မေးခွန်း (၆) ခင်ဗျား ပြောနေတာတွေအားလုံးက သခင့်ရဲ့ဆင့်ခေါ်မှုကို လက်မခံရသေးခင်မှာ ရှင်ပေါလု ကျူးလွန်ခဲ့တဲ့ အပြစ်တွေပါ ဒါပေမဲ့ ကြီးစွာသောအလင်းကို မြင်ရပြီးနောက်မှာ၊ သူက နေရာအနှံ့သွားလာပြီး သခင့်ရဲ့ဧဝံဂေလိကို ဝေငှခဲ့တယ် သူက အသင်းတော်တွေကို ဘယ်လောက်အထိ တည်ထောင်ခဲ့တယ်၊ သခင်ယေရှုရဲ့ကယ်တင်ခြင်းကို လက်ခံအောင် သူ လမ်းပြခဲ့သူတွေ ဘယ်လောက်များခဲ့တယ်ဆိုတာတောင် ကျွန်တော်တို့ မသိဘူး ယုံကြည်သူတွေကို ထောက်ပံ့တဲ့အနေနဲ့ စာတွေအများကြီးလည်း သူ ရေးခဲ့တယ် ရှင်ပေါလုက နောင်တရနေခဲ့ပြီဆိုတာကို ဒါက ပြတယ် သခင့်ဆီကို ပြန်မသွားမီက သူ့ရဲ့လုပ်ဆောင်မှုတွေကို အခြေခံပြီး သူဟာ သခင်ယေရှုရဲ့ရန်သူတစ်ယောက် ဖြစ်ခဲ့တယ်လို့ ကောက်ချက်ချလို့ မရဘူး
အဖြေ- ကြီးစွာသောအလင်းကို မြင်ရပြီးနောက်မှာ၊ ပေါလုက နှစ်ပေါင်းများစွာ ဧဝံဂေလိတရား ဝေငှပြီး၊ စာတွေအများကြီး ရေးခဲ့တာ မှန်ပါတယ် ဒါပေမယ့် ဒါက သူတကယ်နောင်တရခဲ့တာလို့ မဆိုလိုဘူး။ သူ လုပ်ခဲ့တဲ့ ဆိုးယုတ်တဲ့ အမူအကျင့်ကို အမှန်တကယ် ပြန်ဆင်ခြင်ပြီး သိခဲ့ပါတယ်ဆိုတာကို ညွှန်ပြတာမျိုးက သူ့စာတွေထဲမှာ ဘယ်နေရာမှာမှ မပါဘူး သခင်ယေရှုကို အယူသန်သန်နဲ့ ဆန့်ကျင်ခဲ့တာတွေ၊ သူ့တပည့်တွေကို နှိပ်စက်ညှဉ်းပန်းခဲ့တာတွေလေ သူဟာ အပြစ်သားအားလုံးမှာ အထင်ရှားဆုံးဖြစ်ခဲ့တယ်ဆိုတာလောက်ပဲ အသိအမှတ်ပြုခဲ့တာပါ သူ့ကိုယ်ပိုင်သဘာဝနဲ့ အနှစ်သာရကို လုံးဝမဖော်ပြခဲ့ဖူးတဲ့အပြင် သခင်ယေရှုကို ဘာကြောင့် ဆန့်ကျင်ခဲ့တယ်၊ သူ့ရည်ရွယ်ချက်က ဘာဆိုတာကိုလည်း လုံး၀ မပြောခဲ့ဘူး အဲဒီအကြောင်းအရာတွေကို စာထဲမှာ လုံးဝမရေးခဲ့ဘူးဆိုတဲ့အချက်က သူဟာ လုံးဝကို နောင်တမရခဲ့ဘူးဆိုတဲ့ အဓိပ္ပာယ် မဟုတ်ဘူးလား ပေါလုဟာ ဘာကြောင့် သခင်ယေရှုရဲ့ခေါ်ဆိုမှုကို ဖြေဆိုပြီး၊ သခင့်အတွက် အမှုထမ်းနိုင်ခဲ့တာလဲ တကယ်တော့ တခြားရွေးချယ်စရာ မရှိခဲ့လို့ပဲ သခင်ယေရှုရဲ့ခေါ်ဆိုမှုကို လက်မခံခဲ့ရင်၊ အပြစ်ဒဏ်ပေးခြင်းနဲ့ သေချာပေါက်သေဆုံးခြင်းကို ရင်ဆိုင်ရမယ်ဆိုတာ ပေါလု သိခဲ့တယ် သူ့အပြစ်တွေအတွက် အပြစ်ဖြေချင်တာကြောင့်သာ၊ ဧဝံဂေလိကို ဝေငှပြီး၊ ဆင်းရဲဒုက္ခနည်းနည်းလောက်ကို ခံနိုင်ခဲ့တာပါ အပြစ်ဖြေခြင်းကိုပဲရှာတဲ့ လူတစ်ယောက်ဟာ ဘယ်လိုလုပ် နောင်တအစစ်အမှန်ရနိုင်မှာလဲ။ နောက်ပြီးတော့၊ ပေါလု ဧဝံဂေလိဝေငှပြီး အမှုတော် ထမ်းနေချိန်မှာ၊ သခင်ယေရှုကို ဂုဏ်တင်ချီးကျူးတာတို့၊ သက်သေခံတာတို့ လုံးဝမလုပ်ခဲ့ဘူးဆိုတာကို ပေါလုရဲ့စာတွေထဲမှာ ရှင်းရှင်းလင်းလင်း