မေးခွန်း (၃) ရှင်ပေါလုရဲ့စကားတွေက ဘုရားသခင်ရဲ့နှုတ်ကပတ်တော်တွေ မဟုတ်ရင်တောင် ဘုရားသခင်ရဲ့ခေါ်ဆိုခြင်း ခံရပြီးနောက်မှာ၊ သူက ဧဝံဂေလိတရား ဝေငှပြီး၊ သူ့လက်ကျန်ဘဝတစ်ခုလုံးကို သခင့်အတွက် ဆင်းရဲဒုက္ခခံခဲ့တယ် ဝေးလံတဲ့အထိ သွားလာပြီး၊ အသင်းတော်ကို တည်ထောင်ဖို့ ကြိုးကြိုးစားစားဆောင်ရွက်ခဲ့တယ်။ တော်တော်ကြီးတဲ့ အဖိုးအခကို ပေးဆပ်ခဲ့တာပါ အသင်းတော်အတွက် သူ ဆောင်ရွက်တာတွေက မျက်စိနဲ့ မြင်နိုင်လောက်အောင် သိသာပါတယ် သခင့်အပေါ် သူ့ယုံကြည်မှုနဲ့ သခင့်အတွက် သူ ဒုက္ခခံခဲ့ပုံတွေက ခရစ်ယာန်ဘာသာဝင်တွေအားလုံးအတွက် ပုံသက်သေတစ်ခုပဲ ဒီအချက်တွေကို ခင်ဗျား လက်မခံဘူးလား။
အဖြေ- ပေါလုရဲ့စာတွေထဲမှာ ဧဝံဂေလိတရားကို သူ ဘယ်လိုဝေငှတယ် ဘယ်လို ဒုက္ခဆင်းရဲခံခဲ့တယ်ဆိုတာတွေကို ဖတ်မိပေမယ့် ပေါလုရဲ့သဘာဝနဲ့ အနှစ်သာရကို နားမလည်တဲ့သူတွေ ဘယ်လောက်တောင် များနေတာလဲ သခင်ယေရှုက သူ့ရဲ့အမှုတော်ဆောင်ရွက်တဲ့အခါတုန်းက၊ ပေါလုဟာ သမ္မာတရားကို မုန်းတီးပြီး၊ သခင်ယေရှုကို ဆန့်ကျင်ခဲ့တဲ့ အဓိကတရားခံဆိုတာ အားလုံး သိပါတယ် ဒါက ပေါလုကိုယ်တိုင် မငြင်းရဲခဲ့တဲ့အရာတစ်ခုပါ သခင်ယေရှုက တရားတော်တွေအများကြီး ဟောပြောခဲ့သလို၊ အံ့ဖွယ်အမှုများစွာကိုလည်း လုပ်ဆောင်ခဲ့တာပါ ဒါကိုတောင် ပေါလုက သခင်ယေရှုကို ဘာကြောင့် မုန်းတီးဆန့်ကျင်ခဲ့သေးတာလဲ သူက သခင်ယေရှုရဲ့တပည့်တွေကို ဘာလို့ တယူသန် နှိပ်စက်ညှဉ်းပန်းပြီး လိုက်ဖမ်းခဲ့တာလဲ ပေါလုရဲ့သဘာဝနဲ့ အနှစ်သာရဟာ သမ္မာတရားနဲ့ ဘုရားသခင်ကို မုန်းတီးခြင်းပဲဖြစ်ခဲ့တယ်ဆိုတာ ဒါက အထောက်အထားပါပဲ ယဇ်ပုရောဟိတ်တွေနဲ့ ဖာရိရှဲတွေရဲ့ အကျိုးစီးပွားကို ကာကွယ်ဖို့ သူဘာလို့ အရမ်းကြိုးစားခဲ့တာလဲ။ သူက ဂျူးဘာသာတရားအပေါ် ဘာလို့ သစ္စာရှိခဲ့တာလဲ ဒါက သူ့စိတ်နှလုံးဟာ သူ့နေရာအဆင့်အတန်းအတွက်ပဲ စဉ်းစားပြီး၊ ဘုရားသခင်အတွက် မစဉ်းစားဘူးဆိုတာပြတာပဲ သူ့နေရာအဆင့်အတန်းကို