အဖြေ- ဟိုးအရင်ကတုန်းကတော့ ရှင်ပေါလုလို တမန်တော်တွေရဲ့မိန့်ဆိုချက်တွေကို ဘုရားသခင်ရဲ့အဆုံးအမတွေလိုပဲ သဘောထားခဲ့ဖူးတယ် သခင့်ကိုယုံကြည်ဖို့၊ သခင့်အတွက် အလုပ်တွေလုပ်ဖို့အတွက် ရှင်ပေါလုရဲ့မိန့်ဆိုချက်တွေအတိုင်း လိုက်နာခဲ့ဖူးတယ် သခင် ပြန်ပြီးကြွရောက်မယ့်ကိစ္စမှာတောင် ရှင်ပေါလုရဲ့မိန့်ဆိုချက်အတိုင်း လက်ခံခဲ့ကြတယ် ဒါပေမဲ့ သခင်ယေရှုရဲ့မိန့်ဆိုချက်တွေကို ဘေးဖယ်ထားမယ်ဆိုရင်တော့ အရေးတကြီးစဉ်းစားရမယ့်ကိစ္စ ဖြစ်သွားပြီလေ ဘုရားသခင်ကို ယုံကြည်ပြီဆိုမှတော့၊ ဘုရားသခင်နဲ့ လူသားရဲ့မိန့်ဆိုချက်နှစ်ခုမှာ ဘယ်ဟာကို ကျွန်တော်တို့ယုံကြည်သင့်လဲ သမ္မာကျမ်းထဲက ရှင်ပေါလုရဲ့မိန့်ဆိုချက်တွေကကော ဘုရားသခင်ရဲ့မိန့်ဆိုချက်လား၊ လူသားရဲ့မိန့်ဆိုချက်တွေလား ဘယ်သူ့မိန့်ဆိုချက်တွေလည်းဆိုတာကို ခွဲခြားမယ်ဆိုရင်၊ ဒီကိစ္စကို အရင်ဆုံးခဏဖယ်ထားလိုက်ရအောင် ဒါပေမဲ့ သမ္မာကျမ်းထဲက ယေဟောဝါနဲ့ သခင်ယေရှုရဲ့မိန့်ကြားချက်တွေကတော့ ဘုရားသခင်ရဲ့မိန့်ကြားချက်တွေမှန်း သေချာတယ်လေ ဒါကိုတော့ ဘယ်သူမှ မငြင်းနိုင်ပါဘူး ရှင်ပေါလုလို တမန်တော်တွေရဲ့မိန့်ဆိုချက်တွေဟာ တကယ်တော့ လူသားရဲ့မိန့်ဆိုချက်တွေပါပဲ သန့်ရှင်းသောဝိညာဉ်တော်ကြောင့် ဉာဏ်အလင်းရခဲ့ကြတယ်ဆိုရင်တောင်၊ ဒါတွေက လူသားရဲ့မိန့်ဆိုချက်တွေပါပဲ ဘုရားသခင်ရဲ့မိန့်ကြားချက်တွေ မဟုတ်ပါဘူး ဘာကြောင့်လဲဆိုတော့ ရှင်ပေါလုလို တမန်တော်တွေရဲ့မိန့်ဆိုချက်တွေဟာ ဘုရားသခင်ရဲ့မိန့်ဆိုချက်တွေဖြစ်ကြောင်း၊ သခင်ယေရှုရော သန့်ရှင်းသောဝိညာဉ်တော်ကပါ သက်သေခံထားတာမရှိဘူး တမန်တော်တွေကိုယ်တိုင်ကလည်း သူတို့ရေးသားထားတာတွေက ဘုရားသခင်ရဲ့မိန့်ကြားချက်တွေဖြစ်တယ်လို့ မပြောခဲ့ဘူး ဒီအချက်က မမှန်ဘူးလား ဒါတွေကို ဘုရားသခင်ရဲ့မိန့်ကြားချက်တွေအဖြစ် အခြေခံထားပြီး အသုံးချဖို့ဆိုတာ အသာထားပါဦး သမ္မာကျမ်းထဲက လူသားရဲ့အဆိုအမိန့်တွေဆိုတာ လူသားရဲ့အဆိုအမိန့်သက်သက်ပါပဲ။ ဘုရားသခင်ရဲ့မိန့်ကြားချက်တွေအဖြစ် သတ်မှတ်လို့မရဘူး ဘာကြောင့်လဲဆိုတော့ လူသားရဲ့အဆိုအမိန့်တချို့က သန့်ရှင်းသောဝိညာဉ်တော်ရဲ့ ဉာဏ်အလင်းပွင့်မှုကနေ အစပြုခဲ့တာဖြစ်သလို၊ တချို့ဟာတွေမှာလည်း လူသားရဲ့ဆန္ဒတွေ ရောပါနေတာကြောင့်ပါပဲ ဒါတွေက အမှန်တရားကို ထုတ်ဖော်ပြတာတွေ မဟုတ်ဘူး ကျွန်တော်တို့က လူသားရဲ့အဆိုအမိန့်ကို အမှန်တရားအဖြစ် လက်ခံလိုက်မယ်ဆိုရင်၊ ရှုပ်ထွေးမှုတွေ ဖြစ်လာမယ့်အပြင် ဦးတည်ရာလည်း မဲ့သွားလိမ့်မယ် ဘာသာရေးအသိုက်အဝန်းတစ်ခုလုံးမှာ ဂိုဏ်းခွဲထောင်ပေါင်းများစွာ ဘာကြောင့်ပေါ်လာတာလဲ သမ္မာကျမ်းထဲက လူသားရဲ့အဆိုအမိန့်တွေကို ဘုရားသခင်ရဲ့မိန့်ကြားချက်တွေအဖြစ် လူတွေက အဓိပ္ပါယ်ဖော်လိုက်မိတာ အဓိကအကြောင်းရင်းပါပဲ အဲဒီတော့ တော်တော့်ကို ရှုပ်ထွေးကုန်တာပေါ့ ကောင်းကင်နိုင်ငံဆီ ဝင်ခွင့်ရဖို့ကိစ္စကတော့ သခင်ယေရှုရဲ့မိန့်ဆိုချက်ကိုပဲ အတည်ယူသင့်ပါတယ် သခင်ယေရှုဆိုတာ လူ့ဇာတိခံယူထားတဲ့ ခရစ်တော်ဖြစ်နေတယ်လေ။ သခင်ယေရှုကသာ ကယ်တင်ရှင်ဖြစ်တယ် သခင်ယေရှုရဲ့မိန့်ဆိုချက်ဟာ သမ္မာတရားပါပဲ။ သခင်ယေရှုရဲ့မိန့်ဆိုချက်ကသာ အာဏာရှိတယ် ရှင်ပေါလုဆိုတာ လူသားတစ်ယောက်ပါ။ သူက ခရစ်တော်မဟုတ်ဘူး။ သမ္မာတရားကို သူက မဖော်ပြနိုင်ဘူး ဒါကြောင့် သူ့မိန့်ဆိုချက်တွေမှာ လူသားရဲ့ဆန္ဒနဲ့စိတ်ကူးတွေ ရောနေတယ်ဆိုတာ ငြင်းလို့မရပါဘူး ရှင်ပေါလုကိုယ်တိုင်တောင် သူ့မိန့်ဆိုချက်တွေဟာ ဘုရားသခင်ရဲ့လွွှမ်းမိုးမှုကြောင့်ဖြစ်လာတာပါလို့ အခိုင်အမာ မပြောခဲ့သလို သူရေးခဲ့တဲ့စာတွေဟာလည်း ဘုရားသခင်ရဲ့မိန့်ဆိုချက်တွေပါလို့လည်း မရည်ညွှန်းခဲ့ပါဘူး ဒီတော့ ကျွန်တော်တို့က ရှင်ပေါလုရဲ့အဆိုအမိန့်တွေကို ဘုရားသခင်ရဲ့မိန့်ဆိုချက်တွေအဖြစ် သဘောထားလိုက်ရင် အဓိပ္ပါယ်ရှိပါတော့မလား ဒါကြောင့် ကျွန်တော်တို့က ဘုရားသခင်ရဲ့အလိုတော်ကို နာခံသည်ဖြစ်ဖြစ်၊ ကောင်းကင်နိုင်ငံဆီ ဝင်ခွင့်ရသည်ဖြစ်ဖြစ် မရသည်ဖြစ်ဖြစ် သမ္မာတရားကို ဆင်ခြင်သုံးသပ်တဲ့ကိစ္စမှာ အဖြေမှန်ကို ရှာတွေ့နိုင်ဖို့ဆိုရင် သခင်ယေရှုရဲ့မိန့်ဆိုချက်အတိုင်းပဲ လိုက်နာသင့်တယ်။

ပိုပြီးရှင်းရှင်းလင်းလင်းသိသွားအောင်၊ အနန္တတန်ခိုးရှင်ဘုရားရဲ့မိန့်ဆိုချက်နည်းနည်းလောက်ကို ဖတ်ကြည့်ကြရအောင် အနန္တတန်ခိုးရှင်ဘုရားက ပြောသည် “ယနေ့ခေတ်တွင် လူတို့က သမ္မာကျမ်းစာသည် ဘုရားသခင် ဖြစ်သည်၊ ဘုရားသခင်သည်လည်း သမ္မာကျမ်းစာ ဖြစ်သည်ဟု ယုံကြည်ကြသည်။ ထို့ကြောင့် သမ္မာကျမ်းစာထဲမှ စကားလုံးများသည်သာ ဘုရားသခင်ပြောကြားခဲ့သည့် စကားလုံးများ ဖြစ်ကြပြီး ထိုစကားလုံးများအားလုံးကို ဘုရားသခင် ပြောခဲ့သည်ဟုလည်း ယုံကြည်ကြသည်။ ဘုရားသခင်ကို ယုံကြည်ကြသည့် သူများသည် ဓမ္မဟောင်းနှင့် ဓမ္မသစ်ကျမ်းများထဲက ကျမ်းပေါင်း ခြောက်ဆယ့်ခြောက်ကျမ်းကို လူများက ရေးခဲ့ကြသော်လည်း ထိုကျမ်းအားလုံးကို ဘုရားသခင်က မှုတ်သွင်းတော်မူခြင်းအားဖြင့် ပေးအပ်ခဲ့ပြီး သန့်ရှင်းသောဝိညာဉ်တော်၏ မိန့်မြွက်ချက်များနှင့်ဆိုင်သော မှတ်တမ်းတစ်ခု ဖြစ်သည်ဟုပင်လျှင် ယူဆကြသည်။ ဤသည်မှာ လူတို့၏ မှားယွင်းသော သဘောပေါက်နားလည်မှုဖြစ်ပြီး အချက်အလက်များနှင့် လုံးဝ ကိုက်ညီခြင်း မရှိကြပါ။ အမှန်တွင် အနာဂတ္တိကျမ်းများမှအပ ဓမ္မဟောင်းကျမ်းထဲမှ ကျမ်းအများစုသည် သမိုင်းမှတ်တမ်းများ ဖြစ်သည်။ ဓမ္မသစ်ကျမ်းထဲမှ သြဝါဒစာအချို့သည် လူတို့၏ ဘဝအတွေ့အကြုံများမှ လာခြင်းဖြစ်ပြီး တစ်ချို့မှာ သန့်ရှင်းသောဝိညာဉ်တော်၏ ဉာဏ်အလင်းဖွင့်ပြမူကြောင့် လာခြင်း ဖြစ်သည်။ ဥပမာအားဖြင့် ပေါလု၏ စာများသည် လူတစ်ဦး၏ လုပ်ဆောင်ချက်မှ ထွက်ပေါ်လာခဲ့ပြီး ၎င်းတို့ အားလုံးသည် သန့်ရှင်းသောဝိညာဉ်တော်၏ ဉာဏ်အလင်းဖွင့်ပြမှုကြောင့် ပေါ်ပေါက်လာသော ရလဒ် ဖြစ်ကာ အသင်းတော်များအတွက် ရေးခဲ့သော စာများဖြစ်ပြီး အသင်းတော်မှ ညီအစ်ကိုမောင်နှမများကို နှိုးဆော်အားပေးသော