သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

မေလ ၂၈ ကျောက်ယွမ်အမှုက မိသားစုကပ်ဘေးတစ်ခုကို ဖြစ်ပေါ်စေသည်

အဲန်းဟွီ၊ တရုတ်ပြည်

ကျွန်မသည် သာမန် ကျေးလက်အမျိုးသမီးတစ်ဦးဖြစ်ပြီး ကျွန်မ၏ မိသားစုတာဝန်ဝတ္တရားများ၏ လေးလံသော ဝန်ထုပ်ဝန်ပိုးများက ကျွန်မကို လွန်စွာဖိစီးလေ့ရှိသဖြင့် ကျွန်မမှာ အသက်ရှူဖို့ အနိုင်နိုင်ဖြစ်ခဲ့သည်။ အကျိုးဆက်အနေဖြင့် ကျွန်မသည် အမှန်ပင် စိတ်တိုတတ်လာကာ၊ ကျွန်မအမျိုးသားနှင့် ကျွန်မမှာ တစ်နေဝင် တစ်နေထွက် အငြင်းပွားခဲ့ကြသည်။ ကျွန်မတို့ ထိုအတိုင်း ဆက်၍ အသက်ရှင်ရန် တကယ်မဖြစ်နိုင်ပေ။ ဒုက္ခခံစားသည့် အချိန်တိုင်း ကျွန်မမှာ “ကောင်းကင်ဘုံရေ။ ကျွန်မကို ကယ်ပါ” ဟု အော်ဟစ်တတ်ခဲ့သည်။ ထို့နောက် ၂၀၁၃ ခုနှစ်တွင်၊ နောက်ဆုံးသောကာလ အနန္တတန်ခိုးရှင်ဘုရားသခင်၏ ဧဝံဂေလိတရားက ကျွန်မထံ ရောက်လာခဲ့သည်။ ဘုရားသခင်၏ နှုတ်ကပတ်တော်များကို ဖတ်ရှုခြင်းနှင့် ဝတ်ပြုအစည်းအဝေးများ တက်ရောက်ခြင်းအားဖြင့် အနန္တတန်ခိုးရှင်ဘုရားသခင်သည် ဆင်းရဲဒုက္ခထဲတွင် ကျွန်မ အော်ဟစ်ခေါ်ခဲ့ရသူပင်ဖြစ်ကြောင်း ကျွန်မသေချာလာခဲ့သောကြောင့် နောက်ဆုံးသောကာလ အနန္တတန်ခိုးရှင် ဘုရားသခင်၏အမှုတော်ကို ကျွန်မ ဝမ်းမြောက်ဝမ်းသာ လက်ခံခဲ့သည်။

ဘုရားသခင်ထံမှ ဤနှုတ်ကပတ်တော်များကို ကျွန်မဖတ်ရှုခဲ့သည်- “ကမ္ဘာကြီးကို ဖန်ဆင်းကတည်းက ဤလူအုပ်စုကို၊ အတိအကျဆိုရသော် ယနေ့သင်တို့ကို ခွဲခန့်မှတ်သားခြင်းနှင့် ရွေးကောက်ခြင်းတို့ကို ငါစတင်ခဲ့ပြီးဖြစ်သည်။ သင်တို့၏ ပင်ကိုစရိုက်၊ အစွမ်းအစ၊ သွင်ပြင်၊ ဝိညာဉ်အသက်တာ၊ မွေးဖွားခဲ့သော မိသားစု၊ အလုပ်၊ အိမ်ထောင်ပြုခြင်း၊ သင်တို့၏ အလုံးစုံ၊ သင်တို့၏ ဆံပင်အရောင်နှင့် အသားအရေအရောင်၊ ထို့ပြင် သင်တို့ မွေးဖွားသည့်အချိန်များ အားလုံးကိုပင်လျှင် ငါ၏လက်များဖြင့် စီမံထားခြင်းဖြစ်သည်။ ယနေ့သင်တို့ကို ငါ့မျက်မှောက်တော်ထဲသို့ ခေါ်ဆောင်လာခြင်းသည် အကယ်စင်စစ် ငါ့အစီအမံဖြစ်သည်ကို မဆိုထားနှင့်ဦး၊ နေ့ရက်စဉ်တိုင်း သင်တို့လုပ်သောအရာများနှင့် သင်တို့တွေ့ဆုံသောလူများကိုပင် ငါ့လက်များဖြင့် စီမံထားခြင်းဖြစ်သည်။ ကစဉ့်ကလျားဖြစ်အောင် အားပါးတရ မလုပ်ဆောင်ကြနှင့်၊ တည်ငြိမ်အေးဆေးစွာ ရှေ့သို့လှမ်းလော့။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၄” အစအဦး၌ ခရစ်တော်၏မိန့်မြွက်ချက်များ) ဘုရားသခင်၏ ဤနှုတ်ကပတ်တော်များမှတစ်ဆင့် အရာခပ်သိမ်းသည် ဘုရားသခင်၏ လက်တော်ထဲတွင်ရှိကာ၊ ကျွန်မအနေဖြင့် ဘုရားသခင်၏ ရှေ့မှောက်သို့လာဖို့၊ နောက်ဆုံးသောကာလ ဘုရားသခင်၏ ကယ်တင်ခြင်းကို လက်ခံဖို့နှင့် သူ့နှုတ်ကပတ်တော်များ၏ ရေလောင်းခြင်းနှင့် ထောက်ပံ့ပေးခြင်းတို့ကို ရရှိဖို့ အခွင့်အလမ်းကောင်းရှိခြင်းက ကပ်ကမ္ဘာများစွာကတည်းက အားလုံးကြိုတင်ပြဋ္ဌာန်းထားပြီး ဖြစ်သည်ကို နောက်ဆုံးတွင် ကျွန်မနားလည်ခဲ့သည်။ ကျွန်မ မည်သည့် လင်ယောက်ျားနှင့် မိသားစုမျိုး ရှိမည်ဆိုသည်ကလည်း ဘုရားသခင်အားဖြင့် ကြိုတင်ပြဌာန်းခဲ့ခြင်းဖြစ်သည်။ ဘုရားသခင် ဖြစ်ပွားစေပြီး စီစဉ်ထားသည့်အရာကို လက်ခံကာ ကျိုးနွံနာခံသင့်ကြောင်း ကျွန်မသိခဲ့သည်။ ထိုအချိန်မှစ၍ မနှစ်မြို့ဖွယ်ဟု ကျွန်မယူဆသည့် အရာများ ပေါ်လာသည့်အခါတိုင်း ယခင်ကကဲ့သို့ ကျွန်မ မညည်းညူတော့ပါ။ ထို့ထက် ယင်းကို ဘုရားသခင်မှ စီစဉ်ထားခဲ့ခြင်းဖြစ်ကြောင်း ကျွန်မ ယုံကြည်မှုထားခဲ့ပြီးလျှင် ကျွန်မ မိသားစုနှင့် ကျွန်မ စိတ်သဘောထားညီညွှတ်စွာဖြင့် အသက်ရှင်ရန် သင်ယူဖို့ ကိုယ်တော် ကျွန်မကို လမ်းပြပြီး ဦးဆောင်နိုင်ရန်အလို့ငှာ ကျိုးနွံနာခံဖို့ ကျွန်မ ဆန္ဒရှိခဲ့သည်။ အချိန်ကြာလာသောအခါ ကျွန်မသည် ကျွန်မအမျိုးသားနှင့် ခိုက်ရန်ဖြစ်ခြင်းကို ရပ်တန့်နိုင်စွမ်း ရှိလာခဲ့သည်။ ဘုရားသခင်အား ယုံကြည်ကတည်းက ကျွန်မဲတွင် ဖြစ်ခဲ့သည့် အပြောင်းအလဲများကို သူတွေ့သောအခါ၊ ကျွန်မအမျိုးသားသည်လည်း ကျွန်မ၏ယုံကြည်ချက်ကို လွန်စွာ ထောက်ခံလာခဲ့သည်။ ဝတ်ပြုအစည်းအဝေးအတွက် ကျွန်မအိမ်သို့ ညီအစ်ကိုမောင်နှမများ လာရောက်သည့်အခါ သူသည် သူတို့အပေါ် လွန်စွာ ယဉ်ကျေးပျူငှာပြီး တစ်ခါတစ်ရံ စကားစမြည်ပြောဆိုမှုများတွင် ပါဝင်တတ်လေသည်။ ထိုအချိန်က ကျွန်မသည် ဘုရားသခင်၏ နှုတ်ကပတ်တော်ကို နေ့စဉ် ဖတ်ရှုနေခဲ့ပြီး ဝတ်ပြုအစည်းအဝေးများကို မကြာခဏ တက်ရောက်ကာ အခြား ညီအစ်ကိုမောင်နှမများနှင့်အတူ အတွေ့အကြုံများကို ဝေငှနေခဲ့ပါသည်။ ကျွန်မ၏ စိတ်ဝိညာဉ်ထဲတွင် ကြွယ်ဝပြည့်စုံသည်ဟု ကျွန်မခံစားခဲ့ပြီး ယခင်က ကျွန်မလုံးဝမရှိခဲ့ဖူးသော ငြိမ်သက်ခြင်းနှင့် ဝမ်းမြောက်ခြင်း တစ်မျိုးကို ပျော်မွေ့ခံစားခဲ့သည်။ ဘုရားသခင်ကို ယုံကြည်ခြင်းမှာ အမှန်တကယ် အံ့သြဖွယ်အရာတစ်ခုဖြစ်ကြောင်း ကျွန်မခံစားခဲ့ပါသည်။

သို့သော် အခြေအနေကောင်းများအားလုံးသည် အဆုံးသို့ ရောက်လာခဲ့ရပြီး၊ ၂၀၁၄ ခုနှစ် မေလ ၂၈ ရက်နေ့တွင် ဖြစ်ပျက်ခဲ့သည့် ရှန်တုန်ပြည်နယ် ကျောက်ယွမ်အဖြစ်အပျက်နောက်တွင်ကား ကျွန်မတို့ အိမ်ရှိ ထိုသဟဇာတကျပြီး ငြိမ်သက်အေးချမ်းသော နေ့ရက်များ နောက်ထပ်မရှိတော့ပါ။ ဤသည်မှာ မူလက သာမန် ရာဇဝတ်မှုတစ်ခု ဖြစ်သော်လည်း သုံးရက်အကြာတွင် ယင်းက အသွင်တစ်မျိုး ဖြစ်လာခဲ့သည်- တရုတ်ကွန်မြူနစ်ပါတီအစိုးရက ယင်းကို ဘာသာရေးအကြောင်းရင်းများကြောင့် ကျူးလွန်သည့်အရာတစ်ခုအဖြစ် သတ်မှတ်ခဲ့သည်။ ဤမူမမှန်သောအကြောင်းပြမှုတွင် တရုတ်ကွန်မြူနစ်ပါတီအစိုးရက အနန္တတန်ခိုးရှင် ဘုရားသခင်အသင်းတော်ကို ယင်း၏အခရာအဖြစ် ပြုခဲ့သည်။ မမှန်ကန်သော အထောက်အထားကို တမင်တကာ အကွက်ဆင်ရန်၊ မမှန်ကန်သော စွဲချက်များတင်ရန်နှင့် အနန္တတန်ခိုးရှင် ဘုရားသခင်ကို အသရေပျက်စေရန် မီဒီယာကို ၎င်းက အသုံးပြုခဲ့သည်။ ဘာမျှမကြာလိုက်မီတွင် လူတို့သည် အနန္တတန်ခိုးရှင်ဘုရားသခင် အသင်းတော်အကြောင်း စိတ်ကူးနိုင်သမျှ ကောလာဟလမျိုးစုံနှင့် လွှမ်းမိုးသွားခဲ့သည်။ ကျွန်မအမျိုးသားသည် ဤအကြောင်း သတင်းတွင် ကြေညာသည်ကို တွေ့ခဲ့ပြီး တရုတ်ကွန်မြူနစ်ပါတီအစိုးရ၏ ဝါဒဖြန့်မှုအားဖြင့် အယုံသွင်းခံခဲ့ရသည်။ ယင်းမှာ ရုတ်ခြည်း အပြောင်းအလဲတစ်ခုက သူ့အပေါ် ကျရောက်လာခဲ့သလို ဖြစ်သည်။ သူသည် အနန္တတန်ခိုးရှင် ဘုရားသခင်အပေါ် ကျွန်မ၏ယုံကြည်ခြင်းကို ဆန့်ကျင်ဖို့အတွက် သူတတ်နိုင်သမျှ အရာအားလုံးကို စလုပ်ခဲ့တော့သည်။

တစ်ညနေတွင် ကျွန်မအမျိုးသားသည် ဒေါသချောင်းချောင်းထွက်လျက် အိမ်ပြန်လာခဲ့ပြီး ကျွန်မကို ကျယ်လောင်စွာပင်- “မင်းယုံကြည်တဲ့ ဒီဘာသာတရားက တကယ် ဘာကြီးလဲ” ဟု အပြစ်တင်သည်။ ကျွန်မမှာ ဤလိုအူကြောင်ကြောင်နိုင်သော သူ၏သဘောထားကြောင့် လုံးလုံး ခေါင်းခြောက်သွားပြီး ပြန်ဖြေသည့်အနေဖြင့်၊ “ကျွန်မယုံကြည်တာဟာ ကျွန်မတို့က ‘ကောင်းကင်ဘုံ’ လို့ ညွှန်းဆိုလေ့ရှိတဲ့ ပြန်ကြွလာတဲ့ သခင်ယေရှု၊ အနန္တတန်ခိုးရှင် ဘုရားသခင်ပဲ” ဟု ပြောလိုက်သည်။ သူက၊ “မင်းက အနန္တတန်ခိုးရှင် ဘုရားသခင်ကို ယုံကြည်တယ်ပေါ့။ တီဗီပေါ်မှာ သူတို့ ပြောနေကြတဲ့ဟာကို ကြည့်စမ်း” ဟု ပြောသည်။ ဤသို့ဆိုလျက် သူက တီဗီကို ဖွင့်ပြလိုက်ရာ၊ ထိုအခိုက်မှာပင် ရှန်တုန်းပြည်နယ်၊ ကျောက်ယွမ််မြို့ရှိ မေလ ၂၈ လူသတ်မှုက သတင်းတစ်ခုလုံး ပြည့်နေသည်။ သူတို့သည် အနန္တတန်ခိုးရှင်ဘုရားသခင် အသင်းတော်ကို ရှုတ်ချပြစ်တင်သည့် အရာမျိုးစုံကို ပြောနေကြပြီး၊ အနန္တတန်ခိုးရှင်ဘုရားသခင်ကို ယုံကြည်သူများမှာ အများပြည်သူ တည်ငြိမ်အေးချမ်းမှုကို နှောင့်ယှက်သောသူများဖြစ်ပြီး၊ ရှန်တုန်းပြည်နယ်ရှိ အများပြည်သူလုံခြုံရေးဌာနသည် ပြင်းထန်သော တန်ပြန်ထိုးစစ်ဆင်မှုကို စတင်ကာ သူတို့ကို သက်ညှာမှုမရှိ ဝိုင်းရံဖမ်းဆီးရန် ပြင်ဆင်ထားပြီဟု သူတို့ဆက်ပြောကြသည်။ ဤအရာက ကျွန်မကို မတရားမှုအပေါ်မခံမရပ်နိုင်ဖြစ်ခြင်း နှင့် ပြည့်စေပြီး ကျွန်မအမျိုးသားထံ ချက်ချင်းပင်၊ “ဒါက အသရေဖျက်မှုနဲ့ ကောလာဟလကလွဲလို့ ဘာမှမဟုတ်ဘူး။ ဒီလူသတ်သမားက အနန္တတန်ခိုးရှင် ဘုရားသခင်ကို ယုံကြည်သူတစ်ယောက် လုံးဝ မဟုတ်ဘူး။ အနန္တတန်ခိုးရှင်ဘုရားသခင် အသင်းတော်က သူ့ရဲ့ ဧဝံဂေလိလုပ်ငန်းမှာ မူဝါဒတွေရှိတယ်၊ အဲဒါက ဘုရားသခင်ရဲ့ တည်ရှိမှုကို ယုံကြည်ပြီး ကြင်နာစိတ်ရှိတဲ့ လူကောင်းတွေကိုပဲ ဧဝံဂေလိ ဝေငှဖို့ပဲ။ ကျွန်မတို့က ယုတ်မာတဲ့လူတွေကို ဘယ်တော့မှ မဝေငှဘူး။ ကျန်းလီဒေါင်းလို လူဆိုးတွေက ဧဝံဂေလိဝေငှဖို့အတွက် အနန္တတန်ခိုးရှင်ဘုရားသခင် အသင်းတော်ရဲ့ ဒီမူဝါဒတွေနဲ့ လားလားမှ မကိုက်ညီဘူး၊ ဒါကြောင့် သူတို့ဟာ အနန္တတန်ခိုးရှင် ဘုရားသခင်ကို ယုံကြည်သူတွေ မဟုတ်တာ အသေအချာပဲ။ နောက်တစ်ခု၊ ကျန်းလီဒေါင်းက အဲဒီအမျိုးသမီးကို ဖုန်းနံပါတ် တောင်းပြီး သူက ငြင်းတဲ့အချိန်မှာ ကျန်းလီဒေါင်းက ဒေါသူပုန်ထပြီး သူမကို သတ်လိုက်တာက အရှက်ကွဲလို့ဖြစ်တာ။ ကျွန်မတို့ အနန္တတန်ခိုးရှင်ဘုရားသခင် အသင်းတော်က ညီအစ်ကိုမောင်နှမတွေက ဧဝံဂေလိဖြန့်ဝေတဲ့အခါ ဘုရားသခင်ရဲ့ အမှုကို လက်ခံဖို့ လူတွေကို အတင်းအကျပ်လုပ်ဖို့ ဘယ်တော့မှ မကြိုးစားဘူး။ ဘာလို့လဲဆိုတော့ ဘုရားသခင်က ‘နိုင်ငံတော်ခေတ်၌ ဘုရားသခင်၏ ရွေးချယ်ခံရသူများ လိုက်နာရမည့် အုပ်ချုပ်မှုဆိုင်ရာ အမိန့်တော်ဆယ်ရပ်’ ထဲမှာ ‘(သင်၏သားသမီးများ၊ သင်၏ခင်ပွန်း သို့မဟုတ် ဇနီး၊ သင်၏ညီအမများ သို့မဟုတ် မိဘများ စသည်ဖြင့်) မယုံကြည်သူ ဆွေမျိုးသားချင်းများကို အသင်းတော်သို့ အတင်းအဓမ္မမသွင်းရ။ ဘုရားသခင်၏အိမ်တော်တွင် အသင်းဝင်များ လိုအပ်နေခြင်းမရှိ။ ထို့အပြင် အသုံးမဝင်သူများဖြင့် အသင်းဝင်ဦးရေ ဖြည့်ဆည်းရန်မလိုပါ။ မယုံကြည်သူခပ်သိမ်းတို့အား အသင်းတော်သို့ ၀မ်းမြောက်စွာ ခေါ်မလာရ။ ဤအမိန့်သည် လူခပ်သိမ်းအတွက် ညွှန်ကြားချက်ဖြစ်၏။ ဤကိစ္စတွင် သင်တို့သည် တစ်ဦးနှင့်တစ်ဦး စစ်ဆေးခြင်း၊ စောင့်ကြည့်ခြင်းနှင့် သတိပေးခြင်းများ ပြုလုပ်ရမည်ဖြစ်ပြီး မည်သူတစ်ဦးမျှ မချိုးဖောက်ရ။’ လို့ ရှင်းရှင်းလင်းလင်း ဖော်ပြခဲ့လို့ပဲ။ အနန္တတန်ခိုးရှင် ဘုရားသခင် အသင်းတော်ရဲ့ ညီအစ်ကိုမောင်နှမများက ဧဝံဂေလိတရား ဖြန့်ဝေတဲ့အခါ သူတို့က တခြားလူတွေကို ဘယ်တော့မှ အကျပ်မကိုင်ဘူး၊ ဒါက ဘယ်သူမှ ချိုးဖောက်လို့မရတဲ့ အရာတစ်ခုပဲ။ ဒီသတင်းက အသရေဖျက်စကား၊ ဖန်တီးစွပ်စွဲမှုသက်သက်ပဲ။ အဲဒါဟာ တရုတ်ကွန်မြူနစ်ပါတီအစိုးရက ကောလာဟလတွေ ဖြန့်ပြီး အနန္တတန်ခိုးရှင် ဘုရားသခင်အသင်းတော်ကို နာမည်ဖျက်တာကလွဲလို့ ဘာမှမဟုတ်ဘူး” ဟု ပြောလိုက်သည်။ သို့သော် မည်သူကြိုတွက်ထားလိမ့်မည်နည်း၊ ဤအရာကိုကြားပြီးနောက် ကျွန်မအမျိုးသားသည် မျက်လုံးများ ပြူးကျယ်ကာ ကျွန်မကို၊ “အဲဒါ မှန်မမှန် အရေးမကြီးဘူး။ တရုတ်ကွန်မြူနစ်ပါတီက အဲဒါကို ဆန့်ကျင်နေသရွေ့ မင်း ဒီထဲမှာ ပါဝင်ပတ်သက်လို့ မရဘူး။ အစိုးရက ဒီမှာ အိမ်ကို ရှာဖွေမှာ ငါ မလိုချင်ဘူး။ ငါတို့သားက အိမ်ထောင်တောင် ပြုရသေးတာ မဟုတ်ဘူးကွ” ဟု ဟိန်းဟောက်တော့သည်။ ကျွန်မအမျိုးသားမှာ မည်သည့်နေရာမှ ဖန်တီးထားမှန်း မသိရသည့် တီဗီပေါ်က ထိုကောလာဟလများနှင့် အလိမ်အညာများ၏ လှည့်ဖျားခြင်းခံရသည်ကို တွေ့ရသဖြင့် ကျွန်မနှလုံးသားမှာ အမုန်းတရားဖြင့် ပြည့်နှက်နေခဲ့သည်- တရုတ်ကွန်မြူနစ်ပါတီအစိုးရသည် ဘာသာရေး ယုံကြည်ချက်ကို ထိုးနှက်တိုက်ခိုက်ရန်အတွက်သက်သက်ဖြင့် အနန္တတန်ခိုးရှင် ဘုရားသခင်အသင်းတော်ကို ဖိနှိပ်ရန်နှင့် ညှင်းပန်းနှိပ်စက်ရန် မည်သည့်အရာကိုမဆို လုပ်မည်ဖြစ်သည်။ ယင်းက အနန္တတန်ခိုးရှင် ဘုရားသခင်အသင်းတော်ကို အမှုဆင်ရန်နှင့် မမှန်မကန် စွဲချက်များတင်ရန် ကျောက်ယွမ်အမှုကို အသုံးပြုနေခြင်းဖြစ်သည်- ထိုမျှ ယုတ်မာသော ပရိယာယ်ပါတကား။

