အဖြေ-

တရုတ်ကွန်မြူနစ်ပါတီက တစ်ဦးတည်း လုပ်ကြံဖန်တီးခဲ့သည့် ရှန်ဒုန်းပြည်နယ် ကျောက်ယွမ်အမှုသည် ထိုအချိန်က တရုတ်နိုင်ငံနှင့် ပြည်ပနှစ်ခုလုံးတွင် ကြီးမားသည့် သက်ရောက်မှုရှိခဲ့ပြီး မသိနားမလည်သည့် လူများစွာက ထိုအရာအားဖြင့် လှည့်ဖြားခြင်းကို ခံခဲ့ရသည်။ သို့သော် ကမ္ဘာလောကသည် အစဉ် ထိုအရာ၏ လှည့်စားခြင်းကို ခံရလိမ့်မည်လား။ ယနေ့တွင် တရုတ်ကွန်မြူနစ်ပါတီ၏ ဥပဒေ တရားရုံးများ၏ တရားစီရင်ခြင်းများနှင့် ၎င်း၏ မီဒီယာများ သတင်းပေးပို့ချက်များကို လူမည်မျှက ယုံကြည်ဆဲဖြစ်သနည်း။ လှည့်ဖြားမှုနှင့် ဖုံးကွယ်မှုတို့သည် လုံးဝ ကြာရှည်မခံနိုင်ပါ။ အလိမ်အညာများက အမြဲ အလိမ်အညာများသာ ဖြစ်လိမ့်မည်ဖြစ်ပြီး အမှန်တရား လုံးဝ ဖြစ်မလာနိုင်ပါ။ တရုတ်ကွန်မြူနစ်ပါတီကို နားလည်သည့်သူတိုင်းက တရုတ်နိုင်ငံသည် ကွန်မြူနစ် အာဏာရှင် စနစ်တစ်ခုအားဖြင့် အုပ်စိုးခံရပြီး တရားရေး လွတ်လပ်မှု သို့မဟုတ် စာနယ်ဇင်း လွတ်လပ်မှု မရှိသည်ကို သိနားလည်ကြသည်။ တရုတ်ကွန်မြူနစ်ပါတီ တရားသူကြီးများသည် လွတ်လပ်မှု မရှိပါ။ တရုတ်ကွန်မြူနစ်ပါတီ အစိုးရပြောသည့်အတိုင်း ၎င်းတို့ လုပ်ရပြီး၊ အမှုအားလုံးကို အစိုးရ၏ အလိုအတိုင်း ကိုင်တွယ်ရသည်။ တရုတ် မီဒီယာကိုလည်း တရုတ်ကွန်မြူနစ်ပါတီ အစိုးရက ထိန်းချုပ်ထားပြီး၊ ယင်းသည် တရုတ်ကွန်မြူနစ်ပါတီ အာဏာရှင်စနစ်၏ စကားပြောခွက်နှင့် တန်ဆာပလာတစ်ခုသာ ဖြစ်သည်။ ဤသည်မှာ အများ လက်ခံထားကြသည့် အချက်များဖြစ်သည်။ သို့ဆိုလျှင်၊ တရုတ်ကွန်မြူနစ်ပါတီ ဥပဒေ တရားရုံးများရှိ အမှုများမှာ အချက်အလက်များကို လိုရာဆွဲပြောပြီး အမှန်တရားကို မှောက်လှန်သည့် အဓိပ္ပာယ်မရှိသော ဟာသများသက်သက် ဖြစ်သည်မှာ သေချာပေသည်။ သမာသမတ်ကျခြင်း သို့မဟုတ် တရားမျှတမှု လုံးဝ မရှိပါ။ ရှန်ဒုန်ပြည်နယ် ကျောက်ယွမ် ဖြစ်ရပ်၏ လူသိရှင်ကြား စစ်ဆေးခြင်း အတောအတွင်းတွင်၊ သံသယရှိသူများက၊ “ကျွန်တော် အနန္တတန်ခိုးရှင် ဘုရားသခင် အသင်းတော်နဲ့ ဘယ်တုန်းကမှ အဆက်အသွယ် မရှိဖူးပါဘူး” ဆိုသည်နှင့် “ပြည်နယ်က တိုက်ခိုက်နေတာဟာ ကျောက်ဝေရှန်ရဲ့ ‘အနန္တတန်ခိုးရှင် ဘုရားသခင်’ ပါ၊ ကျွန်တော်တို့ရဲ့ ‘အနန္တတန်ခိုးရှင် ဘုရားသခင်’ မဟုတ်ပါဘူး” ဟု ရှင်းလင်းစွာ ဖော်ပြပြောဆိုခဲ့သည်။ ၎င်းတို့၏ ဝန်ခံချက်များက ၎င်းတို့အနေဖြင့် အနန္တတန်ခိုးရှင် ဘုရားသခင် အသင်းသားများ မဟုတ်သကဲ့သို့၊ အနန္တတန်ခိုးရှင် ဘုရားသခင် အသင်းတော်ကလည်း ၎င်းတို့အား အသိအမှတ်မပြုထားကြောင်း အလွန် ထင်ရှားစေသည်။ ၎င်းတို့သည် အနန္တတန်ခိုးရှင် ဘုရားသခင် အသင်းတော်နှင့် မည်သို့မျှ မပတ်သက်ပါ။ သို့ဆိုလျှင် တရုတ်ကွန်မြူနစ်ပါတီ တရားသူကြီးက ဤအရာကို မကြားချင်ယောင်ဆောင်ပြီး အချက်အလက်များအတိုင်း အမှုကို အဘယ်ကြောင့် မစစ်ဆေးမဆုံးဖြတ်ခဲ့ပါသနည်း။ သက်သေ အထောက်အထား တစ်ခုတစ်လေမျှ မရှိဘဲ၊ တရားသူကြီးက အဘယ်ကြောင့် သံသယရှိသူများ၏ ဝန်ခံချက်များကို ဗြောင်ဗြောင်တင်းတင်း ဆန့်ကျင်ပြီး အချက်အလက်များကို တမင်တကာ လိုရာဆွဲပြောကာ အမှန်တရားကို မှောက်လှန်ပြီး ဤသံသယရှိသူများအား အနန္တတန်ခိုးရှင် ဘုရားသခင် အသင်းသားများအဖြစ် မရမက သမုတ်ခဲ့ပါသနည်း။ ယင်းမှာ တရုတ်ကွန်မြူနစ်ပါတီသည် အနန္တတန်ခိုးရှင် ဘုရားသခင် အသင်းတော်ကို အမှုဆင်ကာ မမှန်မကန် စွပ်စွဲဖို့၊ အသင်းတော်ကို ဖိနှိပ်ကာ နှိပ်စက်ပြီး လူထုသဘောထားသည် အသင်းတော်အား ရန်လိုလာစေဖို့ အလိမ်အညာများ လုပ်ကြံဖန်တီးနေခဲ့သည်မှာ သိသာသည် မဟုတ်ပါလား။ ဤသည်မှာ အချက်အလက်များနှင့် ဆန့်ကျင်ခဲ့သည်မဟုတ်ပါလား၊ ဥပဒေကို စော်ကားခဲ့ခြင်း မဟုတ်ပါလား။ ဤသည်တို့မှာ အရှက်မဲ့သော အလိမ်အညာများ ဖြစ်ခဲ့သည် မဟုတ်ပါလား။ ထိုသို့သော တရားစီရင်ချက် တစ်ခုသည် လူများအား သံသယမဖြစ်စေဘဲ အဘယ်သို့ နေနိုင်မည်နည်း။ တရုတ်ကွန်မြူနစ်ပါတီသည် အလိမ်အညာများနှင့် လှည့်ဖြားခြင်းတို့ကို နှစ်နှင့်ချီ ဖြန့်ဝေနေပြီး ဖြစ်သည်။ ၎င်းသည် ယခင်ကထက် တိုး၍ နာမည်ဆိုးနှင့် ကျော်ကြားပြီး အကျင့်ပျက်သည်၊ ဖောက်ပြန်ပျက်စီးပြီး ဆိုးယုတ်သည်။ ၎င်း၏ နာမည်ဂုဏ်သတင်းက အစုတ်စုတ်အပြတ်ပြတ် ဖြစ်နေသည်။ ပြည်တွင်းနှင့် ပြည်ပ နှစ်ခုလုံးတွင်၊ ၎င်း၏ မနှစ်မြို့ဖွယ် အရည်အသွေးက မခံမရပ်နိုင်အောင် ဖြစ်သည်။ ကမ္ဘာ့အနှံ့ ယခင်ထက် သာ၍များသော လူတို့သည် တရုတ်ကွန်မြူနစ်ပါတီကို ယင်း၏ အရှိအတိုင်း မြင်နေကြပြီ ဖြစ်သည်။ မည်သူမျှ တရုတ်ကွန်မြူနစ်ပါတီကို နောက်ထပ် မယုံကြည်တော့ပါ၊ အဘယ့်ကြောင့်ဆိုသော် တရုတ်ကွန်မြူနစ်ပါတီသည် စက်ဆုပ်ဖွယ်ဖြစ်ပြီး ဘုရားမဲ့ နိုင်ငံရေးပါတီတစ်ခု၊ ၎င်း၏ ဆိုးယုတ်မှုနှင့် ဘုရားသခင်ကို ဆန့်ကျင်ခြင်းတွင် ကမ္ဘာ့အနှံ့ အနှိုင်းမရှိသည့် နတ်ဆိုးစာတန်နှင့် သက်ဆိုင်သော အဖွဲ့တစ်ခု ဖြစ်သောကြောင့် ဖြစ်သည်။

တရုတ်ကွန်မြူနစ်ပါတီနှင့်သက်ဆိုင်သည့် သိနားလည်မှု ရှိသည့်သူ မည်သူမဆို ၎င်း၏ လုပ်နည်းလုပ်ဟန်နှင့် ရင်းနှီးနိုင်ဖွယ်ရှိသည်။ ဘာသာရေး ယုံကြည်မှု၊ ဒီမိုကရေစီဝါဒ အခြေခံသော အခွင့်အရေး လှုပ်ရှားမှုများ၊ တိုင်းရင်းသား လူနည်းစု ဆန္ဒပြမှုများ၊ အစရှိသည်တို့ကို ပြင်းပြင်းထန်ထန် ဖိနှိပ်သည့် အကြိမ်တိုင်းတွင်၊ ၎င်းက လူထုသဘောထားကို သွေဖည်စေဖို့ နှင့် လူထုကို လှုံ့ဆော်ဖို့ မမှန်ကန်သည့် ဖြစ်ရပ်များကို ဦးစွာ လုပ်ကြံဖန်တီးသည်၊ ထို့နောက်တွင် သွေးထွက်သံယို ဖိနှိပ်မှုကို ဆောင်ရွက်လေသည်။ ဥပမာအနေဖြင့်၊ ၁၉၈၉ ခုနှစ်က ထျန်းနန်းမန်း ရင်ပြင် ဆန္ဒပြမှုများကို ကြည့်ပါ - မူလအားဖြင့် ဤသည်မှာ အကျင့်ပျက်ခြစားမှုကို တိုက်ခိုက်ဖို့နှင့် ဒီမိုကရေစီနှင့် လွတ်လပ်မှုတို့ကို အားပေးဖို့ ကျောင်းသားလှုပ်ရှားမှုတစ်ခု ဖြစ်ခဲ့သော်လည်း၊ တရုတ်ကွန်မြူနစ်ပါတီက အမည်မသိသူများအား ကျောင်းသားများအဖြစ် အယောင်ဆောင်ပြီး ဆန္ဒပြသူများနှင့် ရောနှောဖို့ ညွှန်ကြားခဲ့ပြီး၊ ထိုနေရာတွင် ၎င်းတို့က လက်သရမ်း ဖျက်ဆီးခြင်း၊ မီးရှို့ခြင်းနှင့် စစ်တပ်ယာဉ်များကို မှောက်စေခြင်း လုပ်ရပ်များမှတစ်ဆင့် ပရမ်းပတာအခြေအနေများကို ဖန်တီးခဲ့သည်။ ကျောင်းသားများသည် တိုက်ရိုက် ဝေဖန် အပြစ်တင်ခံခဲ့ရပြီး ကျောင်းသား လှုပ်ရှားမှုကို တန်ပြန်တော်လှန်ရေး အဓိကရုဏ်းတစ်ခုအဖြစ် တံဆိပ်တပ်ခံခဲ့ရသည်၊ ထိုသို့ဖြင့် ကျောင်းသားများကို ဖိနှိပ်ခြင်းနှင့် အနည်းဆုံး ကျောင်းသား ထောင်နှင့်ချီ ပစ်ခတ်ခံခဲ့ရသကဲ့သို့၊ တင့်ကားများဖြင့်လည်း နင်းချေခံခဲ့ရသည့် သွေးထွက်သံယို ဖြိုခွင်းခြင်းအတွက် မူမမှန်သော အကြောင်းပြချက်တစ်ခု ပေးခဲ့သည်။ ထိုသို့ဖြင့် တရုတ်ကွန်မြူနစ်ပါတီသည် ကမ္ဘာလောကကို တုန်လှုပ်စေခဲ့ပြီး တရုတ်လူမျိုးများကို ခါးခါးသီးသီး စိတ်ပျက်စေခဲ့သည့် ကျောချမ်းဖွယ်ရာ တိုက်ပွဲတစ်ခု - ထျန်းနန်းမန်း ရင်ပြင် လူအစုအလိုက်အပြုံလိုက် သတ်ဖြတ်မှုကို ဖြစ်ပေါ်စေခဲ့သည်။ တိဘက်လူမျိုး ဆန္ဒပြပွဲများနှင့် ဆိုင်သည့် တရုတ်ကွန်မြူနစ်ပါတီ၏ ဖိနှိပ်မှုတွင် အလားတူ ဖြစ်ပျက်ခဲ့သည်။ ပထမဦးစွာ မီးလောင်စေခြင်း၊ သတ်ဖြတ်ခြင်း၊ ဓားပြတိုက်ခြင်းနှင့် လုယက်ခြင်းတို့အပါအဝင်၊ အကြမ်းဖက် လုပ်ရပ်များကို ကျူးလွန်ဖို့ အမိန့်များနှင့်အတူ၊ ၎င်းက လူတို့အား ဆန္ဒပြသူများနှင့် ရောနှောဖို့ ညွှန်ကြားခဲ့ပြီးနောက်၊ တိဘက်လူမျိုး ပုန်ကန်မှုကို ဖိနှိပ်ခြင်း ကိစ္စများနှင့်ပတ်သက်၍ ဆန္ဒပြသူများအပေါ် သေနတ်ဖြင့်ပစ်ခတ်ရန် စစ်တပ်ကိုလှုပ်ရှားစေခဲ့သည်။ ပြော၍ပင် မကုန်နိုင်ပေ။ ဤအချက်အလက်များမှာ အစိုးရနှင့် သဘောထားကွဲလွဲ ဆန့်ကျင်သူများအား ချေမှုန်းသုတ်သင်ခြင်းအတွက် တရုတ်ကွန်မြူနစ်ပါတီ၏ ခိုင်မာနေသော နည်းစနစ်များနှင့်ဆိုင်သည့် သက်သေ ဖြစ်သည်။ ပထမဦးစွာ ၎င်းက အလိမ်အညာများကို ဖန်တီးသည်၊ အချက်အလက်များကို လိုရာဆွဲပြောပြီး မမှန်ကန်သည့် စွပ်စွဲမှုများ ဖန်တီးပြီးနောက် သွေးထွက်သံယိုများသော ဖြိုခွင်းခြင်းကို ဆောင်ရွက်လေသည်။ အမှန်တွင်၊ ကျောက်ယွမ်အမှုသည် အနန္တတန်ခိုးရှင် ဘုရားသခင် အသင်းတော်ကို လူမဆန်စွာ ဖိနှိပ်ကာ နှိပ်စက်ဖို့အလို့ငှာ တရုတ်ကွန်မြူနစ်ပါတီက လူထုသဘောထားကို သွေဖည်စေရာတွင် အသုံးပြုသည့် အခြေခံကို ဖြစ်ပေါ်စေပြီး ဖြစ်သည်။ ယင်းသည် ဘာသာရေး ယုံကြည်မှုအပေါ် တရုတ်ကွန်မြူနစ်ပါတီ၏ ညှဉ်းပန်းနှိပ်စက်မှုတွင် နောက်ထပ် အလွန်ယုတ်မာသော ပြစ်မှုတစ်ခု ဖြစ်နိုင်သေးသည်။ သို့သော် ဤနှစ်ကာလများတစ်လျှာက်လုံးတွင် အနန္တတန်ခိုးရှင် ဘုရားသခင် အသင်းတော်ကို ဖိနှိပ်ကာ ညှဉ်းပန်းနှိပ်စက်ပြီးသည့်နောက်၊ တရုတ်ကွန်မြူနစ်ပါတီသည် ယင်းကို အမှန်တကယ် ချေမှုန်းနိုင်ပါသလား။ လွန်ခဲ့သည့် နှစ်များစွာက၊ ယုဒလူမျိုးများသည် သခင်ယေရှုကို ကားတိုင်တွင် သံမှိုရိုက်ခြင်းအားဖြင့် ဘုရားသခင်၏ စိတ်သဘောထားကို ပုန်ကန်ပြစ်မှားခဲ့ကြသည်။ ၎င်းတို့သည် ဘုရားသခင်၏ ကျိန်ခြင်းခံခဲ့ရပြီး မကြုံစဖူး ၎င်းတို့ တိုင်းနိုင်ငံပျက်စီးခြင်းကို ခံစားခဲ့ရသည်။ ဘုရားသခင်ကို ၎င်း၏ ကသုတ်ကရက်နိုင်သော ဆန့်ကျင်ခြင်းနှင့် ခရစ်ယာန်များကို လူမဆန်သည့် နှိပ်စက်ညှဉ်းပန်းခြင်းတို့ကြောင့်၊ ရောမအင်ပါယာသည်လည်း ဘုရားသခင် စေလွှတ်သည့် ကပ်ရောဂါဖြင့် ဖျက်ဆီးခံခဲ့ရသည်။ ဤအရာအားလုံးမှာ အမှန်တရားများ ဖြစ်သည်။ တရုတ်ကွန်မြူနစ်ပါတီသည် ဘုရားသခင်၏ နောက်ဆုံးသော ကာလ အမှုတော်ကို ဆန့်ကျင်ခြင်းနှင့် ရှုတ်ချခြင်းအတွက် ဘုရားသခင်၏ ကျိန်ခြင်းနှင့် အပြစ်ပေးခြင်းတို့ကို မလွတ်မြောက်နိုင်ပါ။ အနန္တတန်ခိုးရှင် ဘုရားသခင် ပြောသည့်အတိုင်း ဖြစ်သည် - “ဘုရားသခင် ရယူရန် အလိုရှိသည့်အရာကို မည်သည့်နိုင်ငံ သို့မဟုတ် မည်သည့် တန်ခိုးအာဏာကမျှ မတားဆီးနိုင်သည်ကို ငါတို့ယုံကြည်သည်။ ဘုရားသခင်၏ အမှုကို နှောင့်ယှက်သူများ၊ ဘုရားသခင်၏ နှုတ်ကပတ်တော်ကို ဆန့်ကျင်ကာ ဘုရားသခင်၏ အကြံအစည်ကို နှောင့်ယှက်ပြီး ထိခိုက်စေသူများသည် နောက်ဆုံးတွင် ဘုရားသခင်၏ အပြစ်ဒဏ်ပေးခြင်းကို ခံရကြလိမ့်မည်။ ဘုရားသခင်၏ အမှုကို အာခံဖီဆန်သူသည် ငရဲသို့ ပို့ခံရလိမ့်မည်။ ဘုရားသခင်၏ အမှုကို အာခံဖီဆန်သော မည်သည့်နိုင်ငံမဆိုသည် ဖျက်ဆီးခြင်းကိုခံရလိမ့်မည်။ ဘုရားသခင်၏ အမှုကို ဆန့်ကျင်ရန် ထကြွသည့် မည်သည့် လူမျိုးမဆိုသည် ဤကမ္ဘာမြေမှ ဖယ်ရှားခံရလိမ့်မည်ဖြစ်ပြီး အပြီးတိုင် ကွယ်ပျောက်သွားလိမ့်မည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆက်တွဲ (၂)- လူသားမျိုးနွယ်တစ်ရပ်လုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်)