စကားများ ဖြစ်သည်။ ထိုစကားများသည် သန့်ရှင်းသောဝိညာဉ်တော်က ပြောသောစကားများ မဟုတ်ပါ— ပေါလုသည် သန့်ရှင်းသောဝိညာဉ်တော်၏ ကိုယ်စား မပြောနိုင်သကဲ့သို့ သူသည် ယောဟန် ရှုမြင်ခဲ့ရသော ရူပါရုံများကို မြင်ခဲ့ဖို့ရန်ဝေးစွ၊ ပရောဖက်တစ်ဦးပင် မဟုတ်ခဲ့ပါ။ ပေါလုရေးခဲ့သော သြဝါဒစာများသည် ဧဖက်မြို့၊ ဖိလဒေလဖိမြို့၊ ဂလာတိပြည်နှင့် အခြားသော အသင်းတော်များအတွက် ရေးသောစာများ ဖြစ်သည်။ သို့ဖြစ်၍ ဓမ္မသစ်ကျမ်းထဲရှိ ပေါလု၏ သြဝါဒစာများသည် အသင်းတော်များအတွက် ပေါလုရေးခဲ့သော သြဝါဒစာများသာဖြစ်ပြီး သန့်ရှင်းသော ဝိညာဉ်တော်၏ စေ့ဆော်ချက်များလည်း မဟုတ်သကဲ့သို့ သန့်ရှင်းသောဝိညာဉ်တော်၏ တိုက်ရိုက် မိန့်မြွက်ချက်များလည်း မဟုတ်ပေ။...လူတို့အတွက် တည်ဆောက်စရာ ဖြစ်စေသော၊ အပြုသဘောဆောင်သော ပေါလု၏ စကားများ အားလုံးသည် မှန်သော်လည်း ထိုစကားများသည် သန့်ရှင်းသောဝိညာဉ်တော်၏ မိန့်မြွက်ချက်များကို ကိုယ်စားမပြုသကဲ့သို့ ဘုရားသခင်ကိုလည်း ကိုယ်စား မပြုနိုင်ခဲ့ပေ။ ယင်းသည် လူတစ်ယောက်၏ အတွေ့အကြုံများနှင့်ဆိုင်သော မှတ်တမ်းတစ်ခုနှင့် လူတစ်ယောက်၏ သြဝါဒစာများကို အသင်းတော်များထံ သန့်ရှင်းသောဝိညာဉ်တော်ပြောသည့် စကားလုံးများသဖွယ် လူတို့ သဘောထားခြင်းသည် ကမ်းကုန်အောင် လွဲမှားသည့် ခံယူချက်ဖြစ်ပြီး ဘုရားသခင်အား အကြီးအကျယ် ပြစ်မှားစော်ကားခြင်းလည်း ဖြစ်သည်။...သူ၏ ကိုယ်ပိုင်လက္ခဏာမှာ အမှုဆောင်ခဲ့သည့် တမန်တော်မျှသာဖြစ်သည်၊ ဘုရားသခင် စေလွှတ်ခဲ့သည့် တမန်တော်မျှသာ ဖြစ်သည်၊ သူသည် ပရောက်ဖက်တစ်ဦးလည်း မဟုတ်သကဲ့သို့ အနာဂတ်ကို ဟောကြားသူလည်း မဟုတ်ခဲ့ပါ။ သူ့အဖို့ သူ၏အလုပ်နှင့် ညီအစ်ကိုမောင်နှမများ၏ အသက်တာသည် အရေးတကာ့ အရေးကြီးဆုံး ဖြစ်ခဲ့သည်။ သို့ဖြစ်၍ သူသည် သန့်ရှင်းသော ဝိညာဉ်တော် ကိုယ်စား မပြောကြားနိုင်ခဲ့ပါ။ သူ့စကားများသည် သန့်ရှင်းသော ဝိညာဉ်တော်၏ စကားများ မဟုတ်သည့်အပြင် ဘုရားသခင်၏ နှုတ်ကပတ်တော်များ ဖြစ်သည်ဟု သာ၍ပင် ပြောမရနိုင်ပါ။ အဘယ်ကြောင့်ဆိုသော် ပေါလုသည် ဘုရားသခင်၏ ဖန်ဆင်းခံ သတ္တဝါတစ်ဦးသာ ဖြစ်ပြီး၊ ဘုရားသခင်၏လူ့ဇာတိခံယူခြင်း မဟုတ်သည်မှာ သေချာသောကြောင့် ဖြစ်သည်။ ပေါလု၏ ကိုယ်ပိုင်လက္ခဏာသည် ယေရှုနှင့် မတူပါ။ ယေရှု ပြောခဲ့သော စကားများသည် သန့်ရှင်းသောဝိညာဉ်တော်၏ စကားများ၊ ဘုရားသခင်၏ စကားများ ဖြစ်သည်။ အဘယ်ကြောင့်ဆိုသော် သူ၏ ကိုယ်ပိုင်လက္ခဏာသည် ခရစ်တော် ဖြစ်သောကြောင့်— ဘုရားသခင်၏ သားဖြစ်သောကြောင့် ဖြစ်သည်။ ပေါလုသည် မည်သို့ ယေရှုနှင့် တူညီနိုင်ပါမည်နည်း။ အကယ်၍ လူတို့သည် ဓမ္မသစ်ကျမ်းမှ သြဝါဒစာများ သို့မဟုတ် ပေါလု၏ စကားများကဲ့သို့သော စကားများကို သန့်ရှင်းသောဝိညာဉ်တော်၏ ပြောကြားချက်များအဖြစ် မြင်ကြပြီး ၎င်းတို့ကို ဘုရားကဲ့သို့ ကိုးကွယ်မည်ဆိုလျှင် လူတို့သည် အလွန်အမင်း မဆင်မခြင်ပြုမူနေခြင်း ဖြစ်သည်ဟုသာ ဆိုနိုင်ပေသည်။ သာ၍ ခပ်ကြမ်းကြမ်း ပြောရမည်ဆိုလျှင် ဤသည်မှာ ဘုရားသခင်ကို ပြစ်မှားစော်ကားနေကြခြင်းပင် ဖြစ်သည်မဟုတ်လော။ လူတစ်ယောက်က ဘုရားသခင်ကိုယ်စား မည်သို့ ပြောဆိုနိုင်ပါမည်နည်း။ ထို့အပြင် လူတို့သည် ပေါလု၏ သြဝါဒစာများနှင့် သူပြောသော စကားများနှင့်ဆိုင်သော မှတ်တမ်းကို သန့်ရှင်းသော ကျမ်းစာ သို့မဟုတ် ကောင်းကင်ဘုံမှလာသော ကျမ်းစာဖြစ်သည့်အလား သတ်မှတ်ကာ ၎င်းတို့ရှေ့၌ မည်သို့ ပျပ်ဝပ်နိုင်သနည်း။ ဘုရားသခင်၏ နှုတ်ကပတ်တော်များကို လူတစ်ယောက်က သာမန်ကာလျှံကာ ပြောနိုင်ပါမည်လော။ လူတစ်ယောက်က ဘုရားသခင်ကိုယ်စား မည်သို့ ပြောဆိုနိုင်ပါမည်နည်း။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ သမ္မာကျမ်းစာနှင့် ပတ်သက်၍ (၃))

“ဘုရားသခင်၏ နှုတ်ကပတ်တော်ကို လူ့စကားအဖြစ် ပြော၍ မရဘဲ၊ လူ့စကားကို ဘုရားသခင်၏ နှုတ်ကပတ်တော်အဖြစ် သာ၍ပင် ပြော၍ မရပေ။ ဘုရားသခင် အသုံးပြုသောသူသည် လူ့ဇာတိခံ ဘုရားသခင် မဟုတ်သကဲ့သို့၊ လူ့ဇာတိခံ ဘုရားသခင်သည် ဘုရားသခင် အသုံးပြုသော လူတစ်ဦး မဟုတ်ပေ။ ဤတွင် ပဓာနကျသော ကွဲပြားမှုတစ်ခု ရှိသည်။...လူ့ဇာတိခံ ဘုရားသခင်၏ နှုတ်ကပတ်တော်များသည် ခေတ်သစ်တစ်ခုကို ဖွင့်လှစ်သည်၊ လူသားမျိုးနွယ် အားလုံးကို လမ်းပြသည်၊ နက်နဲမှုများကို ထုတ်ဖော်ပြပြီး၊ ခေတ်သစ်တွင် လူသားလျှောက်လှမ်းရမည့် ဦးတည်ရာကို ပြသပေသည်။ လူသားရရှိသော အသိဉာဏ်ပွင့်လင်းခြင်းမှာ လက်တွေ့လုပ်ဆောင်ခြင်း သို့မဟုတ် အသိပညာအတွက် ရိုးရှင်းသော သွန်သင်မှုများသာ ဖြစ်သည်။ ယင်းက လူသားမျိုးနွယ်အားလုံးကို ခေတ်သစ်တစ်ခုထဲသို့ လမ်းပြနိုင်ခြင်းမရှိ၊ သို့မဟုတ် ဘုရားသခင်ကိုယ်တိုင်၏ နက်နဲမှုများကို ထုတ်ဖော်မပြနိုင်ပေ။ နောက်ဆုံး စာရင်းချုပ်လိုက်သောအခါ၊ ဘုရားသခင်သည် ဘုရားသခင်ဖြစ်ပြီး လူသည် လူဖြစ်သည်။ ဘုရားသခင်သည် ဘုရားသခင်၏ အနှစ်သာရရှိပြီး လူသည် လူ၏အနှစ်သာရ ရှိသည်။ လူသည် ဘုရားသခင် ပြောဆိုသော စကားများကို သန့်ရှင်းသော ဝိညာဉ်တော်၏ ရိုးရှင်းသော ဉာဏ်ပွင့်စေခြင်း အဖြစ် ရှုမြင်ပြီး၊ တမန်တော်များနှင့် ပရောဖက်များ၏စကားများကို ဘုရားသခင်က ကိုယ်တိုင်ကိုယ်ကျ ပြောဆိုသော စကားများအဖြစ် မှတ်ယူပါက၊ လူတို့၏အမှား ဖြစ်ပေမည်။ မည်သို့ပင်ဖြစ်စေ သင်သည် အမှန်နှင့် အမှားကို မည်သည့်အခါတွင်မျှ မရောထွေးသင့်ပေ၊ သို့မဟုတ် မြင့်မားသောအရာကို နိမ့်ကျသောအရာ မဖြစ်စေသင့်၊ သို့မဟုတ် လေးနက်သောအရာကို ပေါ့တန်သောအရာနှင့် မမှားသင့်ပေ။ မည်သို့ပင်ဖြစ်စေ အမှန်တရားဟု သင်သိထားသောအရာကို တမင်သက်သက် မည်သည့်အခါတွင်မျှ မငြင်းဆိုသင့်ပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ကျမ်းဦးစကား)