ထို့နောက်တွင် ကျွန်မတို့ နှစ်ယောက်လုံး ည၌ ကောင်းကောင်း မအိပ်စက်နိုင်ခဲ့ပါ။ ကျွန်မအမျိုးသားက ကျွန်မကို ပုန်းရှောင်နေရန်နှင့် ကျွန်မ၏ ဘုရားသခင့်နှုတ်ကပတ်တော်များစာအုပ်ကိုလည်း ဝှက်ထားရန် သို့မဟုတ် တရုတ်ကွန်မြူနစ်ပါတီရဲများ ကျွန်မတို့၏အိမ်ကို ဝင်ရောက်စီးနင်းမည် စိုးရိမ်သဖြင့် ၎င်းကို အသင်းတော်အား ပြန်ပေးရန် တိုက်တွန်းသည်။ ထိုအရာအားလုံး သူပြောသည်ကို ကြားရခြင်းက ကျွန်မကြားခဲ့ပြီးသည့် အဖမ်းခံခဲ့ရသူများ၊ မိမိအိမ် ရှာဖွေစစ်ဆေးခံခဲ့သူများနှင့် ဒဏ်ငွေတပ်ခံခဲ့သူများ သို့မဟုတ် ထောင်ချခံခဲ့ရသော ညီအစ်ကိုမောင်နှမများ၏ အတွေ့အကြုံများကို ကျွန်မ စိတ်ထဲတွင်ပေါ်လာစေသည်။ ကျွန်မသည် ကျွန်မ၏ တစ်ဝမ်းကွဲညီအစ်ကို အကြောင်းကိုလည်း တွေးမိလေသည်။ သူသည် အရပ်သားများကို အနိုင်ကျင့်ကာ လူတွင်ကျယ်လုပ်နေသော လူတစ်ဦးကို သည်းမခံနိုင်ခဲ့သောကြောင့် ဒေသခံ ရဲစခန်းမှူးနှင့် အငြင်းအခုံဖြစ်ပြီး အလုပ်ကြမ်းနှင့် ပညာပေးခြင်းဖြင့် တစ်နှစ်ပြစ်ဒဏ် ချမှတ်ခံခဲ့ရသည်။ ကျွန်မတို့မိသားစုအားလုံးတို့သည်လည်း ကြီးငယ်မရွေး ဒုက္ခခံခဲ့ရသည်။ တရုတ်ကွန်မြူနစ်ပါတီူသည် အကျိုးသင့်အကြောင်းသင့် ပြောပြ၍ မရနိုင်သည့် နတ်ဆိုးတစ်ကောင်ဖြစ်သည်။ ကျွန်မ၏ ယုံကြည်ချက်ကြောင့် ကျွန်မ အဖမ်းခံရပြီး ထောင်အချခံရပါက၊ ထို့ပြင် ကျွန်မတို့အိမ် ဝင်ရောက်စီးနင်းခံရပါက ယင်းသည် ကျွန်မ၏ အမျိုးသားနှင့် သားလေးအတွက် တရားမျှတမှု ရှိပါမည်လော။ ကျွန်မမှာ အိပ်မောမကျနိုင်ဘဲ ဟိုလူးဒီလှိမ့်ဖြစ်ကာ ကျွန်မ ဖမ်းခေါ်ခံရပြီး ကျွန်မ၏ နေအိမ်ကို တရုတ်ကွန်မြူနစ်ပါတီရဲများ ဝင်စီးခံရ၍ ကျွန်မ၏ အမျိုးသားနှင့် ကလေးမှာ အမှုပတ်ခံရသည့် မြင်ကွင်းကို ထပ်ခါထပ်ခါ မြင်ယောင်နေမိလေသည်။...ကျွန်မ၏ နှလုံးသားထဲတွင် ထိတ်လန့်အားငယ်ခြင်းနှင့် ကြောက်ရွံ့ခြင်းတို့ တလိပ်လိပ်မခံစားရဘဲ မနေနိုင်ပေ။ တရုတ်ပြည်တွင် ဘုရားသခင်ကို ယုံကြည်ဖို့၊ လူကောင်းတစ်ဦးဖြစ်ဖို့နှင့် မှန်ကန်သောလမ်းကြောင်း လိုက်လျှောက်ဖို့မှာ မည်မျှခက်ခဲကြောင်းနှင့် ကျွန်မ၏ဘဝက အမြဲတမ်း အန္တရာယ်ရှိနေကြောင်း ကျွန်မခံစားခဲ့ရသည်။ သို့သော် ကျွန်မသည် တရုတ်ကွန်မြူနစ်ပါတီအစိုးရ၏ ညှင်းပန်းနှိပ်စက်မှုကို ကြောက်ရွံ့မှုကြောင့် ဘုရားသခင်ကို သစ္စာဖောက်မည်ဆိုပါက ကျွန်မဘဝတစ်လျှောက်လုံး ကျွန်မ၏ သြတ္တပ္ပစိတ်က ကျွန်မကို အပြစ်တင်နေတော့မည်။ အကယ်၍ ရည်ရွယ်ချက်မဲ့ အသက်ရှင်လျက် လွင့်မျောနေပါက ကျွန်မသည် လမ်းလျှောက်နေသော အလောင်းကောင်သက်သက်သာ ဖြစ်မည်ဖြစ်ပြီး သေလွန်သောအခါ ဘုရားသခင်ကို ကျွန်မ နောက်ထပ်တွေ့ရဲမည်မဟုတ်ပေ။ ကျွန်မသည် ဦးနှောက်ခြောက်ကာ နှလုံးသားထဲတွင် နာကျင်နေခဲ့သည်။ ကျွန်မတွင် လုံးဝ အားအင်မဲ့ကာ အလွန်ပင် အပျက်သဘောဆောင်ပြီး ချိနဲ့သွားခဲ့သည်။

ကျွန်မ၏ ဒုက္ခဆင်းရဲအလယ်တွင် သခင်ယေရှု၏ ဤနှုတ်ထွက်စကားများကို ကျွန်မပြန်အမှတ်ရမိခဲ့သည်- “ကိုယ်ခန္ဓာကိုသာ သတ်၍ စိတ်ဝိညာဉ်ကို မသတ်နိုင်သော သူတို့ကို မကြောက်ကြနှင့်။ ကိုယ်ခန္ဓာနှင့်စိတ်ဝိညာဉ်ကို ငရဲ၌ ဖျက်ဆီးနိုင်သောသူကို သာ၍ ကြောက်ကြလော့။” (ရှင်မဿဲခရစ်ဝင် ၁၀:၂၈) “အကြင်သူသည် မိမိအသက်ကို ကယ်ဆယ်ခြင်းငှာအလိုရှိ၏။ ထိုသူသည် အသက်ရှုံးလိမ့်မည်။ အကြင်သူသည် ငါ့ကြောင့်အသက်ရှုံး၏၊ ထိုသူသည် အသက်ကို တွေ့လိမ့်မည်။” (ရှင်မဿဲခရစ်ဝင် ၁၆:၂၅) သခင်ယေရှု၏ နှုတ်ထွက်စကားများက ကျွန်မကို ယုံကြည်မှုနှင့် အင်အားပေးခဲ့ပြီး ကျွန်မနှလုံးသားထဲက ကြောင့်ကြမှုနှင့် ကြောက်ရွံ့မှုကို လွင့်ပြယ်စေခဲ့သည်။ ကျွန်မသည်- “ဘုရားသခင်ဟာ အရာခပ်သိမ်းနဲ့ သက်ရှိသတ္တဝါအပေါင်းတို့အပေါ် အစိုးရပြီး ငါ့ဘဝနဲ့ မိသားစုကလည်း ဘုရားသခင်ရဲ့ ထိန်းချုပ်မှုအောက်မှာ ရှိနေတာပဲ။ ငါ့မှာရှိရှိသမျှက ဘုရားသခင်ဆီက လာတာဖြစ်ပြီး ငါသူ့ကို ဒီလို အရေးကြီးတဲ့အချိန်မှာ သစ္စာဖောက်လို့ မဖြစ်ဘူး” ဟု တွေးမိသည်။ ထို့နောက် ကျွန်မသည် ယောဘမိသားစု၏ ပိုင်ဆိုင်မှုများ အခိုးခံရပြီး သူ၏သားသမီးများ သူ့ထံမှ ယူဆောင်သွားခြင်းခံရသည့် ခံရသည့်အကြောင်းကို တွေးမိသည်။ သူ့မှာ ဘာမျှမကျန်ခဲ့သော်လည်း ဘုရားသခင်ကို သူ ဆက်လက်ဆည်းကပ်နိုင်ခဲ့သေးသည်။ ယေဟောဝါ ဘုရားသခင်၏ သန့်ရှင်းသောနာမတော်ကို သူချီးမွမ်းပြီး ဘုရားသခင်အဖို့ သက်သေရပ်တည်ခဲ့သည်။ သို့သော်လည်း အဖမ်းအဆီးခံရခြင်း သို့မဟုတ် မိမိအိမ် ရှာဖွေခံရခြင်းတို့မရှိဘဲ၊ စီစီပီ အစိုးရမှ လုပ်ကြံသည့် ကောလာဟလများနှင့် အနှောင့်အယှက်များကိုသာ ရင်ဆိုင်ရလျက် ကျွန်မမှာ အားနည်းပြီး အပျက်သဘောဆောင်လာခဲ့ရသည်။ ကျွန်မ၏ ဝိညာဉ်အသက်တာမှာ အမှန်အားဖြင့် သနားစဖွယ် နိမ့်ကျနေပြီး ကျွန်မမှာ ဘုရားသခင်၌ စစ်မှန်သော ယုံကြည်ခြင်း တစ်စက်လေးမျှ မရှိသည်ကို ကျွန်မ တွေ့ရှိခဲ့သည်။ ဤအတွေးက ဘုရားသခင်ရှေ့၌ ကျွန်မ၏နှလုံးသားကို အရှက်တရားဖြင့် ပြည့်နှက်စေခဲ့ကာ ကျွန်မ တိတ်တဆိတ် ဆုံးဖြတ်ချက်ချခဲ့သည်- မည်သို့ပင်ဖြစ်စေ၊ ကျွန်မသည် ဘုရားသခင်ကို သစ္စာဖောက်မည်မဟုတ်ဘဲ၊ ဆင်းရဲဒုက္ခ သို့မဟုတ် အခက်အခဲ မည်မျှကြုံတွေ့ရစေကာမူ ကျွန်မ၏ ယုံကြည်မှုကို စောင့်ထိန်းမည်။

