အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၇၄

ငါ၏နှုတ်ကပတ်တော်ကို ဖတ်ရှုပြီး ထိုနှုတ်ကပတ်တော်မှာ ပြည့်စုံလာမည်ဟု ယုံကြည်သောသူများသည် မင်္ဂလာရှိကြသည်။ ငါသည် သင်တို့ကို မတရားပြုမည်မဟုတ်ဘဲ သင်တို့ယုံကြည်သောအရာကို ငါက သင်တို့အထဲမှာ ပြည့်စုံလာစေမည်။ ဤအရာသည် သင်တို့အပေါ်သို့ရောက်ရှိလာမည့် ငါ၏ကောင်းချီးမင်္ဂလာ ဖြစ်သည်။ ငါ၏ နှုတ်ကပတ်တော်သည် လူတိုင်း၏အထဲ၌ သိုထားသော လျှို့ဝှက်ချက်များကို ထိုးနှက်လေ၏။ လူတိုင်း၌ သေလောက်သော ဒဏ်ရာများရှိပြီး ငါသည် သူတို့ကို သက်သာစေနိုင်သော သမားတော်ကောင်း ဖြစ်ပေသည်။ ငါ့မျက်မှောက်တော်ကိုသာ လာကြပါ။ အနာဂတ်တွင် ဝမ်းနည်းခြင်းနှင့် မျက်ရည်များ ရှိတော့မည်မဟုတ်ဆိုသည်ကို ငါအဘယ်ကြောင့် ပြောခဲ့သနည်း။ ၎င်းသည် ဤအရာအတွက်ကြောင့် ဖြစ်သည်။ ငါ့အထဲ၌ အရာရာတိုင်းသည် ပြီးမြောက်အောင်မြင်ပေ၏။ သို့သော် လူတို့ထဲ၌မူ အရာအားလုံးသည် ဖောက်ပြန်ပျက်စီးပြီး အချည်းနှီးသာဖြစ်လျက် လူသားများအား အရာအားလုံးက လှည့်ဖြားပေသည်။ ငါ့မျက်မှောက်တော်၌ သင်သည် အရာအားလုံးကို လက်ခံရရှိမည်ဖြစ်ပြီး သင်တို့စိတ်ကူး၍ မမြင်နိုင်သော ကောင်းချီးမင်္ဂလာများကို မြင်ရသည်သာမကဘဲ ပျော်မွေ့ရလိမ့်မည်။ ငါ့ရှေ့မှောက်ကို မလာသောသူများသည် အမှန်တကယ် ပုန်ကန်သောသူများနှင့် ငါ့ကို ဆန့်ကျင်သောသူများ အတိအကျ ဖြစ်သည်။ အမှန်တကယ် ငါသည် သူတို့ကို အလွယ်တကူ လွတ်ပေးမည်မဟုတ်။ ငါသည် ဤလိုလူမျိုးကို ပြင်းပြင်းထန်ထန် ပြစ်တင်ဆုံးမမည်။ ဤအရာကို သတိရလော့။ ငါ့ရှေ့မှောက်ကို များများလာသောသူများသည် များများရမည်။ သို့သော် ၎င်းသည် ကျေးဇူးတော်ထက် ပိုမည်မဟုတ်ပေ။ နောက်ပိုင်းတွင် သူတို့သည် သာ၍ကြီးမြတ်သော ကောင်းချီးမင်္ဂလာများကိုပင် လက်ခံရရှိလိမ့်မည်။

ကမ္ဘာကြီးကို ဖန်ဆင်းကတည်းက ဤလူအုပ်စုကို အတိအကျဆိုရသော် ယနေ့သင်တို့ကို ခွဲခန့်မှတ်သားခြင်းနှင့် ရွေးကောက်ခြင်းတို့ကို လုပ်ဆောင်ခဲ့ပြီး ဖြစ်သည်။ သင်တို့၏ အမျက်ဒေါသထိန်းချုပ်နိုင်မှု၊ အရည်အချင်း၊ သွင်ပြင်၊ ဝိညာဉ်အသက်တာ၊ မွေးဖွားခဲ့သော မိသားစု၊ အလုပ်၊ အိမ်ထောင်ပြုခြင်း၊ သင်တို့၏ ဖြစ်တည်ခြင်းအားလုံး၊ သင်တို့၏ဆံပင်အရောင်နှင့် အရေခွံများနှင့် သင်တို့မွေးဖွားသည့်အချိန်များ အားလုံးကိုပင်လျှင် ငါ၏လက်များအားဖြင့် စီမံထားခြင်း ဖြစ်သည်။ သင်တို့လုပ်သောအရာများနှင့် နေ့ရက်စဉ်တိုင်း သင်တို့တွေ့ဆုံသောလူများကိုပင် ငါ့လက်များအားဖြင့် စီမံထားခြင်း ဖြစ်သည်။ ယနေ့သင်တို့ကို ငါ့မျက်မှောက်တော်ကို ခေါ်ဆောင်လာခြင်းသည်ပင် ငါ့အစီအမံ အမှန်အကန် ဖြစ်သည်။ ရှုပ်ထွေးခြင်းထဲသို့ မပါဝင်ကြနှင့်။ သင်တို့ တည်ငြိမ်အေးဆေးစွာ ရှေ့သို့ချီတက်သင့်သည်။ ယနေ့သင်တို့ကို ငါဝမ်းမြောက်စေသောအရာသည် သင်တို့ထိုက်တန်သော ဝေစုတစ်ခု ဖြစ်ပြီး ဤအရာသည် လောကကြီးအားဖန်ဆင်းသောအချိန်တွင် ငါက ခွဲခန့်မှတ်သားထားခြင်း ဖြစ်၏။ လူသားများသည် အားလုံး အလွန်အစွန်းရောက်ကြသည်။ သူတို့သည် အလွန့်အလွန် ခေါင်းမာသောသူများ သို့မဟုတ် အရှက်လုံးဝမရှိသောသူများ ဖြစ်ကြသည်။ သူတို့သည် အရာရာတိုင်းကို ငါ့အစီအစဉ်နှင့် ငါ့စီမံချက်အတိုင်း မလုပ်ဆောင်နိုင်ကြ။ ထို့ကဲ့သို့ မလုပ်ကြနှင့်တော့။ ငါ၌ အားလုံးတို့သည် လွတ်မြောက်စေခြင်း ခံရသည်။ သင်တို့ဘဝနှင့်ပတ်သက်၍ ဆုံးရှုံးမှုရှိလိမ့်မည် ဖြစ်သောကြောင့် သင်တို့ကိုယ်သင်တို့ မချည်နှောင်ကြနှင့်။ ဤအကြောင်းကို သတိရလော့။

အရာအားလုံးသည် ငါ့လက်များထဲ၌ ရှိနေသည်ကို ယုံကြည်လော့။ အတိတ်တွင် သင်တို့ နက်နဲသောအရာအဖြစ် ယူဆထားခဲ့သောအရာသည် ယနေ့ အားလုံး ကွက်ကွက်ကွင်းကွင်း ထုတ်ဖော်ခြင်းခံရပေပြီ။ (အနာဂတ်တွင် ဘယ်အရာမျှ သိုဝှက်ထားမည်မဟုတ်ဟု ငါဆိုပြီးသည်အတိုင်း) ဤအရာကို သိုဝှက်ထားမည် မဟုတ်တော့ပါ။ လူများသည် မကြာခဏ စိတ်မရှည်ဖြစ်ကြသည်။ သူတို့ တစ်ခုခု ပြီးမြောက်ဖို့ အလွန်စိတ်အားထက်သန်ကြပြီး ငါ့နှလုံးသားထဲတွင် မည်သည့်အရာ ရှိသည်ကို မဆင်ခြင်ကြပေ။ သင်တို့သည် ငါ့ဝန်ထုပ်ကို မျှဝေနိုင်ဖို့ရန်နှင့် ငါ့အိမ်ထောင်ကို စီမံခန့်ခွဲနိုင်ရန် ငါသည် သင်တို့ကို လေ့ကျင့်ပေးနေခြင်း ဖြစ်သည်။ သင်တို့အောက်ငယ်သော သင်တို့ညီအစ်ကိုများကို ဦးဆောင်နိုင်ပြီး ငါတို့ဖခင်နှင့် သားများအား မကြာမီ ပြန်လည်စည်လုံးစေပြီး မည်သည့်အခါမျှ ကွဲမသွားစေရန်အတွက် ငါသည် သင်တို့ကို အလျင်အမြန် ကြီးထွားလာစေလိုသည်။ ဤအရာသည် ငါ့နှလုံးသားဆန္ဒကို ပြည့်ဝစေပါလိမ့်မည်။ နက်နဲသောအရာကို လူအားလုံးအား ထုတ်ဖော်ပြပြီးပြီ။ သိုဝှက်ထားသောအရာတစ်ခုမျှ မကျန်တော့ပေ။ သာမန်လူ့သဘာဝနှင့် ပြည့်စုံသော ဘုရားသဘောသဘာဝ နှစ်မျိုးလုံးရှိသော ပြည့်စုံသောဘုရားသခင်ကိုယ်တိုင်ဖြစ်သည့် ငါသည် ယနေ့သင်တို့၏ မျက်စိရှေ့တွင် ဖွင့်ပြပြီးပြီ။ ငါဖြစ်ခြင်းတခုလုံး (အဝတ်အစား၊ ရုပ်သွင်ပြင်နှင့် ခန္ဓာကိုယ်ပုံစံ)သည် ဘုရားသခင်ကိုယ်တိုင်၏ ပြီးပြည့်စုံသော သရုပ်သကန်ပင်ဖြစ်ပြီး မည်သည့်လူသားမျှမမြင်ဖူးဘဲ လောကကို ဖန်ဆင်းကတည်းက လူသားများ စိတ်ကူးခဲ့ကြသော ဘုရားသခင်၏ပုဂ္ဂိုလ်ဖြစ်သည်။ ငါ့လုပ်ဆောင်ချက်များသည် ငါ့နှုတ်ကပတ်တော်များကဲ့သို့ ကောင်းရခြင်းမှာ ငါ၏သာမန်လူ့သဘာဝနှင့် ပြည့်စုံသောဘုရားသဘာဝတို့သည် တစ်ခုကိုတစ်ခု ဖြည့်ဆည်းနေကြသောကြောင့် ဖြစ်သည်။ ၎င်းသည် သာမန်လူသားတယောက်အထဲ၌ ထို့ကဲ့သို့ ကြီးမားသော တန်ခိုးတည်နေသည်ဆိုသည်ကို လူအားလုံးအား တွေ့မြင်စေရန်လည်း ခွင့်ပြုပါသည်။ ငါ့ကို အမှန်တကယ် ယုံကြည်သောသူများက ထိုသို့ယုံကြည်ကြခြင်းမှာ ငါ့ကို သင်တို့ချစ်နိုင်ဖို့အလို့ငှာ သင့်ကို မှန်သောနှလုံးသားတစ်ခု ငါပေးခဲ့သောကြောင့်ဖြစ်သည်။ ငါသည်သင်နှင့်ဆက်ဆံသောအခါ ငါကရှင်းလင်းစေပြီး သင့်ကို ဉာဏ်အလင်းဖွင့်ပြပေးကာ ထို့သို့အားဖြင့် သင့်ကို ငါ့အားသိစေရန် ခွင့်ပြုမည်။ ထို့ကြောင့် သင့်ကို ငါက မည်ကဲ့သို့ဆက်ဆံသည်ဖြစ်ပါစေ၊ သင်ထွက်ပြေးသွားမည် မဟုတ်ပေ။ ထိုအစား သင်သည် ငါ့ကို ပို၍ပို၍ စိတ်ချသေချာလာလိမ့်မည်။ သင်အားနည်းသောအခါ သင်သည် ငါ့ကိုစွန့်ခွာသွားမည်ဆိုလျှင် ချက်ချင်း သေပြီးခြောက်သွေ့သွားမည်ကို သင့်အား သိမြင်စေသည်မှာလည်း ငါ့စီမံအုပ်ချုပ်မှုပင် ဖြစ်သည်။ ငါသည် သင်၏ အသက်ဖြစ်ကြောင်းကို ထိုအရာမှ သင်ယူနိုင်သည်။ သင်သည် အားနည်းနေရာမှ သန်မာလာသည်နှင့်အလျောက် အားနည်းခြင်း သို့မဟုတ် သန်မာခြင်းသည် သင်နှင့်မဆိုင်ဘဲ ငါနှင့်လုံးလုံးသက်ဆိုင်သည်ကို သိမြင်စေရန် သင်တို့ကို ခွင့်ပြုလိမ့်မည်။