သခင့်ကိုယုံကြည်သူအများစုဟာ သခင် ပြန်ကြွလာမှာကို စောင့်ရင်း၊ ရှင်ပေါလုရဲ့အဆိုအမိန့်အတိုင်း လိုက်နာနေကြမှာ သေချာပါတယ် “နောက်ဆုံးသော တံပိုးမှုတ်သောအခါ၊ တခဏခြင်းတွင် မျက်စိတမှိတ်၌ ငါတို့ရှိသမျှ သည် ပြောင်းလဲခြင်းသို့ ရောက်ရကြမည်။ ထိုတံပိုးမှုတ်ချိန်ရောက်သောအခါ၊ သေလွန်သောသူတို့သည်၊ မပုပ်နိုင် သောအဖြစ်၌ တည်လျက်ထမြောက်၍၊ ငါတို့ရှိသမျှသည် ပြောင်းလဲခြင်းသို့ ရောက်ရကြမည်။” (ကောရိန္သု ဩဝါဒစာ ပဌမစောင် ၁၅:၅၂) တော်တော်အဓိပ္ပာယ်မဲ့ပြီး၊ ယုတ္တိမရှိတာပဲ ဘာကြောင့်လဲဆိုတော့ လူသားရဲ့အဆိုအမိန့်ဟာ ဘုရားသခင်ရဲ့မိန့်ဆိုချက်ကို ကိုယ်စားမပြုပါဘူး။ လူသားရဲ့အဆိုအမိန့်မှာ လူသားရဲ့ရည်ရွယ်ချက်တွေ ရောနေတယ် ဒီအဆိုအမိန့်တွေရဲ့အဓိပ္ပာယ်တချို့က ဘုရားသခင်ရဲ့မိန့်ဆိုချက်နဲ့ နည်းနည်းပါးပါး ညီညွတ်နေမယ်ဆိုရင်တောင်၊ ဒါဟာ ဘုရားသခင်ရဲ့မိန့်ဆိုချက် လုံးဝမဟုတ်ပါဘူး အခုလို ရှင်ပေါလု ဆိုမိန့်ခဲ့တာနဲ့ ဆင်တူတာမျိုးကို သခင်ယေရှုက မိန့်ခဲ့တာရှိလား တမန်တော်တွေကကော ဒီလိုဆိုမိန့်ခဲ့တာမျိုး ရှိလား ရှင်ပေါလုရဲ့စာတွေဟာ ဘုရားသခင်ရဲ့မိန့်ဆိုချက်တွေပါလို့ သန့်ရှင်းသောဝိညာဉ်တော်က သက်သေရပ်တည်ခဲ့လား သခင်ယေရှု ဒုတိယအကြိမ်ပြန်ကြွတဲ့အခါ ဖူးခွင့်ရအောင်၊ ရှင်ပေါလုရဲ့အဆိုအမိန့်အတိုင်း လိုက်နာရမယ်လို့ သန့်ရှင်းသောဝိညာဉ်တော်ရဲ့ဗျာဒိတ်တော်မှာ ပြောခဲ့လို့လား လုံးဝ မပြောထားဘူးလေ အဲဒီအချက်ကို ရှာလို့တွေ့မှာ မဟုတ်ဘူး၊ အထောက်အထားလည်း မရှိဘူး ဒါကြောင့် ရှင်ပေါလုရဲ့အဆိုအမိန့်ကို အကိုးအကားအနေနဲ့ပဲ သုံးလို့ရမယ်။ အခြေခံအကြောင်းရင်းအဖြစ် မရဘူး သခင်က ကျွန်တော်တို့ကို ချီဆောင်ပြီး၊ ကောင်းကင်နိုင်ငံဆီ ပို့ဆောင်မယ်ဆိုတဲ့အဆိုကတော့ ဒီလိုရှိပါတယ် ကျွန်တော်တို့က သခင့်မိန့်ဆိုချက်အစား ရှင်ပေါလုရဲ့အဆိုအမိန့်ကို လိုက်နာပြီးတော့ သခင် ပြန်ကြွလာပြီး ကျွန်တော်တို့ကို အသွင်ပြောင်းလဲစေမယ့်အရေးကို စိတ်ကူးတွေယဉ်နေမယ်ဆိုရင် အမှားတွေဖြစ်သွားဖို့ တော်တော်လွယ်ပါတယ်။ သခင့်ရဲ့ပစ်ပယ်ခြင်းကိုလည်း ခံရလာနိုင်တယ် တကယ်တော့ နောက်ဆုံးသောကာလမှာ သခင်ယေရှု ပြန်ကြွလာတဲ့အခါ ဘာတွေလုပ်မယ်ဆိုတာတွေ သခင်က လူသားတွေကို သန့်ရှင်းအောင် ဘယ်လိုပြောင်းလဲမယ်ဆိုတာတွေကို သမ္မာကျမ်းထဲမှာ ဟောကိန်းထုတ်ထားပါတယ်။

“ဘုရားသခင်၏အိမ်တော်သားတို့ကို ရှေ့ဦးစွာစစ်ကြော စီရင်ရသော အချိန်ရှိပြီ။” (ရှင်ပေတရုဩဝါဒစာပဌမစောင် ၄:၁၇)

“ငါ့စကားကို ကြားသောသူသည် မယုံကြည်ဘဲနေလျှင် ထိုသူကို ငါသည်အပြစ်မစီရင်။ လောကီသား တို့ကို အပြစ်စီရင်အံ့သောငှါ ငါလာသည်မဟုတ်၊ လောကီသား တို့ကို ကယ်တင်အံ့သောငှါငါလာ၏။ ငါ့ကိုပယ်၍ ငါ့စကားကို နာမခံသောသူအား အပြစ်စီရင်သောသူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။” (ရှင်ယောဟန်ခရစ်ဝင် ၁၂:၄၇-၄၈)

“သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတ္တံ့သောအရာတို့ကိုလည်း သင်တို့အား ဖော်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃)

