အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ခြောက်ဆယ်လေးခုမြောက် မိန့်မြွက်ချက်

သင်သည် ငါ့စကားကို ယုတ္တိမရှိသော နည်းလမ်းဖြင့် နားလည်ခြင်း မရှိရပေ။ ငါ့စကားကို ကဏ္ဍစုံမှ နားလည်ကာ သာ၍သဘောပေါက်အောင် ကြိုးစားပြီး တစ်ရက် နှစ်ရက်မက အဖန်တလဲလဲ အဖြေရှာ၍ နှလုံးသွင်းရမည်။ ငါ့အလို မည်သည့်နေရာတွင် ရှိ၍ မည်သည့် ကဏ္ဍအတွက် ငါ၏အပင်ပန်းခံထားသည့် အဖိုးအခအား ငါပေးသည်ကို သင်မသိပေ။ ငါ့အလိုအတွက် အရေးထားမှုကို သင်တို့ မည်သို့ ပြသနိုင်မည်နည်း။ သူတို့သည် ဤကဲ့သို့ ဖြစ်ကြသည်။ အသေးစိတ်သွားရန် မတတ်နိုင်ကြပေ။ အပေါ်ယံ၌သာ အာရုံစိုက်၍ တုပခြင်းမျှသာ တတ်စွမ်းသည်။ ဤသည်ကို ဝိညာဉ်ရေး ပြည့်ဝခြင်းဟု မည်သို့ဆိုနိုင်မည်နည်း။ ၎င်းသည် လူ၏ စိတ်အားထက်သန်မှုမျှသာ ဖြစ်သည်။ ၎င်းကို ငါမချီးကျူးရုံမက သာ၍ငါရွံရှာသည်။ သင်တို့ကို ငါပြောလိုသည်မှာ ငါရွံရှာသောအရာအားလုံးသည် သုတ်သင်ခြင်းခံရ၍ ဘေးဒုက္ခမျိုးမျိုးဖြင့် ညှိုးနွမ်းစေခြင်းခံရကာ ငါ၏ မီးတင်ရှို့ခြင်းနှင့် တရားစီရင်ခြင်းကို ခံရမည်။ သို့မဟုတ်လျှင် “အကြောက်တရား” ဟူသည်မှာ အဘယ်အရာအား ဆိုလိုသည်ကို လူတို့သည် နားမလည်မည် မဟုတ်သည့်အပြင် အပျော်အပါးကြူးကြပြီး ငါ့ကို လူ့မျက်စိဖြင့် အမြဲပင်မြင်ကြမည်။ သူတို့သည် အလွန် မိုက်မဲပေ၏။ ငါ့ထံသို့ ချဉ်းကပ်၍ ငါနှင့် မိတ်သဟာယဖွဲ့ခြင်းသည် စာတန်၏ အတွေးအခေါ်များကို ဖယ်ရှားရန်အတွက် အကောင်းဆုံး နည်းလမ်းဖြစ်သည်။ တရားစီရင်ခံရခြင်းနှင့် အသက်တာ၌ ဆုံးရှုံးမှုဒဏ်ကို ရှောင်ရှားနိုင်ရန်အတွက် သင်တို့အားလုံး ဤစည်းမျဉ်းနှင့်အညီ ဆောင်ရွက်ကြရန် ငါမျှော်လင့်သည်။