မြှင့်တင်ဖို့အတွက်၊ စစ်မှန်တဲ့ဘုရားသခင်ကို ဆန့်ကျင်ခဲ့သလို၊ ယုံကြည်သူတွေကို နှိပ်စက်ညှဉ်းပန်းခဲ့တယ် သူက ဂျူးဘာသာတရားကနေ ဆုလာဘ်တွေကို ဖြစ်တဲ့နည်းနဲ့ ရချင်ခဲ့တာပါ သူဟာ ဘယ်လိုလူမျိုးလဲဆိုတာ ပြောဖို့မခက်ပါဘူး ပေါလုဟာ သခင့်ရဲ့ဆင့်ခေါ်မှုကို လက်ခံပြီး၊ ဧဝံဂေလိတရား ဝေငှခဲ့ရတာက ဘယ်လိုအခြေအနေမျိုးမှာလဲ သခင်ယေရှုရဲ့တပည့်တွေကို သူက အယူသီးစွာ နှိပ်စက်ညှဉ်းပန်းပြီး၊ လိုက်ဖမ်းနေတဲ့အချိန်မှာ သခင့်အနေနဲ့ ပေါလုဆီကို ကောင်းကင်ထက်ကနေ ထင်ရှားပြဖို့ကလွဲပြီး တခြားရွေးစရာမရှိခဲ့ဘူးလေ သခင်က သူ့ကို ကြီးစွာသောအလင်းတစ်ခုနဲ့ မျက်စိကွယ်စေပြီး ဒူးထောက်စေခဲ့တယ် ပေါလုက သခင့်အပေါ် သစ္စာရှိတာကြောင့်၊ သခင်က သူ့ကို ထင်ရှားပြခဲ့တာ မဟုတ်ပါဘူး သူ့ကို ပြစ်ဒဏ်ပေးခြင်းတစ်စိတ်တစ်ပိုင်းအဖြစ် ထင်ရှားပြခဲ့တာပါ။ သခင့်မှာ ရွေးချယ်စရာမရှိခဲ့ဘူး သခင်ယေရှုက သူ့ရှေ့မှောက် ထင်ရှားပြခဲ့လို့သာ၊ ပေါလုက သခင်ယေရှုအတွက် ပေးဆပ်ပြီး၊ ဆင်းရဲဒုက္ခခံခဲ့ရတာပါ သူ့ရဲ့ရည်မှန်းချက်က အပြစ်ဖြေခြင်းသာဖြစ်ခဲ့တယ်။ သခင်က အလွန်တရာ ဘုန်းတော်ကြီးမြတ်ပြီး၊ သူ့ကို မျက်စိကွယ်စေနိုင်တာ၊ ဒူးထောက်စေခိုင်းနိုင်တာတွေကို သူ တွေ့ခဲ့ရတယ် သူ့ကို အပြစ်ဒဏ်ပေးပြီး၊ ငရဲပို့မှာကို ကြောက်ခဲ့တာပါ။ ဒါကြောင့် သခင့်အတွက် စွန့်လွှတ်အနစ်နာခံခဲ့တာ သခင်ယေရှုကသာ သူ့ကို ထင်ရှားမပြခဲ့ရင် သခင်ယေရှုကို ဆန့်ကျင်တဲ့ သူ့ရဲ့ဆိုးယုတ်တဲ့သဘာဝအရ သူဟာ သခင့်နောက်ကိုလိုက်ပြီး၊ သခင့်အတွက် စွန့်လွှတ်အနစ်နာခံခဲ့ပါ့မလား လုံး၀ ဖြစ်နိုင်မှာမဟုတ်ဘူး ဒါ့ကြောင့် သခင်ယေရှုအပေါ် ပေါလုမှာ အမှန်တကယ်ယုံကြည်မှုမရှိခဲ့ဘူး။ သူ့ရဲ့ဒုက္ခဆင်းရဲနဲ့စွန့်လွှတ်အနစ်နာခံမှုတွေဟာ စိတ်ပါလက်ပါနဲ့လုပ်ခဲ့တာမဟုတ်ဘူး။ သူ့မှာ ရွေးစရာမရှိခဲ့ဘူး။ သူ့ကို အတင်းအကြပ်စေခိုင်းလို့ပါပဲ။
နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ
