လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ အနှစ် ၆၀ဝ၀ စီမံခန့်ခွဲမှုအစီအစဉ် အဆုံးမသတ်မီ၊ လူသားတစ်မျိုးစီ၏ အဆုံးသတ်ကို ထင်ရှားစွာမပြမီတွင် ကမ္ဘာပေါ်ရှိ ဘုရားသခင်၏အမှုသည် ကယ်တင်ခြင်းအလို့ငှာသာဖြစ်သည်၊ သူ့ကိုချစ်သောသူများကို အပြည့်အဝစုံလင်စေရန်နှင့် သူ၏အုပ်စိုးမှုအောက်သို့ ကျိုးနွံနာခံလာဖို့ ခေါ်ဆောင်လာရန်အလို့ငှာသာဖြစ်သည်။ ဘုရားသခင်က လူတို့ကို မည်သို့ပင်ကယ်တင်စေကာမူ သူတို့၏ ဆိုးယုတ်သော သဘာဝဗီဇဟောင်းမှ သူတို့ကို လွတ်မြောက်အောင် ပြုလုပ်ပေးခြင်းအားဖြင့်သာလျှင် ကယ်တင်ခြင်းဖြစ်သည်၊ တစ်နည်းအားဖြင့်ဆိုသော် ဘုရားသခင်သည် သူတို့အား အသက်ကို ရှာဖွေစေခြင်းဖြင့် ကယ်တင်ပေးခြင်းဖြစ်သည်။ အကယ်၍ သူတို့သည် အသက်ကို မရှာဖွေပါက ဘုရားသခင်၏ ကယ်တင်ခြင်းကို လက်ခံရယူရန် နည်းလမ်းရှိလိမ့်မည်မဟုတ်ချေ။ ယခင်က ဘုရားသခင်၏ ကယ်တင်ခြင်းနည်းလမ်းမှာ အဆုံးစွန်သော ချစ်ခြင်းမေတ္တာနှင့် သနားခြင်းကရုဏာကို ပြသခြင်းဖြစ်ခဲ့ပြီး လူသားမျိုးနွယ်တစ်ရပ်လုံးနှင့် အလဲအလှယ်လုပ်ရန်အတွက် ဘုရားသခင်သည် သူ၏အရာအားလုံးကို စာတန်အား ပေးအပ်ခဲ့သည်အထိပင်ဖြစ်သည်။ ယနေ့ကာလတွင်မူ ယခင်ကဲ့သို့မဟုတ်။ ယနေ့ကာလ၌ သင်တို့၏ကယ်တင်ခြင်းသည် တစ်ဦးစီကို အမျိုးအစားအလိုက် အုပ်စုခွဲခြားချိန်အတွင်းဖြစ်သည့် နောက်ဆုံးသောကာလ၏အချိန်တွင် ဖြစ်ပွားခြင်းဖြစ်သည်၊ သင်တို့ကို ကယ်တင်သည့်နည်းလမ်းမှာ ချစ်ခြင်းမေတ္တာ၊ သို့မဟုတ် သနားခြင်းကရုဏာ မဟုတ်တော့ဘဲ လူသားအနေဖြင့် ပို၍စေ့စေ့စပ်စပ် ကယ်တင်ခံရစေရန်အလို့ငှာ ပြစ်တင်ဆုံးမခြင်းနှင့် တရားစီရင်ခြင်းတို့ပင်ဖြစ်သည်။ ထို့ကြောင့် သင်တို့ရရှိသမျှသည် ပြစ်တင်ဆုံးမခြင်း၊ တရားစီရင်ခြင်းနှင့် မညှာမတာ ရိုက်နှက်ခြင်းတို့ဖြစ်သော်လည်း ဤကဲ့သို့ အကြင်နာမဲ့သော ရိုက်နှက်ခြင်းတွင် အပြစ်ဒဏ်ပေးခြင်း စိုးစဉ်းမျှ မပါသည်ကို သိမှတ်လော့၊ ငါ၏နှုတ်ကပတ်တော်တို့သည် မည်မျှကြမ်းတမ်းသည်ဖြစ်စေ သင်တို့အပေါ်သို့ ကျရောက်သည့်အရာမှာ သင်တို့အတွက် လုံးဝအကြင်နာမဲ့ဟန်တူသည့် နှုတ်ကပတ်တော် အနည်းငယ်သာလျှင်ဖြစ်သည်ကို သိမှတ်လော့၊ ထို့အပြင် ငါ၏ဒေါသသည် မည်မျှပင်ကြီးပါစေ သင်တို့အပေါ်သို့ ကျရောက်သည်မှာ အဆုံးအမနှုတ်ကပတ်တော်များသာလျှင် ဖြစ်သည်ကို သိမှတ်လော့၊ သင့်တို့ကို ထိခိုက်နစ်နာအောင်ပြုရန်၊ သို့မဟုတ် ကွပ်မျက်ရန် ငါမရည်ရွယ်ပေ။ ဤသည်မှာ အမှန်တရားချည်းပင် မဟုတ်လော။ ယခုခေတ်၌ ဖြောင့်မတ်သည့် တရားစီရင်မှုဖြစ်စေ၊ အကြင်နာကင်းမဲ့သည့် စစ်ဆေးခြင်းနှင့် ပြစ်တင်ဆုံးမခြင်းပင်ဖြစ်စေ အားလုံးသည် ကယ်တင်ခြင်းအဖို့အလို့ငှာဖြစ်ကြောင်း သိမှတ်လော့။ ယနေ့ တစ်ဦးစီကို အမျိုးအစားအလိုက် အုပ်စုခွဲခြားမှုရှိသည်ဖြစ်စေ၊ သို့မဟုတ် လူသား၏ အမျိုးအစားများကို ဖော်ထုတ်ပြသည်ဖြစ်စေ၊ ဘုရားသခင်၏ မိန့်မြွက်ချက်များနှင့် အမှုအားလုံးတို့၏ ရည်ရွယ်ချက်သည် ဘုရားသခင်ကို အမှန်တကယ် ချစ်ကြသူများကို ကယ်တင်ရန်အတွက်ပင် ဖြစ်သည်။ ဖြောင့်မတ်သည့် တရားစီရင်ခြင်းမှာ လူသားကို သန့်စင်စေရန်ဖြစ်သည်၊ အကြင်နာကင်းမဲ့သည့် စစ်ဆေးခြင်းမှာ လူသားကို သန့်စင်စေရန်ဖြစ်သည်၊ ကြမ်းတမ်းသောစကားလုံးများ၊ သို့မဟုတ် ဆုံးမခြင်းတို့မှာ သန့်စင်စေရန်သာဖြစ်ပြီး ကယ်တင်ခြင်းအတွက်သာလျှင် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့သည် ရာထူးဂုဏ်ဒြပ်ဆိုင်ရာ ကောင်းချီးများကို ဘေးဖယ်ပြီး လူသားအတွက် ကယ်တင်ခြင်းကို ယူဆောင်လာရန် ဘုရားသခင်၏ အလိုတော်ကို နားလည်သင့်၏”)

ပြီးခဲ့တဲ့နှစ်တုန်းက အသင်းတော်က ရုပ်ရှင်ရိုက်ဖို့ ပြင်ဆင်နေခဲ့တယ်၊ ဒီတော့ ညီအစ်ကို မောင်နှမတွေက ဒါရိုက်တာတာဝန်ကို ယူဖို့ ကျွန်မကို အကြံပေးခဲ့ကြတယ်။ အဲဒါကို ကြားတဲ့အချိန်မှာ ကျွန်မ စိတ်လှုပ်ရှားခဲ့ပြီး၊ သူတို့ အကြံပေးမှတော့ ကျွန်မရဲ့ အရည်အချင်းနဲ့ ပါရမီကို မြင်ပြီးလို့ပဲဖြစ်ရမယ်လို့ တွေးမိခဲ့တယ်။ တခြား ဘာကြောင့် ကျွန်မကို သူတို့ ရွေးမှာတဲ့လဲ။ တခြားသူတွေထက် ကျွန်မ ပိုတော်တယ်လို့ တွေးရင်းနဲ့ ဘဝင်မြင့်စိတ်တစ်ခု ဖြစ်လာခဲ့တယ်။ ရုပ်ရှင်ဇာတ်ကားတွေကို ဘယ်လို ဖန်တီးတဲ့အကြောင်းကို ကျွန်မ သင်ယူပြီး ကြိုးစားလေ့လာတယ်၊ ပြီးတော့ အဲဒီ အတတ်ပညာတစ်ချို့ကို တဖြည်းဖြည်း သဘောပေါက်လာခဲ့တယ်။ အဲဒီ တာဝန်ကို ကျွန်မ စယူတော့ နည်းနည်း စိတ်လှုပ်ရှားတယ် ဒါပေမဲ့ ဘုရားသခင်ကို တစ်ချိန်လုံး ကျွန်မ ဆုတောင်းခဲ့ပြီး ကျွန်မရဲ့ ထိတ်လန့်တာတွေ တဖြည်းဖြည်း ငြိမ်သက်ခဲ့တာကို ကျွန်မ မှတ်မိတယ်။ ပြီးတော့ ကျွန်မ စလုပ်လာနိုင်ခဲ့တယ်။ အဲဒီနောက် ညီအစ်ကို မောင်နှမတွေက ကျွန်မရဲ့ အကြံတွေကို အမြဲတမ်းလက်ခံခဲ့ကြတယ်။ အထူးသဖြင့် ကျွန်မ ဒါရိုက်တာလုပ်ခဲ့တဲ့ ပထမပြကွက်အတွက် ကျွန်မ ရိုက်ခဲ့တဲ့ဟာကို အားလုံးကြိုက်ကြပြီး ကျွန်မက ဒါရိုက်တာဖြစ်ဖို့ အရည်အချင်းမီတယ်လို့ ခေါင်းဆောင်က ပြောတယ်။ ကျွန်မရဲ့ စိတ်နှလုံးက ဂုဏ်ယူခြင်းနဲ့ ပြည့်နေတယ်၊ ဒီအလုပ်မှာ ကျွန်မ တကယ်တော်ပြီး ဘုရားအိမ်တော်ထဲက မရှိမဖြစ် ပါရမီရှင်တစ်ဦးလို့ ခံစားခဲ့ရတယ်။ ကျွန်မခေါင်းမှာ သရဖူရှိသလို ခံစားလာရပြီး ခေါင်းမော့ပြီး လမ်းလျှောက်တယ် ဒီတာဝန်ကို စပြီးတဲ့နောက်မှာပဲ အများကြီး ချီးမွမ်းခံရတာဟာ ကျွန်မ တကယ်ကို အစွမ်းအစရှိလို့ဖြစ်ပြီး နည်းနည်းထပ်ပြီး လေ့ကျင်လိုက်တာနဲ့ သံသယမရှိဘဲ သေချာပေါက် ကျွမ်းကျင်မှုရှိလာမှာပဲလို့ ခံစားခဲ့ရတယ်။ အဲဒီအချိန်ကစပြီး ညီအစ်ကို မောင်နှမတွေနဲ့ အလုပ်လုပ်တဲ့အခါ၊ အရင်ကလောက် ကျွန်မ မဝံ့မရဲ ဖြစ်မနေတော့ဘဲ၊ ကိုယ့်ကိုယ်ကိုယ် ယုံကြည်မှုနဲ့စကားပြောပြီး ခေါင်းကို မြင့်မြင့်မော့ထားခဲ့တယ်။ အရာရာမှာလည်း ကျွန်မ အဆုံးအဖြတ်ပေးချင်ခဲ့ပြီး တခြားဘယ်သူကိုမှ မစဉ်းစားခဲ့ဘူး။ ကျွန်မရဲ့ စိတ်ကူးကို တစ်ယောက်ယောက် မေးခွန်း ထုတ်တဲ့အချိန် ဒါမှမဟုတ် တခြား အကြံပြုချက် ပေးတဲ့အချိန်မှာ ကျွန်မ အလျှော့မပေးဘဲ၊ သည်းမခံခဲ့ဘဲ သူတို့ကို အထင်သေးခဲ့တယ်။ အရာရာမှာ သူတို့ထက် ကျွန်မ သာလွန်တယ်၊ ဒီလို ရေးကြီးခွင်ကျယ်လုပ်မယ့်အစား ကျွန်မ ပြောတာကို သူတို့ လုပ်သင့်တယ်လို့ တွေးမိခဲ့တယ်။ ကျွန်မ အမြင်မှာ သူတို့က ဆွေးနွေးဖို့ မတန်တဲ့ တကယ့် အသေးအဖွဲ့အရာတွေကို သူတို့ တင်သွင်းနေခဲ့တာပဲ ဒါကြောင့် သူတို့ကို တိတ်သွားစေဖို့ “ဒါ အခြေခံစည်းမျဉ်းနဲ့ဆိုင်တဲ့ မေးခွန်းလား” လို့ ကျွန်မ အမြဲမေးခဲ့တယ်။ တစ်ကြိမ်မှာ၊ အဓိက ဇာတ်ဆောင်ဖြစ်တဲ့ အစ်မကျန်းက သူ ယူခဲ့တဲ့ ဝတ်စုံကို ကျွန်မကို ကြည့်ခိုင်းတယ်။ ကျွန်မ တွေးမိတယ်၊ “ဘယ်လိုဖြစ်ပြီး ရှင်က အဲဒီလောက်ဆိုးတဲ့ အမြင်ရှိနိုင်ရတာလဲ” လို့ပေါ့။ သူ့ကို ကျွန်မ အားလုံး အသစ်ရွေးခိုင်းခဲ့တယ်။ သူရွေးထားတဲ့ အဝတ်တွေအများကြီးကို ကျွန်မ နှစ်ပြားမတန်အောင်ပြောခဲ့တယ်။ ဒါရိုက်တာတစ်ဦးဖြစ်လို့ ကျွန်မရဲ့ အသိစိတ်က မှန်ကန်ပြီး သူတို့ ကျွန်မစကားနားထောင်သင့်တယ်ဆိုတဲ့ စိတ်ကူးတွေပဲ ကျွန်မမှာ ရှိနေခဲ့တယ်။ ညီအစ်ကို မောင်နှမတွေက နောက်ဆုံးတော့ ကျွန်မကြောင့် ချုပ်ချယ်ခံရသလို ခံစားရပြီး အကြံပြုချက်တွေ မပေးချင်ကြတော့ဘူး ဒါကို ကျွန်မ မြင်တဲ့အခါ တကယ်အားနာမိခဲ့တယ်၊ ဒါပေမယ့် ကျွန်မတို့အလုပ်အတွက် ကျွန်မ စဉ်းစားနေတာဖြစ်ပြီး ဒီကိစ္စမှာ ကျွန်မ အရမ်းကြီးမလွဲနိုင်ဘူးလို့ တွေးခဲ့တယ်။ ဒါကြောင့် ကျွန်မ အဲဒါကို သိပ်မတွေးခဲ့ဘူး။ အဲဒီအချိန် အတောအတွင်းမှာ ကျွန်မရဲ့ ခေါင်းဆောင်က ကျွန်မကို မိတ်သဟာယပြုပေးခဲ့ပြီး ကျွန်မက အရမ်းကို မာနကြီးလွန်းသလို လူတွေကို ထိန်းချုပ်ချင်တယ်လို့ ပြောပြီး ကျွန်မကို ဖော်ထုတ်ခဲ့တယ်၊ ပြီးတော့ တခြားလူတွေကို ကြည့်မနေဘဲ ကိုယ့်ကိုယ်ကိုယ် ဆန်းစစ်ပြီး ကျွန်မရဲ့ ပြဿနာကို ဖြေရှင်းဖို့ သမ္မာတရားကို လက်တွေ့လုပ်ဆောင်ဖို့ သတိပေးခဲ့တယ်။ ဒါပေမယ့် အဲဒီတုန်းက ကျွန်မရဲ့ ကိုယ်ပိုင်သဘာဝကို ကျွန်မ နားလည်တာတစ်ခုမှ မရှိခဲ့ဘူး။ ကျွန်မရဲ့အလုပ်မှာ ကျွန်မက တကယ်ကို တာဝန်ရှိတယ်လို့ ခံစားခဲ့ရတယ်။ အဲဒီလို ပုန်ကန်ပြီး ခေါင်းမာနေတဲ့ အခြေအနေထဲမှာ ဆက်ရှင်သန်ခဲ့ပြီး၊ ညီအစ်ကို မောင်နှမတွေနဲ့ ကျွန်မ အလုပ်ကောင်းကောင်း မလုပ်နိုင်တော့ဘူး။ အချိန်ကြာလာတော့ ကျွန်မတို့ရဲ့ တိုးတက်မှုကို တားဆီးတဲ့ ပြဿနာတွေက ရုတ်တရက် ပေါ်ပေါ်လာခဲ့တယ်။

တစ်နေ့မှာ၊ မာနထောင်လွှားပြီး သမ္မာတရားကို လက်မခံနိုင်သလို ညီအစ်ကို မောင်နှမတွေကို ချုပ်ချယ်ရာကနေ အလုပ်ကို ထိန်းချုပ်တာကြောင့် ဒါရိုက်တာတစ်ယောက် အလုပ်ထုတ်ခံခဲ့ရတာကို ကျွန်မ ကြားရတယ်။ အဲဒါက ကျွန်မကို နည်းနည်း ကြောက်သွားစေခဲ့တယ်။ အဲဒီဒါရိုက်တာလိုပဲ ကျွန်မ ပြုမူနေခဲ့တာကို ကျွန်မ သိတယ်လေ။ ဘုရားသခင်က ကျွန်မကို သတိပေးနေမှန်း ကျွန်မ ရိပ်မိခဲ့တယ်။ ဒါကြောင့် အဲဒီလို ဩဇာဆက်သုံးနေလို့မဖြစ်ဘူးလို့ ကျွန်မ ဆုံးဖြတ်ခဲ့တယ်။ အဲဒီအစား ကျွန်မ ကိုယ့်ကိုယ်ကိုယ် ထိန်းချုပ်သင့်တယ်၊ ပိုပြီး ကြင်ကြင်နာနာ စကားပြောသင့်ပြီး တခြားသူတွေနဲ့ ဆက်သွယ်ပြီး ဆွေးနွေးဖို့ အကောင်းဆုံးလုပ်သင့်တယ်။ ဒါပေမယ့် ကျွန်မရဲ့ ကိုယ်ပိုင်သဘောသဘာဝနဲ့ သက်ဆိုင်တဲ့ သိနားလည်မှုတစ်ခုမှ ကျွန်မမှာ မရှိခဲ့သေးဘူး၊ ဒါကြောင့် ဒါကို ဖြေရှင်းဖို့ သမ္မာတရားကို ကျွန်မ မရှာဖွေခဲ့ဘူး။

တစ်ခဏကြာပြီးတဲ့နောက်မှာ၊ ကျွန်မတို့အဖွဲ့ထဲမှာ တိုးတက်မှု အရမ်းနှေးတဲ့အတွက်၊ အစ်မလျူကို ကျွန်မနဲ့အလုပ်လုပ်ဖို့ ‌ခေါင်းဆောင်က စီစဉ်ခဲ့တယ်။ ပထမတော့ ကျွန်မ လက်မခံနိုင်ခဲ့ဘူး။ ကျွန်မရဲ့ လုပ်နိုင်စွမ်းကို ခေါင်းဆောင်က သံသယရှိတာပဲလို့ ကျွန်မ တွေးခဲ့တယ်၊ ဒါပေမယ့် စီစဉ်ထားပြီးမှတော့ ကျွန်မ အင်တင်တင်နဲ့ လက်ခံခဲ့တယ်။ အဲဒီအချိန်ကစပြီး အလုပ်ဆွေးနွေးရာမှာ ခေါင်းဆောင်က အစ်မလျူရဲ့ အကြံကို အမြဲတောင်းတာ ကျွန်မ တွေ့ခဲ့ရတယ်။ ကျွန်မ တကယ်ကို ဘဝင်မကျဖြစ်ခဲ့ပြီး ခေါင်းဆောင်က ကျွန်မကို သိပ်မစဉ်းစားဘူးလို့ ကျွန်မ ခံစားခဲ့ရတယ်။ သူ့ကို ကျွန်မ စပြီး မကျေမချမ်းဖြစ်လာခဲ့တယ်။ ဒါပေမယ့် အဲဒါထက်ပိုပြီးတောင် အစ်မလျူကို ကျွန်မ အာခံခဲ့တယ်။ သူ့ကို လက်မခံနိုင်ခဲ့ဘူး။ ဒါကြောင့် ကျွန်မတို့အလုပ်ကို ကျွန်မတို့ ဆွေးနွေးတဲ့အခါတိုင်းမှာ ကျွန်မ မျက်မှောင်ကြုတ်ပြီး တိတ်တဆိတ်နဲ့ပဲ ထိုင်နေခဲ့တယ်။ တစ်ကြိမ်မှာ၊ အဖွဲ့ရဲ့အလုပ်နဲ့ပတ်သက်ပြီး ပြဿနာတစ်ခုကို သူရှာတွေ့ပြီး ကျွန်မတို့ ညီအစ်ကို မောင်နှမတွေအားလုံး ကြိုက်ကြတဲ့ အကြံပြုချက်အချို့ကို ပေးခဲ့တယ်၊ ဒါပေမယ့် အဲဒီအကြံပြုချက်တွေတစ်ခုကိုမှ ကျွန်မ လက်မခံခဲ့ဘူး။ သူ့ရဲ့ အကြံပြုချက်တစ်ခုတစ်လေကိုမှ လက်ခံဖို့ ကျွန်မ ငြင်းခဲ့တယ်။ ကျွန်မရဲ့ အယူအဆကို လူတိုင်း မေးတဲ့အချိန်မှာ၊ ကျွန်မ ဒေါသကို မျိုသိပ်ပြီး “ဘာပဲဖြစ်ဖြစ်ပေါ့” လို့ ပြောလိုက်တယ်။ အဲဒီနောက် ဘုရားအိမ်တော်ရဲ့ အလုပ်ကိုကျွန်မ မထိန်းသိမ်းဘူးလို့ပြောပြီး ခေါင်းဆောင်က ကျွန်မကို ဖြေရှင်းတယ်။ ကျွန်မ တကယ်ကို ဆိုးဆိုးရွားရွား ခံစားရပြီး ဘာပဲဖြစ်ဖြစ် ဘုရားအိမ်တော်ရဲ့ အလုပ်မှာ ကျွန်မရဲ့ စိတ်ပျက်မှုကို ကျွန်မ ဆက်ထုတ်ပြလို့မဖြစ်တော့ဘူးဆိုတာ သိခဲ့တယ်။ ဒါပေမဲ့ ကျွန်မ တကယ်ကို မထိန်းနိုင်ခဲ့ဘူး “ရှင်က အစ်မလျူကိုပဲ တစ်ချိန်လုံး နားထောင်နေမှတော့ ဆွေးနွေးစရာ ဘာရှိတော့လို့လဲ” လို့ ကျွန်မ တွေးခဲ့တယ်။ အရာရာမှာ ကျွန်မ မှန်တယ်လို့ ဆက်တွေးနေမိခဲ့တယ်၊ နောက်ထပ် အလုပ်ဆွေးနွေးမှုအနည်းငယ်မှာ ကျွန်မရဲ့အယူအဆတွေကို ကျွန်မ ဖက်တွယ်ခဲ့ပြီး အစ်မလျူရဲ့ အကြံပြုချက်တွေ ကျိုးကြောင်းဆီလျော်တဲ့အချိန်မှာ ကျွန်မ သူနဲ့ သဘောမတူခဲ့ဘူး။ သူက ကြွားဝါနေတာပဲလို့ ကျွန်မ ထင်ခဲ့တယ်။ တစ်ချိန်မှာ သရုပ်ဆောင်တစ်ယောက်ကို သူ ထောက်ခံခဲ့ပြီး ကျွန်မက အဲဒီသရုပ်ဆောင်နဲ့ပတ်သက်တဲ့ ပြဿနာမျိုးစုံကို တင်ပြခဲ့သလို သူ့ရဲ့ အကြံပြုချက်ကို ကဖျက်ယဖျက်လုပ်ခဲ့တယ်။ သူပြောတာကို ကျွန်မ နားကိုမထောင်ချင်ခဲ့တာပါ။ အလုပ်အားလုံးမှာ ကျွန်မ ကွပ်ကဲသူဖြစ်ချင်ခဲ့တယ်။ အစ်မလျူက ကျွန်မကြောင့် ချုပ်ချယ်ခံရသလို ခံစားရပြီး အကြံပြုချက်တွေ ထပ်မပေးတော့ဘူး အဲဒီအချိန် အတောအတွင်းမှာ၊ ကျွန်မက မောက်မာပြီး ကိုယ့်ကိုယ်ကိုယ် မှန်တယ်လို့ ယူမှတ်တဲ့ စိတ်သဘောထားနဲ့ အသက်ရှင်ပြီး သမ္မာတရားကို မရှာဖွေခဲ့တဲ့အတွက်၊ ကျွန်မရဲ့ စိတ်က အမှောင်ထဲကို တဖြည်းဖြည်း ကျဆင်းသွားခဲ့တယ်။ နေ့တိုင်း ကျွန်မ စိတ်မချမ်းမသာဖြစ်ခဲ့ပြီး ဘုရားသခင်က သူ့ကိုယ်သူ ကျွန်မဆီကနေ ပုန်းကွယ်နေသလိုဖြစ်ခဲ့တယ်။ ဆုတောင်းရာမှာ ဘုရားသခင်ကို ကျွန်မ ပြောစရာဘာမှ မရှိခဲ့သလို၊ ဘုရားနှုတ်ကပတ်တော်တွေကို ဖတ်တဲ့အခါ နားမဝင်ခဲ့ဘူး။ ကျွန်မ စိတ်က ဗလာဖြစ်ခဲ့ပြီး ကျွန်မရဲ့တာဝန်မှာ ထုံထိုင်းခဲ့တယ်။ ဘာပြဿနာကိုမှ ကျွန်မ မမြင်နိုင်ခဲ့ဘူး။ ပူပန်တဲ့ အခြေအနေတစ်ခုမှာ ကျွန်မ အသက်ရှင်နေခဲ့ပြီး၊ တစ်ခုခု ဖြစ်တော့မလို အမြဲခံစားနေခဲ့ရတယ်။

ရက်နည်းနည်းကြာပြီးတဲ့နောက်မှာ၊ ကျွန်မတို့ ခေါင်းဆောင်က ကျွန်မတို့နဲ့ အစည်းအဝေးလုပ်ဖို့ လာခဲ့တယ်။ ကျွန်မရဲ့ စိတ်သဘောထားကို သူက ဖော်ထုတ်ပြီး ကျွန်မ အရမ်း မောက်မာတယ်၊ အာဏာနဲ့အုပ်ချုပ်သူဖြစ်ပြီး ကျွန်မတာဝန်ကို ထင်ရာမြင်ရာလုပ်သလို ကျွန်မတို့ရဲ့ အလုပ်ကို တကယ် နှောင့်ယှက်တဲ့အကြောင်း ပြောခဲ့တယ်။ အိမ်ပြန်ပြီးတော့ သေချာ ဝတ်ပြုဆုတောင်းပြီး ကိုယ့်ကိုယ်ကိုယ် ဆင်ခြင်သုံးသပ်ဖို့ ကျွန်မကို ပြောတယ် အဲဒါကို ကြားတော့ ကျွန်မ အရမ်းအံ့အားသင့်ခဲ့ပေမယ့်၊ “အို ဘုရားသခင်၊ကျွန်မ ဘယ်လိုအခြေအနေကိုပဲ ကြုံရပါစေ၊ အားလုံးကို ကိုယ်တော် ပြင်ဆင်ပေးတာဖြစ်တယ်လို့ ကျွန်မ ယုံကြည်သလို ကျိုးနွံနာခံဖို့ ကျွန်မ ဆန္ဒရှိပါတယ်” လို့ ဘုရားသခင်ဆီကို လေးလေးနက်နက် ကျွန်မ ဆုတောင်းခဲ့တယ်။ အဲဒီည တစ်ညလုံး ကျွန်မ အိပ်လို့မရခဲ့ဘူး။ ရုပ်ရှင်အဖွဲ့မှာ အချိန်အကြာကြီး ကျွန်မ ရှိခဲ့ပေမယ့် မနက်ဖြန်ကစပြီး ကျွန်မ ဒီအဖွဲ့နဲ့ သက်ဆိုင်တော့မှာ မဟုတ်တဲ့အကြောင်းကို စဉ်းစားနေမိခဲ့တယ်။ ဒါကို ကျွန်မ လက်မလွတ်နိုင်ခဲ့သလို တကယ်ကို စိတ်ညစ်ခဲ့တယ်၊ ကျွန်မ မျက်ရည်တွေကို မထိန်းနိုင်ခဲ့ဘူး။ ကျွန်မ လဲကျခဲ့တဲ့ နေရာကနေ ကိုယ့်ကိုယ်ကိုယ် ပြန်ထူနိုင်ဖို့ အဲဒီအခွင့်အရေးကို ကျွန်မရဲ့ ဝတ်ပြုခြင်းတွေနဲ့ ကိုယ့်ကိုယ်ကိုယ် ဆန်းစစ်ဖို့အတွက် အသုံးပြုချင်ခဲ့တယ်။ ဒါပေမယ့် အိမ်ပြန်ရောက်တော့ ဘုရားနှုတ်ကပတ်တော်တွေကို ကျွန်မ အာရုံမစိုက်နိုင်ခဲ့သလို ခက်ခဲတဲ့အချိန်ကို ကျွန်မ ကြုံနေခဲ့ရတယ်။ ကျွန်မ လုပ်နိုင်သမျှက ဘုရားရှေ့ကိုလာပြီး အကြိမ်ကြိမ် သူ့ကို အော်ခေါ်ဖို့ပါပဲ။ ကျွန်မက၊ “ဘုရားသခင်၊ ကျွန်မ အရမ်းနာကျင်လှပါတယ်။ ဒီအခြေအနေမှာ ကိုယ်တော့်ရဲ့ အလိုတော်ကို နားလည်ပြီး ကိုယ့်ကိုယ်ကိုယ် သိရှိနိုင်ဖို့ ကျွန်မရဲ့ စိတ်နှလုံးကို မစပြီး ကွယ်ကာပေးတော်မူပါ” လို့ ကျွန်မ ပြောခဲ့တယ်။ ဘုရားသခင်ကို စဉ်ဆက်မပြတ် ဆုတောင်းရာကနေ၊ နောက်ဆုံးမှာ ငြိမ်သက်မှုတစ်ချို့ကို ကျွန်မ ခံစားနိုင်ခဲ့တယ်။

နောက်နေ့မှာ ညီအစ်ကို မောင်နှမတစ်ချို့က ကျွန်မကို စစ်ဆေးဖို့၊ ကျွန်မကို မိတ်သဟာယပြုပေးပြီး ကူညီဖို့လာကြသလို သူတို့က ကျွန်မရဲ့ ပြဿနာအချို့ကို ပြောပြခဲ့ကြတယ်။ ညီအစ်မတစ်ယောက်က၊ “ဒါရိုက်တာတစ်ယောက်အနေနဲ့ ရှင် အလုပ်လုပ်ပြီးကတည်းက အများကြီး ပြောင်းလဲသွားခဲ့တယ်။ တခြားလူတွေကို ရှင်ကြည့်တဲ့ပုံစံကတောင် မတူတော့ဘဲ အရာရာမှာ အဆုံးအဖြတ် ပေးချင်တယ်။ ရှင်က တကယ်ကို ထိန်းချုပ်နေပြီး ရှင်နဲ့အတူ ဘယ်လိုမှကို အလုပ်လုပ်လို့ မရဘူး” လို့ ပြောတာကို ကျွန်မ မှတ်မိတယ်။ နောက်ထပ် ညီအစ်ကိုတစ်ယောက်က၊ “အလုပ် ဆွေးနွေးတာတွေမှာ၊ အစ်မမရှိတဲ့အချိန်ဆို ကျွန်တော်တို့အားလုံး သက်သောင့်သက်သာဖြစ်ကြတယ်၊ ဒါပေမယ့် အစ်မ ပေါ်လာတာနဲ့ ကျွန်တော်တို့ရဲ့ အတွေးနဲ့ စိတ်ကူးတွေကို ကဖျက်ယဖျက်လုပ်မှာ ကြောက်ပြီး အားလုံး ခြေမကိုင်မိ လက်မကိုင်မိ ဖြစ်ကုန်ရောပဲ” လို့ ပြောတယ်။ သူတို့ နှုတ်က စကားလုံးတိုင်းက ကျွန်မ နှလုံးသားထဲမှာ ဓါးတစ်စင်းလို ခံစားခဲ့ရတယ်။ သူတို့ကို ရင်ဆိုင်ဖို့ ကျွန်မ ရှက်မိခဲ့ပြီး အရမ်းကို ကြောက်လန့်သွားခဲ့တယ်။ ကျွန်မ တစ်ဘဝလုံးမှာ လူတစ်ဦးအနေနဲ့ အဲဒီလို ကျရှုံးမှုကို လုံးဝ မခံစားဖူးဘူး။ ကျွန်မ အရမ်းဆိုးခဲ့တာကြောင့် ညီအစ်ကို မောင်နှမတွေက ကျွန်မကို မချဉ်းကပ်ဝံ့သလို ကျွန်မကို မြင်တဲ့အခါ ကြောက်လန့်ကြတဲ့အထိ ပါပဲ။ “ငါက သင့်တင့်လျောက်ပတ်တဲ့ လူတစ်ယောက် ဖြစ်သေးရဲ့လား ငါ ဘယ်လိုလုပ်ပြီး အရမ်းကို စာနာစိတ်ကင်းမဲ့နိုင်ခဲ့ရတာလဲ။” ဆိုပြီး ကျွန်မ စဉ်းစားမိတယ် ကျွန်မရဲ့ မာနထောင်လွှားတဲ့ စိတ်သဘောထားက တခြားသူတွေကို ဘောင်ခတ်ပြီး အဲဒီလို အန္တရာယ်ပေးနိုင်တာကို ကျွန်မ လုံးဝ မသိခဲ့ဘူး။ ကျွန်မ မောက်မာခဲ့တာကို ကျွန်မ သိနှင့်ပြီးဖြစ်သလို ခေါင်းဆောင်က ကျွန်မကို မကြာခဏ မိတ်သဟာယပြုပေးခဲ့ပေမယ့်၊ ဒါကို ကျွန်မ ဘယ်တော့မှ သိပ်ပြီးမစဉ်းစားခဲ့ဘူး။ အဲဒီအစား၊ ကျွန်မရဲ့ မောက်မာမှုက အရည်အချင်းရှိခြင်းကနေ လာမှန်း ကျွန်မ တွေးမိခဲ့တယ်။ ဆုကျေးဇူးရှိပြီး အရည်အချင်းရှိရင် ဘယ်သူက မမောက်မာဘဲ နေမလဲ။ အဲဒါကြောင့် ဒါကို ဖြေရှင်းဖို့ သမ္မာတရားကို ကျွန်မ လုံးဝ မရှာဖွေရခဲ့ဘူး။ ဒါပေမယ့် ညီအစ်ကို မောင်နှမတွေရဲ့ အကူအညီနဲ့ မိတ်သဟာယကနေတဆင့်၊ ငြိမ်သက်ခြင်းကို နောက်ဆုံး ကျွန်မ စိတ်နှလုံးထဲမှာ ရှာတွေ့ခဲ့ပြီး ကျွန်မရဲ့ ကိုယ်ပိုင်အပြုအမူကို ဆန်းစစ်ဖို့ ကိုယ့်ကိုယ်ကိုယ် ငြိမ်သက်စေနိုင်ခဲ့တယ်။

