ရှူးချန်၊ တရုတ်ပြည်

၂၀၂၄ ခုနှစ်၊ မတ်လလယ်မှာ အထက်အဆင့်ခေါင်းဆောင်တွေဆီက စာတစ်စောင် လက်ခံရရှိခဲ့ပါတယ်။ ကျွန်မနဲ့ တွဲဖက်ပြီး တာဝန်ထမ်းဆောင်ဖူးတဲ့ ရှောင်တီ အဖမ်းခံရပြီး ဘုရားသခင်ကို သစ္စာဖောက်သွားတယ်၊ ယုဒ ဖြစ်သွားတယ်လို့ စာထဲမှာပြောထားတယ်။ သူက အသင်းတော်အလုပ်တွေရော၊ ခေါင်းဆောင်တွေနဲ့ အမှုဆောင်တွေကိုရော သစ္စာဖောက်လိုက်ပြီတဲ့။ သေချာ ပုန်းရှောင်နေဖို့ ခေါင်းဆောင်တွေက ကျွန်မကို တိုက်တွန်းထားတယ်။ ကျွန်မ ရင်ထဲမှာ ဒိန်းခနဲ ဖြစ်သွားတာပေါ့။ “ရှောင်တီက အပြင်ပန်းမှာ ဟန်ဆောင်မှုကင်းပြီး သစ္စာရှိပုံရသလို၊ သူ့တာဝန်ကို ထမ်းဆောင်တဲ့အခါမှာ ဒုက္ခခံနိုင်ပြီး အဖိုးအခပေးနိုင်တယ်။ အန္တရာယ်ရှိတဲ့ ပတ်ဝန်းကျင်တွေ ကြုံရတာ ခဏခဏပဲ၊ ဒါပေမဲ့ သူ ဘယ်တော့မှ နောက်မတွန့်ခဲ့ဘူး။ တာဝန်ကို ပုံမှန်အတိုင်း ထမ်းဆောင်ခဲ့တာ။ ယုဒဖြစ်မယ့်အစား အသေခံလိုက်မယ် ဆိုပြီးတော့တောင် ကျွန်မတို့ အတူတူ သစ္စာဆိုခဲ့ကြတာလေ။ သူအဖမ်းခံရတာ တစ်နှစ်ကျော်ပြီ၊ ဘာသတင်းမှ မကြားရတော့ သူ ခိုင်ခိုင်မာမာ ရပ်တည်ခဲ့တယ်လို့ ကျွန်မ ထင်ခဲ့တာ။ သူ ဘယ်လိုလုပ် ယုဒ ဖြစ်သွားရတာလဲ” လို့ပေါ့။ ကျွန်မ လုံးဝ မယုံနိုင်ခဲ့ဘူး။ ရှောင်တီကသာ ကျွန်မကို သစ္စာဖောက်လိုက်ရင် အဲဒီအခါ ကျွန်မက စီစီပီရဲ့ အလိုအရှိဆုံးလူတစ်ယောက် ဖြစ်သွားမှာ မဟုတ်ဘူးလား။ အဲဒီတော့မှ အရင်တုန်းက ဇာတိမြေ အသင်းတော်ဆီကရတဲ့ စာတစ်စောင်ကို ကျွန်မ တွေးမိတယ်။ ရဲတွေက ကျွန်မကို ဖမ်းဖို့ အိမ်ကို လာခဲ့တယ်တဲ့။ ကျွန်မ မိသားစုကို စောင့်ကြည့်ပြီး စစ်ဆေးမေးမြန်းတာတွေလည်း လုပ်တယ်၊ အိမ်ရှေ့မှာ စီစီတီဗီ တပ်သွားတယ်တဲ့။ အဲဒီအချိန်က ရှောင်တီ အဖမ်းခံရတဲ့ အချိန်လောက်ပဲ။ ရဲတွေက ကျွန်မကို ဖမ်းဖို့ အရှိန်မြှင့်နေတာ သေချာတယ်။ ကျွန်မ ကိုယ့်ဘာသာကိုယ် တွေးမိတယ်၊ “စီစီပီက ရက်ရက်စက်စက်စကားတွေကို အကြိမ်ကြိမ် ပြောနေခဲ့တာ တော်တော်ကြာခဲ့ပြီ။ ‘ဘုရားယုံတဲ့ကောင်တွေ ရိုက်သတ်လို့သေသွားရင်တောင် အလကားပဲ’ တဲ့။ ကျွန်မက သူတို့ အလိုအရှိဆုံးစာရင်းထဲမှာ ပါတယ်။ အဖမ်းခံရရင် မသေတောင်မှ ဒုက္ခိတဖြစ်အောင် အရိုက်ခံရမှာ” လို့ပေါ့။ အဲဒီနောက် အရင်တုန်းက ညီအစ်ကိုမောင်နှမတွေ အဖမ်းခံရပြီး ဝန်ခံခိုင်းဖို့အတွက် ညှဉ်းပန်းခံရတာတွေကို သတိရမိတော့ ကျွန်မ ရင်ထဲမှာ ဆို့နင့်သွားတယ်။ “ငါသာ သေအောင်၊ ဒါမှမဟုတ် ဒုက္ခိတဖြစ်အောင် အရိုက်ခံရရင် ငါ့ရဲ့ ဘုရားယုံကြည်တဲ့ အသက်တာက ပြီးဆုံးသွားပြီ မဟုတ်လား။ ပြောစရာ ဘာအနာဂတ် ရှိတော့မှာလဲ” ပေါ့။ ဒါကို တွေးမိတော့ ကျွန်မ နာကျင်ပြီး မွန်းကြပ်သွားတယ်။ ရှောင်တီက ယုဒတစ်ယောက် ရောင်းစားတာ ခံရပြီး သုံးလေးနှစ် ကြာခဲ့တာတောင်မှ စီစီပီက သူ့ကို လိုက်ဖမ်းဖို့ လုံးဝ လက်မလျှော့ခဲ့ဘူး။ ကျွန်မက ကြီးကြပ်ရေးမှူးတစ်ယောက်ဖြစ်ပြီး စီစီပီ အလိုရှိနေတဲ့သူလေ။ ရဲတွေက သေချာပေါက် ကျွန်မကို လွှတ်ပေးမှာ မဟုတ်ဘူး။ အဖမ်းခံရပြီး တကယ်လို့များ ရိုက်သတ်ခံလိုက်ရရင် ကျွန်မ ဘယ်လိုလုပ် ကယ်တင်ခံရနိုင်မှာလဲ။ အဲဒီနောက်မှာ ကျွန်မ တာဝန်ထမ်းဆောင်ဖို့ အင်အားမရှိတော့ဘူး။ အသင်းတော်အလုပ်မှာ ပြဿနာတွေ ပေါ်လာတဲ့အခါ ဖြေရှင်းပေးဖို့ စိတ်မပါတော့ဘူး။ တစ်နေ့ကုန် ရဲတွေဖမ်းမှာ၊ ညှဉ်းပန်းခံရမှာ၊ အသက်မရှင်ရမှာကိုပဲ ကြောက်ပြီး စိတ်နှလုံးမှာ စိုးရိမ်ပူပန်မှုတွေနဲ့ ပြည့်နေခဲ့တယ်။

ကျွန်မရဲ့ အခြေအနေ အတော်ဆိုးနေပြီ၊ တာဝန်ကိုလည်း ထိခိုက်နေပြီဆိုတာ သဘောပေါက်လိုက်မိတယ်။ ကျွန်တော် ဘုရားသခင်ရှေ့ကို ဆုတောင်းပြီး ရှာဖွေဖို့ ရောက်လာခဲ့တယ်၊ ဒီပတ်ဝန်းကျင်က ကျွန်တော့်အပေါ် ကျရောက်လာတဲ့အခါမှာ ဘယ်သင်ခန်းစာတွေကို သင်ယူသင့်သလဲပေါ့။ အဲဒီနောက် ဘုရားနှုတ်ကပတ်တော်တစ်ပိုဒ်ကို တွေးမိပြီး ရှာဖတ်လိုက်တယ်။ အနန္တတန်ခိုးရှင် ဘုရားသခင် ပြောသည်မှာ “သင်တို့သည် ယနေ့ မည်သည့်စမ်းသပ်မှုများကို ကြံ့ကြံ့ခံနိုင်သနည်း။ သင်တို့၌ အခြေခံအုတ်မြစ်တစ်ခုရှိသည်ဟု ဆိုဝံ့သလော၊ စုံစမ်းသွေးဆောင်ခြင်းများကိုရင်ဆိုင်ရသောအခါ ခိုင်မာစွာ ရပ်တည်နိုင်စွမ်းရှိသလော။ ဥပမာအားဖြင့် စာတန်၏ လိုက်လံဖမ်းဆီးခြင်းနှင့် ညှဉ်းပန်းနှိပ်စက်ခြင်းဟူသော စုံစမ်းသွေးဆောင်ခြင်းများ၊ သို့မဟုတ် အဆင့်အတန်းနှင့် ရာထူးဂုဏ်ဒြပ်ဆိုင်ရာ၊ အိမ်ထောင်ရေး သို့မဟုတ် စည်းစိမ်ချမ်းသာဆိုင်ရာစသည့် ဤစုံစမ်းသွေးဆောင်ခြင်းများကို သင်တို့ အောင်မြင်ကျော်လွှားနိုင်စွမ်း ရှိသလော။ (ကျွန်ုပ်တို့သည် ယင်းတို့ထဲမှအချို့ကို အနည်းနှင့်အများဆိုသလို အောင်မြင်ကျော်လွှားနိုင်ပါသည်။) စုံစမ်းသွေးဆောင်ခြင်းဆိုင်ရာအဆင့် မည်မျှရှိသနည်း။ ထို့အပြင် မည်သည့်အဆင့်ကို သင်တို့ ကျော်လွှားနိုင်သနည်း။ ဥပမာ ဘုရားသခင်ကို ယုံကြည်ခြင်းကြောင့် လူတစ်ဦးအဖမ်းခံရကြောင်း သင်ကြားရသောအခါ ကြောက်ချင်မှကြောက်မည်၊ ထို့အပြင် အခြားသူများ အဖမ်းခံရပြီး နှိပ်စက်ခြင်းခံရသည်ကို သင်တွေ့ရသောအခါ ကြောက်ကောင်းကြောက်မည် မဟုတ်၊ သို့သော် သင် အဖမ်းခံရသည့်အခါ၊ ဤသို့သောအခြေအနေမျိုးထဲ ကိုယ်တိုင် ရောက်သွားသည့်အခါ သင်ခိုင်မာစွာ ရပ်တည်နိုင်မည်လော။ ယင်းက ကြီးမားသော စုံစမ်းသွေးဆောင်ခြင်းတစ်ခုပင် မဟုတ်သလော။ ဥပမာ ဘုရားသခင်၌ ယုံကြည်ခြင်း အားကြီးသောသူ၊ မိမိ၏တာဝန်ကို ထမ်းဆောင်ရန်အတွက် မိသားစုနှင့် အလုပ်အကိုင်ကို စွန့်လွှတ်ပြီး အခက်အခဲများစွာ ခံစားခဲ့ရသောသူ၊ အတော်ပင်ကောင်းမွန်သော လူ့သဘာဝကို ပိုင်ဆိုင်သည့် လူတစ်ဦးကို သင်သိသည်။ ထိုသူသည် ဘုရားသခင်ကို ယုံကြည်ခြင်းကြောင့် အဖမ်းခံရကာ ထောင်ချခံရပြီးနောက်ပိုင်းတွင် အသေရိုက်ခြင်းခံရကြောင်း သင်ကြားသိရသည့် နေ့တစ်နေ့မျိုး ရုတ်တရက် ရောက်လာသည်ဆိုပါစို့။ ယင်းက သင့်အား စုံစမ်းသွေးဆောင်ခြင်းတစ်ခု ဟုတ်သလော။ ယင်းက သင့်အပေါ်ကျရောက်ခဲ့သည်ဆိုလျှင် သင် မည်သို့တုံ့ပြန်မည်နည်း။ ယင်းကို သင် မည်ကဲ့သို့ ရင်ဆိုင်တွေ့ကြုံရမည်နည်း။ သမ္မာတရားကို သင်ရှာဖွေမည်လော။ သင် မည်ကဲ့သို့ ရှာဖွေမည်နည်း။ ထိုသို့သော စုံစမ်းသွေးဆောင်ခြင်းကြုံရစဉ် သင့်ကိုယ်သင် မည်သို့ကြံ့ကြံ့ခံစေကာ၊ ဘုရားသခင်၏ ရည်ရွယ်ချက်ကို နားလည်ပြီး ယင်းမှ သမ္မာတရားကို ရရှိစေမည်နည်း။ ထိုသို့သော အမှုအရာများကို သင်ဆင်ခြင်သုံးသပ်ဖူးသလော။ ထိုသို့သော စုံစမ်းသွေးဆောင်ခြင်းများကို ကျော်လွှားရန် လွယ်ကူသလော။ ယင်းတို့မှာ သာမန်ထက် ထူးကဲသော အရာမျိုးလော။ ထူးခြားပြီး လူ့အယူအဆများ၊ စိတ်ကူးများနှင့် ဆန့်ကျင်သော အမှုအရာများကို မည်သို့ရင်ဆိုင်တွေ့ကြုံသင့်သနည်း။ သင်၌ လမ်းကြောင်း မရှိလျှင် ညည်းညူနိုင်ခြေရှိသလော။ ဘုရားသခင်၏ နှုတ်ကပတ်တော်များထဲတွင် သမ္မာတရားကို ရှာဖွေပြီး ပြဿနာများ၏ အနှစ်သာရကို တွေ့မြင်နိုင်မည်လော။ လက်တွေ့ကျင့်သုံးရမည့် သင့်လျော်သော စည်းမျဉ်းများကို ချမှတ်ရန်အတွက် သမ္မာတရားကို သင် အသုံးချနိုင်မည်လော။ ဤသည်မှာ သမ္မာတရားကို လိုက်စားသောသူတို့၌ တွေ့ရသင့်သောအရာ မဟုတ်လော။ ဘုရားသခင်၏အလုပ်ကို သင် မည်သို့သိနိုင်မည်နည်း။ ဘုရားသခင်၏ တရားစီရင်ခြင်း၊ သန့်စင်ခြင်း၊ ကယ်တင်ခြင်းနှင့် စုံလင်စေခြင်းတို့၏ အသီးအပွင့်များကို ရရှိရန်အတွက် သင်သည် မည်သို့ တွေ့ကြုံသင့်သနည်း။ ဘုရားသခင်နှင့် ပတ်သက်၍ လူတို့၏ မရေမတွက်နိုင်သော အယူအဆများနှင့် မကျေနပ်ချက်များကို ဖြေရှင်းပေးရန်အတွက် မည်သည့်သမ္မာတရားများကို နားလည်သင့်သနည်း။ အမျိုးမျိုးသော စမ်းသပ်မှုများကြား သင့်ကို မြဲမြံစွာ ရပ်တည်ခွင့်ပေးမည့် သမ္မာတရားများ၊ သင့်ကိုယ်သင် ပြင်ဆင်ထားသင့်သည့် အသုံးဝင်ဆုံးသော သမ္မာတရားများမှာ အဘယ်နည်း။ ယခုအချိန်၌ သင်တို့၏ ဝိညာဉ်ရင့်ကျက်မှုက အဘယ်မျှ ကြီးမားသနည်း။ စုံစမ်းသွေးဆောင်ခြင်းများ၏ မည်သည့်အတိုင်းအတာကို သင်ကျော်လွှားနိုင်သနည်း။ ထင်မြင်ချက်တစ်စုံတစ်ရာ ရှိသလော။ မရှိလျှင် ယင်းက စဉ်းစားစရာဖြစ်သည်။” (နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောဆွေးနွေးချက်များ၊ မိမိ၏ စိတ်နှလုံးကို ဘုရားသခင်အား ပေးအပ်ခြင်းအားဖြင့် သမ္မာတရားကို ရရှိနိုင်သည်) ဘုရားသခင်ရဲ့ မေးခွန်းတစ်ခုစီတိုင်းကြောင့် ကျွန်မ ရှက်ရွံ့ခဲ့မိတယ်။ အရင်တုန်းကတော့ ဘုရားစယုံကတည်းက ကျွန်မက စိတ်ထက်သန်တယ်၊ အမှုအရာတွေစွန့်လွှတ်ပြီး ကိုယ့်ကိုယ်ကိုယ် အသုံးခံခဲ့တယ်လို့ ထင်ခဲ့တာ။ အသင်းတော်က အကြီးအကျယ် ဖမ်းဆီးမှုတွေ ခဏခဏ ကြုံရပေမဲ့ ကျွန်မ သိပ်မကြောက်ခဲ့ဘူး။ ကျွန်မသိတဲ့ ညီအစ်ကိုမောင်နှမတချို့ အဖမ်းခံရပေမဲ့ ကျွန်မ တာဝန်ထမ်းဆောင်နိုင်စွမ်းကို မထိခိုက်ခဲ့ဘူးလေ။ ဒါပေမဲ့ ရှောင်တီက ယုဒဖြစ်သွားတယ်၊ အဆင်းနီတဲ့ နဂါးကြီးရဲ့ လက်ပါးစေ ဖြစ်သွားပြီး ကျွန်မကို သစ္စာဖောက်လိုက်တယ်လို့ ကြားလိုက်ရတဲ့အခါ ကျွန်မ ရဲတွေရဲ့ စောင့်ကြည့်တာ ခံနေရပြီလားဆိုပြီး စိတ်ပူမိတယ်။ နေရာမရွေး၊ အချိန်မရွေး အဖမ်းခံရနိုင်တယ်လို့ ခံစားရပြီး စိတ်နှလုံးထဲမှာ ကြောက်ရွံ့သွားတယ်၊ ဘုရားသခင်အပေါ် ယုံကြည်ခြင်း ပျောက်ဆုံးခဲ့တယ်။ ကျွန်မ အရင်က နားလည်ထားတာတွေက သမ္မာတရား လက်တွေ့ကျမှု လုံးဝမရှိတဲ့ အယူဝါဒတွေဖြစ်တယ်ဆိုတာ ကျွန်မ မြင်လိုက်ရတယ်။ ဆင်းရဲဒုက္ခတွေ၊ စမ်းသပ်မှုတွေ ကျွန်မဆီ ကျရောက်လာတဲ့အခါ ဘုရားသခင်ရဲ့ ရည်ရွယ်ချက်ကို ရှာဖွေဖို့ ဘုရားရှေ့မှောက် မလာခဲ့ဘူး။ ဘုရားသခင်အတွက် ဘယ်လို သက်သေခံရမယ်ဆိုတာ မစဉ်းစားခဲ့ဘူး။ အဲဒီအစား ကျွန်မက အပျက်သဘောဆောင်ပြီး အလုပ်မှာ ပေါ့လျော့ခဲ့တယ်။ ကျွန်မ တကယ်ကို ပုန်ကန်လွန်းခဲ့တာပဲ။ အဲဒီအချိန်မှာ စိတ်နှလုံးထဲမှာ ကိုယ့်ကိုယ်ကိုယ် အပြစ်တင်မိတယ်။ ဘုရားနှုတ်ကပတ်တော်တွေကို ကျွန်မ တွေးမိတယ်။ “သင်၏ ဝိညာဉ်ရင့်ကျက်မှုနှင့် လက်တွေ့လုပ်ဆောင်မှုကို သင်အလေးအနက် ထားသင့်သည်။ ဘုရားသခင်၌ သင်၏ ယုံကြည်မှုတွင်၊ မည်သည့်အတွက်မျှ ဟန်ဆောင်လုပ်ပြရုံမျှ လုပ်ပြရန် သင် မကြိုးစားသင့်ပေ။ နောက်ဆုံးတွင် သမ္မာတရားနှင့် အသက်ကို သင်ရယူနိုင်ခြင်း ရှိ၊ မရှိ ဆိုသည်မှာ သင်ကိုယ်တိုင်၏ အားထုတ်မှုအပေါ် မူတည်ပေသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လက်တွေ့လုပ်ဆောင်ခြင်း (၃)) ဘုရားသခင်ရဲ့ သတ်မှတ်ချက်တွေကို မြင်ပြီး ကိုယ့်ရဲ့ ကိုယ်ပိုင်ဝိညာဉ်ရင့်ကျက်မှုကို ကြည့်တဲ့အခါမှာ အကျပ်အတည်းဖြစ်တဲ့စိတ် ဝင်ခဲ့တယ်။ ကျွန်မရဲ့ လက်ရှိ ဝိညာဉ်ရင့်ကျက်မှုက သေးငယ်ပြီး ဘာ သမ္မာတရား လက်တွေ့ကျမှုမှ မရှိဘူး။ သမ္မာတရားကို ဇွဲရှိရှိ မရှာဖွေဘဲ၊ သမ္မာတရားနဲ့ ကိုယ့်ကိုယ်ကိုယ် မပြင်ဆင်ဘဲ ဆက်သွားခဲ့ရင် တစ်နေ့ တကယ် အဖမ်းခံရတဲ့အခါ ခိုင်ခိုင်မာမာ ရပ်တည်ဖို့ ကျွန်မအတွက် အရမ်းခက်ခဲမှာပဲ။ ဘုရားနောက်လိုက်ခြင်းက နောက်ဆုံးမှာ အရှက်ရစေတဲ့ အမှတ်အသားတစ်ခုနဲ့ အဆုံးသတ်သွားမှာကို ကျွန်မ မလိုချင်ဘူး။

