အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

သုံးဆယ့်လေးခုမြောက်သော မိန့်မြွက်ချက်

တစ်ခါတုန်းက ငါသည် လူသားကို ငါ၏အိမ်သို့ ဧည့်သည်အဖြစ် ဖိတ်ခေါ်ခဲ့သော်လည်း သူ့ကိုဧည့်သည်အဖြစ် ဖိတ်ခြင်းထက် ငါသည်သူ့ကို လူသတ်ကွင်းထဲသို့ ခေါ်ဆောင်ဘိသည့်အလား သူသည် ငါ၏ခေါ်သံကြောင့် ဟိုဟိုသည်သည် ပြေးလေသည်။ ဤသို့လျှင် လူသားသည် ငါ့ကိုအမြဲရှောင်ဖယ်လျက် သူသည် ငါ့ကို အစဉ်တားဆီး ကာကွယ်သောကြောင့် ငါ၏အိမ်သည် ဟင်းလင်းဖြစ်လေသည်။ ဤအရာသည် ငါ၏အမှု တစ်စိတ်တစ်ပိုင်းကို ဆောင်ရွက်ခြင်းငှာ မည်သည့်နည်းလမ်းမျှ မရှိဘဲဖြစ်စေသည်၊ ဆိုလိုသည်မှာ လူသားသည် ဤစားသောက်ပွဲကို မွေ့လျော်ရန်မလိုလားသောကြောင့် ငါသည်သူ့အတွက်ပြင်ဆင်ထားသော စားသောက်ပွဲကို ရုတ်သိမ်းခြင်းကဲ့သို့ဖြစ်ပြီး ငါသည်သူ့ကို မွေ့လျော်ရန် အတင်းမတိုက်တွန်းပေ။ သို့သော် လူသားသည် မိမိမှာ ဆာလောင်မှုဖြင့် ဝိုင်းရံဖိဆီးခံရသည်ကို ရုတ်တရက် သိရှိသောအခါ သူသည် ငါ၏တံခါးကိုခေါက်လျက် ငါ့ကို အကူအညီတောင်းလျက်ရှိရာ သူ့ကို ဤသို့သော သေရေးရှင်ရေး အကြပ်အတည်း၌ တွေ့ရသောအခါ ငါသည် အဘယ်သို့ မကယ်ဘဲရှိနိုင်မည်နည်း။ ဤသို့လျှင် ငါသည် လူသားအတွက် စားသောက်ပွဲကို သူစားသောက်မွေ့လျော်ရန် တဖန်ပြင်ဆင်လေသည်၊ ထိုမှသာလျှင် ငါသည် အဘယ်မျှနှစ်လိုဖွယ်ဖြစ်သည်ကို သူခံစားရပြီး ဤသို့လျှင် သူသည် ငါ့ကိုအမှီပြုလာသည်။ ထို့နောက် သူ့အပေါ်ရှိ ငါ၏သဘောထားကြောင့် သူသည် “သံသယမရှိဘဲ” ငါ့ကိုတဖြည်းဖြည်း ချစ်လာကာ ငါသည်သူ့ကို “မီးသင်္ဂြိုလ်ရာပြည်”သို့ ပို့လိမ့်မည်အကြောင်းမှာ ငါ၏အလိုမဟုတ်သောကြာင့် သူသည် သံသယမရှိတော့ပေ။ ထို့ကြောင့် ငါ၏နှလုံးသားကို တွေ့မြင်ပြီးမှသာလျှင် လူသားသည် ငါ့ကို အမှန်တကယ် အမှီပြုလေသည်၊ ဤသည်မှာ သူသည် အဘယ်မျှ “သတိရှိသည်” ကို ပြသ၏။ သို့တိုင်အောင် ငါသည် လူကို သူ၏ကောက်ကျစ်မှုကြောင့် သတိရှိသည်မဟုတ်ဘဲ ငါ၏ နွေးထွေးသော ပွေ့ဖက်မှုဖြင့် လူတို့၏နှလုံးသားတို့ကို ရွှေ့စေသည်။ ဤသည်မှာ ငါယခု ဆောင်ရွက်နေသည့် အရာ မဟုတ်သလော။ ဤသည်မှာ ပစ္စုပ္ပန်အဆင့်ရှိ လူတို့၌ ပေါ်လွင်ထင်ရှားသည့် အရာမဟုတ်သလော။ သူတို့သည် အဘယ်ကြောင့် ထိုကဲ့သို့သော အရာတို့ကို ဆောင်ရွက်နိုင်ကြသနည်း။ သူတို့သည် အဘယ်ကြောင့် ထိုကဲ့သို့သော ခံယူချက် ပိုင်ဆိုင်ထားသနည်း။ ဤသို့ဖြစ်ခြင်းမှာ သူတို့သည် ငါ့ကို အမှန်တကယ် သိခြင်းကြောင့်လော။ သူတို့တွင် ငါ့အတွက် မကုန်နိုင်သော ချစ်ခြင်းမေတ္တာ အမှန်တကယ် ရှိခြင်းကြောင့်လော။ ငါ့ကိုချစ်ရန် အဘယ်သူကိုမျှ ငါအတင်းမပြု၊ သို့သော် သူတို့၏ကိုယ်ပိုင်ရွေးချယ်မှု ပြုရန် လွတ်လပ်ခွင့်သာပေးသည်၊ ဤတွင် ငါသည် ဝင်ရောက်မစွက်ဖက်သကဲ့သို့ သူတို့၏ ကံကြမ္မာနှင့်ပတ်သက်သည့် ရွေးချယ်မှုများကို ချမှတ်ရာ၌လည်း မကူညီပေ။ လူတို့သည် ငါ့ရှေ့တွင် သူတို့၏ သန္နိဋ္ဌာန်ကို ချကြသည်၊ ၎င်းကို ငါစစ်ဆေးရန် ငါ့ရှေ့သို့ ယူဆောင်လာကြသည်၊ ထို့နောက် ငါသည် “လူ၏ သန္နိဋ္ဌာန်” ပါဝင်သော အိတ်ကို ဖွင့်ဟလိုက်သောအခါ အတွင်း၌ ရောပုံထားသော အရာတို့ကို တွေ့ရသည်။ သို့သော် အတွင်း၌ရှိသော အရာတို့မှာ အတော်အတန် “ရက်ရက်ရောရော” ဖြစ်ပြီး လူတို့သည် သူတို့၏ “သန္နိဋ္ဌာန်” ကို ငါနုတ်ယူလိုက်မည်ကို အလွန်ကြောက်ရွံ့နေကြ၍ ငါ့ကို မျက်လုံး အပြူးသားနှင့် ကြည့်ကြသည်။ သို့သော် လူ၏ အားနည်းချက်ကြောင့် အစအဦးတွင် ငါသည် တရားစီရင်ခြင်း မပြုပေ၊ ထိုအစား ငါသည် အိတ်ကိုပိတ်လျက် ငါလုပ်သင့်သည့် အလုပ်ကို ဆက်လက်၍ ဆောင်ရွက်လေသည်။ သို့သော် လူသားသည် ငါ၏အမှု နောက်ပိုင်းတွင် ငါ၏လမ်းပြမှုသို့ မဝင်ရောက်ကြဘဲ သူ၏သန္နိဋ္ဌာန်သည် ငါ၏ချီးမွှမ်းခြင်း ခံရပြီလောဟု ဆက်လက်၍ စိတ်ပူပန်ခြင်း ရှိလေသည်။ ငါသည် အမှုများစွာတို့ကို ဆောင်ရွက်ပြီးပြီ၊ များစွာသော နှုတ်ကပတ်တော်တို့ကို မိန့်ဆိုပြီးပြီ၊ သို့သော် ခုချိန်ထိ လူသားသည် ငါ၏ အလိုကို နားလည်ရန် ဆက်လက် မစွမ်းနိုင်သေး၊ ထိုသို့ဖြင့် သူ၏ စိတ်ရှုပ်ထွေးစေသော လုပ်ရပ်တိုင်းသည် “ငါ၏ခေါင်းကို ချာချာလည်” စေသည်။ သူသည် အဘယ်ကြောင့် ငါ၏အလိုကို အစဉ်နားလည်နိုင်စွမ်း မရှိဘဲ သူကြိုက်သည်အတိုင်း အကြောင်းအရာတို့ကို မဆင်မခြင် ပြုသနည်း။ သူ၏ ဦးနှောက်သည် အလန့်တကြားစိုက်တန့် လေပြီလော။ ငါမိန့်ဆိုသော နှုတ်ကပတ်တော်တို့ကို သူနားမလည်ခြင်း ဖြစ်နိုင်သလော။ သူ၏မျက်စိသည် ရှေ့ရှုကြည့်နေဟန်နှင့် သူအစဉ်နေပြသော်လည်း လမ်းဖောက်ခြင်းနှင့် အနာဂတ်လူတို့အတွက် စံပြအဖြစ်တည်ခြင်းငှါ မတတ်စွမ်းနိုင်ဘဲရှိသည်မှာ အဘယ်ကြောင့်နည်း။ ပေတရု မတိုင်မီ စံပြဖြစ်တည်သောသူ တစ်စုံတစ်ယောက် ရှိခဲ့သလော။ ငါ၏ လမ်းပြပို့ဆောင်မှုအောက်၌ ပေတရုသည် အသက်ဆက်ခဲ့ရသည်မဟုတ်လော။ ယနေ့လူတို့သည် အဘယ်ကြောင့် ဤအရာကို မတတ်စွမ်းနိုင်သနည်း။ လိုက်လျှောက်ရန် စံပြရှိပြီးနောက်တွင်ပင် အဘယ်ကြောင့် ငါ၏အလိုကို မကျေနပ်စေနိုင်သေးသနည်း။ လူသည် ငါ့ကို မယုံသေးကြောင်း ဤအရာက ပြပြီး ၎င်းသည် ယနေ့၏ စိတ်မချမ်းမြေ့ဖွယ် အခြေအနေတို့ဆီသို့ ဆိုက်ရောက်စေခဲ့သည်။

ငါသည် ကောင်းကင်၌ ပျံသန်းလျက်ရှိသော ငှက်ငယ်များကို အကဲခတ်ရာတွင် သာယာကြည်နူးလေသည်။ သူတို့သည် ငါ့ရှေ့၌ သန္နိဋ္ဌာန် မချမှတ်ထားသော်လည်း၊ ငါ့ကို ‘လျှောက်ဆို’ရန် စကားမရှိသော်လည်း၊ သူတို့ကို ငါပေးအပ်ထားသော ကမ္ဘာတွင် ပျော်ရွှင်မှုကို သူတို့တွေ့ရှိကြသည်။ သို့သော် လူသည် ဤသည်ကို မတတ်နိုင်ဖြစ်နေပြီး သူ၏မျက်နှာမှာ ညှိုးမှိုင်ခြင်းနှင့် ပြည့်နေသည်။ ထိုသို့ဖြစ်ခြင်းမှာ ငါသည်သူ့ကို မပေးနိုင်သော အကြွေးတင်နေသောကြောင့် ဖြစ်နိုင်သလော။ အဘယ်ကြောင့် သူ၏ မျက်နှာသည် မျက်ရည်တို့ဖြင့် အစဉ် တသွင်သွင်စီးသနည်း။ တောင်ကုန်းတို့၌ ပွင့်လန်းဝေဆာနေသော နှင်းပန်းပင်မျိုးတို့ကို ငါနှစ်လိုသဘောကျ၏။ ပန်းများနှင့် မြက်ပင်တို့သည် တောင်စောင်းတစ်လျှောက်တွင် ပေါက်ရောက်နေသည်၊ သို့သော် နှင်းပန်းပင်မျိုးတို့သည် နွေဦးရာသီ မရောက်မီ မြေကြီးပေါ်တွင် ငါ၏ ဘုန်းကို ဂုဏ်ရောင်ထွန်းပြောင်မှု ရှိစေသည်။ လူသည် ဤမျှများလှသည်ကို စွမ်းဆောင်နိုင်သလော။ သူသည် ငါပြန်မလာမီ ကမ္ဘာပေါ်တွင် ငါ့ကို သက်သေခံနိုင်သလော။ အဆင်းနီသော နဂါးကြီး၏တိုင်းပြည်တွင် ငါ၏နာမအတွက် သူသည် သူ့ကိုယ်သူ ဆက်ကပ်နိုင်မည်လော။ ဤသည်မှာ ငါ၏မိန့်မြွက်ချက်တို့သည် လူသားအတွက် သတ်မှတ်ချက်တို့ ယှက်သန်းနေဘိသည့်အလားဖြစ်သည်။ ဤသတ်မှတ်ချက်တို့၏ ရလဒ်တစ်ခုအနေနှင့် ငါ့ကို သူရွံရှာလေသည်။ သူ၏ခန္ဓာသည် အလွန်အားနည်းပြီး အခြေခံအားဖြင့် သူသည် ငါတောင်းဆိုသောအရာကို ရယူနိုင်စွမ်း မရှိသောကြောင့် ငါ၏နှုတ်ကပတ်တော်တို့ကို သူကြောက်ရွံ့သည်။ ငါ၏နှုတ်ကိုဖွင့်သောအခါ မြေပေါ်၌ရှိသော လူတို့သည် အရပ်ရပ်သို့ အငတ်ဘေးဒဏ်မှ ထွက်ပြေးတိမ်းရှောင်သည့်အလား ပြေးလွှားနေသည်ကို ငါတွေ့လေသည်။ ငါ၏မျက်နှာကို ဖုံးကွယ်သောအခါ၊ ငါ့ကိုယ်ကို လှည့်သောအခါ လူတို့သည် ရုတ်တရက် ထိတ်ထိတ်ပျာပျာဖြစ်ကြသည်၊ သူတို့သည် ငါ၏ထွက်ခွာခြင်းကို ကြောက်ရွံ့သောကြောင့် ဘာလုပ်ရမည်ကို မသိဖြစ်ကြသည်။ သူတို့၏အယူအဆများထဲတွင် ငါထွက်ခွာသောနေ့သည် ကောင်းကင်မှ ဘေးဒုက္ခများကျရောက်မည့်နေ့ဖြစ်သည်၊ ငါထွက်ခွာသောနေ့သည် သူတို့၏ ပြစ်ဒဏ် စတင်သောနေ့ဖြစ်သည်။ သို့သော် ငါလုပ်ဆောင်သည့်အရာမှာ လူတို့၏အယူအဆများနှင့် ကွက်တိ ဆန့်ကျင်ဘက် ဖြစ်လေသည်၊ ငါသည် လူတို့၏အယူအဆတိုင်း ဘယ်သောအခါမျှ ဆောင်ရွက်ခြင်းမရှိခဲ့၊ သူ၏ အယူအဆတို့ကို ငါနှင့် လိုက်လျောညီထွေ ဘယ်သောအခါမှ ဖြစ်ခွင့်မပြု။ ငါလုပ်ဆောင်သော အချိန်သည် လူတို့ကို ဖွင့်ချဖော်ပြသောအချိန် အတိအကျပင်ဖြစ်သည်။ တစ်နည်းပြောရလျှင် ငါ၏ဆောင်ရွက်ချက်တို့သည် လူတို့၏ အယူအဆတို့နှင့် တိုင်းတာ၍ မရပေ။ ဖန်ဆင်းခြင်းအချိန်မှစ၍ ယနေ့တိုင်အောင် ငါလုပ်ဆောင်သော အရာတို့တွင် အဘယ်သူမျှ “တိုက်အသစ်” ကို ရှာဖွေမတွေ့ခဲ့၊ အဘယ်သူမျှ ငါအရေးယူဆောင်ရွက်သည့် ဥပဒေတို့ကို ဘယ်သောအခါမျှ နားမလည်ကြ၊ အဘယ်သူမျှ ထွက်မြောက်ရာလမ်းသစ်ကို မဖွင့်ခဲ့ကြပေ။ ထို့ကြောင့် ယနေ့တွင် လူတို့သည် လမ်းမှန်ထဲသို့ဝင်ရန် မစွမ်းနိုင်ဘဲ ဆက်ရှိနေကြသည်၊ ဤသည်မှာ သူတို့တွင်မရှိသောအရာဖြစ်ပြီး သူတို့ ဝင်ရောက်ရမည့်အရာ ဖြစ်သည်။ ဖန်ဆင်းခြင်း အချိန်မှစ၍ ယနေ့တိုင်အောင် ဤကဲ့သို့သော လုပ်ငန်းကို ယခင်က ဘယ်သောအခါမျှ စတင်မလုပ်ဆောင်ဖူးပေ၊ နောက်ဆုံးသောကာလတွင် အချို့သော အပိုင်းအစအသစ်တို့ကို ငါတိုးဖြည့်ခဲ့ခြင်းမျှသာဖြစ်သည်။ သို့သော် ထိုကဲ့သို့ သိသာသော အခြေအနေများအောက်တွင်ပင်လျှင် လူတို့သည် ငါ၏အလိုကို နားလည်နိုင်စွမ်း မရှိသေးပေ။ ဤသည်မှာ သူတို့ ကင်းမဲ့သည့် အရာ အတိအကျပင် မဟုတ်လော။

ငါသည် အမှုအသစ်ထဲသို့ ဝင်ရောက်ပြီးနောက် ငါ၌ လူနှင့်ပတ်သက်သည့် အသစ်သော သတ်မှတ်ချက်များ ရှိသည်။ လူ့အတွက်မူ အတိတ်က သတ်မှတ်ချက်တို့သည် သက်ရောက်မှု မရှိတော့သကဲ့သို့ဖြစ်ပြီး ဤအတွက်ကြောင့်ပင် သူမေ့လျော့ရခြင်း ဖြစ်သည်။ ငါဆောင်ရွက်သည့် နည်းစနစ်အသစ်မှာ အဘယ်အရာဖြစ်သနည်း။ ငါသည် လူကို အဘယ်အရာ တောင်းဆိုသနည်း။ လူတို့သည် အတိတ်တွင် သူတို့လုပ်ဆောင်ခဲ့သည့်အရာမှာ ငါ၏အလိုနှင့်အညီ ဖြစ်သလော၊ သူတို့၏ ဆောင်ရွက်ချက်တို့သည် ငါတောင်းဆိုသည့် ဘောင်အတွင်း၌ ရှိသလော ဆိုသည်ကို သူတို့ကိုယ်တိုင် တိုင်းတာနိုင်ကြသည်။ ငါသည် တစ်ခုချင်းစီကို စစ်ဆေးရန် မလိုအပ်ပေ၊ သူတို့၏ ဝိညာဉ်အသက်တာကို သူတို့ နားလည်သဘောပေါက်နိုင်ကြသည်၊ ထို့ကြောင့် သူတို့၏စိတ်တွင်း၌ သူတို့မည်ရွေ့မည်မျှ ဆောင်ရွက်နိုင်သည်ကို ရှင်းရှင်းလင်းလင်း နားလည်ကြသည်၊ ငါသည် သူတို့ကို ပြည့်စုံရှင်းလင်းစွာ ပြောရန်မလိုအပ်ပေ။ ငါမိန့်ဆိုသောအခါ အချို့သောလူတို့သည် လဲကျကောင်း လဲကျနိုင်သည်။ ထို့ကြောင့် ရလဒ်အနေနှင့် လူတို့အားနည်းလာသည်ကို ကာကွယ်ရန် ငါသည် ငါ့နှုတ်ကပတ်တော်၏ ဤအပိုင်းကို မပြောဆိုခဲ့ပေ။ ဤသည်မှာ လူ၏ ရှာဖွေမှုအတွက် ပို၍ကြီးမားသော အကျိုးအမြတ် မဟုတ်လော။ ဤသည်မှာ လူ၏ တိုးတက်ရာအတွက် ပို၍ ကြီးမားသော အကျိုးအမြတ်မဟုတ်သလော။ အဘယ်သူသည် ရှေ့သို့ဆက်လျက် သူတို့၏အတိတ်ကို မမေ့လျော့ဘဲနေလိုမည်နည်း။ ငါ၏ “စာနာထောက်ထားမှုမရှိခြင်း” ကြောင့် လူတို့သည် ငါမိန့်ဆိုသည့် နည်းလမ်းသည် အသစ်သော နယ်ပယ်သို့ ဝင်ပြီလော ဆိုသည်ကို နားလည်မှုရှိ မရှိ ငါမသိနားမလည်ပေ။ သည့်အပြင် ငါ၏အမှုသည်အလွန် “အလုပ်များ” သောကြောင့် လူတို့သည် ငါမိန့်ဆိုသော သဘောလက္ခဏာကို နားလည်သလော ဆိုသည်ကို ငါသည် မေးမြန်းစုံစမ်းရန် အချိန်မရှိခဲ့ပေ။ ထို့ကြောင့် လူတို့သည် ငါ့ကို ပို၍နားလည်မှု ရှိရန်သာ ငါတောင်းဆိုသည်။ ငါ၏အမှုမှာ အလွန်ပင် “အလုပ်များ” သောကြောင့် ငါကိုယ်တိုင် အောက်ခြေရှိ ငါ၏အမှုကို သွားရောက်လေ့လာ၍ လူတို့ကိုညွှန်ကြားရန် မတတ်နိုင်ပေ၊ ထို့ကြောင့် ငါသည် သူတို့နှင့်ပတ်သက်၍ “အနည်းငယ်သော နားလည်မှု” ရှိလေသည်။ အချုပ်ဆိုရသော် အခြားမည်သို့ပင်ဖြစ်ဖြစ် ငါသည် လူကို အသစ်သော အစသို့ စနစ်တကျ ဝင်ရောက်ရန်နှင့် အသစ်သော နည်းလမ်းသို့ စတင်၍ ခေါ်ဆောင်လေပြီ။ ငါ၏ မိန့်မြွက်ချက် အားလုံးတို့တွင် လူတို့သည် ရယ်ရွှင်ဖွယ် ဟာသနှင့် အထူးသဖြင့် လှောင်ပြောင်မှု လေသံခပ်ပြင်းပြင်းကို ငါမိန့်ဆိုသောအရာတို့တွင် တွေ့လေသည်။ ဤသို့လျှင် လူနှင့် ငါ၏အကြား စိတ်သဘောထား ညီညွတ်ခြင်းသည် လူတို့၏မျက်နှာများတွင် ထူထပ်သော တိမ်တိုက်များ ဖုံးအုပ်စေလျက် အမှတ်တမဲ့ ပျက်စီးသွားလေသည်။ သို့သော် ငါသည် ဤအရာအားဖြင့် အနေအထိုင်ခက်ခြင်းမဖြစ်ဘဲ ငါမိန့်ဆိုသမျှနှင့် လုပ်ဆောင်သမျှတို့သည် ငါ့အစီအစဉ်၏ အရေးပါသောအပိုင်းဖြစ်သောကြောင့် ငါသည် ငါ့အမှုကို ဆက်၍ဆောင်ရွက်သည်။ ငါ၏နှုတ်မှ မိန့်မြွက်သည့် အရာအားလုံးသည် လူကို ကူညီပြီး ငါဆောင်ရွက်သည့် ဘယ်အရာမျှ အရေးမပါသည်မဟုတ်ဘဲ လူတို့ကို တည်ဆောက်သည်။ လူသည် လိုအပ်နေသောကြောင့် ငါသည် လွှတ်ထားလျက် ဆက်လက်၍ မိန့်မြွက်သည်။ အချို့သော လူတို့သည် သူတို့အပေါ် အသစ်သော