အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၃၂

လူတို့သည် ငါနှင့်အတူ စုဝေးကြသောအခါ၊ ငါ့စိတ်နှလုံးသည် ဝမ်းမြောက်ခြင်းနှင့် ပြည့်စုံ၏။ ထိုခဏချင်းတွင်၊ ငါနှင့်အတူ လူတို့စုဝေးနိုင်ဖို့အလို့ငှာ၊ ငါ့ကို မနာခံသော ရန်သူများ မဟုတ်ဘဲ ငါနှင့်သဟဇတဖြစ်သော မိတ်ဆွေများဖြစ်ကြဖို့ရန် ငါ၏လက်ထဲရှိ ကောင်းကြီးမင်္ဂလာများကို လူတို့အကြား ငါနှင်းအပ်လေသည်။ ထို့ကြောင့်၊ ငါသည် လူ့အပေါ် အူလှိုက် သည်းလှိုက်လည်း ဖြစ်မိ၏။ ငါ၏ အမှုတွင်၊ လူသည် အဆင့်မြင့် အဖွဲ့အစည်း၏ အဖွဲ့ဝင်တစ်ဦးအဖြစ် ရှုမြင်ခံရသည်၊ ထို့ကြောင့် သူသည် အစဉ်အမြဲ ငါ့အမှု၏ ရည်မှန်းချက်ဖြစ်သည့်အတွက် ငါသည် သူ့ကို ပိုမို အာရုံစိုက်ပေသည်။ ၎င်းတို့၏ စိတ်နှလုံးများ ငါ့အပေါ် ကြည်ညိုကြစေဖို့အလို့ငှာ၊ ငါသည် လူတို့၏ စိတ်နှလုံးများထဲ၌ ငါ၏ နေရာကို ထူထောင်ခဲ့၏၊ သို့တိုင် ဤအရာကို အဘယ်ကြောင့် ငါလုပ်ဆောင်သည်ကို ၎င်းတို့သည် မသိနားမလည်ဘဲ ရှိကြပြီး၊ စောင့်ဆိုင်းသည်မှလွဲ၍ ဘာမျှမလုပ်ဆောင်ကြပေ။ လူတို့၏ စိတ်နှလုံးများတွင် ငါထူထောင်ခဲ့သည့် နေရာတစ်ခုရှိသော်လည်း၊ ယင်းနေရာတွင် ငါနေထိုင်ဖို့ ၎င်းတို့ မလိုအပ်ကြပေ။ ယင်းအစား၊ ၎င်းတို့၏ စိတ်နှလုံးများထဲ၌ "သန့်ရှင်းသူ" ရုတ်တရက်ရောက်ရှိလာဖို့ ၎င်းတို့ စောင့်ဆိုင်းနေကြ၏။ ငါ၏ ကိုယ်ပိုင်လက္ခဏာသည် အလွန် အရေးမပါသောကြောင့်၊ လူတို့၏ တောင်းဆိုချက်များနှင့် ငါသည် ကိုက်ညီခြင်းမရှိဘဲ၊ ယင်းကြောင့် ငါသည် ၎င်းတို့အားဖြင့် ဖယ်ရှားခံရ၏။ ၎င်းတို့ လိုချင်သော အရာသည် ကြီးကျယ်၍ အောက်ခြေလွတ်နေသော "ငါ" ဖြစ် သော်လည်း စင်စစ်အားဖြင့်၊ ငါလာခဲ့ချိန်တွင် ငါသည် ဤအသွင်လက္ခဏာ မရှိ ခဲ့သောကြောင့်၊ ၎င်းတို့၏ စိတ်နှလုံးများထဲ၌ရှိနေသည့်သူကို စောင့်ဆိုင်းရင်း အဝေးကို ၎င်းတို့ ဆက်လက်မျှော်ကြည့်ခဲ့ကြသည်။ လူတို့ ရှေ့သို့ ငါလာခဲ့ချိန်တွင်၊ လူအုပ်များရှေ့မှောက်တွင် ငါ့ကို ၎င်းတို့က ငြင်းပယ်ခဲ့ကြသည်။ လူ၏ "ဆုံးဖြတ်ချက်" ကို စောင့်ဆိုင်းရင်း၊ မပြည့်စုံသော "ထုတ်ကုန်" ဖြစ်သည့် ငါ့အား