မြင်နိုင်ပါတယ် သခင်ယေရှုကလူတွေကို ဘယ်လိုရွေးနုတ်ခဲ့တယ်၊ ထောက်ပံ့ခဲ့တယ်၊ ဦးဆောင်ခဲ့တယ်ဆိုတဲ့အကြောင်းတွေကို သူဘယ်တော့မှ သက်သေမခံခဲ့ဘူး။ သခင်ယေရှုက ဘယ်လို လမ်းခရီးဖြစ်တယ်၊ သမ္မာတရားဖြစ်တယ်၊ အသက်လည်းဖြစ်တယ် ဆိုတာတွေ သူဟာ ဘုရားသခင်ရဲ့ပေါ်ထွန်းခြင်းဖြစ်တယ်၊ အမှုတော်ကို ကိုယ်တိုင်ဆောင်ရွက်တဲ့ လူ့ဇာတိခံ ဘုရားသခင် ဖြစ်တယ်ဆိုတာတွေကိုလည်း လုံးဝကို သက်သေမခံခဲ့ဘူး သခင်ယေရှုရဲ့ချစ်မြတ်နိုးဖွယ် အရည်အသွေးတွေကို လုံး၀ သက်သေမခံခဲ့သလို လူတွေကို ကယ်တင်ဖို့အတွက် သခင်ယေရှုဟာ ဆင်းရဲဒုက္ခနဲ့ အရှက်တကွဲဖြစ်ခြင်းတွေကို ဘယ်လိုခံစားခဲ့ရတယ်ဆိုတာကိုလည်း သက်သေမခံခဲ့ဖူးဘူး တစ်ချိန်က သခင်ယေရှု ဖော်ပြခဲ့တဲ့ သမ္မာတရားတွေ၊ သူ ပြောခဲ့သမျှအရာတွေကိုလည်း ဟောပြောတာ သက်သေခံတာ လုံး၀ မရှိခဲ့ဘူး သခင်ယေရှုရဲ့နှုတ်ကပတ်တော်တွေကို လိုက်နာအောင် တခြားယုံကြည်သူတွေကို အားပေးတာမျိုးလည်း တစ်ခါမှမရှိခဲ့ဘူး သခင်ယေရှု ဖော်ပြခဲ့တဲ့ သမ္မာတရားတွေနဲ့အညီ၊ သခင့်နောက်ကို လိုက်ရမယ်၊ အမှုထမ်းပြီး သက်သေခံရမယ်လို့လည်း တစ်ခါမှ မပြောခဲ့ဘူး သခင်ယေရှုရဲ့အမှုတော်နဲ့ စစ်မှန်တဲ့အကျိုးသက်ရောက်မှုတွေအကြောင်း အနှစ်သာရကိုလည်း လုံးဝကို မပြောခဲ့ပါဘူး ကောင်းကင်နိုင်ငံတော်ဆီ ဝင်ရောက်ဖို့အတွက် ကောင်းကင်ဘုံက အဖရဲ့အလိုကို လူတွေ ဘယ်လိုဆောင်ရွက်သင့်တယ်ဆိုတာလည်း မပြောခဲ့ပါဘူး အဲဒါတွေအစား၊ သခင်ယေရှုရဲ့အမှုတော်ကို သူ့စိတ်ကူးတွေနဲ့အညီ ရှင်းပြခဲ့တယ်။ သခင်ယေရှုရဲ့နှုတ်ကပတ်တော်တွေကို တလွဲအနက်ဖော်ခဲ့တယ် သူ ပြောခဲ့တဲ့ စကားတော်တော်များများဟာ ကျေးဇူးတော်ခေတ်က ဘုရားသခင်ရဲ့အမှုတော်ကို ဆိုးဆိုးဝါးဝါး ကြားဖြတ်နှောင့်ယှက်ခဲ့တာပါ ဒါက သူ တကယ်ပဲ နောင်တရခဲ့တယ်ဆိုတာကို သက်သေပြလို့လား ပေါလုရဲ့လုပ်ဆောင်မှုက ယုံကြည်သူတွေကို သခင်ယေရှုရှေ့မှောက် မခေါ်ဆောင်ခဲ့ပါဘူး သူဟာ လူတွေကို သခင်ယေရှုရဲ့နှုတ်ကပတ်တော်တွေနဲ့ တွေ့ကြုံစေဖို့ ဦးဆောင်ခဲ့ခြင်းမရှိသလို၊ သခင်ယေရှုဟာ ဘုရားသခင်ရဲ့ပေါ်ထွန်းခြင်း ဖြစ်တယ်ဆိုတာကိုလည်း မသိရှိစေခဲ့ဘူး အဲဒီအစား သူ့ကိုယ်သူ ဂုဏ်တင်ချီးကျူးပြီး သက်သေခံခဲ့တာပါ ယုံကြည်သူတွေကို သူ့ရှေ့ခေါ်ပြီးတော့ သူ့ကိုပဲချစ်မြတ်နိုးအောင်လုပ်ခဲ့တယ် ဒါဟာ ဖာရိရှဲတွေလျှောက်ခဲ့တဲ့လမ်းကြောင်းနဲ့ အတူတူပဲမဟုတ်ဘူးလား ပေါလုဟာ တစ်ခါမှ အမှန်တကယ် နောင်တမရခဲ့ဘူးဆိုတာ သက်သေပြဖို့ ဒီအချက်တွေက လုံလောက်ပါတယ်
နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ
