်းခံရသည်။ ဥပမာအားဖြင့် လူအချို့သည် မိမိတို့တာဝန်များကို ခြောက်လ သို့မဟုတ် တစ်နှစ်ကြာ အလွန်ကောင်းစွာ ထမ်းဆောင်ကြပုံပေါ်သော်လည်း တစ်နှစ်ပြီးနောက်တွင် အပျက်သဘောဆောင်လာကြသည်။ နှစ်နှစ်ပြီးသည့်နောက်တွင် ၎င်းတို့ ထွက်ပြေးသွားပြီး လောကီဆန်သည့် လောကထဲသို့ ပြန်သွားကောင်း သွားကြပေမည်။ အချို့မှာ ငွေရှာရန်နှင့် အချို့မှာ မိမိတို့ ကိုယ်ပိုင်ဘဝများကို အသက်ရှင်ရန်ဖြစ်သည်။ ထို့ကြောင့် ခြောက်လ သို့မဟုတ် တစ်နှစ်တွင်း ၎င်းတို့၏ စွမ်းဆောင်မှုကို အခြေခံ၍ ၎င်းတို့သည် ဘုရားသခင်အတွက် စစ်မှန်ရိုးသားစွာ အသုံးခံကြသည့်သူ ဖြစ်သည်ဟု ဆုံးဖြတ်ခြင်းသည် သင့်အတွက် မှားယွင်းပေမည်။ ထိုခြောက်လ သို့မဟုတ် တစ်နှစ်အတွက် ၎င်းတို့၏ အပြုအမူသည် အမှန်တကယ်တွင် အတွေးမှားတစ်ခု၊ ယာယီ စိတ်ထက်သန်မှုတစ်ခုသာ ဖြစ်သည်။ အချို့သော ပတ်ဝန်းကျင်များ၊ စုံစမ်းသွေးဆောင်မှုများနှင့် ရင်ဆိုင်ရသည့်အခါ ၎င်းတို့၏ စစ်မှန်သော ရုပ်သွင်နှင့် ဘုရားသခင်အပေါ် ၎င်းတို့၏ ယုံကြည်မှုနောက်ကွယ်ရှိ ရည်ရွယ်ချက်များတွင်ရှိသော မသန့်စင်မှုများ ဖော်ထုတ်ခံရသည်။ ဤသည်မှာ အမှန်တရားတစ်ခု မဟုတ်လော။ ၎င်းတို့ လုံးဝ မပြောင်းလဲကြသေးပေ။ လူတို့အထဲတွင် ဘုရားသခင်က မည်သည့်အရာကို အတိအကျ ပြောင်းလဲချင်သနည်း။ လူတို့အား သမ္မာတရားကို လက်ခံစေခြင်းအားဖြင့် မည်သည့် ပြဿနာများကို ဘုရားသခင်က ဖြေရှင်းချင်သနည်း။ (လူသား သဘာဝအတွင်းရှိ အမှုအရာများ ဖြစ်ပါသည်။) မှန်ပေ၏၊ ဖြေရှင်းရမည့်အရာမှာ လူ့သဘာဝအတွင်းရှိ အမှုအရာများ ဖြစ်သည်။ ၎င်းတို့အပေါ် မည်သည့်အရာမျှ မကျရောက်သည့်အခါ လူတို့တွင် အခြေခံကျသော ကိုယ်ကျင့်တရား အပြုအမူ အခြေခံစည်းတစ်ခုရှိကြပြီး အခြားသူတို့အပေါ် အခွင့်အရေးမယူကြပေ။ အထူးသဖြင့် သက်ကြီးသူက “အခြားသူတို့၏ ပိုင်ဆိုင်မှုများကို မတပ်မက်နှင့်၊ ပြီးလျှင် သင်ပိုင်သည့်အရာကို မခွဲပေးနှင့်”ဟု မကြာခဏ ပြောကြသည်။ ဆိုလိုသည်မှာ သင့်ကိုယ်ပိုင် ပိုင်ဆိုင်သော ပစ္စည်းများကို ပေါ့ပေါ့တန်တန် မပေးပစ်နှင့်၊ ပြီးလျှင် အခြားလူတို့၏ ပိုင်ဆိုင်သော ပစ္စည်းများအပေါ် လောဘတက်လာခြင်း၊ သို့မဟုတ် တပ်မက်သော အတွေးများ မရှိနှင့်။ ဤသည်မှာ ပုံမှန် လူ့သဘာဝက ပိုင်ဆိုင်သင့်သည့်အရာသာဖြစ်ပြီး သမ္မာတရား စံမမီပေ။ သို့ဆိုလျှင် လူတို့သည် ဤအရာကို စွမ်းဆောင်ရရှိနိုင်သလော။ (စွမ်းဆောင်မရရှိနိုင်ပါ။) လူတို့သည် ဤအရာကိုပင် စွမ်းဆောင်ရရှိနိုင်ခြင်း မရှိဘဲ တပ်မက်သည့် အတွေးများ မရှိရန် ပြောကြသည်။ မိမိကိုယ်ကိုအတွင်း၌ တပ်မက်သည့် အတွေးများ ထွက်ပေါ်ရန်အတွက်ပင် စောင့်ဆိုင်းခြင်းမရှိဘဲ အခြားလူတို့၏ ပိုင်ဆိုင်သော ပစ္စည်းများကို သိမ်းပိုက်ခြင်းဖြစ်သည့် ဤသည်မှာ မိမိသဘာဝ၏ ကြီးစိုးခံရခြင်း ရလဒ်ဖြစ်သည်။ ပတ်ဝန်းကျင်က အခွင့်ပေးသရွေ့ လူတို့သည် ထိုအကြောင်းကို စဉ်းစားရန်ပင် မလိုအပ်။ ၎င်းတို့သည် မိမိတို့အတွင်းရှိ ကောက်ကျစ်ဆိုးယုတ်သော သဘာဝနှင့် ၎င်းတို့၏ ရက်စက်ကာ လောဘတက်ပြီး လှည့်ဖြားတတ်သော စိတ်သဘောထားများကို ထုတ်ဖော်ကြလိမ့်မည်။ ငါ ယခုတင် ထုတ်ပြောခဲ့သည့် ဥပမာထဲမှ အလှူငွေများကို အလွဲသုံးစားလုပ်ခဲ့သည့် လူနှင့်စပ်လျဉ်း၍ သူ၏ စိတ်ကူးများနှင့် သရုပ်သကန်များထဲမှ မည်သည့်အရာက လှည့်ဖြားတတ်ခဲ့သနည်း။ (သူအတွက် ဤအရာကို ဘုရားသခင်က ပြင်ဆင်ပေးခဲ့ပြီး ထွက်ပေါက်တစ်ခု ဖွင့်ပေးခဲ့ခြင်းဖြစ်သည်ဟု အခိုင်အမာဆိုလျက် ဘုရားသခင်အတွက် အလှူငွေကို သိမ်းယူခဲ့သည်။) ဤသည်မှာ လှည့်ဖြားခြင်းဖြစ်သည်၊ မိမိကိုယ်ကိုအပြင် အခြားသူများကို လှည့်ဖြားခြင်းဖြစ်သည်။ ထိုသူသည် မိမိကိုယ်ကို လှည့်စားပြီး ဘုရားသခင်ကိုလည်း လှည့်ဖြားရန် ကြိုးစားခဲ့သည်။ မိမိကိုယ်ကို မလိမ့်တပတ်လုပ်ရန်နှင့် မိမိကိုယ်ပိုင် အသိစိတ်၏ စွပ်စွဲမှုများကို ရှောင်ရှားနိုင်ရန်အလို့ငှာ ထိုအသိစိတ်ကို နှစ်သိမ့်ရန် ဤကြားကောင်းသည့် စကားများကို အသုံးပြုသည်။ ထို့အပြင် သူသည် မိမိအတွက် နှစ်သက်ဖွယ်သော အလိမ်အညာတစ်ခုကို လုပ်ကြံဖန်တီးပြီး ဘုရားသခင်ကို အရူးလုပ်ကာ လှည့်စားရန် ဤအလိမ်အညာကို အသုံးပြုချင်သည်။ ဤသည်မှာ လှည့်စားတတ်ခြင်း ဖြစ်သည် မဟုတ်လော။ (ဟုတ်ပါသည်။) လှည့်စားတတ်ခြင်းဖြစ်သည်။ ၎င်းတို့သည် ထိုသို့သော ပတ်ဝန်းကျင်များနှင့် ရင်ဆိုင်ရပြီး ၎င်းတို့၏ သဘာဝက အတွေးများ ပေါက်ဖွားစေကာ သင့်အား တစ်စုံတစ်ရာကို လုပ်ဆောင်စေလိုအောင် လုပ်ဆောင်သည့်အခါ ဦးစွာပထမ သင်၏ အသိစိတ်က သင့်အထဲတွင် သက်ရောက်လိမ့်မည်ပြီး ထို့နောက်တွင် သင်နားလည်သည့် သမ္မာတရားက ဤနည်းဖြင့် တွေးတောခြင်းက သင့်ကို မည်သည့်အကျိုးမျှ ရှိလိမ့်မည်မဟုတ်ကြောင်း၊ ထိုအရာသည် စက်ဆုပ်ဖွယ်ဖြစ်ပြီး ကောက်ကျစ်ဆိုးယုတ်ကြောင်းနှင့် သင် စဉ်းစားပြီး ယုံကြည်သည့်အရာသည် သမ္မာတရား မဟုတ်ကြောင်းကို သင့်အား သဘောပေါက်စေလျက် သင်နားလည်သည့် သမ္မာတရားကလည်း သက်ရောက်မှု ရှိလိမ့်မည်ဖြစ်သည်။ သင်သည် ဤအရာကို လုပ်ဆောင်လိုစိတ် ခဏတာ ဖြစ်ပေါ်သော်လည်း ဘုရားသခင်ထံ ဆုတောင်းပြီးနောက်တွင် “ဤအရာကို ငါ လုပ်၍မဖြစ်ပါ။ ဘုရားသခင်ကို ပုန်ကန်ပြစ်မှားမိမည်ဖြစ်သည်။ ကောက်ကျစ်ဆိုးယုတ်သည်။ ဤအရာကို လုပ်ဆောင်ခြင်းသည် သမ္မာတရားနှင့် သဟဇာတမဖြစ်သလို ဘုရားသခင်ကို လှည့်စားခြင်း ဖြစ်မည်မဟုတ်လော။ ဤအရာကို ငါ လုံးဝ လုပ်၍ မဖြစ်ပါ။ ဤသည်မှာ သန့်ရှင်းမွန်မြတ်သည့်အရာတစ်ခုဖြစ်သည်၊ ဘုရားသခင်နှင့် သက်ဆိုင်ပြီး လုံးဝ မထိရပါ။ ဤအရာနှင့်ပတ်သက်၍ မည်သူမျှမသိသကဲ့သို့ ဘုရားသခင်သာ သိရှိသော်လည်း ထိုအကြောင်းကို ဘုရားသခင်သာ သိရှိသောကြောင့် ငါ လုံးဝ ထိ၍ မဖြစ်ပါ”ဟု သင် စဉ်းစားသည်။ လူတစ်ဦးသည် ဤသို့ စဉ်းစားနိုင်လျှင် ၎င်း၌ စစ်မှန်သည့် ဝိညာဉ်ရင့်ကျက်မှုတစ်ခု ရှိပေသည်။ သူ့အနေဖြင့် မိမိ၏ ကောင်းမွန်သည့် ရည်ရွယ်ချက်များနှင့် ကိုယ်ကျင့်တရား အပြုအမူ အခြေခံစည်းတို့အပေါ် မှီခိုခဲ့လျှင် မိမိကိုယ်ကို ချုပ်ထိန်းနိုင်မည်လော။ အလှူငွေကို သူက ခိုးယူမည်မဟုတ်ဟု အာမခံနိုင်ကြမည်လော။ (အာမခံနိုင်မည် မဟုတ်ပါ။) ဤအရာကို စွမ်းဆောင်ရရှိရန်အလို့ငှာ လူတစ်ဦးသည် မည်သည့်အရာကို ပိုင်ဆိုင်ရမည်နည်း။ (သူ၏ စိတ်နှလုံးတွင် ဘုရားသခင်ကို ကြောက်ရွံ့ခြင်း ရှိရမည်ဖြစ်သည်။) သင် နားလည်သည့် သမ္မာတရားများ၊ ဘုရားသခင်အပေါ် သင်၏ အသိနှင့် သင်၏ စိတ်နှလုံးရှိ ဘုရားသခင်ကို ကြောက်ရွံ့ခြင်းတို့သည်သာ သင်၏ စိတ်နှလုံးနှင့် လုပ်ရပ်များကို ချုပ်ထိန်းနိုင်ပြီး ဘုရားသခင်၏ ရည်ရွယ်ချက်များနှင့်အညီ မည်သည့် လမ်းကြောင်း သင် ရွေးချယ်ပြီး မည်သို့ ပြုမူနေထိုင်သည်ဟူသည်တို့ကို ဆုံးဖြတ်ပေးနိုင်သည်။ သမ္မာတရားနှင့် ဘုရားနှုတ်ကပတ်တော်များအပြင် ဤအရာကို စွမ်းဆောင်ရရှိရန် လူတို့အား ကူညီနိုင်သည့် ဒုတိယ အမှုအရာတစ်ခု ရှိသလော။ မရှိပေ။ ဤနည်းလမ်းတစ်ခုတည်းသာ ရှိသည်။ ဤအရာက သင့်အား ဘုရားသခင်ကို ကြောက်ရွံ့စေကာ မကောင်းမှုကို ရှောင်ကြဉ်စေနိုင်သည်။ မည်သည့် ပတ်ဝန်းကျင်မျိုးကို သင် ကြုံရသည်ဖြစ်စေ၊ စမ်းသပ်မှုများ သို့မဟုတ် စုံစမ်းသွေးဆောင်မှုများဖြစ်စေ ယင်းတို့က ဘုရားသခင်ကို သင်၏ သစ္စာစောင့်သိမှုနှင့် ကျိုးနွံနာခံမှုတို့ကို မပြောင်းလဲစေနိုင်ပေ။ သင်၏ စိတ်ဆုံးဖြတ်ချက်ကို သင် ခိုင်မာစေသည်နှင့်တစ်ပြိုင်နက် လုံးဝ ပြောင်းလဲလိမ့်မည် မဟုတ်။ သင် ကြုံရသည့် ပတ်ဝန်းကျင်တစ်ခုက မည်မျှ ခက်ခဲသည်ဖြစ်စေ သင့်အတွက် အထူးသဖြင့် ကြီးမားသည့် စုံစမ်းသွေးဆောင်ခြင်းဖြစ်လျှင်ပင် သင်၏ စိတ်ဆုံးဖြတ်ချက်က မပြောင်းမလဲ ရှိနေလိမ့်မည်ဖြစ်ပြီး အမှုအရာများကို လုပ်ဆောင်ခြင်းအတွက် သင်၏ စည်းမျဉ်းများသည် မပြောင်းမလဲ ရှိနေလိမ့်မည်။ ဤသို့ဖြင့် သင်၏ သက်သေခံချက်တွင် ခိုင်မာစွာ သင် ရပ်တည်လိမ့်မည်ဖြစ်ပြီး သမ္မာတရားကို ရရှိလိမ့်မည်။ ဤကိစ္စရပ်နှင့်စပ်လျဉ်း၍ ဘုရားသခင်က သင့်ကို တစ်ဖန် စစ်ဆေးလိမ့်မည် မဟုတ်။ ထိုအရာကို သင် အောင်မြင်ကျော်လွှားလိမ့်မည်ဖြစ်ပြီး ခိုင်မာစွာ ရပ်တည်ပြီးဖြစ်လိမ့်မည်။ ယခုအခါတွင် ဤဝိညာဉ်ရင့်ကျက်မှုသို့ လူအများစု ရောက်ရှိနိုင်သလော။ (မရောက်ရှိနိုင်ပါ။) ၎င်းတို့ မရောက်နိုင်သေးပေ။ ယင်းက သမ္မာတရားသည် ၎င်းတို့၏ အသက်ဖြစ်မလာသေးကြောင်း သက်သေပြသည်။ ထို့နောက်တွင် ယခု မည်သည့်အရာများက ၎င်းတို့၏ အသက်ဖြစ်သနည်း။ လောကီဆိုင်ရာ ဆက်ဆံမှုများအတွက် စာတန်၏ အတွေးအခေါ်များ၊ စာတန်၏ အဆိပ်များနှင့် ကိုယ်ကျင့်တရားနှင့် လူသားအပြုအမူနှင့်ဆိုင်သည့် အခြေခံစည်းကို ထိန်းသိမ်းရန်ဖြစ်သော လူသားဗီဇအချို့အပြင် ဘုရားသခင်ကို ၎င်းတို့ ယုံကြည်ပြီးနောက်တွင် ဆည်းပူးရရှိသည့် ဝိညာဉ်ရေးရာ အယူဝါဒနှင့် ဖော်ပြချက်အချို့တို့ ဖြစ်သည်။ ဤအရာများကို သဘောပေါက်ပြီးသည့်နောက်တွင် လူတို့က “သမ္မာတရားကို ငါ ရရှိပြီးဖြစ်သည်။ ဘုရားသခင်ကို ငါ၏ ယုံကြည်မှုတွင် အလွန်များစွာ ငါ နားလည်ပြီးဖြစ်သည်။ ငါ ပြောင်းလဲပြီးဖြစ်ကာ တစ်စုံတစ်ရာကို ငါ ရရှိပြီဖြစ်သည်”ဟု အမြဲ တွေးထင်ကြသည်။ ၎င်းတို့ ရရှိပြီးဖြစ်သည့်အရာမှာ မည်သည့်အရာနည်း။ အမှန်တွင် ထိုအရာသည် အပေါ်ယံအဆင့် အရာများသာ ဖြစ်သည်။ ၎င်းတို့၏ အပြုအမူတွင် ချုပ်ထိန်းမှုအချို့ ရှိခြင်းသာဖြစ်ပြီး ၎င်းတို့၏ အပြုအမူက အတော်အတန် ထိန်းညှိခံရခြင်းသာ ဖြစ်သည်။ ထို့အပြင် ၎င်းတို့၏ စိတ်နှင့်နှလုံးတွင် သာ၍ အပြုသဘောဆောင်သည့် နည်းလမ်းတစ်ခုဖြင့် တွေးဆနိုင်ကြပြီး အပြုသဘောဆောင်သည့်အရာများကို သာ၍ စဉ်းစားနိုင်ကြသည်။ ၎င်းတို့၏ ပတ်ဝန်းကျင်၊ တရားဒေသနာများကို မကြာခဏ နားထောင်ခြင်းအပြင် မိမိတို့ တာဝန်များကို ထမ်းဆောင်ခြင်းနှင့် အပြုသဘောဆောင်သည့် အရာများနှင့် ပိုပိုပြီး မကြာခဏ ထိတွေ့ဆက်ဆံခြင်းတို့၏ လွှမ်းမိုးမှုကြောင့် ၎င်းတို့သည် အပြုသဘောဆောင်သည့် နည်းလမ်းအချို့ဖြင့် သက်ရောက်ခြင်းခံရသည်။ ဤသည်တို့မှာ အသင်းတော်၏ ပတ်ဝန်းကျင်က လူတို့ထံ ယူဆောင်လာသည့် အကျိုးကျေးဇူးများနှင့် အပြောင်းအလဲများ ဖြစ်သည်။ သို့ရာတွင် လူတို့ထံ သမ္မာတရားက ယူဆောင်လာသည့် အပြောင်းအလဲများသည် မည်မျှ ကြီးမားပြီး မည်မျှ များပြားသနည်း။ ဤအရာက ၎င်းတို့၏ လိုက်စားမှုအပေါ် မူတည်သည်။ သင်သည် သမ္မာတရားကို လိုက်စားသည့်လူတစ်ဦး အမှန်တကယ်ဖြစ်လျှင် သမ္မာတရား၏ လက်တွေ့ကျသော သွင်ပြင်လက္ခဏာများအရ တစ်စုံတစ်ရာကို သင် အမြဲ ရရှိလိမ့်မည်ဖြစ်ပြီး အဆင့်တစ်ခုစီတွင် အနည်းငယ် သင် အကျိုးရရှိကာ အနည်းငယ် နားလည်လိမ့်မည်။ ၎င်းတို့၏ စိတ်နှလုံးများတွင် လူတို့သည် တစ်စုံတစ်ရာကို ၎င်းတို့ ရရှိပြီးခြင်း ရှိမရှိနှင့်ပတ်သက်၍ သိနားလည်ပြီး ခံစားချက်တစ်ခု ရှိကြသည်။ ယခုတွင် မည်သည့်အရာကို လူအများစု ခံစားနေကြသနည်း။ ၎င်းတို့၏ ကောင်းမွန်သည့် ရည်ရွယ်ချက်များကို အခြေခံ၍ ၎င်းတို့သည် ကောင်းသော လုပ်ဆောင်ချက်အချို့၊ အသိစိတ်နှင့် အသိတရား ပိုင်ဆိုင်သည်ဟု လူတို့ ယုံကြည်ကြသည့်အရာများနှင့် အခြားသူတို့၏ စွပ်စွဲခြင်း သို့မဟုတ် ဝေဖန်ခြင်းကို ခံရစေမည်မဟုတ်သည့်အရာများကို ၎င်းတို့က လုံ့လဝီရိယရှိစွာနှင့် တမင်တကာ မကြာခဏ လုပ်ဆောင်ကြခြင်း ဖြစ်သည်။ ယင်းတို့သည် ကောင်းမှုများ ဖြစ်သော်လည်း သမ္မာတရားနှင့်ဆိုင်သည့် ကျင့်ကြံမှုဖြစ်သည်ဟု ပြော၍ မရနိုင်ပေ။ ဤသည်မှာ မှန်ကန်သည် မဟုတ်လော။ (ဟုတ်ပါသည်။) လူအများစုတွင် ၎င်းတို့၏ လုပ်ရပ်များအတွက် အခြေခံကျသော စည်းမျဉ်းတစ်ခုရှိကြသည်။ ယင်းမှာ ၎င်းတို့၏ အသိစိတ်အတိုင်း ပြုမူဆောင်ရွက်ရန် ဖြစ်သည်။ သမ္မာတရားက နက်နဲလွန်းသည်၊ စိတ်ကူးယဉ်ဆန်လွန်းပြီး လူတို့နှင့် အလွန် အလှမ်းဝေးပုံပေါ်သည်ဟု ၎င်းတို့ ခံစားကြသည်။ လူတို့သည် သမ္မာတရားကို ကောင်းစွာ နားမလည်ကြသကဲ့သို့ ထိုသမ္မာတရားကို သေချာစွာ မရှင်းပြနိုင်ကြပေ။ ထို့ကြောင့် မိမိတို့၏ အသိစိတ်အတိုင်းသာ ပြုမူဆောင်ရွက်ကြပြီး တစ်နေ့ပြီးတစ်နေ့ ဖြစ်သလိုလုပ်ဆောင်ကြသည်။ လူအချို့တွင် အသိစိတ်နှင့်ဆိုင်သော အသိတစ်ခုမျှပင် မရှိသကဲ့သို့ အသိစိတ်၏ စံနှုန်းများအတိုင်း မပြုမူကြပေ။ လူအချို့သည် မည်သည့် ရလဒ်မျှ လုံးဝမရှိဘဲ မိမိတို့တာဝန်များကို ထမ်းဆောင်ကြသည်။ ၎င်းတို့သည် ကပ်ပါးရပ်ပါးလုပ်နေကြပြီး ဘုရားသခင်၏ ကျေးဇူးတော်ကိုသာ မွေ့လျော်နေကြသော်လည်း အပြန်အလှန်အနေဖြင့် မည်သည့်အရာကိုမျှ ပေးနေကြခြင်း မရှိဘဲ ၎င်းတို့၏ စိတ်နှလုံးထဲတွင် လိပ်ပြာလုံကြပေသည်။ ဤလူများတွင် အသိတရားနှင့် အသိစိတ်ရှိကြသလော။ ၎င်းတို့ကို သင်က “ဤကဲ့သို့ အသက်ရှင်ခြင်းနှင့်ပတ်သက်၍ သင် မည်သို့ ခံစားရသနည်း”ဟု မေးလျှင် ၎င်းတို့က “ဘုရားသခင်၏ ရည်ရွယ်ချက်များက အလွန်ကြီးမားသည်၊ ကျွန်ုပ် ယင်းတို့ကို အလှမ်းမမီနိုင်ပါ။ မည်သို့ဆိုစေ ကျွန်ုပ်သည် ဘုရားသခင်ကို စစ်မှန်ရိုးသားစွာ ယုံကြည်သည့်လူတစ်ဦးဖြစ်ပြီး မကောင်းမှု မလုပ်လေပြီ။ ကျွန်ုပ်၏ စိတ်နှလုံးတွင် ငြိမ်သက်ခြင်းခံစားရသည်”ဟု ပြောကြသည်။ ဤကဲ့သို့သော လူများသည် သမ္မာတရားကို လက်တွေ့လုပ်ဆောင်ကြသလော။ ၎င်းတို့အနေဖြင့် မိမိတို့တာဝန်များကို ထမ်းဆောင်ကြသော်လည်း ဘုရားသခင်အတွက် မိမိတို့ကိုယ်ကို အသုံးခံနေကြခြင်း ဖြစ်သလော။ လူ၏ ရှုထောင့်အမြင်မှကြည့်လျှင် ၎င်းတို့၏ တာဝန်များကို ၎င်းတို့ ထမ်းဆောင်နေပုံရသော်လည်း ထိုတာဝန်များတွင် မည်သည့်ရလဒ်မျှ လုံးဝ မရရှိကြပေ။ ဘုရားသခင်က ၎င်းတို့ကို အသိအမှတ်ပြုနိုင်သလော။ ၎င်းတို့က “ကျွန်ုပ်၏ အသိစိတ်ကို အခြေခံ၍ ကျွန်ုပ်၏ တာဝန်များကို ကျွန်ုပ် ထမ်းဆောင်သည်။ ကျွန်ုပ် အချည်းနှီးမနေပါ၊ မပျင်းရိသကဲ့သို့ ကျွန်ုပ် အဖိုးအခတစ်ခု ပေးပါသည်”ဟု ပြောကောင်းပြောကြပေမည်။ သို့ရာတွင် ဤအသိစိတ်စံနှုန်းသည် သမ္မာတရားကို ၎င်းတို့ လက်တွေ့လုပ်ဆောင်နေကြောင်း ကိုယ်စားပြုသလော။ သင်တို့တွင် အချိန်ရကြသည့်အခါ သင်တို့ တွေးဆသင့်သည်၊ အတူတကွ မိတ်သဟာယပြုရန် အကြောင်းအရာတစ်ခုကို အကြံထုတ်ပြီး သမ္မာတရားကို လက်တွေ့လုပ်ဆောင်ရန်အလို့ငှာ သင် မည်သို့ ပြုမူဆောင်ရွက်သင့်သည်ကို ကြည့်သင့်ပေသည်။ အသိစိတ်စံနှုန်းတွင် သို့မဟုတ် လူကောင်းတစ်ဦးဖြစ်ခြင်းနှင့် အပြုအမူကောင်းရှိခြင်းတွင်သာ မရပ်လိုက်နှင့်။ လူ့အကြိုက်လိုက်သူတစ်ဦးဖြစ်ခြင်းနှင့် စိတ်ကျေနပ်ခြင်း မရှိနှင့်။ သင့်အနေဖြင့် သမ္မာတရား၏ အမြင့်ထဲသို့ လိုက်စားကာ ဝင်ရောက်ရန်လိုအပ်သည်။ ဤနည်းဖြင့်သာ ဘုရားသခင်၏ ရည်ရွယ်ချက်များကို သင် ဖြည့်ဆည်းနိုင်ပြီး သမ္မာတရား စစ်မှန်မှုထဲသို့ ဝင်ရောက်နိုင်သည်။ သင်၏ အသိစိတ်ကို ဖြည့်ဆည်းရန် သင် အမြဲ ကြိုးစားပြီး ကိုယ်ကျင့်တရား အခြေခံစည်းကို မချိုးဖောက်သရွေ့ သင် အဆင်ပြေသည်ဟု တွေးလျှင် အမှုအရာများကို လုပ်ဆောင်သည့်အခါ ဤနယ်ပယ်အတွင်းတွင်သာ သင် အမြဲ ရှိလိမ့်မည်ဖြစ်ပြီး ဤနယ်ပယ်ကို ကျော်လွန်သွားမည် မဟုတ်ပေ။ ယင်းမှာ သမ္မာတရားက သင်နှင့် မည်သည့် ပတ်သက်မှုမျှ လုံးဝ ရှိလိမ့်မည်မဟုတ်ဟု ဆိုလိုသည်။ သင်၏ ပြုမူဆောင်ရွက်ခြင်းနှင့် စကားများသည် သမ္မာတရားနှင့် မည်သည့်ပတ်သက်မှုမျှ လုံးဝ မရှိလျှင် သမ္မာတရားကို သင် ရရှိနိုင်သေးသလော။ သမ္မာတရားကို ရရှိရန် သင့်အတွက် ခက်ခဲလိမ့်မည်။