လူတို့သည် အဘယ်သို့ပြုခြင်းဖြင့် အဆုံးသတ်မည်ကို မြင်တွေဖို့ရန် စောင့်ကြည့်ရင်း၊ ငါသည် တစ်ဘက်တွင်သာ ရပ်နိုင်ခဲ့သည်။ လူတို့၏ အမာရွတ်များကို ငါမကြည့်၊ သို့သော် အမာရွတ်မရှိသော အပိုင်းကိုသာကြည့်၍ ဤအရာမှ ငါသည် စိတ်ကျေနပ်မိ၏။ လူတို့၏ မျက်လုံးများတွင်၊ ငါသည် ကောင်းကင်မှ သက်ဆင်းသော "ကြယ်လေး" တစ်စင်းသာဖြစ်ပြီး၊ ကောင်းကင်တွင် ငါသည် အရေးမပါဆုံးမျှသာ ဖြစ်ကာ၊ ကမ္ဘာမြေပေါ်သို့ ယနေ့ ငါရောက်ရှိခြင်းသည် ဘုရားသခင်မှ တာဝန်ပေးခဲ့ခြင်းအားဖြင့် ဖြစ်ပေသည်။ ရလဒ်အနေဖြင့် လူတို့သည် ငါ့အား ဘုရားသခင် နှင့် တစ်ခုတည်းဖြစ်အောင် ပေါင်းစည်းမိမည်ကို အလွန်အမင်း ကြောက်ရွံ့ကာ၊ ၎င်းတို့သည် "ငါ" နှင့် "ဘုရားသခင်" ဟူသော စကားလုံးများ၏ ပိုမိုများပြားသော အနက်အဓိပ္ပါယ်ဖွင့်ဆိုချက်များ စဉ်းစားခဲ့ ကြပေပြီ။ ငါ၏ ပုံ သဏ္ဌာန်က ဘုရားသခင်၏ ရုပ်သွင်နှင့် လုံး၀မသက်ဆိုင်သောကြောင့် ၊ လူအားလုံးက ငါသည် ဘုရားသခင်၏ မိသားစုမှ မဟုတ်သည့် အစေခံတစ်ဦးဖြစ်သည်ဟု ယုံကြည်ကြပြီး၊ ဤအရာသည် ဘုရားသခင်၏ ပုံသဏ္ဌာန်မဟုတ်ပါဟု ဆိုကြ၏။ ဘုရားသခင်ကို မြင်ဖူးသော လူများ ရှိကောင်းရှိနိုင်ပါ၏၊ သို့သော် ကမ္ဘာမြေကြီးအပေါ်၌ ငါ၏ထိုးထွင်း သိမြင်မှု ချို့တဲ့ခြင်းကြောင့်၊ ဘုရားသခင်သည် ငါ့ထံ ဘယ်သောအခါမျှ မပေါ်ထွန်းခဲ့ပြီ။ ငါသည် "ယုံကြည်မှု" နည်းပါးလွန်းသောကြောင့်၊ လူတို့က ငါ့အား အရေးမပါသူအဖြစ် မြင်ကောင်းမြင်နိုင်၏။ တစ်စုံတစ်ဦးသည် အမှန်တကယ် ဘုရားသခင်ဖြစ်လျှင်၊ ဘုရားသခင်သည် ဖန်ဆင်းရှင်ဖြစ်သည့်အတွက် လူ၏ဘာသာစကားကို စင်စစ် ကျွမ်းကျင်လိမ့်မည်ဖြစ်သည်ဟု လူတို့ စိတ်ကူးကြသည်။ သို့သော် အချက်အလက်များမှာ အတိအကျ ဆန့်ကျင်ပေသည်- လူ၏ ဘာသာစကား၌ ငါ ကျွမ်းကျင်မှုမရှိသည်သာမက၊ ၎င်း၏ "ချို့တဲ့မှုများအတွက်" ငါသည် "ထောက်ပံ့"၍ပင် မပေးနိုင်သည့် အချိန်များရှိပေသည်။ အကျိုးဆက်အနေဖြင့် လူတို့ "တောင်းဆို"သကဲ့သို့ ငါသည် ဆောင်ရွက်ခြင်းမရှိဘဲ၊ ၎င်းတို့ "ချို့တဲ့သည့်" အရာနှင့်အညီ ငါသည် ပစ္စည်းများကို ပြင်ဆင်၍ လုပ်ဆောင်ရုံသာလုပ်ဆောင်သည့်အတွက်၊ ငါသည် "အပြစ်ရှိ"သည်ဟု အနည်းငယ် ခံစားရပေသည်။ ငါသည် လူသားကို များစွာ တောင်းဆိုခြင်းမရှိသော်လည်း လူတို့သည် ထိုသို့မယုံကြည်ပေ။ ထို့ကြောင့် ၎င်းတို့၏ "နှိမ့်ချခြင်း" သည် ၎င်းတို့၏ လှုပ်ရှားမှုတိုင်း၌ ထုတ်ဖော်ပြသလျှက်ရှိ၏။ ၎င်းတို့သည် ငါလမ်းပျောက်မည်ကို နက်ရှိုင်းစွာ စိုးရွှံ့ပြီး၊ နက်ရှိုင်းသည့် တောင်များအတွင်းရှိ ရှေးဟောင်းသစ်တောများထဲတွင် ငါလှည့်လည်သွားလာမည်ကို ကြောက်လန့်ကာ၊ ငါ့အဘို့ လမ်းကို ဦးဆောင်ရင်း ငါရှေ့တွင် အစဉ်အမြဲ လျှောက်လေ့လျှောက်ထရှိကြပေသည်။ အကျိုးဆက်အနေဖြင့် လူတို့သည် မြေအောက်အကျဉ်းတိုက်ထဲသို့ ငါလျှောက်မည်ကို အလွန်အမင်း ကြောက်ရွှံ့ကာ ငါ့ကို အစဉ်အမြဲ ရှေ့သို့ ဦးဆောင်ကြပေပြီ။ ငါ့အတွက် ၎င်းတို့၏ အားထုတ်မှုများက ၎င်းတို့ကို နေ့နေ့ ညည အိပ်ရေးပျက်စေပြီး ဆံပင်ဖြူသည်အထိပင်၊ ၎င်းတို့သည် အစားအသောက် သို့မဟုတ် အိပ်စက်ခြင်းအတွက် စဉ်းစားတွေးတောခြင်းမရှိဘဲ ငါ့အတွက် ကြိုးစားအားထုတ်ကြပြီဖြစ်သည့်အတွက်၊ ငါသည် အတော်ပင် လူတို့၏ ယုံကြည်ချက်အပေါ် "အလေးထားသည့် ခံစားချက်" ရှိသည်၊ ယင်းမှာ ၎င်းတို့၏ ယုံကြည်ချက်သည် လောကဓါတ်များကို "ကျော်လွန်" ပြီဖြစ်ပြီး၊ ခေတ်ကာလတစ်လျှောက် တမန်တော်များနှင့် ပရောဖက်များထက် "သာလွန်ထူးကဲ" ကြောင်း ပြသရန် လုံလောက်ပေသည်။

ငါသည် လူတို့၏ ကြီးမားသည့် ကျွမ်းကျင်မှုကြောင့် ဝမ်းမြောက်ဝမ်းသာ လက်ခုပ်တီးခြင်းမရှိ၊ သို့တည်းမဟုတ် ၎င်းတို့၏ အားနည်းချက်များကြောင့် ၎င်းတို့အပေါ် အေးစက်စွာ ငါမကြည့်ပေ။ ငါ့လက်များအတွင်း ရှိသောအရာကိုသာ ငါသည် လုပ်ဆောင်ရုံမျှလုပ်ဆောင်ပြီး၊ ငါသည် မည်သူ့ကိုမျှ အထူးဆက်ဆံခြင်းမပြု၊ သို့သော် ငါ၏ အစီအစဉ်များအတိုင်း ရိုးရှင်းစွာ ငါလုပ်ဆောင်သည်။ သို့တိုင် လူတို့သည် ငါ့အလိုကို သတိလက်လွတ်ဖြစ်ကြပြီး၊ ၎င်းတို့အပေါ် ငါအပ်နှင်းခဲ့သော ဥစ္စာဓနများက ၎င်းတို့၏ လိုအပ်ချက်များကို ဖြည့်ဆည်းနိုင်စွမ်းမရှိဘိသကဲ့သို့၊ တောင်းဆိုမှုက ထောက်ပံ့မှုထက် ပိုလွန်ဘိသကဲ့သို့၊ ငါ့ထံမှ အမှုအရာများအတွက် ဆက်လက်ဆုတောင်းနေကြ၏။ သို့သော် ယနေ့ ခေတ်ကာလတွင်၊ "ကုန်စျေးနှုန်းတက်ခြင်း"ကို လူအားလုံး ခံစားကြရပြီး၊ အကျိုးဆက်အနေဖြင့်၊ ပျော်မွေ့ဖို့ရာ ၎င်းတို့ကို ငါပေးသောအရာများဖြင့် ၎င်းတို့လက်များသည် ပြည့်လျက်ရှိပေသည်။ ငါ့ကို ၎င်းတို့ ငြီးငွေ့မှု ကြီးထွားသည်မှာ ဤအရာကြောင့်ဖြစ်ပြီး၊ ၎င်းတို့၏ ဘဝများက ပရမ်းပတာဖြစ်ခြင်းများနှင့် ပြည့်ကာ၊ ၎င်းတို့သည် ၎င်းတို့ စားသင့်သည့်အရာ၊ မစားသင့်သည့်အရာတို့ကို မသိနားမလည်ဘဲ ရှိကြလေသည်။ အချို့သောသူတို့သည် ၎င်းတို့ မွေ့ပျော်ဖို့ရန် ငါပေးခဲ့ပြီးသည့်အရာတို့ကို နီးကပ်စွာ စောင့်ကြည့်ရင်း၊ ၎င်းတို့ကို ဖမ်းဆုပ်၍ပင် ထားကြပေသည်။ လူတို့သည် အစာခေါင်းပါးခြင်းမှ ဒုက္ခဝေဒနာခံစားရလေ့ရှိကာ ယနေ့၏ ဤပျော်မွေ့ဖွယ်ရာများကို ရရှိရန် ၎င်းတို့အတွက် မလွယ်ကူသောကြောင့်၊ ၎င်းတို့အားလုံး "အတောမသတ် ကျေးဇူးတင်ရှိ" ကြပြီး၊ ငါ့အပေါ် ၎င်းတို့၏ သဘောထားများတွင် ပြောင်းလဲမှုအချို့ ရှိပေပြီ။ ၎င်းတို့သည် ငါ၏ရှေ့တွင် ဆက်လက် ငိုကြွေးကြ၏၊ ၎င်းတို့ကို များစွာ ငါပေးခဲ့ပြီးသောကြောင့်၊ ငါ့ရှေ့မှောက်တွင် ဆက်လက်၍ ငါ၏လက်ကို ဖမ်းကိုင်ကာ "ကျေးဇူးတင်ရှိခြင်း၏ အသံများ" ကို ပြုကြလေသည်။ လောကဓါတ်များအထက်တွင် ငါလှုပ်ရှားပြီး၊ ငါလမ်းလျှောက်သည်နှင့်အညီ စကြဝဠာ တစ်ခွင်လုံး၏ လူတို့ကို ငါလေ့လာသည်။ ကမ္ဘာမြေပေါ်ရှိ လူအုပ်များကြားတွင်၊ ငါ၏ အမှုနှင့် သင့်လျော်သောသူ သို့မဟုတ် ငါ့ကို အမှန်တကယ် ချစ်သောသူ တစ်ဦးတစ်ယောက် ဘယ်သောအခါမျှ မရှိစဖူး။ ထို့ကြောင့် ဤအခိုက်အတန့်တွင် ငါသည် စိတ်ပျက်လက်ပျက် သက်ပြင်းချမိပြီး၊ လူတို့သည် "ပိုက်ကွန် တစ်ခု၌ ၎င်းတို့အားလုံးကို ငါဖမ်းလိမ့်မည်" ကို အလွန်အမင်း ကြောက်ရွံ့ရင်း၊ နောက်ထပ် စုဝေးခြင်းမပြုဖို့ရန် ချက်ချင်း လူစုခွဲကြလေသည်။ ငါသည်- လျောက်ပတ်သောလုပ်ဖြစ်သည့် ၎င်းတို့အတွင်း၌ အမှုတော်ဆောင်ရွက်ရန် သင့်တော်သူများကို ရွေးချယ်သော ငါ၏အမှုကို လုပ်ဆောင်ရေးအတွက် ဤပျံ့နှံ့နေသော လူတို့အလယ်တွင် လာဖို့ရန် ဤ အခွင့်အလမ်းကို ငါအသုံးပြု၏။ ငါ၏ ပြစ်တင်ဆုံးမမှုအလယ်တွင် လူတို့ကို မည်သည့်အခါမျှ လွတ်မြောက်မှုမရှိတော့ရေးအတွက် "ထိန်းသိမ်းရန်" ငါဆန္ဒမရှိပေ။ ငါလုပ်ရမည့် အမှုကို ရိုးရှင်းစွာ ငါလုပ်ဆောင်၏။ လူသား၏ "အကူအညီ" ကို တောင်းခံရန် ငါလာခဲ့ပြီ၊ ငါ၏ စီမံခန့်ခွဲမှုသည် လူသား၏ ဆောင်ရွက်ချက်များ ကင်းမဲ့သောကြောင့် ငါ၏အမှုကို အောင်မြင်စွာ ပြည့်စုံစေရန် မဖြစ်နိုင်ပေ၊ ယင်းက ငါ၏အလုပ်ကို ထိရောက်စွာ ရှေ့ဆက်ခြင်းမှ တားဆီးထားသည်။ လူတို့သည် ငါနှင့်အတူ ပူးပေါင်းလုပ်ဆောင်ရန် စိတ်ပိုင်းဖြတ်မှု ရှိလိမ့်မည်ဟု မျှော်လင့်၍သာငါနေ၏။ ငါ့ကို ကောင်းမွန်သော အစားအသောက် ချက်ပြုတ်ဖို့ရန် သို့မဟုတ် ငါ၏ခေါင်းချဖို့ရာ သင့်လျော်သောနေရာကို စီစဉ်ဖို့၊ သို့မဟုတ် ငါ့အား လှပသည့်အဝတ်အစားများ ပြုလုပ်ပေးဖို့ရန် ၎င်းတို့ကို ငါသည် မတောင်းဆို၊ ဤအရာများအတွက် ငါသည် နည်းနည်းလေးမျှ အလေးထားခြင်းမရှိ။ လူတို့က ငါ့အလိုကို နားလည်သဘောပေါက်နိုင်ပြီး ငါနှင့်အတူ လက်တွဲလျက် ရှေ့ဆက်သောအခါ၊ ငါ့စိတ်နှလုံး၌ ငါသည် အလိုပြည့်ပါလိမ့်မည်။

မြေကြီးပေါ်တွင် အဘယ်သူသည် ၎င်းတို့၏ စိတ်နှလုံးနှင့် ငါ့ကို လက်ခံရရှိဖူးသနည်း။ ၎င်းတို့၏ စိတ်နှလုံးနှင့် အဘယ်သူသည် ငါ့ကို ချစ်ခဲ့ဖူးသနည်း။ လူတို့၏ ချစ်ခြင်းမေတ္တာသည် အမြဲလျော့လျက်ရှိပြီး၊ ၎င်းတို့၏ ချစ်ခြင်းမေတ္တာ အဘယ်ကြောင့် ခမ်းခြောက်ပြီး အားမလျော့ခြင်းငှာ မဖြစ်နိုင်သည်ကို "ငါပင် မသိပေ"။ ထို့ကြောင့် လူသား၏အတွင်း၌ "နက်နဲမှုများစွာ"လည်း ပါရှိနေ၏။ အဖန်ဆင်းခံ သတ္တဝါများအကြားတွင်၊ လူသားသည် "အံ့ဖွယ်" ဖြစ်ပြီး "နားလည်မရနိုင်သော" သူအဖြစ် ရှုမြင်ခြင်းခံရ၏၊ ထို့ကြောင့် ၎င်းသည် ငါနှင့် အဆင့်အတန်း တူညီဘိသကဲ့သို့၊ ငါ၏ရှေ့မှောက်တွင် ၎င်းသည် "အရည်အချင်းများ" ရှိပေသည်၊ သို့သော် ၎င်းသည် ၎င်း၏ ဤ "အဆင့်အတန်း"နှင့် ပတ်သက်၍ ဘာမျှ အထူးအဆန်း မြင်တွေ့ခြင်းမရှိ။ ဤအရာတွင် လူကို ဤအနေအထား၌ ရပ်တည်စေပြီး ယင်းကို ပျော်မွေ့ခွင့် ငါမပေးခြင်း မဟုတ်ဘဲ၊ ၎င်းတို့ မိမိတို့ကိုယ်ကိုယ် အလွန်မြင့်မားစွာ မစဉ်းစားဘဲ သင့်တင့်လျောက်ပတ်သော အသိစိတ်တစ်ခု ရှိဖို့ရန် ငါဆန္ဒရှိခြင်းဖြစ်ပေသည်။ ဘုရားသခင်နှင့်လူတို့ကြား မပြောနှင့်၊ ကောင်းကင်နှင့် မြေကြီးကြားတွင်ပင် အကွာအဝေးတစ်ခု ရှိပေသည်။ ၎င်းတို့ကြားတွင် ပို၍ကြီးမားသော အကွာအဝေးရှိသည်မဟုတ်လော။ မြေကြီးပေါ်တွင်၊ လူနှင့် ငါသည် "တစ်လှေတည်းစီး" ပြီး၊ "အတူတူ မုန်တိုင်းကို ကြံ့ကြံ့ခံ"ကြသည်။ ငါ၏ ပင်ကိုယ်လက္ခဏာများက လူ့လောက၏ ဆင်းရဲဒုက္ခကို ကြုံတွေ့ရခြင်းမှ ငါ့ကို ကင်းလွတ်ခွင့်မပေး၊ ဤအရာကြောင့် ယနေ့ ငါသည် ဤအခြေအနေထဲသို့ ကျဆင်းခဲ့ရခြင်းဖြစ်သည်။ ကမ္ဘာမြေပေါ်တွင် ငြိမ်းချမ်းစွာ နေထိုင်ဖို့ နေရာတစ်ခု ငါ မရှိစဖူးခဲ့၊ ယင်းမှာ လူတို့က၊ "လူသားသည် ခေါင်းချရန် နေရာ လုံးဝမရှိ" ဟု ပြောဆိုရသည့် အကြောင်းရင်းဖြစ်သည်။ အကျိုးဆက်အနေဖြင့် လူတို့သည် ငါ့အတွက် သနားကရုဏာ မျက်ရည်များ ငိုကြွေးကြပြီး "ကယ်ဆယ်ရေး ရန်ပုံငွေ"အတွက် ယွမ်သောင်းချီအချို့ကို ငါ့အတွက် ဖယ်ထားကြ၏။ ဤအရာကြောင့်သာလျှင်၊ ငါသည် နားစရာနေရာတစ်ခုရှိပြီး၊ လူတို့၏ "အကူအညီ"ကြောင့်မဟုတ်ခဲ့လျှင်၊ မည်သည့်နေရာ၌ ငါအဆုံးသတ်မည်ကို အဘယ်သူ သိအံ့နည်း။

ငါ၏အမှုပြီးဆုံးသည့်အခါ၊ လူ့ထံမှ ဤ"သက်သာခွင့်ငွေ"ကို ငါရှာဖွေတော့မည်မဟုတ်၊ ယင်းအစား ငါ၏ ရှိရင်းစွဲ လုပ်ငန်းဆောင်တာကို ငါလုပ်ဆောင်မည်ဖြစ်ပြီး၊ ၎င်းတို့၏ ပျော်မွေ့ခြင်းအတွက် "ငါ့အိမ်၏ ဥစ္စာများ" အားလုံးကို လူတို့ထံ ငါဆောင်ကျဉ်းမည်။ ယနေ့တွင် လူတိုင်း ငါ၏ စမ်းသပ်မှုများကြားတွင် စမ်းသပ်ခံကြရ၏။ လူတို့ကြားတွင် ငါ၏လက် တရားဝင်ရောက်ရှိသောအခါတွင်၊ လူတို့သည် ငါ့အပေါ် ကြည်ညိုသောမျက်စိများဖြင့် ကြည့်ကြလိမ့်မည်မဟုတ်တော့၊ သို့သော် ငါ့ကို အမုန်းတရားနှင့် ဆက်ဆံကြလိမ့်မည်ဖြစ်ပြီး၊ ဤအခိုက်အတန့်တွင် နမူနာအနေဖြင့် အသုံးတော်ခံရန် ၎င်းတို့၏ နှလုံးသားများသည် ငါ့အားဖြင့် ချက်ချင်း ဖောက်ထုတ်ခံရလိမ့်မည်။ ငါသည် လူ့နှလုံးသားကို "အဏုကြည့်ကိရိယာ" အောက်တွင် စေ့စေ့စပ်စပ် ကြည့်ရှုစစ်ဆေး၏၊ ယင်းနေရာတွင် ငါ့အတွက် စစ်မှန်သော ချစ်ခြင်းမေတ္တာမရှိပေ။ နှစ်များစွာ လူတို့သည် ငါ့ကို လှည့်စားပြီး တစ်ပတ်ရိုက်နေခဲ့ပေပြီ- နှလုံး၏ လက်၀ဲအပေါ်ထက်ခန်းမရော နှလုံးလက်ျာ အောက်ခန်းမ နှစ်ခုလုံးတွင်ပါ ငါ့အပေါ် မုန်းတီးမှုအဆိပ်များ ပါရှိနေပြီး၊ သို့ဖြစ်၍ ၎င်းတို့အပေါ် ထိုသို့ ငါသဘောထားသည်မှာ အံ့သြစရာမရှိပေ။ သို့တိုင် ဤအရာကို ၎င်းတို့ လုံးလုံးလျားလျား မသိနားမလည်ဘဲ ဆက်ရှိကြကာ ယင်းကို ၎င်းတို့ အသိအမှတ်ပြုခြင်းလည်း မရှိပေ။ ငါ၏ စုံစမ်းစစ်ဆေးမှုရလဒ်များကို ၎င်းတို့အား ငါပြသောအခါ၊ ၎င်းတို့ မနိုးဘဲ ရှိကြသေးပြီး၊ ယင်းမှာ ၎င်းတို့စိတ်ထဲတွင် ဤအရာများသည် အတိတ်က အကြောင်းကိစ္စအားလုံးဖြစ်ပြီး၊ ယနေ့တွင် တဖန်ပြန်လည်ပြောဆို ဖို့ မသင့်သကဲ့သို့ဖြစ်သည်။ ထို့ကြောင့် လူတို့သည် "ဓါတ်ခွဲခန်း ရလဒ်များ"အပေါ် ဥပေက္ခာဖြင့်သာ ကြည့်ရှုကြ၏။ ၎င်းတို့သည် ကွန်ပြူတာပုံနှိပ်မူစာရွက်ကို ပြန်ပေးကြပြီး ခြေလှမ်းကျဲကျဲဖြင့် ထွက်သွားကြသည်။ ထို့အပြင် ၎င်းတို့သည် "ဤအရာများသည် အရေးမကြီးပါ၊ ၎င်းတို့သည် ကျွန်ုပ်၏ ကျန်းမာရေးအပေါ် တစ်စုံတစ်ရာ အကျိုးသက်ရောက်ခြင်းမရှိပါ" ဟူသော အရာများကို ပြောဆိုကြ၏။ မထီမဲ့မြင်ပြုခြင်း အပြုံလေးတစ်ချက်ကို ၎င်းတို့ ပေးကြပြီး၊ ငါသည် အရိုးခံမဖြစ်သင့်၊ ပိုမို ဝတ်ကျေတန်းကျေဖြစ်သင့်သည်ဟူ၍ စောင်းပါး ရိပ်ခြည်ပြောနေသကဲ့သို့ ၎င်းတို့၏ မျက်လုံးများတွင် ခြိမ်းခြောက်မှုအနည်းငယ်ပါဝင်သည့် အကြည့်တစ်ချက်ရှိလေသည်။ ယင်းမှာ ၎င်းတို့ အတွင်းစိတ် လှို့ဝှက်ချက်များကို ငါ၏ထုတ်ဖော်ပြသခြင်းက လူသား၏ "ဥပဒေများ" ကို ချိုးဖောက်ခဲ့သကဲ့သို့ ဖြစ်ပြီး၊ ထို့ကြောင့် ၎င်းတို့သည် ငါ့အပေါ် ပို၍ မုန်းတီးလာကြလေသည်။ ထို့နောက်မှသာ လူတို့ မုန်းတီခြင်း၏ အရင်းအမြစ်ကို ငါတွေ့မြင်ရ၏။ ဤသည်မှာ ငါစောင့်ကြည့်သည့်အချိန်တွင်၊ ၎င်းတို့၏ သွေးများက စီးဆင်းနေပြီး၊ ၎င်းတို့ ခန္ဓာကိုယ်များထဲရှိ သွေးလွှတ်ကြောများကို ဖြတ်သန်းပြီးနောက် နှလုံးသို့ဝင်ရောက်ကာ၊ ဤအချိန်တွင်မှ ငါသည် အသစ်သော "ရှာဖွေတွေ့ရှိမှု" ကို ရရှိသောကြောင့်ဖြစ်ပေသည်။ သို့သော် ၎င်းတို့က ဤသည်ကို အရေးမထားကြပေ။ ထိုသူတို့သည် လုံးဝ ဂရုမစိုက်သကဲ့သို့ ၎င်းတို့ ရရှိသောအရာ သို့မဟုတ် ဆုံးရှုံးသောအရာကို တွေးတောခြင်းမရှိကြချေ၊ ယင်းမှာ ၎င်းတို့၏ "ကိုယ်ကျိုးမငဲ့သော" ဆည်းကပ်မှု စိတ်ဝိညာဉ်ကို ပြသဖို့ရန် လုံလောက်ပေသည်။ ၎င်းတို့သည် ၎င်းတို့ကိုယ်တိုင်၏ ကျန်းမာရေးအခြေအနေကို ထည့်သွင်းစဉ်းစားခြင်းမပြုဘဲ ငါ့အတွက် "အပြေးအလွှာ" လုပ်ဆောင်ကြ၏။ ဤသည်မှာလည်း ၎င်းတို့၏ "သစ္စာရှိမှု" ဖြစ်ပြီး၊ ၎င်းတို့နှင့် ပတ်သက်၍ "ချီးကျူးထိုက်သော" အရာဖြစ်သည်၊ ထို့ကြောင့် ၎င်းတို့အနေဖြင့် ဤအရာကြောင့် ပျော်ရွှင်ကြစေဖို့အလို့ငှာ၊ "ချီးမွမ်းခြင်း" စာတစ်စောင်ကို ၎င်းတို့ထံ နောက်ထပ်တစ်ကြိမ် ငါ ပို့၏။ သို့သော် ဤ "စာ"ကို ၎င်းတို့ ဖတ်ရှုသောအခါ ၎င်းတို့ လုပ်ဆောင်သမျှအားလုံး ငါ၏ အသံတိတ်စာစောင်အားဖြင့် ငြင်းပယ်ခံခဲ့ရသည့်အတွက် ချက်ချင်း အနည်းငယ် ဒေါသဖြစ်ကြလေသည်။ ၎င်းတို့ ပြုမူသည်နှင့်အညီ ငါသည် လူတို့ကို အစဉ်အမြဲ ညွှန်ကြားခဲ့ပေပြီ၊ သို့တိုင် ၎င်းတို့သည် ငါ၏ စကားများကို ရွံရှာပုံရကြ၏၊ ထို့ကြောင့် ငါ၏နှုတ်ကို ဖွင့်သည်နှင့် တပြိုင်နက်၊ ၎င်းတို့သည် ၎င်းတို့၏ မျက်လုံးများကို ဖျစ် ညှစ်ပိတ်လိုက်ကြပြီး၊ ၎င်းတို့၏ လက်များကို နားများပေါ် အုပ်ထားလိုက်ကြလေသည်။ ငါ၏ ချစ်ခြင်းမေတ္တာကြောင့် ၎င်းတို့သည် ငါ့အပေါ် လေးစားမှုနှင့် မကြည့်ကြ၊ သို့သော် ၎င်းတို့၏ ပိုင်ဆိုင်မှု ဥစ္စာပစ္စည်းများထဲက ကုန်ပစ္စည်းများကို ဖော်ထုတ်ရင်း၊ ၎င်းတို့၏ ချို့တဲ့မှုများကို ငါထောက်ပြသည့်အတွက် ၎င်းတို့သည် ငါ့ကို သာ၍ မုန်းကြ၏၊ ယင်းကြောင့် ၎င်းတို့၏ အသက်မွေးဝမ်းကြောင်းမှု နည်းလမ်းများ ကုန်ဆုံးသွားခြင်းနှင့်အတူ၊ ၎င်းတို့၏ စီးပွားရေးလုပ်ငန်း၌ အရှုံး ပေါ်ခဲ့ကြလေသည်။ ဤကဲ့သို့ဖြစ်သဖြင့် ငါ့အတွက် ၎င်းတို့၏မုန်းတီးခြင်းသည် ထို့နောက်တွင် တိုးပွားလာပေသည်။

၁၉၉၂ ခုနှစ်၊ ဧပြီလ ၁၄ ရက်

ယခင်က:အခန်း ၃၁

နောက်တစ်ခုသို့:အခန်း ၃၃

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ စစ်မှန်သော လမ်းခရီးကို စုံစမ်းခြင်းအပေါ် အမေးအဖြေတစ်ရာ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