အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၁၁၂

“နှုတ်ကပတ်တော်များနှင့် လက်တွေ့ဖြစ်တည်ခြင်းတို့သည် အတူတကွ ရှေ့ဆက် ကြ၏” ဟူသည် ငါ၏ ဖြောင့်မတ်သော စိတ်နေသဘောထား တစ်စိတ်တစ်ဒေသဖြစ်ပြီး၊ ဤနှုတ်ကပတ်တော်များမှတစ်ဆင့်၊ ငါ၏ စိတ်နေသဘောထားအားလုံးကို လူတိုင်းအား အသေအချာ မြင်တွေ့ခွင့်ရစေမည်။ လူတို့က ဤအရာသည် မအောင်မြင်နိုင်ဟု ထင်ကြသော်လည်း၊ ငါ့အဖို့ ၎င်းသည် လွယ်ကူ၍၊ သက်သောင့်သက်သာရှိကာ၊ မည်သည့် အားစိုက်ထုတ်မှုမျှ မလိုအပ်ပေ။ ငါ၏နှုတ်ကပတ်တော်များ ထွက်ပေါ်လာသည်နှင့်၊ လူတိုင်း မြင်တွေ့နိုင်ကြသည့် လက်တွေ့ဖြစ်တည်ခြင်းတစ်ခုသည် တစ်ပြိုင်နက်တည်းရှိ၏။ ဤသည်မှာ ငါ၏စိတ်နေသဘောထား ဖြစ်သည်။ ငါသည် တစ်စုံတစ်ခုအား ပြောလိုက်သည့်အတွက်၊ ၎င်းသည် သေချာပေါက် ပြီးမြောက်သည်၊ သို့မဟုတ်လျှင် ငါသည် ပြောလိမ့်မည်မဟုတ်။ လူသား အယူအဆ၌ “ကယ်တင်ခြင်း” ဟူသည့် စကားလုံးသည် လူအားလုံးတို့အတွက် ပြောဆိုခြင်းဖြစ်သည်၊ သို့သော်လည်း ဤအရာသည် ငါ၏ ရည်ရွယ်ချက်နှင့် မကိုက်ညီချေ။ “မသိနားမလည်သောသူတို့နှင့် စိတ်အားထက်သန်စွာ ရှာဖွေသော သူတို့ကို ငါသည် အစဉ် ကယ်တင်သည်” ဟူ၍ အတိတ်တွင် ငါပြောခဲ့၏၊ ထိုစကား၌ “ကယ်တင်သည်” ဟူသော စကားလုံးသည် ငါ့အား အစေခံသူတို့အတွက် ပြောခဲ့ခြင်းဖြစ်ကာ၊ ထိုသို့သော အစေခံသူများကို ငါသည် အထူးတလည် ဆက်ဆံမည်ဟုလည်း ဆိုလိုခြင်းဖြစ်သည်။ တစ်နည်းဆိုရလျှင်၊ ငါသည် ထိုသူတို့အား ပြစ်ဒဏ်လျှော့ပေါ့ ပေးလိမ့်မည်။ သို့ရာတွင် မရိုးဖြောင့်သော၊ လှည့်ဖြားတတ်သော အစေခံသူတို့သည်ကား ဖျက်ဆီးခံအရာများ ထဲ၌ ပါဝင်လိမ့်မည်၊ ငါသည် ၎င်းတို့အား ပြင်းထန်သော အပြစ်ဒဏ် ခံရစေမည်ဟု ဆိုလိုခြင်းဖြစ်သည်။ (၎င်းတို့သည် ဖျက်ဆီးခံ အရာများကြား၌ ပါဝင်သော်လည်း၊ ဖျက်ဆီးခြင်းခံရသောသူတို့နှင့် ၎င်းတို့သည် များစွာကွာခြား၏။ ၎င်းတို့သည် ထာဝရ ပြင်းထန်သော အပြစ်ဒဏ်ကို ရလိမ့်မည်ဖြစ်ပြီး၊ ထိုသူတို့ ရရှိမည့် အပြစ်ဒဏ်သည် စာတန်နတ်ဆိုး ခံစားရမည့် အပြစ်ဒဏ်မျိုးဖြစ်သည်။ ဤသည်မှာ ထိုသူတို့သည် အဆင်းနီသောနဂါးကြီးထံမှ ဆင်းသက်လာသောသူများ ဖြစ်သည်ဟူ၍ ငါ ပြောခဲ့သည်များ၏ အဓိပ္ပာယ်အမှန်လည်း ဖြစ်သည်။) သို့သော်လည်း ဤသို့သော စကားများကို ငါ့သားဦးများနှင့်ပတ်သက်၍ ငါသည် အသုံးမပြုချေ၊ ငါသည် ငါ၏သားဦးများကို ပြန်ရမည်ဖြစ်ပြီး၊ ၎င်းတို့သည် ဇိအုန်သို့ ပြန်လိမ့်မည်ဟုသာ ငါဆိုသည်။ ထို့ကြောင့် ငါ၏သားဦးများသည် ငါ၏ကြိုတင်ပြဋ္ဌာန်းထားသော၊ ရွေးချယ်ထားသော သူများ ဖြစ်သည်ဟု ငါသည် အစဉ်အမြဲ ဆိုထား၏။ ငါ၏သားဦးများသည် နဂိုမူလကပင် ငါနှင့် သက်ဆိုင်ခဲ့ သူများဖြစ်ကာ၊ ၎င်းတို့သည် ငါ့ထံမှ လာခဲ့သည်၊ ထို့ကြောင့် ၎င်းတို့သည် ငါ ရှိရာသို့ ပြန်လာကြရမည်။ ထို့ပြင် သားများနှင့် လူတို့အား သားဦးတို့နှင့် နှိုင်းယှဉ်ခြင်းသည် ကောင်းကင်နှင့် မြေကြီးကြား ကွာခြားသကဲ့သို့ အမှန်တကယ်ပင် ကွာခြားသည်။ သားများနှင့် လူတို့သည် အစေခံသူတို့ထက် များစွာ သာလွန်သော်လည်း၊ ၎င်းတို့သည် ငါနှင့်သက်ဆိုင်သောသူများ လုံးဝ မဟုတ်ပေ။ သားများနှင့် လူတို့အား လူသားမျိုးနွယ်ထဲမှ ထပ်လောင်း ရွေးကောက်ထားခြင်း ဖြစ်သည်ဟုလည်း ဆိုနိုင်သည်။ ထို့ကြောင့် ငါ၏လုံ့လကို သားဦးများအပေါ်၌သာ အစဉ်အမြဲ အာရုံထား ခြင်းဖြစ်ပြီး၊ ထို့နောက်တွင် ငါသည် သားဦးများဖြင့် ဤသားများနှင့် လူတို့အား စုံလင်စေလိမ့်မည်။ ဤအရာများသည် ငါ၏ အနာဂတ်လုပ်ဆောင်ချက် ခြေလှမ်းများဖြစ်သည်။ ယခု သင်တို့အား ငါ ပြောပြခြင်းဖြင့် အသုံးမဝင်၊ ထို့ကြောင့် သားများနှင့် လူတို့ထံ ရံဖန်ရံခါမျှသာ ဖော်ပြထားခဲ့၏၊ သို့သော် သားဦးများကိုမူ ငါသည် ဤအကြောင်းအရာများအား အကြိမ်ကြိမ် ပြောဆိုထား၍၊ အကြိမ်ကြိမ် ဖော်ပြထားခဲ့သည်။ ဤသည်မှာ ငါ ပြောဆို လုပ်ဆောင်သည့် နည်းလမ်း ဖြစ်သည်။ အဘယ်သူမျှ ဤအရာကို မပြောင်းလဲနိုင်၊ အရာအားလုံးနှင့်ပတ်သက်၍ ငါတစ်ဦးတည်းသာ အဆုံးသတ် ပြောပိုင်ခွင့် ရှိသည်။

ငါသည် သင်တို့၏ အယူအဆများကို နေ့စဉ် ဆန့်ကျင်တိုက်ခိုက်နေရသည်၊ ငါသည် သင်တို့တစ်ယောက်ချင်းစီကို တစ်နေ့ပြီးတစ်နေ့ ခွဲခြမ်းလေ့လာနေရသည်။ ငါက တစ်ခုသော အတိုင်းအတာအထိ ပြောဆိုထားသည့်အချိန်၌၊ သင်တို့သည် မူရင်းအခြေအနေဆိုးသို့ ပြန်ရောက်ကာ၊ ငါ၏လူ့သဘာဝနှင့် ငါ၏ ဘုရားသဘောသဘာဝအား ထပ်၍ ခွဲခြားပြန်၏။ ဤအခိုက်အတန့်၌ လူတို့ကို ထုတ်ဖေါ်ရန် အချိန်သည် ရောက်လာလေပြီ၊ ၎င်းတို့သည် ငါ့အား ဇာတိပကတိဖြင့် ရှင်သန်နေဆဲဖြစ်ပြီး၊ မည်သို့မျှ ဘုရားသခင်ကိုယ်တိုင် မဟုတ်ဟု တွေးတောနေကြ၏၊ ထို့အပြင် ငါသည် လူသားပင်ဖြစ်ကာ၊ ဘုရားသခင်သည်လည်း ဘုရားသခင်သာ ဖြစ်၍၊ ဘုရားသခင်သည် ငါနှင့် အဘယ်သို့မျှ မသက်ဆိုင်ဟု ထင်မြင်နေကြ၏။ အကျင့်ပျက် လူသားမျိုးနွယ်ပေတကား။ ငါသည် ဟိုယခင်ကတည်းက နှုတ်ကပတ်တော်များစွာကို ပြောဆိုထားခဲ့၏၊ သင်တို့သည် ယင်းတို့အား မတည်ရှိသကဲ့သို့ သဘောထားလာသည်မှာ ကြာမြင့်ခဲ့လေပြီ၊ ယင်းကြောင့် ငါသည် သင်တို့ကို အရိုးစွဲသည်အထိ မုန်းတီး၏၊ ယင်းကြောင့် ငါသည် သင်တို့အား စက်ဆုပ်ရွံရှာ၏။ ငါသည် ပြီးပြည့်စုံသော ဘုရားသခင်ကိုယ်တိုင် ဖြစ်သည်၊ ငါ၏လူ့သဘာဝအပြင် ငါ၏ ပြည့်စုံသော ဘုရားသဘောသဘာဝလည်း ရှိသည်၊ အဘယ်သူသည် ငါ့အား မဆင်မခြင် စော်ကားဝံ့သနည်း။ အဘယ်သူသည် ၎င်းတို့၏ အတွေးများဖြင့် ငါ့အား ခုခံဝံ့သနည်း။ ငါ၏ကြီးမားသော ဘေးဒဏ် စတင် ကျရောက်သည်နှင့်၊ ငါသည် ၎င်းတို့အား တစ်ယောက်ချင်းစီ အပြစ်ဒဏ်ပေးမည်၊ တစ်ဦးတစ်ယောက်ကိုမျှ အလွတ်ပေးမည်မဟုတ်၊ ၎င်းတို့အားလုံးကို ပြင်းပြင်းထန်ထန် အပြစ်ပေးမည်။ ငါ၏ ဝိညာဉ်သည် ကိုယ်တိုင် လုပ်ဆောင်၏၊ ယင်းမှာ ငါသည် ဘုရားသခင် ကိုယ်တိုင် မဟုတ်ဟု ဆိုလိုခြင်းမဟုတ်၊ ဆန့်ကျင်ဘက်ဖြစ်သည်၊ ငါသည် အနန္တတန်ခိုးရှင် ဘုရားသခင် ကိုယ်တိုင်ဖြစ်သည်ဟု ဆိုလိုခြင်းဖြစ်၏။ လူတို့သည် ငါ့အား မသိကြ၊ ၎င်းတို့အားလုံးသည် ငါ့အား ဆန့်ကျင်ကြ၍၊ ငါ၏ နှုတ်ကပတ်တော်များမှ ငါ၏ အနန္တတန်ခိုးကို မရှုမြင်ကြပေ၊ ယင်းအစား ၎င်းတို့သည် ငါ့အား ဆန့်ကျင်နိုင်ရန် တစ်စုံတစ်ရာကို ငါ၏ နှုတ်ကပတ်တော်များထဲမှ ရှာဖွေဖို့ရန်နှင့် ငါ့အား အပြစ်ရှာဖို့ရန် ကြိုးစားကြ၏။ ငါသည် ငါ၏သားဦးများနှင့်အတူ ဇိအုန်၌ ပေါ်လာသည့်တစ်နေ့တွင်၊ ဤအကြောင်းအရာများအား ငါသည် စတင်ဖြေရှင်းမည်။ ဤအတောအတွင်း၌မူ ငါသည် ဤအမှုကို အဓိကထား လုပ်ဆောင်သည်။ ငါသည် တစ်ခုသော အတိုင်းအတာအထိ ပြောဆိုပြီးသောအချိန်တွင်၊ အစေခံသူ အမြောက်အများသည် နောက်လှည့်ပြန်နေကြလောက်လေပြီ၊ ထို့ပြင် သားဦးတို့သည်လည်း ဆင်းရဲဒုက္ခအမျိုးမျိုးကို ကြုံတွေ့ပြီးလောက်လေပြီ။ အမှု၏ ဤအဆင့်နှစ်ခု တိုးတက်မှုနှင့်အတူ၊ ငါ၏ လုပ်ဆောင်မှုသည် အဆုံးသတ်ခြင်းသို့ ရောက်ရှိလိမ့်မည်။ တစ်ချိန်တည်းမှာပင် ငါသည် ငါ၏သားဦးများကို ဇိအုန်သို့ ပြန်လည်ခေါ်ဆောင်သွားမည်။ ဤအရာအားလုံးသည် ငါ့လုပ်ဆောင်မှု၏ အဆင့်များဖြစ်၏။