နောက်တစ်နေ့တွင် ကျွန်မအမျိုးသားသည် နေ့လည်ခင်းတွင် အိမ်ပြန်လာပြီး သူ့လက်ထဲရှိ သတင်းစာကို ကျွန်မရှေ့တည့်တည့်တွင် ပစ်ချကာ၊ “သေချာကြည့်စမ်း။ ဘယ်သူမဆို အနန္တတန်ခိုးရှင် ဘုရားသခင်ကို ယုံကြည်တယ်လို့ တွေ့ရှိရသရွေ့ သူတို့ အဖမ်းခံရနိုင်တယ်လို့ ဒီမှာပြောထားတယ်။ ထောင်ဆိုတာ မင်းအနေနဲ့ အချိန်ခဏေလးတောင် နေချင်ရမယ့်နေရာ မဟုတ်ဘူး။ လူတွေ အရိုက်ခံရတာမကဘူး၊ လူဒါဇင်နဲ့ချီပြီး အိပ်စင်တစ်ခုပေါ်မှာ ပြည့်သိပ်နေကြတာ။ တစ်ယောက်ယောက်က ညသန်းခေါင် ရေအိမ်သွားတယ်ဆိုရင် ပြန်လာတဲ့အခါ သူတို့မှာ အိပ်ဖို့နေရာ မရှိတော့ဘူး။ တကယ်လို့ မင်းအဖမ်းခံရရင် ငါတို့မိသားစုအနေနဲ့ မင်းကို အာမခံနဲ့ထုတ်ပေးဖို့ တတ်နိုင်မှာမဟုတ်ဘူး။ ဒါကြောင့် သူတို့ မင်းကိုဖမ်းပြီး မင်း နှစ်အတော်ကြာ အမိန့်ချခံရတယ်ဆိုရင် မင်းအနေနဲ့ လိုက်လျောဖို့ ပိုလိုလားလိမ့်မယ်” ဟု ပြောလေသည်။ ကျွန်မအမျိုးသားထံမှ ထိုသို့ အေးစက်စက်နိုင်သော စကားများကို ကြားရသည်က ကျွန်မကို လွန်စွာ နာကျင်စေခဲ့ကာ၊ ကျွန်မသည် မကောင်းဆိုးဝါးဆန်သော တရုတ်ကွန်မြူနစ်ပါတီအစိုးရကို ပို၍ပင် မုန်းတီးမိလေသည်။ ယင်း၏ လှည့်ဖြားခြင်း၊ ကောလာဟလများ၊ ဖိနှိပ်မှုနှင့် ညှင်းပန်းနှိပ်စက်မှုတို့ မရှိပါက ကျွန်မအမျိုးသားက ကျွန်မ၏ယုံကြည်မှုတွင် အားပေးလိမ့်မည်။ သူ့အနေဖြင့် ထိုကဲ့သို့ ကျွန်မကို ဖိအားပေးစရာ အကြောင်းမရှိပါ။ ကူကယ်ရာမဲ့သည့်အခိုက်တွင် ကျွန်မတတ်နိုင်သမျှမှာ ကျွန်မ၏ နှလုံးသားထဲတွင် ဘုရားသခင်ကို အနူးအညွတ်တောင်းလျှောက်ရန်သာဖြစ်သည်- “အနန္တတန်ခိုးရှင် ဘုရားသခင်။ တရုတ်ကွန်မြူနစ်ပါတီအစိုးရက ကောလာဟလတွေ၊ လုပ်ကြံပြောဆိုတာ၊ အသေရဖျက်တာနဲ့ ကိုယ်တော့်ကို ပြစ်မှားစော်ကားတာတွေကို သက်သက်ဖြန့်ဖြူးနေတယ်ဆိုတာ ကျွန်မသိပါတယ်။ တရုတ်ကွန်မြူနစ်ပါတီအစိုးရဟာ စာတန်၊ ကိုယ်တော့်ရဲ့ ရန်သူပဲ ဖြစ်ပါတယ်။ ဒါပေမယ့် အခု ကျွန်မနှလုံးသားထဲမှာ အားနည်းခြင်း အနည်းငယ်ကို ကျွန်မခံစားနေရတဲ့အတွက်၊ ကိုယ်တော် ကျွန်မကို ကွယ်ကာပေးဖို့၊ ဉာဏ်ပညာကို ပေးသနားဖို့နဲ့ စာတန်ရဲ့ လှည့်ကွက်တွေနဲ့ ပါးနပ်မှုကို ထိုးထွင်းသိမြင်ခွင့်ပေးဖို့ ကျွန်မ အလိုရှိပါတယ်၊ ဒါမှသာ ကိုယ့်တော့်ဘက်မှာ ကျွန်မ အခိုင်အမာ ရပ်တည်နိုင်ပြီး တရုတ်ကွန်မြူနစ်ပါတီအစိုးရရဲ့ ဆိုးယုတ်တဲ့စွမ်းအားတွေရဲ့ ခြိမ်းခြောက်တာကို မခံရမှာဖြစ်ပါတယ်။” ဆုတောင်းပြီးနောက် ကျွန်မနှလုံးသားထဲတွင် ဘုရားသခင်ကို မျက်နှာလွဲဖို့ဆန္ဒ လုံးဝ မရှိတော့ဘဲ အနန္တတန်ခိုးရှင် ဘုရားသခင်၏ ဤနှုတ်ကပတ်တော်များက စိတ်ထဲဝင်ရောက်လာခဲ့သည်- “လာဇရုကို သေခြင်းမှ ပြန်ရှင်စေခြင်းကဲ့သို့ အရာတစ်ခုကို သခင်ယေရှုက လုပ်ဆောင်သောအခါမှာ သူ၏ ရည်မှန်းချက်က လူသားတို့အတွက် သက်သေပြရန်နှင့် စာတန်မြင်ရန်အတွက်ဖြစ်ပြီး လူသားမျိုးနွယ်၏ အရာရာတိုင်း၊ လူသားမျိုးနွယ်၏ ရှင်ခြင်းနှင့် သေခြင်းသည် ဘုရားသခင်က သတ်မှတ်သည်ဆိုသည်ကို လူသားတို့နှင့် စာတန်ကို သိစေရန်ဖြစ်ပြီး သူသည် လူ့ဇာတိဖြစ်လာသော်လည်း မြင်နိုင်သော ရုပ်ဝတ္ထုလောကနှင့် လူတို့ မမြင်နိုင်သော ဝိညာဉ်လောကမှာပါ အုပ်စိုးလျက် ရှိနေသည်ဆိုသည်ကို စာတန်ကို သိစေရန်ဖြစ်သည်။ ၎င်းသည် လူသား၏ အရာရာတိုင်းက စာတန်၏ အုပ်ချုပ်မှုအောက်မှာ မရှိဘူးဆိုသည်ကို လူသားတို့နှင့် စာတန်ကို သိစေရန်ဖြစ်ပါသည်။ ၎င်းသည် ဘုရားသခင်၏ အာဏာကို ဖွင့်ပြခြင်းနှင့် ထုတ်ဖော်ပြသခြင်းဖြစ်ပါသည်။ ၎င်းသည် လူသားမျိုးနွယ်၏ ရှင်ခြင်းနှင့် သေခြင်းသည် ဘုရားသခင်၏ လက်ထဲမှာရှိသည်ဆိုသည်ကို အရာအားလုံးဆီသို့ သတင်းစကားပေးပို့ရန်အတွက် ဘုရားသခင်၏ နည်းတစ်ခုလည်း ဖြစ်ပါသည်။ သခင်ယေရှု၏ လာဇရုကို သေခြင်းမှ ပြန်လည်ရှင်ပြန်ထမြောက်စေခြင်းဆိုသော ဤချဉ်းကပ်ပုံမျိုးက လူသားမျိုးနွယ်ကို သင်ကြား၊ ညွှန်ကြားရန် ဖန်ဆင်းရှင်အတွက် နည်းလမ်းတစ်ခု ဖြစ်သည်။ ၎င်းသည် လူသားမျိုးနွယ်ကို ညွှန်ကြားရန်၊ လူသားမျိုးနွယ်ကို ထောက်ပံ့ရန်သူ၏ အရည်အချင်းနှင့် အာဏာကို သူအသုံးပြုသော၊ ခိုင်မာသော အပြုအမူတစ်ခုဖြစ်ပါသည်။ ၎င်းသည် အရာအားလုံးကို အုပ်ချုပ်သော သူ၏အမှန်တရားကို လူသားမျိုးနွယ်ကို မြင်စေရန် ဖန်ဆင်းရှင်အတွက် စကားလုံးတို့မပါသော နည်းလမ်းတစ်ခုဖြစ်သည်။ ၎င်းသည် သူမှလွဲပြီး တခြားကယ်တင်ခြင်းမရှိ ဆိုသည်ကို လက်တွေ့ အပြုအမူတို့မှတစ်ဆင့် လူသားမျိုးနွယ်ကို ပြောပြရန် နည်းလမ်းတစ်ခုဖြစ်သည်။ ဤကဲ့သို့ လူသားမျိုးနွယ်ကို သူ့ညွှန်ကြားခြင်း၏ ငြိမ်သက်သော နည်းနာမျိုးသည် ထာဝရတည်ခံပါသည်။ ၎င်းသည် ပယ်ဖျက်၍မရသော အရာဖြစ်သည်။ ၎င်းသည် လူသား၏ နှလုံးသားကို အံ့သြထိတ်လန့်သွားစေပြီး မည်သည့်အခါမျှ ပျောက်ကွယ်မသွားမည့် ဉာဏ်အလင်းပွင့်ခြင်းကို ရရှိစေသည်။ လာဇရု၏ သေခြင်းမှ ရှင်ပြန်ထမြောက်ခြင်းက ဘုရားသခင်ကို ဘုန်းထင်ရှားစေသည်။ ဤအချက်က ဘုရားသခင်၏ နောက်လိုက် တစ်ယောက်ချင်းစီတိုင်းအပေါ် လေးနက်သော သက်ရောက်မှုတစ်ခု ရရှိစေသည်။ ဤဖြစ်ရပ်ကို လေးလေးနက်နက်နားလည်သော လူတိုင်းကို၊ ဘုရားသခင်သာလျှင် လူသားမျိုးနွယ်၏ သေခြင်းနှင့် ရှင်ခြင်းကို အမိန့်ပေးနိုင်သည်ဆိုသော အမြင်ကို၊ နားလည်မှုကို ခိုင်မြဲစေပါသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၃)”) ဘုရားသခင်က လာဇရုကို သေရာမှ ပြန်ထမြောက်စေသည့် ဤအချက်က ကျွန်မကို နက်ရှိုင်းစွာ ခွန်အားပေးခဲ့သည်။ ကျွန်မသည် နှလုံးသားထဲတွင် တစ်ဖန် အားအင်ရှိခဲ့ပြီး အရှုံးမပေးဘဲ ပြန်လည်နှိုးထခဲ့သည်- မှန်သည်။ ဘုရားသခင်က စကြဝဠာထဲက အရာခပ်သိမ်းကို ထိန်းချုပ်ပြီး လူတို့၏ ရှင်ခြင်းနှင့် သေခြင်းတို့မှာ ဘုရားသခင်၏ လက်ခုပ်ထဲတွင် ရှိသည်။ ဤအရာကို မည်သူမျှ မထိန်းချုပ်နိုင်၊ ကျွန်မ အဖမ်းခံရ မခံရ ဟူသည်လည်း ဘုရားသခင်၏ လက်ထဲတွင်ရှိကြောင်း ကျွန်မ သိခဲ့ရသည်။ ဘုရားသခင်၏ နှုတ်ကပတ်တော်များက ကျွန်မကို တစ်ဖန် ကွယ်ကာပေးခဲ့ကာ၊ ဘုရားသခင်၌ ကျွန်မ၏ ယုံကြည်ခြင်းမှာ နှလုံးသားထဲတွင် ပြန်လည်ကြီးထွားလာခဲ့သည်။ ကျွန်မနှလုံးသားထဲက ထိတ်လန့်ခြင်းနှင့် ကြောက်ရွံ့ခြင်းတို့မှလည်း များစွာပင် အေးငြိမ်းသွားခဲ့သည်။

