အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

တစ်ရာ့ငါးခုမြောက်သော မိန့်မြွက်ချက်

ငါ၏ နှုတ်ကပတ်တော်များ၏ အခြေခံသဘောတရားများ၊ ငါအမှုပြုပုံပြုနည်းတို့ကြောင့် လူတို့ ငါ့ကို ငြင်းပယ်ကြသည်၊ ဤသည်မှာ အလွန်ကြာမြင့်စွာ ငါ ပြောနေရခြင်း၏ ရည်ရွယ်ချက် ဖြစ်သည် (အဆင်းနီသော နဂါးကြီးမှ ဆင်းသက်လာသူ အားလုံးနှင့်စပ်လျဉ်း၍ ပြောဆိုနေခြင်း ဖြစ်သည်)။ ၎င်းသည် ငါပြုသောအမှု၏ အမြော်အမြင်ရှိသော နည်းလမ်း ဖြစ်သည်၊ အဆင်းနီသောနဂါးကြီးအား ငါ၏ တရားစီရင်ခြင်း ဖြစ်သည်၊ ငါ၏ နည်းဗျူဟာ ဖြစ်၍ ၎င်းကို မည်သူမျှ အပြည့်အဝ နားလည်နိုင်မည် မဟုတ်ပေ။ ငါ၏ စီမံခန့်ခွဲမှု အစီအစဉ်၏ အလှည့်အပြောင်း၊ အကူးအပြောင်းအဆင့် ရောက်တိုင်းတွင် လူအချို့တို့သည် သုတ်သင်ဖယ်ရှင်းခြင်းကို ခံရမည်၊ ၎င်းတို့သည် ငါပြုသောအမှု၏ အစီအစဉ်အလိုက် သုတ်သင်ဖယ်ရှင်းခံရခြင်း ဖြစ်သည်။ ဤသည်သာလျှင် ငါ၏ စီမံခန့်ခွဲမှု အစီအစဉ်တစ်ခုလုံး၏ လည်ပတ်နည်း ဖြစ်သည်။ ငါ သုတ်သင်ဖယ်ရှင်းလိုသောသူ တစ်ယောက်ချင်းကို ငါလွှင့်ပစ်ပြီးနောက်တွင် ငါပြုသောအမှု၏ နောက်တစ်ဆင့်ကို ငါစတင်၏။ သို့သော်လည်း (တရုတ်နိုင်ငံရှိ အသင်းတော်များအတွင်း) ဤတစ်ကြိမ် သုတ်သင်ဖယ်ရှင်းခြင်းသည် နောက်ဆုံးအကြိမ်ဖြစ်၍ ကမ္ဘာမြေကြီးအား ဖန်ဆင်းပြီး နောက်ပိုင်း အကူးအပြောင်း အဆင့်တစ်ခုတွင် လူဦးရေပမာဏ အများဆုံး သုတ်သင်ဖယ်ရှင်းခြင်း ခံရမည့် အကြိမ်လည်း ဖြစ်သည်။ သမိုင်းတစ်လျှောက်တွင် လူတို့ သုတ်သင်ဖယ်ရှင်းခြင်း ခံရပြီးသည့် အကြိမ်တိုင်း၌ နောက်ပိုင်းပြုမည့် အမှုတွင် အစေခံရန် လက်ကျန် လူတစ်စုကို ချန်ရစ်ခဲ့ခြင်း ရှိသော်လည်း ဤအကြိမ်သည် ယခင်ကနှင့် မတူပါ၊ ဤအကြိမ်သည် မြန်မြန်ဆန်ဆန်နှင့် သေသေသပ်သပ် ဖြစ်သည်၊ အကြိမ် အားလုံးထက် အလွန် အရေးပါဆုံးနှင့် အစေ့စပ်အသေချာဆုံး ဖြစ်သည်။ ငါ၏ နှုတ်ကပတ်တော်များကို ဖတ်ရှုပြီးလျှင်လည်း လူအများစုတို့သည် ၎င်းတို့၏ စိတ်ထဲမှ သံသယကို ကြိုးစား၍ အတင်းအကျပ် မြိုသိပ်ကြသော်လည်း ၎င်းတို့သည် အဆုံးတွင် သံသယကို မချိုးနှိမ်နိုင်ကြဘဲ နောက်ဆုံး၌ ၎င်းတို့ ရုန်းကန်လျက်ပင် ကျဆင်းသွားကြသည်။ ဤသည်မှာ လူတို့ ဆုံးဖြတ်ရန် မဟုတ်ပေ၊ အဘယ်ကြောင့်ဆိုသော် ငါကြိုတင်ခွဲခန့်ထားသောသူများသည် မရှောင်တိမ်းနိုင်ကြဘဲ ငါကြိုတင်ခွဲခန့်ထားခြင်း မရှိသောသူများကို ငါအရေးမစိုက်ဘဲ နေနိုင်သည်။ ငါမျက်နှာသာပေး၍ ကြည့်ရှုသော သူတို့ကိုသာ ငါချစ်သည်၊ ထိုသို့မဟုတ်လျှင် မည်သူတစ်ဦးမျှ ငါ၏ နိုင်ငံတော်ထဲသို့ လွတ်လပ်စွာ ဝင်ထွက်နိုင်ကြလိမ့်မည်မဟုတ်ပေ၊ ဤသည်မှာ ငါ၏ သံလှံတံဖြစ်ပြီး ဤသည်သာလျှင် တန်ခိုးနှင့်ပြည့်သော သက်သေခံချက် ဖြစ်၍ ငါ၏ စီမံအုပ်ချုပ်ရေး အမိန့်များကို ကျင့်သုံးခြင်းအား အပြည့်အဝ ပြသခြင်းဖြစ်သည်။ ဤသည်မှာ တက်ကြွသောစိတ်နှလုံးတစ်ခု ရှိရုံမျှသာ ဖြစ်သည့် ကိစ္စတစ်ခု ဧကန် မဟုတ်ပါ။ စာတန်သည် ခွန်အားနည်းပြီး ကျဆုံးပြီဟု အဘယ်ကြောင့် ငါပြောခဲ့သနည်း။ ပထမတွင် ၎င်းသည် ခွန်အား ရှိခဲ့သော်လည်း ၎င်းသည် ငါ၏ လက်ထဲတွင် ရှိပါသည်၊ အကယ်၍ ငါက လှဲ၍နေလော့ဟုဆိုလျှင် ၎င်းသည် လှဲ၍နေရမည်၊ ငါ့အတွက် အစေခံလော့ဟု ဆိုလျှင် ၎င်းသည် ထ၍ ငါ့အတွက် ကောင်းစွာ အစေခံရမည်ဖြစ်သည်။ စာတန်အနေဖြင့် ဤအရာကို လုပ်လို၍ မဟုတ်ဘဲ ငါ၏ သံလှံတံသည် စာတန်အား အုပ်စိုးခြင်းကြောင့် ဖြစ်ပြီး ထိုမှသာလျှင် ၎င်းသည် စိတ်နှလုံးထဲနှင့် နှုတ်အားဖြင့် ယုံကြည်လက်ခံခြင်းဖြစ်သည်။ ငါ၏ စီမံအုပ်ချုပ်ရေး အမိန့်များသည် ၎င်းအား စိုးမိုးသည်၊ ငါ၌ ကြီးသောအစွမ်းတန်ခိုး ရှိသဖြင့် ၎င်းသည် ဘာမျှမတတ်နိုင်ဘဲ လုံးလုံးလျားလျား လက်ခံယုံကြည်ကာ ခုခံနိုင်စွမ်း တစိုးတစိမျှ မရှိဘဲ ငါ၏ ခြေတင်ရာခုံအောက်၌ အနင်းခံရမည်ဖြစ်သည်။ အတိတ်တွင် စာတန်သည် ငါ၏ သားများအတွက် အစေခံနေစဉ် ငါသည် အစွမ်းအစ မရှိဟု ဆိုကာ ငါ့အား အရှက်ရစေရန် မျှော်လင့်ချက်ဖြင့် ငါ၏ သားများကို အပြင်းအထန် မထီလေးစားပြုခဲ့ပြီး တမင်တကာ အနိုင်ကျင်ခဲ့သည်။ မျက်ကန်းဖြစ်လိုက်လေချင်း။ သင့်ကို သေသည့်တိုင်အောင် ငါနင်းခြေမည်။ သင်သည် နောက်တစ်ဖန် ရက်စက်ကြမ်းကြုတ်ဝံ့လေစွ။ ငါ၏ သားများကို အေးစက်သော ဥပေက္ခာပြုခြင်းဖြင့် နောက်တစ်ဖန် ဆက်ဆံဝံ့သည်တကား။ သင်သည် လူတို့အား ပို၍ အနိုင်ကျင့်ပြီး သီးခြားခွဲထားလေ (ဤသည်မှာ လူတို့အား လူသစ်စုဆောင်းခြင်း၊ အတူတကွ အုပ်စုဖွဲ့ထားခြင်းကို ဆိုလိုသည်)၊ ၎င်းတို့သည် ပို၍ မှန်ကန်ဖြောင့်မတ်ကာ ငါ၏ နှုတ်ကပတ်တော်များကို ပို၍ နားထောင်ပြီး ငါ၏ အကျင့်များကို ပို၍ ကျင့်ကြမည်ဖြစ်သည်။ ယခု သင်၏ ရက်စက်ကြမ်းကြုတ်သော နေ့ရက်များမှာ အဆုံးသတ်ပြီ၊ သင်နှင့် တစ်စစီ စာရင်းရှင်းပြီး သင့်ကို ငါအနည်းငယ်မျှပင် အလွတ်ပေးမည် မဟုတ်။ ယခု တန်ခိုးကို ဆောင်ခဲ့သူမှာ စာတန်ဖြစ်သည့် သင်မဟုတ်ဘဲ ထိုအစား ထိုတန်ခိုးကို ငါပြန်ဆောင်ယူခဲ့ပြီး သင့်အား ကိုင်တွယ်ဖြေရှင်းဖို့အလို့ငှာ ငါ၏သားများကို ခေါ်ရန် အချိန် ရောက်လာခဲ့ပြီဖြစ်သည်။ သင်သည် နာခံရမည်ဖြစ်ပြီး အနည်းငယ်မျှပင် ခုခံခြင်း မရှိရ။ အတိတ်တွင် ငါ့ရှေ့မှောက်၌ သင်သည် မည်မျှကောင်းစွာ ပြုမူခဲ့ပါစေ၊ ၎င်းသည် ယနေ့ သင့်ကို အထောက်အကူပြုမည်မဟုတ်။ အကယ်၍ သင်သည် ငါချစ်သောသူများထဲမှ တစ်ဦး မဟုတ်ပါက သင့်ကို ငါ အလိုမရှိ။ တစ်ယောက် ပိုနေခြင်းကို လက်မခံနိုင်ပါ၊ ငါကြိုတင်သတ်မှတ်ထားသော အရေအတွက် ဖြစ်ရမည်၊ တစ်ယောက် လျော့နေပါက ပို၍ဆိုးသည်။ အချင်းစာတန်၊ အနှောင့်အယှက် မပြုနှင့်။ ငါ၏ စိတ်နှလုံးထဲတွင် မည်သူ့ကို ငါချစ်ပြီး မည်သူ့ကို ငါမုန်းသည်ကို ငါသည် မရှင်းမလင်း ဖြစ်နေသည့်အတွက်ကြောင့်များ ဖြစ်သလော။ ငါသည် သင်၏ သတိပေးခြင်းကို လိုအပ်သလော။ စာတန်သည် ငါ၏ သားများကို မွေးဖွားနိုင်သလော။ အားလုံးသည် အဓိပ္ပာယ်မရှိ၊။ အားလုံး စုတ်ပြတ်သတ်လျက် နေကြသည်။ ငါသည် စေ့စေ့စပ်စပ်၊ အားလုံးကို လုံးလုံးလျားလျား စွန့်ပစ်မည်၊ တစ်ဦးကိုမျှပင် အလိုမရှိ၊ အားလုံး ထွက်သွားရမည်။ နှစ်ခြောက်ထောက် စီမံခန့်ခွဲမှု အစီအစဉ် အဆုံးသတ်ပြီ၊ ငါ၏ အမှု ပြီးပြီ၊ သားရဲများနှင့် ကြမ်းကြုတ်သောတိရိစ္ဆာန်များကို ရှင်းပစ်ရမည်။

ငါ၏ နှုတ်ကပတ်တော်များကို ယုံကြည်ပြီး ငါ၏ လုပ်ဆောင်ချက်များကို ကျင့်ဆောင်သောသူများသည် ငါ ချစ်သောသူများ ဖြစ်ရမည်၊ ငါသည် တစ်ဦးတစ်ယောက်ကိုမျှ စွန့်ပစ်မည်မဟုတ်၊ တစ်ဦးကိုမျှ လက်လွှတ်မည် မဟုတ်သောကြောင့် သားဦးများ ဖြစ်ကြသောသူများသည် စိုးရိမ်ရန် မလိုအပ်။ ၎င်းသည် ငါ၏ ပေးသနားခြင်း ဖြစ်သောကြောင့် မည်သူမျှ မနုတ်ယူနိုင်ဘဲ ငါကောင်းချီးပေးသော သူများအပေါ်၌ ငါပေးသနားမည်မှာ သေချာသည်။ (ကမ္ဘာမြေကြီးကို ဖန်ဆင်းခြင်း မပြုမီ) ငါလက်ခံသောသူများကို ငါ (ယနေ့) ကောင်းချီးပေးသည်။ ဤသည်မှာ ငါအမှုပြုသော နည်းဖြစ်သည်၊ ငါ၏ စီမံအုပ်ချုပ်ရေး အမိန့်များထဲမှ အပိုဒ်ငယ်တစ်ခုချင်းစီ၏ အဓိက နိယာမလည်း ဖြစ်ပြီး မည်သူမျှ ၎င်းကို မပြောင်းလဲနိုင်ပေ၊ စာလုံးတစ်လုံး၊ စာကြောင်းတစ်ကြောင်းကိုမျှ အပို မထည့်နိုင်ပေ၊ ထိုမျှမက စာလုံးတစ်လုံး၊ စာကြောင်းတစ်ကြောင်းကိုမျှ ပယ်ချန်ထား၍ မရနိုင်ပေ။ အတိတ်က ငါ၏ ပုဂ္ဂိုလ်သည် သင်တို့ထံ ပေါ်ထွန်းသည်ဟု မကြာမခဏ ငါဆိုခဲ့သည်၊ ထိုသို့ဆိုသော် ငါ၏ ပုဂ္ဂိုလ်မှာ အဘယ်အရာနည်း၊ ထို့အပြင် ၎င်းသည် မည်ကဲ့သို့ ပေါ်ထွန်းသနည်း။ ၎င်းသည် ငါ ကိုယ်တိုင်အား ရိုးရိုးရှင်းရှင်း ဆိုလိုသလော။ ၎င်းသည် ငါ ပြောသော ဝါကျ တစ်ခုစီကို ရိုးရိုးရှင်းရှင်း ဆိုလိုသလော။ မရှိမဖြစ်သော ဤရှုထောင့်နှစ်မျိုးသည် သေးငယ်သော အစိတ်အပိုင်းတစ်ခုသာ ဖြစ်သည်၊ ဆိုလိုသည်မှာ ၎င်းသည် ငါ၏ ပုဂ္ဂိုလ်အား အပြည့်အဝ ရှင်းပြခြင်း မဟုတ်ချေ။ ငါ၏ ပုဂ္ဂိုလ်ထဲတွင် ငါကိုယ်တိုင်၊ ငါ၏ နှုတ်ကပတ်တော်များနှင့် ငါ၏ လုပ်ဆောင်ချက်များလည်း ပါဝင်သော်လည်း အတိကျဆုံးသော ရှင်းပြချက်မှာ ငါ၏ သားဦးများနှင့် ငါသည် ငါ၏ ပုဂ္ဂိုလ် ဖြစ်ကြသည်ဟူ၍ပင် ဖြစ်၏။ တစ်နည်းအားဖြင့်ဆိုသော် စိုးစံပြီး တန်ခိုးကို ဆုပ်ကိုင်ထားသည့် စနစ်တကျ ဖွဲ့စည်းထားသော ခရစ်ယာန်တစ်စုသည် ငါ၏ ပုဂ္ဂိုလ် ဖြစ်ပေသည်။ ဤအကြောင်းကြောင့် သားဦး တစ်ယောက်ချင်းစီသည် မရှိမဖြစ် လိုအပ်၍ ငါ၏ ပုဂ္ဂိုလ်၏ အစိတ်အပိုင်းတစ်ခု ဖြစ်သောကြောင့် လူအရေအတွက်သည် တစ်ယောက် မပိုနိုင်သကဲ့သို့ (ငါ၏ နာမတော်ကို အရှက်ရစေခြင်း)၊ ပို၍ အရေးကြီးသည်မှာ တစ်ယောက် လို၍ မရနိုင်ကြောင်းကို (ငါ၏ အပြည့်အဝ ထင်ရှားခြင်း ဖြစ်နိုင်မည် မဟုတ်) အလေးပေး၍ ငါဆိုခြင်းဖြစ်သည်၊ သားဦးများသည် ငါ၏ အချစ်ဆုံးသောသူများ၊ ငါ၏ ရတနာ၊ ငါ၏ နှစ်ခြောက်ထောင် စီမံခန့်ခွဲမှု အစီအစဉ်အား ပုံဆောင်ခြင်း ဖြစ်ကြောင်း အကြိမ်ကြိမ် အလေးပေး၍ ငါ ဆိုခြင်း ဖြစ်သည်၊ သားဦးများသာလျှင် ငါ၏ ပြီးပြည့်စုံပြီး အပြည့်အဝဖြစ်သော ထင်ရှားခြင်း ဖြစ်နိုင်သည်၊ ငါကိုယ်တိုင်သည် ငါ၏ ပုဂ္ဂိုလ်ကို အပြည့်အဝသာ ထင်ရှားနိုင်သည်၊ သားဦးများ ရှိမှသာလျှင် ပြီးပြည့်စုံပြီး အပြည့်အဝ ထင်ရှားခြင်း ဖြစ်သည်ဟု ဆိုနိုင်သည်။ ထို့ကြောင့် အရာတစ်ခုကိုမျှ လျစ်လျူမရှုဘဲ ငါ၏ သားဦးများမှလွဲ၍ အားလုံးကို အထပ်ထပ်အခါခါ ဖြတ်တောက်ပြီး သေစေကာ ငါ၌ ငါ၏ သားဦးများအပေါ် တင်းကျပ်သော တောင်းဆိုချက်များ ရှိနေခြင်းဖြစ်သည်၊ ဤသည်မှာ ငါပြောခဲ့သော အရာအားလုံး၏ အမြစ်ဖြစ်သည်၊ ၎င်းသည် ငါပြောခဲ့သော အရာအားလုံး၏ နောက်ဆုံး ရည်မှန်းချက်ပန်းတိုင် ဖြစ်သည်။ ထို့အပြင် ငါသည် အချိန်ညှိပြီး ၎င်းတို့သည် ငါလက်ခံသောသူများ ဖြစ်ကာ၊ ကမ္ဘာမြေကြီးကို ဖန်ဆင်းကတည်းက ငါကိုယ်တိုင် ရွေးချယ်ခဲ့သောသူများ ဖြစ်ရမည်ဖြစ်ကြောင်းကို နောက်ထပ် အလေးပေး၍ ဆိုနေခြင်း ဖြစ်သည်။ ထိုသို့ဆိုသော် “ပေါ်ထွန်းသည်” ကို ယခု မည်ကဲ့သို့ ရှင်းပြရမည်နည်း။ ဝိညာဉ်ရေးရာ လောကထဲသို့ ဝင်ရောက်ရန် အချိန်ကျရောက်ပြီလော။ လူအများစုက ၎င်းသည် ငါ ကိုယ်တိုင် ဘိသိက်ခံရသော