အဖြေ-

“သခင်ဘုရားသည် ကြွေးကြော်ခြင်း၊ ကောင်းကင်တမန်မင်းအသံပေးခြင်း၊ ဘုရားသခင်၏ တံပိုးတော် ကို မှုတ်ခြင်းနှင့်တကွ၊ ကောင်းကင်ဘုံမှ ကိုင်တိုင် ဆင်းသက်တော်မူ၍၊ ခရစ်တော်၌ သေလွန်သောသူတို့သည် အဦးထမြောက်ကြလိမ့်မည်။” (သက်သာလောနိတ်သြဝါဒစာပဌမစောင် ၄:၁၆) ဟု ဆိုထားသော သမ္မာကျမ်းစာထဲရှိ ပေါလု၏ စကားများအပေါ်အခြေခံ၍ သခင်ပြန်ကြွလာပြီးခြင်းဟုတ်မဟုတ်ကို အကဲဖြတ်ရန် သင့်အတွက် မှန်ကန်သလော။ သမ္မာကျမ်းစာတွင် ဘုရားသခင်၏ နှုတ်ကပတ်တော်များ၊ လူ၏ စကားများနှင့် စာတန်နတ်ဆိုး၏ စကားများပင်ပါဝင်သည်မှာ ရှင်းလင်းသည့် အမှန်တရားဖြစ်သည်။ သခင့်အားကြိုဆိုခြင်းနှင့်ပတ်သက်လျှင် သင်သည် အဘယ်ကြောင့် ဘုရားသခင်၏နှုတ်ကပတ်တော်များနှင့်အညီ မလုပ်ဆောင်ဘဲ လူ၏ စကားများအတိုင်း လုပ်ဆောင်သနည်း။ လူ၏ စကားများသည် အားလုံးသမ္မာတရားဖြစ်သည်ဟု သင်ယုံကြည်သလော။ သမ္မာတရားနှင့် အားလုံးကိုက်ညီသည်ဟု ယုံကြည်သလော။ သင်ညွှန်းဆိုကိုးကားသော စကားများသည် ပေါလုမှ ဆိုထားခြင်းဖြစ်သည်။ ပေါလုသည် လူသားတစ်ယောက်ဖြစ်သည်။ ဘုရားမဟုတ်ပေ။ ဤသို့ဆိုလျှင် သခင့်အားကြိုဆိုခြင်းအတွက် အခြေပြုချက်အဖြစ် သူ၏ စကားများကို မည်သို့အသုံးပြုနိုင်မည်နည်း။ သခင်ပြန်ကြွလာခြင်းပါဝင်သည့် အမှုကိစ္စများအတွက် ဘုရားသခင်၏ နှုတ်ကပတ်တော်များကသာလျှင် အခြေပြုချက်တစ်ခု ပံ့ပိုးပေးနိုင်သည်။ ဘုရားသခင်၏ နှုတ်ကပတ်တော်များကသာ သမ္မာတရားဖြစ်ခြင်းကြောင့် သခင်ယေရှုကိုယ်တိုင်ပြောကြားသည့် ပရောဖက်ပြုချက်များထက် မည်သည့်အခြေပြုချက်ကမျှ ပို၍မတိကျပေ။ လူသားသည် သမ္မာတရားမရှိပေ။ သူ၏ စကားတို့သည် သန့်ရှင်းသောဝိညာဉ်တော်၏ ဉာဏ်အလင်းပွင့်စေခြင်းနှင့် အလင်းပေးခြင်းတို့ခံရလျှင်ပင် ယင်းတို့ကို သမ္မာတရားအဖြစ်မှတ်ယူပြီး လိုက်နာသင့်ဖို့မဆိုထားနှင့်။ ယင်းတို့သည် သမ္မာတရားပင်မဟုတ်ပေ။ ဤသို့ဆိုလျှင် သခင်ယေရှုသည် သူ၏ ပြန်ကြွလာခြင်းအကြောင်းအပေါ် မည်သည့်အရာကို ပြောဆိုခဲ့သနည်း။ သခင်ယေရှုက၊ “ထိုအချိန်နာရီကိုကား အဘယ်သူမျှမသိ။ ကောင်းကင်တမန်မသိ။ ငါ့ခမည်းတော်တပါးတည်းသာ သိ တော်မူ၏။” (ရှင်မဿဲခရစ်ဝင် ၂၄:၃၆)ဟူ၍ ပြောဆိုခဲ့သည်။ သခင်ယေရှုသည် ဤအရာအား လုံးဝ မပြတ်သားမရှင်းလင်းမှုမပါဝင်ဘဲ တိုက်ရိုက်ပြောဆိုခဲ့သည်။ သခင်ယေရှုမည်သည့်အချိန်တွင် ပြန်ကြွလာမည်ကို မည်သူမျှမသိ။ ကောင်းကင်ဘုံမှ ကောင်းကင်တမန်များပင်၊ သို့မဟုတ် လူ့ဇာတိခံလူသားကိုယ်တိုင်ပင် မသိပေ။ သန့်ရှင်းသောဝိညာဉ်တော်ဖြစ်သည့် ခမည်းတော်သာ သိသည်။ ဤသို့ဆိုလျှင် သခင့်အားကြိုဆိုရာ၌ လုပ်ဆောင်ရန် တိကျမှန်ကန်မှုအရှိဆုံးအရာမှာ သခင်ယေရှု၏ နှုတ်ကပတ်တော်များကိုသာ အခြေခံပြီး ရှာဖွေစုံစမ်းရန်ဖြစ်သည်။ လူသား၏ မည်သည့်ပရောဖက်ပြုချက်များကမျှ အခြေပြုချက်တစ်ခုခုအဖြစ် အသုံးပြုနိုင်ဖို့မဆိုထားနှင့်။ တိကျမှန်ကန်မှုပင် မရှိပေ။ ဤသို့ဆိုလျှင် သခင်ယေရှုသည် အော်မြည်လျက်ဖြင့်၊ ကောင်းကင်တမန်မင်း၏ အသံဖြင့်၊ ဘုရားသခင်၏ တံပိုးခရာဖြင့် ပြန်လာမည်၊ သေသူတို့ ထမြောက်လိမ့်မည်ဟု သခင်ယေရှု၏ နှုတ်ကပတ်တော်များက ဆိုသလော။ မဆိုပေ။ ထို့ကြောင့် ဤဖြစ်ရပ်များ မဖြစ်ပေါ်သောကြောင့် သခင်ပြန်မကြွလာသေးဟု ပေါလု၏ စကားတွင်အခြေခံထားသော သင်၏ ကောက်ချက်ချမှုသည် လုံးလုံး အဓိပ္ပာယ်မရှိပေ။

သခင်၏ နှုတ်ကပတ်တော်များကို အခြေခံပြီး သခင်ပြန်ကြွလာခြင်းကို ကျွန်ုပ်တို့ ကြိုဆိုကြသည်။ “ကြည့်ရှုလော့ သူခိုးကဲ့သို့ ငါလာ၏။” (ဗျာဒိတ်ကျမ်း ၁၆:၁၆) “ထို့ကြောင့် သင်တို့သည် ပြင်ဆင်လျက်နေကြလော့။ အကြောင်းမူကား၊ သင်တို့မထင်မှတ်သောအချိန် ၌ လူသားသည် ကြွလာလိမ့်မည်။” (ရှင်လုကာခရစ်ဝင် ၁၂:၄၀) “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀) “ကောင်းကင်တစ်ဘက်မှ ပြက်သောလျှပ်စစ်သည် ကောင်းကင်အနှံ့အပြား ထွန်းလင်းသကဲ့သို့၊ လူသားသည် မိမိနေ့ရက်၌ ဖြစ်တော်မူလတ္တံ့။ ထိုသို့မဖြစ်မှီ သူသည် များစွာသောဆင်းရဲဒုက္ခကို၎င်း၊ ယခုလူမျိုး၏ ငြင်းပယ်ခြင်းကို၎င်း ခံရမည်။” (ရှင်လုကာခရစ်ဝင် ၁၇:၂၄-၂၅)ဟူ၍ သခင်က မိန့်ဆိုခဲ့သည်။ သခင်၏ နှုတ်ကပတ်တော်များက