ဝတ်ပြုတုန်းမှာ ဘုရားနှုတ်ကပတ်တော်တစ်ပိုဒ်ကို ကျွန်မ ဖတ်ပြီး စစ်ဆေးတာနဲ့ ဆင်းရဲဒုက္ခကို ကြုံတွေ့ရတာရဲ့ အဓိပ္ပာယ်ကို နားလည်သွားတယ်။ ရှောင်တီနဲ့ ပတ်သက်ပြီးတော့လည်း ပိုင်းခြားသိမြင်မှု တချို့ ရခဲ့တယ်။ အနန္တတန်ခိုးရှင် ဘုရားသခင် ပြောသည်မှာ “နိုင်ငံတော်ခေတ်တွင် လူသားသည် စုံလင်စေခြင်း အပြည့်အဝ ခံရလိမ့်မည်။ သိမ်းပိုက်ခြင်း အမှုနောက်တွင်၊ လူသားသည် စစ်ဆေးခြင်းနှင့် အတိဒုက္ခကို ခံရလိမ့်မည်။ ဤဒုက္ခဆင်းရဲခြင်း အတောအတွင်းတွင် အောင်မြင်ကျော်လွှားနိုင်ပြီး မိမိတို့၏သက်သေတွင် ခိုင်မာစွာ ရပ်တည်နိုင်သူတို့သည်၊ နောက်ဆုံးတွင် စုံလင်စေခြင်း ခံရမည့်သူများ ဖြစ်သည်။ ၎င်းတို့သည် အောင်မြင်သောသူများ ဖြစ်ကြသည်။ ဤဒုက္ခဆင်းရဲခြင်းအတောအတွင်းတွင်၊ လူသားသည် ဤစစ်ဆေးခြင်းကို လက်ခံရန်လိုအပ်ပြီး၊ ဤစစ်ဆေးခြင်းသည် ဘုရားသခင် အမှု၏ နောက်ဆုံး ဖြစ်စဉ်ဖြစ်သည်။ ဘုရားသခင်၏ စီမံခန့်ခွဲခြင်း အမှုအားလုံး အဆုံးမသတ်မီတွင် လူသားက စစ်ဆေးခြင်း ခံရလိမ့်မည်မှာ နောက်ဆုံးအကြိမ်ဖြစ်ပြီး၊ ဘုရားသခင်နောက် လိုက်သည့်သူအားလုံးသည် ဤနောက်ဆုံးစမ်းသပ်ခြင်းနှင့် စစ်ဆေးခြင်းကို လက်ခံရမည်ဖြစ်သည်။ ဒုက္ခဆင်းရဲ၏ ပတ်ချာ ဝိုင်းခံရသော သူများသည်၊ သန့်ရှင်းသော ဝိညာဉ်တော်၏ အလုပ်နှင့် ဘုရားသခင်၏ လမ်းပြခြင်း မရှိသူများ ဖြစ်ကြသည်၊ သို့သော် အမှန်တကယ် သိမ်းပိုက်ခံရပြီးဖြစ်ကာ ဘုရားသခင်ကို အမှန်တကယ် ရှာဖွေသူတို့သည် နောက်ဆုံးတွင် မားမားမတ်မတ် ရပ်တည်နိုင်ကြလိမ့်မည်။ ၎င်းတို့သည် လူ့သဘာဝကို ပိုင်ဆိုင်သူများနှင့် ဘုရားသခင်ကို အမှန်တကယ် ချစ်မြတ်နိုးသူများ ဖြစ်ကြသည်။ ဘုရားသခင် မည်သည့်အရာကိုပင် လုပ်ဆောင်သည်ဖြစ်စေ၊ ဤအောင်နိုင်သူတို့သည် ရူပါရုံများ ကင်းမဲ့လိမ့်မည် မဟုတ်သကဲ့သို့၊ ၎င်းတို့၏ သက်သေခံချက်များတွင် ကျရှုံးခြင်းမရှိဘဲ သမ္မာတရားကို လက်တွေ့လုပ်ဆောင်ဆဲ ဖြစ်လိမ့်မည်။ ၎င်းတို့သည် နောက်ဆုံးတွင် ဒုက္ခဆင်းရဲမှ ထွက်ပေါ်လာမည့်သူများ ဖြစ်သည်။ ဒုက္ခပင်လယ်တွင် ငါးဖမ်းသူများသည် ယနေ့တွင် ကပ်ပါးရပ်ပါးလုပ်နိုင်ကြသေးသော်လည်း၊ မည်သူမျှ နောက်ဆုံးသော ဒုက္ခဆင်းရဲကို မလွှတ်မြောက်နိုင်သကဲ့သို့၊ မည်သူကမျှ နောက်ဆုံးသော စမ်းသပ်ခြင်းကို မလွှတ်မြောက်နိုင်ပေ။...ဘုရားသခင်နောက်သို့ အမှန်တကယ် လိုက်လျှောက် သူများသည် ၎င်းတို့အလုပ်ကို စမ်းသပ်ခြင်းအား ခံနိုင်ရည် ရှိကြသည်၊ သို့ရာတွင် ဘုရားသခင်နောက်သို့ အမှန်တကယ် မလိုက်လျှောက်သူများမှာ ဘုရားသခင်၏ မည်သည့်စစ်ဆေးမှုကိုမျှ ခံရပ်နိုင်စွမ်းမရှိကြပေ။ အနှေးနှင့်အမြန် ၎င်းတို့သည် နှင်ထုတ်ခံရကြလိမ့်မည်ဖြစ်သော်လည်း၊ အောင်နိုင်သူများသည် နိုင်ငံတော်တွင် ကျန်ရှိကြလိမ့်မည်။ လူသားက ဘုရားသခင်ကို အမှန်တကယ် ရှာဖွေသည်၊ မရှာဖွေသည်ကို သူ၏အလုပ်ကို စမ်းသပ်ခြင်းအားဖြင့်၊ ဆိုလိုသည်မှာ ဘုရားသခင်၏ စမ်းသပ်မှုများအားဖြင့်၊ ဆုံးဖြတ်ခြင်းဖြစ်ကာ လူကိုယ်တိုင် ကောက်ချက်ချသည့်အရာနှင့် လားလားမျှ မသက်ဆိုင်ပေ။ ဘုရားသခင်သည် မည်သည့်လူကိုမျှ ပေါ့ပေါ့တန်တန် မငြင်းပယ်ပေ။ သူလုပ်ဆောင်သမျှသည် လူသားကို လုံးဝ လက်ခံယုံကြည်စေနိုင်သည်။ သူသည် လူသားက မမြင်နိုင်သည့် မည်သည့်အရာကိုမျှ၊ သို့မဟုတ် လူသားကို လက်ခံမယုံကြည်စေနိုင်သည့် မည်သည့်အမှုကိုမျှ မလုပ်ဆောင်ပေ။ လူသား၏ ယုံကြည်ခြင်းက မှန်သည်၊ မှားသည်ဆိုသည်ကို အမှန်တရားများအားဖြင့် သက်သေပြခြင်း ဖြစ်ပြီး၊ လူသားက ကောက်ချက်ချ၍ မရနိုင်ပေ။ ‘ဂျုံစပါးပင်ကို တောပင်များအဖြစ်သို့ မပြုလုပ်နိုင်သကဲ့သို့၊ တောပင်များကိုလည်း ဂျုံစပါးပင်အဖြစ်သို့ မပြုလုပ်နိုင်ပါ’ ဆိုသည်မှာ ယုံမှားဖွယ်ရာ မရှိပေ။ ဘုရားသခင်ကို အမှန်တကယ် ချစ်မြတ်နိုးသူများအားလုံးသည် နောက်ဆုံးတွင် နိုင်ငံတော်ထဲ ကျန်ရှိကြလိမ့်မည် ဖြစ်ပြီး၊ သူ့ကို အမှန်တကယ် ချစ်မြတ်နိုးသည့် မည်သူကိုမဆို ဘုရားသခင်က ညံ့ဖျင်းစွာ ဆက်ဆံမည် မဟုတ်ပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်၏ အမှုနှင့် လူ၏လက်တွေ့လုပ်ဆောင်မှု) ဘုရားနှုတ်ကပတ်တော်ကို ဖတ်ပြီးတဲ့နောက်မှာ ဘုရားသခင်ရဲ့ အမှုတော်က အခု အဆုံးသတ်တော့မယ်ဆိုတာ ကျွန်မ နားလည်လိုက်တယ်။ ဒါက လူအမျိုးအစားအားလုံးကို ဘုရားသခင် ထုတ်ဖော်မယ့် အချိန်ပဲ။ စစ်မှန်တဲ့ ယုံကြည်သူတွေနဲ့ မစစ်မှန်တဲ့ ယုံကြည်သူတွေကို ခွဲခြားဖို့၊ ဂျုံပင်နဲ့ ပေါင်းပင်ကို ခွဲခြားဖို့အတွက် အဆင်းနီတဲ့ နဂါးကြီးရဲ့ ဖမ်းဆီးဖိနှိပ်မှုတွေရယ်၊ စမ်းသပ်မှုနဲ့ ဆင်းရဲဒုက္ခအမျိုးမျိုးရယ်ကို ဘုရားသခင်က အသုံးပြုပါတယ်။ စမ်းသပ်မှုတွေက လူတစ်ယောက်ချင်းစီအတွက် ကြီးမားတဲ့ စစ်ဆေးမှုတစ်ခုပဲ။ ဘယ်လို စမ်းသပ်မှုတွေ၊ ဆင်းရဲဒုက္ခတွေပဲ ကျရောက်ပါစေ ဘုရားသခင်ကို အမှန်တကယ် ယုံကြည်ပြီး နောက်လိုက်တဲ့သူတွေက အသင်းတော်ရဲ့ အကျိုးစီးပွားကို သစ္စာဖောက်မဲ့အစား ဇာတိပကတိ ဆင်းရဲဒုက္ခခံမယ်၊ ဒါမှမဟုတ် အသက်ကိုတောင် အဆုံးရှုံးခံကြမှာပဲ။ သူတို့က ဘုရားသခင်ကို အမှီပြုပြီး ခိုင်ခိုင်မာမာ ရပ်တည်နိုင်ကြတယ်။ ဖမ်းဆီးခံခဲ့ရပြီး ရဲတွေရဲ့ အရှက်ခွဲမှုနဲ့ ညှဉ်းပန်းနှိပ်စက်မှုကို ကျော်လွှားနိုင်ခဲ့တဲ့ ညီအစ်ကိုမောင်နှမတွေ အများကြီးလိုပါပဲ။ ရဲတွေက ဘယ်လို ယုတ်မာရက်စက်တဲ့ နည်းလမ်းတွေပဲ သုံးပါစေ၊ သူတို့ ဘယ်တော့မှ ဘုရားသခင်ကို မငြင်းပယ်ဘူး၊ သစ္စာမဖောက်ဘူး။ စစ်မှန်တဲ့ ယုံကြည်ခြင်း မရှိတဲ့သူတွေကျတော့ အပေါ်ယံမှာ ဘယ်လောက်ပဲ စိတ်ထက်သန်တဲ့ပုံပေါက်ပါစေ၊ ဘယ်လောက်ပဲ စွန့်လွှတ်အသုံးခံနိုင်ပါစေ၊ ဒုက္ခခံပြီး အဖိုးအခပေးဆပ်နိုင်ပါစေ၊ သူတို့ရဲ့ ဇာတိပကတိ အကျိုးစီးပွားတွေ ခြိမ်းခြောက်ခံရတာနဲ့ ဘုရားသခင်ကို ငြင်းပယ်ပြီး သစ္စာဖောက်ကြတယ်။ ဒီလူတွေက ဘုရားအိမ်တော်ထဲကို ခိုးဝင်လာတဲ့ အခွင့်ရေးသမားတွေ ဖြစ်ပြီး ဖိနှိပ်မှုနဲ့ ဆင်းရဲဒုက္ခကတစ်ဆင့် ထုတ်ဖော်ခံရတာပါပဲ။ ဒါဟာ ဘုရားသခင်က အဆင်းနီတဲ့ နဂါးကြီးကို အစေခံစေဖို့ အသုံးပြုတယ်ဆိုတဲ့ အဓိပ္ပာယ်ပဲ။ ဒီနည်းနဲ့ စစ်မှန်တဲ့ ယုံကြည်သူတွေနဲ့ မစစ်မှန်တဲ့ ယုံကြည်သူတွေ၊ ဂျုံပင်နဲ့ ပေါင်းပင်တွေ ကွဲပြားသွားတယ်။ ဒါက ဘုရားသခင် အမှုတော်ရဲ့ ဉာဏ်ပညာရှိတဲ့ နေရာပေါ့။ ဘုရားနှုတ်ကပတ်တော်တွေကို တွေးဆမိတော့ ကျွန်မ စိတ်နှလုံးထဲမှာ လင်းလက်သွားတယ်။ ရှောင်တီက အပြင်ပန်းမှာ ဟန်ဆောင်မှုကင်းပြီး သစ္စာရှိတဲ့ပုံပေါက်တယ်၊ ပြီးတော့ ဘုရားသခင်ကို ယုံတဲ့ နှစ်တွေတစ်လျှောက်လုံး သိသာထင်ရှားတဲ့ မကောင်းမှုတစ်ခုမှ မလုပ်ခဲ့တဲ့အပြင် ကောင်းတာတချို့တောင် လုပ်ခဲ့ပေမဲ့ သူက သမ္မာတရားကို စိတ်မဝင်စားခဲ့ဘူး။ ပုံမှန်ဆို သူက ဘုရားနှုတ်ကပတ်တော် မိတ်သဟာယပြုဖို့ ဝန်လေးတယ်။ ဘုရားယုံတာ နှစ်တွေကြာပေမဲ့ သူ့မှာ သမ္မာတရား လက်တွေ့ကျမှု လုံးဝ မရှိဘူး။ အဆင်းနီတဲ့ နဂါးကြီးရဲ့ နှိပ်စက်မှု၊ ခြိမ်းခြောက်မှုနဲ့ သွေးဆောင်မှုတွေကို ရင်ဆိုင်ရတဲ့အခါ သူ ဘုရားသခင်ကို ငြင်းပယ်တယ်၊ သစ္စာဖောက်တယ်၊ ပြီးတော့ အသင်းတော်အလုပ်ကို လုံးဝ သစ္စာဖောက်ပြီး စီစီပီရဲ့ လက်ပါးစေနဲ့ ကြံရာပါ ဖြစ်သွားတယ်။ အရင်တုန်းက အမှုအရာတွေကို သူ စွန့်လွှတ်ပြီး ကိုယ့်ကိုယ်ကိုယ် အသုံးခံခဲ့တာတွေက သမ္မာတရားကို လက်တွေ့လုပ်ဆောင်နေတာ မဟုတ်ဘူးဆိုတာကို အဖြစ်မှန်တွေက ပြနေတယ်။ သူက လေနဲ့ လွင့်ပါသွားတဲ့ တောပေါင်းပင်ပဲ။ သူက ဘုရားသခင်ရဲ့ အမှုတော်ထဲမှာ ထုတ်ဖော်ခံရတဲ့ မယုံကြည်သူ စစ်စစ်ပဲ။ လူတစ်ယောက်မှာ လက်တွေ့ကျမှုရှိမရှိ ဆုံးဖြတ်ဖို့အတွက် အပြင်ပန်းမှာ ကောင်းမှုတွေ ဘယ်လောက်လုပ်ခဲ့သလဲဆိုတာကိုပဲ ကြည့်လို့မရဘူးဆိုတာကိုလည်း ကျွန်မ နားလည်လိုက်တယ်။ အဲဒီအစား ဆင်းရဲဒုက္ခတွေနဲ့ စမ်းသပ်မှုတွေရဲ့ကြားမှာ သမ္မာတရားကို လက်တွေ့လုပ်ဆောင်နိုင်လား၊ သက်သေခံနိုင်လား ဆိုတာကို ကြည့်ဖို့လိုတယ်။ ရှောင်တီလိုပဲ ကျွန်မလည်း အပေါ်ယံ ဒုက္ခခံပြီး ကိုယ့်ကိုယ်ကိုယ် အသုံးခံဖို့ပဲ အာရုံစိုက်ခဲ့တာ၊ သမ္မာတရားမှာ အားထုတ်ဖို့ အာရုံမစိုက်ခဲ့ဘူး၊ သမ္မာတရား လက်တွေ့ကျမှု နည်းနည်းလေးတောင် မရှိဘူးဆိုတာ ကျွန်မ သဘောပေါက်လိုက်မိတယ်။ ရှောင်တီလိုမျိုး ဘုရားသခင်ကို သစ္စာဖောက်တာ ဘာတစ်ခုမှ မလုပ်ခဲ့ပေမဲ့ အန္တရာယ်ရှိတဲ့ ပတ်ဝန်းကျင်တွေ ကျွန်မဆီ ကျရောက်လာတဲ့အခါ ကျွန်မ ကြောက်ရွံ့ထိတ်လန့်ခဲ့တယ်၊ အလုပ်မှာ အပျက်သဘောဆောင်ပြီး ပေါ့လျော့သွားတယ်၊ သက်သေခံချက် ဆုံးရှုံးခဲ့တယ်။ ဒါကို ဆင်ခြင်သုံးသပ်မိတော့ ဘုရားသခင် ပြင်ဆင်ပေးတဲ့ ဒီပတ်ဝန်းကျင်က စမ်းသပ်မှုတစ်ခုတင် မဟုတ်ဘဲ ကျွန်မအတွက် ကယ်တင်ခြင်းလည်း ဖြစ်တယ်လို့ ခံစားရတယ်။ ဒါက ကျွန်မရဲ့ စစ်မှန်တဲ့ ဝိညာဉ်ရင့်ကျက်မှုကို ရှင်းရှင်းလင်းလင်း မြင်ခွင့်ပေးတယ်။ ကျွန်မ အန္တရာယ်နှုတ်ခမ်းဝ ရောက်နေပြီဆိုတာကို မြင်စေတယ်။ သမ္မာတရားကို ဆက်မလိုက်စားဘဲ ဆက်သွားလို့ အဖမ်းခံရတဲ့အခါ ရှောင်တီလိုပဲ ကျွန်မလည်း ထုတ်ဖော်ခံရပြီး ဖယ်ရှားရှင်းလင်းခံရမှာ။ ရှောင်တီရဲ့ ကျရှုံးမှုကို သတိပေးချက်နဲ့ သင်ခန်းစာအဖြစ် ယူဖို့၊ ကိုယ့်ကိုယ်ကိုယ် အပြည့်အဝ ဆင်ခြင်သုံးသပ်ပြီး သိမြင်ဖို့ လိုလားပါတယ်ဆိုပြီး ဘုရားသခင် ရှေ့မှောက်မှာ ကျွန်မ လာပြီးဆုတောင်းလိုက်တယ်။

အဲဒီနောက်မှာ ယုဒတစ်ယောက် သစ္စာဖောက်တာ ခံရပြီးနောက်မှာ အပျက်သဘောဆောင်တဲ့ အခြေအနေမှာ အသက်ရှင်နေရတဲ့ အဓိက အကြောင်းရင်းက ဘာလဲလို့ ကျွန်မ တွေးဆမိတယ်။ ဘုရားနှုတ်ကပတ်တော်တွေကို ကျွန်မ ဖတ်လိုက်တယ်။ “ဘုရားသခင်နောက်လိုက်သူများစွာက ကောင်းချီးမင်္ဂလာများ မည်သို့ရရှိမည် သို့မဟုတ် ကပ်ဘေးကို မည်သို့ တွန်းလှန်ပယ်ရှားရမည်ဆိုသည်ကိုသာ စိတ်ဝင်စားကြသည်။ ဘုရားသခင်၏ အမှုနှင့် စီမံခန့်ခွဲမှုတို့ကို ဖော်ပြလိုက်သည်နှင့်၊ ၎င်းတို့သည် နှုတ်ဆိတ် သွားကြပြီး စိတ်ဝင်စားမှုအားလုံး ပျောက်ဆုံးသွားကြသည်။ ထိုသို့သော ငြီးငွေ့ဖွယ်မေးခွန်းများကို နားလည်ခြင်းသည် ၎င်းတို့၏အသက်တာများကို ကြီးထွားဖို့ သို့မဟုတ် အကျိုးကျေးဇူး တစ်ခုတလေ ပေးဖို့ ကူညီလိမ့်မည် မဟုတ်ဟု ထင်ကြလေသည်။ အကျိုးဆက်အနေဖြင့်၊ ၎င်းတို့သည် ဘုရားသခင်၏စီမံခန့်ခွဲမှုအကြောင်း သတင်းအချက်အလက်ကို ကြားပြီးကြသော်လည်း၊ အလေးအနက်မထားသော ဟန်ပန်ဖြင့် ယင်းကို ချဉ်းကပ်ကြလေသည်။ ၎င်းတို့က ယင်းကို ၎င်းတို့ အသက်တာ၏ အစိတ်အပိုင်းတစ်ခုအဖြစ် ခံယူခြင်းအားဖြင့် သဘောပေါက်နားလည်ဖို့ မဆိုထားနှင့်၊ လက်ခံရမည့် တန်ဖိုးရှိသော အရာတစ်ခုအဖြစ်ပင် မမြင်ကြချေ။ ထိုသို့သော လူတို့သည် ဘုရားသခင် နောက်လိုက်ရာတွင် ရိုးရှင်းသည့် ရည်မှန်းချက်တစ်ခုသာရှိပြီး၊ ယင်းရည်မှန်းချက်မှာ ကောင်းချီးမင်္ဂလာများ ရရှိရန်ဖြစ်သည်။ ထိုသို့သော လူတို့သည် ဤရည်မှန်းချက် တိုက်ရိုက် မပါဝင်သည့် အခြား မည်သည့်အရာကိုမျှ အလေးဂရုပြုဖို့ အပင်ပန်းမခံနိုင်ကြပေ။ ၎င်းတို့အဖို့ ကောင်းချီးမင်္ဂလာများရရှိရန် ဘုရားသခင်ကို ယုံကြည်ခြင်းထက် သာ၍ သဘာဝကျသည့် ရည်မှန်းချက် မရှိချေ။ ယင်းမှာ ၎င်းတို့ယုံကြည်ခြင်း၏ တကယ့်တန်ဖိုး ဖြစ်သည်။ တစ်စုံတစ်ရာသည် ဤရည်မှန်းချက်ကို မပံ့ပိုးပေးပါက၊ ၎င်းတို့သည် ထိုအရာအားဖြင့် လုံးဝ တို့ထိမခံရဘဲရှိမြဲ ရှိကြလေသည်။ ဤသည်မှာ ယနေ့ ဘုရားသခင်၌ ယုံကြည်သူအများစုနှင့် ပတ်သက်သည့် ကိစ္စရပ် ဖြစ်သည်။ ၎င်းတို့အနေဖြင့် ဘုရားသခင်၌ ယုံကြည်သည်နှင့်အမျှ၊ ဘုရားသခင်အတွက်လည်း ၎င်းတို့ အသုံးခံကြသောကြောင့်၊ ဘုရားသခင်ထံ မိမိတို့ကိုယ်ကို ဆက်ကပ် အပ်နှံကြပြီး ၎င်းတို့တာဝန်ကို ထမ်းဆောင်ကြသောကြောင့်၊ ၎င်းတို့၏ ရည်မှန်းချက်နှင့် ရည်ရွယ်ချက်တို့သည် သဘာဝကျပုံပေါ်လေသည်။ ၎င်းတို့သည် ၎င်းတို့၏ငယ်ရွယ်မှုကို စွန့်လွှတ်ကြသည်၊ မိသားစုနှင့် အသက်မွေးအလုပ်တို့ကို စွန့်ပစ်ပြီး၊ မိမိတို့ကိုယ်ကို အလုပ်များစေလျက် အိမ်နှင့်ဝေးရာတွင် နှစ်ပေါင်းများစွာပင် ကုန်ဆုံးကြလေသည်။ ၎င်းတို့၏ နောက်ဆုံးရည်မှန်းချက်ပန်းတိုင်အတွက်၊ ၎င်းတို့သည် မိမိတို့၏ ကိုယ်ပိုင်စိတ်ဝင်စားမှုများကို ပြောင်းလဲကြသည်၊ ဘဝအပေါ် ၎င်းတို့၏ အမြင်နှင့် ၎င်းတို့ ရှာဖွေသည့် ဦးတည်ချက်ကိုပင် ပြောင်းလဲကြသည်။ သို့ရာတွင် ဘုရားသခင်၌ ၎င်းတို့ယုံကြည်မှု၏ ရည်မှန်းချက်ကို မပြောင်းလဲနိုင်ကြပေ။ ၎င်းတို့၏ ကိုယ်ပိုင် ရည်သန်မျှော်မှန်းချက်နှင့်ဆိုင်သည့် စီမံခန့်ခွဲမှုအတွက် ၎င်းတို့ အလုပ်ရှုပ်နေကြသည်။ လမ်းမည်မျှ ဝေးသည်ဖြစ်စေ၊ လမ်းတစ်လျှောက် အခက်အခဲများနှင့် အတားအဆီးများ မည်မျှရှိသည်ဖြစ်စေ၊ ၎င်းတို့သည် မဆုတ်မနစ်ကြိုးပမ်းကြပြီး သေခြင်းကိုမကြောက်ကြချေ။ မည်သည့်တန်ခိုးက ၎င်းတို့ကို ဤနည်းဖြင့် မဖြစ်မနေ ဆက်လက်ဆက်ကပ်စေသနည်း။ ယင်းမှာ ၎င်းတို့၏ အသိစိတ်လော။ ၎င်းတို့၏ ကြီးမြတ်ပြီး မွန်မြတ်သည့် အကျင့်စရိုက်လော။ မကောင်းမှု အင်အားများကို တကယ့်အဆုံးထိ တိုက်ခိုက်ရန်ဖြစ်သည့် ၎င်းတို့၏ စိတ်ပိုင်းဖြတ်ချက်လော။ ယင်းမှာ ဆုလာဘ်ကို မရှာဖွေဘဲ၊ ဘုရားသခင်ကို သက်သေခံရန်ဖြစ်သည့် ၎င်းတို့၏ ယုံကြည်ခြင်းလော။ ယင်းမှာ ဘုရားသခင်၏အလိုကို ဖြည့်ဆည်းရန် အရာရာတိုင်းကို စွန့်လွှတ်ဖို့ လိုလားရာတွင် ၎င်းတို့၏ သစ္စာစောင့်သိမှုလော။ သို့မဟုတ် ယင်းသည် လွန်ကဲသည့် ကိုယ်ရေးကိုယ်တာ တောင်းဆိုချက်များကို အမြဲ လက်လွှတ်ဖို့ဖြစ်သည့် ၎င်းတို့၏ ဆက်ကပ်မှု စိတ်ဓာတ်လော။ အတော်အတန် ရိုးရှင်းစွာပြောရပါက၊ ဘုရားသခင်၏ စီမံခန့်ခွဲခြင်းအမှုကို မည်သည့်အခါတွင်မျှ နားမလည်ဖူးသူအတွက် ဤမျှပေးဆပ်ဆဲဖြစ်ဖို့မှာ အံ့ဩဖွယ်ရာတစ်ခု ဖြစ်ပေသည်။ အချိန်တစ်ခဏကြာ၊ ဤလူတို့ မည်မျှပေးဆပ်ပြီးဖြစ်သည်ကို မဆွေးနွေးကြပါစို့နှင့်။ သို့ရာတွင် ၎င်းတို့၏အပြုအမူကို ငါတို့ အလွန် စိစစ်ထိုက်ပေသည်။ ၎င်းတို့နှင့် အလွန်အနီးကပ် ဆက်စပ်သည့် အကျိုးကျေးဇူးများမှလွဲ၍၊ ဘုရားသခင်ကို မည်သည့်အခါကမျှ နားမလည်ဖူးသော သူတို့က ဘုရားအတွက် အလွန်များလှစွာ ပေးဆပ်ရမည့် အခြားအကြောင်းရင်းတစ်ခုတလေ ရှိနိုင်မည်လော။ ဤတွင် ယခင်က အမည်မဖော်နိုင်ခဲ့သည့် ပြဿနာတစ်ရပ်ကို ငါတို့ ရှာဖွေ တွေ့ရှိပေသည်။ လူသား၏ ဘုရားသခင်နှင့် ဆက်ဆံရေးမှာ ပကတိ မိမိ၏ကိုယ်ကျိုးစီးပွားတစ်ခုမျှသာ ဖြစ်ပေသည်။ ယင်းသည် ကောင်းချီးမင်္ဂလာများ လက်ခံရရှိသူနှင့် ပေးသူတို့အကြား ဆက်ဆံရေးတစ်ခု ဖြစ်သည်။ ရှင်းရှင်းပြောပါက၊ အလုပ်သမားတစ်ဦးနှင့် အလုပ်ရှင်တစ်ဦးတို့အကြား ဆက်ဆံရေးဖြစ်၏။ အလုပ်သမားသည် အလုပ်ရှင် ချပေးသော ဆုလာဘ်များကို လက်ခံရရှိရန်သာ အလုပ်ကြိုးစားလုပ်သည်။ ထိုသို့သော ဆက်ဆံရေးတစ်ရပ်တွင် ချစ်ခင်ခြင်းမရှိပေ၊ အကျိုးစီးပွားကို အရင်းခံသော ဆက်ဆံရေးတစ်ခု၊ အပေးအယူသာ ရှိသည်။ ချစ်ခြင်း သို့မဟုတ် အချစ်ခံရခြင်းမရှိ၊ ပေးကမ်းစွန့်ကြဲခြင်းနှင့် သနားကရုဏာသာ ရှိသည်။ နားလည်မှုမရှိ၊ ခိုကိုးရာမဲ့သော၊ မျိုသိပ်ထားသော နာကြည်းမှုနှင့် လှည့်ဖြားခြင်းသာ ရှိသည်။ ရင်းနှီးမှုမရှိ၊ ဖြတ်သန်းမရနိုင်သည့် ကွာဟချက်သာ ရှိသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆက်တွဲ (၃)- ဘုရားသခင်၏ စီမံခန့်ခွဲမှုအလယ်၌သာ လူသားသည် ကယ်တင်ခြင်း ခံရနိုင်သည်) ဘုရားနှုတ်ကပတ်တော်တွေက လူတွေ ဘုရားသခင်ကို ယုံကြည်တာရဲ့ နောက်ကွယ်က ရည်ရွယ်ချက်တွေနဲ့ အမြင်တွေကို ဖော်ထုတ်ထားတယ်။ လူတွေက သမ္မာတရားနဲ့ အသက်ကို ရဖို့ ဘုရားယုံတာ မဟုတ်ဘူး။ အဲဒီအစား ထာဝရ ကောင်းချီးတွေကို ရဖို့ ယုံကြတာ။ ဘုရားနှုတ်ကပတ်တော်တွေ ဖော်ထုတ်လိုက်တာက ကျွန်မရဲ့ အပြုအမူ အတိအကျပါပဲ။ အရင်တုန်းက ကျွန်မ စိတ်အားထက်ထက်သန်သန်နဲ့ အသုံးခံခဲ့တာတွေကို ဆင်ခြင်သုံးသပ်မိတယ်။ ဘယ်လို အန္တရာယ်တွေပဲ ကျရောက်ပါစေ ကျွန်မ တာဝန်ထမ်းဆောင်တာကို ဘယ်တော့မှ မရပ်တန့်ခဲ့ဘူး။ ဘာလို့လဲဆိုတော့ ဒီလိုသာ ကိုယ့်ကိုယ်ကိုယ် ဆက်ပြီး အသုံးခံရင် ဘုရားသခင်ရဲ့ ကာကွယ်မှုကို ရမယ်၊ နောက်ဆုံးကျရင် ကောင်းမွန်တဲ့ ပန်းတိုင်နဲ့ အဆုံးသတ်ကို ရမယ်လို့ ကျွန်မ ခိုင်ခိုင်မာမာ ယုံကြည်ခဲ့လို့ပဲ။ ယုဒတစ်ယောက်ရဲ့ ရောင်းစားတာကို ခံရပြီး ကျွန်မက အလိုရှိနေတဲ့သူ ဖြစ်လာတဲ့အခါ၊ အချိန်မရွေး အဖမ်းခံရနိုင်တဲ့ အန္တရာယ်ကို ရင်ဆိုင်ရတဲ့အခါ တကယ်လို့ အဖမ်းခံရပြီး နှိပ်စက်တာကို မခံနိုင်ဘဲ ဘုရားသခင်ကို သစ္စာဖောက်လိုက်ရင် ကယ်တင်ခြင်းရဖို့ အခွင့်အရေး ဆုံးရှုံးသွားမှာကို စိတ်ပူခဲ့တယ်။ ကောင်းချီးရဖို့ မျှော်လင့်ချက်တွေ ပျက်သုဉ်းသွားပြီလို့ ခံစားရပြီး ဘုရားသခင်အပေါ် ယုံကြည်ခြင်း ပျောက်ဆုံးသွားတယ်၊ အသင်းတော် အလုပ်ကိုလည်း ဂရုမစိုက်ချင်တော့ဘူး။ ကျွန်မရဲ့ ပေးဆပ်မှုတွေနဲ့ အသုံးခံမှုတွေ အားလုံးကို ကောင်းချီးရချင်တဲ့ လိုအင်ဆန္ဒကပဲ လုံးလုံးလျားလျား တွန်းအားပေးနေတာ ဆိုတာကို ကျွန်မ မြင်လိုက်ရတယ်။ ကောင်းချီးရဖို့ မျှော်လင့်ချက် ရှိတယ်လို့ ခံစားရတုန်းက တာဝန်ထမ်းဆောင်ရာမှာ တက်ကြွပြီး အားရှိခဲ့တယ်။ ဒါပေမဲ့ ကောင်းချီးရဖို့ မျှော်လင့်ချက်တွေ ကွယ်ပျောက်သွားတာကို မြင်တဲ့အခါ ကျွန်မ စိတ်ဓာတ်ကျသွားတယ်။ အရင်တုန်းက ကျွန်မဆီမှာ ရှိခဲ့တဲ့ လိုက်စားလိုစိတ်နဲ့ တာဝန်ထမ်းဆောင်လိုတဲ့ တွန်းအားတွေက မနက်ခင်း မြူနှင်းလိုပဲ ပျောက်လွင့်သွားတယ်။ ကျွန်မ ဘုရားယုံတာ နှစ်တွေကြာပေမဲ့ ဘုရားနဲ့ ကျွန်မရဲ့ ဆက်ဆံရေးက