ရှေးခေတ်တွင် “ကွန်ဖြူးရှပ်၏ အတွေးအခေါ်ဆိုင်ရာ ကောက်နုတ်ချက်များ၊” “တောင်တေချင်း၊” နှင့် “ဂန္တဝင်စာပေ အကျင့်စရိုက်သုံးခု” ဟူသည့် စာအုပ်များကို ပညာရှင်များက မကြာခဏ လေ့လာခဲ့ကြသည်။ ၎င်းတို့၏ နှုတ်များတွင် ဂန္တဝင် ဆိုရိုးများတဖွဖွဖြင့် ကျမ်းချက်များကို ရွတ်ဆိုနေသည့်အလား တစ်နေ့လုံး ခေါင်းခါကြသည်။ စာအုပ်အနည်းငယ် ဖတ်ရှုကာ ထမ်းနှင့်ဆောင်း ကဗျာအနည်းငယ် အာဂုံဆောင်ပြီးနောက်တွင် မိမိတို့သည် ကောင်းစွာတတ်သိ နားလည်သည်ဟု ယူဆကြကာ မိမိတို့ကိုယ်ကို အလွန် အထင်ကြီးစရာဖြစ်သည်ဟု တွေးထင်လျက် အခြားသူများကို ဩဝါဒပေးရင်း မိမိတို့နေ့ရက်များကို ကုန်ဆုံးကြသည်။ ၎င်းတို့၏ ဘဝတစ်ခုလုံးတွင် တရားမျှတသည့်အရာ တစ်ခုမျှ ၎င်းတို့ မပြီးမြောက်နိုင်ခဲ့ကြသကဲ့သို့ ၎င်းတို့၏ ဖတ်ပြီးခဲ့သည့် ထိုပညာရှိများ၏ စာအုပ်အနည်းငယ်ကို အခြေခံ၍သာ ပြုမူနေထိုင်ခဲ့ကြသည်။ မည်သည့်အရာကိုမျှ ၎င်းတို့ နားမလည်ခဲ့ကြသကဲ့သို့ မည်သည့်အရာကိုမျှ အဖြေမရှာနိုင်ခဲ့ကြပေ။ ၎င်းတို့သည် မည်သည့်အရာကိုမျှ စွမ်းဆောင်ရရှိခြင်းမရှိဘဲ ဘဝကို ဖြစ်သလိုနေခဲ့ကြသည်။ သို့တိုင် ၎င်းတို့သည် များစွာ သိနားလည်ပြီးဖြစ်ကာ အခြားသူတို့အားလုံးထက် သာလွန်သည်ဟု တွေးထင်လျက် ၎င်းတို့၏ စိတ်နှလုံးများတွင် မိမိတို့ကိုယ်ကို ကျေနပ်အားရကြဆဲဖြစ်သည်။ “ငါသာလျှင် အမြတ်ဆုံးထင်ခြင်း”ဟု ခေါ်ဆိုသည့် စကားရပ်တစ်ခု ရှိသည်။ ထိုအရာ အလွန်မှန်ပြီး ထိုသို့သော အခြေအနေတစ်ခုတွင် သင်တို့ လုံးဝ အသက်မရှင်ရ။ လူအချို့က မိမိတို့အနေဖြင့် အသိပညာ၊ စေတနာနှင့် ဖြောင့်မတ်ခြင်းတို့ရှိသည်ဟု မိမိတို့ စိတ်နှလုံးများတွင် အမြဲ ခံစားကြသည်။ အကျိုးဆက်အနေဖြင့် ၎င်းတို့က ငါသာလျှင်အမြတ်ဆုံးဟုသာ ခံစားရပြီး လူကောင်းတစ်ဦးနှင့် လူကြီးလူကောင်းတစ်ဦးအဖြစ် လုံးဝ အခေါ်ခံရထိုက်သည်ဟု တွေးထင်ကြလေသည်။ လူအချို့သည် သစ္စာစောင့်သိမှုကို အထူးသဖြင့် တန်ဖိုးထားကာ မိမိတို့ မိတ်ဆွေများအတွက် အသေခံကြမည်ဖြစ်သည်။ လူအချို့သည် အထူးသဖြင့် အသိစိတ်ကို တန်ဖိုးထားကြပြီး “ညောင်စေ့လောက် ကျေးဇူးပြုခြင်းခံရလျှင် ညောင်ပင်ကြီးလောက် ကျေးဇူးဆပ်ရမည်”ဟူသည့် စကားများကို ဖြည့်ဆည်းနိုင်ကြသည်။ လူအချို့သည် အိမ်ထောင်မပြုဘဲ မိမိတို့၏ စိတ်နှင့် ခန္ဓာကိုယ်များကို မိမိကိုယ်ကို သုံးသပ်ခြင်းမှတစ်ဆင့် ပျိုးထောင်ကာ မသေမျိုးဖြစ်ခြင်းကို အားထုတ်ကြသည်။ လူအချို့သည် ပညာရှိများ၏ စာအုပ်များ လေ့လာခြင်းအား မိမိကိုယ်ကို ရည်စူးဆက်ကပ်ကြပြီး ပြင်ပကိစ္စရပ်များကို အာရုံမစိုက်ကြပေ။ ဤလူကောင်းများဟု ခေါ်သည့်သူများသည် အမှန်တကယ် လူကောင်းများ ဖြစ်ကြသလော။ ၎င်းတို့သည် မိမိတို့ အသိပညာဖြင့် အသက်ရှင်ကြပြီး အသိစိတ်အနည်းငယ်ဖြင့် စကားပြောကာ ပြုမူကြသောကြောင့် ဤလူများကို သမ္မာတရား စစ်မှန်မှု ပိုင်ဆိုင်မည်ဟု ယူဆ၍ရနိုင်သလော။ ၎င်းတို့သည် မကောင်းမှုမလုပ်ဆောင်ရန် အမှန်တကယ် အာမခံနိုင်သလော။ လူအချို့သည် အခြားသူများအပေါ် ကောင်းမွန်သည့် ရည်ရွယ်ချက်များ ထားရှိကြပြီး ဒါနနှင့် အကူအညီများ မကြာခဏ ပေးကြသည်။ ထို့ကြောင့် ၎င်းတို့သည် မိမိတို့ကိုယ်ကို ကြီးမြတ်သည့် ပရဟိတသမားများအဖြစ် ယုံကြည်ကြသည်။ သို့သော် လူတစ်ဦးက ကောင်းခြင်း၊ ဆိုးယုတ်ခြင်း ရှိမရှိဆိုသည်ကို ရိုးရာယဉ်ကျေးမှု၏ အဆိုများအပေါ် အမြဲ မှီခိုခြင်းအားဖြင့် အကဲဖြတ်ရန်မှာ မှန်ကန်တိကျသလော။ အခြားသူများကို ဆန်းစစ်ရန်နှင့် မိမိကိုယ်ကို ကြွားဝါရန် ကိုယ်ကျင့်တရား အပြုအမူ စံနှုန်းများကို အမြဲ အသုံးပြုခြင်းသည် ငါသာလျှင်အမြတ်ဆုံးဟု ထင်ခြင်း ဖြစ်သည်။ ငါသာလျှင်အမြတ်ဆုံးဟုထင်သာ ဤလူများတွင် သမ္မာတရားရှိသလော။ သမ္မာတရားကို ၎င်းတို့ လက်ခံပြီး ကျိုးနွံနာခံနိုင်ကြသလော။ သေချာပေါက် မနာခံနိုင်ကြပေ။ ၎င်းတို့ကို တန်ခိုးအာဏာနှင့် အဆင့်အတန်းပေးထားလျှင် ဘုရားသခင်ကို ၎င်းတို့ ဆန့်ကျင်ကာ သူ့ကို ယုံကြည်သည့်လူတို့အား ရက်စက်စွာ နှိပ်စက်ညှဉ်းပန်းနိုင်မည်လော။ ၎င်းတို့သည် ဤအရာကို လုပ်ဆောင်နိုင်စွမ်းရှိသည်ထက် ပိုကြသည်။ ယင်းက ၎င်းတို့အနေဖြင့် မိမိတို့၏ သဘာဝတွင် ယုတ်မာသည့် စိတ်ထားရှိကြဆဲဖြစ်ကြောင်းနှင့် ၎င်းတို့၏ သဘာဝသည် စာတန်နှင့် သက်ဆိုင်ကြောင်းကို ဖော်ပြပေသည်။ ဤအရာကို အခြေခံ၍ အသိပညာနှင့် ရိုးရာယဉ်ကျေးမှုတို့ဖြင့် အမြဲ အသက်ရှင်ကြသူများအားလုံး မကောင်းမှုလုပ်နိုင်ပြီး ဘုရားသခင်ကို အတိုက်အခံလုပ်နိုင်သည့် ကြောင်သူတော်များ ဖြစ်ကြောင်း ဆုံးဖြတ်၍ရသည်။ လူအချို့သည် ဘုရားသခင်ကို နှစ်အချို့ကြာ ယုံကြည်ပြီးဖြစ်သည်။ သို့တိုင်အောင် အံ့ဩစရာကောင်းလောက်အောင်ကို ၎င်းတို့သည် ရိုးရာယဉ်ကျေးမှုနှင့် အသိပညာအပေါ် ပိုင်းခြားသိမြင်နိုင်စွမ်း မရှိကြချေ။ အနှစ်သာရအားဖြင့် ဤအရာများသည် စာတန်ဆန်သော အတွေးအခေါ်များ၊ ဆင်ခြင်တွေးခေါ်မှုစနစ်နှင့် ဥပဒေသများဖြစ်ပြီး လူတို့ကို ထိခိုက်နစ်နာစေသည့် အသိပညာနှင့် ယဉ်ကျေးမှုဖြစ်ကြောင်းကို လုံးလုံးလျားလျား နားမလည်နိုင်ကြပေ။ ထိုသို့သော လူများတွင် သမ္မာတရား စစ်မှန်မှုရှိသလော။ ရိုးရာယဉ်ကျေးမှုနှင့် အသိပညာတို့ကို မရိပ်စားနိုင်သကဲ့သို့ ယင်းတို့အပေါ် ပိုင်းခြားသိမြင်နိုင်စွမ်း မရှိကြသည့်လူများသည် သမ္မာတရားကို လုံးဝ နားမလည်ကြသည့်လူများဖြစ်ပြီး သမ္မာတရား စစ်မှန်မှု စိုးစဉ်းမျှ မပိုင်ဆိုင်ကြသည့်သူများ ဖြစ်သည်။ အသိပညာအမျိုးအစားအချို့ကလည်း လူတို့ကို ကောင်းမြတ်စေရန် ကူညီနိုင်ပြီး ဤအသိပညာအမျိုးအစားများက လူတို့ကို ကောင်းသည့်လုပ်ဆောင်ချက်များ လုပ်ဆောင်ရန် ညွှန်ကြားနိုင်သည်ဟု တွေးထင်သည့်လူများ ရှိသည်။ ဤသည်မှာ အလွန်မှားယွင်း၏။ အသိပညာသည် အသက် မဟုတ်။ စည်းမျဉ်းစည်းကမ်းတစ်မျိုးဖြစ်သည်၊ သမ္မာတရားနှင့် ဆန့်ကျင်ဘက်တွင် ရှိပြီး မှားယွင်းပြီး အဓိပ္ပာယ်မဲ့သောအရာတစ်ခု ဖြစ်သည်။ လူတစ်ဦး အသိပညာက မည်မျှ မြင့်မားသည်ဖြစ်စေ၊ နက်ရှိုင်းသည်ဖြစ်စေ လူသားမျိုးနွယ်၏ ဖောက်ပြန်ပျက်စီးသော အနှစ်သာရ သို့မဟုတ် ၎င်းတို့၏ ကိုယ်ပိုင် သဘာဝ သို့မဟုတ် ဖောက်ပြန်ပျက်စီးသော လူသားမျိုးနွယ်က မည်သည့်အရာဖြစ်သည်ဟူသည်ကို ၎င်းတို့ မရိပ်စားမိနိုင်ကြပေ။ သို့ဆိုလျှင် ၎င်းတို့၏ အသိပညာ အသုံးဝင်မှုမှာ အဘယ်နည်း။ ထိုအရာမှာ အပေါ်ယံအဆန်ဆုံးနှင့် အလှည့်စားဆုံးသော အယူဝါဒဖြစ်သည် မဟုတ်လော။ ကွန်ဖြူးရှပ်ဝါဒီ သဘောတရားနှင့် “တောင်တေချင်း” ကဲ့သို့ ဤဂန္တဝင် တရုတ် ပညာရှိစာအုပ်များဟု ခေါ်သည့်စာအုပ်များထဲရှိ စကားများသည် မှန်သယောင်ရှိသော်လည်း စင်စစ်မှားကြသည်၊ ယင်းတို့သည် လူများကို အထင်အမြင်မှားစေသည့် နတ်ဆိုးဆန်သော စကားများဖြစ်သည်။ ကြောင်သူတော်ဆန်သော အယူလွဲများနှင့် မှားယွင်းပြီး အဓိပ္ပာယ်မဲ့သောအရာများဖြစ်ကာ စာတန်ဆန်သော အဆိပ်များနှင့် ဆင်ခြင်တွေးခေါ်မှုစနစ်ဖြစ်သည်။ လူအချို့သည် ဤအရာများကို သမ္မာတရားအဖြစ် ကိုးကွယ်ကြသည်။ ၎င်းတို့သည် ဘုရားသခင်ကို ယုံကြည်သူများ ဖြစ်ကြသေးသလော။ သင်၏ စိတ်နှလုံးတွင် ဘုရားသခင်ကို သင် ယုံကြည်ပြီး နေ့စဉ် တရားဒေသနာများကို နားထောင်ကာ ဘုရားနှုတ်ကပတ်တော်များကို ဖတ်ရှုလျှင် အဘယ်ကြောင့် သမ္မာတရားကို သင် နားမလည်နိုင်သနည်း။ သမ္မာတရားအား သင်၏ လိုက်စားမှု ရည်မှန်းချက်ပန်းတိုင်အဖြစ် သင် အဘယ်ကြောင့် မဖြစ်စေနိုင်သနည်း။ ဤလူများသည် အမိုက်မဲဆုံးနှင့် လုံးလုံးလျားလျား မသိနားမလည်သည့် လူများဖြစ်သည်။ ၎င်းတို့သည် လူသားကဲ့သို့ ဝတ်စားဆင်ယင်ထားသည့် သားရဲတိရစ္ဆာန်များဖြစ်ပြီး လူသား မဟုတ်ကြပေ။

သမ္မာတရားဟူသည်မှာ အဘယ်နည်း။ ဦးစွာပထမ လောကီဆိုင်ရာ ဆက်ဆံမှုများအတွက် အတွေးအခေါ်များသည် မုချ သမ္မာတရား မဟုတ်ကြောင်းနှင့် ကျော်ကြားသူများနှင့် ကြီးမြတ်သော ပုဂ္ဂိုလ်များ၏ ဆောင်ပုဒ်များသည် သမ္မာတရားမဟုတ်ကြောင်းကို သတ်မှတ်ပိုင်းခြားထားရမည်။ ကွန်ဖြူးရှပ်ဝါဒနှင့် တာအိုဝါဒမှ ဆိုရိုးများ၊ ဖောက်ပြန်ပျက်စီးသော လူသားမျိုးနွယ်က အမွေဆက်ခံပြီး အများအားဖြင့် အသိအမှတ်ပြုကြသည့် ကောင်းမွန်သော အပြုအမူများနှင့် လုပ်ရပ်များ၊ လူတို့၏ စိတ်များကို လမ်းညွှန်ပေးသည့် အရာများနှင့် သီအိုရီများ စသည်ဖြင့် ဤအရာများထဲမှ တစ်ခုမျှ သမ္မာတရား မဟုတ်ချေ။ အခြားသူများကို ကူညီခြင်းမှ ပီတိခံစားခြင်းသည် သမ္မာတရား ဟုတ်သလော။ (မဟုတ်ပါ။) အခြားသူများကို ကူညီခြင်းမှ ပီတိခံစားခြင်းနှင့် ရက်ရောခြင်းတို့သည် ကောင်းမွန်သည့် လုပ်ရပ်များဖြစ်ပြီး ကြင်နာတတ်သော လူတစ်ဦးသည် အနည်းဆုံးအနေဖြင့် စာနာတတ်ပြီး အခြားသူများအပေါ် သနားတတ်သည်။ ဤသည်မှာ သမ္မာတရားနှင့် အဘယ်သို့ မကိုက်ညီသနည်း။ (လူတို့ကို ၎င်းတို့ ကူညီသည့်ပုံတွင် စည်းမျဉ်းများ မရှိပါ။) စည်းမျဉ်းများမရှိဘဲ လူတို့ကို ကူညီခြင်းသည် လူကောင်းတစ်ဦးဖြစ်ခြင်း ဖြစ်သလော။ ယင်းမှာ လူ့အကြိုက်လိုက်သူတစ်ဦးဖြစ်ခြင်း ဖြစ်ပြီး လူတိုင်းနှင့် သင့်မြတ်ရန် ကြိုးစားနေခြင်းသာ ဖြစ်သည်။ မိမိ၏ မိဘများအပေါ် သားသမီးဝတ်ကျေပွန်ခြင်းသည် သမ္မာတရားဖြစ်သလော။ (မဟုတ်ပါ။) မိမိ၏ မိဘများအပေါ် သားသမီးဝတ် ကျေပွန်ခြင်းသည် မှန်ကန်ပြီး အပြုသဘောဆောင်သော အရာတစ်ခု ဖြစ်သော်လည်း သမ္မာတရား မဟုတ်ဟု ငါတို့ အဘယ်ကြောင့် ဆိုရသနည်း။ (အဘယ်ကြောင့်ဆိုသော် လူတို့သည် မိမိတို့၏ မိဘများကို စည်းမျဉ်းများဖြင့် သားသမီးဝတ်ကျေပွန်ခြင်း မဟုတ်သကဲ့သို့ ၎င်းတို့၏ မိဘများက အမှန်တကယ် မည်သည့်လူစားမျိုးများဖြစ်သည်ကို ၎င်းတို့ ပိုင်းခြားသိမြင်နိုင်ခြင်း မရှိကြသောကြောင့် ဖြစ်ပါသည်။) လူတစ်ဦးက မိမိ၏ မိဘများအား မည်သို့ ဆက်ဆံသင့်သည်ဆိုသည်မှာ သမ္မာတရားနှင့် ဆက်စပ်ပေသည်။ သင်၏မိဘများက ဘုရားသခင်ကို ယုံကြည်ပြီး သင့်ကို ကောင်းစွာ ဆက်ဆံပါက သင်သည် ၎င်းတို့အပေါ် သားသမီးဝတ် ကျေပွန်သင့်သလော။ (ကျေပွန်သင့်ပါသည်။) သင်သည် မည်သို့ သားသမီးဝတ်ကျေပွန်သနည်း။ သင်သည် ၎င်းတို့ကို ညီအစ်ကို မောင်နှမများနှင့် ကွဲပြားစွာ ဆက်ဆံ၏။ သင်သည် ၎င်းတို့ပြောသမျှကို လုပ်ဆောင်ပြီး ၎င်းတို့အိုမင်းလျှင် သင်သည် ၎င်းတို့ကို ပြုစုစောင့်ရှောက်ဖို့ ၎င်းတို့ဘေးတွင် နေပေးရမည် ဖြစ်သည်။ ယင်းက သင်၏တာဝန်ကို သွားရောက်ထမ်းဆောင်ခြင်းမှ တားဆီးသည်။ ယင်းကို လုပ်ဆောင်သည်မှာ မှန်ကန်သလော။ (မမှန်ကန်ပါ။) ထိုသို့သော အချိန်များတွင် သင်သည် မည်သည့်အရာကို လုပ်သင့်သနည်း။ ဤသည်က အခြေအနေများပေါ်တွင် မူတည်သည်။ သင်သည် သင်၏နေအိမ် အနီးအနားတွင် သင်၏တာဝန်ကို ထမ်းဆောင်နေစဉ် ၎င်းတို့ကို ပြုစုစောင့်ရှောက်နိုင်သေးပါက၊ ပြီးလျှင် ဘုရားသခင်၌ သင်၏ ယုံကြည်မှုကို သင်၏မိဘများက မကန့်ကွက်ပါက သင်သည် သားတစ်ဦး၊ သို့မဟုတ် သမီးတစ်ဦးအဖြစ် မိမိ၏တာဝန်ကို ဖြည့်ဆည်းသင့်ပြီး သင်၏မိဘများကို အလုပ်ကိစ္စအချိုတွင် ကူညီပေးသင့်သည်။ ၎င်းတို့က နာမကျန်းဖြစ်လျှင် ၎င်းတို့ကို စောင့်ရှောက်လော့။ တစ်စုံတစ်ခုကြောင့် ၎င်းတို့စိတ်ညစ်နေလျှင် ၎င်းတို့ကို နှစ်သိမ့်ပေးလော့။ သင်၏ငွေရေးကြေးရေးက အခြေအနေ ပေးလျှင် သင်၏ ရသုံးငွေစာရင်းနှင့် ကိုက်ညီစွာ ၎င်းတို့အတွက် အာဟာရ ဖြည့်စွက်စာများ ဝယ်ပေးလော့။ သို့ရာတွင် သင်သည် သင်၏ တာဝန်နှင့်အလုပ်ရှုပ်နေကာ သင်၏မိဘများကို ပြုစုစောင့်ရှောက်မည့်သူ တစ်ဦးမျှ မရှိဘဲ ၎င်းတို့ကလည်း ဘုရားသခင်ကို ယုံကြည်ပါက သင်သည် မည်သည့်အရာကို လုပ်ဆောင်ရန် ရွေးချယ်သင့်သနည်း။ သင်သည် မည်သည့်သမ္မာတရားကို လက်တွေ့လုပ်ဆောင်သင့်သနည်း။ မိဘအပေါ် သားသမီးဝတ်ကျေခြင်းသည် သမ္မာတရားမဟုတ်ဘဲ လူသား၏ တာဝန်နှင့် ဝတ္တရားသာဖြစ်သောကြောင့် သင်၏ ဝတ္တရားသည် သင်၏အလုပ်တာဝန်ဖြင့် ကွဲလွဲဆန့်ကျင်နေလျှင် မည်သည့်အရာကို လုပ်ဆောင်သင့်သနည်း။ (ကျွန်ုပ်၏ တာဝန်ကို ဦးစားပေးပြီး တာဝန်ကို ရှေ့တန်းတင်ရမည်။) ဝတ္တရားတစ်ခုသည် လူတစ်ဦး၏ အလုပ်တာဝန်တစ်ခု သေချာပေါက် မဟုတ်ပေ။ မိမိ၏အလုပ်တာဝန်ကို ထမ်းဆောင်ရန် ရွေးချယ်ခြင်းသည် သမ္မာတရားကို လက်တွေ့လုပ်ဆောင်ခြင်းဖြစ်သည်။ ဝတ္တရားတစ်ခုကို ဖြည့်ဆည်းခြင်းမှာမူ ဤသို့မဟုတ်ပေ။ သင့်၌ ဤအခြေအနေရှိလျှင် ဤတာဝန်၊ သို့မဟုတ် ဝတ္တရားကို သင် ဖြည့်ဆည်းနိုင်သည်။ သို့သော် လက်ရှိအနေအထားက ခွင့်မပြုလျှင် မည်သည့်အရာကို သင် လုပ်ဆောင်သင့်သနည်း။ သင်က “ကျွန်ုပ်၏တာဝန်ကို လုပ်ဆောင်ရမည်။ ယင်းက သမ္မာတရားကို လက်တွေ့လုပ်ဆောင်ခြင်းဖြစ်သည်။ ကျွန်ုပ်၏ မိဘများအပေါ် သားသမီးဝတ်ကျေခြင်းသည် ကျွန်ုပ်၏ အသိစိတ်အားဖြင့် အသက်ရှင်သန်ခြင်းဖြစ်ပြီး သမ္မာတရားကို လက်တွေ့လုပ်ဆောင်ခြင်းနှင့်ပတ်သက်၍ စံမမီပါ” ဟု ပြောသင့်သည်။ ထို့ကြောင့် သင်၏ တာဝန်ကို ဦးစားပေးပြီး ထိန်းသိမ်းသင့်၏။ သင်သည် ယခုအခါတွင် တာဝန်မရှိလျှင်၊ အိမ်နှင့် ဝေးကွာစွာ အလုပ်မလုပ်ရဘဲ သင်၏ မိဘများနှင့် နီးကပ်စွာ နေထိုင်လျှင် ၎င်းတို့အား စောင့်ရှောက်ရန် နည်းလမ်းများကို ရှာလော့။ ၎င်းတို့ အနည်းငယ် ပို၍ ကောင်းစွာ အသက်ရှင်နိုင်ပြီး ဒုက္ခလျော့နည်းစေရန် အကောင်းဆုံး လုပ်ဆောင်လော့။ သို့သော် ဤသည်မှာလည်း သင်၏ မိဘများက မည်သို့သော လူစားမျိုးဖြစ်သည်ဆိုသည့်အပေါ်တွင် မူတည်သည်။ သင်၏ မိဘများက ညံ့ဖျင်းသော လူ့သဘာဝရှိပြီး သင့်အား ဘုရားသခင်ကို ယုံကြည်ခြင်းမှ အစဉ် ဟန့်တားလျှင်၊ ထို့ပြင် ဘုရားသခင်အား သင် ယုံကြည်ခြင်းမှလည်းကောင်း၊ သင်၏တာဝန်ကို ထမ်းဆောင်ခြင်းမှလည်းကောင်း သင့်အား အဝေးသို့ မပြတ် ဆွဲခေါ်နေလျှင် မည်သည့်အရာကို သင် လုပ်ဆောင်သင့်သနည်း။ သင်လက်တွေ့လုပ်ဆောင်သင့်သည့် သမ္မာတရားမှာ အဘယ်နည်း။ (ပစ်ပယ်ခြင်းဖြစ်ပါသည်။) ဤအချိန်တွင် ၎င်းတို့ကို သင်ပစ်ပယ်ရမည်။ သင်၏ ဝတ္တရားကို သင် ဖြည့်ဆည်းပြီးဖြစ်သည်။ သင်၏ မိဘများက ဘုရားသခင်ကို မယုံကြည်ပေ။ ထို့ကြောင့် ၎င်းတို့အပေါ် သားသမီးဝတ်နှင့်အညီ လေးစားမှုပေးရန် သင့်တွင် ဝတ္တရားမရှိပေ။ ၎င်းတို့က ဘုရားသခင်ကို ယုံကြည်လျှင် ၎င်းတို့သည် မိသားစုဖြစ်သည်။ သင်၏ မိဘများဖြစ်သည်။ မယုံကြည်လျှင် သင်တို့သည် မတူညီသော လမ်းကြောင်းကို လျှောက်နေခြင်းဖြစ်သည်။ ၎င်းတို့သည် စာတန်ကို ယုံကြည်ပြီး နတ်ဆိုးဘုရင်ကို ကိုးကွယ်သည်။ ပြီးလျှင် စာတန်၏လမ်းကို လျှောက်သည်။ ၎င်းတို့သည် ဘုရားသခင်ကို ယုံကြည်သူတို့၏ လမ်းကြောင်းနှင့် မတူသော လမ်းကြောင်းများကို လျှောက်နေကြသည့်လူများဖြစ်၏။ သင်တို့သည် မိသားစု မဟုတ်တော့ပေ။ ၎င်းတို့သည် ဘုရားသခင်အား ယုံကြည်သူများကို ၎င်းတို့၏ ပြိုင်ဘက်၊ ရန်သူများအဖြစ် မှတ်ယူကြသည်။ ထို့ကြောင့် သင်သည် ၎င်းတို့ကို စောင့်ရှောက်ရန် ဝတ္တရားမရှိတော့ဘဲ ၎င်းတို့ကို လုံးဝ အဆက်အသွယ်ဖြတ်ရမည်။ မည်သည့်အရာက သမ္မာတရား ဖြစ်သနည်း။ မိဘများအပေါ် သားသမီးဝတ်ကျေခြင်းလော၊ သို့မဟုတ် မိမိ၏ တာဝန်ထမ်းဆောင်ခြင်းလော။ မိမိ၏ တာဝန်ထမ်းဆောင်ခြင်းက သမ္မာတရား ဖြစ်သည်မှာ မှန်သည်။ ဘုရားသခင်၏ အိမ်တော်တွင် တာဝန်ထမ်းဆောင်ခြင်းသည် မိမိဝတ္တရားကို ဖြည့်ဆည်းခြင်း၊ လုပ်ရမည့်အရာကို လုပ်ခြင်းသက်သက် မဟုတ်ပေ။ ဖန်ဆင်းခံတစ်ဦး၏ တာဝန်ကို ထမ်းဆောင်ခြင်းဖြစ်သည်။ ဤတွင် ဘုရားသခင်၏ စေခိုင်းချက် ပါဝင်သည်။ ဤသည်မှာ သင်၏ ဝတ္တရား၊ သင်၏ တာဝန်ဖြစ်သည်။ ဤသည်မှာ စစ်မှန်သော တာဝန်ဖြစ်သည်။ ဖန်ဆင်းရှင်ရှေ့တွင် သင်၏တာဝန်၊ ဝတ္တရားကို ဖြည့်ဆည်းခြင်းဖြစ်သည်။ ဤသည်မှာ လူတို့အပေါ် ဖန်ဆင်းရှင်၏ တောင်းဆိုချက်ဖြစ်သည်။ ပြီးလျှင် ဘဝ၏ ကြီးမြတ်သော ကိစ္စဖြစ်သည်။ သို့သော် မိဘများကို သားသမီးဝတ်နှင့်အညီ လေးစားမှုပေးခြင်းသည် သားတစ်ယောက်၏ သို့မဟုတ် သမီးတစ်ယောက်၏ တာဝန်နှင့် ဝတ္တရားမျှသာဖြစ်သည်။ ဤသည်မှာ ဘုရားသခင်က တာဝန်ပေးစေခိုင်းခြင်း သေချာပေါက် မဟုတ်ပေ။ ပြီးလျှင် ဘုရားသခင်၏ တောင်းဆိုချက်နှင့် ပို၍ပင် မကိုက်ညီချေ။ ထို့ကြောင့် မိမိ၏မိဘကို သားသမီးဝတ်နှင့်အညီ လေးစားမှုပေးခြင်းနှင့် မိမိ၏တာဝန်ကို ထမ်းဆောင်ခြင်းကြားတွင် မိမိ၏တာဝန်ထမ်းဆောင်ခြင်း တစ်ခုတည်းသာ သမ္မာတရားကို လက်တွေ့လုပ်ဆောင်ခြင်း ဖြစ်သည်မှာ သံသယဖြစ်စရာမရှိပေ။ ဖန်ဆင်းခံတစ်ယောက်အနေဖြင့် မိမိ၏ တာဝန်ထမ်းဆောင်ခြင်းသည် သမ္မာတရားဖြစ်သည်။ ရှောင်လွှဲမရသော တာဝန်တစ်ခုဖြစ်သည်။ မိမိ၏မိဘကို သားသမီးဝတ်နှင့်အညီ လေးစားမှုပေးခြင်းသည် လူတို့အပေါ် သားသမီးဝတ်ကျေခြင်းနှင့်ပတ်သက်သည်။ ယင်းမှာ မိမိ၏ တာဝန်ကို ထမ်းဆောင်ခြင်းဟု အဓိပ္ပာယ်မရသကဲ့သို့ သမ္မာတရားကို လက်တွေ့လုပ်ဆောင်နေသည်ဟူ၍လည်း အဓိပ္ပာယ်မရပေ။ ဤအရာများအကြောင်းကို ဤသို့ မိတ်သဟာယပြုပြီးနောက်တွင် သင့်ဘာသာ ဤအရာများကို ခွဲခြားနိုင်သင့်ပြီး မည်သည့်အရာက သမ္မာတရားဖြစ်ပြီး မည်သည့်အရာက သမ္မာတရား မဟုတ်ဟူသည်ကို သိသင့်ပေသည်။ သမ္မာတရားအဖြစ် အလေးထားခြင်းခံရသော အခြားမည်သည့်အရာများကို လူတို့ တန်ဖိုးထားကြကြောင်းနှင့် ပတ်သက်၍ ယခု တစ်ချက်တွေးကြည့်လော့။ (“အပြုသဘောဆောင်သော စွမ်းအင်”ဟူသည့် ဝေါဟာရကို လူ့အဖွဲ့အစည်းတွင် မကြာခဏ အသုံးပြုသည်။ ဤသည်မှာလည်း အပျက်သဘောဆောင်သော အရာတစ်ခုဖြစ်ပြီး သမ္မာတရား မဟုတ်ပါ။) ဘာသာတရားမရှိသူများ ပြောဆိုသည့် ဝေါဟာရအများစုမှာ ဆိုးယုတ်သောအရာများ ဖြစ်သည်။ “အပြုသဘောဆောင်သော စွမ်းအင်”ဟူသည့် ဝေါဟာရသည် မည်သည့်နောက်ခံမှ ထွက်ပေါ်လာခဲ့သနည်း။ လူ့အဖွဲ့အစည်းတွင် ထွက်ပေါ်သည့် ဤလူကြိုက်များသော ဆိုရိုးများ၊ ထူးဆန်းသည့် သီအိုရီများ သို့မဟုတ် ရေပန်းစားသော စကားများအားလုံးတွင် နောက်ခံတစ်ခုရှိ၏။ ဤရေပန်းစားသော စကားလုံးထွက်ပေါ်လာသည့် နောက်ခံကို သင်တို့ သိကြသလော။ တရုတ်နိုင်ငံတွင် လူမှုရေး အခြေအနေသည် တိုး၍ ဆိုးယုတ်လာနေပြီး လူတို့သည် ကောက်ကျစ်ဆိုးယုတ်မှုကို ထောက်ခံကြသည်။ နတ်ဆိုးများက မည်သည့်အရာ ပြောကြသည်ဖြစ်စေ၊ လုပ်ဆောင်ကြသည်ဖြစ်စေ လူတို့က လိုက်လုပ်ကြသည်။ လူအချို့က ဤအရာကို မခံနိုင်ကြသကဲ့သို့ မှတ်ချက်ပြုကြသော်လည်း ထိုမှတ်ချက်များသည် အသုံးမတည့်သည့်အပြင် မည်သူကမျှလည်း မတုံ့ပြန်ကြချေ။ တရုတ်နိုင်ငံတွင် ဆိုးယုတ်မှုက ရေပန်းစားမှုတစ်ခု ဖြစ်လာပြီးဖြစ်ကာ ဤကောက်ကျစ်ဆိုးယုတ်သည့် ရေပန်းစားမှုကို မည်သည့်လူအုပ်စုကမျှ မတားဆီးနိုင်ပေ။ နိုင်ငံ၏ ကိုယ်ကျင့်တရားက ကုန်လွန်သွားသည့် နေ့ရက် တစ်ရက်စီတိုင်းနှင့်အတူ ဆုတ်ယုတ်နေသည်ဟု လူတိုင်း ခံစားကြရသည်။ ဆိုးယုတ်သည့် မကောင်းဆိုးဝါးများက တန်ခိုးအာဏာရှိသမျှကို ကိုင်စွဲကြပြီး နိုင်ငံနှင့် လူမျိုးကို လုံးဝ ထိန်းချုပ်ထားသည်။ နတ်ဆိုးများက မိမိတို့ အလိုရှိသည့် မည်သည့်အရာကိုမဆို လုပ်ဆောင်ကြပြီး မည်သူကမျှ ၎င်းတို့ကို မတားဆီးနိုင်ကြ။ အများပြည်သူကို လှည့်ဖြားရန်အလို့ငှာ အာဏာရှိသည့်သူတို့သည် လူတို့ကို အထင်အမြင်မှားစေကာ လှည့်ဖြားရန် ဤလုပ်ရပ်အားလုံးက အပြုသဘောဆောင်သော စွမ်းအင်နှင့် သက်ဆိုင်သည်ဟုပင် အခိုင်အမာဆိုလျက် ဟုတ်မှန်သယောင်ရှိသော်လည်း စင်စစ်မှားယွင်းနေသော အရာများစွာကို လုပ်ဆောင်ကြပြီးဖြစ်သည်။ ဤသည်မှာ “အပြုသဘောဆောင်သော စွမ်းအင်”ထွက်ပေါ်ခဲ့သည့် နောက်ခံ ဖြစ်သည်။ “အပြုသဘောဆောင်သော စွမ်းအင်”အားဖြင့် ဘာသာတရားမရှိသူများက မည်သည့်အရာကို ဆိုလိုသနည်း။ ထိုအရာမှာ အကျင့်သိက္ခာ သို့မဟုတ် အပြုအမူကောင်းတစ်မျိုးဟု ၎င်းတို့ ခေါ်ဆိုသည့်အရာ ဖြစ်သည်။ အမှန်တွင် ဤအပြုသဘောဆောင်သော စွမ်းအင်သည် လူ့အဖွဲ့အစည်းတွင် အကျိုးတရားတစ်ခု ရှိနိုင်သလော။ ထိုအရာက ကောက်ကျစ်ဆိုးယုတ်သော ရေပန်းစားမှုများ၏ လွှမ်းမိုးခြင်းကို ဖြေရှင်းနိုင်သလော။ ကောက်ကျစ်ဆိုးယုတ်သော ရေပန်းစားမှုများ ဖြစ်ပေါ်တတ်ခြင်းကို တားဆီးနိုင်သလော။ မတားဆီးနိုင်ပေ။ ထိုအရာက မည်သည့်အရာကိုမျှ မပြောင်းလဲနိုင်။ အဘယ်ကြောင့် မည်သည့်အရာကိုမျှ မပြောင်းလဲနိုင်သနည်း။ “အပြုသဘောဆောင်သော စွမ်းအင်”ဟူသည့် ဝေါဟာရသည် အလွန် အစွမ်းရှိပုံရသည်။ ထို့ကြောင့် ထိုအရာက အဘယ်ကြောင့် မည်သည့်အရာကိုမျှ မပြောင်းလဲပေးနိုင်သနည်း သို့မဟုတ် မည်သည့် ပြဿနာကိုမျှ မဖြေရှင်းပေးနိုင်သနည်း။ ထိုအရာက ကလေးသူငယ်များ တစ်နေ့လုံး အင်တာနက် စွဲလမ်းနေသည့် ပြဿနာကိုပင် မပြောင်းလဲစေနိုင်ပေ၊ သို့မဟုတ် မဖြေရှင်းပေးနိုင်ပေ။ အတိတ်ကာလတွင် လူတို့ကြား၌ ချစ်ခင်မှု အနည်းငယ်အပြင် အသိစိတ်နှင့် ဆင်ခြင်တုံတရား အနည်းငယ် ရှိခဲ့ကြသေးပြီး အိမ်နီးချင်းများကြားတွင် လူ့ကျင့်ဝတ်စည်းကမ်း အနည်းငယ် ရှိခဲ့သေးသော်လည်း ယခုတွင် မတူတော့ပေ။ လူသား ဆက်ဆံရေးများသည် ပြောင်းလဲလွယ်ကာ ဖောက်လှဲ ဖောက်ပြန်ပြုတတ်လာပြီဖြစ်ကာ လူတို့သည် အချင်းချင်း သူစိမ်းများကဲ့သို့သာ ဖြစ်ကြသည်။ လူတို့သည် မိမိတို့၏ အိမ်နီးချင်းများပေါ် မတော်တဆမှုများ ကျရောက်သည်ကို မြင်သည့်အခါတွင်ပင် ဂရုမစိုက်ကြသကဲ့သို့ တစ်စုံတစ်ဦးက အကူအညီတောင်းနေသည်ကို မြင်သည့်အခါတွင် ပါဝင်ပတ်သက်ရန် မဝံ့ရဲကြချေ။ ဤတွင် ပြဿနာမှာ အဘယ်နည်း။ ယင်းမှာ လူတို့အနေဖြင့် ဤကဲ့သို့ ဖြစ်လာရသည်မှာ အပြုသဘောဆောင်သော စွမ်းအင်မရှိသောကြောင့် ဖြစ်သလော။ ယခင်က လူ့အဖွဲ့အစည်းတွင် အပြုသဘောဆောင်သည့် စွမ်းအင် ရှိခဲ့သည်များ ဖြစ်နိုင်မည်လော။ မရှိခဲ့ပေ၊ အတူတူပင် ဖြစ်ခဲ့၏။ “အပြုသဘောဆောင်သော စွမ်းအင်”ဟူသည်မှာ နားကြားကောင်းသည့် ဝေါဟာရတစ်ခုသာ ဖြစ်သည်၊ ထိုအရာ၌ လက်တွေ့ကျသည့်အရာ တစ်ခုမျှ မရှိပေ။ ထိရောက်မှု လုံးဝမရှိသည့် အနှစ်မဲ့သော သီအိုရီတစ်ခု ဖြစ်သည်။

ငါ့ကို ပြောလော့၊ အဘယ်သူ သာ၍ ဆိုးသနည်း။ အတိတ်ကာလမှ လူများလော သို့မဟုတ် ယနေ့ခေတ် လူများလော။ (လူတို့သည် ယခုခေတ်တွင် သာ၍ ဆိုးကြပါသည်။) ယင်းကို သင် မည်သို့ တိုင်းတာသနည်း။ သင်တို့၏ ရှုထောင့်မှာ ယနေ့ခေတ်လူတို့သည် အကြင်နာကင်းကြပြီး မိသားစု မေတ္တာနှင့် စစ်မှန်သော ခင်မင်ရင်းနှီးမှုများ မရှိခြင်း၊ မည်သူကမျှ သစ္စာစောင့်သိခြင်းနှင့်ပတ်သက်၍ သို့မဟုတ် အသိစိတ်နှင့်ပတ်သက်၍ ဂရုမစိုက်ကြောင်းနှင့် လူတို့က “အသိစိတ်သည် မည်မျှ တန်ဖိုးရှိသနည်း”၊ “အသိစိတ်ကရော အဘယ်သို့နည်း။ ငွေရှာခြင်းက ဦးစားပေးဖြစ်သည်”ဟု အမြဲ ပြောကြခြင်း ဖြစ်သည်။ လူတို့အနေဖြင့် ၎င်းတို့၏ အသိစိတ်များ ဆုံးရှုံးကြပြီးဖြစ်သည်ဟုလည်းကောင်း၊ ကုန်ပစ္စည်းများ ရောင်းသည့်အခါ အခြားသူများကို တမင်လျှော့အမ်းခြင်းနှင့် မသန့်ရှင်းသည့် ငွေများကို ရှာဖွေခြင်းက လူတို့အတွက် ယခုခေတ်တွင် ပုံမှန်ဖြစ်သည်ဟုလည်းကောင်း၊ ၎င်းတို့သည် ၎င်းတို့ တတ်နိုင်သည့် မည်သူ့ကိုမဆို ကလိမ်ကျကာ လိမ်ညာ ယူကြသည်ဟုလည်းကောင်း သင်တွေးထင်သည်။ ထိုလူများနှင့် ကွဲပြားခြားနားစွာပင် ရှေးခေတ်တွင် ကျွမ်းကျင်သည့် ကုန်သည်များသည် ကုန်ပစ္စည်းများ ရောင်းချရာတွင် စည်းမျဉ်းများရှိကြသည်ဟုလည်းကောင်း၊ ၎င်းတို့သည် မိမိတို့၏ ကုန်ပစ္စည်းများကို တစ်သမတ်တည်းဖြစ်သောစျေးနှုန်းများဖြင့် ရောင်းချခဲ့ကြသည်ဟုလည်းကောင်း၊ ၎င်းတို့၏ ဝယ်သူအားပေးသူများအားလုံးနှင့် ပတ်သက်၍ လူငယ်ကိုရော၊ လူကြီးကိုပါ ရိုးသားကြပြီး မည်သူကိုမျှ မလှည့်စားခဲ့ကြဟုလည်းကောင်း သင် ယုံကြည်လေသည်။ ထို့ကြောင့် အတိတ်ကာလရှိ လူတို့သည် ယခုခေတ် လူတို့ထက် များစွာ သာ၍ ကောင်းမွန်ကြသည်ဟု သင် ထင်သည်။ ထို့ကြောင့် ဤ “သာ၍ ကောင်းမွန်သည်”ဟူသည့်အရာက မည်သည့်အရာကို ရည်ညွှန်းသနည်း။ ထိုအရာသည် ၎င်းတို့ အသက်ရှင်နေထိုင်ကြသည့် အသိစိတ်နှင့် အပြုအမူများအပေါ် အမှန်တကယ် အခြေခံလေသည်။ သင်သည် လူတို့ကို ဤအရာပေါ် အခြေခံ၍ တိုင်းတာလျှင် အတိတ်ကာလရှိ လူတို့သည် ယခုခေတ်ရှိ လူတို့ထက် သာ၍ ကောင်းမွန်ခဲ့ကြပေသည်။ အတိတ်ကာလရှိ လူတို့သည် သာ၍ ရိုးရှင်းကာ သာ၍ မာယာကင်းခဲ့ကြပြီး ၎င်းတို့တွင် အသိစိတ်နှင့် အရှက်တရား ခံစားချက်တစ်ခု ရှိခဲ့ကြသည်။ ၎င်းတို့တွင် ၎င်းတို့၏ အပြုအမူအတွက် အခြေခံစည်းရှိခဲ့ကြပြီး မည်သည့်အရာကိုမျှ အသိစိတ် ကင်းမဲ့လွန်းခြင်းဖြင့် မလုပ်ဆောင်ခဲ့ကြသကဲ့သို့ လူတို့အား မိမိတို့၏ နောက်ကွယ်တွင် ဝေဖန်စေရန် သို့မဟုတ် မိမိတို့အား မကောင်းသည့်အမည်တစ်ခုပေးစေရန် မည်သည့်အရာကိုမျှ မလုပ်ဆောင်ခဲ့ကြပေ။ ယနေ့ခေတ် လူတို့သည် ထိုအရာများနှင့်ပတ်သက်၍ ဂရုမစိုက်ကြချေ။ ၎င်းတို့တွင် ရှက်စိတ် မရှိကြ။ ငွေရှာကာ မိမိတို့ အောင်မြင်ဖို့သာ အလိုရှိကြသည်။ ထို့ကြောင့် ယနေ့ခေတ် လူတို့သည် ကမ်းကုန်အောင် ဆိုးကြသည်ဟု ဆိုရခြင်း ဖြစ်သည်။ ထို့ကြောင့် ယနေ့ခေတ်၏ ကမ်းကုန်အောင် ဆိုးကြသည့် လူတို့သည် ဤပုံစံဖြင့် အဘယ်သို့ ဖြစ်ပေါ်ခဲ့သနည်း။ ၎င်းတို့သည် မျိုးဆက်တစ်ခုမှနောက်တစ်ခု၊ ရှေးခေတ်များမှသည် မျက်မှောက်ခေတ်ထိ တိုးပွားကြပြီး ဖြစ်သည်သာ မဟုတ်လော။ ယနေ့ခေတ် လူတို့သည် ရှေ့ခေတ်ကာလများရှိ လူတို့နှင့် မည်သည့် ကွာခြားမှုမျှ မရှိပေ။ ၎င်းတို့၏ ဗီဇလက္ခဏာ မပြောင်းလဲသေးသကဲ့သို့ ၎င်းတို့၏ သွင်ပြင်သည်လည်း မပြောင်းလဲသေးပေ။ အသက်ရှင်နေထိုင်မှု အခြေအနေက ရှေးခေတ်ကာလများထက် ပို၍ကောင်းခြင်းသာ ဖြစ်သည်။ ယခုခေတ်တွင် လူတို့သည် သာ၍ ခက်ခဲရှုပ်ထွေးသော အရာများကို သင်ယူကြပြီး သာ၍များသည့် နယ်ပယ်များတွင် ကျွမ်းကျင်ကြသည်၊ ၎င်းတို့၏ အသိပညာသည် ရှေးခေတ်လူတို့ထက် သာ၍ မြင့်မားကြသည်၊ ၎င်းတို့သည် ရှေးလူတို့ထက် သာ၍များသော ကျွမ်းကျင်မှုများ ပိုင်ဆိုင်ကြပြီး မာနထောင်လွှားခြင်း တစ်လုံးတစ်ခဲ ရှိကြလေသည်။ ဤရှုထောင့်အမြင်မှ ငါတို့ ကြည့်လျှင် ယနေ့ခေတ်လူတို့သည် အတိတ်ကာလရှိ လူတို့ထက် သာ၍ ဆိုးသည်ဟု ပြောရန်မှာ မှန်ကန်တိကျသလော။ ဤအဆိုက မှန်ကန်တိကျပြီး သမ္မာတရားနှင့် ကိုက်ညီခြင်းရှိမရှိဟူသည်ကို ငါတို့ အဘယ်သို့ ဆန်းစစ်နိုင်သနည်း။ ထိုအရာနှင့်ပတ်သက်၍ ဤသို့ အသေးစိတ်ရှင်းပြကြစို့။ အင်ပါယာ ခုံရုံး ကျန်းကျူ^က နှင့် ပတ်သက်သည်ဖြစ်စေ၊ သာမန်လူများ၏ ဘဝများနှင့် ပတ်သက်သည်ဖြစ်စေ ရာဇဝင်ဇာတ်လမ်းများကို သင် ကြည့်ရှုသည့်အခါ ဇာတ်ကွက်များက ပဋိပက္ခများဖြင့် ပြည့်နေလိမ့်မည်။ ဤသည်မှာ လူသားမျိုးနွယ်၏ စစ်မှန်သည့် ဘက်ခြမ်း ဖြစ်သည်။ လူသားများသည် သေရေးရှင်ရေး ရုန်းကန်မှုများဖြင့် တန်ခိုးအာဏာနှင့် မိမိတို့ကိုယ်ပိုင် ဆန္ဒများအတွက် အချင်းချင်း ယှဉ်ပြိုင်တိုက်ခိုက်ကြ၏။ ဤတွင် လူသား သဘာဝသည် အလွန် စေ့စေ့စပ်စပ်နှင့် ကွက်ကွက်ကွင်းကွင်း ပေါ်လွင်ပြီး စာတန်နှင့် တစ်ထေရာတည်း ဖြစ်သည်။ ထို့ကြောင့် ယခု ဖြစ်ပျက်နေသည်ဟု သင် မြင်သမျှ အရာအားလုံးသည် အချိန်ကာလတစ်ခုတည်းတွင်သာ ဖြစ်ပွားခဲ့သည်မှာ မှန်သလော။ ဖန်ရွှေ မကောင်းသောကြောင့်၊ ပြီးလျှင် ညစ်ညူးသော မကောင်းဆိုးဝါးများ အုံနေသောကြောင့် ကမ္ဘာမြေပေါ်ရှိ အချို့သော နေရာများတွင် လူတို့သည် အလွန် ပြင်းထန်စွာ ယှဉ်ပြိုင်တိုက်ခိုက်ကြသလော။ သို့မဟုတ် ထိုလူများတွင် ၎င်းတို့ကို သဘာဝအားဖြင့် ရန်လိုစေသည့် မကောင်းသော ဗီဇများရှိကြခြင်း ဖြစ်သလော။ (တစ်ခုမျှ မဟုတ်ပါ။) သို့ဆိုလျှင် ဤပဋိပက္ခများက အဘယ်သို့ ဖြစ်လာသနည်း။ ၎င်းတို့အားလုံးသည် တန်ခိုးအာဏာ၊ အဆင့်အတန်းနှင့် ကိုယ်ကျိုးစီးပွားအတွက် ယှဉ်ပြိုင်တိုက်ခိုက်ခဲ့ကြ၏။ အမြင့်မှ အနိမ့်ထိ မည်သည့် လူမှုအလွှာဖြစ်စေ လူတို့သည် စဉ်ဆက်မပြတ် တိုက်ခိုက်ကာ ယှဉ်ပြိုင်ကြသည်၊ မောပန်းနွမ်းနယ်သည်အထိ တိုက်ခိုက်ကာ မိမိတို့ အသက်များ ဆုံးရှုံးလုနီးပါး ပြိုင်ဆိုင်နေကြလေသည်။ ဤဖြစ်စဉ်မှ မည်သည့်အရာကို ငါတို့ မြင်နိုင်သနည်း။ လူသားရာဇဝင်အားလုံး၏ဖွံ့ဖြိုးတိုးတက်မှုကို အနှစ်ချုပ်ဖော်ပြချက်များနှင့် သမိုင်းနောက်ခံ အချက်အလက်များနှင့်ဆိုင်သော ရှုထောင့်အမြင်များမှ အကဲဖြတ်ရလျှင် လူသားမျိုးနွယ်၏ သဘောသဘာဝသည် လုံးဝ မပြောင်းလဲသေးချေ။ လူတို့သည် စာတန်၏ တန်ခိုးအာဏာအောက်တွင် အသက်ရှင်သရွေ့ ခေတ်အသီးသီးနှင့် အဆင့်အသီးသီးတွင် ဖြစ်ပေါ်သည့် ဘဝ၏ အကြောင်းအရာသည် ယင်း၏ အနှစ်သာရကဲ့သို့ပင် မပြောင်းမလဲရှိနေသည်။ ဤသည်မှာ အဘယ့်ကြောင့်ဆိုသော် လူသား ပဋိပက္ခများ၏ ရည်မှန်းချက်များ၊ အကြောင်းတရားများနှင့် ရင်းမြစ်တို့သည် အမြဲ မပြောင်းလဲသောကြောင့် ဖြစ်သည်။ ၎င်းတို့အားလုံးသည် တန်ခိုးအာဏာ၊ အဆင့်အတန်းနှင့် နောက်ဆုံးတွင် ကိုယ်ကျိုးစီးပွားအတွက် ယှဉ်ပြိုင်တိုက်ခိုက်ခဲ့ကြပေသည်။ ပဋိပက္ခ၏ နည်းလမ်းများအားလုံးသည် အရင်းအမြစ်တစ်ခုတည်း ဖြစ်သည့် စာတန်၏ သဘာဝနှင့် စိတ်သဘောထားတို့မှ အရင်းခံလေသည်။ အဘယ်ကြောင့် လူသား ပဋိပက္ခ၏ နည်းလမ်းများနှင့် နည်းစနစ်များသည် မပြောင်းမလဲ ရှိနေခဲ့သနည်း။ ဤသည်မှာ လူသား သဘာဝကြောင့် လုံးဝ ဖြစ်ပေသည်။ လူတို့သည် တစ်ဦးနှင့်တစ်ဦး လိမ်ညာယူရင်း၊ လှည့်ဖြားရင်းနှင့် လိမ်လည်ရင်း အချင်းချင်း ယှဉ်ပြိုင်တိုက်ခိုက်ပြီး ဒုက္ခပေးရန် နည်းလမ်းတိုင်းကို ဦးနှောက်ခြောက်ခံစဉ်းစားပြီး ရှာဖွေကြသည်။ ၎င်းတို့သည် လှည့်ဖြားတတ်သော နည်းလမ်းမျိုးစုံကို အသုံးပြုကြသည်။ အဓိက နိုင်ငံရေး ပြိုင်ဆိုင်မှုများတွင်ဖြစ်စေ၊ အညတရ မိသားစုများကြား ပဋိပက္ခများတွင်ဖြစ်စေ ၎င်းတို့သည် မိမိတို့၏ ကိုယ်ကျိုးစီးပွားများအတွက် အမြဲ ယှဉ်ပြိုင်တိုက်ခိုက်နေကြ၏။ ဤသည်မှာ လူ့သဘာဝ၏ စစ်မှန်သော စရိုက်၊ လူသားမျိုးနွယ်၏ စစ်မှန်သော သဘောသဘာဝများ ဖြစ်သည်။ မျက်မှောက်ခေတ်ထိ ဖွံ့ဖြိုးတိုးတက်ပြီးဖြစ်သည့် လူသားမျိုးနွယ်သည် မပြောင်းလဲသည့် လူသားမျိုးနွယ် ဖြစ်နေဆဲဖြစ်ပြီး လူသားမျိုးနွယ်ကို ဖောက်ပြန်ပျက်စီးစေသည်မှာ စာတန်တစ်ဦးတည်း ဖြစ်နေဆဲ ဖြစ်သည်။ အပြင်ပန်း ပတ်ဝန်းကျင်က တဖြည်းဖြည်း ပြောင်းလဲနေသော်လည်း ဤသည်မှာ လူသား သဘာဝက ပြောင်းလဲပြီးဖြစ်သည်ဟု မဆိုလိုပေ။ လူသား ပဋိပက္ခများ၏ နည်းစနစ်များနှင့် နည်းလမ်းများ အနည်းငယ်မျှ ပြောင်းလဲပြီးဖြစ်နိုင်သော်လည်း လူ၏ တိုက်ခိုက်တတ်သည့် သဘာဝနှင့် ဤပဋိပက္ခများ၏ စမှတ်တို့သည် လုံးဝ မပြောင်းလဲသေးပေ။ လူသည် တစ်ခုတည်းသော သဘာဝ ရှိနေဆဲဖြစ်ပြီး ဤပဋိပက္ခများ၏ ရည်မှန်းချက်တစ်ခုနှင့် အရင်းအမြစ်တစ်ခု ရှိနေဆဲ ဖြစ်သည်။ ဤအရာများ လုံးဝ မပြောင်းလဲသေးပေ။ အတိတ်ကာလရှိ လူတို့သည် သာ၍ ကောင်းမွန်သည်ဟု သင်တို့ ပြောခဲ့ကြသည်။ မည်သည့်နည်းလမ်းဖြင့် ၎င်းတို့ သာ၍ ကောင်းမွန်ခဲ့ကြသနည်း။ ၎င်းတို့သည် ရိုးရာယဉ်ကျေးမှု၏ ချုပ်ထိန်းခြင်းကို အနည်းငယ် ခံခဲ့ကြရသည်။ ထို့ကြောင့် ၎င်းတို့သည် ကောင်းမှုအချို့ကို အနည်းနှင့်အများ လုပ်နိုင်စွမ်း ရှိခဲ့ကြသည်။ ယခုတွင် လူသားမျိုးနွယ်သည် ယနေ့ထက်တိုင် ဖွံ့ဖြိုးတိုးတက်ကြပြီးဖြစ်ကာ ဘဝအဆင့်အတန်းက မည်မျှ မြင့်မားသည်ဖြစ်စေ၊ အသိပညာနှင့် ပညာရေးကို လူတို့ မည်မျှ ဆည်းပူးသည်ဖြစ်စေ၊ သို့မဟုတ် ၎င်းတို့၏ အတွေ့အကြုံ မည်မျှ ကျယ်ပြန့်သည်ဖြစ်စေ လူသား သဘာဝက မပြောင်းလဲသေးပေ။ ထို့အပြင် လူ့အဖွဲ့အစည်း၏ ဖွံ့ဖြိုးတိုးတက်မှုနှင့်အတူ လူ့သဘာဝနှင့်ဆိုင်သည့် ထုတ်ဖော်ပြမှုများသည်လည်း တိုး၍ ကောက်ကျစ်ဆိုးယုတ်လာနေသည်၊ အရှက်မရှိ ဗြောင်ကျလာနေပြီး မရိုးမဖြောင့် ဖြစ်လာနေပေသည်။ ဘုရားသခင်က နှုတ်ကပတ်တော်မည်မျှ ပြောဆိုသည်ဖြစ်စေ၊ သမ္မာတရား မည်မျှ ဖော်ပြသည်ဖြစ်စေ၊ ယင်းတို့ကို လူတို့က လျစ်လျူရှုကြသည်။ လူတို့သည် သမ္မာတရားကို လုံးဝ မချစ်ကြ။ ထိုအစား သမ္မာတရားကို သာ၍ပင် အလွန်အမင်း မနှစ်မြို့ဖြစ်လာကြပြီးဖြစ်ကာ ထိုသမ္မာတရားအတွက် အမုန်းတရားကို သာ၍ပင် ခံစားမိကြလေသည်။ ယခု လူ့အဖွဲ့အစည်းတွင် ကောင်းမွန်သည့်အရာများ လုပ်ဆောင်သည့် လူများတစ်ဦးတစ်လေ ရှိသလော။ (ရှိပါသည်၊ သို့သော်လည်း ယခင်ထက် နည်းပါးသွားပြီဖြစ်သည်။) သို့ဆိုလျှင် ဤလူများက ကောင်းကြောင်းနှင့် ၎င်းတို့ ဆိုးမလာကြကြောင်း သင် ပြောနိုင်သလော။ (မပြောနိုင်ပါ။) ၎င်းတို့သည် လူ့လောကနှင့် အဆက်အသွယ် ဖြတ်ပြီး နေထိုင်နေခြင်း မဟုတ်သည်မှာ သေချာသည် မဟုတ်လော။ မည်သည့် ကောင်းသည့်အရာမျိုးများကို ၎င်းတို့ လုပ်ဆောင်ကြသနည်း။ ယင်းတို့သည် အပြုအမူကောင်းများနှင့် ရည်ရွယ်ချက်ကောင်းများသာ ဖြစ်သည်။ သင်သည် ၎င်းတို့ကို လူကောင်းတစ်ဦးဖြစ်ကာ ဘုရားသခင်ကို ကိုးကွယ်ရန်အလို့ငှာ ဘုရားသခင်၌ ယုံကြည်ခြင်းကဲ့သို့သော ဘုရားသခင်၌ ယုံကြည်ခြင်းနှင့် ဆိုင်သည့် ကိစ္စရပ်များအကြောင်း ပြောလျှင် ၎င်းတို့၏ တုံ့ပြန်မှုများကို လေ့လာစောင့်ကြည့်လော့။ ဘုရားသခင်ကို ယုံကြည်လျှင် အစိုးရ၏ နှိပ်စက်ညှဉ်းပန်းခြင်းဖြင့် အဆုံးသတ်ရလိမ့်မည်ကို ၎င်းတို့ ကြားလျှင် သင့်ကို ရန်သူတစ်ဦးကဲ့သို့ ဆက်ဆံကြလိမ့်မည်ဖြစ်ကာ လှောင်ကြလိမ့်မည်ဖြစ်သည်။ သင် လိုက်ဖမ်းခံရပြီး နှိပ်စက်ခြင်းခံနေရကာ ၎င်းတို့အိမ်များတွင် အနည်းငယ်ကြာ ပုန်းအောင်းရန် သင် ကြိုးစားလျှင် ၎င်းတို့က သင့်ကို တိုင်ကြားကြလိမ့်မည်ဖြစ်ကာ အစိုးရထံ အပ်နှံကြလိမ့်မည် ဖြစ်သည်။ ၎င်းတို့သည် ကားတိုက်ခံရသည့် သူတစ်ဦးကို ၎င်း၏ အသက်အား ကယ်ရန် ဆေးရုံသို့ ခေါ်သွားကြလိမ်မည် ဖြစ်သည့်တိုင် ဘုရားသခင်ကို ယုံကြည်သည့် လူကောင်းတစ်ဦးကိုလည်း နှိပ်စက်ညှဉ်းပန်းခြင်း ခံရရန် သို့မဟုတ် သေသည်ထိပင် နှိပ်စက်ခြင်းခံရရန် ဆိုးယုတ်သည့် မကောင်းဆိုးဝါးများ၏ လက်ထဲသို့ ပို့ကြလိမ့်မည် ဖြစ်သည်။ ဤအရာကို သင်မည်သို့ ရှင်းပြမည်နည်း။ မည်သည့် အပြုအမူက ၎င်းတို့၏ သဘာဝကို ထင်ဟပ်သနည်း။ ဒုတိယတစ်ခုက ၎င်းတို့၏ သဘာဝ ဖြစ်၏။ ၎င်းတို့သည် အခြားလူတို့ကို ကယ်တင်ပြီး အခြားသောလူတို့ကိုလည်း သေစေနိုင်သည့် အခြေအနေများထဲတွင် ထားရှိကြသည်။ ထိုသို့သော လူများသည် လူသားများလော၊ သို့မဟုတ် မကောင်းဆိုးဝါးများလော။ လူတစ်ဦးက မိမိ၏ ဆိုးယုတ်သော သဘာဝကို မစွန့်ပယ်သည့် ရက်တစ်ရက်သာရှိလျှင် မကောင်းမှုကို လုပ်နိုင်စွမ်းရှိကာ ဘုရားသခင်ကို အတိုက်အခံလုပ်နိုင်စွမ်းရှိလိမ့်မည် ဖြစ်သည်။ ဘုရားသခင်ကို ၎င်းတို့ အတိုက်အခံ လုပ်နိုင်သရွေ့ လူကောင်းများ မဟုတ်ကြပေ။ ဤအဆိုသည် မှန်ကန်သလော။ (မှန်ပါသည်။) ထိုအရာနှင့်ပတ်သက်၍ မည်သည့်အရာ မှန်ကန်သနည်း။ (၎င်းတို့ လက်တွေ့လုပ်ဆောင်သည့်အရာသည် သမ္မာတရား မဟုတ်ပါ။ ၎င်းတို့၏ အပြင်ပန်း လုပ်ရပ်များနှင့် အပြုအမူများက မည်မျှ ကောင်းမွန်သည်ဖြစ်စေ ၎င်းတို့၏ သဘာဝက ဘုရားသခင်ကို ရန်လိုဆဲဖြစ်ပါသည်။) ၎င်းတို့၏ သဘာဝက ဘုရားသခင်ကို ရန်လို၏။ ဤအဆို မှန်ပေသည်။ ဤအဆိုကို ငါတို့ အဘယ်သို့ ရှင်းပြကြသနည်း။ ဘုရားသခင်ကို ရန်လိုသည့် တစ်စုံတစ်ဦးသည် လူကောင်းတစ်ဦးမဟုတ်ကြောင်း အဘယ်ကြောင့် ငါတို့ ဆိုကြသနည်း။ (ဘုရားသခင်သည် အပြုသဘောဆောင်သည့် အရာအားလုံး၏ သင်္ကေတတစ်ခု ဖြစ်သည်။ တစ်စုံတစ်ဦးသည် ဘုရားသခင်ကို ရန်လိုနိုင်လျှင် ၎င်းတို့အထဲတွင် ရှိသည့်အရာသည် အပျက်သဘောသာ ဖြစ်သည်။) သဘောတရားအရ၊ ယင်းမှာ အမှန်တရားဖြစ်ပြီး ယင်းအဆို မှန်ပေသည်။ တစ်စုံတစ်ဦးသည် အပြင်ပန်းတွင် မည်မျှ ကောင်းမွန်ပုံရသည်ဖြစ်စေ၊ ဘုရားတရား ကိုင်းရှိုင်းပုံရသည်ဖြစ်စေ၊ အခြားသူများကို ကူညီခြင်းမှ ပီတိကို မည်မျှ ခံစားသည်ဖြစ်စေ၊ သို့မဟုတ် အခြားသူများကို မည်မျှ ကြင်နာသည်ဖြစ်စေ၊ အပြုသဘောဆောင်သည့် အရာများကို ကြားသည့်အခါ မနှစ်သက်ခြင်းနှင့် ရွံမုန်းမှုကို