တရုတ်ကွန်မြူနစ်ပါတီအစိုးရ၏ ကောလာဟလများက ကျွန်မတို့မိသားစုတွင် ယခင်ကရှိခဲ့သည့် ငြိမ်သက်ခြင်းနှင့် ပျော်ရွှင်မှုတို့ကို ကွဲကြေစေခဲ့ပြီဖြစ်သည်။ ဝတ်ပြုအစည်းအဝေးများကို တက်ရောက်ခြင်းနှင့် ကျွန်မ၏တာဝန်ကို လုပ်ဆောင်ရာ၌ ကျွန်မ၏ မိသားစုဘဝအတွက် နောက်ထပ် အနှောင့်အယှက်များကို ရှောင်ရှားရန် ကျွန်မ အလွန်သတိထားပြီး ဂရုစိုက်ခဲ့ရသည်။ ဤသည်မှာ ကျွန်မအတွက် အမှန်ပင် စိတ်တင်းကြပ်ခဲ့ရလေသည်။ ထို့နောက်တွင် ကျွန်မ၏ဖခင်က မေလ ၂၈ ရက်နေ့ ကျောက်ယွမ်အဖြစ်အပျက်အကြောင်း ကြားသိသောအခါ သူကလည်း စတင်၍ ကျွန်မအား အဟန့်အတားပြုခဲ့သည်။ သူက၊ “နင် ယုံကြည်ချင်တာ ဘာမဆို နင်ယုံကြည်နိုင်တယ်၊ ဒါပေမယ့် တခြားဘယ်သူ့ကိုမှ ဧဝံဂေလိဝေငှဖို့ ဒါမှမဟုတ် ဝတ်ပြုအစည်းအဝေးတွေ သွားတက်ဖို့ အပြင်ထွက်လို့မရဘူး။ ငါ့အသက်အရွယ်နဲ့ ဘာပြဿနာမှ ငါ ကိုင်တွယ်ဖြေရှင်းနိုင်မှာ မဟုတ်ဘူး။ တစ်မိသားစုလုံး ကြီးငယ်မရွေး နင့်စိတ်ထဲမှာ စဉ်းစားပေးရမယ်လေ။ဘုရားသခင်ကို ယုံကြည်တာက ကောင်းတဲ့အရာပဲ၊ ဒါပေမယ့် နင်က လွတ်လပ်စွာ ကိုးကွယ်ယုံကြည်ခွင့်ရှိတဲ့ တိုင်းပြည်ထဲမှာ မွေးလာတာမဟုတ်ဘူး။ လက်မောင်းက ခြေထောက်ကို နပန်းလုံးလို့ မရဘူး၊ ‘ခြေထောက်’ဖြစ်တဲ့ တရုတ်ကွန်မြူနစ်ပါတီက ဘာသာရေးသမားတွေကို နိုင်ငံရေး အကျဉ်းသားတွေဖြစ်အောင် လုပ်နေတာ။ နင် ဒါတွေအားလုံး သိပါတယ်၊ ဒါကြောင့် နင်ခံစားရတဲ့ ကြောက်ရွံ့မှုမျိုး ငါတို့ကို မခံစားခိုင်းပါနဲ့” ဟု ပြောလေသည်။ ကျွန်မ၏ မိသားစုမှ ဖိအားပေးမှုနှင့် သူတို့၏ နားလည်ပေးမှု ကင်းမဲ့ခြင်းက ကျွန်မကို အမှန်ပင် နှိပ်စက်ခဲ့သည်။ ထိုအချိန်ကာလတစ်လျှောက်တွင် ကျွန်မ နည်းနည်းလေး အမှား ပြုလုပ်မိပါက တရုတ်ကွန်မြူနစ်ပါတီ အစိုးရ၏ ဖမ်းဆီးခြင်းကို ကျွန်မခံရလိမ့်မည်ဆိုသည်နှင့် မိသားစုဆီကို ပြဿနာသယ်ဆောင်မိမည်ဟု ကြောက်ရွံ့လျက်နေထိုင်ရင်း အမြဲသီသီကလေးသာ လိုတော့သကဲ့သို့ ကျွန်မခံစားခဲ့ရသည်။ ထို့ကြောင့် ကျွန်မ အပြင်ထွက်တိုင်း ကျွန်မ၏ ဘုရားသခင်၏နှုတ်ကပတ်တော်စာအုပ်နှင့် ဘုရားသခင်အား ယုံကြည်ခြင်းနှင့်သက်ဆိုင်သော မည်သည့်အရာကိုမဆို ဂရုတစိုက် ဝှက်ထားတတ်သည်။ ဝတ်ပြုစည်းဝေးများသို့ သွားသည့်အခါ ကျွန်မသည် တစ်စုံတစ်ယောက်၏ သတင်းပေးခြင်းခံရမည်နှင့် ကျွန်မမိသားစု ငြိစွန်းလိမ့်မည်ကို ကျွန်မ အလွန်အမင်း ကြောက်ရွံ့ခဲ့သည်၊ ထို့ကြောင့် ကျွန်မမှာ အလွန်ပင် အသင့်အနေအထားနှင့် သတိထားလျက် အမြဲ နေခဲ့ရသည်။ ရဲကားတစ်စီး သို့မဟုတ် အရာရှိတစ်ဦးကို တွေ့တိုင်း ကျွန်မမှာ နေမထိထိုင်မသာ နှလုံးခုန်မြန်ခဲ့ရသည်။ ဤသည်မှာ ပြောမပြနိုင်လောက်သော ဒုက္ခဆင်းရဲဖြစ်ကာ၊ တရုတ်ပြည်တွင် ဘုရားသခင်အား ယုံကြည်ကိုးကွယ်ခြင်းက ဓားသွားပေါ် အသက်ရှင်ရသကဲ့သို့ဖြစ်ကြောင်း ကျွန်မခံစားမိသည်။ ကျွန်မမှာ ဤဆိုးယုတ်သော ဘုရားမဲ့ပါတီအပေါ် ပို၍ပင် ကြီးမားသော မုန်းတီးမှု မခံစားဘဲ မနေနိုင်ခဲ့ပါ- ယုံကြည်ကိုးကွယ်မှုရှိခြင်းနှင့် မှန်ကန်သော လမ်းကြောင်းကို လိုက်လျှောက်ခြင်း၌ မည်သည့်အရာ မှားယွင်းပါသနည်း။ လူတို့အား ဘုရားသခင်ကို ယုံကြည်ရန်သာ သူတို့ အဘယ့်ကြောင့် ခွင့်မပြုနိုင်ရသနည်း။ ဘာသာရေးယုံကြည်မှုရှိသော မည်သူ့ကိုမဆို အဘယ့်ကြောင့် သူတို့ လွန်စွာ အရူးအမူး ဖမ်းဆီးပြီး ညှင်းပန်းနှိပ်စက်ရသနည်း။ ဘုရားသခင်ကို ယုံကြည်သည့်လူတို့ကို အဘယ့်ကြောင့် သူတို့ မုန်းတီးလွန်းရပါသနည်း။ ယင်းမှာ ဆိုးယုတ်လွန်းလှသည်တကား။

ထို့နောက်တွင် ကျွန်မသည် အနန္တတန်ခိုးရှင် ဘုရားသခင်၏ နှုတ်ကပတ်တော်များကို ဖတ်သည့်အခါ ဤအကြောင်းအရာ၏ အမှန်တရားကို နောက်ဆုံး ကျွန်မနားလည်လာခဲ့သည်။ ယင်းက- “ဘုရားသခင်က အမှုပြု၏၊ လူကို သူစောင့်ရှောက်သည်၊ လူကို သူစစ်ကြောသည်။ စာတန်မူကား ဘုရားသခင်၏ ခြေလှမ်းတိုင်းကို ထက်ကြပ်မကွာလိုက်လေသည်။ ဘုရားသခင် မျက်နှာသာပေးသည့်သူ မည်သူမဆိုကို စာတန်ကလည်း နောက်ယောင်ခံရင်း စောင့်ကြည့်နေသည်။ အကယ်၍ ဘုရားသခင်က ထိုပုဂ္ဂိုလ်ကို အလိုရှိလျှင် စာတန်က ဘုရားသခင်ကို နှောင့်ယှက်ရန် သူအစွမ်းရှိသမျှ လုပ်ဆောင်ပါလိမ့်မည်။ သူ၏ဖုံးကွယ်ထားသည့် ရည်ရွယ်ချက်ကို ရရှိရန် ဘုရားသခင်ပြုသော အမှုကို အနှောင့်အယှက်ပေးပြီး ဖျက်ဆီးဖို့ရန်နှင့် သွေးဆောင်ဖို့ရန် မကောင်းသည့် နည်းလမ်းအမျိုးမျိုးကို အသုံးပြုရင်းဖြစ်သည်။ သူ၏ရည်ရွယ်ချက်မှာ အဘယ်အရာနည်း။ သူသည် ဘုရားသခင်ကို ဘယ်သူ့ကိုမျှ မရစေချင်ပါ။ သူ့ကို ကိုးကွယ်စေရန်၊…ဘုရားသခင် အလိုရှိသောသူမှန်သမျှ သူလိုချင်၏၊ သူတို့တွေကို သူနေရာယူချင်သည်၊ ချုပ်ထိန်းချင်သည်။ ဤသည်မှာ စာတန်၏ ဘေးပြုတတ်သော စေ့ဆော်ချက် မဟုတ်လော။...ဤကိစ္စသည် စာတန်၏ အကျည်းတန်လှသည့် မျက်နှာထားနှင့် သူ၏အနှစ်သာရကို အင်မတန် ရှင်းလင်းသွားစေပေသည်။ စာတန်က ဘုရားသခင်နောက်ကို နောက်ယောင်ခံလိုက်ရင်း သူနှင့် စစ်ဆင်နွှဲနေသည်။ သူ၏ရည်ရွယ်ချက်မှာ ဘုရားသခင် ပြုလိုသည့် အမှုမှန်သမျှကို ဖြိုချရန်၊ ဘုရားသခင် အလိုရှိသောသူများကို သိမ်းပိုက်ရန်နှင့် ချုပ်ကိုင်ရန်၊ ဘုရားသခင် အလိုရှိသောသူများကို အပြီးတိုင် ကွယ်ပျောက်စေရန် ဖြစ်သည်။ အကယ်၍ သူတို့က မကွယ်ပျောက်ပါက စာတန်၏အသုံးပြုခြင်းကို ခံရရန် သူပိုင်ဆိုင်သောသူ ဖြစ်လာသည်။ ဤသည်မှာ သူ၏ ရည်ရွယ်ချက်ဖြစ်ပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၄)”) ဘုရားသခင်၏ နှုတ်ကပတ်တော်များမှတစ်ဆင့် ကျွန်မသည် ရုတ်တရက် အလင်းကို တွေ့ရှိခဲ့သည်- ယင်းကို အပြင်ပန်းမှကြည့်လျှင် ယုံကြည်သူများဖြစ်သော ကျွန်မတို့ကို ဖိနှိပ်ချုပ်ချယ်သည်မှာ တရုတ်ကွန်မြူနစ်ပါတီအစိုးရဖြစ်သော်လည်း မျက်ကွယ်ရာ၌ ဝိညာဉ်ရေးတိုက်ပွဲတစ်ခု ဖြစ်ပျက်နေခြင်းဖြစ်သည်။ လူတို့အတွက် ဘုရားသခင်နှင့် တုပြိုင်နေသည်မှာ စာတန်ဖြစ်သည်။ စာတန်သည် ဘုရားသခင်၏ မဟာရန်သူဖြစ်ပြီး ဘုရားသခင်ကို သစ္စာဖောက်ပြီး ဆန့်ကျင်သည့် နတ်ဆိုးဖြစ်သောကြောင့် လူသားမျိုးနွယ်ကို သူ ဖောက်ပြန်ပျက်စီးစေခဲ့ကတည်းက သူတို့ကို သူ ထိန်းချုပ်လိုခဲ့လေသည်။ သူက လူတို့ကို ဘုရားသခင်အား ကိုးကွယ်ဝတ်ပြုရန် သို့မဟုတ် ဘုရားသခင်ကို သူဖန်ဆင်းခဲ့သည့် လူသားမျိုးနွယ်ကို ရယူရန် အခွင့်မပေးချေ။ ထို့ကြောင့် လူသားမျိုးနွယ်အား ကယ်တင်ရန် ဘုရားသခင်၏ အမှုတော် အစပြုသည်မှ ပစ္စုပ္ပန်အထိ ကာလတစ်လျှောက် စာတန်သည် အနှောင့်အယှက်များကို ဖန်တီးရန်နှင့် ဘုရားသခင်၏အမှုကို ဖြိုဖျက်ရန် အစွမ်းကုန် လုပ်ဆောင်လာနေသည်။ စာတန်က လူတို့ ဘုရားသခင်ထံ လှည့်ပြန်မည့်လမ်းတွင် အဟန့်အတားပြုရန် စက်ဆုပ်ဖွယ်ကောင်းသော နည်းလမ်းဟူသမျှကို အသုံးပြုသည်။ ထို့နောက် ကျွန်မ၏ ယုံကြည်ချက်ကို ပိတ်ပင်တားဆီးရန်အလို့ငှာ စာတန်သည် ကျွန်မ၏မိသားစုအတွင်း သဘောထားကွဲလွဲခြင်းကို စိုက်ပျိုးဖို့ ကောလာဟလများကို အသုံးပြုနေခြင်းဖြစ်သည်။ ယင်းက ကျွန်မကို ခြိမ်းခြောက်ရန်၊ သွေးဆောင်ရန်၊ ခြောက်လှန့်ရန်နှင့် တိုက်ခိုက်ရန် မိသားစုအပေါ် ကျွန်မ၏ စိတ်ခံစားမှုများနှင့် စိတ်ပိုင်းဆိုင်ရာ အချင်းများခြင်း နည်းဗျူဟာများကို အသုံးပြုနေခြင်းပင်ဖြစ်သည်။ ဤအရာမှန်သမျှကို လုပ်ဆောင်ရာတွင် ယင်း၏ ရည်းမှန်းချက်ပန်းတိုင်မှာ ကျွန်မအား ဘုရားသခင်ကို ရှောင်ဖယ်ဖို့၊ ငြင်းပယ်ဖို့နှင့် သစ္စာဖောက်ဖို့ရန်၊ ထို့ပြင် ယင်း၏ လက်တွင်းသို့ ကျွန်မ ရောက်ရှိစေရန် ကြိုးပမ်းဖို့နှင့် ကျွန်မကို သူ၏ကျွန်ဖြစ်စေရန်ပင် ဖြစ်ခဲ့သည်။ သို့မှသာ ယင်းနှင့်အတူ နောက်ဆုံးတွင် ကျွန်မမှာ ဘုရားသခင်၏ ဖျက်ဆီးခြင်းကို ခံရလိမ့်မည်ဖြစ်သည်။ တရုတ်ကွန်မြူနစ် ပါတီအစိုးရ၏ ကြံရွယ်ချက်များမှာ အမှန်တကယ်ပင် ပရိယာယ်မာယာများသည်။ ယင်းက ဘုရားသခင်ကို အရူးအမူး ဆန့်ကျင်ကာ ဘုရားသခင်၏ ရန်သူဖြစ်လေသည်။ ယင်းသည် အမှန်တကယ် လူတို့၏ ဝိညာဉ်များကို ဝါးမျိုသည့် နတ်ဆိုးဖြစ်သည်။ ဘုရားသခင်၏ နှုတ်ကပတ်တော်များထဲတွင် ဤသို့ဆိုထားသည့်အတိုင်းပင်ဖြစ်သည်- “စာတန်သည် လူအများကို လှည့်စားခြင်းမှတစ်ဆင့် သူ၏ နာမည်ကြီးမှုကို ရရှိသည်။ စာတန်က ဖြောင့်မတ်ခြင်း၏ စံပြနှင့် ဦးစီးဦးဆောင်တစ်ယောက်အဖြစ် သူ့ကိုယ်သူ မကြာခဏ သက်သေထူပါသည်။ ဖြောင့်မတ်ခြင်းကို ကာကွယ်ခြင်း၏ အောင်လံတံခွန်အောက်မှာ စာတန်သည် လူသားကို အန္တရာယ်ပြုသည်။ သူတို့၏ ဝိညာဉ်ကို ဝါးမျိုသည်။ လူသားကို ပိတ်ပင်ဖို့၊ လှည့်စားဖို့နှင့် သွေးဆောင်ဖို့ နည်းမျိုးစုံကို အသုံးပြုသည်။ သူ၏ပန်းတိုင်က သူ၏ မကောင်းသည့် အပြုအမူများကို လူသားက လက်ခံပြီး လိုက်လျှောက်ဖို့၊ ဘုရားသခင်၏ သြဇာအာဏာနှင့် စိုးပိုင်မှုကို ဆန့်ကျင်ရာမှာ လူသားကို သူနှင့် ပူးပေါင်းအောင်လုပ်ဖို့ ဖြစ်ပါသည်။ သို့သော်လည်း လူတစ်ယောက်က သူ၏ မကောင်းကြံစည်မှုများ၊ အကွက်ချခြင်းများနှင့် ဆိုးညစ်သည့် ပုံစံများအပေါ် လိမ္မာပါးနပ်လာပြီး စာတန်၏ အရူးလုပ်ခြင်း၊ နင်းချေခံရခြင်းတို့ ဆက်ပြီး မခံချင်တော့သည့်အခါ သို့မဟုတ် စာတန်အတွက် ဆက်ပြီး ကျွန်မခံချင်တော့သည့်အခါ သို့မဟုတ် စာတန်နှင့်အတူ အပြစ်ဒဏ်ခံရပြီး အဖျက်ဆီးမခံချင်တော့သည့်အခါ၊ စာတန်က သူ၏ အရင် ကိုယ်ကျင့်တရားကောင်းမွန်သည့် ပုံစံများကို ပြောင်းလိုက်ပြီး သူ၏ စစ်မှန်သည့် ဆိုးယုတ်၊ ကြမ်းတမ်းရက်စက်၊ အကျည်းတန်ပြီး ရိုင်းစိုင်းကြမ်းကြုတ်သည့် မျက်နှာကို ဖွင့်ပြဖို့အတွက် သူ၏ မျက်နှာဖုံးအတုကို ဆွဲဖြဲလိုက်ပါတော့သည်။ သူ၏ ဆိုးယုတ်သည့် စွမ်းအားများကို ဆန့်ကျင်သည့်သူများနှင့် သူ့နောက်ကိုလိုက်ဖို့ ငြင်းဆန်သူများအားလုံးကို စာတန်သည် အလွန်ပင် အပြတ်ရှင်းပစ်ချင်ပါသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၂)”) ဘုရားသခင်၏ နှုတ်ကပတ်တော်များထဲရှိ ဗျာဒိတ်တော်များက တရုတ်ကွန်မြူနစ် ပါတီအစိုးရ၏ သဘောသဘာဝအမှန်ကို ထိုးထွင်းသိမြင်ရန်၊ ယင်းသည် အကယ်စင်စစ် စာတန်၏ ပြယုဂ်ဖြစ်ကြောင်းနှင့် ယင်းသည် ဘုရားသခင်ကို ဆန့်ကျင့်သည့် အဆိုးယုတ်ဆုံးသော စာတန်ဆန်သည့် အစိုးရဖြစ်ကြောင်းကို တွေ့မြင်ရန် ကျွန်မကို အခွင့်ပေးခဲ့သည်။ ယင်းသည် လူတို့ကို လှည့်ဖြားရန်နှင့် ၎င်းတို့ကို စိတ်ဆိုးဒေါသထွက်စေရန်၊ ထို့ပြင် အကြောင်းအရာ၏ အမှန်တရားကို နားမလည်သောသူတို့ကို ယင်းတို့ဖက်က ရပ်တည်ပြီး ယင်းနှင့်အတူ ဘုရားသခင်ကို ဆန့်ကျင်စေဖို့ သွေးထိုးလှုံ့ဆော်ရန် ကြိုးပမ်းအားထုတ်ရာတွင် ကောလာဟလများကို စတင်ပြီး အနန္တတန်ခိုးရှင်ဘုရားသခင် အသင်းတော်ကို အမှုဆင်ရန် မေလ ၂၈ ကျောက်ယွမ်အမှုကို အသုံးပြုနေခြင်းဖြစ်သည်။ ကျောက်ယွမ်အမှုကို လုပ်ဇာတ်ခင်းပြီး အနန္တတန်ခိုးရှင်ဘုရားသခင် အသင်းတော်အပေါ် အပြစ်လွှဲချရာ၌ တရုတ်ကွန်မြူနစ် ပါတီအစိုးရ၏ ရည်မှန်းချက်မှာ ခရစ်ယာန်များကို ဖမ်းဆီးရန်နှင့် ညှင်းပန်းနှိပ်စက်ရန်အတွက် အခွင့်အလမ်းများနှင့် အကြောင်းပြချက်များကို ရှာဖွေရန်ဖြစ်သည်။ ခရစ်ယာန်များအားလုံးကို တစ်ချီတစ်သုတ်တည်း သိမ်းကျုံးရန်နှင့် သူတို့ကို အရင်းအခက်မကျန် သုတ်သင်ဖယ်ရှင်းရန်၊ ထို့ပြင် အနန္တတန်ခိုးရှင်ဘုရားသခင် အသင်းတော်ကို အကုန်အစင် ပပျောက်သွားစေရန်ဟူသည်မှာ အချည်းနှီးကြိုးပမ်းမှု ဖြစ်လေသည်။ သူတို့သည် တရုတ်ပြည်တွင် ဘုရားမဲ့ဝါဒီနယ်မြေ တည်ထောင်ဖို့ သူတို့၏ ရိုင်းစိုင်းသောရည်မှန်းချက်ကိုပင် အကောင်အထည်ဖော်လိုကြသည်။ တရုတ်ကွန်မြူနစ် ပါတီအစိုးရ၏ အနှစ်သာရမှာ အမှန်ပင် အစွန်းရောက်သော သစ္စာမဲ့မှုနှင့် ဆိုးယုတ်မှုမျိုးပင်။

ဝိညာဉ်တိုက်ပွဲ၏ လက်တွေ့အရှိတရားနှင့် တရုတ်ကွန်မြူနစ် ပါတီအစိုးရ၏ ဆိုးယုတ်သော အနှစ်သာရကို ကျွန်မ သတိပြုမိသောအခါ အခြားမေးခွန်းတစ်ခုက ကျွန်မစိတ်ထဲ ပေါ်လာခဲ့သည်- ဘုရားသခင်သည် အရာခပ်သိမ်းကို တတ်နိုင်စွမ်းသလော။ ကျွန်မတို့ကို ညှင်းပန်းနှိပ်စက်ရန် တရုတ်ကွန်မြူနစ် ပါတီအစိုးရကို ဘုရားသခင် အဘယ့်ကြောင့် ခွင့်ပြုရသနည်း။ ကျွန်မစိတ်အတွင်းထဲက ဤရှုပ်ထွေးမှုကို မဖြေရှင်းနိုင်သဖြင့် အနန္တတန်ခိုးရှင် ဘုရားသခင်၏ ဤနှုတ်ကပတ်တော်များကို ကျွန်မဖတ်ရှုခဲ့သည်- “ငါ့ဉာဏ်ပညာသည် စာတန်၏ အကြံအစည်များပေါ် အခြေခံပြီး ကျင့်သုံးသည်ဟု တစ်ချိန်က ငါဆိုခဲ့၏။ အဘယ်ကြောင့် ထိုသို့ ငါဆိုသနည်း။ ယင်းက ယခု ငါပြောနေ၊ လုပ်နေသောအရာ၏ နောက်ကွယ်က အမှန်တရား မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၁)”) “လူသား၏အစိတ်အပိုင်းတစ်ရပ်ကို စုံလင်စေခြင်းငှာ ဘုရားသခင်သည် ဆိုးသောဝိညာဉ်တို့၏ အလုပ်အစိတ်အပိုင်းတစ်ရပ်ကို အသုံးပြုရန် ဘုရားသခင် ရည်ရွယ်၏။ ဤသည်မှာ ထိုသူတို့သည် နတ်ဆိုးတို့၏ လုပ်ဆောင်ချက်များကို အပြည့်အဝ ထိုးထွင်းမြင်နိုင်ရန်နှင့် လူတိုင်းအား ၎င်းတို့၏ ဘိုးဘေးများကို စစ်မှန်စွာ နားလည်ခွင့်ပြုရန် ဖြစ်၏။ သို့မှသာ လူတို့သည် နတ်ဆိုးတို့၏ နောင်လာနောက်သားတို့ကို စွန့်ရုံသာမက ၎င်းတို့၏ ဘိုးဘေးများကို သာ၍ပင်စွန့်ကာ လုံးဝလွတ်မြောက်နိုင်မည်ဖြစ်၏။ ဤသည်မှာ အဆင်းနီသောနဂါးကြီး၏ စစ်မှန်သော ပုံသဏ္ဌာန်ကို လူသားတို့အားလုံးသိစေရန်၊ ၎င်း၏ မျက်နှာဖုံးကို လုံးဝဆွဲချွတ်၍ ၎င်း၏ စစ်မှန်သော ပုံသဏ္ဌာန်ကို မြင်စေရန်၊ ဘုရားသခင်မှ အဆင်းနီသောနဂါးကြီးကို အပြည့်အဝရှုံးနိမ့်စေခြင်း၏ မူလရည်ရွယ်ချက်ဖြစ်သည်။ ဤသည်မှာ ဘုရားသခင် အထမြောက်လိုသည့်အရာဖြစ်၍ ယင်းသည် သူအလုပ်များစွာလုပ်ခဲ့သော မြေကြီးပေါ်ရှိ သူ၏ နောက်ဆုံးပန်းတိုင်ဖြစ်၏၊ သူသည် လူသားအားလုံး၌ ဤသည်ကို အထမြောက်ရန် ရည်မှန်း၏။ ဤသည်ကို ဘုရားသခင်၏ ရည်ရွယ်ချက်အတွက် အရာခပ်သိမ်း၏ လှုပ်ရှားဆောင်ရွက်ခြင်းဟု သိကြ၏။” (နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၄၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက်) သူသည် သူရွေးထားသော လူတို့အား စုံလင်စေခြင်းအတွက် ကူညီထောက်မမှုပြုရန် တရုတ်ကွန်မြူနစ် ပါတီအစိုးရ၏ ဆိုးယုတ်သောစွမ်းအား၏ ဖိနှိပ်ချုပ်ချယ်ခြင်းကို အသုံးချနေခြင်းဖြစ်ကြောင်း ဘုရားသခင်၏ နှုတ်ကပတ်တော်များမှ ကျွန်မနားလည်ရသည်။ အနန္တတန်ခိုးရှင်ဘုရားသခင် အသင်းတော်၏ နာမည်ကို ညစ်စွန်းစေရန် တရုတ်ကွန်မြူနစ် ပါတီအစိုးရ၏ ဆန့်ကျင်မှု၊ ဝေဖန်ရှုတ်ချမှုနှင့် ကောလာဟလလှုံ့ဆော်ခြင်းအပြင် ခရစ်ယာန်များအပေါ် ယင်း၏ ဖိနှိပ်ချုပ်ချယ်မှုနှင့် ဖမ်းဆီးမှုများတို့မှတစ်ဆင့် ဘုရားသခင်သည် တရုတ်ကွန်မြူနစ် ပါတီ အစိုးရ၏ ဆိုးယုတ်သော၊ ဘီလူးသရဲစီးသော အနှစ်သာရကို သမ္မာတရားအား မုန်းတီးပြီး ဘုရားသခင်အား မုန်းတီးသောအရာ တစ်ခုအဖြစ် ဘုရားသခင်က ကျွန်မတို့ကို သေချာသိမြင်ခွင့် ပေးခဲ့ပြီဖြစ်သည်။ ဤအရာက စစ်မှန်သော သဘောပေါက်နားလည်မှုကို ရရှိရန်၊ ယင်းကို ငြင်းပယ်ရန်နှင့် ယင်း၏ အယုံသွင်းခြင်းကို နောက်ထပ် မည်သည့်အခါမှ မခံရရန် ကျွန်မတို့ကို အခွင့်ပေးခဲ့ပြီ ဖြစ်သည်။ ယင်းအစား၊ စာတန်၏ အုပ်စိုးမှုမှ ကျွန်မတို့ ထွက်လာပြီး ဘုရားသခင်၏ မျက်မှောက်သို့ လှည့်ပြန်နိုင်ကြသည်။ ထိုအရာအပြင် ဘုရားသခင်သည် လူတို့ကို သူတို့ မည်သို့သောသူများဖြစ်သည်ကို ဖော်ထုတ်ရန်၊ လူတို့ကို သူတို့၏ အမျိုးအစားအလိုက် ခွဲခြားရန် တရုတ်ကွန်မြူနစ် ပါတီနတ်ဆိုးများ၏ ဖမ်းဆီးမှုများနှင့် ညှင်းပန်းနှိပ်စက်မှုကို အသုံးချခြင်းဖြစ်သည်။ သူရဲဘောကြောင်သောသူများ၊ မိမိတို့၏ယုံကြည်မှု၌ မစစ်မှန်သောသူများ သို့မဟုတ် ယုဒများမှာ တရုတ်ကွန်မြူနစ် ပါတီအစိုးရ၏ ကြမ်းကြုတ်ရက်စက်သော ညှင်းပန်းနှိပ်စက်မှုမှတဆင့် ဖော်ထုတ်ခံရပြီး သုတ်သင်ဖယ်ရှင်းခြင်း ခံရကြသည်။ သို့သော်လည်း ဘုရားသခင်ကို အမှန်တကယ် ယုံကြည်ကာ သမ္မာတရားကို လိုက်လျှောက်သောသူများနှင့် ဘုရားသခင်ကို ဆက်ကပ်သောသူများမှာ တရုတ်ကွန်မြူနစ် ပါတီီအစိုးရ၏ သွေးရူးသွေးတမ်း ညှင်းပန်းနှိပ်စက်မှုအောက်တွင် ဘုရားသခင်ကို သက်သေရပ်တည်နိုင်ကြကာ ဘုရားသခင် ခန့်အပ်ထားသည့် အောင်မြင်သူများ ဖြစ်လာကြသည်။ ဤအရာအားလုံးကို ကျွန်မ နားလည်သည်နှင့်တစ်ပြိုင်နက် ဘုရားသခင်နှင့်ပတ်သက်၍ ကျွန်မ၏ နားလည်မှုလွဲမှားခြင်းများ၊ မကျေနပ်ချက်များနှင့် ရှုပ်ထွေးမှုတို့မှာ အားလုံးပြေလည်သွားခဲ့သည်။ ထို့ပြင် ဘုရားသခင်သည် အဘယ်မျှ ဉာဏ်ပညာရှိပြီး အနန္တတန်ခိုးရှိကြောင်းနှင့် ဘုရားသခင်၏ ဉာဏ်ပညာကို အမှန်တကယ်ပင် စာတန်၏အကြံအစည်များအပေါ် မူတည်၍ ကျင့်သုံးကြောင်း ကျွန်မ တွေ့မြင်ခဲ့ရသည်။