ကျွန်မ ဆင်ခြင်သုံးသပ်ရင်းနဲ့ ဘုရားနှုတ်ကပတ်တော် နှစ်ပိုဒ်ကို ကျွန်မ ဖတ်ခဲ့တယ်၊ အဲဒါကို အခု မျှဝေချင်ပါတယ်။ ဘုရားသခင်က ပြောပါတယ်၊ “သင်သည် သင့်အတွင်း၌ သမ္မာတရားကို အမှန်တကယ် ပိုင်ဆိုင်ပါက သင်လျှောက်လှမ်းသည့် လမ်းကြောင်းမှာ အလိုအလျောက်မှန်ကန်သော လမ်းကြောင်းဖြစ်လိမ့်မည်။ သမ္မာတရားမရှိပါက မကောင်းမှုပြုရန် လွယ်ကူပြီး မရည်ရွယ်ဘဲ ယင်းကို သင်လုပ်မိလိမ့်မည် ဖြစ်သည်။ ဥပမာ၊ အကယ်၍ သင်၌ မောက်မာခြင်းနှင့် စိတ်ကြီးဝင်ခြင်းတို့ရှိခဲ့ပါက ဘုရားသခင်ကို ဖီဆန်ခြင်းမှ ထိန်းထားဖို့ မဖြစ်နိုင်ပေ။ သင်သည် သူ့ကိုဖီဆန်ရန် လှုံ့ဆော်ခြင်းခံရမည်။ သင်သည် ရည်ရွယ်ချက်ရှိရှိနှင့် ထိုအရာကို ပြုမည်မဟုတ်၊ သင်၏ မောက်မာပြီး ထောင်လွှားသော သဘာဝဗီဇ၏ အုပ်စိုးမှုအောက်၌ သင် ထိုသို့ပြုလိမ့်မည်။ သင်၏ မောက်မာခြင်းနှင့် စိတ်ကြီးဝင်ခြင်းတို့သည် သင့်ကို ဘုရားသခင်အား အထင်အမြင်သေးစေမည်ဖြစ်ပြီး သူ့အား အရေးမပါသောသူအဖြစ် မြင်စေမည်ဖြစ်သည်။ ထိုအရာတို့သည် သင့်ကိုယ်သင် ချီးမြှောက်စေလိမ့်မည်ဖြစ်ပြီး အစဉ်တစိုက် မိမိကိုယ်ကို ထုတ်ဖော်ကြွားဝါစေလိမ့်မည် ဖြစ်ကာ နောက်ဆုံးတွင် သင့်ကို ဘုရားသခင်၏ နေရာတွင် ထိုင်စေ၍ သင့်ကိုယ်သင်အတွက် သက်သေခံစေလိမ့်မည် ဖြစ်သည်။ အဆုံးတွင် သင်သည် အကိုးကွယ်ခံရဖို့ရန် မိမိကိုယ်ပိုင် စိတ်ကူးများ၊ မိမိကိုယ်ပိုင် အတွေးအခေါ်နှင့် မိမိကိုယ်ပိုင် အယူအဆများကို သမ္မာတရားများအဖြစ် ပြောင်းလဲလိမ့်မည်။ မိမိတို့၏ မောက်မာ၍ ထောင်လွှားသော သဘာဝ၏ အုပ်စိုးမှုအောက်၌ လူတို့သည် မည်မျှများပြားလှသော ဒုစရိုက်မှုကို ပြုကြသည်ကို ကြည့်လော့။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်သည် သမ္မာတရားအား ကြိုးစားလိုက်လျှောက်ခြင်းအားဖြင့်သာ သင်၏စိတ်နေသဘောထား၌ ပြောင်းလဲမှုများကို ရရှိနိုင်သည်”) “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍ မာနထောင်လွှားလေ သူတို့သည် ဘုရားသခင်ကို ပို၍ဆန့်ကျင်လေ ဖြစ်တတ်သည်။ ဤပြဿနာက အဘယ်မျှ ဆိုးရွားလိုက်သနည်း။ မာနထောင်လွှားသော စိတ်သဘောထားနှင့် လူတို့သည် အခြားလူတိုင်းကို သူတို့၏အောက်၌ ရှိသည်ဟု ယူဆကြသည့်အပြင်၊ အဆိုးဆုံးမှာ သူတို့သည် ဘုရားကိုပင် တင်စီးနေကြလေသည်။ အချို့လူတို့သည် အပြင်ပန်းတွင် ဘုရားသခင်၌ ယုံကြည်သက်ဝင်ပြီး သူ့ကို လိုက်လျှောက်ကြသည့်ပုံ ပေါ်သော်လည်း၊ သူတို့သည် သူ့ကို ဘုရားသခင်အဖြစ် လုံးဝမဆက်ဆံကြချေ။ သူတို့သည် သမ္မာတရားကို ပိုင်ဆိုင်ထားသည်ဟု အမြဲထင်မြင်ကြပြီး မိမိကိုယ်ကိုယ် အလွန်အထင်ကြီးတတ်ကြသည်။ ဤသည်မှာ မာနထောင်လွှားသော စိတ်သဘောထား၏ အနှစ်သာရနှင့် အရင်းအမြစ်ဖြစ်ပြီး၊ ယင်းက စာတန်ထံမှ လာလေသည်။ ထို့ကြောင့် မာနထောင်လွှားခြင်း ပြဿနာကို ဖြေရှင်းရမည်။ လူတစ်ဦးသည် အခြားလူများထက် ပိုသာသည်ဟူသော ထင်မြင်ချက်မှာ အသေးအဖွဲကိစ္စ ဖြစ်သည်။ အရေးပါသောအချက်မှာ လူတစ်ဦး၏ မာနထောင်လွှားသော စိတ်သဘောထားက ဘုရားသခင်၊ သူ၏အုပ်ချုပ်မှုနှင့် သူ၏စီမံချက်များအပေါ် နာခံခြင်းမှ သူ့ကို ဟန့်တားနေခြင်းပင် ဖြစ်သည်၊ ထိုကဲ့သို့သောသူသည် အခြားသူများအပေါ် အာဏာရှိရေးအတွက် ဘုရားသခင်နှင့်ယှဉ်ပြိုင်လိုစိတ် အမြဲရှိနေသည်။ ထိုကဲ့သို့သောလူက ဘုရားသခင်အားချစ်ခြင်း သို့မဟုတ် သူ့အားနာခံခြင်းကို မဆိုထားနှင့်၊ ဘုရားသခင်အားကြောက်ရွံ့ခြင်း စိုးစဉ်းမျှ မရှိပေ။” (ခရစ်တော်၏ပြောဆိုချက် မှတ်တမ်းများ) ကျွန်မရဲ့ မောက်မာမှုနဲ့ စိတ်ကြီးဝင်မှုတွေက ဘုရားသခင်ကို ပုန်ကန်ဆန့်ကျင်စေပြီး အာခံစေခဲ့ကြောင်းကို ဘုရားနှုတ်ကပတ်တော်တွေကနေ ကျွန်မ နားလည်ခဲ့တယ်။ ဒါရိုက်တာတစ်ဦးအနေနဲ့ ကျွန်မရဲ့ တာဝန်ကို ထမ်းဆောင်ကတည်းက၊ အောင်မြင်မှုအချို့ရတဲ့အခါ အဲဒါက ကျွန်မရဲ့ အလုပ်ကြိုးစားမှုကြောင့်ဖြစ်တယ်၊ ကျွန်မက တခြားသူတွေထက် ပိုတော်တယ်လို့ ကျွန်မ တွေးခဲ့တယ်။ တခြားသူတွေကို လျစ်လျူရှုပြီး အရာရာမှာ ကျွန်မ ဆုံးဖြတ်ချင်တာကြောင့် ခေါင်းမာမာနဲ့ ကိုယ့်ကိုယ်ကိုယ်ပဲ အားကိုးခဲ့တယ် ကျွန်မရဲ့ တာဝန်မှာ ရလဒ်တွေ မရနိုင်တဲ့အခါမှာ၊ ပြဿနာက ကျွန်မနဲ့ ဆိုင်လား မဆိုင်လားဆိုတာကို လုံးဝ မဆင်ခြင်ခဲ့ဘဲ ကျွန်မရဲ့ ညီအစ်ကို မောင်နှမတွေအပေါ် ကိုသာ အာရုံစိုက်နေခဲ့တယ်။ ကျွန်မက တင်တင်စီးစီးနဲ့ အခြားသူတွေကို ကိုင်တွယ်ဖြေရှင်းပြီး ဩဝါဒပေးခဲ့တယ်။ မာနထောင်လွှားခြင်း၊ စိတ်ကြီးဝင်ခြင်းတွေနဲ့ အယောက်တိုင်းကို ကျွန်မ အထင်သေးခဲ့တယ်။ တခြားဘယ်သူမှရဲ့ အားသာချက်ကို မမြင်နိုင်ခဲ့သလို ကျွန်မရဲ့ စိတ်ကူးတွေက အကောင်းဆုံးလို့ တွေးခဲ့တယ်။ အကြိမ်တိုင်းမှာ လူတိုင်းရဲ့ အကြံတွေကို ကျွန်မ ကဖျက်ယဖျက်လုပ်ခဲ့ပြီး ထိန်းချုပ်နေခဲ့တယ်။ ကျွန်မရဲ့ မာနထောင်လွှားမှုနဲ့ စိတ်ကြီးဝင်ခြင်းတွေကြောင့် ကိုယ့်ကိုယ်ကိုယ် မသိနိုင်ခဲ့သလို အကြိမ်အများကြီး ပြုပြင်ခံရပြီး ကိုင်တွယ်ဖြေရှင်းခံရပြီးတဲ့နောက်မှာတောင် လက်မခံနိုင်ခဲ့ဘူး ကိုယ့်ကိုယ်ကိုယ် မဆင်ခြင်နိုင်ခဲ့ဘူး။ ကျွန်မမှာ ရှာဖွေသူရဲ့ စိတ်နှလုံးသား လုံးဝ ကင်းမဲ့နေတယ် ကျွန်မအလုပ်ရဲ့ တိုးတက်မှု နှောင့်နှေးပြီး အလုပ်ကို ကျွန်မ မစီမံနိုင်မှန်း သိသာလာတဲ့အချိန်မှာ တခြားသူတွေနဲ့ ကျွန်မ အလုပ်မလုပ်ချင်ခဲ့သေးသလို၊ ကျွန်မရဲ့ အလုပ်တွေမှာ သူတို့ကို ဝင်စွက်ဖက်စေခဲ့တယ်။ အဲဒါက ကျွန်မရဲ့အာဏာကို ထိခိုက်ပြီး ကျွန်မရဲ့ နာမည်နဲ့ ရာထူးကို ခြိမ်းခြောက်မှာပဲလို့ ထင်ခဲ့တယ်။ ကျွန်မ လုံးဝ ကွပ်ကဲသူဖြစ်ချင်ခဲ့ပြီး အဆုံးအဖြတ်ပေးသူ ဖြစ်ချင်ခဲ့တယ်။ ကျွန်မက ဘုရားသခင်ကို ဆန့်ကျင်တဲ့လမ်းကြောင်း လျှောက်နေတာ မဟုတ်လား။ အစ်မလျူက သူ့ရဲ့တာဝန်မှာ ကျွန်မရဲ့ ရာထူးကို ခြိမ်းခြောက်တဲ့ အောင်မြင်မှုအချို့ ရခဲ့ချိန်မှာ သူက မှန်ကန်ခဲ့ပြီး သူ အကြံပေးတဲ့အရာက ဘုရားအိမ်တော်ရဲ့ အမှုကို အကျိုးပြုမယ်ဆိုတာ ကျွန်မ ကောင်းကောင်း သိခဲ့ပေမယ့်၊ ကျွန်မ လက်မခံခဲ့ဘူး။ အဲဒီအစား ချစ်တီးခေါင်းသန်းရှာလုပ်ခဲ့ပြီး ညီအစ်ကို မောင်နှမတွေက သူ့ကို သဘောတူကြတာ မြင်တဲ့အခါ ကျွန်မ ခံကို မခံနိုင်ခဲ့သလို အသင်းတော်ရဲ့ အမှုမှာ ကျွန်မရဲ့ ခံပြင်းမှုကို ထုတ်ပြခဲ့တယ်။ ကျွန်မရဲ့ ကိုယ်ပိုင် နာမည်ကောင်းနဲ့ အဆင့်အတန်းကို ကာကွယ်ဖို့အတွက် ဘုရားအိမ်တော်ရဲ့ အမှုထိခိုက်မှာကို မြင်ရဖို့ ကျွန်မ တွန့်ဆုတ်မနေခဲ့ဘူး ဘုရားသခင်ကို ကျွန်မရဲ့ ကြောက်ရွံ့ခြင်းက ဘယ်မှာလဲ။ ကျွန်မရဲ့ အသိစိတ်နဲ့ ဆင်ခြင်တုံတရားက ဘယ်မှာလဲ။ ကျွန်မရဲ့ မာနထောင်လွှားပြီး စိတ်ကြီးဝင်တဲ့ ဆိုးယုတ်တဲ့ စိတ်သဘောထားနဲ့ အသက်ရှင်နေခဲ့တာကို ကျွန်မ မြင်ခဲ့တယ်၊ ကျွန်မရဲ့ ကိုယ်ပိုင် အတွေးတွေနဲ့ အယူအဆတွေကို သမ္မာတရားလို ညီအစ်ကို မောင်နှမတွေအပေါ် ဖိအားပေးခဲ့တယ်။ အရာရာမှာ လူတွေကို ကျွန်မပြောတာ နားထောင်စေခဲ့တယ်။ အဲဒါက ဘုရားသခင်နဲ့ တန်းတူဖြစ်ချင်ပြီး တခြားသူတွေကို ထိန်းချုပ်ချင်နေတာ မဟုတ်လား။ ကျွန်မက မရေမရာ အနေအထားတစ်ခုမှာ ရှိခဲ့တာကို ကျွန်မ နောက်ဆုံးမှာ နားလည်လိုက်တယ်။ ကျွန်မတာဝန်ကို နေ့တိုင်း လုပ်နေခဲ့တယ်၊ ကိုယ့်ကိုယ်ကိုယ် အသုံးတော်ခံဖို့ စိတ်ပြင်းပြနေခဲ့တဲ့ ပုံပေါက်ခဲ့ပေမယ့်၊ နည်းလမ်းမျိုးစုံနဲ့ ဆိုးယုတ်တဲ့ စိတ်သဘောထားကို ဖော်ပြနေခဲ့တာပါ။ ကျွန်မရဲ့ လုပ်ရပ်အားလုံးက သမ္မာတရားနဲ့ ဆန့်ကျင်ခဲ့တယ်၊ ကျွန်မက အသင်းတော်ရဲ့အလုပ်ကို နှောင့်ယှက်နေခဲ့တာပါ။ မကောင်းမှု၊ ဘုရားသခင်ကို ဆန့်ကျင်တာနဲ့ သူ့ရဲ့ စိတ်သဘောထားကို ပြစ်မှားတာတွေ ကျွန်မ လုပ်နေခဲ့တာပါ။ အဲဒီအခြေအနေထိ ကျွန်မ ဘယ်လိုရောက်ခဲ့တယ်ဆိုတာ အံ့ဩမိတယ်။ ကျွန်မဟာ သိပ်ကို မာနထောင်လွှားပြီး မာကျောတဲ့ သဘာဝရှိခဲ့လို့ပါ။ သမ္မာတရားကို လုံးဝ လက်မခံခဲ့တာကြောင့် ဘုရားသခင်ရဲ့ ဒေါသကို ကိုယ့်အပေါ် ကျရောက်စေခြင်းနဲ့ အဆုံးသတ်ခဲ့တာဖြစ်တယ်။ ကျွန်မဟာ စာတန်ရဲ့ နက်နက်ရှိုင်းရှိုင်း ဖောက်ပြန်ဖျက်ဆီးတာ ခံခဲ့ရပြီး၊ သမ္မာတရားရဲ့ စစ်မှန်မှု လုံးဝကင်းမဲ့တာကို ကျွန်မ မြင်ခဲ့တယ်။ အဲဒီလို အရေးပါတဲ့ တာဝန်တစ်ခုကို ယူဖို့ဆိုတာ ဘုရားသခင်က ကျွန်မကို ချီးမြှောက်နေခဲ့တာပါ၊ ကျွန်မရဲ့တာဝန်မှာ အောင်မြင်မှုတချို့ကိုရတာက လုံးဝ သန့်ရှင်းသောဝိညာဉ်တော်ကြောင့်ပါပဲ ကျွန်မမှာ အရည်အချင်းတစ်ခုတစ်လေ ရှိလို့ လုံးဝ မဟုတ်ခဲ့ပါဘူး။ ကျွန်မရဲ့တာဝန်မှာ ကျွန်မရဲ့ မာနထောင်လွှားတဲ့ သဘာဝကို မှီခိုတဲ့အခါ၊ သန့်ရှင်း‌သော ဝိညာဉ်တော်က အလုပ်လုပ်တာ ရပ်လိုက်ပြီး ဘာကိုမှ ကျွန်မ နားမလည်နိုင်သလို ဘာကိုမှ မဖြေရှင်းနိုင်ခဲ့ဘူးဆိုတာကို ကျွန်မ တွေ့ရတယ် ဒါပေမယ့် အဲဒီလိုအချိန်မှာတောင် ကျွန်မ အဆင်ပြေသလို ခံစားခဲ့တုန်းပဲ။ ကျွန်မက ကိုယ့်ကိုယ်ကိုယ် သိတဲ့ စိတ် တစ်စက်မှမရှိဘဲ ဆင်ခြင်တုံတရားကို ကျော်လွန်ပြီး မာနထောင်လွှားခဲ့တယ်။ အဲဒီအခါမှ ကျွန်မရဲ့ မာနထောင်လွှားတဲ့ သဘာဝအတွက် စက်ဆုပ်မှုနဲ့ မုန်းတီးမှုကို ကျွန်မ စခံစားခဲ့ရတယ်။

နောက်ပိုင်းမှာ ဘုရားဆီက ဒီနှုတ်ကပတ်တော်တွေကို ကျွန်မ ဖတ်ခဲ့ရတယ်- “သင်တို့အားလုံးသည် အပြစ်တရားနှင့် ကာမဂုဏ်လွန်ကျူးသော နေရာတွင် အသက်ရှင်နေကြသည်၊ သင်တို့အားလုံးသည် ကာမဂုဏ်လွန်ကျူးသော သူများ၊ အပြစ်ရှိသောသူများဖြစ်သည်။ ယနေ့ သင်သည် ဘုရားသခင်ကို မြင်နိုင်ရုံသာမက သာ၍အရေးကြီးသည်မှာ သင်သည် ပြစ်တင်ဆုံးမမှုနှင့် တရားစီရင်မှုကို လက်ခံရရှိခဲ့သည်၊ အနက်ရှိုင်းဆုံးဖြစ်သည့် ထိုသို့သော ကယ်တင်ခြင်းကို လက်ခံရရှိခဲ့ကြသည်၊ တစ်နည်းအားဖြင့် ဘုရားသခင်၏ အကြီးမြတ်ဆုံးဖြစ်သော မေတ္တာကို လက်ခံရရှိခဲ့ကြသည်။ သူလုပ်သမျှသည် သင်တို့အတွက် စစ်မှန်သောမေတ္တာ ဖြစ်သည်၊ သူ၌ မကောင်းသော ရည်ရွယ်ချက် မရှိပေ။ သင်၏အပြစ်များကြောင့် သူက သင့်ကို တရားစီရင်ခြင်းဖြစ်သည်၊ ထိုသို့အားဖြင့် သင်တို့သည် ကိုယ့်ကိုယ်ကိုယ် စစ်ဆေးမည်ဖြစ်သည်၊ ထူးကဲလှသော ဤကယ်တင်ခြင်းကို လက်ခံရရှိမည် ဖြစ်သည်။ ဤအရာအားလုံးမှာ လူသားကို စုံလင်စေမည့် ရည်ရွယ်ချက်အတွက်သာလျှင် ပြုလုပ်ထားခြင်းဖြစ်သည်။ အစမှ အဆုံးတိုင် ဘုရားသခင်သည် လူကိုကယ်တင်ဖို့အတွက် သူ၏အကောင်းဆုံးကို လုပ်ဆောင်လျက်ရှိသည်၊ ထို့ပြင် သူ့လက်ဖြင့် ဖန်ဆင်းခဲ့သောလူများကို လုံးလုံးလျားလျား ဖျက်ဆီးလိုစိတ် သူ၌မရှိသည်မှာ သေချာပါသည်။ ယခု သူသည် အလုပ်လုပ်ရန်အတွက် သင်တို့အကြားသို့ ရောက်လာပြီးဖြစ်သည်၊ ယင်းသည် သာ၍ကောင်းသော ကယ်တင်ခြင်း မဟုတ်လော။ သူက သင်တို့ကို မုန်းခဲ့လျှင် သူကိုယ်တိုင် သင်တို့ကို ဦးဆောင်လမ်းပြရန် ထိုမျှပမာဏရှိသော အလုပ်ကို သူဆက်လုပ်မည်လော။ အဘယ်ကြောင့် သူအလွန်အမင်း ဒုက္ခခံရမည်နည်း။ ဘုရားသခင်က သင့်ကို မမုန်းသကဲ့သို့ သင့်အတွက် မကောင်းသော ရည်ရွယ်ချက်လည်း မရှိပေ။ ဘုရားသခင်၏ ချစ်ခြင်းမေတ္တာသည် အစစ်မှန်ဆုံး ချစ်ခြင်းမေတ္တာ ဖြစ်ကြောင်းကို သင်သိသင့်သည်။ လူတို့၏ မနာခံမှုကြောင့်သာ သူသည် လူတို့ကို တရားစီရင်မှုအားဖြင့် ကယ်တင်ရခြင်း ဖြစ်သည်၊ ထိုသို့မပြုလျှင် သူတို့သည် ကယ်တင်ခြင်းခံရမည် မဟုတ်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၄)”) ဘုရားနှုတ်ကပတ်တော်တွေကို အကြိမ်ကြိမ် ကျွန်မ ဖတ်ခဲ့တယ်။ နွေးထွေးတဲ့ ခံစားချက်ကို ကျွန်မ ရရှိခဲ့ပြီး အရမ်းတို့ထိခံစားခဲ့ရတယ်။ ဘုရားသခင်က ဒီလို ဖွင့်ပြနေတာဟာ ကျွန်မကို ရှုတ်ချခြင်း၊ ပယ်ရှင်းခြင်းပြုနေတာ မဟုတ်သလို ကျွန်မအတွက် အမှုအရာတွေ ခက်ခဲအောင် တမင်သက်သက် လုပ်နေတာမဟုတ်မှန်း ကျွန်မ သိခဲ့တယ်။ ကျွန်မရဲ့ ကယ်တင်ခြင်းအတွက် သူ တကယ် လုပ်ခဲ့တာပါ။ အဲဒီလို မာနထောင်လွှားပြီး မာကျောတဲ့ သဘာဝ ကျွန်မရှိခဲ့ပြီး ကျွန်မ လိုအပ်တာကို ဘုရားသခင် သိခဲ့တယ်။ ကျွန်မရဲ့ တာဝန်ကို ဆုံးရှုံးပြီး ညီအစ်ကို မောင်နှမတွေရဲ့ ပြုပြင်ပေးတာနဲ့ ကိုင်တွယ်ဖြေရှင်းတာတွေကို ခံရခြင်းအားဖြင့်၊ ကျွန်မရဲ့ ကိုယ်ပိုင် မာနထောင်လွှားတဲ့ စိတ်သဘောထားကို ကျွန်မ သိလာခဲ့ပြီး ကျွန်မ လျှောက်ခဲ့တဲ့ လမ်းကြောင်းကို ဆင်ခြင်နိုင်ခဲ့သလို ဘုရားသခင်ဆီကို အမှန်တကယ် နောင်တရနိုင်ခဲ့တယ်၊ ဒါကြောင့် ဘုရားသခင်ကို ကျွန်မ ထပ်ပြီး ဆန့်ကျင် အာခံမှာမဟုတ်တော့ပါဘူး။ ဒီဖြစ်စဉ်ကနေ နာကျင်မှုနဲ့ အပျက်သဘောဆောင်မှုတွေကို ကျွန်မ ကြုံခဲ့ရပေမဲ့ ဒီလိုမျိုး တရားစီရင်ခြင်းနဲ့ ပြစ်တင်ဆုံးမခြင်း မရှိဘဲ၊ ကျွန်မရဲ့ ထုံထိုင်းတဲ့ နှလုံးသားက နိုးထနိုင်မှာမဟုတ်ဘူး ကျွန်မရဲ့ အပြုအမူနဲ့ပတ်သက်ပြီး ဆင်ခြင်နိုင်မှာမဟုတ်ဘူး ဒါမှမဟုတ် ဘုရားသခင်ရဲ့ ဖြောင့်မတ်တဲ့ စိတ်သဘောထားကို သိနိုင်မှာမဟုတ်ဘူး ဘုရားသခင်ဆီကို အမှန်တကယ် နောင်တရနိုင်မှာမဟုတ်ဘဲ သူနဲ့အတူ ဆက်ဖက်ပြိုင်နေသလို သူ့ကို ဆန့်ကျင်နေတုန်းပဲဖြစ်မှာပါ။ နောက်ဆုံးမှာ သူ့ရဲ့ စိတ်သဘောထားကို ပြစ်မှားမိပြီး ပြစ်ဒဏ်ပေးခံရမယ် ဘုရားနှုတ်ကပတ်တော်တွေရဲ့ ပြစ်တင်ဆုံးမခြင်းနဲ့ ထုတ်ဖော်ပြခြင်းတွေက ကျွန်မအတွက် သူ့ရဲ့ ကွယ်ကာမှုနဲ့ အစစ်မှန်ဆုံး မေတ္တာဖြစ်တာကို နောက်ဆုံးမှာ ကျွန်မ တွေ့ကြုံခံစားခဲ့ရတယ်။ ဒါကို ကျွန်မ နားလည်တဲ့အချိန်မှာ ဘုရားသခင်ကို အရမ်း ကျေးဇူးတင်မိခဲ့တယ်၊ ပြီးတော့ ကျွန်မရဲ့ ဖောက်ပြန်ပျက်စီးတဲ့ စိတ်သဘောထားကို ဖယ်ရှားပြီး မကြာခင်မှာ လူသားပုံစံတစ်ခုအတိုင်း အသက်ရှင်နေထိုင်နိုင်ဖို့ အနာဂတ်မှာ သမ္မာတရားကို လေးလေးနက်နက် လိုက်စားသင့်တယ်ဆိုတာကို ကျွန်မ ခံစားခဲ့ရတယ်။

အဲဒီနောက် ကျွန်မ ဆက်ပြီး ဆုတောင်း၊ ရှာဖွေနေခဲ့တယ်။ ကျွန်မရဲ့ မာနထောင်လွှားတဲ့ စိတ်သဘောထားနဲ့ အသက်ရှင်တာ၊ ပြီးတော့ ဘုရားသခင်ကို အာခံတာကို ဘယ်လိုရပ်နိုင်မလဲဆိုတာ ကျွန်မ သိချင်ခဲ့တယ်။ ရှာဖွေနေတုန်းမှာ၊ ဘုရားသခင်ဆီက ဒီနှုတ်ကပတ်တော်တွေကို ကျွန်မ ဖတ်ခဲ့ရတယ်- “မာနထောင်လွှားသောသဘာဝက သင့်ကို ခေါင်းမာစေသည်။ လူတို့က ဤခေါင်းမာသော စိတ်သဘောထား ရှိသောအခါ သူတို့သည် တဇွတ်ထိုးလုပ်တတ်သည် မဟုတ်လော။ သို့ပြုလျှင် သင်သည် သင်၏တဇွတ်ထိုးလုပ်တတ်ခြင်းကို မည်သို့ဖြေရှင်းသနည်း။ သင်၌ စိတ်ကူးတစ်ခုရှိသောအခါ ဤကိစ္စအကြောင်း သင်ထင်မြင်ယုံကြည်သည့်အရာကို သင်ထုတ်ပြောသည်၊ ထို့နောက် ထိုအကြောင်းကို လူတိုင်းအား သင်ပြောပြသည်။ ပထမဦးစွာ သင့်အမြင်ကို သင်မီးမောင်းထိုးပြပြီး သမ္မာတရားကို ရှာဖွေနိုင်သည်။ ဤသည်မှာ ဤတဇွတ်ထိုးလုပ်ခြင်း စိတ်သဘောထားကို အောင်နိုင်ရန်အတွက် လက်တွေ့လုပ်ဆောင်ရမည့် ပထမအဆင့်ဖြစ်သည်။ ဒုတိယအဆင့်မှာ ကွဲလွဲသောခံယူချက်ကို အခြားလူတို့က ဖွင့်ဟလာသောအခါ ဖြစ်ပေါ်လေသည်- တဇွတ်ထိုးလုပ်ခြင်းမှ ရှောင်ကြဉ်ရန် မည်သည့် လက်တွေ့လုပ်ဆောင်မှုကို သင်ထားရှိနိုင်သနည်း။ သင်သည် ဦးစွာ နှိမ့်ချခြင်းသဘောထား ရှိရမည်၊ သင်က မှန်ကန်သည်ဟု ယုံကြည်သောအရာကို ဘေးဖယ်ထားရမည်ဖြစ်ပြီး လူတိုင်းကို မိဿဟာယပြုရန် အခွင့်ပေးရမည် ဖြစ်သည်။ သင်၏နည်းလမ်းက မှန်ကန်သည်ဟု သင်ယုံကြည်စေကာမူ၊ ယင်းကို ထပ်တလဲလဲ မလျှော့ တမ်း မပြောသင့်ပေ။ ပထမအနေဖြင့် ၎င်းသည် ရှေ့တစ်လှမ်းတက်ခြင်းမျိုး ဖြစ်သည်။ ယင်းက သမ္မာတရားကို ရှာဖွေခြင်း၊ သင့်ကိုယ်သင် ငြင်းပယ်ခြင်းနှင့် ဘုရားသခင်၏အလိုတော်ကို ဖြည့်ဆည်းခြင်းဟူသော သဘောထားကို ပြသသည်။ သင့်တွင် ဤသဘောထား ရှိသောအခါ၊ သင်သည် သင့်ကိုယ်ပိုင်ခံယူချက်ကို မစောင့်ထိန်းတော့သည်နှင့် တစ်ပြိုင်နက်၊ ဆုတောင်းတော့သည်။ သင်သည် အမှားနှင့်အမှန်ကို မသိသောကြောင့် အကောင်းဆုံး၊ အသင့်တော်ဆုံး ပြုလုပ်ရမည့်အရာကို ထုတ်ဖော်ရန်နှင့် ပြောပြရန် သင်က ဘုရားသခင်ကို အခွင့်ပေးသည်။ အယောက်တိုင်းက မိဿဟာယတွင် ပါဝင်လာကြသောအခါ သန့်ရှင်းသော ဝိညာဉ်တော်က သင့်အား ဉာဏ်အလင်း အားလုံးကို ယူဆောင်လာပေးသည်။” (ခရစ်တော်၏ပြောဆိုချက် မှတ်တမ်းများ) ဘုရားနှုတ်ကပတ်တော်တွေကနေ လက်တွေ့လုပ်ဆောင်ခြင်းလမ်းကြောင်းကို ကျွန်မ ရှာတွေ့ခဲ့တယ်။ မာနထောင်လွှားမှုနဲ့ အသက်မရှင်ချင်ရင် ဒါမှမဟုတ် ကျွန်မရဲ့ တာဝန်မှာ ထင်ရာမြင်ရာ လုပ်တာမျိုး မဖြစ်ချင်ရင် သမ္မာတရားကို ရှာဖွေပြီး ဘုရားသခင်ကို ကြောက်ရွံ့တဲ့ စိတ်နှလုံး ကျွန်မ ရှိရမှာဖြစ်တယ်။ ညီအစ်ကို မောင်နှမတွေနဲ့ ကျွန်မ ပူးပေါင်းလုပ်ဆောင်ရမှာဖြစ်ပြီး အယူအဆကွဲပြားမှု ရှိတဲ့အခါ၊ ကိုယ့်ကိုယ်ကိုယ် ငြင်းပယ်ပြီး ကျွန်မရဲ့ အတ္တကို ဘေးဖယ်ထားနိုင်ရမှာဖြစ်သလို၊ ဘုရားသခင်ဆီ ဆုတောင်းပြီး သမ္မာတရားကို ရှာဖွေနိုင်ရမှာပါ။ ဒီလို စိတ်ထားနဲ့မှ ကျွန်မဟာ သန့်ရှင်းသော ဝိညာဉ်တော်ရဲ့ ဉာဏ်အလင်းပေးခြင်းကို ခံရမှာပါ ဘုရားသခင်ကို ပုန်ကန်ပြီး ဆန့်ကျင်ဖို့၊ ကျွန်မရဲ့ ကိုယ်ပိုင်အယူအဆတွေကို ဖက်တွယ်နေတာကြောင့် ဘုရားအိမ်တော်ကို ထိခိုက်ဖို့အထိ ကျွန်မ လုပ်မိမှာမဟုတ်ဘူး ဒီအရာအားလုံးကို နားလည်လိုက်တာက ကျွန်မ စိတ်နှလုံးထဲကို အလင်း ထွန်းလင်းလိုက်သလိုဖြစ်ခဲ့တယ်။ ဒီဆုတောင်းချက်ကို ကျွန်မ လုပ်ဆောင်ခဲ့တယ်- “ဘုရားသခင်၊ ခုချိန်ကစပြီး၊ ကျွန်မတို့ အတူတကွ သမ္မာတရားကို ရှာဖွေပြီး အခြေခံစည်းမျဉ်းတွေနဲ့အညီ ကျွန်မတို့ တာဝန်ကို လုပ်ဆောင်နိုင်ဖို့ ညီအစ်ကို မောင်နှမတွေနဲ့ သင့်သင့်မြတ်မြတ် အလုပ်လုပ်ဖို့ ဆန္ဒရှိပါတယ်။”

အဲဒီနောက် မကြာခင်မှာပဲ ကျွန်မတာဝန်အတွက် စာလုံးလှ စာကြောင်းနည်းနည်းရေးဖို့ ကျွန်မ အခိုင်းခံရတယ်။ ဒါကို ကျွန်မ ကြားတဲ့အချိန်မှာ၊ “စာလုံးလှစာ နည်းနည်းလောက်က ကိစ္စမရှိပါဘူး ဒါကို ငါ လေ့လာခဲ့တော့ ဒါလုပ်ရတာကို ငါအတော်လေး ကိုယ့်ကိုယ်ကိုယ် စိတ်ချတယ်” လို့ တွေးမိတယ်။ ပုံစံနည်းနည်းလောက် ရေးသားလိုက်ပြီး အဲဒါတွေကို အစ်မလျူက ကြည့်ပြီးတော့၊ “မဆိုးဘူးလို့ ထင်တာပဲ” လို့ ပြောတယ်။ အဲဒီနောက်မှာပဲ သူ့အပေါ် မနှစ်သက်သလို ကျွန်မ ခံစားရပြီး၊ “ရှင်က အရမ်းကို အင်တင်တင်နဲ့ ပြောတယ်။ ကျွန်မရဲ့ လက်ရေးလက်သားက အဲဒီလောက် တကယ်ပဲ ဆိုးနေလို့လား။ ငါ ဒါကို လေ့လာခဲ့တယ်။ ဒါ ငါ ကျွမ်းကျင်တဲ့ဟာပဲ။ ကျွန်မက ရှင့်ထက်ပိုသိတယ် မဟုတ်ဘူးလား ဒီလိုမျိုအရာအတွက် ရှင့်မှာ အမြင်မရှိဘူးဆိုတာ ပြောလို့ရတယ်၊ ရှင်က တမင် ချစ်တီးခေါင်း သန်းရှာနေတာပဲ” လို့ တွေးမိခဲ့တယ်။ ဒါပေမယ့် အဲဒီအတွေးတွေ ကျွန်မစိတ်ထဲ ရောက်နေချိန်မှာ၊ ကျွန်မ မှားမှန်း ရုတ်တရက် နားလည်လိုက်တယ်။ အဲဒါက ဖောက်ပြန်ပျက်စီးတဲ့ စိတ်သဘောထား ပြန်ပြီး ထုတ်ဖော်ပြတာ မဟုတ်လား။ ကျွန်မ ချက်ချင်းပဲ ဘုရားသခင်ရှေ့ကို လာပြီး ဆုတောင်းခဲ့တယ် “အို ဘုရားသခင်၊ ကျွန်မ ကိုယ့်ကိုယ်ကိုယ် ဘေးဖယ်ထားဖို့နဲ့ ကျွန်မတာဝန်အတွက် ကျွန်မရဲ့ရှိသမျှကို ပေးဖို့ ရှာဖွေ၊ နာခံတတ်တဲ့ သဘောထား ကျွန်မ ရှိချင်ပါတယ်။” အဲဒီ အတွေးနဲ့ နောက်ထပ် ပုံစံတစ်ခုကို ကျွန်မ ရေးလိုက်တယ်၊ အဲဒါကို အစ်မလျူ တွေ့တဲ့အချိန်မှာ ပိုသပ်ရပ်အောင် လုပ်နိုင်မလားလို့ မေးပြီး အကြံဉာဏ်ထပ်ပေးခဲ့တယ်။ ညီအစ်ကို မောင်နှမတွေအများကြီးက အဲဒါ ကောင်းတဲ့ပုံပါပဲလို့ တကယ်ပြောကြတာလေ။ အရင်ကပုံစံအတိုင်းဆိုရင်၊ ကျွန်မ မှန်တယ်လို့တွေးပြီး တခြားလူတွေကလည်း ကျွန်မကို သဘောတူရင်၊ နောက်ထပ်ပြောစရာမရှိသလို ပိုပြီး ခေါင်းမာခဲ့မိမှာပါ။ ဒါပေမယ့် အဲဒီအချိန်တုန်းက ကျွန်မရဲ့ အတွေးမဟုတ်ခဲ့ဘူး။ “ညီအစ်ကို မောင်နှမတွေက ငါ့ရဲ့တာဝန်ကို တွေးနေကြတာနဲ့အမျှ ကွဲပြားတဲ့ အမြင်တွေ တင်ပြလာနေကြတာပဲ။ ဘယ်သူကမှ ဘယ်သူအတွက်မှ ကိစ္စတွေကို ခက်ခဲအောင် လုပ်နေတာ မဟုတ်ဘူး။ ပြီးတော့ ငါ့ရဲ့ စိတ်ကူးတွေက သေချာပေါက် မှန်နေတာမျိုးမဟုတ်ပါဘူးလေ။ နောက်ဆုံးတော့လည်း ငါတို့ တာဝန်မှာ ဘယ်အရာက အကောင်းဆုံးရလဒ်ကို ရစေမလဲဆိုတာ ငါတို့ ဆုံးဖြတ်ရမှာပါ” လို့ တွေးမိတယ်။ ဒါကို စိတ်ထဲမှာထားရင်းနဲ့ ကျွန်မက အရင်စပြီးတော့ “ကျွန်မ နောက်ထပ် ပုံစံတစ်ခုကို ဆွဲလိုက်ရင်ရော၊ ပြီးရင် ဘယ်ဟာ အကောင်းဆုံးလဲဆိုတာကို ရှင်တို့ ဆုံးဖြတ်နိုင်တယ်လေ။ ရှင်တို့ ပိုကြိုက်တဲ့ဟာကို သုံးလိုက်ပေါ့” လို့ ပြောလိုက်တယ်။ ဒီအတွေးနဲ့ ကျွန်မ ရေးတဲ့အချိန်မှာ ကျွန်မအဖို့ မျက်နှာပျက်စရာတောင် မဖြစ်တော့ဘဲ အရမ်း တည်ငြိမ်ပြီး အေးချမ်းတာကို ခံစားခဲ့ရတယ်။ ကျွန်မ ပြီးသွားတဲ့နောက်မှာ၊ နောက်ထပ် တုန့်ပြန်ချက်တွေကို သူတို့ဆီ ကျွန်မ တောင်းခဲ့ပြီး ညီအစ်ကို မောင်နှမတွေကို အကြံဉာဏ်တွေ ပိုပေးခဲ့ကြတယ်။ အဲဒါတွေအားလုံးက ကျိုးကြောင်းညီညွှတ်တဲ့အချက်တွေပါပဲ။ အင်း၊ အဲဒီနောက် ကျွန်မ ခံစားခဲ့ရတဲ့အရာက ကျွန်မ တကယ်ကို အမှားအများကြီးရှိခဲ့ပြီး ညီအစ်ကိုမောင်နှမတွေက ကျွန်မ မပိုင်ဆိုင်တဲ့ အားသာချက်တွေအများကြီး ရှိကြတယ်ဆိုတာပါပဲ။ သူတို့ရဲ့ စိတ်ကူးတွေနဲ့ အကြုံပြုချက်တွေ အများကြီးက ကျွန်မရဲ့ အားနည်းချက်တွေကို ပြင်စေခဲ့တယ်။ ဒါကြောင့် အယောက်တိုင်းရဲ့ အကူအညီကတဆင့်၊ အချင်းချင်းရဲ့ အားနည်းချက်တွေကို ပြုပြင်ပေးခြင်းကဆင့်၊ နောက်ဆုံး ကျွန်မတို့ဟာ ကျွန်မတို့ရဲ့ တာဝန်မှာ ပိုပြီး အောင်မြင်ခဲ့ကြတယ်။ ဒီလိုနည်းလမ်းနဲ့ ညီအစ်ကိုမောင်နှမတွေနဲ့ ခဏလောက် လုပ်ပြီးတဲ့နောက်မှာ ကျွန်မ တကယ်ကို အေးချမ်းမှု စခံစားခဲ့ရပြီး အယောက်တိုင်းနဲ့ အများကြီးပိုရင်းနှီးလာခဲ့တယ်။ ကျွန်မက အရင်ကလောက် မရိုင်းပျဘူး ကြီးလည်းမကြီးကျယ်သလို၊ တခြားသူတွေ ကျွန်မနဲ့ ရင်းနှီးတဲ့အခါ ကျွန်မ ဆက်ဆံရမခက်တော့ဘူး။ ညီအစ်ကို မောင်နှမတွေရဲ့ အကြံပြုချက်တွေကိုလည်း လက်ခံဖို့ သိပ်မခက်တော့တာကို ကျွန်မ တွေ့ခဲ့ရပြီး၊ ကျွန်မရဲ့ ဟာကွက်တွေနဲ့ပတ်သက်ပြီး မှန်ကန်တဲ့နည်းနဲ့ သူတို့ ပြောတာကို ကျွန်မ လက်ခံနိုင်ခဲ့တယ်။ ကျွန်မ မနှစ်သက်တဲ့ ကိစ္စတချို့ ဖြစ်ပျက်ခဲ့ပြီး မာနထောင်လွှားမှုတချို့ကို ကျွန်မ ပြခဲ့ပေမဲ့ ညီအစ်ကို မောင်နှမတွေရဲ့ သတိပေးချက်တွေနဲ့ ဘုရားရှေ့ကို ကျွန်မ ချက်ချင်း လာနိုင်ခဲ့တယ်။ ကျွန်မ ကိုယ့်ကိုယ်ကိုယ် ဘေးဖယ်ဖို့၊ သမ္မာတရားကို ရှာဖွေပြီး အခြေခံသဘောတရားတွေနဲ့အညီ ကျွန်မရဲ့တာဝန်ကို ဆောင်ရွက်ဖို့ လိုလားနေခဲ့တယ်။ ဒီအရာအားလုံးကို ဖြတ်သန်းပြီးတဲ့နောက်မှာ၊ ကျွန်မ စိတ်နှလုံးကနေ တကယ် ကျွန်မ တွေ့ကြုံခဲ့ရတာက၊ စစ်မှန်တဲ့ ပျော်ရွှင်ခြင်း အသိဖြစ်ပါတယ်။ အရင်က ကျွန်မအတွက် အရမ်းကို ခက်ခဲခဲ့တဲ့ ဘုရားသခင်ရဲ့ နှုတ်ကပတ်တော်အချို့ကို နောက်ဆုံး ကျွန်မ လက်တွေ့လုပ်ဆောင်နိုင်ခဲ့ပြီ ဆိုတာကို ကျွန်မ တွေ့ခဲ့ရတယ်။ ကိုယ့်ကိုယ်ကိုယ် ဘေးဖယ်ထားဖို့နဲ့ အခြားသူတွေရဲ့ အကြံပြုချက်ကို လက်ခံဖို့ဟာ အရမ်း ခက်ခဲခဲ့တာပါ၊ ဒါပေမယ့် အခု ဘုရားသခင်ရဲ့ နှုတ်ကပတ်တော် အနည်းအကျဉ်းကို ကျွန်မ လက်တွေ့လုပ်နိုင်ပါပြီ။ နောက်ဆုံးမှာ လူသား ပုံစံအတိုင်း ကျွန်မ နည်းနည်း အသက်ရှင်နိုင်ပါပြီ။ အရင်ကလောက် ကျွန်မ မရိုင်းပျဘူး၊ ဘုရားသခင်အဖို့ ကျွန်မက အရမ်းကို စက်ဆုပ်စရာမဖြစ်သလို၊ အရင်ကလုပ်ခဲ့သလို တခြားသူတွေကို ကျွန်မ ချုပ်ချယ်မနေတော့ပါဘူး။ အဲဒါတွေအားလုံးကို ကျွန်မ တွေးတဲ့အခါတိုင်းမှာ၊ ဘုရားသခင်ကို ကျွန်မ အရမ်းကျေးဇူးတင်မိတယ်။ ကျွန်မကို ဘုရားသခင်က ကိုင်တွယ်ဖြေရှင်းတာ၊ ပြုပြင်တာတွေကြောင့်သာ မဟုတ်ရင်၊ သူ့နှုတ်ကပတ်တော်တွေရဲ့ တရားစီရင်ခြင်းနဲ့ ထုတ်ဖော်ပြခြင်းမရှိဘဲနဲ့၊ ကျွန်မ အခု ဘယ်လောက် မာနထောင်လွှားလိုက်မလဲ၊ ဒါမှမဟုတ် ဘယ်လောက် အကျင့်ပျက်လိုက်မလဲဆိုတာ ကျွန်မ မသိဘူး။ ဒီနေ့ ကျွန်မ ရရှိခဲ့တဲ့ သေးနုတ်တဲ့ သိနားလည်မှုနဲ့ ပြောင်းလဲမှုက ဘုရားနှုတ်ကပတ်တော်ရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကြောင့်သာ ဖြစ်ပါတယ်။

အရှေ့သို့- ဘုရားသခင်၏ ကွယ်ကာခြင်း

နောက်တစ်ခုသို့- လမ်းမှန်သို့ ပြန်ရောက်ခြင်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ကျွန်မ ကြုံခဲ့ရသော စမ်းသပ်မှု

အနန္တတန်ခိုးရှိသော ဘုရားသခင် ပြောသည်မှာ- “ငါ၏လုပ်ဆောင်ချက်များသည် ကမ်းခြေများရှိ သဲလုံးများထက် အရေအတွက်သာ၍ များပြားပြီး ငါ၏ဉာဏ်ပညာ သည်လည်း...

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

လူငယ်ဘဝ၏ အရွယ်ကောင်းသောအချိန်ကို အကျဉ်းထောင်၌ ကုန်ဆုံးခြင်း

ချန်ရှီ၊ ဟေဘေးစီရင်စုကျွန်မတို့ လူငယ်ဘဝ၏ အရွယ်ကောင်းသော အချိန်သည် ဘဝ၏ အကောင်းဆုံးနှင့် အရိုးရှင်းဆုံးအချိန်ဖြစ်သည်ဟု လူတိုင်းက ဆိုကြသည်။...

သခင်သည် အရှေ့တိုင်းတွင် ပေါ်ထွန်းခဲ့ပြီ

ကျီယူကျန်း၊ တရုတ်ပြည် တစ်နေ့တွင် ကျွန်မညီမက မြောက်ပိုင်းမှ ပြန်ရောက်နေပြီး၊ ကျွန်မကို အရေးကြီးသည့် တစ်စုံတစ်ခု ပြောရန်ရှိသည်ဟု ပြောဖို့...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ နောက်ဆုံးသော ကာလ ခရစ်တော်— ကယ်တင်ရှင်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်