ခံစားရလျှင်၊ သမ္မာတရားကို ကြားသည့်အခါ လက်မခံနိုင်သကဲ့သို့ ထိုသမ္မာတရားကို အလွန်အမင်း မနှစ်မြို့ဖြစ်လျှင် ၎င်းသည် မည်သည့် လူစားမျိုး ဖြစ်သနည်း။ သူသည် လူကောင်းတစ်ဦး မဟုတ်ပေ။ အပြုသဘောဆောင်သည့် အရာများနှင့် သမ္မာတရားတို့၏ ရန်သူများသည် လူကောင်းများ မဟုတ်။ ယေဘုယျအားဖြင့် ထိုသို့ သင် ပြောနိုင်သည်။ ဤအရာအတွင်းတွင် အသေးစိတ်အချက် များစွာ ရှိသည်မှာ အမှန်ဖြစ်၏။ ဥပမာတစ်ခုကို သင့်အား ငါပြောပြမည်။ ပြီးလျှင် ဤအဆိုက အဘယ်ကြောင့် အမှန်တရားဖြစ်သည်ကို သင် နားလည်လိမ့်မည်။ ဥပမာအားဖြင့် လူအချို့သည် ဘုရားသခင်ကို ယုံကြည်ကာ မိမိတို့ တာဝန်များကို ထမ်းဆောင်ကြသောကြောင့် မိမိတို့၏ မိသားစုများကို စွန့်လွှတ်ကြသည်။ ဤအရာကြောင့် ၎င်းတို့ လူသိများလာကြပြီး အစိုးရက ၎င်းတို့၏ အိမ်ကို မကြာခဏ ရှာဖွေကြသည်၊ ၎င်းတို့၏ မိဘများကို အနှောင့်အယှက်ပေးကြပြီး ၎င်းတို့ကို လွှဲအပ်ရန် ၎င်းတို့၏ မိဘများကိုပင် ခြိမ်းခြောက်ကြလေသည်။ ၎င်းတို့၏ အိမ်နီးချင်းများအားလုံးက “ဤလူတွင် အသိစိတ် မရှိပါ။ သူသည် မိမိ၏ သက်ကြီးရွယ်အို မိဘများကို ဂရုမစိုက်ပါ။ သူသည် သားသမီးဝတ်မကျေပွန်ရုံမက မိမိ၏ မိဘများအတွက် ဒုက္ခများစွာလည်း ဖြစ်စေသည်။ သူသည် သားသမီးဝတ် မကျေပွန်သော သားသမီးတစ်ဦး ဖြစ်သည်”ဟု ဆိုလျက် ၎င်းတို့နှင့်ပတ်သက်၍ ပြောဆိုကြလေသည်။ ဤစကားများထဲမှ တစ်ခုတလေသည် သမ္မာတရားနှင့် ကိုက်ညီသလော။ (မကိုက်ညီပါ။) သို့ရာတွင် ဘာသာတရားမရှိသူများ၏ အမြင်တွင် ဤစကားများအားလုံးကို မှန်ကန်သည်ဟု ယူဆထားကြသည် မဟုတ်လော။ ဘာသာတရားမရှိသူများကြားတွင် ဤသည်မှာ သဘာဝအကျဆုံးနှင့် ယုတ္တိအတန်ဆုံး ရှုမြင်ပုံရှုမြင်နည်း ဖြစ်ကာ ယင်းသည် လူ့ကျင့်ဝတ်များနှင့် ကိုက်ညီသကဲ့သို့ လူသား အပြုအမူ၏ စံနှုန်းများနှင့်အညီဖြစ်သည်ဟု တွေးထင်ကြလေသည်။ ဤစံနှုန်းများတွင် မိဘများကို သားသမီးဝတ်နှင့်ညီသော ရိုသေလေးစားမှု မည်သို့ပြရမည်၊ ၎င်းတို့၏ အိုမင်းသော အရွယ်တွင် ၎င်းတို့ကို မည်သို့ စောင့်ရှောက်ကာ ၎င်းတို့၏ အသုဘကိစ္စများအား စီစဉ်ပေးရမည် သို့မဟုတ် ၎င်းတို့ကို မည်မျှ ပြန်ကျေးဇူးဆပ်ရမည်ဆိုသည်နှင့်၊ ဤစံနှုန်းများက သမ္မာတရားနှင့် ကိုက်ညီခြင်း ရှိမရှိဆိုသည်တို့ကဲ့သို့သော အကြောင်းအရာ မည်မျှ ပါဝင်သည်ဖြစ်စေ ဘာသာတရားမရှိသူများ၏ အမြင်တွင် ထိုအရာများသည် အပြုသဘောဆောင်သော အရာများဖြစ်သည်၊ အပြုသဘောဆောင်သော စွမ်းအင်ဖြစ်သည်၊ ထိုအရာများက မှန်ကန်ပြီး လူအုပ်စုအားလုံးအတွင်းတွင် အပြစ်ကင်းသော အရာအဖြစ် ယူဆထားကြလေသည်။ ဘာသာတရားမရှိသူများကြားတွင် ဤသည်တို့မှာ လူတို့ အသက်ရှင်ရမည့် စံနှုန်းများဖြစ်ပြီး သင့်အနေဖြင့် ၎င်းတို့၏ စိတ်နှလုံးများတွင် လုံလုံလောက်လောက် ကောင်းမွန်ရန် ဤအရာများကို လုပ်ဆောင်ရမည်ဖြစ်သည်။ ဘုရားသခင်ကို သင် ယုံကြည်ကာ သမ္မာတရားကို နားမလည်မီတွင် ထိုသို့သော အပြုအမူသည် လူကောင်းတစ်ဦးဖြစ်ခြင်းဖြစ်သည်ကို သင်လည်း ခိုင်ခိုင်မာမာ ယုံကြည်ခဲ့သည် မဟုတ်လော။ (ယုံကြည်ခဲ့ပါသည်။) ထို့အပြင် သင်သည် မိမိကိုယ်ကို ဆန်းစစ်ရန် နှင့် မိမိကိုယ်ကို ချုပ်တည်းရန် ဤအရာများကို အသုံးပြုခဲ့ပြီး ဤလူစားမျိုးဖြစ်ရန် သင့်ကိုယ်သင် တောင်းဆိုခဲ့သည်။ သင့်အနေဖြင့် လူကောင်းတစ်ဦးဖြစ်လိုလျှင် သင်၏ အပြုအမူ စံနှုန်းများဖြစ်သည့် သင်၏ မိဘများကို မည်သို့ သားသမီးဝတ်ကျေပွန်ရမည်၊ ၎င်းတို့ကို သင် မည်သို့ စိုးရိမ်မှုလျော့နည်းစေရမည်၊ ၎င်းတို့ထံ မည်သို့ ဂုဏ်ဆောင်ပေးပြီး လေးစားခံရအောင် လုပ်ပေးမည်ဆိုသည်နှင့် သင်၏ ဘိုးဘေးများအတွက် မည်သို့ဂုဏ်ဆောင်ပေးရမည်ဆိုသည့် ဤအရာများကို သင် မုချ ပါဝင်စေရမည်ဖြစ်သည်။ ဤသည်တို့မှာ သင်၏ စိတ်နှလုံးတွင် ရှိခဲ့သည့် အပြုအမူ စံနှုန်းများဖြစ်ပြီး သင့် အပြုအမူ၏ ဦးတည်ချက် ဖြစ်ခဲ့သည်။ သို့ရာတွင် ဘုရားနှုတ်ကပတ်တော်များနှင့် သူ၏ တရားဒေသနာများကို သင် နားထောင်ပြီးသည့်နောက်တွင် သင်၏ ရှုထောင့် စတင်ပြောင်းလဲခဲ့ပြီး ဖန်ဆင်းခံတစ်ဦးအနေဖြင့် သင်၏ တာဝန်ကို ထမ်းဆောင်ရန် အရာရာကို သင် စွန့်လွှတ်ရမည်ဆိုသည်နှင့် ဘုရားသခင်က လူတို့ကို ဤသို့ပြုမူနေထိုင်ရန် တောင်းဆိုသည်ဆိုသည်တို့ကို သင် နားလည်ခဲ့ပေသည်။ အဖန်ဆင်းခံတစ်ဦးအနေဖြင့် သင်၏ တာဝန်ကို ထမ်းဆောင်ခြင်းက သမ္မာတရားဖြစ်သည်ကို သင် မသေချာမီတွင် သင်၏ မိဘများကို သင် သားသမီးဝတ် ကျေပွန်သင့်သည်ဟု သင် တွေးထင်ခဲ့သော်လည်း အဖန်ဆင်းခံတစ်ဦးအဖြစ် သင်၏ တာဝန်ကို သင် ထမ်းဆောင်သင့်သည်ကိုလည်း ခံစားခဲ့ရပြီး စိတ်ထဲတွင် ဒွိဟဖြစ်ခဲ့သည်။ ဘုရားနှုတ်ကပတ်တော်များ၏ အဆက်မပြတ် ရေလောင်းပေးခြင်းနှင့် ထိန်းကျောင်းပေးခြင်းမှတစ်ဆင့် သင်သည် သမ္မာတရားကို တဖြည်းဖြည်း နားလည်လာခဲ့ပြီး ထိုအချိန်တွင် အဖန်ဆင်းခံတစ်ဦးအနေဖြင့် သင်၏ တာဝန်ကို ထမ်းဆောင်ခြင်းသည် လုံးဝ သဘာဝကျပြီး တရားသည်ဟု သင် သဘောပေါက်ခဲ့ပေသည်။ ယနေ့ထက်ထိတိုင် လူများစွာတို့သည် သမ္မာတရားကို လက်ခံနိုင်ကြပြီးဖြစ်ကာ လူ၏ ရိုးရာ အယူအဆများနှင့် စိတ်ကူးများမှ အပြုအမူစံနှုန်းများကို လုံးဝ စွန့်ပစ်နိုင်ကြပြီးဖြစ်သည်။ ဤအရာများကို သင် လုံးဝ လက်လွှတ်လိုက်သည့်အခါ ဘုရားသခင်နောက်လိုက်ပြီး အဖန်ဆင်းခံတစ်ဦးအနေဖြင့် သင်၏ တာဝန်ကို ထမ်းဆောင်ချိန်တွင် ဘာသာတရားမရှိသူများထံမှ ဝေဖန်မှုနှင့် ရှုတ်ချမှု စကားများ၏ ဘောင်ခတ်ခြင်းကို သင် မခံရတော့သကဲ့သို့ ယင်းတို့ကို သင် အလွယ်တကူ စွန့်ပယ်နိုင်လေသည်။ ထို့ကြောင့် ထိုအိုဟောင်းသည့်၊ ရိုးရာအယူအဆများသည် သင်၏ စိတ်နှလုံးမှ အဘယ်ကြောင့် ပျောက်ကွယ်သွားပြီးဖြစ်သနည်း။ သင် ဆိုးလာပြီး ဖြစ်သောကြောင့်များ ဖြစ်နိုင်သလော။ သင်၏ စိတ်နှလုံး မာကျောပြီးဖြစ်ကာ သင်၏ အသိစိတ် ပျောက်ကွယ်သွားပြီး ဖြစ်သလော။ (မဟုတ်ပါ။) အမှန်တွင် သင်၏ အသိစိတ်သည် မပြောင်းလဲသေးပေ။ သင်သည် ပြောင်းလဲခြင်းမရှိသည့် လူဖြစ်နေဆဲဖြစ်ပြီး သင်၏ ပင်ကိုစရိုက်၊ နှစ်ခြိုက်မှုများအပြင် အသိစိတ်နှင့် ကိုယ်ကျင့်တရား စံနှုန်းများက မပြောင်းလဲသေးပေ။ ထို့ကြောင့် ဘာသာတရားမရှိသူများက ထိုဝေဖန်ပြီး ရှုတ်ချသည့် စကားများကို ပြောသည့်အခါ သင်သည် အဘယ်ကြောင့် ဝမ်းနည်းခြင်း သို့မဟုတ် စိတ်ဆင်းရဲခြင်း မရှိဘဲ ထိုအစား သင်၏ စိတ်နှလုံးတွင် ငြိမ်သက်ခြင်းနှင့် ဝမ်းမြောက်ခြင်းတို့ကို ခံစားရသနည်း။ ဤသည်မှာ အတော်လေး ပြောင်းလဲမှုတစ်ခု ဖြစ်သည်။ အဘယ်သို့ သင်သည် ဤကဲ့သို့ ဖြစ်လာလေပြီနည်း။ (ဘုရားနှုတ်ကပတ်တော်များကို စားသောက်ခြင်းနှင့် အချို့သော သမ္မာတရားများကို နားလည်လာခြင်းတို့မှတစ်ဆင့် ကျွန်ုပ်သည် မှန်ကန်သည့် ဆန်းစစ်မှု စံနှုန်းများကို ရရှိပြီးဖြစ်ကာ ၎င်းတို့၏ စကားများက မှားယွင်းပြီး အဓိပ္ပာယ်မဲ့သော အရာများသာ ဖြစ်သည်ကို သိမြင်နိုင်ပြီးဖြစ်ပါသည်။) ဘာသာတရားမရှိသူများက “ဤလူများသည် ဘုရားသခင်ကို စတင်ယုံကြည်သည့်နောက်တွင် ၎င်းတို့၏ မိသားစုများကို မစောင့်ရှောက်ကြပါ။ ၎င်းတို့၏ မိသားစုများအတွက် မေတ္တာမရှိကြသကဲ့သို့ အထူးသဖြင့် အေးစက်စက်နိုင်ကြသည်။ ၎င်းတို့သည် သွေးအေး တိရစ္ဆာန်များကဲ့သို့ ဖြစ်လာကြသည်”ဟု ဆိုလျက် ငါတို့အကြောင်း ကောလာဟလများ ဖြန့်ကြလေသည်။ အပြင်ပန်းတွင် ထိုသို့ ထင်ရနိုင်သော်လည်း ထိုအရာမှာ လက်တွေ့အရှိတရား မဟုတ်ပေ။ ဤတွင် မျက်စိကန်းသူများ မြင်ဖို့ မဖြစ်နိုင်သည့် ပဓာနကျသော ပြဿနာတစ်ခု ရှိပေသည်။ လူတို့အနေဖြင့် ဘုရားသခင်ကို စတင်ယုံကြည်ပြီးသည့်နောက်တွင် သမ္မာတရားက ၎င်းတို့အား အကြင်နာမဲ့စေသည်မှာ အမှန်တကယ်များ ဖြစ်နိုင်မည်လာ။ (မဖြစ်နိုင်ပါ။) ထို့ကြောင့် မည်သည့်အရာ အမှန်တကယ် ဖြစ်နေသနည်း။ (အမှုအရာများအပေါ် ထိုယုံကြည်သူများ၏ ရှုထောင့်အမြင်များ ပြောင်းလဲပြီးဖြစ်သည်။ သူတို့သည် သမ္မာတရားကို နားလည်ကြပြီးဖြစ်ကာ ချင့်ချိန်နိုင်စွမ်း ရရှိကြပြီးဖြစ်သည်။) ဤသည်မှာ ဘုရားနှုတ်ကပတ်တော်များကို စားသောက်ခြင်းမှ စွမ်းဆောင်ရရှိသည့် ရလဒ်တစ်ခု ဖြစ်သည်။ ဤရလဒ်ကို အဘယ်သို့ စွမ်းဆောင်ရရှိသနည်း။ အမှုအရာများအပေါ် သင်၏ ရှုထောင့်အမြင်များကို မည်သည့်အရာက ပြောင်းလဲစေခဲ့သနည်း။ ထိုအရာသည် မည်သည့်အချိန်တွင် စတင်ပြောင်းလဲသနည်း။ ဘဝနှင့် ကိစ္စရပ်အမျိုးမျိုးတို့အပေါ် လူတို့၏ ရှုထောင့်အမြင်များကို ပြောင်းလဲစေလျက် ဘာသာတရားမရှိသူများ၏ ရှုထောင့်အမြင်များနှင့် ကွဲပြားခြားနားစေရင်း လူတို့၏ ရှုထောင့်အမြင်များကို ပြောင်းလဲစေသည်မှာ ဘုရားနှုတ်ကပတ်တော်များ ဖြစ်သည်။

ယခင်က လူတို့သည် ၎င်းတို့၏ အသိတရားအတိုင်း အစဉ်ပြုမူပြီး လူတိုင်းအပေါ် အကဲဖြတ်ရန် ထိုအသိတရားများကို အသုံးပြုသည်။ လူတို့သည် အသိတရား၏ စမ်းသပ်မှုကို အစဉ် အောင်မြင်ရသည်။ အတင်းအဖျင်းပြောခြင်းသည် ကြောက်ရွံ့စရာအရာတစ်ခု ဖြစ်သည်ဟု ၎င်းတို့ အစဉ်သဖြင့် ခံစားကြရပြီး လှောင်ရယ်ခံရမည်ကို၊ သို့မဟုတ် မကောင်းသည့် ဂုဏ်သတင်းရရှိမည်ကို၊ သို့မဟုတ် “အသိတရားမရှိ၊ မကောင်းတဲ့လူ” ဟု ခေါ်ခံရမည်ကို ကြောက်ခဲ့ကြသည်။ ထို့ကြောင့် ၎င်းတို့သည် ပတ်ဝန်းကျင်ကို ကိုင်တွယ်ဖြေရှင်းရန်အတွက် အချို့သောအရာများကို တွန့်ဆုတ်စွာဖြင့် ပြောဆိုပြီး လုပ်ဆောင်ကြရသည်။ ယခုအခါတွင် ဤအရာများကို မည်သို့ အကဲဖြတ်သင့်သနည်း။ (သမ္မာတရားစည်းမျဉ်းများဖြင့် အကဲဖြတ်သင့်ပါသည်။) လူတို့၏ ဘဝများသည် ဘာသာတရားမရှိသူများ၏ အယူအဆများနှင့် မှားယွင်းပြီး အဓိပ္ပာယ်မဲ့သောအရာများ၏ ချည်နှောင်ခြင်းကို ခံရသောအချိန်တုန်းက အခြေအနေသည် မည်သို့ရှိသနည်း။ ဥပမာအားဖြင့် သင်ငယ်စဉ်ကတည်းက သင်၏မိဘများသည် “မင်းကြီးလာရင် ငါတို့ကို ဂုဏ်ယူဝင့်ကြွားနိုင်အောင် လုပ်ပေးရမယ်။ ငါတို့မိသားစုရဲ့ ဂုဏ်ကိုဆောင်ရမယ်” ဟူသော စကားများဖြင့် သင့်ကို ဆက်တိုက် အယူဝါဒသွတ်သွင်းသည်။ ဤစကားများသည် သင့်အတွက် မည်သည့်အရာများ ဖြစ်ခဲ့သနည်း။ အားပေးခြင်း၊ သို့မဟုတ် ကန့်သတ်ခြင်းလော။ အပြုသဘောဆောင်သော လွှမ်းမိုးမှုဖြစ်သလော၊ သို့မဟုတ် အပျက်သဘောဆောင်သော ထိန်းချုပ်မှုမျိုးလော။ အမှန်တွင် ထိုအရာများသည် ထိန်းချုပ်မှုအမျိုးအစားဖြစ်သည်။ သင်၏ မိဘများသည် လူတို့က မှန်ကန်ပြီး ကောင်းမွန်သည်ဟု ထင်မြင်သော ဖော်ပြချက်၊ သို့မဟုတ် သဘောတရားအချို့ကို အခြေခံပြီး သင့်အတွက် ပန်းတိုင်တစ်ခုကို သတ်မှတ်ကာ ထိုပန်းတိုင်အတွက် အစေခံပြီး သင်၏ ဘဝကို ရှင်သန်စေသည်။ နောက်ဆုံးတွင် သင်၏ လွတ်လပ်ခွင့် ဆုံးရှုံးရသည်။ သင်သည် အဘယ်ကြောင့် နောက်ဆုံးတွင် သင်၏ လွတ်လပ်ခွင့်ကို ဆုံးရှုံးပြီး ယင်း၏ ထိန်းချုပ်မှုအောက်ကျရောက်ရသနည်း။ အဘယ်ကြောင့်ဆိုသော် လူတို့သည် ၎င်းတို့၏ မိသားစုအား ဂုဏ်ဆောင်ခြင်းက လုပ်ဆောင်သင့်သည့် ကောင်းသောအရာတစ်ခု ဖြစ်သည်ဟု ထင်ကြသောကြောင့် ဖြစ်သည်။ သင်က ထိုအတွေးအမြင်မရှိလျှင်၊ သို့မဟုတ် သင်၏ မိသားစုကို ဂုဏ်ဆောင်သည့်အရာများလုပ်ဆောင်ရန် ဆန္ဒပြင်းပြခြင်းမရှိလျှင် သင်သည် ဆန်ကုန်မြေလေးတစ်ယောက်အဖြစ်၊ ဘာမှသုံးစားမရသော အရှုံးသမားအဖြစ် အမြင်ခံရသည်။ ပြီးလျှင် လူတို့သည် သင့်အား အထင်သေးလိမ့်မည်။ အောင်မြင်ရန်အတွက် သင်သည် စာကြိုးစားရမည်။ ကျွမ်းကျင်မှုများကို အစဉ်ပို၍ ရယူရမည်။ သင့်မိသားစု၏ နာမည်ကို ဂုဏ်ဆောင်ရမည်။ ဤနည်းအားဖြင့် လူတို့က နောင်တွင် သင့်ကို အနိုင်ကျင့်မည်မဟုတ်။ ဤပန်းတိုင်အတွက် သင် လုပ်ဆောင်သောအရာအားလုံးသည် လက်တွေ့အားဖြင့် သင့်အား ချည်နှောင်သည့် အချုပ်အနှောင်များမဟုတ်သလော။ (ဟုတ်သည်။) အောင်မြင်မှုနောက်လိုက်ပြီး မိသားစုအပေါ် ဂုဏ်ဆောင်ခြင်းသည် သင်၏ မိဘများ တောင်းဆိုသောအရာဖြစ်သောကြောင့်၊ ကောင်းသောဘဝကို သင်ရှင်သန်ပြီး သင့်မိသားစုကို ဂုဏ်ယူရရန် သင်၏ကောင်းကျိုးအတွက် သင်၏မိဘများက လုပ်ဆောင်နေခြင်း ဖြစ်သောကြောင့် သင်သည် ဤသို့သော ဘဝနေထိုင်မှုကို ဆန္ဒပြင်းပြမည်မှာ သဘာဝကျသည်။ သို့သော် စင်စစ်အားဖြင့် ဤအရာများသည် ပြဿနာများနှင့် အချုပ်အနှောင်ကဲ့သို့သောအရာများဖြစ်သည်။ လူတို့သည် သမ္မာတရားကို နားမလည်သောအခါ ဤအရာများသည် အပြုသဘောဆောင်သည်၊ သမ္မာတရားဖြစ်သည်၊ လမ်းမှန်ဖြစ်သည်ဟု ထင်ကြသည်။ ထို့ကြောင့် ဤအရာများကို အမှန်အဖြစ် မှတ်ယူပြီး လိုက်နာသည်။ နာခံသည်။ ပြီးလျှင် ၎င်းတို့သည် မိမိတို့၏ မိဘများထံမှလာသော ဤစကားများနှင့် သတ်မှတ်ချက်များကို အပြည့်အဝ လိုက်နာသည်။ သင်သည် ဤစကားများဖြင့် အသက်ရှင်လျှင် အလုပ်ကြိုးစားပြီး သင်၏ လူငယ်ဘဝနှင့် သင်၏ ဘဝတစ်ခုလုံးကို ဤအရာများအတွက် ရည်စူးထားကာ နောက်ဆုံးတွင် သင်သည် ထိပ်သို့ရောက်ရှိပြီး ကောင်းသောဘဝကို အသက်ရှင်လျှင် သင့်မိသားစုကို ဂုဏ်ယူစေလျှင် သင်သည် အခြားလူများအတွက် အလွန်တော်ကောင်းတော်နိုင်သည်။ သို့သော် သင်၏ စိတ်အတွင်းတွင် သင်သည် ပို၍ ဗလာဖြစ်လာနေသည်။ ဘဝ၏ အဓိပ္ပာယ်၊ သို့မဟုတ် အနာဂတ်တွင် ရှိမည့် ခရီးပန်းတိုင်၊ သို့မဟုတ် ဘဝတွင် မည်သို့သောလမ်းကြောင်းကို လူတို့ လျှောက်လှမ်းသင့်သည်ကို သင်မသိပေ။ သင်တောင့်တသည့်၊ သိလိုသည့်၊ နားလည်လိုသည့် ဤဘဝ၏ ထိုနက်နဲမှုများနှင့်ပတ်သက်ပြီး သင်လုံးဝ နားမလည်သေးပေ၊ သို့မဟုတ် မည်သည့်အရာကိုမျှ မရရှိသေးပေ။ သင်သည် စင်စစ်အားဖြင့် သင့်မိဘများ၏ ကောင်းသော ရည်ရွယ်ချက်များကြောင့် ပျက်စီးခြင်းခံရပြီးဖြစ်သည် မဟုတ်လော။ သင့်မိဘ၏ တောင်းဆိုချက်များသည် “သင်၏ကောင်းကျိုးအတွက်” ဟူသော စကားများဖြင့် သင်၏ လူငယ်ဘဝနှင့် သင်၏ တစ်ဘဝလုံး ပျက်စီးခဲ့သည်မဟုတ်လော။ (ဟုတ်သည်။) ဤသို့ဆိုလျှင် “သင်၏ကောင်းကျိုးအတွက်” ဖြစ်သော တောင်းဆိုမှုများကို ပြုလုပ်သည်မှာ သင့်မိဘများက မှန်ကန်သလော၊ မှားယွင်းသလော။ သင်၏မိဘများက ၎င်းတို့သည် သင်၏ကောင်းကျိုးအတွက် လုပ်ဆောင်နေခြင်း ဖြစ်သည်ဟု အမှန်တကယ် ထင်ခြင်း ဖြစ်ကောင်းဖြစ်နိုင်သည်။ သို့သော် ၎င်းတို့သည် သမ္မာတရားကို နားလည်သောသူများ ဖြစ်သလော။ ၎င်းတို့သည် သမ္မာတရားရှိသလော။ (မရှိပါ။) လူများစွာတို့သည် “ငါတို့ကို ဂုဏ်ယူဝင့်ကြွားနိုင်အောင် လုပ်ပေးရမယ်။ မိသားစုဂုဏ်ကို ဆောင်ရမယ်” ဟူသော ၎င်းတို့မိဘများ၏ စကားများ၊ ၎င်းတို့ကို လှုံ့ဆော်ပေးသော စကားများ၊ ၎င်းတို့ဘဝတစ်လျှောက်တွင် ၎င်းတို့အပေါ် လွှမ်းမိုးသောစကားများကို ကိုင်စွဲလျက် ၎င်းတို့၏ တစ်ဘဝလုံးကို ရှင်သန်ကြသည်။ မိဘများက “မင်းရဲ့ကောင်းကျိုးအတွက်” ဟု ဆိုသောအခါ ဤသည်မှာ လူတစ်ယောက်ဘဝ၏ နောက်ကွယ်တွင် တွန်းအားဖြစ်လာပြီး ရှေးရှုလုပ်ဆောင်ရန် ဦးတည်ချက်နှင့် ပန်းတိုင်ကို ပေးသည်။ ရလဒ်အနေဖြင့် ထိုသူ၏ ဘဝသည် မည်မျှ မက်မောဖွယ်ကောင်းပါစေ၊ မည်မျှ ဂုဏ်ရှိပြီး အောင်မြင်ပါစေ၊ အမှန်တကယ်တွင် သူ၏ ဘဝက ပျက်စီးသည်။ ဤသို့မဟုတ်သလော။ (ဟုတ်သည်။) ဤသည်မှာ လူတစ်ယောက်က သူ့မိဘများ၏ တောင်းဆိုချက်များအတိုင်း အသက်မရှင်လျှင် မပျက်စီးဟု အဓိပ္ပာယ်ရသလော။ မရပေ။ ၎င်းတို့သည်လည်း ၎င်းတို့ကိုယ်ပိုင် ပန်းတိုင်တစ်ခုရှိသည်။ မည်သည့်ပန်းတိုင်ဖြစ်သနည်း။ အလားတူပင်ဖြစ်သည်။ အတိအကျပြောရသော် “ကောင်းသောဘဝကို အသက်ရှင်ပြီး မိဘများ ဂုဏ်ယူဝင့်ကြွားနိုင်စေဖို့ လုပ်ဆောင်ရန်” ဖြစ်သည်။ ၎င်းတို့၏ မိဘများက ၎င်းတို့ကို ယင်းသို့လုပ်ဆောင်ရန် ခိုင်းစေခဲ့ခြင်းကြောင့်မဟုတ်ဘဲ အခြားတစ်နေရာမှ ဤပန်းတိုင်ကို လက်ခံခဲ့သောကြောင့်ဖြစ်သည်။ ၎င်းတို့သည် ဤစကားများအတိုင်း နေထိုင်ပြီး ၎င်းတို့မိသားစုကို ဂုဏ်ယူစေလိုဆဲဖြစ်သည်။ ပြီးလျှင် ထိပ်ဆုံးသို့သွားပြီး ဂုဏ်ယူထိုက်သော၊ ဂုဏ်ရှိသောသူတစ်ယောက် ဖြစ်လိုဆဲဖြစ်သည်။ ၎င်းတို့၏ ပန်းတိုင်က မပြောင်းလဲပေ။ ဤအရာများကို ရရှိရန် ၎င်းတို့၏ တစ်ဘဝလုံးကို ဆက်ကပ်ဆဲဖြစ်ပြီး ၎င်းတို့၏ တစ်ဘဝလုံးကို ဤအရာများ စွမ်းဆောင်ရရှိရန် ကြိုးစားရင်း အသက်ရှင်နေထိုင်ကြသည်။ ထို့ကြောင့် လူတို့သည် သမ္မာတရားကို နားမလည်ဘဲ လူ့အဖွဲ့အစည်းတွင် ပျံ့နှံ့နေသော မှန်ကန်သော အယူဝါဒများ၊ မှန်ကန်သော အဆိုများနှင့် မှန်ကန်သော အမြင်များဆိုသည့်အရာ များစွာကို လက်ခံကြသည့်အခါ ၎င်းတို့သည် ထိုမှန်ကန်သောအရာများကို ၎င်းတို့ကိုယ်တိုင်၏ ဘဝ၏ အားစိုက်မှုအတွက် ဦးတည်ချက်၊ အခြေခံအုတ်မြစ်နှင့် တွန်းအားပေးသောအရာများအဖြစ် ပြောင်းလဲပစ်ကြသည်။ အဆုံးတွင် လူတို့သည် ဤပန်းတိုင်များအတွက် အလျှော့မပေးဘဲ လုံးလုံးလျားလျား အသက်ရှင်ကြပြီး သေသည်အထိ ဘဝတစ်လျှောက် ရုန်းကန်ကြသည်။ ဤအခြေအနေတွင် အချို့မှာ သမ္မာတရားကို မြင်လိုစိတ်မရှိသေးပေ။ မည်သို့ သနားစရာကောင်းသောဘဝကို လူများ ဦးဆောင်ကြသနည်း။ သို့ရာတွင် သမ္မာတရားကို နားလည်သည်နှင့် သင်သည် ဤမှန်ကန်သောအရာများ၊ မှန်ကန်သော သွန်သင်မှုများ၊ မှန်ကန်သော ဖော်ပြချက်များဟု ဆိုသောအရာများအပြင် သင့်အပေါ် သင့်မိဘများ၏ မျှော်လင့်ချက်များကိုပါ တဖြည်းဖြည်းချင်း နောက်တွင် ချန်ထားခဲ့သည်မဟုတ်လော။ သင်သည် ဤ မှန်ကန်သော အရာများဟု ဆိုသော အရာများကို တဖြည်းဖြည်းချင်း နောက်တွင် ချန်ထားခဲ့သည်နှင့် အမှုအရာများကို သင်တိုင်းတာသော စံနှုန်းသည် ရိုးရာယဉ်ကျေးမှု၏ ဖော်ပြချက်များကို အခြေမခံတော့သည်နှင့် သင်သည် ထိုဖော်ပြချက်များ၏ ချည်နှောင်မှုကို မခံရတော့သည် မဟုတ်လော။ ဤအရာများ၏ ချည်နှောင်ခြင်းကို သင်မခံရလျှင် သင်သည် လွတ်လပ်စွာ အသက်ရှင်သလော။ ထိုအချိန်တွင် သင်သည် အပြည့်အဝ မလွတ်မြောက်ခြင်း ရှိနိုင်သည်။ သို့သော် အနည်းဆုံးအနေဖြင့် အချုပ်အနှောင်များက လျော့ရဲလာပြီး ဖြစ်လိမ့်မည်။ ဘုရားသခင်ကို ၎င်းတို့၏ ယုံကြည်မှုတွင် လူတို့သည် များစွာသော အယူအဆများ၊ စိတ်ကူးများ၊ ရည်ရွယ်ချက်များနှင့် မသန့်စင်မှုများအပြင် လောကီဆိုင်ရာ ဆက်ဆံမှုများအတွက် ၎င်းတို့၏ အတွေးအခေါ်များ၊ လှည့်စားတတ်သော အတွေးများ၊ ဖောက်ပြန်ပျက်စီးသော သဘာဝများ စသည်တို့ ရှိကြဆဲ ဖြစ်သည်။ ဤအရာများ ပြေလည်သွားပြီး လူတို့က သမ္မာတရားနှင့် လုံးဝ အသက်ရှင်နိုင်ကြသည့်အခါ ဘုရားသခင်ရှေ့မှောက်တွင် ၎င်းတို့ အသက်ရှင်ကြလိမ့်မည် ဖြစ်ပြီး အမှန်တကယ် လွတ်မြောက်ကာ လွတ်လပ်သွားကြလိမ့်မည်။