ငါ၏သားဦးများသည် ငါ့နိုင်ငံတော်အတွက် မရှိမဖြစ် အစိတ်အပိုင်း ဖြစ်သည်၊ ငါ၏ ဇာတိအဖြစ်သည် နိုင်ငံတော် ဖြစ်သည်ကို ယင်းမှတစ်ဆင့် မြင်တွေ့နိုင်သည်၊ ငါ၏ နိုင်ငံတော်သည် ငါ၏ သားဦးများနှင့် အတူ မွေးဖွားလာ၏။ တစ်နည်းဆိုရသော် ငါ၏နိုင်ငံတော်သည် ကမ္ဘာလောကကို ဖန်ဆင်းချိန်ကတည်းက တည်ရှိနေခြင်းဖြစ်ကာ၊ ငါ၏သားဦးများကို ရယူဖို့သည် (ငါ၏သားဦးများကို ပြန်ရရန် ဆိုလိုသည်) ငါ၏နိုင်ငံတော်ကို ပြန်လည်ဖော်ထုတ်ဖို့ပင်ဖြစ်သည်။ ယင်းကို ကြည့်ခြင်းအားဖြင့် သားဦးများသည် အထူးသဖြင့် အရေးကြီးကြောင်းကို မြင်တွေ့နိုင်၏။ ငါ၏သားဦးများ ရှိမှသာလျှင်၊ နိုင်ငံတော်လည်း ရှိလိမ့်မည်၊ တန်ခိုးအာဏာဖြင့် လက်တွေ့စိုးစံခြင်း ဖြစ်လာလိမ့်မည်၊ အသက်တာအသစ် ဖြစ်လိမ့်မည်၊ ထို့ပြင် ခေတ်ဟောင်းတစ်ခုလုံးအား အဆုံးသတ်နိုင်မည်ဖြစ်သည်။ ဤဦးတည်ချက်သည် မလွဲဧကန်ပင် ဖြစ်သည်။ သားဦးများသည် ဤအနေအထားတွင် ရှိကြသောကြောင့်၊ သားဦးများသည် ကမ္ဘာကြီး၏ပျက်စီးခြင်း၊ စာတန်၏ ပျက်စီးခြင်းနှင့် အစေခံသူတို့၏ သရုပ်မှန်ကို ဖော်ထုတ်ခြင်းတို့အား အမှတ်အသား ပြုသောကြောင့်၊ အဆင်းနီသော နဂါးကြီးသည် သားစဉ်မြေးဆက်များ ရှိတော့မည်မဟုတ်ဘဲ၊ ကန့်နှင့်ရောသော မီးအိုင်အတွင်းသို့ ဆင်းသက်ရလိမ့်မည်၊ ထို့ကြောင့် အာဏာကို ကိုင်စွဲထားသောသူများနှင့် အဆင်းနီသော နဂါးကြီးထံမှ ဆင်းသက်လာသူ အားလုံးတို့သည် အကြိမ်ကြိမ် ပိတ်ဆို့ကြ၏၊ အကြိမ်ကြိမ် ဆန့်ကျင်ကြ၏၊ ထို့ပြင် အကြိမ်ကြိမ်လည်း ဖျက်ဆီးကြ၏။ သို့သော်လည်း ငါ၏ သားဦးများကို ငါသည် အဖန်တလဲလဲ အားပေးကာ၊ အဖန်တလဲလဲ သက်သေခံ၍၊ အဖန်တလဲလဲ ထုတ်ဖေါ်လေသည်။ ငါ့ထံမှလာသော လူများသည်သာ ငါ့အဖို့ သက်သေခံဖို့ရန် သင့်လျော်သည်၊ ၎င်းတို့သည်သာ ငါနှင့်အတူ အသက်ရှင်နေထိုင်ရန် အရည်အချင်းပြည့်မီသည်၊ ထို့ပြင် ၎င်းတို့သာလျှင် ငါ့အတွက် လှပသော အောင်ပွဲကို အောင်နိုင်ဖို့ရန် အခြေခံအကြောင်းရင်း ရှိကြသည်။ ငါ့ထံမှ ခွဲထွက်နေသောသူတို့မှာမူ ငါ့လက်ထဲရှိ ရွှံ့စေး အနည်းငယ်မျှထက် မပိုချေ၊ ထို့အပြင် ထိုသူများအားလုံးသည် ဖန်ဆင်းခံအရာများဖြစ်၏။ သားများနှင့် လူတို့သည်လည်း ဖန်ဆင်းခံသတ္တဝါများထဲမှ ရွေးချယ်ထားသည့် သာလွန်သူများထက် မပိုချေ၊ သို့သော် ၎င်းတို့သည် ငါနှင့် မသက်ဆိုင်ကြ။ ထို့ကြောင့် သားဦးများနှင့် သားများ၏ကြားတွင် ကြီးမားသည့် ကွာခြားမှုရှိသည်။ သားများသည် သားဦးများနှင့် နှိုင်းယှဉ်ဖို့ရာ မည်သို့မျှ အရည်အချင်းမပြည့်မီချေ၊ ၎င်းတို့သည် သားဦးများ၏ အုပ်ချုပ်ခြင်းနှင့် လွှမ်းမိုးခြင်းကို ခံရ၏။ ယခု သင်တို့သည် ဤအကြောင်းအရာနှင့်ပတ်သက်၍ အလျှင်း ရှင်းလင်းသင့်ပြီ။ ငါ ပြောဆိုထားသမျှသော စကားလုံးတိုင်းသည် အစစ်အမှန်ဖြစ်ပြီး၊ မှားယွင်းစရာ အကြောင်းမရှိ။ ဤအရာအားလုံးသည် ငါ့ဇာတိအဖြစ်၏ ဖော်ပြချက် တစ်စိတ်တစ်ပိုင်းဖြစ်ပြီး၊ ၎င်းသည် ငါ၏ မိန့်မြွက်ချက်ဖြစ်သည်။

ငါသည် အချည်းနှီးသောစကားကို မဆိုဟု ပြောထားပြီးဖြစ်ကာ၊ ငါသည် အမှားများကိုလည်း ပြုခြင်းမရှိ၊ ယင်းသည် ငါ၏ ဘုန်းအာနုဘော်အား ပြသရန် လုံလောက်သည်။ သို့သော်လည်း လူတို့သည် အကောင်းနှင့် အဆိုးကို ခွဲခြားကာ မပြောနိုင်ကြဘဲ၊ ၎င်းတို့အပေါ် ငါ၏ ပြစ်တင်ဆုံးမခြင်း ကျရောက်သောအချိန်မှသာ၊ ၎င်းတို့သည် စေ့စေ့စပ်စပ် ယုံကြည်လက်ခံကြ၏။ ထိုသို့မဟုတ်လျှင် ၎င်းတို့သည် ဆက်၍ ပုန်ကန်ခြင်း၊ ခေါင်းမာခြင်း ရှိကြသည်၊ ထို့ကြောင့် လူသားမျိုးနွယ်တို့အား ပြန်လည်တိုက်ခိုက်ဖို့ရန် ပြစ်တင်ဆုံးမခြင်းကို ငါသည် အသုံးပြုရခြင်း ဖြစ်၏။ လူသားအယူအဆ၌၊ ဘုရားသခင် ကိုယ်တိုင်သာ ရှိသောကြောင့်၊ ငါ့ထံမှ လာသော သားဦးများသည် အဘယ့်ကြောင့် အများအပြား ရှိနေကြသနည်း။ ငါသည် ဤသို့ ပြောနိုင်၏၊ ငါ၏ ကိုယ်ပိုင် အရေးကိစ္စများတွင်၊ ငါ ပြောလိုသောအရာကို ငါ ပြောသည်၊ ထို့ကြောင့် လူတို့သည် ငါ့အား အဘယ်သို့ ပြုလုပ်နိုင်မည်နည်း။ ငါသည် ဤနည်းအားဖြင့်လည်း ဆိုနိုင်သေးသည်၊ သားဦးများနှင့် ငါသည် ပုံသဏ္ဍာန်တစ်ခုတည်း မဟုတ်သော်လည်း၊ ငါတို့သည် တူညီသောဝိညာဉ် ရှိကြ၏၊ ထို့ကြောင့် ၎င်းတို့အားလုံးသည် ငါနှင့်အတူ တညီတညွှတ်တည်း လုပ်ဆောင်နိုင်ကြသည်။ လူအားလုံးတို့ကို ငါ့ဇာတိအဖြစ်၏ အစိတ်အပိုင်းတိုင်းအား အံ့မခန်း ရှင်းလင်းစွာ မြင်တွေ့နိုင်စေလောက်အောင်၊ ငါတို့သည် ပုံသဏ္ဍာန် တစ်ခုတည်းမဟုတ်ကြ၊ ထို့ကြောင့် ငါသည် ငါ၏ သားဦးတို့အား