“ဤသူတို့ကို ဤလောကမှ နှုတ်ယူတော်မူမည်အကြောင်း အကျွန်ုပ် တောင်းသည်မဟုတ်ပါ။ မကောင်းသော အမှုအရာနှင့် ကင်းလွတ်စေခြင်းငှါ စောင့်မတော်မူမည် အကြောင်းကိုသာ တောင်းပါ၏။...ကိုယ်တော်၏ သမ္မာတရားအားဖြင့် သူတို့ကိုသန့်ရှင်းစေတော်မူပါ။ ကိုယ်တော်၏ နှုတ်ကပတ်သည် သမ္မာတရားဖြစ်ပါ၏။...အကျွန်ုပ်သည် သူတို့အဘို့အလိုငှါ ကိုယ်ကို သန့်ရှင်း စေပါ၏။” (ရှင်ယောဟန်ခရစ်ဝင် ၁၇:၁၅၊ ၁၇၊ ၁၉)

ခင်ဗျားတို့ မြင်ကြရတဲ့ ဒီစာပိုဒ်တွေအရ နောက်ဆုံးကာလမှာ သခင် ပြန်ကြွလာမယ်ဆိုတာ သမ္မာတရားကို ဖော်ထုတ်ပြဖို့၊ ဘုရားသခင်ရဲ့အိမ်တော်သားတွေကို ဦးဆုံး တရားစီရင်ဖို့ သမ္မာတရားကို လူတွေ နားလည်လာအောင် သွန်သင်ပေးဖို့အတွက်ပါပဲ ဘုရားသခင်ရဲ့နုတ်ကပတ်တော်အတိုင်း တရားစီရင်ခြင်းကို ခံကြရမှာသာ၊ ကျွန်တော်တို့အနေနဲ့ သမ္မာတရားကို နားလည်နိုင်မယ်။ သန့်ရှင်းခြင်းကို ရမယ် ဘုရားသခင်ရဲ့နိုင်ငံဆီလည်း ဝင်ခွင့်ရနိုင်မယ် ဒါကြောင့် ရှင်ပေါလု မိန့်ခဲ့တဲ့.. “နောက်ဆုံးသော တံပိုးမှုတ်သောအခါ၊ တခဏခြင်းတွင် မျက်စိတမှိတ်၌ ငါတို့ရှိသမျှ သည် ပြောင်းလဲခြင်းသို့ ရောက်ရကြမည်။ ထိုတံပိုးမှုတ်ချိန်ရောက်သောအခါ၊ သေလွန်သောသူတို့သည်၊ မပုပ်နိုင် သောအဖြစ်၌ တည်လျက်ထမြောက်၍၊ ငါတို့ရှိသမျှသည် ပြောင်းလဲခြင်းသို့ ရောက်ရကြမည်” (ကောရိန္သု ဩဝါဒစာ ပဌမစောင် ၁၅:၅၂) ဒီမိန့်ဆိုချက်က မှန်ကန်မှုမရှိပါဘူး။ လူတွေကို တော်တော်လှည့်စားထားတာမျိုးပဲ အဲဒီလိုအယူအဆနဲ့ သခင့်အပေါ် ယုံကြည်နေကြသူတွေ အများကြီးပါပဲ။ သခင် ပြန်ကြွလာတဲ့အခါ၊ ကောင်းကင်နိုင်ငံဆီ ဝင်ခွင့်ရမယ်ဆိုပြီး စောင့်နေကြသူတွေပေါ့ သူတို့က သခင့်အဆုံးအမတွေကိုလည်း မကျင့်သုံးဘူး။ ဘုရားသခင်အလိုတော်ကို ဘယ်လိုလိုက်နာရမှန်းလည်း မသိကြဘူး သခင့်အတွက် အလုပ်တွေကိုလည်း သူတို့ဆန္ဒရှိတဲ့အတိုင်းပဲ လုပ်ကြတယ်။ နေ့တိုင်းနေ့တိုင်း အပြစ်လုပ်လိုက်၊ နောင်တရလိုက်အခြေအနေမျိုးမှာပဲ နေကြတယ် အစစ်အမှန်နောင်တရကြတာမျိုး မရှိဘူး။ အပြစ်နွံထဲကလည်း မရုန်းထွက်ကြပါဘူး သူတို့က ရှင်ပေါလုရဲ့မိန့်ဆိုစကားကို ယုံကြည်ပြီး၊ သခင် ပြန်ကြွလာမယ့်အချိန်ကို စောင့်နေကြတာပါပဲ ဒါက လက်တွေ့ကောကျပါ့မလား သခင်က အဲဒီလို ပြုမူမှာတဲ့လား ရှင်ပေါလုရဲ့ အဲဒီဟောကိန်းထဲမှာ ကျွန်တော်တို့အတွက် အကျိုးရှိတာတွေ ပါတယ်လို့ကော ခင်ဗျားတို့ ပြောကြမလား ကျွန်တော်တို့က ရှင်ပေါလုရဲ့မိန့်ဆိုချက်ကို ယုံကြည်ပြီး၊ စောင့်နေကြမယ်ဆိုရင်၊ သခင်ကိုယ်တိုင် မိန့်ခဲ့တဲ့ ဟောကိန်းက ဘယ်လိုလုပ်ဖြစ်နိုင်တော့မှာလဲ “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆) “ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။” (ရှင်ယောဟန်ခရစ်ဝင် ၁၀:၂၇) ဒီဟောကိန်းက ပြည့်လာပါတော့မလား စစ်မှန်တဲ့လမ်းစဉ်ကို ရှာဖွေလေ့လာနိုင်တဲ့သူ ရှိနိုင်ပါတော့မလား။ ဘုရားသခင်ရဲ့အသံတော်ကို ကြားနိုင်တဲ့သူ ရှိပါတော့မလား။