ရှင်းလင်းသည်။ ဘုရားသခင်၏ ရွေးချယ်ထားသောသူတို့အား ဘုရားသခင်၏အသံတော်ကို ကြားစေလျက်ဖြင့် သခင်သည် မည်သည့်လူပုဂ္ဂိုလ်၊ သို့မဟုတ် ကောင်းကင်တမန်တို့မျှ မသိရှိသည့် အခြေအနေများအောက်တွင် သမ္မာတရားကို ဖော်ပြပြီး လူသားမှ မျှော်လင့်မထားသည့်အချိန်တွင် လာသည်။ ဘုရားသခင် ရွေးချယ်ထားသောသူတို့သည် ဘုရားသခင်၏ အသံတော်ကိုကြားပြီး သခင့်အား သတိပြုမိသောအချိန်သည် ဘုရားသခင်၏ ပုလ္လင်တော်ရှေ့သို့ ၎င်းတို့ချီဆောင်ခံရသောအချိန်ဖြစ်သည်။ ချီဆောင်ခံရပြီးနောက် သခင်ပြန်ကြွလာပြီ၊ သခင်ပေါ်ထွန်းပြီး စတင်အလုပ်လုပ်နေပြီဟု စတင်သက်သေခံပြီး ဤသို့ဖြင့် သခင်ယေရှု၏ ပရောဖက်ပြုချက်ကို ပြည့်စုံစေသည့်သူတို့မှာ ဤလူများဖြစ်သည်။ “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆)သခင်ရောက်ရှိလာခြင်းကို ကြိုဆိုခြင်းမှာ ဤမျှ ရိုးရှင်းသည်။ သခင်ယေရှု၏ ပရောဖက်ပြုချက်များအပေါ် လုံးဝ အခြေခံထားပြီး အမှားအနည်းငယ်မျှပင်မရှိပေ။ အော်သံတစ်ခု၊ ကောင်းကင်တမန်မင်း၏ အသံ၊ သို့မဟုတ် ဘုရားသခင်၏ တံပိုးခရာကို ကြားဖို့၊ သို့မဟုတ် သေသူများထမြောက်သည်ကို ရှုမြင်ဖို့ အာရုံစိုက်ရန် လူတို့အတွက် မလိုအပ်ပေ။ ထိုအရာအားလုံးမှာ အဓိပ္ပာယ်မရှိပေ။ သခင်ပြန်ကြွလာခြင်း၏ သက်သေအတွက် အခြေပြုချက်တစ်ခုသာ ရှိသည်။ ယင်းမှာ ဘုရားသခင်၏အသံတော်ကို ကြားခြင်း၊ လူတို့က ဘုရားသခင် ဖော်ပြသော နှုတ်ကပတ်တော်များက သမ္မာတရားနှင့် ဘုရားသခင်၏ အသံတော် ဖြစ်သည်ကို မြင်ခြင်းဖြစ်သည်။ ဤသည်မှာ အကောင်းဆုံးသက်သေဖြစ်သည်။ ထိုအရာကို သင်မယုံကြည်လျှင်၊ အနန္တတန်ခိုးရှင်ဘုရားသခင် ဖော်ပြသည့် နှုတ်ကပတ်တော်များအားလုံးကို သင်၏ မျက်စိဖြင့် ကြည့်လော့။ ယင်းတို့သည် ဘုရားသခင်၏ အသံတော်များဖြစ်သည်ကို သင်သတိပြုမိပြီး လက်ခံလျှင် သင်သည် သခင်၏အသံတော်ကိုကြားပြီး သခင့်အား ကြိုဆိုသည့် ဉာဏ်ပညာရှိသော သတို့သမီးဖြစ်သည်။ အနန္တတန်ခိုးရှင်ဘုရားသခင် ပြောက၊ ”လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ အနှစ်သာရကို ပိုင်ဆိုင်ရမည်ဖြစ်ပြီး၊ လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ ဖော်ပြခြင်းကို ပိုင်ဆိုင်လိမ့်မည် ဖြစ်သည်။ ဘုရားသခင်သည် ဇာတိပကတိ ဖြစ်သွားသည့်အတွက် သူလုပ်ဆောင်ရန် ရည်ရွယ်သည့်အမှုကို သူ လုပ်ဆောင်မည်ဖြစ်ပြီး၊ ဘုရားသခင်သည် ဇာတိပကတိ ဖြစ်သွားသည့် အတွက်၊ သူ၏ဖြစ်ခြင်းကို ဖော်ပြမည်ဖြစ်ကာ လူသားထံ သမ္မာတရားကို ယူဆောင်လာနိုင်မည်၊ သူ့အပေါ် အသက်ကို အပ်နှင်းနိုင်မည်ဖြစ်ပြီး၊ သူ့အတွက် လမ်းခရီးကို ညွှန်ပြနိုင်မည်ဖြစ်သည်။ ဘုရားသခင်၏ အနှစ်သာရ မရှိသည့် ဇာတိပကတိသည် လူ့ဇာတိခံ ဘုရားသခင် တကယ် မဟုတ်ပေ။ ဤအရာနှင့် သက်ဆိုင်၍ သံသယဖြစ်ဖွယ် မရှိချေ။ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ်မဟုတ် ဆိုသည်ကို လူသားက စုံစမ်းရန် ရည်ရွယ်ပါက၊ သူဖော်ပြသော စိတ်နေသဘောထားနှင့် သူပြောဆိုသော နှုတ်ကပတ်တော်များမှ ဤအရာကို အတည်ပြုရမည်ဖြစ်သည်။ ဆိုလိုသည်မှာ၊ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်နှင့် မှန်ကန်သော လမ်းခရီး ဟုတ် မဟုတ် ဆိုသည်ကို အတည်ပြုရန်၊ သူ၏ အနှစ်သာရအရ ခွဲခြားရမည်ဖြစ်သည်။ ထို့ကြောင့် ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်ကို ဆုံးဖြတ်ရာတွင် သူ၏ အပြင်ပန်းသွင်ပြင်ထက် သူ၏အနှစ်သာရတွင် (သူ၏အမှု၊ သူ၏ မိန့်မြွက်ချက်များ၊ သူ၏စိတ်သဘောထားနှင့် အခြား ရှုထောင့်များစွာ) အဓိကအချက် တည်ရှိပေသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ကျမ်းဦးစကား) ဟု ပြောသကဲ့သို့ ဖြစ်သည်။ ဘုရားသခင်၏ အမှုတော်က လူအုပ်စုတစ်စုအား အောင်မြင်သူများအဖြစ်သို့ စုံလင်စေသည့် အမှန်တရား၊ အနန္တတန်ခိုးရှင်ဘုရားသခင်၏ နှုတ်ကပတ်တော်တစ်ခုချင်းစီတိုင်းအား ပြည့်စုံစေသည့် အမှန်တရားကို သင်မြင်သည်အထိလည်း သင်စောင့်နိုင်သည်။ သို့သော် သင်သည် အနန္တတန်ခိုးရှင်ဘုရားသခင်အား လက်ခံရန် ထိုနေ့အထိစောင့်လျှင်၊ အလွန်နောက်ကျသွားမည်ဖြစ်ပြီး ဘုရားသခင်က ပွင့်လင်းစွာ ပေါ်ထွန်းနှင့်ပြီးဖြစ်လိမ့်မည်။