လွန်ခဲ့တဲ့ နှစ် ၂၀ဝ၀ တုန်းက သခင်ယေရှုဟာ ကားစင်တင်ခံရပြီး သူ့ရဲ့ ရွေးနုတ်ခြင်းအမှုကို လုပ်ပြီးသွားတဲ့နောက် သူပြန်ကြွလာမယ်လို့ ကတိပေးခဲ့ပါတယ်။ အဲဒီအချိန်ကတည်းက ယုံကြည်သူအားလုံးဟာ ကိုယ်တော့်ဆီကို ချီဆောင်ခံရဖို့ ကျွန်မတို့ ကယ်တင်ရှင် မိုးတိမ်စီးပြီး ဆင်းကြွလာမှာကို မျှော်လင့်တောင့်တနေခဲ့ကြပါတယ်။ ယုံကြည်သူတွေဟာ အချိန်မရွေး ချီဆောင်ခံရဖို့ မျှော်လင့်နေကြတယ်။ ဒါပေမဲ့ သူတို့ဟာ သူတို့ရှေ့မှာ ကပ်ဘေးတွေ ဖြစ်ပေါ်လာနေတာကို ကြည့်နေကြရပြီး သခင်မိုးတိမ်စီး ကြွလာတာကို မကြိုဆိုရသေးဘူး။ လူများစွာက သိပ်စိတ်ပျက်အားလျော့နေကြတယ်။ သခင်က တကယ်ပြန်ကြွလာပြီလား၊ ယုံကြည်သူတစ်ယောက်ယောက်များ ချီဆောင်ခံရပြီးပြီလားဆိုပြီး သူတို့တွေဟာ ဆက်တိုက် တွေးတောနေကြတယ်။ ဒါပေမဲ့ အဲဒီလိုမျိုးကို တစ်ယောက်မှ မမြင်တွေ့ရသေးဘူး။ သူတို့မြင်နေရတာက ကပ်ဘေးတွေ ပိုပိုကြီးလာနေတာ၊ ကပ်ရောဂါတွေ ပိုဆိုးလာနေတာနဲ့ ကပ်ဘေးတွေမှာ လူတွေပိုပြီး သေနေကြတာတွေပဲ။ အဲဒီထဲမှာ သင်းအုပ်ဆရာနဲ့ အကြီးအကဲတချို့တောင် ပါတယ်။ လူတွေက ကြောက်ရွံ့နေကြတယ်။ သခင်စွန့်ပစ်သွားပြီလို့တောင် ခံစားကောင်း ခံစားနေကြမှာပဲ။ ကပ်ဘေးတွေထဲ အချိန်မရွေး သေသွားနိုင်တယ်လို့ ခံစားကြရတယ်။ အခု ကပ်ဘေးတွေ စလာပြီကို သခင်က ဘာကြောင့်ပြန်ကြွလာပြီး သူတို့ကို မချီဆောင်သေးတာလဲဆိုတာ သူတို့အဖြေမရှာနိုင်ကြဘူး။ သခင်ယေရှုဟာ လူ့ဇာတိခံ အနန္တတန်ခိုးရှင် ဘုရားသခင်အဖြစ် ပြန်ကြွလာနှင့်ပြီး သမ္မာတရားတွေကို ဖော်ပြရင်း နောက်ဆုံးသောကာလ တရားစီရင်ခြင်းအမှုကို လုပ်ဆောင်နေတယ်လို့ အရှေ့အရပ်မှ လျှပ်ပြက်ခြင်းက သက်သေခံနေတာဟာ သူတို့အတွက် အံ့သြစရာဖြစ်နေပါတယ်။ သမ္မာတရားကို တောင့်တသူများစွာက အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကို ဖတ်ကြတယ်။ ဘုရားအသံတော်ကို သတိပြုမိပြီး အနန္တတန်ခိုးရှင် ဘုရားသခင်ထံ ခြေဦးလှည့်ကြတယ်။ သူတို့တွေဟာ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကို နေ့စဉ် စားသောက်တယ်။ ဒီနှုတ်ကပတ်တော်တွေရဲ့ အားဖြည့်ခြင်း၊ ပြုစုပျိုးထောင်ခြင်းခံရပြီး သိုးသငယ်ရဲ့မင်္ဂလာစားပွဲကို တက်ရောက်တယ်။ သူတို့တွေဟာ သခင့်ကို ကြိုဆိုပြီးတဲ့သူတွေဖြစ်ပြီး ကပ်ဘေးတွေမတိုင်ခင်မှာ ဘုရားပလ္လင်ရှေ့ကို ချီဆောင်ခံရပြီး ဖြစ်ပါတယ်။ ဘာသာရေးသမား အများစုက ခေါင်းရှုပ်ပြီး စဉ်းစားကြတယ်။ “အရှေ့အရပ်မှ လျှပ်ပြက်ခြင်းက သခင် ပြန်ကြွလာပြီးခြင်းနဲ့ သူတို့တွေ ချီဆောင်ခံရခြင်းနဲ့ ပတ်သက်ပြီး မှားရမယ်။ ဘာကြောင့်လဲဆိုရင် ကျမ်းစာကပြောတယ်။ ‘ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွမိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့် အတူ အစဉ်မပြတ် နေရကြလိမ့်မည်။’ (သက်သာလောနိတ်သြဝါဒစာပဌမစောင် ၄:၁၇) သခင်ပြန်ကြွလာပြီးပြီဆိုရင် ငါတို့က ဘာလို့ မဆောင်ယူခံရသေးတာလဲ။ သူက လူတွေကို ကောင်းကင်ဆီ ဆောင်ယူရမှာ မဟုတ်ဘူးလား။ အရှေ့အရပ်မှ လျှပ်ပြက်ခြင်းက ယုံကြည်သူတွေဟာ ကမ္ဘာပေါ်မှာပဲ ရှိနေသေးတာ အရှင်းကြီးကို သူတို့ချီဆောင်ခံရတာ ဘယ်လိုဖြစ်နိုင်မှာလဲ” ပေါ့။ ဒါက သူတို့အတွက် လုံးဝ အဓိပ္ပာယ်မရှိဘူး။ ဒါဆိုရင် ချီဆောင်ခံရခြင်းက တကယ်တမ်း ဘာကို ဆိုလိုတာလဲ။ လူတော်တော်များများက ချီဆောင်ခြင်းရဲ့ တကယ့်အဓိပ္ပာယ်ကို နားမလည်ကြဘဲ ဒါဟာ ကောင်းကင်ဆီ ဆောင်ယူခံရတာကို ဆိုလိုတယ်၊ ဒီတော့ ကမ္ဘာပေါ်မှာရှိနေသေးတဲ့ ဘယ်သူမဆို မချီဆောင်ခံရသေးဘူးလို့ ထင်ကြတယ်။ သူတို့က တော်တော်ကို မှားနေပါတယ်။

သခင်ပြန်ကြွလာပြီး သူတို့ကို ချီဆောင်ဖို့ မျှော်လင့်တာက လုံးဝ မှန်ကန်ပါတယ်။ သခင်ယေရှုက ယုံကြည်သူတွေကို သူ့ကို ကြိုဆိုဖို့ ပြောခဲ့တာကြောင့်ပါ။ ဒါပေမဲ့ ပေါလုက ပြောခဲ့တယ်။ “အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွမိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့်။” ဒါက မှန်ကန်သလား။ သခင်ယေရှုက သူပြန်ကြွလာတဲ့အခါ ယုံကြည်သူတွေကို သူနဲ့တွေ့ဖို့ လေထဲကို ဆောင်ယူသွားမယ်လို့ ပြောခဲ့ဖူးလား။ မပြောခဲ့ပါဘူး။ ဒါနဲ့ပတ်သက်ပြီး သန့်ရှင်းသောဝိညာဉ်တော်ရဲ့ သက်သေခံချက်ရှိလား။ မရှိပါဘူး။ ပေါလုက ဒါနဲ့ပတ်သက်ပြီး သခင်ယေရှုကိုယ်စား ပြောဆိုနိုင်သလား။ သခင်က ဒါကို အသိအမှတ်ပြုခဲ့လား။ မပြုခဲ့ပါဘူး။ ယုံကြည်သူတွေကို သခင်ချီဆောင်တဲ့နည်းလမ်းကို ဘုရားသခင်က စီစဉ်တာပါ။ သခင်ယေရှု ပြောခဲ့သည်မှာ- “ထိုအချိန်နာရီကိုကား၊ ခမည်းတော်မှတပါး အဘယ်သူမျှမသိ။ ကောင်းကင်တမန်များမသိ။ သားတော် လည်းမသိ။” (ရှင်မာကုခရစ်ဝင် ၁၃:၃၂) ပေါလုက လူသားတစ်ယောက်ပါ။ တမန်တော်တစ်ယောက်သက်သက်ပဲ။ ဒီတော့ သခင်က ယုံကြည်သူတွေကို ဘယ်လိုချီဆောင်တယ်ဆိုတာ သူဘယ်လိုသိနိုင်မှာလဲ။ ပေါလုပြောခဲ့တဲ့အရာက သူကိုယ်တိုင်ရဲ့ စိတ်ကူးအပေါ်မှာ လုံးဝ အခြေခံထားပြီး သခင့်ကို ကိုယ်စားမပြုပါဘူး။ သခင့်ကို ကျွန်မတို့ ကြိုဆိုတဲ့ပုံကို ဒီအပေါ်မှာ သေချာပေါက် အခြေခံလို့မရဘူး။ သခင်ယေရှုက နောက်ဆုံးသောကာလမှာ ဘယ်လိုပြန်ကြွလာပြီး ယုံကြည်သူတွေကို ချီဆောင်မယ်ဆိုတဲ့အပေါ်မှာ ကျွန်မတို့ သခင်ယေရှုရဲ့ နှုတ်ကပတ်တော်တွေနောက်ကို လိုက်ဖို့လိုပါတယ်။ ဘာကြောင့်လဲဆိုရင် သူဟာ ခရစ်တော်ဖြစ်ပြီး နိုင်ငံတော်ရဲ့ သခင်ဖြစ်တာကြောင့်ပါ၊ သူ့နှုတ်ကပတ်တော်တွေကသာ သမ္မာတရားဖြစ်ပြီး သြဇာအာဏာရှိတာကြောင့်ပါ။ သခင့်နှုတ်ကပတ်တော်တွေနဲ့အညီ သခင့်ကို ကြိုဆိုတာက မမှားနိုင်ဘူး။ သခင်ယေရှု ပြောခဲ့တာကို ကြည့်ကြည့်ရအောင်။ သခင်ယေရှု ပြောခဲ့သည်မှာ- “လျှပ်စစ်သည် အရှေ့မှပြက်၍အနောက်တိုင်အောင် ထွန်းလင်းသကဲ့သို့၊ လူသားသည် ကြွလာတော် မူလတံ့။” (ရှင်မဿဲခရစ်ဝင် ၂၄:၂၇) “ထိုကြောင့် သင်တို့သည် ပြင်ဆင်လျက်နေကြလော့။ အကြောင်းမူကား၊ သင်တို့ မထင်မမှတ်သော အချိန်နာရီ၌ လူသားသည် ကြွလာလိမ့်မည်။” (ရှင်မဿဲခရစ်ဝင် ၂၄:၄၄) “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆) “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀) “ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။” (ရှင်ယောဟန်ခရစ်ဝင် ၁၀:၂၇) “ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို၊ နားရှိသောသူ မည်သည် ကားကြားပါစေ။” (ဗျာဒိတ်ကျမ်း အခန်းကြီး ၂-၃) သခင်ပြန်ကြွလာခြင်းအကြောင်း သခင့်ရဲ့ ပရောဖက်ပြုချက်တွေမှာ သခင်က ‘လူသား’ ဆိုတာကို အမြဲတမ်း ပြောတယ်ဆိုတာ ကျွန်မတို့ မြင်နိုင်ပါတယ်။ “လူသားသည် ကြွလာတော်မူလတ္တံ့”၊ “လူသားသည် ကြွလာလိမ့်မည်”၊ “ငါ၏အသံကို ကြား၍တံခါးကိုဖွင့်အံ့” နှင့် “ငါ့သိုးတို့သည် ငါ့စကားသံကိုနားထောင်၍”။ သခင်က လူသားအဖြစ် လူ့ဇာတိနဲ့ ပြန်ကြွလာတယ်၊ စကားပြောဆိုဖို့၊ ကျွန်မတို့ တံခါးကို ခေါက်ဖို့ ကမ္ဘာကို ကြွလာတယ်လို့ ဒီအဓိကဖော်ပြချက်တွေက ကျွန်မတို့ကို ပြောနေပါတယ်။ သခင့်အသံတော်ကို ကြားပြီး တံခါးကို ဖွင့်သူတွေက သခင့်ကို ကြိုဆိုပြီး သူ့ရဲ့စားပွဲကို တက်ရောက်တဲ့ ပညာရှိသတို့သမီးတွေ ဖြစ်ပါတယ်။ သူတို့တွေဟာ သခင့်ရှေ့ကို ချီဆောင်ခံရတယ်။ သခင်ယေရှုက လူတွေကို သူနဲ့တွေ့ဖို့ ကောင်းကင်ဆီ ဆောင်ယူမယ်လို့ လုံးဝ မပြောခဲ့ပါဘူး။ သူ့ကို ကြိုဆိုဖို့၊ သူ့ရှေ့ကို လာဖို့၊ သူ့ရဲ့စားပွဲကို တက်ရောက်ဖို့အတွက် သူ့အသံတော်ကို နားထောင်ဖို့ပဲ လူတွေကို ပြောခဲ့တာပါ။ သခင့်ကို ကြိုဆိုပြီး သူနဲ့ တွေ့ဆုံဖို့အတွက် ကျွန်မတို့ဟာ သူ့နှုတ်ကပတ်တော်တွေနောက်ကို လိုက်ပြီး ဘုရားအသံတော်ကို နားထောင်ရမယ်။ သတို့သားလာနေပြီလို့ တစ်ယောက်ယောက်က ခေါ်လိုက်တာကို ကျွန်မတို့ ကြားကြားချင်းပဲ သူ့ကို ထွက်တွေ့ရမယ်။ ကျွန်မတို့ကိုယ်တိုင်ရဲ့ စိတ်ကူးတွေအပေါ် အခြေခံပြီး ကောင်းကင်ဆီ ဆောင်ယူခံရဖို့ မိုက်မဲစွာ မစောင့်နေရပါဘူး။ စောင့်နေရင် ဘယ်တော့မှ သခင့်အသံတော်ကို ကြားရမှာ မဟုတ်သလို သခင့်ကို ကြိုဆိုနိုင်မှာ မဟုတ်ဘူး။ သခင်က လူသားအဖြစ် ပြန်ကြွလာပြီး ကျွန်မတို့ကြားထဲကို ကြွလာတယ်။ ကျွန်မတို့ကို စကားပြောနေတယ်။ ဒီတော့ ကျွန်မတို့က ကောင်းကင်ဆီ ဆောင်ယူခံရဖို့ပဲ စောင့်နေရင် ကျွန်မတို့က သခင်နဲ့ မတူညီတဲ့လမ်းကြောင်းမှာ ရောက်နေတာပဲ။ ဒါကြောင့် လူတွေဟာ ကောင်းကင်မှာ သခင်နဲ့တွေ့ဖို့ ချီဆောင်ခံရမယ်ဆိုတဲ့ လူတွေရဲ့ ယုံကြည်မှုက ခိုင်ကို မခိုင်လုံပါဘူး။ ဒါတွေက ဘုရားသခင်ကိုယ်တိုင်ရဲ့ စကားတွေနဲ့ လုံးဝ ဆန့်ကျင်နေပြီး လူ့အယူအဆတစ်ခုသက်သက်ပဲ။ ဒါဆိုရင် အမှန်တကယ် ချီဆောင်ခံရခြင်းဆိုတာ ဘာလဲ။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက ဒါကို ကျွန်မတို့အတွက် ရှင်းလင်းပေးပါတယ်။ အနန္တတန်ခိုးရှင် ဘုရားသခင် ပြောသည်မှာ- “‘ဆောင်ယူခံရခြင်း’ ဆိုသည်မှာ လူတို့ စိတ်ကူးမည်ကဲ့သို့ နိမ့်သော နေရာ တစ်ခုမှ မြင့်သော နေရာ တစ်ခုသို့ ဆောင်ယူခံရခြင်းကို မဆိုလိုပေ။ ယင်းမှာ ကြီးမားသော နားလည်မှုလွဲခြင်း တစ်ခု ဖြစ်သည်။ ‘ဆောင်ယူခံရခြင်း’ ဆိုသည်မှာ ငါ၏ ကြိုတင်ခွဲခန့်မှတ်သားခြင်းနှင့်၊ ထို့နောက် ရွေးကောက်ခြင်းကို ရည်ညွှန်းပေသည်။ ယင်းသည် ငါ ကြိုတင်ခွဲခန့်မှတ်သားပြီး ရွေးကောက်ထားသော သူအားလုံးကို ရည်ညွှန်းသည်။ ဆောင်ယူခံရသူ အားလုံးမှာ သားဦးများ သို့မဟုတ် သားများ၏ အရိုက်အရာကို ရရှိပြီးသည့် လူများ သို့မဟုတ် ဘုရားသခင်၏ လူမျိုးများ ဖြစ်သည့် လူများ ဖြစ်သည်။ ဤသည်မှာ လူတို့၏ အယူအဆများနှင့် သဟဇာတ မဖြစ်ဆုံးသောအရာ ဖြစ်သည်။ အနာဂတ်တွင် ငါ၏ အိမ်၌ ဝေစုတစ်ခု ရှိကြမည့် သူများသည် ငါ၏ရှေ့တွင် ဆောင်ယူခြင်းကို ခံရပြီးဖြစ်သော သူအားလုံး ဖြစ်ကြသည်။ ဤသည်မှာ လုံးဝ မှန်ကန်သည်၊ မည်သည့်အခါမျှ မပြောင်းလဲသကဲ့သို့ ငြင်းပယ်၍မရနိုင်ပေ။ ယင်းသည် စာတန်အား တန်ပြန်တိုက်ခိုက်ခြင်း တစ်ခု ဖြစ်သည်။ ငါ ကြိုတင်ခွဲခန့်မှတ်သားထားသောသူ မည်သူမဆိုသည် ငါ၏ ရှေ့တွင် ဆောင်ယူခြင်း ခံရကြမည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အစအဦး၌ ခရစ်တော်၏ မိန့်မြွက်ချက်များ၊ အခန်း (၁၀၄)) “ငါတို့သည် ဘုရားသခင်၏ ခြေရာများကို ရှာဖွေနေကြသည့်အတွက်၊ ဘုရားသခင်၏အလို၊ ဘုရားသခင်၏ နှုတ်ကပတ်တော်များနှင့် သူ၏မိန့်မြွက်ချက်များကို ငါတို့ရှာဖွေအပ်သည်၊ အဘယ်ကြောင့်ဆိုသော် ဘုရားသခင် မိန့်ကြားသည့် အသစ်သော နှုတ်ကပတ်တော်များရှိသော မည်သည့် နေရာ၌မဆို ဘုရားသခင်၏ အသံရှိပြီး၊ ဘုရားသခင်၏ ခြေလှမ်းများ ရှိသော မည်သည့်နေရာ၌မဆိုလည်း ဘုရားသခင်၏ လုပ်ဆောင်မှုများ ရှိသောကြောင့်ဖြစ်သည်။ ဘုရားသခင်၏ ဖော်ပြချက်ရှိသော နေရာတိုင်း၌ ဘုရားသခင်ပေါ်ထွန်းပြီး၊ ဘုရားသခင်ပေါ်ထွန်းသော နေရာတိုင်း၌ လမ်းခရီး၊ သမ္မာတရားနှင့် အသက်တို့ တည်ရှိသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆက်တွဲ (၁)- ဘုရားသခင်၏ ပေါ်ထွန်းခြင်းသည် ခေတ်သစ်တစ်ခေတ်ကို အစပြုခဲ့၏) ဒီနှုတ်ကပတ်တော်တွေကြောင့် အားလုံးကို နားလည်ဖို့ ပိုလွယ်သွားတယ်မဟုတ်လား။ “ချီဆောင်တယ်” ဆိုတာက ကျွန်မတို့ ထင်သလို မဟုတ်ဘူး။ နိမ့်ရာကနေ မြင့်ရာအရပ်ကို၊ ကမ္ဘာမြေကနေ ကောင်းကင်ကို ဆောင်ယူခံရတာ မဟုတ်ဘူး။ သိပ်မရေမရာနဲ့ သဘာဝလွန်တာမျိုး မဟုတ်ပါဘူး။ ဘုရားသခင်က စကားပြောပြီး အလုပ်လုပ်ဖို့အတွက် ကမ္ဘာမြေပေါ် လူသားအဖြစ် လူ့ဇာတိခံပြီး ကြွလာတဲ့အခါ၊ သူ့ရဲ့ မိန့်မြွက်ချက်တွေကို ကျွန်မတို့ ကြားတဲ့အခါ ဒါကို သမ္မာတရားနဲ့ ဘုရားရဲ့အသံတော်အဖြစ် သတိပြုမိပြီးနောက် ဘုရားရဲ့အမှုတော်ကို နာခံပြီး လက်ခံနိုင်တဲ့အခါမှာ “ချီဆောင်ခြင်း”က ဖြစ်ပေါ်ပါတယ်။ ကျွန်မတို့က ဘုရားသခင်ရဲ့ နှုတ်ကပတ်တော်တွေကို စားသောက်တယ်။ ဘုရားကိုယ်တိုင်ရဲ့ ရေလောင်း၊ ပျိုးထောင်ပေးတာကို ကျွန်မတို့ ခံရတယ်။ ဘုရားရဲ့ ကယ်တင်ခြင်းကို ကျွန်မတို့ လက်ခံရရှိတယ်။ ဒါက ဘုရားရှေ့မှောက်ကို ချီဆောင်ခံရခြင်းပါပဲ။ သခင်ယေရှုက သူ့ရဲ့ရွေးနုတ်ခြင်းအမှုကို ပြုဖို့ ကြွလာခဲ့တဲ့အချိန်မှာ ပေတရု၊ ယောဟန်နဲ့ တခြားတပည့်တော်တွေလို သူ့နှုတ်ကပတ်တော်ကို ဘုရားရဲ့ အသံတော်အဖြစ် အသိအမှတ်ပြုပြီးနောက် သူ့ကို လက်ခံပြီး သူ့နောက်လိုက်သူတွေအားလုံးက ဘုရားရှေ့မှောက်ကို ချီဆောင်ခြင်းခံရတယ်။ အနန္တတန်ခိုးရှင် ဘုရားသခင်ဟာ နောက်ဆုံးသောကာလမှာ ကြွလာခဲ့ပြီး သမ္မာတရားတွေကို ဖော်ပြနေပါတယ်။ တရားစီရင်ခြင်းအမှုကို ပြုနေပါတယ်။ သမ္မာတရားကို ချစ်ပြီး ဘုရားသခင်ပေါ်ထွန်းခြင်းကို တောင့်တတဲ့ ဂိုဏ်းဂဏအားလုံးက လူတွေဟာ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက သမ္မာတရားဖြစ်တဲ့အပြင် ဘုရားအသံတော်ဖြစ်တယ်ဆိုတာကို မြင်ကြပြီး သူ့ရဲ့ တရားစီရင်ခြင်းအမှုကို လက်ခံခဲ့ကြတယ်။ သူတို့ဟာ ဘုရားနှုတ်ကပတ်တော်တွေကို နေ့စဉ် စားသောက်ကြတဲ့အပြင် နှုတ်ကပတ်တော်တွေရဲ့ ရေလောင်း၊ အားဖြည့်ပေးတာကို ခံကြရပြီး ဘုရားသခင်ရဲ့ တရားစီရင်ခြင်းနဲ့ သန့်စင်စေခြင်းကို ကြုံတွေ့ရပါတယ်။ သူတို့တွေက ဘုရားသခင်ရှေ့ကို ချီဆောင်ခံရပြီး သိုးသငယ်ရဲ့ မင်္ဂလာစားပွဲကို တက်ရောက်ရတဲ့ ပညာရှိသတို့သမီးတွေဖြစ်ပါတယ်။ ဒါက ဗျာဒိတ်ကျမ်းထဲက ပရောဖက်ပြုချက်ကို အလုံးစုံ ပြည့်စုံစေတာပါပဲ။ “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ်ကျမ်း ၃:၂၀)

အခု ချီဆောင်ခံရခြင်းက ဘာကိုဆိုလိုတယ်ဆိုတာ ကျွန်မတို့အားလုံး ရှင်းပြီလို့ ထင်ပါတယ်။ သခင်နဲ့ ကောင်းကင်မှာတွေ့မယ်ဆိုတဲ့ အယူအဆက အခု စဉ်းစားကြည့်တော့ လက်တွေ့မဆန်ဘဲ မိုက်မဲရာမကျဘူးလား။ သခင်ယေရှုက “လူသားသည် ကြွလာတော်မူလတ္တံ့” ကို ခဏခဏ ပရောဖက်ပြုခဲ့တယ်။ သူ့အသံကို နားထောင်ဖို့ လူတွေကို ထပ်ခါထပ်ခါ သတိပေးခဲ့တယ်။ ဒါဆိုရင် လူတွေက ဘာလို့ သူ့ကို ကြိုဆိုဖို့ သူကိုယ်တိုင်ရဲ့ စကားတွေအစား လူ့စကားအတိုင်းသွားဖို့ အတင်းပြောကြတာလဲ။ “အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွမိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့်” ဆိုတဲ့ အဓိပ္ပာယ်မရှိတဲ့ ဖော်ပြချက်ကို သူတို့ ဘာကြောင့် ဖက်တွယ်ထားတာလဲ။ ဒါက ဘယ်လိုပြဿနာမျိုးလဲ။ ဒါက ကောင်းချီးတွေအတွက် စိတ်ထက်သန်လွန်းနေတာကို မပြဘူးလား။ ဒါဟာ ကောင်းချီးတွေကို သူတို့မွေ့လျော်ရမဲ့ အရပ်ဖြစ်တဲ့ ကပ်ဘေးတွေနဲ့ဝေးရာ ဘုရားသခင်ရဲ့ နိုင်ငံတော်ထဲကို တန်းပြီး ဆောင်ယူခံချင်တာကြောင့် မဟုတ်ဘူးလား။ ဒါကို စဉ်းစားကြည့်ရအောင်။ အပြစ်တွေ ခွင့်လွှတ်ခံရပေမဲ့ အဆက်မပြတ် အပြစ်ပြုနေသေးသူတွေဟာ သခင်ကြွလာတဲ့အခါမှာ နိုင်ငံတော်ထဲကို ချီဆောင်ခံရနိုင်မလား။ သူတို့မှာ နိုင်ငံတော်ရဲ့ ကောင်းချီးတွေကို ခံစားခွင့် ရှိသလား။ သခင်က ကျွန်မတို့ကို အပြစ်ကနေ ရွေးနုတ်ခဲ့တာ မှန်ပါတယ်။ ဒါပေမဲ့ ကျွန်မတို့ဟာ အပြစ်ပြုတတ်တဲ့ ကိုယ့်သဘာဝရဲ့ ထိန်းချုပ်တာကို ခံနေရဆဲဖြစ်ပြီး အပြစ်မပြုဘဲ၊ ဘုရားကို အာမခံဘဲ မနေနိုင်ဘူးဆိုတာကို မငြင်းနိုင်ပါဘူး။ ကျွန်မတို့ဟာ အပြစ်ရဲ့ ချည်နှောင်မှုတွေကနေ မလွတ်မြောက်သေးဘူး၊ သန့်စင်ခြင်းကို မရရှိသေးပါဘူး။ ဘုရားသခင်က သန့်ရှင်းဖြောင့်မတ်တယ်။ “သန့်ရှင်းခြင်းပါရမီမရှိလျှင်၊ အဘယ်သူမျှ ထာဝရဘုရားကို မဖူးမမြင်ရ။” (ဟေဗြဲသြဝါဒစာ ၁၂:၁၄) ဒါကြောင့် ညစ်ပေမှုတွေ၊ ဖောက်ပြန်ပျက်စီးမှုတွေနဲ့ ပြည့်နှက်နေတဲ့လူတွေက သူ့ရဲ့နိုင်ငံတော်ကို ဝင်ရောက်နိုင်မလား။ ဒါက လူ့စိတ်ကူးယဉ်မှုတစ်ခု၊ လိုရာဆွဲပြီး တွေးတောမှုတစ်ခုပဲ မဟုတ်ဘူးလား။ အနန္တတန်ခိုးရှင် ဘုရားသခင် ပြောသည်မှာ- “နောက်ဆုံးသောကာလအတွင်းတွင် ယေရှု ဆင်းသက် လာမည်ကိုသာ သင်သိသည်၊ သို့သော် သူ မည်သို့ အတိအကျ ဆင်းသက်လာမည်နည်း။ ရွေးနုတ်ခြင်းခံရပြီးစဖြစ်ပြီး မပြောင်းလဲသေးသော၊ သို့မဟုတ် ဘုရားသခင်အားဖြင့် စုံလင်ခြင်းသို့ မရောက်သေးသော သင်တို့ကဲ့သို့ အပြစ်သားတစ်ဦးအနေဖြင့်၊ သင်သည် ဘုရားသခင်၏ စိတ်နှလုံးနှင့် ညီညွတ်နိုင်သလော။ လူဟောင်းအတိုင်း ရှိနေဆဲဖြစ်သည့် သင့်အတွက်၊ သင်သည် ယေရှုအားဖြင့် ကယ်တင်ခံခဲ့ရသည်ဆိုသည်နှင့် ဘုရားသခင်၏ ကယ်တင်ခြင်းကြောင့် သင်သည် အပြစ်သားအဖြစ် ယူဆမခံရသည်မှာ မှန်သော်လည်း၊ ဤအရာက သင်သည် အပြစ်မရှိသကဲ့သို့ မစင်ကြယ်သောသူ မဟုတ်သည်ကို သက်သေမပြပေ။ သင်သည် မပြောင်းလဲသေးပါက၊ မည်ကဲ့သို့ သန့်ရှင်းစင်ကြယ်ခြင်း ရှိနိုင်မည်နည်း။ အတွင်း၌ သင်သည် မစင်ကြယ်ခြင်း၊ အတ္တနှင့် ဆိုးရွားယုတ်မာခြင်းတို့ဖြင့် ပတ်ချာဝိုင်းနေသည့်တိုင်အောင် သင်သည် ယေရှုနှင့်အတူ ဆင်းသက်လိုနေဆဲဖြစ်သည်၊ သင်ထိုမျှ ကံကောင်းသလော။ သင်သည် ဘုရားသခင်၌ သင်၏ယုံကြည်ခြင်းတွင် အဆင့်တစ်ခု ချန်လှပ်မိပြီ ဖြစ်သည်။ သင်သည် ရွေးနုတ်ခြင်း ခံရရုံသာ ရှိသေးသော်လည်း၊ မပြောင်းလဲသေးပေ။ သင့်အတွက် ဘုရားသခင်၏ စိတ်နှလုံးနှင့် ညီညွတ်ရန်မှာ၊ ဘုရားသခင်သည် သင့်ကို ပြောင်းလဲစေခြင်းနှင့် သန့်စင်စေခြင်းအမှုကို ကိုယ်တိုင် လုပ်ရပေမည်။ သင်သည် ရွေးနုတ်ခြင်းသာ ခံရပါက၊ မွန်မြတ်သန့်ရှင်းခြင်းကို ရယူနိုင်စွမ်းရှိမည် မဟုတ်ပေ။ ဤနည်းဖြင့် သင်သည် ပြောင်းလဲခြင်းနှင့် စုံလင်စေခြင်း၏ အဓိကအဆင့်ဖြစ်သော လူကို စီမံခန့်ခွဲသည့် ဘုရားသခင်၏အမှုတွင် အဆင့်တစ်ဆင့်ကို သင်လွတ်သွားခဲ့သည့် အတွက် သင်သည် ဘုရားသခင်၏ ကောင်းမြတ်သော ကောင်းချီးများကို ဝေမျှရန် အရည်အသွေးပြည့်မီလိမ့်မည် မဟုတ်ပေ။ ထို့ကြောင့် ရွေးနုတ်ခံရပြီးစ အပြစ်သားတစ်ဦးဖြစ်သည့် သင်သည် ဘုရားသခင်၏ အမွေဥစ္စာကို တိုက်ရိုက်အမွေဆက်ခံနိုင်စွမ်း မရှိပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အမည်နာမများနှင့် ကိုယ်ပိုင်လက္ခဏာတို့နှင့် ပတ်သက်၍) “ယေရှုသည် လူသားအလယ်တွင် အမှုများစွာ လုပ်ဆောင်ခဲ့သော်လည်း၊ သူသည် လူသားမျိုးနွယ် အားလုံး၏ ရွေးနုတ်ခြင်းကိုသာ ပြီးစီးစေခဲ့ပြီး လူသားတို့၏ အပြစ်ဖြေရာယဇ် ဖြစ်လာခဲ့သည်။ သူသည် လူသားထံမှ သူ၏ ဖောက်ပြန်ပျက်စီးသော စိတ်သဘောထားအားလုံး ဖယ်ရှားမပေးခဲ့ပေ။ စာတန်၏စွမ်းအားမှ လူသားကို အပြည့်အဝ ကယ်တင်ခြင်းသည် ယေရှုအနေဖြင့် အပြစ်ဖြေရာယဇ် ဖြစ်လာပြီး လူသား၏ အပြစ်များကို သယ်ဆောင်ရန် လိုအပ်သည်သာမက၊ ဘုရားသခင်အနေဖြင့် လူသားထံမှ သူ၏ ဆိုးယုတ်စွာ ဖောက်ပြန်ပျက်စီးသော စိတ်သဘောထားအား လုံးဝဖယ်ရှားပေးရန် သာ၍ပင် ကြီးမားသော အမှုကို လုပ်ဆောင်ရန်လည်း လိုအပ်ပေသည်။ ထို့ကြောင့် လူသားသည် သူ၏အပြစ်များမှ ခွင့်လွှတ်ခံရပြီး ဖြစ်သဖြင့်၊ ဘုရားသခင်သည် လူသားကို ခေတ်သစ်ထဲသို့ ဦးဆောင်ရန် လူ့ဇာတိ ပြန်လည်ခံယူပြီဖြစ်ပြီး၊ ပြစ်တင်ဆုံးမခြင်းနှင့် တရားစီရင်ခြင်းအမှုကို စတင်ပြီဖြစ်သည်။ ဤအမှုသည် လူသားကို သာ၍မြင့်မားသည့် လောကတစ်ခုထဲသို့ ဆောင်ကြဉ်းပြီးဖြစ်သည်။ သူ၏အုပ်စိုးမှုအောက်တွင် ကျိုးနွံနာခံသူအားလုံးသည် သာ၍မြင့်မားသော သမ္မာတရားကို မွေ့လျော်ပြီး သာ၍ကြီးမြတ်သော ကောင်းချီးမင်္ဂလာများကို ရရှိရပေမည်။ ၎င်းတို့သည် အလင်းတွင် အမှန်တကယ် အသက်ရှင်ကြရမည် ဖြစ်ပြီး သမ္မာတရား၊ လမ်းခရီးနှင့် အသက်တို့ကို ရရှိကြရလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ ကျမ်းဦးစကား) သခင်ယေရှုက ရွေးနုတ်ခြင်းအမှုကို ပြုခဲ့ပါတယ်။ ဒါဟာ လူတွေကို ရွေးနုတ်ပြီး ကျွန်မတို့ကို အပြစ်ကနေ ခွင့်လွှတ်ဖို့သက်သက်ပါ။ ကျွန်မတို့ရဲ့ အပြစ်ပြုတတ်တဲ့သဘာဝက ကျန်နေတုန်းပါပဲ။ ကျွန်မတို့ဟာ ဘုရားသခင်ကို ဆက်လက်ပုန်ကန်နေပြီး အပြည့်အဝ ကယ်တင်ခြင်းမခံရသေးပါဘူး။ ကျွန်မတို့အပြစ်တွေ သခင်ယေရှုရဲ့ခွင့်လွှတ်ခြင်းကို ခံရတာတစ်ခုထဲက မလုံလောက်ပါဘူး။ သခင့်ကို ကျွန်မတို့ကြိုဆိုပြီး သခင့်ရှေ့ကို ချီဆောင်ခံရဦးမယ်။ နောက်ဆုံးသောကာလမှာ သူ့ရဲ့ တရားစီရင်ခြင်းကို လက်ခံရဦးမယ်။ ဒါဆိုရင် အပြစ်ကနေ လွတ်မြောက်ပြီး အပြည့်အဝ ကယ်တင်ခြင်းခံရနိုင်တယ်။ ဘုရားကို နာခံကြောက်ရွံ့တဲ့သူတွေ ဖြစ်လာနိုင်တယ်။ ဒါဆိုရင် သူ့ရဲ့နိုင်ငံတော်ကို ကျွန်မတို့ ဝင်ရောက်နိုင်ပြီ။ အနန္တတန်ခိုးရှင် ဘုရားသခင်ဟာ သခင်ယေရှုပြုတဲ့ ရွေးနုတ်ခြင်းအမှုရဲ့ အခြေခံအုတ်မြစ်ပေါ်ကနေ သမ္မတရားတွေကို ဖော်ပြပြီး တရားစီရင်ခြင်းအမှုကို ပြုရင်းနဲ့ နောက်ဆုံးသောကာလမှာ ကြွလာပါတယ်။ ဒါဟာ လူရဲ့ အပြစ်ပြုတတ်တဲ့ သဘာဝနဲ့ ဖောက်ပြန်ပျက်စီးတဲ့ စိတ်သဘောထားကို အပြည့်အဝ ဖြေရှင်းဖို့ပါ။ အပြစ်နဲ့ စာတန်ရဲ့ အင်အားစုတွေကနေ ကျွန်မတို့ လွတ်မြောက်နိုင်ပြီး ဘုရားသခင်ရဲ့ အပြည့်အဝ ကယ်တင်ခြင်းကို ခံရနိုင်ဖို့ပါပဲ။ အနန္တတန်ခိုးရှင် ဘုရားသခင်ဟာ ပေါ်ထွန်းခဲ့ပြီဖြစ်ပြီး သမ္မာတရားများစွာကို ဖော်ပြခဲ့ပါတယ်။ သန့်စင်ခံရပြီး အပြည့်အဝကယ်တင်ခံရဖို့အတွက် ဖောက်ပြန်ပျက်စီးတဲ့လူသားတွေအနေနဲ့ ကျွန်မတို့လိုအပ်တဲ့ အရာရာတိုင်းကို ပြောပြတယ်။ ဘုရားစီမံခန့်ခွဲမှုအစီအစဉ်ရဲ့ နက်နဲမှုတွေကို သူထုတ်ဖော်ပြခဲ့တယ်။ ဥပမာ လူသားမျိုးနွယ်ကို စီမံရာမှာ ဘုရားသခင်ရဲ့ ဦးတည်ချက်၊ စာတန်က လူသားမျိုးနွယ်ကို ဘယ်လိုဖျက်ဆီးတယ်၊ ဘုရားသခင်ရဲ့ အမှုတော်သုံးဆင့်က လူသားကို ဘယ်လိုအပြည့်အဝကယ်တင်တယ်၊ သူ့ရဲ့ နောက်ဆုံးသောကာလ တရားစီရင်ခြင်းအမှုရဲ့ အဓိပ္ပာယ်၊ လူ့ဇာတိခံယူခြင်းတွေနဲ့ ဘုရားအမည်နာမတွေရဲ့ နက်နဲမှု၊ လူအမျိုးအစားတိုင်းရဲ့ ရလဒ်နဲ့ ပန်းတိုင်၊ နိုင်ငံတော်ရဲ့ လှပမှု ဆိုတာမျိုးတွေပေါ့။ ဒီနှုတ်ကပတ်တော်တွေက သိပ်ကို အမြင်ပွင့်သွားစေပြီး လုံးဝကို လက်ခံယုံကြည်ဖွယ် ဖြစ်ပါတယ်။ အနန္တတန်ခိုးရှင် ဘုရားသခင်ဟာ လူ့အပြစ်နဲ့ ဘုရားအပေါ် လူ့အာခံမှုရဲ့ အရင်းအမြစ်ကိုလည်း တရားစီရင်ပြီး ဖော်ထုတ်ပါတယ်။ ဒါဟာ ကျွန်မတို့ရဲ့ ဆိုးယုတ်တဲ့ သဘာဝနဲ့ စိတ်သဘောထားဖြစ်ပါတယ်။ ကျွန်မတို့ဟာ စာတန်ရဲ့ ဖျက်ဆီးခြင်းကို ဘယ်လောက်အထိ ခံထားရတယ်ဆိုတဲ့ သမ္မာတရားကိုလည်း သူဖော်ထုတ်တဲ့အပြင် ဖောက်ပြန်ပျက်စီးခြင်းကို လွတ်မြောက်ပြီး အပြည့်အဝ ကယ်တင်ခြင်းခံရမဲ့ လမ်းကြောင်းကိုလည်း ကျွန်မတို့ကို ပြတယ်။ ဘုရားသခင်ရွေးချယ်ထားတဲ့လူတွေက ဘုရားနှုတ်ကပတ်တော်ကို နေ့စဉ်စားသောက်ပြီး နှစ်သက်ခံစားကြတယ်။ ကျွန်မတို့ဟာ သူ့နှုတ်ကပတ်တော်တွေရဲ့ တရားစီရင်ခြင်း၊ ပြစ်တင်ဆုံးမခြင်း၊ ကိုင်တွယ်ဖြေရှင်းခြင်းနဲ့ ပြုပြင်ခြင်းကို ခံရပြီး စမ်းသပ်မှုမျိုးစုံကို ကြုံတွေ့ရတယ်။ သမ္မာတရားများစွာကို ကျွန်မတို့ သင်ယူရပြီး ကျွန်မတို့ရဲ့ ဆိုးယုတ်တဲ့ သဘာဝကို အမှန်တကယ် သိလာတယ်။ ကျွန်မတို့ဟာ အမြဲတမ်း ဖောက်ပြန်ပျက်စီးခြင်းထဲမှာ အသက်ရှင်နေကြတာ၊ ဘုရားကို ပုန်ကန်ပြီး ရွံရှာစေတာ၊ ကျွန်မတို့ နောင်တရပြီး မပြောင်းလဲရင် ဘုရားသခင်ရဲ့ ဖယ်ရှားခြင်း၊ အပြစ်ဒဏ်ပေးခြင်းကို ခံရမယ်ဆိုတာတွေ ကျွန်မတို့ မြင်ကြပါတယ်။ ဘုရားသခင်ရဲ့ ဖြောင့်မတ်ပြီး ပုန်ကန်ပြစ်မှားလို့မရနိုင်တဲ့ စိတ်သဘောထားကို ကျွန်မတို့ ကြုံတွေ့ရပြီးတော့ သူ့အပေါ် ကြောက်ရွံ့မှု ဖြစ်လာကြတယ်။ ကျွန်မတို့ရဲ့ ဖောက်ပြန်ပျက်စီးမှုက တဖြည်းဖြည်းချင်း သန့်စင်ခံရပြီး ပြောင်းလဲလာတယ်။ နောက်ဆုံးမှာ အပြစ်ရဲ့ ချည်နှောင်မှုတွေကနေ လွတ်မြောက်နိုင်ပြီး ဘုရားအတွက် အံ့သြဖွယ်သက်သေကို ခံနိုင်ကြပါတယ်။ ဘုရားသခင်ဟာ ကပ်ဘေးတွေမတိုင်ခင်မှာ အောင်မြင်သူတစ်စုကို ပြုလုပ်ပြီးနှင့်ပါပြီ။ ကပ်ဘေးတွေကလည်း လာနေပြီ။ အနန္တတန်ခိုးရှင် ဘုရားသခင်ကို ငြင်းပယ်ပြီး အာခံတဲ့သူအားလုံး၊ စာတန်နဲ့ သက်ဆိုင်သူအားလုံးဟာ ကပ်ဘေးတွေထဲမှာ ဖျက်ဆီးခြင်းခံရမယ်။ ဘုရားသခင်ရဲ့ တရားစီရင်ခြင်းကို ကြုံတွေ့ပြီး သန့်စင်ခြင်းခံရသူတွေဟာ ကပ်ဘေးတွေတစ်လျှောက်မှာ ဘုရားသခင်ရဲ့ ကွယ်ကာမှုကို ရရှိမယ်။ သူ့ရဲ့နိုင်ငံတော်ထဲကို ဆောင်ယူခံရပြီး လှပတဲ့ ပန်းတိုင်တစ်ခုကို ရရှိလိမ့်မယ်။ ဒါက ဘုရားသခင်ရဲ့ နိုင်ငံတော်ထဲကို အမှန်တကယ် ချီဆောင်ခံရတာပါ။ ဘုရားသခင်ရဲ့ အပြည့်အဝကယ်တင်ခြင်းနဲ့ စုံလင်စေခြင်းကို ခံရတဲ့ အောင်မြင်သူတွေဟာ ကမ္ဘာပေါ်မှာ ဘုရားနှုတ်ကပတ်တော်တွေကို လက်တွေ့လုပ်ဆောင်ပြီး သူ့အလိုတော်ကို လိုက်လျှောက်သူတွေဖြစ်ပါတယ်။ သူတို့တွေက ဘုရားနိုင်ငံတော်ရဲ့ လူတွေဖြစ်တယ်။ ဒါက ခရစ်တော်ရဲ့ နိုင်ငံတော် ကမ္ဘာမြေပေါ်မှာ လက်တွေ့ဖြစ်ပေါ်လာပုံပါပဲ။ ဒါက သခင်ယေရှုရဲ့ ပရောဖက်ပြုချက်ကို ပြည့်စုံစေပါတယ်။ “သင်တို့ဆုတောင်းရမည်မှာ ကောင်းကင်ဘုံ၌ရှိတော်မူသောအကျွန်ုပ်တို့အဘ ကိုယ်တော်၏ နာမတော်အား ရိုသေလေးမြတ်ခြင်း ရှိပါစေသော။ နိုင်ငံတော်တည်ထောင်ပါစေသော။ အလိုတော်သည် ကောင်းကင်ဘုံ၌ ပြည့်စုံသကဲ့သို့ မြေကြီးပေါ်မှာ ပြည့်စုံပါစေသော။” (ရှင်မဿဲခရစ်ဝင် ၆:၉-၁၀) “သန့်ရှင်းသောမြို့တည်းဟူသော ယေရုရှလင်မြို့သစ်သည် မိမိခင်ပွန်းဖို့ တန်ဆာဆင်သော မင်္ဂလာဆောင်သတို့သမီးကဲ့သို့ ပြင်ဆင်လျက်၊ ဘုရားသခင် အထံတော်၊ ကောင်းကင်ဘုံမှ ဆင်းသက်သည်ကို ငါမြင်၏။ ကောင်းကင်မှ ကြီးသောအသံကား၊ ဘုရားသခင်၏ တဲတော်သည် လူတို့တွင်ရှိ၏။ လူတို့နှင့်အတူ ကျိန်းဝပ်တော်မူမည်။ သူတို့သည် ကိုယ်တော်၏လူ ဖြစ်ကြလိမ့်မည်။ ဘုရားသခင်သည် ကိုယ်တော်တိုင် သူတို့နှင့်အတူရှိနေ၍ သူတို့၏ ဘုရားသခင် ဖြစ်တော်မူမည်။ ဘုရားသခင်သည် သူတို့၏ မျက်စိ၌ မျက်ရည် ရှိသမျှတို့ကို သုတ်တော်မူမည်။ နောက်တဖန် သေဘေး မရှိရ။ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်း မရှိရ။ အကြောင်းမူကား၊ ရှေးဖြစ် ဘူးသောအရာတို့သည် ရွေ့သွားကြပြီ။” (ဗျာဒိတ်ကျမ်း ၂၁:၂-၄) “လောကီနိုင်ငံသည် ငါတို့အရှင်၏ နိုင်ငံဖြစ်လေပြီ။ ထိုအရှင်၏ ခရစ်တော်နိုင်ငံဖြစ်လေပြီ။ သူသည်လည်း ကမ္ဘာအဆက်ဆက် စိုးစံတော်မူမည်။” (ဗျာဒိတ်ကျမ်း ၁၁:၁၅) အနန္တတန်ခိုးရှင် ဘုရားသခင်ရဲ့ နှုတ်ကပတ်တော်မှာ ပြောထားသလိုပဲ။ “သိမ်းပိုက်ခြင်းအမှု ပြီးပြည့်စုံသည်နှင့်တစ်ပြိုင်နက်၊ လူသည် လှပသော ကမ္ဘာလောကတစ်ခုထဲသို့ ခေါ်ဆောင်ခံရလိမ့်မည်။ ဟုတ်ပေ၏၊ ဤအသက်တာသည် ကမ္ဘာမြေကြီးပေါ်တွင် ရှိနေဆဲဖြစ်လိမ့်မည် ဖြစ်သော်လည်း၊ ယနေ့ လူသား၏အသက်တာနှင့် လုံးဝတူညီမည် မဟုတ်ပေ။ ယင်းသည် လူသားမျိုးနွယ် တစ်ရပ်လုံး သိမ်းပိုက်ခံရပြီးနောက်၊ လူသားမျိုးနွယ် ရှိမည့် အသက်တာဖြစ်သည်၊ ယင်းသည် ကမ္ဘာမြေကြီးပေါ်ရှိ လူသားအတွက် အသစ်စတင်ခြင်းတစ်ခု ဖြစ်လိမ့်မည်ဖြစ်ပြီး၊ လူသားမျိုးနွယ်အတွက် ထိုသို့သော အသက်တာတစ်ခု ရှိရန်မှာ လူသားမျိုးနွယ်သည် သစ်လွင်ပြီး လှပသော နယ်ပယ်တစ်ခုထဲသို့ ဝင်ရောက်ပြီးဖြစ်သည့် သက်သေ ဖြစ်လိမ့်မည်။ ယင်းသည် ကမ္ဘာမြေပေါ်တွင် လူနှင့် ဘုရားသခင်၏ ဘဝ စတင်ခြင်း ဖြစ်လိမ့်မည်။ ထိုသို့သော လှပသည့် အသက်တာ၏ အကြောင်းပြချက်မှာ လူသည် သန့်စင်ခံရကာ သိမ်းပိုက်ခံရပြီးနောက်တွင်၊ ဖန်ဆင်းရှင်ရှေ့မှောက်တွင် သူ ကျိုးနွံနာခံခြင်းကြောင့် ဖြစ်ရပေမည်။ ထို့ကြောင့်၊ သိမ်းပိုက်ခြင်း အမှုသည် လူသားမျိုးနွယ်က နှစ်သက်ဖွယ်ကောင်းသော ခရီးပန်းတိုင်ထဲသို့ မဝင်ရောက်မီ ဘုရားသခင်၏ အမှု၏ နောက်ဆုံးအဆင့် ဖြစ်သည်။ ထိုသို့သော အသက်တာတစ်ခုသည် ကမ္ဘာမြေပေါ်က လူ၏အနာဂတ် အသက်တာဖြစ်၏၊ ကမ္ဘာပေါ်က အလှပဆုံးသော အသက်တာဖြစ်၏၊ လူသား တောင့်တသော အသက်တာမျိုးဖြစ်၏၊ ကမ္ဘာ့သမိုင်းတွင် လူသားအနေဖြင့် တစ်ကြိမ်တစ်ခါမျှ မရရှိဖူးသော အသက်တာမျိုး ဖြစ်၏။ ယင်းသည် အနှစ် ၆၀၀၀ စီမံခန့်ခွဲခြင်းအမှု၏ နောက်ဆုံးရလဒ် ဖြစ်သည်။ ယင်းသည် လူသားမျိုးနွယ် အတမ်းတဆုံးသောအရာဖြစ်ပြီး လူသားထံ ဘုရားသခင်၏ ကတိလည်း ဖြစ်သည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ၏သာမန်ဘဝကို နဂိုအတိုင်း ပြန်ဖြစ်လာစေခြင်းနှင့် သူ့ကို အံ့သြဖွယ်ကောင်းသော ခရီးပန်းတိုင်သို့ ခေါ်ဆောင်သွားခြင်း)

“လူသားများကို ၎င်းတို့၏ မူလ ရုပ်ဆင်းသဏ္ဌာန်အတိုင်း ပြန်ဖြစ်စေပြီးသည့်အချိန်နှင့်၊ ၎င်းတို့သည် ၎င်းတို့၏ သက်ဆိုင်ရာ တာဝန်များကို ဖြည့်ဆည်းနိုင်ချိန်၊ ၎င်းတို့၏ ကိုယ်ပိုင် မှန်ကန်သော နေရာများကို ထိန်းသိမ်းပြီး ဘုရားသခင်၏ အစီအစဉ်များ အားလုံးကို ကျိုးနွံနာခံသည့်အချိန်တွင်၊ ဘုရားသခင်သည် သူ့ကို ကိုးကွယ်သည့် ကမ္ဘာမြေကြီးပေါ်ရှိ လူတစ်စုကို ရရှိပြီးဖြစ်လိမ့်မည် ဖြစ်ကာ ကမ္ဘာမြေကြီးပေါ်ရှိ သူ့ကို ကိုးကွယ်သော နိုင်ငံတော်တစ်ခုကိုလည်း တည်ထောင်ပြီးဖြစ်လိမ့်မည်။ သူသည် ကမ္ဘာမြေကြီးပေါ်တွင် ထာဝရ အောင်မြင်ခြင်းကို ရရှိလိမ့်မည် ဖြစ်ပြီး၊ သူ့ကိုဆန့်ကျင်သူ အားလုံးသည် ထာဝရကာလပတ်လုံး ပျက်စီးကြလိမ့်မည်။ ဤအရာသည် လူသားမျိုးနွယ်အား ဖန်ဆင်းရာတွင် သူ၏ မူလရည်ရွယ်ချက်ကို နဂိုအတိုင်းပြန်ဖြစ်စေလိမ့်မည် ဖြစ်သည်။ ယင်းသည် အရာခပ်သိမ်းအား ဖန်ဆင်းရာတွင် သူ၏ ရည်ရွယ်ချက်ကို နဂိုအတိုင်း ပြန်ဖြစ်စေလိမ့်မည် ဖြစ်ပြီး ကမ္ဘာမြေကြီးပေါ်တွင် အရာခပ်သိမ်းအလယ်နှင့် သူ၏ ရန်သူများအလယ်တွင် သူ၏ဩဇာအာဏာကိုလည်း နဂိုအတိုင်း ပြန်ဖြစ်စေလိမ့်မည်။ ဤသည်တို့မှာ သူ၏ လုံးဝဥဿုံ အောင်မြင်ခြင်း သင်္ကေတများဖြစ်လိမ့်မည်။ ထိုအချိန်မှစ၍ လူသားမျိုးနွယ်သည် ငြိမ်သက်ခြင်း ချမ်းသာထဲသို့ ဝင်ရောက်လိမ့်မည် ဖြစ်ပြီး၊ လမ်းကြောင်းမှန်ပေါ်တွင် ရှိသည့် အသက်တာတစ်ခု စတင်လိမ့်မည်။ သူသည်လည်း ထာဝရ ငြိမ်သက်ခြင်းချမ်းသာထဲသို့ လူသားမျိုးနွယ်နှင့်အတူ ဝင်ရောက်လိမ့်မည် ဖြစ်ပြီး၊ သူကိုယ်တိုင်နှင့် လူသားများ အတူတကွမျှဝေသည့် ထာဝရအသက်တစ်ခုကို စတင်လိမ့်မည်။ ကမ္ဘာမြေကြီးပေါ်ရှိ ညစ်ညမ်းမှုနှင့် မနာခံခြင်းတို့သည် ပျောက်ကွယ်ပြီးဖြစ်လိမ့်မည် ဖြစ်သကဲ့သို့၊ ငိုကြွေးမြည်တမ်းခြင်း အားလုံးသည် ကွယ်ပျောက်ပြီးဖြစ်လိမ့်မည်၊ ပြီးလျှင် ဤကမ္ဘာလောကထဲက ဘုရားသခင်ကို ဆန့်ကျင်သည့် အရာရာတိုင်းသည် တည်ရှိလိမ့်မည် မဟုတ်ပေ။ ဘုရားသခင်နှင့် ကယ်တင်ခြင်းသို့ သူ ဆောင်ကြဉ်းပြီးဖြစ်သည့် လူများသာ ကျန်ရှိလိမ့်မည်။ သူ၏ ဖန်ဆင်းခြင်းသာ ကျန်ရှိလိမ့်မည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်နှင့် လူသားသည် ငြိမ်သက်ခြင်းချမ်းသာထဲသို့ အတူတကွ ဝင်ရောက်ကြလိမ့်မည်)