လူသားသည် ကိုင်တွယ်ဖြေရှင်းရန် အလွန်ခက်ခဲသောသူဖြစ်သည်။ အပြင်လူများ၊ ဖြစ်ရပ်များ၊ ကိစ္စရပ်များ၏ ထိန်းချုပ်ခြင်းကို အစဉ်ခံရပြီး မိမိအယူအဆများ၏ ထိန်းချုပ်ခံရခြင်းကြောင့် ငါ့အတွက် ပုံသက်သေကောင်းပြရန်နှင့် ငါနှင့် အပြည့်အဝ ပူးပေါင်းလုပ်ဆောင်ရန် မတတ်နိုင်ပေ။ ငါသည် သင်တို့ကို အမြဲထောက်ပံ့၍ စောင့်ရှောက်သော်လည်း သင်တို့သည် ငါနှင့် ပူးပေါင်းဆောင်ရွက်ရေးအတွက် အတတ်နိုင်ဆုံးကြိုးပမ်းခြင်း မပြုနိုင်ကြပေ။ ဤအကြောင်းအရာအလုံးစုံက သင်တို့ဘက်မှ ငါ့ကိုနားလည်ခြင်း မရှိသည်ကို ခိုင်မာစွာ ဖော်ပြနေသည်။ အချိန်တန်၍ သင်တို့ ငါ့အပေါ်တွင် သံသယ ကင်းစင်သောအခါ သင်တို့မှန်သော လမ်းခရီးပေါ်တွင် လျှောက်သွားခြင်းကို မည်သူမျှ မတားဆီးနိုင်သည့်အပြင် မည့်သည့် လူ့အယူအဆကမျှ သင့်ကို ဟန့်တားနိုင်မည် မဟုတ်ပေ။ အဘယ်ကြောင့် ငါဤသို့ဆိုသနည်း။ ငါ့စကား၏ အဓိပ္ပာယ်ကို သင်တို့ အမှန် နားလည်ကြသလော။ ဤစကားမျိုးကို ငါရှင်းပြမှသာ သင်တို့ အနည်းငယ်မျှ နားလည်ကြသည်။ လူတို့သည် ဤမျှထုံထိုင်း၍ စဉ်းစားဉာဏ် ကင်းမဲ့ကြသည်။ အပ်နှင့် အရိုးအထိ ထိုးမှသာ အနည်းငယ် နာကျင်တတ်ကြသည်။ ဆိုလိုသည်မှာ သင်တို့၏ ရောဂါဇစ်မြစ်ကို ငါ့နှုတ်ကပတ်တော် ညွှန်ပြမှသာ သင်တို့ အပြည့်အဝ ယုံကြည်လက်ခံသည်။ သို့ဖြစ်သည့်တိုင် သင်တို့သည် တစ်ခါတစ်ရံ နှုတ်ကပတ်တော်ကို လက်တွေ့ကျင့်သုံးလိုခြင်းလည်းမရှိ၊ မိမိအကြောင်း သိလိုစိတ်လည်း မရှိကြပေ။ ဤအခြေအနေတွင် လူသားကို ကိုင်တွယ်ဖြေရှင်းရန် မည်မျှခက်ခဲသည့်အကြောင်းကို သင်တို့ အဘယ်ကြောင့် မမြင်နိုင်ကြသေးသနည်း။ ငါ့နှုတ်ကပတ်တော်သည် ထင်ရှား ရှင်းလင်းမှု မပြည့်စုံခြင်းကြောင့်လော။ သင်တို့ ငါနှင့် လေးနက်စွာ၊ ရိုးသားဖြောင့်မတ်စွာ ပူးပေါင်းလုပ်ဆောင်သည်ကို ငါအလိုရှိသည်။ သင်တို့ နှုတ်ချိုသည် ဖြစ်စေ၊ မချိုသည်ဖြစ်စေ ငါနှင့် ပူးပေါင်းလုပ်ဆောင်လိုစိတ်ရှိကာ ငါ့ကို မှန်ကန်သောနှလုံးသားဖြင့် ကိုးကွယ်နေနိုင်သရွေ့ ငါ၏ ကာကွယ်စောင့်ရှောင့်မှုအောက်တွင် သင်တို့ရှိလိမ့်မည်။ ဤလူမျိုးသည် အသိတရားခေါင်းပါးလှလျှင်ပင် ထိုအသိတရားခေါင်းပါးမှု ပပျောက်အောင် ငါသည် သူတို့ကို ဉာဏ်အလင်းပွင့်စေမည်။ ငါ၏ အပြောနှင့် အလုပ် ကိုက်ညီမှု ရှိရမည်ဖြစ်သောကြောင့် ထိုသို့ဖြစ်စေရမည်။ ငါသည် ဘယ်သောအခါမျှ မိမိမစောင့်စည်းနိုင်သည့် ကတိသစ္စာကို မပြုသော အနန္တတန်ခိုးရှင် ဘုရားသခင်ဖြစ်၏။