အချိန် သို့မဟုတ် ၎င်းတို့သည် ငါကိုယ်တိုင်ကို မြင်ရသောအချိန် ဖြစ်သည်ဟု ယုံကြည်ကြသည်၊ ဤအရာအားလုံးမှာ အမှားဖြစ်၍ အနည်းငယ်မျှပင် မနီးစပ်ပေ။ “ပေါ်ထွန်းသည်” ဟူသော ဝေါဟာရ၏ မူရင်း အဓိပ္ပာယ်မှာ နားလည်ရန် ခက်ခဲသည် မဟုတ်သော်လည်း ထိုဝေါဟာရကို ငါ၏ ရည်ရွယ်ချက်နှင့်အညီ နားလည်ရန်မှာ ပို၍ ခက်ခဲသည်။ ထိုအတွက်ကြောင့် လူသားမျိုးနွယ်ကို ငါဖြစ်ပွားစေခဲ့သည့် အချိန်က ငါ၏ အရည်အသွေးကို ငါချစ်သော ဤလူစုအတွင်းသို့ ထည့်သွင်းပေးခဲ့ပြီး ဤလူစုသည် ငါ၏ ပုဂ္ဂိုလ်ဖြစ်သည်ဟု ဆိုနိုင်သည်။ အခြားတစ်နည်းဖြင့် ဆိုပါက ငါ၏ ပုဂ္ဂိုလ်သည် ထိုအချိန်က ပေါ်ထွန်းခဲ့နှင့်ပြီး ဖြစ်သည်။ ဤနာမတော်ကို လက်ခံရရှိပြီးနောက်မှ ငါ၏ ပုဂ္ဂိုလ်သည် ပေါ်ထွန်းခဲ့ခြင်း မဟုတ်ဘဲ ၎င်းသည် ဤလူစုအား ငါကြိုတင်ခန့်ခွဲပြီး နောက်ပိုင်းမှ ပေါ်ထွန်းခဲ့ခြင်း ဖြစ်သည်၊ အဘယ်ကြောင့်ဆိုသော် ၎င်းတို့ထဲတွင် ငါ၏ အရည်အသွေး ပါဝင်ခြင်းကြောင့် ဖြစ်သည် (၎င်းတို့၏ သဘောသဘာဝမှာ မပြောင်းလဲဘဲ၊ ၎င်းတို့သည် ငါ၏ ပုဂ္ဂိုလ်၏ အစိတ်အပိုင်းတစ်ခုအဖြစ် ရှိနေဆဲဖြစ်သည်)။ ထို့ကြောင့် ငါ၏ ပုဂ္ဂိုလ်သည် ကမ္ဘာမြေကြီးအား ဖန်ဆင်းပြီးသည့် အချိန်မှစ၍ ယနေ့တိုင်အောင် အစဉ်အမြဲ ပေါ်ထွန်းခဲ့ခြင်း ဖြစ်သည်။ လူတို့၏ အယူအဆများထဲတွင် ငါကိုယ်တိုင်သည် ငါ၏ ပုဂ္ဂိုလ်ဖြစ်သည်ဟု လူအများစုတို့က ယုံကြည်ကြသည်၊ ၎င်းမှာ ယင်းကဲ့သို့ လုံးဝ မဟုတ်ပါ၊ ၎င်းသည် လူတို့၏ ထင်မြင်ချက်များ၊ လူတို့၏ အယူအဆများသာ ဖြစ်ကြသည်။ အကယ်၍ ငါကိုယ်တိုင်သည်သာလျှင် ငါ၏ ပုဂ္ဂိုလ် ဖြစ်ခဲ့ပါက စာတန်အား အရှက်ရစေနိုင်လိမ့်မည် မဟုတ်ပေ၊ ငါ၏ နာမကိုလည်း ဘုန်းထင်ရှားစေနိုင်လိမ့်မည် မဟုတ်ဘဲ ၎င်း၌ တန်ပြန် အကျိုးသက်ရောက်မှု တစ်ခု အမှန်တကယ် ရှိမည် ဖြစ်သောကြောင့် ငါ၏ နာမကို အရှက်ရစေကာ ခေတ်ကာလ အဆက်ဆက်တွင် ငါ၏ နာမကို အရှက်ရစေမည့် စာတန်၏ အမှတ်အသား တစ်ခု ဖြစ်လာလိမ့်မည် ဖြစ်သည်။ ငါသည် ဉာဏ်ပညာနှင့် ပြည့်စုံသော ဘုရားသခင် ကိုယ်တော်တိုင် ဖြစ်ပြီး ငါသည် ယင်းကဲ့သို့ မိုက်မဲသော အရာ တစ်ခုကို မည်သည့်အခါမျှ ပြုမည် မဟုတ်။