တိုင်းနိုင်ငံအားလုံးနှင့် လူအားလုံးအပေါ် ငါနှင့်အတူ တရားစီရင်ပိုင်ခွင့် ပေးခြင်းဖြစ်၏။ ဤသည်မှာ ငါ၏ စီမံအုပ်ချုပ်ရေးဆိုင်ရာအမိန့်များ၏ အဆုံးသတ်အပိုင်း ဖြစ်သည် (ငါ ပြောသော အဆုံးသတ်အပိုင်းဟူသည် ငါ၏လေသံမှာ ပျော့ပျောင်း၍၊ ငါသည် သားများနှင့် လူတို့အား စတင် ပြောဆိုသည်ကို ဆိုလိုသည်)။ လူအများတို့သည် ဤလက္ခဏာသွင်ပြင်အပေါ်၌ သံသယများ ရှိကြ၏၊ သို့သော်လည်း ၎င်းတို့သည် များစွာ သံသယ မဖြစ်သင့်ပေ။ လူတို့အား အသိရှိစွာဖြင့် အရှက်ရစေရန်နှင့် ရှက်တတ်စေရန်အတွက် ငါသည် လူအားလုံးတို့၏ အယူအဆများကို တစ်ခုချင်းစီ ဖော်ထုတ်လိမ့်မည်။ ငါသည် စကြဝဠာ၏ အဆုံးများအထိ လှည့်လည်ကာ၊ စကြဝဠာ၏ အခြေအနေတစ်ခုလုံးကို လေ့လာ၏။ လူအမျိုးအစားတိုင်းကို ငါသည် စစ်ဆေးကာ၊ ငါ၏ ထိန်းချုပ်မှုမှ လွတ်နိုင်သောသူ တစ်ယောက်မျှ မရှိ။ ငါသည် အရာမျိုးစုံ၌ ပါဝင်၍၊ ငါကိုယ်တိုင် မကိုင်တွယ်သောအရာ တစ်စုံတစ်ခုမျှ မရှိ။ အဘယ်သူသည် ငါ၏ အနန္တတန်ခိုးကို ငြင်းပယ် ဝံ့သနည်း။ အဘယ်သူသည် ငါ့အား လုံးလုံးလျားလျား လက်ခံယုံကြည်ခြင်း မရှိဝံ့သနည်း။ အဘယ်သူသည် ငါ၏ရှေ့၌ လုံးဝ မဝပ်စင်းဘဲ နေဝံ့သနည်း။ ငါ၏ သားဦးများ ကြောင့် ကောင်းကင်အားလုံးသည် ပြောင်းလဲလိမ့်မည် ဖြစ်ပြီး၊ ထို့အပြင် ငါနှင့် ငါ၏ သားဦးများကြောင့် ကမ္ဘာမြေကြီးသည် ပြင်းထန်စွာ တုန်ခါလိမ့်မည်။ လူအားလုံးတို့သည် ငါ၏ ဇာတိအဖြစ်ရှေ့တွင် ဒူးထောက်လိမ့်မည်ဖြစ်ပြီး၊ အရာရာအားလုံးသည် ငါ၏လက်များထဲတွင် အမှားအယွင်း အလျှင်းမရှိ ထိန်းချုပ်ခံရလိမ့်မည်။ လူတိုင်းသည် အကြွင်းမဲ့ ယုံကြည်လက်ခံရမည် ဖြစ်ကာ၊ အရာအားလုံးသည် ငါ၏ အိမ်သို့ လာ၍၊ ငါ့အား အစေခံခြင်းကို ပေးဆပ်ကြရမည်။ ဤသည်မှာ ငါ၏ စီမံအုပ်ချုပ်ရေးဆိုင်ရာ အမိန့်များ၏ နောက်ဆုံးအပိုင်းဖြစ်သည်။ ယခုမှစ၍ ကွဲပြားခြားနားသောလူတို့ကို ပစ်မှတ်ထားသည့် ငါ၏ စီမံအုပ်ချုပ်ရေးဆိုင်ရာအမိန့်များ တစ်ခုစီတိုင်းသည် စတင်၍ ရလဒ်များ ဖြစ်ပေါ်စေလိမ့်မည် (ငါ၏ စီမံအုပ်ချုပ်ရေးဆိုင်ရာအမိန့်များအား အပြည့်အဝ ထုတ်ပြန်ထားသောကြောင့်ဖြစ်၏။ ထို့ပြင် လူအမျိုးမျိုးတိုင်းနှင့် အရာတစ်ခုစီတိုင်း အတွက် သင့်လျော်သော အစီအစဉ်များအား ပြုလုပ်ထားပြီးဖြစ်သည်။ ငါ၏ စီမံအုပ်ချုပ်ရေးဆိုင်ရာ အမိန့်များကြောင့် လူအားလုံးတို့သည် ၎င်းတို့၏ သင့်လျော်သော နေရာတွင် ရှိကာ၊ လူအမျိုးမျိုးတိုင်း၏ စစ်မှန်သော အရောင်များသည် ဖော်ထုတ်ခြင်း ခံရလိမ့်မည်)။ ဤသည်မှာ စစ်မှန်သော၊ အမှန်တကယ်ဖြစ်သော စီမံအုပ်ချုပ်ရေးဆိုင်ရာ အမိန့်များ ပေါ်ပေါက်ခြင်းပင် ဖြစ်သည်။

ယခု ငါသည် ငါ့အမှု၏ ခြေလှမ်းများနောက်သို့ လိုက်ကာ၊ ငါ ပြောလိုသည်ကို ပြောဆိုလျက်ရှိ၍၊ လူတိုင်းတို့သည် ၎င်းကို အလေးအနက်ထားရမည် ဖြစ်သည်။ ခေတ်များတစ်လျှောက်လုံး၌၊ သန့်ရှင်းသောသူတိုင်း၏ နှုတ်မှ ယေရုရှလင်မြို့သစ်ကို ဖေါ်ပြခဲ့ကြ၍၊ လူတိုင်း သိကြ သော်လည်း၊ ဤ စကားရပ်၏ အဓိပ္ပါယ်အစစ်အမှန်ကို မည်သူတစ်ဦးတစ်ယောက်မျှ နားမလည်ကြချေ။ ယနေ့၏အမှုသည် ဤအဆင့်သို့ တိုးတက်နေပြီဖြစ်သောကြောင့်၊ ငါသည် ဤစကားရပ်၏ အဓိပ္ပါယ်အစစ်အမှန်ကို သင်တို့နားလည်စေဖို့ရန် သင်တို့အား ထုတ်ဖေါ်ပြမည် ဖြစ်သည်။ သို့သော်လည်း ငါ့ထံ၌ အကန့်အသတ် ရှိ၏၊ ငါသည် ၎င်းကို မည်မျှပင် ရှင်းပြသည်ဖြစ်စေ၊ ငါသည် မည်မျှပင် ရှင်းလင်းစွာ ပြောဆိုသည်ဖြစ်စေ၊ သင်တို့သည် အပြည့်အဝ နားလည်နိုင်မည် မဟုတ်၊ ဤစကားရပ်၏ လက်တွေ့ဖြစ်တည်ခြင်းဆီသို့ တစ်ဦးတစ်ယောက်မျှ မရောက်ရှိနိုင်သောကြောင့်ဖြစ်၏။ အတိတ်ကာလ၌ ယေရုရှလင်သည် ကမ္ဘာပေါ်ရှိ ငါ၏ နေထိုင်ရာနေရာကို ရည်ညွှန်းခဲ့သည်၊ တစ်နည်းဆိုသော် ငါ သွားလာ လှုပ်ရှားရာ နေရာဖြစ်သည်။ သို့သော်လည်း “အသစ်” ဟူသော စကားလုံးသည် ဤစကားရပ်ကို ပြောင်းလဲစေပြီး၊ ၎င်းသည် လုံးဝ တူညီခြင်း မရှိတော့ပေ။ လူတို့သည် ၎င်းကို အနည်းငယ်မျှပင် နားလည်သဘောပေါက်နိုင်ခြင်း မရှိ။ အချို့သော လူတို့က ၎င်းမှာ ငါ၏ နိုင်ငံတော်ကို ရည်ညွှန်းသည်ဟု ထင်၍၊ အချို့သော လူတို့က ငါ ဖြစ်သော လူဟု ထင်ကြ၏၊ အချို့သော လူတို့က ၎င်းမှာ အသစ်သော ကောင်းကင်နှင့် မြေကြီးဟု ထင်ကြ၏၊ ထို့အပြင် အချို့သော လူတို့သည် ဤကမ္ဘာလောကအား ငါက ဖျက်ဆီးပြီးနောက်၌ ဖြစ်သော လောကအသစ်ဟု ထင်ကြသည်။ လူတစ်ဦး၏ စိတ်သည် ကြွယ်ဝစွာ စိတ်ကူးတတ်၍၊ လူတစ်ဦး၏ စိတ်သည် အလွန့်အလွန် ခက်ခဲရှုပ်ထွေးသည်ဆိုလျှင်ပင်၊ သူသည် ၎င်းနှင့်ပတ်သက်၍ မည်သည်ကိုမျှ သဘောပေါက်နိုင်ဦးမည် မဟုတ်ပေ။ ခေတ်များ တစ်လျှောက်လုံး၌၊ လူတို့သည် ဤ စကားရပ်၏ အဓိပ္ပါယ်အစစ်အမှန်ကို သိဖို့ရန် သို့မဟုတ် မြင်ဖို့ရန် မျှော်လင့်လာခဲ့ကြသော်လည်း၊ ၎င်းတို့၏ ဆန္ဒများကို ပြည့်ဝစေရန် မစွမ်းနိုင်ခဲ့ကြပေ၊ ၎င်းတို့ အားလုံးသည် စိတ်ပျက်အားလျော့ကာ၊ သေဆုံးခဲ့ကြပြီး၊ ၎င်းတို့၏ ပြင်းပြသောဆန္ဒများကို ထားခဲ့ကြရ၏။ ငါ၏ အချိန်သည် ရောက်မလာခဲ့သေး သောကြောင့်၊ ငါသည် မည်သူကိုမျှ လွယ်ကူစွာ မပြောနိုင်ခဲ့ခြင်းဖြစ်သည်။ ငါ၏ အမှုသည် ဤအဆင့်ထိတိုင် ပြီးစီးနေပြီဖြစ်သောကြောင့်၊ ငါသည် သင်တို့အား အရာအားလုံးကို ပြောပြမည်။ ယေရုရှလင်မြို့သစ်ဟူသည်တွင် ဤအရာလေးခု အကျုံးဝင်၏၊ ငါ၏ အမျက်ဒေါသ၊ ငါ၏ စီမံအုပ်ချုပ်ရေးဆိုင်ရာ အမိန့်များ၊ ငါ၏ နိုင်ငံတော်နှင့် ငါ၏ သားဦးများအပေါ်တွင် အပ်နှင်းသော အဆုံးမဲ့ ကောင်းချီးမင်္ဂလာများ ဖြစ်ကြသည်။ ငါသည် “အသစ်” ဟူသော စကားရပ်ကို သုံးရခြင်းအကြောင်းမှာ ဤ အစိတ်အပိုင်းလေးခုတို့သည် ကွယ်ဝှက်ထားသော အစိတ်အပိုင်းများ ဖြစ်ကြသောကြောင့် ဖြစ်သည်။ ငါ၏ အမျက်ဒေါသကိုလည်းကောင်း၊ ငါ၏ စီမံအုပ်ချုပ်ရေးဆိုင်ရာ အမိန့်များကိုလည်းကောင်း မည်သူမျှ မသိဘဲ၊ ငါ၏ နိုင်ငံတော်ကို မည်သူမျှ မြင်ဖူးခြင်းမရှိသည့်အပြင်၊ ငါ၏ ကောင်းချီးမင်္ဂလာများကိုလည်း မည်သူမျှ မွေ့လျော်ဖူးခြင်းမရှိသောကြောင့်၊ “အသစ်” ဟူသည် ကွယ်ဝှက်ထားသော အရာကို ရည်ညွှန်းသည်။ ငါ ပြောခဲ့သောအရာကို တစ်စုံတစ်ဦးမျှ အလုံးစုံ နားလည်နိုင်ခြင်း မရှိပေ၊ အကြောင်းမူကား ယေရုရှလင်မြို့သစ်သည် ကမ္ဘာမြေသို့ ဆင်းသက်နေပြီဖြစ်သော်လည်း၊ ယေရုရှလင်မြို့သစ်၏ လက်တွေ့ဖြစ်တည်ခြင်းကို မည်သူမျှ ကိုယ်တိုင် ကြုံတွေ့ခြင်းမရှိသေးသောကြောင့်ဖြစ်၏။ ၎င်းအား ငါသည် မည်မျှပင် ပြည့်စုံစွာ ပြောဆိုသည်ဖြစ်စေ၊ လူတို့သည် ပြည့်စုံစွာ နားလည်မည်မဟုတ်။ အကယ်၍ တစ်စုံတစ်ဦးက နားလည်သည်ဆိုလျှင်ပင်၊ ယင်းသည် ၎င်းတို့၏ စကားလုံးများ၊ ၎င်းတို့၏ စိတ်နှင့် ၎င်းတို့၏ အယူအဆများသာ ဖြစ်ကြသည်။ ဤသည်မှာ မလွဲဧကန်ဖြစ်သော ဦးတည်ရာဖြစ်၏၊ မည်သူတစ်ဦးတစ်ယောက်မျှ မလွတ်မြောက်နိုင်သည့် တစ်ခုတည်းသော လမ်းကြောင်းဖြစ်၏။

ယခင်က:အခန်း ၁၁၁

နောက်တစ်ခုသို့:အခန်း ၁၁၃

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