နောက်ဆုံးသောကာလမှာ အနန္တတန်ခိုးရှင်ဘုရား လုပ်ဆောင်မယ့်အရာတွေကို သဘောပေါက်ကြပြီဆိုရင်၊ အချက်တစ်ခုကို ကျွန်တော်တို့အားလုံး မြင်မိကြတယ် ဘုရားသခင်ဟာ ကပ်ဘေးကြီးကို မစတင်မီမှာ၊ မကောင်းမှုကျော်လွှားနိုင်သူတွေကို သီးသန့် ခွဲထုတ်ထားတယ်ဆိုတဲ့အချက်ပါပဲ အခုဆို ကမ္ဘာပျက်ကပ်ဘေးကြီးက နီးလာပါပြီ နောက်ဆုံးသောကာလမှာ ဘုရားသခင် ပြုမူဆောင်ရွက်မယ့်အရာတွေနဲ့ ကပ်ဘေးကြီး မကျရောက်ခင်ကြားမှာ၊ နှစ်ပေါင်း ၃၀ လောက် အချိန်ကာလတစ်ခု ရှိပါတယ် အဲဒီကာလက သိပ်တော့မကြာဘူးဆိုပေမယ့် ရှင်ပေါလု မိန့်ခဲ့သလို မျက်စိတစ်မှိတ်စာအတွင်းမှာ လူတွေက သန့်ရှင်းခြင်းအဖြစ်ကို ရောက်ကြလိမ့်မယ်ဆိုတာမျိုးတော့ မဟုတ်ပါဘူး ရှင်ပေါလုရဲ့ မရေမရာအဆိုအမိန့်က လူတွေအတွက် အံ့မခန်းစရာ ဖြစ်နေတာပေါ့ သခင်ယေရှုရဲ့ဟောကိန်းဖြစ်တဲ့ ဘုရားသခင်ရဲ့အသံတော်ကို ကြားရပြီး၊ ချီဆောင်ခြင်းခံကြရလိမ့်မည်ဆိုတာကိုတော့ ရှင်ပေါလုက ထည့်ပြီး မမိန့်ခဲ့ဘူးနော် သခင်ယေရှုရဲ့ဟောကိန်းတွေက လက်တွေ့ကျတယ်၊ မှန်ကန်တယ်၊ အချက်အလက်တွေနဲ့လည်း လုံးဝညီညွတ်ပါတယ် ဒီဟောကိန်းတွေ အမှန်တကယ်ဖြစ်လာချိန်ရောက်ရင်တောင် ကျွန်တော်တို့က သိပ်ပြီးနားလည်ကြဦးမှာမဟုတ်ဘူး အနန္တတန်ခိုးရှင်ဘုရား ပြန်လည်ကြွရောက်ပြီး၊ လုပ်ဆောင်စရာရှိတာတွေကို လုပ်ဆောင်တဲ့အခါ လူတော်တော်များများက ဘုရားသခင်ရဲ့အသံတော်ကို ကြားရမယ်၊ အနန္တတန်ခိုးရှင်ဘုရားကို ဖူးကြရမယ် ဘုရားသခင်ရဲ့တရားစီရင်မှုနဲ့ အပြစ်ပေးဆုံးမမှုတွေကို ခံကြရမှသာ ဗျာဒိတ်ကျမ်းမှာပါတဲ့ ဟောကိန်းတွေ ပြည့်ဝနိုင်လိမ့်မယ် “သိုးသငယ်၏ မင်္ဂလာဆောင်ပွဲသို့ ခေါ်ဘိတ်ခြင်းကို ခံရသောသူတို့သည် မင်္ဂလာရှိကြ၏ဟု ရေးထားလော့ဟူ၍၎င်း။” (ဗျာဒိတ်ကျမ်း ၁၉:၉) ဒါပေမဲ့ ရှင်ပေါလုရဲ့ဟောကိန်းကတော့ လုံးဝမပြည့်ဝပါဘူး ပြီးတော့ ရှင်ပေါလုက တမန်တော်လည်း မဟုတ်ခဲ့ဘူး။ သူ့ဟောကိန်းကလည်း လူတစ်ယောက်ရဲ့စိတ်ကူးစိတ်သန်းတွေအရ ထွက်လာတာဖြစ်နိုင်တယ် ရှင်ပေါလုရဲ့အဆိုအမိန့်တွေ အမှန်တကယ်ဖြစ်မလာပေမယ့်၊ သခင်ယေရှုရဲ့ဟောကိန်းတွေကတော့ ပြည့်ဝလာနေပါတယ် သူတို့နှစ်ယောက်ကြား ကွာခြားမှုက တော်တော်ကြီးပါတယ် လူသားရဲ့အဆိုအမိန့်နဲ့ ဘုရားသခင်ရဲ့အဆိုအမိန့် ကွာခြားတယ်ဆိုတာ ဒါပါပဲ ဒါကြောင့် ကောင်းကင်နိုင်ငံတော်ဆီ ဝင်ခွင့်ရဖို့အတွက် ရှင်ပေါလုရဲ့အဆိုအမိန့်ဟာ ကျွန်တော်တို့အတွက် အခြေခံအကြောင်းရင်း မဖြစ်နိုင်ပါဘူး ကျွန်တော် စိုးရိမ်မိတာရှိသေးတယ်။ လူတွေက ရှင်ပေါလုရဲ့အဆိုအမိန့်ကို လိုက်နာပြီး.. သခင် ပြန်ပြီးကြွလာတဲ့အခါ၊ သူတို့ကို အသွင်ပြောင်းလဲပေးဖို့ ကောင်းကင်နိုင်ငံဆီ ခေါ်ဆောင်သွားဖို့ဆိုတာတွေကို စောင့်နေမယ်ဆိုရင်တော့ သခင့်ရဲ့ပစ်ပယ်ခြင်းကို ခံကြရမယ့်၊ အမိုက်သားတွေပဲ ဖြစ်သွားကြလိမ့်မယ်။