ငါ့အလိုကို အသင်းတော်အားလုံးနှင့် သားဦးအားလုံးကို ချက်ချင်းဖော်ပြမည်။ အရာခပ်သိမ်းကို ဖွင့်ပြရမည့်နေ့ရက် ရောက်ရှိလာပြီဖြစ်သည့်အတိုင်း မည်သည့်အရာမဆို ဖုံးကွယ်ထားခြင်း ရှိတော့မည်မဟုတ်ပေ။ ဆိုလိုသည်မှာ ဖုံးကွယ်ထားသောအရာ တည်ရှိရန်မဆိုထားနှင့် “ဖုံးကွယ်ထားခြင်း” ဟူသော စကားရပ်ကို ယခုမှစ၍ အသုံးပြုတော့မည် မဟုတ်ပေ။ ဖုံးကွယ်ထားသော လူ၊ ဖြစ်ရပ်များနှင့် အရာအားလုံး တစ်ခုပြီးတစ်ခု ဖွင့်ပြခြင်းခံရတော့မည် ဖြစ်သည်။ ငါသည် အာဏာအားလုံးကို ချုပ်ကိုင်ထားသော အမြော်အမြင်ကြီးသည့် ဘုရားသခင်ဖြစ်သည်။ ဖြစ်ရပ် အားလုံး၊ အရာအားလုံးနှင့် လူတစ်ဦးစီတိုင်းကို ငါ့လက်ဖြင့် ချုပ်ကိုင်ထားသည်။ သူတို့ကို ဖွင့်ပြရန် ငါကိုယ်တိုင် လုပ်ဆောင်မည်ဖြစ်ပြီး အစီအစဉ်တကျ တစ်ခုပြီးတစ်ခု အားလုံး ဖွင့်ပြသွားမည်။ ငါ့ကို လှည့်စားခြင်းနှင့် ငါမမြင်နိုင်အောင် တစ်ခုခု ဝှက်ထားခြင်းကို ပြုရဲသည့် မည်သူတစ်ဦးတစ်ယောက်မဆို ဘယ်သောအခါမျှ ပြန်မထနိုင်စေရန် ငါအသေအချာပြုမည်။ သင်တို့အားလုံး မြင်တွေ့စေရန် ဤနည်းဖြင့် ငါအရေးယူမည်။ ရှင်းလင်းစွာ မြင်ကြလော့။ ငါပေးခဲ့သော အပင်ပန်းခံထားသည့် အဖိုးအခသည် အလာဟဿမဟုတ်ဘဲ အသီး သီးလိမ့်မည်။ အရေးမထားခြင်း သို့မဟုတ် နာခံခြင်းမရှိသော မည်သူမဆို ငါ၏ တရားစီရင်ခြင်းကို ချက်ချင်းခံရမည်။ ငါ့ကို ဖီဆန်ရဲသူ ရှိသေးသလော။ သင်တို့အားလုံး ငါ့ကိုနာခံရမည်။ သင်တို့ကို ငါပြောမည် - ယနေ့ ငါပြောသမျှ လုပ်သမျှ၊ လှုပ်ရှားသမျှ၊ တွေးတောသမျှ၊ စဉ်းစားသမျှနှင့် ပုံဖော်သမျှ၊ အားလုံးမှန်ကန်၍ လူ စဉ်းစားသုံးသပ်ရန် လုံးဝမလိုအပ်ပေ။ သင်တို့ စဉ်းစားရန်မလို၊ လိုက်လျှောက်ရန်သာ လိုသည့်အကြောင်းကို သင်တို့အား အဖန်တလဲလဲ ငါပြောရသည်မှာ အဘယ်ကြောင့်နည်း။ ဤအကြောင်းကြောင့်ဖြစ်သည်။ သင်တို့ကို ငါရှင်းပြရန် လိုသေးသလော။

