အဖြေ- ပေါလုဟာ သမ္မာတရားကို မုန်းတီးပြီး၊ ဘုရားသခင်ကို ဆန့်ကျင်ခဲ့ခြင်းရှိမရှိဆိုတာကို ပြနိုင်တဲ့ အချက်တွေရှိပါတယ် သခင်ယေရှုဟာ သူ့ရဲ့အမှုတော်ကို ဆောင်ရွက်ခဲ့တုန်းက၊ သမ္မာတရားများစွာကို ဖော်ပြခဲ့တယ်၊ အံ့ဖွယ်အမှုများစွာကို ပြသခဲ့သလို၊ ယုဒပြည်သူအားလုံးကို တုန်လှုပ်စေခဲ့တာပါ သခင်ယေရှုရဲ့အမှုတော်အားလုံးဟာ ဘုရားသခင်ဆီက လာတယ်ဆိုတာကို ပေါလုလို အရည်အချင်းရှိသူတစ်ယောက်အနေနဲ့ သိခဲ့သင့်တယ် ဒါပေမဲ့ ပေါလုက သခင်ယေရှုရဲ့လမ်းခရီးကို လုံး၀ မရှာဖွေ၊ မလေ့လာခဲ့ဘူး အဲဒီအစား သူက တစ်နေရာနဲ့ တစ်နေရာကူးပြီး၊ သခင်ယေရှုကို လူသိရှင်ကြား ဆန့်ကျင်ပြောဆိုခဲ့တယ် သခင်ယေရှု ကားတိုင်မှာ ကွပ်မျက်ခံရတဲ့အခါ နေရောင် မှောင်မိုက်သွားတယ်၊ မြေကြီး လှုပ်တယ်၊ ဗိမာန်တော်ရဲ့ကန့်လန့်ကာဟာ အထက်စွန်းကနေ အောက်စွန်းတိုင်အောင် စုတ်ကွဲခဲ့တယ် သခင်ယေရှုသေဆုံးပြီး ရက်လေးဆယ်အကြာမှာ ရှင်ပြန်ထမြောက်ပြီး ကိုယ်ထင်ရှားပြသခဲ့တယ်။ အဲဒီကြီးစွာသောအံ့ဖွယ်အမှုနှစ်ခုက ယုဒပြည်သူအားလုံးကို တုန်လှုပ်စေခဲ့တယ်။ သခင့်ရဲ့တပည့်တွေကလည်း အံ့ဖွယ်အမှုများစွာကို သူ့နာမတော်နဲ့ လုပ်ဆောင်ပြခဲ့တယ် ဒါတွေအားလုံးကို တွေ့ရတာတောင် ပေါလုက သခင်ယေရှုကို ဘုရားသခင်အဖြစ် အသိအမှတ်မပြုခဲ့တဲ့အပြင် ဘုရားသခင်အပေါ် တမင်သက်သက် ဆန့်ကျင်မှုကို အရှိန်အဟုန်မြှင့်ခဲ့တယ် သူက ယဇ်ပုရောဟိတ်ကြီးဆီကနေ စာတွေ တောင်းဆိုပြီး၊ သခင်ယေရှုရဲ့တပည့်တွေကို အယူသီးစွာ ဆန့်ကျင်ခဲ့တယ်။ နှိပ်စက်ညှဉ်းပန်းခဲ့တယ် သခင်ယေရှုရဲ့နောက်လိုက်အားလုံးကို သူ သတ်လို့မပြီးမချင်း ကျေနပ်မယ့်ပုံမရတဲ့အပြင်၊ သေတဲ့အထိ ဆန့်ကျင်ဖို့ ဆန္ဒရှိခဲ့ပုံရတယ် အဲဒီအချက်တွေက ပေါလုဟာ ဘုရားသခင်ကို တမင်တကာ ဆန့်ကျင်ခဲ့ပြီး၊ ဘုရားသခင်ရဲ့အမှုတော်ကို အသည်းအသန် နှောင့်ယှက်ဟန့်တားခဲ့တယ်ဆိုတာ သက်သေပြဖို့ လုံလောက်ပါတယ် သူ့ရဲ့သဘာဝနဲ့အနှစ်သာရက သမ္မာတရားကိုမုန်းတီးခြင်းနဲ့ ဘုရားသခင်ကို ဆန့်ကျင်ခြင်းသာဖြစ်တယ်။ အဲဒီလိုသာမဟုတ်ရင် သမ္မာတရားကိုဖော်ပြခဲ့တဲ့ သခင်ယေရှုကို သူ့ရန်သူအဖြစ် သဘောထားနိုင်ခဲ့ပါ့မလား အနန္တတန်ခိုးရှင်ဘုရားသခင်က ပေါလုရဲ့သဘာဝနဲ့အနှစ်သာရကို ဘယ်လိုဖော်ထုတ်ပြလဲဆိုတာ ကြည့်ကြရအောင် အနန္တတန်ခိုးရှင်ဘုရားသခင်ပြောသည် “ပေါလုအကြောင်း ပြောရာတွင်၊ သင်တို့သည် သူ၏ သမိုင်းကြောင်းကို တွေးတောမည်ဖြစ်ပြီး သူ၏ အချို့သော အဖြစ်အပျက်များသည် တိကျမှန်ကန်မှု မရှိဘဲ၊ အရှိတရားနှင့် ကင်းကွာနေသည်။ ပေါလုသည် ငယ်စဉ်ကတည်းကပင် သူ့မိဘများ၏ သွန်သင်ခြင်းကို ခံခဲ့ရပြီး ငါ၏အသက်ကို လက်ခံရရှိခဲ့ကာ ငါကြိုတင်ခွဲခန့်မှတ်သားထားခြင်း၏ အကျိုးဆက်အနေဖြင့် သူသည် ငါတောင်းဆိုသော အရည်အသွေးနှင့် ပြည့်စုံခဲ့သည်။...