အလုပ်သမားနဲ့ အလုပ်ရှင် ဆက်ဆံရေးလို ဖြစ်နေတယ်ဆိုတာ အဖြစ်မှန်တွေက ပြနေတယ်။ ဘုရားသခင်ဆီကနေ အကျိုးအမြတ်တွေနဲ့ ကောင်းမွန်တဲ့ ပန်းတိုင်ကို ပြန်ရဖို့အတွက်ပဲ ကျွန်မက အပေါ်ယံ ပေးဆပ်ပြီး အသုံးခံခဲ့တာ။ ကျွန်မရဲ့ အသုံးခံမှုက ဘုရားသခင်အပေါ်မှာ ဘာရိုးသားမှုမှ မရှိဘဲ မသန့်စင်မှုတွေ၊ လှည့်ကွက်တွေနဲ့ ပြည့်နေခဲ့တယ်။ ကျွန်မက တကယ်ကို တစ်ကိုယ်ကောင်းဆန်ပြီး ယုတ်ညံ့လို့ ဘုရားသခင်က ကျွန်မကို စက်ဆုပ်ရွံရှာပြီး မုန်းတီးတာပေါ့။ ကျွန်မကို ထုတ်ဖော်ဖို့ ဒီပတ်ဝန်းကျင်ကို ဘုရားသခင်သာ မသုံးခဲ့ရင် ကျွန်မရဲ့ မှားယွင်းတဲ့ လိုက်စားမှု အမြင်တွေကို ဆက်ပြီး ကိုင်စွဲထားမိမှာပဲ။ အဆုံးထိ ယုံကြည်ပြီး နောက်ဆုံးကျမှ ဘုရားသခင်ရဲ့ စွန့်ပစ်ပြီး ဖယ်ရှားရှင်းလင်းတာကို ခံရမှာပဲ။ ဒါကို နားလည်လိုက်တဲ့အခါ ဒီပတ်ဝန်းကျင်တွေကို ဘုရားသခင် စီစဉ်ညွှန်ကြားတာရဲ့ နောက်ကွယ်မှာ ဘုရားသခင်ရဲ့ အပင်ပန်းခံရတဲ့ ရည်ရွယ်ချက် ရှိတယ်လို့ ကျွန်မ ခံစားရတယ်။ ဒါတွေအားလုံးက ကျွန်မ ဘုရားယုံကြည်မှုထဲက အညစ်အကြေးတွေကို သန့်စင်ဖို့၊ ဘာကို လိုက်စားရမယ် ဆိုတာနဲ့ ပတ်သက်တဲ့ မှားယွင်းတဲ့ အမြင်တွေကို ပြောင်းလဲဖို့၊ မှန်ကန်တဲ့ လမ်းကြောင်းကို လျှောက်လှမ်းနိုင်အောင် ဦးဆောင်ပေးဖို့ပါပဲ။ ဒါက ဘုရားသခင်ရဲ့ ချစ်ခြင်းမေတ္တာပါပဲ။ ဒါက ကျွန်မကို ဘုရားသခင် ကယ်တင်တာပါ။ ဒါပေမဲ့ ကျွန်မက ဘုရားသခင်ကို အထင်လွဲပြီး ညည်းညူခဲ့တယ်။ ကျွန်မ တကယ်ကို ဆင်ခြင်တုံတရား ကင်းမဲ့လွန်းတယ်။ ဘုရားသခင်ရဲ့ စိတ်နှလုံးကို ကျွန်မ အရမ်း နာကျင်စေခဲ့တာပဲ။

နောက်ပိုင်းမှာ ကျွန်မ ကြောက်ရွံ့ထိတ်လန့်တဲ့ အခြေအနေမှာ အသက်ရှင်နေရတာက သေမှာကြောက်လို့ ဆိုတာကို ကျွန်မ သဘောပေါက်လိုက်တယ်။ ဒီပြဿနာကို အဓိကထားပြီး ဘုရားနှုတ်ကပတ်တော်တွေကို ကျွန်မ ဖတ်ခဲ့တယ်။ အနန္တတန်ခိုးရှင် ဘုရားသခင် ပြောသည်မှာ “သခင်ယေရှု၏ ထိုတပည့်တော်များသည် မည်သို့ သေဆုံးကြသနည်း။ တပည့်တော်များကြားတွင် မသေမချင်း ကျောက်တုံးဖြင့် ထုသတ်ခံခဲ့ရသူများ၊ မြင်းနောက်မှ ကြိုးဖြင့် ဆွဲခံရသူများ၊ ဇောက်ထိုးမိုးမျှော် ကားစင်တင်ခံရသူများ၊ မြင်းငါးကောင်ဖြင့် ကိုယ်လက်အင်္ဂါများကို တစ်စစီ ဆွဲဖျက်ခံရသူများ ရှိကြသည်။ သေခြင်းတရားမျိုးစုံသည် ၎င်းတို့ပေါ် ကျရောက်ခဲ့သည်။ ၎င်းတို့၏ သေခြင်းတရားများအတွက် အကြောင်းရင်းမှာ အဘယ်နည်း။ ၎င်းတို့သည် ၎င်းတို့၏ ပြစ်မှုများအတွက် ဥပဒေနှင့်လျော်ညီစွာ ကွပ်မျက်ခံရခြင်းလော။ မဟုတ်ပေ၊ ၎င်းတို့သည် သခင်၏ ဧဝံဂေလိကို ဖြန့်ဝေပြီး ကမ္ဘာသူကမ္ဘာသားများ၏ ငြင်းပယ်ခြင်းကို ခံရသောကြောင့် ပြစ်တင်ရှုတ်ချခြင်း၊ ရိုက်နှက်ခြင်း၊ ဆူပူကြိမ်းမောင်းခြင်းနှင့် အသေသတ်ခြင်းတို့ကို ခံခဲ့ရသည်။ ယင်းမှာ ၎င်းတို့ မာတုရဖြစ်ခဲ့သည့် ပုံစံဖြစ်သည်။...ဤသည်မှာ ၎င်းတို့၏ ခန္ဓာကိုယ်များ သေဆုံးပြီး ကွယ်လွန်သွားသည့်ပုံစံ ဖြစ်သည်။ ဤသည်မှာ လူ့လောကမှ ၎င်းတို့ ထွက်ခွာသွားသည့် ပုံစံဖြစ်သည်၊ သို့ရာတွင် ယင်းက ၎င်းတို့၏ အဆုံးသတ်နှင့် တူညီသည်ဟု မဆိုလိုပေ။ ၎င်းတို့၏ သေခြင်းတရားနှင့် ထွက်ခွာခြင်းတို့၏ နည်းလမ်းများမှာ မည်သို့ဖြစ်ပါစေ၊ ယင်းတို့က မည်သို့ဖြစ်ပျက်ခဲ့ပါစေ၊ ဘုရားသခင်က ထိုအသက်များ၏၊ ထိုဖန်ဆင်းခံသတ္တဝါများ၏ နောက်ဆုံး အဆုံးသတ်များကို သတ်မှတ်ခဲ့သည့်ပုံစံ မဟုတ်ပေ။ ဤသည်မှာ သင် မဖြစ်မနေ ရှင်းလင်းစွာ တွေ့ရမည့်အရာ တစ်စုံတစ်ခုဖြစ်သည်။ ဆန့်ကျင်ဘက်အားဖြင့် ၎င်းတို့က ဤလောကကို ပြစ်တင်ရှုတ်ချဖို့နှင့် ဘုရားသခင်၏ လုပ်ဆောင်ချက်များကို သက်သေခံဖို့ ဤနည်းလမ်းများကို အတိအကျအားဖြင့် အသုံးပြုခဲ့ခြင်း ဖြစ်သည်။ ဤဖန်ဆင်းခံ သတ္တဝါများက ၎င်းတို့၏ အဖိုးအတန်ဆုံးသော အသက်များကို အသုံးပြုခဲ့သည်။ ၎င်းတို့က ဘုရားသခင်၏ လုပ်ဆောင်ချက်များကို သက်သေခံဖို့၊ ဘုရားသခင်၏ကြီးမြတ်သော တန်ခိုးကို သက်သေခံဖို့နှင့် ဘုရားသခင်၏ လုပ်ဆောင်ချက်များသည် မှန်ကန်ကြောင်း၊ သခင်ယေရှုသည် ဘုရားသခင်ဖြစ်ကြောင်း၊ သူသည် သခင်နှင့် ဘုရားသခင်၏ လူ့ဇာတိခံ ဇာတိပကတိဖြစ်ကြောင်းတို့ကို စာတန်နှင့် လောကတို့အား ကြေညာဖို့ ၎င်းတို့အသက်၏နောက်ဆုံးအခိုက်အတန့်ကို အသုံးပြုခဲ့ကြသည်။ ၎င်းတို့ အသက်များ၏ နောက်ဆုံး အခိုက်အတန့်အထိတွင်ပင် ၎င်းတို့သည် သခင်ယေရှု၏ နာမတော်ကို မည်သည့်အခါမျှ မငြင်းပယ်ခဲ့ပေ၊ ဤသည်မှာ ဤလောကအပေါ် တရားစီရင်ခြင်းပုံစံတစ်မျိုး မဟုတ်သလော။ ၎င်းတို့က လောကကြီးကို ကြေညာဖို့၊ သခင်ယေရှုသည် သခင်ဖြစ်သည်၊ သခင်ယေရှုသည် ခရစ်တော် ဖြစ်သည်၊ သူသည် ဘုရားသခင်၏ လူ့ဇာတိခံ ဇာတိပကတိဖြစ်သည်၊ လူသားမျိုးနွယ် တစ်ရပ်လုံးအတွက် သူပြုလုပ်ခဲ့သည့် ရွေးနုတ်ခြင်းအမှုတော်သည် ဤလူသားမျိုးနွယ် တစ်ရပ်လုံးကို ဆက်လက် ရှင်သန်ခွင့်ပြုကြောင်းကို လူသားတို့အား အတည်ပြုဖို့ ၎င်းတို့၏အသက်များကို အသုံးပြုခဲ့သည်။ ဤအဖြစ်မှန်သည် ထာဝရမပြောင်းလဲပေ။ သခင်ယေရှု၏ ဧဝံဂေလိတရားကို ဖြန့်ချိခြင်းအတွက် မာတုရဖြစ်ခဲ့သောသူတို့သည် ၎င်းတို့၏တာဝန်ကို မည်သည့်အတိုင်းအတာအထိ ထမ်းဆောင်ခဲ့သနည်း။ ယင်းက အဆုံးစွန်အတိုင်းအတာအထိ ဖြစ်ခဲ့သလော။ အဆုံးစွန်အတိုင်းအတာကို မည်သို့ထင်ရှားစေခဲ့သနည်း။ (၎င်းတို့က ၎င်းတို့၏ အသက်များကို ပူဇော်ဆက်ကပ်ကြသည်။) မှန်ပေသည်၊ ၎င်းတို့သည် ၎င်းတို့၏အသက်များဖြင့် အဖိုးအခကို ပေးဆပ်ခဲ့သည်။ မိသားစု၊ ကြွယ်ဝခြင်းနှင့် ဤအသက်တာ၏ ရုပ်ပိုင်းဆိုင်ရာ အရာဝတ္ထုများသည် အပြင်ပန်းအရာများသာ ဖြစ်သည်။ ကိုယ်နှင့်ဆက်စပ်သည့် တစ်ခုတည်းသော အရာမှာ အသက်ဖြစ်သည်။ အသက်ရှင်သည့် လူတိုင်းအတွက် အသက်သည် တန်ဖိုးအထားထိုက်ဆုံးသော အရာ၊ အဖိုးတန်ဆုံးသော အရာဖြစ်ပြီး ဖြစ်ချင်တော့ ဤလူများသည် လူသားမျိုးနွယ်အတွက် ဘုရားသခင်၏ ချစ်ခြင်းနှင့်ပတ်သက်၍ အတည်ပြုချက် အနေဖြင့်လည်းကောင်း၊ သက်သေခံချက် အနေဖြင့်လည်းကောင်း ၎င်းတို့၏ အဖိုးအတန်ဆုံး ပိုင်ဆိုင်မှုဖြစ်သည့် အသက်ကို ပူဇော်ဆက်ကပ်နိုင်ခဲ့ကြသည်။ ၎င်းတို့ သေဆုံးသည့် နေ့ရက်အထိ ၎င်းတို့သည် ဘုရားသခင်၏နာမတော်ကို မငြင်းပယ်ခဲ့ကြသကဲ့သို့ ဘုရားသခင်၏ အမှုတော်ကိုလည်း မငြင်းပယ်ခဲ့ကြဘဲ ဤအဖြစ်မှန် တည်ရှိမှုအတွက် သက်သေခံဖို့ ၎င်းတို့အသက်၏ နောက်ဆုံးအခိုက်အတန့်များကို အသုံးပြုခဲ့ကြသည်။ ဤသည်မှာ အမြင့်မားဆုံး သက်သေခံသည့် ပုံစံမဟုတ်လော။ ဤသည်မှာ တစ်စုံတစ်ဦး၏တာဝန်ကို ထမ်းဆောင်ဖို့ အကောင်းဆုံး နည်းလမ်းဖြစ်သည်။ ဤသည်မှာ တစ်စုံတစ်ဦး၏တာဝန်ကို ကောင်းမွန်စွာ ဖြည့်ဆည်းခြင်း ဆိုသည့်အရာဖြစ်သည်။” (နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောဆွေးနွေးချက်များ၊ ဧဝံဂေလိတရားဟောခြင်းသည် ယုံကြည်သူများအားလုံး ကောင်းမွန်စွာ ဖြည့်ဆည်းရမည့် တာဝန်ဖြစ်သည်) ဘုရားနှုတ်ကပတ်တော်တွေကို တွေးဆပြီးတဲ့နောက်မှာ ကျွန်မ နားလည်သွားတယ်။ ကျွန်မ အမြဲတမ်း ကြောက်ရွံ့ထိတ်လန့်နေခဲ့တာက ကိုယ့်အသက်ကို အရမ်း တန်ဖိုးထားလွန်းပြီး အဖမ်းခံရမှာ၊ ရိုက်သတ်ခံရမှာကို ကြောက်ခဲ့လို့ပါပဲ။ သေမှာကြောက်တာက ကျွန်မရဲ့ သေနိုင်လောက်တဲ့ အားနည်းချက်ပဲ။ အခု ကျွန်မ အဖမ်းမခံရသေးပေမဲ့ ကိုယ့်တာဝန်ကိုတောင် မထိန်းသိမ်းနိုင်လောက်အောင် ကြောက်နေခဲ့တယ်။ တကယ်လို့ အဖမ်းခံရရင် ခိုင်ခိုင်မာမာ ရပ်တည်နိုင်ဖို့ ပိုလို့တောင် မဖြစ်နိုင်ဘဲ အချိန်မရွေး ဘုရားသခင်ကို သစ္စာဖောက်သွားနိုင်တယ်။ ကျွန်မသာ အဖမ်းခံရမှာကို အမြဲကြောက်ပြီး ကိုယ့်အသက်ဘေးလွတ်ဖို့ပဲ ရှာဖွေရင်း ဒီလိုပုံစံနဲ့ ဆက်ပြီး အသက်ရှင်နေရင် အဲဒီအခါမှာ ဘုရားသခင် မြင်ခဲ့သလိုပဲ ကျွန်တော်နဲ့ လူသေတွေကြားမှာ ဘာကွာခြားချက် ရှိတော့မှာလဲ။ ယုဒ ဖြစ်သွားတဲ့ လူတွေကို ကျွန်မ တွေးကြည့်တယ်။ သူတို့က အသက်ရှင်ဖို့ မက်မောပြီး သေမှာ ကြောက်ကြတယ်။ အသက်ရှင်ဖို့အတွက် ညီအစ်ကိုမောင်နှမတွေကို သစ္စာဖောက်ဖို့၊ ဘုရားသခင်ကို သစ္စာဖောက်ဖို့ ဝန်မလေးကြဘူး။ သူတို့က အရှက်ရစေတဲ့ အမှတ်အသား ဖြစ်လာကြတယ်။ ဒီလို အသက်ရှင်တာ ဘာအဓိပ္ပာယ် ရှိလို့လဲ။ သခင်ယေရှု ပြောခဲ့သည်မှာ။ “အကြင်သူသည် မိမိအသက်ကို ကယ်ဆယ်ခြင်းငှာအလိုရှိ၏။ ထိုသူသည် အသက်ရှုံးလိမ့်မည်။ အကြင်သူသည် ငါ့ကြောင့်အသက်ရှုံး၏၊ ထိုသူသည် အသက်ကို တွေ့လိမ့်မည်။” (ရှင်မဿဲခရစ်ဝင် ၁၆:၂၅) သခင်ယေရှုနောက်လိုက်တဲ့ တပည့်တော်တွေဟာ ဘုရားသခင်ရဲ့ ဧဝံဂေလိတရားကို ဖြန့်ဝေတဲ့အတွက် ဖိနှိပ်တာ ခံခဲ့ရတယ်။ တချို့က မြင်းငါးကောင်ဆွဲပြီး အသတ်ခံရတယ်၊ တချို့က ကျောက်ခဲနဲ့ ပေါက်သတ်ခံရတယ်၊ ပေတရုဆိုရင် ဘုရားသခင်အတွက် ဇောက်ထိုး လက်ဝါးကပ်တိုင်တင် ခံခဲ့ရတယ်။ သူတို့က ဘုရားသခင်အတွက် ထူးကဲတဲ့ သက်သေကို ပေးဖို့ သူတို့အသက်တွေကို အသုံးပြုခဲ့ကြတယ်။ အပြင်ကကြည့်ရင် သူတို့ ဇာတိပကတိ သေသွားပေမဲ့ သူတို့ဝိညာဉ်တွေက ဘုရားသခင်ဆီ ပြန်ရောက်သွားတယ်။ နောက်ဆုံးသော ကာလမှာ ညီအစ်ကိုမောင်နှမ အများကြီးက ဘုရားသခင်ရဲ့ နိုင်ငံတော် ဧဝံဂေလိတရားကို ဖြန့်ဝေတဲ့အတွက် စီစီပီ ဖမ်းဆီးတာကို ခံရပြီး နှိပ်စက်မှု အမျိုးမျိုးကို ခံစားခဲ့ရတယ်။ ရိုက်သတ်ခံရရင်တောင်၊ ဒုက္ခိတ ဖြစ်သွားရင်တောင် ဘုရားသခင်ကို သူတို့ မငြင်းပယ်ကြဘူး။ ဒါက ဖြောင့်မတ်ခြင်းအတွက် ဖိနှိပ်ခံရတာပဲ။ ဒါက တန်ဖိုးအရှိဆုံးနဲ့ အဓိပ္ပာယ်အရှိဆုံးအရာပဲ။ သူတို့နဲ့ ယှဉ်လိုက်ရင် ကျွန်မ တကယ်ကို ရှက်မိတယ်။ ဖိနှိပ်မှုတွေ၊ ဆင်းရဲဒုက္ခတွေ ကြားထဲမှာ ကျွန်မ တာဝန်ကို ထမ်းဆောင်ရမယ်။ စီစီပီက ကျွန်မကို ဖမ်းပြီး ရိုက်သတ်ရင်တောင်၊ ဒုက္ခိတ ဖြစ်သွားရင်တောင် အဲဒါက ဖြောင့်မတ်ခြင်းအတွက် ဒုက္ခခံရတာပဲ။ တကယ်လို့ ကျွန်မ သေသွားရင်တောင် အဲဒါက ဂုဏ်ရှိရှိ သေဆုံးခြင်းပဲ။

၂၀၂၄၊ ဇွန်လမှာ ကျွန်မ စာတစ်စောင် ရတယ်။ အဖမ်းခံရပြီး ပြန်လွတ်လာတဲ့ ညီအစ်မတစ်ယောက်က ပြောတယ်၊ ရဲတွေက သူ့ကို စစ်ဆေးမေးမြန်းတုန်းက မနှစ်က ကျွန်မတို့ တာဝန်ထမ်းဆောင်တဲ့ အသေးစိတ် အချက်အလက် အကြောင်းတွေချည်းပဲတဲ့။ ကျွန်မ ကိုယ့်ဘာသာကိုယ် တွေးမိတယ်၊ “စီစီပီက ဒီလောက် အသေးစိတ် စစ်ဆေးမေးမြန်းနေတာ၊ ဘယ်လိုနည်းနဲ့မဆို ငါတို့ကို ရှာဖို့ စိတ်ပိုင်းဖြတ်ထားတာပဲ။ ငါတို့ကို တစ်ယောက်မကျန် ဖမ်းချင်နေတာ” လို့ပေါ့။ ကျွန်မ နည်းနည်းတော့ စိတ်လှုပ်ရှားမိတယ်။ “အခု စီစီပီက ငါတို့ကို လိုက်ဖမ်းဖို့ ကြိုးစားနေတုန်းပဲ။ ငါက ကြီးကြပ်ရေးမှူးဆိုတော့ သူတို့ အလိုရှိနေတဲ့သူတွေထဲမှာ ပါနေတာပေါ့။ ရဲတွေက ငါ့ကို ဖမ်းမိတာနဲ့ သေလုမြောပါးဖြစ်အောင် သေချာပေါက် ရိုက်မှာ။ ငါသာ ရိုက်လို့ သေသွားရင် တာဝန်ထမ်းဆောင်ဖို့ အခွင့်အရေး တစ်ခုမှ ရှိမှာ မဟုတ်တော့ဘူး။ အဲဒီအခါကျရင် သမ္မာတရားကို ဘယ်လိုလိုက်စားပြီး ကယ်တင်ခြင်းကို ဘယ်လိုရရှိနိုင်မှာလဲ” လို့ပေါ့။ ကျွန်မ ကိုယ့်အကျိုးစီးပွားအတွက် ထပ်စဉ်းစားမိနေပြီ ဆိုတာကို သဘောပေါက်လိုက်တယ်။ “အန္တရာယ်များသော ဧဝံဂေလိခရီး” ဆိုတဲ့ ရုပ်ရှင် ဇာတ်သိမ်းခန်းကို ကျွန်မ သတိရမိတယ်။ ဇာတ်လိုက်ကို အဆုံးထိ စီစီပီက လိုက်ဖမ်းခဲ့တယ်။ ဒါပေမဲ့ သူက ဧဝံဂေလိတရားကို ဟောပြောပြီး ဘုရားသခင်အတွက် သက်သေခံတုန်းပဲ။ ဒီအခန်းနဲ့ ဇာတ်သိမ်းသီချင်းကို သတိရမိတဲ့အခါ ကျွန်မ ရင်ထဲမှာ အကြီးအကျယ် ခွန်အားရသွားတယ်။ အဆင်းနီတဲ့ နဂါးကြီးရဲ့ တိုင်းပြည်မှာ ဘုရားသခင်ကို ယုံကြည်ဖို့ ဘုရားသခင်က ကျွန်မကို အမိန့်ချမှတ်ခဲ့တာဖြစ်လို့ ဒုက္ခခံလိုစိတ် ကျွန်မမှာ ရှိရမယ်။ ကိုယ့်အသက်ကို စွန့်ဖို့ အသင့်ဖြစ်ရမယ်၊ မဟုတ်ရင် ဒီလမ်းကြောင်းကို ကျွန်မ ဆက်လျှောက်နိုင်မှာ မဟုတ်ဘူး။ နောက်ထပ် ဘယ်လို ပတ်ဝန်းကျင်မျိုးပဲ ကြုံရပါစေ၊ အချိန်တိုင်းမှာ ကျွန်မ တာဝန်ကို စွဲကိုင်ထားရမယ်။ နောက်ပိုင်းမှာ ကျွန်မနဲ့ တွဲဖက်လုပ်တဲ့ ညီအစ်မနဲ့ ကျွန်မ လူခွဲပြီး လှုပ်ရှားကြတယ်။ ကာကွယ်ရေး အစီအမံတွေ ဘယ်လိုလုပ်ဆောင်ရမလဲ ဆိုတာကို ညီအစ်ကိုမောင်နှမတွေနဲ့ မိတ်သဟာယ ပြုကြတယ်။ လုံခြုံရေးကို ဂရုစိုက်ရင်းနဲ့ပဲ ကျွန်မတို့ တာဝန်တွေကို မလျှော့တမ်း ထမ်းဆောင်ကြတုန်းပဲ။ စီစီပီ လိုက်ဖမ်းတာ ခံရပြီး နေရာအနှံ့ ထွက်ပြေးခဲ့ရတဲ့ ပြီးခဲ့တဲ့ တစ်နှစ်ကျော်ကာလကို ပြန်ကြည့်လိုက်တော့ ဒုက္ခဆင်းရဲတွေ၊ စစ်ဆေးခြင်းတချို့ ကြုံခဲ့ရပေမဲ့ ကျွန်မ ရလိုက်တဲ့အရာတွေက သက်သောင့်သက်သာရှိတဲ့ ပတ်ဝန်းကျင်မှာ မရနိုင်တဲ့အရာတွေပါ။ ဘုရားသခင် မိန့်တော်မူသလိုပါပဲ။ “ငါ့ကို ပြောလော့၊ ကမ္ဘာအနှံ့ရှိ ဘီလီယံနှင့်ချီသော လူများထဲတွင် မည်သူသည် အလွန်များသည့် ဘုရားသခင်၏ နှုတ်ကပတ်တော်များကို ကြားရန်၊ အသက်၏ အလွန်များသည့် သမ္မာတရားများစွာကို သိနားလည်ပြီး အလွန်များသည့် နက်နဲမှုများစွာကို နားလည်ရန် အလွန် ကောင်းချီးခံစားရသနည်း။ ထိုသူတို့ထဲမှ မည်သူသည် ဘုရားသခင်၏ လမ်းပြမှု၊ ထောက်ပံ့မှု၊ သူ၏ စောင့်ရှောက်ခြင်းနှင့် ကွယ်ကာမှုတို့ကို ကိုယ်တိုင်ကိုယ်ကျ ရရှိပါသနည်း။ မည်သူသည် အလွန် ကောင်းချီးခံစားရသနည်း။ အလွန် နည်းပါး၏။ ထို့ကြောင့် ယနေ့တွင် ဘုရားအိမ်တော်၌ အသက်ရှင်နေနိုင်ကြသည့်၊ သူ၏ ကယ်တင်ခြင်းကို ရရှိပြီး သူ၏ ထောက်ပံ့မှုကို ရရှိနေနိုင်ကြသည့် သင်တို့ အနည်းငယ်သည် ထိုအရာအားလုံးကို ရရှိသောကြောင့် ယခု သေမည်ဆိုလျှင်ပင် တန်ပေသည်။ သင်တို့သည် အလွန် ကောင်းချီးခံစားကြရ၏၊ မှန်သည် မဟုတ်လော။ (မှန်ပါသည်။) ထိုအရာကို ဤရှုထောင့်အမြင်မှ ကြည့်သည့်အခါ သေခြင်းနှင့်ဆိုင်သည့် ကိစ္စအားဖြင့် သင်တို့ အလွန့်အလွန် မကြောက်လန့်သင့်သကဲ့သို့ ထိုအရာအားဖြင့် ဘောင်ခတ်မခံသင့်ကြပေ။ လောက၏ ဂုဏ်အသရေနှင့် ကြွယ်ဝချမ်းသာမှု တစ်ခုတလေကို သင်မမွေ့လျော်ရသေးသော်လည်း ဖန်ဆင်းရှင်၏ သနားခြင်း ကရုဏာကို ရရှိပြီးဖြစ်ကာ အလွန်များသည့် ဘုရားနှုတ်ကပတ်တော်များကို ကြားရပြီးဖြစ်သည်။ ဤသည်မှာ အလွန့်အလွန် ပျော်ရွှင်ဖွယ်ဖြစ်သည် မဟုတ်လော။ (ဟုတ်ပါသည်။) ဤဘဝတွင် နှစ်ပေါင်းမည်မျှကြာ သင် အသက်ရှင်သည်ဖြစ်စေ၊ ဘုရားအမှုတော်ရှိ သင်၏ တာဝန်ကို သင် စဉ်ဆက်မပြတ် ထမ်းဆောင်နေပြီးဖြစ်သောကြောင့်၊ သမ္မာတရားကို သင်နားလည်ပြီးဖြစ်သောကြောင့်၊ အသက်၏ နက်နဲမှုများကို နားလည်ပြီးဖြစ်ကာ ဘဝတွင် သင် လိုက်စားသင့်သည့် လမ်းကြောင်းနှင့် ပန်းတိုင်များကို နားလည်ပြီးဖြစ်သောကြောင့် အားလုံး တန်နေကာ သင်သည် အလွန်များစွာ ရရှိပြီးဖြစ်သဖြင့် သင့်ထံတွင် နောင်တမရှိပေ။ သင်သည် အကျိုးရှိသော ဘဝတစ်ခုကို အသက်ရှင်ပြီးဖြစ်သည်။ ထိုအရာကို သင် အလွန် ရှင်းလင်းစွာ မရှင်းပြနိုင်လျှင်ပင် အချို့သော သမ္မာတရားများကို လက်တွေ့လုပ်ဆောင်နိုင်ပြီး အချို့သော စစ်မှန်မှုကို ပိုင်ဆိုင်နိုင်ကာ ယင်းက သင်သည် အချို့သော အသက် အထောက်အပံ့ကို ရရှိပြီးဖြစ်သကဲ့သို့ ဘုရားသခင်၏ အမှုတော်မှ အချို့သော သမ္မာတရားများကို နားလည်ပြီးဖြစ်ကြောင်း သက်သေပြပေသည်။ သင်သည် အလွန်များစွာ၊ စစ်မှန်သော ကြွယ်ဝချမ်းသာမှုတစ်ခုကို ရရှိပြီးဖြစ်ကာ ယင်းမှာ အင်မတန် ကြီးမားသည့် ကောင်းချီးမင်္ဂလာ တစ်ခုပါတကား။ လူသား သမိုင်းအစကတည်းက ခေတ်ကာလတစ်လျှောက်လုံးတွင် မည်သူကမျှ ဤကောင်းချီးမင်္ဂလာကို မွေ့လျော်ရခြင်း မရှိသေးသည့်တိုင် သင်သည် မွေ့လျော်နေရ၏။ ယခုတွင် သင် သေဆုံးရန် လိုလားနေသလော။ ထိုသို့သော လိုလားမှုဖြင့် သေခြင်းအပေါ် သင်၏ သဘောထားသည် အမှန်တကယ် ကျိုးနွံနာခံတတ်ပေမည်၊ ဟုတ်ပါသလော။ (ဟုတ်ပါသည်။)” (နှုတ်ကပတ်တော်၊ အတွဲ (၆)၊ သမ္မာတရားကို လိုက်စားခြင်းနှင့် စပ်လျဉ်း၍၊ သမ္မာတရားကို လိုက်စားရန်နည်းလမ်း (၄)) ကျွန်မ ဘယ်လောက် ဖောက်ပြန်ပျက်စီးလဲ ဆိုတာ တွေးမိတယ်။ ဒါပေမဲ့ ဒီနေ့မှာ ဘုရားနောက်လိုက်ဖို့ ကျွန်မ ကံထူးနေတုန်းပဲ။ ပြီးတော့ အဆင်းနီတဲ့ နဂါးကြီးရဲ့ တိုင်းပြည်မှာ ဖိနှိပ်မှုနဲ့ ဆင်းရဲဒုက္ခကို ကြုံတွေ့ရပြီး နိုင်ငံတော်ရဲ့ လေ့ကျင့်မှုကို လက်ခံရဖို့အတွက် ကျွန်မ ကံကောင်းတယ်။ ဒါက ကျွန်မရဲ့ အကြီးမားဆုံး ကောင်းချီးပါပဲ။ ဒီပတ်ဝန်းကျင်ရဲ့ ထုတ်ဖော်မှုထဲမှာ ကျွန်မရဲ့ စစ်မှန်တဲ့ ဝိညာဉ်ရင့်ကျက်မှုကို ရှင်းရှင်းလင်းလင်း မြင်ခဲ့ရတယ်။ ကောင်းချီးရဖို့ လိုက်စားတဲ့ ကျွန်မရဲ့ အမြင်နဲ့ ဘုရားယုံကြည်မှုမှာ လျှောက်ခဲ့တဲ့ မှားယွင်းတဲ့ လမ်းကြောင်းကို အတော်အတန် ပြောင်းလဲခဲ့တယ်။ ဒါက ကျွန်မအတွက် ဘုရားသခင်ရဲ့ ကောင်းချီးပါပဲ။ ဒီလို တွေးမိတော့ ကျေးဇူးတင်လွန်းလို့ မျက်ရည်ကျမိတယ်။ အဲဒီအချိန်က ခံစားချက်ကို ဖော်ပြဖို့ ဘယ်လို စကားလုံး သုံးရမှန်းတောင် မသိတော့ဘူး။ ရင်ထဲမှာ ဘုရားသခင်ကိုပဲ မပြတ် ကျေးဇူးတင်နေမိတယ်။ အခုတော့ ပတ်ဝန်းကျင်က ဘယ်လောက်ပဲ အန္တရာယ်များပါစေ၊ အနာဂတ်မှာ ကောင်းမွန်တဲ့ အဆုံးသတ်နဲ့ ပန်းတိုင် ရသည်ဖြစ်စေ၊ မရသည်ဖြစ်စေ၊ ဘုရားသခင်ရဲ့ အချုပ်အခြာအာဏာနဲ့ အစီအစဉ်တွေကို ကျိုးနွံနာခံပြီး ကိုယ့်တာဝန်ကို ကောင်းကောင်းဖြည့်ဆည်းဖို့ ကျွန်မ လိုလားနေပါတယ်။