ယခုတွင် သမ္မာတရားကို လိုက်စားခြင်း၊ ရရှိခြင်းတို့နှင့် ပတ်သက်လာသည့်အခါ ပထမဆုံး ဦးစားပေးမှာ အဘယ်အရာနည်း။ ယင်းမှာ ပထမဦးစွာ ယခင်က မှန်ကန်သည်ဟု သင် တွေးထင်ခဲ့ပြီး ရိုးရာအယူအဆများနှင့် သက်ဆိုင်သည့် မှန်သယောင်ရှိသော်လည်း စင်စစ်မှားနေသော မှားယွင်းပြီး အဓိပ္ပာယ်မဲ့သောအရာများနှင့် ဆိုရိုးများကို စိတ်ဖြာလေ့လာဆွေးနွေးရန်နှင့် ယင်းတို့၏ အနှစ်သာရကို လုံးလုံးလျားလျား နားလည်ပြီးသည်နှင့် စွန့်ပယ်ရန်ဖြစ်သည်။ ဤအရာများသည် လူတို့ကို ချည်နှောင်သည့် အချုပ်အနှောင်များ၏ ပထမဆုံး အလွှာဖြစ်သည်။ ယခုတွင် သင်တို့၏ စိတ်နှလုံးများတွင် ဤအရာများကို မည်မျှ သိမ်းဆည်းထားဆဲဖြစ်သနည်း။ ယင်းတို့ကို သင် အပြည့်အဝ စွန့်ပယ်ပြီးပြီလော။ (အပြည့်အဝ မစွန့်ပယ်ရသေးပါ။) ဤအရာများကို စွန့်ပယ်ရန်မှာ လွယ်ကူသလော။ ဥပမာအားဖြင့် လူအချို့သည် မိမိတို့၏တာဝန်များကို ထမ်းဆောင်လိုကြသော်လည်း ၎င်းတို့၏ မိဘများကိုလည်း ရိုသေရမည်ဟု ၎င်းတို့ ခံစားကြသည်။ ယင်းက ခံစားချက်များ ပါဝင်သည်။ သင်သည် သင်၏ မိဘများနှင့် မိသားစုများအကြောင်းကို မစဉ်းစားရန်နှင့် ဘုရားသခင်အကြောင်းကိုသာ စဉ်းစားပြီး သမ္မာတရားကိုသာ အာရုံစိုက်ရန် မိမိကိုယ်ကို ပြောဆိုလျက် သင်၏ ခံစားချက်များကို ဆက်လက် ပြုပြင်နေသော်လည်း သင်၏ မိဘများအကြောင်းကို သင် မစဉ်းစားဘဲ မနေနိုင်သေးလျှင် ဤအရာက အခြေခံကျသော ပြဿနာကို မဖြေရှင်းပေးနိုင်ပေ။ ဤပြဿနာကို ဖြေရှင်းရန် သင် အမွေဆက်ခံခဲ့ပြီး လူသား အယူအဆများနှင့် ကိုက်ညီသည့် ဆိုရိုးများ၊ အသိပညာနှင့် သဘောတရားတို့နှင့်အတူ မှန်သည်ဟု သင် တွေးထင်ခဲ့သည့် အရာများကို စိတ်ဖြာလေ့လာဆွေးနွေးရန် လိုအပ်သည်။ ထို့အပြင် သင်၏ မိဘများနှင့် ဆက်ဆံသည့်အခါ သားသမီးတစ်ဦးအဖြစ် ၎င်းတို့ကို စောင့်ရှောက်ရန် သင်၏ ဝတ္တရားများကို သင် ကျေပွန်အောင် ဆောင်ရွက်ခြင်း ရှိမရှိဟူသည်မှာ သင်၏ ကိုယ်ရေးကိုယ်တာ အခြေအနေများနှင့် ဘုရားသခင်၏ စီစဉ်ညွှန်ကြားမှုများအပေါ် လုံးဝ အခြေခံရမည်။ ဤအရာက ထိုကိစ္စရပ်ကို ပြည့်စုံစွာ ရှင်းပြသည် မဟုတ်လော။ လူအချို့က မိမိတို့ မိဘများကို စွန့်ခွာကြသည့်အခါ မိမိတို့မိဘများကို များစွာ အကြွေးတင်ရှိသည်ဟုလည်းကောင်း၊ မိမိတို့ မိဘများအတွက် မည်သည့်အရာမျှ မလုပ်ဆောင်ပေးဖြစ်ဟုလည်းကောင်း ခံစားကြရသည်။ သို့ရာတွင် ထို့နောက် ၎င်းတို့ အတူတကွ နေထိုင်ကြသည့်အခါ ၎င်းတို့၏ မိဘများကို သားသမီးဝတ် လုံးဝ ကျေပွန်ခြင်း မရှိကြသကဲ့သို့ မိမိတို့၏ ဝတ္တရားတစ်ခုကိုမျှ မဖြည့်ဆည်းကြပေ။ ဤသည်မှာ အမှန်တကယ် သားသမီးဝတ်ကျေပွန်သည့် လူတစ်ဦးဖြစ်သလော။ ဤသည်မှာ အနှစ်မဲ့သော စကားများကို ပြောဆိုခြင်းဖြစ်သည်။ သင် မည်သည့်အရာကို လုပ်ဆောင်သည်ဖြစ်စေ၊ မည်သည့်အရာကို စဉ်းစားသည်ဖြစ်စေ၊ မည်သည့်အရာကို စီစဉ်သည်ဖြစ်စေ၊ ထိုအရာများသည် အရေးမကြီးပေ။ အရေးကြီးသည့်အရာမှာ ဖန်ဆင်းခံအားလုံးက ဘုရားသခင်၏ လက်ထဲတွင်ရှိသည်ကို သင် နားလည်နိုင်ကာ အမှန်တကယ် ယုံကြည်နိုင်ခြင်း ရှိမရှိဖြစ်သည်။ မိဘအချို့သည် ကြီးမားပြီး ကြီးပွားချမ်းသာသော မိသားစုတစ်စုနှင့်ဆိုင်သည့် အိမ်တွင်း အတိသုခနှင့် ပျော်ရွှင်မှုကို မွေ့လျော်ခံစားနိုင်ရန် ထိုကောင်းချီးနှင့် ကံကြမ္မာရှိကြသည်။ ဤသည်မှာ ဘုရားသခင်၏ အချုပ်အခြာအာဏာဖြစ်ပြီး ၎င်းတို့ကို ဘုရားသခင်ပေးသည့် ကောင်းချီးတစ်ခု ဖြစ်သည်။ မိဘအချို့သည် ဤကံကြမ္မာမရှိကြချေ။ ၎င်းတို့အတွက် ဘုရားသခင်က ဤအရာကို မစီစဉ်ပေးခဲ့ပေ။ ပျော်ရွှင်သည့် မိသားစုတစ်စု ရှိခြင်းကို မွေ့လျော်ခံစားရန်၊ သို့မဟုတ် မိမိတို့ သားသမီးများက မိမိတို့နံဘေးတွင်ရှိနေခြင်းကို မွေ့လျော်ခံစားရန် ကောင်းချီးခံစားရခြင်း မရှိကြပေ။ ဤသည်မှာ ဘုရားသခင်၏ စီစဉ်ညွှန်ကြားမှုဖြစ်ပြီး လူတို့က ဤအရာကို အတင်းအကျပ်ပြု၍မရပေ။ မည်သို့ပင်ဖြစ်စေ နောက်ဆုံးတွင် သားသမီးဝတ်ကျေပွန်ခြင်းနှင့် ပတ်သက်လာသည့်အခါ လူတို့သည် အနည်းဆုံးအနေဖြင့် ကျိုးနွံနာခံမှုရှိသည့် စိတ်နေစိတ်ထားတစ်ခု ရှိရမည်။ ပတ်ဝန်းကျင်က အခွင့်ပေးပြီး ထိုသို့လုပ်ဆောင်ရန် သင့်ထံတွင် လူအင်အားငွေအင်းအားရှိလျှင် သင်၏ မိဘများကို သင် သားသမီးဝတ်ကျေပွန်နိုင်သည်။ ပတ်ဝန်းကျင်က အခွင့်မပေးသကဲ့သို့ သင့်ထံတွင် လူအင်အားငွေအင်းအားကင်းမဲ့လျှင် အတင်းမကြိုးစားနှင့်။ ဤသည်ကို မည်သို့ ခေါ်ဆိုသနည်း။ (ကျိုးနွံနာခံမှုဖြစ်သည်။) ဤအရာကို ကျိုးနွံနာခံမှုဟု ခေါ်သည်။ ဤကျိုးနွံနာခံမှုသည် အဘယ်သို့ ဖြစ်လာသနည်း။ ကျိုးနွံနာခံမှုအတွက် အခြေခံအကြောင်းရင်းမှာ အဘယ်နည်း။ ထိုအရာသည် ဘုရားသခင် စီစဉ်ထားပြီး ဘုရားသခင် အုပ်စိုးထားသည့် ဤအရာများအားလုံးပေါ်တွင် အခြေခံပေသည်။ လူတို့အနေဖြင့် ရွေးချယ်ရန် ဆန္ဒရှိကောင်းရှိနိုင်သော်လည်း မရွေးချယ်နိုင်ကြ၊ ရွေးချယ်ပိုင်ခွင့်မရှိကြဘဲ ၎င်းတို့ ကျိုးနွံနာခံသင့်ကြပေသည်။ လူတို့ ကျိုးနွံနာခံသင့်ပြီး အရာရာကို ဘုရားသခင်က စီစဉ်ညွှန်ကြားထားကြောင်းကို သင် ခံစားရသည့်အခါ သင်၏ စိတ်နှလုံးတွင် သာ၍ ငြိမ်သက်မှုခံစားရသည်မဟုတ်လော။ (ခံစားရပါသည်။) ထို့နောက်တွင် သင်၏ အသိစိတ်ထဲတွင် လိပ်ပြာမသန့်ဆဲ ဖြစ်လိမ့်မည်လော။ စဉ်ဆက်မပြတ် လိပ်ပြာမသန့်ဟု ခံစားရလိမ့်မည် မဟုတ်တော့ဘဲ သင်၏ မိဘများကို သားသမီးဝတ်မကျေပွန်သည့် စိတ်ကူးသည် သင့်ကို စိုးမိုးထားတော့မည် မဟုတ်ပေ။ ဤသည်တို့မှာ လူ့သဘာဝအတွင်းရှိ ပုံမှန်အတွေး သို့မဟုတ် ဗီဇအချို့ဖြစ်ပြီး မည်သူမျှ မရှောင်လွှဲနိုင်ကြသည်နှင့်အမျှ ထိုအကြောင်းကို သင် ရံဖန်ရံခါ တွေးကောင်းတွေးနိုင်သည်။ ဥပမာအားဖြင့် ၎င်းတို့၏ မိခင် နာမကျန်းဖြစ်သည်ကို မြင်သည့်အခါ ပုံမှန်လူတို့က ပူပင်သောကရောက်ပြီး သူ့ကိုယ်စား ခံစားပေးနိုင်ဖို့ ဆန္ဒရှိကြသည်။ လူအချို့က “ကျွန်ုပ်၏ အသက် နှစ်အနည်းငယ် တိုလျှင်တိုသွားပါစေ ကျွန်ုပ်၏ မိခင်သာ ရောဂါပျောက်ကင်းနိုင်မည်ဆိုလျှင် အလွန်ကောင်းပေမည်”ဟု ဆိုကြသည်။ ဤသည်မှာ လူ့သဘာဝ၏ အပြုသဘောဆောင်သော ဘက်ခြမ်းဖြစ်သည်။ လူသား ဗီဇဖြစ်သည်။ ထို့ကြောင့် သင်၏ မိခင် နာမကျန်းဖြစ်သည်ကို သင် မြင်ပြီး ပူပန်သောကခံစားသည့်အခါ ဤအလွန်စိတ်ဒုက္ခရောက်သည့် ခံစားချက်သည် ပြဿနာတစ်ခု ဖြစ်သလော။ ပြဿနာတစ်ခု မဟုတ်ပေ။ အဘယ့်ကြောင့်ဆိုသော် ဤသည်မှာ ပုံမှန်လူ့သဘာဝက ပိုင်ဆိုင်သင့်သည့်အရာတစ်ခု ဖြစ်သောကြောင့်တည်း။ သင်၏ စိတ်နှလုံးတွင် ပူပန်သောကခံစားရခြင်းသည် ကောင်းသော အရာတစ်ခုဖြစ်၏။ သင်သည် နှလုံးသားရှိကြောင်းနှင့် လူ့သဘာဝရှိကြောင်း ထိုအရာက သက်သေပြပေသည်။ ဤလောကတွင် သင်၏ မိခင်သည် သင့်အတွက် အရင်းနှီးဆုံးဖြစ်ရန် ဘုရားသခင်က စီစဉ်ပေးခဲ့သည့် ပုဂ္ဂိုလ်ဖြစ်သည်။ သူသည် နာမကျန်းဖြစ်ပြီး ဝေဒနာခံစားရကာ သင်က လျစ်လျူရှုနေလျှင် သင်သည် လူသားဖြစ်နေဆဲ ဖြစ်သလော။ သင်က “အမေ့အတွက် ကျွန်ုပ်တွင် ခံစားချက် မရှိသကဲ့သို့ အမေ့၏ နာကျင်မှုဝေဒနာနှင့်ပတ်သက်၍ မည်သည့် ခံစားချက်မျှမရှိပါ။ ဘုရားသခင် နာကျင်မှု ခံစားရသည့်အခါမှသာ ကျွန်ုပ် နာကျင်မှုခံစားရသည်”ဟု ဆိုလျှင် ဤအဆိုသည် မှန်ကန်သလော။ မမှန်ပေ။ မှား၏။ သင့်မိခင်က သင့်ကို မွေးဖွားပေးခဲ့သည်၊ နှစ်ပေါင်းများစွာ သင့်ကို ပြုစုပျိုးထောင်ပေးခဲ့သည်၊ သူသည် သင့်အတွက် အရင်းနှီးဆုံး ပုဂ္ဂိုလ်ဖြစ်ပြီး သူက သင့်ကို အချစ်ဆုံးဖြစ်သည်။ သူ နာမကျန်းဖြစ်ပြီး ဝေဒနာခံစားရသည့်အခါ သင်၏ စိတ်နှလုံးတွင် ပူပင်သောက မခံစားရလျှင် သင်၏ စိတ်နှလုံးသည် အလွန် မာကျောခြင်းဖြစ်ရမည်။ ဤသည်မှာ ပုံမှန်မဟုတ်။ ဤလူစားမျိုးဖြစ်ရန် မကြိုးပမ်းနှင့်။ ဤအရာနှင့်ပတ်သက်၍ ပူပင်သောကခံစားခြင်းသည် အလွန်ပုံမှန်ဖြစ်သော်လည်း ဤပူပင်သောကခံစားချက်ကြောင့် သင်၏ တာဝန်ထမ်းဆောင်ခြင်းကို ရပ်ကာ ဘုရားသခင်ကို သင် အပြစ်တင်လျှင် ဤသည်မှာ ပုံမှန်ဖြစ်သလော။ (ပုံမှန်မဟုတ်ပါ။) အဘယ်ကြောင့် ပုံမှန်မဟုတ်သနည်း။ သင်၏ အတွေးသည် သမ္မာတရားနှင့် မကိုက်ညီသကဲ့သို့ ပုံမှန် လူ့သဘာဝက ရှိသင့်သည့်အရာမဟုတ်သောကြောင့် ထိုအရာသည် ပုံမှန်မဟုတ်ပေ။ လူတို့တွင် စာတန်၏ သဘာဝရှိကြသည်။ ၎င်းတို့သည် ၎င်းတို့၏ ဖောက်ပြန်ပျက်စီးသော စိတ်သဘောထားများဖြင့် အသက်ရှင်ကြသည်။ ထို့ကြောင့် သမ္မာတရားကို ၎င်းတို့ ချိုးဖောက်နိုင်ကာ ရုတ်တရက် စိတ်ပိုင်းဆိုင်ရာ မကျန်းမမာဖြစ်လာကြသည့်အလားပင် မိမိတို့၏ အသိစိတ်နှင့် ဆင်ခြင်တုံတရား ပျောက်ဆုံးသွားနိုင်သည်။ ဤသည်မှာ ပုံမှန်မဟုတ်၊ ထို့ကြောင့် ဤအရာသည် အဘယ်သို့ ဖြစ်လာသနည်း။ လူတို့၏ ဖောက်ပြန်ပျက်စီးသော စိတ်သဘောထားများက ဖြစ်စေခြင်းဖြစ်သည်။ ၎င်းတို့၏ ဖောက်ပြန်ပျက်စီးသော စိတ်သဘောထားများ ထုတ်ဖော်သည်နှင့်တစ်ပြိုင်နက် ဘုရားသခင်ကို ၎င်းတို့ အချိန်မရွေး၊ နေရာမရွေး အတိုက်အခံလုပ်နိုင်ပြီး သမ္မာတရားနှင့် မကိုက်ညီသကဲ့သို့ ဘုရားသခင်ကို စိတ်ကူးပေါက်ရာ အချိန်မရွေး၊ နေရာမရွေး ပုန်ကန်တတ်သည့် အတွေးအချို့ ဖြစ်ပေါ်စေနိုင်သည်။ ယင်းမှာ ဖြစ်နေကျပုံစံဖြစ်သည်။

ဖောက်ပြန်ပျက်စီးသော လူသားများအားလုံးတွင် ခံစားချက်များရှိကြပြီး ထိုခံစားချက်များ၏ ဘောင်ခတ်ခြင်းကို မကြာခဏ ခံရကြသည်။ ယင်းက ၎င်းတို့ကို ဘုရားသခင်အား ကျိုးနွံနာခံနိုင်ခြင်း မရှိ၊ သို့မဟုတ် သမ္မာတရား စည်းမျဉ်းများအတိုင်း ပြုမူဆောင်ရွက်နိုင်ခြင်းမရှိ ဖြစ်စေသည်။ ဘုရားသခင်ကို ကျိုးနွံနာခံခြင်းအား စွမ်းဆောင်ရရှိရန်၊ အကြင်သူသည် ခံစားချက်များနှင့်ဆိုင်သည့် ပြဿနာကို ဖြေရှင်းရမည်။ မည်သည့် ခံစားချက်မျိုးသည် လူတို့အား သမ္မာတရားကို လက်တွေ့လုပ်ဆောင်ခြင်းမှ အဟန့်တားဆုံးဖြစ်ပြီး စွန့်ပယ်ရမည်နည်း။ မည်သည့် ခံစားချက်မျိုးသည် ပုံမှန်လူ့သဘာဝက ပိုင်ဆိုင်သင့်သည့်အရာတွင် ပါဝင်ဖြစ်ပြီး ပြဿနာ မဟုတ်သနည်း။ မည်သည့် ခံစားချက်မျိုးသည် ဖောက်ပြန်ပျက်စီးသော စိတ်သဘောထားတစ်ခုနှင့် သက်ဆိုင်သနည်း။ ဤအရာများကို ရှင်းလင်းစွာ ပိုင်းခြားသိမြင်ရမည်။ ဥပမာအားဖြင့် သင်၏ ကလေးက အနိုင်ကျင့်ခံရပြီး ၎င်း၏ မိခင်တစ်ဦးအနေဖြင့် သင်သည် ၎င်းကို ကာကွယ်ပေးကာ အကျိုးသင့်အကြောင်းသင့်ပြောဆိုရန် သင်၏ ကလေးကို အနိုင်ကျင့်ခဲ့သည့် မိသားစုအား သင် သွားရှာသည်ဆိုပါစို့။ ဤသည်မှာ ပုံမှန်ဖြစ်သလော။ ယင်းမှာ သင်၏ ကလေးဖြစ်သောကြောင့် သူ့ကို ကာကွယ်ရန်မှာ သင့်အတွက် မှန်ကန်ပြီး ပုံမှန်ဖြစ်ပေသည်။ သို့ရာတွင် သင်၏ ကလေးက အခြားကလေးများကို အနိုင်ကျင့်လျှင် လိမ္မာသည့်ကလေးများကိုပင် သူ အနိုင်ကျင့်ပြီး ဤအရာကို သင်က မြင်ကာ ဂရုမစိုက်သကဲ့သို့ သင်၏ ကလေးက အတော်ထူးကဲသည်ဟု သင် ယုံကြည်ကာ အခြားလူတို့ကို ရိုက်ရန် သူ့ကို တိတ်တဆိတ်ပင် သင် သွန်သင်ပြီး အခြားသူတို့က သင့်ကို အကျိုးသင့်အကြောင်းသင့်ပြောရန် လာကြလျှင် သင်၏ ကလေးကို သင်ခုခံကာကွယ်ပြောဆိုဆဲ ဖြစ်သည်။ ဤအပြုအမူသည် မှန်ကန်သလော။ မမှန်ကန်ပါ။ ဤအပြုအမူနှင့်ပတ်သက်၍ ပြဿနာမှာ အဘယ်နည်း။ ထိုအရာကို ခံစားချက်များက လှုံ့ဆော်ပေးခြင်းဖြစ်သည်။ ထိုအရာကို ခံစားချက်များက လှုံ့ဆော်ပေးသည်ဟု ငါ အဘယ်ကြောင့် ပြောသနည်း။ သင်၏ ကလေးကို အခြားသူတို့က အနိုင်ကျင့်ခြင်းက လက်ခံနိုင်ဖွယ်မရှိဟု သင် ထင်ပြီး သင်၏ ကလေးက အနည်းငယ် နာကျင်ခံစားလျှင် ပြဿနာကို သင် ချက်ချင်း သွားဖြေရှင်းကာ ရှင်းပြချက်တစ်ခု တောင်းဆိုသည်။ သို့ဆိုလျှင် အခြားလူတို့၏ ကလေးများကို သင်၏ ကလေးက အနိုင်ကျင့်ခြင်းအား သင် အဘယ်ကြောင့် မျက်ကွယ်ပြုနေသနည်း။ အခြားသူတို့ကို ရိုက်ရန်ပင် သင်က သင့်ကလေးကို အားပေးတိုက်တွန်းနေသည်။ ယင်းမှာ မလိုမုန်းထားခြင်းမဟုတ်လော။ ဤအရာကို လုပ်ဆောင်သည့် လူများသည် ၎င်းတို့၏ စိတ်သဘောထားအရ မလိုမုန်းထားကြသည်။ ဤအရာကို ခံစားချက်များအရ မည်သို့ ရှင်းပြ၍ရနိုင်သနည်း။ မည်သည့်အရာက ခံစားချက်များကို ပုံဖော်သနည်း။ အပြုသဘောဆောင်သည့်အရာတစ်ခုမျှ မဟုတ်သည်မှာ သေချာသည်။ ယင်းသည် ရုပ်ပိုင်းဆိုင်ရာ ဆက်ဆံရေးများကို အာရုံစိုက်ခြင်းဖြစ်ပြီး ဇာတိပကတိ၏ မက်မောမှုကို ဖြည့်ဆည်းပေးခြင်းဖြစ်သည်။ မျက်နှာသာပေးခြင်း၊ အခြားလူများ၏ အားနည်းချက်များအတွက် ခုခံကာကွယ်ပြောဆိုခြင်း၊ လွန်စွာချစ်ခင်ခြင်း၊ အလိုလိုက်ခြင်း၊ မွေ့လျော်ခြင်းတို့အားလုံးသည် ခံစားချက်များဖြစ်သည်။ လူအချို့သည် ခံစားချက်များကို အလွန်အရေးပေးကြသည်။ ၎င်းတို့အပေါ်တွင် ဖြစ်ပျက်သည့်အရာမှန်သမျှကို ၎င်းတို့၏ ခံစားချက်များအရ တုံ့ပြန်ကြသည်။ ၎င်းတို့၏ စိတ်နှလုံးတွင် ဤသည်မှာ မှားယွင်းသည်ကို ကောင်းစွာ သိသည်။ သို့တိုင်အောင် စည်းမျဉ်းအတိုင်း ဆောင်ရွက်ဖို့ မဆိုထားနှင့်။ အရှိအတိုင်းမြင်ရန်ပင် မစွမ်းဆောင်နိုင်သေးပေ။ လူတို့သည် ခံစားချက်များ၏ ဘောင်ခတ်ခြင်းကို အစဉ်ခံရသောအခါတွင် ၎င်းတို့သည် သမ္မာတရားကို လက်တွေ့လုပ်ဆောင်နိုင်စွမ်း ရှိသလော။ ဤသည်မှာ အလွန်အမင်း ခက်ခဲသည်။ လူများစွာက သမ္မာတရားကို လက်တွေ့လုပ်ဆောင်ရန် မတတ်စွမ်းနိုင်ခြင်းမှာ ခံစားချက်များအပေါ်တွင် မူတည်သည်။ ၎င်းတို့သည် ခံစားချက်များကို အထူးအရေးကြီးသည်ဟု မှတ်ယူသည်။ ခံစားချက်များကို ဦးစားပေးသည်။ ၎င်းတို့သည် သမ္မာတရားကို ချစ်သောလူများဖြစ်သလော။ သေချာပေါက်မဟုတ်ပေ။ အနှစ်သာရအရ ခံစားချက်များသည် မည်သည့်အရာနည်း။ ယင်းတို့သည် ဖောက်ပြန်ပျက်စီးသော စိတ်သဘောထား အမျိုးအစားတစ်ခုဖြစ်သည်။ ခံစားချက်များ၏ သရုပ်သကန်များကို စကားလုံးအချို့ကို အသုံးပြုခြင်းအားဖြင့် ဖော်ပြနိုင်သည်။ မျက်နှာသာပေးခြင်း၊ အခြားသူများကို စည်းမျဉ်းနှင့်မညီဘဲ ကာကွယ်ပေးခြင်း၊ ရုပ်ပိုင်းဆိုင်ရာ ဆက်ဆံရေးများကို ထိန်းသိမ်းခြင်း၊ ဘက်လိုက်ခြင်း၊ ဤအရာတို့သည် ခံစားချက်များဖြစ်သည်။ လူတို့၏ ခံစားချက်များရှိခြင်းနှင့် ယင်းတို့ဖြင့် အသက်ရှင်ခြင်း၏ ဖြစ်နိုင်သည့် အကျိုးဆက်များမှာ အဘယ်နည်း။ ဘုရားသခင်သည် အဘယ်ကြောင့် လူတို့၏ ခံစားချက်များကို အစက်ဆုပ်ဆုံး ဖြစ်သနည်း။ လူအချို့သည် မိမိတို့ ခံစားချက်များ၏ ဘောင်ခတ်ခြင်းကို အမြဲခံရကြသည်။ သမ္မာတရားကို ၎င်းတို့ လက်တွေ့မလုပ်ဆောင်နိုင်ကြသကဲ့သို့ ဘုရားသခင်ကို ကျိုးနွံနာခံရန် ဆန္ဒရှိကြသော်လည်း ကျိုးနွံနာခံနိုင်ခြင်း မရှိကြပေ။ ထို့ကြောင့် ၎င်းတို့၏ ခံစားချက်များအားဖြင့် ၎င်းတို့ အလွန်အမင်း စိတ်ဆင်းရဲကြရသည်။ သမ္မာတရားကို နားလည်သော်လည်း လက်တွေ့မလုပ်ဆောင်နိုင်သည့် လူများစွာရှိသည်။ ဤအရာသည်လည်း ခံစားချက်များ၏ ဘောင်ခတ်ခြင်းကို ၎င်းတို့ခံရသောကြောင့် ဖြစ်သည်။ ဥပမာအားဖြင့် လူအချို့သည် မိမိတို့တာဝန်များကို ထမ်းဆောင်ရန် မိမိတို့အိမ်များကို စွန်ခွာကြသော်လည်း မိမိတို့ မိသားစုအကြောင်းကို နေ့ရာညပါ အမြဲ စဉ်းစားနေကြပြီး မိမိတို့၏တာဝန်များကို ကောင်းစွာ မထမ်းဆောင်နိုင်ကြပေ။ ဤသည်မှာ ပြဿနာတစ်ခု မဟုတ်လော။ လူအချို့သည် တိတ်တခိုးကြိုက်ရသောသူများ ရှိကြပြီး ၎င်းတို့၏ စိတ်နှလုံးများတွင် ထိုလူအတွက်သာ နေရာတစ်ခုရှိသည်။ ယင်းက ၎င်းတို့၏ တာဝန်ထမ်းဆောင်မှုကို ထိခိုက်စေသည်။ ဤသည်မှာ ပြဿနာတစ်ခု ဖြစ်သည် မဟုတ်လော။ လူအချို့သည် အခြားသူများကို လေးစားကာ ပုဂ္ဂိုလ်ရေးကိုးကွယ်ကြသည်။ ထိုလူမှလွဲ၍ မည်သူ့ကိုမျှ ၎င်းတို့ စကားနားမထောင်ကြသည်မှာ ဘုရားသခင် ပြောသည့်အရာကိုပင် နားမထောင်ကြသည့် အတိုင်းအတာထိ ဖြစ်သည်။ အခြားတစ်စုံတစ်ဦးက ၎င်းတို့နှင့်အတူ သမ္မာတရား မိတ်သဟာယပြုလျှင်ပင် လက်ခံကြမည်မဟုတ်။ ထိုလူ၏ စကားများကိုသာ၊ မိမိတို့ အသည်းကြော်၏ စကားများကိုသာ နားထောင်ကြသည်။ လူအချို့သည် မိမိတို့၏ စိတ်နှလုံးများတွင် အသည်းကြော်တစ်ဦး ရှိကြပြီး ၎င်းတို့၏ အသည်းကြော်အကြောင်း ပြောဆိုရန် သို့မဟုတ် ထိပါးရန် အခြားလူတို့ကို အခွင့်မပေးကြပေ။ ၎င်းတို့ အသည်းကြော်၏ ပြဿနာများအကြောင်းကို တစ်ဦးတစ်ယောက်က ပြောဆိုလျှင် ၎င်းတို့ ဒေါသထွက်လာကြပြီး မိမိတို့ အသည်းကြော်ကို ခုခံကာကွယ် ပြောဆိုပေးရပြီး ထိုလူ၏ စကားကို ပြောင်းလဲအောင် လုပ်ကြသည်။ မိမိတို့ အသည်းကြော်ကို အကာအကွယ်မဲ့ မတရားမှု ခံစားခွင့်ပေးကြမည်မဟုတ်သကဲ့သို့ မိမိတို့ အသည်းကြော်၏ နာမည်ဂုဏ်သတင်းကို ကာကွယ်ရန် အစွမ်းကုန် လုပ်ဆောင်ကြလေသည်။ ၎င်းတို့၏ စကားများမှတစ်ဆင့် ၎င်းတို့ အသည်းကြော်၏ အမှားက အမှန်ဖြစ်လာပြီး လူတို့အား စစ်မှန်သည့်စကားများ ပြောခွင့်ကိုဖြစ်စေ၊ ထိုအမှားများ ဖော်ထုတ်ခွင့်ကိုဖြစ်စေ မပေးကြပေ။ ဤသည်မှာ ဘက်လိုက်ခြင်း ဖြစ်သည်။ ဤအရာများကို ခံစားချက်များဟု ခေါ်သည်။ ခံစားချက်များသည် မိမိ၏ မိသားစုအပေါ်သာ ရှေးရှုသလော။ (မဟုတ်ပါ။) ခံစားချက်များက အတော်လေး ကျယ်ပြန့်သည်။ ယင်းတို့သည် ဖောက်ပြန်ပျက်စီးသော စိတ်သဘောထားတစ်မျိုးဖြစ်သည်။ မိသားစုဝင်များကြား သွေးသား ဆက်နွှယ်မှုများနှင့်သာ ပတ်သက်သည်မဟုတ်၊ ထိုနယ်ပယ်ထိသာ ကန့်သတ်ထားခြင်း မဟုတ်ပေ။ ယင်းတို့သည် သင်၏ အထက်လူကြီး သို့မဟုတ် သင့်ကို မျက်နှာသာပေးသည့် သို့မဟုတ် ကူညီခဲ့သည့် တစ်စုံတစ်ဦး၊ သင်နှင့် အရင်းနှီးဆုံး ဆက်ဆံရေးရှိသည့် သို့မဟုတ် သင်နှင့်အဆင်ပြေသည့် တစ်စုံတစ်ဦး၊ သို့မဟုတ် သင်၏ တစ်မြို့တည်းသားရောင်းရင်း သို့မဟုတ် မိတ်ဆွေ သို့မဟုတ် သင် လေးစားကြည်ညိုသည့် တစ်စုံတစ်ဦးပင်လျင် ပါဝင်ပတ်သက်နိုင်သည်။ ဤသည်မှာ သတ်သတ်မှတ်မှတ် မရှိပေ။ သို့ဆိုလျှင် ခံစားချက်များကို စွန့်ပယ်ခြင်းသည် သင်၏ မိဘများ သို့မဟုတ် မိသားစုအကြောင်းကို မစဉ်းစားခြင်းလောက်မျှသာ ရိုးရှင်းသလော။ (မရိုးရှင်းပါ။) ခံစားချက်များကို စွန့်ပယ်ရန်မှာ အလွန်လွယ်ကူသလော။ လူအများစုက မိမိတို့၏ အသက် ၃၀ အရွယ်ခန့်ရောက်ပြီး၊ အမှီအခိုကင်းစွာ အသက်ရှင်နိုင်ကြသည့်အခါ အိမ်ကို များစွာ မလွမ်းဆွတ်ကြဘဲ ၎င်းတို့၏ အသက် ၄၀ အရွယ်ခန့် ရောက်သည့်အခါ ဤသည်မှာ လုံးဝ ပုံမှန်ဖြစ်လာသည်။ လူတို့သည် လူလားမြောက်သောအရွယ်သို့ မရောက်ကြသည့်အချိန်တွင် အလွန် အိမ်လွမ်းနာခံစားကြရပြီး အမှီအခိုကင်းစွာ အသက်ရှင်နိုင်စွမ်းကို မပိုင်ဆိုင်ကြသေးသောကြောင့် မိမိတို့ မိဘများကို မစွန့်ခွာနိုင်ကြချေ။ သင်၏ မိသားစုနှင့် မိဘများကို လွမ်းဆွတ်ခြင်းသည် ပုံမှန်ဖြစ်၏။ ခံစားချက်များနှင့် မသက်ဆိုင်ပေ။ အမှုအရာများကို လုပ်ဆောင်ခြင်းနှင့် ပတ်သက်သည့် သင်၏ သဘောထားနှင့် ရှုထောင့်တို့က ခံစားချက်များနှင့် ရောနှောသွားသည့်အခါတွင်သာ ခံစားချက်များနှင့်သက်ဆိုင်လာပေသည်။ သင်နှင့် သင်၏ မိဘများကြားတွင် သွေးသားအဆင့်တစ်ခု၌ သွေးတော်စပ်မှုတစ်ခုရှိကာ သင်တို့သည် နှစ်ပေါင်းစွာ အတူနေထိုင်ခဲ့ကြပြီးဖြစ်သောကြောင့် သင်၏ မိဘများကို လွမ်းဆွတ်ခြင်းသည် သင့်အတွက် ပုံမှန်ဖြစ်သည်။ လူအချို့က မိမိတို့ မိဘများကို လုံးဝ လွမ်းဆွတ်ခြင်းမရှိဟု ပြောဆိုကြသော်လည်း ၎င်းတို့ မကြာသေးမီကပင် အိမ်ကထွက်ခဲ့ခြင်းဖြစ်ကာ ၎င်းတို့ ကြည့်သမျှနေရာတိုင်းက လန်းဆန်းပြီး သစ်လွင်ခြင်း ဖြစ်ကောင်းဖြစ်မည်။ နောက်ဆုံးတွင် ၎င်းတို့ မိဘများ၏ မြည်တွန်တောက်တီးမှုမှ လွတ်မြောက်ကာ မည်သူကမျှ ၎င်းတို့ကို ထိန်းချုပ်ရန် ကြိုးစားနေခြင်း မရှိသောကြောင့် ၎င်းတို့ ပျော်ရွှင်ကြသည်။ သို့ရာတွင် ဝမ်းသာပျော်ရွှင်ကြခြင်းက ၎င်းတို့တွင် ခံစားချက်များ မရှိဟု ဆိုလိုသလော။ မဆိုလိုပေ။ လူအချို့က “ဘုရားသခင်ကို ကျွန်ုပ် နှစ်အချို့ကြာ ယုံကြည်ပြီးဖြစ်ကာ သမ္မာတရားအချို့ကို နားလည်လာပြီး ဖြစ်သည်။ ခံစားချက်များ၏ ဘောင်ခတ်ခံရခြင်း လုံးဝမရှိဘဲ ကျွန်ုပ်၏ တာဝန်ကို ကျွန်ုပ် ထမ်းဆောင်ပြီး ကျွန်ုပ်တွင် ခံစားချက်များ မရှိတော့ပါ”ဟု ဆိုကြသည်။ ဤအဆိုသည် လက်တွေ့ကျသလော။ ဤသည်တို့မှာ သမ္မာတရားကို နားမလည်သည့် တစ်စုံတစ်ဦး၏ စကားများဖြစ်သည်မှာ သိသာပေသည်။ လူတို့သည် တရားဒေသနာများစွာကို နားထောင်ကြသည့်အခါ အချို့သော စကားများနှင့် အယူဝါဒများကို နားလည်ကြပြီး ဝိညာဉ်ရေးရာ သဘောတရားအချို့ကို ပြောဆိုနိုင်ကြသည့်အခါ ၎င်းတို့က “ဝိညာဉ်ရင့်ကျက်မှုတွင် ငါ ကြီးထွားပြီးဖြစ်ကာ သမ္မာတရားများစွာကို နားလည်ပြီးဖြစ်သည်။ ငါ အဖမ်းခံရလျှင် ယုဒတစ်ယောက် ဖြစ်မည်မဟုတ်။ အနည်းဆုံးအနေဖြင့် ဤယုံကြည်ခြင်းနှင့် စိတ်ဆုံးဖြတ်ချက် ငါရှိသည်။ ဤသည်မှာ ဝိညာဉ်ရင့်ကျက်မှု မဟုတ်သလော။ ဘုရားသခင်ကို ငါ ယုံကြည်လာခါစအချိန်က ငါ၏ စိတ်ထက်သန်မှုကို ငါ ပြန်စဉ်းစားသည့်အခါ ဘုရားသခင်ကို ငါ၏ ဘဝတစ်ခုလုံး ဆက်ကပ်ရန် ငါ လိုလားနေခဲ့သည်။ ထိုစိတ်ထက်သန်မှုနှင့် ကျမ်းသစ္စာ မပြောင်းလဲသေးသကဲ့သို့ အနည်းငယ်မျှ လျော့ပါးမသွားသေးပါ။ ဤသည်မှာ တိုးတက်မှုဖြစ်သည် မဟုတ်လော”ဟု တွေးကြသည်။ ဤသည်မှာ အပေါ်ယံဆန်သော ဖြစ်စဉ်တစ်ခု ဖြစ်သလော။ (ဟုတ်ပါသည်။) ဤအရာအားလုံးသည် အပေါ်ယံ ဖြစ်စဉ်များဖြစ်သည်။ လူတို့သည် စစ်မှန်သည့် တိုးတက်မှု ဖြစ်စေလိုလျှင် သမ္မာတရားကို နားလည်ရမည်။ အယူဝါဒများနှင့် ဝိညာဉ်ရေးရာ သဘောတရားများကို ပြောဆိုနိုင်ခြင်းသည် စစ်မှန်သည့် ပြောင်းလဲမှုကို စွမ်းဆောင်ရရှိနိုင်သလော။ (မရရှိနိုင်ပါ။) သင်၏ ကိုယ်ပိုင်ပြဿနာများကိုပင် သင် မဖြေရှင်းနိုင်သကဲ့သို့ သမ္မာတရားတစ်ခုကိုမျှ လက်တွေ့လုပ်ဆောင်နိုင်ခြင်းမရှိလျှင် သင်သည် အခြားသူများအတွက် အကျိုးရှိနိုင်သလော။ တရားဒေသနာများကို နားထောင်ခြင်းနှင့် အယူဝါဒများကို နားလည်ခြင်းသည် အချည်းနှီးဖြစ်၏။ ဘုရားနှုတ်ကပတ်တော်များကို သင် လက်တွေ့လုပ်ဆောင်ကာ တွေ့ကြုံရမည်။ သမ္မာတရားကို သင် နားလည်သည့်အခါ လက်တွေ့လုပ်ဆောင်ရမည်။ ထိုအခါမှသာ စစ်မှန်မှုကို သင် ပိုင်ဆိုင်လိမ့်မည်။ သမ္မာတရားကို လက်တွေ့လုပ်ဆောင်ခြင်းအားဖြင့်သာ ထိုသမ္မာတရားကို သာ၍ နက်ရှိုင်းစွာ သင် နားလည်နိုင်သည်။ သမ္မာတရားကို သင် အမှန်တကယ် နားလည်သည့်အခါတွင်သာ ထိုသမ္မာတရားကို သင် ရရှိနိုင်ပြီး သမ္မာတရားကို ရရှိခြင်းအားဖြင့်သာ သင် ရင့်ကျက်နိုင်ပေသည်။

ငါသည် သင်တို့နှင့်အတူ မိတ်သဟာယယပြုကာ သမ္မာတရားက မည်သည့်အရာဖြစ်ပြီး မှန်ကန်သည့် စကားများက မည်သည့်အရာ ဖြစ်သည်ကို ခွဲခြားရန် သင်တို့အား ကူညီပြီးဖြစ်သဖြင့် ယခုတွင် မည်သည့်အရာကို သင်တို့ နားလည်သနည်း။ (ကျွန်ုပ်တို့အနေဖြင့် သမ္မာတရား စည်းမျဉ်းများပေါ် အခြေခံ၍ အမှုအရာများကို ရှုမြင်ရမည် ဖြစ်ကြောင်းနှင့် ပုံမှန်အပြင်ပန်း အပြုအမူကောင်းများ သို့မဟုတ် ဝိညာဉ်ရေးရာ အယူဝါဒများကို သမ္မာတရားအဖြစ် သဘောထား၍ မရကြောင်းတို့ဖြစ်သည်။) အပြုအမူကောင်းများနှင့် မှန်ကန်သည့် ဆိုရိုးများက လူတစ်ဦးကို မပြောင်းလဲနိုင်ပေ။ ယင်းတို့က မည်မျှ မှန်ကန်သည်ဖြစ်စေ၊ ယင်းတို့သည် သမ္မာတရား မဟုတ်သည်သာမက သမ္မာတရားနှင့် မည်သည့် ပတ်သက်မှုမျှမရှိပေ။ ယင်းတို့ကို သင် အမြဲ ဖက်တွယ်ပြီး သမ္မာတရားအဖြစ် သဘောထားလျှင် သမ္မာတရားကို မည်သည့်အခါတွင်မျှ သင် နားလည်လိမ့်မည် မဟုတ်သကဲ့သို့ သမ္မာတရားကို မည်သည့်အခါတွင်မျှ ရရှိလိမ့်မည် မဟုတ်ပေ။ ဤသည်မှာ သွင်ပြင်လက္ခဏာတစ်ခု ဖြစ်သည်။ နောက်ထပ် သွင်ပြင်လက္ခဏာတစ်ခု ရှိသည်။ ယင်းမှာ ဝိညာဉ်ရေးရာ အယူဝါဒများက လူတစ်ဦးအား သမ္မာတရားကို နားလည်စေနိုင်သလော။ (နားမလည်စေနိုင်ပါ။) အဘယ်ကြောင့်နည်း။ ဝိညာဉ်ရေးရာ အယူဝါဒအားလုံးကို မှန်ကန်သည့် စကားများအဖြစ် မှတ်ယူ၍ရနိုင်သော်လည်း၊ လူတစ်ဦး၏ ဖောက်ပြန်ပျက်စီးသော စိတ်သဘောထားများကို ပြောင်းလဲခြင်း ရလဒ်အား မစွမ်းဆောင်မရရှိနိုင်ပေ။ ထို့ကြောင့် လူတစ်ဦး၏ ဖောက်ပြန်ပျက်စီးသော စိတ်သဘောထားများကို ပြောင်းလဲရန် မည်သည့်အရာအပေါ် အတိအကျ မှီခိုနိုင်သနည်း။ သမ္မာတရားအပေါ် မှီခိုရန် လူအချို့က ပြောဆိုကြသည်၊ သမ္မာတရားကို သိနားလည်ခြင်းနှင့် လက်ခံခြင်းတို့အပေါ် မှီခိုရန် လူအချို့က ပြောဆိုကြပြီး အခြားသူတို့က သမ္မာတရားအား လက်တွေ့လုပ်ဆောင်ခြင်းအပေါ် မှီခိုရန် ပြောဆိုကြသည်။ ဤစကားများ မှန်ကန်သလော။ တိုက်ရိုက်ကျသော ရှုထောင့်အမြင်မှကြည့်လျှင် ထိုအရာအားလုံးအတွက် မှန်ကန်သည့် ဘက်ခြမ်းရှိသော်လည်း အားလုံးက အပေါ့တန်ဆုံးသော အယူဝါဒများဖြစ်သည်။ ဤအယူဝါဒများက သင့်ကို မကယ်တင်နိုင် သို့မဟုတ် သင်၏ အခက်အခဲများကို မဖြေရှင်းပေးနိုင်ပေ။ အခြေအနေတစ်ခုကို သင် ရင်ဆိုင်ရပြီး လူတို့က သင့်အား သမ္မာတရားကို လက်ခံရမည်ဟု ပြောသည့်အခါ သင်က “ထိုသမ္မာတရားကို ကျွန်ုပ် အဘယ်သို့ လက်ခံနိုင်မည်နည်း။ ကျွန်ုပ်တွင် အခက်အခဲများရှိပြီး ကျွန်ုပ် လက်မလွှတ်နိုင်ပါ”ဟု ပြောလိမ့်မည်။ ဤအယူဝါဒများသည် သမ္မာတရားကို လက်တွေ့လုပ်ဆောင်ခြင်းအတွက် သင်၏ လမ်းကြောင်း ဖြစ်လာနိုင်သလော။ (ဖြစ်မလာနိုင်ပါ။) အခြေအနေတစ်ခုကို သင် ရင်ဆိုင်ရသည့်အခါ ဘုရားနှုတ်ကပတ်တော်များကို သင် ပိုမို စားသောက်သင့်သည်ဟု လူအချို့က ပြောကြသည်။ ဤအရာကို သင် အကြိမ်များစွာ ကြားရပြီးဖြစ်သော်လည်း ထိုအရာက သင့်အခက်အခဲများထဲမှ မည်သည့်အရာကို ဖြေရှင်းပြီးပြီနည်း။ ဘုရားနှုတ်ကပတ်တော်များကို စားသောက်ခြင်းက မှန်ကန်သော်လည်း ဘုရားနှုတ်ကပတ်တော်များ၏ မည်သည့် သွင်ပြင်လက္ခဏာကို သင် စားသောက်သင့်သနည်း။ ယင်းတို့ကို သင်၏ အခက်အခဲများနှင့် မည်သို့ သင် ဆက်စပ်သင့်သနည်း။ ယင်းတို့ကို သင်၏ အခက်အခဲများနှင့် ဆက်စပ်ပြီးနောက်တွင် သင် မည်သို့ ဖြေရှင်းသနည်း။ လက်တွေ့လုပ်ဆောင်မှု လမ်းကြောင်းမှာ အဘယ်နည်း။ သင်၏ အခက်အခဲများကို ဖြေရှင်းရန် သမ္မာတရား၏ မည်သည့် သွင်ပြင်လက္ခဏာများကို သင် အသုံးပြုသင့်သနည်း။ ဤသည်တို့မှာ တကယ့် ပြဿနာများဖြစ်သည် မဟုတ်လော။ (ဟုတ်ပါသည်။) ဤသည်တို့မှာ တကယ့် ပြဿနာများ ဖြစ်သည်။ ထို့ကြောင့် မှန်ကန်သည့် အယူဝါဒများက လူတို့၏ ဖောက်ပြန်ပျက်စီးသော စိတ်သဘောထားများကို ဖြေရှင်းနိုင်ရန်မဆိုထားနှင့်၊ လူတို့၏ လက်တွေ့ကျသည့် အခက်အခဲများကိုပင် မဖြေရှင်းပေးနိုင်ပေ။ လူတို့၏ ဖောက်ပြန်ပျက်စီးသော စိတ်သဘောထားများကို မည်သည့်အရာက အတိအကျ ဖြေရှင်းနိုင်သနည်း။ သမ္မာတရားကသာ လူတို့၏ ဖောက်ပြန်ပျက်စီးသော စိတ်သဘောထားများ၏ ပြဿနာကို ဖြေရှင်းပေးနိုင်ကြောင်း လူတိုင်း သိကြသော်လည်း သမ္မာတရားက မည်သည့်အရာဖြစ်သည်ကို လူတို့ နားမလည်လျှင် သို့မဟုတ် သမ္မာတရားကို ၎င်းတို့ မရှာဖွေလျှင်၊ သို့မဟုတ် လက်မခံလျှင် ၎င်းတို့၏ ဖောက်ပြန်ပျက်စီးသော စိတ်သဘောထားများ ပြေလည်သွားနိုင်သလော။ (မပြေလည်နိုင်ပါ။) ထို့ကြောင့် မိမိ၏ ဖောက်ပြန်ပျက်စီးသော စိတ်သဘောထားများကို ဖြေရှင်းရန် အကြင်သူသည် ဘုရားသခင်၏ အမှုတော်ကို တွေ့ကြုံရမည်။ ဆိုလိုသည်မှာ အကြင်သူ၏ ဖောက်ပြန်ပျက်စီးသော စိတ်သဘောထားများ သန့်စင်ခံရနိုင်သည်မှာ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို တွေ့ကြုံခြင်းအားဖြင့်သာ ဖြစ်သည်။ ဤအရာက လူတို့အနေဖြင့် ရလဒ်များကို စွမ်းဆောင်ရရှိရန်အလို့ငှာ သမ္မာတရားကို လိုက်စားပြီး ဘုရားသခင်၏ အမှုတော်နှင့် ပူးပေါင်းဆောင်ရွက်ရန် လိုအပ်သည်။ သင်သည် သမ္မာတရားကို မလိုက်စားဘဲ ဝိညာဉ်ရေးရာ အယူဝါဒများကို သိနားလည်ခြင်းအပေါ်သာ အာရုံစိုက်ကာ ယင်းတို့သည် သမ္မာတရား ဟုတ်၊ မဟုတ်ပင် မသိသော်လည်း ယင်းတို့ကို သမ္မာတရားအဖြစ် လက်ခံလျှင် ဤအရာက သင်၏ ဖောက်ပြန်ပျက်စီးသော စိတ်သဘောထားများကို ဖြေရှင်းနိုင်သလော။ ထို့အပြင် သမ္မာတရားကို သင် နားမလည်လျှင် ဖောက်ပြန်ပျက်စီးသော စိတ်သဘောထားတစ်ခုကို သင် ထုတ်ဖော်သည့်အခါ ဤအရာကို သင် ပိုင်းခြားသိမြင်နိုင်သလော။ သင်သည် ထိုအရာကို ဘုရားနှုတ်ကပတ်တော်များနှင့် နှိုင်းယှဉ်ချိန်ဆ၍ စစ်ဆေးကြည့်နိုင်သလော။ တစ်ရာရာခိုင်နှုန်း သင် မလုပ်နိုင်ပေ။ သင်သည် သင်၏ ဖောက်ပြန်ပျက်စီးသော စိတ်သဘောထားများကို သာ၍ပင် ဖြေရှင်းနိုင်စွမ်းမရှိသည့် စည်းမျဉ်းစည်းကမ်းများကို မစဉ်းမစား အသုံးပြုကောင်းပြုမိပေမည်။ ဖောက်ပြန်ပျက်စီးသော စိတ်သဘောထားများကို ဖြေရှင်းရာတွင် အရေးအကြီးဆုံးသော အရာမှာ အဘယ်နည်း။ အရေးအကြီးဆုံးသောအရာမှာ လူတို့အနေဖြင့် သမ္မာတရားကို နားမလည်ရမည်ဖြစ်သည်။ ယခုအခါတွင် လူအများစုက အယူဝါဒကို သမ္မာတရားအဖြစ် မှတ်ယူကြပြီး သမ္မာတရားက မည်သည့်အရာဖြစ်သည်ကို နားမလည်ကြပေ။ ယခုတင် ငါဖော်ပြခဲ့သည့် ခံစားချက်နှင့်ဆိုင်သော ဥပမာအတိုင်းပင် မိခင်၏ ပထမဆုံး လုပ်နည်းကိုင်နည်းမှာ သူ၏ ကလေးကို အနိုင်ကျင့်ခံရခြင်းမှ ကာကွယ်ပေးရန်ဖြစ်ပြီး ယင်းမှာ လျော်ကန်သင့်မြတ်ပေသည်။ သင်တို့၏ ရှုထောင့်မှကြည့်လျှင် “ဤသည်တို့မှာ ခံစားချက်များဖြစ်သည်။ သင် ထိုသို့ လုပ်၍မဖြစ်ပါ။ ဤအပြုအမူမျိုးကို ဝေဖန်ကာ ရှုတ်ချရမည်”ဟူ၍ ဖြစ်သည်။ သမ္မာတရား မပါဝင်သည့် အရာများ၊ သမ္မာတရားနှင့် မဆက်စပ်သည့်အရာများနှင့် အမှန်ပင် လူတို့က အလိုလို လုပ်ဆောင်သင့်သည့် အချို့သော အရာများကို သမ္မာတရားအား ချိုးဖာက်သည့်အရာများအဖြစ် သင်တို့ သတ်မှတ်လိုက်ပြီးနောက် ထိုအရာများကို ငြင်းပယ်ကြသည်။ ဤစည်းမျဉ်းကို စောင့်ထိန်းလိုက်နာခြင်းက သမ္မာတရားကို လက်တွေ့လုပ်ဆောင်ခြင်း ဖြစ်သည်ဟု သင်တို့ တွေးထင်ကြသည်။ အခြားသူတို့၏ ကလေးများကို မိမိကလေး၏ အနိုင်ကျင့်ခြင်းအား အပြစ်မယူ လျစ်လျူရှုသည့် မိခင်၏ ဒုတိယ လုပ်နည်းကိုင်နည်းအတွက်မူ ထိုအရာက ဖောက်ပြန်ပျက်စီးသော စိတ်သဘောထားကို ထုတ်ဖော်ပြခြင်းနှင့် သမ္မာတရားအား လက်တွေ့လုပ်ဆောင်ခြင်းတို့ အမှန်တကယ် ပါဝင်ပတ်သက်သည့်အခါ သင်က “ထိုအရာက မကောင်းမှုပြုခြင်း မဟုတ်သရွေ့ ထိုမျှကြီးမားသည့် ပြဿနာတစ်ခု မဟုတ်ပါ”ဟု စဉ်းစားသည်။ သင်သည် အဘယ်ကြောင့် ထိုသို့သော အတွေးများနှင့် သိနားလည်မှုတို့ ရှိသနည်း။ (သမ္မာတရားကို နားမလည်သောကြောင့် ဖြစ်ပါသည်။) ပြဿနာက ဤနေရာတွင် ရှိ၏။ ထို့ကြောင့် သမ္မာတရားကို ၎င်းတို့ နားမလည်ကြသောကြောင့် လူတို့သည် မှန်ကန်သည်ဟု မိမိတို့ မှတ်ယူသည့် လုပ်နည်းကိုင်နည်းတစ်ခုကို အကြိမ်များစွာ ရွေးချယ်ကြပြီး ၎င်းတို့သည် သမ္မာတရားအား လက်တွေ့လုပ်ဆောင်နေကြသည်ဟု တွေးထင်ကြသည်။ ကြိမ်ဖန်များစွာဆိုသလိုပင် သမ္မာတရားကို ၎င်းတို့ နားမလည်ကြသောကြောင့် လူတို့သည် စည်းမျဉ်းစည်းကမ်းများကို ကျင့်သုံးကာ လိုက်နာရုံသာ တတ်နိုင်ကြပြီး ကိစ္စရပ်များနှင့် ရင်ဆိုင်ရသည့်အခါ မည်သို့ ကိုင်တွယ်ရမည်ကို မသိကြသောကြောင့် စည်းမျဉ်းစည်းကမ်းများ လိုက်နာခြင်းအား သမ္မာတရားကို လက်တွေ့လုပ်ဆောင်ခြင်းအဖြစ် သဘောထားကြလေသည်။ ဘုရားသခင်ကို ဤကဲ့သို့ ယုံကြည်သော လူတို့သည် ဘဝတွင် တိုးတက်မှု စွမ်းဆောင်ရရှိနိုင်သလော။ သမ္မာတရား သိနားလည်ခြင်းနှင့် စစ်မှန်မှုထဲသို့ ဝင်ရောက်ခြင်းတို့အား ၎င်းတို့ စွမ်းဆောင်ရရှိနိုင်သလော။ စကားများနှင့် အယူဝါဒများကို ပြောဆိုနိုင်ခြင်းသည် သမ္မာတရားကို သိနားလည်ခြင်းနှင့် ဘုရားသခင်၌ ပြည့်မီသော ယုံကြည်သူတစ်ဦး ဖြစ်ခြင်းဖြစ်သည်ဟု လူများစွာက ယုံကြည်ကြသည်။ သို့ဆိုလျှင် ကိစ္စရပ်များစွာ၌ ဖောက်ပြန်ပျက်စီးသော စိတ်သဘောထားများကို ၎င်းတို့ အဘယ်ကြောင့် ထုတ်ဖော်ပြကြသေးသနည်း။ ၎င်းတို့ ကြုံရသည့် လက်တွေ့ကျသော ပြဿနာများကို အဘယ်ကြောင့် မဖြေရှင်းနိုင်ကြသနည်း။ ဤအရာက စကားများနှင့် အယူဝါဒများကို ပြောဆိုနိုင်ခြင်းသည် သမ္မာတရားကို သိနားလည်ခြင်း လုံးဝ မဟုတ်ကြောင်း သက်သေပြပေသည်။ အယူဝါဒမည်မျှ သင် ပြောဆိုနိုင်သည်ဖြစ်စေ ထိုအရာက သမ္မာတရားကို သင် ရရှိပြီးဖြစ်ကြောင်း သက်သေမပြပေ။ သင့်အနေဖြင့် လက်တွေ့ကျသည့် ပြဿနာများကို ဖြေရှင်းနိုင်ရမည်ဖြစ်ပြီး လက်တွေ့လုပ်ဆောင်မှု စည်းမျဉ်းများကို ရှာတွေ့နိုင်ရမည်ဖြစ်သည်။ ယင်းသည်သာ အမှန်တကယ် သမ္မာတရားကို သိနားလည်ခြင်းဖြစ်သည်။ လူများစွာက ၎င်းတို့၏ တာဝန်များကို ၎င်းတို့ ထမ်းဆောင်နိုင်သရွေ့၊ ဆင်းရဲဒုက္ခခံကာ အဖိုးအခပေးနိုင်သရွေ့ မည်သည့် ဖောက်ပြန်ပျက်စီးသော စိတ်သဘောထားများကို ၎င်းတို့ ထုတ်ဖော်ပြသည်ဖြစ်စေ ကြီးမားသည့် ပြဿနာတစ်ခု မဟုတ်ဟု တွေးထင်ကြသည်။ ၎င်းတို့တာဝန်များကို ၎င်းတို့ ထမ်းဆောင်သရွေ့၊ ၎င်းတို့ ဆင်းရဲဒုက္ခခံနိုင်ပြီး ဘုရားသခင်ကို စောဒကမတက်သရွေ့ ဘုရားသခင်ကို ၎င်းတို့ ချစ်ခြင်းဖြစ်ကာ သစ္စာစောင့်သိမှုကို ပြသခြင်းဖြစ်သည်ဟု တွေးထင်ကြသည်။ လူတို့က သမ္မာတရားကို