သင်တို့၏ အယူအဆများသည် သင်တို့ကို နောက်ပြန်ဆွဲလျက်ရှိသော်လည်း ကိုယ်တိုင်ကြိုးစားအားထုတ်ခြင်း မရှိသောကြောင့် ဖြစ်ပေသည်ဟု မစဉ်စားသည့်အပြင် ငါက သင်တို့ကို ဉာဏ်အလင်းမဖွင့်ပေးသောကြောင့်ဖြစ်သည် ဟုဆိုကာ ငါ့အပေါ်တွင် အပြစ်ပုံကြသည်။ မည်သည်ကို ဆိုလိုသနည်း။ သင်တို့သည် မိမိကိုယ်ကို တာဝန်ယူခြင်း မရှိ။ ငါ့ကိုသာ အစဉ်အမြဲ အပြစ်တင်ကြသည်။ သင်တို့ကို ငါသတိပေးသည်။ သင်တို့သည် အဖိုးအခပေးဆပ်ခြင်းမရှိ၊ ဤသို့သာ ဆက်လျှောက်ကြလျှင် စွန့်ပစ်ခြင်းကို ခံရမည်။ သင်တို့ကို ခြိမ်းခြောက်ရန် ကြီးကြီးကျယ်ကျယ် ငါတစ်နေကုန် ပြောနေခြင်းမဟုတ်။ ဤသည်မှာ ဖြစ်ရပ်မှန်ပင် ဖြစ်ပြီး ငါပြောသည့်အတိုင်း ငါလုပ်၏။ ငါ့နှုတ်မှ ထွက်သွားသော နှုတ်ကပတ်တော်သည် ချက်ချင်း စတင်ပြည့်စုံလာသည်။ အတိတ်ကာလတွင် ငါပြောသော စကားသည် ဖြည်းဖြည်းချင်း ပြည့်စုံခဲ့သည်။ သို့သော်လည်း ယခုတွင် အမှုအရာများမှာ ကွဲပြားသွားပြီဖြစ်ပြီး ထိုကဲ့သို့ နှောင့်နှေးတော့မည် မဟုတ်ပေ။ ရှင်းရှင်းပြောရလျှင် တိုက်တွန်းခြင်းနှင့် ချော့မော့ခြင်းကို ငါကျင့်သုံးတော့မည် မဟုတ်ဘဲ ထိုအစား သင်တို့ကို မာန်တင်းပေးကာ အတင်းအကျပ်ပြုမည်။ သာ၍ပွင့်လင်းစွာ ပြောရလျှင် လိုက်နိုင်သောသူတို့ လိုက်ကြ။ ရှေ့မဆက်နိုင်တော့သည့် မလိုက်နိုင်သူများသည် ဖယ်ရှားခြင်း ခံရမည်။ အတိတ်ကာလတွင် ငါသည် သင်တို့ကို နည်းမျိုးစုံဖြင့် စိတ်ရှည်စွာပြောဆိုခဲ့သည်။ သို့သော် သင်တို့ လုံးဝ နားမထောင်ခဲ့ပေ။ ယခုတွင် အမှုမှာ ဤအဆင့်သို့ ဆက်လာပြီဖြစ်ရာ သင်တို့ အဘယ်အရာကို လုပ်ကြမည်နည်း။ ကိုယ့်ကိုယ်ကိုယ် အလိုလိုက်ဆဲပင် ရှိဦးမည်လော။ ဤကဲ့သို့သောလူသည် ပြီးပြည့်စုံအောင် ပြုခြင်းကို မခံရနိုင်ပေ။ ငါ၏ဖယ်ရှားခြင်း ခံရသောလူ ဧကန်ဖြစ်လာမည်။

ယခင်က:ခြောက်ဆယ့်သုံးခုမြောက် မိန့်မြွက်ချက်

နောက်တစ်ခုသို့:ခြောက်ဆယ့်ခြောက်ခုမြောက် မိန့်မြွက်ချက်

သင်နှစ်သက်နိုင်သည့် အရာများ