မည်သို့ပင်ဆိုစေ ပေါလု၏ တစ်ခုသော အပြစ်အနာအဆာမှာ သူ၏ စွမ်းရည်များကြောင့် သူသည် မကြာခဏပင် ရွှန်းရွှန်းဝေအောင် ပြောဆိုပြီး လေလုံးထွားတတ်ခြင်းပင် ဖြစ်သည်။ အကျိုးဆက်အနေနှင့် တစ်စိတ်တစ်ပိုင်းသည် ကောင်းကင်တမန်မင်းကို တိုက်ရိုက် ကိုယ်စားပြုသော သူ၏ မနာခံမှုကြောင့် ငါသည် ပထမအကြိမ် လူ့ဇာတိကို ခံယူခဲ့သောအခါ၊ သူသည် ငါ့ကို အာခံရန် အစွမ်းကုန် လုပ်ဆောင်ခဲ့လေသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ၊ အခန်း (၄)) “အကြောင်းမှာ အစအဦး၌ သူသည် ခရစ်တော်ကို နှိပ်စက်ညှဉ်းပန်းခဲ့ပြီး၊ ခရစ်တော်ကို ကျိုးနွံနာခံခြင်း မရှိခဲ့သောကြောင့် ဖြစ်သည်။ သူသည် ပင်ကိုအားဖြင့် ခရစ်တော်အား တမင်တကာ ညှဉ်းဆဲသော ပုန်ကန်သူတစ်ဦးဖြစ်ခဲ့ပြီး၊ သန့်ရှင်းသော ဝိညာဉ်တော်၏ လုပ်ဆောင်ခြင်းနှင့် ပတ်သက်၍ အသိပညာ မရှိခဲ့သူ တစ်ဦးဖြစ်သည်။ သူ့အလုပ် အဆုံးသတ်ခါနီးတွင်၊ သူသည် သန့်ရှင်းသော ဝိညာဉ်တော်၏ လုပ်ဆောင်ခြင်းကို မသိခဲ့သေးသကဲ့သို့၊ သန့်ရှင်းသော ဝိညာဉ်တော်၏ အလိုကို စိုးစဉ်းမျှ အရေးမထားဘဲ၊ သူ၏ ပင်ကိုစရိုက်နှင့်အညီ မိမိ ဆန္ဒအလျောက် ပြုမူရုံမျှ ပြုမူခဲ့သည်။ ထို့ကြောင့် သူ၏ သဘာဝသည် ခရစ်တော်ကို မလိုမုန်းထားစိတ်ရှိခဲ့ပြီး၊ သမ္မာတရားကို မနာခံခဲ့ပေ။ သန့်ရှင်းသော ဝိညာဉ်တော်၏ လုပ်ဆောင်ချက်က စွန့်ပယ်ခြင်း ခံခဲ့ရပြီးသူ၊ သန့်ရှင်းသော ဝိညာဉ်တော်၏ လုပ်ဆောင်ချက်ကို မသိသူနှင့် ခရစ်တော်ကို ဆန့်ကျင်သူဖြစ်သည့် ထိုသို့သော လူတစ်ဦးသည် အဘယ်သို့ ကယ်တင်ခံရနိုင်မည်နည်း။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အောင်မြင်မှု သို့မဟုတ် ရှုံးနိမ့်မှုသည် လူလျှောက်သော လမ်းကြောင်းအပေါ်တွင် မူတည်သည်) ညီအစ်ကိုမောင်နှမတို့၊ အနန္တတန်ခိုးရှင်ဘုရားသခင်ရဲ့နှုတ်ကပတ်တော်တွေဟာ ပေါလုရဲ့အနှစ်သာရကို တော်တော် ရှင်းရှင်းလင်းလင်း ဖော်ထုတ်ပြထားတာပါ ပေါလုဟာ ခရစ်တော်ကို တမင်သက်သက်ဆန့်ကျင်ခဲ့တဲ့ ဘုရားသခင်ရဲ့ရန်သူတစ်ယောက် ဖြစ်ခဲ့တယ် တကယ်တမ်းတော့ ပေါလုဟာ သခင်ယေရှုကို လုံးဝမသိရှိခဲ့ပါဘူး သူက သခင်ယေရှုကို အယူသီးစွာ ဆန့်ကျင်ခဲ့တာပါ ဒါက သူဟာ ဘုရားသခင်ကို မုန်းတီးခဲ့သလို၊ သခင်ယေရှု ဖော်ပြခဲ့တဲ့ သမ္မာတရားတွေကိုလည်း မုန်းတီးခဲ့တာကြောင့်ပဲ ဒါကြောင့် ပေါလုရဲ့သဘာဝနဲ့ အနှစ်သာရဟာ သမ္မာတရားကို မုန်းတီးခြင်းနဲ့ ဘုရားသခင်ကို ဆန့်ကျင်ခြင်းသာ ဖြစ်ခဲ့တယ်

နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