ဘုရားသခင်၏ ဤနှုတ်ကပတ်တော်များကိုလည်း ကျွန်မ ဖတ်ရှုခဲ့သည်- “ဘုရားသခင် ရယူရန် အလိုတော်ရှိသည့်အရာကို မည်သည့်နိုင်ငံ သို့မဟုတ် မည်သည့်စွမ်းအားကမျှ မတားဆီးနိုင်ကြောင်း ငါတို့ယုံကြည်သည်။ ဘုရားသခင်၏ အမှုတော်ကို နှောင့်ယှက်သူများ၊ ဘုရားသခင်၏ နှုတ်ကပတ်တော်ကို ဆန့်ကျင်ပြီး ဘုရားသခင်၏ အကြံအစည်တော်ကို နှောင့်ယှက်ဟန့်တားသူများသည် ဘုရားသခင်၏ အပြစ်ဒဏ်ပေးခြင်းကို နောက်ဆုံးတွင် ခံရကြမည်။ ဘုရားသခင်၏ အမှုတော်ကို အာခံဖီဆန်သူသည် ငရဲသို့ချခြင်းခံရမည်၊ ဘုရားသခင်၏ အမှုတော်ကို အာခံဖီဆန်သော မည်သည့်နိုင်ငံမဆိုသည် ဖျက်ဆီးခြင်းကိုခံရမည်၊ ဘုရားသခင်၏ အမှုတော်ကို ဆန့်ကျင်ရန် ပုန်ကန်သော မည်သည့်လူမျိုးမဆိုသည် ဤကမ္ဘာပေါ်မှ ဖယ်ရှားခံရမည်ဖြစ်ပြီး အပြီးတိုင် ကွယ်ပျောက်သွားလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားမျိုးနွယ်အားလုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်”) ဘုရားသခင်၏ နှုတ်ကပတ်တော်များက သူ၏ ဖြောင့်မတ်ပြီး ခံ့ညားထည်ဝါသော စိတ်သဘောထားကို ကျွန်မအား ပြခဲ့ကာ၊ မည်သည့်စွမ်းအားကမျှ ဘုရားသခင်၏ အနန္တတန်ခိုးနှင့် အခွင့်အာဏာကို မသာလွန်နိုင်ကြောင်း ကျွန်မ တွေ့ရှိခဲ့သည်။ တရုတ်ကွန်မြူနစ်ပါတီ အစိုးရသည် ဘုရားသခင်ကို အမြဲတမ်း ထိတ်ထိတ်ပျာပျာ ဆန့်ကျင်ကာ၊ ယင်းသည် ဘုရားသခင် ရွေးချယ်ထားသော လူတို့ကို ဖိနှိပ်၊ ဖမ်းဆီးပြီး ညှင်းပန်းသည့်အပြင် လူတို့ကို အထင်မြင်မှားစေရန်နှင့် သူတို့ကို ဘုရားသခင်ထံ ပြန်လှည့်ခြင်းမှ တားဆီးရန်အတွက် ကောလာဟလမျိုးစုံကို လုပ်ဇာတ်ခင်းစေကာမူ၊ ဘုရားသခင်၏အမှုတော်မှာ တရုတ်ပြည်တစ်ခုလုံး၌ ပျံ့နှံ့ဆဲပင်ဖြစ်ပေသည်။ ထို့ပြင် အောင်မြင်သူများအုပ်စုတစ်ခုကို တရုတ်ပြည်တွင် ပေါ်ပေါက်စေပြီဖြစ်ကာ ဘုရားသခင်၏နိုင်ငံတော်နှင့်ယှဉ်သော ဧဝံဂေလိတရားမှာ လက်ရှိတွင် ကမ္ဘာတစ်ဝှမ်းလုံး၌ ကျယ်ပြန့်လာနေပါသည်။ ဘုရားသခင်၏အမှုတော်ကို မည်သူမျှ ပိတ်ပင်တားဆီး၍ မရနိုင်ပေ။ ဘုရားသခင်ကို ဆန့်ကျင်သူများ၊ ဘုရားသခင်၏အမှုတော်ကို တားဆီးပြီး လျော့ပါးစေသူများကို သူ၏ ဖြောင့်မတ်သော အပြစ်ဒဏ်ပေးခြင်းကို ခံစားရရန်နှင့် အမြစ်ဖြတ်သုတ်သင်ခြင်းခံရရန် ကြိုတင်စီရင်ထားပြီးဖြစ်သည်။ ဤသည်ကို ဘုရားသခင်၏ ဖြောင့်မတ်သော စိတ်နေသဘောထားက ချမှတ်ထားခြင်း ဖြစ်သည်။ အနန္တတန်ခိုးရှင် ဘုရားသခင်၏ နှုတ်ကပတ်တော်များက ကျွန်မကို ထိုးထွင်းသိမြင်မှုနှင့်ဆိုင်သော ရုတ်ခြည်းအလင်းတစ်ခုကို ပေးခဲ့ပြီး တစ်ခဏချင်းတွင် ကျွန်မ အသိဉာဏ်ပွင့်လင်းခဲ့သည်။ ကျွန်မ၏ နှလုံးသားထဲတွင် အံ့သြမင်သက်ပြီး ဘုရားသခင်၏ အံ့ဖွယ်အမှုကို မချီးမွမ်းဘဲ မနေနိုင်ခဲ့ပါ။ ဘုရားသခင်၏ ဉာဏ်ပညာသည် အမှန်ပင် ကောင်းကင်ထက် ပို၍မြင့်မားသည်။ ဘုရားသခင်သည် တရုတ်ကွန်မြူနစ်ပါတီ အစိုးရကို အစေခံမှုလုပ်ဆောင်ရန် အသုံးပြုခြင်းမှာ အလွန်တရာပင် ပညာရှိပေသည်။ လူသားမျိုးနွယ်အား ဘုရားသခင်၏ ကယ်တင်ခြင်းမှာ အလွန် လက်တွေ့ကျပေသည်၊ ကျွန်မမှာ လုံးလုံးလျားလျား ယုံကြည်လက်ခံလာမိခဲ့ပြီး ကိုယ်တော်အား ချီးမွမ်းခြင်းကို မရပ်တန့်နိုင်ပါ။ ဘုရားသခင်ထံ နှလုံးသားထဲမှ ကျွန်မ တိတ်တဆိတ် ဆုတောင်းခဲ့သည်၊ “ဘုရားသခင်။ ကျွန်မဟာ တလင်းမြေကနေ ကိုယ်တော်ပစ်ပယ်တဲ့ ဖွဲကြမ်း မဖြစ်ချင်ပါဘူး၊ ဒါ့အပြင် ကျွန်မဟာ တရုတ်ကွန်မြူနစ်ပါတီ အစိုးရရဲ့ ဆိုးယုတ်တဲ့လေလုံးအားဖြင့် အဝေးကို လွင့်ပါမသွားချင်ပါဘူး။ ကျွန်မ ကိုယ်တော်ရိတ်သိမ်းတဲ့ စပါးပင် ဖြစ်ချင်ပါတယ်။ ဘုရားသခင်။ ကျွန်မ ကိုယ်တော့်ကို ဘယ်တော့မှ အလိုမပြည့်စေခဲ့ပါဘူး၊ ဒါပေမယ့် တရုတ်ကွန်မြူနစ်ပါတီ အစိုးရရဲ့ ပြင်းထန်တဲ့ ဖိနှိပ်မှုကြားကနေ ကျွန်မရဲ့ ရိုးဖြောင့်မှုကို ပြနိုင်မယ်လို့၊ သမ္မာတရားကို အမှန်တကယ် လိုက်စားပြီး စီစီပီအစိုးရရဲ့ ဆိုးယုတ်တဲ့စွမ်းအားတွေနဲ့ ရင်ဆိုင်ရာမှာ အညံ့ခံခြင်းမဖြစ်နိုင်ဘူးလို့ ကျွန်မမျှော်လင့်ပါတယ်။ ကိုယ်တော်သည် ဘုန်းသအရေကို ရရှိပါမည့်အကြောင်း ကိုယ်တော့်အတွက် သက်သေရပ်တည်ဖို့ရာ တရားမျှတမှုကို ဆာငတ်ပြီး အလင်းတရားကို တောင့်တတဲ့လူတစ်ဦးဖြစ်ရန် ကျွန်မမျှော်လင့်ပါတယ်။ ...”

ဤသိနားလည်ခြင်းနှင့် ပြင်ဆင်လျက်၊ ကျွန်မ၏ နှလုံးသားထဲတွင် ကြံ့ခိုင်လာခဲ့သည်။ ကျွန်မမိသားစုဝင်များ၏ နားလည်မှုလွဲမှားခြင်းများနှင့် ပိတ်ပင်တားဆီးမှုများကို ကျွန်မ ရင်ဆိုင်ရသည့်အခါ ဤသည်မှာ အားလုံးက ဘုရားသခင်၏ ခွင့်ပြုချက်သာလျှင် ဖြစ်ကြောင်းနှင့် ကျွန်မ၏ ယုံကြည်မှု၊ ဆက်ကပ်မှုနှင့် နာခံမှုကို စုံလင်စေရန် ဤအရာအားလုံးကို ခရေစေ့တွင်းကျ စီစဉ်သူမှာ ဘုရားသခင်ဖြစ်ကြောင်း ကျွန်မနားလည်ခဲ့ရသည်။ ကျွန်မ၏ အနီးအနားက ပတ်ဝန်းကျင်နှင့်ပတ်သက်၍ ကျွန်မ မညည်းညူတော့သည့်အပြင် ပတ်ဝန်းကျင် အခြေအနေ၏ ဘောင်ခတ်ခြင်းကိုလည်း ကျွန်မ မခံခဲ့ရတော့ပေ။ ထို့ထက် ဘုရားသခင်ကို ကျွန်မ ကျေးဇူးတင်တတ်လာခဲ့ကာ၊ ဘုရားသခင် ကျွန်မအတွက် မည်သည့် ပတ်ဝန်းကျင်မျိုးကို စီစဉ်သည်ဖြစ်စေ ကျွန်မသည် သူ့အတွက် အစဉ် သက်သေရပ်တည်ပြီး ကျွန်မ၏တာဝန်ကို သစ္စာရှိစွာ ထမ်းဆောင်ရမည်ဟု တိတ်တဆိတ် သန္နိဋ္ဌာန်ချခဲ့သည်။ ကျွန်မသည် ဘုရားသခင်ကို လုံးဝ သစ္စာဖောက်မည်မဟုတ်ပေ။ နောက်ပိုင်းတွင် ဘုရားသခင်၏ အမှုများကို ကျွန်မတွေ့ရှိခဲ့သည်၊ ကျွန်မအမျိုးသားသည် ကျွန်မကို နောက်ထပ် မဆန့်ကျင်တော့၊ သို့မဟုတ် သူပြုခဲ့ပြီးသကဲ့သို့ မဖိနှိပ်မချုပ်ချယ်တော့ပေ။ ထို့ထက် သူက- “ငါ နင့်ကို ယုံကြည်ကိုးကွယ်မှု မရှိစေချင်တာ မဟုတ်ပါဘူး။ နင် ဘုရားသခင်ကို စယုံကြည်ခဲ့ကတည်းက နင်ပြောင်းလဲသွားတာ ငါဝန်ခံပါတယ်။ ရှေ့လျှောက် နင် ဂရုစိုက်ဖို့၊ ဝတ်ပြုအစည်းအဝေးတွေ တက်ဖို့ နင်အပြင်သွားတဲ့အခါ သတိထားဖို့ပါပဲ” ဟု ပြောလေသည်။ သူ ဤအရာ ပြောသည်ကို ကြားရခြင်း်က ကျွန်မကို မျက်ရည်များ ကျစေခဲ့သည်။ ဘုရားသခင်ကို သူ၏ လုပ်ဆောင်မှုများအတွက် ကျွန်မ နှလုံးသားထဲမှ ကျေးဇူးတင်ပြီး ချီးမွမ်းခဲ့သည်၊ အဘယ့်ကြောင့်ဆိုသော် သမ္မာတရားနှင့် တရားမျှတမှုက မှောင်မိုက်ဆိုးယုတ်သည့် အရာအားလုံးကို ထိန်းချုပ်နိုင်စွမ်းရှိကြောင်း ကျွန်မတွေ့မြင်ခဲ့သည်။ စာတန်၏ ဆိုးယုတ်သောစွမ်းအားများမှာ နောက်ဆုံးတွင် ဘုရားသခင်၏ အမှုမှတဆင့် ချေဖျက်ခြင်းခံရပေလိမ့်မည်။ ဤအတွေ့အကြုံမှတဆင့် စစ်ဆေးခြင်းခံရသည့် အခက်အခဲတစ်ချို့ကို ကျွန်မ ခံစားခဲ့ရသော်လည်း ဘုရားသခင်၏ ဉာဏ်ပညာရှိသော အမှုတော်အား သိနားလည်မှု အနည်းငယ်ကို ကျွန်မ ရရှိခဲ့သည်။ အပြုသဘောဆောင်သော အရာများနှင့် အပျက်သဘောဆောင်သော အရာများအကြား ခွဲခြားသိမြင်နိုင်စွမ်း အနည်းငယ်ကိုလည်း ရရှိခဲ့သည်၊ ဤအရာအားလုံးမှာ သမ္မာတရားကို လိုက်စားပြီး အလင်းတရားအတွက် ဆန္ဒပြင်းပြရန် ကျွန်မ၏ သန္နိဋ္ဌာန်နှင့် ယုံကြည်မှုကို နှိုးဆွပေးလိုက်သည့် ကျွန်မအသက်တာထဲက ကြွယ်ဝမှုတစ်မျိုးပင် ဖြစ်သည်။

ယခင်က:အိမ်ကို ပြန်လာခြင်း

နောက်တစ်ခုသို့:ကွာရှင်းပြတ်စဲခြင်း မုန်တိုင်း ချုပ်ငြိမ်းသည်

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