နက်နဲသောအရာအားလုံးတို့ကို အကုန်အစင် ဖွင့်ပြပြီးပြီ။ သင်တို့၏ အနာဂတ်လုပ်ဆောင်မှုများတွင် ငါ့ညွှန်ကြားမှုများကို သင်တို့ကို တစ်ကြိမ်တွင်တစ်ခု ငါပေးသွားမည်။ ငါသည် မရေရာဝိုးတဝါးဖြစ်မည်မဟုတ်။ ငါသည် ကွက်ကွက်ကွင်းကွင်း ရှင်းလင်းမည်ဖြစ်ကာ သင်တို့က ငါ့စီမံအုပ်ချုပ်မှုကို တားဆီးမှုမရှိစေရန်အတွက် ငါသည် သင်တို့ကိုယ်သင်တို့ ဆင်ခြင်သုံးသပ်ရန်မလိုအောင် သင်တို့ကို တိုက်ရိုက်ပင် စကားပြောမည်။ ဤအတွက်ကြောင့်ပင် ငါက နောက်ပိုင်းတွင် သိုဝှက်ထားသောအရာ လုံးဝရှိလိမ့်မည်မဟုတ်ဟု အကြိမ်ကြိမ် အလေးပေးပြောရခြင်းဖြစ်သည်။

ယခင်က:အခန်း ၇၃

နောက်တစ်ခုသို့:အခန်း ၇၅

သင်နှစ်သက်နိုင်သည့် အရာများ

  • ဘုရားသခင် ကိန်းဝပ်သော ဇာတိခန္ဓာ၏ အနှစ်သာရ

    ပထမဦးဆုံးသော လူ့ဇာတိခံယူသည့် ဘုရားသခင်သည် ကမ္ဘာပေါ်တွင် နှစ်ပေါင်းသုံးဆယ့်သုံးနှစ်ခွဲ နေထိုင်သွားခဲ့သော်ငြားလည်း၊ သူသည် သူ၏အမှုတော်ကို ထိုနှစ်များထဲမ…

  • ခေတ်သစ်၏ ပညတ်တော်များ

    သင်တို့အတွက် မည်သည့် အမှုအရာကိုပင် ပြင်ဆင်ပေးထားသည် ဖြစ်ပါစေ၊ ပြင်ဆင်ပေးသမျှ အရာ ခပ်သိမ်းသည် ဘုရားသခင်၏ လက်ဖြင့် ကိုယ်တိုင် စီစဥ်ညွှန်ကြားထားခြင်း ဖ…

  • သင်သက်ဝင်လှုပ်ရှားလာပြီလော

    သင်သည် သာမန်လူ့သဘာဝမှ အသက်ရှင်ခြင်းကိုရရှိပြီး၊ စုံလင်အောင်ပြုပြင်ခြင်းခံရပြီးသောအခါ၊ ပရောဖက်ပြုချက်နှင့် လျှို့ဝှက်နက်နဲမှုများကို သင်ပြောနိုင်မည် …

  • သင်မည်သူ့ကို သစ္စာစောင့်သိသနည်း

    သင်တို့ လက်ရှိဖြတ်သန်းနေရသော နေ့တိုင်းသည် အရေးကြီးပြီး၊ သင်တို့၏ ပန်းတိုင်နှင့် ကံကြမ္မာအတွက် အခရာကျသည်ဖြစ်၍ သင်တို့ပိုင်ဆိုင်သော အရာအားလုံးနှင့် ကုန…

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