နားမလည်ကြသောကြောင့် ရည်ရွယ်ချက်ကောင်းအချို့ကို ပြသကြသော်လည်း အမှန်တွင် အသင်းတော်၏ အလုပ်ကို ၎င်းတို့ နှောင့်ယှက်ကာ အဖျက်အမှောင့်လုပ်နေခြင်း ဖြစ်သည့်တိုင် ဘုရားသခင်နှင့် ဘုရားအိမ်တော်၏ အကျိုးစီးပွားများကို ၎င်းတို့ စောင့်ရှောက်နေခြင်းဖြစ်သည်ဟု တွေးထင်ကြသည့် အကြိမ်များစွာ ရှိသည်။ မည်သည့်အရာဖြစ်နေသနည်း။ ဤသည်မှာ လူတို့က သမ္မာတရားကို နားမလည်ကြသကဲ့သို့ သမ္မာတရားနှင့်ဆိုင်သည့် လက်တွေ့ကျသော အသိပညာ မရှိကြသောကြောင့်ဖြစ်သည်။ ယင်းက ၎င်းတို့အား သမ္မာတရားနှင့် ဆန့်ကျင်သည့်အရာများကို စဉ်ဆက်မပြတ် လုပ်ဆောင်စေသည်။ ထိုအတောအတွင်းတွင် ၎င်းတို့က မှန်ကန်သည့်အရာကို လုပ်ဆောင်နေခြင်းဖြစ်ကြောင်း၊ သမ္မာတရားကို လက်တွေ့လုပ်ဆောင်ပြီးဖြစ်ကြောင်းနှင့် ဘုရားသခင်၏ ရည်ရွယ်ချက်များကို အထမြောက်အောင် လုပ်ဆောင်ပြီးဖြစ်ကြောင်း ၎င်းတို့ တွေးထင်ကြသည်။ ဤသည်မှာ ၎င်းတို့၏ အကြီးမားဆုံးသော အခက်အခဲဖြစ်သည်။ ထိုအရာက အခက်အခဲတစ်ခုဖြစ်သော်လည်း ဖြေရှင်းရန် နည်းလမ်းတစ်ခု အမြဲရှိသည်။ တစ်ခုတည်းသော နည်းလမ်းမှာ ပြဿနာတစ်ခုကို သင် ကြုံရပြီး ဖောက်ပြန်ပျက်စီးသော စိတ်သဘောထားတစ်ခုကို ထုတ်ဖော်ပြမိသည့်အချိန်တိုင်းတွင် သင့်ကိုယ်သင် သုံးသပ်ရမည်ဖြစ်ကာ ထိုအရာကို နားလည်ရန် သမ္မာတရားကို ရှာဖွေရမည်ဖြစ်သည်။ သင့်အတွင်းတွင် ဖောက်ပြန်ပျက်စီးသော စိတ်သဘောထားများရှိသရွေ့ သင့်အထဲတွင် အခြေအနေအမျိုးအစားများစွာ ထွက်ပေါ်လိမ့်မည်။ မတူကွဲပြားသော ပတ်ဝန်းကျင်နှင့် အခြေအနေများတွင် လူတို့ အသက်ရှင်ကြသည့်အခါ အချို့သော အတွေးများ၊ ရှုထောင့်အမြင်များနှင့် ရည်ရွယ်ချက်များကို ၎င်းတို့ ထုတ်ဖော်ပြကြလိမ့်မည်။ ဤသည်တို့မှာ ၎င်းတို့၏ စစ်မှန်သော အတွင်းပိုင်း အခြေအနေများဖြစ်သည်။ လူတို့၏ အတွေးများ၊ ရှုထောင့်အမြင်များနှင့် ရည်ရွယ်ချက်များကို လေ့လာခြင်းအားဖြင့် ၎င်းတို့၏ စိတ်သဘောထားများကို သင် မြင်နိုင်ပြီး ၎င်းတို့၏ သဘာဝများက မည်သည့်အရာဖြစ်သည်ကို သိနိုင်သည်။ ဤနည်းအားဖြင့် သင့်ကိုယ်သင် သုံးသပ်ခြင်းနှင့် အခြားသူများကို ပိုင်းခြားသိမြင်ခြင်းအားဖြင့် ရလဒ်များ စွမ်းဆောင်ရရှိရန် လွယ်ကူသည်။ သင်၏ ကိုယ်ပိုင် ဖောက်ပြန်ပျက်စီးသော စိတ်သဘောထားများကို သိရှိခြင်းနှင့် ယင်းတို့၏ အနှစ်သာရကို လုံးလုံးလျားလျား သိနားလည်ခြင်းအားဖြင့်သာ သင့်ကိုယ်သင် သိရှိရာတွင် ရလဒ်များ အပြည့်အဝ သင် စွမ်းဆောင်ရရှိနိုင်ပေသည်။ ထို့နောက်တွင် သင်၏ ဖောက်ပြန်ပျက်စီးသော စိတ်သဘောထားများကို ဖြေရှင်းရန် သမ္မာတရား ရှာဖွေသင့်ပုံအတွက် လမ်းကြောင်းတစ်ခု သင်၌ အလိုအလျောက် ရှိလိမ့်မည်။ လူတို့က သမ္မာတရားကို လက်ခံနိုင်သရွေ့ ၎င်းတို့၏ ဖောက်ပြန်ပျက်စီးသော စိတ်သဘောထားများ သန့်စင်ခံရနိုင်ပြီး ၎င်းတို့၏ ဖောက်ပြန်ပျက်စီးခြင်း ပြဿနာက အလွယ်တကူ ပြေလည်သွားနိုင်သည်။ သမ္မာတရားကို လူတို့ လက်မခံနိုင်လျှင် ၎င်းတို့၏ အသက် စိတ်သဘောထားတွင် ပြောင်းလဲမှုတစ်ခုကို မည်သည့်အခါတွင်မျှ စွမ်းဆောင်ရရှိကြလိမ့်မည် မဟုတ်။ ယခုအခါတွင် သင်တို့အားလုံးက သမ္မာတရားကို လိုက်စားရန် လိုလားနေကြသောကြောင့် သမ္မာတရားအပေါ် အာရုံစိုက်ရမည်။

လူတို့၏ သဘာဝကို ဖြေရှင်းရန်၊ လူတို့၏ အမှုအရာများကို လုပ်ဆောင်ခြင်း နည်းလမ်းများမှ ဖော်ထုတ်သည်ထက် ထိုသဘာဝ၏ ရင်းမြစ်နှင့် လူတို့၏ စိတ်သဘောထားများမှ ငါတို့ တူးဖော်ရမည်။ အပြင်ပန်း အကြောင်းပြချက်များနှင့် အခြေအနေများကိုလည်း ငါတို့ အလေးမထားသင့်ဘဲ၊ ထိုအစား သမ္မာတရားနှင့် ထိုအရာကို နှိုင်းယှဉ်ချိန်ဆကြည့်ရမည်။ ဘုရားနှုတ်ကပတ်တော်များတွင် ဖော်ပြထားသည့် သမ္မာတရားသည် လူတို့၏ ဖောက်ပြန်ပျက်စီးသော စိတ်သဘောထားများကို ပစ်မှတ်ထား၏။ အစောပိုင်းက ဖော်ပြခဲ့သည့် ခံစားချက်များနှင့်ဆိုင်သည့် ဥပမာကို ကြည့်လော့။ တစ်ခါတစ်ရံ မိမိ၏ မိဘများကို လွမ်းဆွတ်ခြင်း သို့မဟုတ် အိမ်လွမ်းနာခံစားခြင်းတို့သည် ခံစားချက်များဖြစ်သည်ဟု လူတို့ တွေးထင်ကြသည်။ ဤသည်တို့မှာ ဘုရားသခင်က ခံစားချက်များအဖြစ် ရည်ညွှန်းသည့်အရာနှင့် တူသလော။ (မတူပါ။) သို့ဆိုလျှင် သင် သဘောပေါက်နားလည်သည့် ခံစားချက်များကို ဘုရားသခင် ပြောဆိုသည့် ခံစားချက်များအဖြစ် တန်းတူပြောဆို၍မရနိုင်ပေ။ သင် ပြောဆိုသည့် ခံစားချက်များသည် ပုံမှန်လူသားအခြေအနေများနှင့် သက်ဆိုင်သည်။ ယင်းတို့သည် ဖောက်ပြန်ပျက်စီးသော စိတ်သဘောထားတစ်ခုနှင့် မသက်ဆိုင်ပေ။ သင်၏ သွေးသား ဆွေမျိုးသားချင်းကို အသည်းကြော်များအဖြစ် သင် သဘောထားပြီး ဤအရာက သင့်အား ဘုရားသခင်နောက်မလိုက်ရန် သို့မဟုတ် ဘုရားသခင်ကို ကျိုးနွံနာခံခြင်း မရှိရန် ဖြစ်စေလျှင် သင်၏ ခံစားချက်များက အားကောင်းလွန်းပြီး ဤသည်မှာ ဖောက်ပြန်ပျက်စီးသော စိတ်သဘောထားတစ်ခုနှင့် သက်ဆိုင်ပေသည်။ ထို့ကြောင့် ဤအရာသည် သမ္မာတရားအပေါ် သဘောပေါက်နားလည်မှု စစ်စစ်တစ်ခု သင် ရှိမရှိဟူသည့် ကိစ္စနှင့် ပါဝင်ပတ်သက်ပေသည်။ အိမ်လွမ်းနာ သို့မဟုတ် မိမိ၏ မိဘများကို အနည်းငယ်သာ၍ ကြင်နာခြင်းဟု သင် ယုံကြည်သည့်အရာကို ခံစားချက်များအဖြစ် သင် သဘောထားသည့်အခါ ဤသည်မှာ သမ္မာတရားအပေါ် လွဲချော်သည့် သဘောပေါက်နားလည်မှုဖြစ်သည် မဟုတ်လော။ အမှန်တွင် သင် သဘောပေါက်နားလည်သည့်အရာမှာ သမ္မာတရားမဟုတ်သကဲ့သို့ သမ္မာတရားနှင့် မကိုက်ညီပေ။ အပြင်ပန်း ဖြစ်စဉ်တစ်ခုမျှသာ ဖြစ်သည်။ ဘုရားသခင် ပြောဆိုသည့် ခံစားချက်များမှာ အဘယ်နည်း။ ယင်းတို့မှာ အစောပိုင်းက ဖော်ပြခဲ့သည့် သူမ၏ ကလေးကို မိခင် ဆက်ဆံပုံထဲမှ ဒုတိယ လုပ်နည်းကိုင်နည်းဖြစ်သည်။ ယင်းမှာ မျက်နှာသာပေးသည့် အခြေအနေတစ်ခုဖြစ်ပြီး တစ်စုံတစ်ဦးအပေါ် စည်းမျဉ်းနှင့်မညီသည့် ကာကွယ်မှုပေးခြင်း ဖြစ်သည်။ ဤသည်တို့မှာ ဘုရားသခင် ဖော်ထုတ်သည့် ခံစားချက်များဖြစ်သည်။ ဤကိစ္စရပ်တွင် မိခင်၏ ဖောက်ပြန်ပျက်စီးသော စိတ်သဘောထားနှင့်ဆိုင်သည့် ထုတ်ဖော်ချက်ဖြစ်သည်။ ထိုလုပ်နည်းကိုင်နည်းနှစ်ခုသည် အလွန်အမင်း ကွဲပြားခြားနားကြသည် မဟုတ်လော။ ပထမဆုံး လုပ်နည်းကိုင်နည်းမှာ ပုံမှန် ဖြစ်စဉ်တစ်ခုဖြစ်ပြီး ထိုအရာကို ပြုပြင်ရန် မလိုအပ်သကဲ့သို့ ထိုအရာကို နက်နက် ဖော်ထုတ်ရန်၊ စိတ်ဖြာလေ့လာဆွေးနွေးရန် မလိုအပ်ဘဲ ထိုအရာကို သမ္မာတရားနှင့် နှိုင်းယှဉ်ချိန်ဆကြည့်ရန် သို့မဟုတ် သမ္မာတရား၏ သွင်ပြင်လက္ခဏာတစ်ခုခုကို လက်တွေ့လုပ်ဆောင်ရန် သို့မဟုတ် တစ်စုံတစ်ရာကို လက်လွှတ်ရန် သာ၍ပင် မလိုအပ်ပေ။ သို့ဆိုလျှင် ဤလုပ်နည်းကိုင်နည်းသည် သင့်တင့်လျောက်ပတ်သလော။ ဤသို့ ပြုမူဆောင်ရွက်ရန် လိုအပ်သလော။ မလိုအပ်ပေ။ ဤလုပ်နည်းကိုင်နည်းတွင် အမှန် သို့မဟုတ် အမှားမရှိပေ။ ဒုတိယ လုပ်နည်းကိုင်နည်းမှာ စိတ်သဘောထားတစ်ခု ပါဝင်ပတ်သက်သည်။ မည်သည့် ခံစားချက်များ၏ သရုပ်သကန်အမျိုးအစားတွင် ဖောက်ပြန်ပျက်စီးသော စိတ်သဘောထားများ ပါဝင်သနည်း။ (အခြားသူများအပေါ် မျက်နှာသာပေးခြင်း၊ စည်းမျဉ်းနှင့်မညီသော ကာကွယ်မှုပေးခြင်း၊ ဇာတိပကတိ၏ ဆက်နွှယ်မှုများကို ထိန်းသိမ်းခြင်းနှင့် တရားမျှတမှု ကင်းမဲ့ခြင်းတို့ဖြစ်သည်။) ဤသည်တို့မှာ ဘုရားသခင် ပြောဆိုသည့် “ခံစားချက်များ”ဟူသည့် စကားဖြင့် သရုပ်ဖော်ထားသည့်အရာများ ဖြစ်သည်။ ဤမျှ သင် နားလည်နိုင်ပြီး သင့်ကိုယ်သင်နှင့် ဤအရာများကို အမှန်တကယ် ဆက်စပ်နိုင်လျှင် ဤဖောက်ပြန်ပျက်စီးသော စိတ်သဘောထားများကို ဖြေရှင်းရာတွင် သင် အားထုတ်သင့်ပေသည်။ ဤခံစားချက်များဖြင့် သင် ဘောင်ခတ်မခံရတော့သည့်အခါတွင်သာ သင်၏ လုပ်ရပ်များအားလုံးက သမ္မာတရားကို လက်တွေ့လုပ်ဆောင်ခြင်း ဖြစ်လိမ့်မည်။ ထို့နောက် ခံစားချက်များကို သင် ခြုံငုံ၍ နားလည်သည့် အခြေအနေများသည် ဘုရားသခင် ပြောဆိုထားသည့်အတိုင်း “ခံစားချက်များ”ဟူသည့် စကားနှင့် လုံးဝ ကိုက်ညီလိမ့်မည်။ ဤသည်မှာ သင် နားလည်မည့် သမ္မာတရား ဖြစ်သည်။ ခံစားချက်များက မည်သည့်အရာဖြစ်သည်ဟူသည့်အပေါ် မိတ်သဟာယပြုရန် သင့်ကို တောင်းဆိုပြီး မိခင်၏ ပထမဆုံး လုပ်နည်းကိုင်နည်းအကြောင်းကို သင် ပြောဆိုလျှင် ဤသည်မှာ သမ္မာတရားကို သိနားလည်မှုမရှိခြင်း၏ သရုပ်သကန်တစ်ခု ဖြစ်သည်။ မိခင်၏ ဒုတိယ လုပ်နည်းကိုင်နည်းအကြောင်းကို သင် မိတ်သဟာယပြုပြီး သူ၏ ဖောက်ပြန်ပျက်စီးသော စိတ်သဘောထားကို စိတ်ဖြာလေ့လာဆွေးနွေးလျှင် သမ္မာတရားကို သင် နားလည်ပေသည်။ သင် မိတ်သဟာယပြု၊ တွေ့ကြုံပြီး နားလည်သည့်အရာများသည် ဘုရားနှုတ်ကပတ်တော်၏ သမ္မာတရားနှင့် ကိုက်ညီပြီး ဆန့်ကျင်ကွဲလွဲမှုများ သို့မဟုတ် သဟဇာတမဖြစ်ခြင်းများ မရှိလျှင် ဤအရာက သင်သည် ဘုရားနှုတ်ကပတ်တော်များကို နားလည်ကြောင်း၊ ထိုနှုတ်ကပတ်တော်များ၏ အဓိပ္ပာယ်ကို သင် သဘောပေါက်ပြီးဖြစ်ကြောင်း၊ ယင်းတို့ကို သင်နားလည်ပြီးဖြစ်ကြောင်းနှင့် ယင်းတို့ကို သင် လက်တွေ့လုပ်ဆောင်ကာ ကျင့်သုံးနိုင်ကြောင်း သက်သေပြပေသည်။ ထို့နောက်တွင် သင်သည် သမ္မာတရားနှင့် အသက်ကို ရရှိလိမ့်မည်ဖြစ်ပြီး ဤအရာ၏ သွယ်ဝိုက်ညွှန်းဆိုချက်မှာ သင်သည် သမ္မာတရား စစ်မှန်မှုထဲသို့ ဝင်ရောက်ပြီးဖြစ်လိမ့်မည်ဟူ၍ ဖြစ်သည်။ ထိုအချိန်တွင် ဤအရာမျိုးကို သင် တစ်ဖန် တွေ့သည့်အခါ ပိုင်းခြားသိမြင်နိုင်လိမ့်မည်ဖြစ်ပြီး မည်သည့် ထုတ်ဖော်မှုမျိုးက ပုံမှန်ဖြစ်ပြီး မည်သည့် ထုတ်ဖော်မှုမျိုးက ဖောက်ပြန်ပျက်စီးသော စိတ်သဘောထားနှင့် သက်ဆိုင်သည့် ထုတ်ဖော်မှုများ ဖြစ်သည်ဟူသည်ကို သင် သိလိမ့်မည်ဖြစ်ကာ ဤအရာနှင့်ပတ်သက်၍ သင်၏ စိတ်နှလုံးတွင် လုံးဝ ရှင်းသွားလိမ့်မည်။ ဤသို့ဖြင့် သင်၏ လုပ်ရပ်များသည် မှန်ကန်တိကျမည် မဟုတ်လော။ သင်၏ လုပ်ရပ်များသည် သမ္မာတရားနှင့် ကိုက်ညီမည် မဟုတ်လော။ သင်သည် သမ္မာတရား စစ်မှန်မှု ရှိမည် မဟုတ်လော။ သင်သည် မှန်ကန်တိကျစွာ ပြုမူပြီး သမ္မာတရားကို နားလည်လျှင် သင် မိတ်သဟာယပြုသည့် သိနားလည်မှုနှင့် အတွေ့အကြုံတို့သည် အခြားသူတို့အား ကူညီနိုင်ပြီး ၎င်းတို့၏ အခက်အခဲများကို ဖြေရှင်းပေးနိုင်မည် မဟုတ်လော။ (ဖြေရှင်းပေးနိုင်ပါမည်။) ဤသည်မှာ သမ္မာတရား၏ လက်တွေ့ကျသော ဘက်ခြမ်းဖြစ်သည်။

လူအချို့သည် ၎င်းတို့၏ ညံ့ဖျင်းသော အစွမ်းအစကြောင့် မိမိတို့တာဝန်များကို ကောင်းမွန်စွာ မထမ်းဆောင်ကြဘဲ ထိုအရာက ၎င်းတို့က အသိစိတ်ကင်းမဲ့သောကြောင့်ဖြစ်သည်ဟု အမြဲ အခိုင်အမာပြောဆိုကြသည်။ မည်သည့် ရှင်းပြချက်သည် မှန်ကန်တိကျသနည်း။ (၎င်းတို့တွင် ညံ့ဖျင်းသော အစွမ်းအစရှိပါသည်။) တစ်ခါတစ်ရံ လူတစ်ဦးသည် တာဝန်တစ်ခုကို ထမ်းဆောင်သည့်အခါ ထိုအတတ်ပညာနှင့်ဆိုင်သည့် အသိပညာ၏ အခြေခံများကို သဘောပေါက်ကောင်း ပေါက်နိုင်သော်လည်း ယင်းတို့ကို ယခင်က လုံးဝ မသင်ယူခဲ့သောကြောင့် ထိုအရာ၏ သာ၍ အဆင့်မြင့်သော သွင်ပြင်လက္ခဏာများကို နားမလည်ဘဲ ရှိနေနိုင်သည်။ ၎င်းတို့၏ ခေါင်းဆောင်များက ၎င်းတို့ကို ဝတ်ကျေတမ်းကျေလုပ်သောသူ၊ စိတ်မချရသောသူနှင့် လက်ကြောမတင်းသောသူအဖြစ် အမည်တပ်ကြသော်လည်း အမှန်တွင် ၎င်းတို့က အတတ်ပညာဆိုင်ရာ အသိ ကင်းမဲ့ရုံကင်းမဲ့ခြင်းသာ ဖြစ်ပြီး ထိုအရာများကို မသင်ယူကြသေးသော်လည်း အကောင်းဆုံး ကြိုးစားနှင့်ကြပြီး ဖြစ်သည်။ သို့တိုင် ၎င်းတို့၏ ခေါင်းဆောင်များက ၎င်းတို့ကို ဝတ်ကျေတမ်းကျေဖြစ်ကြသည်ဟု ပြောကြသည်။ ဤသည်မှာ အမှန်တရားများနှင့် မကိုက်ညီပေ။ ဤသည်မှာ ဝေါဟာရအသုံးအနှုန်းကို မဆင်မခြင် အသုံးပြုခြင်းနှင့် မဆင်မခြင် အမည်တပ်ခြင်းဖြစ်သည်။ အဘယ်ကြောင့် လူတို့သည် ဝေါဟာရအသုံးအနှုန်းကို လက်လွတ်စပယ် သုံးကာ အခြားသူများကို အမည်တပ်ကြသနည်း။ သမ္မာတရားကို ၎င်းတို့ နားမလည်သောကြောင့် ဖြစ်သည် မဟုတ်လော။ လူအချို့က ဟုတ်သည်ဟု မုချ ပြောကြလိမ့်မည်၊ အချို့က ၎င်းတို့တွင် ညံ့ဖျင်းသော အစွမ်းအစရှိပြီး အလွန် နားဝေတိမ်တောင် ဖြစ်ကြသောကြောင့်ဖြစ်သည်ဟု ပြောကြလိမ့်မည်ဖြစ်ပြီး အချို့သော အခြားလူတို့က ၎င်းတို့၏ လူ့သဘာဝ အလွန် ဆိုးယုတ်ပြီး မှားယွင်းသည့် ရည်ရွယ်ချက်များ ရှိကြသောကြောင့်ဖြစ်သည်ဟု ပြောကြလိမ့်မည်။ မည်သည့် ရှင်းပြချက်သည် မှန်ကန်သနည်း။ အမှန်တွင် ဤအခြေအနေ သုံးခုလုံး တည်ရှိပြီး အကဲဖြတ်ခြင်းကို တိကျသည့် အခြေအနေအတိုင်း ပြုလုပ်ရမည်ဖြစ်သည်။ သမ္မာတရားကို ၎င်းတို့ နားမလည်ခြင်းက ထိုအရာကို ဖြစ်စေသော်လည်း ၎င်းတို့တွင် ညံ့ဖျင်းသော အစွမ်းအစရှိပြီး အလွန် နားဝေတိမ်တောင်ဖြစ်ကြသောကြောင့်ဖြစ်သည်ဟု တစ်စုံတစ်ဦးက ပြောလျှင် ဤစကားများက မှန်ကန်တိကျခြင်း မရှိပေ။ ၎င်းတို့၏ ဆိုးယုတ်သော လူ့သဘာဝနှင့် ဖုံးကွယ်ထားသော ရည်ရွယ်ချက်များက ထိုအရာကို ဖြစ်စေသည်မှာ သိသာသော်လည်း တစ်စုံတစ်ဦးက ၎င်းတို့တွင် ညံ့ဖျင်းသော အစွမ်းအစရှိပြီး အလွန် နားဝေတိမ်တောင် ဖြစ်ကြသောကြောင့်ဖြစ်သည်ဟု ဆိုလျှင် ဤသည်မှာ အမှန်တရားများနှင့် လွဲချော်နေခြင်းဖြစ်ပြီး ဆိုးယုတ်သောလူများကို ခေါင်းရှောင်ဖို့ ထောက်ကူပေးရန် အလားအလာရှိပေသည်။ သမ္မာတရားကို လူတို့ နားမလည်ခြင်းက ဖြစ်စေသည့် အခြားသော အခြေအနေများရှိသော်လည်း အခြားသူတို့က ထိုအခြေအနေများကို လူတို့၏ ဆိုးယုတ်သော လူ့သဘာဝက ဖြစ်စေခဲ့ခြင်းဖြစ်သည်ဟု ပြောကြသည်။ အမှုအရာများကို ဤသို့ကြည့်ခြင်းသည် မှန်ကန်တိကျမှု မရှိသကဲ့သို့ ၎င်းတို့က လူကောင်းများကို ဆိုးယုတ်သော လူများအဖြစ် ဆက်ဆံမိကြမည့် အလားအလာရှိပြီး ယင်းက မကောင်းသည့် အကျိုးဆက်များ ရှိလိမ့်မည်။ ဤအရာများကို ပိုင်းခြားသိမြင်နိုင်ခြင်းမရှိသကဲ့သို့ ပြဿနာ၏ အနှစ်သာရကို လုံးလုံးလျားလျား သိနားလည်နိုင်ခြင်းမရှိသည့် လူများစွာ ရှိသည်။ ၎င်းတို့သည် ကြောင်းကျိုးမမြင်ဘဲ စည်းမျဉ်းစည်းကမ်းများကို ကျင့်သုံးပြီး မိမိတို့ကိုယ်ပိုင် စိတ်ကူးများပေါ် အခြေခံ၍ ကောက်ချက်များချကာ ထို့နောက်တွင် ၎င်းတို့၌ ပိုင်းခြားသိမြင်နိုင်စွမ်းရှိကြောင်းနှင့် အမှုအရာများကို ရှင်းလင်းစွာ မြင်နိုင်ကြောင်း ခံစားကြသည်။ ဤသည်မှာ မာနထောင်လွှားမှုနှင့် မိမိကိုယ်ကို မှန်ကန်သည်ဟု ယူမှတ်ခြင်းဖြစ်သည် မဟုတ်လော။ တစ်စုံတစ်ဦးတွင် မကောင်းသည့် လူ့သဘာဝရှိပြီး လူတို့ကို ၎င်းတို့ကိုယ်ပိုင် ဖုံးကွယ်ထားသည့် ရည်ရွယ်ချက်များပေါ် အခြေခံ၍ လက်လွတ်စပယ် အမည်တပ်ကာ ရှုတ်ချလျှင် ဤသည်မှာ ဆိုးယုတ်သော လူတစ်ဦး၏ သဘာဝဖြစ်သည်။ ထိုသို့သော လူများသည် လူနည်းစုဖြစ်သည်။ လူအများစုသည် သမ္မာတရားကို နားမလည်ကြသောကြောင့် ဤအရာမျိုးကို လုပ်ဆောင်ကြခြင်း ဖြစ်သည်။ သမ္မာတရားကို နားမလည်သောသူတို့သည် စည်းမျဉ်းစည်းကမ်းများကို လက်လွတ်စပယ် ကျင့်သုံးကာ ဝိညာဉ်ရေးရာ ဝေါဟာရများကို လက်လွတ်စပယ် အသုံးပြုကြသည်။ ဥပမာအားဖြင့် လူအချို့သည် မိမိတို့၏ လူ့သဘာဝနှင့်ပတ်သက်၍ ပြဿနာတစ်ခု သိသိသာသာ ရှိကြသည်။ ၎င်းတို့သည် ခိုကပ်ရန် နည်းလမ်းများ အမြဲ ရှာကြပြီး မိမိတို့တာဝန်များကို ထမ်းဆောင်နေစဉ်တွင် အားမထုတ်ကြဘဲ ပိုင်းခြားသိမြင်နိုင်စွမ်း မရှိသူတို့က ဤသည်မှာ ညံ့ဖျင်းသော အစွမ်းအစဖြစ်သည်ဟု ဆိုကြသည်။ လူအချို့သည် တရားမျှတစိတ်ရှိကြပြီး စည်းမျဉ်းများကို ချိုးဖောက်သည့်အရာ တစ်စုံတစ်ခု တွေ့သည့်အခါ ထိုအရာကို တင်ပြပြီး အသင်းတော်၏ အကျိုးစီးပွားများကို စောင့်ရှောက်ကြသော်လည်း မာနထောင်လွှားကာ မိမိကိုယ်ကို မှန်ကန်သည်ဟု ယူမှတ်သောသူအဖြစ် သမ္မာတရား နားမလည်သောသူတို့၏ အမည်တပ်ခြင်းကို မကြာခဏခံရပြီး ဆိုးယုတ်သော လူများအဖြစ်ပင် သဘောထားခြင်းခံရသည်။ ယင်းမှာ လူကောင်းများအတွက် အမှန်တကယ် တရားမျှတမှုမရှိခြင်း ဖြစ်သည်။ လူအချို့သည် ဝိညာဉ်ရင့်ကျက်မှုတွင် သိသိသာသာ သေးငယ်ပြီး မိမိတို့ ခံစားချက်များ၏ ဘောင်ခတ်ခြင်းခံရစဉ်တွင် ခဏတာ အားနည်းလာကြကာ သမ္မာတရားကို နားမလည်သောလူတို့က ၎င်းတို့ကို အားကောင်းလွန်းသည့် ခံစားချက်များရှိခြင်းနှင့် ဘုရားသခင်အတွက် စစ်မှန်ရိုးသားသည့် စိတ်နှလုံးတစ်ခု ကင်းမဲ့ခြင်းအဖြစ် ဖော်ပြကြသည်။ ဤသည်မှာ သမ္မာတရား ကင်းမဲ့သော လူများဖြစ်ကြသည့်ပုံစံ ဖြစ်သည်။ နောက်ခံ သို့မဟုတ် တကယ့် အခြေအနေကို စဉ်းစားခြင်းမရှိဘဲ ၎င်းတို့က ယခုတစ်မျိုး နောက်ပိုင်းတွင် တစ်မျိုးပြောဆိုရင်း စည်းမျဉ်းစည်းကမ်းများကို လက်လွတ်စပယ် ကျင့်သုံးမြဲကျင့်သုံးကြလေသည်။ ထိုသို့သော လူများသည် ပြဿနာများကို ဖြေရှင်းရန် သမ္မာတရားကို အသုံးပြုနိုင်ကြသလော။ (အသုံးမပြုနိုင်ပါ။) သမ္မာတရားကို နားမလည်သည့်လူများက ပြဿနာများကို ဖြေရှင်းရန် ကြိုးစားကြသည့်အခါ မှန်ကန်သည့် ဆေးဝါးကို မညွှန်းနိုင်ကြပေ။ ထိုအရာမှာ အစာအိမ်ဝေဒနာခံစားနေရသော လူတစ်ဦးကို ဦးခေါင်းကို ကုသခြင်းအားဖြင့် ကုသရန် ကြိုးစားနေကြသကဲ့သို့ ဖြစ်သည်။ ပြဿနာ၏ ရင်းမြစ်ကို ၎င်းတို့ ရှာမတွေ့နိုင်ကြ။ ပြဿနာ၏ ရင်းမြစ်က မည်သည့်နေရာတွင် ရှိသည် သို့မဟုတ် ဘုရားနှုတ်ကပတ်တော်များက မည်သည့်အရာကို ပြောဆိုပြီး ရည်ညွှန်းသည်ကို ၎င်းတို့ နားမလည်ကြ။ ဤသည်မှာ သမ္မာတရားကို သိနားလည်ခြင်း မဟုတ်ပေ။ ယခုတွင် သမ္မာတရားကို သင်တို့ များစွာ နားလည်သလော သို့မဟုတ် အနည်းအကျဉ်း နားလည်သလော။ (အနည်းအကျဉ်း နားလည်ပါသည်။) ဥပမာအားဖြင့် တစ်စုံတစ်ဦးက “ဤကိစ္စရပ် သင့်အပေါ် ကျရောက်သည့်အခါ သင် အဘယ်ကြောင့် ကျိုးနွံနာခံနိုင်ခြင်း မရှိသနည်း”ဟု ပြောသည်ဆိုပါစို့။ လူတို့က “ဘုရားသခင်ကို ကျွန်ုပ် မသိသောကြောင့်ဖြစ်သည်”ဟု မကြာခဏ ပြောဆိုကြသည်။ ဤရှင်းပြချက်သည် မှန်ကန်သလော။ တစ်ခါတစ်ရံ မှန်ကန်ပြီး တစ်ခါတစ်ရံ မမှန်ပေ။ အချိန်အများစုတွင် မှန်ကန်ခြင်း မရှိသကဲ့သို့ ဤသည်မှာ မဆင်မခြင် အမည်တပ်ခြင်းသာ ဖြစ်သည်။ လူတို့သည် ဝိညာဉ်ရေးရာ ဝေါဟာရအနည်းငယ်ကို သဘောပေါက်ပြီးနောက် ထိုအရာကို လက်လွတ်စပယ် ကျင့်သုံးကာ အသုံးပြုပြီး အကျိုးဆက်အနေဖြင့် ပြဿနာများစွာ ဖြစ်ပေါ်လေသည်။ အချို့မှာ အဓိပ္ပာယ်ကောက်လွဲခြင်းများ ဖြစ်ပြီး အချို့မှာ ဝေဖန်မှုများဖြစ်ကာ ဤအရာက ထိခိုက်နစ်နာစေသော ရလဒ်များ ဖန်တီးပြီး ပရမ်းပတာအခြေအနေများကိုပင် ဖြစ်စေသည်။ ဝိညာဉ်ရေးရာ သိနားလည်မှုမရှိသည့်သူများသည် တစ်စုံတစ်ရာကို သင်ယူသည့်အခါ ထိုအရာကို လက်လွတ်စပယ် ကျင့်သုံးပြီး အသုံးပြုကြသည်။ ၎င်းတို့သည် အမှားများပြုလုပ်မိရန် အလားအလာအရှိဆုံးဖြစ်ပြီး စည်းမျဉ်းနှင့်ဆိုင်သည့် အမှားများ ပြုလုပ်မိတတ်ကြသည်။ သဘောပေါက်နားလည်နိုင်စွမ်းရှိသည့် လူများမှာမူ အမှားအနည်းငယ် ရှိကောင်းရှိနိုင်သော်လည်း ဤအမှားများသည် စည်းမျဉ်းနှင့်ဆိုင်သည့် ပြဿနာများမဟုတ်သကဲ့သို့ ထိုအမှားများမှ သင်ခန်းစာများ သင်ယူနိုင်ကြသည်။ လူတို့တွင် အဓိပ္ပာယ်မရှိသည့် သဘောပေါက်နားလည်နိုင်စွမ်းရှိလျှင်၊ ဘုရားနှုတ်ကပတ်တော်များကို ဖတ်ရှုသည့်အခါ တလွဲအဓိပ္ပာယ်ကောက်ကြလျှင်၊ တရားဒေသနာများကို နားထောင်သည့်အခါ ၎င်းတို့၏ သဘောပေါက်နားလည်မှုတွင် သွေဖည်မှုများရှိလျှင်၊ ၎င်းတို့အနေဖြင့် အမှားရှာပြီး ချစ်တီးခေါင်းသန်းရှာ လုပ်တတ်ဖွယ်ရှိလျှင် ဤသည်မှာ အလွန် ဒုက္ခပေးတတ်လေသည်။ ၎င်းတို့အတွက် သမ္မာတရား စစ်မှန်မှုထဲသို့ ဝင်ရောက်ရန် မဖြစ်နိုင်သည်သာမက အချိန်ကြာလာသည်နှင့်အမျှ မဆင်မခြင် စတင်ပြုမူကြလိမ့်မည်ဖြစ်ကာ အသင်းတော်အလုပ်ကို အဖျက်အမှောင့်လုပ်ခြင်းများ ဖြစ်စေကြလိမ့်မည် ဖြစ်သည်။ ဤသည်မှာ ဆိုးရွားသော ရလဒ်တစ်ခုဖြစ်၏။

ယခုတွင် သင်တို့ တွေးဆသင့်သည်။ သင်တို့ မကြာခဏ ပြောဆိုကြသည့် စကားများ၊ အယူဝါဒများနှင့် ဝိညာဉ်ရေးရာ သဘောတရားများသည် သမ္မာတရား ဖြစ်သလော။ သမ္မာတရားကို သင်တို့ နားလည်ကြသလော သို့မဟုတ် အယူဝါဒများကိုသာ သင်တို့ နားလည်ကြသလော။ သင်တို့၏ သိနားလည်မှုအတွင်းတွင် သမ္မာတရား စစ်မှန်မှုများ မည်မျှရှိသနည်း။ ဤအရာများကို သင်တို့ နားလည်သည်နှင့်တစ်ပြိုင်နက် မိမိကိုယ်ကို သိသည့်အသိ အမှန်တကယ် ရှိကြလိမ့်မည်ဖြစ်ပြီး သင်တို့၏ ကိုယ်ပိုင် အတိုင်းအတာကို သိကြလိမ့်မည်။ ဥပမာအားဖြင့် သင်တို့သည် ရိုးသားသောလူတစ်ဦး မည်သို့ဖြစ်ရမည်ဟူသည့် သမ္မာတရားများအပေါ် များစွာ မိတ်သဟာယပြုကြပြီးဖြစ်သော်လည်း ယင်းတို့ကို အမှန်တကယ် နားလည်ကြပြီလော။ အချို့သော စကားများကို သင်တို့ မိတ်သဟာယပြုနိုင်ပြီး အချို့သော သိနားလည်မှုအကြောင်းကို ပြောဆိုကောင်း ပြောဆိုနိုင်ကြသော်လည်း ဤစစ်မှန်မှုများထဲမှ မည်မျှထဲသို့ သင်တို့ ဝင်ရောက်ပြီးပြီနည်း။ ယခု သင်တို့သည် အမှန်တကယ် ရိုးသားသောလူတစ်ဦး ဖြစ်ပြီလော။ ဤအကြောင်းကို ရှင်းလင်းစွာ သင်တို့ ပြောဆိုနိုင်ကြသလော။ လူအချို့က “ရိုးသားသောလူတစ်ဦးဖြစ်ခြင်းသည် အလိမ်အညာများ မပြောခြင်း၊ သင်၏ စိတ်နှလုံး၌ရှိသည့် မည်သည့်အရာကိုမဆို ပြောဆိုခြင်း၊ မည်သည့်အရာကိုမျှ ကွယ်ဝှက်မထားခြင်းနှင့် မည်သည့်အရာကိုမျှ လှီးလွှဲပြောဆိုမှုမပြုခြင်းကို ဆိုလိုသည်။ ဤသည်မှာ ရိုးသားသော လူတစ်ဦးဖြစ်ခြင်း၏ စံနှုန်းဖြစ်သည်”ဟု ပြောကြသည်။ ဤအဆိုကို သင်တို့ အဘယ်သို့ တွေးထင်သနည်း။ သမ္မာတရားနှင့် ကိုက်ညီသလော။ (မကိုက်ညီပါ။) သင့်အနေဖြင့် စကားများနှင့် အယူဝါဒများအကြောင်းကို ပြောဆိုနိုင်သော်လည်း လက်တွေ့လုပ်ဆောင်ခြင်း အသေးစိတ်အချက်များ သို့မဟုတ် သတ်သတ်မှတ်မှတ်ဖြစ်သော ပြဿနာများနှင့် ပတ်သက်လာသည့်အခါ သင်သည် စကားလုံးများ ရှာမရဖြစ်လေသည်။ ဤသည်မှာ သမ္မာတရားကို သိနားလည်ခြင်း မဟုတ်ပေ။ လူတို့သည် သမ္မာတရားကို နားမလည်ကြသော်လည်း “ငါ များစွာ နားလည်ပြီးသားဖြစ်သော်လည်း ဘုရားက ငါ့ကို အသုံးမပြုပါ။ ဘုရားသခင်က ငါ့ကို အသုံးပြုပြီး ငါ အသင်းတော်ခေါင်းဆောင်တစ်ဦး ဖြစ်လာမည်ဆိုလျှင် ငါ အသေအချာပင် ညီအစ်ကို မောင်နှမတိုင်းက သမ္မာတရားကို သိနားလည်လာအောင်လုပ်မည်”ဟု အမြဲ စဉ်းစားကြသည်။ ဤသည်မှာ အလွန် စကားကြီးစကားကျယ် ပြောဆိုခြင်း မဟုတ်လော။ ထိုအစွမ်းအစ သင် အမှန်တကယ် ရှိသလော။ ကိုယ်ရည်သွေးပြီး ကြွားဝါသောလူတို့သည် ရိုးသားသော လူများဖြစ်ကြသလော။ ဤလူများသည် သမ္မာတရားကို နားမလည်ကြသော်လည်း ကိုယ်ရည်သွေးကာ ကြွားကြသည်။ ၎င်းတို့သည် သနားဖွယ်ဖြစ်သည် မဟုတ်လော။ (သနားဖွယ်ဖြစ်ကြပါသည်။) သင်တို့သည် ယခု တရားဒေသနာများစွာကို နားထောင်နေကြသော်လည်း သမ္မာတရားကို လုံးဝ နားမလည်လျှင် ဖာရိရှဲများကဲ့သို့ပင် တူညီသည့်လမ်းကြောင်းကို အနှေးနှင့်အမြန်ဆိုသလို လျှောက်လှမ်းကြလိမ့်မည်ဖြစ်ပြီး ထို့နောက်တွင် သင်တို့သည် ခေတ်သစ်ဖာရိရှဲများ ဖြစ်ကြလိမ့်မည်။ ဤသည်မှာ ဖြစ်နိုင်ဖွယ်ရှိသည် မဟုတ်လော။ (ဟုတ်ပါသည်။) အားလုံး အလွန် ဖြစ်နိုင်ဖွယ်ရှိသည်။ လူတို့၏ ဆိုးယုတ်သော သဘာဝများက နက်ရှိုင်းစွာ အရိုးစွဲနေသည်။ အသိပညာ သို့မဟုတ် ပညာရေးတစ်ခုခုကို ၎င်းတို့ ဆည်းပူးပြီး အချို့သော မှန်ကန်သည့် သဘောတရားများနှင့် အဆင့်မြင့်သည့် တရားဒေသနာများကို ဟောပြောနိုင်လျှင် ၎င်းတို့ ဖာရိရှဲများ အလွန် ဖြစ်လာနိုင်ဖွယ်ရှိသည်။ ၎င်းတို့အနေဖြင့် ဖာရိရှဲတစ်ဦး ဖြစ်လာရန် အလိုမရှိလျှင် သို့မဟုတ် ဖာရိရှဲတစ်ဦး လမ်းကြောင်းကို လျှောက်လိုခြင်းမရှိလျှင် ဤအရာကို ရှောင်ရှားရန် တစ်ခုတည်းသောနည်းလမ်းမှာ သမ္မာတရားကို နားလည်ပြီး စစ်မှန်မှုထဲသို့ ဝင်ရောက်ရန်နှင့် သင် နားလည်သည့် အယူဝါဒများကို သမ္မာတရား၏ စစ်မှန်မှုအဖြစ်သို့ ပြောင်းလဲရန် ကြိုးစားအားထုတ်ဖို့ ဖြစ်သည်။ သို့ဆိုလျှင် မည်သည့်အရာကို ရိုးသားသော လူတစ်ဦးဖြစ်ခြင်းနှင့်ဆိုင်သည့် သမ္မာတရားအား အမှန်တကယ် သိနားလည်ခြင်းအဖြစ် မှတ်ယူသနည်း။ ဤအရာကို သင်တို့ဘာသာ ချင့်ချိန်စဉ်းစားပြီး အားလပ်သည့်အချိန်တစ်ခုခု ရှိသည့်အခါ ဤအရာနှင့်ပတ်သက်၍ မိတ်သဟာယပြုသင့်သည်။ ရိုးသားသောလူတစ်ဦးဟူသည်မှာ အတိအကျ မည်သည့်အရာ ဖြစ်သနည်း။ သူ ပြောဆိုသည့် ရိုးသားသောလူများအတွက် ဘုရားနှုတ်ကပတ်တော်များတွင် တောင်းဆိုထားသည့် စံနှုန်းများမှာ အဘယ်နည်း။ ဘုရားသခင် တောင်းဆိုသည့် ဤစံနှုန်းများထဲမှ မည်သည့်အရာကို လူတို့ လက်တွေ့လုပ်ဆောင်နိုင်သနည်း။ ဘုရားသခင် ပြောဆိုသည့် ရိုးသားသောလူသည် မည်သည့်အရာနှင့်တူသနည်း။ ရိုးသားသောလူတစ်ဦး ဖြစ်ခြင်းက လူတို့၏ ဖောက်ပြန်ပျက်စီးသော စိတ်သဘောထားများနှင့်ဆိုင်သည့် မည်သည့် သွင်ပြင်လက္ခဏာကို ပစ်မှတ်ထားသနည်း။ ဤမေးခွန်းများသည် နက်နက်ရှိုင်းရှိုင်း နှိုက်နှိုက်ချွတ်ချွတ် ကြိုးစားရှာဖွေထိုက်သည် မဟုတ်လော။ လူတို့ လက်တွေ့လုပ်ဆောင်ရန် ဘုရားသခင် တောင်းဆိုသည့် နှုတ်ကပတ်တော်များနှင့် သမ္မာတရားများသည် လူတို့၏ အမှုအရာများကို လုပ်ဆောင်သည့် နည်းလမ်းများ သို့မဟုတ် အပြုအမူကို ရည်ရွယ်ခြင်း မဟုတ်ပေ။ လူတို့၏ စာတန်ဆန်သော သဘာဝများနှင့် စိတ်သဘောထားများကို ရည်ရွယ်ထားပေသည်။ ထို့ကြောင့် ဤစကားများကို သမ္မာတရားအဖြစ် ပြောဆိုခြင်း ဖြစ်သည်။ ၎င်းတို့၏ တစ်ခုတည်းသော ရည်ရွယ်ချက်မှာ လူတို့၏ အပြုအမူကို ပြောင်းလဲရန်နှင့် မည်သို့ စဉ်းစားရမည်ကို လူတို့အား သွန်သင်ရန်ဖြစ်လျှင် ယင်းတို့သည် သမ္မာတရား ဖြစ်မည်မဟုတ်။ သဘောတရားတစ်မျိုးသာ ဖြစ်မည်ဖြစ်သည်။ မည်သည့် ပညာပေးသူမဆိုက လူတို့အပေါ် လွှမ်းမိုးမှုအနည်းငယ် ရှိနိုင်ပြီး ၎င်းတို့၏ အပြုအမူကို အနည်းငယ် ပြောင်းလဲနိုင်ကာ ဤသွန်သင်ချက်များကို လက်တွေ့လုပ်ဆောင်ခြင်းနှင့် ပေါင်းရုံးသုံးသပ်ခြင်းအားဖြင့် လူတို့၏ အပြုအမူက တဖြည်းဖြည်း ထိန်းညှိခြင်းခံရနိုင်သည်ဟု ပြော၍ရကောင်းရနိုင်ပေသည်။ ဤအသိပညာမျိုး များစွာရှိသော်လည်း လူတို့၏ ဖောက်ပြန်ပျက်စီးသော စိတ်သဘောထားများကို မဖြေရှင်းပေးနိုင်သကဲ့သို့ ၎င်းတို့ အပြစ်များ၏ ရင်းမြစ် ပြဿနာကို မဖြေရှင်းပေးနိုင်သောကြောင့် ဤအရာများသည် သမ္မာတရား မဟုတ်ပေ။ ဘုရားနှုတ်ကပတ်တော်များကသာ လူတို့၏ ဖောက်ပြန်ပျက်စီးခြင်းကို သန့်စင်ကာ ဖြေရှင်းပေးနိုင်သည်၊ ဘုရားနှုတ်ကပတ်တော်များကသာ လူတို့၏ စာတန်ဆန်သော သဘာဝများကို အကုန်အစင် ဖြေရှင်းပေးနိုင်သည်။ ထို့ကြောင့် ဘုရားနှုတ်ကပတ်တော်များသည်သာ သမ္မာတရားဖြစ်၏။ ဘုရားနှုတ်ကပတ်တော်များနှင့်ဆိုင်သည့် သမ္မာတရား၏ စစ်မှန်သော အရေးပါမှုမှာ အဘယ်နည်း။ ဤသည်မှာ ချင့်ချိန်စဉ်းစား၊ တွေးတောထိုက်ပြီး မကြာခဏ အတူတကွ မိတ်သဟာယပြုထိုက်ပေသည်။ ဤအရာကို မည်သည့်အခါတွင်မျှ မမေ့နှင့်။ လူတို့၏ အပြုအမူကိုသာ ပြောင်းလဲပေးနိုင်သည့် အရာများသည် သမ္မာတရား မဟုတ်။ ယင်းတို့သည် အသိပညာနှင့် ဥပဒေသများသာ ဖြစ်သည်။ သမ္မာတရားက လူတို့၏ အပြုအမူကို ပြောင်းလဲပေးနိုင်ရုံသာမက ၎င်းတို့၏ ဖောက်ပြန်ပျက်စီးသော စိတ်သဘောထားများကိုလည်း ပြောင်းလဲပေးနိုင်သည်။ ထို့အပြင် ၎င်းတို့၏ စိတ်ကူးများနှင့် အယူအဆများကိုပြောင်းလဲပေးနိုင်ကာ လူတစ်ဦး၏ အသက် ဖြစ်လာနိုင်သည်။ ယင်းမှာ သမ္မာတရား ဖြစ်သည်။ ယခုတွင် ဤကိစ္စရပ်ကို ရှင်းလင်းစွာ မြင်နိုင်သည့် လူ အလွန်နည်းပါး၏။ အပြုအမူကို ထိန်းညှိပေးပြီး လူတို့အား သင့်တင့်လျောက်ပတ်သော ဘဝများကို အပြင်ပန်း အသက်ရှင်စေနိုင်သည့် ထိုအရာများသည် သမ္မာတရား မဟုတ်ကြောင်းနှင့် ယင်းတို့သည် အသိပညာ၊ အယူဝါဒများနှင့် စာတန်ဆန်သော အတွေးအခေါ်များသာ ဖြစ်ကြောင်းကို လူများစွာက လုံးဝ သဘောမပေါက်ကြပေ။ ထိုအရာများကို လူတို့ လက်ခံကြသည့်အခါ ၎င်းတို့၏ အပြင်ပန်း အပြုအမူက တိုး၍ မြင့်မြတ်၊ သိက္ခာရှိကာ ယဉ်ကျေးသိမ်မွေ့လာသော်လည်း ၎င်းတို့၏ စိတ်နှလုံးများက ကောက်ကျစ်မှုနှင့် ဆိုးယုတ်မှုတို့ဖြင့် ပြည့်ကာ ယုတ်မာသည်ထက် ယုတ်မာလာလေသည်။ ဤအရာများသည် စာတန်၏ အဆိပ်များနှင့် သဘောတရားများဖြစ်ကာ လူတို့ကို အထင်အမြင်မှားစေရန် ဖောက်ပြန်ပျက်စီးစေရန် စာတန် အသုံးပြုသည့်အရာများ ဖြစ်သည်။ ယင်းတို့သည် သမ္မာတရား လုံးဝ မဟုတ်သကဲ့သို့ ဘုရားသခင်ထံမှ မလာပေ။ လူတို့အား ရိုးသားကာ လွတ်မြောက်ပြီး လွတ်လပ်လာရန်၊ ဖန်ဆင်းရှင်အား သိစေရန်၊ ဘုရားကို ကြောက်ရွံ့သော စိတ်နှလုံးများ ရှိစေပြီး ဘုရားသခင်၏ စီစဉ်ညွှန်ကြားမှုများနှင့် အစီအစဉ်များကို ကျိုးနွံနာခံစေရန် ထောက်ကူပေးသည့် တစ်ခုတည်းသောအရာမှာ သမ္မာတရား ဖြစ်သည်။ မည်သည့် ရှုထောင့်ကို သင် လက်ခံသည်ဖြစ်စေ၊ မည်သည့် လမ်းကြောင်းကို သင် လိုက်လျှောက်သည်ဖြစ်စေ သင်၏ အပြုအမူ တိုးတက်ပြီး ထင်ပေါ်ကျော်ကြားမှု သင် ရရှိသော်လည်း ဘုရားသခင်ကို ကြောက်ရွံ့သော စိတ်နှလုံး အလွန်နည်းပါးပြီး ဘုရားသခင်ကို စစ်မှန်သည့် ယုံကြည်ခြင်း အလွန်နည်းပါးကာ ဘုရားသခင်နှင့် သင်၏ ဆက်ဆံရေးက အလွန်ညံ့ပြီး သင်၏ စိတ်နှလုံးသည် ဘုရားသခင်ထံမှ ထိုထက် ဝေးလွင့်သွားလျှင် သင် ဖက်တွယ်သည့်အရာများသည် အပြုသဘောဆောင်သောအရာများ မဟုတ်သကဲ့သို့ သမ္မာတရား မုချ မဟုတ်ပေ။ သင်သည် ဘဝလမ်းကြောင်းတစ်ခု သို့မဟုတ် လမ်းခရီးတစ်ခုကို ရွေးချယ်ပြီး အချို့သော အရာများကို လက်ခံကာ ဤအရာများက သင့်အား စစ်မှန်ကာ ရိုးသားလာစေပြီး အပြုသဘောဆောင်သောအရာများကို ချစ်စေကာ ကောက်ကျစ်ဆိုးယုတ်ပြီး အပျက်သဘောဆောင်သောအရာများကို မုန်းစေလျှင်၊ ပြီးလျှင် ဘုရားသခင်ကို ကြောက်ရွံ့သော စိတ်နှလုံးတစ်ခု ရှိစေပြီး ဖန်ဆင်းရှင်၏ အချုပ်အခြာအာဏာနှင့် အစီအစဉ်များကို လိုလိုလားလား လက်ခံစေလျှင် ဤအရာများသည် သမ္မာတရားဖြစ်ပြီး ဘုရားသခင်ထံမှ အမှန်တကယ် လာပေသည်။ သင်တို့သည် အမှုအရာများကို ဤစံနှုန်းများအတိုင်း တိုင်းတာနိုင်သည်။ ဤသည်တို့မှာ လူများစွာက ပြောဆိုနိုင်ပြီး နှစ်ပေါင်းများစွာ ပြောဆိုကြပြီးဖြစ်သည့် အချို့သော အယူဝါဒများ ဖြစ်သည်။ သို့ရာတွင် ဤအရာများကို အကြိမ်များစွာ ပြောဆိုပြီးနောက်တွင် လူတို့၏ အတွင်းပိုင်း စိတ်သဘောထားများက မပြောင်းလဲသေးပေ။ ၎င်းတို့၏ အခြေအနေများက အနည်းငယ်မျှ အသွင်ပြောင်းလဲခြင်း မရှိသေးသကဲ့သို့ လူတို့၏ ရှုထောင့်များ၊ တွေးခေါ်ပုံနည်းလမ်းများနှင့် ၎င်းတို့ လုပ်ရပ်များနောက်ကွယ်ရှိ စမှတ်နှင့် ရည်ရွယ်ချက်များသည် မည်သို့မျှ မပြောင်းလဲသေးပေ။ ထို့ကြောင့် ထိုအရာများကို သင် အမြန် စွန့်လွှတ်ကာ ဖက်တွယ်နေခြင်းကို ရပ်တန့်သင်သည်။ ယင်းတို့သည် မုချ သမ္မာတရား မဟုတ်။ အချို့သော နှုတ်ကပတ်တော်များကို လူတို့ စတင်လက်တွေ့လုပ်ဆောင်ကြချိန်တွင် ထိုသို့လုပ်ဆောင်ခြင်းက အပန်းကြီးပြီး ခက်ခဲပုံရကာ စည်းမျဉ်းများကို ၎င်းတို့ သဘောမပေါက်နိုင်ကြပေ။ သို့ရာတွင် ယင်းတို့ကို အချိန်ကာလတစ်ခုကြာ ၎င်းတို့ တွေ့ကြုံကာ လက်တွေ့လုပ်ဆောင်ပြီးသည့်နောက်တွင် ၎င်းတို့၏ အတွင်းပိုင်း အခြေအနေများ တိုးတက်ပြီးဖြစ်ကြောင်း၊ ၎င်းတို့၏ စိတ်နှလုံးများက ဘုရားသခင်ထံ သာ၍ တိုးဝင်ချဉ်းကပ်ပြီးဖြစ်ကြောင်း၊ ၎င်းတို့တွင် ဘုရားသခင်ကို ကြောက်ရွံ့ပြီး ထိတ်လန့်သော စိတ်နှလုံးများ ရှိကြကြောင်း၊ ၎င်းတို့အပေါ် အမှုအရာများ ဖြစ်ပျက်သည့်အခါ ၎င်းတို့ အလွန် စိတ်နှလုံးခိုင်မာခြင်း သို့မဟုတ် ပုန်ကန်ခြင်း မရှိကြကြောင်း၊ ၎င်းတို့၏ ကိုယ်ရေးကိုယ်တာ ရည်ရွယ်ချက်များနှင့် အလိုဆန္ဒများက သိပ်အားမကောင်းကြောင်းနှင့် ဘုရားသခင်ကို ၎င်းတို့ ကျိုးနွံနာခံနိုင်ကြောင်း ခံစားကြသည်။ ဤအခြေအနေသည် အပြုသဘောဆောင်ပေသည်။ ဤစကားများသည် သမ္မာတရားဖြစ်ပြီး မှန်ကန်သည့် လမ်းကြောင်း ဖြစ်သည်။ ဤစည်းမျဉ်းစည်းကမ်းများပေါ်အခြေခံ၍ အမှုအရာများကို သင်တို့ ပိုင်းခြားသိမြင်နိုင်သည်။ စာတစ်ကြောင်းတည်းဖြင့် သမ္မာတရားကို အဓိပ္ပာယ်ဖွင့်ဆိုရန် လွယ်မည်မဟုတ်။ စာတစ်ကြောင်းဖြင့် ငါ အဓိပ္ပာယ်ဖွင့်ပြီး ထိုအရာကို ကြားပြီးနောက်တွင် သင်တို့က သမ္မာတရားကို နားလည်နိုင်မည်ဆိုလျှင် ကောင်းပေမည်။ သို့ရာတွင် သင်က ထိုအရာကို လိုက်လျှောက်ရမည့် စည်းမျဉ်းစည်းကမ်းတစ်ခုနှင့် အယူဝါဒတစ်ခုအဖြစ် သဘောထားလျှင် ယင်းမှာ ဒုက္ခပေးတတ်ပေမည်။ ယင်းမှာ ဝိညာဉ်ရေးရာ နားလည်သဘောပေါက်မှု ရှိခြင်း မဟုတ်ပေ။ ထို့ကြောင့် ငါသည် သင်တို့ကို ဤစည်းမျဉ်းများပေးပြီးဖြစ်ကာ သင်တို့အနေဖြင့် ဤစည်းမျဉ်းများအတိုင်း နှိုင်းယှဉ်ချက်များ သွားပြုလုပ်သင့်သည်၊ တွေ့ကြုံသင့်သည်၊ လက်တွေ့လုပ်ဆောင်ကာ အတွေ့အကြုံဆိုင်ရာ အသိပညာကို ရရှိသင့်ကြပေသည်။ ဤစည်းမျဉ်းများအတိုင်း ပြုမူကာ ကျင့်ကြံနေထိုင်ရုံသာ မပြုနှင့်။ ဤစည်းမျဉ်းများအတိုင်း လူများနှင့် အမှုအရာများကိုလည်း သင် ရှုမြင်သင့်ပြီး လူများကို ဆန်းစစ်သင့်သည်။ ဤသို့ တွေ့ကြုံကာ လက်တွေ့လုပ်ဆောင်ခြင်းအားဖြင့် သမ္မာတရားက မည်သည့်အရာဖြစ်သည်ကို သင် သိရှိလိမ့်မည်။ သမ္မာတရားက မည်သည့်အရာဖြစ်သည်ကို လူတို့ နားမလည်လျှင်၊ ဘုရားနှုတ်ကပတ်တော်များက သမ္မာတရားဖြစ်သည်ကို ၎င်းတို့ နားမလည်လျှင် အသက်ကို ရရှိနိုင်ကြသလော။ အသက်စိတ်သဘောထားတွင် ပြောင်းလဲမှုကို ၎င်းတို့ ရရှိနိုင်ကြသလော။ ဘုရားသခင်က သူ၏ နှုတ်ကပတ်တော်များတွင် လူတို့အတွက် ချမှတ်သည့် သတ်မှတ်ချက်များသည် အပြင်ပန်းတွင် ထိုမျှစံနှုန်းမြင့်မားခြင်းမရှိဘဲ အတော်လေး ရိုးရှင်းသော်လည်း သမ္မာတရား၏ သွယ်ဝိုက်ညွှန်းဆိုသော အဓိပ္ပာယ်က မည်သည့်အရာဖြစ်သည်ကို သင် နားမလည်လျှင်၊ သို့မဟုတ် သမ္မာတရားတွင် လက်တွေ့ကျသည့် အကြောင်းအရာ မည်မျှပါဝင်သည်ကို သင် မသိဘဲ စကားများနှင့် အယူဝါဒများအရသာ သမ္မာတရားကို နားလည်လျှင် လူတို့ ဝင်ရောက်ရန် ဘုရားသခင် တောင်းဆိုသည့် သမ္မာတရား စစ်မှန်မှုများထဲသို့ မည်သည့်အခါတွင်မျှ သင် ဝင်ရောက်နိုင်လိမ့်မည် မဟုတ်ပေ။

၂၀၁၇ ခုနှစ်၊ မေလ ၂၆ ရက်

အောက်ခြေမှတ်စု(များ)-

က။ ကျန်းကျူသည် ရှေးခေတ် တရုတ်ပြည်တွင်ရှိသော သိုင်းပညာရှင်များ၊ ရာဇဝတ်သားများနှင့်ဆိုင်သည့် စိတ်ကူးယဉ်လောကကို ရည်ညွှန်းသည့် တရုတ် ဝေါဟာရတစ်ခု ဖြစ်သည်။