သတ်မှတ်ချက်တို့ကို ပြဋ္ဌာန်းရန် ငါ့ကို အသည်းအသန် စောင့်ဆိုင်းနေကြသည်။ ထိုသို့ဖြစ်လျှင် ငါသည် သူတို့၏ လိုအပ်ချက်တို့ကို ဖြည့်ဆည်းပေးမည်။ သို့သော် သင်တို့ကို ငါသတိပေးရမည့်အရာ တစ်ခုရှိသည်။ ငါမိန့်ဆိုသောအခါ လူတို့သည် ထိုးထွင်းသိမြင်သောဉာဏ် ပို၍ရှိရန် ငါမျှော်လင့်သည်၊ သူတို့ ပို၍ မြော်မြင်တတ်ရန် ငါမျှော်လင့်သည်၊ ထိုမှသာ ငါ၏နှုတ်ကပတ်တော်မှ သူတို့သည် ပိုမို အကျိုးရရှိမည်ဖြစ်၍ ငါ၏သတ်မှတ်ချက်တို့ကို ဖြည့်ဆည်းပေးနိုင်မည် ဖြစ်သည်။ ယခင်က အသင်းတော်တို့တွင် လူတို့သည် ကိုင်တွယ်ဖြေရှင်းခံရခြင်းနှင့် ချိုးဖဲ့ခံရခြင်းတို့အပေါ် အာရုံစိုက်ခဲ့ကြသည်။ ငါ၏နှုတ်ကပတ်တော်တို့ကို စားသောက်ခြင်းသည် ၎င်းတို့၏ ရည်ရွယ်ချက်တို့နှင့် အရင်းအမြစ်တို့၏ အခြေခံအုတ်မြစ်အပေါ် အခြေခံခဲ့သည်။ သို့သော် ယနေ့သည် အတိတ်ကနှင့် မတူ၊ လူတို့သည် ငါ့မိန့်မြွက်ချက်တို့၏ အရင်းအမြစ်ကို နားလည်နိုင်စွမ်း မရှိကြ၊ ဤသို့ဖြင့် သူတို့သည် မိမိတို့၏အားထုတ်မှုကို ငါ၏နှုတ်ကပတ်တော်ကို စားသောက်ခြင်း၌သာ အသုံးပြုသောကြောင့် ငါ့အားဖြင့် ကိုင်တွယ်ဖြေရှင်းခံရခြင်းနှင့် ချိုးဖဲ့ခံရရန် အခွင့်အရေးမရှိပေ။ သို့သော်လည်း အခြေအနေများအောက်တွင်ပင်လျှင် သူတို့သည် ငါ၏ တောင်းဆိုချက်တို့ကို ဖြည့်ဆည်းပေးနိုင်စွမ်း မရှိ၊ ထို့ကြောင့် ငါသည် တောင်းဆိုချက် အသစ်တို့ကို ပြုလုပ်သည်။ သူတို့အား ငါနှင့်အတူ စမ်းသပ်ခြင်းများသို့ အတူဝင်ရောက်ရန် ငါတောင်းဆိုသည်၊ သူတို့သည် ပြစ်တင်ဆုံးမခြင်းသို့ ဝင်ရောက်ရန် ငါတောင်းဆိုသည်။ သို့တိုင် သင့်ကို ငါတစ်ခုသတိပေးလိုသည်၊ ဤအရာသည် လူကို ကွပ်မျက်နေခြင်းမဟုတ်ဘဲ ငါ့အမှု၌ သတ်မှတ်ထားသောအရာ ဖြစ်သည်၊ အကြောင်းမှာ လက်ရှိအဆင့်တွင် ငါ၏နှုတ်ကပတ်တော်တို့သည် လူတို့အတွက် အလွန်နားမလည်နိုင်ဖြစ်နေပြီး လူသည် ငါနှင့်အတူ ပူးပေါင်းဆောင်ရွက်ရန် မစွမ်းနိုင်ပေ။ လုပ်ရမည့်အရာ ဘာမျှမရှိပါတကား။ လူကို နည်းလမ်းအသစ်သို့ ငါနှင့် အတူဝင်ရောက်ရန်သာ ငါလုပ်ဆောင်နိုင်သည်။ အခြားလုပ်ဆောင်ရန် အဘယ်အရာရှိသနည်း။ လူ၏ချို့တဲ့မှုများကြောင့် ငါသည်လည်း လူဝင်ရောက်သည့် စီးကြောင်းထဲသို့ ဝင်ရောက်ရမည်ဖြစ်သည်။ လူတို့ကို ပြီးပြည့်စုံစေမည့်သူမှာ ငါဖြစ်သည် မဟုတ်လော။ ဤအစီအစဉ်ကို စီစဉ်သူမှာ ငါဖြစ်သည် မဟုတ်လော။ အခြားသော သတ်မှတ်ချက်မှာ မခက်ခဲသော်လည်း ၎င်းသည် ပထမသတ်မှတ်ချက်၏ ဆင့်ပွားမဟုတ်။ နောက်ဆုံးသောကာလ၏ လူစုအတွင်းရှိ ငါ၏အမှုသည် မကြုံစဖူးသော လုပ်ငန်းဖြစ်သည်၊ သို့ဖြစ်သည့်အတွက် ငါ၏ဘုန်းသည် စကြဝဠာကို ပြည့်စေရန်အလို့ငှာ လူအားလုံးတို့သည် ငါ့အတွက် နောက်ဆုံးသော ဆင်းရဲဒုက္ခကို ခံစားကြရသည်။ သင်တို့သည် ငါ၏ အလိုကို နားလည်ကြသလော။ ဤသည်မှာ လူအတွက် ငါပြဋ္ဌာန်းသော နောက်ဆုံးသတ်မှတ်ချက်ဖြစ်သည်၊ ဆိုလိုသည်မှာ လူအားလုံးတို့သည် အဆင်းနီသောနဂါးကြီးရှေ့တွင် အားကြီး၍ ထူးကဲလှသော သက်သေကိုခံနိုင်ရန် ငါမျှော်လင့်သည်။ နောက်ဆုံးသော အကြိမ်အဖြစ် သူတို့ကိုယ်ကို ငါ့အတွက် ဆက်ကပ်နိုင်ပြီး နောက်ဆုံးအနေနှင့် ငါ၏ သတ်မှတ်ချက်များကို ဖြည့်ဆည်းနိုင်ရန် ငါမျှော်လင့်သည်။ သင်တို့သည် ဤသည်ကို အမှန်တကယ် ဆောင်ရွက်နိုင်သလော။ အတိတ်တွင် သင်တို့သည် ငါ၏နှလုံးကို ကျေနပ်စေနိုင်စွမ်း မရှိခဲ့။ နောက်ဆုံးအနေနှင့် သင်တို့သည် ဤစံနမူနာကို ချိုးဖျက်နိုင်မည်လော။ ငါသည် လူတို့ကို ဆင်ခြင်သုံးသပ်ရန် အခွင့်ပေးသည်၊ ငါ့ကို နောက်ဆုံး အဖြေတစ်ခု မပေးမီ ဂရုတစိုက် ချင့်ချိန်တွေးတောခွင့် ပေးထားသည်။ ထိုသို့ ဆောင်ရွက်ခြင်းမှာ မှားယွင်းသလော။ ငါသည် လူ၏တုံ့ပြန်ချက်ကို စောင့်ဆိုင်းသည်၊ သူ၏ “ပြန်စာ” ကို စောင့်ဆိုင်း၏။ သင်တို့သည် ငါ၏သတ်မှတ်ချက်တို့ကို ဖြည့်ဆည်းပေးရန် ယုံကြည်မှုရှိသလော။

ဧပြီလ ၂၀၊ ၁၉၉၂

ယခင်က:သုံးဆယ့်သုံးခုမြောက်သော မိန့်မြွက်ချက်

နောက်တစ်ခုသို့:သုံးဆယ့်ငါးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