အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ခုနှစ် ယုံကြည်သူ အသစ်များမှ နားလည်ထားသင့်သည့် အနည်းဆုံးဖြစ်သော သမ္မာတရားများ၏ အခြားသော ရှုထောင့် အချို့

၅။ ဘုရားသခင်၌ ယုံကြည်ခြင်းမှာ ငြိမ်သက်ခြင်းနှင့် ကောင်းချီးမင်္ဂလာများကို ရှာရန်အတွက်သာ မဖြစ်သင့်ပေ

ဆက်စပ်သော ဘုရားသခင်၏ နှုတ်ကပတ်တော်များ -

ယနေ့မှာဘဲ၊ လက်တွေ့ကျသော ဘုရားသခင်ကို သင်သည် ယုံကြည်သောကြောင့် လမ်းကြောင်းမှန်ကို ခင်းရမည်။ ဘုရားသခင်ကို ယုံကြည်သည်နှင့်အညီ ကောင်းချီးမင်္ဂလာများသာ မရှာသင့်၊ ဘုရားသခင်ကို ချစ်ခြင်းနှင့် သိကျွမ်းခြင်းကိုသာ သင်သည် ရှာဖွေသင့်သည်။ ဘုရားသခင်၏ ဖွင့်ပြခြင်းနှင့်အတူ သင်၏ ကြိုးစား အားထုတ်မှုဖြင့် နှုတ်ကပတ်တော်ကို စားသောက်နိုင်ပြီး စစ်မှန်သော ဘုရားသခင်ကို နားလည်ခြင်း၌ ကြီးထွားမည်ဖြစ်၍ သင့်နှလုံးထဲမှလာသော ဘုရားသခင်ကို ချစ်ခြင်းအစစ်အမှန်လည်း ရှိလာမည်။ တစ်နည်း ဆိုလျှင်၊ ဘုရားသခင်ကို ချစ်ခြင်းအရာတွင် အဘယ်သူမျှ မဖျက်ဆီးနိုင်၊ မတားဆီးနိုင်သည့် စစ်မှန်သော ချစ်ခြင်းမျိုး ဖြစ်သည်။ သို့ပြုလျှင် သင်သည် ဘုရားသခင်ကို ယုံကြည်ခြင်းတည်းဟူသော လမ်းမှန်၌ ရပ်တည်နေသည်။ ထိုအရာက သင့်ကို ဘုရားသခင် ပိုင်ဆိုင်သောသူဖြစ်ကြောင်း သက်သေပြသည်။ ဘုရားသခင်က သင့်နှလုံးကို နေရာယူပြီး ဖြစ်သည့်အတွက် အခြားသောအရာများက သင့်ကို မပိုင်ဆိုင်နိုင် သောကြောင့်ဖြစ်သည်။ သင်၏ အတွေ့အကြုံကြောင့်၊ သင်ပေးဆပ်ခဲ့သည့် အဖိုးအခနှင့် ဘုရားသခင်၏ လုပ်ဆောင်ပေးမှုကြောင့် ဘုရားသခင်အား အလိုအလျောက် ချစ်ခြင်းအရာကို ကြီးထွားအောင် လုပ်ဆောင် လာနိုင်သည်။ သို့ဖြစ်၍ သင်သည် စာတန်၏ လွမ်းမိုးမှုနှင့် ကင်းလွတ်လျက် ဘုရားသခင် နှုတ်ကပတ်တော် အလင်းထဲ၌ အသက်ရှင်လာသည်။ အမှောင်လွမ်းမိုးမှုမှ ချိုးဖောက် လွတ်မြောက်ပြီးမှ သာလျှင် ဘုရားသခင် ၏ နှုတ်ကပတ်တော်ထဲ၌ သက်ရှင်သွားလာသူအဖြစ် ယူဆနိုင်ပေသည်။ ဘုရားသခင်ကို ယုံကြည်ခြင်း၌ ထိုအရာကို သင်ရှာဖွေသည့် ပန်းတိုင်ဖြစ်ရမည်။ ဤအရာသည် သင်တို့အသီးသီး၏ တာဝန်ဝတ္တရား ဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကို ယုံကြည်သော သင်သည် သမ္မာတရားအတွက် အသက်ရှင်သင့်သည်" မှ

ဘုရားသခင်ကို နဖူးတွေ့ဒူးတွေ့ ကြုံတွေ့ခြင်းဆိုသည်မှာ ကျေးဇူးတော်ကို ခံစားခြင်းအကြောင်း မဟုတ်ဘဲ သူ့ကို သင်ချစ်သည့်အတွက်ကြောင့် ဒုက္ခခံခြင်းအကြောင်း ဖြစ်သည်။ သင်သည် ဘုရားသခင်၏ကျေးဇူးတော်ကို ခံစားရသည့်အတွက် သူ၏ပြစ်တင်ဆုံးမခြင်းကိုလည်း ခံတတ်ရမည်၊ ထိုအရာအလုံးစုံကို သင်ကြုံတွေ့ရမည်။ သင့်အထဲတွင် ဘုရားသခင်၏ အလင်းဖွင့်ပြခြင်းကို သင်ကြုံတွေ့ခံစားနိုင်ပြီး သင့်ကို ကိုင်တွယ်ဖြေရှင်းခြင်းနှင့် သူ၏ တရားစီရင်ခြင်းဖြင့်လည်း သူ့ကို နဖူးတွေ့ဒူးတွေ့ ကြုံတွေ့နိုင်သည်။ ထိုနည်းဖြင့် သင်သည် အဘက်ဘက်ကို ကြုံတွေ့မည်ဖြစ်သည်။ ဘုရားသခင်သည် သင့်အပေါ်၌ တရားစီရင်ခြင်းအမှုကို ပြုခဲ့ပြီးသည် သာမက သင့်အား ပြစ်တင်ဆုံးမခြင်းအမှုကိုလည်း ပြုခဲ့ပြီးပြီဖြစ်သည်။ ဘုရားသခင်၏ နှုတ်ကပတ်တော်သည် သင့်ကို ကိုင်တွယ်ဖြေရှင်းခဲ့ပြီးသော်လည်း ၎င်းသည် သင့်ကို ဖွင့်ပြခဲ့ပြီး အလင်းပေးခဲ့ပြီးဖြစ်သည်။ သင်ထွက်ပြေးလိုသည့်အခါ ဘုရားသခင်၏ လက်တော်သည် သင့်ကို ဆက်၍ ဆွဲကိုင်ထားမည်ဖြစ်သည်။ ဤအမှုအားလုံး၏ ရည်ရွယ်ချက်မှာ လူနှင့်ပတ်သက်သော အမှုအရာမှန်သမျှသည် ဘုရားသခင်၏ သနားခြင်းကရုဏာတော်ကြောင့်သာ ဖြစ်ကြောင်းကို သင်သိစေရန်ဖြစ်သည်။ ဘုရားသခင်ကို ယုံကြည်ခြင်းဆိုသည်မှာ ဒုက္ခခံခြင်း၊ သို့မဟုတ် သူ့အတွက် များစွာလုပ်ဆောင်ခြင်း၊ သို့မဟုတ် သင်၏သွေးသားဇာတိ ငြိမ်သက်ခြင်းရရန်၊ သို့မဟုတ် သင့်အတွက် အရာခပ်သိမ်း အဆင်ပြေချောမွေ့စေရန်၊ အရာခပ်သိမ်း သက်တောင့်သက်သာရှိစေရန် ဖြစ်သည်ဟု သင်ထင်ကောင်းထင်နိုင်သော်လည်း ထိုအရာများသည် ဘုရားသခင်ကို ယုံကြည်ရန်အတွက် လူတို့၌ ရှိသင့်သော ရည်ရွယ်ချက်များ မဟုတ်ပါ။ အကယ်၍ ထိုအရာမှာ သင် ယုံကြည်သောအရာဖြစ်ပါက သင်၏အမြင်မှာ မမှန်ကန်ဘဲ သင်သည် စုံလင်ခြင်းသို့ အကယ်ပင် ရောက်နိုင်မည်မဟုတ်။ ဘုရားသခင်၏လုပ်ရပ်များ၊ ဘုရားသခင်၏ဖြောင့်မတ်သော စိတ်သဘောထား၊ သူ၏ဉာဏ်ပညာ၊ သူ၏နှုတ်ကပတ်တော်နှင့် သူ၏အံ့သြကြီးမြတ်ခြင်းနှင့် လူ၏ဉာဏ်ဖြင့်စဉ်းစား၍ မမီနိုင်ခြင်းစသည်တို့မှာ လူတို့ နားလည်သင့်သော အရာအားလုံး ဖြစ်သည်။ ဤနားလည်မှုကို အသုံးပြုကာ ပုဂ္ဂိုလ်ရေးရာ တောင်းခံချက်များ သာမက သင်၏စိတ်နှလုံးထဲမှ တစ်ဦးတစ်ယောက်စာ မျှော်လင့်ချက်များနှင့် အယူအဆများကို ရှင်းထုတ်လိုက်ပါ။ ထိုအရာများကို သင်သုတ်သင်ဖယ်ရှင်းလိုက်ခြင်းဖြင့်သာ ဘုရားသခင် တောင်းဆိုထားသော သတ်မှတ်ချက်များကို သင်ပြည့်မီနိုင်မည်။ ဤအရာအားဖြင့်သာ သင်အသက်ကိုရကာ ဘုရားသခင်ကို ကျေနပ်စေနိုင်မည်။ ဘုရားသခင်ကို ယုံကြည်ခြင်းဆိုသည်မှာ သူ့ကို ကျေနပ်စေရန်နှင့် သူသတ်မှတ်ထားသော စိတ်သဘောထားဖြင့် အသက်ရှင်နေထိုင်ရန်အတွက် ဖြစ်သည်၊ ထိုမှသာ သူ၏လုပ်ရပ်များနှင့် ဘုန်းတော်သည် မထိုက်တန်သော ဤလူအုပ်စုအားဖြင့် ထင်ရှားကောင်းထင်ရှားနိုင်ပါမည်။ ထိုအရာမှာ ဘုရားသခင်ကို ယုံကြည်ခြင်းအတွက် မှန်သော အမြင်ဖြစ်ပြီး သင်ရှာဖွေသင့်သော ပန်းတိုင်လည်း ဖြစ်သည်။ ဘုရားသခင်ကို ယုံကြည်သည့်အရာတွင် သင်၌ မှန်ကန်သော သဘောထားရှိသင့်ပြီး ဘုရားသခင်၏နှုတ်ကပတ်တော်ကို ခံရရန် ရှာဖွေသင့်ပါသည်။ သင်သည် ဘုရားသခင်၏နှုတ်ကပတ်တော်ကို စားသောက်ရန်နှင့် သမ္မာတရားဖြင့် အသက်ရှင်နေထိုင်နိုင်ရန် လိုအပ်ပြီး အထူးသဖြင့် သူ၏လက်တွေ့လုပ်ဆောင်ချက်များကို မြင်ရန်၊ စကြဝဠာတစ်ဝှမ်းလုံးတွင် သူ၏ အံ့သြဖွယ်ကောင်းသော လုပ်ဆောင်ချက်များကို မြင်ရန် သာမက သွေးသားဇာတိထဲတွင် သူလက်တွေ့ပြုသောအမှုတို့ကို မြင်ရန် လိုအပ်သည်။ လူတို့၏ အတွေ့အကြုံ အစစ်အမှန်များအားဖြင့် ၎င်းတို့သည် ၎င်းတို့အပေါ်၌ ဘုရားသခင်သည် သူ၏အမှုကို မည်ကဲ့သို့ ပြုကြောင်းနှင့် ၎င်းတို့အတွက် သူ၏အလိုတော်မှာ အဘယ်သို့ ဖြစ်ကြောင်းကို အသိအမှတ် ပြုနိုင်မည်။ ခပ်သိမ်းသော ဤအမှုတို့မှာ သူတို့၏ စာတန်နှင့်စပ်ဆိုင်သော ဖောက်ပြန်ပျက်စီးနေသည့် စိတ်သဘောထားကို သုတ်သင်ဖယ်ရှားပစ်ရန် ဖြစ်သည်။ သင့်အထဲမှ မသန့်ရှင်းခြင်းနှင့် မဖြောင့်မတ်ခြင်းကို သင့်ကိုယ်သင် ဖယ်ရှားပါ၊ သင်၏ မှားယွင်းသော ရည်ရွယ်ချက်များကို ခွာချပါ၊ ထို့နောက် သင်၌ ဘုရားသခင်အပေါ် မှန်သောယုံကြည်ခြင်း တိုးပွားလာနိုင်ပါသည်။ မှန်သော ယုံကြည်ခြင်းရှိမှသာ ဘုရားသခင်ကို သင်အမှန်တကယ် ချစ်နိုင်မည်။ သင်သည် ဘုရားသခင်ထဲ၌ ရှိသော ယုံကြည်ခြင်း အုတ်မြစ်ဖြင့်သာ သူ့ကို စစ်မှန်စွာ ချစ်နိုင်မည်။ သင်သည် ဘုရားသခင်ကို မယုံကြည်ဘဲ သူ့ကို ချစ်တတ်လာနိုင်သလော။ သင်သည် ဘုရားသခင်ကို ယုံကြည်သည့်အတွက် ၎င်းအရာနှင့်ပတ်သက်၍ သင်ယောင်ချာချာမဖြစ်ရ။ လူအချို့တို့သည် ဘုရားသခင်ကို ယုံကြည်ခြင်းဖြင့် သူတို့ထံ ကောင်းချီးမင်္ဂလာများ ရောက်ရှိလာကြောင်းကို မြင်လျှင်မြင်ချင်း စိတ်အားထက်သန်မှုဖြင့် ပြည့်ဝလာကြသော်လည်း စစ်ဆေးခြင်းများကိုလည်း ခံစားရမည် ဖြစ်ကြောင်းကို ၎င်းတို့ မြင်လျှင်မြင်ချင်း အားအင်အလုံးစုံ ကုန်ခန်းပျောက်ပြယ်သွားတတ်ကြသည်။ ထိုအရာမှာ ဘုရားသခင်ကို ယုံကြည်ခြင်း ဖြစ်သလော။ အဆုံးတွင် ဘုရားသခင်ကို ယုံကြည်ခြင်းဆိုသည်မှာ သူ၏ရှေ့မှောက်တွင် လုံးလုံးလျားလျား အကြွင်းမဲ့ နာခံခြင်းအကြောင်းပင် ဖြစ်သည်။ သင်သည် ဘုရားသခင်ကို ယုံကြည်သော်လည်း သူ့ကို ဆက်လက် တောင်းဆိုစရာများ ရှိသေးသည်၊ သင်မစွန့်ပယ်နိုင်သော ဘာသာရေးအယူအဆများစွာ၊ သင်လက်မလွှတ်နိုင်သော ပုဂ္ဂိုလ်ရေးရာ အကျိုးအမြတ်များ ရှိနေသေးပြီး သွေးသားဇာတိ ကောင်းချီးမင်္ဂလာများကို ဆက်လက် ရှာဖွေကာ သင်၏သွေးသာဇာတိကို ဘုရားသခင်က ကယ်မစေရန်၊ သင်၏စိတ်ဝိညာဉ်ကို ကယ်တင်စေရန် အလိုရှိနေသေးသည်။ ထိုအရာအားလုံးမှာ မှားယွင်းသောအမြင်ရှိသော လူများ၏ ဖော်ပြချက်များပင် ဖြစ်သည်။ ဘာသာရေးအယူဝါဒများရှိသော လူတို့သည် ဘုရားသခင်ကို ယုံကြည်ကြသော်လည်း ၎င်းတို့သည် စိတ်သဘောထား ပြောင်းလဲရန်အတွက် မရှာဖွေကြ၊ ဘုရားသခင်ကို သိသောပညာကို လေ့လိုက်လိုက်စားခြင်းမရှိကြဘဲ ၎င်းတို့၏သွေးသားဇာတိ အကျိုးအမြတ်တို့ကိုသာ ရှာဖွေကြသည်။ သင်တို့အထဲမှ များစွာတို့သည် ဘာသာရေးခံယူချက် အတန်းအစားထဲတွင်ရှိသော ယုံကြည်ခြင်းများ ရှိကြသည်။ ထိုအရာမှာ ဘုရားသခင်ကို အမှန်တကယ် ယုံကြည်ခြင်း မဟုတ်ပါ။ ဘုရားသခင်ကို ယုံကြည်ရန်အတွက် လူတို့၌ ဘုရားသခင်အတွက် ဒုက္ခခံလိုသော စိတ်နှလုံးကို ပိုင်ဆိုင်ရမည်ဖြစ်ပြီး ၎င်းတို့ကိုယ်ကို လက်လျှော့လိုစိတ် ရှိရမည်။ ၎င်းတို့ ထိုသတ်မှတ်ချက် နှစ်ချက်နှင့် မပြည့်မီသ၍ ၎င်းကို ဘုရားသခင်အား ယုံကြည်ခြင်းဟု မသတ်မှတ်နိုင်ဘဲ ၎င်းတို့သည် စိတ်သဘောထား ပြောင်းလဲခြင်းကို ရနိုင်ကြမည်မဟုတ်။ သမ္မာတရားကို စင်စစ် ရှာဖွေသောလူများ၊ ဘုရားသခင်ကို သိသောပညာကို ရှာဖွေပြီး အသက်ကို မီအောင်လိုက်သောလူများသာလျှင် ဘုရားသခင်ကို အမှန်တကယ် ယုံကြည်သောသူများ ဖြစ်ကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်" မှ

ဆိုလိုသည်မှာ ဘုရားသခင်ကို သင်နာခံနိုင်ရန်၊ ဘုရားသခင်အား သင်ချစ်နိုင်ရန်၊ ဘုရားသခင် ဖန်ဆင်းထားသော သတ္တဝါတစ်ဦး အနေနှင့် လုပ်ဆောင်သင့်သော တာဝန်ကို သင်လုပ်ဆောင်နိုင်ဖို့ရန်အတွက် ဘုရားသခင်ကို ယုံကြည်ခြင်းဖြစ်သည်။ ထိုသို့ လုပ်ဆောင်ခြင်းသည် ဘုရားသခင်ကို ယုံကြည်သည့် ရည်ရွယ်ချက် ဖြစ်သည်။ ဘုရားသခင်၏ ချစ်ဖွယ်ကောင်းမှုကို သိသော အသိ၊ ဘုရားသခင်သည် ကြောက်ရွံ့ထိုက်သူ ဖြစ်ကြောင်းကို သိသောအသိ၊ ဘုရားသခင်သည် သူဖန်ဆင်းထားသော သက်ရှိသတ္တဝါများအကြား၌ ကယ်တင်ခြင်းအမှုနှင့် စုံလင်အောင် ပြုလုပ်ပေးသည့် အမှုကို မည်သို့ ပြုလုပ်ပေးသည်ကို သိသောအသိတို့ သင့်မှာ ရှိရမည်။ ဘုရားသခင်ကိုယုံလျှင် သင့်မှာ အနည်းဆုံး ထိုသို့သော အသိများ ရှိရမည်။ ဘုရားသခင်ကို ယုံကြည်ခြင်း ဆိုသည်မှာ အဓိကအားဖြင့် ဇာတိပကတိ၌ ရှင်နေသော အသက်တာမှ ဘုရားသခင်ကို ချစ်သည့်အသက်တာသို့ ပြောင်းလဲခြင်း၊ သဘာဝအတိုင်းနေသည့် အသက်တာမှ ဘုရားသခင်၌တည်သည့် အသက်တာသို့ ပြောင်းလဲခြင်း၊ စာတန်၏ ပိုင်နက်ထဲမှ ထွက်ပြီး ဘုရားသခင်၏ စောင့်ရှောက် ကာကွယ်မှုအောက်၌ အသက်ရှင်ခြင်း၊ ဘုရားသခင်ကို နာခံနိုင်စွမ်း ရှိခြင်း၊ ဇာတိပကတိကို မနာခံခြင်း၊ ဘုရားသခင်အား သင့်နှလုံးသား တစ်ခုလုံးကို ပိုင်ဆိုင်ခွင့်ပေးခြင်း၊ ဘုရားသခင်က သင့်ကို စုံလင်အောင် လုပ်ပေးနိုင်ဖို့ အခွင့်ပေးခြင်း၊ အကျင့်ပျက်သော စာတန်၏ စိတ်သဘောထား မရှိအောင် ကိုယ်တိုင် ရုန်းထွက်ခြင်းတို့ဖြစ်သည်။ ဘုရားသခင်ကို ယုံကြည်ခြင်းသည် ဘုရားသခင်၏ ဘုန်းနှင့်တန်ခိုးကို သင့်အသက်တာမှာ ထင်ရှားနိုင်စေဖို့၊ ဘုရားသခင်၏ အလိုအတိုင်း သင်ဆောင်ရွက်နိုင်စေဖို့၊ ဘုရားသခင်၏ အကြံအစည် အထမြောက်အောင် လုပ်ဆောင်နိုင်ဖို့၊ စာတန်၏ ရှေ့၌ ဘုရားသခင်အကြောင်း သက်သေခံနိုင်စွမ်း ရှိစေဖို့ ဖြစ်သည်။ ဘုရားသခင်ကို ယုံကြည်ခြင်းသည် နိမိတ်လက္ခဏာများနှင့် အံ့သြဖွယ်ရာများကို မြင်တွေ့ရဖို့၊ သင်၏ ဇာတိပကတိ အကျိုးရှိဖို့ မဖြစ်သင့်ပေ။ ဘုရားသခင်ကို ယုံကြည်ခြင်းသည် ဘုရားသခင်ကိုသိအောင် ကြိုးစားရှာဖွေဖို့၊ ဘုရားသခင်ကို နာခံနိုင်စွမ်း ရှိဖို့၊ ပေတရုကဲ့သို့ သေသည်အထိ ဘုရားသခင်ကို နာခံဖို့ ဖြစ်သင့်သည်။ ထိုသို့ လုပ်ဆောင်ခြင်း အောင်မြင်ဖို့အတွက်လိုသည့် ယုံကြည်ခြင်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်" မှ

သင်ရှာမှီးသည်မှာ ဘုရားသခင်ကို သင်ယုံကြည်ပြီးနောက် ငြိမ်ချမ်းခြင်း ရနိုင်ရန်ဖြစ်သည်—သင့်သားသမီးများ နေထိုင်မကောင်း မဖြစ်စေရန်၊ သင့်ခင်ပွန်း အလုပ်ကောင်းကောင်း ရရန်၊ သင့်သား ဇနီးကောင်းတစ်ဦးကိုရရန်၊ သင့်သမီး ရည်မွန်သော ခင်ပွန်းတစ်ဦးကိုရရန်၊ သင့်မြင်းများ၊ နွားများ မြေကိုကောင်းစွာထွန်ယက်ရန်၊ သင့်ကောက်ပဲသီးနှံများအတွက် တစ်နှစ်ပတ်လုံး ရာသီဥတုကောင်းမွန်ရန်၊ သင်ရှာဖွေသည်မှာ ယင်းတို့ဖြစ်သည်။ သင်လိုက်လျှောက်သည်မှာ သက်တောင့်သက်သာ နေထိုင်ရန်သာ ဖြစ်သည်။ သင့်မိသားစုထံသို့ မတော်တဆမှုများ မကျရောက်ရန်၊ သင့်အနား လေပြေဖြတ်သွားရန်၊ သင့်မျက်နှာကို မြေမှုန်မထိစေရန်၊ သင့်မိသားစု၏ ကောက်ပဲသီးနှံများ ရေမနစ်မြုပ်စေရန်၊ မည်သည့် သဘာဝဘေးအန္တရာယ်မှ သင့်အပေါ်သို့ မကျရောက်စေရန်၊ ဘုရားသခင်၏ ထွေးပိုက်မှုထဲတွင် နေထိုင်ရန်၊ ဇိမ်ရှိသောအသိုက်မြုံထဲတွင် နေထိုင်ရန်တို့အတွက်သာ သင်ရှာမှီးနေသည်။ ဇာတိပကတိနောက်သို့ အမြဲလိုက်နေသည့် သင်ကဲ့သို့သော သတ္တိကြောင်သူတစ်ဦး-သင့်မှာ စိတ်နှလုံးရှိ ပါသလော၊ သင့်မှာ ဝိညာဉ်ရှိပါသလော။ သင်သည် သားရဲတစ်ကောင် မဟုတ်လော။ အတုံ့အပြန် ဘာကိုမျှ မတောင်းဆိုဘဲ စစ်မှန်သောလမ်းကို သင်အား ပေးခဲ့သော်လည်း သင်သည် မလိုက်လျှောက်။ သင်သည် ဘုရားသခင်အား ယုံကြည်သော ထိုသူတွေထဲမှ တစ်ဦးလော။ ငါသည် သင့်အပေါ်သို့ စစ်မှန်သော လူ့အသက်ကို အပ်နှင်းသော်လည်း သင်သည် မလိုက်လျှောက်။ သင်သည် ဝက်များ ခွေးများနှင့် ဘာမျှမထူးဘူး မဟုတ်လော။ ဝက်များသည် လူ့အသက်ကို မလိုက်လျှောက်၊ သန့်ရှင်းခြင်းသို့ရောက်ရန် မလိုက်လျှောက်၊ အသက်ဆိုသည်ကို သူတို့နားမလည်။ နေ့စဉ် ဝသည်ထိစားပြီး အိပ်ရုံသာ ပြုကြသည်။ ငါသည် သင့်အား လမ်းမှန်ကို ပေးပြီးဖြစ်သော်လည်း သင်၌ဤလမ်းမှန်မရှိသေး၊ သင့်တွင် ဗလာနတ္တိပင်ဖြစ်ပေသည်။ ဝက်တစ်ကောင်၏ဘဝ၊ ဤဘဝတွင် ဆက်လက်နေထိုင်ရန် သင်လိုလားပါသလော။ ထိုသို့သောသူများ၏ အသက်ရှင်မှုတွင် မည်သည့် ထူခြားမှု ရှိပါသနည်း။ သင့်ဘဝသည် အထင်သေးဖွယ်၊ ရှက်ဖွယ်ဖြစ်ပြီး သင်သည် ညစ်ညမ်းပြီး သိက္ခာကင်းမဲ့စွာ အသက်ရှင်နေသည်။ သင်သည် မည်သည့် ရည်မှန်းချက်နောက်သို့မှ မလိုက်ဘဲ သင့်ဘဝသည် အားလုံးထဲတွင် ရှက်စရာအကောင်းဖြစ်နေသည် မဟုတ်လော။ ဘုရားသခင်ကို ကြည့်ရှုရန် သင့်ထံတွင် နာကြည်းမှု ရှိနေပါသလော။ ဤနည်းအတိုင်း သင်ဆက်တွေ့ကြုံနေပါက သင်ဘာရမည်နည်း။ မှန်ကန်သောလမ်းကို သင့်အား ပေးပြီးသော်လည်း နောက်ဆုံးတွင် သင်ရ၊ မရ ဆိုသည်မှာ သင်၏ ကိုယ်တိုင်ကိုယ်ကျ ကြိုးစားအားထုတ်မှုပေါ် မူတည်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ " ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း" မှ

ဘုရားသခင်၏ ကရုဏာတော်ကို အေးချမ်းသည့် မိသားစုဘဝ သို့မဟုတ် ရုပ်ဝတ္တုကောင်းချီးများဖြင့်သာ သင်ခံစားမွေ့လျော်နေပါက၊ သင်သည် ဘုရားသခင်ကို မရရှိဘဲ၊ သင်၏ ဘုရားသခင်အပေါ် ယုံကြည်ခြင်းကျရှုံးလိမ့်မည်။ ဘုရားသခင်သည် လူ့ဇာတိအတွင်းတွင် ကရုဏာတော်လုပ်ငန်းတစ်ဆင့်ကို လုပ်ဆောင်ပြီးဖြစ်သည်၊ လူသားများကိုလည်း ရုပ်ဝတ္တု ကောင်းချီးများချပေးပြီး ဖြစ်သည်။ သို့သော် လူသားသည် ကရုဏာတော်၊ ချစ်ခြင်းမေတ္တာ၊ သနားကြင်နာမှုအားဖြင့်သာ စုံလင်စေခြင်းကို မပြုလုပ်နိုင်ပါ။ လူသား၏ အတွေ့အကြုံများထဲတွင် ဘုရားသခင်၏ ချစ်ခြင်းမေတ္တာအချို့ကို ကြုံတွေ့ရပြီး၊ ဘုရားသခင်၏ ချစ်ခြင်းမေတ္တာနှင့် သနားကြင်နာမှုကို မြင်တွေ့ရသည်။ သို့သော်လည်း သူသည်အချိန်ကာလတစ်ခုအထိ ကြုံတွေ့ပြီးသည့်တိုင်အောင်၊ ဘုရားသခင်၏ ကရုဏာတော်၊ ချစ်ခြင်းမေတ္တာ၊ သနားကြင်နာမှုတို့သည် လူသားကို စုံလင်အောင် မပြုလုပ်နိုင်၊ လူသားအတွင်း ပျက်စီးနေသည်များကို မထုတ်ဖော်နိုင်၊ သို့မဟုတ် လူသားအတွင်း၌ ပျက်စီးနေသော စိတ်သဘောထားကို မပယ်ရှားနိုင်၊ သို့မဟုတ် သူ၏ချစ်ခြင်းမေတ္တာနှင့် ယုံကြည်မှုကို စုံလင်အောင် မပြုလုပ်နိုင်ဟုတွေ့မြင်လေသည်။ ဘုရားသခင်၏ ကရုဏာတော် လုပ်ငန်းသည် ကာလတစ်ခုအတွက် လုပ်ငန်းဖြစ်ပြီး၊ လူသားသည် ဘုရားသခင်ကို သိရှိရန်အတွက် ဘုရားသခင်၏ ကရုဏာတော်ကို ရရှိပျော်မွေ့ခြင်းအပေါ်၌သာ တည်မှီ၍ မရပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "နာကျင်သည့်စမ်းသပ်မှုများကို တွေ့ကြုံပြီးမှသာ သင်သည် ဘုရားသခင်၏နှစ်လိုဖွယ်ကောင်းခြင်းကို သိနိုင်မည်" မှ

ဘုရားသခင်၏ နောက်တော်လိုက်သော လူအများအပြားသည် ကောင်းချီးမင်္ဂလာများ မည်သို့ရနိုင်ပုံ သို့မဟုတ် ကပ်ဘေးမှ မည်သို့ရှောင်ရှားနိုင်ပုံတို့ကိုသာ စိတ်ဝင်စားကြသည်။ ဘုရားသခင်၏အမှုတော်နှင့် စီမံခန့်ခွဲမှုဟု ဆိုလိုက်သည်နှင့် ၎င်းတို့ အသံတိတ်သွားကြပြီး စိတ်ဝင်စားမှုအားလုံး ကုန်ဆုံးသွားသည်။ ဤသို့ ငြီးငွေ့ဖွယ်ကောင်းသော မေးခွန်းများကို သိခြင်းသည် ၎င်းတို့၏အသက်တာကို ကြီးထွားနိုင်စေခြင်းလည်းမရှိ၊ အကျိုးလည်း မရှိသောကြောင့် ဘုရားသခင်၏စီမံခန့်ခွဲမှုအကြောင်း ၎င်းတို့ကြားဖူးသော်လည်း ပေါ့ပေါ့တန်တန်ပင် သဘောထားကြသည်။ ထို့အပြင် ၎င်းတို့ဘဝ၏ အစိတ်အပိုင်းတစ်ရပ်ဟု လက်ခံဖို့မဆိုထားနှင့် တန်ဖိုးရှိသော အရာတစ်ခုအဖြစ် လက်ခံရမည်ဟု မမြင်ကြပါ။ ထိုသူတို့တွင် ဘုရားသခင် နောက်တော်သို့လိုက်သည်မှာ ကောင်းချီးမင်္ဂလာ ရရန်ဟူသော အလွန်ရိုးရှင်းသည့် ရည်မှန်းချက်တစ်ခုရှိပြီး ၎င်းတို့သည် ဤရည်မှန်းချက်နှင့် မသက်ဆိုင်သော အရာများဆောင်ရွက်ရန် အလွန်ပျင်းရိကြသည်။ ကောင်းချီးမင်္ဂလာများရရှိရန် ဘုရားသခင်ကို ယုံကြည်ခြင်းသည် ၎င်းတို့အတွက် အသင့်တော်ဆုံး ရည်မှန်းချက်ပန်းတိုင်ဖြစ်ပြီး ဤသည်မှာ ၎င်းတို့ယုံကြည်ချက်၏ တန်ဖိုးပင်ဖြစ်သည်။ ဤရည်မှန်းချက် မရရှိနိုင်သည့်အရာများမှာ ၎င်းတို့အပေါ် မည်သို့မျှ သက်ရောက်မှုမရှိပါ။ ယနေ့ ဘုရားသခင်ကို ယုံကြည်သူအများစုမှာ ဤသို့ဖြစ်နေသည်။ ဘုရားသခင်အပေါ် ယုံကြည်ခြင်းနှင့်အတူ ၎င်းတို့သည် ဘုရားသခင်အတွက် အသုံးခံကာ ဘုရားသခင်ထံ မိမိတို့ကိုယ်ကို ဆက်ကပ်အပ်နှံကြပြီး ၎င်းတို့တာဝန်ကို ထမ်းဆောင်ကြသောကြောင့် ၎င်းတို့၏ရည်ရွယ်ချက်နှင့် အရင်းခံအကြောင်းရင်းတို့မှာ လက်ခံနိုင်ဖွယ် ရှိပုံပေါက်သည်။ ၎င်းတို့၏ငယ်ရွယ်မှုကို စွန့်လွှတ်ကာ မိသားစုနှင့်အလုပ်တို့ကို စွန့်၍ အိမ်နှင့်ဝေးရာတွင် နှစ်ပေါင်းများစွာပင် အလုပ်များနေကြသည်။ ၎င်းတို့၏ လမ်းဆုံးပန်းတိုင်အတွက် ၎င်းတို့၏စိတ်ဝင်စားမှုများကို ပြောင်းလဲကာ ဘဝအပေါ်ရှုမြင်ပုံကို ပြောင်းလဲ၍ ၎င်းတို့ရှာဖွေရာ ဦးတည်ချက်ကိုပင် ပြောင်းလဲကြသည်။ သို့ရာတွင် ဘုရားသခင်အပေါ် ၎င်းတို့ယုံကြည်ရခြင်း၏ ရည်ရွယ်ချက်ကိုမူ မပြောင်းလဲနိုင်ကြပါ။ ၎င်းတို့ကြိုက်နှစ်သက်ဆုံးအရာများကို စီမံခန့်ခွဲရန် အလုပ်ရှုပ်နေကြပါသည်။ လမ်းခရီးမည်မျှပင်ဝေးပါစေ၊ လမ်းခရီးတွင် အခက်အခဲများနှင့် အတားအဆီးများ မည်မျှပင်ရှိပါစေ၊ စွဲစွဲမြဲမြဲလုပ်ဆောင်ပြီး သေခြင်းကိုမကြောက်ကြပါ။ မည်သည့်တန်ခိုးကြောင့် ၎င်းတို့ ဤသို့ ဆက်လက်ဆက်ကပ်နိုင်ကြသနည်း။ ၎င်းတို့၏ အသိတရားလား။ ၎င်းတို့၏ကောင်းမွန်လွန်း၍ မြင့်မြတ်သော အကျင့်စာရိတ္တကြောင့်လား။ အဆုံးတိုင်အောင် မကောင်းမှုစွမ်းအားများကို တိုက်ထုတ်ရန် ကြံ့ခိုင်သည့် စိတ်ဓာတ်ကြောင့်လား။ ဆုရရန်မဟုတ်ဘဲ ဘုရားသခင်ကိုသက်သေခံသည့် ၎င်းတို့၏ ယုံကြည်ခြင်းကြောင့်လား။ ဘုရားသခင်၏အလိုတော်ကို ဖြည့်ဆည်းရန် အရာအားလုံးကို စွန့်လွှတ်လိုသော ၎င်းတို့၏သစ္စာရှိမှုလား။ သို့မဟုတ် လွန်ကဲသည့် ကိုယ်ရေးကိုယ်တာလိုအပ်ချက်များကို အမြဲစွန့်လွှတ်စေခဲ့သည့် ၎င်းတို့၏ ဆက်ကပ်မှုစိတ်ဓာတ်ကြောင့်လား။ ရှင်းရှင်းပြောရပါက ဘုရားသခင်၏ စီမံခန့်ခွဲမှုအလုပ်ကို တစ်ခါမျှမသိခဲ့သူများအတွက် ဤမျှပေးဆပ်ခြင်းမှာ ကြီးမားသောအံ့သြဖွယ်ရာ တစ်ရပ်ပင် ဖြစ်ပါသည်။ ယခုအချိန်တွင် ထိုသူတို့ မည်မျှပေးဆပ်ခဲ့ကြောင်းကို မဆွေးနွေးကြပါစို့နှင့်။ သို့ရာတွင် ၎င်းတို့၏အပြုအမူကို ငါတို့ လွန်စွာသုံးသပ်ထိုက်ပေသည်။ ၎င်းတို့နှင့် လွန်စွာအနီးကပ် ဆက်စပ်လျက်ရှိသည့် အကျိုးကျေးဇူးများမှလွဲ၍ ဘုရားသခင်ကို မည်သည့်အခါကမျှ နားမလည်သော ထိုသူတို့တွင် သူ့ကို ဤမျှပေးဆပ်စေသည့် အခြားအကြောင်းရင်းများ ရှိနိုင်ပါသလား။ ၎င်းတွင် ယခင်က မတွေ့ခဲ့သောပြဿနာတစ်ရပ် ငါတို့ တွေ့ရှိရသည်။ ဤသည်မှာ လူသားနှင့် ဘုရားသခင်၏ ဆက်ဆံရေးမှာ မိမိကိုယ်ကျိုးတစ်ခုတည်းကြောင့်သာဖြစ်သည် ဆိုခြင်းဖြစ်သည်။ ဤဆက်ဆံရေးမှာ ကောင်းချီးမင်္ဂလာ လက်ခံရရှိသူနှင့် ပေးဆပ်သူတို့အကြားဖြစ်သည်။ ရှင်းရှင်းပြောပါက အလုပ်သမားနှင့် အလုပ်ရှင်တို့အကြား ဆက်ဆံရေးကဲ့သို့ဖြစ်သည်။ အလုပ်သမားသည် အလုပ်ရှင်မှ ချပေးသောဆုများကို လက်ခံရရှိရေးအတွက်သာ အလုပ်လုပ်သည်။ ဤသို့သော ဆက်ဆံရေးတစ်ရပ်တွင် ချစ်ခြင်းမေတ္တာမရှိ၊ အပေးအယူတစ်ရပ်သာ ရှိသည်။ ချစ်ခြင်းနှင့် အချစ်ခံရခြင်းမရှိ။ ပေးကမ်းစွန့်ကြဲခြင်းနှင့် သနားညှာတာမှုသာ ရှိသည်။ နားလည်မှုမရှိခြင်း၊ ကြိတ်မှိတ်သည်းခံခြင်းနှင့် လှည့်ဖြားခြင်းသာ ရှိသည်။ ရင်းနှီးမှုမရှိ၊ ပေါင်းကူးခင်း၍မရနိုင်သော ကွာဟချက်သာ ရှိသည်။ ဤအနေအထားသို့ ရောက်ပြီဆိုပါက ဤသို့သောလမ်းကြောင်းကို မည်သူက ပြန်ပြောင်း၍ လှည့်လိုက်နိုင်မည်နည်း။ ဤဆက်ဆံရေး မည်မျှဆိုးရွားသွားပြီဖြစ်ကြောင်း လူဘယ်နှစ်ဦးသည် အမှန်တကယ် နားလည်နိုင်စွမ်း ရှိကြသနည်း။ လူများသည် ကောင်းချီးမင်္ဂလာခံစားရခြင်း၏ ဝမ်းမြောက်မှုတွင် မိမိတို့ကိုယ်ကို နှစ်မြုပ်ထားသည့်အခါ ဘုရားသခင်နှင့် ဤသို့သောဆက်ဆံရေးသည် မည်မျှ ရှက်ဖွယ်ကောင်းပြီး အမြင်မတော်သည်ကို မည်သူမျှစိတ်ကူးနိုင်မည် မဟုတ်ဟု ငါယုံကြည်သည်။

ဘုရားသခင်၏ အမှုအကြားတွင် လူသားသည် မိမိဘာသာစီမံခန့်ခွဲနေပြီး ဘုရားသခင်၏ စီမံခန့်ခွဲမှုကို နာခံခြင်းမရှိခြင်းမှာ ဘုရားသခင်အပေါ် လူသားမျိုးနွယ်၏ ယုံကြည်ခြင်းနှင့်ပတ်သက်၍ ဝမ်းနည်းစရာ အကောင်းဆုံး ဖြစ်သည်။ ဘုရားသခင်ကိုနာခံ၍ ကိုးကွယ်ရန်ဆောင်ရွက်နေစဉ် တစ်ပြိုင်နက်တည်း လူသားသည် မိမိအကြိုက်နှစ်သက်ဆုံး ခရီးလမ်းဆုံးပန်းတိုင်ကို တည်ဆောက်နေကာ အကြီးမားဆုံး ကောင်းချီးမင်္ဂလာ ရရှိအောင်နှင့် အကောင်းဆုံး ခရီးလမ်းဆုံးပန်းတိုင်သို့ ရောက်ရှိအောင် မည်သို့ လုပ်ဆောင်ရမည်ကို တွက်ချက်နေခြင်းသည် လူသား၏အကြီးမားဆုံးသော ကျရှုံးမှုဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်" မှ

အကယ်၍ ဘုရားသခင်အားဖြင့် စုံလင်ခံရခြင်းနှင့် နောက်ပိတ်ဆုံးတွင် ကောင်းချီးမင်္ဂလာကို ခံစားရရန်သာ ရှာဖွေပါက ဘုရားသခင်အပေါ် သင်၏ယုံကြည်ခြင်း ရှုထောင့်မှာ မဖြူစင်ပါ။ လက်တွေ့ဘဝထဲတွင် ဘုရားသခင်၏လုပ်ဆောင်ချက်များကို မည်သို့ မြင်ရရန်၊ သူ၏ အလိုတော်ကို သင့်အား သူဖွင့်ပြသောအခါ သူ့ကို မည်သို့ ကျေနပ်စေရန်တို့ကို သင်လိုက်လျှောက် အသက်ရှင်သင့်သည်၊ သူ၏အံ့သြကြီးမြတ်ခြင်းနှင့် ဉာဏ်ပညာကို မည်သို့ သက်သေခံရန်နှင့် သင့်အပေါ် သူ၏ဆုံးမပဲ့ပြင်ခြင်းနှင့် ကိုင်တွယ်ဖြေရှင်းခြင်းတို့ကို မည်သို့ ထင်ရှားစေရန် သင် ရှာဖွေသင့်သည်။ ထိုအရာအားလုံးမှာ သင်နားလည်သဘောပေါက်ရန် ယခု ကြိုးစားသင့်သော အရာများဖြစ်သည်။ အကယ်၍ သူသည် သင့်ကို စုံလင်စေပြီးနောက် ဘုရားသခင်အပေါ်ရှိသော သင်၏ချစ်ခြင်း တစ်ခုတည်းကြောင့် ဘုရားသခင်၏ဘုန်းတော်ထဲတွင် ပါဝင်နိုင်ပါက၊ ၎င်းမှာ မလုံလောက်သေးဘဲ ဘုရားသခင်၏ သတ်မှတ်ချက်များနှင့် မကိုက်ညီနိုင်သေးပါ။ သင်သည် ဘုရားသခင်၏ လုပ်ရပ်များကို သက်သေခံနိုင်ရန်၊ သူ၏ တောင်းဆိုချက်များကို ဖြည့်ဆည်းနိုင်ရန်နှင့် လူတို့အပေါ် သူပြုခဲ့ပြီးသောအမှုတို့ကို လက်တွေ့ကျသည့် နည်းလမ်းဖြင့် ကြုံတွေ့ခံစားနိုင်ရန် လိုအပ်သည်။ နာကျင်ခြင်းဖြစ်စေ၊ မျက်ရည်များဖြစ်စေ၊ သို့တည်မဟုတ် ဝမ်းနည်းခြင်းဖြစ်စေ သင်သည် အားလုံးကို လက်တွေ့ကျကျ ကြုံတွေ့ခံစားရမည်။ ဤသည်မှာ သင်သည် ဘုရားသခင်၏ သက်သေခံတစ်ဦး ဖြစ်စေရန်အတွက်ပင် ဖြစ်သည်။ မည်သည့်အရာ၏ တိကျသော အုပ်စိုးမှုအောက်တွင် သင်ယခုဒုက္ခဆင်းရဲခံနေရပြီး စုံလင်ခြင်းကို ရှာဖွေနေသနည်း။ ၎င်းမှာ ဘုရားသခင်အတွက် သက်သေခံရန်အလို့ငှာ ဖြစ်သလော။ ၎င်းမှာ ဇာတိ ကောင်းချီးမင်္ဂလာများရဖို့ သို့မဟုတ် အနာဂတ်တွင် တက်လမ်းများရဖို့ ဖြစ်သလော။ သင်၏ ရည်ရွယ်ချက်များ၊ စိတ်ပါဝင်စားမှုများနှင့် မီအောင်လိုက်မည့် ပုဂ္ဂိုလ်ရေးရာပန်းတိုင်များ အားလုံးကို တည့်မတ်မှန်ကန်စေရမည်ဖြစ်ပြီး သင်၏ကိုယ်ပိုင်ဆန္ဒဖြင့် ဦးဆောင်၍မရနိုင်ပါ။ အကယ်၍ လူတစ်ဦးသည် ကောင်းချီးမင်္ဂလာများကို လက်ခံရရှိရန်နှင့် သြဇာအာဏာဖြင့် စိုးစံရန်အတွက် စုံလင်ခြင်းကို ရှာဖွေပြီး အခြားသူတစ်ဦးမှာ ဘုရားသခင် ကျေနပ်စေရန်၊ ဘုရားသခင်၏ လုပ်ရပ်များကို စစ်မှန်စွာ သက်သေခံသောသူ ဖြစ်ရန်အတွက် စုံလင်ခြင်းနောက်သို့ မီအောင်လိုက်ပါက ယင်းလိုက်လျှောက်နည်း နှစ်မျိုးနှစ်စားထဲမှ မည်သည့်အမျိုးအစားကို သင်ရွေးချယ်မည်နည်း။ အကယ်၍ သင်သည် ပထမအမျိုးအစားကို ရွေးချယ်ပါက သင်သည် ဘုရားသခင်၏ စံချိန်များနှင့် အလွန်ဝေးကွာနေသေးသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်" မှ

ယခင်က:ဘုရားသခင်ကို ယုံကြည်ရာ၌ သင်သည် ဘုရားသခင်နှင့် သာမန် ဆက်ဆံရေးကို တည်ဆောက်သင့်သည်

နောက်တစ်ခုသို့:ဒုက္ခဆင်းရဲ၏အဓိပ္ပာယ်နှင့် ဘုရားသခင်ကို ယုံကြည်သူများ သည်းခံရမည့် ဒုက္ခဆင်းရဲအမျိုးအစား

သင်နှစ်သက်နိုင်သည့် အရာများ