ငါ၏ အမှု၌ ရလဒ်များ ရှိရမည် ဖြစ်သည်၊ ထိုထက်မက နှုတ်ကပတ်တော်များကို နည်းလမ်းများဖြင့် ငါပြောရမည်၊ ငါ၏ နှုတ်ကပတ်တော်နှင့် ဖွင့်ဆိုချက်များ အားလုံးသည် ငါ၏ ဝိညာဉ်တော်ကို လိုက်နာကာ ပြောဆိုခြင်းဖြစ်ပြီး ငါ၏ ဝိညာဉ်တော်ပြုသည့် ခပ်သိမ်းသော အရာများနှင့်အညီ ငါပြောဆိုခြင်း ဖြစ်သည်။ ထို့ကြောင့် အားလုံးသည် ငါ၏ နှုတ်ကပတ်တော်များအားဖြင့် ငါ၏ ဝိညာဉ်တော်ကို ခံစားမိသင့်သည်၊ ငါ၏ ဝိညာဉ်တော် ပြုလျက်နေသော အရာမှာ မည်သည့်အရာ ဖြစ်ကြောင်းကို မြင်သင့်သည်၊ ငါအမှန်တကယ် ပြုလိုသော အရာမှာ မည်သည့်အရာ ဖြစ်ကြောင်းကို မြင်သင့်သည်၊ ငါ၏ နှုတ်ကပတ်တော်များနှင့်အညီ ငါ၏ အမှု ပြုပုံပြုနည်းကို မြင်သင့်ပြီး ငါ၏ စီမံခန့်ခွဲမှု အစီအစဉ် တစ်ခုလုံး၏ နိယာမများမှာ မည်သည့် အရာများ ဖြစ်ကြောင်းကို မြင်သင့်သည်။ ငါသည် စကြဝဠာ တစ်ခုလုံး၏ အခြေအနေကို စောင့်ကြည်လျက်နေသည်၊ လူအယောက်တိုင်း၊ အဖြစ်အပျက် အားလုံးနှင့် နေရာ အားလုံးတို့သည် ငါ၏ စီမံကွပ်ကဲမှုအောက်၌ ရှိကြသည်။ ငါ၏ အစီအစဉ်ကို ချိုးဖောက်ဝံ့သောသူ တစ်ယောက်မျှ မရှိ၊ အရာခပ်သိမ်းသည် ငါညွှန်ကြားထားသည်နှင့်အညီ အစဉ်အလိုက် တစ်ဆင့်ချင်း ရှေ့ဆက်တိုးနေခြင်း ဖြစ်သည်။ ဤသည်မှာ ငါ၏ ကြီးမားသော ခွန်အား ဖြစ်သည်၊ ၎င်းသည် ငါ၏ အစီအစဉ် တစ်ခုလုံးအား စီမံခန့်ခွဲသော ဉာဏ်ပညာ တည်ရှိသော နေရာ ဖြစ်သည်။ မည်သူမျှ အပြည့်အဝ နားလည်နိုင်ခြင်းမရှိ၊ မည်သူမျှ ရှင်းလင်းစွာ ပြောဆိုနိုင်ခြင်း မရှိပေ။ အရာခပ်သိမ်းကို ငါကိုယ်တိုင် ပြုခဲ့ခြင်း ဖြစ်ပြီး ငါတစ်ယောက်တည်းက ထိန်းချုပ်ထားခြင်း ဖြစ်သည်။

ယခင်က:တစ်ရာ့လေးခုမြောက်သော မိန့်မြွက်ချက်

နောက်တစ်ခုသို့:တစ်ရာ့ခြောက်ခုမြောက်သော မိန့်မြွက်ချက်

သင်နှစ်သက်နိုင်သည့် အရာများ