ဒီသဘောကို ကျွန်တော်တို့အားလုံး မြင်နိုင်ကြမှာပါ သမ္မာကျမ်းထဲက ဟောကိန်းတွေ အမှန်တကယ်ဖြစ်လာမယ်ဆိုရင်၊ သခင့်ကိုယုံကြည်သူအများစုက နားလည်သဘောပေါက်ကြမှာပါ ဒါပေမဲ့ ရှင်ပေါလုရဲ့အဆိုအမိန့်တွေ ဘယ်လိုများ အမှန်တကယ်ဖြစ်လာမလဲဆိုတာကိုတော့ ကျွန်တော်တို့ နားမလည်နိုင်ကြဘူး ရှင်ပေါလုရဲ့အဆိုအမိန့်က ဘုရားသခင်ရဲ့အားကြောင့် ဖြစ်တာမဟုတ်ဘူးလို့ပြောရင် လုံလောက်ပါတယ်။ ဘုရားသခင်ရဲ့မိန့်ကြားချက်အဖြစ် လုံးဝသတ်မှတ်လို့မရဘူး သခင်ယေရှုရဲ့မိန့်ဆိုချက်တိုင်းက အမှန်တကယ်ဖြစ်လာနေတယ်ဆိုတာလည်း ကျွန်တော်တို့အားလုံး မြင်နိုင်ကြပါတယ် တကယ်လည်း မဟုတ်လို့လား အနန္တတန်ခိုးရှင်ဘုရားဟာ နောက်ဆုံးသောကာလမှာ ကြွရောက်လာပြီး၊ သမ္မာတရားအများအပြားကိုလည်း ဟောကြားခဲ့တယ် ဒါကို ဇာတိတွင် ပေါ်ထွက်လာသော စကား ဆိုတဲ့ ဟောဒီစာအုပ်ထဲမှာ မှတ်တမ်းတင်ထားပါတယ် ဇာတိတွင် ပေါ်ထွက်လာသောနှုတ်ကပတ်တော် စာအုပ်ကို ထုတ်ဝေထားပါတယ် အနန္တတန်ခိုးရှင်ဘုရားရဲ့မိန့်ကြားချက်တွေကို ဖတ်ရှုပြီးမှသာ ဂိုဏ်းခွဲ အသင်းခွဲအမျိုးမျိုးဟာ အနန္တတန်ခိုးရှင်ဘုရားရဲ့မိန့်ဆိုချက်ကို သိနားလည်ကြမယ် ဘုရားသခင်ရဲ့အသံတော်ကို ကြားနာနိုင်လိမ့်မယ်။ ဒါမှသာ အနန္တတန်ခိုးရှင်ဘုရားကို သူတို့အားလုံး ကိုးကွယ်လာကြမှာ အဲဒီလိုလူတွေဟာ ကပ်ဘေးကြီး မလာခင်မှာ ဘုရားသခင်ရဲ့ပလ္လင်တော်ရှေ့ ပို့ဆောင်ခံရမယ့် ဉာဏ်ပညာနဲ့ပြည့်စုံတဲ့ ကညာပျိုတွေပါပဲ သူတို့အားလုံးက သိုးသူငယ်ရဲ့မင်္ဂလာဆောင်ညစာစားပွဲကိုလည်း တက်ရောက်ကြရလိမ့်မယ် ဒါတွေဟာ သခင်ယေရှုရဲ့ဟောကိန်းတွေကို မှန်ကန်ကြောင်း ထောက်ခံနေတာပါပဲ “သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃) “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆) “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀) သခင်ယေရှုရဲ့ဟောကိန်းတွေက အမှန်တကယ်ဖြစ်နေပြီဆိုတာကို ခင်ဗျားတို့ မြင်ကြလား သခင် မိန့်ဆိုခဲ့တာတွေအားလုံး၊ တမန်တော်တွေကတစ်ဆင့် သိစေခဲ့တဲ့ ဘုရားသခင်ရဲ့မိန့်ကြားချက်တွေအားလုံးဟာ ခြွင်းချက်မရှိ အမှန်တကယ်ဖြစ်လာမှာပါ။ လွဲမှားတာတွေ ရှိလာမှာမဟုတ်ဘူး သခင်ယေရှု မိန့်ခဲ့သလိုပါပဲ.. “ကောင်းကင်နှင့် မြေကြီးမတည်သော်လည်း ငါ့စကားတည်လိမ့်မည်။” (ရှင်မဿဲခရစ်ဝင် ၂၄:၃၅) ဒါဆိုရင် ရှင်ပေါလုရဲ့အဆိုအမိန့်တွေကို ကြည့်ရအောင်။ သူ မိန့်ဆိုခဲ့တာတွေထဲမှာ ဘယ်ဟာတွေ အမှန်တကယ်ဖြစ်လာပြီလဲ ရှင်ပေါလု မိန့်ဆိုခဲ့တာတွေဟာ ဘုရားသခင်ရဲ့လွှမ်းမိုးမှုကြောင့်ပဲလား၊ ဘုရားသခင်ရဲ့တကယ့်မိန့်ကြားချက်လားဆိုတာ အခု အားလုံး ရှင်းရှင်းလင်းလင်းဖြစ်မသွားကြဘူးလား ကျွန်တော်တို့တွေက သခင့်အသံတော်ကို ရှာဖွေပြီး၊ ဘုရားသခင်ကို ခြေရာခံမယ့်အစား၊ ရှင်ပေါလုရဲ့အဆိုအမိန့်ကို လိုက်နာပြီး.. သခင် ပြန်လည်ကြွလာမယ့်အချိန်ကို စွဲစွဲလမ်းလမ်းနဲ့ စောင့်မျှော်နေကြမယ်ဆိုရင် ကျွန်တော်တို့က ပညာဉာဏ်နည်းတဲ့ ကညာပျိုတွေ ဖြစ်မသွားကြဘူးလား အဲဒီလိုလူတွေကပဲ သခင့်ကို ဖူးခွင့်ရပြီး၊ ဘုရားသခင်ရှေ့တော်မှောက် ဝင်ခွင့်ရနိုင်မှာလား။

ပြောင်းလဲခြင်းအခါသမယ ၏ ရုပ်ရှင် ဇာတ်ညွှန်း မှ