ဒီလောက်ဆိုရင် ချီဆောင်ခံရခြင်းက အမှန်တကယ်မှာ ဘာလဲဆိုတဲ့အပေါ် ကျွန်မတို့ အပြည့်အဝ နားလည်သွားကြပါပြီ။ ချီဆောင်ခံရခြင်းဆိုတာ အဓိကက ဘုရားသခင်ရဲ့ အသံတော်ကို ကြားတာ၊ သူ့ရဲ့ ခြေလှမ်းတွေနောက်ကို လိုက်တာ၊ အနန္တတန်ခိုးရှင် ဘုရားသခင်ထံ ခြေဦးလှည့်တာ၊ ဘုရားသခင်ရဲ့ နောက်ဆုံးသောကာလ တရားစီရင်ခြင်းအမှုကို လက်ခံတာတွေပါပဲ။ ဘာသာရေးလောကက ကပ်ဘေးတွေမတိုင်ခင်မှာ ဘာကြောင့် ချီဆောင်ခြင်းကို မကြုံတွေ့ရတာလဲ။ အဓိကက သမ္မာတရားကို မရှာဖွေလို့၊ ဘုရားအသံတော်ကို မကြားဘဲ သူတို့ရဲ့ အယူအဆတွေနဲ့ တိုက်ရိုက်ကျမ်းစာအပိုဒ်တွေကို ဆက်လက်ခံထားလို့ပါ။ သူတို့ဟာ လူ့စကားတွေကိုပဲ နားထောင်ပြီး သခင့်ရဲ့ နှုတ်ကပတ်တော်တွေနဲ့အညီ သခင့်ကို မကြိုဆိုကြဘူး။ ဒါကြောင့် သူတို့ဟာ ကပ်ဘေးတွေထဲကို ကျရောက်ကြတာပါ။ လူတွေက သခင်မိုးတိမ်စီးပြီး ကြွလာတာကိုပဲ စောင့်ချင်ကြတယ်။ ချက်ချင်းပုံစံပြောင်းလဲသွားပြီး သခင်နဲ့ တွေ့ဖို့အတွက် ကောင်းကင်ကို ဆောင်ယူသွားတာ ခံချင်ကြတယ်။ ဒါကြောင့် သူတို့ဟာ ကိုယ့်ကိုယ်ကိုယ် မပြင်ဆင်ဘဲ၊ ဘုရားအသံတော်ကို ကြားဖို့ မရှာဖွေဘဲ မလှုပ်မယှက်နဲ့ စောင့်နေကြတယ်။ သူတို့စိတ်နှလုံးတွေက ထုံထိုင်းနေကြတယ်။ ဒီနည်းနဲ့ သခင့်ကို သူတို့ ဘယ်လိုကြိုဆိုနိုင်မလဲ။ သူတို့ဟာ ငိုကြွေးပြီး အံသွားခဲကြိတ်ရင်းနဲ့ ကပ်ဘေးတွေထဲကို ကျရောက်ကြမယ်။ အနန္တတန်ခိုးရှင် ဘုရားသခင်က သူ့ရဲ့ တရားစီရင်ခြင်းအမှုကို ပြုနေတာ အခုဆို ဆယ်စုနှစ်သုံးခုရှိပါပြီ။ သူဟာ ကပ်ဘေးတွေမတိုင်ခင်မှာ အောင်မြင်သူအုပ်စုကို ပြုလုပ်ပြီးခဲ့ပါပြီ၊ အခုကပ်ဘေးတွေက လာနေပြီ။ ဘုရားသခင်ရဲ့ အသံတော်ကိုကြားပြီး ကပ်ဘေးတွေထဲမှာ သခင့်ကို ကြိုဆိုသူတွေက ချီဆောင်ခြင်းခံရဖို့ အခွင့်အရေးရှိပါသေးတယ်။ ဒါဟာ ကပ်ဘေးတွေထဲကနေ ချီဆောင်ခံရခြင်းပါ။ သူတို့ဟာ သိမ်းဆည်းခြင်းခံရဖို့ မျှော်လင့်ချက်ရှိပါတယ်။ သခင်က မိုးတိမ်စီးပြီး ကြွလာမယ်လို့ အတင်းပြောပြီး ကိုယ့်အယူအဆတွေအတိုင်း သွားတဲ့သူတွေကတော့ ကပ်ဘေးတွေထဲကို ကျရောက်မှာဖြစ်ပြီး ကယ်တင်ခြင်းမခံရနိုင်ပါဘူး။ ကပ်ဘေးတွေ ပြီးဆုံးသွားတာနဲ့ ဘုရားသခင်ဟာ တိုင်းနိုင်ငံအားလုံးနဲ့ လူမျိုးအားလုံးရှေ့မှာ ပွင့်ပွင့်လင်းလင်း ပေါ်ထွန်းမှာဖြစ်ပြီး ဗျာဒိတ်ကျမ်း ၁:၇ ရဲ့ ပရောဖက်ပြုချက်ကို ပြည့်စုံစေလိမ့်မယ်။ “ကြည့်ရှုလော့။ မိုးတိမ်နှင့်တကွ ကြွလာတော်မူသည်ဖြစ်၍၊ ကိုယ်တော်ကို ထိုးဖောက်သော သူတို့နှင့် ရှိသမျှသောသူတို့သည် ကိုယ်တော်ကို ရှုမြင်ရကြလိမ့်မည်။ မြေကြီးသားအမျိုးမျိုးရှိသမျှတို့သည် ကိုယ်တော်ကြောင့် ငိုကြွေးမြည်တမ်းရကြလိမ့်မည်။” ကျွန်မတို့ နိဂုံးချုပ်လို့ရတဲ့ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကျမ်းပိုဒ်တချို့ရှိပါတယ်။ “ငါပြောသည့် အရာကို များစွာသော လူတို့သည် ဂရုမစိုက်ဘဲနေကောင်းနေနိုင်သည်၊ သို့သော် ယေရှုသည် ဖြူသောမိုးတိမ်စီးကာ ကောင်းကင်ဘုံမှ ဆင်းသက်လာသည်ကို သင်တို့မျက်စိဖြင့်တွေ့သည့်အခါ၊ ဤသည်မှာ ဖြောင့်မတ်ခြင်း၏နေမင်း လူသိရှင်ကြား ပေါ်ထွက်လာခြင်းဖြစ်လိမ့်မည်ဟု သန့်ရှင်းသူများဟုဆိုသော ယေရှု၏နောက်သို့ လိုက်သူတိုင်းကို ငါပြောလိုသေး၏။ သင့်အတွက် ထိုအချိန်သည် အလွန်စိတ်လှုပ်ရှားဖွယ် ကောင်းသည့်အချိန်တစ်ခု ဖြစ်ကောင်းဖြစ်နိုင်သည်၊ သို့သော် ယေရှု ကောင်းကင်ဘုံမှ ဆင်းသက်သည်ကို သင် မျက်မြင်ကြုံတွေ့ချိန်သည် အပြစ်ပေးခံရရန် သင် ငရဲသို့ ဆင်းသည့်အချိန်လည်း ဖြစ်သည်ကို သင်သိသင့်သည်။ ယင်းသည် ဘုရားသခင်၏ စီမံခန့်ခွဲမှုအစီအစဉ် အဆုံးသတ်ချိန် ဖြစ်လိမ့်မည်ဖြစ်ပြီး ဘုရားသခင်က ကောင်းသောသူများကို ဆုလာဘ်ချီးမြှင့်ကာ ဆိုးယုတ်သောသူများကို အပြစ်ပေးသည့်အချိန် ဖြစ်လိမ့်မည်။ အကြောင်းမှာ သမ္မာတရား၏ ဖော်ပြချက်သာရှိသည့် အချိန်တွင်၊ လူသည် နိမိတ်လက္ခဏာများကို မမြင်မီ ဘုရားသခင်၏ တရားစီရင်ခြင်း အမှု ပြီးဆုံးပြီးဖြစ်လိမ့်မည် ဖြစ်သောကြောင့်တည်း။ သမ္မာတရားကိုလက်ခံပြီး၊ နိမိတ်လက္ခဏာများကို မရှာဖွေသကဲ့သို့၊ ထိုသို့ဖြင့် သန့်စင်ခံရပြီးသူများသည် ဘုရားသခင်၏ပလ္လင်ရှေ့သို့ ပြန်လာကြပြီး ဖြစ်လိမ့်မည်ဖြစ်ကာ ဖန်ဆင်းရှင်၏ ထွေးပိုက်မှုထဲသို့ ဝင်ရောက်ရပြီးဖြစ်လိမ့်မည်။ ‘ဖြူသော မိုးတိမ်မစီးသည့် ယေရှုသည် ယေရှု အယောင်ဆောင်သောသူ ဖြစ်သည်’ ဟု မလျှော့တမ်း ယုံကြည်ကြသူများသည်သာ ထာဝရအပြစ်ဒဏ်ပေးခြင်း ခံရမည်ဖြစ်သည်၊ အဘယ်ကြောင့်ဆိုသော် ၎င်းတို့သည် နိမိတ် လက္ခဏာများပြသော ယေရှု၌သာ ယုံကြည်ကြပြီး၊ ပြင်းထန်သည့် တရားစီရင်မှုကို ကြေညာကာ စစ်မှန်သော လမ်းခရီးနှင့် အသက်ကို ထုတ်ပြန်သော ယေရှုကို အသိအမှတ်မပြုကြသောကြောင့် ဖြစ်သည်။ ထို့ကြောင့် ယေရှုသည် ဖြူသောမိုးတိမ်စီးကာ လူပုံအလယ်တွင် ပြန်ကြွလာချိန်တွင် ၎င်းတို့ကို ကိုင်တွယ်ဖြေရှင်းသည်သာ ဖြစ်နိုင်ပေသည်။ ၎င်းတို့သည် ခေါင်းမာလွန်း၏။ မိမိတို့ကိုယ်ကိုယ် ယုံကြည်စိတ်များလွန်းသည်၊ မာနထောင်လွှားလွန်းကြလေသည်။ ထိုသို့သော ကိုယ်ကျင့်တရားပျက်သူများကို ယေရှုက မည်သို့ဆုလာဘ်ချီးမြှင့်နိုင်မည်နည်း။ ယေရှု၏ ပြန်ကြွလာခြင်းသည် သမ္မာတရားကို လက်ခံနိုင်စွမ်းရှိသူများအတွက် ကြီးမားသည့် ကယ်တင်ခြင်းတစ်ရပ် ဖြစ်သော်လည်း သမ္မာတရားကို လက်ခံနိုင်စွမ်းမရှိသူများအတွက် ယင်းမှာ ပြစ်ဒဏ်စီရင်ခြင်း၏ လက္ခဏာတစ်ရပ်ဖြစ်သည်။ သင်တို့သည် မိမိတို့၏ ကိုယ်ပိုင်လမ်းကြောင်းကို ရွေးချယ်သင့်ပြီး၊ သန့်ရှင်းသော ဝိညာဉ်တော်ကို မပြစ်မှားမစော်ကားသင့်သကဲ့သို့ သမ္မာတရားကို မငြင်းပယ်သင့်ပေ။ သင်တို့သည် မသိနားမလည်သူနှင့် မာနထောင်လွှားသူ တစ်ဦး မဖြစ်သင့်ဘဲ၊ သန့်ရှင်းသောဝိညာဉ်တော်၏ လမ်းပြမှုကို နာခံပြီး၊ သမ္မာတရားကို တောင့်တကာ ရှာဖွေသူများ ဖြစ်သင့်ပေသည်။ ဤနည်းဖြင့်သာ သင်တို့သည် အကျိုးရှိလိမ့်မည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ယေရှု၏ဝိညာဉ်ခန္ဓာကို သင်တွေ့မြင်သည့်အချိန်တွင် ဘုရားသခင်သည် ကောင်းကင်နှင့်မြေကြီးကို အသစ်တစ်ဖန် ပြုလုပ်ပြီးဖြစ်လိမ့်မည်)

“နောက်ဆုံးသောကာလ၏ ခရစ်တော်သည် အသက် ယူဆောင်လာပြီး၊ အဓွန့်ရှည်စွာ တည်တံ့ကာ ထာဝရတည်ရှိသော သမ္မာတရား၏ လမ်းခရီးကို ယူဆောင်လာ၏။ ဤသမ္မာတရားသည် လူသားက အသက်ရရှိသည့် လမ်းကြောင်းဖြစ်ပြီး၊ လူသားက ဘုရားသခင်ကို သိမည့် တစ်ခုတည်းသော လမ်းကြောင်းနှင့် ဘုရားသခင်၏ လက်ခံခြင်းခံရမည့် တစ်ခုတည်းသော လမ်းကြောင်းဖြစ်၏။ နောက်ဆုံးသောကာလ၏ ခရစ်တော်ပေးသည့် အသက်၏လမ်းခရီးကို သင်မရှာဖွေပါက၊ သင်သည် သမိုင်း၏ ရုပ်သေးရုပ်ရော အကျဉ်းသားပါ ဖြစ်သည့်အတွက်၊ ယေရှု၏ လက်ခံမှုကို မည်သည့်အခါမျှ သင် ရရှိမည်မဟုတ်သကဲ့သို့၊ ကောင်းကင်နိုင်ငံတော်၏ တံခါးကိုဝင်ရန် မည်သည့်အခါမျှ အရည်အချင်းမီမည် မဟုတ်ပေ။ စည်းမျဉ်းစည်းကမ်းများ၊ ကျမ်းဟောင်းတရားများ၏ ထိန်းချုပ်မှုခံရပြီး၊ သမိုင်း၏ ချုပ်နှောင်မှုခံရသူများသည် မည်သည့်အခါတွင်မျှ အသက်ကို ရရှိနိုင်လိမ့်မည် မဟုတ်သကဲ့သို့၊ အသက်၏ ထာဝရလမ်းခရီးကို ရရှိနိုင်မည် မဟုတ်ပေ။ ဤသည်မှာ အဘယ်ကြောင့်ဆိုသော် ထိုသူတို့အားလုံးသည် ပလ္လင်မှ စီးဆင်းသည့် အသက်ရေ ဖြစ်မည့်အစား နှစ်ပေါင်းထောင်ပေါင်းများစွာ တစ်နေရာတည်းတွင် ရှိနေသော နောက်ကျိသည့် ရေများ ဖြစ်ကြသောကြောင့် ဖြစ်၏။ အသက်ရေဖြင့် ထောက်ပံ့မှု မခံရသောသူတို့သည် လူသေကောင်များ၊ စာတန်၏ ကစားစရာများနှင့် ငရဲ၏သားများအဖြစ် ထာဝရရှိနေကြလိမ့်မည်။ သို့ဖြစ်ပါက ၎င်းတို့သည် ဘုရားသခင်ကို မည်သို့ ရှုမြင်နိုင်မည်နည်း။ သင်သည် အတိတ်ကို ဖက်တွယ်ရန်သာ ကြိုးစားပါက၊ တည်ငြိမ်စွာ ရပ်နေခြင်းဖြင့် အမှုအရာများကို ၎င်းတို့ရှိနေသည့်အတိုင်း ထိန်းသိမ်းရန်သာ ကြိုးစားပြီး၊ ပိုနေမြဲ ကျားနေ‌မြဲ အခြေအနေကို ပြောင်းလဲရန်နှင့် သမိုင်းကို စွန့်ပစ်ရန် မကြိုးစားပါက၊ သင်သည် ဘုရားသခင်ကို အမြဲဆန့်ကျင်နေမည် မဟုတ်လော။ ဘုရားသခင် အမှု၏ အဆင့်များသည်- တလိပ်လိပ်တက်နေသော လှိုင်းတံပိုးများနှင့် မြည်ဟည်းနေသော မိုးချုန်းသံကဲ့သို့- ကြီးမားကျယ်ပြန့်ကာ တန်ခိုးကြီးသော်လည်း၊ သင်သည် ပျက်စီးခြင်းကို မလှုပ်မယှက် စောင့်ဆိုင်းရင်း၊ သင်၏မိုက်မဲမှုကို ဖက်တွယ်ရင်းနှင့် မည်သည့်အရာမျှ မလုပ်ဆောင်ဘဲနေရင်း ထိုင်နေသည်။ ဤနည်းဖြင့်၊ သိုးသငယ်၏ ခြေလှမ်းနောက် လိုက်သူတစ်ဦးအဖြစ် သင့်ကို မည်သို့ယူဆ၍ရနိုင်မည်နည်း။ သင် ဖက်တွယ်ထားသော ဘုရားသခင်သည် အစဉ်အသစ်ဖြစ်ကာ၊ မည်သည့်အခါမျှ အိုဟောင်းခြင်းမရှိသည့် ဘုရားသခင်အဖြစ် သင် မည်သို့ မှန်ကန်ကြောင်းပြနိုင်မည်နည်း။ သင်၏ အဝါရောင် သန်းနေသော စာအုပ်များ၏ စကားလုံးများသည် သင့်ကို ခေတ်သစ်တစ်လျှောက် မည်သို့ သယ်ဆောင်သွားနိုင်မည်နည်း။ ဘုရားသခင့်အမှု၏ အဆင့်များကို ရှာဖွေရန် ယင်းတို့သည် သင့်ကို မည်သို့ဦးဆောင်နိုင်မည်နည်း။ ပြီးလျှင် ၎င်းတို့သည် သင့်ကို ကောင်းကင်သို့ မည်သို့ခေါ်ဆောင်သွားနိုင်မည်နည်း။ သင်၏ လက်ထဲတွင် သင်ကိုင်စွဲသည့်အရာမှာ သင့်ကို ယာယီဖြေသိမ့်မှုသာ ပေးနိုင်သည့် ကျမ်းဟောင်းတရားများသာဖြစ်သည်၊ အသက် ပေးနိုင်စွမ်းရှိသည့် သမ္မာတရားများ မဟုတ်ပေ။ သင်ဖတ်သည့် သမ္မာကျမ်းများမှာ သင်၏နှုတ်ကိုသာ ကြွယ်ဝစေနိုင်ပြီး၊ သင့်ကို စုံလင်စေခြင်းဆီသို့ ဦးဆောင်လမ်းပြပေးနိုင်သော လမ်းကြောင်းများဖြစ်ဖို့ မဆိုထားနှင့်၊ လူ့အသက်တာကို သိရှိရန် သင့်ကို ကူညီနိုင်သည့် အတွေးအမြင်နှင့်ဆိုင်သော စကားများပင် မဟုတ်ပေ။ ဤကွာဟချက်သည် သင့်ကို ပြန်လည်သုံးသပ်ရန် အကြောင်းတရား မပေးပါသလော။ ယင်းသည် အတွင်းတွင် ပါရှိသည့် နက်နဲမှုများကို သင့်အား နားလည်စေပါသလော။ သင်သည် ဘုရားသခင်ကို သင့်ဘာသာ တွေ့ဆုံရန် မိမိကိုယ်ကိုယ် ကောင်းကင်ဘုံသို့ ပို့ဆောင်နိုင်သလော။ ဘုရားသခင်၏ ကြွလာခြင်းမရှိဘဲနှင့်၊ သင်သည် ဘုရားသခင်နှင့် မိသားစုပျော်ရွှင်မှုကို မွေ့လျော်ခံစားရန် သင့်ကိုယ်သင် ကောင်းကင်ဘုံထဲသို့ ခေါ်ဆောင်သွားနိုင်သလော။ သင်သည် ယခု စိတ်ကူးယဉ် နေသေးသလော။ သို့ဆိုပါက စိတ်ကူးယဉ်ခြင်းကို ရပ်တန့်ပြီး၊ ယခု မည်သူအမှုပြုနေသည်ကို ကြည့်ရန်- နောက်ဆုံးသောကာလတွင် လူသားကို ကယ်တင်ခြင်းအမှုအား ယခု မည်သူ ဆောင်ရွက်နေသည်ကို မြင်ရန် ကြည့်ဖို့- ငါအကြံပြု၏။ သင် ထိုသို့မလုပ်ဆောင်ပါက၊ သမ္မာတရားကို မည်သည့်အခါတွင်မျှ သင် ရရှိလိမ့်မည်မဟုတ်သကဲ့သို့၊ အသက်ကို မည်သည့်အခါတွင်မျှ ရရှိလိမ့်မည် မဟုတ်ပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်)